HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Lub Koom Txoos Kav Tos Liv yog tus ncej hluav taws cig cig coj tsoom neeg Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


2 posters

    Lub Koom Txoos Kav Tos Liv yog tus ncej hluav taws cig cig coj tsoom neeg

    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub Koom Txoos Kav Tos Liv yog tus ncej hluav taws cig cig coj tsoom neeg Empty Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Tub Kawm 15th October 2013, 12:30 pm



    Nyob zoo sawv daws thov nug nej txhua leej, nej puas tau pom phau me nyuam ntawv me me qhia txog lub Koom Txoos Kav Tos Liv Catholic, yog tus ncej hluav tawg cig cig coj tsoom neeg? Yog nej muaj no coj tuaj tso rau hauv no kom sawv daws tau nyeem.
    Phau ntawv ntawd yog, Paj Vaj (Niam Txhiaj Vwj Yaj) thiab
    TP Txhiaj Foom.
    Thiab cov Xib Hwb hauv Lub Koom Txoos "HANCA" ua tus tsim tawm.
    Phau ntawv ntawd muaj 7 zaj xwb.

    Yog nej muaj thiab pom no tuaj tso rau peb tau saib og.
    Yog nej tsi tau muaj no kuv mam coj tuaj tso los tsi ua cas. Tiam sis kuv sau ntawv qeeb thiab tsi yooj yim sau li kuv xav thov nej pab.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Lub Koom Txoos Kav Tos Liv yog tus ncej hluav taws cig cig coj tsoom neeg Empty Re: Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Maiv Tooj 16th October 2013, 8:37 am

    Nyob zoo Tub Kawm,

    Kuv tsis tau phau ntawv koj hais no, tau muaj 2-3 xyoos nram ntej, TP.Txhiaj Foom xa tau ib phau ntawv qhia Ntuj Kev Cai rau kuv saib. Thaum ntawd nws tseem tab tom npaj xwb, tab sis yog thaum ua tau lawm no kuv tsis tau tau; tej zaud Mim yuav muaj phau ntawv ntawd, tab sis ib ntus no Mim kuj tsis khoom tuaj tso rau peb lawm thiab. Ua li, yog koj muaj caij ntau tau cov ntawv no koj ho tuaj tso rau peb sawv daws nyeem thiab kawm.

    Lub Koom Txoos Kav Tos Liv yog tus ncej hluav taws cig cig coj tsoom neeg Captur10
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub Koom Txoos Kav Tos Liv yog tus ncej hluav taws cig cig coj tsoom neeg Empty Re: Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Tub Kawm 1st September 2014, 11:44 am

    LUS CEV PHAU NTAWV

    Nyob zoo tsoom hmoob hmov tshua sawv daws,
    nyob hauv phau ntawv no, qhia txog txoj kev ntseeg los kev tseem ceeb (lub ntsiab) hauv lub Koom Txoos Kav Tos Liv.

    Phau ntawv no yog ib phau ntawv me me kom tau pab tus nee ntseeg, thiab cov tsi tau ntseeg, to taub thiab paub txog yam lub Koom Txoos Kav Tos Liv coj, ua, thiab ntseeg.

    Txij lub Koom Txoos Kav Tos Liv lub hauv paus los, Paj Lug muab lub Koom Txoos piv rau tus ncej hluav taws, vim tia thaum ub, cov His Xas Lais tsiv hauv Hais Nkws Tos teb mus txog teb chaw suab puam, mas Tswv Ntuj tso ib tus ncej hluav taws cig cig mus ua lawv ntej, kom lawv pom kev hmo ntuj (Kev Tsiv 13, 21 + 2 Tis Mos Tes 3, 15)
    lub Koom Txoos Kav Tos Liv yog tus ncej hluav taws tshiab ua cig rau neeg, kom pom kev hauv qhov tsau ntuj.
    Vim, Leem Ntuj Plig Ntshiab cig hauv Lub Koom Txoos. (Zam 16,13)

    Yes xus hais meej rau cov Hauv Paus Xa Lus tias: " Leej twg mloo nej, yog mloog kuv. Leej twg tsi mloog nej mas yog tsi mloog kuv" (Lus Kas 10,16).
    Tus ua mloog lub Koom Txoos lus qhia, yog nws mloog Yes xus lus qhia.
    Yes xus cov lus tias nws yuav coj nws lub Koom Txoos kev mus rau qhov tseeb. Yog li ntawd, peb hais tau tias: Yes xus lub Koom Txoos qhia Yes Xus cov lus tseeb.


    Last edited by Tub Kawm on 12th October 2014, 8:00 am; edited 1 time in total
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub Koom Txoos Kav Tos Liv yog tus ncej hluav taws cig cig coj tsoom neeg Empty Re: Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Tub Kawm 27th September 2014, 3:26 am

    Kwv tij sawv daws, peb ua neej nyob, tsi hais leej twg, nyias yeej xav nyias twm ywm hais tias: "Kuv txoj sia tshwm qhov twg los? Vim li cas kuv thiaj yug los ua ib leej tib neeg nyob rau hauv lub ntiaj teb no? Thaum kuv hla lub ntiaj teb no tas lawm ne, puas tshuav dab tsi? Kuv yuav mus qhov twg?"

    Lub Koom Txoos Kav Tos Liv muaj cov lus teb koj, kom koj paub tseeb tias peb txoj sia los qhov twg los, thiab yuav ua neej zoo lia cas kom tau txoj siab nyob fab lwm tiam. Thaum koj twm phau ntawv no tas, mas koj yuav pom tseeb tias lub Koom Txoos khaws tau qhov tseeb cia rau hauv ntiaj teb neeg tias.
    Yog koj muaj lus nug dab tsi, thov koj sau ntawv mus rau HANCA (Hmong-American National Catholic Association)

    Cov neeg tsim phau ntawv yog:
    Paj Vaj (niam Txhiaj Vwj Yaj)
    TP Txhiaj Foom
    thiab cov Xib Hwb hauv lub Koom Txoos "HANCA"
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub Koom Txoos Kav Tos Liv yog tus ncej hluav taws cig cig coj tsoom neeg Empty Re: Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Tub Kawm 25th October 2014, 4:28 am

    Zaj 1, LUB KOOM TXOOS KAV TOS LIV (CATHOLIC) YOG LUB HAUV PAUS.

    Huab Tais Yes Xus cog lus tias, Nws lub Koom Txoos yuav nyob mus li. Nws tsa lub Koom Txoos rau saum Pob Zeb. Kev daws, kev cuav, yuav tsi yeej lub Koom Txoos.(Mt 16, 13-19)


    Vim li cas thiaj hu hais tias lub Koom Txoos Kav Tos Liv, yog lub hauv paus?
    -Yog vim thaum HT Yes xus los ua neej nyob mas Yes Xus tsua tsa tib lub Koom Txoos xwb. Yes Xus hais rau rau Xis Moos tias: "Koj lub npe yuav hu Pob Zeb, Kuv yuav txhim kuv lub Koom Txoos rau saum lub pob zeb no, dab phem cov rooj loog yuav tiv tsi tau lub pob zeb no".
    Li ntawd, thiaj hu tias lub koom txoos Kav Tos Liv yog lub hauv paus.

    Muab xam thaum lub sij hawm Yes Xus ua nej nyob los txog rau xyoo 1053 mas yeej tsi tau muaj cov me nyuam Koom txoos li niaj hnub nyem no. Tiam sis neeg tsi to taub mas thiaj muaj kev sib ncaim.
    Peb rov mus saib txuas ntxiv saib kev sib ncaim cov me nyuam Koom Txoos, ncai ntawm lub Koom Txoos KTL Catholic ncaim rau xyoo twg.

    KEV SIB NCAIM
    Xyoo 1054 thiaj muaj ib pab ncaim ntawm lub Koom Txoos Kav Liv Catholic.
    Lawv hu ua lub Koom Txoos "Orthodox."
    Rov txog xyoog 1517 tseem muaj ib pab tau ncaim ntawm lub Koom Txoos Catholic ntxiv thiab. Cov ncaim ntawd hu "Protestants", thiab tseem muaj ntau ntau pab ncaim ntawm cov Protestants mus yuav lwm lub npe tshiab, lawv ua lawv ib pab, qee zaug tsi muaj sib haum, kuj muaj.

    Lub Koom Txoos Kav Tos Liv yog lub Koom Txoos uas Yes Xus tau tsa, thaum Nws tseem ua neej Nyob ntiaj teb no.
    Lub Koom Txoos no ciaj siaj tau 2000 xyoo ntau lawm.

    Tas lwm cov Koom Txoos huv tib si, xws li cov Orthodox, Protestants, los lwm cov Koom Txoos yog tej tus ceg ncaim ntawm lub Koom Txoos Catholic mus.
    Lawv tsi yog tus txha ntoo uas Yes Xus tau cog cia, tsuas yog cov ceg xwb.
    Yog tias lub Koom Txoos Catholic no tsuas yog neeg ib lub Koom Haum xwb, mas nws twb ploj lawm ntxov.
    Tab si lub Koom Txoos no txoj sia yog los ntawm Tswv Ntuj los, hos tus ntau thawj yog Leej Ntuj Plig Ntshiab, ces nws thiaj hla kev tsim txom, kev raug luas hiam, kev rhuav, kev tuag tau ob txhiab ntau xyoo tsis kav, tsi ploj.




    Last edited by Tub Kawm on 1st November 2014, 4:35 pm; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Lub Koom Txoos Kav Tos Liv yog tus ncej hluav taws cig cig coj tsoom neeg Empty Re: Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Maiv Tooj 25th October 2014, 9:26 am



    Nyob zoo Tub Kawm,

    Yog kawg, thaum ntej mas lub Koom Txoos yog tib lub hauv paus xwb, tab sis ntev los ces ib cov neeg muaj tswv yim tshiab, xav ua yam tshiab tsis kam mloog lub Koom Txoos lus ces thiaj li sib cais, sib ncaim lawm. Tej no cov Yaj Saub thiab Huab Tais Yes Xus yeej tau hais ua ntej tag lawm. Leej twg xav tias nws ntse tshaj lub Koom Txoos lawm ces nws xav ncaim los nws ncaim nws mus; yeej mus tsis tom thawj li. Yog tim li cas, lub tsho tshaj sab uas thaum Yes Xus tuag, nws hnav es yog tib po ntaub thoob plaws ped rau nrad, tsis muaj leej leeg xaws li, cov peeb ho tsis muab dua sib faib, lawv ho ntau kuam seb leej twg tau xwb, qhov nov yog txhais hais tias Tswv Ntuj lub Koom Tsoos yuav tsum nyob ua ke tsis sib tawg li no.

    Cov Orthodox mas yog lawv chim tias thaum lub keeb, cov Los Mas tsim cov Catholic heev ces yog tias lub Koom Txoos los koom tes nrog cov Vaj Txheeb Los Mas lawm ces lawv thiaj li tawg lawm tsis kam koom nrog Pob Zeb lub Koom Txoos lawm xwb.

    Cov Cop mas yog lawv sib ncaim thaum HT.Yes Xus tuag tag es cov Thawj Tim sib faib mus tshaj Ntuj Lus ces tsis sib hnov moo lawm, lawv thiaj li coj txawv cov Catholic mes ntsis xwb.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub Koom Txoos Kav Tos Liv yog tus ncej hluav taws cig cig coj tsoom neeg Empty Re: Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Tub Kawm 1st November 2014, 5:01 pm

    PLAUB LUB THWJ UA CIM QHIA NTIAJ TEB NEEG KOM ZEEM TSEEB TAU LUB KOOM TXOOS.

    1. Tsuas muaj tib lu Koo Txoos Kav Tos Liv nkaus xwb.
    2. Lub Koom Txoos yog ib lub Txoos Ntshiab.
    3. Lub Koom Txoos yog cia rau lub qab ntuj neeg.
    4. Lub Koom Txoos txhawv ntawm cov hauv paus xa lus los.

    1. Vim li cas ho hais tias: Tsuas muaj tib lub Koom Txoos Kav Tos Liv (Catholic) xwb?
    Yog vim Yes Xus tau tsim tib lub Koom txoos xwb. Nws tsi tau tsim ntau phlaj Koom Txoos.
    Txij lub hauv paus los, Vaj Qhia thiab cov Tswv Qhia koom qhia tib txoj kev ntseeg, tsi tau hloov cov lus uas Yes Xus tau tshaj rau Nws 12 leej thwj tim li. (LM 12, 5: 1KLN 10, 17+12, 13; Z 16, 12-13; CCC 813-822)

    2. Vim li cas lub Koom Txoos yog ib lub Txoos Ntshiab?
    Yog vim Yes Xus pub Nws lub txiaj ntsim kom lub Koom Txoos ntshiab xws li Yes Xus uas yog tus Huab Tais siab ntshiab. Qhov no tsi txhais tias tas tsoom ntseeg yuav muaj lub siab dawb, siab huv tas huv tib si. Yes Xus hais tais: yuav muaj neem phem neeg zoo nyob sib xyaw ntxaws hauv lub Koom Txoos. ( MT 13, 24-30), thiab yuav tsi yog tas txhua leej txhua tus mus hauv ntuj lub Qaum Ntuj (Ceeb Tsheej). (MT 7, 21-23+ 13, 24-30).

    Lub Koom Txoos tus yog Leej Ntuj Plig Ntshiab. Lub Koom Txoos tuav cov ciav dej uas Yes Xus cov txiaj ntsim ntwg los rau neeg. Cov ciav dej ntawd yog lub Koom Txoos xya lub Cim. (EFX 5, 25-27; CCC 823-829)

    3. Vim li cas lub Koom Txoos cia rau lub qab ntuj neeg?
    Yog vim Yes Xus lub Koom Txoos hu ua Kav Tos Liv, txhais tias: Cia rau lub qab ntuj neeg. Nws vam tas txhua leej tib neeg nyob hauv lub qab ntuj no.
    Lub Koom Txoos tshaj lub Moo Zoo tau 2000 ntau xyoo los txog tav no, tseem yuav tshaj ntxiv mus txog hnub lub ntiaj teb kawg.

    Lawv pib hu lub npe Kav Tos Liv ze xyoo 107. Thaum ntawd lawv twb hu siav npe tau ntev lawm. (MT 28, 19-20; CCC 830-856)

    4. Vim li cas lub Koom Txoos txhawv ntawm cov HAUV PAUS XA LUS los?
    Vim lub Koom Txoos tau lub npe tias: Koom Txoos Xa Lus. Yog vim thawj pab neeg, uas tau saib lub Koom Txoos, yog cov Hauv Paus Xa Lus.
    Cov Tswv Qhia sawv sawv cov Hauv Paus Xa Lus chaw. Lawv qhia txoj kev ntseeg uas los ntawm cov Hauv Paus Xa Lus los.
    Txhua yam ua cov Hauv Paus Xa Lus tau qhia, mas peb ntseeg tas huv tib si. Peb pom tias txhua yam mus raws li qhov tseeb, tsi muaj ib yam das los ib yam cuav txuam xyaw.
    Lub Koom Txoos ntseeg tib txoj kev txij lub hauv paus los txog tav no.
    Tsi muaj lwm lub Koom Txoos yuav muaj cuab kav hais zoo li ntawd. (EFX 2, 19-20; CCC 857-865)

    5. LUB KOOM TXOOS KAV TOS LIV THIAB COV KOOM TXOOS NCAIM LUB HAUV PAUS:
    Pib xyoo 33 mus txog xyoo1000, mas muaj ib lub Koom Txoos xwb: yog lub Koom Txoos Catholic.

    Xyoo 1054 mam li pib muaj lub Koom Txoos ncaim "Orthodox"

    xyoo 1517 mam li muaj lub Koom Txoos ncaim "Prtestant"
    xyoo 1520 cov Koom Txoos ncaim "Prtestant".
    Lutheran
    Anglican (Episcopalian)
    -Methodist.

    Calvinist (United Church Of God)-

    xyoo 1881 -Christian Missionary Alliance
    xyoo 1914 -Asrembly of God.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub Koom Txoos Kav Tos Liv yog tus ncej hluav taws cig cig coj tsoom neeg Empty Re: Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Tub Kawm 21st November 2014, 7:27 pm

    ZAJ 2:
    VAJ QHIA THIAB TSOOM TSWV QHIA.

    Vaj Qhia yog tus sawv Xis Moos Pob Zeb chaw. Pob Zeb yog tus thawj hauv pab kaum ob leej Hauv Paus Xa Lus.
    Cov Tswv Qhia sawv Cov Hauv Paus Xa Lus chaws.
    Lawv saib cov ntseeg hauv tej cheeb tsam thiab tej xeev ntuj dav.
    Hos Vaj Qhia mas Nws kav tas nrho lub qab ntuj khwb tsoom neeg ntseeg.

    Huab Tais Yes Xus hais tias: "Xis Moos, Yos Nas tus tub, txij no mus, koj lub npe yuav hu ua Pob Zeb." (Mt 16, 18).
    Ces Nws muab cov yawm sij qhib lub Qaum Ntuj (Ceeb Tsheej) rau Poc Zeb, yog lub Cim tias Pob Zeb txais hwj huam saib lub Koom Txoos nyob ntiaj teb no.
    Thaum Huab Tais sawv rov los lawm, mas nws kom Pob Zeb zov Nws cov yaj, thiab coj Nws cov yaj mus noj zaub (Z 21, 15-17).
    Yes Xus hais rau Pob Zeb tias: Nws txoj kev ntseeg yuav tsi yuam kev (Lk 22,32).
    Vaj Qhia, thiab cov Tswv Qhia, yog ib co tub txib, tsob hwb Lub Koom Txoos, tsi yog ib cov nom tswv kav tsoom pej xeem ntseeg.
    Vaj Qhia nyob hauv lub nroog Los Mas, teb chaws Is Tias Lias.
    Tau ntau tiam los, tsoom ntseeg nyiam hu Vaj Qhia ua 'Pope'.
    Lub npe no txhais tias: 'Txiv' los 'papa'. (CCC 880-883).
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub Koom Txoos Kav Tos Liv yog tus ncej hluav taws cig cig coj tsoom neeg Empty Re: Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Tub Kawm 22nd November 2014, 11:53 am

    ZAJ 3: TSWV NTUJ HAIS LUS RAU NEEG ZOO LI CAS

    Peb tsoom hmoob, peb siv lub kos los (xab cum) txawb lauj kaub.
    Lub kos muaj pes tsawg tus ce?
    Yeej yuav tsum txuas peb tus ceg thiaj txheem tau lub lauj kaub kom ruaj.
    Li ntawd lub Koom Txoos kuj zoo li ntawd thiab: muaj peb tus ceg txheem lub Koom Txoos thiab.

    1. Kev sib qhia cov txuj Ntshiab, uas tsoom ntseeg khaw ntawm cov Hauv Paus Xa Lus los, thiab lawv qhia tiam dhau tiam (Sacred Tradition).

    2. Ntawv Ntshiab (Holy Seriptures).

    3. Vaj Qhia thiab tsoom Tswv Qhia lub hwj huam qhia txoj kev ntseeg mus raws qhov tseeb (The Magisterium).

    1. Kev sib qhia cov txuj ntshiab, uas tsoom ntseeg tau txais ntawm cov Hauv Paus Xa Lus los, thiab lawv sib qhia tiam dhau tiam.
    Cov txuj sib qhia no, yog cov lus tsi tau sau rau hauv Ntawv Cog Lus tshiab. Zoo li zaj "Kuv Ntseeg Txog Tswv Ntuj" uas yog cov Hauv Paus Xa Lus zaj lees ntseeg. Lub Koom Txoos siv ob txoj kev los qhia tsoom ntseeg mus raws qhov tseeb. Yog Ntawv Ntshiab thiab cov Txuj Sib Qhia Ntshiab.

    Cov Txuaj Sib Qhia Ntshiab muaj zoo li no.
    -Ntseeg txog Peb Leej Huab Tais.
    -Pub Lub Cim Ntxuav rau me nyuam mos.
    -Ntseeg tias Mab Liab nyob ua nkauj Ntshiab tas nws sim neej.
    -Ntseeg Xya Lub Cim nqa txiaj ntsim.
    -Ntseeg tias Yes Xus nyob txawm hauv lub Cim Yug tiag.
    -Ntseeg tias Mab Liab muaj ib txoj hauj lwm nyob hauv kev tshaj lub Moo Zoo.

    Leej twg xav paub txog "Kev Sib Qhia Cov Txuj Ntshiab," mus xyuas Phau Ntawv nthuav kev ntseeg hauv lub Koom Txoos Catholic "Catechism of the Catholic Church (CCC)."
    Lub Koom Txoos saib txhua yam no yog Tswv Ntuj cov lus tseeb.

    Tus Hauv Paus Xa Lus Paj Lus hais tias: "Peb tau coj cov lus qhia tuaj rau nej: yog cov lus peb tau txais ntawm cov Hauv Paus Xa Lus lub ncauj los. (1 KLN 11, 2+2 TXLN 2, 15)

    Yuav tsi txhob to taub yuam kev txog cov Txuj Sib Qhia Ntshiab thiab tej kev coj neeg lub siab.
    Kev coj neeg lub siab yog tej yam zoo li no:
    Txoj Saw Mab Liab, kev nyob tab seeb hauv lub Koom Txoos, kev yoo nqaij lub caij phaub caug, niaj Hnub Rau.
    Tej no yog kev pab tus ntseeg kom ua neeg siab ntshiab, tsi yog cov lus qhuab qhia uas lub Koom Txoos txais ntawm cov Hauv Paus Xa Lus los. (CCC 75-83)
    (mam tso ntxiv)

    Sponsored content


    Lub Koom Txoos Kav Tos Liv yog tus ncej hluav taws cig cig coj tsoom neeg Empty Re: Lub Koom Txoos Kav Tos Liv yog tus ncej hluav taws cig cig coj tsoom neeg

    Post  Sponsored content


      Current date/time is 28th March 2024, 5:22 am