HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Eglise St.Nicolas des Champs, Teev Ntuj rau cov neeg mob nyob Paris Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


3 posters

    Eglise St.Nicolas des Champs, Teev Ntuj rau cov neeg mob nyob Paris

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Eglise St.Nicolas des Champs, Teev Ntuj rau cov neeg mob nyob Paris Empty Eglise St.Nicolas des Champs, Teev Ntuj rau cov neeg mob nyob Paris

    Post  Maiv Tooj 12th February 2015, 10:32 am



    Église Saint-Nicolas des Champs


    Lub tsev teev Ntuj St.nicolas des champs yog lub koom haum cov Tij Emmanuel.
    Txhua Hnub Tsib (Jeudi) thaum 18h30-20h muaj teev Ntuj rau cov neeg mob.
    (Tab sis thaum lub caij me nyuam so ntawv thiab tej Hnub Tsib uas yog hmoov mas tsis muaj. Li ntawd yuav tau nug ua ntej yuav mus.

    Raws li cov neeg ua tim khawv hauv qab no mas kuj tsim nyog mus kawg nkaus li.
    Muaj tej tug kuj tau txais ib qho txiaj ntsim xwb,
    muaj tej tug kuj tau txais txiaj ntsim ntau yam, txawm tsis yog neeg ntseeg Catholic los yeej tau txiaj ntsim.

    Yog koj tuaj ncig txog Paris, Fab Kis teb los yog koj nyob ze Paris mas tsim nyog yuav mus ncig lwm puav.

    http://www.asaintnicolas.com/


    Eglise St.Nicolas des Champs, Teev Ntuj rau cov neeg mob nyob Paris Captur10



    Eglise St.Nicolas des Champs, Teev Ntuj rau cov neeg mob nyob Paris 3_faca10

    Église Saint-Nicolas des Champs

    254, rue Saint-Martin
    75003 PARIS

    Tél. : 01 42 72 92 54

    Métro : Arts et Métiers (Ligne 3)
    - Réaumur-Sébastopol (Ligne 4)
    RER : Châtelet-Les Halles
    BUS : 38 - 47 - 20

    Cov lus tim khawv tau txiaj ntsim, lawv tso yam puav uas tus mob loj tshaj yam Kws tshuaj twb tsis kam kho los yog tos hnub tuag xwb kuj tseem zoo hlo lawm.

    http://www.asaintnicolas.com/spip.php?article54


    Last edited by Maiv Tooj on 12th February 2015, 7:59 pm; edited 2 times in total



    cache_12.jpg
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Eglise St.Nicolas des Champs, Teev Ntuj rau cov neeg mob nyob Paris Empty Re: Eglise St.Nicolas des Champs, Teev Ntuj rau cov neeg mob nyob Paris

    Post  Mim 12th February 2015, 3:06 pm

    Ua tsaug tais Tooj,

    Koj lub site St Nicholas no zoo kawg. Kuv nyiam saib daim video uas lawv ua lub txoos teev ntuj rau cov neeg mob Hnub Tsib. Kuv muab tso rau ntawm no kom cov uas tsis paub mus nrhiav saib ho tau saib. Tiam sis yog lus Fab Kis xwb.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Eglise St.Nicolas des Champs, Teev Ntuj rau cov neeg mob nyob Paris Empty Re: Eglise St.Nicolas des Champs, Teev Ntuj rau cov neeg mob nyob Paris

    Post  Maiv Tooj 12th February 2015, 8:20 pm



    Mim,

    Ua tsaug os, kuv maj maj ces suav ntiv tes yuam kev lawm.

    Lub koom haum Tij Emmanuel no kuv twb mus nrog lawv Sau Siab ib zaug nyob rau Paray Le Monial lawm, kuj txaus rau yus cov tsis paub kev ntseeg ntau no xav kawg li thiab. Nyob Paray Le Monial, lawv muaj Sau Siab tshwj xeeb teev Ntuj rau cov neeg mob, nyob ntawm lawv teem thiab ib xyoos no thaj tsam lub 7 hli ib nrab ntawd mas yeej muaj teev Ntuj rau cov neeg mob ib xyoos ib zaug. Neeg tuaj coob heev thiab tau txiaj ntsim ntau; tab sis ho yog rau nruab lis piam ces cov ua hauj lwm mus tsis tau.

    Ntawm lub tsev teev Ntuj St.Nicolas des Champs nov mas yuav yooj yim dua, vim muaj txhua Hnub Tsib, seem hnub puav uas tshwj xeeb xwb. Thiab ho nyob hauv nroog loj, caij Bus los Metro (tsheb tshwb liag, tsheb nqaj qab thu av) mus los tau yooj yim. Li ntawd, Peb Hmoob feem coob muaj kev ntxhov siab, muaj mob nkeeg ntau yam kuv xav caw nej mus koom teev Ntuj thiab; txhob hais tias mas...kuv..., hais tias mus kiag xwb, mus los nej mam tham.

    Thaum nej tsis tau mus pom mas nej xav tias ntshe zoo li txhua zaud nej niaj hnub hais tias twb thov thov Ntuj lawm thiab, cas tsis zoo, tsis hloov. Txhob hais ntawm lub ncauj xwb twb tsis muab ib fiab ntawm lub caij los ua. Yog yus ua tsis tau, yuav tau tso siab rau cov neeg uas lawv tau lub zog ntawm Ntuj los pab ua rau yus. Txhob ntooj nej tej mob, nej tej kev nyuaj siab lawm. Yuav muab hle pov tseg, los ua lub neej kaj siab thiab hwm Ntuj, txhob nyiaj nyob hauv cov hav pos, hav khaub ntxoov yus, mooj yus rau kev tsaus ntuj tsis pom tshav ntuj tas yus sim neej, lwm hnub tag lub neej lawm tseem yuav tau mus txom nyem them txim rau yus tej kev nyuaj siab thiab. Xav los puas tsim nyog?

    Yog nej sawv ntxov, npaj siab mus kiag los mas hnub ntawd tsaus ntuj, nej yuav tham ib cov lus tshiab, nej yuav pom tej yam tshiab thiab lub qhov muag yuav qheb rau tej yam nej xav tsis txog. Tsaib no, 2014, kuv nrog ib tug phooj ywg mus Sau Siab tau 3 hnub pem Paris, wb rov qab los tsev, nws hais rau kuv tias zoo siab npaum no, yog wb mus tham no ntshe lawv tsis ntseeg wb. Kuv teb nws hais tias: "Wb tham rau lawv, txawm lawv tsis ntseeg los wb tham lawm; hnub twg lawv ho muaj txoj hmoo mus pom li wb pom los lawv mam ntseeg, yog lawv tsis muaj txoj hmoo pom no los wb twb tham wb li hauj lwm tag lawm ces zoo lawm."

    Kuv xav kom Peb Hmoob daws tej kev txom nyem, lwj siab ntxhov plawv pov tseg, los ua lub neej kaj liab luag ntxhi xyiv fab hlo; txhob nyob mluas mlob so vias ntxiv lawm.

    Eglise St.Nicolas des Champs, Teev Ntuj rau cov neeg mob nyob Paris Photos10

    Teev Ntuj rau cov neeg mob, luag mab sua coob npaum nplooj xwb cas Peb Hmoob tsis mus daws nws lub nra thiab?



    cache_12.jpg
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Eglise St.Nicolas des Champs, Teev Ntuj rau cov neeg mob nyob Paris Empty Re: Eglise St.Nicolas des Champs, Teev Ntuj rau cov neeg mob nyob Paris

    Post  Tub Kawm 14th February 2015, 1:50 am

    Nyob zoo N hlob thiab Mim.

    Niam hlob ua tsaug rau koj tso cov lus no rau peb paub.
    Peb nyob deb ces tuaj tsis tau koom nrog lawv teev ntuj li.
    Kev lam yog nyob ze es cia peb coj cov neeg mob tuag tes tuag taw tuaj nrog lawv teev ntuj, thiab koom thaj txij ntuj mas ntshe yuav zoo og.
    Tiam sis nyob deb heev tsi pom qab li cas.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Eglise St.Nicolas des Champs, Teev Ntuj rau cov neeg mob nyob Paris Empty Re: Eglise St.Nicolas des Champs, Teev Ntuj rau cov neeg mob nyob Paris

    Post  Maiv Tooj 16th February 2015, 11:17 am



    Tub Kawm,

    Kev teev Ntuj rau cov neeg mob ntawm lub tsev teev Ntuj Saint Nicolas des Champs no mas kuj tsis yog cov neeg mob loj xwb, txhua tus uas vam txog HT.Yes Xus puav leej tau txais txiaj ntsim tib si.



    cache_12.jpg
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Eglise St.Nicolas des Champs, Teev Ntuj rau cov neeg mob nyob Paris Empty Re: Eglise St.Nicolas des Champs, Teev Ntuj rau cov neeg mob nyob Paris

    Post  Maiv Tooj 2nd March 2015, 1:02 pm


    MUS TEEV NTUJ PEM SAINT NICOLAS DES CHAMPS


    Hnub tim 26_02_2015 no muaj ob tug txiv tub caij tsheb nqaj mus koom cov Tij lub koom haum Emmanuel teev Ntuj rau cov neeg mob nyob lub tsev teev Saint Nicolas des Champs pem Paris. Nkawd mus ces teem tus ntxhais hlob tuaj nrog nkawd thiab. Lawv peb leeg mus teev Ntuj ua ke.

    Mus teev Saw Mab Liab tag ces Txiv Plig los ua lub Cim Daws txhaum. Tus ntxhais uas nrog leej txiv mus deb mus txawm mus daws txhaum tag ces leej txiv tsis kam mus, tus ntxhais hais kom nws mus nws tsis kam. Ces tus Txiv Plig hais tias nws daws ib tug yog tus kawg xwb nws yuav mus teev Ntuj rau cov neeg mob. Ces tus ntxhais hais ntxiv, leej txiv ua siab mus daws txhaum tag ces lawv los pib teev Ntuj rau cov neeg mob. Muaj neeg tuaj coob heev, lawv muaj tshaj ib txhiab tawm leej nyob hauv tsev teev Ntuj.

    Pib teev Ntuj ces lawv nqa lub Cim Yug los rau sawv daws hawm; tus poj niam fab kis nyob ntawm tus ntxhais ib sab txawm hais rau nws tias: "Mus koj mus nrog Huab tais Yes Xus tham, koj mus txhos caug ntawm nws xub ntiag, mus hais lus rau nws." Yog thawj zaug ua tus ntxhais ntawd pom lawv hawm lub Cim Yug; nws tsis paub tias hawm lub Cim Yug yog nrog Yes Xus tham. Ces nws txawm mus txhos caug ntawm lub Cim Yug. Ib pliag muaj ib tug poj niam txawm tshaj tawm hais tias: "Muaj ib tug mob nplaig, nws tus nplaig zoo lawm." Tus ntxhais txawm hais rau nw stxiv tias: "Txiv! ntshe yog koj xwb os, koj tib leeg thiaj li mob nplaig xwb yeej tsis muaj leej twg mob nplaig li." Ces kuj tag lo ntawd. Ib ntsis lawv kuj tshaj txog ob peb yam uas phim li yog rau nkawd ob txiv tub kiag; tab sis kuj paub tsis meej, vim muaj neeg tshaj txhiab leej lawm, tsam ho muaj lwm tus tuaj li yus tuaj thiab; cia seb zoo li cas ntxiv mus. Ib qho lawv hais txog tias: "ib tug poj niam caij tsheb nqaj tuaj deb tuaj teev Ntuj rau nws ib tug neeg muaj mob nyhav (hais kiag qhov mob dab tsi), nws rov caij tsheb nqaj mus, nws yuav tau txais txiaj ntsim, ob peb hnub saum no tus neeg uas nws thov Ntuj rau yuav zoo". Kuj hais txog zoo nkaus li yograu nws txiv hais tias: "Ib tug neeg, nws tsis paub lus fab kis, nrog ib tug paub lus fab kis tuaj, nws zoo hlo nws tus mob lawm." Tab sis qhov nov mas cia ntev mus seb puas pom dab tsi tshwm; vim tsuas xav tias yog hais rau leej txiv no xwb tsam ces ho yog lwm tus.

    Lawv teev Ntuj tag los txog ntawm qhov rooj yuav tawm, neeg coob coob ces los theem me ntsis maj mam tawm; tus ntxhais hnov ib qho kub lus nws nraub qaum sov vaum nws; nws thiaj hais rau nws txiv tias: "Txiv ua cas tsam no yuav sov ua luaj li! puas ta nyob hauv tsev teev Ntuj no no kuv ko taw twb txias tag los." Qhov sov nov sov nws los txog ntua tom qhov chaw caij tsheb tshwb liag.

    Ces lawv peb txiv tub txawm taug kev los caij tsheb tshwb liag, los yuav txog chaw caij, tus ntxhais yau txawm hais tias: "Txiv! Koj tus nplaig zoo lawm sav! Koj hais lus meej lawm os!" Nws txiv luag luag xwb tsis teb dab tsi li. Nws hais tias nws txiv tus nplaig txhav lawm ces hais lus nws pheej tom raug nws tus nplaig ces nws tsis kam hais lus ntau thiab ua ntej lawv mus ntawd mas nws txiv hais lus nw stwb tsis tshua paub hais tias nws txiv hais dab tsi li lawm. Ces los zus, nws txiv hais lus meej zus; los tau ob peb hnub no mas nws txiv zoo siab heev, xav xav tham lus ces tham tsis so li lawm. Sawv puag thaum 5h los tham npau suav rau nws niam mloog...

    Kev mus teev Ntuj li nov mas tsis yog kho yus tus mob zoo xwb, tseem kho yus tej siab ntsws, tshem txhua yam tsis zoo pov tseg tib si ua rau yus lub siab kaj lug lawm xwb.



    cache_12.jpg

    Sponsored content


    Eglise St.Nicolas des Champs, Teev Ntuj rau cov neeg mob nyob Paris Empty Re: Eglise St.Nicolas des Champs, Teev Ntuj rau cov neeg mob nyob Paris

    Post  Sponsored content


      Current date/time is 28th March 2024, 9:31 pm