HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


A Muslim Man's AMAZING Testimony about Jesus (1 of 2) Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


3 posters

    A Muslim Man's AMAZING Testimony about Jesus (1 of 2)

    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    A Muslim Man's AMAZING Testimony about Jesus (1 of 2) Empty A Muslim Man's AMAZING Testimony about Jesus (1 of 2)

    Post  Bao X Mary 10th February 2015, 5:49 pm

    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    A Muslim Man's AMAZING Testimony about Jesus (1 of 2) Empty A Muslim Man's AMAZING Testimony about Jesus (1 of 2)

    Post  Bao X Mary 10th February 2015, 6:00 pm

    Thaum kuv mus saib tus txiv neeg Muslim  no piav nws zaj qhov tim  khawv txog thaum nws thov Ntuj. Huab Tais Yes Xus los cawm nws, nws tsis paub tias Huab Tais Yes Xus yog leej twg, nws pom tias Huab Tais Yes Xus Ntshiab huv thiab lub siab zoo, siab hlub neeg loj thiab khuv leej neeg tas nrho. Nws thov Huab Tais Yes Xus zam rau nws. Thaum nws tau kev zam txim tag, nws mam noog tias: " koj yog leej twg? Huab Tais Yes Xus teb tias: " Kuv yog txoj kev qhov tseeb, thiab txoj sia." Nws mam noog ntxiv tias:" Koj lub npe hu li cas? Yes Xus teb tias: " Kuv yog Yes Xus tus Tswv Ntuj ib txwm nyob." Thaum tus txiv neeg piav cov lus no mas kuv kua muag poob thaum ntawd kuv ntsia zoo li kuv pom Yes Xus nrog tus txiv neej ntawd. Kuv saib thaum twg mas kuv nrog nws quaj. Raug kuv siab kawg kuv thiaj muab tso rau hauv nov.

    Maiv Tooj thiab Mim, yog neb muaj sij hawm no neb pab muab txhais ua lus Hmoov kom sawv daws paub. Kuv xav tias yog ib zaj zoo. Tej zaum neb twb txhais lawm los kuv tsis paub. Tab kuv pom rau kuv saib kawg, kuv thiaj muab tso rau sawv daws saib.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    A Muslim Man's AMAZING Testimony about Jesus (1 of 2) Empty Re: A Muslim Man's AMAZING Testimony about Jesus (1 of 2)

    Post  Mim 11th February 2015, 9:17 am

    Nyob zoo Bao X Mary,

    Koj daim video ua pov thawj txog kev ntseeg Yes Xus no zoo kawg mas.  Ua tsaug rau koj coj tuaj qhia rau peb.  Thiab kuv ua koj tsaug tias vim koj coj zaj no tuaj, ces kuv thiaj mus taum pom ib zaj uas kuv tsis tau paub dua li.  Yog ib zaj uas ntev, tiam sis nws yog ib zaj pab peb to taub txog txoj kev cai Mawv Xis Lim.  Tus tub hluas nyob hauv zaj no hu ua Mosab Hassan Yousef. Nws yog ib tug thawj coj ntawm pab Mawv Xis Lim hus ua Hamas tus tub hlob.  Cov Hamas ntawd xub pib tshwm yog nyob Palestine, nyob puab His Xas Lais.  Hamas yog ib pab Mawv Xis Lim uas tawm tsam tua HIs Xas Lais heev tshaj.  


    Thaum nws muaj 19 xyoos tej nws npaj yuav mus tua His Xas Lais, tiam sis cov His Xas Lais xub paub ces lawv tuaj ntes mus kaw. Lawv kuj tau tsim txom nws kom qhia saib cov Hamas npaj li cas tua His Xas Lais.  Lawv tsim txom nws li ntawd tau 3 lub hlis, ces lawv muab nws tso.  Tiam sis lawv ho nug nws tias saib nws puas kam ua hauj lwm nkawg xov hauv qab rooj(ua spy) rau lawv. Ces nws xav tau tias yog ib lub zoo sij hawm rau nws kom nws thiaj yuav pab tau nws cov Hamas tua His Xas Lais ntag lau. Tiam sis cov His Xas ho tsis tso nws, vim tso nws ces cov Hamas yuav xoom xaim, ces lawv rov muab nws kaw, xav nws mus nrog nws cov neeg Hamas nyob nkuaj ua ke.  Ces thaum lub caij ntawd nws qhov muag zoo li pib qhib pom dav dua nws lub tswv yim qub uas nws ib txwm yug los kawm thiab hnov, vim nws pom tias nws cov neeg Hamas tseem rov qab tsim txom nws cov neeg thiab tseem haj yam tsim txom phem tshaj thaum nws raug cov His xas Lais tsim txom nws.  Thaum cov His Xas Lais tso nws tawm lawm, nws kuj tseem ua hauj lwm rau lawv ntxiv thiab. Ces nws kom cov His Xas Lais muab nws txiv ntes mus kaw.  Nws tau mus saib nws txiv, thiab qhia tib si rau nws txiv tias yog nws ntes nws txiv mus kaw, vim nws xav tias hauv nkuaj yog qhov chaw zoo tshaj rau nws txiv lawm.  Muaj ib zaug nws caij ib lub taxis uas yog neeg Aas Kiv lub taxi mus hauv nroog Yes Lus Xas Les, nws ntsib ib tug hluas cev tai ib phau Bible rau nws thiab caw nws mus koom lawv mloog lus qhuab qhia Bible. Ces nws thiaj xav tau tias, nws paub tias cov Mawv Xis Lim lawv ntseeg li cas, nws kuj paub txog tias cov His Xas Lais ntseeg li cas lawm thiab, ces nws yuav mus mloog cov Christians thiab saib lawv ho ntseeg li cas.  Ces nws thiaj mus. Tiam sis qhov uas hloov nws lub tswv yim yog thaum nws los nyeem phau Bible, Yes Xus hais tias kom yus yuav tsum hlub luag, yuav tsum hlub yus tus yeeb ncuab.  Ces lo lus no thiaj ua rau nws nyiam Yes Xus, nws thiaj hloov los ua ib tug neeg ntseeg Yes Xus.

    Ces nws xeev zuj zus los pom tau tias nws tsev neeg, nws haiv neeg Arab, los yog cov Mawv Xis Lim, lawv  ntseeg lawv tus tswv ntuj Allah, yog ib tug tswv ntuj cob kom lawv ua phem kom tua neeg, vim lawv tus yaj saub Mos Has Mes, twb tsis yog ib tug tseem yaj saub, yog niag yaj saub cuav xwb. Hauv nws lub neej nws tua neeg, nws yuav niam yau coob, nws txhav luag poj niam luag tug, nws twb ua tsis muaj ib qho hwj huam yees ntxwv dab tsi li. Huab Tais Yes Xus li mas nws qhuab qhia kom sib hlub, kom yuav tsum zam rau thiab hlub yus tus yeeb ncuab, thiab nws ua hwj huam yees ntxwv ntau.

    Ces nws tso txoj hauj lwm ua spy rau cov His Xas Lais tseg, nws khiav tuaj nyob rau Mes Les Kas teb no vim nws nyob tsis tau ntxiv hauv nws teb chaws lawm. Nws thiaj sau ib phau ntawv piav txog nws lub neej, thiab nws lub tswv yim niaj hnub no hu ua "Son of Hamas."  Nws muab luam tshaj tawm thoob plaws ntiaj teb rau cov Mawv Xis Lim nyeem. Thiab nws yeej tsis ntshai hais lus tawm TV los internet li. Nws hais tias nws txoj hauj lwm yog xav rhuav Mawv Xis Lim lub tswv yim uas ntseeg thiab qhia tias yog yus tuaj yeem ev hoob pob coj mus tso tawg tua cov His Xas Lais los lwm cov neeg kom tuag coob coob mas yus yuav tau mus saum ntuj nrog Allah nyob.  Yog rhuav tau lub tswv yim ntawd ces thiaj yuav yeej lawv xwb.



    Last edited by Mim on 12th February 2015, 8:47 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    A Muslim Man's AMAZING Testimony about Jesus (1 of 2) Empty Re: A Muslim Man's AMAZING Testimony about Jesus (1 of 2)

    Post  Maiv Tooj 12th February 2015, 8:33 am



    Npaub thiab Mim,

    Ua tsaug rau neb cov videos, yog ib cov tim khawv txhawb siab rau peb txhua leej.


    Npaub, xav txhais ntau yam kawg li tiag; tab sis zoo li khwv me ntsis lawm es thiaj li ua tsis tau li siab xav xwb. Tab sis yuav maj mam ua ib tog zuj zus, ua ib qho zuj zus kom tsi tau ib teev dej rau hauv hiav txwv.

    Mim,

    Koj daaim tej zaud yuav hais ntau dua, tab sis tsis sau ntawv fab kis rau hauv qab ces cia kuv tso daim nov muaj lus fab kis rau hauv qba kom ib txhia ho to taub nws cov lus thiab.

    Yam twg cua yeej yuav txawj ploj, yam twg tseeb yeej yuav nyob mus li.



    Mosab Hassan Yousef Fils du Hamas Ex-Musulman (Fr)


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    A Muslim Man's AMAZING Testimony about Jesus (1 of 2) Empty Re: A Muslim Man's AMAZING Testimony about Jesus (1 of 2)

    Post  Maiv Tooj 12th February 2015, 9:06 am



    Niaj hnub no, cov muv xis lim tig los ua Ntuj Kev Cai mas coob kawg nkaus li lawm. Yog hnub twg sab teb chaws khaj Dawb, cov neeg sab hnub tuaj, muaj kev ywj pheej thiab tso cai ntseeg ywj siab mas ntshe yuav tsis muaj neeg txaus los ua lub Cim Ntxuav rau lawv thiab qhia lawv. Niaj hnub no, nyob Iran thiab Arabie saoudite mas lawv xav los ua Ntuj Kev Cai mas lawv nyiag kev mus ntxuav plig rau India teb los yog Pakistane teb. Tom qab no nyob Iran paub tias muaj ntxuav plig raws cab sab mas lawv los thov txais lub Cim Ntxuav coob kawg li, ib hnub no txog 200-300 leej, ua rau cov Txiv Plig nyob As Mes Liv Kas uas ua lub Cim Ntxuav raws cab sab sam tam tag; tsis muaj tus khoom los ua lub Cim Ntxuav rau lawv npaud.

    HT.Yes Xus twb hais tseg tias, yuav muaj tus los cuav nws, yuav coj tau neeg coob yuam kev.

    Yav thaum ub, txoj kev cai Muv Xis lim no yeej tsis muaj neeg ntseeg coob; tab sis lawv siv dag zog los yuam neeg kom los ntseeg lawv txoj kev cai, lawv tau sawv rog loj rau qhov txhia chaw, quab yuam ces thaum ntej ces lam ntseeg kom dhau; tab sis dhau ib tiam ob tiam ces tej me nyuam tsis paub tej laus tej kev cai lawm ces cia li this cov neeg quab yuam ntseeg li lawm xwb. Yam tsis yog tuaj ntawm Ntuj tuaj, txawm yuav muaj zog npaum li cas los ib hnub twg yeej yuav txawj ploj mus.

    Muaj ib tug TP.neeg India, npe hu ua TP.James Manjackal no nws tshaj Ntuj Lus hauv 102 lub teb chaws, nws kuj mus rau sab teb chaws Muv Xis Lim thiab; ces nws ntxuav plig ib zaug mas txog 400-500 leej li. Xyoo 2011, nws mus nrog lawv ua Hmoov Yes Xus Yug los txog tom tshav dav hlau ces lawv muab ib cov kab mob tso rau hauv cov kas fes los rau nws haus, los lom nws. Ua rau nws mob sab kawg nkaus, ua rau nws ib ce tuag tau ib xyoos ntau, nws ob txhais tes ib nyuag muaj zog me ntsis tab sis nws ob txaisceg tuag lawm.

    Emrah, turc musulman converti au Christ (Témoignage chrétien) ✥

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    A Muslim Man's AMAZING Testimony about Jesus (1 of 2) Empty Re: A Muslim Man's AMAZING Testimony about Jesus (1 of 2)

    Post  Maiv Tooj 12th February 2015, 9:20 am


    La Fin de l'Islam prophétisée par la Mystique MARTHE ROBIN : les musulmans vont connaître Christ !


    Marthe Robin (1902-1981), yog ib tug poj niam uas tsis noj mov tsis haus dej li tsuas noj lub Cim Yug ib lis piam ib zaug xwb tau 50 xyoo. Tau hais tias txog caij lawm uas cov Muv Xis Lim yuav tig rov los ntseeg Yes Xus.

    Marthe tau Ntuj Lus, lub caij nws mob txom nyem, Niam Mab Liab nquag los ntsib nws thiab nrog nws teev Ntuj.

    Txiv Vaj Qhia Faas Tshes Kus tseem tab tom yuav tsa Marthe Robin ua Leej Ntshiab xyoo 2015 no.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    A Muslim Man's AMAZING Testimony about Jesus (1 of 2) Empty Re: A Muslim Man's AMAZING Testimony about Jesus (1 of 2)

    Post  Maiv Tooj 12th February 2015, 9:36 am


    Témoignages de Convertis : mourir à l'Islam, renaître en Christ, connaître Dieu ! (conversions)


    Muv xis Lim los ua Ntuj Kev Cai, lawv ib txwm tsis xav ib zaug tias lawv yuav los ntseeg Yes Xus, los ua Catholic. Vim txoj kev cai Muv Xis Lim mas hais tias cov ntseeg Yes Xus mas yog cov yuam kev, leej twg ntseeg Yes Xus mas yuav mus dab teb. Tab sis hnub no, lawv pom tias Tswv Ntuj yog ib tug siab zoo tas nrho, lawv hnov thawj zaug lo lus hais tias: "Zam rau luag, txawm luag tsis paub luag ua siab yus los zam rau luag". Lawv hais tias ua cas luag twb ua phem rau yus es tseem tsis pauj thiab, tseem yuav zam xwb. Tab sis thaum paub kev ntseeg ntau me ntsis mas mam pom tias cov ntseeg Yes Xus, yog cov muaj txoj kev hlub, txoj kev pheej xeeb; tsis yog cov neeg ua yeeb ncuab, sib ntxub, ciaj caub. Yes Xus thiaj yog tus Tswv Ntuj pheej xeeb. Ces lawv tso kev ntseeg muv xis lim tseg yam ntseeg tsis tau tias txoj kev cai mub xis lim yuav tsum tawm tsam thuab ntaus tuas cov Catholic. Ua li cas es tseem yuav tso tau lawv txoj kev ntseeg tseg tau thiab. Zaum no lawv thiaj pom tias lawv tus tswv ntuj tsis yog tus tswv ntuj thoob tsib, tog nrog, pheej xeeb. Lawv tus tswv ntuj yog tus tswv ntuj ciav cais luag cov uas tsis zoo li yus.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    A Muslim Man's AMAZING Testimony about Jesus (1 of 2) Empty Re: A Muslim Man's AMAZING Testimony about Jesus (1 of 2)

    Post  Maiv Tooj 12th February 2015, 9:59 am


    La fin prochaine de l'islam ? (Mohamed - Témoignage chrétien d'un ex-musulman)



    Daim video nov yog lawv hais txog tias cov neeg muv xis lim nyob lawv lawv cov teb chaws uas tsis muaj kev ywj pheej, tig os ua Ntuj Kev Cai, los ntseeg Yes Xus hauv lub Koom Txoos Catholic ib xyoos no txog 6-7 plhom leej li. Lawv thiaj pom tias cov muv xis lim yuav rov ploj mus. Vim nyob hauv kev ntseeg muv xis lim tsis yog ib txoj kev ntseeg ywj pheej, yog ib txoj kev ntseeg quab yuam thiab caij tsuj. Zaum no ntiaj teb tseg tsis ua tsov rog lawm, neeg tig rov los nrhiav kev thaj yeeb ces lawv thiaj li pom tias lawv txoj kev ntseeg yog ib txoj kev ntseeg tsis tiaj tus, tsis thaj yeeb. Tsis tag li ntawd, txheej thaum 1500 ntawdib feem ntawm cov pej xeem nyob thaj teb chaws As Fiv Kas qaum puav leej yog neeg Catholic; tab sis cov muv xis lim tuaj tuav lawv muab lawv yuam ua muv xis lim los txog niaj hnub n (2015), ces li cas los kuj tseem tshuav keeb kwm nyob hauv lawv; txog caij txog nyoog lawm uas Tswv Ntuj yuav rov nrhiav nws cov yaj poob zoo.
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    A Muslim Man's AMAZING Testimony about Jesus (1 of 2) Empty Re: A Muslim Man's AMAZING Testimony about Jesus (1 of 2)

    Post  Bao X Mary 13th February 2015, 1:51 am

    Maiv Tooj, thiab Mim, ua tsaug uas neb tau muab ntau zaj zeem tseeb kev ntseeg los tso thiab txhais rau hauv nov los txhawb peb txoj kev ntseeg.

    Hais txog txhua yam kev ntseeg, txawm peb twg thiab leej twg yuav hais li cas los xij. Qhov tseeb tsuas muaj tib tug Tswv Ntuj xwb, yog tus ib txwm nyob, muaj txoj kev hlub, kev zam txim loj tas nrho, tus tsim thiab ua tau txhua yam. Tus ib txwm muaj txoj sia nyob mus li.

    Ntawm kuv tus kheej mas kuv zoo siab tshaj tsis muaj ib yam yuav lso pauv tau rau qhov kuv tau nyob rau hauv tus Tswv Ntuj muaj txoj sia, kuv paub tias Nws txoj kev hlub, kev nyiam loj npaum li cas.

    Zoo siab tsis paub tag.

    Sponsored content


    A Muslim Man's AMAZING Testimony about Jesus (1 of 2) Empty Re: A Muslim Man's AMAZING Testimony about Jesus (1 of 2)

    Post  Sponsored content


      Current date/time is 18th March 2024, 6:32 pm