Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Daim Scapulaire yog dab tsi?

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Daim Scapulaire yog dab tsi?

    Post  Maiv Tooj on 26th January 2015, 11:49 am

    Le scapulaire de Notre Dame du Mont Carmel
    ________________________________________


    Daim Scapulaire yog dab tsi?



    Lo lus nov yog los ntawm lus las tees los, scapula txhais hais tias xwb pwg.
    Scapulaire thaum ub yog ib daim khaub ncaws uas cov Phauj los Txiv Plig cov khaub ncaws hnav, yog daim tiag xwb pwg, daim tiag xub ntiag thiab nraub qaum kom thaum ua hauj lwm tiv lawv cov khaub ncaws txhob lo phem.

    Qhov uas peb xav paub yog daim scapulaire ua Nkauj Ntshiab Mab Liab caw kom peb coj xwb.



    Daim scapulaire ntawm Mont Carmel mas yog xuas ob daim ntaub pwm cib liab tsaus  (laine brun) luaj li ob ntis, xwm fab xwm meem, tis rau ob txoj hluas khuam saum xwb pwg, ob daim ntaub ib daim ntawm hauv siab, ib daim nyob nraum nraub qaum ( kom zoo li daim ntaub tiag xwb pwg, ua hauj lwm).
    Txawm peb yuav yog phauj, Txiv Plig los yog neeg ntseeg xwb los yeej coj tau daim scapulaire no tib yam nkaus ; tseem xav kom tag nrho tsoom ntseeg coj kom tag mas haj yam zoo.

    Keeb kwm :
    Yog hnub tim 16-07-1251, Niam Mab Liab tau tshwm sim rau LN.Simon Stock ib tug Tij hau lub koom haum Carmel. Vim thaum lub caij ntawd lub koom haum cov Tij ntawd muaj teeb meem heev, lawv lub tsev yuav raug kaw ces Tij Simon Stock tsis pom qab ua li cas, nws txhawj heev nws thiaj li tau tso siab rau Leej Niam Ntshiab, tau thov Niam Mab Liab pab. Nws thov ces nws thiaj li pom Niam Mab Liab puag me nyuam Yes Xus thiab cev daim scapulaire rau nws thiab hais tias :

    « Me tub, txais koj lub Koom Txoos daim Scapulaire nov ua lub cim uas cov txiaj ntsim tshwj xeeb uas kuv tau txais rau nej cov me nyuam Carmel lub koom haum. Yog tus twg coj daim no thaum nws tuag mas nws yuav tau kev cawm, nws yuav tsis tau txom nyem hauv cov hluav taws kub mus li.  Yog lub Cim koob hmoov, tiv thaiv kev plhom sij, pub kev thaj yeeb thiab kev cog lus mus ib txhiab ib txhi. »

    23 xyoos tom qab, lub Koom Txoos thiaj li xaiv hnub tim 16 lub 7 hli ua hnub Hmoov Leej Niam Mont Carmel. Los hawm txog Niam Mab Liab ntawm Mont Carmel.

    Xyoo 1322, Vaj Qhia Zam 22 pom Niam Mab Liab los hais rau nws ntxiv txog Niam Mab Liab kev roos cov neeg coj daim Scarpulaire thiab nws hais kom lawv tis npe ua : « Lub npuas Sabatine » los yog cov xaiv Sabatine :
     
    Lub npuas Sabatine los yog cov xaiv Sabatine :
    Yog tag nrho cov uas coj thiab muab daim Scapulaire tso rau lub sam xeeb, cov uas nquag teev Ntuj thiab cov neeg uas tswj lawv lub cev dawb huv (kev plees kev yi)  raws li lawv lub meej mom. Nkauj Ntshiab cog lus tias nws yuav tso lawv cov ntsuj plig hauv teb chaw them txim kom dim sai sai, xws li thawj Hnub 7 tom qab lawv tuag.

    Yuav coj li cas ?
    Daim Scapulaire no yuav coj ntawm caj dab tas hnub tas hmo, yuav qhe luv li luv tau xws li thaum da dej nkaus xwb. Yog ua li txiv vaj qhia Zam Paj Lug 2 kuj zoo, nws muab roj hmab leem ces da dej los tsis ntub. Kuj muaj ib cov Scapulaire ua phiaj hlau, nyiaj, thiab tab sis lawv tsuas siv tshwj xeeb rau cov teb chaws muaj ntuj nag ntau los kub heev ua rau cov ntaub tsis thev xwb. Tsis zoo coj rau txhua qhov yog tias tseem coj tau cov ntaub. Yog tus neeg twg xav coj cov txiaj mas twb yuav tsum xub coj cov ntau ua ntej lawm mas thiaj li muaj cai coj cov txiaj.

    Yog twb coj thawj daim uas yog Txiv Plig los LTH.muab rau yus coj lawm mas cov tom qab (yog thawj daim puas lawm) tsis tas yuav foom hmoov zoo thiab tsis tos Txiv Plig los LTH muab rau yus ntxiv lawm; cia li mus yuav ib daim tshiab los coj lawm xwb.


    Niam Mab Liab cog 3 lo lus cia :

    - Tsis pub kom raug cov nplaim taws kub mus li.

    - Tso tawm hauv teb chaws them txim sai (privilège sabbatin)

    - Tiv thaiv ntsuj plig thiab lub cev ntaj ntsug ntawm kev plhom sij,


    Yuav kom tau txais 3 los lus cog ntawd, yuav tsum hwm daim Scapulaire uas yog ib tug Txiv Plig los yog ib tug Leej Tsob Hwb ua tus muab rau yus coj. Yog thaum tsis muaj Txiv Plig los Leej Tsob Hwb es maj ceev, ib tug neeg mob nyhav yuav tag txoj siavv mas ib tug neeg ntseeg xwb los yeej muab tau rau tus mob coj tab sis yuav tsum yog tias daim Scapulaire ntawd Txiv Plig twb foom hmoov zoo rau lawm thiab twb tau haiv cov lus uas muab rau ib tug lawm mas thiaj li yuav muab tau.

    Cov lus thaum muab rau coj:
    (Formule d'imposition)


    Txiv Plig foom hmoov zoo rau daim Scapulaire thiab muab rau coj ces  hais cov lus no:

    "Txais daim Scapulaire no, ua lub cim nrog Niam Mab Liab sib cuag tau tshwj xeeb,
    Uas  koj lees tias yuav ua raws li Yes Xus leej Niam tus lw lwm.
    Kom daim Scapulaire no ua kom koj nco ntsoov lub hwj chim neeg ntseeg Yes Xus,
    Rau koj txoj kev pab luag tej thiab ua raws li Mab Liab tus lw lwm.
    Coj kom ua nws lub cim tiv thaiv koj thiab lub cim koj los ua Carmel tsev neeg,
    kom koj txaus siab hlo los ua raws li Tswv Ntuj nyiam thiab koj yuav lees ua txoj hauj lwm txhim kho lub ntiaj teb raws li Nws lub hom phiaj ua kwv ua tij thiab ncaj ncees thaj yeeb.“




    Yog ib daim scapulaire qub los ntuag lawm mas yuav tsum muab qhwv hauv ib daim ntaub es muab faus rau tej qhov chaw huv los yog muab hlawv. Yuav tsum hwm txog cov lus uas Niam Mab Liab cog rau yus.


    Txhais los ntawm lub site: http://www.scapulaire.fr/scapulaire/1-Bienvenue.html
    Tim 26-01-2015.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Daim Scapulaire yog dab tsi?

    Post  Maiv Tooj on 28th January 2015, 10:32 am



    Niam Mab Liab tau cog lus tias yuav pab.



    Cov lus tau cog cia qhov loj yog: [size=18]Dim ntawm dab phem teb.[/size]

    Tsis muaj ib yam dab tsi tshwj xeeb uas yuav pab tau, tsuas yog coj daim Scapulaire nrog rau yus lub siab ncaj ncees thiab coj thaum yus siav tu nkaus xwb thiaj yuav pab tau yus dim ntawm dab phem teb thiab teb chaws them txim.
    Yuav kom dim ntawm teb chaws them txim Hnub Xya (Samedi, Saturday) tom qab hnub yus tuag mas muaj 3 nqes yuav tsum ua raws li nram no :

     Coj rawv daim Scapulaire tsis hle li.
     Tswj yus lub cev kom dawb huv rau txoj kev plees ke yi.
     Niaj hnub teev txog Niam Mab Liab.

    Rau cov Txiv Plig mas yuav tau ua ntau zog xws li yuav tsum teev ib hnub ib txoj Saw Mab Liab.
    Qhov yuav zam txim tau.


    Kev zam txhaum tag nrho (zam tag nrho yus tej txhaum ) uas yuav pub tau rau yus muaj xws li:

    - Hnub uas yus tau txais daim Scapulaire thawj thawj zaug,
    - Hnub Hmoov Niam Mab Liab Mont Carmel, tim 16 lub 7 hli,
    - Hnub hmoov LN.Es Lis tim 20 lub 7 hli,
    - Hnub Hmoov LN.Thérèse de l’Enfant-Jésus tim 1 lub 10 hli,
    - Hnub Hmoov cov Leej Ntshiab hauv lub koom haum Carmel, tim 14 lub 11 hlis,
    - Hnub hmoov LN.Thérèse de Jésus (Thérèse d’Avila) tim 15 lub 10 hli,
    - Hnub Hmoov St. Jean de la Croix, tim 14 lub 12 hlis,
    - Hnub hmoov St. Simon Stock, tim 16 lub 5 hlis.


    Cov hnub tau teev los no, yog xav kom tau txais txiaj ntsim zam txhaum tag nrho rau yus mas yuav tsum tau:


     Daws txhaum hauv lub lis piam ntawd
     Txais lub Cim Yug hnub ntawd kiag
     Thov Ntuj rau Txiv Vaj Qhia xws li ib zaj Peb Txiv thiab ib zaj Koj nyob kaj lug Mab Liab.
     Nyeem Ntawv Ntshiab li 30 fiab los yog teev ib txoj Saw Mab Liab kom tag nrho nyob rau hauv ib lub tsev teev Ntuj nrog rau cov txiaj ntsim (Mystères).
     Tshem txhua yam uas yuav coj yus mus ua txhaum.



    Yuav tsum xyaum coj lub neej ntshiab huv, kom thiaj li tsim nyog Niam Mab Liab lub hwj chim uas tiv thaiv peb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Daim Scapulaire yog dab tsi?

    Post  Maiv Tooj on 1st February 2015, 1:15 am



    Ua ntej yuav coj daim Scapulaire (Scapular), yuav tsum daws txhaum, thov Ntuj rau lub Koom Txoos thiab txais lub Cim Yug tso mam li kom Txiv Plig los Leej Tshob Hwb muab rau yus coj. Vim thawj zaug uas yus coj ntawd, yuav daws yus cov txhaum tag nrho tom qab yus txais lub Cim Ntxuav los. Cov txhaumù ua ntej lub Cim Ntxuav mas lub Cim Ntxuav daws tau tag nrho lawm.







    Sponsored content

    Re: Daim Scapulaire yog dab tsi?

    Post  Sponsored content Today at 8:56 pm


      Current date/time is 10th December 2016, 8:56 pm