Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Thov Leej Ntshiab YOS XES
by Maiv Tooj Today at 10:36 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 2:09 pm

» COV ZAJ NYEEM NRUAB LIS PIAM XYOO II, 2015-2016
by Mim Yesterday at 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

» COV ZAJ NYEEM HNUB CHIV XYOO C 2015-2016
by NrhiavTswvNtuj 19th November 2016, 4:57 am

Suav neeg tuaj saib, txij hnub 17/09/2010 los mus.


    Hmoob Catholique LYON Fab Kis teb

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 26th April 2011, 9:00 am



    Nyob zoo txog Tsoom Ntseeg txhua leej,

    Tsev Hmoob Ntseeg Cheeb Tsam Lyon, zoo siab yuav caw koj tuaj nrog peb mus teev Ntuj ib hnub rau lub zos Taizé, uas yog ib qho chaw rau cov HLUAS thoob ntiaj teb tuaj sib txoos. Yog ib qho chaw uas muaj Leej tswv Yim Ntshiab nyob, nws nto moo heev thiab muaj neeg coob heev tuaj teev Ntuj ib txwd.










    Mloog ib zaj:

    As Les Lus Yas = Zoo siab


    http://www.taize.fr/ext/sound/mp3/Alleluia_-_Slava_Tiebie_Boze.mp3





    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Catholique LYON Fab Kis teb

    Post  Maiv Paj Lug on 27th April 2011, 7:53 am

    Maiv Tooj, zoo siab tuaj pom nws nyob nyab xeeb, pom nws thiab nws leej nkawm ua tus coj sawv daws mus koom teev ntuj, rau hnub Yesxus sawv rov los. Kuv ces tsis khoom mus teev ntuj hnub Yesxus sawv rov los li, cia kom txog hnub Tswv yim ntshiab nqis los kuv li mus koom kom tau xwb xwb li. Xyoo no muaj hauj lwm ntau yam tsev khuam kuv lawm, kuv mus teev ntuj tsis raws siab xav li, mus ib hnub chiv ncua ib hnub chiv li lawm, nws thov ntuj pab kuv thiab nawd mog.

    Nws yees puas tau duab hnub nej teev ntuj? xav po^m hnub sawv daws mus teev ntuj ua ke. Smile

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 23rd May 2011, 7:27 am


    Txhua xyoo lub Caij Hla, peb Tsev Hmoob Ntseeg nyob cheeb tsam Lyob mus koom Fab Kis teev Ntuj rau ib qhov chaw tshwj xeeb los yog chaw Ntshiab. Xyoo no peb tau xaiv mus Taizé, uas yog ib thaj chaw ua nto moo heev rau cov hluas tuaj mus sib txoos nrhiav Tswv Ntuj. Peb kuj mus coob hauj sim, peb nyias ntim nyias su mus noj. Peb teev Ntuj thaum sawv ntxov, teev Ntuj tag peb mus saib videos keeb kwm Taizé thiab tes dej num nyob Taizé tag txog 13h ces peb mus noj mov, noj mov tag ib txhia uas maj lawv rov qab mus tsev lawm, tshua ib cov peb thiaj li mus ncig xyuas tej chaw keeb kwm thiab tej hav zoov uas lawv mus teev Ntuj ib leeg tom hav zoov.

    Taizé yog ib lub zos cov Txiv Tab Seeb nyob, kuv tsis tau nug tseeb, tab sis raws li ntsia mas zoo li tsis muaj neeg zos li, muaj ib lub tsev nyug tsiaj nyob nram qab zog xwb, dua li ces yog ib lub zos Txiv Twj Cuab.
    Keeb kwm lub zos Taizé nov yog thaum 1942 uas ua Tsov Rog Ntiaj teb zaum Ob, muaj cov neeg thoj nam txom nyem coob, ces ib tug Txiv Twj Cuab hu ua Frère Roger, yog neeg Switzerland tuaj txog Taizé, ces ib tug pog laus cheem kom nws nrog lawv nyob, nws thiaj nyob ces nws thiaj li tsim muaj lub Tsev txais cov neeg Thoj Nam...Tom qab cov Txiv Twj Cuab coob zuj zus thiab cov ntseeg tuaj teev Ntuj coob coob ces lub me nyuam tsev teev Ntuj tsis txaus, lawv thiaj li tsa dua ib lub tsev teev Ntuj tshiab, ntim taus 7.000 leej. Cov tuaj Sau siab thiab Siab dawb tuaj sib pab tsa lub tsev yam tsis tau siv ib teg nyiaj los ua.

    Niaj hnub no yog ib qho chaw uas cov hluas thoob ntiaj teb tuaj sib txoos, tuaj sau siab, tuaj teev Ntuj thiaj tuaj pab hauj lwm. Cov tuaj nyob ib ob hnub los muaj, cov tuaj ib lis piam los muaj, cov tuaj 3 hlis los muaj. Tseem muaj cov tuaj Suav Tuam tshoj tuaj tib si, cov tuaj Kaus Lim kuj muaj...Lawv kev noj nyob, lawv tsis nyob nplua nuj, lawv siv tsawg tsawg los ua neej xwb. Nyob hauv tsev teev Ntuj mas sawv daws cia li zaum pem teb xwb, cov Txiv Twj Cuab zaum hauv nruab nrab, tsoom sid zaum ob sab. Lawv teev Ntuj tau zoo heev. Yeej tsim nyog mus kawg nkaus.
    Dua li lawv tsim muaj ib thaj chaw rub tsev ntaub pw rau cov hluas, ib thaj chaw rub tsev ntaub thiab me nyuam tsev ntoo rau cov laus, muaj ntau lub tsev tsam phooj loj nyob hauv hav zoov rau lawv tau sib sau. Cov Txiv Tab Seeb nyob nram cov tsev qub, nws zoo mus tib seem mas kuj zoo nkauj heev. Muaj ob lub tsev tsam phooj loj rau sawv daws mus noj mov, kuj tseem muaj ib lub tsev las tshav rau cov neeg uas tuaj nyob thiab cov tsis ntim mov mus noj mov dawb. Lawv ua nab noj nab tw mus zov mov noj li cov neeg tawg rog, lawv ua ib hom xwb, daus ib dia thiab ib voj mov ci zoo li cov neeg Thoj Nam thaum ub noj ntag...Li nov kuj zoo heev, ua kom peb nco txog cov neeg Thoj Nam thiab. Muaj ib thaj hav zoo, ua ib cov kev thiab hav nyom, ntaiv nce toj nqes hav mus hauv hav zoo, muaj ib lub tsev teev Ntuj me nram hav zoo nrog rau ib cov pas dej loj thiab ib qho dej tsaws tsag. Muaj ib cov tsev las tshav rau neeg tau zaum so, tau hu nkauj teev Ntuj ua ke nrog rau ib cov cia dej, cia li cug ntawm qhov ncauj haus, tsis siv kob.













    Yog xav saib daim duab loj: nias ntawm daim duab





    Last edited by Maiv Tooj on 23rd May 2011, 8:58 am; edited 1 time in total




    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Catholique LYON Fab Kis teb

    Post  Maiv Paj Lug on 23rd May 2011, 8:54 am

    Hmoob Lyon muaj kev tawm nrooj lom zem thiab sib sau siab mus teev ntuj zoo npaum nkaus li Hmoob Guyane thiab tiag, nej txhua tus mas thiaj tsim nyog yug los ua Hmoob, noj sib hlub haus sib ced, ua Tswv Ntuj tsaug ntau ntau tsis txawj tag. J: ...tuaj tso ntxiv peb maj saib nej cov duab lawm nawd o)


    Last edited by Maiv Paj Lug on 23rd May 2011, 9:10 am; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 23rd May 2011, 9:07 am


    MIS XAS

    Thaum ua Mis xas, sawv daws zaum hauv av, cov txhos caug taus los txhos caug, cov zaum quav ceg los zaum quav ceg.
    Pom cov neeg tuaj teev Ntuj nrog lub siab, pom txhua leej muaj txoj kev thaj yeeb nriab siab, lawv nyob kaj siab lug, vim lawv tsuas nco txog Huab Tais Yes Xus cov lus. Kuv mus pom li no, kuv xav kom peb cov Hmoob muab lub caij mus saib tej chaw ntshiab, mus teev Ntuj thiab. Kom peb lub tswv yim txhov lo rawv tej cuab tam ntiaj teb, txhob yuam kev rau kev ntxias, kev nyuaj siab lwj plawv, kev iab kev daw.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 24th May 2011, 6:40 am


    SIB FIM NYOB TAIZE














    Yog xav saib daim duab loj: nias ntawm daim duab




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 24th May 2011, 8:19 am














    Yog xav saib daim duab loj: nias ntawm daim duab




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 24th May 2011, 8:57 am

    CHAW SO RAU COV HLUAS





    CHAW SO RAU COV TXWJ NKAWM THIAB LAUS






    HAUJ LWM
    Tag nrho cov hauj lwm tu vaj tu tsev, ua noj ua haus, txais qhua thiab tu tej vaj loog puav leej yog cov neeg uas tuaj Sau Siab ua cov koom tes sib pab. Cov tuaj nyob ntev mas lawv faib hauj lwm raws lis piam, cov nyob luv nws kuj muaj nws txoj hauj lwm ua. Lawv tsis nug tias koj txawj yam twg thiab nyiam yam twg, thaum txog caij faib hauj lwm ces lawv faib rau koj ua xwb. Koj txawm tsis tau ua dua los lawv kom koj mam xav mam ua...Kuj yog ib qho zoo heev rau cov hluas txheej tshiab no uas lawv tsis tshua txawj ua hauj lwm kom paub ua.






    SAIB VIDEO TXOG KEEB KWM TAIZE





    Yog xav saib daim duab loj: nias ntawm daim duab




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 24th May 2011, 9:28 am


    THAUM NPAJ NOJ SUS


    Kev sib yaum tawm rooj, txhua zaud yeej tau noj qab heev yam tsis tau khwv. Txhua zaud Tswv Ntuj foom hmoov zoo rau, zaub mov noj tsis tag, haus tsis qeg, noj cuaj phaj yim ntim, noj mov nplej tshiab nrog kua qaib sis, noj laj qaib ntxuag laj nyuj, noj nqaij npuas txhiab nrog ntses ncu, noj kab cws nrog roob ris, noj zaub cub nrog ntsuag xyoob, noj zaub tsib nrog tuav qaub, noj txiv raum qaib nrog txiv kub nyug, noj mov txua nrog mov nplaum dub...NOJ SIB HLUB HAUS SIB CES CES YOG PEB TSEV HMOOB NTSEEG TXOJ KEV UA RAWS HUAB TAIS YES XUS TUS ZAUV TSO TSEG...













    Yog xav saib daim duab loj: nias ntawm daim duab

    MAM ROV TUAJ TSO NTXIV




    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: Hmoob Catholique LYON Fab Kis teb

    Post  Maivxis on 24th May 2011, 11:22 am

    Maiv Tooj wrote:



    Kuv kev zoo siab hnub mus teev ntuj nyob ' Taizé '


    Nyob zoo os , Maivtooj , Thiab cov phooj ywg ntseeg sawv daws .
    Oh.......!!ua cas koj twb tsis khoom li los koj kuj tuaj tso duab rau peb saib
    lawm os , Hnub ntawd peb kuj lom zem thiab sab heev li thiab yuad !!
    Hnub peb mus teev Ntuj nyob rau hauv lub tsev nteev Ntuj ntawd nws loj
    heev thiab neeg coob heev li thiab kuj txawv kawg li thiab vim hais tias
    nkag mus txog hauv ces nws tsis muaj rooj zaum li , sawv daws yuav tsum
    zaum hauv pem teb ( quav ko taw ) xwb na, nrhiav tsis tau chaw
    zaum ces kuv cia li zaum ntawm taw ntaiv ho nraim me ntsis lawm thiab
    kuv twb tsis pom tim lub thaj tid li , Tab sis kuj tsis ua li cas vim
    lawv teev ntuj zoo heev li thiab ho teev 2-3 hom lus thiab mas kuj txawv
    heev li , tab sis kuj zoo mloog heev li thaum uas yus mus zaum kiag
    hauv lawm es yus pom hauv nruab nrab yog tag nrho cov txiv plig zaum ib
    leej pem thoob plaws rau nram no , Hos 2 sab mas cov neeg tuaj teev ntuj
    zaum tag nrho thiab zoo nkauj kawg li , zoo li kuv hnov hais tias kuv
    tau nyob ze ze Huab Tais Ntuj lawm tiag , Kuj tsis yog kuv ib leeg xav
    li ntawd xwb thaum los es rov qab los tsev Txooj Tub kuj hais li ntawd
    thiab ua li nej lwm tus puas xav ib yam li thiab os ,
    Tab sis qhov kuv zoo siab thiab kaj siab tshaj yog thaum teev Ntuj tag
    ces nyias kuj tawm nyias los rau sab nraum no kuv tig nas " Muaj ib tug
    neeg zoo li muab nws sab tes ntub ib qho dej foom hmoov zoo coj los ua
    kiag " Tus Ntoo Cuam " rau ntawm kuv lub hauv pliaj nws ua rau kuv zoo
    siab thiab kaj siab heev li nws zoo li yog Huab Tais Ntuj kom nws ua rau
    kuv vim kuv tau thov hauv lub tsev nteev Ntuj hais tias kuv muaj kev
    nyuaj siab thov kom nws pab ua kom kuv lub siab kaj no ces ua li cas kuv
    cia li tau txais ib yam li ntawd uas ua rau kuv zoo siab heev li , Kuv
    thiaj li tig loo mus saib tus neeg ntawd na , Nws yog
    " Maivtooj " Niam Txooj Tub Yaj uas ib txwm peb yeej mus teev Ntuj ua ke kuj tsis tau ua ib zaug li no li
    Tej zaum yuav muaj tej tug nws yuav xav hais tias (nyaj yuav tsis tseem
    ceeb ab tsi no ) tab sis thov txim nawb nyias yeej muaj nyias kev xav ,
    Tab sis thaum nej tos tej yam nej xav tau kom nej lub siab kaj es nej
    cia li muaj tej yam ua rau nej ceeb nkaus thiab zoo siab hlo mas nej
    yuav zoo siab heev li ,
    Kuv thov ua koj tsaug os " Maivtooj " Ua tsaug ntau ntau nawb mog ,

    Kuv lam tso 2-3 daim duab rau nej saib os , Zoo li sawv daws kuj lom zem
    kawg li thiab , zoo li peb kuj mus coob kawg thiab tab sis noj mov tag
    cia nyias kuj muaj nyias hauj lwm ces sawv daws kuj rov los tsev tag
    lawm tshuav peb ob peb leeg thiaj li tau mus xyuas txhua txhua qhov kuj
    uas rau peb sab kawg li thiab ,
    Tab sis kuj tsim nyog kawg li thiab os ,















    Zoo siab tau sib ntsib Nyob Rau Lub tsev Nteev ntuj Nyob "Taizé " Thov
    Kom sawv daws sib koom siab mus nteev ntuj li ntau zaus ntxiv zuj zus
    lawm yav tom ntej nawb cov phooj ywg ntseeg sawv daws .

    Maivxis .




    Last edited by Maivxis on 1st June 2011, 1:20 am; edited 1 time in total

    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: Hmoob Catholique LYON Fab Kis teb

    Post  Maivxis on 24th May 2011, 11:51 am

    Maivxis wrote:
    maivxis wrote:


    tshuav 2-3 daim ntxiv thiab os kuv tsis khoom es ho mus ib pliag lawm mam rov los tso dua os .











    Maivxis .







    Last edited by Maivxis on 24th May 2011, 6:48 pm; edited 2 times in total

    Mim
    Tswv Cuab Hmong Catholique
    Tswv Cuab Hmong Catholique

    Messages : 1644
    Date d'inscription : 2009-10-16

    Re: Hmoob Catholique LYON Fab Kis teb

    Post  Mim on 24th May 2011, 6:19 pm

    Tais Tooj thiab phauj Maiv Xis,

    Zoo siab pom nej mus sau siab teev ntuj nyob Taize. Kuv yeej ib txwm tau hnov txog Taize puag thaum xyoo 1965-66 los lawm. Raws kuv nco mas tus txiv neej uas nws tsim lub koom haum Taize ntawd, nws yog ib tug Protestant, tiam sis nws ho cia li nyiam lub neej ua txiv twj cuab li cov Kas Tos Liv, ces nws thiaj los tsim ib lub koom haum muaj kev cog lus tsis yuav poj niam, ua neej raws kev pluag li cov leej tij Kas Tos Liv. Thaum ntej mas tsuas muaj cov hluas Protestants tuaj koom nws xwb, tiam sis txij li 1969 los 1972 ntawd ces pib muaj cov ntseeg Kas Tos Liv tuaj koom lawv lawm thiab.


    Tus tsim lub koom haum Taize hu ua Frere Roger no (Brother Roger). Tus leej tij Roger nws lub tswv yim yog xav rub kom cov ntseeg tsis txhob sib cais ua pab ua pawg tiam sis los koom ua ib pab ib pawg xwb, ces nws thiaj qhib nws lub tsev rau txhua hom kev ntseeg tuaj teev ntuj nyob hauv, thiab nws kuj tseem muaj ib lub tswv yim xav txhawb cov hluas, ces nws thiaj qhib qhov rooj tos txais cov hluas nyob txhua lub teb chaws txhua haiv neeg tuaj teev ntuj ua ke.

    Leej tij Roger nyuam qhuav tas sim neej tim 16 lub 8 hli, 2005 xwb. Thaum ntawd nws muaj 90 xyoo, nws laus lawm tiam sis tsis yog nws mob tuag, hos yog hmo ntawd thaum nws tab tom mus nrog cov hluas teev ntuj hauv tsev teev ntuj, muaj ib tug poj niam cia li muab riam nkaug nws tuag xwb. Luag hais tawm tias tus poj niam ntawd ntshai yog hlwb puas lawm nws thiaj ua li ntawd no.


    Nej mus nyeem nws lub neej nyob hauv no:

    http://en.wikipedia.org/wiki/Fr%C3%A8re_Roger

    http://fr.wikipedia.org/wiki/Roger_Schutz




    Last edited by Mim on 25th May 2011, 4:41 am; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 25th May 2011, 1:24 am



    Nyob zoo Maiv Xis thiab Mim,

    Maiv Xis,

    Yog kuv tseem muaj txoj hmoov ua tau ib yam zoo rau nws lub siab, qhov zoo siab tshaj ces yog kuv mog.
    Kuv niaj hnub tu siab rau kuv cov txhaum, kuv xav xyaum ua ib tug neeg zoo tab sis kuv twb ua tsis tau; muaj coob tus hais kom kuv thov Ntuj rau lawv tsis tseg, kuv vam tias HTN yuav tsis ntsia kuv cov txhaum, NWS yuav mloog kuv lo lus thov xwb. Kuv xav kom kuv yog ib tug neeg zoo tas nrho, txhob muaj txhaum, kom kuv tej lus thov mus txog rau Yes Xus lub siab Khuv Leej neeg, txog NWS lub Hiav Txwv KEV HLUB...Txhua zaud, kuv ntsia neeg lub qaim muag kev txom nyem, ua rau kuv tu siab los kua muag...Thaum peb noj hmo, kuv tsis xav txog tias tus tswv tev yuav kom kuv teev Ntuj...Ua rau kuv twb tsis paub yuav pib qhov twg tuaj...Kuv thiaj thov kom Tswv Ntuj muab TXOJ KEV THOOB TSIB TO NROG rau peb xwb. Tab sis kuv lub kua muag twb yuav poob lawm..Vim kuv tsis muaj lub hwj huam yuav de tau tej yam ntswv neeg lub siab tawm...Thaum peb tseem nyob hauv Tsev teev Ntuj, uas nej cov tawm ua ntej lawm, twb muaj ob peb tug tsis paub tias cov Dej Foom Hmoov Zoo nyob ntawm qhov rooj siv ua dab tsi, pom lawv mus tub tes rau ces lawv tub xwb. Kuv thiaj nyo mus hais rau ib tug tias: "Koj tub cov dej no, koj muab ua Muas Phua (Ntoo Cuam) so koj lub hauv pliaj, ces nws ua. Muaj ib tug tuaj tshiab, nws tsis paub ces kuv tub ib qho, kuv thiaj muab lo so nws lub hauv pliaj...Dua li, kuv thiaj rov tub ib qho, nqa los rau koj, kuv tsis pom thaum koj tawm los, kuv twb tsis paub tias koj puas tau muab cov dej Foom Hmoov Zoo nov tub koj, tab sis kuv cia li xav tias kuv nqa los rau koj (cuag li kuv yeej paub tseeb tias koj tsis tau pleev koj), ces kuv nqa los xwb...

    Mim,

    Ua tsaug uas nws muab lub ntsiab ntawm Taizé los nthuav kom meej. Nws mas yog ib tug txawj nthuav cov ntsiab lus thiab keeb kwm Kev Ntseeg zoo tiag tiag li, kuv ua nws tsaug.

    Yog kawg, Tij Roger, nws niam yog Protestant, nws tuaj yeem los ua ib tug Tij Catholic, tab sis hwm cov Protestant thiab nrhiav kev sib haum xeeb. Yog ib qho zoo heev...



    THAUM NOJ SUS
























    Muaj ib cov Fab Kis noj ib rooj mov nyob ze peb,
    Peb kuj caw lawv los saj peb cov zaub mov thiab...
    Lawv kuj los koom peb yam zoo siab hlo...



    Yog xav saib daim duab loj: nias ntawm daim duab




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 25th May 2011, 9:05 am


    NCIG XYUAS TAIZE TEJ CHAW TEEV NTUJ



    COV TIJ COV TSEV NYOB


    LUB TSEV TEEV NTUJ UAS TIJ ROGER XUB TUAJ POOB

















    Yog xav saib daim duab loj: nias ntawm daim duab




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 25th May 2011, 9:31 am

    1


    LUB TSEV TEEV NTUJ LOJ



    COV LAUS CHAW NYOB CHAW PW


















    TAG NRHO TEJ KEV THIAB CHAW NOV
    YOG TEJ CHAW SAU SIAB.


    SIB NCAIM LI NO
    XAB NIAJ LWM XYOO MAM ROV SIB NTSUAB DUA.





    Yog xav saib daim duab loj: nias ntawm daim duab




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 14th June 2011, 8:29 am

    HMOOB LYON picnic 26 jun 2011




    ZOO SIAB CAW TXOG NEJ TXHUA LEEJ NROG NEJ COV TSEV NEEG TUAJ NROG PEB KOOM NOJ IB PLUAG MOV DEJ,
    MOV ZAUB TSUAG UA NTEJ SAWV DAWS YUAV MUS SO, MUS TSHAM TEB CHAWS.

    Xyoo nov Txiv Plig Cwj Vuam Chiv muaj chaw khuam lawm, nws tuaj tsis tau ces peb yuav tsis muaj thaj Mis Xas nyob tom pluas mov Hav Zoov lawm....Khuv xim heev, tab sis xab niaj lwm xyoo peb mam lis rov npaj dua seb puas tau ntxiv. Tswv Ntuj tej qoob loo zoo sau heev, tab sis tsis muaj tub teg. Thov kom Tswv Ntuj xaiv ib cov neeg siab loj siab kuv tuaj sau NWS cov qoob loo...

    Xyoo no ntshe yuav tu tu siab, vim peb ib tug Xiv Hwb uas ib txwm coj peb teev Ntuj thiab coj peb noj mov tau tso peb tseg lawm. Peb yuav nco txog nws...txoj kev zoo thiab hwm Ntuj, ua ib tug qauv zoo rau peb txhua leej.




    Last edited by Maiv Tooj on 26th June 2011, 10:19 pm; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 26th June 2011, 10:18 pm

    HMOOB LYON picnic 26 jun 2011



    Hnub no yog ib hnub tshwj xeeb rov ncig los txog
    Peb tsoom ntseeg Cheeb Tsam Lyon, Fab Kis teb
    Tau mus hom khaj lom zem ib hnub
    hwm txog Tswv Ntuj Leej Tub Yes Xus
    Lub hwj chim Ntshiab
    Uas txhua leej cim ntsoov rau nruab siab
    Muaj cov kwv tij neej tsa txheeb ze
    Nyob ib ncig li 200-300 km ntawm peb
    Tuaj nrog peb koom kev lom zem:
    Xyoo no ntuj tshav heev, tsis tau tav su, cov dej khov xub nqa mus twb yaj tag lawm;tab sis Tswv Ntuj faib haum haum rau peb los ua neej...Ib txhia tuaj lig zog, kuj tau lawv cov dej khov los tsau dej haus...Cov tuaj tom qab kuj tseem nqa tau tuaj rau peb tsau cov dej uas yuav muag, tsau cov Ice Creem, thiab xyaw Nab Vam...
    Xyoo no peb muaj coob leej niam tsev siab dawb, ua ncuav qab zib ntau yam rau peb txhua leej tau noj seem noj sos nrog rau cov CAW QAB LOS uas Koom Haum pub, ua ntej yuav noj sus. Tsis tag li ntawd, tseem muaj lub siab zoo los sib koom ua NAB VAM rau txhua leej noj ob lwm peb lwm...Cov Nab Vam peb ua ob lub caij faib...Ib zaug thaum noj sus tag...Ib zaug yog thaum 4h30 tav su...Xyoo no tshav ntuj kub txog 40°c=104°F ces zeeg thaum 4h30 mas nqa nab vam mus tsis txeem rau pem ntug li...Vim mus txog ib nrab ke ces neeg khaws tag lawm, rov los nqa mus tsis ti li...Tab sis thawj zeeg twb ho txhua nrho lawm...

    Xyoo no kuj muaj cov neeg SIAB DAWB, yuav ib cov khoom los rau cov neeg twv, yog ib qho kev nrhiav nyiaj me me los siv rau peb lub Koom Haum tau siv; lawv kuj tsis yuav lawv cov peev rov qab. Lawv cia li thau nyiaj ntawm lawv ntiag tug los yuav cov khoom pub rau lub Koom Haum, tsis tag li ntawd, lawv tseem los nrog sawv daws twv ua kev lom zem thiab txhawb nqa lub Koom Haum kom khiav taus lawm yav tom ntej. Qhov nov, kuv thov ua tsaug ntau rau lawv lub siab zoo. Cov uas lawv muaj rau luag yam tsis xam, Tswv Ntuj kuj muab yam tsis xam rau lawv thiab...

    Dua li, kuj muaj cov kwv tij uas coj lwm hom kev cai tuaj koom nrog peb thiab:
    Muaj cov tseem coj dab qhuas, qub kev cai, muaj ntau lub koom haum Hmoob, Los Tsuas, Khab Meem, muaj cov Xib Hwb Protestant nrog rau cov ntseeg tuaj koom peb...Kuv pom lawv yees duab ntau heev...Coob leej qhuas txog peb kev sib poj sib poog, kev nyob sib puag npoo, yog ib kauj ruam rau Peb Haiv Hmoob taug lawm yav tom ntej...






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Hmoob Catholique LYON Fab Kis teb

    Post  Maiv Paj Lug on 27th June 2011, 4:42 am

    Maiv Tooj, zoo siab heev xyoo no rov qab pom nws lub me mov hav zoo, txhua xyoo nej yeej lom zem xauv npo , peb cov nyob deb nrog pom nej tej kev sib hlub sib pab thiab koom ua pab ua pawg li no mas peb zoo siab heev li lau, xyoo no nej muaj hmoo heev , lub week-end nej mus noj mov hav zoo mas nws tshav ntuj kawg li tiag yom........hehehe tau ob hnub no tshav ntuj thiab sov vaum kawg nkaus li lawm.

    Ua tsaug rau koj cov duab nawb zoo nkauj heev kawg li os, yog yes tau ntau no maj mam tso peb thiaj pom tas od hehehe.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 27th June 2011, 4:48 am

    PIB HAUJ LWM thiab TUAJ














    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 27th June 2011, 5:14 am

    UA SI


















    Mam txuas ntxiv lwm zaus




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 27th June 2011, 11:22 am

    SIB FIM





















    Mam rov tuaj tso ntxiv.




    Maivxis
    Phooj Ywg
    Phooj Ywg

    Messages : 267
    Date d'inscription : 2009-11-05

    Re: Hmoob Catholique LYON Fab Kis teb

    Post  Maivxis on 28th June 2011, 5:18 am

    Maiv Tooj wrote:.

    Nyob zoo os Maivtooj Maivpaj Mim thiab cov Phooj ywg sawv daws ,

    Maivtooj aw.......! kuv twb rov qab tim meskas teb los lawm os , tab sis tseem sab heev li thiab thiaj tsis tau tuaj xyuas nej na , tab sis tuaj no cas twb pom nej mus ua si lom zem ua luaj li os yuad ! Ua li nej puas coob thiab na los , Oh khuv xim kawg ua kuv ho tsis nyob lawm os ua li nej puas noj thiab ua si tshaj rau kuv thiab os lod , Zoo siab kawg uas peb cov hmoob tseem tuaj sib khoom li no thiab mas zoo siab kawg li os , lwm xyoo kuv yuav nrog nej mus thiab kom peb hmoob kwv tij neej tsa ho tuaj coob coooooob ..... dua nov thiab nawb

    Maivxis .





    lub TV saib Lub dav hlau Ya thiab tsaws



    Thaum lub dav hlau tsaws



    Lub zos Chicage zes tshav dav hlau

    [url=https://servimg.com/image_preview.php?i=175&u=14511394][/url

    Zos ua ntej yuav tsaws nyob chicago


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 28th June 2011, 9:38 am

    Nyob zoo Maiv Xis,

    Nws twb rov qab los txog lawm lov!
    Rov los lawm ces zoo siab os nawb.
    Xyoo no peb coob ib yam li txhua xyoo thiab, tab sis ib cov qub ho tsis tuaj, ho muaj ib cov tshiab tuaj ces peb kuj coob ib yam li txhua xyoo thiab mas. Xyoo no sawv daws kuj ua ncuav qab zib ntau heev thiab, txaus peb noj seem noj sos ntag...Dua li Nab Vam los kuj ntau heev, peb thiaj ua ob zaug faib...Cov zaub mov saum tsum ces yeej hais tias ntau li ntau, rooj yuav luag tsis txaus rau, yeej sib txiv thiab tseem tso sib tshooj tsawv, thaum noj txog tog lawm, mam li rov kho zoo rau...Xyoo no tshav kub heev, kuv tsis pleev tshuaj thaiv hnub ais ua rau kuv caj qwb thiab caj dab tej kub nyhiab liab ploog xwb...Hahahaah...Pleev tshuaj tau ob hnub no ces zoo me ntsis lawm.

    Maiv Xis, neb tsis nyob lawm mas peb kuj nco neb kawg nkaus...Ua tsaug rau nws cov duab, nws mus deb deb lawm los tseem nco ntsoo thaij duab rau peb saib tej chaw uas nws mus txog thiab. Ua tsaug nawb mog.


    SIB FIM II























    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 28th June 2011, 10:01 am

    HAUJ LWM 1
























    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Hmoob Catholique LYON Fab Kis teb

    Post  Maiv Tooj on 28th June 2011, 10:35 am

    HAUJ LWM II






















    Mam txuas ntxiv lwm zaus




    Sponsored content

    Re: Hmoob Catholique LYON Fab Kis teb

    Post  Sponsored content Today at 12:47 pm


      Current date/time is 3rd December 2016, 12:47 pm