Hmoob Catholique LYON Fab Kis teb

Yesxus Pleev

Yog koj tso siab rau Yesxus lub siab ntshiab, nws yuav ua koj siab kaj lug

Phau Ntawv Ntshiab2002

MUS NYEEM PHAU "NTAWV NTSHIAB " nias ntawm no

MUS NYEEM COV ZAJ MIXAS HNUB CHIV xyoo 2010...2012 nias ntawm nov

Search

Gallery

Phoojywg kev koom tes

Speciale Hmong Guyane

Mus ncig xyuas Hmong Guyane kev thaj yeeb

Hmoob Tshav Ntuj

Mus ncig xyuas HmongTshavNtuj kev kawm txuj ci nias ntawm no

CAW LOS NYEEM NTAWV

Leej Niam Zoo Fatima Portugal

XH Yaj Zoov Ntxheb lub tsev Thoob Tsib

TSWV NTUJ HLUB HMOOB

Suav neeg tuaj saib, txij hnub 17/09/2010 los mus.

Goto page : 1, 2, 3 ... 7 ... 14

Hmoob Catholique LYON Fab Kis teb

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°1

Hmoob Catholique LYON Fab Kis teb

Post Maiv Tooj on 14th October 2009, 6:28 pm

Pique-nique puag xyoo

14/6/2009

Koom haum Hmoob Kas Tos Liv "Centre Est de la France" ( Lyon, Fab Kis teb) tau sib yaum mus koom noj mov Hav Zoov puag xyoo rau nag hmo,
tim 14 lub 6 hli 2009, nyob rau lub Parc Miribel Jonage.
Yog lub Parc loj tshaj nyob Europe. Peb muaj hmoo heev uas tej nom tswv tau ua tej lub vaj loj loj dav dav li nov
rau pej xeem tau mus ua si, ua Sport, da dej, caij nkoj yam dawb do tsis tau them nyiaj.

Nag hmo ntuj tshav heev, ces muaj neeg tuaj deb thiab ze tuaj coob heev. Cov tuaj deb tshaj tuaj muaj:

Nyob Nplog teb,Troyes, Paris, Orléans, Besançon, Chalon, Grenoble thiab cheeb tsam Lyon.

Cov neeg tuaj muaj cov nyuam qhuav yug twb tsis tau puv hli txog ntua hnub nyug 85 xyoos.

Muaj kev lom zem rau txhua phaum neeg:

Cov me nyuam sib tw ua si noj qab zib.

Cov tub ntxhais hluas ntau Tis qaib thiab ntau pob.

Cov txiv neej thiab poj niam ntau qe hlau.

Ib cov poj niam kuj muag khoom paj ntau tsoos tsho thiab CD & DVD nkauj los yeeb yaj kiab.

Cov niam tsev zoo npaj ntau yam txhiam xwm tuaj noj: Ncuav qab zib, nqaij,
zaub mov ntau yam, Nab vam, cov muaj txiv ntoo tom lawv tej teb, lawv kuj de tuaj noj ua ke.

Muaj twv NQA IB POB KHOOM es tw qhov nyhav.
Them 3€ yog leej twg hais tau qhov ze tshaj ces tus ntawd tau pob khoom ntawd ntag.

Muaj ntau qe hlau ncaj: Txhos ib tug pas, muab lub qe hlau txawb rau saud, tuaj deb tua kom lub qe hlau poob.

Koom haum muab ib khob cawv qab los rau txhua tus tuaj haus.
Cov niam tsev ua ncuav qab zib ntau yam, muab faib nrog khob cawv ua ntej noj mov.
Dua li ces zaub mov nyias ntim raws li nyias ua tau. Muaj cuaj phaj yim ntim, noj ib yam ib los xwb twb tsau lawm.
Noj mov tag, muaj noj txiv ntoo thiab Nab Vam.

Dhau noj mov tag ces cov mus sib tw ntau qe hlau thiab ntau pob mus sib tw.

Cov tsis mus nrog lawv sib tw ces zaum sib tham ua si.

Cawv qab los, Punch

Cov hluas tab tom nqa cawv qab los thiab ncuav qab zib mus faib rau sawv daws

Twv nqa pob khoom seb nyhav li cas.
Them 3€, yog twv raug ces tau tag nrho cov khoom nyob hauv.

Last edited by Maiv Tooj on 8th March 2011, 3:23 pm; edited 5 times in total

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°2

Re: Hmoob Catholique LYON Fab Kis teb

Post Maiv Tooj on 14th October 2009, 6:43 pm

PIQUE-NIQUE UA HAUJ LWM

Hnub ntawd peb muaj haus cawv Qab Los, noj ncuav qab zib thiab ntau yam zaub mov, ntxiv rau txiv ntoo thiab Nab Vam...Muaj ib tug Niam Tsev ZOO ua tau ib lub Ncuav qab zib luaj lub vab tuaj txhua nkaus peb, ib tug ntxiv thiab ua tau ib vab ncuav phom Nyab Laj...Ib tug ua Khao Nom Xanh, ib tug ua qe ncuav Zim pees tso noob qos dej rau hauv plawv, ib tug ua ncuav nyaj laj, tso noob tsib muaj thiab noob taum, ib tug ua ncuav qos ntoo,...
Xyoo no peb muaj tham tsam 300 leej tuaj lom zem ua ke...Sawv daws zoo siab heev, feem coob lawv nyob yuav tsaus ntuj ces lawv rov mus tsev. peb tshuav li 100 leej, peb noj hmo tag peb mam los tsev. Vim cov ntau qe hlau ntau tsis tiav ces zov lawv ntaus thiab sawv daws muaj zaj heev, yeej sawv tsis tau kev rov qab li...

Mam txuas ntxiv lwm zaus

Last edited by Maiv Tooj on 8th March 2011, 3:26 pm; edited 2 times in total

Amy

Amy: Messages: 12
Date d'inscription: 2009-10-13

Post n°3

Re: Hmoob Catholique LYON Fab Kis teb

Post Amy on 14th October 2009, 7:33 pm

Maiv tooj nej sawv daws coob kawg uas tuaj mus noj picnic ua ke, nej lom zem heev li. Xab niaj rov lwm xyoo qhia lub ciaj nyoog kom peb tuaj koom tau nej thiab nawb mog.

Ua tsaug rau nws cov duab zoo nkauj kawg li.

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°4

Re: Hmoob Catholique LYON Fab Kis teb

Post Maiv Tooj on 15th October 2009, 6:19 pm

Amy wrote:Maiv tooj nej sawv daws coob kawg uas tuaj mus noj picnic ua ke, nej lom zem heev li. Xab niaj rov lwm xyoo qhia lub ciaj nyoog kom peb tuaj koom tau nej thiab nawb mog.

Ua tsaug rau nws cov duab zoo nkauj kawg li.

Nyob zoo Amy,

Peb lub Picnic puag xyoo no peb twb ua taus tshaj 20 xyoo los lawm.
Thaum peb teem tau lawm ces yuav los nag tshav ntuj los peb yeej mus li. Los nag ces rub tsev ntaub thiab noj mov ntse dej ib txhia los kuj mus li...Lawv tiv nag ntau pob, ntau qe hlau li...Hahahah...! Xyoo no ntuj zoo heev, peb thiaj muaj txog 300 leej tej. Lub Park uas peb mus ntawd loj heev ces peb mus nyob rau ib qho uas deb ntawm luag tej. Muaj ntoo loj thaiv peb tag tib si...Ces tsis muaj leej twg tuaj tab kaum peb li...Xyoo nov peb tsis muaj Mis Xas, tab sis lwm xyoo tej zaud peb yuav muaj Mis Xas nyob tom hav zoov li txhua xyoo uas peb tau ua los lawm.
Ua li, lwm niaj lwm xyoo yuav nco ntsoov caw nej txhua tus tuaj nrog peb koom. Muaj cov nyob Nplog tej, USA kuj txhob txwm tuaj koom peb thiab. Lawv nrog peb zoo siab thiab lom zem ua ke...

PIQUE-NIQUE KEV SIB TW UA SI

Last edited by Maiv Tooj on 8th March 2011, 9:48 pm; edited 1 time in total

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°5

Re: Hmoob Catholique LYON Fab Kis teb

Post Maiv Tooj on 15th October 2009, 9:22 pm

PIQUE-NIQUE cov ntau qe hlau yeej

Ntau qe hlau tau zeeg 1 yog ob tug nyob sab lauj.

Ob tug txiv tub nyob nruab nrab tau zeeg 2, tus tub muaj 5 xyoos .

Ob tug nov yog tau zeeg 3

Last edited by Maiv Tooj on 8th March 2011, 9:54 pm; edited 3 times in total

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°6

Re: Hmoob Catholique LYON Fab Kis teb

Post Maiv Tooj on 15th October 2009, 9:30 pm

PIQUE-NIQUE cov hluas

Txuas ntxiv lwm zaus

Last edited by Maiv Tooj on 8th March 2011, 9:52 pm; edited 1 time in total

Maiv Paj Lug

Maiv Paj Lug: Hmong Catholique Ciaj Sia; Messages: 1538
Date d'inscription: 2009-08-17

Post n°7

Re: Hmoob Catholique LYON Fab Kis teb

Post Maiv Paj Lug on 15th October 2009, 9:53 pm

Heheh.....niamlaus Maiv Tooj , thaum twg kuv saib nej cov duab no mas kuv yeej nrog nej lom zem txog ntawv li, ua tsaug ntau nws coj tuaj tso hauv no khaws cia thiab peb tau pom dua ib zaug ntxiv Hmoob Lyon txoj kev koom siab ntawm Tsoom Hmoob Ntseeg nyob kaj siab lug.

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°8

Re: Hmoob Catholique LYON Fab Kis teb

Post Maiv Tooj on 17th October 2009, 7:03 pm

MayPajLug wrote:Heheh.....niamlaus Maiv Tooj , thaum twg kuv saib nej cov duab no mas kuv yeej nrog nej lom zem txog ntawv li, ua tsaug ntau nws coj tuaj tso hauv no khaws cia thiab peb tau pom dua ib zaug ntxiv Hmoob Lyon txoj kev koom siab ntawm Tsoom Hmoob Ntseeg nyob kaj siab lug.

MaypajLug,

Ua tsaug rau nws cov lus txhawb siab, yog kawg, sawv daws lom zem heev. Hnub ntawd hnub luv heev rau txhua leej, sib tham, ua si, tuaj sib ntsib, lom zem tsis dhuav li twb tag ib hnub lawm. Tej laus tej qhua tus twg los nsej muag luag ntxhwb ntxhi xwb. Tus muaj mob los tuaj pom neeg coob coob ces hais tias tsis mob li lawm...Yog ib hnub tshwj xeeb rau txhua leej...Lwm xyoo tej zaud peb yuav muab tso rau hnub Saturday kom cov nyob deb thiaj tuaj koom tau peb.

PIQUE-NIQUE Sib Fim

Last edited by Maiv Tooj on 8th March 2011, 3:28 pm; edited 1 time in total

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°9

Re: Hmoob Catholique LYON Fab Kis teb

Post Maiv Tooj on 17th October 2009, 7:13 pm

PIQUE-NIQUE Sib Fim cov laus

Last edited by Maiv Tooj on 8th March 2011, 3:30 pm; edited 1 time in total

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°10

Re: Hmoob Catholique LYON Fab Kis teb

Post Maiv Tooj on 17th October 2009, 7:28 pm

PIQUE-NIQUE Pluas mov

Peb hu zaj nkauj Foom Hmoov Zoo rau mov nov:

Tswv Ntuj ntsia mov coj peb nce rooj, zaum ncig rooj qav zoo zoo.

Peb thov tswv ntuj tig ntsia, foom lus zoo lus coj sia.

Kom peb noj tag peb yim muaj zog ua txoj hauj lwm uas Tswv Ntuj tos.

Last edited by Maiv Tooj on 8th March 2011, 9:57 pm; edited 1 time in total

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°11

Re: Hmoob Catholique LYON Fab Kis teb

Post Maiv Tooj on 17th October 2009, 7:50 pm

Los...! Los nrog peb noj mov...Ab...! Xyov yuav noj dab tsi lauj...! Cas ntau yam ua luaj li...!

PIQUE-NIQUE 14/6/2009 NYOB LYON FAB KIS TEB LOS XAUS LI NO XWB...

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°12

Re: Hmoob Catholique LYON Fab Kis teb

Post Maiv Tooj on 28th December 2009, 5:46 pm

► Noj Peb Caug thiab Noël 2009,
Fêtons Noël et le Nouvel An 2009 ensemble. ♫♫♫…

Nyob zoo txog ib tsoom Ntseeg kas tos liv sawv daws,
Thov tshaj rau nej paub tias peb tsoom Hmoob Catholique nyob
Cheeb Tsam Centre-Est, Fab Kis teb yuav noj Peb Caug thiab ua Noël rau hnub tim

26/12/09

thaum

-15 teev 30 teev Ntuj ua Noël thiab Foom Hmoov Zoo rau qe Peb Caug.
Nyob rau lub tsev teev ntuj St Pierre Channel, nyob Rillieux la Pape.

-Sawv daws npaj ntxhuv thiab qe tuaj Fooom Hmoov zoo.

-Muaj TP. Cwj Vuam Chiv thiab TP. François Xavier tuaj ua thaj txi ntuj .

-Hnav tsoos tsho Hmoob tuaj, yuav thaij Vidéo xa mus rau cov Hmoob Cob Tsib saib peb teev Ntuj.
Tau tshaj 50 xyoo lawm uas lawv tsis tau pom Txiv plig mus txog lawv thiab tsis paub tias peb
teev Ntuj txawv lawv li cas. Lub Thaj Txiv Ntuj nov yuav tso tshwm hauv
Forum Hmoob Catholique nyob Cab sab (Internet).

-Nyias npaj nyias zaub mov tuaj peb noj ib pluag quas xyoo laus txais xyoo Tshiab.
(Leej twg xav caw nws tej txheeb ze tuaj koom los nws npaj kom txaus nws tej txheeb ze.)

-18 teev noj hmo nyob hauv lub Salle des Fêtes route de Strasbourg nyob Rillieux.
Kev lom zem :
-Yog leej twg tau thov thiab txais txiaj ntsim ntawm Tswv Ntuj, npaj tuaj tham rau peb mloog.
(Thov npaj tuaj thiab hais qhia peb paub ua ntej).

-Yog leej twg txawj kwv txhiaj lus taum, raj ncas,
qeej thiab lwm yam (thov npaj tuaj thiab hais rau peb paub ua ntej).

-Hu nkauj karaoke.

-Yeeb yam tes taw.

-Twv khoom nyhav.

-Ua si

-Papa Noel.

Last edited by Maiv Tooj on 8th March 2011, 10:18 pm; edited 1 time in total

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°13

Re: Hmoob Catholique LYON Fab Kis teb

Post Maiv Tooj on 28th December 2009, 7:09 pm

Hmoob Lyon ua Christmas thiab noj Peb Caug 2009-2010

Hmoob Catholic Lyon, Fab Kis teb tau ua Noel ( Christmas thiab noj Peb Caug rau hnub tim 26/12/2009 nov. Nyob rau lub zos Rieux-La-Pape. Yog ib xyoo tshwj xeeb uas peb muaj ze 400 leej, yog thawj xyoo uas coob tshaj, vam tias lwm xyoo tseem yuav coob tshaj nov ntxiv. Peb puv nkaus lub tsev Teev Ntuj loj. Sawv daws ua zam Hmoob coob heev, tus hnav paj ntaub zoo nkauj li cas los muaj, txiv neej poj niam hnav txhua tus,zoo phim ib lub Peb Caug tiag tiag li. Tau nqa txhuv thiab qe tuaj Foom Hmoov Zoo Xyoo Tshiab.
Thaum ua lub Txoo tag, peb tau mus noj mov thiab lom zem rau ib kem tsev nyob deb me ntsis ntawm lub tsev Teev Ntuj. Ib leeg npaj ib me ntsis tuaj nthuav rau s d noj ib pluag quas lub Xyoo Laus, Txais lub Xyoo Tshiab.

Noj hmo tag, muaj kev lom zem, hais ntau zaj kwv txhiaj cav txog Huab Tais Ntuj tus siab zoo, cav txog Yes Xus lub koob meej YUG los Cawm Seej, yam lom zem xauv npo. Tsis tag li, Le Père Noël (Santa claus) kuj tau nqa qaum liab qaum ntsuab tuaj txhua nrho tej me nyuam thiab cov laus ib leeg ib pob. Tseem muaj khoom ua si faib txhua nrho cov me nyuam hlob yau rau cov laus tib si. Muaj sib tw hmoov...Yam lom zem rau txhua leej luag ntxhwb ntxhi.
Muaj piav txog tej txiaj ntsim uas yus thov es tau txais, kuj muaj tej zaj zoo heev yam twb xav tsis txog tias Tswv Ntuj lub zog loj npaum ntawd. Yog yus tso siab tag nrho rau yus txoj kev thov, yus yuav tau txais yam txaus siab tag nrho.

Yog vim muaj Huab Tais Ntuj txoj kev hlub roos peb, peb thiaj sib sau tau ua ib pab, nyob ib pawg li Tus Zoo Tswv pab yaj.

Nov yog cov Los Tsuas.

Yaj Xaiv Tsom hais zaj Thov Ntujrau: TP. Yvon L'Hénoret, TP. Neej Vaj, TP. Cwj Vuam Chiv.

Yaj Txooj Tub hais zaj Thov Ntuj rau: Cov Hmoob Catholic nyob Nyab Laj teb.

Hawj Tsav Txhiaj hais zaj Thov Ntuj rau: Cov tsev neeg kev sib haum xeeb.

Vwj Vam Lishais zaj Thov Ntuj

Lauj Yaj hais zaj Thov Ntuj kom HUab Tais Yes Xus yug los nyob hauv sawv daws lub siab. Kom peb txhob yuam kev rau tej yam cuav.

Xyooj Ntsum Ntxawg hais zaj Thov Ntuj

Hawj Txhiaj Tawb hais zaj Thov Ntuj

Yaj Nyiaj Pheej hais zaj Thov Ntuj pab kom peb khwv tau noj tau haus raws siab xav.

Lauj Fav Tswv hais zaj thov Ntuj

Last edited by Maiv Tooj on 8th March 2011, 10:21 pm; edited 2 times in total

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°14

Re: Hmoob Catholique LYON Fab Kis teb

Post Maiv Tooj on 28th December 2009, 7:30 pm

Thaum nqa Khoom Txi zoo nkauj heev, tab sis tsis khoom yees duab, ces tsis pom lauj...!

Last edited by Maiv Tooj on 8th March 2011, 10:23 pm; edited 1 time in total

Maiv Tooj

Maiv Tooj: Hmong Catholique Ciaj Sia; Messages: 3167
Date d'inscription: 2009-08-19

Post n°15

Re: Hmoob Catholique LYON Fab Kis teb

Post Maiv Tooj on 28th December 2009, 8:03 pm

Tswv Ntuj txoj kev hlub tuaj txog peb txhua tus
Tswv Ntuj txoj kev nyiam tuaj nrog peb thawm niaj

Tus hlob hlub tus yau, Tswv Ntuj pub ntxiv rau
Tus yau hlub tus hlob, Tswv Ntuj nrog nej nyob

Koj hlub kuv, ua Tswv Ntuj kev ntoj kev thuv
Kuv hlub koj, ua Tswv Ntuj txav ze peb zog

Yaj Txooj Tub, Thawj Tswj Koom Haum Centre-Est Hais ib los lus Qheb Xyoo Tshiab thiab Foom Koob Hmoov Noel rau sawv daws. Nws tseem hais ntxiv txog cov kwv tij Hmoob Catholics nyob Cob Tsib teb uas lawv tsis muaj lub fwv tsam tau ua lub Hmoov Tsuj Xeeb Yes Xus Yug los li peb. Lawv tsis muaj lub Cim Yug thiab tsis muaj Nuj sua plig, tsis tau noj qab haus tsau li peb tau ua hnub no. Kuj tu siab kawg li...