Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  Mim on 18th June 2014, 6:21 pm

    Nyob zoo rau nej txhua leej txhua tus,

    Kuv thov txim ntawm sawv daws, vim kuv tuaj tso zaj no lig rau sawv daws me ntsis lawm.  Hnub no tim 18 lub 6 hli, yog hnub peb pib teev ntuj 9 hnub thov Yes Xus lub Plawv(Siab) Ntshiab. Kuv tau txais ib tsab email hais tias kom peb thov Yes Xus lub Plawv Ntshiab rau peb cov txiv plig no. Yog li thov nej pab kuv thov ntuj rau peb cov txiv plig Hmoob thiab. Peb thov ntuj 9 hnub ua ntej hnub peb ua hmoov nco txog HT Yes Xus lub Plawv (Siab) Ntshiab uas yog tim 27 lub 6 hli. Peb pib hnub no tim 18, ces xaus rau tim 26.  Tiam sis vim kuv tuaj tso lig lawm, ces nej xav pib tag kis uas yog tim 19 mus los tau, nej mam xaus rau tim 27, uas yog hnub ua hmoov.

    Txoj Kev Teev Yes Xus lub Plawv Ntsthiab 9 Hnub


    Yog LN Marguerite Marie Alacoque tau qhia thiab pib txoj kev teev Yes Xus lub Plawv Ntshiab no, vim Yes Xus tau yees tawm tuaj rau nws pom thiab qhia nws txog txoj kev teev ntuj no.

    LN Padre Pio yog  ib tug nyiam hais zaj teev ntuj no niaj hnub.




    Cov Zaj Teev Ntuj thov Yes Xus Lub Plawv Ntshiab

    HT Yes Xus, koj tau hais tias: “Kuv hais tseeb rau nej, nej thov ces nej yuav tau txais, nej nrhiav ces nej yuav ntsib, nej khob ces qhov rooj yuav qhib rau nej.” Yog li kuv tuaj khob, kuv tuaj nrhiav, thiab tuaj thov lub txiaj ntsim… (hais qhov yus xav thov rau ntawm no)
    Peb Txiv nyob saum ntuj…
    Koj nyob zoo Mab Liab…
    Huab Tais leej Txiv, HT leej Tub…

    Yes Xus lub Plawv Ntshiab, kuv cia siab tas nrho rau koj.

    HT Yes Xus, koj tau hais tias: “Kuv hais tseeb rau nej, yog nej tuav kuv lub npe thov ib yam dab tsi ntawm leej Txiv, mas nws yuav muab rau nej.” Yog li kuv tuav koj lub npe thov leej Txiv kom pub lub txiaj ntsim… (hais qhov yus xav thov rau ntawm no)
    Peb Txiv nyob saum ntuj…
    Koj nyob zoo Mab Liab…
    Huab Tais leej Txiv, HT leej Tub…

    Yes Xus lub Plawv Ntshiab, kuv cia siab tas nrho rau koj.

    HT Yes Xus, koj tau hais tias: “Kuv hais tseeb rau nej, lub ntuj thiab lub ntiaj teb yuav dua mus, tiam sis kuv cov lus yuav tsis txawj dua mus.” Yog li kuv tso siab tias yuav muaj raws li koj tau hais, kuv thiaj tuaj thov lub txiaj ntsim… (hais qhov yus xav thov rau ntawm no)
    Peb Txiv nyob saum ntuj…
    Koj nyob zoo Mab Liab…
    Huab Tais leej Txiv, HT leej Tub…

    Yes Xus lub Plawv Ntshiab, kuv cia siab tas nrho rau koj.

    HT Yes Xus lub Plawv Ntshiab, yuav kom koj tsis txhob hlub neeg mas tsis tau li, yog li thov koj hlub peb cov neeg txom nyem neeg txhaum, thiab thov koj pub cov txiaj ntsim raws li peb tau thov, peb vam txog koj leej Niam Mab Liab thiab peb Niam lub Plawv uas raug txom nyem loj thiab dawb huv los thov koj.

    Poj Huab Tais, koj ua niam hlub peb, koj nres peb txoj sia, koj ua peb lub neej tsim txiaj, koj ua peb lub siab tus. Peb tuaj xyuas koj. Es Vas tej me nyuam poob nram hav puv kua muag no, Es Vas tej me nyuam kho siab tas nrho tuaj seev ntawm koj.  Aib Niam pab peb puag saum ntuj, koj dauv ntsej muag los ntsia peb. Thaum txog peb lub caij khuam ntiaj teb no tas, muab lub txiv txi hauv koj lub cev, Yes Xus, rau peb xyuas. Aib Niam txawj zam txhaum, Niam txawj hlub neeg, Mab Liab, nkauj tsim txiaj zoo nyiam.

    Tswv Ntuj leej Niam, koj thov ntuj rau peb, kom peb tsim nyog txais raws li leej Pleev tau cog lus tseg.

    Leej txiv ntshiab Yos Xes, tus tu Yes Xus hlob, thov koj thov ntuj rau peb.
    Ua li.


    Last edited by Mim on 18th June 2014, 6:45 pm; edited 1 time in total

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  Mim on 18th June 2014, 6:39 pm

    LUS AAS KIV

    Novena to the Sacred Heart of Jesus

    The Devotion to the Sacred Heart of Jesus was started and made popular by St. Margaret Mary Alacoque. She was inspired by visions of Jesus to spread this devotion.

    This was a favorite prayer of St. Padre Pio and he prayed it every day.


    Sacred Heart of Jesus Novena Prayers

    O my Jesus, you have said: “Truly I say to you, ask and you will receive, seek and you will find, knock and it will be opened to you.”  Behold I knock, I seek and ask for the grace of… (Mention your Intention here)
    Our Father…
    Hail Mary…
    Glory Be to the Father…

    Sacred Heart of Jesus, I place all my trust in you.

    O my Jesus, you have said: “Truly I say to you, if you ask anything of the Father in my name, he will give it to you.” Behold, in your name, I ask the Father for the grace of… (Mention your Intention Here)
    Our Father…
    Hail Mary…
    Glory Be to the Father…

    Sacred Heart of Jesus, I place all my trust in you.

    O my Jesus, you have said: “Truly I say to you, heaven and earth will pass away but my words will not pass away.” Encouraged by your infallible words I now ask for the grace of…(Mention your Intention here)
    Our Father…
    Hail Mary…
    Glory Be to the Father…

    Sacred Heart of Jesus, I place all my trust in you.

    O Sacred Heart of Jesus, for whom it is impossible not to have compassion on the afflicted, have pity on us miserable sinners and grant us the grace which we ask of you, through the Sorrowful and Immaculate Heart of Mary, your tender Mother and ours.

    Hail, holy Queen, Mother of mercy, our life, our sweetness and our hope. To thee do we cry, poor banished children of Eve.  To thee do we send up our sighs, mourning and weeping in this vale of tears.
    Turn then, most gracious advocate, thine eyes of mercy toward us, and after this our exile, show unto us the blessed fruit of thy womb, Jesus, O clement, O loving, O sweet Virgin Mary!

    Pray for us O holy Mother of God, that we may be made worthy of the promises of Christ.
    St. Joseph, foster father of Jesus, pray for us.
    Amen.

    – St. Margaret Mary Alacoque


    Find the Original Here: http://www.praymorenovenas.com/novena-to-the-sacred-heart-of-jesus/#ixzz353BjbRAY

    LUS FAB KIS

    Neuvaine au Sacré-Cœur


    1- Ô mon Jésus, qui avez dit : « En vérité, je vous le dis, demandez et vous recevrez, cherchez et vous trouverez, frappez et il vous sera répondu ! » Voici que je frappe, je cherche, je demande la grâce de …………………………….
    Pater, Ave, Gloria.

    Sacré-Cœur de Jésus, j’ai confiance et j’espère en vous !

    2- Ô mon Jésus, qui avez dit : « En vérité, je vous le dis, tout ce que vous demanderez à mon Père en mon nom, il vous l’accordera ! » Voici qu’à votre Père, en Votre Nom, je demande la grâce de ………………………………….  
    Pater, Ave, Gloria

    Sacré-Cœur de Jésus, j’ai confiance et j’espère en vous !  

    3- Ô mon Jésus, qui avez dit : « En vérité, je vous le dis, le ciel et la terre passeront, mais mes
    paroles ne passeront point ! » Voici que, m’appuyant sur l’infaillibilité de vos Saintes Paroles, je demande la grâce de ………………………………..

    Pater, Ave, Gloria

    Sacré-Cœur de Jésus, j’ai confiance et j’espère en vous !

    Prière : O Cœur Sacré de Jésus, à qui il est impossible de ne pas avoir compassion des malheureux, ayez pitié de nous, pauvres pécheurs, et accordez-nous la grâce que nous vous demandons par l’intercession du Cœur Immaculé de Marie, Votre et notre tendre Mère.

    Saint Joseph, Père adoptif du Sacré-Cœur de Jésus, priez pour nous.

    SALVE REGINA

    Salve, Regína, mater misericórdiae, vita, dulcédo et spes nostra, salve. Ad te clamámus, éxules fílii Evae. Ad te suspirámus, geméntes et flentes in hac lacrimárum valle. Eia ergo, advocáta nostra, illos tuos misericórdes óculos ad nos convérte. Et Jesum, benedíctum frucum ventris tui, nobis post hoc exsílium osténde O clemens, o pia, o dulcis Virgo María !

    Salut, ô Reine, Mère de miséricorde, notre vie, notre consolation, notre espérance, salut. Enfants d'Eve, de cette terre d'exil nous crions vers vous ; vers vous nous soupirons, gémissant et pleurant dans cette vallée de larmes. O vous, notre Avocate, tournez vers nous vos regards compatissants. Et, après cet exil, obtenez-nous de contempler Jésus, le fruit béni de votre sein, O clémente, ô miséricordieuse, ô douce Vierge Marie !

    Il est recommandé de continuer cette neuvaine sans interruption jusqu’à l’obtention de la grâce demandée (Saint Padre Pio disait chaque jour cette neuvaine pour tous ceux qui se recommandaient à ses prières).

    http://www.spiritualite-chretienne.com/download/prieres/Neuvaine-Sacre-Coeur.pdf

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  Maiv Tooj on 19th June 2014, 9:40 am



    Nyob zoo Mim,

    Ua tsaug ntau nws muab zaj thov Ntuj Yes Xus lub Plawb Ntshiab no tuaj rau peb.

    Thaum Hmoov Tswv Ntuj txoj kev Khuv Leej, hnub tsa ob tug Vaj Qhia Zam 23 thiab Vaj Qhia Zam Paj Lug 2 ua Leej Ntshaib, kuv leej nkawm wb nrog rau ib pab ntseeg peb twb mus teev Ntuj tau ob hnub qhov chaw uas LN.Marguerite Marie Alacoque pom HT.Yes Xus qheb nws lub plawv rau nws pom. Muaj neeg mus teev Ntuj coob heev, lawv teev Leej tswv Yim Ntshiab ntau. Yog ib qho chaw ntshiab uas ob tug Vaj Qhia Zam 23 thiab Zam Paj Lug 2 puav leej tau tuaj teev Ntuj. Hmo uas peb hawm lub Cim Yug, muaj hwj huam yees ntxwv rau 5 tug neeg nyob hauv. Ntawm kuv tus kheej, kuv kuj tau ib qho me me los yog loj loj thiab nyob ntawm yus yuav txhais li cas.



    Yog nyob hauv lub tsev teev Ntuj no uas HT.Yes Xus tshwm thiab qheb nws lub plawv rau Leej Phauj Marguerite Marie Alacoque pom.



    Yog thaum nws tab tom teev Ntuj hauv nov.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  Mim on 20th June 2014, 5:02 pm

    Tais Tooj,

    Nej cov muaj hmoov zoo tau nyob ze tej thaj chaw ntshiab, ces nej tau kev mus xyuas mus teev ntujthov koob hmoov ntawm tej thaj chaw ntawd. Nej kav tsij nquag mus pab thov ntuj rau peb cov uas nyob deb deb no thiab os.

    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  NrhiavTswvNtuj on 4th June 2015, 8:25 pm



    Nyob zoo sawv daws,

    Lub lis piam Hawm lub Cim Yug yog lub caij teev Yes Xus lub Plawv Ntshiab.
    Yes Xus hais tias:

    "Koj khob mas kuv yuav qheb,
    koj thov Leej Txiv ntawm kuv lub Npe mas koj yuav tau,
    lub ntiaj teb yuav dhau mus tab sis kuv cov lus yuav nyob mus li."







    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  Maiv Tooj on 9th June 2015, 10:28 am



    Zaj teev Ntuj 9 hnub rau HT.Yes Xus lub Plawv Ntshiab teev zaj:

    "Peb Txiv"
    yog tim txoj kev zwm raws li Tswv Ntuj nyiam.

    "Koj nyog Kaj Lus Mab Liab"
    Vim Niam Mab Liab yuav nyob ntawd pab txhawb zaj thov Ntuj no.

    "Huab Tais Leej Txiv..."
    Xub ua tsaug ua ntej, hauv txoj kev tso siab, thiab ua tsaug rau Tswv Ntuj.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  Maiv Tooj on 5th April 2016, 8:35 am


    Pom  lub Cim Yug nyob Paray Le Monial Tim 02-03/04/2016

    ( Paray le Monial yog thaj chaw Ntshiab uas HT.Yes Xus tshwm rau leej Phauj Margurite-Marie pom, 1647-1690)



    Tsev teev Ntuj LN. Zam



    Lub Cim Yug nyob hauv tsev teev Ntuj LN.Zam.




    Thaum Hmoov Tswv Ntuj txoj kev Khuv Leej ( Hnub Chiv tom qab Hnub  Chiv Hla, Dimanche Divine Miséricorde) xyoo 2016, yog Xyoo uas txiv Vaj Qhia tsa ua ib xyoos ntshiab rau txoj kev Khuv Leej, peb pab teev Ntuj « Réjuires-toi Jérusalem » muaj tshaj 20 leej, peb mus Sau Siab rau lub chaw Ntshiab Paray Le Monial. Muaj kuv ib tug phooj ywg hu ua Ntxhoo no nrog kuv mus thiab.
    Hnub Xya Hla tim 02/04/2016, peb sawv ntxov ntxov mus, 8h sawv ntxov xwb peb twb mus txog lawm, peb yog thawj lub tsheb uas xub mus txog. Peb tos lawv cov lawv qab tuaj txog, peb haus me ntsis kav fes, haus kob swm tshuaj thiab noj ncauj me ntsis tag ces peb pib mus koom nrog lwm pab uas tuaj ntau qhov tuaj. 9h peb mus teev Ntuj thiab kawm kev ntseeg txog 11 teev ces peb mus Mis Xas. Mis Xas tag peb mus noj sus, noj sus tag peb taug kev nce roob teev Saw Mab Liab, mus los txog 17h45, 18h peb rov mloog qhia Ntuj Kev Cai tag, peb mus noj hmo, noj hmo tag rov mus mloog qhia Ntuj Kev Cai thiab hu nkauj teev Ntuj txog rau 23h. Ces cov coob lawv ncaj qha rov los pw tim tsev ntiav lawm. Xyoo no peb pab mus pw tsev ntiav vim yog xyoo Ntshiab Txoj Kev Khuv Leej uas muaj neeg tuaj coob ces peb tsis tau kev pw hauv cov tsev rau neeg teev Ntuj lawm. Kuv tsis rov mus pw ces kuv thiaj li thov lwm tus pab thauj kuv tus phooj ywg Ntxhoo  nrog lawv mus pw. Peb mus Hawm lub Cim Yug txog 24h, kuv tseem xav nyob ntxiv tab sis ib txhia uas lawv nrog kuv caij tsheb tsaug tsaug zog no ces peb thiaj li rov los pw lawm.
    Hnub tim 03, yog Hnub Chiv Tswv Ntuj lub Siab Khuv Leej yog Hnub Chiv tom qab Hnub Chiv Hla, hnub no mas peb muaj ntau yam yuav ua, kuv xam ces peb lub caij tsis txaus. Thaum 8h peb sawv los noj tshais (haus kav fes , peb nyob Fab Kis teb mas thaum sawv ntxov peb noj mov ci thiab haus kas fes los haus dej kob swm tshuaj xwb peb tsis noj mov). Ces kuv xam li cas los peb lub caij tsis txaus lawm. Vim 9h30 peb twb yuav pib peb cov hauj lwm mus nxiv lawm. Xam los yeej tsis muaj caij seem li txog ntua thaum peb yuav rov mus tsev. Kuv thiaj hais rau Ntxhoo tias : «  Nag hmo peb mus hawm lub Cim Yug lawm, koj tsis tau mus, peb twb tuaj txog qhov nov ib zaug, koj yuav tsum mus. Koj mus no ces yog koj xav thov txiaj ntsim dab tsi no koj sau rau ib daim ntawv me me tais pov rau hauv lub tawb uas lawv tso rau hauv qab Thaj Txiv Ntuj. Koj mus, koj txhob ntshai, yeej muaj neeg nyob hauv tas mus li. Koj twb pom lawm, yog ntawm kem tsev muag khoom sab lauj, tus ntaiv uas nce mus saud, koj nce mus saud ces yeej ncaj qha mus rau hauv lub tsev teev Ntuj ‘Zam’ uas muaj lub Cim Yug . Tsis deb ces koj mus ko taw mus es kuv nyob, kuv tos cov uas muaj me nyuam uas nrog wb caij tsheb, peb mam lawv qab tuaj.
    Ces Ntxhoo haus kas fes tsuag tsuag tag, nws txawm sawv kev mus lawm.
    Kuv nyob tos cov muaj me nyuam npaj tau peb thiaj li lawv qab mus. Peb mus txog, peb mus mloog  ob peb tug Txiv Plig qhia Ntuj Kev Cai txog rau 11h ces peb mus ua Mis Xas, lub Mis Xas lawv muaj 5 tug txais lub Cim Ntxuav thiab lawv kuj ua tau zoo heev thiab ua ntev tsawv. Peb coob heev ua rau lub tseev teev Ntuj ntsawm nkaus yuav luag tsis tau kev li, ib txhia tseem zaum hauv av xwb. Peb yuav muaj tshaj 1.000 leej.  Thaum lawv qhia kev cai ntawd txawm muaj ib tug pog, yog cov tuaj Sau Siab li peb tab sis tsis yog peb pab, nws txawm hais tias : « Kuv tuaj rau qhov nov mas zoo li Tswv Ntuj txoj kev Hlub puv npo phwj yaws rau hauv kuv lub siab, txiv ceev nkaus kuv lub hauv siab tsis muaj chaw rau li lawm. Cas txawm siv yuav rov qab mus tsev lawm. »
    Ua Mis Xas tag ces peb rov mus noj sus tom tsev ntiav.
    Lawv rub ib lub rooj ntev rau tag nrho peb pab noj mov ua ke. Ntxhoo wb zaum ntawm tw rooj. Ntxhoo zaum ntawm kuv xub ntiag, nws txawm pib tham tias :
    «  Tu siab heev, ua cas kuv tsis tau kawm ntawv, kuv tsis paub lus fab kis txaus, luag hais kuv paub lo puav nyuag xwb. Yog kuv paub lus npaum koj, es luag hais dab tsi kuv paub, luag muaj mus teev Ntuj Sau Siab nyob rau qhov twg kuv paub no ntshe kuv yuav mus tas mus li. »
    Nws hais li no ces nws txawm cia li quaj, kuv kuj sawv mus nplws nws taub haus, kuv nwj nws lub hauv pliaj, kuv puag nws rau hauv kuv lub ntiag , kuv plhws nws taub hau ces kuv hais rau nws tias : «  Txhob tu siab, peb paub lus los luag hais tag peb twb tsis nco qab tag lawm. Tuaj ib lom ntshe tsuas khaws tau ib ob los rau nruab siab xwb. » Hais li nov tag, kuv txawm tham rau nws tias : Peb tsis paub tau Tswv Ntuj lub hom phiaj, feem ntau mas Tswv Ntuj tsis hu cov neeg ntse, vim cov ntse mas lawv tsis hais Tswv Ntuj cov lus, cov neeg ntse mas lawv hais lawv cov lus xwb. Li ntawd mas Tswv Ntuj nyiam txib cov neeg txom nyem, cov neeg tsis muaj txuj ci. Kuv txawm muab piv txwv rau LN. Npav Nas Dev thaum Niam Mab Liab tshwm rau nws nyob Lourdes, Tswv Qhia nug nws tias : «  Ua cas Niam Mab Liab ho tshwm rau koj es ho tsis tshwm rau luag tej ? » Npev Nas Dev thiaj teb tias : «  Yog muaj lwm tus pluag tshaj kuv mas yuav tshwm rau lawv, tab sis ntshe tsis muaj tus pluag tshaj kuv ces thiaj tshwm rau kuv. » thiab LN. Nquas Kav Lauv, ib tug tub liaj tub teb yaj sab uas pom Niam Mab Liab nyob Guadalupe.
    Kuv tham me ntsis li nov tag ces Ntxhoo txawm hais rau kuv hais tias :  
    Puag ta tus pog i hais li ntawd, taig kis no kuv mus Hawm lub Cim Yug, kuv hnov kuv lub hauv siab ceev ceev phwj yaws li pog hais thiab tiag. Ntshe koj tsis nrog kuv mus es kuv mus ib leeg xwb kuv ntshais los xyov yog ua li cas, kuv lub siab mas dhia pig poog xwb.  Kuv nce ntaiv mus txog saud ces zoo li kuv lub siab fab fo, kuv cia li xav hais tias : « Uab ! Ib ntsis kuv nkag kiag mus es kuv yuav mus pom dab tsi ? Kuv pom es kuv yuav ua li cas ? » ( tab sis nws kuj tsis paub hais tias nws yuav mus pom dab tsi). Ntxhoo hais li nov, ces kuv txawm hais rau nws hais tias : Kuv twb hais rau koj hais tias tab hmo ntuj los yeej muaj neeg nyob tas  mus li no ne, cas koj ho ntshai maj ! Es nyaj koj yeej tau nkag mus xyuas tej lub tsev teev Ntuj uas koj tsis tau paub dua los lawm thiab pob ? Ntxhoo hais :  Kuv yeej tau mus lawm thiab mav, tab sis kuv tsis tau ntshai li nov li.  Wb hais li nov xwb ces txawm tso tseg ib nyuag pliag ( thaum nov los zoo li Ntxhoo lub siab tsis tus li, nws tseem los kua muag thiab). Ntxhoo txawm rov hais tias :
    - «  Lub Cim Yug ci heev yom ! »
    - Yeej ci mav ! vim lawv ua lub cheeb kub los dhos ces cov teeb ci rau ces yeej ci mav.
    - Tsis yog lub cheeb sab nraud ci hos ! kuv hais lub Cim Yug ci hos, ci li lub hnub, ci heev, kuv nkag mus muaj neeg coob coob sawv ntsug ped ces kuv nyob nram qhov rooj xwb, kuv nkag kiag mus, kuv  nyob nram qhov rooj los yeej ci txog ntua kuv li tiag. Ci zoo nkaus li lub hnub, tab sis lub hnub mas yus ntsia tsis taus, tab sis lib Cim Yug nov mas yus ntsia tau. Ci zoo nkaus li thaum lawv tua coob fais (feu d’artifice, fireworks) es tawg paj paug tiag.
    - Kuv paub tias Tswv Ntuj pub txiaj ntsim rau Ntxhoo lawm, tab sis kuv tsis xav ua rau kom nws ceeb ces kuv txawm hais rau nws tias : Lub Cim Yug ces zoo li cov uas taig kis no peb ua Mis Xas peb txais xwb mas.  
    - Nws ci heev hos ! ci ci li hos !
    - Kuv saib zoo li nws tsis to taub kuv hais ces kuv rov hais tias : Lub Cim Yug ces yog Yes Xus lub Cev uas taig kis nov ua Mis Xas peb noj xwb mas, tsuas yog lawv ua lub loj dua coj los tsa rau sawv daws hawm xwb.
    - Ab ! Kuv pom ses ci ci heev li.
    - Yog tias peb pom lub Cim Yug ci ci li koj hais nov ces ntshe nag hmo peb twb tsis los pw li os, ntshe peb cia yuav nyob ib hmo kag ntug xwb ! Lub Cim Yug ces yeej yog lub uas peb noj thaum ua Mis Xas xwb mas.
    - Aub ! Yog li no mas kuv pom tsis yog li lub peb noj, kuv pom mas ci ci li lub hnub, thaum kuv nkag mus kuv pom kiag yeej ci txog ntua thaum kuv rov tawm los. Zoo li ntawd ces kuv mus nyob hauv, kuv txhos caug puag nram qhov rooj, kuv twb tsis nco qab saib moo li, kuv twb tawm los nraum zoov nov, kuv mam saib moo no yog 9h15. Yog li no ib ntsis kuv yuav rov qab mus saib seb puas yog li koj hais tiag. Ntshe yog kuv vwm vwm lawm es kuv thiaj pom ci cuag li lub hnub pob !
    - Tsis yog koj vwm, yog Tswv Ntuj pom koj txoj kev txom nyem quaj ntsuag es Tswv Ntuj pub txiaj ntsim rau koj xwb. Qhov chaw nov, yog ib qho chaw ntshiab. Sawv daws tuaj, sawv daws yeej tau txiaj ntsim ntau heev thiaj li muaj neeg tuaj coob ua luaj. Tab sis yog lawv tsis hais  ces peb tsis paub xwb.
    Li nov tag ces noj sus tag, peb rov mus teev Ntuj, peb rov mus nkag hauv kem tsev teev Ntuj ‘Zam’, Ntxhoo pom lub Cim Yug peb sawv daws pom lawm xwb, tsis ci li thaum sawv ntxov nws pom lawm.
    Ntxhoo tau mus txais lub Cim Yug li cov ntseeg uas ntxuav plig tas, tab sis nws tsis tau mus hawm lub Cim Yug dua ib zaug li.

    Li nov tag ces noj sus tag, peb rov mus teev Ntuj rau ntau lub tsev teev Ntuj, mus txog lub tsev teev Ntuj twg los nws kuj tseem los kua muag thiab. Peb mus ntau lub tsev teev Ntuj tag, peb rov mus nkag hauv kem tsev teev Ntuj ‘Zam’, Ntxhoo pom lub Cim Yug peb sawv daws pom lawm xwb, tsis ci li thaum sawv ntxov nws pom lawm.

    NB. Ntxhoo tau mus txais lub Cim Yug li cov ntseeg uas ntxuav plig tas, tab sis nws tsis tau mus hawm lub Cim Yug dua ib zaug li, yog thawj zaug nws mus hawm lub Cim Yug, tab sis tsis muaj neeg coj ces nws mus ib leeg xwb.







    Tsev teev Ntuj Paray Le Monial.



    Peb tab tom pib teev Saw Mab Liab yuav taug kev nce roob mus pem ib lub tsev teev ntuj me nyob 2km deb.













    Vaj Qhia Zam Paj Lug 2 tus Ntoo Cuam.



    Ntxhoo.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  Maiv Tooj on 13th April 2016, 9:32 am



    Mav Nkaws Liv As Las Kov (Marguerite Alacoque)


    Mav Nkaws Liv As Las Kov (Marguerite Alacoque) yog yawg Dlaus Alacoque thiab Fis Lis Npej Lamyn tus me nyuam tim 5, lawv yog ib tse neeg nplua nuj. Txij puag thaum me me los, Mav Nkaws Liv ib txwm hwm lub Cim Yug, nws nyiam ua tij ywm teev Ntuj dua mus ua si li me cov nyuam yaus. Thaum nws hnub nyug 5 xyoos, nws mus xyuas nws tus niam qhuav uas muaj ib tug ntxhais ua Phauj, nws hnov lawv tham txog kev mus ua Phauj, ces nws tsis paub dab tsi li tab sis thaum nws mus Mis Xas nws txawm cog lus li no : « Kuv tus Tswv Ntuj, kuv muab kuv txoj kev dawb huv los txi rau KOJ, thiab kuv cog lus rau Koj hais tias kuv yuav txuag kuv lub cev nkauj xwb mus ib sim neej. » Tom qab nws txais lub Cim Yug thawj zaug tas, nws hnub nyug muaj 9 xyoos, nws zais ntshis ua kev txom nyem loj rau nws lub cev, ua ntej qhov nws yuav mob ua rau ib ce yuav tuag thiab yuav qaug txaj tau 4 lub xyoo.
    Thaum lub caij tus mob yuav zoo, yog nws tau cog lus rau Nkauj Ntshiab Mab Liab hais tias nws yuav muab nws lub neej los txiv rau Tswv Ntuj, yuav los ua Phauj, thaum nws cog lus tag nrho ces nws tus mob cia li zoo hlo tam sim ntawd lawm. Hnub uas nws txais lub Cim Txhab Zog ua kev nco txiaj ntsim, nws ntxiv lub npe Mab Liab (Marie) no ntxiv rau nws lub npe.
    Ua ntsuag txiv, nws niam thiab nws mus nrog pog thiab yawg nyob, pog thiab yawg muab nws lub cuab tam lws tag rov qab thiab tseem saib nkawd nruj nruj, tsis pub nkawd txav taw, tsis pub nkawd muaj kev ywj siab ua ib yam dab tsi li. Mav Nkaws Liv-Mab Liab tsuas teev Ntuj los nplij nws lub siab xwb, li ntawd nws thiaj li pom Yes Xus Pleev tshwm rau nws pom thawj ob peb zaug. NWS niaj zaus tshwm dai nyob saum Ntoo Cuam thiab pom thaum Yes Xus raug tsim txom, NWS ntoo lub voj pos, Mav Nkaws Liv-Mab Liab tsis xav txog dab tsi li, vim nws xav tias ntshe luag tej txais lub Cim Yug luag pom ib yam li nws pom thiab no.
    Thaum nws hnub nyug 17 xyoo, nws tsev neeg rov hais tau nws cov teeg tug ntawm nws pog thiab nws yawg rov qab los ces nws niam xav kom nws npaj lub neej nyob hauv lub ntiaj teb. Yam tsis paub txog qhov nws niaj hnub ua kev them txim nyhav heev rau nws tus kheej, ces nws txawm pib nrog luag mus tej kev nquam paj nquam nruas lom zem. Muaj ib hmos, nws los tom ib lub koob tsheej rau cov hluas los txog ntawm tog kev, nws cia li pom Leej Pleev thaum raug lawv ntaus : « Leej Pleev hais tias twb hlub nws npaum ntawd cas tseem ntxeev siab thiab». Tom qab no, Mav Nkaws Liv-Mab Liab khuv xim tag nws sim neej, tu siab quaj rau nws ob « qho txhaum » uas nws tau ua thaum lub caij ntawd yog : Tau coj lub puav kauj toog, coj saw nyiaj saw kub ci hob thiab tau rau ib lub looj ntsej muag ua kev lom zem rau nws cov mus muag Hnub Peb Rog (Mardi Gras), yog hnub ua ntej Hnub Plaub Txais Tshauv .
    Nws ncig xyuas ob peb lub tsev Phauj, thaum nws nkag mus rau lub uas nyob Paray-Le-Monial, ib lub suab tuaj hauv nws siab tuaj hais tias : « Yog qhov nov uas kuv xav tau koj. »
    Tim 25/05/1671, nws muaj hnub nyug 24 xyoos, nws nkag mus nyob hauv Tsev Phauj, lub 11 hlis 1672, nws cog lus ua Phauj tag sim neej. Mav Nkaws Liv-Mab Liab mob ntsuav los nws tseem ua kev them txim tsis tseg, nws sau tseg hauv nws « phau ntawv nco tau 1 (ses Mémoires 1) ».


    Tsis ntev tom qab uas nws mus nyob hauv Tsev Phauj, nws hais tias nws tau pom Leej Pleev los xyuas nws ob peb zaug. Tag nrho cov Yes Xus tshwm zaum uas nto moo tshaj cov yog thaum lub 6 hli 1675 : Yes Xus qheb nws lub plawv rau Mas Nkaws Lib-Mab Liab saib thiab hais tias : « Nov yog lub Plawv uas nyiam leej neeg tas nrho, […] txog ntua qhov nws lub zog tas nrho rau nws txoj kev hlub lawv, thiab qhov uas kuv tau txais rov qab ces qhov ntau tsuas yog tej kev mom txheej xwb… » . Muaj ib zaug, Leej Pleev rov hais dua tias : « Kuv lub siab Ntshiab muaj txoj kev hlub puv npo rau leej neeg, thiab tshwj xeeb yog rau koj ». Txij thaum ntawd los, Mav Nkaws Liv-Mab Liab thiaj li rau siab ntso hwm lub Plawv (siab) Ntshiab.
    Kev tshwm sim rau Mav Nkaws Liv-Mab Liab nov ua rau cov nyob hauv lub tsev Phauj nov thuam nws, lawv cem tias nws nim « pom ub pom no », txog rau qhov tus Phauj Loj tau tso qeb txam kom nws tawm txhob ua Phauj. Yog vim nws txoj kev mloog lus thiab nws kev txo hwj chim thiab ua siab dawb rau cov neeg uas tsim txom nws thiaj li muaj yeej, lub Koom Haum Phauj thiaj li lees paub txog Leej Pleev tej kev tshwm rau nws pom nov. Muaj tus Txiv Plig Claude La Colombière, uas yog Yes Xus xav los ua nws « ib tug txheeb phooj ywg zoo », Mav Nkaws Liv-Mab Liab thiaj li qhia cov lus uas Yes Xus los hais rau Txiv Plig Claude La Colombière. Yog thaum lub caij nyuam qhuav pib kev teev Lub Plawv (Siab) Ntshiab.
    Leej Pleev qhia Mav Nkaws Liv-Mab Liab thiaj paub xaiv Xuab Moo Ntshiab (l’Heure Sainte), los rau nws teev Ntuj, thaum nws teev Ntuj, nws pw khwb rwg xyab rau hauv av, ntsej muag khwb rau hauv av txij li 11 teev tsaus ntuj mus txog ntua Hnub Rau ib tag hmo, txhua thawj Hnub Rau hauv txhua lub hlis los ua kev tu siab, kom pab tau Leej Pleev txoj kev txom nyem uas nws raug, uas thaum nws cov Thwj Tim tsos nws tseg, ua li nov tag ces nws thiaj li mam txais lub Cim Yug hnub tom qab. Leev Pleev tau hais tias xav kom ua ib lub hmoov hawm nws lub Plawv rau Hnub Xya tom qab lub Hmoov Leej Pleev Lub Cev; thiab Leej Pleev hu nws hu ua « tus thwj tim ntshiab uas nyiam lub Plawv Ntshiab tas nrho » thiab tus tau txais NWS qub txeeg qub tug. Tom qab no thaum Mav Nkaws Liv-Mab Liab mob mas nws tsis kam kom kho nws tej mob kom zoo es ho txhob tau ntooj li, nws hais tsis tseg hais tias : « Qhov kuv muaj nyob saum Ntuj, thiab qhov kuv ntshaw nyob ntiaj teb no, tsuas yog KOJ tib leeg xwb, kuv tus Huab Tais », thiab thaum nws txoj sia yuav tu, nws hu txog Yes Xus lub npe.

    Lawv tau tsa nws ua Leej Ntshiab.

    Cheeb Koom Txoos tshuaj xwm tau xaiv Leej Phauj Mav Nkawd Liv-Mab Liab ua cov neeg siab ntshiab rau hnub tim 15-10-1714.
    Vaj Qhia Pis 9 tsa nws ua cov neeg siab ntshiab rau hnub tim 19-08-1764 nyob rau Rome.
    Vaj Qhia Npes Nes Div 15 tsa nws ua Leej Ntshiab rau hnub tim 13-05-1920.

    Txhais los ntawm Wikipédia.
    Maiv Tooj, Tim 13-04-2016




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  Maiv Tooj on 16th June 2016, 8:26 am



    Nyob zoo tsoom phooj ywg Ntseeg Ntuj sib Fi Txuj,

    Twb rov txog lub caij teev Yes Xus lub Plawv Ntshiab lawm, npaj siab tuaj sib koom teev ncig ntuj mog.

    Xyoo no yog xyoo tshwj xeeb thov txiaj ntsim "Tswv Ntuj txoj Kev Khuv Leej", txhob nruam mog!


    Mim wrote:Nyob zoo rau nej txhua leej txhua tus,

    Kuv thov txim ntawm sawv daws, vim kuv tuaj tso zaj no lig rau sawv daws me ntsis lawm.  Hnub no tim 18 lub 6 hli, yog hnub peb pib teev ntuj 9 hnub thov Yes Xus lub Plawv(Siab) Ntshiab. Kuv tau txais ib tsab email hais tias kom peb thov Yes Xus lub Plawv Ntshiab rau peb cov txiv plig no. Yog li thov nej pab kuv thov ntuj rau peb cov txiv plig Hmoob thiab. Peb thov ntuj 9 hnub ua ntej hnub peb ua hmoov nco txog HT Yes Xus lub Plawv (Siab) Ntshiab uas yog tim 27 lub 6 hli. Peb pib hnub no tim 18, ces xaus rau tim 26.  Tiam sis vim kuv tuaj tso lig lawm, ces nej xav pib tag kis uas yog tim 19 mus los tau, nej mam xaus rau tim 27, uas yog hnub ua hmoov.

    Txoj Kev Teev Yes Xus lub Plawv Ntsthiab 9 Hnub


    Yog LN Marguerite Marie Alacoque tau qhia thiab pib txoj kev teev Yes Xus lub Plawv Ntshiab no, vim Yes Xus tau yees tawm tuaj rau nws pom thiab qhia nws txog txoj kev teev ntuj no.

    LN Padre Pio yog  ib tug nyiam hais zaj teev ntuj no niaj hnub.




    Cov Zaj Teev Ntuj thov Yes Xus Lub Plawv Ntshiab

    HT Yes Xus, koj tau hais tias: “Kuv hais tseeb rau nej, nej thov ces nej yuav tau txais, nej nrhiav ces nej yuav ntsib, nej khob ces qhov rooj yuav qhib rau nej.” Yog li kuv tuaj khob, kuv tuaj nrhiav, thiab tuaj thov lub txiaj ntsim… (hais qhov yus xav thov rau ntawm no)
    Peb Txiv nyob saum ntuj…
    Koj nyob zoo Mab Liab…
    Huab Tais leej Txiv, HT leej Tub…

    Yes Xus lub Plawv Ntshiab, kuv cia siab tas nrho rau koj.

    HT Yes Xus, koj tau hais tias: “Kuv hais tseeb rau nej, yog nej tuav kuv lub npe thov ib yam dab tsi ntawm leej Txiv, mas nws yuav muab rau nej.” Yog li kuv tuav koj lub npe thov leej Txiv kom pub lub txiaj ntsim… (hais qhov yus xav thov rau ntawm no)
    Peb Txiv nyob saum ntuj…
    Koj nyob zoo Mab Liab…
    Huab Tais leej Txiv, HT leej Tub…

    Yes Xus lub Plawv Ntshiab, kuv cia siab tas nrho rau koj.

    HT Yes Xus, koj tau hais tias: “Kuv hais tseeb rau nej, lub ntuj thiab lub ntiaj teb yuav dua mus, tiam sis kuv cov lus yuav tsis txawj dua mus.” Yog li kuv tso siab tias yuav muaj raws li koj tau hais, kuv thiaj tuaj thov lub txiaj ntsim… (hais qhov yus xav thov rau ntawm no)
    Peb Txiv nyob saum ntuj…
    Koj nyob zoo Mab Liab…
    Huab Tais leej Txiv, HT leej Tub…

    Yes Xus lub Plawv Ntshiab, kuv cia siab tas nrho rau koj.

    HT Yes Xus lub Plawv Ntshiab, yuav kom koj tsis txhob hlub neeg mas tsis tau li, yog li thov koj hlub peb cov neeg txom nyem neeg txhaum, thiab thov koj pub cov txiaj ntsim raws li peb tau thov, peb vam txog koj leej Niam Mab Liab thiab peb Niam lub Plawv uas raug txom nyem loj thiab dawb huv los thov koj.

    Poj Huab Tais, koj ua niam hlub peb, koj nres peb txoj sia, koj ua peb lub neej tsim txiaj, koj ua peb lub siab tus. Peb tuaj xyuas koj. Es Vas tej me nyuam poob nram hav puv kua muag no, Es Vas tej me nyuam kho siab tas nrho tuaj seev ntawm koj.  Aib Niam pab peb puag saum ntuj, koj dauv ntsej muag los ntsia peb. Thaum txog peb lub caij khuam ntiaj teb no tas, muab lub txiv txi hauv koj lub cev, Yes Xus, rau peb xyuas. Aib Niam txawj zam txhaum, Niam txawj hlub neeg, Mab Liab, nkauj tsim txiaj zoo nyiam.

    Tswv Ntuj leej Niam, koj thov ntuj rau peb, kom peb tsim nyog txais raws li leej Pleev tau cog lus tseg.

    Leej txiv ntshiab Yos Xes, tus tu Yes Xus hlob, thov koj thov ntuj rau peb.
    Ua li.




    Sponsored content

    Re: Teev Yes Xus lub Plawv (Siab) Ntshiab 9 Hnub ( Yes Xus tshwm rau Soeur Marguerite-Marie Paray Le Monial)

    Post  Sponsored content Today at 8:59 pm


      Current date/time is 10th December 2016, 8:58 pm