Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


  • Post new topic

Xav nrog Laj Pov tham

Share
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5329
Date d'inscription : 2009-08-18

Xav nrog Laj Pov tham

Post  Maiv Tooj on 6th June 2014, 6:26 pm

Tub Laj Pov,

Thaum i kuv tso TP.Emilien Tardif daim video tawm, nws hais tias tus TP.ntawd nyob qhov twg, nws xav mus ntsib no ua li Txiv Plig Tardif twb ho dua nra lawm; zaum no kuj muaj TP.James Manjackal, uas yog neeg India, nws kuj tau txais Leej Tswv Yim Ntshiab, nws kuj thov Ntuj rau sawv daws tau txiaj ntsim heev. Kuv nrhiav zoo li nws tsis tuaj rau sab Amérique, nws tuaj rau sab Europe xwb. Li ntawd tim 22-24/08/2014 np nws yuav tuaj ntawm Paris; tej zaud kuv kuj yuav mus xyuas thiab. Lam tham seb nws puas xav tuaj. Yog nws tsis xav tuaj deb deb los nws nrhiav nyob tim USA, nrhiav cov "Catholique Renouveau Charismatique", yeej yuav tsum muaj xwb, nws mam mus nrog lawv thov txiaj ntsim.

Nyob Paris yog qhov chaw nyob nov, sau npe tuaj 3 hnub ntawd yog 25€, nqes khais tsev. Kev noj haus nyias mam ntxeem nyias (muaj kwv tij hmoob nyob coob ib ncig Paris, yog leej twg ho xav vam txog lawv ob peb hnub los lawv yeej txaus siab tos txais). Tas 3 hnub ntawd yog yus zoo siab xav pub li cas rau nws los mam muab tom qab, tsis txaus siab muab los tsuas them nqe nkag 25€ xwb.

http://www.jmanjackal.net/eng/engretir.htm


« Salle PATÉ »
30, Avenue Pierre-Brossolette

Saint Maur Des Fossés 94100
France


RETRAITE SPIRITUELLE CHARISMATIQUE-PERE MANJACKAL - GUERISON INTERIEURE - VIDEO 12/13



Cov Renouveau Charismastique , yog thaum Vaj Qhia Zam 23 npaj lub Rooj Ncauj Lus Vas Tis Kaas 2, nws tau thov kom Leej Tswv Yim Ntshiab rov qab nqes los dua ib zaug tshiab li thaum ub rau cov Thwj Tim; vim txoj kev ntseeg ntev ntev los lawm ces tsuag zuj zus lawm; yam li lub pob zeb uas yus txawb mus deb deb lawm ces tsis muaj ceem lawm. Li ntawd Rooj Ncauj Lus Vas Tis Kaas 2 tag rau 1965, 1967 nyob tim USA, muaj ib pab tub kawm ntawv 12 leeg nyob ib lub University sib sau teev Ntuj ua ke, lawv cia li tau txais LTYN. Ces lawv cia li txawj hais ib cov lus uas lawv tsis paub thiab lawv siab kub lug rau txoj kev ntseeg nrog rau lawv hnov Tswv Ntuj los yog HT.Yes Xus hais lus rau lawv. Tsis ntev tom qab no ces thiaj muaj tswm rau ntau lub unversity ntxiv. Tib pliag xwb pla mus rau sab Europe. Xyoo 1972(...?), Koom Txoos Catholic Vaj Qhia Paj Lug 6 thiaj li lees txais cov Renouveau Charismastique no rau hauv Koom Txoos. Cov Renouveau Charismastique no lawv thov Ntuj tau txiaj ntsim heev, tshwj xeeb rau kev mob nkeeg thiab tej teeb meem siab ntsws.


Last edited by Maiv Tooj on 29th June 2014, 3:46 am; edited 1 time in total



avatar
Lajpovyaj
Phooj Ywg
Phooj Ywg

Messages : 170
Date d'inscription : 2009-12-03
Age : 57
Localisation : USA

Re: Xav nrog Laj Pov tham

Post  Lajpovyaj on 7th June 2014, 5:00 am

Yog lub caij koj hais no ces kuv dab laug ho tuaj tim nplog tuaj saib kuv lawm.ntshe kuv yuav tuaj tsis tau li siab xav.cia kuv mam li nrog cov catholic ntawm peb no tham ntxiv seb lawv puas pab tau li cas tso.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5329
Date d'inscription : 2009-08-18

Re: Xav nrog Laj Pov tham

Post  Maiv Tooj on 7th December 2014, 11:40 am

Nyob zoo tub Liaj Pov,


Zoo siab uas nag hmo peb lub qaum zos noj Peb Caug, kuv tau ntsib nws tus kwv thiab niam ntawm Ntxoov Fwm. Nkawd kuj tau tham txog koj tus mob me ntsis mas kuj khuv leej koj kawg.

Thov kom Tswv Ntuj pub koob hmoov rau koj, kom koj tsuas muaj yeej koj tus mob xwb.




avatar
Lajpovyaj
Phooj Ywg
Phooj Ywg

Messages : 170
Date d'inscription : 2009-12-03
Age : 57
Localisation : USA

Re: Xav nrog Laj Pov tham

Post  Lajpovyaj on 8th December 2014, 7:04 am

Niam ntxawm koojziagkabzaug.
Ua tsaug ntau uas koj tseem mus ntsib kuv tus kwv nkawd 2 niam txiv thiab thaij tau duab pub kuv saib mog.Ntu no kuv haj yammob nyhav dua qub lawm.Qhov loj tshaj yog lub qhov ncauj txhav dua xyoo tas los lawm tam sim no kuv noj tsis tau 1 dia mov haus tsis tau 1 pas dej ntawm qhov ncauj li lawm.Cia siab tias muaj tswv ntuj yog tus tseem pab kuv thiaj li muaj txoj sia nyob txog niaj hnub no.
avatar
Lajpovyaj
Phooj Ywg
Phooj Ywg

Messages : 170
Date d'inscription : 2009-12-03
Age : 57
Localisation : USA

Re: Xav nrog Laj Pov tham

Post  Lajpovyaj on 14th December 2014, 8:51 am

Niam ntxawm koojziagkabzaug.
Ua tsaug qhov koj tseem khuv leej txog kuv tseem nug txog kuv moo mog.Kuv qhia koj tias luag ntiaj tog qaus pes tseem khuv leej txog kuv puav leej nug kuv moo tab sis kuv poj niam ces nws tsis txob tsis txhawj txog dab tsi li.Nws xav mus twg ces kuv txawm pw hoos maum los nws yeej mus nws li lawm.muaj tej zaum kuj yog mus zoo tej zaum ces yeej yog mus phem lawm los kuv mob lawm kuv hais tsis tau ces kuv tsis hais li xwb os.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5329
Date d'inscription : 2009-08-18

Re: Xav nrog Laj Pov tham

Post  Maiv Tooj on 14th December 2014, 8:19 pm



Tub Laj Pov,

Kuv xav txog nws ua ntus zus, pom nws daim duab me nyuam yaus uas nws yawg puag nws los txog lub zwj ceeb uas nws tseem khov kho, niaj hnub mus plhob yij nraj lauv tsaws, los rau lub caij nws muaj mob nkeeg. Cas nws nim mob mob ciaj khaub tag, nim tsis yog dab tub nkeeg me khaub thuam, nim yog niag mob daj tsis txawj nquag. Kuv pom nws yog ib tug zoo neeg, ntuj tsim tau zoo nqaij zoo tawv, cas nim yuav mob lwj ntsuav es twb tsis tau muab nws lub cev ntaj ntsug phim zam nrog luag hom khaj. Twb tsis tau laus los nim nyob so vias li tej niag laus tsis taus. Kuv xav ntau yam, kuv kuj khuv leej nws kawg.

Kav liam mog, me tub, luag lub siab tsis tawg, noj txhij xav tsis txhua es luag tsuas puab leej tib kom luag tau zoo tsis nco txog yus thaum yus muaj kev txom nyem vam luag los tsis dua ntawm luag mog; vim luag tsis paub luag thiaj ua li ntawd, yus yog tus paub, yus yuav tau zam rau luag es txhob yws, txhob cem, txhob foom luag mog. Coj yus lub siab ntshiab, txhob ciaj caub, txhob xam txeem es kom daws tau tej niaj kev lwj siab ntiaj teb rau ntiaj teb, kom txhob tau nqa mus ua ib lub txim rau yus ntxiv lawm yav tom ntej. Luag zoo los puab leej tib kom luag zoo es yus zoo siab them txim rau ntiaj teb kom tag yus txim; hnub qab nqam ntsis yus tsis tshua leej twg nqe lawm. Tus luag xav txog tus kheej xwb, txawm niaj hnub no luag zoo siab luag ntxhi los luag tseem tshuav luag nuj luag nqe yuav them rau hnub qab nram ntsis mog. Yus li yus xaiv qhov tias them nuj nqes ua ntej yuav siv, luag li luag xaiv qhov tias siv ua ntej, hnub qab nram ntsis tshua nuj nqes li cas luag mam them. Ces yuav zoo siab txais qhov yus muaj thiab yus tau es txhob tu siab rau qhov pom luag zoo es yus txom nyem ntsia ntuj mog.



avatar
Lajpovyaj
Phooj Ywg
Phooj Ywg

Messages : 170
Date d'inscription : 2009-12-03
Age : 57
Localisation : USA

Re: Xav nrog Laj Pov tham

Post  Lajpovyaj on 23rd June 2016, 4:14 pm


Nyob zoo niam ntxawm Txooj tub yog tim li cas tau 1 ntus no kuv tuaj ntawm Hmoob tshav ntuj thiab Hmong catholique ua lub forum cas zoo li pheej qeeb zog lawm kuv tawm mus rau lwm lub vas sab ces ho khiav nrawm lawm.Tam sim no kuv cia li los nkag tsis tau hauv Hmong catholique li lawm.tuaj tau nov mas yog kuv mus tom Hmoob tshav ntuj ces kuv ho muaj like nyob tod ces kuv mam li nias los xwb thiaj li tau.koj sim saib seb yog tim li cas lawm.[/size]
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5329
Date d'inscription : 2009-08-18

Re: Xav nrog Laj Pov tham

Post  Maiv Tooj on 23rd June 2016, 9:33 pm



Tub Laj Pov,

Ua tsaug nws tuaj qhia kuv, tab sis ntawm kuv mas tsis muaj teeb meem dab tsi, nkag hauv google los tseem tau li qub. Forum mas tau ob peb hnub no yeej khiav qeeb me ntsis tiag. Kuv tseem tab tom copy lub Forum nov cia, tej thaum kuj qeeb heev kuv tsis zoo ua hauj lwm ces kuv cia li tso tseg xwb. Tab sis nkag mus hauv no kuj qeeb me ntsis xwb tsis qeeb heev.

Xyov Maiv Paj Lug mus tsuj ntug lawm, tsis pom tuaj pab kuv xyuas Forum ces kuv ib leeg xwb ua tsis yeej li. Cia kuv tus technicien tuaj txog kuv lub tsev no kuv mam kom nws xyuas seb puas muaj dab tsi khuam es thiaj li qeeb.



avatar
Lajpovyaj
Phooj Ywg
Phooj Ywg

Messages : 170
Date d'inscription : 2009-12-03
Age : 57
Localisation : USA

Re: Xav nrog Laj Pov tham

Post  Lajpovyaj on 24th June 2016, 1:17 pm

Nyob zoo niam ntxaswm txooj tub.
Ua tsaug ntau uas nws tuaj teb kuv mog.Nws mam li saib seb tim li cas ho pab kho rau kom peb zoo khiav ua si mog.
avatar
Mim
Tswv Cuab Hmong Catholique
Tswv Cuab Hmong Catholique

Messages : 1944
Date d'inscription : 2009-10-16

Re: Xav nrog Laj Pov tham

Post  Mim on 27th June 2016, 5:24 am

Tais Tooj,

Tau ib ntus no mas cas kuv yuav mus hauv Hmong Catholique Forum mas kuv yuav tsum tau nkag mus hauv Aumonerie Hmong catholique ces mam taum hauv nkag mus xwb thiaj tau thiab tiag. Yog ua li cas lawm? Yav tas los ub mas tsuav yog kuv tso tias Hmong Catholique forum xwb mas yeej tawm los li, zaum no mas kuv tso kiag Hmong Catholique forum de discussions los tawm ntau ntau lub Hmong sites tiam sis tsis muaj Hmong Catholique Forum de discussions li. Tiam sis yog kuv ho siv kuv lub pem tsev no kuj ho tseem pom thiab. Puas yog tim computer xwb los yog tim li cas?
avatar
Lajpovyaj
Phooj Ywg
Phooj Ywg

Messages : 170
Date d'inscription : 2009-12-03
Age : 57
Localisation : USA

Re: Xav nrog Laj Pov tham

Post  Lajpovyaj on 27th June 2016, 6:34 am

Nyob zoo mim.
Kuv kuj tsis paub tias yog tim li cas tab sis tau 2 hnub los no cas kuv ntaus tias Hmong catholique no xwb yeej cia li tawm los lawm thiab.Kuv tseem xav tias ntshe yog nej pab muab kho lawm no xwb.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5329
Date d'inscription : 2009-08-18

Re: Xav nrog Laj Pov tham

Post  Maiv Tooj on 27th June 2016, 7:10 am



Nyob zoo Mim thiab tub Laj Pov,

Ntawm kuv mas tsis muaj teeb meem, kuv ntau hauv google "Hmong Catholique" los yeej tseem tshwm li qub, tsis muaj dab tsi hloov. Ntshe yog cab sab ntawm koj xwb os Mim, nyaj hnub puav saum no yuav rov zoo lawm.



avatar
Lajpovyaj
Phooj Ywg
Phooj Ywg

Messages : 170
Date d'inscription : 2009-12-03
Age : 57
Localisation : USA

Re: Xav nrog Laj Pov tham

Post  Lajpovyaj on 28th June 2016, 2:56 pm

Niam ntxawm Txooj tub thiab Mim.
Tej zaum yuav yog tim tim cab sab li hais no xwb sim saib mus hnub puav seb puas txawv li cas.Ntawm kuv mas txij li hnub kuv mus pw tsev kho mob kuv tawm los ces yog 6/6/2016 no ces kuv yeej tuaj nkag tsis tau hauv Hmong catholique no li ua cas tam sim no tsis paub tias yog ua cas ho cia li rov qab pom zoo li qub lawm.

Sponsored content

Re: Xav nrog Laj Pov tham

Post  Sponsored content

  • Post new topic

Current date/time is 24th September 2017, 7:07 pm