HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Tswv Ntuj ua tau tag puas tsav yam, F. Ts. Cob Tsib teb Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


3 posters

    Tswv Ntuj ua tau tag puas tsav yam, F. Ts. Cob Tsib teb

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tswv Ntuj ua tau tag puas tsav yam, F. Ts. Cob Tsib teb Empty Tswv Ntuj ua tau tag puas tsav yam, F. Ts. Cob Tsib teb

    Post  Maiv Tooj 23rd February 2014, 8:32 am



    Ib zaj kwv huam nyob Cob Tsib teb.



    Kuv yawg peb yog cov Hmoob ntseeg Catholique nyob Cob Tsib teb.  Yog ib tug Txiv Plig Fab Kis ntxuav plig rau kuv yawg. Tom qab Dien Bian Phu tawg tag (teb chaw Cob Tsib ua Koom Tshas) ces cov Txiv Plig rov qab tag, peb nyob tsis muaj  Leej Choj li lawm. Xyoo 1958, kuv yawg tau ua ib lub tsev teev Ntuj rau hauv peb zos;  tab sis tsis muaj Leej Choj tuaj ua Thaj Txi Ntuj li peb kuj ua ke mus teev Ntuj rau hauv tas mus li. Peb tsis teev hnub Chiv tab sis Hnub Xya tsaus ntuj (Saturday).  

    Kuv mus kawm ntawv hauv tsev kawm Ntawv Tseem Hwv, lawv kuj pab peb cov Hmoob zoo dua cov pej xeem Nyab Laj los lwm haiv neeg me. Thaum ntej mas kuj muaj coob heev kawm tab sis thaum dhau Primaire lawm ces lawv tawm tag mus tsev, mus yuav txiv yuav poj niam tag lawm tshuav kuv thiab tus Hau Zos tus tub xwb. Tus Hau Zos tus tub mas lawv kuj tsis xav li cas rau vim nws yog tub nom ces nyaj nws yuav npaj mus ua nom ua tswv…Tab sis kuv  yog tub liaj tub teb xwb cas kuv ho tsis tawm li lwm cov…Lawv txawm muaj ntsis faj kuv ces lawv nug kuv tias ua cas kuv ho tsis rov mus tsev mus ua liaj ua teb?
    Kuv teb lawv tias kuv tsis tau xav mus kuv tseem xav kawm ntawv…Ces lawv kuj cia li lawm. Tau 3 hlis tom qab, lawv rov nug dua kuv kuj hais tib yam qub ces lawv txawm hais tias:”Peb tseem Hwv twb tau them nyiaj pab nyiaj rau koj kawm los txog tav nov lawm mas txog caij koj yuav tsum mus ua hauj lwm kom muaj nqes rau lub teb chaws…”  kuv thiaj hais rau lawv tias: “Yog nej tsis pub kuv kawm los kuv tsis kawm tab sis kuv yuav tsis mus ua hauj lwm kuv yuav rov qab mus tsev.” Ces kuv txawm los tsev lawm, los nrog kuv txiv ua teb tau ib me nyuam xyoo, kuv txiv nug seb kuv puas xav yuav poj niam tsa lub neej, kuv tsis tau xav yuav vim kuv nyuam qhua muaj li 14 xyoos xwb.  Ces muaj ib hnub txawm muaj ib tug hluas Cob Tsib tuaj ntawm peb zos, tuaj tham pem ua si, cov Hmoob tsis paub lus Cob Tsib pes tsawg, ces kuv thiaj nrog nws tham. Tham ua si ces tus tub Cob Tsib thiaj hais rau kuv tias: Koj puas xav mus kawm ntawv ntxiv? Kuv xav hos ov! Ces tus tub Cob tsib thiaj coj kuv mus nrog cov Txiv Plig nyob, kawm ntawv. Kuv thiaj mus rau Hanoï, nyob ib ntus kuv ho mus rau Nyab Laj Qab teb lawm.
    Mus nyob Nyab Laj Qab teb, pom Txiv Plig Nyiaj Pov xa tau ib phau Ntawv Ntshiab ua ntawv Hmoob RPA, cov Txiv Plig nyob Hanoï muab rau Hmoob saib, Hmoob tsis paub li, lawv tias tsis paub xyov yog ntawv dab tsi. Ces tus Txiv Plig muab khaws cia lawm…Tom qab Txiv Plig Roland Jacques (ib tug TP.Fab Kis, paub lus Hmoob), ho mus ncig txog Xais Ngoj, ces peb thiaj mus ntsib, nws muab Txiv Plig Nyiaj Pov ib tsab ntawv rau peb, peb nyeem tsis tau li…Ces peb rov qab los, kuv thiaj hais kom Txiv Plig Nyiaj Pov xa cov txwm ntawv Hmoob mus rau peb, peb kawm tau lawm mam muab tsab ntawv los nyeem naj cas yog Txiv Plig Nyiaj Pov sau…Ces lawv thiaj rov mus muab phau ntawv xub thawj los saib naj cas yog ib phau Ntawv Ntshiab.
    Lawv thiaj muab cov ntawv coj mus qhia Hmoob kom txawj nyeem, muab phau Ntawv Ntshiab luam cov zaj nyeem nkaus xwb coj mus nyeem teev Ntuj pem yaj sab. Yam li tsis muaj kev ywj pheej ces nyiag luam me ntsis me ntsi xwb…

    Kuv twb mus tau ib xyoos rau yav Qab teb, ces kuv rov los pem Txiv Plig nyob Hanoï tsev, kuv yuav caij tsheb nqaj hlaus mus lawm yav Qaum teb, yuav caij lub 7 teev sawv ntxov, no tab sis hmo kuv  txawm nrog cov phooj ywg mus haus cawv ua si me ntsis, twb haus tsis ntau cas cia li zoo li qaug cawv me ntsis lawm, pw  tsis hnov,  ces lub tsheb nqaj 7 teev twb mus lawm mam tsim los thiaj hais tias yog li ces cia mam mus lub 10 teev. Sawv los, lawv mus hauj lwm tag lawm tshuav kuv tib leeg nyob xwb cas xov tooj nrov  kuv tsis teb vim kuv twb mus ntev ntev lawm ces teb los yuav tsis paub hais dab tsi; tab sis pheej nrov ntev ntev tsis tu li kuv txawm teb naj cas yog kuv tus txiv ntxawm hu tuaj  nug tias :
    - Koj puas yog S ?
    -Kuv yog mav,
    -Koj los tsev, los saib yawg nawb, nws mob mob li xyov nws puas yuav zoo.

    Ces kuv txawm tsis mus  caij tsheb nqaj lawm kuv cia li mus tsev. Ntawm Hanoï rau pem peb tsev mas caij tsheb ib hnub thiab mus ko taw 5 teev thiaj li txog.  Ces kuv mus txog pem peb teb,  nkag mus hauv tsev teb, pom kuv tus  muam nyob ib leeg xwb kuv nug ces tus muam hais tias: Yawg mob nyhav nyhav li, xyov puas yuav zoo ces lawv mus pem tsev tag lawm tshuav kuv tib leeg zov teb xwb. Thaum ntawd twb yog 8 teev tsaus ntuj lawm, kuv txawm hais tias yog li ces sab sab li thiab ces pw nov ib hmo taig kis kaj ntug mam mus pem tsev. Pw taig kis kaj ntug cas kuv tus kwv thiab tus npawg txawm cab tau ib tug nees tuaj tos kuv, kom kuv mus tsuag tsuag yawg nkees heev li lawm.

    Ces kuv thiaj caij nees mus txog, kuv mus tuav kuv yawg tes thiab hais tias : « Yawg ! kuv los lawm os.» Ib pliag ces kuv txawm mus teev Ntuj tom lub tsev teev Ntuj, kuv hais kom Huab Tais Ntuj coj nws yawg mus, vim kuv yawg twb pw tau 4 lub hlis lawm txom nyem dhau. Teev Ntuj tag kuv rov los ntawm kuv yawg ces kuv yawg tso txoj sia tseg.

    Kuv yawg yog ib tug neeg muaj koob nto npe mas ib cheeb tsam neeg tuaj pom tuag coob heev li…Yog thawj zaug uas kuv pom neeg coob coob ua ke. Leej twg hnov los cia li tuaj, ces pw hauv zos thoob plaws, hauv tsev, tom tsev teev Ntuj los pw thoob plaws. Noj tshais tag ces tav su lawm, noj su tag ces tsaus ntuj lawm xwb…

    Txij thaum 1958 los yeej tsis muaj Txiv Plig tuaj txog peb lub zos li tab sis thaum kuv yawg tuag tag kuv mus xyuas kuv yawg tag ces kuv los zaum zaum kuv txawm ib nyuag xav hauv siab tias : « KHEEV LAM MUAJ IB TUG TXIV PLIG TUAJ UA IB THAJ TXI NTUJ RAU KUV YAWG MAS ». Xav li nov tab sis yeej yuav muaj tsis taus, vim yeej yuav tsis muaj Txiv Plig tuaj txog. Tab txawm mus hu kiag tus Txiv Plig Nyab Laj  uas nyob nram lub tsev uas kuv nyuam qhua los so ntawd los twb yuav yog 3 hnub mam li tuaj txog ces ntshe twb muab kuv yawg zais lawm (vim nyob teb chaw Cob Tsib lawv tsis pub cia cov tuag tshaj peb hnub).

    Cas nyob ib chim txawm muaj ib tug tuaj hu kuv kom kuv mus tom kuv tus npawg tsev, muaj neeg xav ntsib kuv. Kuv mus txog, pom ib tug neeg txawv txawv tuaj, kuv paub tias tsis yog neeg Cob Tsib lawm ces kuv  hais lus Aas Kiv rau tab sis cia li teb lus hmoob rau kuv hais tias : « Kuv yog Txiv Plig Pob Zeb, kuv nyob Thaib teb, kuv ua hauj lwm rau cov Hmoob ntseeg, kuv tuaj ncig teb chaw es kuv lam los xyuas nej qhov nov.» (Txiv Plig Pob Zeb, yog ib tug Txiv Plig Thaib).  Kuv tuaj txog Hanoï, kuv pw hauv Hotel, kuv hnov tswb nrov nrov, ces kuv nug tus niam ua mov tias puas muaj tsev teev Ntuj nyob ze nov. Nws qhia kuv mus tom lub tsev teev Ntuj, kuv muaj hmoo mus ntsib tus Txiv Plig tab tom nyob hauv tsev teev Ntuj, kuv thiaj nug nws tias puas muaj Hmoob nyob ze nov, nws teb kuv tias: Muaj kawg mav! cov hluas uas pab ua hauj lwm nov twb yog Hmoob thiab. Ces nws thiaj kom cov hluas Hmoob coj kuv tuaj xyuas nej lub zos no.

    Kuv nrog Txiv Plig Pob Zeb thiab kuv tus npawg nyob hauv tus npawg tsev, peb tseem tab tom noj hmo cas muaj ib tug tub npe hu ua Tsab no txawm tuaj hu kuv tus npawg tias kom nws pab mus saib Tsab tus niam tij tab tom yug me nyuam tab sis lub tsho tsis pluam seb nws yuav pab li cas. Kuv tus npawg no kuj yog ib tug neeg tseem ceeb ntawm peb lub zos thiab. Ces nws txawm tsis kum yim yuav ua li cas vim nws yog tus tswv tsev, nws muaj qhua tseem ceeb. Ces kuv thiab Txiv Plig wb txawm hais rau nws tias  kom nws mus es wb mam nyob wb. Ces tus npawg mus kiag ib pliag xwb rov muaj dua ib tug tuaj hais rau Txiv Plig tias seb Txiv Plig puas muaj lub Cim Yug yog muaj no thov nqa mus rau tus poj niam mob ntawd txais ntshe yuav kawg pab tsis tau lawm (lawv txhawj heev vim tsev neeg ntawd twb muaj ib tug nyab xub yug me nyuam tsho tsis pluam nyuam qhuav tuag tau tsis ntev thiab). Ces Txiv Plig teb tias : «Kuv tsis muaj lub Cim Yug, kuv tuaj ncig teb chaws xwb, kuv tsis muaj dab tsi li.» Nws hais li nov tag ces nws txawm hais rau kuv tias: "Mus ! Wb mus saib". Ces wb txawm mus, wb mus txog ntawm yim Hmoob, Txiv Plig tseem lawv qab me ntsis kuv ib txhais taw nyuam qhuav hla kiag lawv lub taw rooj twb tsis tau rhais ruam txawm siv pom ib tug me nyuam khiav yeev tom txaj los rau ntawm Txiv Plig wb ib sab thiab hais tias : « Tau lawm lauj !»  Ces wb nkag mus nyob hauv tsev ib pliag wb rov los kuv thiaj nug Txiv Plig tias : « Txiv Plig, koj ua li cas ?  Koj ua dab tsi ? » Txiv Plig teb tias : Thaum wb tawm kiag tom tsev ces kuv xav hauv kuv lub siab tias : "Huab Tais Ntuj, koj ua tau tag puas tsav yam, txoj sia yog koj muab, kuv tsis muaj dab tsi li, koj ua raws li koj pom zoo ces wb taug kev tuaj kuv teev Ntuj xwb." Tab sis tsis yog thawj zaug uas kuv cawm tau ib tug poj niam yug me nyuam li nov .

    Los ces Txiv Plig hais rau peb tias taig kis Txiv Plig yuav ua ib thaj Txi Ntuj, cov neeg ntshai ntshai (ntshai txoj kev cai tswj hwm), lawv xav tias ntshe yuav ua tsis tau. Txiv Plig haiv rau lawv tias yog nej ntshai no ces kuv ua Thaj Txi Ntuj tag kuv mam rov qab mus kiag xwb. Taig kis kaj ntug nws thiaj ua Thaj Txi Ntuj Teev Ntuj tag mas cov neeg zos zoo zoo siab lawv nqa nyiaj tuaj pub rau Txiv Plig ( yam nyob Cob Tsib teb mas txom nyem heev, yeej tsis tau pom dua ib tug yuav pub ib qho nyiaj rau leej twg li, yog thawj zaug uas kuv pom Hmoob nqa nyiaj tuaj cev rau Txiv Plig). Txiv Plig tsis kam txais, nws tias lawv txom txom nyem npaum li ntawd tsim nyog yog nws yuav tsum yog tus pub rau lawv tab sis nws twb tsis muaj nws twb tsis pub rau lawv. Tab sis kuv hais rau Txiv Plig tias kom nws txais vim lawv zoo siab muab lawm yog ib qho koob hmoov: « Koj txais es yog koj tsis xav yuav los koj mam muab los pab lub tsev teev Ntuj xwb ». Ces Txiv Plig thiaj li txais cov nyiaj, txais tau ho muab rau lub tsev teev Ntuj tab sis lawv ho hais tias muab nyiaj los lawv tsis paub yuav muab coj mus ua dab tsi ces yog Txiv Plig zoo siab no nws muab yuav ib tug nyuj ua lub tsev teev Ntuj tug xwb ces thiaj yuav tau ib tug nyuj rau lub tsev teev Ntuj. Peb lub tsev teev Ntuj nov, tsis muaj ib pob nyiaj tab sis muaj ib pab nyuj thiab ib pab twm.  Nyuj thiab twm yog ib txoj kev nplua nuj vim nws yug ntxiv ces huaj vam, pob nyiaj uas loj zuj zus tsis txawj tag.
    Thaum lub hauv paus yog kuv txiv tau thov ib yam dab tsi ntawm Huab Tais Ntuj, tej zaud tau li nws siab xav ces nws thiaj muab ib tug twm rau lub tsev  teev Ntuj.  Ces thiaj muab rau ib tug yawg tu kom muab zeg no ces ib tug rau tus yawg uas tu ib tug rau lub tsev teev Ntuj ua li nov ces lawv lub tsev teev Ntuj thiaj li muaj ib pab nyuj ib pab twm lawm…

    Kuv yawg tuag thaj tsam lub 2 hlis 2006, tsis ntev tom qab ces kuv tuaj kawm ua Leej Choj rau Fab Kis teb.

    Qhov nov xav los mus zoo li yog ib txoj koob hmoov tiag tiag li uas Tswv Ntuj txhob txwm xa ib tug Txiv Plig tuaj ua ib thaj Txi Ntuj rau kuv yawg thiab nws lub tsev teev Ntuj uas nws tsim tau es nws sim neej tsis muaj ib tug Txiv Plig los ua ib thaj Txi Ntuj hauv…Txoj hnub nws tuag, Tswv Ntuj kuj xa ib tug Txiv Plig tuaj foom hmoov zoo rau nws lub tsev teev Ntuij thiab nws tus kheej.


    Maiv Tooj
    Tim 09 lub 5 hlis 2011

    Tswv Ntuj ua tau tag puas tsav yam, F. Ts. Cob Tsib teb Fwv_ts10
    Thaum 2007 Fwv tuaj nyob rau hauv cov Txiv Plig OMI Lyon lub tsev, peb cov hmoob ntseeg nyob Lyon tau ua ib pluag mov khi hlua txais tos Fwv.


    Last edited by Maiv Tooj on 6th September 2018, 4:13 pm; edited 3 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Tswv Ntuj ua tau tag puas tsav yam, F. Ts. Cob Tsib teb Empty Re: Tswv Ntuj ua tau tag puas tsav yam, F. Ts. Cob Tsib teb

    Post  Maiv Tooj 23rd February 2014, 11:01 am

    Hnub tim 11-01-2014, peb ua hmoov neeg thoj nam  nrog peb tus Tswv Qhia, thaum noj mov, kuv thiab kuv leej nkawm wb mus nrog Tswv Qhia Barbarin zaum ua ke, kuv tau tham zaj kwv huam nov me ntsis rau Tswv Qhia. Thaum xaus, kuv hais tias tsis paub tias yog leej twg xa tus Txiv Plig ntawd tuaj rau lawv lub zos. Ces Txiv Tswv Qhia thiaj li ntos nkaus kuv tes nchos tias: "Yog Tswv Ntuj xav ntag mas!" Ces nws thiaj li muab daim duab uas thaum lub 3  hlis2013, uas nws mus cuag Txiv Vaj Qhia kom kuv coj tuaj tso rau hauv Forum nov hais tias: "Nws mem teev Ntuj rau cov kwv tij hmoob nyob Cob Tsib teb.


    Tswv Ntuj ua tau tag puas tsav yam, F. Ts. Cob Tsib teb Dsc00611

    Kuv tseem tuav daim duab ntawm tes.

    Tswv Ntuj ua tau tag puas tsav yam, F. Ts. Cob Tsib teb Mgr_ba10


    Last edited by Maiv Tooj on 27th January 2019, 10:34 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Tswv Ntuj ua tau tag puas tsav yam, F. Ts. Cob Tsib teb Empty Re: Tswv Ntuj ua tau tag puas tsav yam, F. Ts. Cob Tsib teb

    Post  Mim 24th February 2014, 4:24 pm

    Maiv Tooj wrote:

    [size=19.2]
    Ib zaj kwv huam nyob Cob Tsib teb.[/size]


    Kuv yawg peb yog cov Hmoob ntseeg Catholique nyob Cob Tsib teb.  Yog ib tug Txiv Plig Fab Kis ntxuav plig rau kuv yawg. Tom qab Dien Bian Phu tawg tag (teb chaw Cob Tsib ua Koom Tshas) ces cov Txiv Plig rov qab tag, peb nyob tsis muaj  Leej Choj li lawm. Xyoo 1958, kuv yawg tau ua ib lub tsev teev Ntuj rau hauv peb zos;  tab sis tsis muaj Leej Choj tuaj ua Thaj Txi Ntuj li, peb kuj mus teev Ntuj ua ke rau hauv tas mus li. Peb tsis teev hnub Chiv, tab sis Hnub Xya tsaus ntuj (Saturday).  

    Kuv mus kawm ntawv hauv tsev kawm Ntawv Tseem Hwv, lawv kuj pab peb cov Hmoob zoo dua cov pej xeem Nyab Laj los lwm haiv neeg me. Thaum ntej mas kuj muaj coob heev kawm, tab sis thaum dhau Primaire lawm ces lawv tawm tag mus tsev, mus yuav txiv yuav poj niam tag lawm, tshuav kuv thiab tus Hau Zos tus tub xwb. Tus Hau Zos tus tub mas lawv kuj tsis xav li cas rau vim nws yog tub nom, ces nyaj nws yuav npaj mus ua nom ua tswv…Tab sis kuv  yog tub liaj tub teb xwb, cas kuv ho tsis tawm li lwm cov…Lawv txawm muaj ntsis faj kuv ces lawv nug kuv tias ua cas kuv ho tsis rov mus tsev, mus ua liaj ua teb?
    Kuv teb lawv tias kuv tsis tau xav mus, kuv tseem xav kawm ntawv…Ces lawv kuj cia li lawm. Tau 3 hlis tom qab, lawv rov nug dua, kuv kuj hais tib yam qub, ces lawv txawm hais tias:”Peb tseem Hwv twb tau them nyiaj, pab nyiaj rau koj kawm los txog tav nov lawm mas txog caij koj yuav tsum mus ua hauj lwm kom muaj nqes rau lub teb chaws…” Ces kuv txawm hais rau lawv tias: “Yog nej tsis pub kuv kawm los kuv tsis kawm; tab sis kuv yuav tsis mus ua hauj lwm, kuv yuav rov qab mus tsev.” Ces kuv txawm los tsev lawm, los nrog kuv txiv ua teb tau ib me nyuam xyoo, kuv txiv nug seb kuv puas xav yuav poj niam tsa lub neej, kuv tsis tau xav yuav, vim kuv nyuam qhua muaj li 14 xyoos xwb.  Ces muaj ib hnub txawm muaj ib tug hluas Cob Tsib tuaj ntawm peb zos, tuaj tham pem ua si, cov Hmoob tsis paub lus Cob Tsib pes tsawg, ces kuv thiaj nrog nws tham. Tham ua si ces tus tub Cob Tsib thiaj hais rau kuv tias: Koj puas xav mus kawm ntawv ntxiv? Kuv xav hos ov! Ces tus tub Cob tsib thiaj coj kuv mus nrog cov Txiv Plig nyob, kawm ntawv. Kuv thiaj mus rau Hanoï, nyob ib ntus kuv ho mus rau Nyab Laj Qab teb lawm.
    Mus nyob Nyab Laj Qab teb, pom Txiv Plig Nyiaj Pov xa tau ib phau Ntawv Ntshiab ua ntawv Hmoob RPA, cov Txiv Plig nyob Hanoï muab rau Hmoob saib, Hmoob tsis paub li, lawv tias tsis paub xyov yog ntawv dab tsi. Ces tus Txiv Plig muab khaws cia lawm…Tom qab Txiv Plig Roland Jacques (ib tug TP.Fab Kis, paub lus Hmoob), ho mus ncig txog Xias Ngoj, ces peb thiaj mus ntsib, nws muab Txiv Plig Nyiaj Pov ib tsab ntawv rau peb, peb nyeem tsis tau li…Ces peb rov qab los, kuv thiaj hais kom Txiv Plig Nyiaj Pov xa cov txwm ntawv Hmoob mus rau peb, peb kawm tau lawm mam muab tsab ntawv los nyeem naj cas yog Txiv Plig Nyiaj Pov sau…Ces lawv thiaj rov mus muab phau ntawv xub thawj los saib naj cas yog ib phau Ntawv Ntshiab.
    Lawv thiaj muab cov ntawv coj mus qhia Hmoob kom txawj nyeem, muab phau Ntawv Ntshiab luam cov zaj nyeem nkaus xwb; coj mus nyeem teev Ntuj pem yaj sab. Yam li tsis muaj kev ywj pheej ces nyiag luam me ntsis me ntsi xwb…

    Kuv twb mus tau ib xyoos rau yav Qab teb, ces kuv rov los pem Txiv Plig nyob Hanoï tsev, kuv yuav caij tsheb nqaj hlaus mus lawm yav Qaum teb, yuav caij lub 7 teev sawv ntxov, no tab sis hmo kuv  txawm nrog cov phooj ywg mus haus cawv ua si me ntsis, twb haus tsis ntau cas cia li zoo li qaug cawv me ntsis lawm, cia li pw  tsis hnov,  ces lub Train 7 teev twb mus lawm mam tsim. Ces thiaj hais tias yog li ces cia mam mus lub 10 teev. Sawv los lawv mus hauj lwm tag lawm, tshuav kuv tib leeg nyob xwb, cas xov tooj nrov,  kuv tsis teb, vim nws twb mus ntev ntev lawm ces teb los yuav tsis paub hais dab tsi; tab sis pheej nrov ntev ntev tsis tu li, kuv txawm teb naj cas yog kuv tus txiv ntxawm hu tuaj  nug tias :
    - Koj puas yog S ?
    -Kuv yog mav,
    -Koj los tsev, los saib yawg nawb, nws mob mob li xyov nws puas yuav zoo.

    Ces kuv txawm tsis mus  caij train lawm, kuv cia li mus tsev. Ntawm Hanoï rau pem peb tsev mas caij tsheb ib hnub thiab mus ko taw 5 teev thiaj li txog.  Ces kuv mus txog pem peb teb,  nkag mus hauv tsev teb, pom kuv tus  muam nyob ib leeg xwb, kuv nug ces tus muam hais tias: Yawg mob nyhav nyhav li, xyov puas yuav zoo ces lawv mus pem tsev tag lawm tshuav kuv tib leeg zov teb xwb. Thaum ntawd twb yog 8 teev tsaus ntuj lawm, kuv txawm hais tias yog li ces sab sab li thiab ces pw nov ib hmo taig kis kaj ntug mam mus pem tsev. Pw taig kis kaj ntug, cas kuv tus kwv thiab tus npawg txawm cab tau ib tug nees tuaj tos kuv, kom kuv mus tsuag tsuag, yawg nkees heev li lawm.

    Ces kuv thiaj caij nees mus txog, kuv mus tuav kuv yawg tes thiab hais tias : « Yawg ! kuv los lawm os.» Ib pliag ces kuv txawm mus teev Ntuj tom lub tsev teev Ntuj, kuv hais kom Huab Tais Ntuj coj nws yawg mus, vim kuv yawg twb pw tau 4 lub hlis lawm, txom nyem dhau. Teev Ntuj tag ces kuv rov los ntawm kuv yawg, ces kuv yawg tso txoj sia tseg.

    Kuv yawg yog ib tug neeg muaj koob nto npe, ces ib cheeb tsam neeg tuaj pom tuag coob heev li…Yog thawj zaug uas kuv pom neeg coob coob ua ke. Leej twg hnov los cia li tuaj, ces pw hauv zos thoob plaws, hauv tsev, tom tsev teev Ntuj los pw thoob plaws. Noj tshais tag ces tav su lawm, noj su tag ces tsaus ntuj lawm xwb…

    Txij thaum 1958, los ces yeej tsis muaj Txiv Plig tuaj txog peb lub zos li, tab sis thaum kuv yawg tuag tag, kuv zaum zaum kuv txawm ib nyuag xav hauv siab tias : « KHEEV LAM MUAJ IB TUG TXIV PLIG TUAJ UA IB THAJ TXI NTUJ RAU KUV YAWG ». Xav li nov tab sis yeej yuav muaj tsis taus, vim yeej yuav tsis muaj Txiv Plig tuaj txog. Tab txawm mus hu kiag tus Txiv Plig Nyab Laj  uas nyob nram lub tsev uas kuv nyuam qhua los so ntawd los twb yuav yog 3 hnub mam li tuaj txog ces ntshe twb muab kuv yawg zais lawm (vim nyob teb chaw Cob Tsib lawv tsis pub cia cov tuag tshaj peb hnub).

    Cas nyob ib chim txawm muaj ib tug tuag hu kuv kom kuv mus tom kuv tus npawg tsev, muaj neeg xav ntsib kuv. Kuv mus txog, pom ib tug neeg txawv tuaj, kuv paub tias tsis yog neeg Cob Tsib lawm ces kuv  hais lus Aas Kiv rau; tab sis cia li teb lus hmoob rau kuv hais tias : « Kuv yog Txiv Plig Paj Zeb, kuv nyob Thaib teb, kuv ua hauj lwm rau cov Hmoob, kuv tuaj ncig teb chaw es kuv lam los xyuas nej qhov nov.» (Txiv Plig Paj Zeb, yog ib tug Txiv Plig Thaib).  Kuv tuaj txog Hanoï, kuv pw hauv Hotel, kuv hnov tswb nrov nrov, ces kuv nug tus niam ua mov tias puas muaj tsev teev Ntuj nyob ze nov. Nws qhia kuv mus tom lub tsev teev Ntuj, kuv muaj hmoo mus ntsib tus Txiv Plig tab tom nyob hauv tsev teev Ntuj, kuv thiaj nug nws tias puas muaj Hmoob nyob ze nov, nws teb kuv tias: Muaj kawg mav! cov hluas uas pab ua hauj lwm nov twb yog Hmoob thiab. Ces nws thiaj kom cov hluas Hmoob coj kuv tuaj xyuas nej lub zos no.

    Kuv nrog Txiv Plig Paj Zeb thiab kuv tus npawg nyob hauv tus npawg tsev, peb tseem tab tom noj hmo; cas muaj ib tug tub npe hu ua Tsab no txawm tuaj hu kuv tus npawg tias kom nws pab mus saib Tsab tus niam tij, tab tom yug me nyuam; tab sis lub tsho tsis pluam, seb nws yuav pab li cas. Kuv tus npawg no kuj yog ib tug neeg tseem ceeb ntawm peb lub zos thiab. Ces nws txawm tsis kum yim yuav ua li cas, vim nws yog tus tswv tsev, nws muaj qhua tseem ceeb. Ces kuv thiab Txiv Plig wb txawm hais rau nws tias  kom nws mus, es wb mam nyob wb. Ces tus npawg mus kiag ib pliag xwb ces rov muaj dua ib tug tuaj hais rau Txiv Plig tias seb Txiv Plig puas muaj lub Cim Yug, yog muaj no thov nqa mus rau tus poj niam mob ntawd txais, ntshe yuav kawg pab tsis tau lawm. Ces Txiv Plig teb tias : «Kuv tsis muaj lub Cim Yug, kuv tuaj ncig teb chaws xwb, kuv tsis muaj dab tsi li.» Nws hais li nov tag ces nws txawm hais rau kuv tias : "Mus ! Wb mus saib." Ces wb txawm mus, wb mus txog ntawm yim Hmoob, Txiv Plig tseem lawv qab me ntsis, kuv ib txhais taw nyuam qhuav hla kiag lawv lub taw rooj, twb tsis tau rhais ruam, txawm siv pom ib tug me nyuam khiav yeev tom txaj los rau ntawm Txiv Plig wb ib sab thiab hais tias : « Tau lawm lauj !»  Ces wb nkag mus nyob hauv tsev ib pliag, wb rov los, kuv thiaj nug Txiv Plig tias : « Txiv Plig, koj ua li cas ?  Koj ua dab tsi ? » Txiv Plig teb tias : Thaum wb tawm kiag tom tsev ces kuv xav hauv kuv lub siab tias : "Huab Tais Ntuj, koj ua tau tag puas tsav yam, txoj sia yog koj muab, kuv tsis muaj dab tsi li, koj ua raws li koj pom zoo, ces wb taug kev tuaj, kuv teev Ntuj xwb." Tab sis tsis yog thawj zaug uas kuv cawm tau ib tug poj niam yug me nyuam li nov .

    Los ces Txiv Plig hais rau peb tias taig kis Txiv Plig yuav ua ib thaj Txi Ntuj, cov neeg ntshai ntshai (ntshai txoj kev cai tswj hwm), lawv xav tias ntshe yuav ua tsis tau. Ces Txiv Plig haiv rau lawv tias yog nej ntshai no ces kuv ua Thaj Txi Ntuj tag, kuv mam rov qab mus. Ces taig kis kaj ntug, lawv thiaj ua Thaj Txi Ntuj, teev Ntuj tag mas cov neeg zos zoo zoo siab, lawv nqa nyiaj tuaj pub rau Txiv Plig ( yam nyob Cob Tsib teb mas txom nyem heev, yeej tsis tau pom dua ib tug yuav pub ib qho nyiaj rau leej twg li, yog thawj zaug uas kuv pom Hmoob nqa nyiaj tuaj cev rau Txiv Plig). Ces Txiv Plig tsis kam txais, nws tias lawv txom txom nyem npaum li ntawd, tsim nyog yog nws yuav tsum yog tus pub rau lawv; tab sis nws twb tsis muaj, nws twb tsis pub rau lawv. Tab sis kuv hais rau Txiv Plig tias kom nws txais, vim lawv zoo siab muab lawm, yog ib qho koob hmoov: « Koj txais es yog koj tsis xav yuav los koj mam muab los pab lub tsev teev Ntuj xwb ». Ces Txiv Plig thiaj li txais cov nyiaj, txais tau ho muab rau lub tsev teev Ntuj, tab sis lawv ho hais tias, muab nyiaj los lawv tsis paub yuav muab coj mus ua dab tsi ces yog Txiv Plig zoo siab no nws muab yuav ib tug nyuj ua lub tsev teev Ntuj tug xwb, ces thiaj yuav tau ib tug nyuj rau lub tsev teev Ntuj. Lawv lub tsev teev Ntuj nov, tsis muaj ib pob nyiaj, tab sis muaj ib pab nyuj thiab ib pab twm.  Nyuj thiab twm yog ib txoj kev nplua nuj, vim nws yug ntxiv ces huaj vam, pob nyiaj loj zuj zus, tsis txawj tag.
    Thaum lub hauv paus, yog kuv txiv tau thov ib yam dab tsi ntawm Huab Tais Ntuj, tej zaud tau li nws siab xav ces nws thiaj muab ib tug twm rau lub tsev  teev Ntuj, ces thiaj muab rau ib tug yawg tu, kom muab zeg no ces ib tug rau tus yawg uas tu, ib tug rau lub tsev teev Ntuj, ua li nov ces lawv lub tsev teev Ntuj thiaj li muaj ib pab nyuj ib pab twm lawm…

    Kuv yawg tuag thaj tsam lub 2 hlis 2006, tsis ntev tom qab ces kuv tuaj kawm ua Leej Choj rau Fab Kis teb.

    Qhov nov, xav los mus, zoo li yog ib txoj koob hmoov tiag tiag li uas Tswv Ntuj txhob txwm xa ib tug Txiv Plig mus ua ib thaj Txi Ntuj rau kuv yawg thiab nws lub tsev teev Ntuj uas nws tsim tau, es nws sim neej tsis muaj ib tug Txiv Plig los ua ib thaj Txi Ntuj hauv…Txoj hnub nws tuag, Tswv Ntuj kuj xa ib tug Txiv Plig tuaj foom hmoob zoo rau nws lub tsev teev Ntuij thiab nws tus kheej.


    Maiv Tooj
    Tim 09 lub 5 hlis 2011

    Tswv Ntuj ua tau tag puas tsav yam, F. Ts. Cob Tsib teb Biblec10

    Nyob zoo tais Tooj,

    Koj zaj kwv huam nyob Cob Tsib teb no yog ib zaj lus pov thawj txog txoj kev ntseeg zoo heev. Tus yawg Hmoob ntawd muaj txoj kev ntseeg ruaj khov tiag, nws thiaj muaj peev xwm tsa ib lub tsev teev ntuj rau nws lub zos, txawm tsis muaj txiv plig tuaj txog ib zaug. Tswv Ntuj tus uas paub txhij paub txhua pom txhij pom txhua, nws ib txhij paub yav tom ntej nrog yav tas lawd thiab yav niaj hnub no, nws thiaj txhob txwm teem caij teem nyoog kom tus txiv neej no ncaim ntiaj teb haum rau lub caij uas yuav muaj ib tug txiv plig tuaj txog nws lub zos thiab tuaj ua ib thaj txi ntuj rau hauv nws lub tsev teev ntuj thiab rau nws. Kuv xav hais tias nws txoj hmoov zoo kawg nkaus li.

    Yog ib zaj qhia rau peb hais tias muaj Tswv ntuj tiag, yog peb ntseeg ces Tswv Ntuj yeej yuav tsis tso peb pov tseg li.


    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Tswv Ntuj ua tau tag puas tsav yam, F. Ts. Cob Tsib teb Empty Re: Tswv Ntuj ua tau tag puas tsav yam, F. Ts. Cob Tsib teb

    Post  Bao X Mary 28th February 2014, 4:26 am

    Maiv Tooj,

    Koj zaj kwv huam nov kuj raug siab kawg thiab. Tus txiv neej ntawd muaj txoj kev ntseeg, tsis muaj txiv plig los nws ua lub tsev teev ntuj rau sawv daws mus koom teev ntuj ua ke. Nws yog ib qhov tias txawm tsis muaj txiv plig los Tswv Ntuj yeej nrog lawv nyob. THiab thaum kawg Tswv tau coj tus txiv neeg ntawd mus ntuj Ceeb Tsheej lawm. Tswv Ntuj thiaj xa nws tus tub txiv tuaj ua lub Mis Xas rau nws.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Tswv Ntuj ua tau tag puas tsav yam, F. Ts. Cob Tsib teb Empty Re: Tswv Ntuj ua tau tag puas tsav yam, F. Ts. Cob Tsib teb

    Post  Mim 3rd February 2023, 11:33 am

    Tais Tooj,
    Ua cas zoo li kuv twb nyeem lawm tiam sis kuv tsis nco qab li ne? Ua tsaug os. Lub hlwb no qauj lawm tiag tiag lau!!!

    Sponsored content


    Tswv Ntuj ua tau tag puas tsav yam, F. Ts. Cob Tsib teb Empty Re: Tswv Ntuj ua tau tag puas tsav yam, F. Ts. Cob Tsib teb

    Post  Sponsored content


      Current date/time is 28th March 2024, 12:11 pm