Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO II 2017-2018
by Mim Today at 7:36 am

» Thov Leej Ntshiab YOS XES
by Maiv Tooj 11th December 2017, 6:22 am

» COV ZAJ NYEEM HNUB CHIV Xyoo B 2017-2018
by NrhiavTswvNtuj 7th December 2017, 5:47 am

» XH.Zoov Ntxheb Yaj Nthuav Ntawv Ntshiab.
by Maiv Tooj 7th December 2017, 5:42 am

» XH. Yaj Zoov Ntxheb lub Tsev THOOB TSIB
by Maiv Tooj 7th December 2017, 5:38 am

» COV ZAJ NYEEM NRUAB LIS PIAM XYOO I 2016-2017
by Mim 2nd December 2017, 5:19 pm

» Xib Hwb Thoj Xyooj lub neej
by Maiv Tooj 30th November 2017, 11:16 am

» Txhob poob siab
by Mim 27th November 2017, 2:49 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 24th November 2017, 6:16 am

» Người Công Giáo H, Mông ở Điên Biên Hmoob Kav Tos liv (Catholic) nyob xeev Dien Bien cob tsib teb
by Maiv Tooj 21st November 2017, 6:47 am

» Natuzza Evolo txais Tswv Ntuj txiaj ntsim.
by Maiv Tooj 14th November 2017, 8:53 pm

» TP.Txhiaj Foom
by Maiv Tooj 13th November 2017, 6:22 am

Suav neeg tuaj saib, txij hnub 17/09/2010 los mus.


    Kab ke Noj Tsiab thiab ua Peb Caug Hmoob

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5375
    Date d'inscription : 2009-08-18

    Kab ke Noj Tsiab thiab ua Peb Caug Hmoob

    Post  Maiv Tooj on 7th February 2014, 10:29 am


    NOJ TSIAB

    HU POJ YAWM TXWV KOOB.


    ( Zaum ntawm rooj)
    Hu txog Leej Txiv, Leej Tub thiab Leej Ntuj Plig lub npe. Ua li.

    1. Nyem no, zoo hnub zoo nyoog, ib xyoo ntuj zeeg tig rov los txog,  
    kuv noj tsiab peb caug, kuv tua tsiaj tua txhuv noj,
    kuv ua qav ua hno siav sov li so,
    kuv hu txog tsoom poj yawm txwv koob sawv daws,
    kuv yuav vam txog nej peb txheej peb tis txwv zeej txwv koob os,
    kuv muaj noj kuv nco txog nej sawv daws,
    kuv vam txog nej sawv daws nrog kuv koom siab koom ntsws thov Huab Tais Tswv Ntuj Tswv Teb ;
    kuv tuav txog yawg…(hais npe, hu ib phiaj zuj zus).

    2. Nej sawv daws nrog kuv thov Huab Tais Ntuj pab ntis mob ntis ntsaj, ntis nab ntis qav, ntis zeb ntis cav, ntis ceg xyoob ceg ntoo,
    Kom txhob raug plaub raug ntug,
    Khawv txiv khawv kum, khawv yeej khawv yws,
    Sau sub tawg sub ntsa, sau sab mob sab nkeeg,
    Sau kua muag iab kua muag daw,
    Daws kev iab kev khwv, daws kev puas kev ntsoog,
    Xa mus rau puab hnub coog hli kawg, kom ntsej tsis hnov muag tsis pom,
    Mus txog qab roob tsis nphav sab mob, mus txog qab ha tsis nphav sab nkeeg,
    Mus txog laj fab los ua vaj thaiv, mus txog pej fab los ua loog roos.

    3. Nej nrog kuv thov Huab Tais Ntuj kom Nws foom lus noj qab nyob zoo,
    Kom tau nyob dawb nyob huv,
    Kom ntshiab li dej huv li txhuv,
    Nyob ntsuab li zoov huv li tsuag,
    Kom tau nyob ruaj nreb xws caj zeb,
    Ua teb txog qab toj los tau noj, ua txog qab ha los tau hnav,
    Kom tau zoo mus puv niaj thawm xyoo.

    THOV TSWV NTUJ UAS YOG TUS XEEB TEB XEEB CHAW.

    (Sawv ntsug ntawm lub thaj pem hauv plag).

    Od! Tswv Ntuj od!
    Peb tus Tswv Ntuj xeeb teb xeeb chaw, xeeb txhia tsav puas yam ntxim koj siab mloog koj lus.
    Tuam meej xov tim meej, saib vaj thwv tim peb lub vaj tse.
    Koj tsim tsiaj tsim txhuv rau peb noj peb haus, tsim lub hnub tuaj ziab rau peb,
    Tsim nag los ywg tej qoob loo.
    Peb ua koj tsaug!
    Thov cev koj txhais tes ntshiab tes huv los roos peb,
    Kom peb mus taug txoj kev sib hlub sib nyiam,
    Koom ib lub siab yuav ib lub ntsws,
    Noj sib cev haus sib faib,
    Kom tau ua lub siab ncaj siab ncees,
    Coj lub neej nyob hauv  pheej,
    Kom kuv ib tse neeg nees nkaum leej nyob thaj yeeb,
    Kom sib pab tsa lub teb chaws kom vam meej,
    Kom sawv daws hauv kuv tsev ua Tswv Ntuj tub txib tub txuas,
    Kom txhia leej txhia tus hauv zej zog ua Tswv Ntuj tub txuas,
    Tas zej tsoom thiaj li tsim nyog mus cuag Tswsv Ntuj Peb Leeg,
    Tsim nyog mus pem Koj lub Tsheej Ntshiab.
    Aud ! Tswv Ntuj,
    Koj yog tus nyob txij lub hauv mus xtog lub ntsis,
    Tus nyob mus li txhiab niag tim puas xyoo. Ua li.




    HNUB PEB CAUG.

    1. XUB NPAJ TEJ YAM NO NTXOV.

    a. Npaj tus ncej ntxhoo. Xaiv hom ntoo twg kuj tau, tsuav yog zoo nkauj xwb. Muab ntawv liab ntawv ntsuab dai kom zoo nkauj, zoo saib, khi hlua rau tus ntoo cab mus dai pem tej kom zoo nkauj.
    b. Tu vaj tse, kho lub thaj teev Ntuj; txiav ntaub liab ntaub ntsuab los rau pem hauv plag kom zoo saib.
    Cheb nkhawb.
    Sau riam, taus, txuas, tej twj siv los ua ib pawg rau ntawm hauv plag raws li hmoob ib txwm ua kam.
    c. Npaj dej foom Hmoov zoo.
    d. Nyob hauv ib lub phiab, npaj qe, txhuv, tswm ciab, paj ntoos txawb rau ntawm lub rooj ze ntawm lub thawj txi Ntuj hauv tsev ( tsev teev Ntuj) uas ua lub txoos xaus xyoo laus.

    2. THAUM HNUB QAIJ. FOOM HMOOV ZOO RAU TSEV.
    Nyias ua nyias nyob hauv nyias tsev.
    Chiv thawj, tas tsev neeg los nyob ncig tus tswv tsev, sawv pem hauv plag. Ib tug tuav lub ntim dej foom hmoov.
    Tus tswv tsev thiaj hais lus thov Tswv Ntuj foom hmoov zoo rau nws tsev neeg. Nws hais raws li nws xav hais tau.
    Tas mas nws mus pov dej foom hmoov rau hauv tsev, hauv txawj chaw pw, ib ncig vaj tsev, cooj qaib, nkuaj npuas tib si. Ces tus tswv tsev rov los ntawm hauv plag, thiab tas tsev neeg hais ib zaj teev Ntuj xws li zaj “Peb Txiv”, los lwm zaj kuj tau.

    3. THAUM HNUB QAIJ 4 TEEV, NCIG TUS NTXHOO.
    a. Cov neeg ntseeg sawv daws koom ib tug ntxhoo. Yog muaj tej tug tseem coj daba v nrog lawv ua kuj tau. Ib tug hmoob ua Ntuj Kev Cai nyob hauv ib lub zos uas sawv daws tseem coj dab, nws yuav mus nrog sawv daws nkaum toj qaib kuj tau vim nws vam txog Tswv Ntuj nyob hauv nws lub siab, nws tsis vam txog dab.
    b. Tus ntxho ntawd yog ib lub cim hais tias lub xyoo laus tas lawm, lub xyoo tshiab yuav tawm tuaj, zoo li tus ntxhoo quas ob lub xyoo. Peb mus ncig rau ib sab, xa xyoo laus mus, peb ho rov los peb ncig ua lwm rau coj xyoo tshiab tuaj.  Tus ntxhoo kuj pab peb nco tias Tswv Ntuj lub zog roos peb tas niaj tas xyoo xws li ntxhoo ntxoov peb.
    c. Xib Hwb npaj dej foom hmoov thiab npaj ib rab phom (los yog pétards), nws mus sawv ntsug ntawm ib cag.
    d. Ces sawv daws ua peb lwm ncig tus ntxhoo rau ib sab, thiab ho rov peb lwm rov rau lwm sab: sawv daws hu zaj nkauj xws li Peb Txiv los Faj Tim Huab Tais.
    e. Thaum sawv daws mus ncig tus ntxhoo, Xib Hwb kuj mus ncig sawv daws, nws pov dej foom hmoov rau sawv daws, nws thov Tswv Ntuj pov hwm tas lub zej zog.
    f. Ces sawv daws mus hauv tsev, ua lub txoos.

    4. UA LUB TXOOS XAUS XYOO LAUS QHIB XYOO TSHIAB.

    a. Sawv daws xub tu lub tsev kom zoo nkauj, lom zem, xub tau nqa qe, txhuv tuaj tso hauv tsev txoos.
    Sawv daws tuaj txog, mas ua zoo li nram no. Yog cov Xib Hwb npaj tau ib cov lus zoo dua mas kuj tau, tsuav yog tau ua raws li tus txheej txheem tau npaj nram no:

    b. Zaj xaus xyoo laus.
    Xib Hwb ntuas sawv daws zoo li no:
    “Hnuv no, xyoo laus tas lawm. Tas ib niaj xyoo peb tau txais Ntuj txiaj ntsim ntau kawg. Yam li: Ntuj nres peb txoj sia mus li, thiab Ntuj qhia peb lub tswv yim kom peb paub ua raws li txoj kev ua zoo thiab tsim txiaj; mas hnub no peb yuav ua Ntuj tsaug. Peb yuav hais zaj: Tus zoo tswv zov yaj”.

    Ua li ntawd tas mas Xib Hwb tseem ntuas sawv daws zoo li no: Tas ib niaj xyoo peb tau txais Ntuj txiaj ntsim ntau kawg nkaus rau peb. Qee zaum peb kuj nco ntsoov txog Ntuj. Tiam sis muaj ntau zaus mas peb kuj ua txhaum rau Huab Tais Ntuj thiab.  Peb tsis tau ua raws li Huab Tais Ntuj kaum lo lus qhia. Nyem no, peb sawv daws ua twj ywm me ntsis. Peb nyias nrhiav nyias cov txhaum nyob hauv siab (2 fiab). Ces sawv daws nrog Xib Hwb hais zaj “Kuv lees txhaum” thiab zaj “tu siab” los yog zaj “Koj lub siab zoo  (ntxuag qeej 50)”

    c. Zaj qheb xyoo tshiab.
    1. Foom hmoov zoo rau txhuv.
    Tus Xib Hwb rov ntuas sawv daws zoo li no:
    “Xyoo laus tas xyoo tshiab tuaj, tag kis mas peb pib ua xyoo tshiab mus. Yog Ntuj pab peb mas peb thiaj tau noj qab nyob zoo mus dhau niaj dhau xyoo. Niaj hnub peb yuav noj yuav haus kom tau yug peb lub  cev  peb txoj sia; ua li mas peb yuav thov Huab Tais Ntuj foom hmoov zoo rau cov txhuv tshiab no, kom sawv daws ua los sawv daws yeej meem tau noj tau haus puv niaj puv xyoo, tsis pub tshaib tsis pub nqhis.”
    Ces Xib Hwb hais zaj foom hmoov zoo rau sawv daws cov txhuv:

    Peb sawv daws thov Huab Tais:
    Huab Tais ntshiab,
    Txiv muaj hwj huam tas nrho,
    Tswv Ntuj nyob mus li,
    Koj Leej Tub Yes Xus yog peb tus Huab Tais Pleev, Nws lub cev yog tseem mov tuaj nres peb lub tswv yim, nws cov ntshav yogi b hom txhiam xwm nqa txoj sia nyob mus li tuaj rau peb.
    Peb thov koj :
    Koj tso peb tus Huab Tais Yes Xus Pleev tuaj foom ib lo lus zoo rau saum cov txhuv  tshiab no.
    Ua li mas, koj cov me nyuam noj cov mov tshiab no, lawv yuav muaj zog nyob hauv lawv lub cev, lawv yuav tsis muaj mob muaj nkeeg,
    Lawv lub siab yuav loj yuav tawv.
    Lawv tos txog lub caij lawv yuav tau nrog Koj nyob pem Koj lub ceeb tsheej.
    Peb vam txog tus Huab Tais Yes Xus Pleev, uas nws yog Koj tus tub, nws nrog koj thiab nrog Leej Tswv Yim Ntshiab muaj txoj sia thiab ua Vaj nyob mus li tas txhiab niag tim puas xyoo. Ua li.
    Ces Xib Hwb muab cov dej foom hmoov pov rau saum cov txhuv.

    2. Foom hmoov zoo rau qe.
    Xib Hwb ntuas sawv daws zoo li no:
    “Niaj hnub peb yuav ntau yam txhiam xwm los ntxuag mov. Nyem no, peb nqa ib cov qe tuaj ntawm no kom tau taj tas ib puas tsav yam txhiam xwm uas peb muab los noj thiab muab los haus. Peb yuav thov kom Huab Tais Tswv Ntuj foom ib lo lus zoo rau saum cov qe no. Kom sawv daws khwv los yeej meem tau txaus noj txaus haus mus pub niaj puv xyoo.”

    Peb sawv daws thov Huab Tais:
    Hmo no, xyoo laus tas xyoo tshiab tuaj;
    Huab Tais, peb thov koj cov txiaj ntsim:
    Koj dauv muag los ntsia cov qe no,
    Cov qe no los taj ib puas tsav yam txhiam xwm noj,
    Thov koj foom ib lo lus zoo mas!
    Ces peb cov txhiam xwm thiaj li yuav ntshiab tuaj. Mas cov neeg teev koj yuav thau ib lub zog ntawm koj lub siab dav los.
    Peb vam txog peb tus Huab Tais Yes Xus Pleev uas nws yog koj tus Tub, nws nrog koj thiab nrog Leej Tswv Yim Ntshiab muaj txoj sia nyob mus li tas txhiab niag tim puas xyoo. Ua li.
    Ces Xib Hwb pov dej foom hmoov rau saum cov qe.

    Peb hais zaj ntseeg.
    Xib Hwb tseem ntuas sawv daws li no:
    “Tas ib niaj xyoo ntev ntev, peb sawv daws yuav xyaum ua neeg siab dawb siab huv siab ncaj siab ncees rau sawv daws.
    Ua li mas peb yuav thov Tswv Ntuj lub txiaj ntsim tuaj pab peb lub siab. Xyoo tshiab no tuaj mas peb sawv daws yuav muab siab rau ntseeg txog Huab Tais Ntuj zoo. Ua li mas peb sawv daws ua ke hais zaj “Kuv ntseeg txog Huab Tais Ntuj”.

    Tas sawv daws xaus li no:
    “Hu txog Leej Txiv, Leej Tub thiab Leej Ntuj Plig lub Npe. Ua li.”

    Peb ua tas li no, sawv daws nyias nqe nyias cov txhuv thiab qe rov mus nyias tsev.


    5. TUA PHOM.

    Thaum ua lub Txoos tas mas sawv daws tawm hauv tsev teev Ntuj los.
    Cov xav  tua phom ua si tua kuj tau, tua kom lom zem. Tus twg xav hlawv phom kuj tau, los yog tsaus ntuj, hlawv zaj kuj tau. Sawv daws taws teev zov hmo. Hauv tsev txoos, taws teeb zov hmo thiab mas kuj zoo.





      Current date/time is 13th December 2017, 11:31 am