Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

Dr Yang Dao foom koob hmoov xyoo tshiab 2014

Share

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Dr Yang Dao foom koob hmoov xyoo tshiab 2014

Post  Maiv Tooj on 3rd January 2014, 10:59 am




HMOOB NOJ TSIAB PEB CAUG 2014
NYOB MALL OF AMERICA FIELD-MINNEAPOLIS, MN
TIM 21 LUB 12 HLIS 2013



Dr. Yang Dao zaj lus qhib tsiab peb caug
Nyob zoo ib tsoom niam txiv, kwv tij-neej tsa hmov tshua:
Hnub no, kuv thov ua Tswj Ntuj Tswv Teb tsaug uas tseem pub txoj sia rau peb sawv daws nyob thiab kuv thov nco ntsoov peb Hmoob poj yawm txwv txoob tej txiaj ntshav txiaj ntsim uas tseem tseg txoj koob hmoo rau peb tuaj sib sau nquam paj nquam nruas, noj tsiab peb caug xauv npo nyob hauv lub tuam tsev Mall of America Field nyob Minneapolis, Xeev Minnesota, teb chaws Amelikas.
Txhua txhua xyoo, peb Hmoob lub tsiab peb caug yog ib lub cib fim zoo qhia peb Hmoob sawv daws kom peb nco ntsoov hais tias peb yog tib lub noob mag nqis pem teb. Thaum ntuj tsim teb raug, peb haiv Hmoob nyob koom zej koom zos hauv Teb Chaws Dej Dag. Vim ntuj fav teb lam muaj tsov muaj rog, peb Hmoob thiaj tau tso vaj tso tsev tseg tuaj mus ua neeg thoj nam tsiv teb tsaws chaw, ib txheej dhau ib tiam puag Tuam Tshoj los rau Xov Tshoj, puag Los Tsuas teb tuaj mus puv qab ntuj khwb. Tab sis Tswv Ntuj Tswv Teb kuj tsis tau tso peb pov tseg thiab peb Hmoob poj yawv txwv txoob kuj tseem pov fwm peb haiv Hmoob kom muaj txoj sia nyob nrog luag ua neej. Niaj hnub no, peb Hmoob ib txhia thiaj muaj txoj koob txoj hmoo tuaj nyob rau teb chaws Amelikas. Peb yuav nco ntsoov Tseem Fwm Amelikas thiab pej xeem Amelikas tej txiaj ntsim ua tau tos txais peb tuaj nrog luag ua lub neej vam meej.
Lub neej dhau los yog liv xwm. Liv xwm yog ib zaj keeb kwm qhuab qhia peb Hmoob kom txawj ntse sawv nrog luag lwm haiv neeg mus ua lub neej tshiab. Niaj hnub no, tus tseev tsim los puas politics ntiaj teb hloov tas lawm. Peb Hmoob los yuav tau yoog mus raws li tus xwm txheej ua neej hauv qab ntuj khwb mas peb Hmoob thiaj yuav caum tau luag pej kuj haiv neeg qab.
Kuv yog nej sawv daws ib tug Hmoob, muaj roj ntshav Hmoob khiav hauv nruab cev ib yam li nej txhua leej txhia tus. Kuv thiaj thov muab lub cib fim tsiab peb caug no los nqua hu nej sawv daws, tsis hais poj niam los txiv neej, tsis hais tus laus los tus hluas, kom peb Hmoob sib hlub thiab sib pab los mus sib tuav tes txhim kho peb Hmoob lub neej kom vam meej muaj koob nto moo mus lawm yav tom ntej. Peb Hmoob txawm nyob lub teb chaws twg los peb yuav tau fwm luag tus txhooj kev cai lij choj tswj teb kav chaw (constitution & laws), tsis txhob mus ua neeg siab phem lim hiam; peb yuav tau siv zog kawm luag tej txuj ci kom muaj lub peev xwm yoog tau mus nrog luag ua neej nyob koom txoos; peb yuav tau nrhiav hauj
2
lwm ua los pab peb tsev neeg kom nrog luag muaj noj muaj hnav; peb yuav tau txhawb peb tej me tub me nyuam mus nrog luag kawm ntawv kom txog qib siab kom muaj lub zeem muag ntsia deb pom dav thiab muaj lub peev xwm nrog luag sib twv ua neej muaj vaj huam sib luag mus rau txoj kev vam meej. Ib qhov tseem ceeb tshaj plaws thiab mas yog peb yuav nco ntsoov cob qhia peb tej tub hluas ntxhais hluas Hmoob kom lawv nco ntsoov hais tias lawv yog noob neej Hmoob thiab ntshav Hmoob mas lawv yuav tau mob siab kawm thiab hais peb lus Hmoob thiab khaws peb Hmoob tej txuj ci cia mus ib txheej dhau ib tiam kom lub npe Hmoob nyob muaj koob nto moo hauv lub qab ntuj khwb.
Thaum xaus no, kuv thov kom xyoo laus tas, xyoo tshiab tawm tuaj, Tswv Ntuj Tswv Teb tuaj pov fwm peb haiv Hmoob nyob qab ntuj khwb kom txhua leej txhia tus noj qab nyob zoo, tsis muaj kev ntxhov siab ntsim plawv thiab xav dab tsi los kom ua tau raws li lub siab nyiam.


UA TSAUG






Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Dr Yang Dao foom koob hmoov xyoo tshiab 2014

Post  Maiv Tooj on 4th January 2014, 11:20 am



Dr Yang Dao foom koob hmoov xyoo tshiab 2014





Tub Kawm
Phooj Ywg
Phooj Ywg

Messages : 404
Date d'inscription : 2011-10-13

Re: Dr Yang Dao foom koob hmoov xyoo tshiab 2014

Post  Tub Kawm on 6th January 2014, 1:44 am

Nyob zno xyoo tshab rau nej txhua tus thov kom lub xyoo tshiab no nej txaiv kev kaj siab lug mus li.

Xyov yog li cas 2 hnub no kuv sau ntawv tsi yooj yim li lawd. Thaum kuv sau tau ces send ces ploj tag tsi tawm li.
Tej zau ntshai cab sab tsi muaj zog txau lawm, sib ntsib dua

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Dr Yang Dao foom koob hmoov xyoo tshiab 2014

Post  Maiv Tooj on 7th January 2014, 8:13 am



Nuob zoo Tub Kawm,

Ntawm kuv, vas sab tsis muaj teeb meem dab tsi, ntshe yog ntawm koj nyob xwb. Yog muaj teeb meem "send" no koj sau tau me me ces koj send tag koj mam rov nkag hauv "Edit" rov mus sau xwb thiaj li tsis khuam koj lub caij.




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Dr Yang Dao foom koob hmoov xyoo tshiab 2014

Post  Maiv Tooj on 7th January 2014, 11:13 am



Cette vidéo est publique. Ib lub neej tshiab Dr.Yang Dao





Sponsored content

Re: Dr Yang Dao foom koob hmoov xyoo tshiab 2014

Post  Sponsored content Today at 8:15 am

  • Post new topic

Current date/time is 9th December 2016, 8:15 am