Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Thov Niam Mab Liab daws pob caus teev li cas.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Thov Niam Mab Liab daws pob caus teev li cas.

    Post  Maiv Tooj on 1st December 2013, 1:05 pm

    Thov Niam Mab Liab daws pob caus teev li cas.


    Yog lub “pob caus” dab tsi?
    Qhov ntau tej teeb meem no, tsuam yus ntev niaj ntau xyoo los uas yus tsis pom qab yuav nrhiav tau txoj hauv kev los daws:
    - pob caus hauv tsev neeg sib cav sib ceg : niam thiab txiv thiab me tub me nyuam tsis sib to taub, tsis sib hwm, sib ntaus sib tua ;
    - pob caus ob niam txiv tsis sib hlub : tsis muaj kev nyab xeeb, kev xyiv fab hauv tsev neeg, pob caus kev nyuaj siab ntxhov plawv, pob caus ob niam txiv tag kev cia siab yuav sib nrauj, lub neej tawg, pob caus tej me tub me nyuam tsis mloog lus, quav dej quav cawv, quav yeeb quav tshuaj, khiav loj leeb,  muaj mob nkeeg, los yog ncaim deb ntawm Tswv Ntuj ;

    -pob caus uas tus neeg yus nyiam yus hlub : quav dej quav cawv, qua leb quav phaib, twv txiaj yuam pov,  quav kev ua si laj laug luas, quav cab sab ua loj ua lug, qua xov tooj cua, ua plees ua yi, tsis puab cuab ;

    -pob caus uas luag ua rau yus mob siab los yog mob nqaij : tej caub uas tsim txom yus nruab nrog ua siab ntsws lwj dhi ntawm  kev sib hlub los yog kev yus rov tu siab rau yus tus kheej  tsis txawj ua zoo, yuam kev: ntau me nyuam los rho me nyuam uas twb ua dhau los lawm, tej mob nkeeg uas tsis zoo tu qab, kev nyuaj siab puas siab puas ntsws, tsis muaj hauj lwm ua yug ncauj, kev txhawj xeeb, tsis muaj txheeb ze nyob twm zeej, ua neeg tsis ntseeg dab tsi li, ua neeg kha theeb tsa hwj chim…, tag nrho cov pob caus no ua kom yus lub neej poob rau kev txhoj kev txhaum.

    Auj ! Yog cov pob caus hauv peb lub neej !
    Cas nws yuav pos nrees peb tus ntsuj plig, peb txoj kev ua neej, nws txo peb txoj kev ntseeg thiab tseem ua kom peb qaug zog ua neej tib si.
    Cov pob no ua kom peb txav deb Tswv Ntuj, nws com (khi) peb tej tes taw, khi tag nrho peb tus neeg lub cev thiab txoj kev ntseeg, ua kom peb txav tsis ti NWS lub xub ntiag, zoo li cov me nyuam, uas yuav mus ua NWs tsaug.

    TEEV NIAM MAB LIAB DAWS POB CAUS.
    Teev Niam Mab Liab daws pob caus hauv lub neej.
    Niaj hnub, koj teev tib yam nkaus txog cuaj hnub sib law.

    Kuv yuav piav hauv qab no tias ua li cas hnub 1 mus txog hnub 9. Tag nrho muaj 9 zaj thov Ntuj, ib zaj rau ib hnub hauv 9 hnub ntawd, yam li ib hnub koj hais ib zaj tshiab txog ntua 9 hnub sib law.
    Txhua hnub koj teev kom tag txoj saw Mab Liab, koj xub teev 3 zaug 10 zaj koj “Nyob kaj lug Mab Liab” xws li:
    -1 zaug “Peb Txiv nyob suam Ntuj”,
    -10 zaug “Nyob kaj lug Mab Liab”,
    -1 zaug “Huab Tais Leej Txiv, HT.Leej Tub…”
    hais li no 3 zaug, ces nyeem zaj thov Ntuj hnub 1 mus txog hnub 9, seb yog hnub twg, ua li nov mus txog ntua 9 hnub.


    Teev li cas ?

    1- Ua Ntoo Cuam lub Cim.
    2- Hais zaj tu siab. Thov txim rau yus cov txhaum thiab qhov tseem ceeb tshaj, yog kom yus yuav tsum txiav txim siab tsis txhob rov ua txhaum ib zaug ntxiv:

    Zaj tu siab:
    Kuv tus Huab Tais, koj lub siab zoo tag nrho, koj zoo nyiam tag nrho.
    Neeg lub txhaum tsis ntxim koj lub siab.
    Kuv tseem ua txhaum rau koj, kuv tu siab nrho.
    Kuv tsis xav txhaum lwm zaus, thiab kuv xav them txim.
    Koj pub txiaj ntsim pab kuv.


    3- Teev thawj 3 zaj Saw Mab Liab:

    -1 zaug “Peb Txiv nyob suam Ntuj”,
    - 10 zaug “Nyob kaj lug Mab Liab”,
    -1 zaug “Huab Tais Leej Txiv, HT.Leej Tub, HT.Leej Ntuj Plig, muaj koob meej nto moo lug, lub zim txwv no mus txog fab lwm txheej, xws li txheej thaud los ua li.…”
    Teev  li no 3 zaug

    4- Nyeem zaj " thov Ntuj raws hnub teev ntawd ( yog zaj hnub 1 txog hnub 9)".

    5- Rov teev 2 zaj Saw Mab Liab tom qab:

    -1 zaug “Peb Txiv nyob suam Ntuj”,
    - 10 zaug “Nyob kaj lug Mab Liab”,
    -1 zaug “Huab Tais Leej Txiv, HT.Leej Tub, HT.Leej Ntuj Plig, muaj koob meej nto moo lug, lub zim txwv no mus txog fab lwm txheej, xws li txheej thaud los ua li.…”
    Teev  li no 2 zaug.

    6- Xaus rau zaj « Thov Niam Mab Liab Mab daws pob caus »
    7- Ua Ntoo Cuam Lub Cim.
    Tas. (Ces hnub tshiab rov teev li nov dua, tsuas hloov cov zaj thov Ntuj hauv nruab nrab kom raws li hnub teev xwb.)

    NB. teev ib zaug 9 hnub rau 1 lub pob xwb.


    Zaj thov “Niam Mab Liab daws pob”.

    Nkauj tsim txiaj Mab Liab, Leej Niam hlub neeg, uas tsis tso ib tug me nyuam thov nws pab tseg ib zaug li.
    Leej Niam uas txhais tes khwv tsis tseg rau cov me nyuam uas nws hlub, vim lawv hlob  hauv Tswv Ntuj txog kev nyiam los thiab txoj Khuv leej neeg  phwj yaws hauv koj lub siab, tig koj lub siab hlub neeg rau kuv. Saib kuv pawg « pob caus hlua » uas zawm kuv lub neej. Koj paub kuv txoj kev tag kev cia siab thiab kuv kev tu siab.  Koj yeej paub tias cov pob no ua tsuam kuv lub neej kom mus tsis taus. Niam Mab Liab, Leej Niam uas Tswv Ntuj tso los daws koj cov me nyuam  cov « pob hlua » hauv lawv lub neej, kuv tso kuv txoj hlua pob caus hauv kuv lub neej rau hauv koj ob txhais tes.
    Yeej tsis muaj leej twg, txawm yog dab phem kiag los yeej txiav tsis tau koj lub siab zoo khuv leej neeg. Tsis muaj ib lub pob twg uas yuav daws tsis tau hau koj txhais tes.
    Leej Niam muaj hwj huam tas nrho, yog muaj koj lub txiaj ntsim cev peb cov lus rau koj Leej Tub Yes Xus, Tus Tso kuv dim, thov txais kuv cov « pob caus » hnub no…(yog tau no hais qhov uas koj thov).  Thov koj pab daws rau Tswv Ntuj lub koob meej, thiab muab daws kom tag nrho mus ib sim neej.
    Kuv vam txog KOJ, Tswv Ntuj tso KOJ tib leeg los nplij kuv lub siab, Koj yog lub ntsa zeb thaiv kuv lub zog qaug qib,  thaiv kuv tej kev txom nyeem nplua mias, KOJ yog tshem txhua yam khaum kev uas kem kuv thiab Leej Pleev.
    Txais kuv cov lus thov KOJ, saib xyuas kuv, coj kuv kev, roos kuv. Koj yog kuv qhov chaw nkaum.
    Mab Liab koj yog tus daws daws pob caus, pab thov Ntuj rau kuv.





    Txhais los ntawm lub site: http://www.salve-regina.com/salve/Neuvaine_%C3%A0_Marie_qui_d%C3%A9fait_les_noeuds

    Maiv Tooj, tim 04-12-2013


    Last edited by Maiv Tooj on 23rd December 2013, 8:55 pm; edited 5 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 4th December 2013, 9:58 am


    Cov lus thov :



    Thawj hnub :
    Leej zoo Niam Ntshiab, Leej Ntshiab Mab Liab, Koj yog tus daws  cov « pob caus » zawm koj cov me nyuam, cev KOJ txhais tes khuv leej neeg rau kuv. Hnub no, kuv muab « lub pob »…(teev npe yog tau) no thiab txhua yam phem hauv kuv lub neej uas yog tim lub pob no ua los cev rau koj. Kuv muab lub « pob » uas ntswv kuv lub siab rawv, uas ua rau kuv tu siab, ua kom kuv txav tsis tau ti ntawm KOJ thiab KOJ Leej Tub Yes Xus, kuv Tus Cawm Seej.
    Kuv vam txog KOJ, « Mab Liab tus daws pob hlua » vim kuv tso siab rau koj thiab kuv paub tias koj tsis thuam ib tug me nyuam muaj txhaum uas nws thov txog koj pab. Kuv ntseeg tias koj yuav pab daws lub « pob » no kom tau vim Yus Xus muab lub hwj huaj rau koj.
    Kuv tso siab tias KOJ yuav zoo siab daws lub pob no, vim Koj yog kuv Niam. Kuv paub tias Koj yuav daws, vim KOJ hlub kuv tib yam li Tswv Ntuj hlub.
    Ua tsaug Leej Niam Zoo.
    « Mab Liab tus daws pob caus », Koj thov Ntuj rau kuv.
    Leej twg nrhiav txiaj ntsim, yuav nrhiav hauv Mab Liab lub xib teg.

    Hnub Ob:
    Mab Liab, Leej Niam ntxim nyiam, qhov chaw txhawv txiaj ntsim, hnub no kuv tig kuv lub siab rau Koj. Kuv paub tias kuv yog neeg txhaum thiab kuv vam txog KOJ pab kuv. Tim kuv tej kev siab hlob, kev ciaj caub thiab tej kev uas kuv tsis ua siab zoo, kuv tsis txawj hwm neeg, kuv tsis khaws tej txiaj ntsim uas koj tau pub rau kuv.
    Hnub no, kuv tig los ntawm Koj, « Mab Liab daws pob », kom Koj pab thov Koj Leej Tub pub lub siab dawb siab huv, txhob ua siab hlob, txawj hwm neeg thiab kev txawj tso siab rau kuv. Hnub no, kuv yuav coj kom zoo. Kuv cev qhov nov ua tim khawv kev hlub rau Koj. Kuv tso cov « pob » no…(yog hais tau no hais lub npe, los yog qhov khuam koj siab)  rau hauv koj txhais tes, uas nws khuam kom kuv tshaj tsis tau Tswv Ntuj lub koob meej.
    « Mab Liab tus daws pob caus », Koj thov Ntuj rau kuv.
    Mab Liab, uas muab txhua lub caij los txi rau Tswv Ntuj.

    Hnub peb :
    Leej Niam tshab xo, Poj Huab Tais saum Ntuj, Koj yog tus uas ob txhais tes txais thiab faib Huab Tais lub cuab tam, koj tsa koj lub qhov muag khuv leej neeg los ntsia kuv. Kuv tso lub « pob » ntawm kuv lub neej…(hais qhov ua rau koj ), thiab tag nrho tej kev ciaj caub, uas nws  ua lub hauv paus dees tuaj rau hauv koj ob txhais tes ntshiab
    Huab Tais Leej Txiv , kuv thov txim ntawm Koj, rau kuv cov txhaum. Pab kom kuv zam rau cov neeg uas lawv txhob txwm los yog tsis paub txog qhov lawv ua, uas tau ua kom muaj lub « pob » no tshwm sim tuaj. Kuv yuav tso qhov phem tseg xwv KOJ thiaj yuav daws tau. Kuv lees ntawm Koj xub ntiag,  Leej Niam zoo nyiam, thiab ntawm Koj Leej Tub Yes Xus lub npe, kuv tus Cawm Seej, uas luag ua txhaum nws ntau heev, los Nws paub zam, kuv zam rau cov neeg ntawd tam sim no…(hais npe), thiab kuv zam txim rau kuv tus kheej mus ib sim neej.
    Ua tsaug,  « Mab Liab tus daws pob caus » daws lub pob ciaj caub thiab lub pob uas kuv muab hauv kuv lub siab rau KOJ hnub no.
    « Mab Liab tus daws pob caus », Koj thov Ntuj rau kuv.
    Tus uas xav tau txiaj ntsim tig rau Mab Liab.


    Hnub plaub :

    Leej Niam Ntshiab zoo nyiam, yog chaw so rau tag nrho cov nrhiav Koj, khuv leej kuv mog. Kuv tso lub « pob » no rau hauv koj txhais tes…(hais lub npe). Uas nws ua kom kuv tsis muaj kev thaj yeeb, nws tsuam kuv tus plig kom tsis taus, nws ua kom kuv mus tsis txog kuv tus Huab Tais thiab muab tsis tau kuv lub neej los siv rau NWS.
    Daws lub « pob caus » ntawm kuv lub neej, os kuv Niam. Thov Yes Xus pab kho kuv txoj kev ntseeg uas tuag ntuas rau tej pob zeb tsoo hauv kev. Leej Niam zoo nyiam, los qhia kuv, kom kuv paub tias cov pob zeb ntawm tej kev yog kuv tej phooj ywg, kom kuv tseg tsis txhob yws tuj taws thiab kom kuv txawj luag ntxi pauj txiaj ntsim txhua lub sij hawm, kuv tso siab lug rau koj lub hwj chim.
    « Mab Liab tus daws pob caus », Koj thov Ntuj rau kuv.
    Mab Liab yog lub hnub uas tuaj siab sawv daws kom sov.

    Hnub tsib:
    « Leej Niam daws pob caus », siab dawb thiab txawj hlub neeg, kuv tig rau ntawm koj, kom tau rov muab lub « pob » no rau koj txhais tes ib zaug ntxiv…(hais npe). Kuv thov koj muab Tswv Ntuj txoj kev thoob tsib rau kuv, kom kuv mus raws Leej Tswv Yim Ntshiab qhov pom kev kom daws tau kuv tej kev nyuaj siab tag nrho.
    Tsis muaj neeg pom dua koj npau taws; tsuas pom koj cov lus mos lus muag ua rau luag pom tias koj lub siab zoo li Tswv Ntuj lub siab.
    Tso kuv kom dim ntawm kev iab kev daw, kev npau taws, kev khib xeeb uas yog lub « pob » no ua kom xeeb rau kuv.
    Leej Niam zoo nyiam, thov muab koj lub suab hais lus mos thiab koj lub siab zoo rau kuv kom kuv xyaum teev Ntuj tij ywm hauv kuv lub siab. Zoo li thaum Leej Ntuj Plig nqes los rau saum nej, pab thov Huab Tais Yes Xus kom kuv tau txais Leej tswv Yim Ntshiab ib zaug hauv kuv lub neej. Tswv Ntuj Leej Ntuj Plig, Koj nqes los rau saum kuv yuas !
    « Mab Liab tus daws pob caus », Koj thov Ntuj rau kuv.
    Mab Liab tus nplua nuj thiab muaj hwj chim ntawm Tswv Ntuj xub ntiag.

    Hnub rau :
    Poj Huab Tais txawj Khuv leej, kuv rov muab lub « pob » ntawm kuv lub neej…(teev npe) rau Koj thiab thaum koj daws kuv lub « pob »  thov koj muab ib lub siab txawj xav, siab ntev rau kuv.
    Qhia kom kuv txawj mloog Koj Leej Tub cov lus, kom kuv txawj mus daws txhaum, kom kuv txawj mus txais lub Cim Yug, kom Yes Xus nrog kuv nyob ua ke. Kom kuv npaj siab nrog tsoom tshiab hu nkauj cav txog Koj rau qhov uas koj tab tom ua rau kuv no.

    « Mab Liab tus daws pob caus », Koj thov Ntuj rau kuv.
    Koj zoo nkauj tas nrho, Mab Liab, tsis muaj ib teev tsis huv yuav lo tau koj.

    Hnub xya :
    Leej Niam Ntshiab huv,  hnub no kuv los ntawm koj: Kuv thov koj pab daws lub “pob” hauv kuv lub neej…(teev npe) thiab tso kom kuv dim ntawm yam Phem.  Tswv Ntuj tau muab ib lub hwj huam loj rau koj, tshwj xeeb yog tiv cov dab phem. Hnub no kuv tso dab phem thiab txhua yam uas muaj feem nrog dab phem uas kuv tau nrog lawv ua tseg. Kuv tshaj tias Yes Xus yog kuv tib tug Huab Tais, kuv tib tug Caws Seej.
    « Mab Liab tus daws pob caus », uas tsuj Tuaj Kub taub hau. Koj rhuav cov vas uas nws cuab rau kuv es ua tej “pob” no hauv kuv lub neej. Ua tsaug, Leej Niam zoo nyiam. Huab Tais, muab Koj cov ntshav ntshiab los tso kom kuv dim!
    « Mab Liab tus daws pob caus », Koj thov Ntuj rau kuv.
    « Koj yog Yes Lus Xas Les lub koob meej, Koj yog peb haiv neeg lub sam xeeb. »

    Hnub yim :
    Tswv Ntuj leej Niam Nkauj xwb, txawj khuv leej neeg tas rho, thov khuv leej koj tus me nyuam thiab pab daws lub « pob » hauv kuv lub neej.
    Kuv xav kom Koj tuaj xyuas kuv, zoo nkaus li thaum Koj mus xyuas Es Lis Xas Npev. Coj kuv mus rau Yes Xus, kom Nws coj kuv mus cuag Leej Tswv Yim Ntshiab.
    Qhia kom kuv muaj peev xwm, txawj xyiv fab, txawj hlub neeg, muaj kev ntseeg, thiab zoo li Es Lis Xas Npev, ua kom kuv tau Leej Tswv Yim Ntshiab los nyob hauv kuv. Kuv xav kom Koj yog kuv Niam, yog kuv tus poj Huab Tais thiab yog kuv tus phooj ywg. Kuv muab kuv lub siab thiab txhua yam uas kuv muaj los cev rau koj : kuv lub tsev, kuv tsev neeg, kuv tej teeg tug sab nraud thiab nruab nrog. Kuv muab kuv rau koj mus li. Muab Koj lub siab rau kuv kom kuv ua tau tag nrho li Yes Xus kom kuv ua.
    « Mab Liab tus daws pob caus », Koj thov Ntuj rau kuv.
    Peb tso siab lug ua ke mus, rau ntawm lub theej kiab uas muaj txiaj ntsim.

    Hnub cuaj :
    Leej Niam Ntshiab huv,  peb tus Txheem plaub, Koj « uas yog tus daws pob », hnub no kuv tuaj ua Koj tsaug uas Koj kam daws lub « pob » hauv kuv lub neej. Koj paub tias mob kuv npaum li cas. Ua tsaug os kuv Niam, koj lub siab dawb tau so kuv cov kua muag ntawm kuv ob lub qhov muag. Ua tsaug uas txais kuv rau hauv koj xub ntiag thiab tseem ua kom kuv tau txais Tswv Ntuj lwm lwm txiaj ntxiv.
    « Mab Liab tus daws pob caus », kuv Leej Niam zoo nyiam, kuv ua Koj tsaug uas tau daws cov « pob » hauv kuv lub neej. Muab Koj lub tsho kev hlub los qhwv kuv, cia kuv nyob hauv koj xub ntiag, muab koj txoj kev thaj yeeb los kaj kuv.
    « Mab Liab tus daws pob caus », Koj thov Ntuj rau peb.

    Txhais los ntawm lub site: http://www.salve-regina.com/salve/Neuvaine_%C3%A0_Marie_qui_d%C3%A9fait_les_noeuds

    Maiv Tooj, tim 04-12-2013






    Last edited by Maiv Tooj on 23rd December 2013, 6:19 am; edited 2 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 9th December 2013, 11:30 am


    Tim khawv txog cov teev Mab Liab daws pob caus.


    Muaj ntau tab sis lam txhais zaj puav ua piv txwv xwb.

    …Kuv tab tom yuav muaj 24 xyoo rau lub 4 hlis yuav tuaj no.
    Kuv thov ua tsaug ntxiv thiab yuav ua tsaug mus ib sim neej rau NIam Mab Liab uas tau daws lub « pob ». Vim yog ib lub txiaj ntsim loj heev rau kuv teev 9 hnub no.
    Txij thaum kuv pib tiav me nyuam hluas nkauj los, kuv ua ib cov npau suav txawv txawv, ua kom kuv ua neej ntxhov siab tas li rau lub caij kuv tiav hluas nkauj. Kuv tau thov Mab Liab kom pab kuv tsis txhob rov pom cov npau suav no ntxiv lawm. Ua Ntuj tsaug uas Tswv Ntuj mloog kuv cov lus thov…
    Kuv tsis tau ua dua tim khawv txog ib yam dab tsi li, zaum no kuv hais rau nej tias zaj teev Ntuj no daws tau kuv lub nra nyhav thiab ua rau kuv kaj siab tshaj plaws. Thaum kawg no, kuv yuav tau hais « UA TSAUG » rau lub ntiaj teb neeg pom.
    Tham txog Tswv Ntuj lub txiaj ntsim thiab Mab Liab ua hwj huam mas ua rau kuv kua muag poob.
    T.L.

    …Zaum no kuv rov thov Ntuj rau kuv tus kheej : Tau ob xyoo los uas kuv nrog ib tug yawg muaj poj niam ua ke. Tau ob peb hnub no mas zoo li kev sib hlub loj heev tseg tsis tau li lawm.
    Kuv txiav txim siab teev Ntuj thov kom dim ntawm ntawm txoj kev nkauj nraug no.
    Tsis nco qab kuv ncua ib hnub ces 9 hnub ua 10 hnub lawm.
    Cas txawv kawg li, yog hnub 10 uas tus kab mob no cia li zoo hlo lawm. Ua tsaug Mab Liab.
    S.R.

    Ua tsaug ntau, kuv nrog kuv cov me nyuam, kuv niam thiab kuv txiv, thiab kuv tus txiv nrog peb teev « Mab Liab daws pob caus » zaum puav . Peb cov lus thov tau li siab xav. Niaj hnub no, kuv tus txiv tseg tsis haus cawv zuj zus vim nws ua neeg puas siab (dépression). Suav hnub suav hmo zoo zuj zus.
    M.B.

    …Nws rov los ua zoo rau kuv tus ntxhais thiab nws tus nus. Thaum nws tus nus hlob tuag tas xyoo 1995, ces lawv tsis sib haum los tau tshaj 13 xyoos.
    A.B.

    …Yog  ib lub caij uas nyuaj tshaj plaws hauv lub neej rau kuv uas yog ib leej niam: Kuv tus tub hlob cia li chim rau kuv yam tsis muaj paus ntsis, tau 5 xyoos lawm uas peb tsis sib pom li. …Hnub 9, nws tuaj xyuas kuv.  Hnub ntawd yog ib hnub zoo tshaj plaws hauv kuv lub neej. Txij ntawd los, nws rov los nrog peb nyob lawm…
    Y.G.
    Kuv thov Ntuj rau kuv niam thiab kuv txiv tab tom yuav sib nrauj. Tom qab uas kuv teev 9 hnub tag tau ib lis piam, nkawd mam paub tias yog ib tug phooj ywg siab phem ntxias kom nkawd sib tawg thiab ua kom nkawd sib ceg. Nkawd rov sib haum txij hnub ntawd kiag los. Tam sim no peb tseem tab tom teev 9 hnub rau tus neeg ntawd uas nws tos heev.
    N.N.

    Kuv tus txiv wb tsis paub tias yuav ua li cas thiaj yuav them tau wb tus tub nqe kawm ntawv, tshwj xeeb yog thaum nws xeem bac tag ; yuav ua li cas thiaj li yuav dhau xyoo. Wb tshua nuj tshuav nqe ntau, txais nyiaj siv, txais nyiaj yuav tsev, txais nyiaj yuav tsheb, thc. Kuv noj tshuaj tsaug zog pw xwb los tseem xav txog qhov xav ua kom tag txoj sia thiab. …Yog lauj ! Mab Liab daws cov pob caus ib lub zuj zus ua kom peb nrhiav tau teeb txheem rau cov teeb meem. Zaum no, peb xyaum ua li hauv Ntawv Moo Zoo hais, cov hluas nkauj xyuam xim.
    A.M.
    ….Ib cov tuam txhab kom kuv tus tub mus ua hauj lwm rau lawv, ua hauj lwm tag tshuav nyiaj ntau heev lawv tsis them nws li. Kuv teev thawj 9 hnub xwb, lawv them ib feem ntau ntawm cov nyiaj ntawd tuaj. Zaum no nws yuav tau them nws cov tub zog. Kuv ua tsaug rau Tswv Ntuj cov txiaj ntsim uas Niam Mab Liab thov los pab peb
    P. H.
    Qeg caij nyoog tau ntau xyoo, kuv mus twv ntawv ntau zaus poob tag tib si. Kuv twv zaum twg los yeej poob li. Nrab xyoo 2003, kuv nkaum tes…Kuv lam khawb taub yuav ib phau me nyuam ntawv, tab sis kuv tsis ntseeg pes tsawg. Thaum lub 6 hli xiab kuv teev 9 hnub, ib lis piam tom qab kuv tau txais ib tsab ntawv tias kuv twv tau qhov sau lawm. Kuv zoo siab tshaj plaws tsis muaj qhov piv tau…Hnub tim 20 lub 7 hli, kuv tau lus teb tseeb tias kuv twv tau lawm : Kuv nrog luag twv tau ntawv lawm. Zaum no Mab Liab nyob rawv hauv kuv lub neej, kuv rov nrhiav tau txoj kev ntseeg thiab kuv rov teev Ntuj.
    V. L.
    Hnub tim 28 lub 4 hlis, kuv yuav tau ib phau me nyuam ntawv teev Ntuj 9 hnub, hnub  tim 10 lub 5 hlis, kuv txais tau, kuv cia li pib teev kiag hnub ntawd mus…rau ib lub « pob » uas khuam kuv thiab kuv ntooj tau ntev  los lawm. Kuv tseem xav tias ntshe yog kuv vwm es kuv lub tswv yim ua rau kuv mob xwb ; kuv tseem yuav mus pw tsev vwm. Hnub plaub uas kuv teev zaj daws « pob », muaj tej yam zoo tshaj plaws tshwm sim.
    -Muaj ib yam hloov hauv kuv lub siab, yam kuv hais tsis paub yuav tham li cas, rau kuv mas yog muaj feem txog qhov yuav mus kho kuv thiab tus kho kuv ntawd, uas lub pob no pluam lawm. Kuv ntseeg tsis tau tias kuv cia li zoo hlo lawm (kuv hnub nyug 60 xyoo), kuv tau txom nyem ntev heev rau kuv tus mob ; tab sis kuv ua Ntuj tsaug.
    M-T.
    …3 hnub ua ntej kuv teev tag 9 hnub, peb cia li muag tau peb lub tsev ua tshaj tawm tau ntau hli lawm , tseem tau raws li tus nqe uas peb xav tau thiab. Nkauj Ntshiab mas txawj thom luam heev.
    B. C.

    …Kuv muaj 82 xyoo, kuv ntog  tag ces kuv cia li txog txog siav ua tsis taus pa li. Thaum kuv tab tom teev Ntuj 9 hnub no, zoo li ib txhais tes lauj kiag kuv tus mob uas nyiaj tsis taus no lawm…
    H.-M.

    …Wb tus ntxhais xav yuav me nyuam tau ob xyoos los, nws tsis muaj me nyuam li. Ib tug phooj ywg muab tau ib phau me nyuam ntawv rau kuv tus txiv wb, wb teev 9 hnub. Tau ob hlis tom qab, kuv tus ntxhais thiab vauv xa ib lub moo zoo rau wb, muab xam los naj cas yog lub lis piam uas kuv tus txiv wb teev Ntuj ntawd xeeb. Peb zoo siab tshaj li.
    F. thiab G. B.

    …Txawm yog tus mob ploj lawm tab sis tsis pom muaj qhov hloov hauv lawv lub neej mas kuv caw cov uas tau teev Ntuj 9 hnub no rau siab teev ntxiv.
    Kuv zoo siab tias hnub no kuv tau paub tias Niam Mab Liab npaj kom kuv txawj hla tej teeb meem loj hauv kuv lub neej thiab txawj tso siab ntau tshaj ntxiv rau NWS, thaum tej teeb meem loj tshaj hauv lub neej tshwm tuaj…
    V. D.
    Kuv thov Niam Mab Liab pub ib qho txiaj ntsim uas yuav muaj tsis taus tau 3 hlis nkaus. Kuv tso siab lug rau qhov kuv thov. Tau muaj 8 hnub dhau los no, kuv txais txiaj ntsim loj tshaj qhov uas kuv tos. Yog vim Tswv Ntuj lub txiaj ntsim, kuv zoo siab hlo nrog kuv cov txheeb ze faib kev zoo siab.
    Yuav tsum txhob tag kev cia siab.
    P. B.
    Kuv thov hais tias kuv teev 9 hnub tau ib zaug los xyov ob zaug, kuv tau 3 qhov txiaj ntsim : 1) yog kuv tus ntxhais nws yog los pav, nws nrhiav tsis tau tswv ua hauj lwm, nws lub tsev hauj lwm tshuav kawm lawm xwb, nws cia li nrhiav tau ib qhov, ua kom nws rov nce tau lub tsag.
    2)  Kuv tus ntxhais yau, tsis muaj hauj lwm ua, cia li tau ib txoj hauj lwm uas lawv them nyiaj zoo tshaj qhov nws xav txog.
    3) kuv niam yuav nraug phais. Lawv cia li tsis pom lub mob lawm, ces cia li tsis phais.
    A-M P.
    …Teev tau 3 hnub, kuv tau txais qho txiaj ntsim uas kuv tsis nco qab tos. Kuv rov teev dua 9 hnub rau ib qho uas kuv tos tau ib xyoos los lawm tsis tau. Rov tau qhov txiaj ntsim tshiab lawm thiab. Kuv ua tsaug rau Mab Liab.
    M. B.

    Vaj Qhia Faas Tshis Kus zoo siab kom sawv daws teev zaj Niam Mab Liab daws pob caus. Nws yogi b tug uas teev thiab.


    Txhais hnub tim 09-12-2013.
    Maiv Tooj.

    los ntawm lub Site :
    http://www.salve-regina.com/salve/Neuvaine_%C3%A0_Marie_qui_d%C3%A9fait_les_noeuds

    YOG KOJ MUAJ KEV NTXHOV SIAB
    TXHOB NTOOJ TUS MOB CIA
    TXHOB QUAJ NTSUAG
    KAV TSIJ SO KUA MUAG
    TUAJ MUS CUAG
    NIAM MAB LIAB DAWS POB HLUA
    TXHOB UA SIAB DEB
    CUAJ HNUB TSIS NTEV
    TEEV NTUJ POV HWM
    KOJ KEV XYIV FAB YUAV TSHWM
    KOJ SUAB LUAG YUAV NROV
    VIM NIAM MAB LIAB YUAV DAWS KOJ LUB POB...

    KUV TWB SIM TEEV LAWM
    YEEJ KHEV TSHAJ PLAWS
    teev ob hnub xwb pib hloov
    tsib hnub pom koob hmoov
    THIAJ MUAB TSHAJ TAWM
    RAU PEB TSOOM HMOOB SAWV DAWS
    TAU COJ LOS SIV
    KOM PAB DAWS TEJ POB KHI
    HAUV LUB NEEJ NTXHOV SIAB
    YOG KOJ TSO SIAB RAU NIAM MAB LIAB.

    SIM NEEJ KUV TSIS XAV TXOG TIAS YUAV TAU
    CAS TSWV NTUJ LUB HWJ HUAM LOJ TAG NPAUD
    YAM KUV ME NYUAM NEEG TSIS PAUB TXOG
    TIAS TSWV NTUJ LUB HWJ HUAM LOJ TAS NRHO.

    HNUB NO KUV ZOO SIAB
    KUV THOV UA NIAM MAB LIAB TSAUG
    YUAV NCO TXIAJ NTSIM TXOG HNUB SAU LAUS.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 12th December 2013, 7:56 am


    Mab Liab daws pob.

    Marie qui défait les nœuds



    Denis Bourgerie, yog ib tug tub xov xwm, nws poj niam yog ib tug kws kho mob, nkawd ob niam txiv tsim tau ob lub tsev koom haum los teev Niam Mab Liab nyob Brasilia teb: Ib lub teev Niam Mab Liab daws pob, ib lub teev Niam Mab Liab qheb rooj ntug.



    Thaum cov hluas thoob ntiaj teb mus sib sau rau Brasilia teb, lawv mus xyuas lub tsev teev Ntuj, teev Niam Mab Liab daws pob.

    Thaum teev Niam Mab Liab daws pob 9 hnub,

    Nrhiav ib qhov chaw kom txhob nphoo ntxuas, ntsiag to. Muab ib daim duab Mab Liab tso rau ntawd, hlawv ib tug tswm ciab rau, txhos caug thiab ua ntaj teg teev.

    * Thaum lub pob hlua zawm yus tau ntau caum xyoo, yus teev Niam Mab Liab daws pob tag mas yus hnov yus ib ce sib sib, txawv txawv kawg li. Tseem ua rau yus cia li tsis hnov sab cia li tsis tsaug zog zoo li uas yus tsis nkees li lawm.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 15th December 2013, 3:17 am

    Chaw yuav phau ntawv teev NIAM MAB LIAB daws pob caus.

    Marie qui défait les noeuds - Neuvaine et Prières :

    AMAZON.FR

    [url= http://www.amazon.fr/Marie-qui-d%C3%A9fait-noeuds-Neuvaine/dp/2930211571] http://www.amazon.fr/Marie-qui-d%C3%A9fait-noeuds-Neuvaine/dp/2930211571[/url]

    la procure:

    http://www.laprocure.com/livret-neuvaine-marie-defait-noeuds-ets-prouvost/3760130751933.html





    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Thov Niam Mab Liab daws pob caus teev li cas.

    Post  Tub Kawm on 23rd December 2013, 5:09 am

    Nyob zoo N.hlob thov ua tsau rau koj tso zaj teev Niam Mab Liab pab daws yus pob caus ua txhaum rau sawv daws kawm og.
    Tiam sis thov nug me ntsis vim tsi tshua to taub:

    1, nug tias, thaum hais Saw Mab Liab puas piav cov txiaj ntsim uas niaj hnub yus hais kam.

    2, nug tias: thaum hais 3 nqe saw Mab liab tas, los hais thiab suav peb caug lub hlaws tas lawm, es hais zaj thov ntuj tws nyob rau ntu hauv nruas nrab ntawd. Puas yog hais cov zaj thov ntuj 1 mus txog 9 ntawd, muab ib zaj los thov tas mam rov hais 2 nqes ua qab, los 20 hlaws ua qab?

    3, thaum hais tas zaj sawv Mab Liab uav yog suav tas 50 lub hlaw lawm ne, ho hais zaj thov twg lawm? Vim koj hais tia: hais tas 3 zaug los 3 nqes saw Mab liab mas hais ib zaj thov Niam Mab Liab daws pob cau yam 1 mus txog 9, thiab koj tia thaum rov hais zaug saw Mab liab ua qab es li rov thov zaj Niam Mab liab daws pob caus xaus no?.
    Li ntawd kuv tsis tshua to taub yog muaj si hawm rov tuaj qhia ntxiv.

    Yog koj tuaj no hais txog zaj teev saw Mab liab ces to taub lawm. Koj muab cov zaj thov Niam Mab liab daws pob caus zaj 1, 9 muab ib zaj coj los quas rua hauv txoj Saw Mab liab nyob rau ntu twg ces to taub lawm.
    Ua tsaug.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 23rd December 2013, 6:38 am

    Nyob zoo Tub Kawm,

    Koj tuaj xyuas tau peb lawm lov! Zoo kawg.

    Kuv yuav tau phau ntawv teev Niam Mab Liab daws pob caus lawm, nws hais txawv zog qhov kuv txhais hauv cab sab no. Tab sis kuj yog zoo tib yam xwb. Hauv phau ntawv mas muaj ib zaj thov Niam Mab Liab pab daws pob caus ntxiv zaj uas kuv txhais no thiab. Tab sis ntshe yog muaj tsw es lawv tsis tso tawm cab sab ces kuv tsis txhais. Kuv txhais zaj uas lawv tso tawm cab sab xwb. Txawm muaj ib zaj xwb los kuv thov yeej tau txiaj ntsim zoo kawg li thiab.

    Yog koj tsis to taub qhov twg no mam rov nug dua.




    Tub Kawm wrote:Nyob zoo N.hlob thov ua tsau rau koj tso zaj teev Niam Mab Liab pab daws yus pob caus ua txhaum rau sawv daws kawm og.
    Tiam sis thov nug me ntsis vim tsi tshua to taub:

    1, nug tias, thaum hais Saw Mab Liab puas piav cov txiaj ntsim uas niaj hnub yus hais kam.

    - Yog koj paub cov txiaj ntsim niaj hnub teev mas hais zoo dua, kuv tsis piav cov txiaj ntsim, vim kuv paub tias muaj coob leej tseem tsis tau paub txog cov txiaj ntsim ntawm Saw Mab Liab, yuav ua ib qho nyuaj rau lawv, kuv thiaj tsis hais.


    2, nug tias: thaum hais 3 yag saw Mab liab tas, los hais thiab suav peb caug lub hlaws tas lawm, es hais zaj thov ntuj tws nyob rau ntu hauv nruas nrab ntawd. Puas yog hais cov zaj thov ntuj 1 mus txog 9 ntawd, muab ib zaj los thov tas mam rov hais 2 nqes ua qab, los 20  hlaws ua qab?

    - Hais zaj "tu siab " tag ces hais kiag peb YAG (10x3=30 lub hlaws) tag mam li hais zaj thov Ntuj hnub 1 mus txog hnub 9; seb yog hnub twg ces hais hnub ntawd.

    3, thaum hais tas zaj sawv Mab Liab uav yog suav tas 50 lub hlaw lawm ne, ho hais zaj thov twg lawm? Vim koj hais tia: hais tas 3 zaug los 3 nqes saw Mab liab mas hais ib zaj thov Niam Mab Liab daws pob cau yam 1 mus txog 9, thiab koj tia thaum rov hais zaug saw Mab liab ua qab es li rov thov zaj Niam Mab liab daws pob caus xaus no?.
    Li ntawd kuv tsis tshua to taub yog muaj si hawm rov tuaj qhia ntxiv.

    - Thaum koj hais tag 3 yag Saw Mab Liab, koj nyeem zaj thov Niam Mab Liab daws pob tag; koj rov teev 2 yag tom qab xws li 20 lub hlaws ntxiv tag ces koj xaus rau zaj Niam Mab Liab daws pob caus.


    Yog koj tuaj no hais txog zaj teev saw Mab liab ces to taub lawm. Koj muab cov zaj thov Niam Mab liab daws pob caus zaj 1, 9 muab ib zaj coj los quas rua hauv txoj Saw Mab liab nyob rau ntu twg ces to taub lawm.  
    Ua tsaug.  

    - Tsis thov quas ib yag zuj zus, teev 3 yag ua ntej tag nrho mam nyeem zaj thov Ntuj 9 hnub; nyeem zaj thov Ntuj 9 hnub tag, rov teev 2 yag tas ces mam nyeem zaj thov Niam Mab Liab daws pob.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 23rd December 2013, 8:57 pm



    Nyob Tub Kawm,

    Nag hmo kuv teb koj yuam kev me ntsis lawm, hnub no kuv rov kho li qub. Tsuas teb koj cov lus nug xwb. Hnub no kuv rov muab phau ntawv los saib, yog kuv yuam kev lawm, nws yeej teev tib yam li qhov kuv txhais hauv cab sab, tsuas yog cov lus hais sib txawv me ntsis; tab sis yeej yog hais tib lub ntsiab xwb.




    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Thov Niam Mab Liab daws pob caus teev li cas.

    Post  Tub Kawm on 25th December 2013, 3:17 am

    Nyob zoo N.hlob ua tsau ntau rau nws tuaj qhia ntxiv lawm.
    Kuv to taub lawm og.
    Txhua yam kuv tsi txawj ces yuav vam nws ntau xwb.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 1st January 2014, 12:16 pm


    Nyob zoo Tub Kawm,

    Kuv rov txhais zaj hauv phau me nyuam ntawv ntxiv lawm, kuv muab tso rau qhov nov, yog nej xav teev raws li zaj haus qab no kuj tau.




    Teev li cas ?


    1- Ua Ntoo Cuam lub Cim.
    2- Hais zaj tu siab. Thov txim rau yus cov txhaum thiab qhov tseem ceeb tshaj, yog kom yus yuav tsum txiav txim siab tsis txhob rov ua txhaum ib zaug ntxiv:

    Zaj tu siab:
    Kuv tus Huab Tais, koj lub siab zoo tag nrho, koj zoo nyiam tag nrho.
    Neeg lub txhaum tsis ntxim koj lub siab.
    Kuv tseem ua txhaum rau koj, kuv tu siab nrho.
    Kuv tsis xav txhaum lwm zaus, thiab kuv xav them txim.
    Koj pub txiaj ntsim pab kuv.


    3- Zaj thov Niam Mab Liab daws pob caus.
    Leej Ntshiab Mab Liab. Tswv Ntuj leej Niam, koj yog  ib tug poj niam thiab ib leej niam, koj tau hais rau Tswv Ntuj tias « Kom ua raws li Koj hais » : Thov koj muab koj lub zog, koj txoj kev ntseeg ruaj khov thiab koj txoj kev sib nyiam sib hlub rau kuv. Nkauj tsim txiaj Mab Liab, hnub no kuv coj kuv lub siab mob lwj ntsuav tuaj rau koj.  Kuv coj kuv txoj kev txom nyem tuaj quaj rau hauv leej Niam uas ib txwm mloog  peb lub xub ntiag, Nws nyiaj tag puas tsav yam, Nws ntseeg tag nrho txhua yam. Thov ntseeg kuv os kuv Niam, thov ntseeg kuv lub siab mob ncus nco thiab kuv tej kev nyuaj siab . Tsis muaj yam dab tsi uas ib leej niam thiaj li yuav  ua rau nws tus me nyuam ?
    Yog qhov twg, Mab Liab, Koj thiaj yuav tsis ua rau kuv ?
    Kuv thov kom Koj mloog kuv xwb. Kom kuv lo lus thov tuaj txog Koj. Thov pab muab cev rau Koj Leej Tub zoo nyiam. Pab cev lus rau kuv.
    Kom kuv tau li Koj tias : « Huab Tais, thov kom hwj huam los txog ». Mab Liab, ua kom kuv muaj cuab kav txais Tswv Ntuj lub hom phiaj rau kuv lub neej. »
    Kuv tso kuv txhais tes rau hauv Koj txhais, Mab Liab pab coj kuv kev, roos  kuv, thov pab daws cov hlua khi teeb meem nyuaj ntxhov uas tsuam kuv.  Nkauj Ntshiab muaj hwj huam, Koj tib leeg thiaj li yuav daws tau cov pob caus no.
    Kuv niaj hnub dawm ko taw ntawm kev, kuv poob rau lub vas khav theeb tsa hwj chim, uas kuv twb tsis to taub txog, com rau txoj kev tsis txawj  khuv leej luag  thiab pab luag.
    Yog vim li ntawd, kuv thiaj vam txog Koj, Mab Liab, kuv Niam  los tso kuv  dim ntawm tej uas tuav kuv tes cia. Daws cov pob caus hluas uas nws khi  kom kuv tsis xyiv fab, kom kuv txhob txav tau ze Koj thiab Koj Leej Tub.
    Thov kom kuv zaj teev Ntuj no hloov kuv lub siab tawv thiab ua kom kuv yog ib tug kws tshiab txhim lub qab ntuj rau qhov zoo thiab siab zoo.

    Mab Liab daws pob caus, mloog kuv los lus thov Koj.



    4- Teev thawj 3 zaj Saw Mab Liab (Hais cov txiaj ntsim hnub ntawd) :

    -1 zaug “Peb Txiv nyob suam Ntuj”,
    - 10 zaug “Nyob kaj lug Mab Liab”,
    -1 zaug “Huab Tais Leej Txiv, HT.Leej Tub, HT.Leej Ntuj Plig, muaj koob meej nto moo lug, lub zim txwv no mus txog fab lwm txheej, xws li txheej thaud los ua li.”
    Teev  li no 3 zaug

    5- Nyeem zaj thov Ntuj raws hnub teev ntawd ( yog zaj hnub 1 txog hnub 9)

    6- Rov teev 2 zaj Saw Mab Liab tom qab (hais cov txiaj ntsim hnub ntawd):

    -1 zaug “Peb Txiv nyob suam Ntuj”,
    - 10 zaug “Nyob kaj lug Mab Liab”,
    -1 zaug “Huab Tais Leej Txiv, HT.Leej Tub, HT.Leej Ntuj Plig, muaj koob meej nto moo lug, lub zim txwv no mus txog fab lwm txheej, xws li txheej thaud los ua li.”
    Teev  li no 2 zaug.

    7- Xaus rau zaj « Thov Niam Mab Liab Mab daws pob caus ».
    Zaj thov “Niam Mab Liab daws pob”.

    Nkauj tsim txiaj Mab Liab, Leej Niam hlub neeg, uas tsis tso ib tug me nyuam thov nws pab tseg ib zaug li.
    Leej Niam uas txhais tes khwv tsis tseg rau cov me nyuam uas nws hlub, vim lawv hlob  hauv Tswv Ntuj txog kev nyiam los thiab txoj Khuv leej neeg  phwj yaws hauv koj lub siab, tig koj lub siab hlub neeg rau kuv. Saib kuv pawg « pob caus hlua » uas zawm kuv lub neej. Koj paub kuv txoj kev tag kev cia siab thiab kuv kev tu siab.  Koj yeej paub tias cov pob no ua tsuam kuv lub neej kom mus tsis taus. Niam Mab Liab, Leej Niam uas Tswv Ntuj tso los daws koj cov me nyuam  cov « pob hlua » hauv lawv lub neej, kuv tso kuv txoj hlua pob caus hauv kuv lub neej rau hauv koj ob txhais tes.
    Yeej tsis muaj leej twg, txawm yog dab phem kiag los yeej txiav tsis tau koj lub siab zoo khuv leej neeg. Tsis muaj ib lub pob twg uas yuav daws tsis tau hau koj txhais tes.
    Leej Niam muaj hwj huam tas nrho, yog muaj koj lub txiaj ntsim cev peb cov lus rau koj Leej Tub Yes Xus, Tus Tso kuv dim, thov txais kuv cov « pob caus » hnub no…(yog tau no hais qhov uas koj thov).  Thov koj pab daws rau Tswv Ntuj lub koob meej, thiab muab daws kom tag nrho mus ib sim neej.
    Kuv vam txog KOJ, Tswv Ntuj tso KOJ tib leeg los nplij kuv lub siab, Koj yog lub ntsa zeb thaiv kuv lub zog qaug qib,  thaiv kuv tej kev txom nyeem nplua mias, KOJ yog tshem txhua yam khaum kev uas kem kuv thiab Leej Pleev.
    Txais kuv cov lus thov KOJ, saib xyuas kuv, coj kuv kev, roos kuv. Koj yog kuv qhov chaw nkaum.
    Mab Liab koj yog tus daws daws pob caus, pab thov Ntuj rau kuv.


    8- Ua Ntoo Cuam Lub Cim.
    Tas. (Ces hnub tshiab rov teev li nov dua, tsuas hloov cov zaj thov Ntuj hauv nruab nrab kom raws li hnub teev xwb.)




    Tub Ntxaws
    Tuaj Tshiab
    Tuaj Tshiab

    Messages : 33
    Date d'inscription : 2012-02-21
    Localisation : Tub Ntxaws

    Re: Thov Niam Mab Liab daws pob caus teev li cas.

    Post  Tub Ntxaws on 3rd January 2014, 4:28 pm

    Nyob zoo os niam ntxawm txhua txhua yam ntawm tub kawm thiab ntawm kuv yeej yog koj qhia thiab koj pab wb lawm xwb yog tsi muaj koj pab cias yuav tsaus wb ntuj ntawm qhov. Tsi tas li ntaw koj tug ua niam tseem qhia peb teev ntuj li ub li no los pab wb tsev neeg daws pob caus peb nqa tes ua tsaug rau koj tug ua niam muaj lub siab dawb paug wb txhua yam uas wb ua tsi tau vam nej ua tiag cob ua tiag qhia wb os nawb. xyoo no kiag xwb yeej muaj teeb meem ntau dua txhua txhia xyoo lawm xyov yuav zoo li cas li os niam ntxawm uv npaum twg los yeej raug teeb meem tas mus li xwb ntshai tsam uv tsi taus es ho tshav teeb meem xwb os. Nej ho pab txhawb wb thiab os ua tsaug. Sau npe Tub ntxaws

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 3rd January 2014, 11:21 pm



    Nyob zoo Tub Ntxawg,

    Zoo siab ntsib nws hnub no,

    Yus yog cov coj mas yuav tau teev LN Mis Kas pab yus, pab ntiab tuaj kub deb ntawm yus thiaj li tsis muaj teeb meem. Yog tej qhov loj ces teev Niam Mab Liab daws pob caus li qhov nov; yog tej qhov uas yog lub neej txhua hnub thiab tsoom ntseeg sawv daws mas yuav tau teev txog LN.Mis Kas lub npe los pov hwm sawv daws kom muaj kev thaj yeeb.

    Tsis tag li ntawd, yuav tau hu txog LN. Nkas Nplias los pab yus, kom nws thov Leej Tswv Yim Ntshiab rau yus, rau sawv daws kom muaj kev thoob tsib to nrog mas thiaj yuav tsis muaj teeb meem. LN.Mis Kas thiab Nkas Nplias mas yuav tau hu txog txhua hnub li, yog nej yog cov coj tsoom ntseeg.

    Dua li, tseem yuav tau thov txog LN.Las Fais, yog tus Kws kho mob, los pab kho sawv daws tej mob; tej mob siab luv, siab ntev, mob nplua taws, mob khib xeeb, mob ciaj caub , mob roj ntshav tiag, tib si.

    Cov coj mas yuav tau hub txog 3 tug Leej Ntshiab, yog 3 tug Tuam Thawj Tshiab los pab peb, peb thiaj yuav zam dhau teeb meem.





    LN.Mis Kas



    LN.Las Fais.



    LN.Nkas Nplias.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 5th January 2014, 11:05 am


    Nyob zoo Tub Ntsuag thiab Tub Kawm,

    Hnub no peb mus ua hmoov hawm Huab Tais Yes Xus, yog peb tus Tswv Qhia. Kuv tau tham txog nej lub neej me ntsis, nws muab daim duab nov kom kuv tso rau nej, yag nws mus ntsib Vaj Qhia thaum lub 3 hlis 2013 no. Tswv Qhia tias nws mam thov Ntuj rau nej.










    Tub ntsuag
    Phooj Ywg
    Phooj Ywg

    Messages : 135
    Date d'inscription : 2011-10-06

    Re: Thov Niam Mab Liab daws pob caus teev li cas.

    Post  Tub ntsuag on 5th January 2014, 2:09 pm

    ua tsaug ntau og nawb niam hlob nej tug tswv qhia yog tug no lov .ua tsaug uas koj tseem tham txog peb lub neej rau tswv qhia thiab og nawb .muaj lug ua koj tsaug ntau og nawb thov tswv ntuj foom koob hmoov rau koj nawb mog .sib ntsib dua.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 9th January 2014, 10:39 am

    Nyob zoo Tub Ntsuag,

    Thaum Vaj Qhia Zam Paj Lug Ob tag sim neej, nyob Fab Kis teb twb xav tias ntshe tus Tswv Qhia Barbarin nov yuav tau ua vaj qhia no; lawv zoo siab tias ntshe yuav yog tus vaj qhia uas hluas tshaj hauv keeb kwm no. Tab sis ho xaiv tsis tau nws. Tswv Qhia Barbarin nov yog peb tus Tswv Qhia Liab. Lawv tuaj ua hmoov Hawm Huab Tais rau ntawm peb lub tsev teev Ntuj vim lawv hais tias muaj hmoob no. Lawv hais ntau yam zoo txog hmoob, ua rau peb sawv daws kuj zoo siab kawg. Tsis tag li, nws tseem hnav daim thav ntxwv ua paj ntaub hmoob thiab.







    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Thov Niam Mab Liab daws pob caus teev li cas.

    Post  Mim on 10th January 2014, 5:47 am

    Nyob zoo tais Tooj,

    Koj tau tuaj muab txoj kev thov ntuj Niam Mab Liab Daws Pob Caus no txhais ua lus Hmoob tas lawm, zoo kawg rau peb Hmoob kom tau paub txog.  Ua koj tsaug rau koj txoj kev kub siab os.

    Ntawm no kuv tsuas ntxiv me me rau lub keeb kwm txog txoj kev thov Niam Mab Liab Daws Pob Caus thiab txog daim duab xwb os.


    Niam Mab Liab Daws Pob Caus


    Lub keeb kwm ntawm zaj teev Niam Mab Liab Daws Pob Caus yog zoo li no:  
    Thaum tiam  16-17  ntawd  muaj  ib tug txiv neej hu ua Wolfgang Langenmantel (1586-1637) nyob teb chaws Yes Las Mas (Germany) thiab nws poj niam hu ua Sophia Rentz (1590-1649) nkawd  muaj teeb meem  txog nkawd txoj kev ua txij nkawm. Nkawd xav hais tias ntshai kawg yuav sib nrauj xwb thiaj tas. Tiam sis tus txiv neej txawm mus cuag ib tug txiv plig hu ua TP Jacob Rem thiab piav nws cov teeb meem rau tus txiv plig.  Tus txiv plig thiaj thov Niam Mab Liab li no rau nkawd: “… Kuv tuaj thov koj, kuv muab txoj hlua khi kev sib yuav no tsa kom cov pob caus plam tas mus kom txhob muaj pob ntxiv.” Txij ntua ntawd los ob niam txiv cia li muaj kev kaj siab tsis hais txog kev sib nrauj ntxiv. Tom qab no, nkawd tus tub xeeb ntxwv Hieronymus Ambrosius Langenmantel (1641 – 1718) thiaj mus kom ib tug kws kos duab hu ua Johann Georg Melchior Schmidtner (1625-1707) kos ib daim duab ua kev nco txog nws pog thiab nws yawg, hu ua daim duab “Tus Daws Pob Caus.”  Xyoo 1700,  nws thiaj muab daim duab pub rau lub tsev teev ntuj St. Peter am Perlach, nyob lub nroog Augsburg, Yes Las Mas teb.

    Lub ntsiab tias Niam Mab Liab Daws Pob Caus yog chiv ntawm tus leej ntshiab  St.  Irenee de Lyon (St Irenaeus of Lyon) uas tuag ua tim khawv xyoo 202 AD nyob Lyon, Fab Kis teb, tau xub hais  txog.  Nws tau hais tias  Pog Es Vas txoj kev tsis mloog Ntuj lus tau khi ib lub pob caus kev txhaum rau neeg ris, tiam sis Mab Liab txoj kev mloog lus tau daws lub pob caus lawm.

    Yog li no, txoj kev thov Niam Mab Liab Daws Pob Caus yeej muaj  thaum tiam 16-17 los lawm, tiam sis tsis muaj neeg coob paub txog li.  Thawj lub tsev teev ntuj ris lub npe “Mab Liab Daws Pob Caus” nyuam qhuav ua tiav xyoo 1989 nyob lub nroog Styria, Austria teb, uas yog tsa los ua Niam Mab Liab tsaug vim lawv tau thov nws pab lub caij uas muaj cov teeb meem nuclear nyob Chernobyl (Xos Viaj teb) xyoo 1986 thaum lub 4 hlis xwb.

    Yog lub caij 1987 txog 1989 ntawd, tsis paub tias yog xyoo twg kiag, thaum ntawd Vaj Qhia Francis tseem yog ib tug txiv plig xwb, nws tau mus kawm ntxiv nyob Germany teb tau ntau lub hli.  Ces nws thiaj mus pom daim duab Niam Mab Liab Daws Pob Caus nyob hauv lub tsev teev ntuj St  Peter am Perlach nyob Augsburg, thiab nws thiaj paub txog lub ntsiab ntawm daim duab.  Nws nyiam txoj kev thov Niam Mab Liab Daws Pob caus. Thaum nws rov los tsev nyob Argentina, nws nqa tau ib daig duab Niam Mab Liab Daws Pob Caus los. Nws thiaj coj los qhia rau cov ntseeg nyob Argentina. Muaj coob leej nyiam txoj kev thov Niam Mab Liab Daws Pob Caus.  Txij ntawd los cov ntseeg thiaj paub txog Niam Mab Liab Daws Pob Caus ntau zuj zus tuaj.  Thiab niaj hnub no muaj ntau lub tsev teev ntuj muaj npe Niam Mab Liab Daws Pob Caus, tiam sis cov ntau yog nyob Argentina  xwb.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 10th January 2014, 7:41 pm



    Nyob zoo Mim,

    Ua tsaug ntau rau koj zaj txhais, kuv tsis tshua khoom ces kuv txais kev xwb; koj tseem tuaj phua lub ntsiab rau peb paub txog keeb kwm teev NIam Mab Liab daws pob caus kom meej thiab, ua koj tsaug ntau.

    Kuv pom tias muaj txiaj ntsim heev, nws hloov tej yam uas kuv vam txog thiab tej yam uas yus twb tsis nco los paub txog tib si rau yus kom yus muaj lub siab kaj thiaj li yuav muaj siab los hwm Ntuj. Hnub no peb tsoom ntseeg nyob cheeb tsam nroog Lyon, Fab Kis teb, peb Noj Peb Caug, kuv npaj tau ua ib phau me nyuam ntawv lawm, kuv yuav muab coj mus faib rau sawv daws kom tau siv daws lawv tej pob caus hauv lub neej.




    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Thov Niam Mab Liab daws pob caus teev li cas.

    Post  Tub Kawm on 12th January 2014, 8:36 pm

    Nyob zoo Niam hlob thiab Mim, thov nug tias Zaj teev Niam Mab liab daws pob caus no, yog yus thov pab yus xwb los, yus xav teev pab luas lwm tus kuj tau maj? Yog neb khoom no tuaj qhiav peb ua tsaug.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 12th January 2014, 8:49 pm



    Nyob zoo Tub Kawm,

    Kev thov Niam Mab Liab daws pob caus, teev tau rau txhua leej uas koj paub thiab koj nyiam. Rau tej teeb meem uas raug koj tus kheej, los raug luag tej uas koj hlub tshua, tej kwv tij neej tsa uas koj paub lawv qhov teeb meem puav leej tau tib si. Tshwj xeeb kev sib haum xeeb, kev sib hlub ntawm tsev neeg mas leej heev. Nco ntsoov teev 9 hnub rau ib qho teeb meem xwb txhob muab ntau yam los sib xyaws; xaiv qhov uas khuam siab tshaj coj los teev cuaj hnub ua ke tag mam rov teev dua cuaj hnub rau lwm yam.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Thov Niam Mab Liab daws pob caus teev li cas.

    Post  Mim on 15th January 2014, 11:48 am

    Nyob zoo Tub Kawm,

    Tais Tooj twb tuaj hais meej lawm ces kuv tsuas ntxiv ob peb los xwb os.

    Zaj thov Niam Mab Liab Daws Pob Caus no los puas lwm zaj thov ntuj yeej siv tau rau yus tus kheej, yus tsev neeg thiab rau lwm leej lwm tus uas yus xav thov ntuj rau tib si. Qhov tseem ceeb tsuas yog peb yuav tsum ntseeg thiab siv peb lub sij hawm thiab muab peb lub siab los thov tiag tiag xwb. Yog peb muaj lub siab ntseeg thiab thov tiag tiag, ces Tswv Ntuj yeej yuav pub nws lub txiaj ntsim rau peb xwb. Thiab yog peb sib sau tau ob peb leeg los coob tshaj los thov ntuj ua ke mas peb zaj thov ntuj haj yuav muaj zog heev rau ntawm Tswv Ntuj.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 20th January 2014, 10:36 pm

    Kuv muab zaj teev Niam Mab Liab daws pob caus los luam ua ib phau me nyuam ntawv. Thaum peb Noj Peb Caug Catholique, tim 11-01-2014 no, kuv tau muab faib rau cov uas xav teev; lawv coj mus tau ob peb hnub, kuj muaj tus hais rau kuv tias nws tau tej yam uas nws twb tsis xav txog. Tau tshaj qhov nws vam thiab tos. Li ntawd yog nej leej twg tuaj pom zaj thov Niam Mab Liab no txhob ua siab deb, muaj pob caus hauv lub neej, yuav tso siab rau NWS daws, yuav txhob ntooj yus tej kev txom nyem lawm mog.

    Vam thiab cia siab tias yuav hnov nej lub moo zoo tsis ntev saum no.




    TEEEEV
    NIAM MAB LIAB
    DAWS POB CAUS





    1- Ua Ntoo Cuam lub Cim.

    2- Hais zaj tu siab. Thov txim rau yus cov txhaum thiab qhov tseem ceeb tshaj, yog kom yus yuav tsum txiav txim siab tsis txhob rov ua txhaum ib zaug ntxiv:

    Zaj tu siab:
    Kuv tus Huab Tais, koj lub siab zoo tag nrho, koj zoo nyiam tag nrho.
    Neeg lub txhaum tsis ntxim koj lub siab.
    Kuv tseem ua txhaum rau koj, kuv tu siab nrho.
    Kuv tsis xav txhaum lwm zaus, thiab kuv xav them txim.
    Koj pub txiaj ntsim pab kuv.

    3- Zaj thov Niam Mab Liab daws pob caus.
    Leej Ntshiab Mab Liab. Tswv Ntuj leej Niam, koj yog  ib tug poj niam thiab ib leej niam, koj tau hais rau Tswv Ntuj tias « Kom ua raws li Koj hais » : Thov koj muab koj lub zog, koj txoj kev ntseeg ruaj khov thiab koj txoj kev sib nyiam sib hlub rau kuv. Nkauj tsim txiaj Mab Liab, hnub no kuv coj kuv lub siab mob lwj ntsuav tuaj rau koj.  Kuv coj kuv txoj kev txom nyem tuaj quaj rau hauv leej Niam uas ib txwm mloog  peb lub xub ntiag, Nws nyiaj tag puas tsav yam, Nws ntseeg tag nrho txhua yam. Thov ntseeg kuv os kuv Niam, thov ntseeg kuv lub siab mob ncus nco thiab kuv tej kev nyuaj siab . Tsis muaj yam dab tsi uas ib leej niam thiaj li yuav  ua rau nws tus me nyuam ?
    Yog qhov twg, Mab Liab, Koj thiaj yuav tsis ua rau kuv ?
    Kuv thov kom Koj mloog kuv xwb. Kom kuv lo lus thov tuaj txog Koj. Thov pab muab cev rau Koj Leej Tub zoo nyiam. Pab cev lus rau kuv.
    Kom kuv tau li Koj tias : « Huab Tais, thov kom hwj huam los txog ». Mab Liab, ua kom kuv muaj cuab kav txais Tswv Ntuj lub hom phiaj rau kuv lub neej. »
    Kuv tso kuv txhais tes rau hauv Koj txhais, Mab Liab pab coj kuv kev, roos  kuv, thov pab daws cov hlua khi teeb meem nyuaj ntxhov uas tsuam kuv.  Nkauj Ntshiab muaj hwj huam, Koj tib leeg thiaj li yuav daws tau cov pob caus no.
    Kuv niaj hnub dawm ko taw ntawm kev, kuv poob rau lub vas khav theeb tsa hwj chim, uas kuv twb tsis to taub txog, com rau txoj kev tsis txawj  khuv leej luag  thiab pab luag.
    Yog vim li ntawd, kuv thiaj vam txog Koj, Mab Liab, kuv Niam  los tso kuv  dim ntawm tej uas tuav kuv tes cia. Daws cov pob caus hluas uas nws khi  kom kuv tsis xyiv fab, kom kuv txhob txav tau ze Koj thiab Koj Leej Tub.
    Thov kom kuv zaj teev Ntuj no hloov kuv lub siab tawv thiab ua kom kuv yog ib tug kws tshiab txhim lub qab ntuj rau qhov zoo thiab siab zoo.

    Mab Liab daws pob caus, mloog kuv los lus thov Koj.

    4- Teev thawj 3 zaj Saw Mab Liab (Hais cov txiaj ntsim hnub ntawd) :

    -1 zaug “Peb Txiv nyob suam Ntuj”,
    - 10 zaug “Nyob kaj lug Mab Liab”,
    -1 zaug “Huab Tais Leej Txiv, HT.Leej Tub, HT.Leej Ntuj Plig, muaj koob meej nto moo lug, lub zim txwv no mus txog fab lwm txheej, xws li txheej thaud los ua li.”
    Teev  li no 3 zaug

    5- Nyeem zaj thov Ntuj raws hnub teev ntawd ( yog zaj hnub 1 txog hnub 9)


    6- Rov teev 2 zaj Saw Mab Liab tom qab (hais cov txiaj ntsim hnub ntawd)


    -1 zaug “Peb Txiv nyob suam Ntuj”,
    - 10 zaug “Nyob kaj lug Mab Liab”,
    -1 zaug “Huab Tais Leej Txiv, HT.Leej Tub, HT.Leej Ntuj Plig, muaj koob meej nto moo lug, lub zim txwv no mus txog fab lwm txheej, xws li txheej thaud los ua li.”
    Teev  li no 2 zaug.

    7- Xaus rau zaj « Thov Niam Mab Liab Mab daws pob caus ».
    Zaj thov “Niam Mab Liab daws pob”.

    Nkauj tsim txiaj Mab Liab, Leej Niam hlub neeg, uas tsis tso ib tug me nyuam thov nws pab tseg ib zaug li.
    Leej Niam uas txhais tes khwv tsis tseg rau cov me nyuam uas nws hlub, vim lawv hlob  hauv Tswv Ntuj txog kev nyiam los thiab txoj Khuv leej neeg  phwj yaws hauv koj lub siab, tig koj lub siab hlub neeg rau kuv. Saib kuv pawg « pob caus hlua » uas zawm kuv lub neej. Koj paub kuv txoj kev tag kev cia siab thiab kuv kev tu siab.  Koj yeej paub tias cov pob no ua tsuam kuv lub neej kom mus tsis taus. Niam Mab Liab, Leej Niam uas Tswv Ntuj tso los daws koj cov me nyuam  cov « pob hlua » hauv lawv lub neej, kuv tso kuv txoj hlua pob caus hauv kuv lub neej rau hauv koj ob txhais tes.
    Yeej tsis muaj leej twg, txawm yog dab phem kiag los yeej txiav tsis tau koj lub siab zoo khuv leej neeg. Tsis muaj ib lub pob twg uas yuav daws tsis tau hau koj txhais tes.
    Leej Niam muaj hwj huam tas nrho, yog muaj koj lub txiaj ntsim cev peb cov lus rau koj Leej Tub Yes Xus, Tus Tso kuv dim, thov txais kuv cov « pob caus » hnub no…(yog tau no hais qhov uas koj thov).  Thov koj pab daws rau Tswv Ntuj lub koob meej, thiab muab daws kom tag nrho mus ib sim neej.
    Kuv vam txog KOJ, Tswv Ntuj tso KOJ tib leeg los nplij kuv lub siab, Koj yog lub ntsa zeb thaiv kuv lub zog qaug qib,  thaiv kuv tej kev txom nyeem nplua mias, KOJ yog tshem txhua yam khaum kev uas kem kuv thiab Leej Pleev.
    Txais kuv cov lus thov KOJ, saib xyuas kuv, coj kuv kev, roos kuv. Koj yog kuv qhov chaw nkaum.
    Mab Liab koj yog tus daws daws pob caus, pab thov Ntuj rau kuv.

    8- Ua Ntoo Cuam Lub Cim.

    Tas.


    (Ces hnub tshiab rov teev li nov dua, tsuas hloov cov zaj thov Ntuj hauv nruab nrab kom raws li hnub teev xwb.)




    Cov lus thov :

    Thawj hnub :
    Leej zoo Niam Ntshiab, Leej Ntshiab Mab Liab, Koj yog tus daws  cov « pob caus » zawm koj cov me nyuam, cev KOJ txhais tes khuv leej neeg rau kuv. Hnub no, kuv muab « lub pob »…(teev npe yog tau) no thiab txhua yam phem hauv kuv lub neej uas yog tim lub pob no ua los cev rau koj. Kuv muab lub « pob » uas ntswv kuv lub siab rawv, uas ua rau kuv tu siab, ua kom kuv txav tsis tau ti ntawm KOJ thiab KOJ Leej Tub Yes Xus, kuv Tus Cawm Seej.
    Kuv vam txog KOJ, « Mab Liab tus daws pob hlua » vim kuv tso siab rau koj thiab kuv paub tias koj tsis thuam ib tug me nyuam muaj txhaum uas nws thov txog koj pab. Kuv ntseeg tias koj yuav pab daws lub « pob » no kom tau vim Yus Xus muab lub hwj huaj rau koj.
    Kuv tso siab tias KOJ yuav zoo siab daws lub pob no, vim Koj yog kuv Niam. Kuv paub tias Koj yuav daws, vim KOJ hlub kuv tib yam li Tswv Ntuj hlub.
    Ua tsaug Leej Niam Zoo.
    « Mab Liab tus daws pob caus », Koj thov Ntuj rau kuv.
    Leej twg nrhiav txiaj ntsim, yuav nrhiav hauv Mab Liab lub xib teg.

    Hnub Ob:
    Mab Liab, Leej Niam ntxim nyiam, qhov chaw txhawv txiaj ntsim, hnub no kuv tig kuv lub siab rau Koj. Kuv paub tias kuv yog neeg txhaum thiab kuv vam txog KOJ pab kuv. Tim kuv tej kev siab hlob, kev ciaj caub thiab tej kev uas kuv tsis ua siab zoo, kuv tsis txawj hwm neeg, kuv tsis khaws tej txiaj ntsim uas koj tau pub rau kuv.
    Hnub no, kuv tig los ntawm Koj, « Mab Liab daws pob », kom Koj pab thov Koj Leej Tub pub lub siab dawb siab huv, txhob ua siab hlob, txawj hwm neeg thiab kev txawj tso siab rau kuv. Hnub no, kuv yuav coj kom zoo. Kuv cev qhov nov ua tim khawv kev hlub rau Koj. Kuv tso cov « pob » no…(yog hais tau no hais lub npe, los yog qhov khuam koj siab)  rau hauv koj txhais tes, uas nws khuam kom kuv tshaj tsis tau Tswv Ntuj lub koob meej.
    « Mab Liab tus daws pob caus », Koj thov Ntuj rau kuv.
    Mab Liab, uas muab txhua lub caij los txi rau Tswv Ntuj.

    Hnub peb :
    Leej Niam tshab xo, Poj Huab Tais saum Ntuj, Koj yog tus uas ob txhais tes txais thiab faib Huab Tais lub cuab tam, koj tsa koj lub qhov muag khuv leej neeg los ntsia kuv. Kuv tso lub « pob » ntawm kuv lub neej…(hais qhov ua rau koj ), thiab tag nrho tej kev ciaj caub, uas nws  ua lub hauv paus dees tuaj rau hauv koj ob txhais tes ntshiab
    Huab Tais Leej Txiv , kuv thov txim ntawm Koj, rau kuv cov txhaum. Pab kom kuv zam rau cov neeg uas lawv txhob txwm los yog tsis paub txog qhov lawv ua, uas tau ua kom muaj lub « pob » no tshwm sim tuaj. Kuv yuav tso qhov phem tseg xwv KOJ thiaj yuav daws tau. Kuv lees ntawm Koj xub ntiag,  Leej Niam zoo nyiam, thiab ntawm Koj Leej Tub Yes Xus lub npe, kuv tus Cawm Seej, uas luag ua txhaum nws ntau heev, los Nws paub zam, kuv zam rau cov neeg ntawd tam sim no…(hais npe), thiab kuv zam txim rau kuv tus kheej mus ib sim neej.
    Ua tsaug,  « Mab Liab tus daws pob caus » daws lub pob ciaj caub thiab lub pob uas kuv muab hauv kuv lub siab rau KOJ hnub no.
    « Mab Liab tus daws pob caus », Koj thov Ntuj rau kuv.
    Tus uas xav tau txiaj ntsim tig rau Mab Liab.


    Hnub plaub :

    Leej Niam Ntshiab zoo nyiam, yog chaw so rau tag nrho cov nrhiav Koj, khuv leej kuv mog. Kuv tso lub « pob » no rau hauv koj txhais tes…(hais lub npe). Uas nws ua kom kuv tsis muaj kev thaj yeeb, nws tsuam kuv tus plig kom tsis taus, nws ua kom kuv mus tsis txog kuv tus Huab Tais thiab muab tsis tau kuv lub neej los siv rau NWS.
    Daws lub « pob caus » ntawm kuv lub neej, os kuv Niam. Thov Yes Xus pab kho kuv txoj kev ntseeg uas tuag ntuas rau tej pob zeb tsoo hauv kev. Leej Niam zoo nyiam, los qhia kuv, kom kuv paub tias cov pob zeb ntawm tej kev yog kuv tej phooj ywg, kom kuv tseg tsis txhob yws tuj taws thiab kom kuv txawj luag ntxi pauj txiaj ntsim txhua lub sij hawm, kuv tso siab lug rau koj lub hwj chim.
    « Mab Liab tus daws pob caus », Koj thov Ntuj rau kuv.
    Mab Liab yog lub hnub uas tuaj siab sawv daws kom sov.

    Hnub tsib:
    « Leej Niam daws pob caus », siab dawb thiab txawj hlub neeg, kuv tig rau ntawm koj, kom tau rov muab lub « pob » no rau koj txhais tes ib zaug ntxiv…(hais npe). Kuv thov koj muab Tswv Ntuj txoj kev thoob tsib rau kuv, kom kuv mus raws Leej Tswv Yim Ntshiab qhov pom kev kom daws tau kuv tej kev nyuaj siab tag nrho.
    Tsis muaj neeg pom dua koj npau taws; tsuas pom koj cov lus mos lus muag ua rau luag pom tias koj lub siab zoo li Tswv Ntuj lub siab.
    Tso kuv kom dim ntawm kev iab kev daw, kev npau taws, kev khib xeeb uas yog lub « pob » no ua kom xeeb rau kuv.
    Leej Niam zoo nyiam, thov muab koj lub suab hais lus mos thiab koj lub siab zoo rau kuv kom kuv xyaum teev Ntuj tij ywm hauv kuv lub siab. Zoo li thaum Leej Ntuj Plig nqes los rau saum nej, pab thov Huab Tais Yes Xus kom kuv tau txais Leej tswv Yim Ntshiab ib zaug hauv kuv lub neej. Tswv Ntuj Leej Ntuj Plig, Koj nqes los rau saum kuv yuas !
    « Mab Liab tus daws pob caus », Koj thov Ntuj rau kuv.
    Mab Liab tus nplua nuj thiab muaj hwj chim ntawm Tswv Ntuj xub ntiag.

    Hnub rau :
    Poj Huab Tais txawj Khuv leej, kuv rov muab lub « pob » ntawm kuv lub neej…(teev npe) rau Koj thiab thaum koj daws kuv lub « pob »  thov koj muab ib lub siab txawj xav, siab ntev rau kuv.
    Qhia kom kuv txawj mloog Koj Leej Tub cov lus, kom kuv txawj mus daws txhaum, kom kuv txawj mus txais lub Cim Yug, kom Yes Xus nrog kuv nyob ua ke. Kom kuv npaj siab nrog tsoom tshiab hu nkauj cav txog Koj rau qhov uas koj tab tom ua rau kuv no.

    « Mab Liab tus daws pob caus », Koj thov Ntuj rau kuv.
    Koj zoo nkauj tas nrho, Mab Liab, tsis muaj ib teev tsis huv yuav lo tau koj.

    Hnub xya :
    Leej Niam Ntshiab huv,  hnub no kuv los ntawm koj: Kuv thov koj pab daws lub “pob” hauv kuv lub neej…(teev npe) thiab tso kom kuv dim ntawm yam Phem.  Tswv Ntuj tau muab ib lub hwj huam loj rau koj, tshwj xeeb yog tiv cov dab phem. Hnub no kuv tso dab phem thiab txhua yam uas muaj feem nrog dab phem uas kuv tau nrog lawv ua tseg. Kuv tshaj tias Yes Xus yog kuv tib tug Huab Tais, kuv tib tug Caws Seej.
    « Mab Liab tus daws pob caus », uas tsuj Tuaj Kub taub hau. Koj rhuav cov vas uas nws cuab rau kuv es ua tej “pob” no hauv kuv lub neej. Ua tsaug, Leej Niam zoo nyiam. Huab Tais, muab Koj cov ntshav ntshiab los tso kom kuv dim!
    « Mab Liab tus daws pob caus », Koj thov Ntuj rau kuv.
    « Koj yog Yes Lus Xas Les lub koob meej, Koj yog peb haiv neeg lub sam xeeb. »

    Hnub yim :
    Tswv Ntuj leej Niam Nkauj xwb, txawj khuv leej neeg tas rho, thov khuv leej koj tus me nyuam thiab pab daws lub « pob » hauv kuv lub neej.
    Kuv xav kom Koj tuaj xyuas kuv, zoo nkaus li thaum Koj mus xyuas Es Lis Xas Npev. Coj kuv mus rau Yes Xus, kom Nws coj kuv mus cuag Leej Tswv Yim Ntshiab.
    Qhia kom kuv muaj peev xwm, txawj xyiv fab, txawj hlub neeg, muaj kev ntseeg, thiab zoo li Es Lis Xas Npev, ua kom kuv tau Leej Tswv Yim Ntshiab los nyob hauv kuv. Kuv xav kom Koj yog kuv Niam, yog kuv tus poj Huab Tais thiab yog kuv tus phooj ywg. Kuv muab kuv lub siab thiab txhua yam uas kuv muaj los cev rau koj : kuv lub tsev, kuv tsev neeg, kuv tej teeg tug sab nraud thiab nruab nrog. Kuv muab kuv rau koj mus li. Muab Koj lub siab rau kuv kom kuv ua tau tag nrho li Yes Xus kom kuv ua.
    « Mab Liab tus daws pob caus », Koj thov Ntuj rau kuv.
    Peb tso siab lug ua ke mus, rau ntawm lub theej kiab uas muaj txiaj ntsim.

    Hnub cuaj :
    Leej Niam Ntshiab huv,  peb tus Txheem plaub, Koj « uas yog tus daws pob », hnub no kuv tuaj ua Koj tsaug uas Koj kam daws lub « pob » hauv kuv lub neej. Koj paub tias mob kuv npaum li cas. Ua tsaug os kuv Niam, koj lub siab dawb tau so kuv cov kua muag ntawm kuv ob lub qhov muag. Ua tsaug uas txais kuv rau hauv koj xub ntiag thiab tseem ua kom kuv tau txais Tswv Ntuj lwm lwm txiaj ntxiv.
    « Mab Liab tus daws pob caus », kuv Leej Niam zoo nyiam, kuv ua Koj tsaug uas tau daws cov « pob » hauv kuv lub neej. Muab Koj lub tsho kev hlub los qhwv kuv, cia kuv nyob hauv koj xub ntiag, muab koj txoj kev thaj yeeb los kaj kuv.
    « Mab Liab tus daws pob caus », Koj thov Ntuj rau peb.


    TEEV NIAM MAB LIAB
    DAWS POB CAUS TEEV LI CAS



    Yog lub “pob caus” dab tsi?
    Qhov ntau tej teeb meem no, tsuam yus ntev niaj ntau xyoo los uas yus tsis pom qab
    yuav nrhiav tau txoj hauv kev los daws:
    - pob caus hauv tsev neeg sib cav sib ceg: niam thiab txiv thiab me tub me nyuam tsis
    sib to taub, tsis sib hwm, sib ntaus sib tua ;
    - pob caus ob niam txiv tsis sib hlub: tsis muaj kev nyab xeeb, kev xyiv fab hauv tsev
    neeg, pob caus kev nyuaj siab ntxhov plawv, pob caus ob niam txiv tag kev cia siab
    yuav sib nrauj, lub neej tawg, pob caus tej me tub me nyuam tsis mloog lus, quav dej
    quav cawv, quav yeeb quav tshuaj, khiav loj leeb, muaj mob nkeeg, los yog ncaim deb
    ntawm Tswv Ntuj ;
    -pob caus uas tus neeg yus nyiam yus hlub: quav dej quav cawv, qua leb quav phaib,
    twv txiaj yuam pov, quav kev ua si laj laug luas, quav cab sab , quav xov tooj cua, ua
    plees ua yi, tsis puab cuab ;
    -pob caus uas luag ua rau yus mob siab los yog mob nqaij : tej caub uas tsim txom yus
    nruab nrog ua siab ntsws lwj dhi ntawm kev sib hlub los yog kev yus rov tu siab rau
    yus tus kheej tsis txawj ua zoo, yuam kev: ntau me nyuam los rho me nyuam uas twb
    ua dhau los lawm, tej mob nkeeg uas tsis zoo tu qab, kev nyuaj siab puas siab puas
    ntsws, tsis muaj hauj lwm ua yug ncauj, kev txhawj xeeb, tsis muaj txheeb ze nyob
    twm zeej, ua neeg tsis ntseeg dab tsi li, ua neeg kha theeb tsa hwj chim…, tag nrho cov
    pob caus no ua kom yus lub neej poob rau kev txhoj kev txhaum.
    Auj ! Yog cov pob caus hauv peb lub neej!
    Cas nws yuav pos nrees peb tus ntsuj plig, peb txoj kev ua neej, nws txo peb txoj kev
    ntseeg thiab tseem ua kom peb qaug zog ua neej tib si.
    Cov pob no ua kom peb txav deb Tswv Ntuj, nws com (khi) peb tej tes taw, khi tag
    nrho peb tus neeg lub cev thiab txoj kev ntseeg, ua kom peb txav tsis ti NWS lub xub
    ntiag, yam li cov me nyuam, uas yuav mus ua NWS tsaug.




    TEEV NIAM MAB LIAB DAWS POB CAUS.


    Teev Niam Mab Liab daws pob caus hauv lub neej.
    Niaj hnub, koj teev tib yam nkaus txog cuaj hnub sib law.
    Lis kuv tau piav hauv qab no tias ua li cas ntawm hnub 1 mus txog hnub 9. Tag nrho
    muaj 9 zaj thov Ntuj, ib zaj rau ib hnub hauv 9 hnub ntawd, yam li ib hnub koj hais ib
    zaj tshiab txog ntua 9 hnub sib law.
    Txhua hnub koj teev kom tag txoj saw Mab Liab.
    Teev li cas ?
    1- Ua Ntoo Cuam lub Cim.
    2- Hais zaj tu siab :
    Zaj tu siab:
    Kuv tus Huab Tais, koj lub siab zoo tag nrho, koj zoo nyiam tag
    nrho.
    Neeg lub txhaum tsis ntxim koj lub siab.
    Kuv tseem ua txhaum rau koj, kuv tu siab nrho.
    Kuv tsis xav txhaum lwm zaus, thiab kuv xav them txim.
    Koj pub txiaj ntsim pab kuv.
    3- Hais Zaj thov Niam Mab Liab daws pob caus
    4- Teev thawj 3 zaj Saw Mab Liab (hais cov txiaj ntsim hnub ntawd yog paub):
    - 1 zaug “Peb Txiv nyob suam Ntuj”,
    - 10 zaug “Nyob kaj lug Mab Liab”,
    - 1 zaug “Huab Tais Leej Txiv, HT.Leej Tub, HT.Leej Ntuj Plig, muaj koob meej
    nto moo lug, lub zim txwv no mus txog fab lwm txheej, xws li txheej thaud los
    ua li.…”
    Teev li no 3 zaug.
    5- Nyeem zaj thov Ntuj raws hnub teev ntawd ( yog zaj hnub 1 txog hnub 9)
    6- Rov teev 2 zaj Saw Mab Liab tom qab (hais cov txiaj ntsim hnub ntawd):
    - 1 zaug “Peb Txiv nyob suam Ntuj”,
    - 10 zaug “Nyob kaj lug Mab Liab”,
    11
    - 1 zaug “Huab Tais Leej Txiv, HT.Leej Tub, HT.Leej Ntuj Plig, muaj koob meej
    nto moo lug, lub zim txwv no mus txog fab lwm txheej, xws li txheej thaud los
    ua li.…”
    Teev li no 2 zaug.
    7- Xaus rau zaj « teev Niam Mab Liab Mab ».
    8- Ua Ntoo Cuam Lub Cim.
    Tas. (Ces hnub tshiab rov teev li nov dua, tsuas hloov cov zaj thov Ntuj hauv nruab
    nrab kom raws li hnub teev xwb.)
    Teev ib zaug 9 hnub rau ib lub pob caus xwb, yog muaj qhov khuam siab ntxiv mam
    rov teev lwm zaus, txhob muab sib xyaws.






    Tim khawv txog cov teev Mab Liab daws pob caus.


    Muaj ntau tab sis lam txhais zaj puav ua piv txwv xwb.


    …Kuv tab tom yuav muaj 24 xyoo rau lub 4 hlis yuav tuaj no.
    Kuv thov ua tsaug ntxiv thiab yuav ua tsaug mus ib sim neej rau NIam Mab Liab uas tau daws lub « pob ». Vim yog ib lub txiaj ntsim loj heev rau kuv teev 9 hnub no.
    Txij thaum kuv pib tiav me nyuam hluas nkauj los, kuv ua ib cov npau suav txawv txawv, ua kom kuv ua neej ntxhov siab tas li rau lub caij kuv tiav hluas nkauj. Kuv tau thov Mab Liab kom pab kuv tsis txhob rov pom cov npau suav no ntxiv lawm. Ua Ntuj tsaug uas Tswv Ntuj mloog kuv cov lus thov…
    Kuv tsis tau ua dua tim khawv txog ib yam dab tsi li, zaum no kuv hais rau nej tias zaj teev Ntuj no daws tau kuv lub nra nyhav thiab ua rau kuv kaj siab tshaj plaws. Thaum kawg no, kuv yuav tau hais « UA TSAUG » rau lub ntiaj teb neeg pom.
    Tham txog Tswv Ntuj lub txiaj ntsim thiab Mab Liab ua hwj huam mas ua rau kuv kua muag poob.
    T.L.

    …Zaum no kuv rov thov Ntuj rau kuv tus kheej : Tau ob xyoo los uas kuv nrog ib tug yawg muaj poj niam ua ke. Tau ob peb hnub no mas zoo li kev sib hlub loj heev tseg tsis tau li lawm.
    Kuv txiav txim siab teev Ntuj thov kom dim ntawm ntawm txoj kev nkauj nraug no.
    Tsis nco qab kuv ncua ib hnub ces 9 hnub ua 10 hnub lawm.
    Cas txawv kawg li, yog hnub 10 uas tus kab mob no cia li zoo hlo lawm. Ua tsaug Mab Liab.
    S.R.

    Ua tsaug ntau, kuv nrog kuv cov me nyuam, kuv niam thiab kuv txiv, thiab kuv tus txiv nrog peb teev « Mab Liab daws pob caus » zaum puav . Peb cov lus thov tau li siab xav. Niaj hnub no, kuv tus txiv tseg tsis haus cawv zuj zus vim nws ua neeg puas siab (dépression). Suav hnub suav hmo zoo zuj zus.
    M.B.

    …Nws rov los ua zoo rau kuv tus ntxhais thiab nws tus nus. Thaum nws tus nus hlob tuag tas xyoo 1995, ces lawv tsis sib haum los tau tshaj 13 xyoos.
    A.B.

    …Yog  ib lub caij uas nyuaj tshaj plaws hauv lub neej rau kuv uas yog ib leej niam: Kuv tus tub hlob cia li chim rau kuv yam tsis muaj paus ntsis, tau 5 xyoos lawm uas peb tsis sib pom li. …Hnub 9, nws tuaj xyuas kuv.  Hnub ntawd yog ib hnub zoo tshaj plaws hauv kuv lub neej. Txij ntawd los, nws rov los nrog peb nyob lawm…
    Y.G.
    Kuv thov Ntuj rau kuv niam thiab kuv txiv tab tom yuav sib nrauj. Tom qab uas kuv teev 9 hnub tag tau ib lis piam, nkawd mam paub tias yog ib tug phooj ywg siab phem ntxias kom nkawd sib tawg thiab ua kom nkawd sib ceg. Nkawd rov sib haum txij hnub ntawd kiag los. Tam sim no peb tseem tab tom teev 9 hnub rau tus neeg ntawd uas nws tos heev.
    N.N.

    Kuv tus txiv wb tsis paub tias yuav ua li cas thiaj yuav them tau wb tus tub nqe kawm ntawv, tshwj xeeb yog thaum nws xeem bac tag ; yuav ua li cas thiaj li yuav dhau xyoo. Wb tshua nuj tshuav nqe ntau, txais nyiaj siv, txais nyiaj yuav tsev, txais nyiaj yuav tsheb, thc. Kuv noj tshuaj tsaug zog pw xwb los tseem xav txog qhov xav ua kom tag txoj sia thiab. …Yog lauj ! Mab Liab daws cov pob caus ib lub zuj zus ua kom peb nrhiav tau teeb txheem rau cov teeb meem. Zaum no, peb xyaum ua li hauv Ntawv Moo Zoo hais, cov hluas nkauj xyuam xim.
    A.M.

    ….Ib cov tuam txhab kom kuv tus tub mus ua hauj lwm rau lawv, ua hauj lwm tag tshuav nyiaj ntau heev lawv tsis them nws li. Kuv teev thawj 9 hnub xwb, lawv them ib feem ntau ntawm cov nyiaj ntawd tuaj. Zaum no nws yuav tau them nws cov tub zog. Kuv ua tsaug rau Tswv Ntuj cov txiaj ntsim uas Niam Mab Liab thov los pab peb
    P. H.

    Qeg caij nyoog tau ntau xyoo, kuv mus twv ntawv ntau zaus poob tag tib si. Kuv twv zaum twg los yeej poob li. Nrab xyoo 2003, kuv nkaum tes…Kuv lam khawb taub yuav ib phau me nyuam ntawv, tab sis kuv tsis ntseeg pes tsawg. Thaum lub 6 hli xiab kuv teev 9 hnub, ib lis piam tom qab kuv tau txais ib tsab ntawv tias kuv twv tau qhov sau lawm. Kuv zoo siab tshaj plaws tsis muaj qhov piv tau…Hnub tim 20 lub 7 hli, kuv tau lus teb tseeb tias kuv twv tau lawm : Kuv nrog luag twv tau ntawv lawm. Zaum no Mab Liab nyob rawv hauv kuv lub neej, kuv rov nrhiav tau txoj kev ntseeg thiab kuv rov teev Ntuj.
    V. L.

    Hnub tim 28 lub 4 hlis, kuv yuav tau ib phau me nyuam ntawv teev Ntuj 9 hnub, hnub  tim 10 lub 5 hlis, kuv txais tau, kuv cia li pib teev kiag hnub ntawd mus…rau ib lub « pob » uas khuam kuv thiab kuv ntooj tau ntev  los lawm. Kuv tseem xav tias ntshe yog kuv vwm es kuv lub tswv yim ua rau kuv mob xwb ; kuv tseem yuav mus pw tsev vwm. Hnub plaub uas kuv teev zaj daws « pob », muaj tej yam zoo tshaj plaws tshwm sim.
    -Muaj ib yam hloov hauv kuv lub siab, yam kuv hais tsis paub yuav tham li cas, rau kuv mas yog muaj feem txog qhov yuav mus kho kuv thiab tus kho kuv ntawd, uas lub pob no pluam lawm. Kuv ntseeg tsis tau tias kuv cia li zoo hlo lawm (kuv hnub nyug 60 xyoo), kuv tau txom nyem ntev heev rau kuv tus mob ; tab sis kuv ua Ntuj tsaug.
    M-T.

    …3 hnub ua ntej kuv teev tag 9 hnub, peb cia li muag tau peb lub tsev ua tshaj tawm tau ntau hli lawm , tseem tau raws li tus nqe uas peb xav tau thiab. Nkauj Ntshiab mas txawj thom luam heev.
    B. C.

    …Kuv muaj 82 xyoo, kuv ntog  tag ces kuv cia li txog txog siav ua tsis taus pa li. Thaum kuv tab tom teev Ntuj 9 hnub no, zoo li ib txhais tes lauj kiag kuv tus mob uas nyiaj tsis taus no lawm…
    H.-M.

    …Wb tus ntxhais xav yuav me nyuam tau ob xyoos los, nws tsis muaj me nyuam li. Ib tug phooj ywg muab tau ib phau me nyuam ntawv rau kuv tus txiv wb, wb teev 9 hnub. Tau ob hlis tom qab, kuv tus ntxhais thiab vauv xa ib lub moo zoo rau wb, muab xam los naj cas yog lub lis piam uas kuv tus txiv wb teev Ntuj ntawd xeeb. Peb zoo siab tshaj li.
    F. thiab G. B.

    …Txawm yog tus mob ploj lawm tab sis tsis pom muaj qhov hloov hauv lawv lub neej mas kuv caw cov uas tau teev Ntuj 9 hnub no rau siab teev ntxiv.
    Kuv zoo siab tias hnub no kuv tau paub tias Niam Mab Liab npaj kom kuv txawj hla tej teeb meem loj hauv kuv lub neej thiab txawj tso siab ntau tshaj ntxiv rau NWS, thaum tej teeb meem loj tshaj hauv lub neej tshwm tuaj…
    V. D.

    Kuv thov Niam Mab Liab pub ib qho txiaj ntsim uas yuav muaj tsis taus tau 3 hlis nkaus. Kuv tso siab lug rau qhov kuv thov. Tau muaj 8 hnub dhau los no, kuv txais txiaj ntsim loj tshaj qhov uas kuv tos. Yog vim Tswv Ntuj lub txiaj ntsim, kuv zoo siab hlo nrog kuv cov txheeb ze faib kev zoo siab.
    Yuav tsum txhob tag kev cia siab.
    P. B.

    Kuv thov hais tias kuv teev 9 hnub tau ib zaug los xyov ob zaug, kuv tau 3 qhov txiaj ntsim : 1) yog kuv tus ntxhais nws yog los pav, nws nrhiav tsis tau tswv ua hauj lwm, nws lub tsev hauj lwm tshuav kawm lawm xwb, nws cia li nrhiav tau ib qhov, ua kom nws rov nce tau lub tsag.
    2)  Kuv tus ntxhais yau, tsis muaj hauj lwm ua, cia li tau ib txoj hauj lwm uas lawv them nyiaj zoo tshaj qhov nws xav txog.
    3) kuv niam yuav nraug phais. Lawv cia li tsis pom lub mob lawm, ces cia li tsis phais.
    A-M P.

    …Teev tau 3 hnub, kuv tau txais qho txiaj ntsim uas kuv tsis nco qab tos. Kuv rov teev dua 9 hnub rau ib qho uas kuv tos tau ib xyoos los lawm tsis tau. Rov tau qhov txiaj ntsim tshiab lawm thiab. Kuv ua tsaug rau Mab Liab.
    M. B.




    Vaj Qhia Faas Tshis Kus zoo siab kom sawv daws teev zaj Niam Mab Liab daws pob caus. Nws yog ib tug uas teev thiab.[/size]



    Txhais hnub tim 09-12-2013.
    Maiv Tooj.

    los ntawm lub Site : http://www.salve-regina.com/salve/Neuvaine_%C3%A0_Marie_qui_d%C3%A9fait_les_noeuds




    YOG KOJ MUAJ KEV NTXHOV SIAB
    TXHOB NTOOJ TUS MOB CIA
    TXHOB QUAJ NTSUAG
    KAV TSIJ SO KUA MUAG
    TUAJ MUS CUAG
    NIAM MAB LIAB DAWS POB HLUA
    TXHOB UA SIAB DEB
    CUAJ HNUB TSIS NTEV
    TEEV NTUJ POV HWM
    KOJ KEV XYIV FAB YUAV TSHWM
    KOJ SUAB LUAG YUAV NROV
    VIM NIAM MAB LIAB YUAV DAWS KOJ LUB POB...

    KUV TWB SIM TEEV LAWM
    YEEJ KHEV TSHAJ PLAWS
    teev ob hnub xwb pib hloov
    tsib hnub pom koob hmoov
    THIAJ MUAB TSHAJ TAWM
    RAU PEB TSOOM HMOOB SAWV DAWS
    TAU COJ LOS SIV
    KOM PAB DAWS TEJ POB KHI
    HAUV LUB NEEJ NTXHOV SIAB
    YOG KOJ TSO SIAB RAU NIAM MAB LIAB.

    SIM NEEJ KUV TSIS XAV TXOG TIAS YUAV TAU
    CAS TSWV NTUJ LUB HWJ HUAM LOJ TAG NPAUD
    YAM KUV ME NYUAM NEEG TSIS PAUB TXOG
    TIAS TSWV NTUJ LUB HWJ HUAM LOJ TAS NRHO.

    HNUB NO KUV ZOO SIAB
    KUV THOV UA NIAM MAB LIAB TSAUG
    YUAV NCO TXIAJ NTSIM TXOG HNUB SAU LAUS.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 6th February 2014, 10:47 am



    Thaum Noj Peb Caug tim 11-01-2014, tau muab phau puav ntawv rau cov uas xav siv; muaj tus puav kuj hais rau kuv tias lawv thov tau txiaj ntsim loj tshaj qhov lawv xav txog. Muaj ib tug nws teev tau 3 hnub xwb, lawv peb niam tub puav leej cia li nrhiav tau hauj lwm tib si. Muaj ib tug nws teev yuam kev lawm, nws tsis teev 3 yag saw Mab Liab, nws tsuas teev 3 zaj thiab 2 zaj Koj nyob zoo Mab Liab xwb tab sis nws kuj tau txiaj ntsim zoo kawg li thiab.

    Ntawm kuv tus kheej, kuv kuj tau txais txiaj ntsim ntau yam thiab. Muaj peb qhov, kuv hais tsis tau; tab sis ib qho mas yog kuv thov rau ib tug me nyuam tub uas twb muaj 12 xyoos ntau lawm tab sis nws pheej tseem zis lav tas mus li. Nws niam thiab nws txiv coj nws muaj kuaj tag puas tsav yam tsis pom dab tsi, tsis muaj mob dab tsi li. Lawv tseem yuav ib lub tshuab los ntsaws rau ntawm nws daim qhwv kom zis ntub no ces quaj kom nws hnov los nws yeej tsis hnov li. Niaj hnub ntxhua pam vov chaw pua thiab khaub ncaws mas kuj yog ib qhov leg heev rau tsev neeg. Kuv teev tau 8 hnub ces pom nws tsis tso zis saum txaj lawm...Tau ib nyuag ntu no zoo li ntsiag to lawm.

    Kuv thov ua Niam Mab Liab muaj Hwj huam tsaug ntau uas daws peb sawv daws tej pob caus hauv peb lub neej niaj hnub.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 19th February 2014, 11:01 am



    Ua tsaug rau Niam Mab Liab tus muaj hwj huam,

    Hnub no koj pab daws kuv ib lub pob pluam.

    Leej Niam tus siab zoo,

    Koj yog kuv qhov chaw nkaum ntxoo.

    Txij hnub kuv paub koj kev daws pob caus,

    Ua rau kuv lub neej kaj siab lawm ntau.

    Thov nqa tes ua tsaug,

    rau leej zoo Niamuas tau khuv leej me yaus.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 8th March 2014, 7:48 am



    TXIAJ NTSIM TEEV SAW MAB LIAB

    Txiaj Ntsim Nyab Xeeb (Teev Hnub 2 thiab 7, Lun et Sam)
    Les Mystères Joyeux

    1) Tshiab Nkas Nplias xa xov rau Mab Liab
    2) Mab Liab mus saib Es Lis Xas Npes
    3) Tswv Ntuj Leej Tub Yug los
    4) Cev Yes Xus rau tsev teev Ntuj
    5) Nrhiav tau Yes Xus hauv tuam tsev teev Ntuj

    Txiaj Ntsim Pom Kev ( Teev Hnub 5, Le Jeudi)
    Les Mystères Lumineux

    1) Yes Xus txais lub cim ntxuav
    2) Rooj tshoob nyob Kas Nas As Yes Xus muab dej txia ua cawv
    3) Yes Xus tshaj Tswv Ntuj lub Ceeb Tsheej
    4) Yes Xus lub ntsej muag hloov (qhib nws lub hwj chim)
    5) Yes Xus tsim Lub Cim Yug


    Txiaj Ntsim Raug Kev Txom Nyem (Teev Hnub 3 thiab 6, Mar et Ven)
    Les Mystères Douloureux

    1) Yes Xus yuav tuag
    2) Luag muab Yes Xus nplawm
    3) Yes Xus ntoo lub kauj pos
    4) Yes Xus Kwv Ntoo Cuam
    5) Yes Xus raug ntsia saum Ntoo Cuam  thiab tuag


    Txiaj Ntsim Nto Koob Meej (Teev
    hnub 4 thiab hnub chiv, Mer et Dim)
    Les Mystères Glorieux -

    1) Yes Xus Sawv rov los
    2) Yes Xus mus saum ntuj
    3) Leej Ntuj Plig nqes los
    4) Mab Liab cev ntaj ntsug mus saum ntuj  
    5) Tsa Mab Liab ua poj Huab Tais






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thov Niam Mab Liab daws pob caus teev li cas.

    Post  Maiv Tooj on 15th April 2014, 9:35 am


    Hnub no muaj ib tug niam tsev hais rau kuv tias nws thov "Niam Mab Liab daws pob caus" rau nws ib tug tub uas muaj teeb meem txog nws txoj hauj lwm. Kuj ua rau tus tub hloov siab mus raws txoj kev zoo thiab tso qhov hauj lwm qub uas tsis tau nyiaj tseg lawm.

    Ntawm kuv tus kheej, txhua yam uas kuv thov, puav leej tau tib si. Yam puav mas pib kiag hnub ntawd txawm tau, yam puav mas yog ob peb hnub, yam puav mas ob peb lis piam. Kuv zoo siab uas Niam Mab Liab pab puas tsav yam rau yus.

    Yog koj muaj teeb meem, txhob tu siab, txhob quaj lawm mog; kav tsij mus sab laj rau Niam Mab Liab, NWS yuav daws lub pob caus uas zawm koj. Koj yuav pom lub ntuj tshiab, lub teb ci ntsa iab ntxim nyiam mog.





    Sponsored content

    Re: Thov Niam Mab Liab daws pob caus teev li cas.

    Post  Sponsored content Today at 3:42 am


      Current date/time is 10th December 2016, 3:42 am