HMOOV HAWM LUB CIM TXI NTUJ

HMOOV HAWM LUB CIM TXI NTUJ NTSHIAB
LE SAINT SACREMENT / L'ADORATION EUCHARISTIE


MASKOS NTAWV NTSHIAB

Yes Xus tsim lub Cim Cav
Txiaj Ntsim. 14 : 22 - 25.


22 Thaum lawv tab tom noj mov, Yes
Xus tuav lub ncuav mov, nws hais zaj
foom hmoov zoo rau, nws muab ntais,
thiab muab faib rau nws cov thwj tim,
nws hais tias :
"Nej txais, qhov no yog kuv lub cev."
23 Yes Xus tuav ib lub ntim, nws ua Ntuj
tsaug, nws muab cev rau cov thwj tim, ces
sawv daws haus hauv lub ntim ntawd. 24
Yes Xus hais rau lawv tias :
"Qhov no yog kuv cov ntshav, yog cov
ntshav cog lus, cov ntshav no yuav ntws
mus cawm coob leej. 25 Kuv hais tseeb
rau nej : txij no mus, kuv yuav tsis haus
cov kua txiv cawv no ntxiv, mus txog
hnub kuv rov haus cov cawv tshiab nyob
hauv Tswv Ntuj lub Ceeb Tsheej."

Yog hawm lub Cim Yug, uas yog YesXus lub cev, YesXus tau muab nws lub cev los txi rau ntuj, kom taj , daws neeg cov txhaum.

Tswv ntuj yog lub Suab, ntuj lub Suab tau yug los ua lub cev yog YesXus, YesXus yog cov mov uas muaj txoj sia nyob mus li, nws thiaj muab nws lub cev los txi rau ntuj. Nws muab cov mov mog los taj nws lub cev, muab rau cov thwj tim nws hais tias: " nej txais, nej noj, yog kuv lub cev", nws muab ib ntim cawv rau lawv, nws kuj hais tias " nej txais, nej haus, yog kuv cov ntshav".
YesXus lub cev thiab cov ntshav yog ntuj kev cog lus tshiab los daws neeg cov ntxhaum.

Yog li ntawd, niaj hnub zaum no, leej twg mus teev ntuj hnub chiv, thiab txais lub cim yug, txhais tau tias, yog nws zoo siab tuaj mus txais cov lus uas Huab Tais YesXus tau cog tseg, thiab zoo siab txais Ntuj txoj siab nyob mus li los yog nws tus ntsuj plig.

Hnub no yog hnub ua hmoov hawm txog lub Cim Yug, tus Leej Choj kuj ua mis xas ib yam li txhua hnub chiv, tab sis yog nco txog hais tias Huab Tais YesXus tau muab nws rov txi rau ntuj los pab neeg ntiaj teb, thiab nyeem zaj ntawv ntshiab uas tau hais los no.