Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Zaj movie txog Leej Ntshiab John (Jean-Marie) Vianney (Curé d'Ars)

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Zaj movie txog Leej Ntshiab John (Jean-Marie) Vianney (Curé d'Ars)

    Post  Mim on 30th May 2013, 3:58 pm

    Nyob zoo sawv daws,

    Kuv tso zaj movie txog leej ntshiab Jean Vianney no rau peb tau saib. Tsis paub hais tias yuav tau saib hov ntev. Tiam sis zoo kawg.  Yog ua lus Fab Kis xwb. Peb saib kom thiaj paub txog LN Jean Vianney lub neej uas nws tau raug dab phem tuaj tsim txom nws vim nws tau cawm coob leej neeg.









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 30th May 2013, 6:07 pm



    Nyob zoo Mim,

    Tej laus ib txwm hais tias ib txhais tes tsis npaum kaum txhais npab; kuv xav paub txog LN. Txiv Plig lub neej, kuv nim mus nyeem qhov ub qho no, kuv twb tssi nco pom nws zaj Film. Zoo kawg, yeej ua raws kiag li nws lub neej, tseem muab lub suab zoo li nws lub thiab tus neeg zoo nkaus li nws los ua thiab. Ua tsaug ntau, khoom kuv mam saib kom tag.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 3rd June 2013, 10:23 am


    Nyob zoo Mim thiab Mas Lias,

    Yog neb xav nyeem txog cov lus tim khawv txog LN.Txiv Plig Ars no nias tau mus nyeem ua lus Fab Kis hav nov.

    http://livres-mystiques.com/partieTEXTES/Ars/Intuitions/Intuitions/table.htm

    Yog nej leej twg xav nyeem ua lwm hom lus, nej mam copy coj mus txhais (traslate) ces tawm ua hom lus uas nej to taub tau.

    Hauv qab no yog mus nyeem ntau yam thiab LN Txiv Plig Ars lub neej:

    http://livres-mystiques.com/partieTEXTES/Ars/table.htm




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 10th June 2013, 3:22 am

    PHAU NTAWV KUB DAWB.

    Phau ntawv hais tag nrho cov ntshiab lub neej ib tug zuj zus tag nrho.

    LA LEGENDE DOREE.



    http://www.abbaye-saint-benoit.ch/voragine/index.htm




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 25th July 2013, 7:55 am


    Nyob zoo Mas Lias,

    Kuv rov muab LN. Txiv Plig Ars tawm los rau koj qhov nov.

    Zoo siab uas koj yuav muab lub caij muaj nqes los txhais zaj puav rau peb nyeem.

    Ua tsaug.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 26th July 2013, 10:06 am


    Nyob zoo tsoom phooj ywg,

    Kuv nyeem LN.Txiv Plig lub neej txog cov zaj lus tim khawv uas cov neeg tuaj cuag nws. Kuv pom zaj no yuav muaj txiaj ntsim rau coob leej, kuv lam muab txhais rau ntawm nov rau s d tau nyeem. Tiag mas Mas Lias wb sib tham tias cia Mas Lias txhais LN.Txiv Plig hos kuv txhais cov Dab neeg Kub "cov Leej Ntshiab lub neej". Tab sis kuv lam txhais zaj no vim kuv nyiam heev. Li cas los ntau heev, yeej yuav txhais tsis tag txhua zaj. Yuav txhais zaj puav ua qauv xwb.





    XI

    Leej txiv tus ntsuj plig thiab leej tub ob lub qhov muag.


    Leej Ntshiab Txiv Plig Ars dai siab dhuam rau nws tus Tswv Ntshiab, txawm yuav kho tej uas muaj mob nkeeg cev nqaij daim tawv kom zoo hlo los tseem mob siab tshaj los kho cov mob ntsuj plig kom zoo thiab! Zaj tim khawv nram qab no yuav qhia rau peb pom meej.

    Ob niam txiv Sauzet, nyob lub zos Cirey, ze Beaune, Fab Kis teb. Tus me nyuam tub poob ces nws cia li kis tau ib tug mob qhov muag. Lawb kho tau 6 lub xyoo, zoo li tseem haj yam mob ntxiv xwb: Ces tus me nyuam muaj 9 xyoos cia li dig muag kiag lawm !
    Niam Sauzet, yog ib tug poj niam muaj txoj kev ntseeg loj, hnov lawv hais txog Txiv Plig Ars, thiaj thov kom nws tus txiv mus cuag tus txiv Plig uas nto moo lug dhau plaws Bourgogne mus pem toj txog tej yam uas nws thov tau Tswv Ntuj pab. Tab sis yawg Sauzet laj laj mus rau ib qho hauj lwm uas nws xav tias yuav tsis muaj nqes dab tsi tau, yam li nws saib li nws tsis tshua tsim nyog yuav tau, kuj ua ib siab mus.

    Mus txog, nws hnov tias LN.Txiv Plig tab tom Daws Txhaum rau cov txiv neej hauv kem tsev Txiv Plig hloov khaub ncaws. Yawg Sauzet txawm mus zaum kab kawg nkaus. Nws yuav nyob ntev npaum li cas tos, fiav tes zuj zis, lub ncauj thiab lub siab tsis teev Ntuj li luag tej. Tab sis qhov nws nyob ntev tsis npaum li qhov nws txhawj.

    Ib tug yawg daws txhaum tag tawm hauv kem hloov khaub ncaws los. Cas pom ib tus duab dawb lias lawv yawg qab. Ib txhais tes pob pob txha nyuag nqib co rau nws. Sawv daws tig taub hau los ntsia yawg Sauzet. Ib tug yawg txawm hais tias : « Yog nws hu koj os », yawg Sauzet sawv tug ua xyem xyav, tsis paub tias puas yog nws.
    LN.Txiv Plig hais tias: « Awj, yog koj mas ! Los kuv me phooj ywg.»
    Yawg Sauzet ceeb tag sawv mus ces qhov rooj qos.
    NL.Txiv Plig nug tias: “Ua cas koj ho tuaj nov?”
    - Txiv Plig, yog kuv tus me nyuam mob.
    - Koj tus me nyuam mob lov? Nws tsis mob npaum koj os.
    - Tsis hos, kuv tsis mob hos.
    - Auj ! Kuv me phooj ywg, tus ntsuj plig mob mas txaus ntshai tshaj lub cev mob; koj tus plig mas nyob tu siab tas nrho ! »

    Thaum hais li ntawd Txiv Plig Vianney ntsia nws li ob lub qhov muag mus ntsia ntsees txog ntua hauv nws tus ntsuj plig. Yawg tuaj tshiab no hnov li no ntxiag nws ib ce. Tsam no nws paub tseeb tias tus Txiv Plig no paub nws lub neej. Tau 12 xyoo nkaus uas yawg Sauzet nkag mus hauv tsev teev Ntuj mas yog thaum mus faus neeg es nws lam ua Ntoo Cuam lub Cim lwj liam xwb tsis yog teev Ntuj.

    Txiv Plig hais rau nws tias: “Kuv me phooj ywg, koj tseem tshuav ib ntus kev ntseeg ntxiv. Koj tus me nyuam yuav zoo. Tab sis ua ntej ntawd mas koj yuav tsum mus Daws Txhaum tso.”
     Yawg Sauzet tsis paub yuav pib tog twg tuaj. Nws txhos caug. Nws pib piav nws lub neej, tab sis tsis npaj ces nws tsis nco qab tej yam tseem ceeb tag lawm. Txiv Plig Vianney pab nws hais tias: “Kuv me phooj ywg, koj puas nco qab txog tej uas… thiab qhov ntxiv thiab?...
    - Yawg teb tias: “Tsis nco lawm.” Hais ib los tsis cuag ib los ua rau nws txaj muag heev.
    - Ua li, kuv me phooj ywg, koj mus tom LN.Philomène lub thaj, nws mam kaj koj lub tswv yim.

    Zoo li muaj ib lub zog nruab nrog ntawm nws nraub qaum, yawg Sauzet sawv mus tom tus me nyuam Leej Ntshiab tus mloom. Txog ntawm tus mlom LN.Philomène zoo li cia li muab daim ntaub ntawm nws lub neej dua ntuag rhe. Nws nyob 5 hnub hauv lub zos Ars, nws mus Daws Txhaum raws lub caij nyoog. Nws txoj kev hloov siab ua neeg ntseeg ruaj nreb mus li. “Txij thaum ntawd los nws coj cwj pwm li ib tug neeg ntseeg zoo thiab rov nplij nws tsev neeg txog tej kev tu siab rau nws uas tau ua ib tug neeg ncaim Tswv Ntuj mus deb lawm.”

    Nws rov los txog tsev, tus tub tsis zoo; tab sis tseem mob tshaj qub ntxiv thiab. Tab sis nws tsis tag kev cia siab li. Tau ib hlis tom qab, zoo li nws moob heev dua ntxiv tuaj. Tab sis tso siab lug rau LN.Txiv Plig cov lus hais rau nws. Tseem tab tom hais tias peb mam sau ntawv kom nws nco ntsoov thov Ntuj rau no cas cia li muaj ib tug neeg mus Sau Siab tom Ars los hais rau nws tias: “Nws hais kom kuv hais koj tias koj tus tub yuav zoo.”
    Lo lus poob nthav, tus me nyuam cia li zoo, ib teev zoo ntau zus; hnub 7, nws sawv los, ua cas ob lub qhov muag huv si, nws pom nws ob lub qhov muag zoo nkauj tshaj qhov nws xav txog.




    Peb Hmoob feem coob mas los ua Ntuj Kev Cai vim kho tau lawv lub cev ntaj ntsug tus mob zoo hlo; lawv tsis nco qab txog tias Ntuj Kev Cai qhov TSEEM CEEB YOG KHO TUS NTSUJ PLIG, NRHIAV TXOJ SIA NYOB MUS LI. Ua li mas kuv thiaj li tso zaj piv txwv no los qhia kom peb ho ras xeev, hos txhob yuav lub neej kaj siab hauv ntiaj teb no xwb; yuav npaj siab nrhiav lub neej kaj siab muaj txoj sia nyob mus li rau lub neej pem suab. IB QHO TSHWJ XEEB, YOG PEB NRHIAV LUB NEEJ THAJ YEEB UAS MUAJ TXOJ SIA NYOB MUS LI MAS PEB YUAV MUAJ LUB NEEJ KAJ SIAB NYOB NTIAJ TEB NO TIB YAM. TXHOB NTSHAI TSAM NRHIAV LUB NEEJ THAJ YEEB PEM SUAB CES YUAV TSIS TAU LUB NEEJ ZOO NYOB NTIAJ TEB NO.



    Last edited by Maiv Tooj on 7th August 2013, 8:20 pm; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 6th August 2013, 10:15 pm


    HLOOV SIAB TSHIAB.


    Tag LN.Txiv Plig sim neej ua Leej Choj, LN.Zam-Mab Liab Vianney yeej ua txoj kev txhaum tus yeeb ncuab txhua fab. Raws li sawv daws tau pom, hauv nws lub zos, nws rhuav tshem tej kev lom zem seev cev ua plees ua yi, tej tsoos tsho tsis pog cev, kev quav dej quav cawv, kev khav theeb thiab kev ua hauj lwm Hnub Chiv…
    Nws ntshaw kom cov ntsuj plig tau txoj kev tau zoo, ces nws tsuas ntxub tej kev uas ua phem rau cov ntsuj plig thiab yuav coj lawv mus rau txoj kev txom nyem mus li. Tab sis ib txwm, txij thaum nws xeeb los nws ris txoj kev raug luag thuam, tej txhaum uas sawv daws ua ua ke, luag muab nog rau nws ev, tias yog los ntawm nws los.

    Piv txwv li thaum lub caij mus Sau Siab, thaj tsam xyoo 1855.

    Pog Moyne, nws yog ib tug ua paj ntaub nyob lub zos Pont-de-Veyle, lub xeev Ain, Fab Kis teb, thaum nws Daws Txhaum ntawm LN.Txiv Plig Vianney tag. Thaum Foom Hmoov Zoo rau nws tag, LN.Txiv Plig hais rau nws tias : « Koj mus tom kem tsev teev Ntuj LN.Philomène, sab tos. Koj yuav pom ib tug pog…
    - Ib tug pog uas kuv paub lov, Txiv Plig ?..
    - Koj tsis paub tab sis koj yuav zeem tau nws. Nws muaj ib cov paj daj rhais saum nws lub kaus mom. Kuv yuav mus rau hauv kem hloov khaub ncaws, koj kom nws los ntsib kuv hauv, kuv muaj lus yuav nrog nws tham. Mus mog, kuv tus me nyuam ! »

    Tam sim ntawd, niam Moyne sawv ntawm qhov chaw daws txhaum mus hla kem tsev teev Ntuj LN.Zam Ntxuav Plig, hla cov neeg tos daws txhaum coob coob ntom nti, txiv qev, mus txog ntua rau tom kem tsev teev Ntuj LN.Philomène. Tseeb tiag, nyob ntawd muaj ib tug pog ntoo lub kaus mom rhais paj daj- lub caij ntawd lawv nyiam ntoo cov kaus mom paj ntawd. – Zoo li tus pog ntawd laj laj nyob kawg nkaus li. Nws siab fab fab, maj maj, tsis teev Ntuj li, nws xam nuj nuv tom tej. Luag tej ntsia mas luag yuav xav tias ntshe nws lub siab xav mas tsuas yog xav kom rov hla lub taw rooj rov qab xwb. Tab sis ib tug Leej Ntshiab pom tshab plaws tej phab ntsa tuab tuab thiab tus pog nov tus ntsuj plig uas nyob tsaus ntuj nti. Tswv Ntuj lub txiaj ntsim npaj yeej ib zaug ntxiv.
    Nws ua tug txaj muag tsawv hais tus LN.Txiv Plig cov lus tias : « Niam tais, LN.Txiv Plig nyob tom kem tsev hloov khaub ncaws tos koj.
    - Nws tos kuv lov ?...Kuv ntag ?
    - Koj los mav, niam tais.
    - Es nws twb tsis tau pom dua kuv ne.
    - Tab sis nws yeej hais meej meej tias yog koj.
    - Kuv lam tuaj saib zoo li cas xwb, luag nim cav nroo ntws, es kuv lam tuaj kom pom ntawm kuv lub qhov muag kiag xwb. Tab sis kom kuv nrog yawg LN.Txiv Plig tham mas ?...
    - Nws tos koj os.
    - Ua li mas, mam mus seb nws yuav kom peb ua dab tsi. »
    Pog paj daj fawb cov neeg mus tug muaj peev feem tsawv mus rau hauv kem tsev hloov khaub ncaws Ars.
    Yawg LN.laus, sawv ntsug, ua ntaj teg ti ti rau ntawm nws txoj hlab ntxhoov tsam xem dauv los ntawm nws xub ntiag, tos tus pog muaj txhaum khav theeb. Nws los txog tseem xav tias seb yuav txaum yim li cas rau yawg LN.Txiv Plig ; tab sis nws twb tsis muaj caij txaum yim. Yawg LN.Txiv Plig qw tias :
    « Neeg lwj! Koj tab tom muab koj thiab luag tej ntsuj plig teem txim. Koj nim tsab tsab hluas. Koj puas paub tias koj tab tom tshuav Tswv Ntuj nqe npaum li cas !...Lub dab phem teb twg yuav poob rau koj sai sai no, yog koj tsis kaw koj lub tsev vuab tsuab pem Maçon !... »

    Txoj kev ntseeg ras dheev hauv pog muaj txhaum tus ntsuj plig. Nws tsab xeeb hlo mloog yawg saub tej lus qhuab qhia nws. Nws txhos caug kiag, tam sim ntawd nws kua muag txhawv lug hauv nws qhov muag los.
    Thaum ntawd yawg LN.paub tias txog caij yuav zam txhaum lawm, thiaj mus zaum hauv qhov chaw Daws txhaum uas cov neeg tseem hwm hauv lub lub tsev hloov khaub ncaws. Pog hloov siab tsis sawv li, cia li kem caug nkag mus rau ntawm qhov chaw txhos caug daws txhaum…Nws lees nws cov txhaum tag nrho. Nws tseem quaj quaj ntxiv thiab. Ntsia li yog cov kua muag zoo siab ntawm ib tug ciaj rov los ! Kev zam txhaum poob nthav rau tus Mab Liab Mas das Las tshiab tus ntsuj plig.
    Nws rov los txog Maçon, nws kaw lub tsev kaj siab, tso nws txoj kev haub ntxias vuab tsuab pov tseg thiab txij ntawd los nws rov khaws lub neej ua kom tsim txiaj li nws ua tau los kho txoj kev phem uas nws tau ua los ; nws los coj ib lub neej ua neeg ntseeg zoo tag nws sim neej.
    Txij thaum ntawd los, ob tug pog no cia li ua phooj ywg sib hlub txog hnub pog paj daj tuag. Zaj no yog poj Moyne ua tus tham tseg rau Txiv Plig Heinrich hauv nw slub zos Tramoyes, cheeb koom txoos Belley. Thiaj li coj tuaj tham rau tsev txiv plig Ars hnub tim 4 juin 1926.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 7th August 2013, 9:38 pm



    Thov txim ntawm tsoom nyeem sawv daws, kev khwv tuav tes, lub sij hawm tuav taw thiaj sau ua khab ua khuav tsis kho li cia li muab tso rau hauv nov lawm...Hahahaah...! Hnub no xa rau TP.Txhiaj Foom, nws npaj siab yuav muab tso tawm rau ntawv xov xwm Tseb Nplej, thiaj rov tuaj nyeem mas sau tau yuam kev heev; tab sis tsam no muab kho tag rau lawm.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 28th January 2015, 10:07 am

    Maiv Paj Lug wrote:

    LEEJ NTSHIAB SAINT CURE D'ARS 2010

    (Jean-Marie Vianney)




    Nyob zoo tsoom phoojywg Hmoob txhua leej txhua tus, hnub no kuv yuav coj nej mus ncig nyob Fab Kis qab Teb thaj chaw ntshiab nyob lub me nyuam zos hu li ARS. Ntawm no muaj tus Leej Ntshiab Saint Curé d'Ars lub cev nyob tau 150 xyoos uas tseem zoo nkauj li qub , ib tug leej ntshiab nyob thaj chaw twg, Tswv Ntuj kuj nyob thaj chaw ntawv.

    Leej Ntshiab Curé d'Ars lub neej


    Yug hnub tim 8 lub 5 hli ntuj 1786 nyob Dardilly, ze ntawm Lyon, Jean-Marie Vianney tsev neeg ua liaj ua teb, nws ua lub neej nco ntsoov txog thaum nws yau nws niam thiab nws txiv tu nws nyob hauv txoj kev hlub.

    Lub caij tsov rog hauv fab kis ciam av ua rau nws thim xav, nws tau mus daws txhaum thawj zaug nyob lub tuam tsev muaj lub moo loj nyob ze nws lub zos. Yog ib tug Txiv Plig khiav tsov rog tuaj nyob nkaum hauv lawv lub zos daws Jean-Marie Vianney thawj zaug txhaum.

    2 xyoos tom qab, Jean-Marie Vianney mus txais lub cim yug thawj zaug nyob hauv ib lub tsev tu tsiaj, vim caij tsov rog lawv teev ntuj hauv tej tsev ntau xwb. Thaum nws muaj 17 xyoo, nws txiav txim siab mloog Tswv Ntuj hu nws : << Kuv xav cawm kom tau cov ntsuj plig mus rau kuv tus Huab Tais siab zoo >>, nws hais li ntawv rau nws niam uas yog Marie Béluze. Tiam sis nws txiv yeej tsis kheev nws mus raws nws lub hom phiaj tom qab 2 xyoos dhau, vim hais tias tsis muaj neeg yuav pab nws txiv.

    Thaum nws muaj 20 xyoo, nws mam li tau kev mus kawm ua Txiv Plig nrog tus Abbé Balley nyob lub zos d'Ecully. Txoj kev nyuaj siab pib tawm tuaj, vim hais tias lawv hu nws mus ua rog, nws nyuaj siab kawg nws thiaj tau mus ua Pèlerinage xyuas tus Leej Ntshiab Saint François lub ntxa. Thaum nws rov los txog nws raug nom tswv xa nws mus ua rog xuj lub teb chaws Espagne. Thaum ntawv nws mus lawm tiam sis nws tus thawj coj Abbé Balley yeej tsis tso nws tseg, Abbé Balley pab thov thiab ua ntawv tsis tseg rau nws kom nws rov tau los ua nws txoj hauj lwm uas Ntuj txib nws. Tsis ntev tom qab , Fab Kis thiaj tso cai rau nws rov los kawm tiav ua nws txoj hauj lwm Txiv Plig.

    Jean-Marie Vianney tau txais lub cim tiag tes ua Txiv Plig xyoo 1815. Nws thiaj tau los ua vicaire rau lub zos Ecully.

    Xyoo 1818, nws raug xa mus ua Txiv Plig hauv lub me nyuam zos ARS. Ntawm lub zos nws mus ua Txiv Plig, nws kuj mus qhib txhua tus qhov muag rau txoj kev ntseeg, nws mus coj tau coob leej ntau tus los ua neeg ntseeg. Nws kub siab thov ntuj thiab daws txhaum ib hnub nws nyob 17 xuaj moos daws neeg tej txhaum nkaus xwb.

    Tsis ntev xwb, luag cav nws lub moo qhov txhia chaw, neeg tuaj saib tus Txiv Plig no coob kawg nkaus. Tej tus neeg tuaj daws txhaum hauv lawv lub siab, tej tus neeg kuj yog tuaj nrhiav Tswv Ntuj ntawm tus Txiv Plig d'Ars.

    Nws tau tso ntiaj teb tseg hnub tim 4 lub 8 hli 1859. Nws tau ua ntau yam kev kaj siab thiab kev zoo pab coob leej ntau tus. Thaum nws ua Txiv Plig, nws kam sim khiav 3 zaug hauv nws lub zos mus kom deb deb , rau qhov dab ntxwj nyoog ntxias nws, nws xav hais tias nws ua tsis tau ib tug Txiv Plig zoo txaus pab neeg cov ntsuj plig. Tiam sis txhua zaus nws khiav, cov neeg hauv nws lub zos caum tau nws qab, lawv thov kom nws rov qab los nrog lawv nyob. Nws thiaj ua ib siab tsis khiav lawm, nws los txhawb nws lub tsev teev ntuj, nws rau siab ua nws txoj num rau Tswv Ntuj, nws niaj hnub daws txhaum tsis tseg pub zej zos. Thaum lawv muab nws lub cev zeem cia hauv av, neeg tuaj coob txog txhiab txhiab tus tib neeg tuaj saib nws lub cev ua zaum kawg. Muaj cov Txiv Tswv Qhia thiab coob tug Txiv Plig tuaj saib nws , vim nws yuav ua ib tug qauv zoo rau sawv daws.

    Hnub tim 8 lub 1 hli ntuj xyoo 1905, tib lub xyoo Txiv Vaj Qhia Pie XI ( tsa Leej Ntshiab Sainte Thérèse de l'Enfant-Jésus ua ib Leej Ntshiab), thiab Tsa Jean-Marie Vianney ua Txiv Plig thawj coj ntawm txhua tus Txiv Plig hauv Fab Kis Teb. Xyoo 1925 Txiv Vaj Qhia Pie XI thiaj tuaj tsa nws ua Leej Ntshiab thiab tus thawj coj tag nrho rau cov Txiv Plig hauv qab ntuj khwb ntiaj teb. Txiv Vaj Qhia Zampajlug2 tuaj xyuas Leej Ntshiab Curé d'Ars xyoo 1986.

    Niaj hnub nim no , ib xyoos hauv lub tuam tsev teev ntuj nyob Ars, muaj txog ntawm 4500000 millions tus pèlerins tuaj xyuas nws. Txij xyoo 1986 los, lawv thiaj tsim ib lub tsev qhia ua Txiv Plig nyob Ars: << Qhov twg muaj ib tug Leej Ntshiab dua kev, Tswv Ntuj kuj nrog lawv tuaj .>>




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 28th January 2015, 10:09 am


    Kuv muab cov lus uas tub wb tham txog Leej Ntshiab Txiv Plig Ars los tso ua ke rau hauv nov tsam lwm hnub ho xav nrhiav ces nrhiav tsis tau lawm.


    Maiv Tooj wrote:

    Tub Ntxhuav Mom, kuv tsis paub tias lawv puas muab Curé d'Ars cov lus nthuav Ntawv Ntshiab txhais ua lus aas kiv, yog muaj cov txhais tau lawm no koj mus nyeem, yog tsis muaj no koj muab hauv lub site nov mus ua translate, koj nyeem mas nws qhia ntau yam rau koj; ua kom koj pom kev dua qub lawm.

    http://livres-mystiques.com/partieTEXTES/Ars/Sermons/table.html

    Ntxhuav Mom Xyooj wrote:Nyob zoo phauj Maiv Tooj

    kuv ua koj tsaug ntau ntau uas koj tseem qhia txog tus SERMONS DU CURE DARS rau kuv paub. Kuv tau mus tshawb fawb thiab nyeem txog nws cov zaj lus,nws hais tau zoo heev.
    Tab sis nyob hauv cov sob lus mas muaj  ib co lus nyuaj nyuaj,vim kuv paub lus America tsis tag. Phauj Maiv Tooj yog koj muaj caij no thov koj pab muab txhais ua lus Hmoob tso rau hauv nov es peb thiaj li tau nyeem kom paub zoo dua.


    Thaum nyeem SERMONS DU CURE DARS cov sob lus no tas mas yus mam tig rov los saib yus cov mas yus yuam kev tag lawm. Zoo nkaus li thaum yus tseem kawm ntawv es yus
    ua tej npaab lej yus twb qhuas hais tias yus yeej ua raug kawg lawm. Yus mam coj mus rau nais khu saib no cas tseem yuam kev tag lawm thiab. Ces kuv tseem muaj ib lub siab
    xav tias,kuv tab tom raug ntxwg nyoog training kuv no tiag.

    Ntxhuav Mom Xyooj

    Nyob zoo tub Ntxhuav Mom,

    Hahahah...! Nws mas yuav hais tau lo lus ntxim hlub ua luaj li!

    Tus neeg nrhiav Tswv Ntuj ces mloog li nws me tshaj tus me nyum yaus,
    tus neeg nrhiav ntxwg nyug ces mloog li nws txawj tshaj tej laus.

    Leej Ntshiab Txiv Plig Ars cov lus ntuas, cov lus nthuav Ntawv Ntshiab mas nws tsis ua paj lug los yog piv lus hais, nws hais cov lus ncaj qha thiab qhia txoj hauv kev meej meej kom yus paub taug li tej niam tej txiv cov qhia me nyuam kom txhob yuam kev thiaj tau lub neej tsheej chim. Thiab LN.Txiv Plig Ars mas nws tsis yog lam hais lus dawb muag li sawv daws xwb, nws tau Ntuj lus, nws cuag tau sab yeeb ceeb los hais. Raws li cov tim khawv uas kuv tau nyeem dhau los (kuv muab ntev hli los nyeem vim kuv tsis muaj caij) mas muaj tus yeej pom nws nrog ib tug poj niam kauv phuam saum taub hau ti nkaus ko taw tham, ib pliag tus poj niam ho cia ploj lawm, lawv pom nraub qaum xwb ces lawv tsis paub tias yog Niam Mab Liab los yog LN.Phis Los Mes (Philomène); thaum lawv hais nws tias kuv twb tuaj nov ntev lawm tab sis koj tseem nrog tus poj niam tham ces kuv thiaj tsis hu koj xwb. Nws hais rau tus pom ntawd tias: "koj tsis txhob qhia leej twg kiag li nawb." Thiab LN.Txiv Plig mas nws paub yus lub neej yav dhau los, niaj hnub thiab lub neej tom ntej; nws qhia kom yus ua qhov tsis yuam kev. Li ntawd thaum nws ua neej nyob, neeg thiaj tuaj ua phab ua pheev tuaj cuag nws, tuaj Daws txhaum ntawm nws, tuaj nug kev pab ntawm nws. Txhua yam nws tau hais rau lawv, tsis muaj ib yam twg uas yuav yuam kev li. Thaum nws ua neej nyob mas ib hmos no nws pw 1-2teev xwb los tuaj kub tseem los nrog nws sib ntaus kom nws tsis tau zoo dab ntub thiab. 3h sawv ntxov nws twb sawv tuaj mus daws txhaum rau neeg lawm; 1 teev ib tag hmo nws nyuam qhuav pib yuav mus pw xwb.

    Kuv kuj xav txhais nws cov zaj ntuas kawg, tab sis khwv heev es xyov yuav ua cas thiaj li txhais tau. Tej zaud yuav txhais tsis tag nrho, tab sis txhais lub ntsiab xwb. Kuv nyeem nws tej ntawv mas ua rau kuv lub siab deeg daws, pom yus tej txheeb ze, tej kwv tij phooj ywg, yus xav xav qhia lawv, xav xav kom lawv tig los hloov siab, qheb qhov muag tab sis lawv tseem ua cov paub tshaj yus lawm ces yus ua tij ywm tuaj sau tseg rau hauv cab sab no es leej twg ho xav tuaj nrhiav los nws mam li pom xwb; yog nws ho tsis pom los xij peem.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Mim on 29th January 2015, 4:44 am

    Nyob zoo tais Tooj thiab Ntxhuav Mom,

    Cas zoo li kuv twb tsis nco tuaj pom neb cov lus sib tham li, kuv nyuam qhua pom hnub no xwb.  Kuv muab ib lub site no tuaj tso rau cov uas paub lus Aas Kiv kom nej ho tau mus tshawb LN TP John Vianney cov zaj qhuab qhia ntuas neeg los nyeem.  Tiam sis zoo li cov npe zaj(titles/titres) ho txawv cov ua lus Fab Kis.  Kuv saib mas nyob hauv tais Tooj lub site lus Fab Kis mas muaj txhij txhua dua, muaj txog 4 phau ntawv khaws cov lus qhuab qhia diam, hos cov lus Aas Kiv mas lawv xaiv ib co zaj los txhais xwb.  Txawm li cas los yuav tsum siv sij hawm maj mam mus nyeem ib zaj zuj zus mus, los puas xaiv tej zaj yus xav paub nyeem, yus thiaj li to taub yus txoj kev ntseeg kom tob tuaj.

    http://www.catholicbible101.com/Vianney1.pdf

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 29th January 2015, 9:40 am



    Nyob zoo Mim,

    Ua tsaug uas nws muab qhov link rau lub site ua lus aas kiv tuaj tso rau hauv nov; LN.Txiv Plig Ars cov lus mas qhia tau rau yus paub txoj kev ntseeg no lawm ntau, ua rau yus pom qab thiab pom kev ntau heev tuaj.

    Kuv nyuam qhuav pib nyeem cov zaj nthuav Ntawv Ntshiab xwb, kuj muaj ntau zaj uas hais tau zoo kawg li. Kuv nyiam zaj hais txog cov Kws Hnub Qub (cov vaj) tuaj hawm Me Nyuam Yes Xus, ntshe kuv yuav ua tiag muab txhais kom tau ua lus hmoob; vim nws hais tau zoo heev thiab qhia ntau yam zoo rau peb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 29th January 2015, 9:48 am



    LN.Txiv Plig Ars hais tias:

    Yog thaum yus yuav teev Ntuj es pheej muaj ib qho ua kom yus xav tias ib chim tso, ib chim tso, laug kom ntev ntev mam los teev Ntuj ces yog dab phem los ua kom yus txhob teev Ntuj xwb. Thiab tej zaud yus twb xav tias tsis ua txhaum no tab sis muaj ib qho pheej kom yus ua mas yuav tau hu txog Huab Tais Ntuj thiab Niam Mab Liab los pab yus. Yuav hais li no:

    Huab Tais Tswv Ntuj, pab tiv thaiv kuv os!
    Nkauj Ntshiab Mab Liab pab kuv os!


    Hais li no ces dab phem tsis los zes yus lawm.
    Kuv mloog tau tias tej thaum yus twb tsis xav noj kom tsaus tsau, tab sis ib qho pheem ua kom yus noj ntxiv noj ntxiv thiab. Kev noj tsau haus qaug mas kuj yog ib qho muaj txhaum thiab, vim yog yus ua neeg siab hlob, xav kom yus zoo zoo siab rau tej txiam xwm, kom yus tau ntau, yus tsis muaj lub siab xav faib rau luag.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 4th February 2015, 9:06 am



    Leej Ntshiab Txiv Plig Ars (Curé d'Ars) hais tias thaum yus teev Ntuj los yog yus mus koom Thaj Txi Ntuj mas yus yuav tsum txhob xav txog yus tej hauj lwm, txog tus ub tus no, los yog txog kev khib xeeb. Yog tias yus mus teev Ntuj es yus xav txog tej ntawd txhiaj khoov yuav xav txog Tswv Ntuj ces zoo nkaus li yus tsis txais Tswv Ntuj rau hauv yus; yog yus txais dab phem nyob Tswv Ntuj chaw hauv yus xwb. Yuav tsum tswj yus lub siab kom tsuas muaj Tswv Ntuj tib leeg nyob hauv yus lub siab xwb thaum yus teev Ntuj thiaj li yog yuq hwm Ntuj tiag.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 15th March 2015, 8:49 am


    LN.Txiv Plig Ars tus cwj pwm.




    Thaum LN.Txiv Plig Ars tseem ua neej nyob, nws yoo mov ntau, nws noj qos yaj ywm hau xwb los tseem tsis noj txhua pluas thiab. Tus niam ua mov nug nws tias: "Txiv Plig, ntshe ib lis piam koj noj ib pluag mov xwb pob?"
    Txiv Plig teb tias: Tej zaud ib lis piam noj ib los ob los peb pluag mov tej."
    TP. Hais tias kev yoo mov mas yog ib qho ua kom yeej dab phem. Thaum yus yoo mov mas khib dab phem heev, ua rau dab phem tsis miuaj zog.

    Thaum txiv plig teev Ntuj, teev Saw Mab Liab mas nws hais lus yau yau twb yuav luag tsis hnov; vim noj tsawg tsawg ces zoo li nws tsis muaj zog hais lus li; tab sis thaum nws ntuas, nws nthuav Ntawv Ntshiab mas nws hais lus nrov nrov cuag dab tsi. Ib tug pog thiaj nug Txiv Plig hais tias: "Txiv Plig, ua cas thaum koj teev Ntuj no ces koj hais suab twb yuav luag tsis tawm, zoo li koj twb tsis muaj zog hais tau los lus tawm; ua cas thaum koj ntuas no ces koj ho hais lus nrov nrov?"
    Txiv  Plig teb tias: "Huab Tais Ntuj mas nws tsis lag ntseg ces maj mam hais los nws hnov hos neeg mas lag ntseg ces yuav tsum nthe los tej zaud twb tsis hnov thiab."




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Maiv Tooj on 22nd March 2015, 12:58 am


    KWV NTOO CUAM.



    LN.Txiv Plig d'Ars hais tias:

    "Tus Ntoo Cuam ua kom kev thaj yeeb ploj,
    vim NWS yog qhov muab KEB THAJ YEEB rau ntij teb;
    Peb yuav kwv rawv NWS rau hauv peb lub siab.
    Tag nrho peb tej kev nyuaj siab yog los ntawm qhov peb tsis nyiam NWS los.
    Yog tim qhov uas peb ntshai ntoo cuam thiaj ua kom peb muaj ntoo cuam.
    Yog kwv ib tug ntoo cuam yam tsis xam khib txog yus tus kheej,
    tsis siab hlob mas kuj zoo li tsis yog ib tug ntoo cuam.
    Ib txoj kev txom nyem nyob hauv txoj kev thaj yeeb yuav tsis ua li ib txoj kev txom nyem.
    Peb niaj hnub nroo peb txoj kev txom nyem! Yeej tsim nyog kawg uas peb nroo tsis xav txom nyem;
    vim tsis muaj yam twg yuav zoo li peb tus Tswv Ntuj uas kwv nws tus Ntoo Cuam."




    Sponsored content

    Re: Zaj movie txog Leej Ntshiab John (Jean-Marie) Vianney (Curé d'Ars)

    Post  Sponsored content Today at 8:52 am


      Current date/time is 6th December 2016, 8:52 am