Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

LEEJ NTUJ PLIG QHIB LUB NTSIAB LUS

Share

Mas Lias
Tuaj Tshiab
Tuaj Tshiab

Messages : 70
Date d'inscription : 2012-03-09

LEEJ NTUJ PLIG QHIB LUB NTSIAB LUS

Post  Mas Lias on 19th May 2013, 9:35 am


TSWV NTUJ QHIB LUB NTSIAB LUS



Zaj nyeem 1: Hauj Lwm 2, 1-11 Leej Ntuj Plig nqes los.


1 Thaum txog lub Hnub Nyoog
Tsib Caug, tas cov thwj tim huv tib
si tuaj sib txoos ua ke. 2 Ib sij huam,
txawm muaj ib lub suab nrov saum ntuj
tuaj xws li ib nthwv cua hlob hlob ntsawj,
lub suab ntawd nrov thoob plaws lub tsev
uas lawv nyob. 3 Ces lawv pom tej
ntshua nplaim zoo li nplaim taws, ncau ua
tej tus nplaim me ya tuaj tsaws saum cov
thwj tim txhua tus. 4 Lawv sawv daws
tau txais Leej Ntuj Plig Ntshiab puv hauv
lawv, ces lawv pib hais ntau xeem lus
raws li Leej Ntuj Plig pub kom lawv hais tau.
5 Thaum ntawd, muaj ib co Yus Das kub
siab ntseeg tuaj ntawm tas cov teb chaws
hauv lub qab ntuj khwb tuaj nyob Yes
Lus Xas Les. 6 Thaum lawv hnov lub
suab nrov, tas ib tsoom neeg tuaj ntsauv
vij vog. Sawv daws ua siab poob nthav
vim tias thaum cov thwj tim hais lus, mas
lawv nyias hnov hais nyias xeem lus.
7 Lawv ceeb tas nrho, xav tsis thoob, ces
lawv hais tias :
"Tas cov neeg uas hais lus ntawd, lawv
tsis yog ib co Nkas Lis Lais lod ? 8 Ua
li cas peb thiaj nyias hnov lawv hais nyias
xeem lus ? 9 Peb yog ib co neeg Pas
Tos, Mes Dias, Es Las Mias, peb nyob
Mes Xos Pos Tas Mias tuaj, Yus Das, Kas
Pas Dos, Poos Tus, As Xias, 10 Fis Zias,
Pas Fis Lias, nyob Hais Nkws Tos thiab
Lis Npias teb chaws uas ze Xis Les Nas,
peb yog neeg Los Mas tuaj nyob ntawm
no. 11 Peb yog ib co Yus Das thiab ib co
teev dab txais kev ntseeg, ib co Khes Tas,
As Las Npias, peb puav leej hnov lawv
hais peb xeem lus cav txog Tswv Ntuj lub hwj chim."

Zaj nyeem 2: Los Mas 8, 8-17

8 cov neeg mloog lub cev, lawv ua xis
Tswv Ntuj siab tsis tau.
9 Ntawm nej, mas nej tsis zwm rau lub
cev, nej zwm rau lub tswv yim, vim Tswv
Ntuj Leej Tswv Yim nyob txawm hauv
nej. Tus twg tsis muaj Leej Pleev lub
tswv yim nyob hauv nws mas nws tsis
yog Leej Pleev tug. 10 Yog Leej Pleev
nyob hauv nej, tab yog lub cev tuag vim
kev txhaum, mas lub tswv yim muaj txoj
sia vim kev ncaj. 11 Yog tus tau tsa Yes
Xus tuag sawv rov los, nws lub tswv yim
nyob txawm hauv nej, mas nws yuav pub
txoj sia rau nej lub cev tuag, vim Leej
Ntuj Plig nyob txawm hauv nej.
12 Kuv cov kwv tij, yog li ntawd mas
peb tshuav luag nuj nqis, tab sis peb tsis
tshuav lub cev nuj nqis. Tsis tas peb yuav
ua neej mloog lub cev. 13 Yog nej ua
neej mloog lub cev mas nej yuav tuag.
Tab sis yog nej cia Leej Ntuj Plig muab
lub cev cov hauj lwm tua pov tseg, mas
nej yuav muaj txoj sia.

14 Txhua leej txhua tus uas Tswv Ntuj
Leej Tswv Yim coj, mas lawv yog Tswv
Ntuj cov me nyuam tas huv tib si.
15 Nej tsis tau txais ib lub tswv yim ua
qhev ; nej tsis txhob rov qab poob rau
hauv txoj kev ntshai. Nej tau txais ib lub
tswv yim ua tub ki tshiab, mas nej hu
Tswv Ntuj tias : ‘As Npas ! Txiv !’
16 Leej Ntuj Plig nrog peb lub tswv yim
zeem tseeb tias peb yog Tswv Ntuj cov
me nyuam tiag. 17 Vim peb yog Ntuj
cov me nyuam, mas peb yog cov txais lub
cuab tam : peb yog cov txais Tswv Ntuj
lub cuab tam ; peb nrog Leej Pleev txais
ib lub cuab tam, vim peb nrog nws raug
txom nyem, peb yuav tau nrog nws muaj hwj chim.

Zam ntawv Moo Zoo 14, 15-16.23b-26

15 "Yog nej nyiam kuv, mas nej yuav coj
rawv kuv cov lus qhia. 16 Kuv yuav
thov Leej Txiv, ces nws yuav xa dua ib
leeg Nplij neeg los nrog nej nyob mus li.

23 Yes Xus teb rau Yus Das tias :
"Yog leej twg nyiam kuv, nws yuav coj
rawv kuv lo lus, ces kuv Txiv yuav nyiam
nws. Kuv Txiv wb yuav los nyob ze nws,
wb yuav ua tsev nyob hauv nws. 24 Tus
tsis nyiam kuv, nws tsis khaws kuv cov
lus. Lo lus uas nej hnov, tsis yog kuv lo
lus, yog Leej Txiv uas xa kuv tuaj lo lus.
25 Thaum kuv tseem nyob ze nej, kuv
hais tej no rau nej. 26 Tab sis Leej Nplij
Neeg, uas yog Leej Ntuj Plig Ntshiab,
mas Leej Txiv yuav xa nws tuaj vim kuv
lub npe, nws yuav qhia tas ib puas tsav
yam rau nej, thiab nws yuav pab nej rov
nco txog tas txhua yam uas kuv tau hais rau nej.



NTHUAV NTAWV NTSHIAB.



Cov phooj ywg,

Hnub no yog ua hmoov Leej Ntuj Plig nqis los, TxivPlig Cwj Vuam Chiv twb piav ua ntej hnub chiv no lawm.
Tab sis hnub no kuv rov muab zaj nyeem hais txog Leej Ntuj Plig nqis los tham dua, yim kuv xav kom Sd paub tias thaum Leej Tswv Yim Ntshiab nqis los rau saum yus zoo li cas?

Kuv Niam thiab Txiv nkawv yeej ua Ntuj kev cai thaum hluas hluas uas tsis tau yug kuv. Xyoo 1968 yuav luag xaus, nkawv thiaj yug tau ib me nyuam ntxhais me me quav, hos quaj quaj tas mus li, kuv txiv thiaj tau txhawj xeeb heev, tau mus thov TP. TxawjTeem, yog ib TP. Italie, kom nws nrhiav ib lub npe los pov hwm tus me nyuam, TP. thiaj tau muab Niam MabLiab lub npe rau tus me nyuam ntxhais ntawd. Tab sis hais lus suab Italie xwb, yog Maria, thiaj txhais tau lus hmoob tias Mas Lias. Txij thaum tus me nyuam tau Leej Ntshiab MabLiab lub npe los pov hwm nws, nws tsis quaj lawm, thiab hlob mos nyoos.

Xyoo 1981 ua ntej kuv yuav mus txais lub Cim Yug, kuv tau ua ib zag npau suav tias: peb mus teev ntuj, cov neeg tuaj coob coob tas zog tuaj teev ntuj thiab, mas sib txiv mus pem lub thaj txi ntuj xwb, Huab Tais YesXus zaum ped. Neeg coob dhau lawm, txeem tsis tau mus, muaj ib tug txiv neej txawm hais rau kuv tias kom muab lub kauj pos saum kuv taub hau rau nws, es nws mam cev mus rau Huab Tais YesXus. Lub kauj pos mas hnyav hnyav kawg li kuv twb nqa yuav hluag tsis taus. Kuv thiaj li hle hlo lub kauj pos rau tus txiv neej ntawd, nws txawm muab cev kiag rau HuabTais YesXus lawm.
Ua zaj npau suav li no tas tau ib hnub tom qab, kuv thiaj tau mus txais lub Cim Yug.

Dhau ntawm lub Cim Yug los, kuv txawm tsis nco qab npaj siab los mus txais lub Cim TxhabZog.
Twb tau ntev xyoo tom qab, kuv twb muaj 2-3 tug me nyuam lawm, kuv leej nkawm wb npaj los mus txais lub Cim CogLus, TP. tuaj qhia kev cai rau wb, kuv mam tham tias kuv tsis tau txais lub Cim Txhab Zog. TP. thiaj kom kuv npaj, thiaj npaj tau ib xyoo nkaus, los tseem hais rau TP. tias: yog kuv tsis paub tswv Ntuj tiag, kuv yuav tsis txais lub Cim Txhab zog. Yog tsuas mus ua raws txoj kev cai tias kuv yog kav tos liv xwb, tab sis tsis paub ntuj ces kuv yeem tsi ua dab tsis li. TP. txawm teb kuv tias: koj nrog peb kawm kev cai mus txog thaum kawg, yog koj tsis xav txais lub Cim Txhab zog los tsis ua li cas.
Thiaj tau nrog pab neeg kawm kev cai mus ntxiv. Ua ntej yuav txog caij mus ua Lub Cim, TP. rov nug kuv dua, kuv teb tias kuv zoo siab mus txais lub Cim lawm vim ntuj qhiab kuv lub tswv yim, kuv pom lub ntsiab lo lus nyiam thiab hlub. Yam lub txiv ntoo, yus yeej paub tias muaj tawv, mauj cov nqaij txiv uas yuav noj, nyob hauv nruab nrab muaj lub noob. Tab sis yog leej twg tsis tau noj yuav tham tsis tau tias zoo li cas. Yog leej twg tau noj Leej Tswv Yim Ntshiab lub txiaj ntsim lawm, Leej Ntuj Plig los nyob hauv nws, ces nws yuav paub cov Ntsiab lus Zam, Nyiam thiab Hlub yog dab tsi.
Thiaj teb rau TP. tias: yog leej twg tsis tau txais Tswv Ntuj, mas nws hnov cov lus uas tau tham los no, mas zoo li ib nthwv cua los nplawm nws ntsej muag ib vuag dua ntais, nws twb tsis paub xyov yog dab tsi?
Yog leej twg tau txais Leej Ntuj Plig lawm, yam li cov cua los, cia li zwm rau hauv nws lub cev tsis tawm mus.
Cov lus zoo, uas niaj hnub siv, tsis paub ntsiab, cia li qhib rau yus lub hlwb, lub siab kom pom ntsiab lus meej.
Thaum pom tej yam zoo li no tas thiaj zoo siab hlo mus txais lub Cim Txhab Zog.
Thaum Txiv Tswv Qhia muab cov roj los ua lub Cim Ntoo Cuam rau saum hauv pliaj, kuv hnov ib nthwv cua txias vog saum taub hau tshee hna thoob plaws ib ce mus rau nram ko taw. Zoo li kuv yog tus teeb xeeb, ib ncig kuv yog cov nplaim taws, mus txog qhov twg los zoo li yus ua lub teeb taws cig lam lug rau qhov txhia chaw, tsis nco qab ntshai dab tsi, mloog mas yog yam phem tsuas ntshai yuas xwb.
Zoo li ntawd tau ib xyoos nkaws, dua li tom qab no kuj tsis hnov dab tsi lawm.


Zaj kwv huam kuv tham no yog qhia rau nej tias: thaum leej Ntuj Plig los nyob hauv yus yog zoo li tau hais los no. Tej zaum lwm tus piav nws zaj kwv huam yuav txawv kuv zaj.


Thov kom Leej Ntuj Plig los Nrog nej Nyob Ua Nej Siab Kaj Lug.






Mas Lias
Tuaj Tshiab
Tuaj Tshiab

Messages : 70
Date d'inscription : 2012-03-09

LUB CIM TXHAB ZOG

Post  Mas Lias on 20th May 2013, 2:42 am



LUB CIM TXHAB ZOG




Nyob zoo cov phooj ywg,


Tej zaum nej twb piav tias Lub Cim Txhab Zog yog dab tsis lawm. Tab sis kuv rov tham dua tias lub Cim no yog dab tsi rau kuv.

Lub ntsiab lus ntawm lub Cim Txhab Zog rau kuv mas yog txhais tias:

YUS TEB LO LUS MEEJ RAU NTUJ, COG LUS RAU NTUJ TIAS:

1 - KUV NTSEEG LEEJ TXIV YOG TUS TSIM LUB NTUJ LUB NTIAJ TEB, TSIM NEEG.
2 - NTSEEG LEEJ TUB UAS YOG TUS CAWM SEEJ.
3 - NTSEEG LEEJ NTUJ PLIG UAS TUS MUAB LUB ZOG RAU NEEG.
4 - YUAV TSIS MUS NTSEEG LWM TUS, TAUG UA LWM TXOJ KEV CAI.
5 - YUAV NYOB RUAJ NREB HAUV TXOJ KEV NTSEEG NTUJ, UAS YOG TSWV NTUJ PEB LEEG.


Thaum yus cog lus rau Tswv Ntuj li no tas lawm, thiaj yuav tau txais ib lub zog loj los ntawm Leej Ntuj Plig los nyob hauv yus lub siab, lub tswv yim.

Txoj kev ua lub neej nyob ntiaj teb no ntev heev.
Yus taug yus txoj kev ntev xyoo, ces tej zaum lub zog ntseeg ntuj uas Leej Ntuj Plig muab rau yus txawj tsuag, tsis nco qab cov lus tau cog tseg rau ntuj, ces thiaj yuam kev, ua lwm yam tsis zoo los muaj.
Yog li no mas yuav tau nco ntsoov cov lus uas yus tau hais rau ntuj, thiab mob siab rau teev ntuj tas zog los txhawb yus kom txoj ntseeg ntuj nyob hauv yus tsis txhob tsuag li.


Ua li mas kwv tij phooj ywg peb yuav rau siab thov ntuj rov rau peb thiab mog.



  • Post new topic

Current date/time is 9th December 2016, 8:15 am