HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Tswv Ntuj Cia Yus Xaiv Yus Txoj Hauv Kev Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


    Tswv Ntuj Cia Yus Xaiv Yus Txoj Hauv Kev

    Mas Lias
    Mas Lias
    Tuaj Tshiab
    Tuaj Tshiab


    Messages : 57
    Date d'inscription : 2012-03-09

    Tswv Ntuj Cia Yus Xaiv Yus Txoj Hauv Kev Empty Tswv Ntuj Cia Yus Xaiv Yus Txoj Hauv Kev

    Post  Mas Lias 23rd March 2013, 5:54 am


    Xas Tas sim Yob siab

    Tswv Ntuj Cia Yus Xaiv Yus Txoj Hauv Kev Bonnat10
    .


    1 :1 - 3 + 6 - 22.
    1 Puag txheej thaud, nyob Ws
    Xaws teb, muaj ib tug txiv neej hu
    ua Yob. Nws yog ib tug neeg siab ncaj
    thiab ua ncaj ua ncees, nws hwm Tswv
    Ntuj. Nws zam kev txhaum.
    2 Nws yug tau xya leej tub thiab peb leeg ntxhais.
    3 Nws muaj xya txhiab tus yaj, peb
    txhiab tus ntxhuav, tsib puas nkawm nyuj,
    tsib puas tus luj. Ntxhais txib tub txuas
    los nws muaj coob kawg.
    6 Muaj ib hnub Tswv Ntuj cov tub tuaj
    cuag HUAB TAIS, Xas Tas kuj nrog lawv tuaj thiab.
    7 HUAB TAIS hais rau Xas Tas tias :
    "Koj mus qhov twg lod ?"
    Xas Tas teb tias :
    "Kuv mus ncig ua si hauv ntiaj teb los."
    8 HUAB TAIS hais tias :
    "Koj puas nco pom kuv tus tub txib Yob ?
    Nyob ntiaj teb, tsis muaj lwm tus zoo
    cuag li nws. Nws yog ib tug neeg ncaj,
    nws tsis muaj ib qho xyeej thiab nws
    hwm Tswv Ntuj, nws tsis ua phem !"
    9 Ces Xas Tas teb zoj tias :
    "Tos Yob hwm Tswv Ntuj yog vim nws
    tau zoo. 10 Koj twb cog xyoob ntoo
    thaiv nws vaj tse, thaiv nws tej liaj teb
    dav tas. Koj foom hmoov zoo rau nws tej
    hauj lwm, nws cov tsiaj huam vam puv
    lub teb chaws. 11 Yog koj rhuav nws lub
    cuab tam tas, mas kuv yeej cog lus tau
    tias nws yuav ntxeev siab, nws yuav
    tsawm koj nyob ntawm koj xub ntiag."
    12 HUAB TAIS hais rau Xas Tas tias :
    "Ua li lod ! Koj xav ua dab tsi rau nws
    lub cuab tam kuj tau nyob ntawm koj
    siab. Tab sis koj tsis txhob kov nws ."
    13 Hnub ntawd Yob cov tub thiab cov
    ntxhais tab tom mus noj nqaij haus cawv
    tom tus tub hlob tsev, 14 muaj ib tug
    khiav tuaj fi xov rau Yob tias : "Koj cov
    nyuj tseem tab tom laij teb, cov luj nog
    zaub nyob ntawm ib sab, 15 ib sij huam
    cov Xas Npes cia li tuaj muab cab mus tas
    lawm. Lawv xuas ntaj tua koj cov tub
    txib tas tshuav kuv ib leeg thiaj dim khiav los hais rau koj xwb."
    16 Tus xa xov tseem hais lus, txawm
    siv muaj lwm tus khiav los txog ntua, nws hais tias :
    "Tswv Ntuj tso hluav taws poob saum
    Ntuj los hlawv koj cov yaj thiab cov neeg
    tuag tas. Tshuav kuv ib leeg thiaj dim los hais rau koj xwb."
    17 Tus ntawd tseem hais lus txawm siv
    muaj dua ib tug los hais tias : "Muaj peb
    pab Kas Ntes tuaj nyiag koj cov ntxhuav
    tas lawm. Lawv xuas ntaj tua koj cov tub
    txib tuag tas. Tshuav kuv ib leeg dim los
    hais rau koj xwb." 18 Nws tseem hais
    lus, twb muaj dua ib tug khiav los hais tias :
    "Koj cov tub thiab cov ntxhais tseem tab
    tom noj nqaij haus cawv tom koj tus tub
    hlob tsev. 19 Muaj ib nthwv cua hlob
    hlob cia li tuaj ntsawj lub tsev, ces tsev
    vau los tsuam lawv tuag tas. Tshuav kuv
    ib leeg dim los hais rau koj paub xwb."
    20 Ces Yob sawv tsees dua rhe nws
    lub tsho, nws mus chais plaub hau. Nws
    da hauv av, nws hais tias :
    21 "Kuv tawm hauv kuv niam cev los
    kuv liab qab. Kuv yuav liab qab rov mus
    hauv av. Txhia yam uas HUAB TAIS
    pub rau kuv, nyem no nws rov qab sau
    rov mus tas. HUAB TAIS lub npe nto koob meej !"
    22 Yob raug kev txom nyem npaum li
    cas los nws tsis ua txhaum li, tsis kam
    cem phem txog Tswv Ntuj.


    Yog Ntawv Cog Lus Qub.

    [url="http://langedeleternel.centerblog.net"]Tswv Ntuj Cia Yus Xaiv Yus Txoj Hauv Kev 3q59q3ch[/url]

    Yes Xus yeej kev ntxias
    .
    4 : 1 – 11.
    1 Thaum ntawd, Leej Ntuj Plig coj
    Yes Xus mus rau teb chaws suab
    puam kom raug dab phem ntxias. 2 Yes
    Xus yoo mov tau plaub caug hnub plaub
    caug hmo, ces nws tshaib plab. 3 Ces
    niag ntxias neeg txav los, nws hais rau Yes Xus tias :
    « Saib, koj yog Tswv Ntuj Leej Tub no,
    koj hais kom cov pob zeb no txia ua mov ! »
    4 Tab sis Yes Xus teb tias :
    « Muaj lus sau cia tias
    neeg tsis kawg muab mov xwb los yug
    txoj sia, neeg tseem muab txhua lo lus
    tawm ntawm Tswv Ntuj lub ncauj los yug
    txoj sia thiab. »
    5 Dab phem tseem coj Yes Xus nrog nws
    mus hauv lub Nroog Ntshiab. Ces dab
    phem coj Yes Xus mus tso puag saum lub
    ruv Tuam Tsev Teev Ntuj, 6 dab phem hais tias :
    « Saib, koj yog Tswv Ntuj Leej Tub no,
    koj dhia lawm puag hauv, vim muaj lus
    sau cia tias :
    Ntuj yuav txib nws cov tshiab, kom lawv
    nqa koj nyob hauv lawv txhais tes, kom
    koj ko taw txhob dawm ib lub pob zeb li. »
    7 Yes Xus hais rau dab phem tias :
    “Tseem muaj lus sau cia tias :
    Koj yuav tsis txhob ntxias koj tus Huab
    Tais Tswv Ntuj.”
    8 Dab phem tseem coj Yes Xus mus txog
    saum ib lub roob siab siab. Nws taw cov
    ceeb tsheej muaj koob meej nyob ntiaj teb
    rau Yes Xus ntsia. 9 Nws hais tias :
    « Yog koj txhos caug pe kuv, mas kuv
    yuav muab tej ntawd tas huv si rau koj. »
    10 Yes Xus hais rau dab phem tias :
    « Xas Tas, koj khiav mus ! Vim muaj lus sau cia tias :
    Tus koj yuav pe, yog koj tus
    Huab Tais Tswv Ntuj. Koj yuav teev nws tib leeg xwb. »
    11 Dab phem thiaj khiav ntawm Yes Xus
    mus. Ces cov Tshiab txav los tsob hwb Yes Xus.

    Yog Ntawv Cog lus Tshiab


    TUS NWS PIB MUAJ TXOJ KEV NYIAM, THIAB HLUB, YUV TSUM NPAJ SIAB TOS TXOJ KEV TXOM NYEM.
    ( Leej Choj Padre Pio cov lus)


    Nyob zoo phooj ywg,


    Kuv muab ob zaj ntawv Ntshiab Laus thiab Tshiab thiab Leej Choj Padre Pio lo lus rau peb SD tau xav.

    Vim peb SD ua neej nyob, nyias muaj nyias txoj kev txom nyem, tab si tsis zoo qhia rau leej twg paub li.
    Peb kuj tsis zoo siab txais txoj kev txom nyem, es peb tseem muab liam rau Ntuj, cem Ntuj. Peb twb tsis nco qab xav tias: tsam yog Ntuj cia peb nyob rau hauv txoj kev txom nyem, seb peb puas nyob ruaj nreb hauv txoj kev ncaj nce mloog Tswv Ntuj lus, los peb yuav pauv siab ua lwm yam.


    Nqe ob no, nyob hauv ntawv Ntshiab Tshiab piav txog DabPhem los Ntxias HuabTais YesXus.

    Nyob hauv peb lub neej, yeej muaj ntau yam los Ntxia Peb Lub Siab.
    1- yog nyiaj txiag, ntsias kom tub sab, twv txiaj,
    lwv yam ntxiv.....
    2- yog kev plees kev yi, ntxias kom muab yus lub cev mus
    muag, kom ua phem rau tus txij nkawm, ntxiv lwm yam....
    3- yog tsis tso siab rau Tswv Ntuj, es mus ua lwm yam,
    thov lwm yam dab,es tso Ntuj tseg.
    Tseem tshuav nto yam piv txwv, ib yam li Huab Tais Ntuj
    10 lo lus qhia, es tsis ua raws li ntawd tab sis yog ua twv 10 lo lus qhia ntawd.
    Tsis yog hais tias txob txwm ua, hos yog tsis paub, thiaj ua tau yum kev. Vim peb nyiam txoj kev yooj yim.
    Yog li ntawd peb lub neej tam sim no, thiaj muaj ntau yam
    phem los tshuam xyuam, ua rau neeg lub neej lwj qas ntsuav, quaj ntsuag thoob plaws lub qab ntuj no.


    Yog li no mas peb tsis txhob tus siab, poob siab, yuav tau los mloog Tswv Ntuj cov lus, tso siab rau Ntuj, zoo siab hlo txais txoj kev txom nyem, ris peb lub nra raws HuabTais YesXus qab. Thaum peb zoo siab hlos txais txoj kev txom nyem lawm, tab txawm lub neej zoo li cas los Leej Tswv Yim Ntshiab nrog peb ris peb lub nra lawm, ces peb nyiaj taus peb tus mob ; tus mob zoo li cas los yeej nyiaj taus.


    Kwv tij phooj ywg twb txog lub caij hla lawm tiag, peb rau siab ntso thov Ntuj rau peb mog. Xyaum hloov peb lub siab, ua neeg zoo, mob siab Ntseeg Ntuj, zoo siab hlos los ris peb tus Ntoo Cuam raws HuabTais YesXus qab.







      Current date/time is 18th March 2024, 6:54 pm