Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    Txiv Vaj Qhia Npes Nes Div XVI tso tes hauj lwm tseg.

    Share
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 52
    Localisation : Fresno, California, USA.

    Re: Txiv Vaj Qhia Npes Nes Div XVI tso tes hauj lwm tseg.

    Post  Npuagtub on 22nd March 2013, 11:49 am

    Nyob zoo Cov Phooj ywg,

    Hais txog daim video ntawd mas kuv tsis tau xav txog ib yam dab tsi txawv hlo, vim yog xob laim xwb. kuv thiaj hais tias tej zaum yog lawv ua photoshop xwb. Peb yuav tau ua ib co neeg muaj tswv yim, vim tiam 21 no neeg ntiaj teb kev hloov mus lamw ntau, yog peb tsis ua neeg thoob tsib mas peb yuav muaj kev poob siab rau peb txoj kev ntseeg ces thaum kawg peb tsis yog ntseeg Tswv Ntuj hos peb yog ntseeg neeg xwb....
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Txiv Vaj Qhia Npes Nes Div XVI tso tes hauj lwm tseg.

    Post  Maiv Tooj on 22nd March 2013, 7:45 pm



    XH.Npuag Tub,

    Qhov xob tua lub Basilique Saint Pirre mas yeej muaj 5000 tus tub xov xwm nyob ntawm chaw kiag pom mas, tab sis ib cov nyob rau hauv tsev lawm es thiaj yog tshooj BBC thiaj thaij tau xwb. Ntshe yog koj tsis mloog xov xwm es koj thiaj tsis pom direct xwb os. Dua li tag nrho plhom leej pej xeem nyob lub nroog thiab Cheeb tsam Los Mas (Rome) yeej hais tias xob nroo ib hnub kiag no mas.

    Txhuav Mom, qhov xob tua mas yeej tua li peb pom no, tab sis zoo li tsis muaj kev piam sij dab li. Kuj txawv kawg tias pom kab xob loj ua luaj li kuj tsis muaj kev piam sij. Tej ntawd ces ntshe yog peb lub neej kev ntseeg niaj hnub no ua voj ua vias xwb. Yeej tsis poob siab dab tsi, qhov zoo ces yuav rau siab niaj hnub teev Ntuj nkaus xwb thiaj li yuav pab tau.



    avatar
    Mas Lias
    Tuaj Tshiab
    Tuaj Tshiab

    Messages : 70
    Date d'inscription : 2012-03-09

    Re: Txiv Vaj Qhia Npes Nes Div XVI tso tes hauj lwm tseg.

    Post  Mas Lias on 23rd March 2013, 4:16 am


    LUB CIM NTXUAV TAW


    Lub lis piam tag los no, lawv tshaj tawm TV tias: muaj ib tug tim khawv tuaj qhia tias, thaum ub nws yog ib tug neeg txom nyem, tsis muaj vaj tse, tsis muaj hauj lwm, nyob nraum zoo xwb. Muaj ib xyoos, Txiv Vaj Qhia François yuav ua hmoov hla, nws mus nrhiav cov neeg tsis muaj vaj tse nyob coj los ua lub Cim Ntxuav Taw rau lawv. Dhau lub sij hawm ntawd los mus, nws cia li nrhiav tau hauj lwm ua, thiab nws muaj txoj kev ntseeg Ntuj loj ntxiv mus. Tus Tim Kawv tau hais li no ntxiv: " NEEG NTSIA KUV TSIS MUAJ NQIS, TAB SIS KUV MUAJ NQIS RAU NTUJ."

    Thaum kuv hnov cov lus li no tas, ua rau kuv zoo siab thiab pom tau tias, François I loj kawg nkaus, zoo kawg nkaus.


    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Txiv Vaj Qhia Npes Nes Div XVI tso tes hauj lwm tseg.

    Post  Maiv Tooj on 23rd March 2013, 7:58 pm



    Nyob zoo Mas Lias,

    Ua tsaug ntau rau nws qhov xov xwm hais txog Txiv Vaj Qhia Fas Las Xis Xaws Kos kev muaj txiaj ntsim. Taj zaud tseem muaj ntau heev uas peb tsis paub txog thiab.

    OB TUG VAJ QHIA LOS SIB NTSIB.

    Yam tsis tau muaj dua los hauv Koom Txoos Kas Tos Liv keeb kwm los uas ob tug vaj qhia los sib ntsib. Hnub Xya (Saturday) tag los no tim 23/03/2013, Fas Las Xis Xaws Kos thiab Npes Nes Div XVI tau los sib ntsib, yam li ib tug yog tus nyuam qhuav xaiv tau hos ib tug yog tus yuav ib tug Tswv Qhia laus ntawm nroog Los Mas mus so xwb.

    Thaum zoo li no, yog tus Av Zaas Tis Nas tuaj xyuas tus Nyias lab Mas ntawm vaj qhia lub tsev so hauv zos Castel Gandolfo.

    Caij los kes tes tuaj txog ua ntej 11h30 sawv ntxov, vaj qhia Av Zaas Tis Nas nqe kiag lub dav hlau tshuab los muaj vaj qhia Nyias Lab Mas tus kheej nyob hauv txais nws. Ob yawg puab leej hnav tsho tshaj sab dawb, nkawd sib ntsib hauv vaj qhia lub Tsev tum ntawv ua tus qub tawm hauj lwm thiab nyob thaum tim 28/03/2013 los. Nkawd sib tham li 45 fiab.




    Caij los kes tes tuaj yuj.



    Nkawd sib sam hwm.



    Nkaws sib tham hauv tsev tum ntawv.









    Nkawd ob leeg ua ke mus thov Ntuj rau cov tub dej num hauv Vas Tis Kaas.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Txiv Vaj Qhia Npes Nes Div XVI tso tes hauj lwm tseg.

    Post  Maiv Tooj on 28th March 2013, 2:17 pm


    HNUB TSIB NTSHIAB 2013.

    Hnub Tsib Ntshiab, Txiv Vaj Qhia Fas Las Xiv Xaws Kos ua lub Cim Ntxuav kos taws rau 12 tug me nyuam yaus raug txim hauv ib lub tsev loj faj, ob tug me nyuam ntxhais hos 10 tug me nyuam tub.


    Kav ke ntxuav taws Hnub Tsib Ntshiab nyob ntug nroog Los Mas, Is Tas Lis teb. Txiv Vaj Qhia Fas Las Xiv Xaws Kos mus rau lub tsev loj faj rau me nyuam yaus Casal del Marmo, uas yog thawj zaug nws ntxuav ko taw rau 12 tug me nyuam yaus raug txim uas ob tug yog me nyuam ntxhais.

    Nyob tsev loj faj kem tsev teev Ntuj, ntawm ntau caum tus hluas xub ntiag, txiv vaj qhia nthuav ntawv ntshiab me ntsis tag ces nws pib ua cov kab ke ntxuav taw uas nco txog Leej Pleev ua rau nws cov thwj tim. Nws hais tias ntxuav kos taw, yog " ib lub cim uas Yes Xus plws li plws taub hau thiab hlub tshua hauv siab tuaj". Ib yam li tsoom leej choj thiab tswv qhia ua ua los mus. Yog thawj zaug hauv keeb kwm uas ib tug vaj qhia ntxuav poj niam ko taw, cov txiv plig thiab tswv qhia mas kuj tau muaj los lawm tab sis vaj qhia mas yog thawj zaug. Li ntawd Txiv Vaj Qhia thiaj li xaiv lub npe pov hwm tus Leej Ntshiab uas pluag tshaj plaws Fas Las Xis Xaws Kos nyob Av Xij.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Txiv Vaj Qhia Npes Nes Div XVI tso tes hauj lwm tseg.

    Post  Maiv Tooj on 29th March 2013, 6:20 am



    Huab Tais Yes Xus thov koj muab txoj kev nyiam rau peb,
    kom peb txawj nyiam luag tej li peb nyiam peb.







    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1972
    Date d'inscription : 2009-10-16

    Re: Txiv Vaj Qhia Npes Nes Div XVI tso tes hauj lwm tseg.

    Post  Mim on 4th April 2013, 5:10 am

    Lub 4 hlis tim 1 (Hnub Ob) dhau los no, txiv Vaj Qhia Francis tau mus xyuas LN Pob Zeb lub ntxa.

    LN Pob Zeb lub ntxa yog nyob ncaj ncaj hauv qab lub thaj txi ntuj loj hauv lub tuam tsev teev ntuj leej Ntshiab Pob Zeb, nws nyob tob li ob txheej rau hauv qab. Txiv Vaj Qhia mus txhos caug ntawm leej ntshiab Pob Zeb lub ntxa thov ntuj thiab hais peb zaj lus uas LN Pob Zeb tau hais rau HT Yes Xus:

    "Lord, you are the Christ, the son of the living God,"
    "Master, to whom shall we go? You have the words of eternal life,"
    and "Lord, you know everything; you know I love you."

    "Huab Tais, koj yog Leej Pleev, yog tus Tswv Ntuj muaj txoj sia Leej Tub,"
    "Tus Tswv, peb yuav mus caum leej twg? Koj yog tus muaj cov lus pub txoj sia nyob mus li,"
    "Huab Tais, koj paub tas ib puas tsav yam, koj yeej paub tias kuv nyiam koj."


    http://www.catholicnews.com/data/stories/cns/1301476.htm




    Hauv Paus Xas Lus Pob Zeb lub ntxa.



    Hauv Paus Xas Lus Pob Zeb lub ntxa nyob hauv qab lub Thaj Txiv Ntuj.

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Txiv Vaj Qhia Npes Nes Div XVI tso tes hauj lwm tseg.

    Post  Maiv Tooj on 9th April 2013, 8:40 am


    Tswv Qhia Los Mas muab lub tsev teev Ntuj ua nws tug.

    Hnub Chiv tim 07-04-2013, thaum ua thaj Mis Xas tsa nws ua Tswv Qhia lub nroog Los Mas, Vaj Qhia Francis txais lub tuam tsev teev Ntuj Saint-Jean-de-Latran ua nws tug.



    Thaum lub caij ua Thaj txi Ntuj, Txiv Vaj Qhia hais kaum zaus nkaus tias: "Tswv Ntuj tsis maj li peb"

    Thaum nws nthuav Ntawv Ntshiab, vaj qhia tseem qhia Ntuj Kev Cai ntxiv tas zog, rov hais dua ntxiv li thaum nyuam qhuav xaiv tau nws, hais txog tias Huab Tais Ntuj ua siab ntev tshaj plaws rau peb tej kev ua txhaum. Nws hais txog Hauv Paus Xa Lus Tos Mas tus neeg tsis ntseeg yooj yim. Vaj Qhia Francis tseem hais ntxiv tias "Yes Xus tsis lam muab nws tso pov tseg rau qhov nws tsis ntseeg, NWS tseem ua siab ntev ib lis piam ntxiv rau Tos Mas, NWS tsis kaw qhov rooj, NWS tos Tos Mas".

    Tib yam nkaus li nws rov hais txog Pob Zeb tsis lees Yes Xus peb zaug sib law, pom ntsoov tias "Tswv Ntuj tsis maj li peb, peb mas peb xav tau txhua yam thiab txawm xav tau tam sim ntawd, txawm yog neeg kiag los tib yam".
    Nws hais thiab rov hais dua kaum zaus nkaus txog los lus "ua siab ntev", vaj qhia xaus lus txog los lus uas nws xub hais thaum nws hawm Leej Ntuj Plig thawj zaug: Txoj kev Tswv Ntuj ua siab ntev mas yuav ua rau peb muaj zog rov los rau ntawm NWS, txawm yuav yuam kev npaum li cas, txawm yuav muaj txhaum npaum li cas hauv peb lub neej."

    Nws tseem hais ntxiv thaum nws sam hwm sawv daws ntawm qhov rai hais tias:

    "Txhob ntshai ua neeg ntseeg, txhob ntshai nyob li neeg ntseeg."




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Txiv Vaj Qhia Npes Nes Div XVI tso tes hauj lwm tseg.

    Post  Maiv Tooj on 7th August 2013, 9:47 pm

    VAJ QHIA FAAS NTSHIS KUS NTUAS COV LEEJ CHOJ
    Tus Tso Cov Lus No: Zoo Tswv Zov Yaj
    Tso Rau Hnub:Tuesday, 6 August 2013 07:31
    Kwv tij phooj ywg, Vaj Qhia Faas Ntshis Kus hais tias : “Kuv me ntsis ntxhov siab, vim kuv pom ib cov Txiv Plig thiab ib cov Leej Phauj muaj tej lub tsheb tshiab tshiab thiab zoo zoo caij.”

    Vaj Qhia Faas Ntshis Kus hais ntxiv tias : “Yog tias cov Txiv Plig thiab cov Leej Phauj xav yuav tej lub tsheb los siv caij ua hauj lwm tshaj Ntuj Lus, mas xav kom sawv daws txhob yuav hom uas zoo zoo heev thiab nyuam qhuav tawm tshiab kiag.”

    Lub neej ua Leej Choj thiab lub neej ua tub tshaj Ntuj Lus, mas yuav tau xyaum xaiv siv tej yam dog dig ua ntej, tsis yog xaiv siv hom uas zoo zoo heev thiab nyiam qhuav tawm tshiab kiag xwb. Vim tias lub neej ua Leej Choj thiab ua tub tshaj Ntuj Lus, tsis yog los ntawm kev uas yus muaj ib lub xov tooj zoo zoo. Tiam sis yog los ntawm kev uas yus txaus siab mloog Tswv Ntuj hu.

    Tsis tas li ntawd, kom cov Leej Choj thiab cov tub tshaj Ntuj Lus sawv daws yuav tau nco ntsoov tias : “Yus puas tau xyav yus niam thiab yus txiv lub moo ? Yog tias yus tsis tau xyav, mas kom yus txhob hais lus xaiv thiab xyav yus tej phooj ywg uas nyob nrog yus rau hauv tib lub Koom Haum moo, vim sawv daws puav leej yog ib cov kwv tij xwb.”

    Tsis tas li ntawd, Vaj Qhia Faas Ntshis Kus tseem hais rau cov Leej Tij thiab ib cov neeg uas tab tom kawm txuj ua tub tshaj Ntuj Lus 6,000 leej, uas yog tuaj ntawm 67 lub teb chaws, uas lawv mus koom sau siab hais txog LUB XYOO KEV NTSEG rau hauv lub nroog Los Mas, mas lub ntsiab lus uas Vaj Qhia hais rau lawv, yog li no :

    Vaj Qhia Faas Ntshis Kus hais tias : “Kev uas yus muab yus tus kheej cev rau Tswv Ntuj tib pliag xwb, mas yog ib yam uas tsis tshua zoo pes tsawg. Rau qhov lub caij no sawv daws pheej nyiam ua tej yam tib pliag ntshis xwb, ces muab tso tseg. Ua li mas thiaj yog ib yam ua rau yus txiav siab taug tib txog kev xwb nyuaj heev.”

    Li ntawd, Vaj Qhia thiaj xav kom cov Leej Tij txhua tus uas xav mus ua Leej Choj tas nws sim neej, yuav tsum xav kom zoo zoo thiab txhij txhua ua ntej. Yuav tau thov Huab Tais Yes Xus yam uas muaj lub siab kub lug tiag tiag thiab thaum uas yus txiav siab meej lawm, mas thiaj yog qhov uas Huab Tais Yes Xus hu yus mus raws nws. Yog thaum zoo li no lawm, mas yus yuav tau siv yus lub neej thiab txoj sia los tsob hwb Tswv Ntuj tiag tiag yam ruaj nreb khov kho mus li.

    Kev ua Tswv Ntuj cov Thwj Tim, yam li kev txiav siab mus ua Leej Choj thiab Leej Phauj, mas tsis yog lam xaiv taug. Qhov no, mas yog yus teb qhov uas Tswv Ntuj hu yus, vim Tswv Ntuj hlub yus, mas yus yuav tau ua zoo txiav siab kom meej.

    Rau qhov kev coj lub neej raws li ntiaj teb neeg xav, uas muab yus tus kheej cev rau Tswv Ntuj tib pliag xwb, mas tej no thiaj rov ua xwv txheej ntau yam los raug coob leej, vim lawv ua kev kub ntxhov rau lub Koom Txoos, ua kev kub ntxhov rau cov Leej Choj thiab rau cov Leej Phauj, uas yog Tswv Ntuj cov tub txib ntxhais txuas txhua leej.

    Kev uas cov neeg ntseeg muaj lub siab kaj lug, yog tshwm qhov twg los ?

    Kev uas cov neeg ntseeg Ntuj muaj kev kaj siab lug, tsis yog vim yus tau ib lub xov tooj tshiab tshiab thiab tsis yog vim yus tau ib lub tsheb tshiab raws li sawv daws xav.

    Cov me nyuam, yog tias nej tau ua Leej Choj lawm thiab nej cheem tsum xav tau ib lub tsheb los tsav leg Tswv Ntuj cov hauj lwm, mas xav kom nej xaiv hom qub me ntsis thiab hom tsheb me. Txhob mus yuav hom uas nyuam qhuav tawm kiag tshiab tshiab. Vim li cas kuv hais li no ?

    Kom sawv daws xav saib, muaj cov me nyuam yaus coob heev nyob puv ntiaj teb. Yog tias peb coj cov nyiaj no mus pab cov me nyuam yaus uas lawv txom txom nyem thiab yoos tshaib yoos nqhis, mas ntshe yuav zoo dua qhov uas peb siv nyiaj txiag ntau heev los yuav tej lub tsheb uas nyuam qhuav tawm tshiab.

    Li ntawd, kuv thiaj ntxhov siab rau cov Txiv Plig thiab cov Leej Phauj uas lawv yuav tej lub tsheb tshiab tshiab. Kuv tsuas xav kom lawv yuav tej lub tsheb tshiab tshiab rau thaum uas muaj kev cheem tsum xwb. Vim xav kom lawv caij tsheb kauj vab ib yam li tus Tswv Qhia Aas Fev Xuas Les, uas yog tus pab kuv sau ntaub ntawv.

    Vaj Qhia Faas Ntshis Kus tseem hais ntxiv tias : “Ntawm kuv ua txiv, mas kuv yeej ntxhov siab tiag tiag rau cov Txiv Plig uas yuav tej lub tsheb tshiab tshiab los caij rau ub rau no.”

    Tsheb, mas yeej yog ib yam uas sawv daws yuav tsum muaj. Tiam sis kom nrhiav tej lub tsheb uas dog dig xwb.

    Cov me nyuam, yog tias cov Txiv Plig thiab cov Leej Phauj muaj kev ntxhov siab heev heev, mas yog ib yam txawv lawm. Vim li cas kuv thiaj xav li no ?

    Yeeb vim tias tsis muaj kev ntxhov siab dab tsi nyob rau hauv cov neeg uas muab lub neej cev rau Tswv Ntuj lawm. Yus yog Tswv Ntuj ib cov Thwj Tim nyob rau hauv Huab Tais Yes Xus lub Koom Txoos, mas tsis txhob ua lub ntsej muag ntshaus ntshov, yus yuav tau ua lub siab kaj lug rau ib zeej tsoom pom.

    Cov tub thiab cov ntxhais uas nej tab tom kawm txuj ua Leej Choj thiab Leej Phauj, mas kom nej tsis txhob ntshai tias yus yog neeg muaj txhaum. Dhau ntawm qhov uas yus tsis ntshai tej no lawm, mas yuav tsum muaj peev xwm ua lub neej raws li txoj kev ntshiab huv thiab kom nej txaus siab rau txoj hauj lwm yav tom ntej uas nej yog ib zeej tsoom niam thiab txiv.

    Tsis tas li ntawd, kom nej yuav tsum xyaum ua hauj lwm nrog cov tub ntxhais hluas, cov Txiv Plig thiab cov Leej Phauj. Yus yuav tau mus ntsib lawv thiab nrog lawv ua hauj lwm, mas yus yuav tsum tau xav tias : “Yus yog ib tug piv txwv zoo.”

    Yog tias yus tau ua hauj lwm nrog cov tub ntxhais hluas, mas yus yuav tau coj tus piv txwv zoo tiag tiag raws li hauv Ntawv Moo Zoo, uas yus tau qhia rau lawv, kom cov tub ntxhais hluas ntawd muaj kev tso siab rau yus.

    Cov me nyuam uas zoo nyiam, kev ua Txiv Plig thiab ua Leej Phauj, mas muaj 4 yam tseem ceeb heev, uas nej sawv daws yuav tau muab siab rau nco ntsoov, yam li :

       Lub neej hauv tus ntsuj plig.
       Lub neej uas xyaum nrhiav kev paub txuj rau yus lub tswv yim.
       Lub neej ua tus coj saib xyuas cov neeg ntseeg.
       Lub neej uas nyob ua ke nrog lwm tus rau hauv tib lub Koom Haum.

    Li ntawd, mas nyob rau hauv 4 yam no, nqe 4 tseem ceeb heev, vim nej yuav tsum xyaum nrog luag tej ua kwv tij thiab ua phooj ywg nyob rau hauv tib lub Koom Haum.

    Qhov no, mas yog kev uas Tswv Ntuj hu nej ntag ! Tiam sis yog nej muaj kev tsis sib haum nrog luag tej nyob rau hauv tib lub Koom Haum, mas nej yuav ua tsis tau Tswv Ntuj cov Thwj Tim thiab Tswv Ntuj yuav tsis hu nej los ua ib cov tub ntxhais tshaj Ntuj Lus.

    Vaj Qhia Faas Ntshis Kus tseem hais ntxiv tias : “Kuv tu siab thiab xav tsis tag rau kev uas yav dhau los kuv tau ntxhi tuj taws hais lus xaiv rau cov tub tshaj Ntuj Lus uas nyob rau lwm lub Koom Haum. Vim tias nej hnub no, kev sib ntxhi tuj taws nyob rau hauv yus lub Koom Haum, mas sawv daws saib yog ib yam dog dig kawg nkaus.”

    Li ntawd, kuv thiaj rov nug kuv tus kheej tias : “Ua li yus puas tau ntxhi tuj taws hais lus xaiv tsis zoo txog yus niam yus txiv thiab yus tej kwv tij ?”

    Ua cas yus ho yuav ntxhi tuj taws hais lus xaiv thiab xyav yus cov phooj ywg moo rau luag tej thiab, uas sawv daws twb sib koom tshaj Ntuj Lus nyob ua ke rau hauv tib lub Koom Haum ?

    Cov me nyuam uas zoo nyiam, nej sawv daws yuav tau ncaim ntawm nej tus kheej tiag tiag, kom nej tau kev mus ntsib Huab Tais Yes Xus thiab ntsib ib zeej tsoom. Nej yuav thov Ntuj pub rau lawv, vim kuv xav kom Huab Tais Yes Xus lub Koom Txoov, mas yog ib lub Koom Txoos uas muaj cov neeg siab zoo thiab siab ntshiab los sib pab tshaj Ntuj cov Lus rau luag tej. Tsis yog ib lub Koom Txoos uas sawv daws nyob twj ywm ntsiag twb to tsis ua dab tsi kiag li.

    Li ntawd, kuv thiaj muab ib nqe lus rau nej sawv daws xav tswv yim, xws li no : “Cov me nyuam, nej yuav tsis txhob xyaum tej yam tsis zoo ntawm cov ua tij thiab cov laus, uas lawv tab yws tuj taws tas mus li, tiam sis tsis ua piv txwv zoo. Nej yuav tau saib ntiaj teb qhov zoo thiab muaj cuab kav tawm mus tshaj Ntuj Lus.”

    Tus piv txwv uas zoo rau nej xyaum, mas yog Leej Phauj Tes Les Xas uas nws nyob Kaas Kas Kaj, vim nws hlub thiab pab ib cov neeg coob coob uas lawv muaj mob. Qhov no, mas yog ib tug piv txwv zoo heev rau peb sawv daws xyaum kiag.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Txiv Vaj Qhia Npes Nes Div XVI tso tes hauj lwm tseg.

    Post  Maiv Tooj on 7th August 2013, 9:54 pm

    VAJ QHIA FAAS NTSHIS KUS NTUAS COV NEEG NTSEEG
    Tus Tso Cov Lus No: Zoo Tswv Zov Yaj
    Tso Rau Hnub:Tuesday, 6 August 2013 07:15


    Kwv tij phooj ywg, Vaj Qhia Faas Ntshis Kus tau ntuas cov neeg ntseeg Ntuj tias : “Kom cov neeg ntseeg tsis txhob lam ua hauj lwm xwb, vim tias yog ua li ntawd mas tsis zoo.”

    Tsis tas li ntawd, Vaj Qhia Faas Ntshis Kus tseem hais ntxiv tias : “Kev ua neeg ntseeg Ntuj, tsis yog tas rau qhov uas mus koom Thaj Txi Ntuj hnub chiv xwb. Tseem yuav cia Leej Ntuj Plig Ntshiab los pab txhim kho yus tus kheej kom hloov los ua dua ib tug neeg tshiab tiag tiag.”

    Rau qhov Huab Tais Yes Xus hais tias : “Tsis muaj leej twg yuav muab ib cov cawv txiv ntoo coj los hliv rau hauv ib lub hnab tawv qub.” Lo lus no yog txhais li cas ?

    Kwv tij, Vaj Qhia hais tias lo lus no, mas piv li yus tsuas nyiam siv cov lus hauv Ntawv Cog Qub xwb, tsis kam hloov dab tsi kiag li. Tiam sis Huab Tais Yes Xus tuaj txog, mas nws tau txhim kho kom cov lus hauv Ntawv Cog Qub Lus zoo dua qub tuaj.

    Li ntawd, Huab Tais Yes Xus thiaj tau qhia ib cov lus zoo zoo nyob rau hauv Ntawv Cog Lus Tshiab rau peb, yam li Tswv Ntuj xav kom peb sawv daws yuav tsum hlub peb cov yeeb ncuab thiab thov Ntuj pub rau cov neeg uas lawv ua phem rau peb. Qhov no, mas yog Tswv Ntuj cov lus hauv Ntawv Cog Lus Tshiab thiab yog Huab Tais Tswv Ntuj lub Ceeb Tsheej uas Yes Xus muab nthuav qhia rau ntiaj teb neeg.

    Yog vim li no, ces qee leej thiaj xav tias : “Peb twb yog ib cov neeg ntseeg uas zoo thiab peb twb mus teev Ntuj txhua txhia hnub chiv lawm. Tsis tas li ntawd, peb kuj xav tias peb twb ua ntau yam hauj lwm mus txog tav su, mas peb thooj li yog ib cov neeg ntseeg uas tsim kev zoo tseg lawm.”

    Tiam sis kom peb nco ntsoov tias : “Kev ua neeg ntseeg Ntuj, tsis yog coj yam ub yam no los sib txuas ua ke xwb. Lub neej ua neeg ntseeg Ntuj, mas sawv daws yuav tau sib koom siab los ua txhua yam hauj lwm ua ke. Huab Tais Yes Xus, yog tus yuav txhim kho peb sawv daws tej siab ntsws thiab pab peb lub neej, ces nws thiaj tau ua kom peb lub neej hloov los taug txoj kev ua neeg zoo.”

    Li ntawd, cov neeg ntseeg Ntuj yuav tsis txhob coj lub neej dog dig, vim yuav ua rau sawv daws yog neeg tsis tau hauj lwm. Cov neeg ntseeg Ntuj, yuav tsum xyaum ua neeg zoo txhua txhia lub sij hawm.

    Kev ua neeg ntseeg Ntuj, tsis yog tag rau kev niaj hnub mus teev Ntuj thiab ua yam ub yam no xwb. Kev ua neeg ntseeg Ntuj, mas yus yuav tau cia Leej Ntuj Plig Ntshiab los txhim kho yus tus kheej, kom yus txia ua ib cov cawv txiv ntoo tshiab, uas ib zeej tsoom sawv daws xav tau thiab xav haus.

    Li ntawd, nyob rau hauv lub neej ua neeg ntseeg Ntuj, los yog lub neej nyob rau hauv Huab Tais Yes Xus lub Koom Txoos, mas thiaj muaj ib cov neeg uas tseem siv cov cai qub qub coob heev, ces thiaj ua rau ntau txoj kab xwm tshuav vau.

    Yog vim li ntawd, thiaj yog ib yam cheem tsum kawg nkaus uas sawv daws yuav tau los sib pab txhim kho cov cai qub no kom zoo zuj zus tuaj, ces thiaj ua rau lub Koom Txoos Kav Tos Liv muab siab rau txhim kho tas mus li.

    Vaj Qhia Faas Ntshis Kus tseem hais ntxiv tias : “Nyob rau hauv Ntawv Moo Zoo, sawv daws puas nco tau tias muaj kev sib tawm tsam tswv yim txog cov neeg ntseeg, uas puas yuav teev Ntuj raws nraim li haiv neeg His Xas Lais ?” Sawv daws yeej paub lawm tias yuav tsis yog li ntawd.

    Ua li mas kev ua neeg ntseeg Ntuj, kev taug qhov yog thiab kev uas tau mus nyob rau hauv Tswv Ntuj lub Ceeb Tsheej, mas txhais tias : “Yus yuav tsum txais lub Cim Ntxuav ua ntej, ces tom qab ntawd yus yuav cia Leej Ntuj Plig Ntshiab ua tus coj kev thiab pab txhim kho yus lub neej mus ib sim.”

    Yog vim li ntawd, mas thov kom sawv daws txhob ntshai tej yam tshiab tshiab nyob hauv Ntawv Moo Zoo thiab txhob ntshai tej yam tshiab tshiab uas Leej Ntuj Plig tshoj thiab ua nyob rau hauv yus tus kheej.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Txiv Vaj Qhia Npes Nes Div XVI tso tes hauj lwm tseg.

    Post  Maiv Tooj on 7th August 2013, 10:02 pm

    VAJ QHIA FAAS NTSHIS KUS COV LUS
    Tus Tso Cov Lus No: Zoo Tswv Zov Yaj
    Tso Rau Hnub:Monday, 5 August 2013 01:47


    Kwv tij phooj ywg.

    Vaj Qhia Faas Ntshis Kus tau hais 5 nqe lus uas zoo heev rau peb sawv daws xav tswv yim xws li no :

    Ib : Vaj Qhia hais tias kev ua txoj hais lus zoo zoo rau luag tej, tab sis yus muaj ib lub siab xav phem heev rau luag, mas tus neeg ntawd yog ib tug neeg uas tsis ncaj ncees.

    Vim Huab Tais Yes Xus twb qhia rau nws cov Thwj Tim tag zog tias : “Hais kom tseeb tseeb rau luag kiag xwb, yam li tau, mas yog tau. Hos tsis tau, mas kuj yog tsis tau.”

    Li ntawd, kev ua txoj hais lus zoo zoo rau luag, tab sis lub siab xav phem lwm yam, mas tsis yog ib yam tseeb tiag. Vim kev tseeb tiag, yuav tsis yog hais tawm hauv lub ncauj los xwb. Qhov tseeb tiag, yuav tsum yog hais tawm los thiab nrog rau txoj kev uas yus hlub luag tiag tiag.

    Ua li mas kom sawv daws nco ntsoov tias : “Yam uas Huab Tais Yes Xus xav kom peb txhua leej txhia tus yuav tsum muaj, mas yog kev xyaum coj tus cwj pwm ua neeg me thiab hwm luag. Qhov no, mas yog kom peb ua ib yam li cov me nyuam yaus. Rau qhov tias cov me nyuam yaus, mas lawv tsis txawj ua txoj hais lus zoo zoo, lawv tsuas yog ua tej yam tiag tiag tawm hauv lub siab los xwb.”

    Ob : Cov neeg ntseeg uas xav nrov thiab xav nto koob meej, mas lawv xav yuam kev kawg kiag.

    Kwv tij, Vaj Qhia Faas Ntshis Kus hais tias : “Kuv xav qhia rau cov neeg ntseeg uas xav nrov thiab xav nto koob meej tshaj lwm tus, mas kom tus neeg ntseeg ntawd paub tias nws tab tom xav yuam kev lawm.”

    Vim Huab Tais Yes Xus hais qhia tias : “Cov nyob hauv nej, yog leej twg xav ua tus loj tshaj nyob rau hauv nej pab kwv tij. Tab sis nws lub siab ho xav phem rau nws cov kwv tij, mas txhais tias tus neeg ntawd lub siab muaj teeb meem me ntsis lawm. Li ntawd, tus twg xav ua tus loj tiag tiag, mas nws yuav tsum tau pauv ntxeev tus kheej thiab tig los hloov dua siab tshiab ua qhov zoo rau luag.”

    Huab Tais Yes Xus tseem qhia ntxiv tias : “Txhob muab luag tej qhov yuam kev coj los hais, txhob xev tswv yim hiam luag thiab txhob saib tsis taus luag tej.”

    Yog tias yus tsis muaj peev xwm kaw tau yus lub qhov ncauj uas hais lus xaiv lus ncua tas mus li, mas yuav ua rau yus yog ib tug neeg tawv tsaig heev thiab lub siab ceev ceev, ces yus yuav zoo li Kas Ees uas ua phem rau As Npes.

    Yog vim li ntawd, mas kom yus yuav tau nco ntsoov tias : “Tsis yog yus yog neeg tsis zoo, tiam sis vim yus yog neeg muaj txhaum loj thiab coj tus cwj pwm dog dig dhau lawm, ces thiaj ua rau yus saib tsis taus luag tej thiab iab liam luag heev heev kom teeb meem daws mus sai sai xwb. Tiam sis qhov kawg, cov teeb meem ntawd kuj tseem tsis tas thiab yus nrhiav chaw tawm zoo zoo tsis tau.”

    Peb : Txhob ua txoj tias yus tsis yog neeg muaj txhaum.

    Kwv tij, Vaj Qhia Faas Ntshis Kus hais rau cov Txiv Plig thiab rau peb tias : “Kev uas yus txawj lees tias, yus yog neeg muaj txhaum, mas yog ib cov Leej Choj uas ua piv txwv zoo thiab kuj yog ib cov neeg zoo. Ua li mas yog leej twg txawj lees tias tus kheej muaj txhaum, nws tig los hloov dua siab tshiab ua neeg zoo, mas tus neeg ntawd coj tus cwj pwm ua neeg me lawm, ces yuav ua piv txwv zoo tau rau cov neeg ntseeg pom thiab lawv tuav nkaus tau.”

    Li ntawd, kom sawv daws nco ntsoov tias : “Txhob ua txoj yog neeg zoo yam tsis muaj txhaum. Vim tias kev ua li ntawd, mas yuav ua rauNtxwjNyoog nkag los nyob tau rau hauv yus tus kheej.”

    Plaub : Lub neej ua neeg ntseeg Ntuj, mas tsis yog ua kom yus xis nyob ib yam li mus pw rau lawv zuaj.

    Kwv tij, Vaj Qhia Faas Ntshis Kus hais tias : “Kev ua neeg ntseeg Ntuj, mas tsis tau ua kom yus lub neej muaj kev zoo thiab sov siab nyob rau hauv lub ntiaj teb no.”

    Rau qhov tias lub neej ua neeg ntseeg, mas yog kom yus pab tawm mus tshaj tias : “Huab Tais Yes Xus tau nqes los ua neeg lawm, kom tib neeg rov sib raug zoo nrog Huab Tais Leej Txiv.”

    Tsib : Kom peb thov Ntuj rau peb tus yeeb ncuab, tsis txhob cia lub luag hauj lwm no rau cov Leej Phauj xwb.

    Kwv tij phooj ywg, Vaj Qhia Faas Ntshis Kus nug peb sawv daws tias :

    “Peb yuav nyiam peb tus yeeb ncuab tau li cas ? Peb yuav nyiam cov neeg uas tsim txom thiab tua neeg tau li cas ? Rau qhov nws yog ib yam ua nyuaj heev, uas yus yuav tsum los nyiam yus tus yeeb ncuab. Tiam sis qhov no, mas yog ib yam uas Tswv Ntuj tau thov kom peb ua li ntawd rau peb cov yeeb ncuab tiag tiag.”

    Yog vim li no, mas muaj ntau zaus thiaj ua rau peb xav tias : “Huab Tais Yes Xus thov yus ntau dhau lawm pob ?”

    Li ntawd, ntau zaus peb thiaj muab lub luag hauj lwm zam thiab nyiam peb cov yeeb ncuab thawb mus rau cov Leej Phauj Zais Ntshis ua tus leg cov hauj lwm no. Vim cov Leej Phauj Zais Ntshis, mas yog ib cov neeg uas muaj lub siab zoo thiab hwm Ntuj heev. Tiam sis Huab Tais Yes Xus hais tias : “Peb tsis txhob ua li ntawd, vim tias yog peb ua li ntawd, mas peb yuav thooj li cov neeg sau se xwb, tsis yog neeg ntseeg Ntuj.”

    Yog vim li no, ces Vaj Qhia Faas Ntshis Kus thiaj kom peb nco ntsoov tias : “Kev pauj kua zaub ntsuab rau luag, mas tsis yog tus yam ntxwv ntawm cov neeg ntseeg Ntuj. Rau qhov cov neeg ntseeg Ntuj, mas tsuas yog ib cov neeg uas thov Ntuj pub rau cov yeeb ncuab thiab cov neeg uas tsim txom saib tsis taus yus xwb. Cov neeg ntseeg Ntuj, yuav tau xyaum coj lub neej thov kom Tswv Ntuj hloov cov neeg phem lawv lub siab uas tawv li zeb, kom rov los yog nqaij.

    Ua li mas kom peb rov nug peb tus kheej tias : “Peb puas tau thov Ntuj pub rau peb cov yeeb ncuab ? Thiab peb puas tau thov Ntuj pub rau cov neeg uas tsis nyiam peb ?”

    Yog peb teb tias : “Peb yeej tau thov Ntuj pub rau peb cov yeeb ncuab lawm, mas Vaj Qhia Faas Ntshis Kus hais tias zoo heev, kom peb yeej meem thov Ntuj pub rau lawv ntxiv mus kom ntau ntau, vim peb ua yog lawm.”

    Tiam sis yog peb teb tias : “Peb tseem tsis tau thov Ntuj pub rau peb cov yeeb ncuab”, mas Vaj Qhia Faas Ntshis Kus xav hais rau peb sawv daws tias : “Yog peb ua li no, mas peb tab tom ua kom peb yog lawv cov yeeb ncuab xwb, ces peb lub neej yuav nyob tsis thaj yeeb.”



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5351
    Date d'inscription : 2009-08-18

    Re: Txiv Vaj Qhia Npes Nes Div XVI tso tes hauj lwm tseg.

    Post  Maiv Tooj on 7th August 2013, 10:13 pm




    VAJ QHIA NTUAS COV TUB NTXHAIS HLUAS

    Tus Tso Cov Lus No: Zoo Tswv Zov Yaj
    Tso Rau Hnub:Tuesday, 6 August 2013 08:25


    Huab Tais Yes Xus tsis tau nug tias : “Peb sawv daws puas tau xyeej mus tshaj Ntuj Lus”, mas yog li no :

    Kwv tij phooj ywg, hnub tim 28 lub 7 hli xyoo 2013 no, Vaj Qhia Faas Ntshis Kus tau hais ib cov lus rau tsoom tub ntxhais hluas uas nyob thoob ntiaj teb mus sau siab rau hauv teb chaws Nplas Xis tias : “Huab Tais Yes Xus tsis tau nug sawv daws tias puas muaj sij hawm xyeej mus pab nws tshaj Tswv Ntuj lub Moo Zoo.” Tiam sis Huab Tais Yes Xus qhia meej kawg tias : “Nej mus qhia rau tas ntiaj teb neeg, kom lawv los ua kuv cov Thwj Tim.”

    Tsis tas li ntawd, Huab Tais Yes Xus tseem hais ntxiv tias : “Thaum nej mus tshaj txog kuv lub npe, mas kuv yuav nrog nej thiab coj nej txoj hauv kev.”

    Yog vim li ntawd, mas kuj hais rau cov Leej Choj tias : “Nej yuav tsum koom siab nrog cov tub ntxhais hluas lub caij thaum lawv tawm mus tshajTswvNtuj lub Moo Zoo.”

    Kwv tij, Vaj Qhia Faas Ntshis Kus ua ibThajTxi Ntuj xaus lub rooj sau siab ntawm cov tub ntxhais hluas uas nyob tas ntiaj teb mus sib ntsib zaum no, mas yog zaum 28 lawm. Kev sau siab zaum no, yog lawv sawv daws mus sib ntsib nyob rau ntawm ntug suab puam KhusPas Khas Npas Naj, uas nyob hauv lub nroog Lis Dos Daws Caws Nes Los, Nplas Xis teb.

    Tas nrho cov tub ntxhais hluas uas mus sib sau zaum no, mas yog muaj 3 plhom thiab 500 txhiab leej. Cov Tswv Qhia uas mus koom zaum no kuj muaj li ntawm 1,500 leej. Hos cov Leej Choj uas mus koomThajTxi Ntuj, mas kuj coob txog ntawm 12,000 leej.

    Nyob rau hauv lub txoos teev Ntuj no, mas Vaj Qhia Faas Ntshis Kus tau hais rau cov tub ntxhais hluas tias : “Lo lus uas Huab Tais Yes Xus hais rau nws cov Thwj Tim tias, kom lawv mus qhia txhua txhua haiv neeg los raws Yes Xus thiab ua Yes Xus cov Thwj Tim, mas lo lus no kuj yog qhia rau peb sawv daws txhua txhia leej tib si.”

    Yog ib yam zoo heev, uas tau muaj lub rooj sau siab ntawm cov tub ntxhais hluas uas nyob thoob ntiaj teb. Sawv daws tau ua lub neej raws li txoj kev ntseeg Ntuj, mas cov me nyuam, nej yuav tsum tawm mus sib pab tshajTswvNtuj lub Moo Zoo thiab yuav tsum muab txoj hauj lwm no cev rau lwm tus. Rau qhov Huab Tais Yes Xus tab tom hu nej sawv daws los ua nws cov Thwj Tim, vim txoj hauj lwm no.

    Li ntawd, hnub no kuv vam txog qhov pom kev ntawmTswvNtuj cov lus uas nrov tuaj txog peb, mas kuv muab coj los xaus ua 3 yam xws li no :

       Kom peb tawm mus tshajTswvNtuj lub Moo Zoo.
       Kom peb txhob ntshai tshajTswvNtuj lub Moo Zoo.
       Peb yuav tsum yeem ua tub tshaj Ntuj Lus.

    Hais txog nqe 1 : Kom peb tawm mus tshaj Tswv Ntuj lub Moo Zoo.

    Hais txog lo lus no, mas ob peb hnub yav dhau los uas nej tuaj nyob hauv lub nroog Lis Os, Nplas Xis teb no, mas cov me nyuam nej puas tau ntsib ib yam xwm loj loj uas yog nej tau pom Huab Tais Yes Xus ?

    Yog tias nej tau pom tej yam li ntawd nyob rau hauv nej lub siab, mas nej yuav tsis txhob cia tej yam ntawd nyob twj ywm rau hauv nej tus kheej, txhob cia nyob twj ywm rau hauv nej tej tsev teev Ntuj, los yog txhob cia tej ntawd nyob twj ywm rau hauv cov neeg uas nrog yus xwb.

    Txoj kev ntseeg Ntuj no, yuav thooj li ib cov nplaim taws, uas nws yuav kub zuj zus tuaj, ces nej yuav tau tawm coj mus faib thiab muab cev rau lwm tus yam tsis muaj kawg.

    Li ntawd, kom sawv daws nco zoo zoo tias : “Huab Tais Yes Xus tsis tau nug nws cov Thwj Tim tias saib sawv daws puas xav, los yog puas muaj sij hawm txaus mus pab tshajTswvNtuj lub Moo Zoo.” Tiam sis Huab Tais Yes Xus tau hais meej kawg rau nws cov Thwj Tim tias : “Kom lawv mus pab qhia rau txhua txhia haiv neeg, kom sawv daws los raws Yes Xus thiab ua nws Thwj Tim.”

    Ua li mas kev faib txoj kev ntseeg, kev ua tim khawv txog txoj kev ntseeg thiab kev tshajTswvNtuj lub Moo Zoo, mas xav tias yog Huab Tais Yes Xus txib, vimTswvNtuj tso siab thiab muab txoj hauj lwm no cev rau peb sawv daws ua.

    Yog vim li no, mas kev uas Huab Tais Yes Xus txib peb sawv daws, tsis yog hais kom peb siv Ntuj lub hwj chim mus caij tsuj lwm tus, los yog mus looj koov lwm tus. Tiam sis kev uas Yes Xus txib peb, vim yog nws muaj txoj kev hlub thiab qhov tseeb uas Yes Xus nqes los ua neeg, nws xav cawm ntiaj teb neeg kom dim  ntawm kev ua txhaum, ces Huab Tais Yes Xus thiaj siv nws txoj sia los theej sawv daws lub txhoj.

    Qhov no, mas yog qhov uas Huab Tais Yes Xus xav qhiaTswvNtuj txoj kev hlub thiab hmov tshua ntiaj teb neeg rau peb sawv daws paub.

    Li ntawd, Huab Tais Yes Xus thiaj tsis muab peb sawv daws hu tias yog nws ib cov qhev. Yes Xus tso kev dav ywj siab rau peb, yam li Huab Tais Yes Xus tsuas hais tias nws yog ntiaj teb neeg tus tij laug thiab sawv daws yog nws cov kwv.

    Tsis tas li ntawd, Huab Tais Yes Xus tsis yog xa peb mus tshajTswvNtuj lub Moo Zoo ib leeg xwb, nws tau nrog peb ua ke nraim thiab nrog peb sawv daws ua Ntuj txoj hauj lwm hlub luag tej.

    Vim li cas Huab Tais Yes Xus ho xa peb mus tshaj Ntuj Lus ? Vim tias Yes Xus muaj txoj kev hlub neeg tiag tiag ib yam li Tswv Ntuj. Li ntawd, txoj kev uas peb sawv daws mus tshaj Ntuj Lus no, mas yuav tsis muaj nrim thiab tsis muaj ciam. Rau qhov Huab Tais Yes Xus xa peb mus nrhiav txhua txhia haiv neeg thiab txhua txhia leej uas nyob thoob qab ntuj.

    Yog vim li no,NtawvMoo Zoo thiaj yog sau tawm los rau sawv daws siv, tsis yog sau los pub rau ib tug twg paub xwb.NtawvMoo Zoo kuj tsis yog sau los rau cov neeg uas nyob ze yus thiab xwb. Tiam sis yog sau los rau cov neeg uas xav tos txaisTswvNtuj los nyob rau hauv lawv lub neej.

    Li ntawd, Tswv Ntuj phauNtawvMoo Zoo thiaj yog sau los rau sawv daws nyeem thiab kom sawv daws xav tswv yim txog Tswv Ntuj cov lus uas qhuab qhia ntiaj teb neeg ua neej. Ua li mas thov kom sawv daws txhob ntshai mus tshaj Ntuj Lus thiab pab coj Huab Tais Yes Xus mus nyob rau hauv txhua txhia yim thiab txhua tus lub neej.

    LeejNtshiab Paj Lug tau hais tseg tias : “Thov kom kuv tau txoj hmoov phem, yog tias kuv tsis tshajTswvNtuj lub Moo Zoo.”

    Yog vim li ntawd, mas txoj hauj lwm no thov muab cev rau nej cov uas yog me tub me nyuam. Vim lubKoomTxoos xav tau ib cov tub ntxhais hluas uas muaj lub siab kub lug li nej los pab tshajTswvNtuj lub Moo Zoo thiab xav tau nej tej tswv yim uas zoo zoo thiab tshiab tshiab nrog rau nej tus cwj pwm uas luag ntxhwb ntxhi no los pab tshaj Ntuj Lus nyob rau hauv Yes Xus lub Koom Txoos.

    Hais txog nqe 2 : Kom peb txhob ntshai tshaj Tswv Ntuj lub Moo Zoo.

    Nqe lus no, mas tej zaus ib txhia yuav xav tias : “Oj..TswvNtuj, kuv twb tsis paub yuav hais thiab tshaj lub Moo Zoo li cas, vim kuv tseem yog ib tug tub ntxhais hluas xwb.”

    Hais txog qhov uas nej qee leej xav li no, masTswvNtuj twb tau teb lawm, yam liTswvNtuj teb rau tus Yaj Saub Yes Les Mias tias : “Txhob ntshai, kuv yuav nrog koj nyob thiab pab koj.”

    Li ntawd, mas thaum nej tshaj txog TswvNtuj lub npe, nej txhob ntshai. Vim Huab Tais TswvNtuj nrog nraim peb sawv daws nyob. TswvNtuj yog tus coj peb txoj hau kev thiab nrog peb ua ke nraim ntawm ib sab. Thaum Huab Tais Yes Xus xa nws cov Thwj Tim mus ua Ntuj txoj hauj lwm, mas Huab Tais Yes Xus tau cog lus rau cov Thwj Tim tias : “Kuv yuav nrog nej nyob mus li.”

    Qhov no, mas yog yam uas muaj tseeb tiag. Vim Huab Tais Yes Xus tsis tau tso peb nyob ib leeg thiab tso peb pov tseg kiag li. Huab Tais yeej nrog nraim peb nyob mus li tiag tiag.

    Tsis tas li ntawd, Huab Tais Yes Xus kuj tsis tau hais tias : “Kom nws cov Thwj Tim ib tug twg mus tshajTswvNtuj lub Moo Zoo xwb. Tab sis Yes Xus hais kom nws cov Thwj Tim sawv daws mus sib pab tshaj lub Moo Zoo rau zeej tsoom, ces cov Thwj Tim sawv daws thiaj tawm mus ua txoj hauj lwm no.

    Kwv tij phooj ywg, Vaj Qhia Faas Ntshis Kus tseem hais ntxiv rau cov tub ntxhais hluas tias : “Cov tub ntxhais hluas uas zoo nyiam, thaum nej ntsib txoj kev sim siab thiab txoj kev txom nyem, mas tej kev nyuaj ntawd yuav ua rau nej tawv thiab khov tuaj. Peb twb tshawb pom tias nyob rau hauv nej sawv daws, mas yeej muaj ib yam zoo zoo li ntawd, tiam sis nej tsis paub.”

    Yog vim li no, Huab Tais Yes Xus thiaj tsis hu ib tug twg los ua nws Thwj Tim xwb. Yes Xus tau hu coob coob leej los sib koom ua ke thiab tsa ua tej pab sawv los sib tuav tes ua tsheej pawg tshaj Tswv Ntuj lub Moo Zoo.

    Li ntawd, mas Txiv xav hais rau cov Leej Choj uas tau tuaj koom ThajTxi Ntuj hnub no tias : “Nej sawv daws yuav tsum nrog nraim cov tub ntxhais hluas no thiab sib koom faib txoj kev uas nej ntseeg rau lawv.”

    Hais txog nqe 3 : Kom peb yuav tsum yeem ua tub tshaj Ntuj Lus.

    Nqe lus no, mas nyob rau hauv Huab Tais Yes Xus lub neej, nws tau siv nws txoj sia los pab ib zeej tsoom lawm.

    Li ntawd, kev mus tshajTswvNtuj lub Moo Zoo rau luag tej, mas yog hais txog kev uas yus yuav tsum mus ua tim khawv txog yus tus kheej uas muaj txoj kev hlub zoo liTswvNtuj rau luag tej pom. Thiab qhov no kuj yog ib yam ua kom yeej yus txoj kev uas tsuas xav txog yus tus kheej xwb, tsis xav txog lwm tus kiag li. Vim Huab Tais Yes Xus qhia kom nws cov Thwj Tij yuav tsum nyo taub hau rau thiab mus ntxuav tej kwv tij phooj ywg cov taw.

    Yog vim li ntawd, mas peb sawv daws yuav tau xyaum ua lub neej raws li 3 nqe lus no, yam li :

       Kom peb tawm mus tshaj Tswv Ntuj lub Moo Zoo.
       Kom peb txhob ntshai tshaj Tswv Ntuj lub Moo Zoo.
       Kom peb yuav tsum yeem ua tub tshaj Ntuj Lus.

    Ua li mas cov tub ntxhais hluas uas zoo nyiam, thaum nej rov mus txog tsev lawm, nej txhob ntshai ua tim khawv txogTswvNtuj lub Moo Zoo nawb mog. Vim tias Huab Tais Yes Xus tso siab rau nej sawv daws. Hos ntawm kuv, uas yog Vaj Qhia kiag, los kuj tso siab rau nej cov me nyuam ib yam nkaus.

    Li ntawd, thov kom niam Mab Liab uas yog Huab Tais Yes Xus niam thiab yog peb sawv daws niam, nrog nraim nej nyob yam mos nyoos.

    Tsis tas li ntawd, thov kom nej cov me nyuam sawv daws mus pab tshajTswvNtuj lub Moo Zoo thiab pab coj txhua txhia haiv neeg los raws Yes Xus thiab ua Yes Xus Thwj Tim. Ua li !

    Kwv tij phooj ywg, tom qab uas Vaj Qhia Faas Ntshis Kus hais cov lus no tag rau cov tub ntxhais hluas lawm, mas Vaj Qhia kuj tau tshaj rau sawv daws tias : “Kev sau siab ntawm cov tub ntxhais hluas thoob ntiaj teb zaum txuas ntxiv, mas yog xyoo 2016, uas yuav tsa nyob rau lub nroog Qhas Qhus, teb chaws Pos Kas.”




    Sponsored content

    Re: Txiv Vaj Qhia Npes Nes Div XVI tso tes hauj lwm tseg.

    Post  Sponsored content


      Current date/time is 23rd October 2017, 8:39 pm