Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Thov Leej Ntshiab YOS XES
by Maiv Tooj Today at 10:36 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 2:09 pm

» COV ZAJ NYEEM NRUAB LIS PIAM XYOO II, 2015-2016
by Mim Yesterday at 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

» COV ZAJ NYEEM HNUB CHIV XYOO C 2015-2016
by NrhiavTswvNtuj 19th November 2016, 4:57 am

Suav neeg tuaj saib, txij hnub 17/09/2010 los mus.


    Yuav ua li cas thiaj zam tau txim

    Share

    Mas Lias
    Tuaj Tshiab
    Tuaj Tshiab

    Messages : 70
    Date d'inscription : 2012-03-09

    Yuav ua li cas thiaj zam tau txim

    Post  Mas Lias on 27th January 2013, 4:50 am



    Yuav ua li cas thiaj li zam tau lub txim.



    MasTais Ntawv Moo Zoo 18, 21, 22


    Zam txhaum rau laug,

    Huab Tais YesXus hais rau PobZeb tais tsis yog zam ib zaug xwb, tab sis yauv zam xya caum zaus xya.


    Thaum yus tau ua txhaum rau luag, yus yuav rov mus thov txhaum, mas yooj yim dua. Tab sis yog luag ho ua txhaum, los ua phem rau yus, mas tsis yooj yim zam lub txim rau luag kiag li.

    Tsis hais lub txim me me, los lub txim txhaum loj tshaj plaws, mus txog qhov tug kiag.
    Yam li luag pom yus xwb luag twb tsis nyiam yus lawm, los puas raug luag thuam, cem, ntxub, hiam, ntaus los tuas.
    Tej yam zoo li no, tsis txhob ua hmoob tus yeeb yam uas hmoob ib txwm coj los. Ua tau tus piv txwv qhia rau cov xeeb zeej xeeb txwv kawm tseeg.
    Yam li thaum luag ua phem rau yus, es lub ncauj hais tias zam, tiam tsis lub siab mas tsuas foom tas zog kom khaum, thiab kom ntuj rau txim rau tus neeg ntawd.
    Lub ncauj kuj hais tas zog tais zam txim rau lawm; nyob hauv lub siab yeej zam tsis tau li.

    Thaum zoo li no lawm yuav ua li cas thiaj li yuav zam tau?

    Peb tsuas yog neeg xwb, peb tsis yog ntuj, mas nyuaj rau peb kawg nkaus.
    Yuav kom peb ua tau, zam tau.
    Peb txhob xav yam phem rau nws li, txhob foom nws li, tsuas thov ntuj rau nws,
    thiab thov kom tswv ntuj zam txim rau nws xwb. Thov ntuj tas los rov thov dua, thov ntuj mus kom yus lub nqig kiag, es yus yeej tsis nco yam phem uas nws ua rau yus dhau los. Thaum ntawd, yus thiaj zam tau lub txim rau tus neeg uas tau ua phem rau yus. Yog thov ntuj npaum li cas los lub siab tsis kaj li, ces yuav tau mus daws txhaum, thiab ua siab ntev thov ntuj mus li.

    Zoo li yog tej lub txim txhaum loj loj, es yus tau thov ntuj pab yus zam txim rau tus neeg ntawd, yus yuav pom thiab to taub lub ntsiab lus, uas HuabTais YesXus tau hais tais Txiv Thov Koj Zam txim Rau Lawv Vim Lawv Tsis Paub Qhov Lawv Ua.

    Cov lus kuv tau hais los no, yog leej twg tau ua dua los lawm, nws yeej tau txais TswvNtuj lub txiaj ntsim lawm ; hos yog leej twg tseem tsis tau paub txog,
    hos coj cov lus mus kawm. Xyaum zam txim rau nws tus yeeb ncuab, thiab nws yuav tau thov ntuj rov rau nws thiab nws tus yeeb ncuab.



    Ua SD tsaug, thiab thov zam txim rau kuv yog hais tais kuv hais tsis yog los puas tsis haum SD siab.


    MasLias




    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Yuav ua li cas thiaj zam tau txim

    Post  Ntxhuav Mom Xyooj on 27th January 2013, 5:02 pm

    Nyob zoo os Mas Lias

    koj hais tias yuav ua li cas es thiaj li zam tau txim. Qhov ntawd,yog ib qho nyuaj kawg nkaus nyob rau tiam tam sim no. Ntxwg nyoog ua hauj lwm heev tshaj dua yav tag los. Neeg yim ntse,ntxwg nyoog yim siv zog ua hauj lwm kom neeg txhob muaj kev sib nyiam sib hlub,tsuas muaj kev sib ntxub,kev lus xaiv,kev hiam, kev thuam ib tug dhau ib tug xyav luag moo kom neeg lub siab puas tsuaj muaj kev ntsawv siab tas mus li, qhov me mus ti nkaus rau qhov loj,tej neeg txheb ze los cia li muaj kev
    sib cais pab cais pawg,koj ntxub kuv,kuv ntxub koj,ib tug tsis tuaj xauj ib tug li lawm, tu ncua txoj kev sib nyiam sib hlub lawm.

    Txawm li cas los xij, yog peb yog ib tug ntseeg Yesxus tseeb puag hauv
    peb lub siab tuaj tiag tiag, tej ntawd,peb txhob poob siab hlo kiag li.
    Tej kev phem ntawd,yeej tshwm sim raws li Yesxus twb tau qhia peb puag
    nram ntej nram ntxov lawm. Yog luag xyav yus lub moo tsis zoo,yus yuav
    tau nyob tus yees,txhob khib kiag li, ces tsis ntev yuav ploj mus zuj zus, ces qhov kev phem ntawd,yuav hais tias tus neeg ntawd tsis yooj yim ntxias kiag li.

    Twb yog vim muaj tej kev phem kev sib ntxub,kev tsis sib zam txim li.
    Yesxus uas yog tus yuav txhiv peb kom hla dhau lub pas leej faj mus rau
    ntuj ceeb tsheej nws thiaj li hais ib sob lus qhia rau peb tias. Tus tuaj cuag kuv, nws mloog kuv tej lus thiab ua raws li kuv qhia, nws zoo
    xws li ib tug neeg txhim tsev uas khawb av kom tob,mam li puab taw ntsa rau. Thaum dej sab siv huam tuaj, dej dag nphau nphwv tuaj ntsawj
    lub tsev,tab sis ua tsis tau kom lub tsev vau thiab ua zog. Vim lub tsev ntawd txhim tau ruaj khov kho. Hos tus mloog kuv cov lus,tab sis nws tsis ua raws, nws zoo xws li tus neeg txhim tsev rau saum npoo av.
    Nws tsis cog taw ntsa tob. Thaum dej sab siv tuaj ntsawj lub tsev,lub tsev vau tam sis ntawd, ces lub tsev raug xwv txheej loj. Yesxus sob lus no,nws xav qhia peb hais tias yog thaum peb ntsib tej kev phem, kev
    tsis sib zam,kev ntxub ntxaug tuaj nphav txog yus mas yus yuav tau nyob
    tus yees,txhob khib txog ib qho kiag li, ces yus yuav tau nyob ruaj nreb hauv txoj kev ntseeg txog Yesxus mus li. Yesxus tseem hais ib sob
    lus ntxiv tias: Thaum luag thuam nej,hiam rau nej thiab liam ntau yam
    phem rau nej vim kuv mas nej txoj hmoov zoo. Nej yuav zoo siab hom khaj
    mog, vim nej yuav tau txais koob haum loj nyob saum ntuj. Cov yaj saub ua nej ntej lawv kuj raug luag hiam li ntawd thiab.

    Txoj kev sib zam txim hauv peb tsoom neeg,nws zoo nkaus li peb ntaus yeej ib ntsug rog. Txoj kev sib nyiam sib hlub yog ib lub zog loj tshaj plaws thaiv kev phem.

    Yog peb sib nyiam sib hlub thiab muaj kev zam txim rau lwm leej lwm tus
    tsis txhob cib nyeej, txhua yam phem ntawd yuav thim laj thim sob ploj mus deb ntawm peb nawv mog.


    Ntxhuav Mom Xyooj

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Yuav ua li cas thiaj zam tau txim

    Post  Maiv Paj Lug on 28th January 2013, 4:01 am

    Nyob zoo Mas Lias thiab Ntxhuav Mom, tau ntev tsis tau ntsij nej li lawm, hnub no zoo siab rov tuaj nrog sawv daws tham txog kev zam txim.



    Hais txog kev zam txim mas nyuaj rau tus neeg tsis tau paub kev ntseeg dua tus neeg paub kev ntseeg . Thaum twb paub kev ntseeg lawm los tseem nyuaj nqees, vim hais tias kev zam txim yog ib yam zoo uas Tswv Ntuj nyiam, tiam sis kuj yog ib yam zoo uas ntxuj nyoog khib heev. Li no thaum yus xav txog txoj kev zam txim yus twb dim ib lub txim txhaum, tus muaj kev ntseeg siab kaj thaum nws zam txim rau luag, tus tsis muaj kev ntseeg zam tsis tau txim rau luag vim nws tseem muaj kev khib thiab yuav pauj kua zaub ntsuab kom haj yam txhaum loj tuaj siab mam nqig , qhov no yog ntxwj nyoog lub tswv yim thiab kev txhawb neeg mus ua txhaum.

    Yam kev zam txim loj tshaj plaws tib neeg ua tsis tau yooj yim yog txij nkawm kev mus sib daj sib deev sab nraud, TSWV NTUJ tib leeg thiaj zam tau xwb , hu ua leej tib neeg zam tsis tau vim yog ib qho kev txhaum dua nrhe yus siab ntws lwj tag, zoo li tus neeg yuav ciaj tsis ciaj yuav tuag tsis tuag. Yam no ntxwj nyoog kuj nyiam tshaj plaws li thiab, thaum ib nkawm niam txiv leej twg tsis xyuam xim mus poob rau kev plees kev yig lawm ces thaum ntawv yooj yim rau ntxwj nyoog ntxias tshaj plaws.

    Vim hais tias 10 yam txhaum loj tshaj plaws yuav tawm tuaj xws li:

    1/ Kev khib
    2/ Kev dag
    3/ Kev ntshaw lwm tus
    4/ kev plees sib daj sib deev sab nraud
    5/ kev zais siab
    6/ kev tub nkeeg tsis xav tab cuab
    7/ kev npau taws
    8/ kev ntxub txij nkawm
    9/ kev tub sab nrho nyiaj txiaj siv tsis qhia
    10/ Kev sib nrauj

    Yog thaum leej twg poob rau cov txhaum no lawm, tseem muaj kev cawm tau nws ua ntej tsis tau lig, yog mus daws txhaum. Txawm leej twg mus daj mus deev sab nrauv, nws tseem muaj kev cawm tau nws yog txiav txim siab tig los hloov siab hloov ntsws mus cuag Txiv Plig daws txhaum. Tswv Ntuj zam txim yog yus tu siab nrho hauv lub siab tuaj tiag tiag txog yus kev txhaum. Tsis txhob cuab thaj mus daws kom tas kev cai xwb, yuav tsum txaj muag tiag tiag rau yus tej txhaum ces Tswv Ntuj yeej yuav zam txim rau yus.

    Thaum tus neeg twg mus daws txhaum tas txiav txim siab tsis ua ntxiv, txawm tias txij nkawm tsis paub los TSWV NTUJ twb paub thiab zam txim rau nws, ces nws lub siab yuav kaj tuaj, tiam sis yog nws rov qab poob rau kev txhaum, nws lub txim txhaum yuav nyhav tshaj qub tuaj.

    Xav kom peb zam txim tau rau lwm tus, yuav rau siab mus Teev Ntuj, nyeem Ntawv Ntshiab, thov ntuj, daws txhaum...

    Yog thaum twg luag ua phem rau yus, txhob pauj kua zaub ntsuab , rau siab thov ntuj pab tus phem, nco ntsoov thov hais lo lus no hauv yus siab : "QHOV LAWV UA PHEM NO RAU KUV YOG KUV UV TSIS TAU ES KUV YUAV UA CAS MUS HUV TAU TSWV NTUJ TUS NPLAIM TAWS TXHIAB?" hais lo lus no ob peb zaug ces koj lub siab yuav kaj thiab loj tuaj, koj yuav zam tau txim rau luag, qhov nyuag zam txim ntawv xwb tsis luaj twg rau tib neeg, tiam sis loj heev rau TSWV NTUJ.



    Tham li no xwb, tshuav dab tsi tham tsis txog lwm zaus mam tham dua.







    <3 <3 Pab kuv rov los cuag koj Huab Tais Yesxus <3 <3

    Mas Lias
    Tuaj Tshiab
    Tuaj Tshiab

    Messages : 70
    Date d'inscription : 2012-03-09

    Re: Yuav ua li cas thiaj zam tau txim

    Post  Mas Lias on 28th January 2013, 8:01 am

    [left]
    Nyob zoo MaivPajLug thiab NtxhuavMom, ua tsaug ntau, uas neb tau tuaj nrog kuv sib pauv tswv yim, txog ntawm lub ntsiab lus uas kuv tau sau los no.

    Neb ob leeg puav leej hais yog kawg nkaws; tus tau txais LeejTswvYimNtshiab nyob hauv nws lawm, ces nws yeej muaj txoj zam nyob hauv nws siab ntsws. Thiab nws yeej paub HuabTais YesXus cov lus nyob hauv ntawv Ntshiab. Thiab nws tau ua kaws li TswvNtuj cov lus. Ces thaum luag ua phem rau nws, yam phem ntawd yuav tsis chwv nws li, yuav tsis mob nws qhov twg li.
    Muaj coob, ntau leej tau txais lub CimNtxuav los ua neeg ntseeg txog HuabTais YesXus, tab sis lawv tsis tau muaj txoj kev zam nyob hauv lawv lub siab.
    Li ntawd kuv thiaj tau sau cov lus qhia kom SD xyaum zam rau luag. Nyob hauv peb lub neej, peb SD yeej tau zam txhua txhua zaus los mus txog niaj hnub zaum no, thiab peb tseem yauv tau zam txim mus nxtiv lawm tom ntej.

    Ntawm no kuv thov nug nej SD tias, ZAm Txim yog dab tsi?

    Muab piv tias, koj yog ib tug txivneej, luag liam tias koj deev lawv poj niam, los puas koj yog pojniam, es lawv liam tias koj deev hluas, tiam sis koj tsis tau. Thaum ntawd koj yuav zam txim li cas rau tus liam koj tawd ?

    Nej puas nco? Thaum peb tus Txiv Vaj Qhia PAJLUG II tseem nyob, nws tau raug ib tug Kheb xuas phom tuas nws.
    Nws tau mus cuag kiag tus neeg tuas nws, hais rau tus neeg ntawd tias: "KUV ZAM TXIM RAU KOJ".

    Ua li yog nej ne, nej puas ua tau li ntawd?

    Kuv xav hais tias, peb tsis txob muab HuabTais YesXus cov lus los tham xwb. Peb yuav tsum tau siv kiag; thiab yuav tau qhia, pab cov neeg uas tsis tau paub, kom lawv zam tau lub txim ib yam.

    Tej zaum nej ho yuav nug kuv tias, ua li koj ne, koj puas tau ua li ntawd?
    Kuv teb rau nej tias, kuv tau ua los lawm.
    Nej tseem yuav nug kuv tias, Zam Txim rau luag yog ua li cas?
    Kuv teb rau nej tias, yog lub txim me, ces kuv tsis pauj, tsis nrhiav lus xaiv rov rau lawv; yog lub txim loj, yam loj txog kev tuag lawm. Cov nom tswv tau muab tus neeg uas tau ua phem rau kuv ntawd coj mus kaw rau tse LojFaj; ces kuv tau rov mus daws thov kom nomtswv tso nws mus.

    Thaum yus tau ua tej yam zoo li no kuj nyuaj kawg rau yus. Tab sis, thaum yus zam tau lub txim rau tus neeg ntawd tas mas yus lub siab nyob kaj kug.

    Kuv nrog nej tham li no xwb, ua nej tsaug ntau, thiab thov kom peb SD xyaum ua zoo.

    MasLias




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Yuav ua li cas thiaj zam tau txim

    Post  Maiv Tooj on 28th January 2013, 8:18 am



    Nyob zoo Mas Lias thiab cov phooj ywg,

    Mas Lias, zoo siab ntau uas koj tuaj tham txog lub ntsiab lus KEV ZAM TXHAUM RAU LUAG.

    Ntawm kuv tus kheej, kuv pom muaj ob peb yam txog kev zam txhaum. Tej yam mas txawm yuav loj npaum li cas los yus zam tau rau luag, vim tus neeg uas ua txhaum rau yus ntawd yus tsis paub nws. Muaj tej tug neeg mas yus zam txhaum nyuaj dua rau nws, vim tus neeg ua tej yam yuam kev ntawd yus paub nws zoo. Kev zam txhaum nyuaj mas muaj ob qho xws li:

    1-Ib tug neeg txheeb ze yus, iab hiam yus, caij tsuj yus ces hiam tej yam tsis muaj rau yus.
    - Nqe nov mas yus kev zam txhaum rau nws yeej muaj, yeej tau; tab sis tshuav ib qho uas cuag li yus tsis zam rau nws mas xws li yus xav kom nws txhob tsa hwj chim, nws txhob ua neeg dag iab hiam koj, vim koj twb paub tias nws iab hiam xwb. Mas koj xav cawm kom nws txhob poob rau txoj kev yuam kev rau tuaj kub txoj kev ntxias, tab sis nws mas nws tsis to taub qhov koj xav pab, xav cawm nws ces pheej muaj kev cov nyom mus li. Yog tias koj tu siab nrho, koj tsis xav pab cawm nws lawm mas yuav yooj yim dua, vim nws ua li cas los tsis mob koj siab lawm. Thaum zoo li no mas kuj nyuaj rau yus, vim koj hais tias koj zam txim rau nws, tab sis cuag li koj tso nws mus rau dab phem lub voj hluas. KEV ZAM, YUS YEEJ ZAM TAU TAB SIS TU SIAB KAWG YOG YUS NTSIA NTSOOV IB TUG NEEG YUAV NKAG MUS THEM TXIM LOS MUS RAU NTUJ TXIAG TEB TSAUS.

    2- Tus neeg ua txhaum rau yus, yog yus tsis paub nws mas yus zam rau nws tag ces yus tsis paub tsis pom nws ntxiv lawm. Yus tsis muaj qhov txhawj txog nws ntxiv lawm.





    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Yuav ua li cas thiaj zam tau txim

    Post  Maiv Paj Lug on 29th January 2013, 2:58 am

    Nyob zoo nej txhua tus, zoo siab hnub no peb tau muaj txoj kev zam txim los tham xauv npo...

    Mas Lias wrote:

    Ntawm no kuv thov nug nej SD tias, ZAm Txim yog dab tsi?


    Ntawm kuv tus kheej, kev zam txim yog tsis muaj kev chim ib qho hauv kuv lub siab, txawm tus neeg twg tau ua phem npaum cas rau kuv los kuv tu siab tsuag tsuag tag xwb kuv twb rov qab hlub nws. Qhov kuv hlub nws ntawv tsis yog xav xav nrog nws ua neej los sis nyiam nyiam nws xav ua plees ua yig, qhov kuv hlub nws ntawv yog hlub nws tam ntua ib txoj sia tsis xav pub nws tuag, tsis xav pub nws txom nyeem thiab tsis xav pub nws tu siab.

    Tej zaum lwm tus ho yuav teb txawv kuv, tiam sis kuv mloog kuv tus kheej thaum twg kuv zam txim rau leej twg ces yeej yog kiag li qhov kuv sau.

    Kuv twb muaj dua experience los lawm, muaj ib tug neeg nrhiav kev tua kuv , kuv tsev neeg nrog rau txhua leej txhua tus txheeb ze mas nim ntxub ntxub tus neeg yuav tua kuv. Lawv cem los cem, foom los foom, tiam sis kuv yog tus raug tsim txom, kuv ho tsis muaj kev ntxub thiab foom ib lo lus phem kom tus neeg ntawv tuag mus los sis raug teeb meem.

    Kuv tseem thov ntuj ntau tshaj rau tus neeg yuav tua kuv ntawv dua thov rau kuv, thiab kuv tseem thov ntuj kom nws txhob raug teeb meem. Kuv thov Tswv Ntuj yog tias kuv txoj hmoo ho los raug tus neeg ntawv tua tuag lawm los kuv tso kuv txoj sia rau Tswv Ntuj tes es kuv tsis rau txim rau tus neeg yuav tua kuv. Yog Tswv Ntuj pom zoo kuv tuag rau tus neeg ntawv tes los kuv tuaj yeem tuag, tiam sis yog kuv tuag no thov kom kuv txoj kev tuag ntawv pab cawm tus neeg tua kuv rov qab tig los rau Tswv Ntuj.

    Kuv txoj kev zam txim loj npaum no rau kuv tus yeeb ncuab li mas niam laus Mas Lias.

    Mas Lias wrote:

    Muab piv tias, koj yog ib tug txivneej, luag liam tias koj deev lawv poj niam, los puas koj yog pojniam, es lawv liam tias koj deev hluas, tiam sis koj tsis tau. Thaum ntawd koj yuav zam txim li cas rau tus liam koj tawd ?


    Yog kuv tsis tau ua kev plees kev yig es luag liam kuv xwb ces kuv yeej tsis chim li os, luag txawm liam kuv txhub qhov ploj qhov tuag los kuv zam txim li nrawm no :

    Kuv tsis ntxub tus liam kuv, kuv muab txoj kev tus liam kuv ntawv los txiv rau Huab Tais Yesxus xwb ces txaus kuv lawm....txawm luag ntxub kuv ciaj ntxub kuv tuag los kuv yuav ua twj ywm nyiaj thiab uv, tsuav kuv hnov kuv lub siab kaj tas li xwb ces kuv yeej zoo siab ua twj ywm. Yog thaum kuv hnov kuv lub siaj tsis kaj lawm, kuv yuav thov ntuj pab rau kuv kom kuv txhob ntxhov siab thiab txhob ua siab me, txhob ntshai, txhob poob siab. Txawm tsis muaj neeg nyiam kuv vim kuv raug luag liam los kuv yog tus paub hauv kuv lub siab tuaj zoo tshaj lwm tus ces kuv paub tias Tswv Ntuj nyiam kuv, vim kuv lub siaj kaj, qhov no txaus kuv lawm, kuv tsis tas nrhiav kev mus pauj kua zaub ntsuab los sis ua plaub ua ntug rau luag kom kuv yeej.

    Thaum kuv zam tau txim thiab ua tau li hais los saum no lawm ces tsis tas kuv yuav ua ntuj liab teb ntsuab rau tus liam kuv, Tswv Ntuj yeej paub paub mus coj tej neeg zoo tuaj hais lus plij kuv lub siab kom kaj kom zoo. Ib hnub dhau ib hnub, ib hlis dhau ib hlis, ib xyoos dhau ib xyoos, kev zoo yuav rov qab los caum cuag kuv, kuv lub koob lub npe ua neeg ncaj neeg zoo yuav nchuav nthws yam tus dej ntws rau luag paub thiab pom. Vim muaj Tswv Ntuj yog tus txhawb kuv thiab tso txiaj ntsim rau kuv ces txhua yam kuv yuav ua tau zoo tag nrho los hloov tej kev luag liam kuv.

    Hnub twg yog kuv txoj sia tu, los ntshe kuv tseem yuav tuag luag ntxhi, vim kuv yog neeg ncaj ncees, Tswv Ntuj tib leeg thiaj yog tus paub, tsis tas neeg ntiaj teb paub tias kuv yog neeg zoo.

    Kuv tham li no xwb, leej twg ho muaj lwm yam kev zam txim rau luag txawv los ho tuaj peb sib pab qhia kawm.

    Maiv Paj Lug.





    <3 <3 Pab kuv rov los cuag koj Huab Tais Yesxus <3 <3

    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Yuav ua li cas thiaj zam tau txim

    Post  Ntxhuav Mom Xyooj on 29th January 2013, 5:59 pm

    Nyob zoo os Maslias thiab Maiv Paj Lug

    Maiv Paj Lug koj thawj sob lus saud mas koj hais tau ntxaws kawg nkaus
    li lawm. Yeej yog li koj hais lawm, txij nkawm nyiag deev hluas mas
    yog ib yam nyuaj sib zam tshaj plaws thiab yog ib lub mob loj tshaj plaws ua rau tus neeg ntawd cia li yuag taus,noj mov los tsis qab haus
    dej los tsis nqis li lawm tsis thas yuav mus nrhiav tshuaj yuag los noj los yeej yuag lawm.

    Mas Lias koj hais tias kev zam txim yog dab tsi?
    Kuv twb hais me ntsis nyob saum kuv thawj sob lus saud lawm: KEV ZAM TXIM YOG KEV NTAUS YEEJ IB NTSUG ROG

    yog luag tua yus ib tug neeg uas yog yus tsev neeg kiag tuag lawm los
    tsis thas yuav mus pauj kua zaub ntsuab li. Koj pauj tau los yus tus neeg yeej sawv tsis tau rov los lawm. Qhov ntawd, cia tej nom tswv kav lub teb chaws ntawd mam txiav txim thiab Tswv Ntuj yeej pom thiab ppaub txog qhov ntawd lawm. Yog yus pauj kua zau ntsuab ces txhais tau
    tias yus tseem ua dab toj dab qhev li qub,yus rov tsub ib lub txhaum
    ntxiv rau yus xwb,zoo li yus tsis yog ib tug neeg ntseeg Yesxus. Nej sim ntsia cov movie suav ntaus kung fu lawv ua zaj twg los puav leej yog pauj kua zaub ntsuab xwb,vim lawv kev ntseeg yog Budda. Peb kev ntseeg yog Yesxus, li ntawd peb tus txiv Vaj Qhia thiaj mus zam txim rau tus
    tau tua nws thiab mus tuav tus tua nws tes kiag,qhov ntawd yog ib lub cim loj tau zam txhaum raws li Huab Tais Yesxus qhia tiag.

    Kev liam tias yus deev luag poj luag txiv yog tsis tau deev ces tsuas
    hais tias TSIS TAU yog tau lawm ces hais TAU. Yog yus twb tau lawm yus
    tseem hais tsis tau no ces yus yog neeg dag lawm,yus tseem muaj ib lub
    txim dag nrog thiab.

    Kuv tsuas tham li no seb puas yog li ib txhia siab xav. Ua tsaug

    Ntxhuav Mom Xyooj

    Sponsored content

    Re: Yuav ua li cas thiaj zam tau txim

    Post  Sponsored content Today at 12:52 pm


      Current date/time is 3rd December 2016, 12:52 pm