HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


LUB CIM YUG  ( Eucharistie ) Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Today at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    LUB CIM YUG ( Eucharistie )

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    LUB CIM YUG  ( Eucharistie ) Empty LUB CIM YUG ( Eucharistie )

    Post  Maiv Paj Lug 6th October 2009, 9:53 am

    LUB CIM YUG

    LUB CIM YUG  ( Eucharistie ) Numari11

    1/ Lub cim yug yog lub cim muaj Yesxus lub cev thiab cov ntshav tiag tiag, Yesxus tus Ntsuj Plig thiab Lub Hwj Huam ntoo moo lug ncuawv thiab cawv hloov ua cev thiaj ntshav .

    2/Yesxus Pleev tsim kom muaj lub cim yug : 1° kom peb tau nrog nws ua ke mus li ; 2° yog txi Tswv Ntuj uas yog nws Leej Txiv; 3° yog zaub mov yug peb tus ntuj plig txoj sia.

    3/Lub cim yug muaj raws li Yesxus ua tseg rau txhua leej txhua tus, Yesxus muab lub ncuav tsis xyaw poov xab los hais rau cov Thwj Tim hais tias : " Nej txais coj mus noj, qhov no yog kuv lub cev." Yesxus ho muab lub ntim cawv los hais tias : " Nej txais coj mus haus, qhov no yog kuv cov ntshav, Nej nco ntsoov ua li no nco txog kuv" .

    4/ Cov lus Yesxus hais tias : qhov no yog kuv lub cev, qhov no yog kuv cov ntshav , Yesxus muab nws lub hwj huam hloov lub ncuav thiab ntim cawv ua nws cov roj ntshav thiab lub cev lawm tiag tiag. Yesxus tseem hais ntxiv tias : Nej nco ntsoov ua li no nco txog kuv . Nws muab lub Hwj Huam nto moo lug hloov kom cov thwj tim thiab cov Txiv Plig lawv hloov tau ua tib yam li nws ua rau hauv cov ncuav thiab ntim cawv.

    5/ Thaum yuav hloov cov ncuav thiab ntim cawv mas ua nyob hauv Koos txoos thaum sawv daws mus teev ntuj uas Txiv Plig muab hloov ua tau Yesxus lub cev thiab cov ntshav tiag tiag.

    6/ Txais cim yug yog txais Yesxus cov ntshav thiab lub cev hauv cov ncuav.

    7/ Txhua yam tseem ceeb rau yus thaum txais Yesxus lub cev yog yug yus tus ntuj nplig thiab yus lub cev.

    8/Tseem ceeb rau yus tus ntsuj plig thaum txais Yesxus lub cev mas yus yuav tsum dawb huv ntawm lub txiaj ntsim txhais tias yus tsis tau tua dua neeg los li.

    9/ Leej twg tau tua dua neeg los lawm mas yuav tsum daws txhaum kom tas thiaj txais tau.

    10/ Txais lub cim yug thaum yus muaj txhaum thiab tua neeg ces tsis txawv YUS DAS tuas muab Yesxus rau lawv tua.

    11/ Ua ntej yuav txais lub cim yug yuav tsum npaj hais tej zaj hais tej zaj lus thov los sis hu nkauj qhuas Yesxus ua ntej li 2 3 feeb mam li txais : Huab Tais kuv tsis tsim nyog txais koj lub cev, thov koj hais ib los mas kuv lub siab yuav zoo hlo. Huab Tais thaum kuv txais koj lub cev thov kom nws tsis txhob ua txhaum rau kuv, tab sis nws txhab txiaj ntsim ntxiv rau kuv mus li.

    12/ Ntawm yus lub cev mas yuav tsum huv txhob noj dab tsi thiab haus dab tsi txij li ib tag hmo hnub vas xaum mus txog hnub chiv thaum txais Yesxus Pleev lub cev tag hauv koos txoos Kas Tos Liv los txog tsev yuav tsum los so li 1 xuaj moos mam mus noj mov.

    13/Thaum nej txais Yesxus lub cev tag lawm nej yuav tsum Hawm thiab Nyiam nws tsis tseg, ua Yesxus tsaug thiab muab nej txi rau Yesxus, nej mam thov nws kom pub txiaj ntsim rau nej thiab txhua yam nej xav thov kev pab .

    14/ Tseem ceeb tshaj thaum nej thov ntuj lub caij nej txais cim txhab zog mas nws yog zoo lub sij hawm Yesxus los nyob hauv nej tiag tiag, nej yuav nrog nws hais lus thaum ntawv mas yog thaum zoo txiaj ntsim nej tau nrog nws ua ke.

    15 / Mus teev ntuj yog mus txi ntuj uas nyias coj nyias tus kheej mus txi rau Tswv Ntuj nrog rau Yesxus lub cev thiab cov ntshav pub rau Tswv Ntuj tus ntoo moo lug mus li muaj hwj huam tas nrho.

    16/ Yesxus Pleev ua lub cim txi ntuj li ntawv kom peb raws nraim zoo li thaum nws tuag saum ntoo cuam.

    17/ Txi ntuj saum ntoo cuam mas yog Yesxus Pleev, Txi Ntuj hauv koos txoos mas yog tus Txiv Plig hloov Yesxus hauv lub ncuav thiab ntim cawv, vim Yesxus hais tias peb qhov muag pom li ntawv tab sis peb tus ntuj plig pom Yesxus tiag tiag.

    18 / Txiv ntuj hauv koos txoos kas tos liv mas yog ua rau Tswv Ntuj tib leeg vim hais tias peb nyiam thiab cav txog Tswv ntuj tib leeg : PEB TUS HUAB TAIS YESXUS PLEEV LEEJ TXIV LEEJ TUB THIAB LEEJ NTUJ PLIG.


    Last edited by Maiv Paj Lug on 1st August 2010, 9:16 am; edited 2 times in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    LUB CIM YUG  ( Eucharistie ) Empty Re: LUB CIM YUG ( Eucharistie )

    Post  Mim 21st November 2009, 2:17 pm

    Kuv xav tuaj hais ntxiv me ntsis txog ntawm lub Cim Yug


    LUB CIM YUG  ( Eucharistie ) Consecration_at_DC_Mass
    Lub Cim Yug yog Yes Xus lub Cev thiab nws cov Ntshav. Peb ntseeg tias thaum txiv plig tuav lub mov thiab tuav lub ntim thiab hais HT Yes Xus cov lus uas thaum ub nws hais rau saum cov mov thiab cov cawv, "Qhov no yog kuv lub Cev, nej txais mus nej noj.... Qhov no yog kuv cov ntshav, nej txais mus nej haus." Thaum ntawd kiag lub mov thiab cov cawv txia ntshis ua Yes Xus lub Cev thiab nws cov Ntshav lawm, tsis yog mov tsis yog cawv lawm, tiam sis Peb tseem pom zoo li mov thiab zoo li cawv. Peb muab tis npe rau hu ua "Cim Yug," vim Yes Xus lub Cev thiab nws cov Ntshav yog cov txhiam xws uas peb noj los yug Tswv Ntuj txoj sia uas nyob hauv peb tus ntsuj plig, Tswv Ntuj muab pub rau peb thaum peb ntxuav plig.

    LUB CIM YUG  ( Eucharistie ) 340x

    Lub Koom Txoos muaj ib tug kev cai txais Yes Xus lub Cev rau peb sawv daws taug:

    1. Ib tug neeg ntseeg txais lub Cim Ntxuav lawm thiaj mus txais tau Yes Xus lub Cev, cov tseem kawm kev cai xwb tsis muaj cai mus txais.
    2. Ib tug me nyuam ntxuav plig tas lawm, yuav tsum paub tab muaj li 7-8 xyoo thiab kawm txog lub Cim Yug tas lawm thiaj mus txais tau, yog tsis tau kawm mas tsis mus txais.
    3. Ib tug neeg ntseeg Kas Tos Liv uas twb yeej mus txais Yes Xus lub Cev dua lawm, tiam sis yog nws paub tias nws tau ua ib qhov txhaum hnyav lawm, mas nws tsis txhob mus txais Yes Xus lub Cev, nws yuav tsum xub mus daws txhaum tas tso mam mus txais Yes Xus lub Cev, vim Yes Xus tau hais li no: "Yog thaum koj mus txi ntuj, tiam sis koj nco dheev txog tias koj tus kwv tij muaj ib qho tsis sib haum nrog koj, mas koj muab koj cov txim tso rau ntawm thaj txi ntuj, koj rov qab mus nrog koj tus kwv tij hais kom haum tas tso ces koj mam rov tuaj txi ntuj dua." (Mas Tais 5: 23-24)
    4. Ua ntej peb yuav mus txais Yes Xus lub Cev, peb yuav tsum tau yoo tsis txhob noj dab tsi los haus dab tsi. Thaum ub mas txoj cai kom peb yoo txij ib tag hmo mus txog thaum peb txais Yes Xus lub Cev tas. Tiam sis txij lub Rooj Ncauj Lus Vas Tis Kaas II los, txoj cai hloov lawm. Niaj hnub no, txoj cai kom peb yoo ib teev (une heure/one hour) ua ntej peb mus txais Yes Xus lub Cev. Yog ib tug neeg muaj mob yuav tsum noj tshuaj mas txoj cai pub nws noj tshuaj thiab haus me ntsis dej lawv tau. Ntawm no kuv xav hais me ntsis txog peb cov hluas los xij cov laus los xij, kuv twb tau pom zaum puav uas pheej zom chewing-gum, ib me ntsis tseem mus txais Yes Xus lub Cev thiab. Tej zaum yog lawv tsis paub. Tiam sis peb yuav tau qhia peb cov hluas cov laus kom tsis txhob ua li ntawd, vim peb tsis yog mus noj ib lub mov los haus ib co cawv xwb, peb yog mus noj HT Yes Xus lub Cev thiab haus nws cov Ntshav, peb yuav tsum muaj kev hwm (respect) nws lub Cev thiab nws cov Ntshav zoo kawg nkaus.
    5. Kuv tsis paub hais tias tam sis no txoj cai puas tau hloov, tiam sis thaum ub TP Nyiaj Pov qhia mas yog ib tug txiv neej mus yuav niam yau, tus txiv thiab niam yau mus txais tsis tau Yes Xus lub Cev tas nkawd lub neej li, vim nkawd ua neej nyob hauv kev ua txhaum, tiam sis tus niam loj mus txais tau.
    6. Ib tug neeg uas nws yog ib tug ntseeg Protestant, es nws tuaj koom thaj txi Ntuj, mas yog nws tsis mus txais Yes Xus lub Cev zoo dua, vim cov Protestants lawv txoj kev ntseeg txawv Kas Tos Liv txoj, lawv tsuas saib lub mov thiab cov dej qab zib yog ua piv txwv txog Yes Xus cev mov cev dej rau nws cov thwj tim haus xwb. Lawv tsis muaj thaj txi Ntuj, lawv tsis muaj lub Cim Tiag Tes tsa ua leej choj los tsim lub Cim Yug, thiab qhov tsem ceeb lawv tsis ntseeg tias yog Yes Xus nyob hauv lub mov thiab cov cawv tiag.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    LUB CIM YUG  ( Eucharistie ) Empty Re: LUB CIM YUG ( Eucharistie )

    Post  Mim 22nd November 2009, 6:41 pm


    Tus yawg uas thaij daim video no, nws hais tias yog nws mus xyuas lub ncuav mov ua yog Yes Xus lub Cev, muaj ib zaug cia li pom muaj ntshav nyob ntawm lub ncuav mov, yog nyob Vevenezuela, ces lawv muab kaw rau hauv ib lub tsom iav rau neeg mus saib. Nws txawm mus saib, ces nws thaij duab video. Thaum nws thaij, nws cia li pom zoo li uas thaij tau ntawd no... nej xyuas saib nej ho puas xav li cas os....
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    LUB CIM YUG  ( Eucharistie ) Empty Re: LUB CIM YUG ( Eucharistie )

    Post  Maiv Tooj 23rd November 2009, 5:02 am



    Nyob zoo Mim thiab maypajLug,

    Ua tsaug rau neb lub caij muaj nqes tuaj thuav txog Yes Xus lub Cev rau peb paub kom meej dua.

    Mim,

    Koj tso daim Video lub Ncuav mov ua Hwj huam Yees Ntxwv zoo kawg nkaus. Yam tsis txaus ntseeg tab sis Tswv ntuj ua tau txhua yam. Li ntawd kuv thov muab daim Video uas yog ib tug Italien thaij thaum nws tuaj mus teev Ntuj nyob Lourdes uas Maypaj twb tso tom Hmongza.com lawm. Tab sis yog ib qho zoo heev ces kuv rov muab tso ua ke rau peb saib ntxiv.



    Miracle Eucharistique