Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 10:33 am

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 10:25 am

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 10:12 am

» SAIB DUAB HMOOB QUB
by Maiv Tooj Yesterday at 10:08 am

» HMOOB CATHOLIC NYOB COB TSIB TEB (Hmong Catholic Vietnam)
by Maiv Tooj Yesterday at 7:41 am

» Xib Hwb Thoj Xyooj lub neej
by Maiv Tooj Yesterday at 2:00 am

» HMOOB NPAM NAJ XEES
by Maiv Tooj Yesterday at 1:59 am

» SAJ YES XUS KEV TXOM NYEM
by Maiv Tooj 26th April 2017, 5:49 am

» COV ZAJ NYEEM NRUAB LIS PIAM XYOO I 2016-2017
by Mim 26th April 2017, 5:29 am

» Cawv xeeb rau Txiv Plig Neej Vaj
by Maiv Tooj 26th April 2017, 5:09 am

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Mim 20th April 2017, 10:35 am

» HAIS PAJ LUG
by Maiv Tooj 10th April 2017, 9:02 am

Suav neeg tuaj saib, txij hnub 17/09/2010 los mus.


    Lub Caij Tos Huab Tais Peb Muaj Ob Yam Tos

    Share
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1804
    Date d'inscription : 2009-10-16

    Lub Caij Tos Huab Tais Peb Muaj Ob Yam Tos

    Post  Mim on 11th December 2012, 4:22 pm

    Nyob zoo sawv daws,

    Tau ntev loo no lawm kuv tsis tau tuaj sau zaj rau hauv no li lawm, thov sawv daws zam lub txim rau kuv thiab nawb.
    Lub caij tam sis no twb yog lub Caij Tos Huab Tais(Advent) lawm. Hnub Chiv dhau los no yog Hnub Chiv Ob hauv Caij Tos Huab Tais.

    Peb Hmoob lub xyoo laus ces twb xaus rau ib txhia lawm, hos muaj ib txhia tseem yuav ua xyoo tshiab tsis ntev no.
    Nyob hauv peb lub neej kev ua laj ua kam ces lub xyoo laus tseem yuav xaus rau tim 31 lub 12 hlis thiab lub xyoo tshiab yuav tawm tuaj tim 1 lub 1 hlis ntuj.

    Hauv peb lub xyoo teev ntuj los peb kuj teev ntuj muaj caij muaj nyoog thiab nws kuj muaj hnub xyoo tshiab thiab hnub xyoo xaus thiab. Peb lub xyoo teev ntuj niaj xyoo pib thawj hnub yog Hnub chiv Ib hauv Caij Tos Huab Tais (First Sunday of Advent). Peb lub xyoo teev ntuj twb pib hnub tim 2 lub 12 hlis no los lawm.
    Lub Caij Tos Huab Tais yog ib lub caij peb ua dab tsi? Peb npaj tos yuav ua lub koob tsheej nco txog peb tus HT Yes Xus yug los. Nws yuav tsis rov yug los ua ib tug me nyuam mos liab li thaud lawm, tiam sis peb zoo siab nco txog nws lub hnub nyoog yug los ua tib neeg kom thiaj tau cawm peb.

    Tsis tas li ntawd xwb peb tseem nco txog HT Yes Xus tej lus uas thaud nws tau hais tseg tias muaj ib caij tom ntej mas nws tseem yuav rov los dua zaum ob. Niaj xyoo thaum lub caij Tos Huab Tais, peb thiaj muaj ob yam npaj siab tos: Ib, yog lub koob tsheej HT Yes Xus yug; ob, yog lub caij HT Yes Xus yuav rov los dua zaum ob, thaum lub ntiaj teb qub yuav dua mus hos lub ntiaj teb tshiab yuav tawm tuaj, thiab HT Yes Xus yuav los ua vaj kav lub ntiaj teb tshiab, ces tib neeg yuav nyob thaj yeeb lug; yog lub caij uas HT Yes Xus los qhib lub rooj vag rau tib neeg rov tau nkag mus nyob hauv lub vaj Es Dees uas thaud As Das thiab Es Vas tau raug ntiab tawm mus lawd.

    Peb tsis paub hais tias lub caij ntawd yuav tshwm sim rau xyoo twg thaum twg li, tiam sis yeej yuav muaj ib hnub xwb. Tej zaum peb tiam no yuav muaj txoj hmoo pom, tej zaum peb yuav tsis pom, peb yeej tsis muaj leej twg paub txog li. Tej zaum twb yuav tshwm sim tuaj tsis ntev no, tej zaum tseem yuav tshuav txhiab xyoo los plhom (million) xyoo mam tshwm sim. Tiam sis qhov tseeb yog qhov hais tias peb ua ib tiam neej nyuam qhuav ntev li 80-90 mus rau 100 xyoo xwb. Mas peb nyias muaj nyias ib lub caij uas HT Yes Xus yuav los rau peb. Thaum ntawd peb puas yuav npaj tau nrog nws mus? Lub caij Tos Huab Tais no, peb yuav siv sij hawm los ntsuam xyuas yus lub neej, saib yus coj puas tau raws li HT Yes Xus qhia thiab xav kom peb coj xwb.

    Tiam sis vim lub caij no lub ntiaj teb txawv txav ntau heev, nej sawv daws yeej pom li ntawd thiab, mas kuv lam muab ib lub site no rau nej mus nyeem ib co lus saub uas ib tug poj niam nyob Ireland niaj hnub hais txog lub caij no. Tus poj niam no nws tsis siv nws lub npe tiag tiag, nws siv lub npe hu ua “Maria Divine Merci” xwb. Nws hais tias yog Leej Txiv Tswv Ntuj, HT Yes Xus thiab Niam Mab Liab los txib nws ua txoj hauj lwm no, lawv kom nws hais lawv cov lus rau ntiaj teb neeg, vim lub caij no ze ze lub caij uas Zam sau tseg hauv Qhib Yav Tom Ntej lawm thiab HT Yes Xus yuav rov los lawm. Nws muaj ob tug txiv plig saib xyuas nws thiab pab nws. Lub Koom Txoos tsis tau txiav dab tsi txog nws li. Kuv tsuas tso rau peb nyeem kom paub txog xwb, yog tsis muaj li hais los tseg, yog muaj ces peb thiaj paub npaj tias yuav ua li cas. Cov messages no pib thaum xyoo 2010 los xwb. Muaj ntau yam lus hauv zoo pab peb cov neeg ntseeg kawg li. Yog leej twg xav paub txog thiab xav nyeem mas mam mus nyeem, yog leej twg tsis xav nyeem los nyob ntawm nyias, tiam sis yeej xav kom sawv daws nyeem thiab nyias coj los xav rau nyias, yam zoo khaws los coj los khaws ua neej. Kuv nyeem HT Yes Xus thiab leej Txiv Tswv Ntuj cov lus mas kuv muaj vam txog lub neej yav tom ntej nrog HT Yes Xus nyob hauv Tswv Ntuj lub Ceeb Tsheej tshiab nyob ntiaj teb kawg nkaus li tiag. HT Yes Xus hais tias tsuas yog cov uas ntseeg txog nws thiab Leej Txiv Tswv Ntuj xwb thiaj yuav tau mus nyob no...

    Cov xav nyeem ua ntawv Aas Kiv taum hauv no:
    http://www.thewarningsecondcoming.com/messages/all-messages/

    Cov xav nyeem ua ntawv Fab Kis (French) , ntawv Cob Tsib (Vietnamese) los lwm xeem lus taum hauv no:
    http://www.thewarningsecondcoming.com/translations/



    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Lub Caij Tos Huab Tais Peb Muaj Ob Yam Tos

    Post  Bao X Mary on 12th December 2012, 2:47 pm

    Mim,

    Yog koj muaj sij hawm mas koj muab cov lus ua Marie ntawd hais es Tswv Ntuj hais los txhais ua lus hmoob muab rau peb cov hmoob nyeem kom txhawb peb txoj kev ntseeg os. Kuv kuv mus nyeem mekas qhov ua rau kuv nyiam kawg thiab. Nws yeej hais raws li hauv ntawv Moo Zoo thiab. Yog koj txhais tau ua lus hmoob kom tag mas pab peb kawg lis.

    [b]
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1804
    Date d'inscription : 2009-10-16

    Re: Lub Caij Tos Huab Tais Peb Muaj Ob Yam Tos

    Post  Mim on 12th December 2012, 5:05 pm

    Bao X Mary,

    Koj pom zoo li ntawd lod? Yog koj mus nyeem koj nrog kuv nyiam cov lus zoo hauv thiab no cia kuv mam nrhiav sij hawm maj mam tuaj txhais zaj puav rau peb cov Hmoob tau nyeem os. Kuv mus nyeem mas cov lus hauv pab kuv to taub zoo tshaj thiab pab kuv txoj kev ntseeg loj tuaj lawm ntau hos...
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5238
    Date d'inscription : 2009-08-18

    Re: Lub Caij Tos Huab Tais Peb Muaj Ob Yam Tos

    Post  Maiv Tooj on 12th December 2012, 7:15 pm



    Nyob zoo Mim,

    Zoo kawg, yog koj ntxhais ua lus hmoob zaj puav mas yuav zoo heev.

    Lub site nov lawv twb ntxhais ua lus fab kis:

    http://www.internetgebetskreis.com/fr/messages/

    Keeb kwm Marie de la Divine Miséricorde:

    http://www.internetgebetskreis.com/news/entretien-avec-marie-de-la-divine-misericorde-voyante-de-lavertissement/

    Nias ntawm kab ntawv xiav mus nyeem kom tag zaj lus.



    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Lub Caij Tos Huab Tais Peb Muaj Ob Yam Tos

    Post  Bao X Mary on 13th December 2012, 4:11 am

    Mim kuv pom zoo kom koj muab txhais ua lus hmoob. Kom muab cov txiv plig uas saib Marie ntawd npe tso huv si thiab, saib lawv nyob qhov twg lub zos twg. Kom xwv sawv daws paub tias lub Koos Txoos Kas Tos Liv twb paub thiab zeem tias yog Huab Tais Yes Xus tiag los hais rau Marie. Vim muaj saub cuav coob coob li.

    Kuv mus nyeem kuv txhawb kuv txoj kev ntseeg kawg li thiab, kuv tseem xav tias yuav phau ntawv los nyeem no.
    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Lub Caij Tos Huab Tais Peb Muaj Ob Yam Tos

    Post  Bao X Mary on 13th December 2012, 4:28 am

    Mim,

    Kuv mus nyeem mas raug kuv siab kawg li os. Zoo li kuv twb nrog Huab Tais Yes thiab Niam Mab Liab tham lawm thiab os. Cov lus ntawd twb hais raws li hauv ntawv Ntshiab hais. Kuv muab ntsia tam sim no lub ntiaj teb yeej txawv txawv kawg li lawm tiag peb yeej tsis paub lub sij hawm twg li os.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1804
    Date d'inscription : 2009-10-16

    Re: Lub Caij Tos Huab Tais Peb Muaj Ob Yam Tos

    Post  Mim on 13th December 2012, 4:18 pm

    Bao X Mary,

    Kuv tau hais rau koj tias cia kuv mam maj mam tuaj txhais zaj puav ua lus Hmoob no, tiam sis kuv thov txim ntawm sawv daws, kuv muab xav mus xav los, kuv nyuam qhuav pib nyeem cov lus uas Maria Divine Mercy hais tawm no tau tsis ntev pes tsawg, muaj ntau yam zoo kawg li thiab zoo li pab kuv kawg, tiam sis qhov tseeb kuv tseem tsis tau nrhiav nyeem kom ntau txog nws ces kuv xav tias tej zaum kuv yuav txhob rawm tuaj txhais, kuv yuav tsum nyeem ntau yam txog nws tso, yog zoo tiag tiag, kuv mam tuaj txhais tej zaj rau sawv daws tau nyeem, yog kuv pom tias zoo li tsis zoo pes tsawg no ces cia li.

    Twb muaj ua lus Aas Kiv, ua lus Fab Kis, lus Nyab Laj thiab ntau ntau xeem lus lawm, ces peb ib txhia twb paub cov lus ntawd, peb sawv daws ho mus nrhiav nyeem thiab saib tus poj niam no puas tsim nyog peb yuav mloog los tsis tsim. Kuv muab xav tau tias cas zoo li kuv cia li nyiam nws cov lus kawg li, tiam sis kuv twb tsis tau mus tshawb xyuas saib tas puas tsav yam nws hais puas haum li Koom Txoos Kas Tos Liv qhia, no ces kuv xav tias peb yuav tsum tau ceev faj zog tso. Yog nej cov nyiam mus nyeem thiab mus tshawb ho pom tej yam li cas no tuaj hais qhia thiab. Peb txhob maj dhau peb thiaj tsis yuam kev.
    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Lub Caij Tos Huab Tais Peb Muaj Ob Yam Tos

    Post  Bao X Mary on 13th December 2012, 4:48 pm

    Mim,

    Yeej muaj tseeb li koj hais, ua ntej peb yuav muab los hais tawm peb yeej yuav tsum paub qhov meej tiag tias puas muaj tseeb, thiab lub Koos Txoos Kas Tos liv hauv paus puas zeeb tseeb tiag tias yog tiag li Niam Mab Liab tau tshwm ntau zau li Fatima los lwm qhov chaw tso peb mam li muab los hais tawm. Kuv nyeem mas yeej rau kuv siab kawg li, tab sis mam li saib kom meej tso.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5238
    Date d'inscription : 2009-08-18

    Re: Lub Caij Tos Huab Tais Peb Muaj Ob Yam Tos

    Post  Maiv Tooj on 14th December 2012, 11:12 am



    Nyob zoo Mim thab BaoX Mary,

    Mim,

    Yog koj muaj caij txhais tej ntu tseem ceeb mas yuav zoo heev rau sawv daws kom paub txog lub ntsiab ntawm txoj kev ntseeg Yes Xus Pleev. Kev ntseeg Yes Xus Pleev tsis yog ntseeg li hmoob kev cai kom tsis txhob tau ua dab ua qhua, ua neeb xwb. Kev ntseeg Yes Xus yog xyaum ua neeg kom dawb huv, tu yus tus ntsuj plig kom ntshiab huv, nrhiav txiaj ntsim rau lub neej nyob mus li, tiv thaiv tuaj kub kev haub ntxias kom yus tus ntsuj plig txhob poob rau qhov yuam kev.


    Kuv pom ntu nov zoo qhia rau sawv daws ces kuv lam muab txhais me ntsis ua ntej Mim cov.

    QHOV RAUG TXIM LOJ TSHAJ YOG NEJ YUAV TSIS POM TSWV NTUJ LUB NTSEJ MUAG.

    Qhov raug txim loj tshaj yog thaum kawg mam paub tias dhau yus lawd muaj ib tug Tswv Ntuj tiag. Thiab KUV uas yog nej tus Cawm Seej Yes Xus Pleev muaj tseeb tiag. Thaum ntawd ces yuav tsis muaj txoj hauv kev twg pab tau koj lawm. Ntshe koj tsev neeg yuav tuaj sab tod ntsia koj xwb. Thaum ntawd koj mam paub qhov txaus ntshai tseeb tseeb, ces yuav lig lawm. Nco ntsoov cov lus kuv hais no.

    Qhov raug txim loj tshaj ces yog paub tias koj yuav tsis mus pom Tswv Ntuj lub ntsej muag ib zaug li. Yuav yog qhov raug txom nyem loj tshaj uas nws yuav lo rawv koj mus li nyob hauv cov hluav taws hauv Dab Phem teb, uas koj yuav nyiaj koj zaj mob ib txhid. Uas tsis yog lub ceeb tsheej uas Yawg Deev siab tau cog lus dag rau koj, thaum ntawd ces koj yuav poob rau hauv lub vaj loog Ntuj Tawg Dab Teb. Muaj tseeb tiag kev txom nyem tsis muaj caij kawg nyob dab teb.
    Tag nrho nej sawv daws uas tsis ntseeg tias KUV nrog neeg tham tau, KUV thov nej rau siab teev Ntuj rau kuv lub Siab Txi Ntuj. Niaj hnub teev KUV lub siab Khuv leej neeg thaum 3 teev tav su dua. Kuv yuav muab txoj kev hlub txais nej cov lus thov, thaum ntawd nej yuav hnov nyob hauv nej lub siab. Tuav KUV txhais tes, KUV cov me nyuam. Tuav rawv txhob tso. KUV hlub nej tshaj plaws txog qhov kuv muab kuv txoj sia rau nej txhua leej kom nej dim.

    Thaum ntawd kuv yuav los txiav txim. Txawm kuv txoj kev HLUB yuav loj npaum li cas los kuv yuav tsis los tshuam txog txoj kev twj lij uas Kuv Txiv zoo nyiam muab rau nej mam txiav txim siab nej tus kheej.

    Vam tias thaum kawg nej yuav mloog KUV lub zeem muag ntawm cov yaj saub lub zwj ceeb no.

    Nco ntsoov tias Qhov Tseeb yog txoj kev yuav mus rau txoj sia nyob mus li thiab yog ib lo lus qhia txog thaum lub Ceeb Tsheej los nyob rau ntiaj teb.




    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Lub Caij Tos Huab Tais Peb Muaj Ob Yam Tos

    Post  Bao X Mary on 14th December 2012, 3:16 pm

    Mim thiab Maiv Tooj,

    Yog tias peb lub Koos Txoos Kas Liv twb lees txais qhov ntawd lawm mas peb yeej yuav tsum tau txhais xwb. Qhov tseeb ceeb tsuas yog tias ntshais tsam zoo li cov saub cuav uas niaj hnub tias ntuj yuav kawg tag kis los lwm lub hli no xwb. Hos yog peb lub koos txooos kas tos liv twb lees txais lawm mas yog muab txhais ua lub hmoob qhia rau peb cov ntseeg mas kuv xav tias yuav txhawb peb txoj kev ntseeg zoo heev . Vim peb cov Hmoob mas pheej ua xyem xyav tsis ntseeg yuav tsum muab tej yam zoo li nov los hais qhia kiag saib puas ntseeg.

    Yog Mim thiab Maiv Tooj neb ob leeg sib pab txhais mas haj yam zoo os. Kuv nyeem mes kas cov mas yeej rau kuv siab tshaj li, thiab kuv txaus siab heev li.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1804
    Date d'inscription : 2009-10-16

    Re: Lub Caij Tos Huab Tais Peb Muaj Ob Yam Tos

    Post  Mim on 14th December 2012, 4:40 pm

    Bao X Mary thiab tais Tooj,

    Tais Tooj, koj pom tej ntu zoo los koj tuaj txhais rau los tau os. Yeej muaj tej cov lus zoo kawg qhia kom peb to taub tias peb lub neej ua neeg ntseeg yog yuav coj li cas.

    Bao X Mary, lub Koom Txoos tsis tau txiav tias muaj tseeb li os, vim li ntawd kuv thiaj ncia me ntsis thiab kuv thiaj xav cia kuv mus tshawb nyeem kom ntau zog txog tus Maria Divine Mercy ntawd tso.

    Raws kuv tau nyeem txog tus poj niam ntawd mas nws yog ib tug niam tsev ua laj ua kam. Nws yeej coj kev ntseeg Kas Tos Liv, tiam sis nws kuj tsis mob siab rau nws txoj kev ntseeg kiag li. Thaum xyoo 2010 ntawd ces niam Mab Liab thiab HT Yes Xus mam tshwm tuaj txib nws kom ua tus saub tshaj tej lus txog lub neej yuav tuaj sai sai tom ntej no. Thaum ntej mas nws kuj tsis to taub dab tsi txog tej lus nkawd hais li vim nws twb tsis paub txoj kev ntseeg Kas Tos Liv zoo. Nkawd tuaj qhia qhia nws ces nws mam pib to taub zuj zus.

    Nws piav hais tias nws mus ntsib ntau tus txiv plig, tsis muaj neeg kam pab ua nws tus spiritual director li. Zoo li yog tus thib tsib loa li cas no thiaj mam kam lees pab nws xwb no... Tiam sis lub Koom Txoos yeej tsis tau lees tias yog tseeb li...

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5238
    Date d'inscription : 2009-08-18

    Re: Lub Caij Tos Huab Tais Peb Muaj Ob Yam Tos

    Post  Maiv Tooj on 14th December 2012, 9:15 pm



    Nyob zoo Bao X Mary thiab Mim,

    Kuv yuav ntxiv ob peb los rau ntawm tus pog Maria Divine Mercy (Marie Divine Miséricorde), nws yog ib tug neeg ua ib txoj hauj lwm loj, nws kav tuam txhab, nws ntxuag plig lawm tab sis nws tsis ntseeg Ntuj, nws tsis muaj caij mus teev Ntuj koom lub Txoos hauv tsev teev Ntuj li. Ib xyoos ua ntej cov xwm no yuav tshwm sim, nws mus xyuas ib tug mob hauv Tsev Kho Mob, tus neeg mob mob nyhav, nws tag kev cia siab, nws thiaj li nkag mus teev Ntuj me ntsis hauv lub tsev teev Ntuj me ntawm Tsev Kho Mob, mus txog hauv, teev Ntuj ib pliag ces txawm pom tus mlom Mab Liab nti thiab cia li txia ua neeg tawm los,; cov mlom Leej Ntshiab kuj cia li txia kiag ua neeg tawm los thiab. Pom li ntawd tag ces nws tsis to taub txog dab tsi li, yuav luag ib xyoos tom qab ces mam tshwm sim li Mim hais ntawd los mus.

    Kuv nyuam qhuav pib nyeem xwb, kuj muaj ntau zaj los tag nrho yeej zoo rau peb tib si, txawm hais tias yuav yog Saub cuav saub tseeb los yeej yog ib cov lus zoo. Tej thaum mas Tswv Ntuj xaiv ib tug neeg los hais xwb, tsis yog tus ua txiaj ntsim, yog cov mloog coj mus siv ua txiaj ntsim. Kuv nyiam cov ntsiab lus hauv cov lus Ceeb Toom nov kawg. Nws haiv txog peb lub neej niaj hnub, nws qhia lub ntsiab qhov zoo qhov phem rau peb xaiv, nws tsis ua paj lug hais ces tsis muaj qhov ua xyem xyav los yog ho txhais yuam kev.

    Ntau ntau li, yog yuav txhais ua lus hmoob mas ntshe yuav tau faib sib pab txhais mas thiaj li yuav txhais tag. Vim nyeem xwb twb yuav muab lub caij ntau los nyeem lawm. Kuv ces khwv khwv li, ib hnub tej zaud kuv tau los zaum ntawm PC ib teev xwb ces twb yog ntau heev lawm. Tej thaum ces twb tsaus ntuj lig lig mam tau los zaum ces twb nkees nkees lawm, ua tsis taus dab tsi li.



    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Lub Caij Tos Huab Tais Peb Muaj Ob Yam Tos

    Post  Bao X Mary on 15th December 2012, 4:46 pm

    Mim thiab Maiv Tooj,

    Peb yog neeg xwb peb yeej tsis paub tab sis raws li kuv nyeem me ntsis mas yeej zoo tau txhawb yus txoj kev ntseeg kawg li. Li koj hais Maiv Too, nws yeej ntau heev li tab yog tias neb ho muaj lub siab dawb los pab txhais los ho txhais cov lus ceeb toom kom txhawb sawv daws txoj kev ntseeg.Es yog leej twg ho xav paub los mam mus nyeem hauv ntawv fab kis los ntawv mekas naws li nyiam nyeem tau.Ntawm kuv los kuv niag tsis paub ntawv zoo thiab paub lus Hmoob tob ces muaj tej lo lus kuv paub lus mes kas los kuv txhais tsis tau ua lus Hmoob mas kuj nyuaj kawg li thiab. Kuv zoo siab uas neb ob leeg tseem muaj lub siab dawb thiab muab lub sij hawm los nthuav txog Tswv Ntuj tej lus zoo rau peb sawv daws tau kawm thiab txhawb peb txoj kev ntseeg. Kuv txawm tsis tuaj sau dab tsi ntau los kuv yeej tuaj saib tas li txhua hnub thiab nyeem tej zaj uas txhawb kuv txoj kev ntseeg.

    Ua nej sawv daws txhua tus tsaug uas tau muab lub sij hawm thiab lub siab dawb paug los nthuav Tswv Ntuj tej lus zoo, lus txhawb zog rau peb sawv dawb nawb mog.

    Thov kom Tswv Ntuj nrog peb txhua tus nyob ua peb siab kaj lug mus li.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5238
    Date d'inscription : 2009-08-18

    Re: Lub Caij Tos Huab Tais Peb Muaj Ob Yam Tos

    Post  Maiv Tooj on 17th December 2012, 11:30 am



    Nyob zoo Bao X Mary,

    Yog koj khoom no, koj pab txhais ib txhia thiab mas yuad, vim hauj lwm ntau heev ces ua tsis tau li siab xav. Cov lus ceeb toom xwb los yeej ntau kawg lawm.

    Kuv pom zaj no zoo li ntxim kuv siab heev thiab cia kuv lam ntxhais rau peb nyeem.


    CEEV FAJ COV SAUB CUAV.

    Yuav tau ceev faj rau cov saub cuav. Kuv yuav tau ceeb toom rau KUV cov me nyuam kom xwv lawv thiaj paub xyuam xim txog cov saub cuav. Muaj coob tus neeg txawj saib ua kom neeg yuam kev. Cov neeg Txawj saib tiag, Tswv Ntuj lub txiaj ntsim nrog lawv, lawv txawj tshaj KUV cov lus qhov tseeb, muaj hwj huaj thiab tseem muaj hwj huam yees ntxwv nrog tib si kom tsis muaj neeg tsis lees tau.
    Thaum kuv pom coob tus Txawj Saib raug kuv cov thwj tim tsis lees txais rau kuv lub siab ntuag rhe. Twb yog cov thwj tim uas KUV xa mus qhia KUV cov me nyuam ntag, tseem plam lawv lub luag hauj lwm thiab. Zaum no lawv yuav tau rov tig los ntawm KUV, los txais kev qhuav qhia thiab yuav tau teev Ntuj kom tau ua tus coj KUV Haiv neeg.

    KUV cov tub txib tseem ceeb heev thiab lawv twb tau txias cov Cim tag lawm mas lawv yuav tau mloog cov lus uas kuv sau no. Nej txog hauj lwm yog KUV hnub no. Rov mus cog lus dua ntxiv kiag tam sim no. Ntseeg thiab raws kuv cov lus tshaj no mog. Txhob zaug zog mog, vim nej txhua tus raug hu tib si los ua tim khawv kev tseeb ntawm Phau Ntawv Qhia qhov tseeb.

    Kav txij npaj siab rau lub Caij tom ntej yuav tuaj no. Txhob tsis lees KUV mog thiab txhob tig nraub qaum rau kuv. Rau siab tshaj Ntuj Lus thiab ntseeg ruaj khov. Txhob muab kuv cov lus Qhia ntau nqe tsawg es hais rau kuv cov thwj tim tias twb zoo txaus lawm. Tsis yog li no qhov lus tshaj uas KUV xav qhia rau nej paub. Txoj hauj lwm uas nej yuav ua rau KUV, nej tus Cawm Seej Ntshiab, yog kom nej mus qhia qhov Tseeb rau nej pab yaj.

    Yuav tsis txhob hais rau KUV cov me nyuam tias yuav cawm tau tag nrho sawv daws. Hais li ntawd mas tsis yog qhov tseeb. Vim tsuas yog cov uas nrhiav KUV txoj kev zam thiab zwm rau KUV thiab KUV cov lus Qhia thiaj li yuav Cawm tau xwb.

    Yog tim li cas nej thiaj tsis mloog KUV cov lus Qhia?
    Yog tim li cas nej pheej kiam ub kiam no?
    Yog tim li cas nej thiaj qhia yuam kev KUV cov me nyuam tias Tswv Ntuj zam tag puas tsav yam?

    Kuv Txiv nyob mus li tsuas zam rau cov uas ntseeg txog kuv thiab cov uas txawj lees lawv cov txhaum xwb.

    Es KUV tuag kiag saum Ntoo Cuam los yeej tsis ua cas rau nej li lov?
    KUV twb txhob txwm tuag kom tau cawm neeg ntiaj teb ntawm Dab Phem cov taug vwm. Tab sis kuv cia nej ywj siab dhau ces nej tseem qhia yuam kev qhov Dag rau KUV cov me nyuam lawm thiab. Nej tseem npog Txoj Cai qhov tseeb ntawm lub Koom Txoos Ntshiab uas tau hu nej los mus qhia. Nej puas txaj muag? Nej nim ntshaw ntshaw tej teeg tug uas lub ntiaj teb muab rau nej, nej mus ntseeg tej cai uas yog dab phem ntxias dag rau neeg coob riv mus txog rau KUV cov me nyuam tib si. Cov me nyuam ntsuag nos ntawd , lawv muab coj mus yuam kev lawm, yuav tau rov qhia lawv. Lawv yuav tsum txawj txhais txog neeg thiab Tswv Ntuj cov lus Cog tseg uas KUV ua.

    Yog tim li cas KUV cov me nyuam ho tsis ntseeg txog tej uas tuaj saum Ntuj tuaj?
    Yog tim li cas ho saib tsis muaj nqes thaum los txog ntawm nej?
    KUV cov Leej Choj, nej mloog KUV cov lus nquag hu txog nej, nej rau siab thov Ntuj kom lawv mloog KUV cov lus tseeb no.



    avatar
    Bao X Mary
    Phooj Ywg
    Phooj Ywg

    Messages : 183
    Date d'inscription : 2011-07-09

    Re: Lub Caij Tos Huab Tais Peb Muaj Ob Yam Tos

    Post  Bao X Mary on 18th December 2012, 7:56 am

    Maiv Tooj,


    Kuv mas xav txhais los ua li kuv hais uas paub lus mas kas tsis zoo, ho tsis paub lus hmoob tob thiab ces txhais tau tsis muaj kuab. Yog tias Mim neb tsis muaj sij hawm txhais los tsis ua cas. Yeej siv sij hawm heev li. Cia sawv daws mam mus nyeem raws li nyias nyeem tau xwb. Yog tias thaum twg neb ho muaj sij hawm los mam li maj mam txhais xwb.

    Ua tsaug koj tseem pab txhais thiab.

    Sponsored content

    Re: Lub Caij Tos Huab Tais Peb Muaj Ob Yam Tos

    Post  Sponsored content


      Current date/time is 28th April 2017, 4:57 am