Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    KEV THOOB TSIB

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: KEV THOOB TSIB

    Post  Maiv Tooj on 9th August 2011, 7:04 am



    Nyob zoo XH.Npuag Tub,

    Wow...! Nws yuav txawj hais ua luaj li...!Ua tsaug nawb mog.

    Txawj hais yog kawg, zoo mloog tab sis nyuaj zoo ntoog.
    Yog kawg, zoo xav tab sis nyuaj kav.

    Li cas los nyeem tej cov lus thoob tsib li no mas txhawb yus lub zog thaum yus txoj kev nqaim nqaim thiab kwv tws...Yog yus tsis yws ces Tswv Ntuj yuav nqa tij ywm...






    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB

    Post  Npuagtub on 9th August 2011, 10:17 am


    Nyob zoo os Mt,

    Ua tsaug koj cov lus txhawb zog os mog.


    Small
    NEEG LUB SIAB

    Tus neeg siab ncaj ______ tsis ntshaw luag tug
    tus neeg siab huv ______ nyiam hlub luag tej
    tus neeg siab phem ______ tsis ntshai luag tsuj
    tus neeg siab dub ______ tsis hwm lub Ntuj.

    Tus neeg siab zoo ______ paub kev khuv leej
    tus neeg twm xeeb ______ tsis yuav luag lus
    tus neeg siab luv ______ thiaj npau taws sai
    tus neeg coj cai ______ thiaj tsis yuam kev.

    Tus neeg siab dav ______ hlub taus txhua leej
    tus neeg tsheej xeeb ______ thiaj pom kev deb
    tus neeg siab me ______ tso siab tsis tau
    tus neeg siab nkaug ______ yuav hloov yeej nyuaj.

    Tus neeg siab loj ______ tsis muaj kev ntshai
    tus neeg siab nqaim ______ tsis muaj kev hlub
    tus neeg siab kub ______ tos nco yuam kev
    tus neeg siab ntev ______ tsis cem luag tej.

    ~ Written by Npuag Tub Hawj ~





    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB

    Post  Npuagtub on 13th August 2011, 4:40 pm


    SIB KOOM SIAB


    Ob txhais tes tsis npaum kaum txhais npab
    ua ib pab sib koom thiaj sawv tau ruaj
    thaum cua tshuab thiaj li tsis ntog.



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB

    Post  Npuagtub on 21st August 2011, 9:56 am



    Lub siab hnov txog
    yam qhov muag pom tsis tau
    thiab paub txog yam lub tswv yim
    tsis to taub...



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB

    Post  Npuagtub on 29th September 2011, 9:44 am


    Kev Tsom Ntsoov thiab Ua Siab Ntev

    Yog tias yuav tuav ib lub pob zeb me me rau ntawm yus lub qhov muag ces lub pob zeb ntawd yuav zoo nkaus li ib yam loj heev. Cia li cuam rau hauv av, thiab yus txawm tsom tau tias nws luaj li cas tiag. Ib yam li ntawd, cov teeb meem los sis kev cov nyom hauv peb lub neej yuav tsum muab tsom raws li cov lus qhuab qhia hauv cov ntawv Ntshiab hais. Tsis li ntawd ces tej ntawd yuav ua rau peb pom kev tsis khav, ua rau peb qaug zog, thiab ua kom peb tsis muaj kev xyiv fab thiab tej kev zoo nkauj uas tus Tswv xav kom peb txais yuav hauv lub ntiaj teb no.

    Qee leej yeej zoo li ib co pob zeb uas yus cuam rau hauv hiav txwv uas muaj teeb meem ntau. Lawv cia li tog mus hauv tej teeb meem ntawd. Thov kom ua ib yav ntoo uas txawj ntab. Thaum twg ntsib ib yam teeb meem, cia li tawm tsam qhov ntawd thiab ntab mus rau saum tej ntawd thiab muaj kev zoo siab dua. Nej nyob hauv ntiaj teb no vim muaj ib lub ntsiab uas los saum ntuj los. Lub ntsiab ntawd tsis yog kom muaj kev lom zem los sis muaj kev zoo siab tas mus li. Nej nyob ntawm no koj thiaj raug kev sim siab, kom qhia tseeb seb nej puas tsim nyog tau Tswv Ntuj cov koob hmoov ntxiv uas nws xav muab rau nej.

    Tswv Ntuj xav kom nej yuav loj hlob thiab tawg paj txi txiv. Yuav haj yam loj hlob zoo thaum nej cia Nws coj nej kev hauv txhua yam uas nej raug, txawm hais tias nej xav los sis tsis xav kom nws pab. Thaum nej tso siab rau tus Tswv, thaum nej qhib nej siab nej ntsws es tsom ntsoov seb Nws lub siab xav li cas, thaum nej thov tus Ntsuj Plig coj nej kev ua raws li Nws lub siab nyiam, nej yeej yuav txais kev zoo siab hauv lub neej no thiab yuav kawm ntau yam hauv lub ntiaj teb no. Yog tias nej xav paub seb yog vim li cas yuav tau ua txhua yam, los sis pheej tawm tsam thaum twg muaj tej kev cov nyom, nej thiaj ua kom haj yam nyuaj nyuaj rau tus Tswv foom koob hmoov rau nej.

    Nej txoj kev ywj siab, uas yog txoj cai uas cia nej xaiv, tsis yog rau nej tau xaiv tej yam uas nej lub siab nyiam xwb. Txoj koob hmoov no yog kom pab nej xaiv tej yam uas nej Leej Txiv saum Ntuj Ceeb Tsheej xav kom nej ua. Ua li no Nws thiaj pab coj nej kev mus ua tus neeg uas Nws xav kom nej ua. Txoj kev ntawd yuav coj nej mus rau kev xyiv fab thiab kev zoo siab.



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB

    Post  Npuagtub on 29th September 2011, 10:20 am


    Txoj Kev Kaj Siab Nyob Ntawm Yus Txoj Kev Cia Siab Rau Tswv NTuj.

    Kev tu siab, poob siab, thiab tej kev cov nyom yog tej xwm uas yus raug hauv lub neej yav tas los, thiab niaj hnub no. Tsis yog kuv hais tias tej xwm no tsis nyuaj. yeej yog ib yam xwm ua rau peb ntxhov siab txhua lub sij hawm.
    Tej xwm no kav tau ntev heev, tiam sis yuav tsum tsis txhob cia tej xwm no nyob hauv plawv txhua yam koj ua.

    Tswv Ntuj Nws xav kom peb txhua tus yuav nrhiav kom tau kev xyiv fab. Nws xav kom peb muaj kev ntseeg txog nws Leej Tub Yes Xus Pleev, thiab txhua yam nws cov lus qhia, koj thiaj yuav muaj kev xyiv fab hauv lub ntiaj teb no.

    Koj txoj kev xyiv fab hauv lub neej no nyob ntawm seb koj tso siab npaum li cas rau Leej Txiv Saum Ntuj Ceeb Tsheej thiab Nws Leej Tub Yes Xus Pleev, koj txoj kev rau siab ua raws li Tswv Ntuj txoj hauj lwm, yuav coj kev xyiv fab los rau koj. Thaum koj xav txog Tswv Ntuj cov lus qhuab qhia koj yuav muaj kev xyiv fab ntawm lub ntiaj teb thiab yuav nrog lwm tus neeg sib raug zoo. Nws yuav pab koj tau kev nplij siab, thiab tau ib lub zog ntawm kev thov Ntuj los ntawm Leej Txiv saum Ntuj Ceeb Tsheej thiab tau Nws cov lus teb.



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB

    Post  Npuagtub on 1st October 2011, 6:06 am

    Kev Npau Taws yog Ua Raws Li Dab Ntxwg Nyoog lub Siab Nyiam

    Kev npau taws yog ua raws li Dab Ntxwg Nyoog lub siab nyiam vim thaum ntawd peb tsis tswj peb lub siab lawm. Nws yog ib txoj kev txhaum nyob hauv peb lub paj hlwb vim li ntawd yus thiaj muaj tej kev xav tsis zoo los sis tsis ua tej yam zoo. Nws yog qhov uas ua rau yus chim siab thaum tsav tsheb, muaj kev sib cav sib ceg thaum ncaws pob, thiab ntaus poj niam me nyuam hauv tsev.

    Thaum yus tsis tswj hwm, kev npau taws ua rau yus hais ib co lus phem thiab tsim txom cov neeg uas muaj siab mos. Tus Cawm Seej tau hais tias “tej lus uas tawm hauv neeg lub qhov ncauj ua rau neeg txhaum kev cai”
    (Mathais 15:11).

    Kev ntaus tib neeg yog kev npau taws xwb thiab tsis muaj ib lub ntsiab rau yus ua li ntawd thiab yeej yog ib qho tsis ncaj ncees. Kev npau taws tsuas yog ib txoj kev kom lwm tus neeg xav tias lawv tau ua txhaum los sis ib txoj kev quab yuam tib neeg kom kho ib yam dab tsi. Ib txhia hais tias nws tsuas yog kev qhuab ntuas xwb tiam sis feem ntau qhov ntawd tsis pab li.

    Yog li ntawd phau ntawv Ntshiab thiaj li ceeb toom hais tias: “Nej txhua tus uas yog txiv, nyias yuav tsum hlub nyias tus poj niam, tsis txhob ua lim hiam rau nws,” thiab “Nej cov uas yog txiv tsis txhob ua rau nej tej me nyuam tsiv siab, nyob tsam lawv tsis pom qab yuav ua li cas (Koslosxais 3:19, 21).



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: KEV THOOB TSIB

    Post  Npuagtub on 1st October 2011, 6:31 am


    Kev Thaj Yeeb Nyab Xeeb Yog Kev Zam Txim

    Yog tias nej leej twg uas muaj lub siab tsis zoo es muaj chaw chim siab rau lwm tus neeg, kuv taij thov kom nej yuav thov tus Tswv pab nej zam txim. Txoj kev xav li no yuav yog lub hauv paus rau koj txoj kev hloov siab lees txim. Tej zaum yuav tsis yooj yim, thiab tej zaum yuav tsis los sai sai. Tiam sis yog tias nej yuav mob siab nrhiav thiab tu qhov no, ces nws yeej yuav los.

    Thiab txawm tus uas koj zam txim rau lawm pheej caum nej qab thiab tsim txom nej, nej yuav paub tias nej tau ua txhua yam nej ua tau kho qhov teeb meem ntawd. Ces nej thiaj yuav tau kev thaj yeeb nyab xeeb hauv nej lub siab uas yog tias nej tsis ua li no nej yeej yuav nrhiav tsis tau li.

    Qhov thaj yeeb nyab xeeb ntawd yog kev thaj yeeb nyab xeeb ntawm Nws tus uas tau hais tias: “Yog nej zam txim rau tus uas tau ua txhaum rau nej lawm, nej Leej Txiv Saum Ntuj Ceeb Tsheej nws thiaj yuav zam txim rau nej: “Tiam sis yog nej tsis zam txim rau lwm tus, nej Leej Txiv yuav tsis zam txim rau nej thiab”.
    (Mastais 6:14–15).



    Photobucket

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    LUB NEEJ THOOB TSIB

    Post  Npuagtub on 12th February 2013, 2:46 pm



    LUB NEEJ THOOB TSIB

    Lub koob meej zoo _____ nws zoo dua cov tshuaj tsw qab uas muaj nqis
    Hnub koj tuag _____ nws zoo dua hnub uas koj yug.

    Yus mus hauv lub tsev neeg quaj ntsuag _____ zoo dua li mus hauv lub tsev muaj kev lom zem.
    Nyob twj ywm ntsiag to _____ nws zoo dua li nyob luag ua qaub ua qais.

    Tus nyob twj ywm ntsia to _____ nws yog tus thoob tsib to nrog.
    Tus uas ntshaw zias xav tau zoo nyob ____ nws yog neeg tsis muaj tswv yim.

    Tus neeg xav pom kev ploj tuag _____ tus ntawd yog neeg muaj tswv yim.
    Tus neeg ntse cem yus _____ zoo dua li tus neeg ruam qhuas yus.

    Yav ntsis nws zoo dua ____ li yav hauv paus.
    Lub siab ntev zoo dua _____ li lub siab pob taub.

    Lub tswv yim zoo pab neeg _____ zoo dua li kaum tus thawj coj pab ib lub nroog.
    Tsis txhob mloog txhua zaj lus _____ tsam yus hnov luag thuam yus.



    Photobucket

    Sponsored content

    Re: KEV THOOB TSIB

    Post  Sponsored content Today at 3:15 pm


      Current date/time is 10th December 2016, 3:15 pm