KEV THOOB TSIB

**Npuagtub** 8th March 2010, 12:21 pm

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°51

Re: KEV THOOB TSIB

Post Npuagtub 8th March 2010, 12:21 pm

Maivxis wrote:

Npuag Tub wrote:
COV NEEG SIAB NCAJ

Cov neeg siab ncaj lawv txawj hwm tus Tswv
tsim thiab kav tas ib puas tsav yam
cov neeg siab ncaj lawv txawj pom lawv txoj kev kaj
cov neeg siab ncaj txawm lawv ntog
pes tsawg zaus los lawv yeej sawv luag nyav
cov neeg siab ncaj txawm lawv yuav raug luag hiam
los lawv lub siab yeej nyob kaj
txawm lawv lub cev yuav ris ib lub nra hnyav
los lawv tus ntsuj plig yeej dhia hom khaj.

Cov neeg siab Ntshiab lawv txawj hwm tus tswv
nyob saum txheej ntuj siab
cov neeg siab Ntshiab tsis iab liam lwm tus
lawv txav deb ntawm cov neeg lim hiam
lawv ntxub txoj kev phem kev qias
lawv nyiam ua thiaj coj raws nraim li Yes Xus
lub moo zoo thiab lub Koom Txoos Ntshiab.

Cov neeg siab zoo lawv paub qhov zoo thiab qhov phem
lawv taug kev ncaj raws li txoj caij teev muaj
lawv txawj hlub cov neeg quaj nsuag
lawv mus xyuas cov neeg txom nyem
lawv txoj kev hlub loj ci zoo li lub hnub
qhov pom kev ci tuaj thoob lun ntiaj teb.

Written by Npuag Tub Hawj
Fresno, California
USA

Nyob zoo os XH NpuagTub , Thiab tag nrho cov phooj ywg sawv daws .

XH,NpuagTub , koj sau tau zaj lus thoob tsib no tau zoo ua luaj li , Koj tshaj lij kawg li os yuad !! koj txawj txawj sau li es kav tsij tuaj sau kom ntau ntau rau peb tau nyeem os mog , Vim nws muaj ntau yam nyob rau hauv zoo heev li
Ua koj tsaug nawb mog ua skoj tseem muab tej txuj no tuaj qhia rau sawv daws tau nyeem daws txoj kev nyuaj siab thiab os

Maivxis .

Sister MX,

Ua nws tsaug ntau rau nws lub siab zoo,
nws tej lus muag lus mos lus tuaj txhawb kom peb txhua leej txhob tsaug zog.
Nws cov lus muaj txiaj ntsim tuaj txhawb tuaj tsa kom peb txhua leej ras tsim.
Nws cov lus muaj liaj txheej dav tuaj qhia kom peb tshua leej txawj sib zam.
Nws cov lus muaj kuab tshuaj tuaj kho peb txhua tus tej siab ntsws kom txawj
rov los sib hlub sib pab nyob hauv peb tus Huab Tais Yes Xus Pleev lub Npe.

**Maiv Tooj** 9th March 2010, 8:16 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°52

Re: KEV THOOB TSIB

Post Maiv Tooj 9th March 2010, 8:16 am

Nyob zoo XH. Npuag Tub thiab maiv Xis,

XH. Npuag Tub, nws mas Thoob Tsib heev, nyeem nws cov lus Thoob Tsib, zoo nkaus li nrog Vaj David nyob ua ib txheej kiag ntag.

Nws tso thaum twg yeej tuaj nyeem ib los zuj zus, tab sis pheej xav teb nws ces cia thiab cia, los Leej tswv Yim Ntshiab pheej tsis los thawj ces thiaj cia txog tav nov. Hnub no tuaj hais ib los rau nws paub tias txhua zaus nws sau ib zaj lus Thoob tsib yeej tuajyeem tag nrho lawm no xwb...

Tswv Ntuj yog txoj kev hlub

Last edited by Maiv Tooj on 31st May 2016, 9:20 am; edited 1 time in total

**Npuagtub** 9th March 2010, 12:26 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°53

Re: KEV THOOB TSIB

Post Npuagtub 9th March 2010, 12:26 pm

Sister Mt,

Ua tsaug rau nws cov lus zoo tuaj ua kom peb sawv daws muaj siab muaj zog tuaj sib koom.
ua tsaug rau nws cov lus qhuab qhia tuaj pab kom peb sawv daws muaj zog muaj sia.
Nws yog ib leej zoo Niam tsev nws tej lus ua rau peb sawv daws pom deb.
Nws yog ib leej Niam tshaj li thiab tiaj lim, nws tej lus sau tsawg lo los puav leej muaj nuj nqis
vim nws muaj Leej Tswv Yim Ntshiab nyob puv npo hauv nws lub meej yim.

Kuv yog neeg tshiab neeg lig ces lam xav lam sau raws li kuv lub tswv yim
kuv tej lus yeej tsis muaj lub zoo tseem ntsiab li
tsis tsim nyog rau nej nkim lub sij hawm muaj nuj nqis tuaj nyeem
kuv tsuas lam sau cia nyob ua puav pheej tias nws yog kuv li liaj txheej
kuv tau los ua neeg ib zaug raws li Tswv Ntuj tsim.
Kuv tsis yog neeg tiaj lim, kuv lub tswv yim thiaj li tsis pom deb
kuv tes ncav tsis cuag yam kuv ntshaw uas nyob chaw siab,
kuv lub siab ntxhov nhyo, kuv mloog cov pob txha ntsoo lis ntxaws
kuv hais tsis tau tawm rau sawv daws hnov, txawm tias kuv hais
los yeej tsis muaj leej twg pom, tsuas yog tus uas nws hlub kuv
nws thiaj paub thiab pom, vim nws yog tus yuav so kuv kua muag
nws yog tus tau yeej txoj kev tuag los tau txoj siab nyob mus li.
[

Last edited by XH. Npuagtub on 7th October 2010, 4:49 pm; edited 1 time in total

**Npuagtub** 8th April 2010, 1:13 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°54

TXOJ KEV SIB HLUB

Post Npuagtub 8th April 2010, 1:13 pm

TXOJ KEV SIB HLUB

Lub txiv ntawm txoj kev ntseeg
nws yog txoj kev sib hlub thiab
lub txiv ntawm txoj kev hlub
nws yog cov hauj lwm.

Txhob pheej niaj hnub tos cov thawj coj
cia li ua koj tus kheej, ib leeg rau ib leeg
txawm cov neeg muaj los lawv yeej
tshaib nqhis txog txoj kev sib hlub.

Thaum koj hais lus luag ntxhi rau ib tug neeg
nws yog ib lub txiaj ntsim zoo tshaj
nyob hauv txoj kev kaj siab thiab
txoj kev hlub pub rau tus neeg ntawd.

Yog koj xav kom luag hais lus zoo rau koj
mas koj yuav xub hais lus zoo rau luag
koj yuav tswj ceev koj lub teeb kom roj puv npo
thiaj li yuav cig tau lam lug kaj rau luag pom kev.

Yog koj pheej txiav txim rau luag tej
ces koj yuav tsis muaj sij hawm hlub luag
yog koj pheej xav txog luag qhov yuam kev
ces koj yuav tsis muaj caij los kho koj tus kheej.

Hauv lub neej no peb tsis muaj peev xwm
ua tau tej yam loj muaj hwj chim
peb tsuas ua tau tej yam me tiam sis
muaj txoj kev hlub loj nrog.

Muaj coob leej tshaib nqhis txoj kev hlub
muaj tsawg leej tshaib nqhis txoj mov noj
Kev hlub zoo nyob rau txhua lub caij
coj koj txoj kev hlub nrog koj mus ua ke
txhob cia neeg chim ntawm koj xub ntiag mus.

Yam zoo koj ua hnub no
neeg yuav hnov qab tag kis
koj muab tag txhua yam zoo koj muaj
los rau lub ntiaj teb los yeej tsis txaus
tiam sis ua zoo li koj lub peev xwm ua tau.

~ Npuag Tub Hawj ~
~

**Npuagtub** 11th April 2010, 2:14 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°55

TXOJ KEV SIB NYIAM SIB HLUB

Post Npuagtub 11th April 2010, 2:14 pm

KEV SIB NYIAM SIB HLUB

Kev hlub yuav xub chiv ntawm yus tus kheej
mam li mus rau luag lwm leej
yuav hlub hauv yus tsev ua ntej
mam li mus hlub luag tej
yuav hlub tus nyob ze tso
mam li mus hlub tus nyob deb.

Yuav hlub, hlub thaum txoj sia tseem nyob
yuav noj, noj thaum zaub mov tseem sov
yuav pab, pab thaum luag tseem vam txog
yuav coj, coj thaum luag tseem xav los
txhob tos txog thaum luag twb tsis nco lawm.

Nrhiav txoj kev hlub nyuaj tshaj
nrhiav zaub mov rau hauv plab
yam tsim txom kev hlub loj tshaj
yog tua me nyuam xeeb nyob niam plab.

Yog ib leej niam tua tau nws tus me nyuam
tshuav dab tsi rau kuv tua koj thiaj koj tua kuv?
muaj neeg tshaib kev hlub tshaj, neeg tshaib plab
txawm koj hlub tsis tau ib puas leej
los tsuav koj ho hlub tau ib leeg.

~ Npuag Tub ~

Last edited by XH. Npuagtub on 7th October 2010, 4:52 pm; edited 2 times in total

**Npuagtub** 20th April 2010, 1:06 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°56

THOV TXIM NTAWM TSWV NTUJ

Post Npuagtub 20th April 2010, 1:06 pm

THOV TXIM NTAWM TSWV NTUJ

Huab Tais Tswv Ntuj, kuv tu siab kawg
kuv tau ua txhaum rau koj lawm
kuv cov txhaum nyob ntawm
koj xub ntiag tsis tseg
thov koj txhob ntsia
thov koj muab cheb pov tseg.

Huab tais, kuv niaj hnub ua tsis ncaj
thov koj zam kuv kev ua txhaum
thov koj cia kuv nyob ze koj lub vaj
ces kuv yuav rov qhia koj txoj kev zam
rau cov neeg txhaum, cov neeg yuam kev
kom lawv rov los cuag koj.

Huab Tais Tswv Ntuj
thov koj txhob ntiab kuv
mus deb ntawm koj xub ntiag
thov koj pub ib lub siab tshiab
huv lis si los hloov kub lub qub siab.

Huab Tais, koj txhob thau
koj lub tswv yim ntshiab mus deb
ntawm kuv lub siab lub tswv yim
thov koj muab ib lub tswv yim tshiab
tawv los cog rau hauv kuv .

Huab tais, koj lub siab zoo koj cawm kuv mas
kuv yuav rov paub txoj kev lom zem
kuv lub ncauj yuav cav txog koj lub npe
rau txhua haiv neeg nyob ntiaj teb
kuv yuav qhia koj txoj kev zam
rau cov neeg yuam kev kom lawv
rov los cuag koj, cav txog koj lub npe mus li.
Ua li..

~ Npuag Tub Hawj ~

Last edited by XH. Npuagtub on 7th October 2010, 4:58 pm; edited 1 time in total

**Npuagtub** 19th May 2010, 12:19 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°57

KEV HLUB, KEV ZOO NKAUJ, KEV SIB KOOM CEV.

Post Npuagtub 19th May 2010, 12:19 pm

KEV SIB HLUB

KEV HLUB TSIS YOG KEV CIB NYEEJ
KEV HLUB YOG KEV SIB HAUM XEEB
KEV HLUB TSIS YOG KEV MOM LUAG TXHEEJ
KEV HLUB YOG KEV TXHAWB KOM VAM MEEJ
KEV HLUB TSIS YOG KEV KHIB XEEB
KEV HLUB YOG KEV KIB CUAB VIJ ZEEJ
KEV HLUB TSIS YOG KEV SIB NTXUB
KEV HLUB YOG KEV SIB NTOJ SIB THUV
KEV HLUB TSIS YOG KEV KOOM CEV
KEV HLUB YOG KEV TXHAWB KOM POM KEV
KEV HLUB TSIS YOG KEV UA DEV UA NPUA
KEV HLUB YOG KEV SIB HMOV TSHUA
KEV HLUB TSIS YOG KEV ZOO NKAUJ ZOO TAWV
KEV HLUB YOG KEV ZOO SIAB ZOO PLAWV.

~ Npuag Tub ~

Last edited by XH. Npuagtub on 11th March 2011, 10:00 am; edited 2 times in total

**Npuagtub** 19th May 2010, 12:51 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°58

KEV SIB PUAG CEV UA NEEJ

Post Npuagtub 19th May 2010, 12:51 pm

KEV SIB PUAS CEV

KEV SIB PUAS CEV UA NEEJ TSIS YOG KEV PLEES KEV YIG
KEV SIB PUAS CEV UA NEEJ YOG KEV TSIM NOOB NEEJ KIB CUAB VIJ ZEEJ
KEV SIB PUAS CEV TSIS YOG KEV SIB HLUB
KEV SIB PUAS CEV YOG KEV TSIM ME TUB ME NYUAM KOM THOOB NTUJ
KEV SIB PUAS CEV TSIS YOG KEV ZOO NKAUJ ZOO NRAUG
KEV SIB PUAS CEV YOG KEV SIB HAUM SIB RAUG
KEV SIB PUAS CEV TSIS NYOB MUS LI
KEV SIB PUAS CEV TSUAS KAV IB SIM
KEV SIB PUAS CEV TSIS KAV IB TXHIS..

~ Npuag Tub ~

Last edited by XH. Npuagtub on 11th March 2011, 10:10 am; edited 2 times in total

**Npuagtub** 20th May 2010, 5:01 am

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°59

KEV ZOO NKAUJ ZOO NRAUG

Post Npuagtub 20th May 2010, 5:01 am

ZOO NKAUJ ZOO NRAUG

KEV ZOO NKAUJ ZOO NRAUG TSIS YOG KEV HLUB
KEV ZOO NKAUJ ZOO NRAUG TSUAS ZOO IB NTUS
KEV ZOO NKAUJ ZOO NRAUG TSIS YOG SIB PUAS CEV
KEV ZOO NKAUJ ZOO NRAUG NYOB TSIS NTEV
KEV ZOO NKAUJ ZOO NRAUG TSIS YOG KEV UA IB YIG
KEV ZOO NKAUJ ZOO NRAUG TSIS NYOB IB TXHIS
KEV ZOO NKAUJ ZOO NRAUG TXAWJ PLOJ MUS.

KEV ZOO NKAUJ ZOO NRAUG PAUV TSIS TAU KEV HLUB
VIM KEV HLUB THIAJ LI NYOB KAV IB SIM
VIM KEV HLUB NYOB MUS IB TXHIS
NWS TSIS TXAWJ PLOJ LI.

Last edited by XH. Npuagtub on 11th March 2011, 10:22 am; edited 2 times in total

**Npuagtub** 26th June 2010, 7:17 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°60

Re: KEV THOOB TSIB

Post Npuagtub 26th June 2010, 7:17 pm

		TUS MUAJ LUB SIAB NTSEEG. Tus neeg muaj lub zoo npe nto, tsis cuag tus neeg muaj lub siab ntseeg khov. Tus neeg muaj lub npe nto moo, tsis cuag tus neeg muaj lub siab ntseeg zoo. Tus neeg muaj lub zoo npe hu, tsis cuag tus neeg muaj lub siab ntseeg tus. Tus neeg paub kev ntseeg zoo, tsis cuag li tus neeg muaj kev ntseeg. Tus neeg muaj lub npe luag hwm, tsis cuag tus muaj lub siab ntseeg khov ib txwm. Tus neeg muaj lub npe zoo rau luag ntshaw, tsis cuag tus muaj lub siab ntseeg nyob ruaj chaw. Tus neeg muaj npe zoo rau luag qhuas, tsis cuas tus muaj lub siab ntseeg ruaj.
Lub npe yog leej tib neeg tis, lub siab ntseeg yog Leej Ntuj Plig Ntshiab li. Lub npe yog leej tib neeg hu, lub siab ntseeg yog leej ntuj plig Ntshiab tug. Lub npe yog ua kom neeg txhob mom txheej, lub siab ntseeg yog ua kom tau kev cawm seej.

Last edited by XH. Npuagtub on 7th October 2010, 5:14 pm; edited 6 times in total

**Npuagtub** 8th July 2010, 12:06 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°61

Re: KEV THOOB TSIB

Post Npuagtub 8th July 2010, 12:06 pm

Nkauj Paj Nruag 130
Thov Tswv Ntuj Khuv Leej Thiab Zam Txhaum.

Kuv nyob hauv qab tiv txwv, Huab tais kuv hu txog koj. Thov koj mloog kuv lub suab, koj tig ntsej los mloog kuv lub suab taij.
Huab Tais yog koj nco ntsoov txog peb tej txhaum, leej twg thiaj yuav nyob tau? Tab sis nyob ze koj muaj txoj kev zam, ces sawv daws yuav hwm koj. Kuv tus plig tos txog Huab Tais heev dua tus zov keeb tos txog lub caij kaj ntug. His Xais lais, nej tso siab rau Huab Tais mog. Vim nej nyob ze Huab Tais, tus muaj lub txiaj ntsim koob hmoov nplua mias, thiab muaj txoj kev txhiv neeg loj. Nws yog tus yuav txhiv neeg ntawm lub txim txhaum tas huv si.

Last edited by XH. Npuagtub on 7th October 2010, 3:59 pm; edited 1 time in total

**Npuagtub** 9th July 2010, 7:51 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°62

Re: KEV THOOB TSIB

Post Npuagtub 9th July 2010, 7:51 pm

		TUS NEEG THOOB TSIB. Tus neeg muaj kev thoob tsib, nws tsis chim sai. Tsis lam txiav luag lus hais, nws txawj cheem nws tus npliag. Nws tsis hais lus siab luag tej, nws tsis hais lus phem lam tau lam cem luag tej. Tus neeg thoob tsib, nws lub tswv yim pom kev kaj nrig, nws nyiam hais lus luag ntxhi. Tus neeg thoob tsib , nws tsis cib nyeej nws nrhiav kev ywj pheej rau sawv daws. Tus neeg thoob tsib, nws nyiam tsim kev thaj yeeb. Nws tsis nyiam kev khib xeeb, nws tsis hais lus dag ua tim khawv cuav.
Tus neeg thoob tsib, paub ntshai tus tsim tas ib puas tsav yam. Nws tsis khav theeb txog nws tus kheej. Nws paub ntsuam txog luag tej lus tsis tseeb, nws txoj kev thoob tsib tob tshaj qab thu hiav txwv. Nws tsis kws leej twg cai, nws nyiam hais lus tseeb nws txhub cov lus cuav. Nws hlub tshua cov neeg txom nyem, nws tsis luag cov neeg quaj ntsuag. Nws nyiam plij txhua leej kom sawv daws muaj kev kaj siab luag ntxhi mus tas ib txhis.

Last edited by XH. Npuagtub on 7th October 2010, 3:53 pm; edited 1 time in total

**Npuagtub** 13th July 2010, 5:59 am

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°63

Re: KEV THOOB TSIB

Post Npuagtub 13th July 2010, 5:59 am

	Tswv Ntuj Tsis Cia koj Nyob Ib Leeg. Kuv cov kwv tij, thaum nej raug txom nyem, nyuaj siab ntxhov plawv ntau yam, mas nej yuav saib tias nej txoj kev raug txom nyem yog ib txog kev zoo siab. Nej paub tias yog Tswv Ntuj sim nej txoj kev ntseeg kom nej ntseeg ruaj. Nej yuav ua siab ntev, nej thiaj yuav yog tus neeg zoo txhij zoo txhua, uas tsis muaj chaw xyeej, tsis tshuav dab tsi uas luag thuam tau. Yog nej ib tug twg tsis thoob tsib, mas nws yuav thov kev thoob tsib ntawm Tswv Ntuj, ces Tswv Ntuj yuav pub rau nws, vim Tswv Ntuj siab dav, nws tsis muaaj kev xyeej, nws yuav pub kev thoob tsib rau cov uas ntseeg thiab thov txog nws.
Tus thov Tswv Ntuj, nws yuav muaj lub siab ntseeg, tsis ua xyem xyav. Tus ua xyeem xyav, nws zoo li cov dej nyob hauv hiav txwv : cua ib nyuag tshuab, ces dej sawv tsees nphau nphwv tuaj. Tus ua xyem xyav, nws txhob xav tias nws yuav tau txais ib yam dab tsi ntawm Huab Tais, vim nws yog ib tug neeg muaj ntau lub siab, nws ua yam twg, nws ua tsis ruaj. Lk. 1:2-8

[

Last edited by XH. Npuagtub on 7th October 2010, 3:51 pm; edited 2 times in total

**Npuagtub** 22nd July 2010, 2:35 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°64

Re: KEV THOOB TSIB

Post Npuagtub 22nd July 2010, 2:35 pm

LEEJ NIAM TXOJ KEV HLUB

HMONG CATHOLIQUE

Yesxus Pleev

Phau Ntawv Ntshiab2002

Search

Gallery

Latest topics

Speciale Hmong Guyane

Hmoob Tshav Ntuj

Suav neeg tuaj saib, txij hnub 17/09/2010 los mus.

KEV THOOB TSIB

Re: KEV THOOB TSIB

Re: KEV THOOB TSIB

Re: KEV THOOB TSIB

TXOJ KEV SIB HLUB

TXOJ KEV SIB NYIAM SIB HLUB

THOV TXIM NTAWM TSWV NTUJ

KEV HLUB, KEV ZOO NKAUJ, KEV SIB KOOM CEV.

KEV SIB PUAG CEV UA NEEJ

KEV ZOO NKAUJ ZOO NRAUG

Re: KEV THOOB TSIB

Re: KEV THOOB TSIB

Re: KEV THOOB TSIB

Re: KEV THOOB TSIB

Re: KEV THOOB TSIB

Search Query

Display results as : Posts Topics
Advanced Search