HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


LUS QHIA TXHAIS NTAWV NTSHIAB. Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


    LUS QHIA TXHAIS NTAWV NTSHIAB.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    LUS QHIA TXHAIS NTAWV NTSHIAB. Empty LUS QHIA TXHAIS NTAWV NTSHIAB.

    Post  Maiv Tooj 24th November 2012, 8:54 am



    LUS QHIA TXAIS NTAWV NTSHIAB.


    LUS QHIA TXHAIS NTAWV NTSHIAB. N9qqhb10 Ib lo lus qhia kom paub txais thiab mloog tau cov lus nyob hauv ntawv ntshiab.
    -Lub ntsiab lus uas peb xav paub kom meej nyob hauv  cov ntawv ntshiab. Peb txhob mus nrhiav tias nws nyob qhov twg, los lub ntsiab yog zoo li cas?
    Yog peb tsis to taub mas yuav siv sij hawm ntev ntau xyoo los peb tseem tsis tau to taub ntawv ntshiab lo lus uas Tswv Ntuj los Yes Xus hais rau peb.

    -Qhov uas peb yuav txais tau sai thaum peb hnov Ntuj lo lus  uas ib tug neeg nyeem rau peb mloog, mas peb txais li no:
    Nyob hauv cov ntawv cog lus qub, nws yog Tswv Ntuj cov lus uas, Ntuj tau txib tej tus neeg xws li cov yaj sab tuaj hais lus los kom lawv sau tej zaj, txij thaum ntuj tsim teb raug los txog Yes Xus yug los ntawd yog Tswv Ntuj lo lus.
    Hos txij Yes Xus yug los lawm mas yog Yes Xus zaj lus.
    Txij li hnub Yes Xus rov mus saum ntuj lawd los, ces yog cov hauv paus xa lus tej tsab ntawv los lub Koos Txoos cov Leej Ntshiab tej lus ntuas thiab rub neeg ntiaj teb los nyob zeTswv Ntuj kev nyiam nyiam kev hlub.
    Peb yuav  txais thiab khaws li no:
    Thaum peb hnov kiag, mas peb tsis txhob mus xav deb deb tias thaud Tswv Ntuj los Yes Xus hais rau luag txheej neeg taud xwb.
    Yus yuav mloog zoo li Tswv Ntuj, los Yes Xus hais rau yus tam sim no kiag. Kuv yog tus neeg sawv ntsug nyob ntawm Tswv Ntuj los Yes Xus xub ntiag kiag lawm. Tam sim no yog Ntuj hais rau kuv ntag. Khaws li no ces koj thiaj khaws los txais tau Ntuj lo lus nyob rau koj nruab siab.

    Muab ib tug piv txwv los ib daim duab nyob hauv lub tswv yim los rau peb pom thiab paub:
    1-Thaum Yes Xus kho tus neeg dig muag kom rov pom kev tuaj. Kuv yog tus neeg dig muag ntawd lawm tiag.
    Kuv dig muag, vim kuv tsis txawj pom tias, Tswv Ntuj siab zoo thiab txawj hlub neeg, kuv tsis paub kev ncaj ncees. Tsis pom cov neeg txom nyem  kuv tsis txawj hlub leej twg li, ua cas kuv yuav dig muag puag thaum nruab thiab los lawm.
    2-Thaum Yes Xus kho cov neeg mob ruas,mob tsis huv ntawd, Yus xav tias tus mob ruas mob tsis huv no ces yog kuv li lawm ntag:
    Kuv tej kev ua txhaum rau Ntuj thiab rau neeg. Kev ua tub sab tub nyiag taug kev plees kev yi ntawd, kev xam khib, kev paub luag ua tub qaug rau yus th..  Tej no yog ib tug mob tsis huv nyob hauv kuv lub cev, lub siab mus ti nkaus rau kuv tus ntsuj plig lawm
    3-Thaum Yes Xus kho tus neeg lag ntseg los ceg tawv, tus ntawd ces yog kuv  lawm tiag:
    -Kuv tsis xav mloog cov lus zoo muaj txoj sia tuaj saum ntuj tuaj. Kuv ua tus neeg tsis hnov zaj lus zoo kuv tsis coj tej lus zoo kom nyob sib haum nrog luag tej. Kuv niaj hnub ua neeg tawv ncauj  tub nkeeg tsis xav mus pab leej twg li tsis kam mus mloo tej lus zoo uas luag paub, luag txawj hais txawj qhia. Tus ceg tawv ntawg yog kuv li lawm tiag.
    Thaum yus hnov cov lus hauv ntawv ntshiab no lawm ces yus muab tig kiag tsom los rau yus sab, ces yus thiaj li paub thiab to taub tias Ntuj lo lus  uas Ntuj xav hais  mas yog  hais rau kuv
    Kuv txhais li no rau peb xwb, kuv paub tias muaj cov txhais tau tob dua zaj kuv txhais no.

    Xib Hwb Yaj Zoov Ntxheb.


      Current date/time is 27th March 2024, 10:46 pm