Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

Los peb so haus dej toj siab os lawv

Share

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Los peb so haus dej toj siab os lawv

Post  Maiv Paj Lug on 18th November 2012, 12:24 am



Daim duab no yog ib tug phoojywg Hmoob Laos thaij xa tuaj pub peb saib dej toj siab qab laj siab kawg no es kuv caw nej sawv daws los peb so ntawm thaj chaw no haus ib pas dej toj siab seb....


Dej toj siab koj yog ntuj tsim
lub hwj chim dej qab txias zias
haus dej txias los yeej qab zib
thaum tuaj ntsib koj pem toj roob
nrog nplooj xyoob nplooj ntoos suav yeev
kuv thiaj seev nrog nas noog quaj
vim tsuas muaj me dej toj siab
thiaj li qab laj laj kuv siab

Koj tus ntxhiab yog dej tsw ha
haus ib pas yuav nco ib sim
yuav nco cim mus txog hnub laus
vim tau haus me dej laj siab
nyob toj siab ces kawg li no
ntshe yuav nco mus tsis paub ploj li lauuuu! <3





<3 <3 Pab kuv rov los cuag koj Huab Tais Yesxus <3 <3

Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Los peb so haus dej toj siab os lawv

Post  Ntxhuav Mom Xyooj on 19th November 2012, 12:09 pm

Maiv Paj Lug cas koj yuav hais tau ib sob lus sib dhos phim tus dej toj siab ntawd kawg li. Pom tus dej toj siab ntawd mas kho siab zim xwb os yom, ntxim li yog tau haus mas ntshe yuav laj siab hwv li lau....Tab sis ceev faj laiv'''tsam lam muaj npluas nyob hauv tus dej no.

Qhia nej paub, yog leej twg tau rov mus teb chaws Nplog thiab Thaib mus pom tej dej toj siab ntxim qab laj siab ua ntej yus yuav mus ce haus thiab da mas yuav tau xyuam xim thiab ov.

Thaum kuv tseem nyob hauv yeej tawg rog Thaib teb, peb muaj 4 leeg peb mus ua Thaib kuj loom zog luaj teb. Thaum ntawd yog lub 3 hlis ntuj yog lub caij sov kawg. Peb muaj peb 3 leeg tub hluas nrog ib tug laus, peb txawm mus luaj kuj loom ib thaj teb txog thaum 4 moos ces peb rov taug kev rov los tsev ces peb los txog tom ib tug choj hla tus dej Nam Pua. Sov dhau lawm ces peb 3 tug tub hluas txawm sib tw khiav mus rau hauv qab choj, hle loo ris tsho liab qab ploog dhia nrov plog rau hauv dej lawm.Kuv txawm hais rau 2 yawg tias, qhov mi sov sov kub kub puas ta dua twg lawm ne....ces 2 yawg txawm luag luag kuv, ces kuv cia li hnov tus ab tsi nplaum ntxias ntawm kuv kwj tw kuv cev loo tes xuas kiag ua cas hnov nplua npleev kuv muab tus ntiv tes lij rub kiag los yeej nplaum qas ntxias rub tsis tau li, ces kuv txawm hais rau 2 yawg tias nkawd xyuas seb yog ab tsi nplaum ntawm kuv kwj tw lawm. Kuv tig loo pob tw rau nkawd saib ces nkawd qw nrov nrov tias yog ib niag ping nplaum ntawm koj kwj tw ces kuv haj yam qw nrov nrov thiab rhiab heev, kuv thiaj li dhia los rau tim nruab nqhuab los tsuab loo ib teg av suab zeb muab txhuam kiag ces niag ping ntawd thiaj li plam plaws lawm xwb tiag.

Yog li ntawd, nej leeg twg yuav mus rau tim Nplog thiab Thaib teb yog lub caij sov sov es nej xav mus da dej rau tej tus dej los yog pas dej nej tsis txhob lam tuam yim, yuav tau ceev faj thiab.

Ntxhuav Mom

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Los peb so haus dej toj siab os lawv

Post  Maiv Paj Lug on 20th November 2012, 4:22 am

Ntxhuav Mom Xyooj wrote:Maiv Paj Lug cas koj yuav hais tau ib sob lus sib dhos phim tus dej toj siab ntawd kawg li. Pom tus dej toj siab ntawd mas kho siab zim xwb os yom, ntxim li yog tau haus mas ntshe yuav laj siab hwv li lau....Tab sis ceev faj laiv'''tsam lam muaj npluas nyob hauv tus dej no.

Qhia nej paub, yog leej twg tau rov mus teb chaws Nplog thiab Thaib mus pom tej dej toj siab ntxim qab laj siab ua ntej yus yuav mus ce haus thiab da mas yuav tau xyuam xim thiab ov.

Thaum kuv tseem nyob hauv yeej tawg rog Thaib teb, peb muaj 4 leeg peb mus ua Thaib kuj loom zog luaj teb. Thaum ntawd yog lub 3 hlis ntuj yog lub caij sov kawg. Peb muaj peb 3 leeg tub hluas nrog ib tug laus, peb txawm mus luaj kuj loom ib thaj teb txog thaum 4 moos ces peb rov taug kev rov los tsev ces peb los txog tom ib tug choj hla tus dej Nam Pua. Sov dhau lawm ces peb 3 tug tub hluas txawm sib tw khiav mus rau hauv qab choj, hle loo ris tsho liab qab ploog dhia nrov plog rau hauv dej lawm.Kuv txawm hais rau 2 yawg tias, qhov mi sov sov kub kub puas ta dua twg lawm ne....ces 2 yawg txawm luag luag kuv, ces kuv cia li hnov tus ab tsi nplaum ntxias ntawm kuv kwj tw kuv cev loo tes xuas kiag ua cas hnov nplua npleev kuv muab tus ntiv tes lij rub kiag los yeej nplaum qas ntxias rub tsis tau li, ces kuv txawm hais rau 2 yawg tias nkawd xyuas seb yog ab tsi nplaum ntawm kuv kwj tw lawm. Kuv tig loo pob tw rau nkawd saib ces nkawd qw nrov nrov tias yog ib niag ping nplaum ntawm koj kwj tw ces kuv haj yam qw nrov nrov thiab rhiab heev, kuv thiaj li dhia los rau tim nruab nqhuab los tsuab loo ib teg av suab zeb muab txhuam kiag ces niag ping ntawd thiaj li plam plaws lawm xwb tiag.

Yog li ntawd, nej leeg twg yuav mus rau tim Nplog thiab Thaib teb yog lub caij sov sov es nej xav mus da dej rau tej tus dej los yog pas dej nej tsis txhob lam tuam yim, yuav tau ceev faj thiab.

Ntxhuav Mom

Hahaha!...ntxhuav mom koj tham tau rhiab ua luaj....txaus nsthai thiab nawb yom yog muaj tej yam tom yus es cia li nplaum...oyooo, kuv es pom kab nyuam dev thiab cuav nab xwb kuv twb dhia quaj plhu dub tas es tseem hais muaj ib niag ping lo kwj tw thiab no ntshe kuv cia li xab lauv kiag li lawm...nyeem koj cov ntawv twb ua kuv qaub ib ce tas li ....aya...kuv tsis kam da dej toj siab li s, kuv niam twb piav piav thaum ub kuv niam tus nus mus mus cuab nas pem toj siab e snws mus haus dej tojsiab no cas los txog tsev muaj ib tug npluas nkag nws qhov ntswg, ua cas los niaj npluas tsis tawm li, ce slawv cia niag npluas nyob nyob twb haus ntshav loj loj puv qhov ntswg nkag rau tom caj pas kuv niam tus nus yuav luag tuag...tiam sis lawv muab kuv niam tus nus yoo dej tsis pub haus dej 1 hnub ib hmo ce sniag npluas nqhis nqhis dej ces hnub tom qab lawv nqa tau ib lub tais ntij dej coj los txav ze zog tus nus qhov ntswg ce sniag npluas mam li tawm tuaj ncav tais dej haus no ces kuv niam niam thiab txiv thiaj li chua tau niag npluas tawm los mus xwb mas tus nus qhov ntswg ntshav si laim ua nws twb yuav luag pem pa tuag no na....

Txaus nsthai kawg yom tej yam uas tom yus nqus ntshav affraid




<3 <3 Pab kuv rov los cuag koj Huab Tais Yesxus <3 <3

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5046
Date d'inscription : 2009-08-18

Re: Los peb so haus dej toj siab os lawv

Post  Maiv Tooj on 20th November 2012, 5:25 am


Nyob zoo Maiv Paj Lug thiab kwv Ntxhuav Mom Xyooj,

Kwv Ntxhuav Mom,

Cov npluas me uas nyob toj siab mas nkag qhov ntswg mas tsis zoo tshuaj dab tsi, tseem ua kom neeg muaj mob ntxiv. Nws nkag rau qhov ntswg, ua kom tus neeg los ntshav ntsug, nyuag, ntshav liab ploj, qhov txhab voos thiab o. Npluas nkag qhov ntswg, yog tua tsis tau mas nws nyob txog ntau xyoo li. Thaum kuv tseem yau, kuv pom ib tug me nyuam tub tau npluas mas ntsha ntswg yeej txia txev, rhiab neeg heev.


Tab sis cov peeb uas loj li koj hais ntawd mas kuj zoo tshuaj thiab lawv tom yus los tom sab nraum daim tawv xwb ces tshem yooj yim dua. Cov Kws Tshuaj Ntsuab, lawv muab peeb kho neeg. Cov neeg uas muaj mob si, tsis muaj ntshav liab, lawv tso peeb tom, thaum nqus ntshav tsau tag ntawd peeb tso ib toxine ua kom muaj ntshav liab sai, kom nws rov tau noj. Li ntawd lawv thiaj tso peeb tom kom tau peeb cov toxine ua ntshav, tus neeg thiaj li muaj ntshav liab, ces rov muaj zog. Lawv siv li Hmoob txhuav neeg.




Tus nov nws tus ntiv tes tu, lawv txhua rau, lawv muab peeb los tom kom peeb tso cov tshuaj ua kom ntshav sab, li no ntshav thiaj tsis khov ua ntshav tuag, kom tus ntiv tes txuas ciaj los lo lub hauv paus.



Peeb muaj ntau hom:




Tus peeb hauv qab no tej zaud yog tus uas thaum tom qab teb chaws tawg 1975, cov Hmoob thiab Co nyob lub Yeej Ban Tong, Tahib qaum teb. Ib hnub cov ntxhais Co mus yawm ntse tom hav dej, lawv npua tiab li npua tiab da dej xwb tsis hnav ris hauv qab. Ces lawv txawm pom ib tug loj tsawv khiav hauv dej li yog ntses dawb ua dej kiv yeem ces tus ntxhais Co txawm xav tias yog ntse no ces nws muab kiag nws daim tiab khwb kiag. Tab sis tsis yog ntse, yog ib niag npluas loj loj dav li ib xib nkag kiag rau nws ob ceg lawm. Ces lawv tsis paub ua li cas, coj nws los tsev ib tsam xwb ces nws tuag lawm. Tus peeb mam tawm los luaj li ib xib.





Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Los peb so haus dej toj siab os lawv

Post  Ntxhuav Mom Xyooj on 23rd November 2012, 12:39 pm

Nyob zoo Maiv Tooj

Cas koj haj yam tham tau tej qhov txaus ntshai ua luaj li. Kuv xav tias ntshe cov peeb ntawd tom neeg yuav tsis tuag no, es cas cia li tom tus ntxhais Co ntawd tuag kiag lawm ntag; Aub...txaus ntshai heev nawv yom;

Tab sis thaum ntawd, yog lawv txhob muab txoj kev txaj muag saib hlob no tej zaum yuav cawm tau tus ntxhais Co ntawd xwb, tam li kuv xav.

Maiv Tooj kuv ua koj tsaug ntau uas koj tseem tham qhia peb sawv daws tau
hnov li tej xwm txheej nplom sij heev ntawd, kom peb txawj ceev faj txog thiab.


Ntxhuav Mom Xyooj

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5046
Date d'inscription : 2009-08-18

Re: Los peb so haus dej toj siab os lawv

Post  Maiv Tooj on 23rd November 2012, 8:22 pm



Nyob zoo Ntxhuav Mom Xyooj,

Tab txawm lawv saib los yuav tsis pom, yog tias tsis yog Tsev Tshuaj saib. Vim nws nkag mus tob rau hauv lawm, raws li kuv xav, tej zaud nws txeem mus rau hauv lub tsev me nyuam lawm thiaj li tuag taus, yog nyob ntawm lub vagin xwb mas yuav tuag tsis taus.





Sponsored content

Re: Los peb so haus dej toj siab os lawv

Post  Sponsored content Today at 8:48 am

  • Post new topic

Current date/time is 6th December 2016, 8:48 am