HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Lub 11 Hlis tim 1 Ua Hmoov Nco Txog Ib Tsoom Leej Ntshiab Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Lub 11 Hlis tim 1 Ua Hmoov Nco Txog Ib Tsoom Leej Ntshiab

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Lub 11 Hlis tim 1 Ua Hmoov Nco Txog Ib Tsoom Leej Ntshiab Empty Lub 11 Hlis tim 1 Ua Hmoov Nco Txog Ib Tsoom Leej Ntshiab

    Post  Mim 1st November 2012, 11:51 am

    Hnub no, 11 hlis tim 1, 2012, peb hwm tas ib tsoom Leej Ntshiab

    Cov leej ntshiab peb hwm hnub no yog tas ib tsoom neeg siab dawb siab huv uas tau coj ib lub neej hwm Tswv Ntuj thiab hwm neeg thiab tau dua toj lawm, tau mus nrog Tswv ntuj nyob lawm. Koom Txoos Kas Tos Liv tau zeem tseeb txog ib co leej ntshiab, muab lawv tsa ua leej ntshiab ua qauv rau peb cov ntseeg tau xyaum. Cov leej ntshiab uas lub Koom Txoos tau tsa mas peb paub txog lawv cov npe, thiab peb paub txog lawv lub neej, tias lawv tau ua yam dab tsi rau Tswv Ntuj tsim nyog qhuas. Muaj cov Tim Khawv uas tau tuag vim txoj kev ntseeg, “Lawv yog cov uas hla dhau txoj kev raug luag hiam hnyav los. Lawv tau ntxhua lawv cov tsho ntev, thiab muab raus Leej Yaj cov ntshav kom dawb” lawm.

    Tiam sis kuj muaj ib co neeg zoo ib yam li peb xwb, coj ib lub neej ib yam li peb thiab, tiam sis lawv lub siab kub lug rau Tswv Ntuj, lawv niaj hnub ua lawv lub neej nco ntsoov xaiv txoj kev uas yuav haum raws li Tswv Ntuj txoj cai. Lawv tau siv zog coj lawv lub neej raws nraim li HT Yes Xus cov lus uas hnub no peb hnov nyob hauv Ntawv Moo Zoo: Cov pluag nyob hauv nruab siab, cov siab zoo, cov siab huv, cov tsim kev thaj yeeb, cov nqhis txog txoj kev ncaj, cov hlub luag, thc… Vim li ntawd lub Koom Txoos thiaj li muab lawv tsa ua leej ntshiab rau peb xyaum.

    Hnub no peb kuj tseem nco txog tas ib tsoom neeg ntshiab uas Koom Txoos tsis tau tsa ua leej ntshiab, peb tsis paub lawv npe, tsis pom lawv ntsej muag, tsis paub tias lawv lub neej yog zoo li cas, tiam sis lawv yeej tau nyiam Tswv Ntuj tas siab tas ntsws tas tswv yim ib yam cov leej ntshiab uas Koom Txoos tau tsa thiab, ces lawv tau mus nyob ze ze Tswv ntuj lawm.

    Peb nco txog ib tsoom leej ntshiab, peb ntseeg hais tias lawv tseem hlub peb, quav ntsej txog peb, thiab thov ntuj pab peb kom peb caum tau lawv qab. Lawv tsis yog ib co neeg uas tau mus txog saum ntuj lawm ces ua ntsej lag muag dig tsis paub tias tseem muaj cov nyob tom qab niaj hnub tseem tawm tsam ntxwj nyoog tsis tseg. Lawv yeej xav kom peb yeej ntxwj nyoog ib yam li lawv thiab.

    Hnub no yog ib hnub ua hmoov tshwj xeeb uas peb cov ntseeg Kas Tos liv yuav tsum tau mus tsev teev ntuj zoo ib yam li yog hnub Chiv. Tiam sis tu siab kawg li vim peb cov ntseeg mus koom teev ntuj tsawg tsawg xwb. Cov coob uas lawv mus tsis tau vim lawv txoj hauj lwm mas kuv xav tias Tswv Ntuj yuav zam rau lawv; tiam sis muaj ib txhia twb tsis mus hauj lwm los zoo li lawv tsis saib tias yog ib qho tseem ceeb li. Los xyov yog lawv tsis to taub tias yog ib hnub muaj obligation mus teev ntuj li? Txawm li cas los thov kom Tswv Ntuj zam txhaum rau peb cov neeg txhua tus, thiab qhib peb lub siab lub tswv yim kom to taub zuj zus lawm yav tom ntej.

    Nram no kuv yuav tso cov zaj nyeem uas peb tau nyeem los tau mloog thaum peb mus koom thaj txi ntuj hnub no:

    Zaj Nyem Ib: QYTN 7: 2-4 + 9-16

    2 Kuv pom dua ib tug Tshiab tawm sabToob Fab tuaj ; nws nqa tus Tswv Ntujmuaj txoj sia lub thwj. Nws hu ib suab nrov nrov rau plaub tug Tshiab uas tau txais txoj hauj lwm tso xwv txheej rau lub ntiaj teb tias: 3 “Nej txhob rawm tso xwv txheej mus rau lub ntiaj teb, lub hiav txwv, thiab tej me ntoo. Tos peb ntaus cim rau saum Tswv Ntuj cov tub txib hauv pliaj tso.”4 Ces kuv hnov lawv ntaus cim rau npaum no leej : ib puas plaub caug plaub txhiab leej nyob hauv tas nrho cov xeemHis Xas Lais.
    9 Dhau tej ntawd tas lawm, ces kuv pom ib pab neeg coob coob suav tsis txheeb ; muaj tas txhua teb chaws, txhua haiv neeg, txhua xeem lus. Lawv sawv ntsug ze ntawm lub theej kiab, nyob ntawm Leej Yaj xub ntiag. Lawv hnav tsho dawb ntev, thiab tuav tej rev nplooj ntawm tes. 10 Lawv qw nrov muaj ceem tias : “Kev yeej yog peb tus Tswv Ntuj uas nws zaum saum lub theej kiab tug, thiab yog Leej Yaj tug !” 11 Ces tas tsoom Tshiab uas sawv ncig lub theej kiab, ncig cov Laus thiab plaub Leeg Muaj Txoj Sia, lawv txhos caug, ntsej muag khoov ti av pe Tswv Ntuj. 12 Lawv hais tias :
    “Lo Lus cav, lub hwj chim, kev thoob tsib, kev ua tsaug, kev nto koob meej, kev muaj hwj huam thiab muaj zog yog peb tus Tswv Ntuj tug, mus tas ib txhiab ib txhis ! Ua li.”
    13 Ib tug Laus txawm hais rau kuv tias : “Cov neeg uas hnav tsho dawb ntev ntawd yog leej twg ? Lawv tuaj qhov
    twg tuaj ?” 14 Kuv teb tias : “Huab Tais, yog koj thiaj paub.” Nws rov hais tias : “Lawv yog cov uas hla dhau txoj kev raug luag hiam hnyav los. Lawv tau ntxhua lawv cov tsho ntev, thiab muab raus Leej Yaj cov ntshav kom dawb.”

    Zaj Nyeem Ob: 1 Zam: 3: 1-3


    1 Nej ntsia saib, Leej Txiv txoj kev nyiam peb loj tas npaum no : yam li peb hu ua Tswv Ntuj cov me nyuam, peb yog Tswv Ntuj cov me nyuam tiag ! Lub ntiaj teb neeg tsis paub peb, vim ntiaj teb neeg tsis paub Leej Txiv. 2 Cov zoo nyiam, nyem no, peb yog Tswv Ntuj cov me nyuam. Qhov uas yav tom ntej peb yuav plhis mus zoo li cas, tseem tsis tau tawm los rau qhov muag pom xyeem. Peb paub tias, thaum Leej Pleev yuav tawm los rau qhov muag pom xyeem, mas peb yuav zoo li Nws, vim nws zoo li cas, mas peb yuav pom Nws zoo li ntawd. 3 Tus twg tso siab rau Leej Pleev, mas Leej Pleev yuav ua kom nws huv tuaj, vim Leej Pleev yog tus huv.

    Ntawv Moo Zoo: Mas Tais 5: 1-12a

    1 Yes Xus pom neeg coob coob tuaj, nws nce mus saum lub roob. Nws zaum. Cov thwj tim txav los ze Yes Xus. 2 Ces Yes Xus tsa ncauj qhia lawv hais tias : 3 "Cov tau txoj hmoov zoo, yog cov pluag hauv nruab siab, vim Ntuj lub Ceeb Tsheej yog lawv li. 4 Cov tau txoj hmoov zoo, yog cov siab zoo, vim lawv yuav txais lub ntiaj teb los ua lawv tug. 5 Cov tau txoj hmoov zoo, yog cov quaj ntsuag, vim Ntuj yuav nplij lawv. 6 Cov tau txoj hmoov zoo, yog cov tshaib thiab nqhis txoj kev ncaj, vim Ntuj yuav daws lawv qhov nqhis. 7 Cov tau txoj hmoov zoo, yog cov hlub luag tej, vim Ntuj yuav hlub lawv. 8 Cov tau txoj hmoov zoo, yog cov siab huv, vim lawv yuav pom Tswv Ntuj. 9 Cov tau txoj hmoov zoo, yog cov tsim kev thaj yeeb, vim Ntuj yuav hu lawv ua Tswv Ntuj cov me nyuam. 10 Cov tau txoj hmoov zoo, yog cov raug luag hiam vim txoj kev ncaj, Ntuj lub Ceeb Tsheej yog lawv tug. 11 Thaum luag thuam nej, hiam nej, thiab liam ntau yam phem rau nej vim kuv, mas nej txoj hmoov zoo. 12 Nej zoo siab thiab nej hom khaj mog, vim nej yuav tau txais koob haum loj nyob saum ntuj.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Lub 11 Hlis tim 1 Ua Hmoov Nco Txog Ib Tsoom Leej Ntshiab Empty Re: Lub 11 Hlis tim 1 Ua Hmoov Nco Txog Ib Tsoom Leej Ntshiab

    Post  Maiv Tooj 3rd November 2012, 8:09 pm


    Hnub Tim 1 lub 11 hlis, yog hnub Hmoov:


    Lub 11 Hlis tim 1 Ua Hmoov Nco Txog Ib Tsoom Leej Ntshiab Render10

    Hmoov Leej Ntshiab yog lub Hmoov rau "tsoom neeg tau tuag ua Yes Xus Tim Khawv los yog tsoom neeg siab ntshiab hwm Ntuj". Lub Hmoov no yog Txiv Vaj Qhia Npos Nis Fav xaws IV ua tus tsim rau xyoo 610, kom tau hawm txog cov leej ntshiab Los Mas uas lawv muab cov pob txha teem tseg hauv qhov taub coj los rau ib qho chaw tshwj xeeb rau cov leej ntshiab (panthéon d'Agrippa), thiab lawv txhim ib lub tsev teev Ntuj rau saud.

    Lub 11 Hlis tim 1 Ua Hmoov Nco Txog Ib Tsoom Leej Ntshiab Panthe10

    Lub 11 Hlis tim 1 Ua Hmoov Nco Txog Ib Tsoom Leej Ntshiab 22957210

    Keeb kwm thawj lub tsev teev Ntuj txhim rau:
    Lub Hmoov Tsoom Leej Ntshiab, xyoo 610.
    NrhiavTswvNtuj
    NrhiavTswvNtuj
    Tswv Cuab Hmong Catholique
    Tswv Cuab Hmong Catholique


    Messages : 1033
    Date d'inscription : 2009-08-18

    Lub 11 Hlis tim 1 Ua Hmoov Nco Txog Ib Tsoom Leej Ntshiab Empty Re: Lub 11 Hlis tim 1 Ua Hmoov Nco Txog Ib Tsoom Leej Ntshiab

    Post  NrhiavTswvNtuj 30th October 2013, 8:44 am


    Lub Hmoov hwm leej nthsiab.

    Lub 11 Hlis tim 1 Ua Hmoov Nco Txog Ib Tsoom Leej Ntshiab Le_pap10

    "Lub Hmoov hwm leej nthsiab yog hnub uas cov tuag taig kis yuav mus xyuas cov tuag nag hmo"

    Txhua hnub tim 1 lub 11 hlis, Koom Txoos hawm tsoom ntseeg uas thaum lawv ua neej nyob, lawv tau muaj txiaj ntsim thiab ua tim khawv rau Leej Pleev.

    Muaj ib feem mas lees lawv, tau tsa lawv lub hwj chim los ua qauv rau peb, Koom Txoos yeej paub tias tseem tshuav coob leej uas tau coj lub neej nrog nraim Koom Txoos thiab leg dej num rau sawv daws.

    Li ntawd, lub Hmoov Leej Ntshiab, tsoom ntseeg thiaj ua hmoov rau tag nrog cov leej ntshiab, uas paub txog thiab cov tsis paub tib si.
    Lub hmoov no yog ib lub fwv tsam ua kom rov nco txog cov neeg uas tau tuav lub npe ntshiab tib si, uas nyias tau taug nyias txoj kev sib txawv, tej zaud mas txaus xav los yog tsis tos, tab sis puav leej ua tau tib si.

    Txog kev ntshiab tsis yog ib txoj kev tseg rau cov neeg uas ntse thiab txawj tshaj xwb: Nws muaj feem xyuam rau tag nrho cov neeg uas lawv xaiv raws Leej Pleev tus hneev taw. Txiv Vaj Qhia Zam Paj Lug II tau qhia rau peb paub txog coob leej uas muaj cov neeg sib txawv xws li TP.Maximilien Kolbe, Edith Stein, Padre Pio los yog Mère Térésa... (Khoom mam qhia ib tug zus tias nws tau ua dab tsi).

    Cov Leej Ntshiab no lub neej, yog ib zaj qhia Ntuj Kev Cai rau peb, uas lawv tau ua neej nyob ze ze ntawm peb, thiab nrog peb nyob tib lub caij. Lawv qhia lub Moo Zoo thiab pom tias muaj Leej Tswv Yim Ntshiab nrog neeg nyob tiag. Ua tim khawv Tswv Ntuj txoj kev Hlub, cov poj niam thiab txiv neej no ua kom peb pom txoj kev lawv taug- tsis yog kaj ntug taig kis es lawv txawm cia li yuav tau ua Leej Ntshiab- yog lawv kev ua xyem xyav, lawv tej lus nug...lawv thiaj li muaj lub siab hlub neeg.

    Txheej thaum ub, lawv muab lub hmoov Leej Ntshiab nov tso ze Hmoob Hla thiab Hmoov Leej Ntuj Plig nqes los ua lub cim Hmoov Leej Ntshiab: Saj cov neeg uas lawv muab Leej Pleev rau hauv lawv lub neej lub plawv thiab ua neej nrog kev cia siab tos Txoj Kev Sawv Rov Los.

    Txoj kev ntshiab yog dab tsi?

    Zaj hais txog cov neeg tau txoj hmoov zoo, uas yog zaj Ntawv Moo Zoo hauv Thaj txi Ntuj hnub Hmoov Tsoom Leej Ntshiab, qhia rau peb tias txoj kev ntshiab huv yog txais Tswv Ntuj lo lus, nrog Nws ua ke thiab tso siab rau Nws, ua neeg zoo, hlub luag tej, zam rau luag thiab muaj kev thaj yeeb.


    Mas Tais Ntawv Moo Zoo: 5, 1-12a
    Txoj Hmoov zoo.

    1 Yes Xus pom neeg coob coob
    tuaj, nws nce mus saum lub roob.
    Nws zaum. Cov thwj tim txav los ze Yes
    Xus. 2 Ces Yes Xus tsa ncauj qhia lawv hais tias :
    3 "Cov tau txoj hmoov zoo, yog cov
    pluag hauv nruab siab, vim Ntuj lub Ceeb Tsheej yog lawv li.
    4 Cov tau txoj hmoov zoo, yog cov siab
    zoo, vim lawv yuav txais lub ntiaj teb los ua lawv tug.
    5 Cov tau txoj hmoov zoo, yog cov quaj
    ntsuag, vim Ntuj yuav nplij lawv. 6 Cov
    tau txoj hmoov zoo, yog cov tshaib thiab
    nqhis txoj kev ncaj, vim Ntuj yuav daws lawv qhov nqhis.
    7 Cov tau txoj hmoov zoo, yog cov hlub
    luag tej, vim Ntuj yuav hlub lawv.
    8 Cov tau txoj hmoov zoo, yog cov siab
    huv, vim lawv yuav pom Tswv Ntuj.
    9 Cov tau txoj hmoov zoo, yog cov tsim
    kev thaj yeeb, vim Ntuj yuav hu lawv ua
    Tswv Ntuj cov me nyuam.
    10 Cov tau txoj hmoov zoo, yog cov raug
    luag hiam vim txoj kev ncaj, Ntuj lub
    Ceeb Tsheej yog lawv tug.
    11 Thaum luag thuam nej, hiam nej, thiab
    liam ntau yam phem rau nej vim kuv, mas
    nej txoj hmoov zoo.
    12 Nej zoo siab thiab nej hom khaj mog,
    vim nej yuav tau txais koob haum loj nyob
    saum ntuj. Cov yaj saub ua nej ntej, kuj
    raug luag hiam zoo li ntawd thiab.


    Lub 11 Hlis tim 1 Ua Hmoov Nco Txog Ib Tsoom Leej Ntshiab Sitraa10
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub 11 Hlis tim 1 Ua Hmoov Nco Txog Ib Tsoom Leej Ntshiab Empty Re: Lub 11 Hlis tim 1 Ua Hmoov Nco Txog Ib Tsoom Leej Ntshiab

    Post  Tub Kawm 31st October 2014, 8:25 am

    Nyob zoo ib tsoom ntseeg txhua leej uas yog cov Catholic, ib xyoog puag ncig twb rov los txog rau hnub peb ua hmoov nco txog tsoom Leej Ntshiab, uas tuag ua HT Yes xus tim khawv lawm.
    Thov kom hnub tim 1 lub 11 xyoo 2014 no peb sawv daws qee lub sij hawm los mus koom thaj txi ntuj mis xas, kom tau teev ntuj pab sawv daws.

    Thov tsoom Leej Ntshiab pab thov HT Tswv Ntuj lub txiaj ntsim tuaj pub rau peb, kom peb txawj ua HT Yes Xus tim khawv, xws li tsoom Leej Ntshiab.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub 11 Hlis tim 1 Ua Hmoov Nco Txog Ib Tsoom Leej Ntshiab Empty Re: Lub 11 Hlis tim 1 Ua Hmoov Nco Txog Ib Tsoom Leej Ntshiab

    Post  Tub Kawm 31st October 2014, 8:26 am

    Nyob zoo ib tsoom ntseeg txhua leej uas yog cov Catholic, ib xyoog puag ncig twb rov los txog rau hnub peb ua hmoov nco txog tsoom Leej Ntshiab, uas tuag ua HT Yes xus tim khawv lawm.
    Thov kom hnub tim 1 lub 11 xyoo 2014 no peb sawv daws qee lub sij hawm los mus koom thaj txi ntuj mis xas, kom tau teev ntuj pab sawv daws.

    Thov tsoom Leej Ntshiab pab thov HT Tswv Ntuj lub txiaj ntsim tuaj pub rau peb, kom peb txawj ua HT Yes Xus tim khawv, xws li tsoom Leej Ntshiab.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Lub 11 Hlis tim 1 Ua Hmoov Nco Txog Ib Tsoom Leej Ntshiab Empty Re: Lub 11 Hlis tim 1 Ua Hmoov Nco Txog Ib Tsoom Leej Ntshiab

    Post  Tub Kawm 31st October 2015, 12:08 pm

    Hnub no yog hnub sawv daws ua hmoov Hwm tsoom Leej Ntshiab, yog ib hnub uas ntshiab thiab huv, li ntawd sawv daws yuav tsum tau mus saib Mis xas, txais lub Cim Yug.
    Hnub no mas tas nro cov ntseeg Kav Tos Liv nyob thoob ntiaj teb, sawv daws ua hmoov hu nkauj cav txog tsoom Leej Ntshiab uas tau mus nrog Tswv Ntuj nyob.

    NKAUJ HAWM TSOOM LEEJ NTSHIAB

    Tsoom npoj Leej Ntshiab tau ci ntsa hawm Tswv Ntuj, lub suab seev xyiv fab npoj Leej Ntshiab lom zem nrog, Ntuj Cov Tshiab nyob sau ntuj.
    Tsoom npoj Leej Ntshiab xyiv fab los zem hawm Tswv Ntuj.
    Npoj Leej Ntshiab ua zoo zov Tswv Ntuj txoj cai, Ntuj lub teb chaw yog lawv li tiag, lub koob meej sau ntiaj teb, lawv tuag ua tim khawv rau Tswv Ntuj.
    Tau ci ntsa nrog Tswv Ntuj nyob saum ntuj.

    Nyob sawv daws, zoo li zaj nkauj no kuv twb sau ib zaug rau hauv no lawm, tiam sis kuv sau ua lus hmoob ntsuab, thiab thaum ntawd peb tseem tsi tau kho kom haum lus thoob teb. Yog tias nej pom ob zaj sib txawv me ntsis los txhob xav yuav kev rau kuv.

    Kuv tsi nco qab lub lub Topic kuv sau lawm, xyov nyob rau chav twg, kuv mus nrhiav tsi tau lawm. Yog nej leej twg pom nog pab qhia kuv, kuv mam mus kho rau.

    Xyoo no yog xyoo 2015

    Sponsored content


    Lub 11 Hlis tim 1 Ua Hmoov Nco Txog Ib Tsoom Leej Ntshiab Empty Re: Lub 11 Hlis tim 1 Ua Hmoov Nco Txog Ib Tsoom Leej Ntshiab

    Post  Sponsored content


      Current date/time is 28th March 2024, 3:43 am