Ntawv caw khi hlua rau TP.Cwj Vuam Chiv

**Maiv Tooj** 29th July 2013, 1:40 am

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°1

Ntawv caw khi hlua rau TP.Cwj Vuam Chiv

Post Maiv Tooj 29th July 2013, 1:40 am

Ntawv caw khi hlua rau TP.Cwj Vuam Chiv.

Tsev Hmoob ntseeg Fab Kis teb npaj ib rooj mov los khi ib txoj hlua thiab muab ib hnub los ua hmoov sib ncaim rau TP.Cwj Vuam Chiv Yaj uas yuav tso tes dej num nyob Fab Kis Av Loj cia, yuav mus nyob rau teb chaws Nkws Yas thaum lub 9 hlis 2013 no yuav tag.

Vam thiab cia siab tias yuav muaj coob leej tso lawv tes dej num tseg thiab tuaj koom kom tau hnub ntawd.

**Tub Kawm** 29th July 2013, 5:02 am

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°2

Re: Ntawv caw khi hlua rau TP.Cwj Vuam Chiv

Post Tub Kawm 29th July 2013, 5:02 am

Nyob zoo sawv daws, tau ntev lawm tsi khoom tuaj saib cab sab li, vim kuv mus kawm paj nraug lawm tsi muaj sij hawm tuaj xyuas nej vam tias puav leej nyob zoo.

Niam Hlob Koj hais li es TP CV yuav ncaim Fab kis Av loj mus rau Nkws Yas no, deb npaum li cas?
thiab puas yog ncaim ntawm nej mus og? Kuv xav mas ntshai TP nrog nej nyob tav no, yog nws rov ncaim ntawm nej mus mas yog ib qho kev sib nco kawg li og.
Nej txhua tus uas tau nrog TP CV nyob nej puas nco nav?
Kuv nyob ib qho ib sab ntuj los kuv twb pab nrog nej nco TP CV thiab, tej zaum nej nyob ua ke ntshe nej yuav nco tshaj og.
Nej cov uas TP yuav ncaim ntawm nej mus mas nej lub ntshe yuav yuj li plawg raws TP qab, xav kom TP nro nej nyob xwb tiam si vim yog HT Ntuj txoj hauj lwm TP thiaj tau ncaim sawv daws og.
Hos lawv cov nyob Nkws Yas mas ntshai lawv zoo siab heev. Lawv lub siab mas dhia hom khaj tos TP CV xws li cov me nyuam tos ib Leej Txiv mus ua qhua rov los og cov phooj ywg.

**Maiv Tooj** 29th July 2013, 7:09 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°3

Re: Ntawv caw khi hlua rau TP.Cwj Vuam Chiv

Post Maiv Tooj 29th July 2013, 7:09 am

Nyob zoo Tub Kawm,

TP.Cwj Vuam Chiv ncaim peb mus mas tu siab kawg thiab tshwj xeeb yog kuv tus kheej; vim kuv sau ntawv ntau ces kuv vam khom txog Txiv Plig ntau heev. Tej thaum yog nug ub nug no, tej thaum kuj tham hauj lwm los yog sib tuav xam, tham ua si kuj muaj. Nws ncaim peb mus lawm ces ntshe peb cov nyob lub teb chaws Fab Kis kiag peb twb tsis sib hnov moo lawm; ib tug ua ib yam los lwm tus tsis paub li lawm. Nkws Yas teb yog av Fab Kis tab sis hais qhov deb ces deb yuav luag cuag li tim Fab Kis nov los rau tim nej tiag!

Tau muaj ib lis piam los no, TP. tuaj ua lub Cim Cog Lus rau peb nkawm niam txiv ntawm peb zos. Thaum ua thaj Txiv Ntuj tag, kuv mus hais ob peb los lus rau cov nkawm niam txiv uas cog lus tag kuv ho hais ob peb los lus ua tsaug thiab nco txiaj ntsim rau Txiv Plig Cwj Vuam Chiv tim paj taub. Kuv hais ua rau kuv kua muag ntws lug tab sis kuv lub suab tsis ncia li. Ua rau coob leej nrog kuv quaj. Tub Kawm, tu siab kawg, thaum leej niam leej txiv yuav tso cov me nyuam nyob, yuav muab lawv cais tsev, kom lawv hlob los ua lawv niam lawv txiv ib leeg; yuav tssi muaj tus ntau thawj hlo, yuav tsis muaj tus sawv cev ua lub ntsej lub muag rau luag, yuav tssi muaj tus tuav ua ib teg qaws ua ib txooj mas tu siab kawg.

Ntawv caw khi hlua rau TP.Cwj Vuam Chiv Dscn4510

3 nkawm niam txiv nov yeej sib yuav ntev lawm, tej nkawm twb muaj xeeb leej xeeb ntxwv lawm tab sis lawv tsis tau cog lus ntawm Tswv Ntuj xub ntiag ces lawv thiaj li npaj rov cog lus ntawm Tswv Ntuj xub ntiag kom neeg los foom Hmoov Zoo rau lawv, Ntuj los Foom Hmoov Zoo rau. Ua tau zoo kawg nkaus.

**Mim** 29th July 2013, 1:20 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°4

Re: Ntawv caw khi hlua rau TP.Cwj Vuam Chiv

Post Mim 29th July 2013, 1:20 pm

Tais Tooj,

Ua tsaug rau nej daim ntawv caw saud os. Kheev lam yog nyob ze me ntsis mas yeej yuav tuaj koom nej xwb, tiam sis nyob deb zog lawm. Txawm li cas los peb mam thov ntuj pab rau TP Cwj Vuam thiab pab rau nej cov nyob Fab kis thiab os. Kuv xav thov kom sawv daws yuav tsum tau pab thov ntuj rau TP Cwj Vuam tiag kom nws ua tau nws txoj hauj lwm raws li Tswv Ntuj xav thiab kom nws nyob ruaj nreb hauv HT Yes Xus. Ua sawv daws tsaug.