Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Yesxus mus teb chaws Madgaldag thiab hlawv ib tug mlom kub pov tseg

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Yesxus mus teb chaws Madgaldag thiab hlawv ib tug mlom kub pov tseg

    Post  Maiv Paj Lug on 15th October 2012, 9:41 am

    Yesxus mus teb chaws Madgaldga thiab hlawv ib tug mlom kub pov tseg

    (Vision Evangile selon Maria Valtorta "Vie Divine Puplic de Jésus Christ")




    Yesxus thiab nws cov thwj tim tuaj txog lub teb chaws Madgaldag, thaum lawv nkag rau lub zos, Yesxus kom sawv daws sib faib ib leeg mus ib qho, mus nug seb puas muaj neeg xav paub txog Leej Plees uas yug los, mus tshaj moo zoo, Yesxus cov thwj tim thiaj sib faib ua ob peb pab, lawv thiaj mus lawv, tshuav Yesxus thiaj mus ib leeg rau hauv zos.


    Yesxus los txog thawj cov tsev nyob ntawm ntug zos. Yesxus tab tom yuav khob ib lub tsev nkag mus hauv cov yim neeg, Txawm muaj ib pab neeg coob coob qw ntsuag qees taug kev, muaj poj niam txiv neej qw suab tawg to, zoo li suab nyiav suab quaj suab qw, txhua tus tsis hais poj niam txiv neej pheej quaj qw tag ncig ib tug tshis, lawv muab tus tshis pav qhov muag, cov tib neeg ntawv tag zog xuas hmuv nkaug tsis tseg rau tus tshis tej nqaij tawv, hlais tshav si laws liab vog. Tus tshis sab heev, mus ntog mus ntog yam twb sawv tsis taus, vim cov neeg ntawv ncaws los ncaws nkaug los nkaug tus tshis.

    Muaj ib pab neeg lawv qab cov neeg nkaug tus tshis, lawv qw ntsuag qees ncig lub tsheb thauj ib tug mloom uas yog lawv txua. Lawv qw ib tsaug ces pe, ib tsaug ces hawm, lawv thov tus mlom tsis so.

    Yesxus saib twj ywm hnov lawv qw thiab hawm tus mlom li nram no:

    Pojniam :"Koj ib leeg"

    Txiv neej :"Thov tus tswv ntuj!"

    Pojniam :"tshem kev phem"

    Txiv neej :"Ntiab tus poj dab, cawm tus pojniam "

    Pojniam thiab txiv neej qw ib tsaug ua ke :" Kom tus poj dab tuag "

    Sawv daws rov qw ua ke ntxiv :" Koj lub zog loj, koj ib leeg cawm, koj ib leeg thiaj yuam tau , kom tawm plaws tuaj, koj yuam tus tshis kom tus tshis qhia tus poj dab seb yog leej twg tso dab tuaj tom Fara tus pojniam."

    Yesxus saib lawv dua kev ntawm Yesxus xwb ntiag, Yesxus thiaj li tuav nkaus ib tug yawm lawv qab sab npab,

    Yesxus nug tias:" Ua li cas rau lawv? kuv yog ib tug neeg pej kum...".

    Tus yawg teb Yesxus tias:" Fara uas yog ib tug yawg koob hauv zos nws tus pojniam tab tom yuav yug me nyuam, tus pojniam lub cev qhov nqaij tsis qhib, tus me nyuam yug tsis tau, tus pojniam tshuav tuag, peb sawv daws thiaj taug kev thiab tua tus tshis pauj yeem thov tus mlom nyiaj mlom kub no kom nws qhia seb tus poj dab twg hauv zos txawj tso dab tom neeg, yog peb nrhiav tau peb yuav tua tus poj dab kom tuag, kom cawm tau Fara tus pojniam, peb yuav hawm tus mlom thiab ua nws tsaug."

    Yesxus teb tus txiv neej tias:" Nej cia li tsum kiag".

    Muaj ob tug txiv neej kuj hnov Yesxus hais, nkawv txav los ze ntawm Yesxus.

    Nkawv nug tias:" Koj yog kws kho mob los?"

    Yesxus teb:" Kuv loj dua kws kho mob"

    Peb tug txiv neej hnov Yesxus hais li ntawv, lawv khiav ceev mus hais rau tus thawj coj ntawm pab neeg tseem hawm tus mlom. Sawv daws hnov li ntawv lawv nres.

    Tus coj hu Yesxus :" Tub hluas txav los ntawm no "

    Yesxus txav zog los.

    Tus coj hais ntxiv:"Yam koj hais puas muaj tseeb? ceev faj yog koj ua tsis tau li koj hais, peb yeej xav kiag tias tus poj dab nkag los rau hauv koj xwb ntag, peb yuav muab koj tua pauj tus poj dab".

    Yesxus teb:" Muaj tseeb, coj kuv mus tam sim no ntawm tus pojniam yug me nyuam, thiab ua ntej kuv xav kom nej muab tus tshis rau kuv. Kuv yuav tsum tau tus tshis, nej cia li muab nws daim ntaub npog qhov muag tshem thiaj coj los rau kuv, kuv xav tau tus tshis ntawm no."

    Sawv daws thiaj li muab tus tshis qhib qhov muag, tus tshis ib ce tshee tshee, ntog sawv ntog sawv, nqaij ntuag tas, ntshav si laws tej kav ceg. Yesxus muab tus tshis plws plhws, tus tshis cov plaub dub dub ntshav si laim ntawm cov qhov qaij ntuag tawm los.

    Yesxus hais rau lawv tias:" Tam sim no nej cia li mloog kuv hais, nej puas yuav mloog?"

    Sawv daws qw: " Peb mloog "

    Yesxus: " Nej txhob qw ntxiv, nej tsis txhob hlawv xyab hlawv ntawv hawm tus mlom, kuv yog tus hais kom nej tsum."

    Sawv daws thiaj li coj Yesxus mus hauv zos, lawv kwv tus mlom lawv yesxus qab, lawv muab xyab muab ntawv tua tas, muab tej hluav ncaig uas lawv taus hlawv hawm tus mlom tua du lug, Yesxus cab nws tus tshis mus txog ntawm Fara tog tsev. Twb muaj ib co neeg twb xub khiav mus hais Fara ua ntej tias muaj ib tug tub txawv teb chaws yuav tuaj kho nws tus pojniam.

    Fara pom lawv los txog, Fara tawm khiav ceev ua ntsej muag ntshaus tas mus tos Yesxus thiab qw nrov nrov tias : " Cawm kuv tus pojniam thiab cawm kuv tus me ntxhais yuav yug los kom txhob tuag."

    Cov neeg nrog Yesxus los txog ntawv kuj qw zom zaws tias: " Cawm nws, cawm nws."

    Yesxus:" Kuv yeej yuav cawm tus pojniam thiab tus yuav yug los tsis yog ntxhais nws yog ib tug tub, tus me nyuam ntsej muag tshiab khiv, ob lub qhov muag dub dub thiab plaub hau dub."

    Fara:"Ua cas koj thiaj li yuav paub? koj pom dab tsi? koj pom puag hauv pojniamp lub cev?"

    Yesxus:"Kuv pom tag nrho qhov txhia chaw, kuv paub txhua yam, kuv ua tau txhua yam. Kuv yog Tswv Ntuj."

    Sawv daws txhos caug ntua pw hauv pem teb zoo li sawv daws tuag ib leeg ib tsig tsim los.

    Yesxus hais rau lawv tias:" Nej cia li sawv. Mloog kuv hais. Kuv yog tus Tseem Tswv Ntuj muaj hwj huam tas nrho, kuv pom tsis tau nej mus hawm mlom thiab hais tias lwm tus yog Tswv Ntuj nyob ntawm kuv xub ntiag. Nej cia li rauv taws muab tus mlom no hlawv pov tseg tam sim no."

    Cov tib neeg pib tawm tsam Yesxus: " Txawv ua luaj! koj hais tias koj yog Tswv Ntuj, koj yuav kom peb muab tus mlom hlawv?"

    Cov tawm tsam thiab ua heev tshaj rau Yesxus yog cov thawj coj thiab cov xib hwb. Tiam sis Fara thiab Fara nws niam tais los cheem cov neeg tawm tsam Yesxus. Fara kuj yog ib tug yawg koob loj tshaj nyob hauv lub teb chaws Magdalgad thiab ces cov neeg thiaj tsum.

    Fara hais rau Yesxus tias :" Kuv yuav ua cas thiaj ntseeg tau tias koj yog Tswv Ntuj ? Koj muab ib qho Hwj Huam pub kuv pom, kuv yuav kom cov neeg ntawv ua raws li koj hais."

    Yesxus:" Koj saib kom zoo. Koj puas pom tus tshis uas cov neeg ntawv xuas hmuv nkaug to los nsthav liab vog? qhov txhab qhov nqaij rua liab vog ntawm kuv ib sab no? Tus tsiaj no twb yuav tuag puas yog?

    Fara: " Yog kuv pom."

    Yesxus:" Koj saib nawb! kuv xav kom nws zoo..."

    Yesxus tsa tes rau saum tus tshis, Fara saib ntsoov, ua ciav tus tshis tej qhov txhab qhov nqaij zoo zom zaws, ntsav tu tib si, tus tshis sawv kiag tam sim, tsis hawb hawb pob, cov plaub tshis rov qab mos mos dub nciab tuaj.

    Fara khoov mus saib tus tshis zoo zoo, qw ib suab tias:" Nws tsis muaj qhov txhab li lawm tiag...!".

    Fara pe kiag hauv pem teb hawm Yesxus, thov quaj thov quaj: " Kuv tus pojniam, kuv tus pojniam...mus pab nws, mus cawm nws!".

    Tseem muaj cov neeg loj thiab cov Xib Hwb hais zom zaws rau Fara tias :" Koj ceev faj nws nawb, koj tseem yuav ntseeg nws, koj tsis ntshai tsam tus mlom no npam koj los?"

    Ua rau Fara ntshai, Fara xav kom Yesxus pab nws tus pojniam tiam sis Fara ho nsthai tug mlom npam Fara thiab...Fara rov nug Yesxus tias :" Koj yog leej twg tiag?"

    Yesxus:" Kuv yog tus yuav yog, saum ntuj thiab hauv ntiaj teb, txhua yam puav leej mloog kuv tas nrho, txhua lub tswv yim kuv yog tus paub, cov nyob saum ntuj hawm kuv, cov nyob hauv dab phem teb ntshai kuv. Tus twg ntseeg txog kuv yuav pom txhua yam hloov hauv nws siab ntsws thiab nws qhov muag yuav pom kuv txhua yam hwj huam zoo."


    Fara :" Kuv ntseeg! kuv ntseeg!...Koj lub npe hu li cas Huab Tais!"

    Yesxus: " Yesxus Pleev. Tus Huab Tais yug los ua neeg. Tus mlom kuv tau hais los ntawv, muab hlawv mus, kuv pom tsis tau lwm tus nej muab hu tias tseem Huab Tais ntawm kuv xub ntiag. Nej cov hluav ncaig thiab tej xyab tej ntawv, nej muab tua tas, nej tsis kam muab tus mlom hlawv, cia kuv xuas kuv tus hluav taws hauv kuv lub hwj huam hlawv kiag rau nej saib tam sim no. Nej yuav mloog kuv hais los tsis mloog?, yog nej tsis mloog kuv hais kuv yuav muab nej tus mloom uas nej tias yog nej tus tseem Tswv Ntuj hlawv kiag mus rau nej saib, qhia rau nej tias nej tus mloom cuav no nws lub hwj huam duav tsis tau kuv lub, nws yuav npam tsis tau kuv, kuv thiaj yog tus tseem Tswv Ntuj, kuv hlawv rau nej saib tas kuv mam li mus cawm tus pojniam."

    Tam sim ntawv Yesxus lub ntseg muag hloov kiag, Yesxus lub hwj chim txaus ntshai kawg nkaus, Yesxus tsa nws ob sab tes rau saum ntuj, nws lub tsho tshaj sab dawb dawb puag saum xwb pwg poob ti hauv ko taw ci ntsa, txoj hlab xiav xiav khuam Yesxus xub pwg poob kiag rau ntawm ob sab npab, Yesxus lub ntseg muag muaj hwj chim heev. Cov neeg txhua tus pom li ntawv lawv ntshai heev, tsis tau pom dua ib tug neeg yuav muaj hwj chim loj tag npaum, nsthai ti nkaus hauv tej qij txha. Sawv daws tsis muaj ib tug tsa ncauj tau hais ib lo lus, sawv daws ib ce tuag tag.

    Cov neeg tseem kwv tus mlom , hnov cov ncej txheem tus mlom kub cuag li hluav taws hlais lawv tej tes tu zom zaws, lawv tso plhuav tus mlom rau pem teb, khiav cee deb ntawm tus mlom. Cov xyab thiab cov ntawv hauv qab tus mlom twb tuag tas, tiam sis Yesxus tsa tes kiag rau saum tus mlom , tsis pom hluav taws cig qhov twg, tiam sis tus mlom cia li kub ntsoog mos mos ua hluav tag nrho rau ntawm cov neeg xub ntiag. lub tsheb thauj tus mlom kub nyiab tib si nrog.

    Cov neeg ntshais dhau nyias tos nyias sib huas khiav, tus mus nkaum qhov twg los muaj tas, tus tshee tshee tshuav tuag los muaj....

    Yesxus tig mus ntsia Fara thiab hais rau Fara tias :" Koj puas ntseeg kuv tseeb ziag no thiab kuv lub hwj huam ziag no? saib seb nej tus mlom twb npam tsis tau kuv qhov twg. Nej tus mlom twb tsis muaj peev xwm ua tau li cas rau kuv. Nej ho yuav nsthai tej tus mlom cuav no dua ntshai kuv uas yog nej tus Tseem Tseem Huab Tais nqis los ua neeg cawm nej txoj sia?"

    Fara ib ce tuag tas thiab teb tshee na:" Kuv ntseeg, kuv ntseeg tias koj yog Tswv Ntuj, koj yog tus Huab Tais Yesxus."

    Yesxus :" Tsis yog, kuv yog Leej txiv tus cag , kuv yog tus huab tais Yas Ves nyob Is Xas Lais, kuv tuaj nyob hauv nws daim nqaij daim tawv thiab cov ntshav, hauv nws tus ntsuj plig thiab nws qhov muaj koob nto npe tuaj mus yuav kom tau qab ntuj khwb rov los thiab yuav rov coj sawv daws los rau hauv txoj kev ntseeg tseeb uas yog tus tseem Tswv ntuj. Ib leeg ua peb leeg nyob saum ntuj. Kuv yog tuaj cawm thiab tuaj pab neeg vim kuv hlub neeg kom lawv tsis txhob yuam kev thiab kuv tuaj ntawm tus tseem Tswv ntuj twm zeej nyob hauv Mos Xes thiab cov yaj saub tau hais los. Koj puas ntseeg tias kuv yog?

    Fara:" Kuv ntseeg, kuv ntseeg!"

    Fara tsa suab hlo quaj. Yesxus twb tsis tau nkag mus hauv Fara tsev, Yesxus taw Yesxus txhais tes rau hauv chav uas Fara tus pojniam pw tab tom yug tsis tau me nyuam , Yesxus hu li thaum Yesxus hu Las Ntxas tias :" Koj cia li tawm kiag, tawm los rau qhov pom kev, tawm los kom pom qhov pom kev kaj lug muaj hwj huam thiab yog qhov pom kev tus Huab Tais nto moo lug Txhib koj tawm." Yog ib qho kev txhib nrov cuag xob nroo hauv Yesxus lub suab, ntxhe rau puag tim toj. tib pliag Yesxus lub suab nstiag zog xwb, hnov suab zoo siab qw zom zaws hauv Fara tus pojniam chav pw tawm tuaj, hnov ib tug me nyuam mos quaj tawg ntho hauv chav pw.

    Cov pojniam zov Fara tus pojniam yug me nyuam qw zom zaws tawm tuaj hais rau Fara tias:" Koj tus me tub yug los lawm, nws ob sab phlu tshiab khiv, ob lub qhov muag dub li ob lub txiv ntoo roj thiab plaub hau dub mos nyoos. Ces Fara paub kiag tam sim tias Yesxus uas yog tus tseem Tswv ntuj xub pom Fara tus me tub tiag li Yesxus hais. Fara pe nwj kiag Yesxus ko taw. Yesxus tsa Fara sawv , Yesxus tab tom yuav mus, ib tug pojniam tawm plaws hauv Fara tus pojniam chav los thiab nqa kiag ib tug me nyuam tub mos mos plaub hau dub, qhwv hauv ib daim ntaub dawb coj los cev kiag rau Fara:" Nov yog koj tus me tub Fara. Thiab koj tus pojniam zoo kiag, nws tsis hnov sab, tsis muaj mob thiab zoo siab yam li tsis pom tias nws twb yuav tuag."

    Tus pojniam hais cov lus no tas, Yesxus luag ntxhi, Fara muab tus me nyuam cev rau Yesxus, Yesxus plhws tus me nyuam, cov Xib hwb thiab cov thawj coj hauv zos pom li ntawv tag, lawv paub tias lawv hais tsis tau Fara ntseeg lawv, ces lawv xuas kev khiav, hos cov neeg nrog lawv ua ke maj mam txav los saib tus me nyuam, thiab lawv kuj xav los saib Yesxus kom tseeb...

    Fara yuav muab nyiaj muab kub rau Yesxus qhov nws cawm tau Fara tus pojniam thiab Fara tus tub, tiam sis Yexsus hais rau Fara tias: " Kev cawm neeg , Yees siv kuv pab nej txhua tus tsis yuam nqi, kuv tsis yuav nyiaj yuav kub, kuv xav tau nej lub siab ntseeg , kuv tsuas yuav tus me tshis dub dub uas kom nej muab rau kuv, kuv yuav nco ntsoov nej lub teb chaws Madgaldag."

    Yesxus thiaj sawv kev rov los mus nrhiav nws cov thwj tim, tus tshis dhia rhees lawv Yesxus qab, tus tshis zoo siab caum Yesxus vim nws tsis nsthai tus neeg phlws nws thiab hlub nws.

    Tsaus ntuj Yesxus los nrhiav tau Yesxus cov thwj tim, lawv sawv daws nug Yesxus tias ua cas Yesxus ho muaj tus tshis caum Yesxus, Yesxus mam piav tias Yesxus tau mus hlawv ib tug mlom hauv lub zos Madgaldag thiab cawm tau ib tug pojniam yug tsis tau nws tus me nyuam, Yesxus tau txhib tus me nyuam tawm los. Cov thwj tim mas tus twg los tus hais zom zaws tias cas lawv tsis pom Yesxus qhov Yees siv uas hlawv tus mlom thiab cawm tus pojniam thiab nws tus tub. Tag li ntawv hmo ntawv lawv pw thiab tau sawv kev mus rau lwm lub zos ...


    Zaj no yog ib zaj nyob hauv Yesxus lub neej, Yesxus pub txiaj ntsim rau Maria Valtorta thiab txib kom Maria Valtorta sau...








    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Yesxus mus teb chaws Madgaldag thiab hlawv ib tug mlom kub pov tseg

    Post  Maiv Tooj on 16th October 2012, 8:41 am



    Maiv paj Lug,

    Ua tsaug ntau rau nws zaj no, piav tau zoo kawg li. Yeej paub tseeb tias thaum Huab Tais Yes Xus tseem ua neeg nyob, yeej yuav tsum muaj raws li cov lus no. Yog tsis li ntawd mas yuav txoj kev ntseeg yuav tsis nyob txog niaj hnub nim no.





    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Yesxus mus teb chaws Madgaldag thiab hlawv ib tug mlom kub pov tseg

    Post  Ntxhuav Mom Xyooj on 17th October 2012, 10:32 am

    Nyob zoo Maiv Paj Lug

    Koj zaj uas koj sau tias Yesxus mus teb chaws Madgaldag ntawd kuv nyeem mas kuv txaus siab kawg. Tab sis kuv nrhiav hauv ntawv ntshiab cas tsis pom nyob hauv li, ua li puas muaj nyob hauv ntawv ntshiab thiab?

    Tswvntuj muab lub hwj huam los kho neeg kom neeg dim ntawm lawv tej mob nkeeg thiab dim ntawm dab los neeg tseem tsis ntseeg qees. Neeg nyiam txoj kev tsaus dua txoj kev kaj.

    Kuv muaj ib tug dab laug yog cov Hmoob Lauj nkawd muaj ib tug tub xeeb ntxwv tseem me me kwv yees li 3 los 4 xyoos ntawd niaj hmo quaj thaum tsaus ntuj, thaum quaj mas tsis muaj leej twg ntxias tau kom ntsiag li. Lawv yim neeg no lawv kuj hais tias lawv ntseeg ntuj puag thaum lawv tseem nyob Nplog teb los lawm, lawv kuj nrog peb mus teev ntuj ua ke thiab. Tab sis yus mus txog tom lawv tej tsev mas ntawm lawv lub qhov rooj saud mas dai riam ntoo nrog ib txoj saw nqeeb los saw tauj dai rau saud thiab lawv tej tes taw khi ib txog hlua ntswj khaub hlab liab khaub hlab dawb.

    Muaj ib hmos twb lig lig lawm yog 11:30 tsaus ntuj tus me nyuam quaj quaj ntawd leej txiv tseem tuaj khob khob kuv qhov rooj tuaj hais tias nws tus me nyuam pheej quaj tsis ntsiag li ces kom kuv muab ib qho dej ntshiab rau nws coj mus pov rau tus me nyuam seb puas ntsiag no ces kuv txawm muab tau ib hwj dej ntshiab rau nws coj lawm. Tau 2 hnub tom qab kuv txawm nug tus dab laug ntawd tias nej coj cov dej ntshiab mus pov rau tus nyuam ntawd es puas ua tau hauj lwm zoo thiab?
    Dab laug teb tias tus me nyuam kuj ntsiag lawm thiab tab sis muab xyuas na has ua cas lawv yuav muab nkawm khau ceev ua luaj rau nws rau vim nkawm khau ntawd ceev dhau es thiaj li quaj xwb.

    Kuv muab xav los neeg yeej tsis sawm zoo thiab yeej tsis ris Tswvntuj tej txiaj ntsim kiag li. Tom qab no tus dab laug ntawd rov mus coj qub kev cai tseem mus ntiav txiv neeb 800 dollars kom tuaj ua neeb tsa nws txhiaj meej los nws tej mob nkeeg haj yam loj huam tuaj zaum no ces nws zaum nyob hauv laub lawm xwb pab nws tu siab kawg.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Yesxus mus teb chaws Madgaldag thiab hlawv ib tug mlom kub pov tseg

    Post  Maiv Tooj on 19th October 2012, 10:04 am



    Nyob zoo kwv Txhuav Mom Xyooj,

    Koj tsis yog nug kuv, tab sis kuv lam teb koj cov lus me ntsis, yog Maiv Paj Lug tuaj, nws mam li tuaj tham ntxiv rau koj.

    Zaj Maiv Paj Lug sau nov, yog ib tug ntxhais Is Tas Lis npe hu ua Maria Valtorta (1897-1961) tau ib tug mob loj, nws tuag ceg lawm pw saum txaj xwb. Tswv Ntuj ua kom nws rov pom txog Tsev Neeg Ntshiab lub keeb (Joahim, Anne, Mab Liab, Yos Xes thiab Yes Xus), los rau lub caij Yes Xus tseem ua neeg nyob es nws sau tseg xwb. Koj nyeem qhov lawv piav nws lub neej me ntsis raws li qhov Link kuv tso hauv qab no ces koj to taub txog qhov Maiv Paj Lug txhais lawm.

    http://en.wikipedia.org/wiki/Maria_Valtorta






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Yesxus mus teb chaws Madgaldag thiab hlawv ib tug mlom kub pov tseg

    Post  Maiv Paj Lug on 19th October 2012, 7:33 pm

    Maiv Tooj,

    ua tsaug nws tuaj teb Ntxuav Mom thaum kuv tsis khoom os, txhua yam nws ua yeej yog kuv li thiab es kuv tsis khoom nws teb yeej zoo tag nrho, kuv tseem coj kuv niam mus ua ntaub ntawv thiab coj nws mus Caij dav hlau Charles de Gaulles mus USA lawm, khiav ntaub ntawv nkaus xwb mas tsis khoom li, lub caij no los nag heev li thiab, muaj mob lawm thiab tiag.

    Ntxhuav Mom,

    Kuv txhais phau ntawv no ntawm Maria Valtorta, uas yog ib tug ntxhais mob nyhav heev, tshuav tuag xwb sawv tsis taus li, muaj ib hnub Yesxus thiaj los saib nws Yesxus yees kiag rau nws pom, thiaj kom Maria pib sau phau ntawv txog Yesxus lub neej, nyob hauv ntawv ntshiab muaj keeb kwm ntuj tsim teb raug los txog Yesxus lub neej, tiam sis tsis muaj txua yam Yesxus ua kom txwm, Yesxus thiaj kom Maria Valtorta sau phau ntawv qhia txog txhua yam Yesxus lub neej puag thaum yug los txog thaum nws nce pem ntuj thiab tsa lub Koom Txoos Kas Tos Liv sawv los li cas.

    Thaum Leej Ntshiab Zam Paj Lug2 tseem ua vaj qhia , nws tau hais rau txhua tus kom yuav tsum nyeem Maria Valtorta phau ntawv yog leej twg xav paub Yesxus zoo.

    Tag nrho Maria Valtorta cov ntawv muaj tag nrho yog 10 phau...kuv twb nyeem txog phau plaub lawm, kuv ke nyeem ke quaj, tej tsam kuv cav luag kuv ib leeg vim cov thwj tim lawv hais tej co lus uas kuv niaj hnub hais thiab , tej tsam kuv nsthai kawg, Maria Valtorta cov ntawv mas muaj sia yam nkaus li phau Bible thiab os, tiam sis qhia txog Yesxus ib tog zus tuaj, zoo tiag tiag li. Niamlaus Mim twb nyeem tag lawm, kuv yuav nyeem kom tas vim kuv nyiam heev...yim nyeem yim paub Yesxus kev hlub neeg, quaj nrog Yesxus, ntshaw Yesxus kev hlub, kuv nsthaw Yesxus cov lus thoob tsib, nsthaw Yesxus kev ncaj ncees, kuv tus plig xav nrog Yesxus ua ke nraim li cov thwj tim...zoo heev li lauj....

    Yog koj tsis muaj ntawv nyeem kuv muab cov liens koj mus nyeem uas lus English:

    http://valtorta.org/

    Lus fab kis rau Maiv Tooj thiab lwm tus tsis paub nyeem lus English :

    http://www.maria-valtorta.org/index.htm




    <3 <3 Pab kuv rov los cuag koj Huab Tais Yesxus <3 <3

    Sponsored content

    Re: Yesxus mus teb chaws Madgaldag thiab hlawv ib tug mlom kub pov tseg

    Post  Sponsored content Today at 8:57 pm


      Current date/time is 10th December 2016, 8:57 pm