HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Ceev faj dab phem mooj tuag sawv rov los hem neeg Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


    Ceev faj dab phem mooj tuag sawv rov los hem neeg

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Ceev faj dab phem mooj tuag sawv rov los hem neeg Empty Ceev faj dab phem mooj tuag sawv rov los hem neeg

    Post  Maiv Paj Lug 24th April 2012, 7:48 am

    Ceev faj cov tuag sawv rov los hem neeg

    Ceev faj dab phem mooj tuag sawv rov los hem neeg Death_10

    Thaum ub nyob yav ntuj qub qab, tej laus piav dhau los tias muaj cov tuag mus ua poj ntxoog rov los hem neeg. Yav thaum ub, txoj kev Ntseeg Ntuj tseem tsis tau mus txog Hmoob, Hmoob tsis tau paub tias muaj cov ntsuj lim hiam yog cov tseem dab demon.

    Hmoob muab txhua yam liam rau Hmoob tus tuag,

    Muaj ib txoj dab neeg muaj tseeb kuv tau hnov : Thaum ub nyob rau Kas Xav, lub zos kuv niam lawv nyob, muaj ib tug ntxhais Hmoob Lauj, zoo nkauj heev, nws yog thawj tug ntxhais hlob hauv yim neeg ntawv, nws yog ib tug ntxhais zoo nkauj, nquag ua noj kawg nkaus, txhua tag kis, tej laus tsis tau sawv nws twb sawv los ua tshais tiav, pom kev dawb vog nws twb mus ntov kav tsawb coj los pub npua, nws niaj tag kis ua li ntawv, txawm muaj ib hnub nws mus rau tau dab, txhua zaus nws mus los twb tsis ua li cas, tiam sis zaum no nws mus los ces nws cia li los zaum hais lus ib leeg rau ub rau no, nws sawv ua tshais los nws tham lus luag ntxhi, tej tsam nws cem hais tias: " kuv twb kom nej txhob tuaj tuaj no cas nej pheej tuaj! nej tsis pom tias kuv hauj lwm tseem ntau no los."

    Nws niam nug tias:" me ntxhais koj pheej nrog leej twg tham na?". Tus ntxhais tsis teb li, ua li ntawv ntev, lawv txawm hais tias ntshe yog raug dab, cia muab tus ntxhais coj mus yuav txiv, thiaj mus thov ib tug tub ntsuag nyob nram qab zog kom tuaj yuav tus ntxhais, lawv twb ua ntsiag to xwb, tiam sis niam dab tseem hnov lawm thiab. Lawv rov los txog tsev niag dab cia li tsum, niag dab ua txuj ua rau tus ntxhais zoo lawm.

    Tus ntxhais hais rau nws niam tias: " Niam kuv twb zoo lawm, nej txhob muab kuv yuam rau tus tub ntsuag, kuv twb tsis nyiam nws ces kuv tsis kam yuav, nej saib ma, kuv twb zoo lawm ne! ". Leej niam txawm hais tias yog nws zoo lawm ces kav liam tsis muab nws yuam yuav lawm.

    Dhau ntawv rov tau ib xyoos los ces tus ntxhais txawm rov pib ua dua, txawm rov qab hais lus ib leeg, tej tsam ces cia li tuag lawm tsheej tsig, ua li ntawv tsev neeg nsthai dhau , niam thiab txiv kuj yug tau ib tug nus loj tiav hluas thiab tshuav ib tug niam hluas tseem yau hnub nyug 11 12 xyoos. Tab chaws tab tom tawg ua tsov rog, niam thiab txiv thiaj hais tias tus ntxhais hlob rov ua li ntawv lawm ces ntshai nsthai li kom lawv khiav lub zos. Niam thiab txiv thiaj li coj cov me nyuam nyiag kev khiav hmo ntawv mus nyob rau to siab lwm lub zej zos Hmoob deb deb ntawm lub qub zos.

    Tus ntxhais txawm zoo lawm, tus ntxhais twb mus noj ib cim peb caug Hmoob kuj sib txeeb coob kawg, muaj neeg twb yuav tuaj nqis tsev hais tus ntxhais, tiam sis muaj ib hnub leej niam txawm rov mus thov tau ib co kav tsawb coj los pub npua, tus ntxhais muaj mob, lub npe hu li Kiab, txawm nug nws niam tias : " Niam cas koj cov kav tsawb dawb mos ua luaj, ntxim qab, kuv xav noj ib qho puas tau?" . Leej niam teb tias: " Tau kawg mas me ntxhais". Tus ntxhais txawm muab ib qho plawv tsawb mos mos coj los noj tas ces cia li rov qab mob vwm ntsuav li qub, tseem ua rau lub plab mas su cuag muaj me nyuam. Cov Hmoob yuav tuaj nqis tsev hais pom li ntawv ces lawv cia li tsis kam tuaj yuav tus ntxhais lawm.

    Tus ntxhais mob mob tsis tau muaj tsawg hnub cia li tuag lawm tiag, thaum tuag mas aub tom ib hmos ib hmos, neeg tsis tau luag, tus ntxhais los tseem lwj lwj dub nciab, kua phwj yaws. Lawv nsthai dhau ces lawv pam ob hnub xwb cia li muab kwv mus phaus.

    Niam thiab Txiv muab tus ntxhaus mus phaus tas, lawv rov los ua neej ntsiag to, muaj ib zaug niam thiab txiv nrog tus tub thiab tus ntxhais yau mus ua teb los txog ntua ntawm txoj kev lauv phaus Kiab lub ntxha, txawm hnov ib lub suab qhuaj hu puag nram kwj hav txiv yeem tuaj tias : " Niam aw! nej dua twg tas lawm os, lawv siab siab phem rau kuv na..." Pheej hu li no los ze zuj zus. Cov niam txiv tub ntawv nsthai ces sib tw khiav los tsev lawm.

    Kev tsov rog loj hlob tuaj ces teb chaws tawg dua, tsev neeg ntawv thiaj tawg khiav nrog ib co neeg hauv zos khiav lub zos lawv nyob. Ua cia kaj ntug txoog, cov neeg tawg rog txawm txawm khiav los ncaj kiag rau tim Kiab lub ntxa, hnov Kiab lub suab rov hu puag nram hav txiv yeem taug kev los zuj zus , hu tias : " Niam aw! nej dua twg tas, lawv siab siab phem rau kuv na...." Pheej hu tsis tseg li ntawv taug kev los lawm tiag lauj. Cov neeg nsthai dhau ces sawv daws nkaum zom zaws, pem hauv ntej txawm muaj tsev neeg tus tub thiab tus ntxhais ua ntej, tus tub hais rau sawv daws tias, nej zaum nod tos, cia kuv mus tuaj puag pem luag kev hav txiv yeem tos seb los txog yog dab tsi, tus tub txawm mus zaum pem luag kev tos, tus ntxhais thiab tsev neeg nrog cov neeg coob zaum nram hav, lawv mas nsthai tsis nsthai, txhua tus los tshee na, tus tub mus zaum kiag pem ib tsob hav txiv yeem, nws muab ib txhais taw tuam tsob kwv txiv yeem mas laim ti nkaus ntsis ntoo.

    Lub suab hu hu los ze zuj zus, tus muam ntxawm yau nyob nram no saib nws tus nus mas lawv nsthai nsthai tshee dhau, tus nus tshee tsis tshee es tsob hav txiv yeem ua zog koom, niag dab hu lawv los ze zuj zus lawm tiag lauj.

    Los txog ntua ntawm kev uas tus tub nkawm ces txawm pom tib tug liab ploog, hnav kiab daim tiab thiab ces khaub ncaws uas lawv muab rau kiab hnav ntag, tseem hu hu twb tsis tau tsum ces tus nus txawm nthe tib suab nrhov qhawd :" KIAB! KOJ TUAG TIAG LOS TUAG DAG NAJ, YUAV TUAG TXAWM TUAG KUAG, YUAV CIAJ TXAWM CIAJ KIAG, CAS KOJ PHEEJ YUAV HU TAG ZOG LI KO!...". Ces niag ntawv txawm sis zoj luag kiag rau nram qab ke hav txiv yees nrov pes vog ce sploj rau nrav lawm tiag lauj.

    Tus tub tig khiav los pem niam thiab txiv thiab cov neeg na, lawv twb ceeb thaum tus tub hu ces lawv twb xuas kev khiav tas, tus tshuav tus tub ib leeg lawv qab xwb mas nws dhia caum lawv ua rau nws twb tsis muaj zog tuag tag nrho, sib tw khiav mus nto roob plaws sawv daws nyias quaj nyias ib pluag. Sawv daws nsthai dhau ces tsis so hnub ntawv thiab pw hmo ntawv li cia li peem kom dhau los mus rau lwm lub zos.

    Txaus ntshai kawg, tej laus thaj muab piav txheej dhau txheej tias neeg tuag mus ua poj ntxoog. Tiam sis kom nej ceev faj, nej tus neeg nws yeej tuag lawm tiag, tus ntsuj plig ntshe twb mus nyob txom nyeem tsuav, niam uas dab demon muab mooj los hem neeg ntawv yeej yog tus tuag lub cev, vim nws tau raug dab demon, thaum tuag ces dab demon yeej nkag tau mooj nws lub cev rov los hem neeg, Thaum dab demon mooj neeg lub cev rov los hem neeg mas, ua mus kev zoo li tib tug fiav zoj fiav zis, mus kev twb tsis ncaj kev, tej plaub hau los thiaj ntxhov nyhos, tus niaj lwj dhi , tej khaub ncaws thiaj ua hlab liab hlab ntsuab dai liab vog , yog vim dab demon muab lub cev mooj sawv ntsug, tus neeg tiag yeej tuag tiag lawm.


    Yog li no mas peb cov ntseeg thaum peb muaj ib tus tuag, peb cov tuag tsis tshuam pom rov los hem neeg, vim peb muaj Tswv Ntuj pov hwm peb lub cev, txawm tuag ua ib pawg av lawm los nws yeej tsis muaj hnub dab demon mus mooj tau, Ntuj tus Tshiab Mis Kas Ees yog tus sab xyuas cov tub tuag lub cev, neeg tus ntsuj plig mus cuag Tswv Ntuj lawm, tiam sis neeg lub cev nyob zwm av, Tshiab Mis kas Ees yog Tswv Ntuj tus tshiab muaj zog tag nrho, demon nsthai Ntuj tus Tshiab Mis Kas Ees.

    Ceev faj dab phem mooj tuag sawv rov los hem neeg Jesus%20consolateur-2

    Peb tsoom ntseeg thaum tuag, txawm nyob toj roob hauv pes, hav zoov hav tsuag los peb tso siab lug rau Tswv Ntuj, peb yeej tsis muaj dab hem los yuav ua phem tau rau cov ciaj thiab cov tuag.

      Current date/time is 28th March 2024, 1:27 am