HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


TP Nyiaj Pov ncaim peb mus tau 5 xyoos lawm Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


5 posters

    TP Nyiaj Pov ncaim peb mus tau 5 xyoos lawm

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    TP Nyiaj Pov ncaim peb mus tau 5 xyoos lawm Empty TP Nyiaj Pov ncaim peb mus tau 5 xyoos lawm

    Post  Mim 4th June 2012, 11:23 am

    Nyob zoo sawv daws,




    TP Nyiaj Pov ncaum peb mus rtau 5 xyoos nkaus lawm. Kuv rov mus tshawb hauv peb cov posts, zoo li kuv tsis pom zaj uas piav tias nws tau ncaim peb hnub twg kiag. Yog li kuv tuaj tso zaj ntawm no rau peb tau khaws cia hauv Hmoob Kas tos Liv no.

    By Ntxoov Lauj Vaaj

    Published Saturday, June 16, 2007

    Thov tshabxo rau ib tsoom Hmoob nyob txhia lub tebchaws paub tias Txiv Plig Nyiaj Pov (Father Yves Bertrais) uas yog “Leej Txiv Tsim Ntawv Hmoob” tau tag simneej rau hnub Sunday, lub 5 hlis 27, 2007, thaum 8 teev sawv ntxov nyob tebchaws Fabkis uas nws muaj 86 xyoo. Nws yug lub 7 hli 30, 1921, nyob lub zos Prinquiau, tebchaws Fabkis.

    Txiv Plig Nyiaj Pov mus txog tebchaws Lostsuas 1947, thiab nws pib coj nws txoj kev hlub mus pab Hmoob nyob lub zos Roob Nyuj Qus (Gaurs Mountain) hauv Lostsuas xyoo 1950 uas nws muaj 29 xyoos. Nws txoj kev hlub yog qhia nws txoj kev ntseeg (faith) rau Hmoob, tabsis nws pom tias ua ntej tshaj yog yuav tau nyob nrog Hmoob, kawm lus Hmoob, thiab kawm Hmoob kev nyob noj.

    Kev kawm Hmoob lus yog ib yam uas nyuaj kawg rau Txiv Plig Nyiaj Pov vim Hmoob tsis muaj ntawv. Nws thiaj li pib muab cov tsiaj ntawv Lastees (Latin Alphabets) los mus ua suab Hmoob thiab tsiaj ntawv Hmoob qhia Hmoob tau 3 lub xyoos.

    Tom qab no nws hnov tias muaj ib tug Xibfwb Amelikas (American Protestant Minister) hu ua Berney kuj tab tom npaj ib cov ntawv Hmoob qhia Hmoob thiab. Nkawd thiaj tau sib ntsib sib koom tes tsim tau cov Tsiaj Ntawv Lastees (Romanized Popular Alphabet). Muaj 2 tug Hmoob pab qhia suab Hmoob thiab muaj Dr. Smalley (linguistics specialist) ua tus pab kho.

    Xyoo 1953, Txiv Plig Nyiaj Pov lawv thiaj tsa muaj ib lub rooj sablaj loj nyob Moos Loob thiab thiaj pom zoo siv cov Tsiaj Ntawv Hmoob Lastees (Hmong Romanized Popular Alphabet Script). Txiv Plig Nyiaj Pov thiaj pib qhia ntawv Hmoob rau Hmoob nyob lub zos Roob Nyuj Qus txhia hmo thaum lawv los teb los uas muaj ib txhia tuaj ko taw li 20 mais deb tuaj kawm.

    Vim kev tsov rog, 1963 txog 1975, Hmoob coob leej thiaj tuaj nrog Txiv Plig Nyiaj Pov nyob ntawm lub tsev kawm ntawv, School of Master in Christian Teaching. Lub caij no, ntawv Hmoob thiaj huam vam heev thiab thaum cov tub kawm ntawv rov qab mus tsev; lawv thiaj qhia ntawv Hmoob rau cov nyob ntawm tej zos Hmoob. Nws thiaj li tsim muaj ib tsab xovxwm Hmoob thiab ib lub xovtooj cua Hmoob uas yog siv ntawv Hmoob.

    Tseemfwv Lostsuas kuj tsis tshuam pom zoo kom siv cov tsiaj ntawv Lastees vim lawv xav kom siv tsiaj ntawv Lostsuas. Tabsis 1975 Hmoob khiav tuaj nyob cov yeej thojnam hauv Thaibteb, phav phav leej Hmoob tau kawm cov ntawv Hmoob Lastees ntxiv. Thiab niaj hnub no Hmoob khiav tuaj nyob Amelikas, Fabkis, Australia, Argentina, Canada, Fabkis Guyana, thiab lwm lub tebchaws mas ntawv Hmoob haj yam huam vam tuaj.

    Vim muaj phau ntawv Hmoob ntau lawm, Txiv Plig Nyiaj Pov thiaj tau thov kev pab los ntawm cov Txiv Plig qib siab thiab los ntawm cov koom haum ntau lub. Nws thiaj tsa tau ib lub koom haum Hmoob qubtxeeg qubtes, Hmong Cultural Heritage Association, nyob lub zos Hmoob Javouhey, Fabkis Guyana, los pub rau Hmoob thiab.

    Pib txij 1985, cov tsiaj ntawv Hmoob Lastees tau nthuav mus txog rau cov Hmoob nyob tebchaws Suav (Hmong China) thiab rau Hmoob thoob ntiajteb vim nws yoojyim rau lus Hmoob Dawb thiab lus Hmoob Ntsuab. Thaum pib 40 xyoo dhau los, nws muaj ntau yam nyuaj, tabsis niaj hnub no nws yog ib yam ntawv uas pab Hmoob lubneej pom kev mus lawm ib theem deb thiab zoo kawg nkaus.

    “Kev sau yog ib yam tseemceeb uas yuav ua kom haivneeg cov lus ciaj sia nyob. Thiab lus yog lub hauvpaug khaws haivneeg tej txujci cia tau ntev; nws ua kom tsis txhob hais tib yam lus losyog tsis txhob mloog tib yam nkauj xwb,” Txiv Plig Nyiaj Pov cov lus cia siab.

    Vim Txiv Plig Nyiaj Pov muaj lub siab hlub thiab pab Hmoob, tshwjxeeb yog kev tsim cov tsiaj ntawv Hmoob Lastees, lub koom haum Path to Peace Foundation thiaj muab ib qho yeebkoob “Servant of Peace” rau nws; qhia tias nws yog tus neeg ua haujlwm rau “Kev Thajyeeb”.

    Qhov ntxiv yog Txiv Plig Nyiaj Pov tau pab cov Hmoob nyob Fabkis Guyana xyoo 1977 txog 1996 kawg nws txoj kev hlub. Cov nomtswv nroog (mayors) thiaj tau lees paub yawg cov kev hlub Hmoob los ntawm kev muab National Merit Medal thiab the Knight of Legion of Honor rau nws thiab.

    Cov lus hais tag los no yog txhais los ntawm daim ntawv Askiv uas Txhiaj Vwj Yaj sau tuaj. Nws muaj tsis tag txhua lo vim yog txhais tag txhua lo ces yuav noj chaw ntau heev. Yog tsis meej qhov twg, nej nyeem cov lus Askiv tau thiab nug Txhiaj Vwj Yaj, nyob Sheboygan, cell 920-946-0467, email:http://xiavue@hmongunionmarket.com, saib lub website www.hmongrpa.org, losyog sau ntawv rau Txhiaj Vwj yaj: 2022 S. 17th St., Sheboygan, WI 53081.

    Txog peb ib tsoom Hmoob uas hmov tshua sawvdaws, Txiv Plig Nyiaj Pov lub ntees yuav pib Friday, June 8, 2007 txog Sunday, June 11, 2007, nyob Fabkis. Yog nej leej twg xav paub no kom zoo ntxiv. Nej hu mus nug Txhiaj Vwj Yaj saum no tau; nws txaus siab yuav qhia rau nej.

    Information & Photos provided by Xia Vue Yang

    Published on http://www.hmongtoday.com

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Maiv Tooj 4th June 2012, 5:58 pm



    Nyob zoo Mim,

    TP.Nyiaj Pov ncaim peb tau 5 xyoo, nws lub npe yuav nyob nrog Peb Hmoob
    TP.Nyiaj Pov ncaim peb tau 5 niaj, nws yuav nyob rawv hauv peb lub siab.

    TP.Nyiaj Pov tau tso peb tseg, Peb Hmoob yuav nco ntsoov nws lub nbpe
    TP.Nyiaj Pov tau ncaim peb mus, Peb Hmoob yuav nco ntsoov nws tshav ntuj.

    Xyoo no Tsev Hmoob Ntseeg Fab Kis teb thiab TP. Nyiaj Pov tsev neeg tau los sib koom ua ib lub koob tsheej nco txog TP.Nyiaj Pov 5 xyoo, zoo li kuj muaj Hmoob mus koom coob thiab. Lawv tau mus nyob ob hnub, thawj hnub lawv tau ncig xyuas tag nrho TP.Nyiaj Pov tej chaw yug, nyob, khwv, ua si, kawm tib si tag ces lawv mus noj hmo; noj hmo tag lawv mus mloog kwv huam piav txog TP. Nyiaj Pov lub neej, los saib xyam, saib duab txog ntua ib tag hmo dua. Cov tau mus koom zoo siab tas nrho, thaum kuv tus nyab thiab nus rov los txog tsev, twb yog 11h ib tag hmo lawm, tseem hu xov tooj tuaj hais qhia kuv tias zoo dhau lawm, khuv xim uas kuv tsis mus. Xaiv Tsom uas yog tus Tuam tswj Tsev Hmoob Catholique Fab Kis teb tau hais txog kuv leej nkawm Txooj Tub wb thiab pawg ntseeg Cheeb Tsam Lyon uas nyob deb mus koom tsis tau, tab sis tau xa ob peb daim duab thiab ib zaj paj huam nco txog TP.Nyiaj Pov lub txiaj ntsim mus nrog lawv koom.

    Zaj paj huam nov yog kuv sau thaum lub zwj ceeb uas TP.Nyiaj Pov tuag, lub 6 hli 2007, muaj tij laug Vaj Nruas, tuav xov tooj cua Radio Hmongword, uas yog ib tug Kws paj huam tshaj lij heev tuaj xyuas peb hauv nov, kuv thiaj li thov nws pab muab kho; ces nws muab kho thiab txuas yam puav ntxiv rau. Kuv ho tsis khoom ces kuv thov Maiv Xis pab muab ua suab rau kuv, kuv xa mus rau kwv Xaiv Tsom tso rau TP.Nyiaj pov tsev neeg mloog tias TP.Nyiaj Pov nyob nraim hauv Peb Hmoob lub siab. Kuv muab zaj paj huam tso rau nov, nej khoom no ho tuaj nyeem. Dhos tau suab thiab kwv Xaiv Tsom tso duab no mam muab duab dhos, mam rov tuaj tso dua.





    TP Nyiaj Pov ncaim peb mus tau 5 xyoos lawm Puag_n10

    Txiv plig Nyiaj Pov Hmoob tus cawm seej.

    1-Ntawm no mus-------------------------kuv thov los sau
    Muab xa rau-----------------------------Txiv Plig Nyiaj Pov
    Raws li hnov-----------------------------Tswv Ntuj leej tub
    Koj muaj lub----------------------------me zoo txiaj ntsim

    2-Lub hwj chim--------------------------- haiv neeg twj lij
    Koj npaj txhij--------------------------lub keeb puam chiv
    Niam thiab txiv------------------------------tau tu koj hlob
    Yug los nyob---------------------------Tswv Ntuj xub ntiag

    3-Muaj tseeb tiag----------------------koj kaum ob xyoos
    Ua koom txoos--------------------thiab nyiam Tswv Ntuj
    Koj npaj txuj-------------------------tuaj qhia peb Hmoob
    Nyob pem roob---------------------muaj coob muaj ntau

    4-Koj hais rau-------------------------txhua leej txhua tus
    Kom nthuav mus---------------kawm txawj kawm ntse
    Nyob ua ke--------------------------------tsis cem tsis khib
    Leej tub txib--------------------------------siab loj siab dav

    5-Txaj chaw lav------------------------------sib faib rau pw
    Raws txoj lw----------------------------ntawm Vaj Yes Xus
    Tub cev lus---------------------------tshaj Tswv Ntuj Moo
    Nqes lis loo------------------------------theej peb lub txim

    6-Thiaj khiav dim-------------------------tus me ntsuj plig
    Yuav zuag tig-------------------------thaum nws tuaj txog
    Teb chaws nplog---------------------rau thaum lub xyoo
    Suav pib loo---------------------ib cuaj tsib ntxaiv (1950)

    7-Ntsib Hmoob haiv------------------neej pluag ploj plus
    Roob Nyuj Qus-----------------------tuaj nrog cawm haiv
    Huab tais xaiv----------------------------txiv plig Nyiaj Pov
    Plaub hlis rov---------------------------hnub tim kaum xya

    8-hnov moo ncha---------------------Tswv Ntuj hlub peb
    Txawm nyob deb------------------txhob poob kua muag
    Kev sib cuag--------------------------pem ntuj ceeb tsheej
    muab xam txheej------------------------ib cuaj plaub yim

    9-Txiv Plig fim-------------------------tuam ceeb Vees Cas
    Hmoob txuj ras----------------------------los yog muaj koj
    Yuav tau soj--------------------------------koj lub zim txwv
    Tus neeg khwv-----------------------kev muaj txiaj ntsim

    10-Tau txheej txhim---------------------kho txoj kev ncaj
    Tswv Ntuj tshaj-----------------------------leej me tub txib
    Koj npaj pib------------------------------los yug dua tshiab
    Kua muag iab-------------------kom Hmoob txhob muaj

    11-Txoj kev quaj----------------kom Hmoob txhob ntsib
    Yam tsob dib------------------------------cab hmab puv toj
    Yuav nco koj------------------------------tej me txiaj ntsim
    Mus ib sim------------------------------tsis muaj hnub ploj

    12-Thov kom koj--------------------------tau mus nyob ze
    Zaum ua ke----------------------------nrog Huab Tais Ntuj
    Koj teeg txuj---------------------------kom nws nthuav loj
    Rov los coj-----------------------------peb ib tsoom ntseeg

    13-Tus zoo neeg--------------------------mus zoo koj mog
    Thov nco txog-----------------------peb ib tsoom Hmoob
    Pem toj roob-------------------------------lub zej zos txhua
    Peb yeej tshua---------------------------txiv plig Nyiaj Pov

    14-Peb yuav thov-----------------------Tswv Ntuj rau koj
    Txiaj ntsim loj----------------------------kom koj tau txais
    Yuav zuag hais--------------------------tej lus ntos txheeb
    Pib chiv keeb------------------tsim ntaub ntawv Hmoob

    15-Muab tseb thoob---------------rau Hmoob qab ntuj
    Teeg Hmoob txuj------------------thiab txeeg Hmoob ci
    Sawv tuaj ntxhi--------------------------ua tus cawm seej
    Pab Hmoob neej----------------------nyob rau Los Tsuas

    16-Lus qhuab ntuas-----------------qhia Hmoob yaj sab
    Tuaj nrog pab--------------------------qhia txuj ntau yam
    Pib nthuav tham----------------------txog ntawv las tees
    Muab cob ntsees-------------------los ua Hmoob ntawv
    Coj sau sawv-------------------------hais Hmoob lus meej

    17-Hmoob txhua leej----------tuaj kawm nchuav ntws
    Sawv coj plws---------------------hlub tsev neeg Hmoob
    Nyob pem roob---------------------------los yog nram tiaj
    Kev tsim txiaj----------------------nthuav los txhawb nqa

    18-Thiaj tau xa------------------------ntau leej tub kawm
    Li tau tawm----------------------------------tuaj Fab Kis teb
    Daim av deb-----------------------------nyob ntuj Aws Luv
    Raws li kuv --------------------------paub qhov tseeb tiag

    19-Hmoob pib kiag----------------------tau tuaj kawm deb
    Fab kis teb-----------------------------------nws yog Yaj Tsab
    Yog thawj pab------------------------------Nyiaj Pov xa tuaj
    Hmoob thiaj muaj----------------------txoj hau kev kawm

    20-Li tau tawm-----------------------tuaj txawv teb chaws
    Laj txheej ntxaws--------------------Hmoob pom kev deb
    Raws ntiaj teb-------------------------------txoj kev ua neej
    Hmoob txhua leej-------------------------thiaj li hwm nws

    21-Txoj kev plws----------------txhawb nqa Hmoob neej
    Muaj ntau leej-------------------------------los koom ua ke
    Nrhiav lub npe------------------------------los rau kom zoo
    Hmoob tis loo---------------------------nws npe Nyiaj Pov

    22-Sawv los thov--------------------Tswv Ntuj txoj hmoo
    Kom pov loo-------------------------------tsev neeg yaj sab
    Nyob kab ntsab---------------------------kom kaj siab nrig
    Tawm tuaj ncig------------------------xyuas txhua lub zos

    23-Hmoob txais tos---------------------nws txoj kev hlub
    Ntuj tau pub------------------------------Txiv Plig tus kheej
    Los qhia meej----------------------------txoj kev cai tshiab
    Hmoob toj siab-----------------------------tau Ntuj lus zoo

    24-Nyob muaj hmoo----------------muaj txiag nplua nuj
    Kev tshav ntuj------------------------Hmoob pom kev dav
    Lub ntuj tshav----------------------rau Hmoob lawm ntau
    Lub neej dhau-------------------------yeej muaj tseeb tiag

    25-Neej kaj liag-------------------------vim muaj tus tswv
    Txoj kev khwv-----------------------kom neej Hmoob zoo
    Nyob nto moo-------------------------raws neeg ntiaj teb
    Nws thiaj ntxheb-----------------nrhiav hauv kev tawm

    26-Txoj kev kawm-----------------------------luag li txuj ci
    Sib pab ntxhi--------------------kom Hmoob txawj txhua
    Kev ua qhua----------------------------txawj koom ua pab
    Nyob yaj sab------------------------muaj tsev teev hawm

    27-Qhia Hmoob kawm------------------Tswv Ntuj tej lus
    Paub coj mus----------------------------thov kev zam txim
    Kom peb dim----------------------txoj kev txhaum txheej
    Nrog muaj neej------------------------mus sib haum xeeb

    28-Nyob thaj yeeb--------------------------mus tag ib sim
    Koj txiaj ntsim----------------------------yuav nto moo lug
    Hauv txhua tus ---------------------neeg Hmoob lub siab
    Nyob ib txhiab----------------------------tsis ploj tsis qaug

    29-Thov ua tsaug----------------------leej twg hnov txog
    Thov ho nrog-------------------kuv muab ntos txheeb
    Yam uas tseeb-----------------------Nyiaj Pov tau tsim
    Tej txiaj ntsim--------------------nws tau pab Hmoob

    30-Peb feem coob---------------------yeej to taub meej
    Nws tus kheej------------------tsim tau Hmoob ntawv
    Tsa Hmoob sawv-------------------nrog muaj neej zoo
    Coj Hmoob loo---------------------tuaj rau ntuj tshiab
    31-Kev kaj siab--------------------------Fab Kis Av Me
    Nyob ua ke------------------------------tau noj tau hnav
    Muaj tsheb tsav-----------------------muaj liaj teb zoo
    Nyob nto moo-------------------------neej kab siab lug

    32-Hmoob muaj tug-----------------nrog luag ua neej
    Nyob peem tsheej----------------muaj suab muaj npe
    Tho txoj ke------------------------rau Hmoob tau taug
    Ua nws tsaug---------------------------tsis tag tsis kawg

    33-Txawm txoj yawg------------------tso lub ntiaj teb
    Hais txog peb--------------------ib tsoom neeg Hmoob
    Tuav lub koob -------------------------coj lub npe mus
    Peb txhua tus-----------------------------ua neej tos koj

    34-Rov los coj--------------------pawg ib txwm ntseeg
    Koj pab neeg-------------------------nws ib txwm hlub
    Ntuj tau pub-----------------------------koj ua leej txiv
    Coj peb ntxiv------------------------rau neej pem suab

    35-Tswv Ntuj muab-----------txoj hmoov dua tshiab
    Los cog siab-------------------------ua Hmoob leej txiv
    Rov los chiv-----------------------------yug dua ib zaug
    Kom hmoov raug---------------------los hlub peb dua

    36-Txog kev tshua--------------------peb nco koj tshaj
    Nyob saum yaj-------------------------tos koj txhua tus
    Koj ncaim mus---------------------tso hmoov roos peb
    Hmoob ntiaj teb----------------------noj qab nyob zoo
    Txhiab pua xyoo----------tseem nyob tos koj…mog ! TP.NyiajPov

    Tus sau: Maiv Tooj,
    Fab Kis teb. Lub 6 hli 2007.
    Tus kho thiab ntxiv: Vaj Nruas,
    Radio HmongWord, Wisconsin, USA.
    Tim : 26-05-2012

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Maiv Paj Lug 5th June 2012, 7:52 am

    Wow....Maiv Tooj, koj zaj pajhuam no mas zoo tiag tiag li os, thov qhuas nws laj lim tswv yim zoo, sau raug kiag li siab nyiam, T.P Nyiaj Pov yuav zoo siab heev lauj, txawm peb tsis pom T.P Nyiaj Pov los nws yeej pom ntsoov peb, vim nws nrog Huab Tais Yesxus nyob. Zoo siab heev li os Maiv Tooj, bravo... :! o) J:
    Ntxhuav Mom Xyooj
    Ntxhuav Mom Xyooj
    Tuaj Tshiab
    Tuaj Tshiab


    Messages : 83
    Date d'inscription : 2012-02-23

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Ntxhuav Mom Xyooj 5th June 2012, 6:24 pm

    Nyob zoo Maiv Tooj

    Ua koj tsaug ntau uas koj muaj lub laj lim tswv yim zoo, koj tseem sau tau ib zaj lus paj huam zoo heev rau peb tus txiv plig Nyiaj Pov lub neej.

    Txawm tias txiv plig ncaim peb mus lawm los vam hais tias nws yeej thov Tswvntuj tsis tseg rau peb haiv Hmoob vim nws yog tus los qhib peb Hmoob
    lub qhov muag kom Hmoob thiaj li paub txog Yesxus yog peb tus tswv cawm seej. Txiv plig Nyiaj Pov yog tus tsim Hmoob tus ntawv kom Hmoob thiaj li nyeem tau phau ntawv NTSHIAB uas yog Tswvntuj tej lus cawm neeg txoj sia.Kuv tus kheej kuv ua Tswvntuj tsaug thiab txiv plig Nyiaj Pov tsaug rau qhov ntawd. Kuv ntseeg hais tias yeej yog Tswvntuj los tshoj txiv plig Nyiaj Pov kom tuaj qhia peb Hmoob kom paub txog Yesxus. Txiv plig Nyiaj Pov thiaj li txiav txim siab tuaj yeem ua zoo li ib tug tub peeb zeej muab nws roj ntsha los pua txoj kev tshaj ntuj lus. Thaum lub sij hawm ntawd, txoj kev tshaj ntuj lus tsis yog dog dig, nws nplhom sij heev (danger) Txiv plig Nyiaj Pov nws tuaj yeem tso nws tsev neeg tej vaj tse thiab tej kev noj qab pw sov zoo zoo tseg es nws tuaj nrog Hmoob
    nyob pem roob nyob tej lub tsev nqeeb ntsu ntsu nkhawb liam liam txwv los nws yeej ua tiag nyiaj nyob vim nws mloog Tswvntuj lus. Tswvntuj thov koj zam txim rau txiv plig Nyiaj Pov thiab koj hlub nws, nws twb tau ua koj tes hauj lwm tiav log thiab twb tawg paj txi txiv rau peb haiv Hmoob lawm ntau ntau es nws twb ncaim peb los lawm tau 5 xyoos los
    kuv sau tsab lus no koj yeej pom thiab paub os Tswvntuj.

    Ntxhuav Mom Xyooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Maiv Tooj 5th June 2012, 8:16 pm


    PUAG NCIG 5 XYOO TP.NYIAJ POV TSO PEB TSEG.



    Thov ua tsaug rau nej txhua tus tau tuaj nrog peb mus nram "Prinquiau (44)", mus ua lub hmoov nco txog Txiv Plig Nyiaj Pov tau ncaim peb tau 5 xyoo.

    Phauj Thérèse Bertrais tau coj peb mus ncig xyuas txog tsev neeg Bertrais tej qub vaj qub tsev, lawm tau nyob 3 tiam dhau los.

    Thaum peb zov hmo, tsev neeg Bertrais tau los nthuav lawv lub neeg thaud rau peb ib tsoom Hmoob.

    Txiv Plig Cwj Vuam Chiv thiab Txiv Plig Neej Vaj tau coj peb ua lub txoos teev hawm peb Txiv Tswv Ntuj, nws Leej Tub thiab Leej Ntuj Plig Ntshiab,

    Peb tau nqa paj tshab rau Txiv Plig Nyiaj Pov, ua peb Hmoob sawv daws ntiag tug.


    Tsis ntev saum no, peb mam li tso ib cov duab thiab suab ntxiv tshaj tawm rau sawv daws...

    Yaj Xaiv Tsom

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Maiv Tooj 5th June 2012, 8:44 pm



    Nyob zoo Mim,

    Kuv pom hauv daim Video, zoo li koj tau xa ib tsab ntawv mus ua tim khawv cav txog lub caij koj tau paub TP.Nyiaj Nyiaj Pov thiab, ua li koj puas kam muab tuaj tso rau qhov nov ua puav pheej cia tsis muaj caij kawg.

    Thov ua tsaug.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Tub Kawm 7th June 2012, 1:16 pm

    Nyob zoo sawv daws, thov ua tsaug rau Nej txhua tus tseem rov tshawb txog TP Nyiaj Pov lub neej og. TP twb ncaim peb mus saum ntuj Ceeb Tsheej lawm, los peb tseem tshua tshua nws og. Vim Nws yog peb leej Txiv qhib peb tsoom hmoob thoob ntuj txoj kev sib cuam hauv cab sab yam yooj yim kawg. Thov kom TP N.P teev ntuj pab nws cov me nyuam hauv ntiaj teb no, ua tsaug. Niam hlob thov ua tsau rau Koj zaj paj huam og nawb, zoo kawg li, thov qhuav nws txoj kev tshaj lij og nawb. Sib ntsib dua.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Maiv Tooj 7th June 2012, 5:53 pm

    Maiv Tooj wrote:

    PUAG NCIG 5 XYOO TP.NYIAJ POV TSO PEB TSEG.



    Thov ua tsaug rau nej txhua tus tau tuaj nrog peb mus nram "Prinquiau (44)", mus ua lub hmoov nco txog Txiv Plig Nyiaj Pov tau ncaim peb tau 5 xyoo.

    Phauj Thérèse Bertrais tau coj peb mus ncig xyuas txog tsev neeg Bertrais tej qub vaj qub tsev, lawm tau nyob 3 tiam dhau los.

    Thaum peb zov hmo, tsev neeg Bertrais tau los nthuav lawv lub neeg thaud rau peb ib tsoom Hmoob.

    Txiv Plig Cwj Vuam Chiv thiab Txiv Plig Neej Vaj tau coj peb ua lub txoos teev hawm peb Txiv Tswv Ntuj, nws Leej Tub thiab Leej Ntuj Plig Ntshiab,

    Peb tau nqa paj tshab rau Txiv Plig Nyiaj Pov, ua peb Hmoob sawv daws ntiag tug.


    Tsis ntev saum no, peb mam li tso ib cov duab thiab suab ntxiv tshaj tawm rau sawv daws...

    Yaj Xaiv Tsom


    TP Nyiaj Pov ncaim peb mus tau 5 xyoos lawm Affich10


    Thov ua tsaug rau nej txhua tus tau tuaj nrog peb mus nram "Prinquiau (44)", mus ua lub hmoov nco txog Txiv Plig Nyiaj Pov tau ncaim peb tau 5 xyoo.

    Phauj Thérèse Bertrais tau coj peb mus ncig xyuas txog tsev neeg Bertrais tej qub vaj qub tsev, lawv tau nyob 3 tiam dhau los.

    Thaum peb zov hmo, tsev neeg Bertrais tau los nthuav lawv lub neeg thaud rau peb ib tsoom Hmoob.

    Txiv Plig Cwj Vuam Chiv thiab Txiv Plig Neej Vaj tau coj peb ua lub txoos teev hawm peb Txiv Tswv Ntuj, nws Leej Tub thiab Leej Ntuj Plig Ntshiab,

    Peb tau nqa paj tshab rau Txiv Plig Nyiaj Pov, ua peb Hmoob sawv daws ntiag tug.

    Ua tsaug ntau rau YAJ Txhiaj Vwj, tus tuav lub "Fondation Yves Bertrais" nyob USA, nws xa tau 375 € tuaj pab xauj lub chav tsev zov hmo. Ua tsaug rau nws cov DVD "Txiv Plig Nyiaj Pov lub ntees" thiab "Tsim tus niam ntawv Hmoob RPA".

    Ua tsaug rau Dr. YANG Dao, uas nws tau npaj ib daim video thiab ib cov lus los cev rau Txiv Plig Nyiaj Pov tsev neeg.

    Ua tsaug rau Mim (Txiv Plig Cwj Vuam Chiv tus muam hlob), uas nws tau sau ib tsab ntawv ua kev zoo siab rau Txiv Plig Nyiaj Pov tsev neeg.

    Tsis ntev saum no, peb mam li tso ib cov duab thiab suab ntxiv tshaj tawm rau sawv daws...

    Yaj Xaiv Tsom
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Mim 8th June 2012, 1:43 pm

    Maiv Tooj wrote:

    Nyob zoo Mim,

    Kuv pom hauv daim Video, zoo li koj tau xa ib tsab ntawv mus ua tim khawv cav txog lub caij koj tau paub TP.Nyiaj Nyiaj Pov thiab, ua li koj puas kam muab tuaj tso rau qhov nov ua puav pheej cia tsis muaj caij kawg.

    Thov ua tsaug.


    Nyob zoo tais Tooj,

    Kuv kuj sau tau ob peb nyuag lo lus mus rau TP Nyiaj Pov tsev neeg thiab, tiam sis kuv tsis tau sau ib zaj ntev kom tsim nyog sau ib zaug. Kuv siv sij hawm ntev hauj sim kuv nyuam qhuav sau tau ob peb nyuag lo xwb, kuv hais rau txiv Xaiv Tsom hais tias kuv xav mas ntshai tsis tsim nyog muab nyeem rau lawv li. Tiam sis nws kuj tau pab kuv muab kho me ntsis rau, thiab tais Ntxhua ho pab kuv kho thiab ces lawv kuj tau muab nyeem rau tsev neeg Bertrais mloog lawm.

    Yog kuv muaj sij hawm ntev me ntsis mas kuv yuav xav hu nrog phauj Maiv tham, es wb mam sau ib zaj kom muaj cov details ntau txog thaum wb mus nrog TP niam thiab txiv nyob, thiab nrog nws cov muam thiab cov kwv nyob. Phauj Maiv yog ib tug nco tau cov details zoo zoo, hos kuv nco tsis tshua tau zoo ces kuv tsis xav lam hais tej yam kuv twb nco tsis meej lawm. Kuv vam hais tias tseem yuav muaj lwm zaus, wb mam sau ib zaj kom zoo dua.

    Tais Tooj, kuv xav mas xyov puas tsim nyog muab tso rau hauv no li thiab, tiam sis koj tau hais kuv ib zaug lawm ces kuv lam muab tso. Txawm tsis muaj lus tseem ceeb dab tsi los thov nej lam nyeem os.

    Témoignage

    Je salue toute la famille Bertrais. Il me semble qu’il n’y a pas si longtemps que je suis venue pour les funérailles du père Bertrais. Et pourtant cinq années sont déjà passées. Bien que je ne puisse vous rejoindre aujourd’hui pour commémorer sa vie, je suis en pensée avec vous tous.

    Je serai toujours reconnaissante envers le père Bertrais pour la vie que j’ai connue.
    Parce qu’il m’a envoyé en France en 1962, avec May, ma vie a été « extraordinaire ». J’ai pu faire mes études en France et je suis fière de pouvoir dire que grâce à lui je suis la première fille Hmong à avoir obtenu le BAC. J’ai aussi travaillé avec lui à Vientiane, au Laos, pour la traduction de quelques passages de la Bible.

    J’ai employé le mot « extraordinaire » parce que c’est le mot qu’il a employé lorsque je lui ai rendu visite à Pontmain en février 2007. A ce moment là, il pouvait encore descendre de sa chambre pour se rendre à la salle à manger. Il pouvait encore dire la messe avec les autres prêtres. Il m’avait très bien reconnu, il était le même, ne parlant que de ce qu’il voulait faire, finir d’écrire. Il ne pensait qu’à aller mieux. Avec ma petite sœur et mon beau-frère, nous avons passé une très bonne mâtinée en sa compagnie. C’est pour cette raison que cela a été un choc pour moi d’apprendre qu’il nous avait quittés juste trois mois après ma venue. Maintenant nous nous souvenons de lui souvent et prions pour lui.

    Parce qu’il a consacré sa vie pour nous, les Hmongs, notre vie a changé en bien. Nous lui gardons une profonde reconnaissance et nous nous souviendrons de tout ce qu’il a fait pour nous dans les générations futurs.

    Je veux aussi remercier la famille Bertrais.
    Vous étiez comme une seconde famille pour May et moi. Je me rappelle qu’aux vacances toutes les filles du Juvénat rentraient chez elles. Grâce à vous nous avions une famille pour nous accueillir. Vous avez toujours été généreux et chaleureux.
    Je me souviens aussi que dans les dernières années lorsque Yang Dao et sa femme étaient venus, nous passions une partie de nos vacances chez Jean Bertrais, à la Haie-de-Besné. Il nous avait laissé l’étage de sa maison comme maison de vacances. Et tous les ans, nous nous réunissions là. Ce fut une époque très joyeuse pour nous tous.

    Merci beaucoup pour tout ce que vous avez fait pour nous. Merci aussi à sœur Thérèse qui nous accueillait à Beautour pendant les vacances.
    Je garderai toujours ces bons souvenirs de votre famille dans mon cœur. Et je considère que c’est un honneur pour moi de vous avoir connus et d’avoir partagé un peu de votre vie.

    En souhaitant que tous vous vous portez dans la paix de notre Seigneur Jésus Christ.

    Très respectueusement,

    My - Michelle
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Maiv Tooj 11th June 2012, 11:11 am


    TP.Nyiaj Pov Hmoob tus cawm seej.pds.mp4

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Maiv Paj Lug 12th June 2012, 7:53 am



    Wow.....Maiv Tooj, koj txawm siv muaj ua tau video lawm, zoo kawg li os, tiam sis zoo li toom hauv nruab nrab muaj eco me me lawm, cia yog kuv khoom mam rov qab muaj koj daim video los kho me me cov suab kom txhob nrov eco toom nruab nrab, zoo kawg nkaus li lawm...yuav tsum yog ob peb leeg sib pab ua mas thiaj tau zoo, tus sau los muaj tswv yim, tus kho los paub kho kom pliag, tus hu los txawj nyeem kom raws mas thiaj ua tau zoo, ib leeg pab ib leeg ces ua tau zoo tuaj.

    Zoo siab kawg rau T.P Nyiaj Pov daim Video zaj paj huam ntawm no! Bravo :! J:
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Maiv Tooj 12th June 2012, 8:17 am



    Maiv paj Lug,

    Kuv kuj nrhiav tau cov duab zoo txaus siab los dhos zaj paj huam thiab.
    Twb yog muaj ob peb leeg sib pab es peb thiaj li ua tau tej yam zoo heev. Kuv muab xa rau TP.Txhiaj Foom thiab coob leej hauv ntiaj teb no lawm. Yog nws kho dua no kho tau kuv mam li rov xa rau TP.Txhiaj Foom seb nws puas muab tso rau xov tooj cua Zoo Tswv Zov Yaj thiab.

    TP.Cwj Vuam Chiv hais li nov tuaj rau wb, kuv muab tso rau nws nyeem qhov nov:

    Tais Tooj,

    Maiv Paj neb khwv heev los sau zaj paj huam thiab dhos duab nco txog TP Nyiaj Pov. Neb ua tau zoo kawg thiab neb ho muaj tau tej cov duab tshiab kuv kuj tsis tau pom dua. Ua tsaug rau neb txoj kev khwv muaj txiag muaj ntsig.

    CVChiv

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Maiv Tooj 21st January 2014, 7:50 am


    PEB YUAV NCO KOJ MUS IB SIM




    Txiv plig Nyiaj Pov ncaim peb tau 7 xyoo lawm:


    Txhiaj Vwj Yaj



    http://www.photoshow.com/watch/vB2tC2FJ

    Sponsored content


    TP Nyiaj Pov ncaim peb mus tau 5 xyoos lawm Empty Re: TP Nyiaj Pov ncaim peb mus tau 5 xyoos lawm

    Post  Sponsored content


      Current date/time is 28th March 2024, 6:46 pm