HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


HMOOB LUB XEEM Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


    HMOOB LUB XEEM

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    HMOOB LUB XEEM Empty HMOOB LUB XEEM

    Post  Maiv Tooj 11th May 2012, 9:27 am




    ZAJ 21. HMOOB LUB XEEM.

    HMOOB LUB XEEM Ed_lao10Thaud tej laus muaj ob lo lus hais li no
    A-Xeem dab tsi, los qhua dab tsi?
    B-Xeem Yaj, los Qua yawg.
    Hmoob dab tsi?
    -Hmoob dawb los Hmoob sib, Hmoob Lees, Hmoob ntsuab.th…
    Hmoob siv kam ob lo lus no. Nws loj ib yam nkaus.
    Xeem los ntawm txiv neej sab los. Lo lus qhua los ntawd poj niam sab los.
    Piv li:(Koj yog cov Yaj ncuab? Los Qhua Yawg. Lawv nug sab ncuab ces yus teb tias, kuv yog cov Yaj ncuab. Lawv nug sab Qhua, ces koj teb tias, Kuv yog cov Qhua Yawg. Koj yog cov Yaj ncuab? Los Qhua Yawg. Lawv nug sab ncuab ces yus teb tias, kuv yog cov Yaj ncuab. Lawv nug sab Qhua, ces koj teb tias, Kuv yog cov Qhua Yawg os.

    HMOOB COV XEEM HAIS LI NRAM NO.

    Hais xeem............Hu ua............Yog qhua.

    1-Xeem Faj...........Faj ncuab............Faj Qhua Vug.
    2-Xeem Ham............Ham ncuab............Ham Qhua Tag.
    3-Xeem Hawj............Hawj ncuab............Hawj Qhua Duag.
    4-Xeem Koo...........Koo ncuab............Koo Qhua Xoom

    Ib co lawv siv Xoom los ua Xeem lub koo los ua qhua thiab.


    5-Xeem Kwm............Kwm ncuab............Kwm Qhua Dub.
    6-Xeem Khab............Khab ncuab........... Khab….?
    7-Xeem Lauj............Lauj Ncuab............Lauj Qhua Plua.
    8-Xeem Lis............Lis Cuab. ...........Lis Qhua Cai.
    9-Xeem Muas...........Muas Cuab............Muas Qhua Zag.
    10-Xeem Phab...........Phab Ncuab............Phab….?
    11-XeemThoj............Thoj Cuab............Thoj Qhua Dub.
    12-XeemTsab............Tsab ncuab............Tsab Qhua Nrig.
    13-Xeem Tswb...........Tswb ncuab...........Tswb…?
    14Xeem Vaj...........Vaj ncuab............Vaj Qhua Vug.
    15-XeemVwj............Vwj Ncuab............Vwj Qhua Vug
    16Xeem Xyeem............XyeemNcuab............Xyeem Qhua Tsheej.

    Cov Xyeen no ib co lawv siv lub Tshhej los ua xeem hos lub qhua los hu ua xyeem kuj muaj thiab.


    17-Xeem Xyooj............Xyooj Ncuab............Xyooj Qhua Hmob
    18-Xeem Yaj............Yaj ncuab...........Yaj Qhua Yawg.

    Tsis paub zoo lawm, muaj ib txhia lawv siv lo lus ncuab thiab cuab no los sib hloov thaum lawv hais lus. Puas yog hais phim lo lus lub suab siab los suab qis kuj tsis paub.
    Yam li Yaj ncuab, Muas cuab, lis cuab, xyooj ncuab no mas yeej ib txwm hnov tej laus hais los lawm, zoo li ntawd.

    -Cov Qhua saum no mas cov xeem:
    Khab. Phab thiab Tswb no kuv poob lawm, nrhiav tsis tau lub qhua no.
    -Cov muaj lub Qhua sib xws los mas zoo li ntuj yav thaud. Lawv pluag tub ntxhais pej kum cuab xeem, Lawv tau taug li Liaj Lwg Rhwv Yis Mws nkawd tus ncag txuj ces lawv muaj tshoob kos los quas lub xeem. Ces lub npe qhua tseem sib xws.
    Tom Qab no, muaj tej cov xeem faib mus ua ntau lub lawm faib ntxiv dua tsis tau. Ces Hmoob, muaj txoj cai tias muab kiav mus ua luag xeem:
    A-Cov Xeem sab nraud tsis muaj tub ki tuaj saws mus ua lawv xeem kom dab tsis pom, neej los tsis paub.
    B- Lwm xeem hmoob yog muam phauj, los txiv dab laug tuaj saws coj mus ua tub,lawv xeem, kom neej paub los kom dab txhob hnov.
    Zaj no mas twb muaj yuav luag txhua cov xeem. Cov muaj hmoo ces yog cov muaj lwm xeem tuaj saws mua ua luag tub lawm.
    C- Cov tsis muaj neeg tuaj saws mus, ces tis dua npe tshiab rau,cia ua lub xeem neej tsa, tso rau ntawd. Thiaj li muaj ib co lawv sib hu tias xyooj neej tsa los Tsab neej tsa, thiab Vaj neej tsa. th…

    HMOOB LUB XEEM MUAJ KEV SIB FAIB TUAV HAUJ LWM COJ TEB KAV NCHAW MUS LI NO;

    1=Faj yog txoov kav............Ua tswv kav nras.
    2=Ham yog xa xov............Fab kev xa lus xa ntaub ntawv.
    3=Hawj xav tau............Fab kawm txuj ci.
    4=Koo xav hais............Fab laj tav haub yaum.
    (Kev tshaj tawm qhia coj.)

    5=Kwm khaws cia............Fab nyiaj txiag.
    6=Khab xav kho............Fab kho teb chaws.
    7=Lauj yeeb yam............Fab ua yeeb yam tes taw
    8=Lis Tuam thawj............Fab ua Hmoob tij laug.
    9=Muas tswj hwm............Fab kav pej xeem.
    10=Phab kav xwm............Fab kev ruaj ntseg.
    11=Thoj tuav ruaj............Fab liaj teb, lag luam.
    12=Tsab kav cai............Fab tsuam kab tob, plaub ntug.
    13=Tswb maum los............Fab ua tswv zos.
    14=Xyeem (tsheej)txoov cuam............Fab ua tswv kav nroog.
    15=Vaj hwj huaj............Fab kuab muaj tsuag, dej tshuaj.
    16=Vwj xav pab. ...........Fab kev pab cuam rau luag.
    17=Xyooj tsa chij............Fab tswj teb kav chaw.
    18=Yaj nto moo,...........Fab ua phooj ywg rau sawv daws.


    Zaj hais txog lub xeem Hmoob no xyoo 1966- 1984. kuv tsuas khaws tau li no xwb, Kuv tsis paub tshaj no lawm. Peb Hmoob yog tus tseem muaj siab xav paub pab nriav mus, kuv ntseeg tias tseem tshuav leej puav laus tseem paub txog zoo dua li zaj kuv tau hais no.

    Xib Hwb Yaj Zoov Ntxheb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    HMOOB LUB XEEM Empty Re: HMOOB LUB XEEM

    Post  Maiv Tooj 14th May 2012, 9:45 am


    ZAJ 22, HMOOB YIM NEEG.

    HMOOB LUB XEEM Hmong-10 ZAJ 22, HMOOB YIM NEEG.

    *Hmoob yim neeg, Hmoob kev cai, Hmoob dab qhuas, yog ib tug xwb.
    -Txij no mus yav tom ntej, peb yuav tsis txhob hais tias, peb sib txawv lawm!
    -Yam sib txawv mas tsuas yog txawv lub suab lus me ntsis, tab sis lub ntsiab lus teem yog ib lub ntsiab tsis txawv.(Kuv rov los, hos koj tsov lug.)
    - Tas nrho Hmoob Yim neeg:
    Hmoob dawb, Hmoob sib, Hmoob Lees, Hmoob Dub, Hmoob peg, Hmoob Xauv, Hmoob tsawb. Sawv daws cov xeem, puav leej muaj xeem hmoob Faj los mus txog xeem Hmoob Yaj. 18 lub xeem zoo tib yam nkaus.
    -Hmoob kev cai,sawv daws ua neej muab nyab coj qua ntxhais. Sawv daws puav leej taug raim, Liaj Lwg Rhwv Yis Mws tus cag txuj, cag peev, rhawv los.
    -Sawv daws paub nkauj Iab nraug Oo, paub niam nkauj Ntsuab txiv nraug Nab,Paub txog Ntxawm Puj Toog muam nkauj fa,nrauj xya leej vauv, thiab txiv Nuj Sis Loob los Nuj Yob Kaub tshuab qeej ntiv muaj cuaj dos ntev, nrauj lawm cuaj leeg sev. Txiv nraug Ntsuag thiab niam nkauj Zuag Paj. Los paub txog tub Ntshiab raws poj Liab, Tub Ntshaus mus raws poj Tso.
    -Cov no, yog Hmoob cov poj koob yawm txwv ntuj yav pem suab dhau los lawd. Hmoob lub xeem yog cia ua tshoob ua kos, kom tau tis kev neej kev tsav ntsuab ze, rub rov los ua neej ua tsav, ua kwv ua tij txuas ntxiv mus yav tom ntej kom tsis muaj kawg. ( Tus muam npaws, thiab tus kwv npawg, hais tau tias yog kwv tij nus muag kiag. Yus muaj cai loj ib yam li cov kwv tij hauv lub xeem.Thaum tsis muaj tus tswv cuab tsom kwm.)

    *-Hmoob dab qhuas yog tib tug dab qhuas tas nrho sawv daws li:
    - Txhua lub xeem Hmoob thaum muaj noj muaj haus, paub ntov pob ntoos ua ntej mam noj. Sawv daws muaj xwm kab, nyuj dab npua tai, dab roog. Muaj noj tsiab quas niaj quas xyoo laus , txais xyoo tshiab. Pe tsiab sam koob hmoov rau tej laus, ntxiv ntaub ntawv rau kom nyob ntev niaj ntau xyoo.Txawj hais paj ntsha lus taum, muaj raj ncas tshuab los deev siab. Paub nqee plig niam plig txi, plig tub plig ki.
    -Saum tus mob txiab xeeb, sawv daws txawj tuam choj hu plig. Los zov vaj zov tsev, los nrog txaj nrog chaws.
    - Hmoob koom tau ib tug txiv muam,txiv neeb txiv yaig. Koom tau txiv qeej txiv nruas, mus taug poj yawm qab taug tej laus neev, mus cuag poj cuag yawm.
    - Nqi loj kawg nkaus, lub caij muaj kev txhawj xeeb txaus ntshai tsis hais lub xeem twg li, teg xyab tawm plaws nraum zoo hu Ntuj hu teb pab. Fim yeem txog Ntuj niam Ntuj txi, Yaj los Tuam, Xab Kub Tsab Xwm kub Thawj, thiab Xyo Lij Leem lawv tuaj pab pov hwm pov yawg kom tau.
    Yam uas peb sawv daws tseem niaj hnub caiv los txog lub zim txwv no.Muab hais tseeb los mas tsis yog caiv dab! Yog caiv neej!Vim li cas ho hais tau li ntawd?
    -Yog tawm hauv kev qia dub, yam li tab kaum yus hauj lwm, yuav tau siv dej siv taws ntau. Qig zaub mov, yuav tau nyiaj dab ntub, yoo nqhis. Ces mam muaj lo lus hais, tias dab qhuas tsis sib thooj ces koj txhob tu siab txais tsis tau. Yuav tau tawm rau nraum zoo, mam tsuam nplooj rau nws nyob.
    -Lo lus dab tsis sib thooj yog dab tsi?
    Dab tsis sib thooj. Koj muaj kwv tij coob ces koj muaj dab ntau. Kuv li kwv tij tsawg kuv dab kuj tsawg dua, hos cov paub tsis tas lawv hu cuaj tug kaum tus dab tuaj los koom noj ib taig xwb los kuj tau.
    -Mas thiaj muaj 9 txim, 5 txig, 7 txim 3 txig, mus rau ua taig laig. Thiab los ntawm tej kev muaj plaub ntug tej kwv tij ob leeg xwb los tsis sib pab, ib leeg khiav tso lib leeg tseg tiv plaub ntug, Xws li tsev Hmoob Muas cuab lawv thiaj li muaj ob pab:
    Cov Zag tab thiab cov, Zag Phaws.Ib yam li Pawg Hmoob Yaj. Lawv muaj cov Yaj 9 txim. Yaj 5 txig, Yaj taig laig Kuj yog los ntawm kev siab nqaim, los raws tsis cuag kwv cuag tij tsis pom qab ua dab qhuas.Lwm lub npe tis mus ntxiv kuj yog los ntawm tej kev tsis sib hlub, raug tsim txom. Muaj kev tu siab hais mus los ntev ces siav npe lawm lam hu li ntawd mus xwb.

    *Muaj tej yam yuav tsum muab ua kom dhau, tsam paug rau Tej nom tswv pob ntseg ces ho tau plaub thiab:
    *-Zoo li tej kwv tij neej tsa nyob deb luag yog neeg nyob muaj koob meej nto moo lug. Luag muaj tub muaj ki dua kev luag yuav poj yuav sev niam txiv nyob deb vaj tsev tsis txawm. Lwm luv xeem kuj pab tau. Hais ib lo lus ua ntej:
    *-Cia ua kuv tub peb hnub xwb ces kuv pab tau . dhaub peb hnub lawm nws mas rov mus rau nws vaj nws tsev. Dab kuj lees paub lawm.
    *-Yog Hmoob los Mab Sua kuj xij, Nyob ncua kev deb los tsis paub neeg. Tuaj txo yus vaj yus tsev, nws tsis mua muaj hmoo tuag rau hauv yus tsev muab pam ua yus dab qhuas dab kuj ok lawm thiab.
    *- Ua li mas Hmoob kev cai dab qhuas kuj nyob ze Ntuj kev cai. Nyob hauv kev ntseeg Ntuj yus saib tias sawv daws yog Nuj me nyuam ua tau tas txhua yam raws li neeg kev nyiam kev hlub.
    Peb yuav saib tias Peb Hmoob tas nrho sawv daws yog ib tse neeg xwb, tsis txhob cais lawm .

    Xib Hwb Yaj Zoov Ntxheb..


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    HMOOB LUB XEEM Empty Re: HMOOB LUB XEEM

    Post  Maiv Tooj 8th October 2019, 10:13 pm


    ......43 XEEM.....
    Koj yog xeem twg sau koj xeem rau hauv no.
    Yog no tsis muaj koj xeem los koj kuj sau koj xeem rau no.
    1/xeem muas.
    2/xeem yaj.
    3/xeem tsab.
    4/xeem hawj.
    5/xeem vwj.
    6/xeem lis.
    7/xeem lauj. (Luj)
    8/xeem thoj.
    9/xeem khab.
    10/xeem xyooj
    11/xeem tsheej.
    12/xeem ham.
    13/xeem vaj.
    14/xeem koo.
    15/xeem xem.
    16/xeem liaj. (Lawj)
    17/xeem kwm.
    18/xeem kwv.
    19/xeem tsom.
    20/xeem cias. (Tsawb)
    21/xeem teem.
    22/xeem faj.
    23/xeem fwj.
    24/xeem tswb.
    25/xeem phab.
    26/xeem huj.
    27/xeem nkws.
    28/xeem nruag.
    29/xeem sua.
    30/xeem soom.
    31/xeem vij.

    COV HAUV NO PAUB TSIS ZOO XYOV PUAS MUAJ

    32/xeem teev.
    33/xeem xoom.
    34/xeem yees.
    35/xeem seev.
    36/xeem ywj.
    37/xeem xeeb.
    38/xeem ntses.
    39/xeem nyam.
    40/xeem yij.
    41/xeem ntseeb.
    42/xeem cai.
    43/xeem cwv.

    Yog xeem twg tsis yog lawm thov qhia thiab

    Sau koj xeem thiaj paub tseeb tias muaj tsawg xeem lawm tiag.

    Tus sau :
    Pom Zoo Muas
    2018.

    Sponsored content


    HMOOB LUB XEEM Empty Re: HMOOB LUB XEEM

    Post  Sponsored content


      Current date/time is 18th March 2024, 8:56 pm