Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

Forum Hmong Catholique nto moo zuj zus

Share

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Forum Hmong Catholique nto moo zuj zus

Post  Maiv Paj Lug on 9th May 2012, 5:34 am

Ib tsoom phoojywg mov tshua, qhia rau nej txhua tus paub tias Hmong Catholique lub forum nto moo zuj zus, 2 xyoos dhau los peb tsim lub Vas Sab ntawm no, neeg tsis tau tuaj saib peb coob pes tsawg, tiam sis zaum no, txhua hnub peb tuaj txog hauv lub vas sab, yeej muaj yuav luag txog thaj tsam 100 tawm leej tuaj ncig hauv ib xuaj moos, hnub no yog hnub neeg tuaj coob tshaj plaws, muaj 1 xuaj moos peb kam muaj txog 176 tus neeg tuaj saib lub vas sab no, muab xam rau Hmoob tej vas sab sib cam thawj sib khav theeb thiab sib dag kev plees kev yig ntev niaj ntau xyoo los nyuam qhuav muaj txog li peb lub vas sab no thiab xwb, txhais tau tias peb lub vas sab no nws muaj nqis, 2 xyoos xwb twb caum tau cov vas sab uas neeg mus nphoo xuas.

Txawm tias peb tsis muaj coob leej ntau tus tuaj sau los peb txoj kev cia siab thiab peb txoj kev ntseeg kuj pab tau neeg tuaj xyuas xwm yees, kuv thov ua ib tsoom phoojywg sawv daws tsaug, tsis hais tus tuaj sau, tus tuaj nyeem, tus tuaj ncig, nej lub siab kub vim muaj Tswv Ntuj coj nej kev tuaj txog peb, thov caw nej los ua tswv cuab muab nej txoj kev zoo siab, chim siab, tu siab thiab lwm yam uas nej xav nthuav rau ib tsoom ntseeg nrog nej zoo siab thiab paub tuaj koom peb mog. Ua tsaug ntau J:




<3 <3 Pab kuv rov los cuag koj Huab Tais Yesxus <3 <3

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Forum Hmong Catholique nto moo zuj zus

Post  Maiv Tooj on 9th May 2012, 9:15 am



Wow...! Cas muaj neeg tuaj coob zuj zus lawm tiag...! Zoo heev! Tab sis xav tsa tes thov txog tsoom kwv tij neejj tsa Hmoob ntseeg, nyob thoob ntiaj teb tuaj nrog peb sib koom tes nqa peb Hmoob lub npe, tuaj nrog peb sib koom siab txhawb Peb Hmoob lub Forum nov kom ciaj. Yog koj tuaj hais ib zag, kuv tuaj hais ib los ces Peb tsis khwv los peb tau noj, peb tsis ua los peb tau hnav, nyob xwb los cov zaj yeej nyeem tsis tas...Ua li thov ua koj tsaug ua ntej.




Tub Kawm
Phooj Ywg
Phooj Ywg

Messages : 404
Date d'inscription : 2011-10-13

Re: Forum Hmong Catholique nto moo zuj zus

Post  Tub Kawm on 13th May 2012, 1:36 am


Nyob Zoo Niam hlob thiab Maiv paj lug.

Forum hmongCatholique yog ib lub Forum zoo nkauj tshaj cov forum hauv tsoom hmoob thoob ntiaj teb cov forum, thiab yog lub forum nto Moo tshaj txhua lub. Txawm yuav tsim ua qab lwm cov Forum lawm 2 3 xyoos tom qab no los txhuam yam twb muaj txhiaj muaj txhua, huas lwm cov forum ntej tas lawm. Vim cov neeg tuaj hauv hmongcatholiqe lub forum no yog ib co kub siab muab nws lub tswv yim los sau cov zaj tseem ceeb heev, thiab cov neeg tau txoj hmoov tshaj lwm lub forum. Vim li cas thiaj hu hais tias:

tau txoj hmoov zoo tshaj lwm lub forum?

Yeej vim yog cov tswj lub Forum hmongcatholique no yog cov neeg Ntuj xaiv los tshaj Ntuj lub Moo Zoo rau txhia haiv neeg, thiab khawg ntuj cov lus rau nruab siab. Cov neeg Tswj hwm lub forum no tsi nyiam qhov kev cuav. Tsuas nyiam qhov tseeb xwb. Yog li thiaj hu tau hais tias:

"COV NEEG TUAJ HAUV LUB FORUM HMONGCATHOLIQUE NO MAS TAU TXOJ HMOOV ZOO TSHAJ LWM LUB FORUM".

Raw li kuv tshawb fawb hauv Cab sab Internet mas kuv tsuas pom muaj tib lub forum hmongcatholique no thiab lub forum Hmoob Tshav Ntuj thiaj tsis muaj kev sib cav sib ces xwb. Dua li cov mas muaj forum mas kuv tsuas pom koj rhuav kuv, kuv thuam koj, tsi muaj kev hwm. Yog li cov me Kwv tij, peb Lub Forum hmonctholique no, yog kub forum qhib tau tsoom neeg lub qhov muag kom pom deb pom dav. Pab tau cov neeg dim muag kom rov pom kev, pab tau cov neeg muaj txiab nkees kom rov zoo. Daws cov neeg nyuaj siab kom lawv nyob kaj lug. Nplij cov neeg quaj ntsuag kom lawv txhob tu siab. Cawm cov neeg tshaib thiab nqhi txog txoj kev ncaj. Qhia cov neeg yuam kev tig rov los hloov siab. Coj cov ua txhaum kom rov los paub Tswv Ntuj. Khaws tej txuj uas cawm neeg txoj sia. Coj los cia rau ib pawg, kom sawv daws raws txoj kev zoo. Qhia qhov zoo mus rau txhua leej. Lub forum hmongcatholique pab tau tas txhua txhia yam uas koj xav paub txog. Thiab yuav coj koj mus ua koj lub neej kaj nrig og nawb. Cov phooj ywg sawv daws, thov hais rau sawv daws tias: Tam sim no peb lub Forum hmongcatholique yeej muaj txhij muaj txhua lawm, peb tsi ntshaw luas noj tsi ntshaw luas hnav lawm. Peb muaj me cwj me tais, txhem laj txhem xws txaus siv txaus yoom txaus noj lawm. Ntshai yog sawv daws tsi xav siv peb tej me cwj tais txhem laj txhem xws xwb. Yog xav ces tuaj nqa mus daus zaub daus mov. kom noj txaus haus txhua es thiaj li yuav tsi tshaib nej plab mog. Nyob zoo.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Forum Hmong Catholique nto moo zuj zus

Post  Maiv Tooj on 13th May 2012, 2:36 am



Wow...! Me tub Txawj Tuam aw...! Cas nws yuav hais tau cov lus muaj siab ua luaj li...! Kuv pom luag zoo, luag muaj es kuv nim tu tu siab tias Peb Hmoob tuaj qeeb sawv lig es tsis nrog luag muaj, yuav yuav dab tsi los tseem mam pheev mam tawm xwb; nim ua ib qho tshuav ib qho, ua ib yam tshuav ib yam. Tej thaum kuv muaj zog hlo, tej thaum kuv zaug zog ti nkaus ntxha, vim peb tsawg tsawg es ua ib qho tsis cuag ib qho...Los cas nws nim yuav hais tau los me lus zoo siab ua luaj li...Ntshe yuav so kuag muag es rov sawv mus dua...

Thov kom Huab tais Tswv Ntuj coj coob tus kev tuaj ntsib peb, tuaj txhawb peb lus zog kom Peb Hmoob nrog luag muaj txhij coj peb mus rau lub neej twj lij.







Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Forum Hmong Catholique nto moo zuj zus

Post  Maiv Paj Lug on 13th May 2012, 5:56 am

Nyob zoo os Maiv Tooj thiab Txawj Tuam aw!

Neb ib leeg nim txawj hais tau ib lo lus zoo, ib leeg hais tau ib lo lus nyiaj lus kub...

Lwm lub forum luag tsuas muaj kev kawm pauv tswv yim rau ntiaj teb sid xwb, luag tsis muaj pauv tswv yim rau ntsuj plig siv, luag muaj kev sib cav sib ceg los vim luag muaj neeg ntshav siab, muaj neeg khib siab khib ntsws, sib thuam, lwm qhov luag muaj neeg coob npau xi mus tham lom zem xauv npo los vim luag muaj kev dag ntau, tus tuaj dag tias yog nkauj xwb , poj nrauj, poj ntsuam, los nim muaj ib pab txiv tub twb tsis tau hmo noj, tus tuaj dag tias yog nraug xwb, yawg ntsuag, yawg nrauj, los nim muaj ib co niam tub twb tsis tau chaw sov siab.

Lub Forum Hmoob Catholique, muaj txhij muaj txhua, tsis muaj kev dag, peb tsuas tuaj sau lub caij peb ua noj ua haus tas thiab lub caij Tswv Ntuj tshoj peb lub siab, vim li no lub caij peb tuaj tsis tau yog Tswv Ntuj tso peb mus khwv noj khwv haus.

Neeg tuaj sau tsawg hauv lub vas sab no los vim tsawg tus neeg thiaj pom deb tias txhob nkim yus lub sij hawm yam tsis muaj nqis. Nej sim mus txog lwm lub forum, nej yeej pom luag tham tias laj laj nyob es tuaj mus laug hnub laug hmo kom txhob ntev.

Ua li cas peb lub vas sab no es peb nim xav xav kom muaj sij hawm rau peb laug los sij hawm nim twb tsis txaus peb laug li, peb sau tau ib qho zoo rau Vas Sab Hmoob Catholique los tseem yog peb lauj zias sij hawm tuaj sau thiaj tau.

Vim li no Vas Sab Hmongcatholique muaj nqis rau qhov peb tsis yog lam tau lam laug sij hawm, peb yog qhia thiab kawm, peb thiaj nrhiav tsis tau sij hawm txaus peb laug li lwm qhov mog.

Thaum kawg no kuv thov tshaj rau tsoom phoojywg sawv daws tuaj saib thiab nyeem lub Forum Hmongcatholique hais tias nej txawm mus txog lwm qhov, nej txawm muab nej lub sij hawm mus laug rau thaj chaw neeg coob ua ntus zus, lom zem xauv npo, mus nrhiav kev plees kev yig , sib cav sib ceg, los nej txoj kev lom zem tsis kav ntev, nej txoj kev zoo siab tsis muaj txaus, txawm sib dag yim xav sib dag, yim sib thuam los yim xav sib thuam, yuav kawm tsis tau dab tsi rau nej, lub sij hawm khiav ceev nej laus tag, puas yuav muaj qab hau dab tsi?

Thaum kawg nej mus mus nej siab nqig, nej lub ntuj tsaus nti, nej mam rov los koom peb lub vas sab Hmongcatholique los muab cawm siav ib me pliag kom nej dim pa xwb nej twb rov qab tig loo mus ua dev nuam yaj, rov mus nrhiav kev tsim txom nej siab ntsws.

Ab yuam od peb Hmoob, tav twg nej mam li txiav txim siav los nyob kaj siab lug ?....

hehe! nod yog kuv lus tshaj xo rau ib tsoom phoojywg xwb, yog leej twg tsis xav li kuv los tsis ua cas, ua tsaug ntau nej tuaj saib peb mog. J:





<3 <3 Pab kuv rov los cuag koj Huab Tais Yesxus <3 <3

Tub ntsuag
Phooj Ywg
Phooj Ywg

Messages : 135
Date d'inscription : 2011-10-06

Re: Forum Hmong Catholique nto moo zuj zus

Post  Tub ntsuag on 13th May 2012, 6:49 pm

Nyob zoo nej txhua tug yeej yog li nej hais lawm os .nyob rau ntawm vas sab hmoobkas liv mas tsi yog chaw sib txuas lug sib tham kev nkauj kev nraug .kev sib cav sib ceg .yog lub vas sab no tseem muaj li hais nov tses txhais tau tias nws tseem tsi tau ntshiab.tiam sis peb txoj kev sib fim no mas xav qhia hais tias txhua yam peb rhawv no mas xav kom tau txhua tug hais qhov tseeb tseg xwb cia ua puav pheej tseg rau tsoom tub ki pawg ntseeg txhua tug huv si.nyob rau hauv ntawv ntshiab twb tau hais tsi xav kom peb lub ntsej muag dub los txoom ib nyuag qho li yog li kv vam thiab cia siab hais tias peb txhua yuav tsum tau coj yam zoo tuaj peb sib coj kawm tshaj huab tais yes xus lub moo zoo.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: Forum Hmong Catholique nto moo zuj zus

Post  Maiv Tooj on 14th May 2012, 9:28 am



Nyob zoo Txawj Tuam, Maiv Paj Lug thiab XH.Ntxoov Tsab,

Yog hnub twg kuv muaj caij, kuv yuav tuaj nrhiav kom tau kuv tus Huab tais,
Yog hnub twg kuv xyeej, kuv yuav tuaj nrhiav kom tau tus Cawm Seej,
Yog hnub twg kuv khoom, kuv yuav tuaj sau Tswv Ntuj txoj kev nyiam kom thoob.
Yog hnub twg kuv muaj sij hawm, kuv yuav tuaj sau Tswv Ntuj txoj kev hlub kom ntxaws.





Sponsored content

Re: Forum Hmong Catholique nto moo zuj zus

Post  Sponsored content Today at 6:23 am

  • Post new topic

Current date/time is 9th December 2016, 6:23 am