Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


  • Post new topic

Mua ib tug me noog quaj tos kuv tib lub sij hawm txhais li cas tiag ?

Share
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Mua ib tug me noog quaj tos kuv tib lub sij hawm txhais li cas tiag ?

Post  Maiv Paj Lug on 26th April 2012, 8:11 am




Nyob zoo cov Phooywg,

Nej puas muaj leej twg paub yog dab tsi tiag? Cas txij hnub monday los txog rau hnub no, txhua tag kis tom kuv qhov chaw nres tsheb ua hauj lwm, muaj ib tug me noog niaj tag kis los tsawv ntawm lub me nyuam tuam tsev nres luv thij, kuv los txog thaum twg mas nws yeej quaj tos kuv, khuv hla dhau kiag ces nws kuj ya mus lawm thiab. Tej zaum nej ib txhia tias yog noog sawv ntxov los nrhiav kab noj no es noog quaj no xwb, tab sis txawv rau kuv kawg nas... vim hais tias 6:15AM mas kuv yeej mus nres tsheb qhov qub, nws kuj niaj tag kis nyob tib lub sij hawm tos kuv, hnub no kuv mus tau lig zog lawm 6:20AM kuv mam mus nres tsheb, nws kuj tos kuv txog thaum ntawv quaj rau kuv mloog tas ces nws ya kiag lawm thiab...txawv heev, cia seb tag kis puas rov pom nws los quaj dua...

Yav dhau los xyoo 1994 , kuj muaj ib yam txawv txawv li ntawv rau kuv lawm thiab thiaj ua rau kuv ceev faj , 18 xyoo dhau los, kuv tseem hluas hluas, muaj ib tug noog niaj tag kis quaj ntawm kuv lb tsheb tos kuv tib yam, tiam sis tus me noog ntawv mas ho yog los tsaws kiag ntawm kuv lub tsheb, txhua tag kis, tsis seem ib tag kis li, nws los quaj tsaws ntawm kuv lub tsheb tas li tau ob lis tiam diam, ces kuv hloov chaw ntres tsheb los nws los nrhiav tau kuv lub tsheb li, ces nws pheej tsaws ntawm kuv lub quaj xwb, kuv cov phoojywg cov tsheb tus noog ho tsis tsaws ib lub li thiab no mas txawv kawg, kuv thiaj tau tham qhia kuv niam, kuv niam hais tias tsis muaj dab tsi, tiam sis kuv ho muaj ib tug phoojywg zoo nrog kuv ces nws thiaj tham qhia tias yog muaj noog quaj tib lub sij hawm tos yus mas yog nws los xa moo rau yus, kom kuv hais ib lo rau tus noog seb tus noog puas los lawm. Ces hnub tom qab tus noog rov los quaj dua, kuv thiaj hais rau tus noog tias : " me noog yog koj muaj xwm dab tsi tsis zoo qhia kuv no ces kuv paub lawm, hos yog tsis muaj dab tsi no ces koj yeej meem los tiag nawb!" Kuv hais li no tag rau tus noog, tus noog ya kiag tsis rov los ntxiv, tsis ntev tau 1 lis piam tom qab ntxiv xwb ces kuv ib tug Txiv Ntxawm tuag kiag yam tsis muaj mob li, nws tsuas yog mus ua hauj lwm los txog, mob plab zawv xwb ces cia li tuag lawm.


YOG VIM MUAJ LI NO LOS LAWM, TUS ME NOOG PUAG SAUM TOJ KUV PIAV UA NTEJ NIAJ HNUB QUAJ TOS KUV, KUV TSIS XAV NUG TUS ME NOOG LI CIA NWS QUAJ NWS THIAB SEB NWS YUAV TOS KUV NTEV NPAUM CAS, KUV NSTHAI TSAM KUV NUG TAS NO NWS CIA TSIS TOS KUV LAWM THIAB, KUV TSUAS XAV KOM YOG TUS NOOG TSUAS SAWV LOS NRHIAV KAB NOJ ES QUAJ NCAJ TXHUA SIJ HAWM KUV MUS XWB TXHOB MUAJ DAB TSI , VIM UA NTEJ KUV TSIS TAU NRES TSHEB NWS KUJ TSIS YA LOS UA NTEJ LI THIAB TIAG, TXOG KIAG SIJ HAWM KUV TUAJ TXOG NWS MAM LOS TSAWS QUAJ THIAB XWB, TXAWV KAWG LI.




<3 <3 Pab kuv rov los cuag koj Huab Tais Yesxus <3 <3
avatar
Tub Kawm
Phooj Ywg
Phooj Ywg

Messages : 411
Date d'inscription : 2011-10-13

Re: Mua ib tug me noog quaj tos kuv tib lub sij hawm txhais li cas tiag ?

Post  Tub Kawm on 26th April 2012, 10:12 am

Nyob Zoo M. Paj Lug, Hais txog tej yam zoo xws li koj hais ntawd kuv yeej tsi tau ntsib dua ib zaug thiab, tiam sis kuv xav tias tej zaum yuav tsi muaj teeb meem dab tsi. Yog yus muab xav zoo ces yeej zoo xwb. Yus xav tias tsam muaj teeb meem rau ib qho twg no ces txawm muaj li yus hais, vim tias Xas tas lub tswv yim yeej ntse heev xav kom peb mloog xas tas xwb. Ntawm kuv tus kheej kuj tsi tau ntsib ib tus noog quaj li koj hais. Tiam sis kuv muaj ib tus tij laus lawv hnub mus ua teb xwb. nyob txawm muaj ib tus Kooj los txeev quaj txeev quaj rau hau lawv lub tsev uas lawv nyob ces nws txawm hais tias: ntshai yuav muaj dab tsi tshwm sim pob, ces nws xav tias ntshai yuav muaj teem meem rau nws tsev neeg, tau tsi ntev tom qab ces Nws ib tus me nyuam cia li tas sim neej lawm. Thaum tus me nyuam tas sim neej lawm, peb mus nrog lawv pam tus me nyuam ces lawv tham txog tej ntawd rau kuv. Kuv hais tias: "tej ntawd tsi muaj qab hau dab tsi, yog yus xav zoo ces tau zoo. Xav phem ces xas tas khib heev ces xa tas txawm ua phem rau yus xwb tsi muaj dab tsi li og". Peb muab tus me nyuam zais tas, tau ib ntus ntev loo rov tom qab. Txawm rov muaj ib tus Kooj rov los quaj xws li lawv hais ntawd, rau ntawm kuv lub tsev kuv nyob kiag. Kuv npau tawg heev, kuv xav tias: ntshai yuav muaj dab tsi tshwm sim li lawv hais ua ntej, ces kuv twb ua siab yau zog. Tiam sis kuv nco dheev tias: HT Ntuj yog tus muaj zog tas nrho, Nws zog Tus Tswv muaj txoj sia nyob mus li. Txhua yam yam Tswv Ntuj yog Tus yeej tas, tej zaum yuav tsi muaj dab tsi. Ces kuv cia li muab niag Kooj ntawd ntes coj los kib rau tshws miv noj lawm. Yeej tsi muaj teeb meem dab tsi li. M. Paj kuv xav tias tej zaum tus noog koj hais ntawd yuav tsi muaj dab tsi og. Yog koj tsi xav mloog nws quaj ces Koj cia li muab raws tawm ntawm koj thaj chaw nres tsheb mus xwb, yog koj xav ces cia Nws nyob Nws xwb. Txhob xav ntau nawb. Nyob zoo.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5325
Date d'inscription : 2009-08-18

Re: Mua ib tug me noog quaj tos kuv tib lub sij hawm txhais li cas tiag ?

Post  Maiv Tooj on 26th April 2012, 10:32 am



Maiv Paj Lug thiab Txawj Tuam,

Maiv Paj Lug, kuv xav tias ntshe yuav ua zoo li Txawj Tuam hais, yuav tso siab lug rau Huab tais Ntuj, yuav txhob qheb qhov rooj rau tuaj kub tau kev los ntxias dag yus. Tuaj kub mas nws nws yog ib tug dag, haub ntxias neeg xwb neeg ntxub ntxub nws, tab sis nws xav xav kom neeg hwm nws ces nws thiaj siv tej yam txawv txawv los ua hwj huam kom neeg ntseeg, ntshai thiab hwm nws xwb. Yuav tau ua siab loj thiab txhob ntseeg txog tej yam uas tsis muaj luag muab ua kab nuv ntses kom yus xyuam khuav.



avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Mua ib tug me noog quaj tos kuv tib lub sij hawm txhais li cas tiag ?

Post  Maiv Paj Lug on 27th April 2012, 3:00 am

Neb ob leeg puav leej hais tau yog lawm osTxawj Tuam thiab Mav Tooj,

Tiam sis kuv tseem tsis tau tau txaus siab tag, hnub no tus me noog pom kiag kuv rov tuaj tshwm li thaj tsam 6:15AM, nws rov los tsaws kiag qhov qub chaw quaj ob peb suab , kuv hais nyob zoo rau tus noog tas, kuv hla dhau tus noog, tus noog mam ya khiav mus.

Ntawm kuv mas tej zaum txhob muab liam tas tas rau ntxwj nyug thiab os, tej zaum Tswv Ntuj kuj txawj kom tej me kab me noog xub ua saub qhia dab tsi rau kuv xwb, txawm zoo thiab phem los yog ib lub txiaj ntsim ntawm Tswv Ntuj xub qhia yus kom yus npaj lub siab nruaj tos, thiab thov ntuj kom ntau dua qub.

Cia hnub monday kuv rov mus seb nws puas rov los quaj dua li qub, week-end yuav quas lub lis piam nod mas cia seb tus noog puas ua zoo li qub, yog tus noog ua zoo li qub ntxiv thiab no kuv mam hais rau nws kom nws txhob los quaj zoo li ntawv lawm, yog tias txij Tuesday mus nws tsis rov los lawm no mas yeej yog Tswv Ntuj tso noog los ua saub qhia kuv tej yam tseem ceeb, hos yog wednesday nws tseem los ntxiv thiab no ces yeej yog tus noog lam ya los txhua zaus ncaj kuv xwb tib lub sij hawm xwb.




<3 <3 Pab kuv rov los cuag koj Huab Tais Yesxus <3 <3
avatar
Tub Kawm
Phooj Ywg
Phooj Ywg

Messages : 411
Date d'inscription : 2011-10-13

Re: Mua ib tug me noog quaj tos kuv tib lub sij hawm txhais li cas tiag ?

Post  Tub Kawm on 27th April 2012, 2:41 pm

Nyob zoo M p, qhov koj hais no mas yeej yog kawg lawm. Txhua yam tsiaj nyeg tsiaj qus thiab ib puas tsav yam puav leej yog Tswv Ntuj ob txhais tes tsim tas nrho xwb, Tswv Ntuj xav siv tus twg los coj Tswv Ntuj tsab xo los qhia rau peb paub los yeej tau tas nrho, tiam sis xas tas mas khib heev, yog li ces peb pom muaj tej yam xwm tshwm sim, peb txhob maj ua siab yau, tias ntshai yuav muaj teeb mem. Peb yuav tsum hais tias tsi muaj dab tsi no ces yeej raws li peb lo lus. Peb tsi txhob ntau siab me tias nyob tsam peb tsev neeg los peb tej txheeb ze lam muaj li cas mas ntshai yuav nyuaj xwb lauj. Yog tias Thaum peb xav thiab hais li no qhia lwm tus lawm, ces xas tas khib heev nws thiaj los ntxiag tau peb lawm, ces txawm muaj li ntawd tias. Peb yuav nco ntsoo hais tias Tswv Ntuj yog Tus yeej tas ib puas tsav yam, Tswv Ntuj yuav tuav peb tes coj peb txoj hau kev txhua yam xwv txheej yuav tsi los rau peb. Yo li Kuv vam hais tias tus Noog koj hais ntawd nws tsuas yog nrhiav noj nrhiav hau ntawm thaj chaw ntawd xwb yuav tsi muaj dab tsi og. Tiam sis yuav ua rau kom nej thiab peb a tiag rau siab tshaj tswv Ntuj lub Moo Zoo xwb og. Yog hnub no koj rov mus yog tseem nyob thiab no thov rov tuaj piav qhia peb paub thiab og nawb.
avatar
Tub ntsuag
Phooj Ywg
Phooj Ywg

Messages : 137
Date d'inscription : 2011-10-06

Re: Mua ib tug me noog quaj tos kuv tib lub sij hawm txhais li cas tiag ?

Post  Tub ntsuag on 28th April 2012, 3:23 pm

Nyob zoo sawv daws kv lam tham me ntsis kev npau suav tias saib nej leej twg hos txawj pab qhia saib yog li ces .tau lub xyoo 2011 -2012 no kv tsi nco qab hnub twg lawm thiab sij hawm .Muaj ib zaus peb tab tab tom mus txog zoo li ib lub nrog mus tshwm sab nrau nws zoo nce ib nyuag plas toj kv txawm ntsia pem hav ntej ua ciav cov huab nyob saum ntuj nws ya khiav ris nab .kv ntsia me ntsis na has ua cas txawm muaj tej lub nplaim taws ya ncig laij leeg pem los rau nrag qab peb tuaj ntawd .nws cia li los ntau li ntau ib yam li thaum hlawv lub nroog thaum tug poj niam tis saib qab ntawd peb cia li sib tw hua khiav rau pem hauv ntej cias tsi pom lawm .qhov no tas li no. . . . . . .txuas ntxiv zaum tom qab peb tau khiav tawm mus rau ib thaj chaw peb rov mus me ntsi ntxiv ua ciav txawm muaj ib txoj nyuag kev fab nyho tsi muaj tib neeg mus li nws zoo txoj kev nce toj thiab peb tau mus ne ntsi ntxiv txawm tiaj zog peb me ntsis ntawd ces kv ntsia tom hauv ntej muaj neeg thaiv peb kev .peb so qho ntawd ntxiv ces kv ntsia rau saum ntuj ua ciav fuab ya khiav si nab txawj muaj cov nplaim hluav tau li kv hais sau nws ya puv ntuj tas rau nrag qab lawm thiab cias kv thiaj tsim los lawm .yog nej leej twg paub hos pab txhawb nqa thov ua tsaus.. . .
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Mua ib tug me noog quaj tos kuv tib lub sij hawm txhais li cas tiag ?

Post  Maiv Paj Lug on 1st May 2012, 12:15 am

XH.Ntxoov Tsab wrote:Nyob zoo sawv daws kv lam tham me ntsis kev npau suav tias saib nej leej twg hos txawj pab qhia saib yog li ces .tau lub xyoo 2011 -2012 no kv tsi nco qab hnub twg lawm thiab sij hawm .Muaj ib zaus peb tab tab tom mus txog zoo li ib lub nrog mus tshwm sab nrau nws zoo nce ib nyuag plas toj kv txawm ntsia pem hav ntej ua ciav cov huab nyob saum ntuj nws ya khiav ris nab .kv ntsia me ntsis na has ua cas txawm muaj tej lub nplaim taws ya ncig laij leeg pem los rau nrag qab peb tuaj ntawd .nws cia li los ntau li ntau ib yam li thaum hlawv lub nroog thaum tug poj niam tis saib qab ntawd peb cia li sib tw hua khiav rau pem hauv ntej cias tsi pom lawm .qhov no tas li no. . . . . . .txuas ntxiv zaum tom qab peb tau khiav tawm mus rau ib thaj chaw peb rov mus me ntsi ntxiv ua ciav txawm muaj ib txoj nyuag kev fab nyho tsi muaj tib neeg mus li nws zoo txoj kev nce toj thiab peb tau mus ne ntsi ntxiv txawm tiaj zog peb me ntsis ntawd ces kv ntsia tom hauv ntej muaj neeg thaiv peb kev .peb so qho ntawd ntxiv ces kv ntsia rau saum ntuj ua ciav fuab ya khiav si nab txawj muaj cov nplaim hluav tau li kv hais sau nws ya puv ntuj tas rau nrag qab lawm thiab cias kv thiaj tsim los lawm .yog nej leej twg paub hos pab txhawb nqa thov ua tsaus.. . .

Nyob zoo XH Ntxoov Tsab,

Koj zaj npau suav nod mas kuv los kuj tsis tau ua dua ib zaug ces tsis paub, tab sis kuv muaj ib tug niam hluas, thaum nws rov ntseeg Ntuj zoo ces nws cia li ua npau suav pom tej lub pob zoo li hluav taws saum ntuj ya los hauv ntiaj teb, thiab tej thaum kuj nkag kiag los rau hauv nws tsev, tseem muaj tej lub pob mas ya los ntaus qab roob qab ha nphau, ces zaum no ho hnov koj tham npau suav li ko thiab no mas tej zaum yog txhais tau tias nej txoj kev ntseeg sawv lawm, nej npau suav pom Tswv Ntuj cov txiaj ntsim uas nws tso saum ntuj los faib rau neeg ntiaj teb , thaum nej pom cov pob no ya puav ntuj los poob ntiaj teb mas yog Yesxus cov txiaj ntsim, yog tseem poob los rau nej zej nej zos thiab poob rau nej tsev thiab ces yog nej tau txiaj ntsim lawm mog.

Hos ntawm kuv mas muaj ib zaug kuv tau Yesxus txiaj ntsim, kuv pom Tswv Ntuj yuav los xyuas kuv mas, Tswv Ntuj ua rau lub ntuj tsaus nti, cua daj cua dub nplawm ntws, huab duab los laum kiag thaj tsam kuv nyob, ces tib plig pom kiag lub ntuj qhib, kuv pom kiag Yesxus ib muag ces kuv tsim kiag , zoo siab tag nrho, tsis muaj ib yam pauv tau.




<3 <3 Pab kuv rov los cuag koj Huab Tais Yesxus <3 <3
avatar
Tub ntsuag
Phooj Ywg
Phooj Ywg

Messages : 137
Date d'inscription : 2011-10-06

Re: Mua ib tug me noog quaj tos kuv tib lub sij hawm txhais li cas tiag ?

Post  Tub ntsuag on 1st May 2012, 1:17 am

Nyob zoo mp tej zaum yog li koj hais lawm os txij thaum peb tau yuam kev tas los no mas kv pheej muaj tej zaum pom li ntawd os .muaj ib kv los kuj pom hais tias txog caij lawv ua trov rog mas yeeb ncua tog nws nyob quas ib sab dej peb los nyob ib sab dej ces lawv txeem hla dej tuaj tua peb ces peb nyob twj ywm teev ntuj kv hais rau lawv tias peb twb yuam kev ib zaus lawm txhob ua ntxiv lawv khiav tas mus tshuav kv tuaj tom qab nrog ib peb neeg ib me ntsis lawv kuj nrog peb ua ke lawm thiab ces yeeb ncua khiv tuaj tua peb .kv ntsia mus rau saum ntuj ua cas txawm pom hlob ib tshua hluav taws zoo nkaus li thaum tswv ntuj ua tav cov hais xas lais mai xes ntawd nqeg hlo ua ib ntsws hlob kawg .ib me ntsi nyob siab roob tim muaj tej lub ncov roob siab kawg tiam sis cov hluav taws poob saum los mus tua lub roob ntawd cia pob tas lawm ib me ntsis muaj zoo li ib ntw dej hlob hlob dej daj nruv txawm puv zos tuaj rau ntawm peb nyob ces peb cia li nce ib lub roob los mus lawv mus tas dhau kv mus na has txawm muaj zoo li ib tug nto tav nkaus kuv .kv tib txeem na has rau tib teg kv nrau qaum ces kv txeem dhau plaws lawm na has kv tsim dheev los mus lawm..
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Mua ib tug me noog quaj tos kuv tib lub sij hawm txhais li cas tiag ?

Post  Maiv Paj Lug on 4th May 2012, 4:26 am

Nyob zoo Txawj Tuam thiab XH Ntxoov Tsab....

Lub lis piam no tsis pom tus noog rov qab los lawm, tiam sis nag hmo kuv hnov ib qho xov tsis zoo tuaj txog kuv lawm tiag os.

Kuv muaj ib tug phoojywg pojniam nws mob qog caj dab, lawv twb coj mus phais tag los tsis zoo, zaum no lawv Doctor kuaj tau, lawv hais tias nws yog mob Cancer, cov thaj maum hais tias cov cancer txam mus rau txoj hlab pa lawm ,ntshe qhov tsis zoo tsawg lawm xwb, nws nyuam qhuav muaj 38 xyoo xwb thiab muaj 4 tug me nyuam.

Tej zaum ntshe tus noog kuv pom ntawv tsuas los xa moo rau kuv ua ntej xwb os, vim hnub monday kuv hais tas rau tus noog na tus noog cia li tsis los lawm.




<3 <3 Pab kuv rov los cuag koj Huab Tais Yesxus <3 <3
avatar
Tub Kawm
Phooj Ywg
Phooj Ywg

Messages : 411
Date d'inscription : 2011-10-13

Re: Mua ib tug me noog quaj tos kuv tib lub sij hawm txhais li cas tiag ?

Post  Tub Kawm on 7th May 2012, 6:53 am

Nyob zoo M Paj kuv zoo siab uas nws paub txog ib puas yam tsav og. Tej zaum yog muaj HT Ntuj lub zog nrog Nws nyob es Nws thiaj muaj tej tus me noog los qhia Nws txog tej xwm ntawd yuav tshwm sim og, thov kom Nws nyob kaj lug.
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Mua ib tug me noog quaj tos kuv tib lub sij hawm txhais li cas tiag ?

Post  Maiv Paj Lug on 18th May 2012, 3:51 am

Kuv hnov ib lub moo qaij qaug tuaj txog kuv lawm lauuuuuu!!!! X(

Nag hmo nyob Amboise, peb cov kwv tij Hmoob Vang muaj ib tug ntxhais thiab tus nraug vauv coj me nyuam mus ncig ua si, los txog tom kev, muaj neeg qaug cawv tsav tsheb los sib nraus nrog rau tus ntxhais thiab tus vauv lub tsheb, ua rau tus viv ncaus hu ib suab nws tus me tub xwb ces tuag kiag ntawm chaw lawm, tus nraug vauv raug sab kawg, tes taws ntsoog tas tsis tuag, tiam sis ntshe yuav ua neeg tuag tes tuag taw, nkawv muaj ib tug me nyuam me me nyuam qhuav yuav muaj 2 xyoos xwb, tag kis kuv niam lawv yuav mus pab ua tus ntxhais lub ntees.

Qhov kuv pom tus noog txawv txawv ces yog muaj xwm qhia ua ntej lawm os cov phoojywg. Cas peb ua neeg nyob es txoj kev tuag yuav dhia tsis dhau, khiav tsis dim li, tos Huab Tais Yesxus hais tias, nej tsis ceev faj, kuv yuav los thaum twg los nej tsis paub, hnub no, ib tsam los sis tag kis, nej twb tsis paub, nej yuav tau ceev faj. :;( :;( :;(




<3 <3 Pab kuv rov los cuag koj Huab Tais Yesxus <3 <3

Sponsored content

Re: Mua ib tug me noog quaj tos kuv tib lub sij hawm txhais li cas tiag ?

Post  Sponsored content

  • Post new topic

Current date/time is 19th September 2017, 10:19 pm