HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


TEEV NTUJ PAB KUV LEEJ NIAM TSEV Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


3 posters

    TEEV NTUJ PAB KUV LEEJ NIAM TSEV

    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    TEEV NTUJ PAB KUV LEEJ NIAM TSEV Empty TEEV NTUJ PAB KUV LEEJ NIAM TSEV

    Post  Tub Kawm 13th October 2012, 11:33 pm

    Nyob zoo cov phooj ywg ntseeg Tswv Ntuj hauv hmongcatholique. Kuv thov nej nrog thov Tswv Ntuj pab kuv poj niam.Tam sim no kuv poj niam tau mob ib qho ntawm hauv siab hnyav kawg, nws pw tsi tau li, tsuas yog zaum thiab nyob xwb, thov sawv daws nrog pab Teev Ntuj pab kuv poj niam vim nyob deb tsev kho mob mus tsis tau. Nws lub npe yog Vus xeem yaj. Thov ua ua tsaug ntau.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    TEEV NTUJ PAB KUV LEEJ NIAM TSEV Empty Re: TEEV NTUJ PAB KUV LEEJ NIAM TSEV

    Post  Npuagtub 14th October 2012, 1:55 pm

    Tub Kawm wrote:Nyob zoo cov phooj ywg ntseeg Tswv Ntuj hauv hmongcatholique. Kuv thov nej nrog thov Tswv Ntuj pab kuv poj niam.Tam sim no kuv poj niam tau mob ib qho ntawm hauv siab hnyav kawg, nws pw tsi tau li, tsuas yog zaum thiab nyob xwb, thov sawv daws nrog pab Teev Ntuj pab kuv poj niam vim nyob deb tsev kho mob mus tsis tau. Nws lub npe yog Vus xeem yaj. Thov ua ua tsaug ntau.

    Nyob zoo os me Tub Kawm,

    Koj los txhob txhawj thiab os nawv, peb mam pab cev nws tej mob kheeg rau Tswv Ntuj thiab, ib pliag 6:30pm no kuv mus teev ntuj mam li sau nws lub npe rau tom tsev teev ntuj kom sawv daws thov ntuj rau nws os nawv.

    Thov kom Tswv Ntuj nrog koj thiab tsev neeg nyob ua nej txhua tus siab kaj lug, sib ntsib dua.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TEEV NTUJ PAB KUV LEEJ NIAM TSEV Empty Re: TEEV NTUJ PAB KUV LEEJ NIAM TSEV

    Post  Maiv Tooj 15th October 2012, 6:39 am



    Nyob zoo Tub Kawm,

    Ua li nyab mob, yog mob ib sab hauv siab los yog mob ncaj ncaj hauv plawv?

    Puas yog neb muaj kev ntxhov siab, los nws muaj kev ntxhov siab?

    Kev mob hauv siab no mas muaj ntau yam hauv paus xws li:

    Mob plawv, txha caj qaum ntawm duav tais leeg, txoj hlab pas nrwg los xiab lub plawv, ntxhov siab thiab lwm ywm.

    Tub Kawm, naj hmo tag nrho peb lub Xeev Rhôn, Lyon, yog lub nroog loj thib peb nyob Fab kis teb, peb sib sau mus ua lub Txoos teev Ntuj ua ke, peb muaj tag nrho thaj tsam li 20.000 leej. Thaum kuv txais lub Cim Yug, kuv tau thov txiaj ntsim rau "NEJ" Hmoob Cob Tsib teb.

    Koj thov Leej Ntshiab FUAS, kom NWS thov Ntuj pab nyab mog. Leej Ntshiab FUAS, nws yog ib tug Leej Ntshiab muaj txiaj ntsim heev. Txij thaum kuv paub nws los, uas yog thaum peb mus taug Leej Ntshiab Yas Kos txoj kev, kuv thov tau ntau yam txiaj ntsim ntawm Leej Ntshiab FUAS. Tab sis kev thov txiaj ntsim ntawm Leej Ntshiab Fuas mas tej zaud tau tam sim ntawd, tej zaum mas yuav tos ntev me ntsis, tos kom NWS thov Huab Tais Ntuj kam mas nws mam li muab rau yus. Li ntawd yog tsis tau tam sid los txhob ntau siab me, yuav rau siab teev Ntuj ntxiv.

    TEEV NTUJ PAB KUV LEEJ NIAM TSEV Foy14

    PS. Koj thov no ces koj hais rau NWS tias, koj nyob deb deb li, koj tuaj xyuas tsis tau NWS, tab sis thov nws pab koj, koj yuav tshaj nws lub koob meej mus ntxiv rau cov neeg uas tsis tau paub txog NWS. Kuv tso siab tias Leej Ntshiab FUAS yuav pab koj xwb.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    TEEV NTUJ PAB KUV LEEJ NIAM TSEV Empty Re: TEEV NTUJ PAB KUV LEEJ NIAM TSEV

    Post  Tub Kawm 15th October 2012, 7:37 pm

    Nyob zoo N hlob thiab XH Npuag tub, thov ua tsaug rau nej tseem qee nej lub sij hawm los teev ntuj pab kuv poj niam og. Kuv ua Tswv Ntuj tsaug ntau uas Tswv Ntuj tau txais kuv tej lus thov ntau zaum lawm. Tam sim no nws zoo me ntsis lawm. Niam hlob hais txog ntawm kuv poj niam wb ces txij li wb sib yuav los tau muaj 10 xyoo tav no, wb kuj tsis tau muaj kev nyuaj siab thiab tu siab rau nws li. Nws los kuj tsis tau muaj kev nyuaj siab dab tsi ua rau nws txhawj li thiab. Tiam sis xyov nyob nyob cia lam mo tej yam zoo li ntawd og. Tiam sis nws tus mob peb twb ntsuas tau me ntsis lawm."yog mob plab tsam cua ntawm lub ncauj plab, noj tsi xob" es thiaj ua rau hauv siab xav tawg xwb. Thov ua Tswv Ntuj tsaug ntau. Vim HT dauv muag los ntsia nws cov me nyuam. (CAS NYEM NO SAU TSIS TAU NTAWV HAUV NO YWJ SIAB LI LAWM? SAU CES XA PLOJ TAS XWB XYOV YOG LI CAS?.)


    Last edited by Tub Kawm on 30th November 2012, 8:32 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TEEV NTUJ PAB KUV LEEJ NIAM TSEV Empty Re: TEEV NTUJ PAB KUV LEEJ NIAM TSEV

    Post  Maiv Tooj 16th October 2012, 8:38 am



    Tub kawm,

    Zoo siab uas nyab zoo me ntsis lawm.

    Nws sau tsis tau ntawv hauv nov, lam sim lub navigator (yam li yahoo, Mozilla Firefox, Gmail, Opera, Internet Exploreur...thc.) Koj nkag lub tshiab tuaj seb sau puas tau. Ntshe yog koj cab sab khiav tsis zoo thiaj li xa ploj lawm. Ob hnub ntawm i kuv twb sau tsis tau li thiab.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TEEV NTUJ PAB KUV LEEJ NIAM TSEV Empty Re: TEEV NTUJ PAB KUV LEEJ NIAM TSEV

    Post  Maiv Tooj 22nd November 2012, 9:33 am



    Nyob zoo Tub Kawm,

    Yog koj leej nkawm mos hauv siab no sim muab taug dub rhaub haus seb puas zoo.


    TAUJ DUB.


    TEEV NTUJ PAB KUV LEEJ NIAM TSEV Url10

    Rhaub kom npau haus zoo ntau yam tshuaj:


    - Mob ub mob no
    - Kub cev.
    - Noj mov tsis xam, mob plab zom mov
    - Tshuaj raws plab (zoo sai kawg)
    - Tau khaub thuas, ib ce xob xob, qaub ib ce.
    - zoo tshuaj hnoos, hnoos kab peem (zoo heev)
    - Mob hauv siab thaum ua pa
    - Haus thaum yuav pw, tsaug zog zoo
    - ntxhov siab

    Rhaub ua dej tshuaj yej haus laj siab thaum tshav kub kub.

    Pleev:

    Rhaub tauj dub, nyoj kom nyeem, pleev:
    - Ib ce kab tsis tom.
    - Pleev yoov tshaj cum tsis tom

    Muab hlawv rau hauv tsev, nyoo tshaj cum los kab kuj khiav deb.

    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    TEEV NTUJ PAB KUV LEEJ NIAM TSEV Empty Re: TEEV NTUJ PAB KUV LEEJ NIAM TSEV

    Post  Tub Kawm 30th November 2012, 9:02 am

    Nyob zoo N hlob. Thov ua tsaug uas nws tseem coj tshuaj tuaj qhia kom pab kuv thiab txhua leej og. Hais txog tsob tauj dub peb tsuas paub siv tsaws qaib noj xwb, cas hnub no yuav zoo ntau yam ua luaj. Cia kuv mam li cim tseg thaum twg muaj txiab nkees mam muab ua tshuaj rhaub haus og. Thov qhia tias: thaum kuv poj niam mob tau 2 hnub ntawd, ua rau kuv nyuaj siab heev, kuv thiaj kom nej pab teev ntuj pab nws, kuv los teev ntuj pab nws tsi tseg thiab, ces tau 3 los 4 hnub rov tom qab nws tus mob cia li zoo lawm. Tiam sis cab sab khiav tsi zoo, huab cua tsis zoo es tsi tau tuaj qhia sawv daws xwb. Kuv ua Tswv Ntuj tsaug uas Tswv Ntuj txais kuv cov lus thov sais kawg, thiab Tswv Ntuj tseem tuaj pab kuv ntau zaug og. Txij li thaum kuv tuaj tau hau forum no, los txog rau niaj hnub no, yog yam kuv txhawj thiab ntshaw, ces kuv cev kuv tej lus thov Ntuj zoo li Tswv Ntuj txais kuv tej lug thov sai kawg. Thov ua Tswv Ntuj tsaug uas Nws tsa Nws lub hwj chim los roos Nws cov me nyuam. Sib ntsib duam.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TEEV NTUJ PAB KUV LEEJ NIAM TSEV Empty Re: TEEV NTUJ PAB KUV LEEJ NIAM TSEV

    Post  Maiv Tooj 30th November 2012, 9:31 pm



    Nyob zoo Tub Kawm,

    Zoo heev, yog peb txoj kev ncig ntuj fim Tswv Ntuj muaj txiaj ntsim. Kuv kuj yog ib tug neeg ntseeg zoo thiab paub txog kev ntseeg hais tias ntau kawg thiab no, tab sis txij thaum peb qheb tau lub Vas sab no es muaj kev sib fim, sib kawm qhia mas ua rau kuv paub Ntuj Kev cai dua qub lawm. Thaum i mas kuv hais tias kuv twb paub zoo heev lawm no, tab sis zaum no mas kuv hais tias kuv tsis tau paub Ntuj Kev cai kiag li, kuv tseem qhuav ntau yal heev yuav kawm, yuav nrhiav, kuv puas yuav muaj caij tshawb nrhiav txog hnub kuv sau laus.
    Tub Kawm, tu siab kawg uas nej lub ntuj tsis tshav, tsis kaj, pos huab nti nej yuav mus qhov twg los nyuaj, yuav ua dab tsi los tsis tau, es nej tuaj pab tsis tau peb sau thiab tham nej lub neej, xav nej moo rau peb. Thaum i koj xav tau nej ob peb daim duab rau kuv mas kuv zoo siab kawg, koj cov duab kuj tshwm rau ntau pawg ntseeg, ntau lub Koom Haum. Vim yog ib tug neeg uas yus paub xa kiag rau yus mas muaj nqes dua uas mus nrhiav tau txhiab pua daim hauv cab sab.

    Kuv zoo siab uas Tswv Ntuj hnov txog nws lo lus thov,
    Thov kom Tswv Ntuj ob txhais tes roos rawv nej txhua leej.

    TEEV NTUJ PAB KUV LEEJ NIAM TSEV Pape_l10

    Tub Kawm,

    Nej nyob thaj chaw tsis muaj tsev kho mob, tsis muaj tshuaj, seb nej puas muaj tsob Suv Ntsim Nyeg no, yog tsis muaj no ho mus nrhiav los cog, muab rhaub haus tiv thai ntau yam mob.


    koojziagkabzaug wrote:


    Tij laug Xyooj,

    Yog kuv xyaum txuas ntoo es lam txuas ua si xwb, tseem tsis tau txawj pes tsawg. Txuas ntau lub qhov muag, tab sis ciaj tsis tag ces tsob paj thiaj tsis ntxhov zoo. Daim duab kuv yees nov, cov paj twb nra dhau zog lawm, thaum nyuam qhuav nthuav mas ua tej lub paj me me luaj ntiv tes xwb.


    SUV NTSIM NTSUAB, SUAV TEB.(L'artémisinine (qing hao su (青蒿素))

    Cov suv ntsim Suav teb no zoo txawv zog cov suv ntsim Nplog thiab Fab Kis teb. Cov nplooj ntshi mos dua thiab ntsuab tshiab tshiab.

    Suav siv cov n=suv ntsim no ua tshuaj tau tshaj 2.000 xyoo los. Pom sau tseg hauv Liv Xwm thaum 168 ua ntej Yes Xus.

    Keeb kwm rov siv pib thaum nthwv Tsos Rog Nyab Laj thiab Mes Kas. Cov Nyab Laj Qaum Teb khawb qhov taub, khawb ntswg qab tiv mus tua rog ces muaj dej nag mus teev ntau rau cov kwj, ua rau muaj chaw rau yoov tshaj cum ua qe. Yoov coob thiaj ua rau cov peeb zeej Nyab Laj mob Npaws coob heev. Cov tuag rau kab npaws tseem coob tshaj cov uas tuag rau muas txwv raug. Cob Tsib ntshai heev thiaj li tau thov rau Suav seb puas pab daws tau lawv qhov teeb meem.

    Xyoo 1967, cov tub tshawb fawb thiaj li rov tshawb nrhiav tshuaj ntsuab Suav, lawv thiaj nrhiav tau hauv cov ntawv Liv Xwm Suav sau tseg tias SUV NTSIM zoo tshuaj tiv thaiv kab npaws. Vim lawv pom tau cov neeg uas nyob cheeb tsam uas muaj cov suv ntsim ntawd, lawv tsis mob npaws tshaj nyeej, nplaws txias li, ua daus no li; vim cov neeg no rhaub cov suv ntsim xyaw tshuaj yej haus los yog cia li rhaub haus xwb. Thiab lawv tseem siv cov suv ntsim no kho ntau hom mob ntxiv. Puav leej yog cia li rhaub haus xwb.

    TEEV NTUJ PAB KUV LEEJ NIAM TSEV Artemi10

    TEEV NTUJ PAB KUV LEEJ NIAM TSEV Qing10

    TEEV NTUJ PAB KUV LEEJ NIAM TSEV Anti_m10

    SUV NTSIM NTSUAB ZOO TSHUAJ.

    Cov suv ntsim no raws li hais mas muaj nyob phab teb chaws Es Xias thiab As Fiv Kas tib si, tab sis zoo li kuv tsis nco pom, kuv tsuas pom dua cov suv ntsim loj li hauv qab no xwb. Cov hauv qab no tsis zoo tshuaj tiv thaiv thiab tua kab npaws, nws zoo ua tshuaj cab xwb tab sis yuav txhob haus ntau tsam qaug. Haus li kuv twb tau piav pem hauv ntej dhau los lawd xwb.

    TEEV NTUJ PAB KUV LEEJ NIAM TSEV Armois10


    Sponsored content


    TEEV NTUJ PAB KUV LEEJ NIAM TSEV Empty Re: TEEV NTUJ PAB KUV LEEJ NIAM TSEV

    Post  Sponsored content


      Current date/time is 28th March 2024, 3:29 pm