HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Mus hawm lub CIM YUG hauv Tsev Teev Ntuj 15 nas this. Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


+2
Maiv Tooj
Maiv Paj Lug
6 posters

    Mus hawm lub CIM YUG hauv Tsev Teev Ntuj 15 nas this.

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Mus hawm lub CIM YUG hauv Tsev Teev Ntuj 15 nas this. Empty Mus hawm lub CIM YUG hauv Tsev Teev Ntuj 15 nas this.

    Post  Maiv Paj Lug 17th April 2012, 5:36 am

    Mus hawm lub CIM YUG hauv Tsev Teev Ntuj 15 nas this.

    Mus hawm lub CIM YUG hauv Tsev Teev Ntuj 15 nas this. Adorat10

    (TNN = Tus Neeg Ntseeg)

    (LTYN= Leej Tswv Yim Ntshiab)

    TNN: Kuv tuaj cuag koj Huab Tais Yesxus, kuv npaj tau siab tuaj lawm...

    LTYN: Yuav hloov mus ua qhov zoo yuav tsum nquag mus cuag qhov zoo, vim li ntawv kuv yuav nrog nej nyob ua ke kom nej zoo thiab nej ntshiab li kuv, rau qhov nej kam qhib qhov rooj rau kuv nkag los hauv nej lub siab, nej muab kuv hu ua nej tus Tswv.

    TNN : Tswv Ntuj , kuv lub siab zoo hlo thaum kuv nyob nrog koj, koj qhia kuv hais lus rau koj yuad, kuv yuav rov hais yam koj nyiam rau koj, vim kuv yog ib tug neeg tsis paub ntau yam.

    YESXUS : Me Nyuam, tsis tas yuav kom koj paub ntau ntau yam thiaj ntxim kuv siab. Tsuav yog koj nyiam kuv tas siab nrho yeej txaus kuv lawm. Koj hais lus rau kuv, koj hais kiag li koj hais rau koj niam, yog koj niam nyob, nws yuav rub koj rau nws xub ntiag. Koj hais lus rau kuv, koj hais kiag li koj hais rau koj tus phoojywg koj nrog tham, txhua yam neb tham tsis xav kom leej twg paub, neb tham twb tsis nco nkees.

    Koj puas muaj tej tus neeg xav coj tuaj cob rau kuv? Qhia koj niam koj txiv npe rau kuv, qhia tej tus neeg koj ntsib rau kuv, qhia koj cov phoojywg, cov neeg koj nyiam, koj qhia lawv npe rau kuv, koj ntxiv tej yam koj xav kom kuv ua rau lawv, koj thov mas kuv yuav pub txhua yam koj thov ntawv rau tus neeg koj tuav npe. Thov kom ntau ntau, kuv muaj ntau yam pub. Kuv nyiam tus neeg thov ntau ntau yam rau lwm tus,tiam sis tsis nco qab thov rau nws.

    Tuaj qhia kuv txog cov neeg ua zoo rau koj, qhia cov neeg pluag , cov neeg txom nyeem ,cov neeg muaj mob, cov neeg uas koj xav cawm tiam sis koj pab tsis tau, kuv yuav pab tau. Qhia cov neeg phem uas koj xav kom hloov siab los ua zoo, qhia cov neeg ntxub koj, cov khiav deb ntawm koj vim koj muaj kev zoo puv npo. Yog koj thov kom kuv pub txiaj ntsim rau lawv kuv yuav pub. Kuv nyiam tus neeg thov ntuj tuaj ntawm nws lub siab.

    Koj puas muaj tej yam txiaj ntsim xav thov rau koj? Sau ntawv kuj tau, sau txhua yam koj xav kom muaj coj tuaj nyeem rau kuv mloog. Koj puas muaj kev nyuaj siab tuaj qhia kuv? Oh kuv tus me nyuam, koj tuaj qhia kuv kom ntau ntau txhij txhua, leej twg thiaj ua rau koj nyuaj siab, leej twg ua rau koj txoj kev hlub txias, qhia kom tag rau kuv, koj ntxiv tias koj xav zam txim rau tus neeg ua phem rau koj ces kuv yuav foom hmoov zoo rau koj.

    Koj puas muaj tej yam kev zoo siab coj tuaj qhia rau kuv? tej tus neeg hais lus zoo rau koj, tej tus neeg pub tau ib yam zoo ntxim koj siab rau koj, tej lub sij hawm koj ntsib koj tsev neeg koj muaj kev zoo siab, koj muaj kev zoo siab thaum koj pom lwm tus ua zoo, coj kom tag txhua yam koj ntsib ua rau koj zoo siab tuaj qhia kuv, kuv yuav pub txiaj ntsim rau koj thiab tus neeg zoo rau koj. Kuv nyiam tus neeg txawj qhuas lwm tus zoo rau kuv mloog dua tus nws rov qhuas nws.

    Kuv paub txhua yam hauv koj lub siab , koj dag neeg tau tiam sis koj dag tsis tau Tswv Ntuj, yog li koj yuav tsum hais qhov tseeb. Yog li ntawv kuv tus me nyuam, koj rov mus mog, mus ua koj tej num, xyaum ua tej yam zoo kom ntsiag tos, cia kuv paub nkaus xwb, kuv yuav txhawb koj. Tag kis kuv yuav tos koj, koj nqa ib lub siab huv si tuaj cuag , kuv muaj lwm yam zoo yuav pub thiab txhawb koj.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Maiv Tooj 17th April 2012, 8:45 am



    Maiv Paj Lug,

    Ua tsaug ntau rau nws zaj Hawm lub Cim Yug, zoo kawg nkaus.
    Thov kom Leej tswv Yim Ntshiab los nyob ze peb, coj peb muaj txoj kev thoob tsib to nrog, txawj paub Tswv Ntuj lub txiaj ntsim.

    Maiv, nws sau tau zoo heev, nyeem tsis dhuav li, yog nws khoom no rov sau zaj puav rau peb ta nyeem nawb mog.
    Tub ntsuag
    Tub ntsuag
    Phooj Ywg
    Phooj Ywg


    Messages : 111
    Date d'inscription : 2011-10-06

    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Tub ntsuag 17th April 2012, 6:42 pm

    Ua tsaug ntau maiv paj koj coj tau tej yam uas tseem ceeb kaws tuaj qhia rau peb ua nws tsaus ntau yog nws muaj caij no hos rov tuaj sau zaj ntxiv rau peb tau nyeem os nawb.
    Tub Ntxaws
    Tub Ntxaws


    Messages : 20
    Date d'inscription : 2012-02-21
    Localisation : Tub Ntxaws

    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Tub Ntxaws 18th April 2012, 3:04 am

    Nyob zoo os maiv tooj thiab mim ua tsaus rau neb os peb qhib txog 2 lis piam qhib tsi tau lub forum saib li lawm. Teb tsi tau neb li thov neb siab ntev rau kuv thiab os thiab uas kuv tsi tau paub lub fo rum no pêg tsaws sau ib qho los tseem teb lwm qhov lawm neb siab ntev os nawb. Kuv noog ua li los yog vim muaj coob tus ua li lawm.peb los nyob deb TP. Heev li kab lis kev cai paub tsi tas li noog nej os. Neb kuj hai li ntaw ces kuj yog lawm mam qhia dua os sib ntsib dua.
    Tub Ntxaws
    Tub Ntxaws


    Messages : 20
    Date d'inscription : 2012-02-21
    Localisation : Tub Ntxaws

    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Tub Ntxaws 18th April 2012, 3:39 am

    XH.Ntxoov Tsab wrote:Ua tsaug ntau maiv paj koj coj tau tej yam uas tseem ceeb kaws tuaj qhia rau peb ua nws tsaus ntau yog nws muaj caij no hos rov tuaj sau zaj ntxiv rau peb tau nyeem os nawb.
    ua tsaus os maiv paj lus koj tsem sau tau tej zaj zoo kaws nkaus rau peb tau nyeem txhawb tau das zos hov ntau peb cov nyob deb muaj kev nkas siab ntau yam thov leej tswv yim ntshiab txhawb das zos rau nws kom nws muab ntau yam rau peb tau saib os nawb.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Maiv Paj Lug 18th April 2012, 9:27 am

    Nyob zoo rau nej txhua tus,

    Kuv zoo siab pom nej sawv daws kuj nyiam nyeem Huab Tais Yesxus cov lus kuv txhais saum toj nod. Cov lus kuv txhais saum toj nod yog kuv mus muab hauv Tsev Teev Ntuj ntawm ib tug Txiv Plig los txhais kom nej nrog kuv paub tias Huab Tais Yesxus hlub peb txhua leej txhua tus.

    Kuv xav nug nej cov nyob deb puag Cob Tsib Teb, puas muaj tej lub Tsev Teev Ntuj nyob ze nej , yog muaj, nej mus hawm lub Cim Yug, yog tseem tseem Huab Tais Yesxus sawv ntawm nej xub ntiag. Yog tsis muaj Tsev Teev Ntuj no los tsis ua cas, Huab Tais Yesxus mam tuaj cuag nej hauv nej vaj nej tsev, Yesxus yeej paub nej txoj kev txom nyeem thiab txoj kev hlub, nws yuav nrog nraim nej nyob ua hnub ua hmo, tso siab rau Huab Tais Yesxus ces tag txhua yam yuav tsis nco ntshai nawd mog. Yesxus nrog nej nyob ua nej siab kaj lug.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Tub Kawm 18th April 2012, 10:31 am

    Nyob Zoo sawv daws. Maiv paj ua tsaug rau nws tso zaj Mus hwm lub cim yug 15 nas this rau peb kawm og nawb. Peb txawm nyob deb tsev teev Ntuj tsi muaj lub Cim Yug los thov sawv daws muab kawm kom npliag, thaum twg mus txog hauv tsev teev Ntuj peb mam mus hwm lub Cim Yug og nawb.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Mim 18th April 2012, 12:54 pm

    Maiv Paj Lug,

    Koj cov lus hauv zaj mus hawm lub Cim Yug no koj sau tau zoo kawg lawm os. Kev mus hawm lub Cim Yug yog ib txoj kev teev ntuj muaj nqes thiab zoo heev li. HT Yes Xus nyiam kom peb txhob hnov qab nws. Nws xav kom peb txhob cia nws nyob ib leeg tsis muaj tus mus saib mus xyuas.Tus twg nquag mus saib HT Yes Xus hauv lub Cim Yug yuav tau txais txiaj ntsim ntau.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Tub Kawm 19th November 2012, 10:59 am


    Nyob zoo sawv daws.

    Thov nug nej tias: nej puas muaj zaj teev Ntuj uas nyob rau hauv ib xyoos puag ncig es cov Tswv Qhia muab sau rau hauv daim ntawv xam nyoog, kom qee ib hnub chiv los hawm lub cim yug og?

    Zaj teev ntuj ntawd nws muaj 7 los 8 ntu. Thaum hais zaj teev ntuj mas muaj txhos caus thiab, sawv, zaum, tib si. Thaum yuav pib hawm lub cim yug mas Leej Choj los Xib Hwb muab lub cim yug los tso rau ib lub tais, lub chim yug nyob rau hauv ki nrab lub tais ntawd, kom sawv daws ntsia lub cim yug. Nyob rau hauv zaj thov ntuj mas muaj yim ntu, thiab muaj zoo xws li nyeem ntawv ntshiab tib si.

    Nyob rau hauv 8 ntu ntawd, yog cov pawg ntseeg txaus mas muab faib ua 8 pab tuaj hawm lub Cim Yug. Ib pab hawm ntu 1, pab 2, hawm ntu 2. Txeev ua li ntawd mus txog rau ntu 8.. Nyob rau peb sab ntuj no mas hauv ib lub Cheeb Koom Txoos twg ua muaj cov tsev Teev ntuj, uas muaj lub Cim Yug nyob hauv tsi tu ncua mas txhua hnub chiv twb muaj mus hawm lub Cim Yug tsis tu ncua. Tiam sis ib hnub chiv, cov Tswv Qhia lawv tsuas muab cais faib rau cov teev ntuj 2 los 3 lub tsev teev ntuj tau hawm lub Cim Yug xwb. Tsis yog tas nrho cov tsev teev ntuj nyob hauv lub Cheeb Koom Txoos ntawd tau hawm lub Cim Yug.

    Kuv xav mas nyob rau nej sa teb chaws yuav muaj cov zaj teev ntuj no xwb. Yog tias muaj no nej coj tuaj tso pub rau peb tau kawm thiab og. Zaj teev ntuj ntawd nyob rau hauv ntu 8 mas yog thov rau yus tus kheej kom yus txawj ua HT Yes Xus ib cov hauv paug xa lus. Thiab piav txog Tswv Yes Xus tso Yus Teb tseg, es Nws hla Xas mas lias teb mus rau Nkas li lais teb. Thaum nws mus txog ntawm Yas kos lub qhov dej, uas tus poj niam Xas mas lias tuaj ce dej uas Yes xus tau nrog tus poj niam tham txog nws lub neej. Thiab piav txog zaj paj lug hais txog cov nra nyiaj ua tus tswv muab faib rau cov tub txib mus ntxeev kom tau paj tshiab. Kuv tham li no xwb, Vam tias nej yuav muaj zaj teev ntuj ntawd. Yog nej muaj no coj tuaj tso pub rau peb kawm, ua tsaug.

    Mus hawm lub CIM YUG hauv Tsev Teev Ntuj 15 nas this. Enfant10
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Maiv Tooj 20th November 2012, 11:01 am



    Nyob zoo Tub Kawm,

    Zoo kawg, koj nug ib cov lus tseem ceeb heev.
    Peb nyob rau ib lub teb chaws khwv khwv es peb twb tssi muaj caij mug Hawm lub Cim Yug.

    Cov txheej txheem uas koj nug nov, kuv yuav teb tsis tau rau koj, cia kuv mam nug mus rau TP.Cwj Vuam Chiv seb nws puas muaj caij sau tuaj rau peb tau khaws cia.

    Zoo siab uas nej lub teb chaws muaj txoj kev ntseeg ruaj khov thiab kub siab.
    Thov kom Tswv Ntuj pub lub txiaj ntsim rau nej li nej txhua leej.

    Mus hawm lub CIM YUG hauv Tsev Teev Ntuj 15 nas this. Chaulu10

    Sponsored content


    Mus hawm lub CIM YUG hauv Tsev Teev Ntuj 15 nas this. Empty Re: Mus hawm lub CIM YUG hauv Tsev Teev Ntuj 15 nas this.

    Post  Sponsored content


      Current date/time is 28th March 2024, 3:37 pm