Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Yesterday at 9:11 am

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 8:53 am

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 8:46 am

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 8:44 am

» Saib duab txawv txawv
by Maiv Tooj 24th July 2017, 1:26 pm

» TP.Txhiaj Foom lub TSEV Ntawv
by Maiv Tooj 19th July 2017, 9:25 am

» Txiv Plig Neej Vaj
by Maiv Tooj 18th July 2017, 4:31 pm

» Xib Hwb Thoj Xyooj lub neej
by Maiv Tooj 3rd July 2017, 2:58 pm

» Sib pab txuag tswv ntuj pab yaj
by Maiv Tooj 3rd July 2017, 7:08 am

» MOO QAIJ QAUG
by Tub Kawm 2nd July 2017, 6:06 pm

» VAJ QHIA FRANCIS TSA TSWV QHIA LING THIAB PLAUB TUG TSWV QHIA NTXIV UA CARDINALS
by Mim 29th June 2017, 7:20 pm

» PIAV LUB XYOO TEEV NTUJ.
by Maiv Tooj 15th June 2017, 10:06 am

Suav neeg tuaj saib, txij hnub 17/09/2010 los mus.


    KWV TIJ HMOOB COB TSIB

    Share
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 52
    Localisation : Fresno, California, USA.

    KWV TIJ HMOOB COB TSIB

    Post  Npuagtub on 4th April 2012, 1:55 pm

    Nyob zoo cov phooj ywg,

    Administrator thia cov Moderators nej saib tsab xov xwm no yog tsis zoo tso hauv no ces nej muaj tsem mus nawv, kuv xav kom nej paub xwb vim yog TP. Txhiaj Foom xav tau kev pab cuam los ntawv peb sawv daws. Xav tias nej yuav hnov thiab pom cov xwm no lawm. TP. tau xa tuaj mus rau peb nyob Mev Kuj.




    Sent: Saturday, March 31, 2012 3:08 AM
    Subject: nyob zoo

    nyob zoo txiv plis txhiaj foom ntawm no kuv uas yos vam kuv xyooj
    yuav sau me ntsig txog peb tej teeb meem xa rau koj tus ua txiv
    2-3 nub no kuv muaj kev nyuaj siab ntau heev kuv thiaj tsi khoom xaa rau koj le thov txim os txiv plis txhiaj foom

    KEEB KWM MOOB VIETNAM RAUG TSIM TXOM TAU

    20 LUB XYOO DHAU LOS

    yav thaum ub peb sawvdawg puav leej coj txoj kev teev dab teev qhua los txog rau xyoo 1990 peb sawvdaws thiaj tau nov xf vam txoov lis qhia txoj moo zoo ua lus moob tawm hauv xov tooj cua nyob nroog manila philipine

    txij xyoo 1990 ntawm peb cov moob nyob cob tsib teb thiaj le los ntseeg yexu thiab teev hawm huab tais yexu lawm
    nom tswv nyab laj thiaj tsi txaug siab rau peb cov moob nyob cob tsib teb. thiab nom tswv nyab laj tau muab peb cov moob nteg coj mus kaw thiab muab ib txhia ntaug tuag

    rau hauv tej tsev rau txim thiab muaj ntau tus raug ntau tuag rau tom tej kev thiab muaj ntau tus raug muab tua pov rau hauv dej tsi tag le ntawm nom tswv cob tsib tseem liam hais tias qhov ua peb ntseeg yexu no yos ntseeg raws mekas thiab fabki xwb no

    nom tswv tau muab peb tej liaj teb rho tag hauv tib sis tsi pub peb ua noj ua haus le txij le xyoo 1990 los txog rau xyoo 2011 peb ib tsoom moob raug tuag lawm ntau los ntawm nyab laj koom sam txoj kev tsim txom quab yuam tau 20 lub xyoo dhau los

    ua rau sawv dawg nyiaj tsi taug le lawm thaum lub 05/2011. tsoom moob thiaj li tau mus taij thov nom tswv cob tsib kom pub peb teev ntuj raws le txoj kev cai lij choj ua nom tswv tau hais
    thiab pub liaj pub teb rov rau peb tau ua noj ua haus ntxiv kom peb zoo le ib tus pej xeem cob tsib thiab

    ces lub sij hawm ntawm nom tswv tau siv fwj chim ntaus thiab tua peb cov moob cob tsib tuag lawm ntau heev thiab tseem nteg ib txhia coj mus kaw lawm thiab ib txhia cia li ploj rau lub sij hawm ntawm lawm

    tam sim no tseem tshuav txog li ntawm 1000 tus moob khiav mus nkaum hav zoov hav tsuag noj mab noj qos thiab noj ntsuag xyoob ntsuag ntoo cawm txoj sia kom nyob nub dhau nub mo dhau mo lawm xwb

    tam sim no peb muaj 270 tus moob cob tsib tuaj thov ua neeg thoj nam tawg rog rau bang kok thailand muaj 4 tsev twb tuaj tau 3 lub xyoo lawm los UNHCR tsi kam pab li. ho peb muaj 46 tsev nyuav tuaj rau thaum lub 08/hli xyoo 2011 los txog rau xyoo 2012 tam sim no peb sawvdawg nyob bang kok thailand no ntsib txoj kev txom nyem tshaib nqhes thiab muaj mob muaj nkeeg tsi pom qab yuav mus kho rau qhov twg li txom nyem heev

    tag nrho peb cov moob cob tsib muaj yog 50 tsev thiab 270 lub tau hau neeg muaj ib nub peb 4 tus kwv tij tau mus ntsib xf txiv plis txhiaj foom thiab tham txog peb tej teeb meem rau txiv plis noog.

    tam sim no peb sawvdawg txom nyem heev lawm lauj
    thiaj sau tsab ntawv no tuaj thov txog txiv plis txhiaj foom thov koj tus ua txiv pab nrhiav kev los cawm peb lauj

    thiab thov nej ib tsoom xf txiv plis thiab ib tsoom moob uas nyob rau sab USA thov nej sawvdawg pab hlub peb thiab cawm kom peb dim hauv qhov chaw ua txom nyem no mus

    thiab tam sim no nub 16/03/2012. UNHCR nyob bang kok tab tom muab peb moob cob tsib txiav tsi pub xam phaj mus USA lawm thov nej sawvdawg los pab nrog hais rau tseem hwv UN saib lawv puas yuav qheb qhov rooj txais peb lawm peb niaj nub tog ntsoov nej sawvdawg txoj kev pab cawm tsi hais zaub mov noj los yog nyiaj txiag los yog pab los hais txoj cai los yog

    peb yuav nco ntsoov nej tej txiaj ntsim mus ib txhis li thiab muaj lug ua txiv plis txhiaj foom thiab nej sawvdawg tsaug ntau ntau
    muaj dab tsi thov nej hu kuv tus xov tooj tau (6689-223-2466)
    (6680-603-1669)
    email. chimkuvsiabheev@yahoo.com
    . hoa_xiong@yahoo.com

    Tus sawv cev thov sau npe

    vaam kub xyooj


    Last edited by Npuagtub on 5th April 2012, 7:07 am; edited 1 time in total
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 52
    Localisation : Fresno, California, USA.

    Re: KWV TIJ HMOOB COB TSIB

    Post  Npuagtub on 4th April 2012, 2:06 pm



    From: Daniel Taillez
    To: chueh2008@yahoo.com
    Cc: taudejcawmsiav@live.com; yangchiv@hotmail.com; chimkuvsiabheev@yahoo.com
    Sent: Friday, March 30, 2012 7:58 AM
    Subject: Tau hnov lo lus

    Rau nej 4 leeg
    =Vam tias nej tseem nyob zoo li qub
    = Xav nug nej saib: nyob nram Bangkok mas Vaam Kub Xyooj ( tus kwv tij uas tuaj ntawm Cob Tsib teb tuaj) mas nws tau sau nws tsab ntawv nthuav piav law tej teeb meem loj. Mas kuv tau xa tsab ntawv ntawd mus rau nej sawv daws , vim tias kawg yuav tsum mloog lawv tej kev txom nyem lauj !
    = Nej tau txais tsab ntawv ntawd lod ?
    = Tau hnov lus tias ::"Zaj lus tias : ib tug thawj coj hauv ib lub NGO, tsis hais cov Plos Tes Taas los cov Kav Tos Liv , tim USA los tim Fab Kis, nws yuav sawv kev mus tim Thaib teb- ces yuav thov tseem hwv Thaib pub daim ntawv zeem tias lawv 200 tawm leej yog neeg thoj nam khiav tsov khiav rog,,,ces cov kwv tij ntawd mam li yuav tau kev mus pej kum teb.."
    "...mas ntshai tsam yuav tsis ua raws li zaj lus ntawd.. kuj yog vim 2-3 yam
    = Qhov tias ib tug neeg( tim USA los Fab Kis teb) yuav tuaj xyuas lawv tau, ces yuav xav saib : yuav pab li cas ? yuav ua li ntawd xwb..
    = Yuav xyuas saib : 2-3 tug kwv tij uas xyoo 2007 lawv cia li tau sawv kev mus tim USA, ( xws li Thoj A. Tsheej - Muas Zam Tooj - Nom Lwm Muas ,,,uas lawv nyob tim ?? California ? tim WI ? ) lawv tau ua li cas thiaj mus tim USA tau ? - Mas yuav yog ib yam tseem ceeb los pab cov kwv tij tim Bangkok..
    = Lawv yuav raug txom nyem ntev li cas? mas tsis muaj leej twg paub.Yog vim qhov ntawd, kuv yuav tsum hais ib lo lus ceeb toom rau nej, ua npaj siab xa nyiaj txiag los pab tias : yuav pab lawv ntev hli ntev xyoo
    .Mas saib :
    A :nej nyob tim USA
    1 : nej twb paub txoj hau kev xa nyiaj mus,,mas cia nej ua li nej ua tau..
    los
    2 : nej tsis paub..Mas lwm hnub tuaj kuv yuav qhia nej txog ib lub"Bank Account" tim Bangkok -Yog peb cov T.P. lub.
    B : nej nyob tim Fab Kis teb. Mas yuav yog T.P. Cwj Vuam Yaj Chiv uas yuav xa nyiaj mus

    = Lo lus xaus: thov kom nej kub siab pab txhawb nqa lawv lub neej os mog. Xub ua nej tsaug ntau
    Kev Thaj Yeeb Nyab Xeeb = Peace - ?Bin An...in Vietnamese = Paix
    T.P. Txhiaj Foom omi

    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: KWV TIJ HMOOB COB TSIB

    Post  Maiv Paj Lug on 5th April 2012, 5:40 am

    kuv tsis tshuam to taub zoo cov lus saum toj nod, puas yog hais tias muaj ib co Hmoob Cob Tsib nyuam qhuav rov khiav tuaj ua thoj nam rau sab thaib teb dua lawm thiab? puas yog lawv xav tau kev pab? pab qub tas los no peb Hmoob Fab Kis Teb twb pab li peb pab tau rau Txiv Plig Cwj Vuam Chiv , los puas yog pab qub xav rov tau kev pab?





    <3 <3 Pab kuv rov los cuag koj Huab Tais Yesxus <3 <3
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 52
    Localisation : Fresno, California, USA.

    Re: KWV TIJ HMOOB COB TSIB

    Post  Npuagtub on 5th April 2012, 6:59 am

    Kuv los tsis paub zoo thiab, TP. Txhiaj Foom xa tuaj rau cov thawj coj nyob Mes kas xwb, tsis nco tias pab qub ho muaj tsawg leej, vim zoo li pab qub muaj ib txhia twb tuaj nyob rau California thiab Wisconsin lawm nej cov paub sim nug saib yog cov qub los cov tshiab?
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5302
    Date d'inscription : 2009-08-18

    Re: KWV TIJ HMOOB COB TSIB

    Post  Maiv Tooj on 5th April 2012, 9:31 am


    Nyob zoo Maiv paj Lug thiab XH.Npuag Tub,

    Maiv paj Lug, cov nov yog cov uas thaum i kuv xa moo rau koj xwb. Tsis yog cov uas twb khiav mus txog USA lawm. Cov nov yog cov uas khiav tau muaj 7-8 hli no xwb. Lawv nyuam qhuav los txog rau Thaib teb tsis tau ntev heev.

    Kuv tso ib tsab Mail uas ib lub Koom Haum tau tsa ncauj thov kev pab cuam ntawm sawv daws:

    Nyob zoo sawv daws.

    Kuv zoo siab xa tsab xov no rau nej. Kuj tu siab kawg tias peb tus hmoob kiag, yeej tsis muaj leej twg yuav cev 1 tug ntiv tes . Luag tus sab nraud kuj peem ciaj peem tuag, tseem tsis tau 100 % los kuj cawm tau tus puav lawm. Nej xav li cas ?

    thov hais rau cov thawj tswj, Vam tias thaib tos ntsoov , thov kom nej yuav tau tsa nej lub ncauj pab thov saib sawv daws puas yuav pub tau lub puav npib daj pov rau lawv. Vim nuaj hnub no, 2-3 tug hu xv tooj tsis tseg, quaj qaws rau kuv. Kuv tsis pom qab yuav ua zaj twg, hais tsis tau 1 los. Qhov hauj lwm no yuav hais los yog nej cov tswj yuav tsim nyog muab coj los xav thiab nqes tes pab cuam. Qhov nov yog ib qho maj ceev uas yuav cawm ib txoj sia. kuv vam ntsoov tias nej cov los tuav hauj lwm yuav leg lub luag hauj lwm no mus ntxiv....

    ua tsaug ntau.

    Moua e


    Muaj ib tsab mail mas hais txog Thaib ntes tau 6 leej txiv neej coj mus rau tim ciam teb Nplog, yog txoj kev uas lawv taug tsis muaj rov qab. Zoo li muaj ib tug mas yog me nyuam tub hluas xwb. Tab sis kuv nrhiav tsis tau tsab mail ntawd lawm ces kuv tham rau nej mloog xwb.

    Tu siab kawg, yog kuv muaj hwj huam, kuv yuav cev tes rub txhua leej kom hnov lub suab luag.
    Tu siab tshaj, yog kuv ib nyuag muaj peev nyiaj txiag, kuv yuav pub tau ib teev dej los ywg tej nroj tsuag rau tshav ziab.
    Cas kuv muab ntsej mloog, muab qhov muag ntsia es kuv yuav hnov lawv lub suab ncia xwb.



    avatar
    paris.xa moo

    Messages : 28
    Date d'inscription : 2010-05-06

    cov hmoob Cob Tsib khiav tuaj Thaib sab

    Post  paris.xa moo on 5th April 2012, 9:09 pm

    Nyob zoo sawv daws.

    Cov hmoob cob tsib khiav tuaj Thaib no mas tsis hais tus nyob sab nraud los nyob hauv nkuaj ICD muaj coob tus niaj hnub hu xov tooj rau kuv quaj qaws.....muaj 1 co mas twb tuaj tau 3 xyoo slawm, 1 txhia kuj raug ntes coj mus kawm tom nkauj ICD ( centre de détention internationale) , ib co nyob sab nraud. Raws tus sau sau ntawv rau kuv ntaws mas muaj 1 pab no yog cov Protestant " Jean Baptiste". Cov nyuam qhuav khiav tuaj tshiab no tau 3-4 hli no ces cov coob tseem nyob sab nraud , nyiag nyob ua dog dua dig , tus puav kuj muaj ntaub ntawv provisoire 1 hli UN lawm. 1 co twb raug ntes lawm. thaum nraug ntes mus kaw lawm ces yuav tsum yog tau nyiaj li 1200-1300 euros thiaj msu tso tau 1 tug. Cov tam sim no mas lawv hais rau kuv tias lawv yog Xib hwb Vam Txoov Lis lawv pab. Kuv tus kheej kuj nrhiav kev pab raws kuv pab tau. Kuv kuj tau hu mus thov kev pab ntawm Tus pasteur Hawj Nruas nyob Tseej Maim, hais rau Commandant Vam Nyiaj, Lis Foom Tub Suav......Hais thov Yaj Nkaj Mas, tus nyo Guyane , paub cov nom tswv nrad uas nyiam hmoob , av muaj ntau saib puas mauj kev pab.....
    kuv kuj xav xa nrhaiv txuas lus nrog cov hmoob ua nom, ua hauj lwm tim tsev dawb......yog leej twg paub no thov qhia. Peb yauv tsum khob txhua xthau lub qhov rooj...yeej yuav muaj 1 lub qhib....


    Thaum kuv tau tias lawv yog Xib Hwb Vam Txoov Lis lawv pab ces kuv kuj tau mus cuag tus tswj pawg ntseeg protestant nyob Paris no nrog nws tham nrhaiv kev pab li cov yav tas los ua lawv tau tuaj tos msu nyob Mes kas li TP Thiaj Foom hais los nrm no. Nws kuj hais rau kuv tias nws yuav hu msu rau 1 tug XH protestant tseem Ceeb nyob Thaib mus xyuas...yog muaj tseeb lawm ces yuav tsis muaj teeb meem, lawv muaj mam hais rau lawv lub tsev hauv paus loj nyob NEW YoRk ua tus mus xyuas thiab ua ntaub natwv koom lawv tau mus Meskas ib yam li cov dhau tas los no.....Kuv kuj muaj vam kawg.


    Tsis hais cov sab nraud, cov hauv Nkuaj, kuv muaj lawv xov tooj, muaj UN tus xov tooj tom ICD, muaj tus hmoob tuaj ua hauj lwm tod npe ....muaj lawv tej ntawv sau tuaj rau kuv.....


    muaj 1 tug kuj tau xa qhov xov xwm no rau kuv...thiab nws kuj muab coj mus faib rau cov hmoob cob tsib tim thaib tuav 1 leeg 1 daim. lawv kuj hu tuaj tau kuv tias puas yog kuv xa thaib yog dab tsi ? kuv kuj hais rau lawv tias yog 1 tsab xov xwm hais txog lawv kev txom nyem nyob lawv teb chaws, kom nqa rawv nrog lawv. Thaum UN hu lawv mus, lawv yuav tsum muab rau UN saib....

    http://www.unhcr.org/refworld/docid/4f71a66ec.html


    hais rau nej paub tias 2-3 hli dhau los kuj muab 1 co tuaj, Nkoj nchuav ces kuj tuag tag lawm, dim 2-3 tug xwb. tus puav ces thaum tuaj txog nplog teb ces lawv ntes cov txiv mus kaw kaw tuag kus rau hauv nkuaj lawm...tshuav niam , me nyuam xwb. Muaj 2 tug me nyuam ntsuag thiab. Niam txiv kuj tuag tag lawm....

    Lawv kuj sib hlub kawg....xa tau me me nyiaj msu, lawv kuj muab sib faib yam haum pheej. kuv zoo siab thiab vam txog nej sawv daws txoj kev hlub, vam txog Tswv Ntuj lub txiaj ntsim....

    Yog leej twg xav tau lawv xov tooj los ten ntawv lawv sau rau kuv los yeej tau. sau ntawv rau : tsevhmoob.catholique.rp@gmail.com

    Lawv nyob 1 hnub, xam 1 hnub, nyob 1 hmo xam 1 hmo.....

    Ua tsaug nej lub siab ntev nyeem kuv daim ntawv thiab vam ntsoov nej txoj kev koom tes.

    paris.xa moo



    Npuagtub wrote:

    From: Daniel Taillez
    To: chueh2008@yahoo.com
    Cc: taudejcawmsiav@live.com; yangchiv@hotmail.com; chimkuvsiabheev@yahoo.com
    Sent: Friday, March 30, 2012 7:58 AM
    Subject: Tau hnov lo lus

    Rau nej 4 leeg
    =Vam tias nej tseem nyob zoo li qub
    = Xav nug nej saib: nyob nram Bangkok mas Vaam Kub Xyooj ( tus kwv tij uas tuaj ntawm Cob Tsib teb tuaj) mas nws tau sau nws tsab ntawv nthuav piav law tej teeb meem loj. Mas kuv tau xa tsab ntawv ntawd mus rau nej sawv daws , vim tias kawg yuav tsum mloog lawv tej kev txom nyem lauj !
    = Nej tau txais tsab ntawv ntawd lod ?
    = Tau hnov lus tias ::"Zaj lus tias : ib tug thawj coj hauv ib lub NGO, tsis hais cov Plos Tes Taas los cov Kav Tos Liv , tim USA los tim Fab Kis, nws yuav sawv kev mus tim Thaib teb- ces yuav thov tseem hwv Thaib pub daim ntawv zeem tias lawv 200 tawm leej yog neeg thoj nam khiav tsov khiav rog,,,ces cov kwv tij ntawd mam li yuav tau kev mus pej kum teb.."
    "...mas ntshai tsam yuav tsis ua raws li zaj lus ntawd.. kuj yog vim 2-3 yam
    = Qhov tias ib tug neeg( tim USA los Fab Kis teb) yuav tuaj xyuas lawv tau, ces yuav xav saib : yuav pab li cas ? yuav ua li ntawd xwb..
    = Yuav xyuas saib : 2-3 tug kwv tij uas xyoo 2007 lawv cia li tau sawv kev mus tim USA, ( xws li Thoj A. Tsheej - Muas Zam Tooj - Nom Lwm Muas ,,,uas lawv nyob tim ?? California ? tim WI ? ) lawv tau ua li cas thiaj mus tim USA tau ? - Mas yuav yog ib yam tseem ceeb los pab cov kwv tij tim Bangkok..
    = Lawv yuav raug txom nyem ntev li cas? mas tsis muaj leej twg paub.Yog vim qhov ntawd, kuv yuav tsum hais ib lo lus ceeb toom rau nej, ua npaj siab xa nyiaj txiag los pab tias : yuav pab lawv ntev hli ntev xyoo
    .Mas saib :
    A :nej nyob tim USA
    1 : nej twb paub txoj hau kev xa nyiaj mus,,mas cia nej ua li nej ua tau..
    los
    2 : nej tsis paub..Mas lwm hnub tuaj kuv yuav qhia nej txog ib lub"Bank Account" tim Bangkok -Yog peb cov T.P. lub.
    B : nej nyob tim Fab Kis teb. Mas yuav yog T.P. Cwj Vuam Yaj Chiv uas yuav xa nyiaj mus

    = Lo lus xaus: thov kom nej kub siab pab txhawb nqa lawv lub neej os mog. Xub ua nej tsaug ntau
    Kev Thaj Yeeb Nyab Xeeb = Peace - ?Bin An...in Vietnamese = Paix
    T.P. Txhiaj Foom omi

    [u]
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5302
    Date d'inscription : 2009-08-18

    Re: KWV TIJ HMOOB COB TSIB

    Post  Maiv Tooj on 9th April 2012, 10:31 am


    Xov xwm tham txog Hmoob Cob tsib thoj nam los raug kev txom nyem nyob Thaib teb.

    Nias hauv qab nov mus nyeem.

    http://www.unhcr.org/refworld/docid/4f71a66ec.html

    XH.Npuag Tub, kwv Ntxhuav Mom Xyooj thiab Mim, yog nej leej twg khoom no pab txhais ua lus Hmoob puas tau?

    Ua tsaug.



    avatar
    paris.xa moo

    Messages : 28
    Date d'inscription : 2010-05-06

    Re: KWV TIJ HMOOB COB TSIB

    Post  paris.xa moo on 22nd April 2012, 1:40 am


    AWB ....kuv cov niag " hmoob " ,

    Kuv yuav ua li cas thiaj yuav npo tau nej , rub tau nej tes....
    yuav ua li cas kom txhob hnov nej lub suab quaj, suab tshaib , suab nqhis ???
    kuv khob lub qhov rooj twg los tsis qhib, qw thoob qab roob qaum roob los ntiaj teb ntsiag to !!

    Kuv tu siab nrho....
    ntuj teb tag hmo,
    tsaug tis taus zog,
    nej tau tshais loo tsis tau hmo,
    tau ib nyuag tau tes txhuv ua kua dis noj,
    los ntshai tub ceev xwm tshee nyho,
    kuv to taub nej txoj kev tos,
    tos peb hmoob sab ntuj no ib nyuag lo,
    puav tam Av qhuav qhawv tos teev nag poob los....
    Zaum no ces ......kuv peev xwm tag li no,
    ntshai kev cia siab TAG LIS NRHO......................
    tso sawv daws txoj sia rau Lub Ntuj i coj,
    tu siab,cas yus tsis yug ua "Mab" los ua NPLOG,
    txawm hnov Hmoob tej kev txom nyem no,
    kuv thiaj pos tau ntsej kom txhob hnov,
    nqi tau muag tau muag kom txhob pom.......

    cas yuav yug tau los hmoob xeem Lauj,
    hmoob txom nyem, yuav ua txuj tsis paub,
    hmoob ciaj hmoob tuag los yog kuv Plaub,
    Txhua tus hmoob twg paub, ua txuj tsis paub,
    tsis tsa 1 tug ntiv tes los raus,
    tus ntawd...kiav xeem ua mab ua suav los UA NYOG LAWM LAUD.....

    Sad Sad
    Nrog txoj kev hlub kev tu siab


    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5302
    Date d'inscription : 2009-08-18

    Re: KWV TIJ HMOOB COB TSIB

    Post  Maiv Tooj on 23rd April 2012, 6:42 am



    Nyob zoo Paris Xa Moo,

    Wow...! Cas nws yuav hais tau ib cov lus tu siab ua luaj li.
    Yog kuv lub zog loj, kuv yuav nphau toj
    Yog kuv lub zog nchav, kuv yuav nplhau ras
    Tab sis kuv lub zog me ces kuv lam ua ntsaum kwv pleb
    Tab sis kuv lub zog tab ces kuv lam ua me noog kwv quab nyab

    Yog kawg, tus txom nyem yeej xav hlub
    Pom luag quaj yus lub siab yeej tsis khuv
    Tab sis tsis muaj ces cuag li nim ruaj ruaj
    Tab sis yog cev tsis tau ces cuag li nim nplaum nplaum ...xwb tiag.



    avatar
    paris.xa moo

    Messages : 28
    Date d'inscription : 2010-05-06

    Re: KWV TIJ HMOOB COB TSIB

    Post  paris.xa moo on 23rd April 2012, 10:10 am

    HMOOB COB TSIB LUB SUAB NCIA

    Sad Sad
    Tub ceev xwm cab kuv tus txiv mus kaw twg ….
    Txiv hu tuaj hu tuaj los quaj ncia quaj ncia
    Tub ki nraug ntes kaw twg, tsis pom qab nrhiav
    Tub hu tuaj quaj thov quaj thov
    Phauj aw, peb tshaib tshaib nqhis nqhis mov
    Ntxhais hu tuaj quaj dhia quaj dhia
    Luag caum peb ntes cuag caum tsiaj
    Thov tsoom hmoob sab tim nej
    Nco ntsoov, txhob tso peb tseg
    Txhob tso peb rau luag tua tam tus dev
    Thov nej cev tes cawm peb txoj sia
    Tus muaj peev xwm thov qhia
    Tej ua nom ua tswv, thov nej nawb
    Thov nej cev peb kev tsim txom rau “Tsev Dawb”
    Kom luag tso neeg tuaj tshuaj tuaj tshawb
    Peb kev tsim txom, raug luag tua luag raws…
    Khaum zoov nkaum tsuag, siav tsis tu
    Pus siav tuag tshwm Thaib Ntuj,
    Vam zoj tias zaum no dim kev tuag
    Cas…ntawv tsis muaj, tseem mag nkuaj
    Zoo tsis zoo, tseem yuav raug xa
    Rov rau ntuj qub qab
    Rau luag coj mus TXIAV CAJ DAB…..
    Ziag no, ua ntaj teg THOV NEJ THIAB LOS MAS…..
    Leej twg yog ntshav hmoob,
    Thov hais kom thoob
    Muaj zoo laj lim tswv yim, zoo siab zoo plawv
    Tsuag tsuag nawb, peb nej kev txhawb
    Txhob tso peb rau txoj kev tuag
    Thov nej hlub peb 2 lub qhov muag
    Ntsais duj dauv , cev caj dab rau luag txiav
    Txiv taus txiv ncia, niam taus niam nyiav
    Ntsia li ntsoov luag ntaj liag kuv tub pov NAJ KHOOS….

    [center]THOV NEJ NCO NTSOOV PEB OS …KUV TSOOM HMOOB…[b]
    [center]
    avatar
    paris.xa moo

    Messages : 28
    Date d'inscription : 2010-05-06

    Re: KWV TIJ HMOOB COB TSIB

    Post  paris.xa moo on 23rd April 2012, 10:15 am


    HMOOB COB TSIB LUB SUAB NCIA

    Sad Sad

    Niam hu tuaj los quaj qw quaj qw
    Tub ceev xwm cab kuv tus txiv mus kaw twg ….
    Txiv hu tuaj hu tuaj los quaj ncia quaj ncia
    Tub ki nraug ntes kaw twg, tsis pom qab nrhiav
    Tub hu tuaj quaj thov quaj thov
    Phauj aw, peb tshaib tshaib nqhis nqhis mov
    Ntxhais hu tuaj quaj dhia quaj dhia
    Luag caum peb ntes cuag caum tsiaj
    Thov tsoom hmoob sab tim nej
    Nco ntsoov, txhob tso peb tseg
    Txhob tso peb rau luag tua tam tus dev
    Thov nej cev tes cawm peb txoj sia
    Tus muaj peev xwm thov qhia
    Tej ua nom ua tswv, thov nej nawb
    Thov nej cev peb kev tsim txom rau “Tsev Dawb”
    Kom luag tso neeg tuaj tshuaj tuaj tshawb
    Peb kev tsim txom, raug luag tua luag raws…
    Khaum zoov nkaum tsuag, siav tsis tu
    Pus siav tuag tshwm Thaib Ntuj,
    Vam zoj tias zaum no dim kev tuag
    Cas…ntawv tsis muaj, tseem mag nkuaj
    Zoo tsis zoo, tseem yuav raug xa
    Rov rau ntuj qub qab
    Rau luag coj mus TXIAV CAJ DAB…..
    Ziag no, ua ntaj teg THOV NEJ THIAB LOS MAS…..
    Leej twg yog ntshav hmoob,
    Thov hais kom thoob
    Muaj zoo laj lim tswv yim, zoo siab zoo plawv
    Tsuag tsuag nawb, peb nej kev txhawb
    Txhob tso peb rau txoj kev tuag
    Thov nej hlub peb 2 lub qhov muag
    Ntsais duj dauv , cev caj dab rau luag txiav
    Txiv taus txiv ncia, niam taus niam nyiav
    Ntsia li ntsoov luag ntaj liag kuv tub pov NAJ KHOOS….

    THOV NEJ NCO NTSOOV PEB OS …KUV TSOOM HMOOB…


    Sad Sad gg gg














    Sponsored content

    Re: KWV TIJ HMOOB COB TSIB

    Post  Sponsored content


      Current date/time is 28th July 2017, 4:00 am