Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Yam uas Hmoob yuav tau hloov yog?

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Yam uas Hmoob yuav tau hloov yog?

    Post  Maiv Paj Lug on 26th March 2012, 3:58 am

    Nyob hauv peb haiv Hmoob,kev txawj kev ntse Hmoob kuj caum cuag lwm haiv neeg . Tiam sis tseem tshuav qee yam uas peb Hmoob hloov tsis tau ua rau peb Hmoob poob qab thiab tsis paub kev cai yog :

    _ Thaum peb muaj ib pluas noj, peb teem sij hawm kom tuaj noj mas peb Hmoob tuaj tsis xib xws, tus tuaj tav li cas los muaj , ua rau peb Hmoob laug sij hawm ntev ntev , koom tsis raws caij.

    _ Thaum peb Hmoob daus zaub daus mov noj, tsis yog yuav daus kom noj tag, tus daus tej phaj tshaj nws lub plab ntim los muaj.

    _ Peb Hmoob tham lus ntau dhau tshaj qhov mus mloog ib lub koom haum , nyias tos nyias tham nyias plis plis plos plos tsis tham raws kev raws cai.

    _ Thaum Hmoob muaj kev sab laj, tham tsis tau tas ib txhia twb sawv mus haus luam yeeb.

    _ Hmoob muab kev dej num rau ib txhia coj, lwm tus tuaj tshum thiab thuam tas li.

    _ Thaum muaj ib lub ntees tuag, ib txhia coj tag niam tub txiv nyug tuaj noj luag tej zaub tej mov, yam twb tsis txaus txhawb thiab pab luag kom ntau txaus tsim nyog.


    Yog peb Hmoob coj li no tas li, yuav ua rau peb poob qab tas li.

    / Lwm haiv neeg thaum luag teem caij li cas yuav tsum mus kom ncav, tsis ncav luag yeej tsis tos.

    / Thaum muaj kev sib sab laj sawv daws mloog, yog tsis tau kev tso cai luag yeej tsis qhib qhov ncauj .

    / Thaum tsis tau muaj tus hais kom so mus haus dej lam cua me ntsis ( pause) mas yeej tsis muaj ib tug yuav sawv khiav tawm mus sab nraud.

    / Thaum luag xaiv tau leej twg ua dej num , yeej tsis muaj ib tug yuav los tshuam thiab cem kom li ub li no tuaj.

    / Thaum luag mus koom ib lub ntees tuag, luag lwm haiv neeg pab nyiaj rau tsev neeg muaj tus qauv qaij qaug thiab luag tseem mus noj mov sab nrauv tsis los tab kaum tsev neeg ntxhov siab kom tau noj.

    Yog nej leej twg muaj lwm yam tuaj qhia kom peb Hmoob xyaum hloov thiab paub kev cai nej tuaj tshaj hauv no los tau, maj mam kawm maj mam sib pab qhia seb puas muaj ib hnub peb haiv Hmoob xyaum tau qhov zoo tshaj qub tuaj.




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Yam uas Hmoob yuav tau hloov yog?

    Post  Npuagtub on 26th March 2012, 4:09 am

    Maiv Paj,

    Koj yog ib tug hluas, koj muaj lub zeem muag pom deb heev. Koj tej lus saum no yog ib co lus muaj nqis tshaj nyiaj thiab kub, puav leej yog lus tseeb tiag rau peb lub neej tshiab tiam 21 no kom peb yuav tau hloov, yog tus txawj nyeem thiab txawj mloog yuav pab tau nws lub neej hloov mus ib kauj ruam, tiam sis yog tus tsis txawj nyeem thiab tsis txawj mloog, yuav hais tias koj thuam thiab cem peb hmoob. Kuv thov qhuas koj cov lus os nawv.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Yam uas Hmoob yuav tau hloov yog?

    Post  Maiv Paj Lug on 26th March 2012, 5:13 am



    Nyob zoo XH NpuagTub,

    kuv hais li kuv pom peb Hmoob yoog tsis tau thiab hloov tsis tau tej yam yooj yim xws li kev xyaum kom sib raws thiaj tsis nyuaj rau txhua tus.

    Hais txog kev txawj ntse ces nyias yeej paub paub nyias , tej yam kuv hais saum no tsuas yog kev sib yoog kom sawv daws hloov seb puas yuav yooj yim dua rau peb Hmoob.

    Peb Hmoob pheej nyiam sib twv tham pem dua mloog lus. Vim li no coob tus kawm txawj tiam sis tsawg tus kawm ntse. Vim tib qho peb Hmoob tsis paub kev cai sib fij thiab sib hwm thiab sib yoog ntau, tsuas yog tib co txawj txawj xwb ces thiaj noj sij hawm ntau ntau los ua tau tsawg tsawg.




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Yam uas Hmoob yuav tau hloov yog?

    Post  Npuagtub on 26th March 2012, 9:04 am

    Mp,

    Lub neej tiam 21 no peb Hmoob feem ntau cov tuaj nyob teb chaws vam meej yeej pauv lawm ntau, tiam sis yeej tseem tshuav ntau yam yuav tau hloov, yog peb tsis hloov raws li lub ntiaj teb ces cov hluas phaum no yuav tsis nrog peb sib koom coj Hmoob tej hauj lwm. Ib yam li muaj kev sib tham nyob hauv ib pab pawg mas peb yuav tsum muab lub sij hawm rau tus yuav los tham ntawv raws li tus tuav lub rooj sib tham tau sau tseg, txawm nws yuav nyiam yog nom los tswv bpeb daim ntawv tso nws hais lus muaj ntev li cas ces tsuas pub hais li ntawv. Peb yuav txhob ntshai sawv daws tu siab, tej kev peb ua yav tas los vim peb sib hwm dhau ces ua rau peb ib leeg tsis kam hais ib leeg nyias tau nyias ua nyias.

    Kuv share me me li peb hmoob Catholic nyob Fresno lub rooj sab laj ib hlis ib zaug mas peb yeej teev muaj cov topic thiab tus neeg tuav feem ntawd los hais raws li nws feem cuam xwb. Ib yam peb muaj (1) Tus tuav Kab ke ntees, (2) Tus tuav qhia kev ntseeg (3) tus tuav qhia Nkauj (4) Tus tuav cov txoos teev ntuj (4) Tus tuav nyiaj txiag. Peb muab cov no los ua cov muaj feem cuam report cov hauj lwm lawv ua nyob hauv ib lub hlis los saib puas muaj dab tsi cuam tshuam, ces peb tham ib zaug no li 2 xuaj moos xwb, pub ib leeg hais li 3-5 nas this xwb. Vim lub sij hawm yog nyiaj txiag, txog sij hamw tham yog leej twg tsis tuaj los peb tsis tos li, ua li no mas thiaj li yuav haum tau cov hluas tiam neej no.

    Yuav ua tau ib pab ib pawg yuav tsum muaj tus coj. thiab muaj ib pab txwj laus los nrog ntsuam xyuas. Luag thiaj hais tias; ib sab tes npuaj tsis nrov, ib sab ceg sawv tsis ntseg, ib leeg xwb yeej ua tsis tau txhua yam dej num rau ib tse, yog li yuav sawv taus ua ib dab tsi tsis hais hauj lwm loj los me yuav tsum muaj ib pab (team) los sib koom siab koom zog mas thiaj li yuav ua tau, txhob cia ib tus ua tas mus li, txhua yam txhua leej yuav tsum muaj caij tas muaj caij kawg, mas yam tshiab thiaj li yuav muaj tawmn tuaj.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Yam uas Hmoob yuav tau hloov yog?

    Post  Maiv Paj Lug on 27th March 2012, 10:25 am

    XH NPuagTub, nej kuj coj tau zoo , raws li kev tswj hwm ces nej yeej ua tau zoo , thov kom tsuas muaj sib hwm li koj hais saum no mus xwb ces yeej yuav muaj kev sib pab tawm tuaj ntxiv.

    Hnub chiv tas los no, kuv tau mus koom ib lub rooj sab laj , teem lub caij yog 1:30PM , tiam sis mas twb ze ntawm 2:30PM neeg tseem tuaj tsis tau txhij, cov nyob ze ces xam tias lawv tsis maj mus tsev, peb cov nyob deb ces peb maj yuav rov qab vim kev deb. Tiam sis ua tiag siab ntev tos tos tos tos twb yuav dhau 3:00PM neeg mam li tuaj txhij, los ib txhia twb tseem tsis tuaj.

    Thaum tham kev sab laj, cov xub pib ces mloog ces paub txog lub hauv paus, cov tuaj tom qab kom rov hais dua vim tsis paub xyov hais li cas ua ntej, tus Tswj hauv lub koom Haum tseem rov pib hais dua mas ntev tiag rau peb cov tuaj ua ntej, twb ze ntawm 4:00PM nyuam qhuav tham tas thawj lub ntsiab xwb.

    Thaum tham tag thawj lub nstiab, cov xub tuaj twb sab sab lawm ces ib txhia cia li tawm mus hauv luam yeeb nraum zoov, cov tuaj tom qab nug tias txawm siv lawb kev sab laj lawm los cas, tus thawj tswj teb tias tsis tau, tus tswj tsa suab hu kom sawv daws rov los vim sij hawm tsis tos, tiam sis cov nraum zoov tias haus luam yeeb tas mam los, mus haus luam yeeb ces cia li mus tham ub tham no tsheej pawg nraum zoov tsis rov los, kuv zaum zaum sab tas, tos tos twb rov txog 5:00PM , kuv sij hawm tsis tos kuv, thiab kev los deb ces kuv hais rau tus tswj lub koom haum tias kuv nyob deb ces kuv tos tsis taus lawm, tiag mas kev sab laj pib thaum 1:30 PM mus txog 4:30PM xwb, tsam no twb dhau caij tas , twb yuav rov tsaus ntuj kuv yuav ua hauj lwm ntxov hnub monday thiab ces kuv mus tsev tos tsis taus lawm. Tus thawj tswj lub koom haum cia li lawb kev sab laj, nyias cia li mus nyias tsev yam tsis tau tham thiab txaus.

    Tseem tshuav ntau yam uas kuv pom Hmoob nyias ua raws nyias siab nyiam , koom tsis tau ib lub siab ua ke thiab xyaum kom paub kev cai me ntsis.




    <3 <3 Pab kuv rov los cuag koj Huab Tais Yesxus <3 <3

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Yam uas Hmoob yuav tau hloov yog?

    Post  Npuagtub on 27th March 2012, 10:50 am



    Mp,

    Koj hais yog kawg tej koj hais no, hmoob yeej ib txwm ua kam los. Tiam sis phaum hluas li nej yuav tau txhob coj li cov laus lawm, ntau zaus ib txhia hais tias siv moo hmoob, zaum no peb txhob siv moo hmoob lawm, sij hawm yog nyiaj txiag, peb yuav muab lub sij hawm saib muaj nqis yuav saib caij nyoog tseem ceeb. Txhob ntshai tu siab li yauv tau tsim kom muaj txoj cai los tswj los tham mas peb hmoob thiaj caum tau li lwm haiv neeg. Peb hmoob yeej tsis tau paub txog kev sib tham rooj sab laj ib pab ib pawg. tiam sis nej cov  hluas yuav tau xyaum hloov ua ntej ces tas cov laus lawm sawv daws thiaj li tsis ua ntxiv. Kuv yeej siab tsis ntev hais txog cov neeg tuaj tsis raws caij teem, thiab thaum ib tug tab tom hais lus lwm tus pheej tham lwm yam mas kuv yeej tsis nyiam cov neeg zoo li no. Thov peb hmoob yuav tau rua qhov muag mus saib lwm haiv neeg thiab os nawv mog hmoob...



    Photobucket

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Yam uas Hmoob yuav tau hloov yog?

    Post  Mim on 27th March 2012, 1:25 pm



    Nyob zoo Maiv paj Lug,

    Tau ob peb hnub no kuv caum tsis cuag nej li, nej twb tham tau ntau yam kawg li los kuv mam tuaj pom xwb. Koj cov lus hais txog tej yam Hmoob yuav tsum tau hloov no yog ib co lus zoo.Peb Hmoob ces yog neeg ib txwm nyob toj siab, lus Nplog hais tias yog neeg "npab noj," tsis paub kev cai li. Qhov koj piav txog nej mus sib tham es pheej tuaj tsis txhij, tuaj tsis ncav sij hawm ko mas yeej muaj tas mus li, nyob teb chaws twg los peb Hmoob yeej coj li ko ntau.

    Tiam sis ntawm peb nyob no qhov kuv pom uas peb pheej tseem tos tos neeg mas yog thaum muaj ib pluas noj pluas haus mas peb thiaj tos tus neeg tseem ceeb xwb, hos yog ib lub rooj sab laj lawm mas peb tsis tshua tos pes tsawg lawm. Peb yeej tseem yoog tsis tau tau tas nrho, tiam sis peb xyaum coj raws li luag lwm haiv neeg ntau dua lawm. Qhov loj mas yog tus coj yuav tsum ceeb toom hais hnyav rau txhua tus tias kom yuav tsum tuaj kom raws sij hawm, tus twg tuag tau lig ces peb yuav tsis muaj sij hawm rov tham dua ib lwm ntxiv rau nws lawm, mas kom tus twg tuaj tom qab xav paub nws mam nug thaum kev sib tham tag lawm xwb. Yog tus coj ua li no no ces kev sib tham thiaj yuav tham mus kom tas raws li muaj teev cia. Thiab yuav tsum xub hais tseg tias peb yuav siv sij hawm li 2 teev los puas 3 teev tham, mas tsis pub muaj kev yuav tawm mus haus luam yeeb tsheej pab los mus sib tham sab nraud.  

    Koj kuj nrog nej tus coj sib tham es nej ho muaj ib lub rooj sib tham txog txoj kev yuav tuaj sab laj yuav ua li cas thiaj mus tau zoo, kom sAwv daws thiaj rov pom rov ras hais tias yuav tsum tau hloov. Txawm li cas los kuv yeej pom tau hais tias peb Hmoob yog ib co neeg hloov tau nyuaj hauj sim.

    Hais txog qhov peb Hmoob yuav tsum hloov mas kuv pom muaj ib qho yog qhov uas thaum muaj ib tug neeg hais lus ped, mas pheej muaj ib co hais lus tas zog tsis nyob ntsiag to mloog li. Qhov no vim peb Hmoob yeej ib txwm coj li ntawd. Yog peb mus xyuas Hmoob tej rooj tshoob rooj kos, tej ntees pam tuag, tej kev ua neeb ua yaig, tej kev noj haus, mas cov neeg tuaj saib yog tuaj sib tham nrov nrov xwb, hos tus neeg hais lus hais zaj, mas zoo li nws hais nws ib leeg xwb, cov nrog nws mloog tsawg tsawg xwb. Yog yus xav mloog los yus twb tsis hnov li thiab. Qhov kuv xav kom peb Hmoob hloov mas yog tus twg xav tham mas nws yuav tsum tawm mus sib tham lwm qhov, txhob nyob hauv chav uas luag tseem tab tom ua kab ke los kev cai. Yog nws yuav tsum hais lus mas nws tsuas ntxhi me ntsis rau tus neeg nws xav hais lus rau xwb, tsis yog yuav hais nrov nrov kom txhua leej txhua tus hnov tag. Tiam sis kuv kuj pom tau hais tias cov neeg mus kam church mas lawv mloog kam thiab nyob ntsiag to kam thiab lawv yuav tsum mus kom haum lub caij teev ntuj, mas zoo li lawv hloov tau yooj yim zog cov uas mus tsis kam church.

    Qhov kuv hais no mas muaj tej thaj chaw Hmoob thiaj tseem coj li no, ntau qhov chaw Hmoob kuj hloov tau kom zoo nkauj zoo saib zuj zus lawm thiab.

    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Yam uas Hmoob yuav tau hloov yog?

    Post  Ntxhuav Mom Xyooj on 27th March 2012, 9:11 pm

    Hmong yeej muaj ib tug yam ntxwv yeej nyob raws Hmoob roj ntsa lawm, ceeb
    laj yoog tau raws li luag lwm haiv. Xws li kev txaj muag, kev khib, kev
    nyob twm zeej, yog nyob coob ua ke mas tsis sib haum. Tsis nyiam mloog
    Hmoob tus thawj coj, yeem mloog lwm haiv tus coj hais, ua hauj lwm mas
    nquag plias rau lwm haiv. Hos yog ua rau Hmoob mas nws muaj ib lub siab
    phem tsis xav txhawb ntshai tsam luag ho muaj txiag nplua nuj ces khib.
    Hais txog muaj kev sab laj yuav txhim kho Hmoob kom vam meej lawm yav pem
    suab mas tuaj tsis txhij li. Hos yog ntees ploj tuag mas cas yuav koom tau siab zoo tshaj plaws li, tuaj puv nkaus tsev. Yuav kom peb hloov tau raws
    sij hawm mas, txog caij yuav tsum pib tham tus txheej txheem kiag txhob
    tos li. Yog muaj ib lub sab laj los yog muaj ib rooj mov los xij, yog teem
    caij lawm ces txog caij txhob tos li. Kuv xav tias yog peb txiav txim siab
    ua tau li no ces cov niag pheej tuaj tsis raws caij ntawd ces lwm zaus nws
    yuav tuaj raws caij xwb. Yog pheej tos li ntawd ces nws muaj muaj ntsej
    ntsej muag li nav.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Yam uas Hmoob yuav tau hloov yog?

    Post  Maiv Tooj on 28th March 2012, 1:27 am



    Nyob zphooj ywg,

    Ua tsaug rau ntau yam zoo uas nej tau qhia kom Peb Hmoob hloov.

    Ntawm kuv tus kheej, kuv xav kom Peb Hmoob hloov mas muaj 3 yam raws li nram no:

    1-Thaum luag hu yus mus noj ib pluag, yuav tsum hnav huv si kom phim luag pluas mov thiab chav tsev uas luag muab lub dag zog, nyiaj txiag los ua zoo npaum li yuav zoo tau los txais tos yus raws lub sam xeeb.

    2-Thaum noj mov, yog luag rau rau ntawm rooj los yuav zaum ntseg ntsos, mam noj mam tham lus ua si, noj tej khawv me me, txhob rua qhov ncauj loj loj los npuav tej diav loj loj tsij qees rau hauv qhov ncauj, thaum daus ib dia rau hauv qhov ncauj lawm, yus yuav ib nyuag khoov rau ntawm yus lub tais, zom mov nqos tso mam li tsa taub haus, mam hais lis. Txhob zom mov ua qhov ncauj rua u, xam nuv rau ub rau no, ua rau luag tej pom cov mov nyob hauv yus lub qhov ncauj. Mam noj mam tham, mam nyob, tsis txhob maj maj, noj ntuj noj teb, tib plig tag nrho ces nyob tib cov hle muag qho tsis muaj dab tsi ua.

    Yog luag rau rau ib lub rooj loj es nyias mam mus nqa nyias los noj, yuav nqa me ntsis coj los noj tag mam rov mus nqa dua kom phim yug tus neeg thiab yus cev tsoo tsho uas hnav tshiab tsab tsab mus fim luag ntawd. Nqa me ntsis xwb, yog luag ho ntsuas tsis haum, zaub mov ho tag tsis txaus noj los yus xam tias yog kev sib fim zoo siab xwb tsis yog yuav noj kom txau vim yus twb poob nyiaj lawm.

    3- Ib yam li coob leej twb hais dhua los lawm, xav kom thaum muaj ib lub koob tsheej, muaj ib tug neeg mus hais lus mas kom sawv daws yuav tsum tsum xeeb, mloog tus neeg ntawd hais lus. Thaum nws hais txog ib qho txaus qhuas los yuav tsum npluaj teg, hais txog ib qho tu siab los yuav tsum muaj qhov nrog nws faib nws lub nra. Kuv pom ntawm Peb Cov Hmoob mas tsis mloog tus hais lus li, tsua tham plis plis plos plos xwb, yog tus tuav paj taub tsis kom npuaj teg mas yeej tssi npuaj teg li. Muaj tej tug hais tej zaj lus, twb tsim nyog qhuas nws kawg nkaus, vim nws sib zog peem ua tau tej yam zoo heev, tab sis hais mas Hmoob twb tsis hais tias yuav npuaj teg txhawb nws siab, Hmoob tseem twb tssi mloog nws hais thiab. Tej qhov zoo li no, pom tias peb Hmoob lam tuaj tau zoo noj tau zoo hnav, cia li dhia ib ruam hla 1000 xyoo olos nrog luag vam meej xwb. Peb tus cwj pwm tseem nyob deb luag tej heev.





    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Yam uas Hmoob yuav tau hloov yog?

    Post  Npuagtub on 28th March 2012, 7:52 am


    THAM TXOG KEV HNAV TSOOS TSHO

    Txiv Neej feem:

    1) Hnav ris tsho xuj (suit).
    > Yuav lub tsho thiab lub rig (size) kom haum yus lub cev.
    > Lub tes tsho txhob ntev vos lub qaum tes.
    > Lub tsho sab hauv yuav tsum yog tes ntev.
    > Lub ris yuav tsum txhob ntev ti av, txhob luv pom thom khwm.
    > Tus kas las vav (tie) yuav khi kom haum, txhob ntev dhau txoj siv, txhob luv dhau saum qaum siv, khi kom ntev txog khia txoj siv.
    > Xaiv txoj kas las vav (tie) kom xim zoo phim lub tsho sab hauv, los cev tsoos tsho (suit).
    > Yuav tsum rau khau tawv kom phim cev ris tsho. Txhob rau khau ntaub los khau tawv tsis yog yam nrog tsoos tsho xuj (suit).


    Photobucket

    HNAV NTSOO MUS NTEES RAWS LI NYOB USA
    > Hnav ris tsho xuj xim dub (suit).
    > Lub tsho sab hauv xim dub los dawb.
    > Txoj kas las vav xim dub.
    > Txhob hnav tej yam xim tshiab tshiab xws li xim liab, paj yeeb, xiav, daj thiab lwm yam uas tsis phim rau ntees.

    Peb hmoob tseem tshuav ib feem tsis paub hnav tsoos kom phim nws tus moj yam thiab phim txoj hauj lwm los yog tsam thawj nws yuav mus koom. Peb ib feem peb tsis nyiam kawm los yog tsis nyiam luag qhia peb, peb pom luag hnav ces peb cia li hnav raws li luag xwb qee zaus peb kuj hnav tau phim qees zaus peb kuj hnav tau tsis phim lawm. Nyob teb chaws vam meej luag muaj tsoos hnav txhij txhua rau txhua leej txij tus mos mus txog tus laus. Yog koj muaj hnub nyoog ntau koj yuav tau hnav cov tsoos kom phim li koj lub hnub nyoog. Yog koj muaj hnub nyoog laus koj mus hnav cov tsoos hluas kuj yuav tsis phim rau koj, yog koj hluas koj ho mus hnav cov tsoos laus kuj yuav tsis phim rau koj thiab.


    HNAV LUB TSHO XUJ (SPORT COAT)

    > Hnav lub tsho xuj (sport coat) no mas phim rau txhua yam ris, txhua yam xim.
    > Lub tsho sab hauv yam twg los tau, tsho muaj ntsej thiab tsis muaj los tau.
    > Coj kas las vas thiab tsis coj los tau.


    Photobucket




    Photobucket

    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Yam uas Hmoob yuav tau hloov yog?

    Post  Ntxhuav Mom Xyooj on 28th March 2012, 11:39 am

    Maiv Tooj, nws tham tau txaus luag kawg, yeej yog li nws hais, kuv pom peb cov Hmoob mas yog muaj ib pluas noj muaj tej txhia mus hais zaub mov
    mas hais tej niag phaj nco lug coj los noj tsis tas ces cia muab nrom sisrau thoob khib nyawb(lo lus Hmoob yuav hais li cas?)cov tom qab ces tsis tau txaus noj li los kuj muaj. Hos muaj kev sab laj mas tsuas pom sawv mussawv los rau tom chav dej thiab tham lus nrov xiv xuav tom tej nram tej liKuv muab xav los mas Hmoob tus cwj pwm toj siab tseem nyob li qub tsis tauhloov ntau. Ntees ploj tuag mas yog Hmoob lub ntees lom zem, tsis yog ntees tu siab. Kuv pom tau tias Hmoob tuaj xyuas tuag, tsis tuaj nyob twj ywm mloog thiab nrog tsev xyom cuab tu siab. Hos yog tuaj tham tsheej pawg,ntsauv tsheej pawg luag nqaj to ua nqaj ua nqug lom zem; kuv mus mloogmas yog lawv tham kev mus deev cov hluas nkauj mos mos tim nplog teb xwblawv mas luag tsheej tsaug. Kuv ntsia mas Hmoob xav kom muaj ploj tuag lintawd tas mus li. Hmoob cov kev yuav hloov li peb hais ntawd mas tseem tshuav ntau heev nawv cov phooj ywg. Yog kuv hais tau tej lo tsis phim rau hauv no thov nej leej twg yeej meem muab sob lus no tshem tawm los tau kuv tsisxav li cas li. Vim tias peb lub vas sab no tsuas tham txog kev ntseeg xwb. Ua tsaug

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Yam uas Hmoob yuav tau hloov yog?

    Post  Npuagtub on 29th March 2012, 7:39 am


    KEV HNAV TSOOS MUS TEEV NTUJ

    Kuv piav raws li tus cai coj nyob hauv peb lub tev teev ntuj (church) xwb. Tej zaum lwm lub tsev teev ntuj kuj coj txawv thiab los kuj muaj vim tej kev coj no feem ntau kuj yog los ntawm cov coj nyob hauv lub tsev teev ntuj thiab tus TP.
    Txoj kev hnav tsoos mus teev ntuj mas kuj tsis pom muaj ib nqes nyob hauv ntawv Ntshiab hais txog tias yuav tsum hnav zoo li cas rau li cas, tiam sis peb txhua tus neeg ntseeg yuav tau paub tias, thaum peb mus teev ntuj yog peb mus ua dab tsi? Tsim nyog peb yuav hnav tsoos zoo li cas?

    Puas yog peb mus koom Huab Tais Yes Xus rooj qav, thiab nws puas tseem ceeb thiab muaj nuj nqis rau peb? Puas yog peb mus noj nws lub cev thiab txais nws cov lus los yug peb tus ntsuj tus plig? Puas tsim nyog peb yuav hnav tsoos kom phim Huab Tais Yes Xus rooj qav? Tsis yog hnav tsoos rau peb lub cev kom phim xwb, yuav tau hnav tsoos rau peb lub siab thiab peb tus ntsuj plig kom phim thiab tsim nyog txais Huab Tais Yes Xus los nyob hauv peb. Yog li tsim nyog peb yuav tsum nkag siab tias thaum peb mus koom ib tug neeg rooj mov twb tsis yog Huab Tais Ntuj rooj mov, mas peb twb yuav hnav zoo du dais tsw qab ntxiag kom phim rooj mov peb mus koom hnub ntawd. Yog peb mus koom Huab Tais Ntuj rooj mov mas tsim nyob peb twb yuav tsum muab peb cev zam tshiab ua tsis tau hnav ib zaug los hnav mus koom los ntshai twb tseem tsis phim Huab Tais Ntuj rooj mov. Yog tias peb twb tu thiab npaj tsoos hnav rau peb lub cev tsis tau, peb puas yuav npaj tau peb lub siab thiab rau peb tus plig mus teev ntuj thiab?

    TEJ YAM YUAV TAU PAUB UA NTEJ YUAV MUS TEEV NTUJ

    > Npaj siab tu ntws kom nyob tus ua ntej koj yuav mus teev ntuj.
    > Npaj yam koj yuav coj mus hais rau Tswv Ntuj.
    > Npaj tsoos hnav kom phim lub caij nyoog.
    > Yoo txhob noj dab tsi ib xuaj moos ua ntej yuav txog sij hawm teev ntuj.
    > Hnav tsho xuj thiab coj Kas Las Vav (tie), rau khau tawv, coj ntoo cuam, (yog tias koj yog ib tug pab lub txoos teev ntuj).
    > Txhob hnav ris los tiab luv, ua pom koj lub hauv caug.
    > Txhob hnav tsho pom xub pwg thiab xub ntiag.
    > Txhob rau khau luj siab dhau.
    > Txhob rau tshuaj tsw qab rau koj lub cev.
    > Txhob coj iav dub thiab ntoo mom mus teev ntuj.

    Muaj ib zaug kuv muaj ib tug kwv tij nws raug ua ib tug faiv lub cim yug ua txoos teev ntuj nrog cov Mes kas, ces nws tsis nco qab coj Kas Kas Vav (tie) ces thaum nws tuaj txog ces tus coj lub txoos teev ntuj hnub ntawd tsis pub nws faib lub cim yug, ces nws tau mus qis ib tug phooj ywg nyob ze ntawm lub tsev teev ntuj txoj kas las vav (tie).
    YOG TIAS KOJ NPAJ TSIS YEEJ MUS TEEV NTUJ, KOJ TXHOB MUS ZOO DUA, VIM KOJ TWB TSI TAU NPAJ KOJ LUb SIAB MUS TEEV NTUJ, TXAWM KOJ MUS LOS YUAV NKIM KOJ LUB SIJ HAWM.





    Photobucket

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Yam uas Hmoob yuav tau hloov yog?

    Post  Maiv Paj Lug on 29th March 2012, 10:45 am

    Nej txawj tham dhau lawm thiab , ua rau kuv nyeem nej cov ntawv kuv cia li luag tsis qhaws qhov ncauj li lawm thiab tiag. :D18

    Maiv Tooj thiab Ntxhuav Mom,

    Neb mas txhawj qhia kom neeg hloov dhau li lawm os, kuv twb tsis nco qab txog tej neb hais li, yog lawm txhua yam ntawm Hmoob tus cwj pwm yuav tsum tau kho thiab hloov, tiam sis yuav yog nyias paub nyias kev cai nyias kho nyias xwb, vim Hmoob tsis nyiam kom leej twg qhia kev cai rau Hmoob.


    Mim,

    Kuv los pom li koj hais thiab tiag, muaj ib tus neeg hais lus ped mas Hmoob feem coob twb tsis mloog li, nyias tham nyias , cov sawv mus kev los cas yuav muaj kev taug ua luaj, mus mus los los, peb Hmoob puas kho tau tej no kom zoo dua tuaj nid?


    XH NpuagTub,

    wow...koj paub qhia neeg hnav tsoos tsho ua luaj, ua koj tsuag ntau nawd, koj puas paub qhia poj niam hnav tsoos tsho seb hnav li cas thiaj phim mus rau tej qho chaw tseem ceeb.





    <3 <3 Pab kuv rov los cuag koj Huab Tais Yesxus <3 <3

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Yam uas Hmoob yuav tau hloov yog?

    Post  Mim on 29th March 2012, 1:03 pm

    YOG TIAS KOJ NPAJ TSIS YEEJ MUS TEEV NTUJ, KOJ TXHOB MUS ZOO DUA, VIM KOJ TWB TSI TAU NPAJ KOJ LUb SIAB MUS TEEV NTUJ, TXAWM KOJ MUS LOS YUAV NKIM KOJ LUB SIJ HAWM.

    Nyob zoo sawv daws,

    Muaj qe tsam mas kuv kuj xav tau li XH Npuag Tub lo lus uas kuv muab tso ua ntej no thiab. Tiam sis kuv kuj ho xav hais tias ua li ntawd xyov puas yog qhov zoo. Yuav xyuas saib yus npaj tsis yeej mus teev ntuj Hnub Chiv los yog nruab lis piam. Yog nruab lis piam mas koj ncua tsis muas los kuj tsis ua cas. Tiam sis yog Hnub Chiv lawm no mas yuav tsum npaj kom tau mus zoo dua. Yog tias npaj tsis yeej no saib puas muaj ib lub sij hawm teev ntuj ntxiv, yog muaj ces yuav tsum npaj mus lub sij hawm tom qab kom tau, tsis txhob cia li tsum, yog yus tsum ces yus ua txhaum qhov "obligation" mus church hnub ntawd lawm. Yog tias yog lub caij teev ntuj kawg lawm, tsis muaj ib lub sij hawm ntxiv lawm no mas yuav tau xyuas saib yus mus koom puas tau ib nrab thaj txi ntuj. Yog mus lig li ntawd lawm yus tsis tas mus txais Yes Xus lub Cev los kav liam, tiam sis tsuav yus tau mus pe hawm tswv ntuj me ntsis xwb. Yog yus mus txog lub caij uas TP tab tom thej mas kuj lig tsis tau heev dhau. Tiam sis yog ntsuas hos yus mus txog ces lawv teev ntuj tas lawm no ces tsis mus lawm. Kuv hais li no vim kuv xav tias yus mus teev ntuj lig me ntsis ntshai yuav zoo dua tsis mus kiag li no.

    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Yam uas Hmoob yuav tau hloov yog?

    Post  Ntxhuav Mom Xyooj on 29th March 2012, 2:17 pm

    Nyob zoo cov phooj ywg sawv daws.
    Kuv xav li XH. Npuag Tub hais thiab. Yog peb txawj mloog thiab xav mas twb
    yog ntxwg nyoog txhob txwm ua kom tab kaum yus ntag. Ua kom yus tsis npaj
    siab mus teev tau Ntuj, kom yus qeeb, kom yus txhob nco qab, kom yus txhob
    nyiam mus pe hawm Tswvntuj. Tej zaum twb yuav txog caij mus teev Ntuj cia
    li muaj tej yam hauj lwm los cuam tshuam kom tab kaum. Peb yuav tau ua tib
    zoo xav thiab ceev faj. Vim tias hnub Sunday ntawd yeej yog hnub so thiab
    qee peb lub sij hawm rau Tswvntuj.

    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 51
    Localisation : Fresno, California, USA.

    Re: Yam uas Hmoob yuav tau hloov yog?

    Post  Npuagtub on 29th March 2012, 2:57 pm


    Nyob zoo cov Phooj Ywg,
    Txoj kev yuav qee koj lub sij hawm mus teev ntuj nws tsis yog ib yam nyuaj li os nawv, tim peb yeej tsis muaj lub siab ntseeg tiag, peb yeej lam mus raws phooj raws ywg mus kom luag pom tias peb yog ib tug neeg ntseeg ib yam li lawv, mus kom peb muaj npe nyob hauv tsev nteev ntuj xwb, nyob hauv peb lub siab mas ntshai twb tsis muaj ib qho me me luaj li lub noob zaub hais tias peb ntseeg no li.

    Nej saib ib lub lis piam muaj 168 teev, ib hnub muaj 24 teev, muab ib teev mus teev ntuj xwb cas yuav tsis tau li, yog tim dab tsi lawm os cov phooj ywg? Kuv hais tias tsis tim dab ntxwg nyoog li thiab, kuj tsis tim peb muaj hauj lwm ntau li thiab, qhov tiag ces yeej yog tim peb saib txoj kev mus teev ntuj tsis yog ib qho tseem ceeb rau peb, peb saib nws yog ib yam tsis muaj qab hau thiab me tshaj plawv nyob hauv peb lub neej yog li peb thiaj li muab cia tuaj tom qab yog nquag mam li mus yog nkees ces pw tsaug zog.

    Ib yam li lub caij so me nyuam tsis kawm ntawv (sprint break), yog li lub caij tseem ceeb nyob hauv peb txoj kev ntseeg, tiam sis peb ho tsis npaj mus teev ntuj, tsis tau txog caij so, sawv daws twb sib yaum npaj mus ua si pw hav zoo, mus tua nas tua noog, da dej nuv ntsev ua si tas, ua cas ho tsis sib yaum npaj siab mus ua hmoov nquam nplooj, tiam sis ho sib yaum mus ua si tua nas tua noo, mus lawm tsheej hnub tsheej hmo.

    Peb yeej paub tias lub lis piam yuav los no yog ib lub peb mus teev ntuj ntau tshaj, lub koom txoos thiaj li tis npe hu li lub lis piam Ntshiab (Holy Week), tiam sis peb ho tsis mus ib hnub kiag li, peb ho sib yaum mus pw hav zoo lawm tsheej 5-6 hnub. Cov phooj ywg, nej xav saib yog tim dab los tim neej lawm es peb thiaj li coj zoo li no, kuv xav mas txhob muaj hais tias tim dab , ntshai yog tim neej lawm xwb, vim neej xav ua si xav nrhiav kev lom zem xwb. Peb cia neeg coj peb mus teev ntuj xwb, peb tsis rov coj peb tus kheej mus, ces yog peb cov phooj ywg mus ua si ces peb kuj yuav tau nrog lawv mus ua si vim yog peb mus teev ntuj hnub lawv tsis mus ces tsis lom zem rau peb ua rau peb tsis muaj siab mus.

    Peb hmoob mas yog hom neeg cia tos txog thaum kawg yuav tuag mam li ua hnub ua hmo mus teev ntuj, ua hnub ua hmo thov ntuj pab, kuv pom muaj ntau yim neeg thaum lawv muaj ib tug neeg mob los yog neeg laus uas lawv yeej paub tias yuav nyob tsis ntev lawm mas lawv tsev neeg mam li tuaj teev ntuj tsis tu ncua li, tiam sis thaum lawv tus neeg tas sim neej lawm mas sawv daws mus pam tas ces ho rov tsis pom tuaj teev ntuj lawm tsheej xyoo, nej xav tias peb ua neej mus los yog ua neej rov qab lawm os lawv.



    Photobucket

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Yam uas Hmoob yuav tau hloov yog?

    Post  Maiv Tooj on 29th March 2012, 6:27 pm



    Nyob zoo XH.Npuag Tub,

    Ua tsaug ntau, nws tuaj tham ntau yam zoo heev rau Peb Hmoob yuav khaws mus xyaum ua neej tshiab.
    Yog kawg, kev tsis mus teev Ntuj Hnub Chiv mas tsis yog tsis khoom, tsis yog muaj hauj lwm tuav tes, yog tsis lim xeeb nkaus, tsis muab txoj kev ntseeg saib hlob, rau nqe thiaj li tsis kam lauj 1/168 teev mus teev Ntuj Hnub Chiv. Tib yam nkaus li Koom Haum thov sawv daws muab IB YIG 5€/1 XYOOS xwb los twb tsis muaj neeg kam muab, vim hais tias Peb Hmoob ua neej txom nyem no mas tej yam li no yus ntseeg tsis tau, xav tsis txog, yog yuav muab piv rau luag pej kuj kev coj kev ua mas kuj muag txaj heev tshaj plaws li.





    Sponsored content

    Re: Yam uas Hmoob yuav tau hloov yog?

    Post  Sponsored content Today at 9:00 pm


      Current date/time is 10th December 2016, 9:00 pm