HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


KAWM UA KOJ LUB NEEJ ZOO NYOB HAUV KEV NTSEEG Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


2 posters

    KAWM UA KOJ LUB NEEJ ZOO NYOB HAUV KEV NTSEEG

    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    KAWM UA KOJ LUB NEEJ ZOO NYOB HAUV KEV NTSEEG Empty KAWM UA KOJ LUB NEEJ ZOO NYOB HAUV KEV NTSEEG

    Post  Npuagtub 22nd March 2012, 6:03 am


    MUAJ LUB ZEEM MUAG ZOO


    Nyeem Zaj Lus nyob hauv Ntawv Ntshiab Pab txhawb koj. Ntawv Chiv Keeb (Genesis) 15: 1-6

    Lub qhov muag yog lub teeb kaj rau lub cev, yog tias koj lub qhov muag huv, mas tas koj lub cev yuav pom kev kaj nrig, Tab sis yog koj lub qhov muag tsis huv , mas tas koj lub cev nyob tsaus nti. Yog qhov pom kev nyob hauv koj twb tsaus lawm ces nws yuav tsaus heev, ces qhov tsaus ntuj yuav nyob txawm hauv koj.
    Mais Tais 6: 22-23



    Thaum chiv keeb Tswv Ntuj tsim lub ntuj lub teb thiab tsim ib puas yam tsav muaj txhij muaj txhua tas, Tswv Ntuj thiaj li tsim neeg kom zoo li nws tus duab, thiab muab tswv yim txawj ntse rau neeg kom neeg thiaj li tswj kav tau txhua yam nws tsim. Tab sim thaum neeg txawj ntse lawm mas neeg tsis ua li tus tswv ua yog Tswv Ntuj lub siab nyiam, neeg tsuas xav ua li neeg lub siab xav siab ntshaw xwb.

    Lub qhov muag yog ib lub zog loj tshaj ua kom lub siab ntseeg tau ruaj khov, ib feeb koj lub qhov muag coj tau ntxhiab pua vam toob xib los nyob hauv koj lub hlwb lub tswv yim, tsis hais yam zoo los yam phem, yam huv los yam qias, dawb los yam dub, yam me los yam loj, txhua yam uas koj lub qhov muag pom tas mas nws yeej khaws tam sis los khag rau koj lub hlwb ua ntej koj lub siab yuav txiav txim tias nteeg los tsis ntseeg. Lub qhov muag yog teeb tsom rau lub tswv yim kom muaj lub zeem muag.

    Nyob hauv koj lub siab muaj ob kem cia txhua yam uas koj lub qhov muag coj los rau, ib kem yog cia khaws tej toob xib zoo, hos ib kem yog cia khaws tej toob xib phem. Zoo ib yam li koj muaj ob lub siab, ib lub siab nyiam ua phem hos ib lub siab nyiam ua zoo. Yog koj lub zeem muag pom koj tus kheej zoo li cas mas koj lub siab yuav coj koj lub cev ua koj lub neej zoo ib yam li koj lub zeem muag pom.


    Mam tuaj sau ntxiv.........




    Last edited by XH. Npuagtub on 23rd March 2012, 6:26 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    KAWM UA KOJ LUB NEEJ ZOO NYOB HAUV KEV NTSEEG Empty Re: KAWM UA KOJ LUB NEEJ ZOO NYOB HAUV KEV NTSEEG

    Post  Maiv Tooj 22nd March 2012, 10:16 am



    Nyob zoo XH.Npuag Tub,

    Ua tsaug rau nws lub laj lim tswv yim nrhiav txhua yam los txhawb peb lub siab, lub zog.

    Tswv Ntuj tsim txhua yam kom neeg tau lub neej zoo ua,
    Tab sis nws qhov muag tsis pom txhua
    Tswv Ntuj tsim txhua yam kom neeg tau lub neej thaj yeeb,
    Tab sis neeg lub qhov muag pom tsis tseeb
    Yog Tswv Ntuj lub zog pab,
    Yog neeg lub qhov muag rov pom kaj
    Ntshe neeg thiaj yuav tau lub neej nyab xeeb,
    Ntshe thiaj yuav pom Tswv Ntuj lub Ceeb Tsheej.



    KAWM UA KOJ LUB NEEJ ZOO NYOB HAUV KEV NTSEEG Joseph10
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    KAWM UA KOJ LUB NEEJ ZOO NYOB HAUV KEV NTSEEG Empty Re: KAWM UA KOJ LUB NEEJ ZOO NYOB HAUV KEV NTSEEG

    Post  Npuagtub 26th March 2012, 1:20 pm

    NTSEEG YAM POM THIAB YAM TSI POM

    Peb ua neej nyob muab ob yam peb yuav tau ntseeg (1) yog yam koj lub qhov muag pom (2) yog yam koj lub qhov muag tsis pom. Ntseeg yam koj lub qhov muag pom yog zoo li cas? Nws muaj ntau yam ua rau koj ntseeg, muaj yam zoo thiab yam phem (positive & negative). Yog koj ntseeg mus rau fab zoo ces koj yuav muaj kev kaj siab, yog tias koj ntseeg mus rau fab tsis zoo ces koj yuav ntsib teeb meem. Ntseeg yam qhov muqg pom tau mas koj yuav ua twb zoo siab ua twb zoo ntsia, txhob maj ntseeg sai koj thiaj li tsis yuam kev. Xub ntseeg koj tus kheej koj tsev neeg ua ntej tso mam li mus ntseeg koj tej txheeb ze, xub ntseeg tus nyob ze koj tso mam li mus ntseeg tus nyob deb. Yog koj twb ntseeg tsis tau koj tus kheej koj yuav ua cas thiaj li ntseeg tau koj tsev neeg? Yog koj twb tsis ntseeg koj tsev neeg, koj yuav ua cas ntseeg tau luag tej? Yog koj twb tsis ntseeg tus nyob ze koj, koj puas yuav mus ntseeg tau tus nyob deb. Ib yam li Huab Tais Yes Xus hais rau Nis Kos Des Mos tias; " Kuv hais yam nej pom nyob ntiaj teb no, es nej twb tsis ntseeg, yog kuv hais yam nyob saum ntuj nej puas yuav ntseeg? "

    Txoj kev ntseeg yam qhov muag pom yog los pab rau koj lub cev ntaj ntsuj, kom noj qab pw sov, muaj noj muaj haus, muaj dag muaj so, muaj laj lim tswv yim zoo tsim kev thaj yeej kho lub ntiaj teb kom muaj kev vam meej los cawm txhua leej lub cev qhaij daim tawv mus txog hnub sau laus. Koj xub ntseeg yam koj qhov muag pom ua ntej vim koj lub qhov muag yog lub teeb tsom rau koj lub tswv yim kom nws paub txiav txim tias qhov twg yog yam zoo qhov twg yog yam phem. Yog koj tsis ntseeg koj tsev neeg koj tej txheeb ze, tiam sis koj ho mus ntseeg luag tej ob cag, thaum koj txom nyem los txog luag tej puas yuav cev tes pab koj, ntshai yuav yog koj tej txheeb ze cev tes pab koj ua ntej luag mam li tuaj tom qab. Yog koj tsis ntseeg tus cov nyob ze, koj ho mus ntseeg tus nyob deb, thaum muaj kev txom nyem los txog cov nyob deb puas yuav xub tuaj pab tau koj los yog cov nyob ze?

    Hmoob ib txwm hais lus tias; " Koj yuav xub nthua koj qab vaj tog tsev ua ntej tso koj mam li mus nthua luag li." Ntxhais tau tias koj yuav xub ntseeg koj tej txheeb ze ua ntej tso koj mam li mus ntseeg luag tej sab nraud. Los yog koj yuav xub kho koj tus kheej tso koj mam li mus kho luag, Koj yuav xub pab koj ua ntej tso koj mam li mus pab luag. Peb ua neej nyob txhua qhov chaw yeej muaj tus coj, los muaj tswv kav, koj nyob lub zos twg koj yuav tau zwm rau koj tus tswv zos koj yuav nyob hauv nws qab tswj fwm, koj nyob ib lub teb chaws twg koj yua zwm rau tus tswj lub teb chaws ntawd, koj yuav nyob hauv qab tswj fwm txoj cai hauv lub teb chaws ntawv. Koj yuav ua ib tug neeg muaj ob lub npe mus zwm rau ob tug tswv tsis tau, koj yuav coj ob txoj kev cai tsis tau, koj nyob hauv lub teb chawv twg ces lub teb chaws ntawd yog koj lub. Koj txhob muab lwm lub teb chaws los ua tswv kav koj lub neej, koj yuav tsum muab koj lub teb chaws los ua tswv kav koj mas koj thiaj li nrog luag nyob tau sib txig sib luag.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    KAWM UA KOJ LUB NEEJ ZOO NYOB HAUV KEV NTSEEG Empty Re: KAWM UA KOJ LUB NEEJ ZOO NYOB HAUV KEV NTSEEG

    Post  Npuagtub 27th March 2012, 4:41 am

    Photobucket
    NTSEEG YAM QHOV MUAG TSIS POM

    Txoj kev ntseeg yam qhov muag pom tsis tau, yog txoj kev vam cia siab txog tej yam yuav tshwm los rau yam tom ntej. Ntseeg yam qhov muag tsis pom kuj yog ib qhov cia siab tias yuav pab tau koj sab nqaij tawv thiab sab ntsuj plig. Tiam sis nws kuj muaj qhov zoo thiab qhov phem (positive & negative). Yog koj ntseeg thiab cia siab rau yam zoo uas koj qhov muag pom tsis tau ces lwm hnub yog lub sij hawm ntawd koj cia siab los txog koj kuj yuav tau txais raws li koj txoj kev cia siab thiab ntseeg. Yog koj ntseeg txog yam phem ces lwm hnub txoj kev koj cia siab ntawd tshwm sim los txog koj kuj yuav tau txais raws li koj txoj kev ntseeg.

    Kev ntseeg txhob cia lwm tus coj koj thiab txiav txim rau koj, txhob ntseeg raws koj tej phooj ywg los txheeb ze, vim koj ua li no lwm hnub lwv yuav coj koj mus rau txoj kev ua koj twb tsis paub ces txog thaum kawg koj kuj yuav kev tau los muaj. koj yog tus txiav txim siab rau koj tus kheej, xaiv txoj zoo thiab txoj phem nyob ntawm koj, thaum lub sij hawm koj nyuam qhuav txiav txim siab ntseeg mmas koj yuav tsis tau paub tias txoj twg los yam twg thiaj yog qhov zoo los qhov phem, Thaum lub sij hawm los txog mas koj thiaj li paub, thaum ntawd yuav tsis muaj kev tawm, yog li ua ntej koj yuav ntseeg ib yam koj yuav ua zoo xav siv sij hawm ntev los txiav txim tso kom paub qhov tseeb thiab meej koj mam li mus ntseeg txog thaum kawg koj thiaj li tsis yuam kev, vim kev ntseeg nws muaj txhiab pua vam txoj.
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    KAWM UA KOJ LUB NEEJ ZOO NYOB HAUV KEV NTSEEG Empty Re: KAWM UA KOJ LUB NEEJ ZOO NYOB HAUV KEV NTSEEG

    Post  Npuagtub 27th March 2012, 6:00 am


    THAWJ NTHWV ROG NYOB SAUM NTUJ

    Nej puas paub tias tau muaj ib nthwv rog loj tshaj nyob saum ntuj ua tsis zoo li tej kev ua rog peb tau pom los nyob ntiaj teb no, nws yog thawj zaug ua rog nyob saum ntuj uas txawv tshaj tsis tau pom dua li.

    Nyob hauv phau ntawv Ntshiab (bible) tau qhia tias " tau muaj kev ua rog nyob saum ntuj; Tus Tim Tswv Miskas thiab nws cov tub txib lawv ua rog sib tua nrog ib tug dab Zaj thiab nws cov twb txib. Ces tus dab zaj thiab nws cov tub txib tsis yeej, lawv thiaj tau poob los rau ntiaj teb." Revelation 12:8-9.Yog ua cas thiaj li muaj nthwv rog no, thiab nws ho xaus li cas lawm? Txoj kev ua rog yog tuaj hauv lub siab txoj kev xav ua tus loj xav tau tas txhua yam los ua yus tug, hla Tswv Ntuj txoj kev cai lij choj.

    Tus yaj saub Ezekiel tau qhia ib qho tseem ceeb rau peb tias, thawj nthwv rog ua nyob saum ntuj no mas yog vim dab ntxwg nyoo (Santa) tau ntxeev siab tawm tsam Tswv Ntuj. Lucifer, yog lub npe Tswv Ntuj tis rau, yog ib lub npe zoo tshaj ci zoo li lub hnub thiab muaj hwj chim heev. Ezekiel 28:14-15. Ces thiaj li muaj ib pab tub txib qaum ntuj koom tes nrog Lucifer ua yog tus ntxeev siab rau Tswv Ntuj, vim nws pom tias muaj txhua yam zoo ci tsha iab nyob saum ntuj ceeb tsheej ces nws xav ua tus kav thiab zaum nyob saum lub theej kiab. Hebrew 8:5. Sau hais tias, nyob hauv muaj ib kem tsev lawv hu li qhov chaw ntshiab huv tshaj rau ib lub nkoj ntim kaum los lus tswj qhia. Nyob saum lub nkoj muaj ib lub rooj zaum ntshiab. Exodux 25:16-22. Nyob saum Tswv Ntuj lub theej kiab ci ntsa iab, Lucifer yog ib tug nyob ntawd thiab tswj cov kev cai lij choj, saib xyuas txhua yam nyob saum ntuj, tiam sis vim nws txoj kev ua txhaum xav ua tus loj li Tswv Ntuj, nws thiaj li tawm tsam Tswv Ntuj cov kev cai ces thiab li muaj kev ua rog nyob saum ntuj. 1 John 3:4. Tus yaj saub His xais tai sau hais tias; Npas Npis loos tus tswv, uas muaj lub npe hu li Lub Hnub Ci ntsa iab thaum kaj ntug, koj poob saum ntuj los lawm lau. Yav nram ntej koj yeej txhua yam tiam sis zaum no koj poob nthav rau huav pem teb, zaum no koj yuav ntshaw plias rov mus zaum lub roob nyob pem hauv ntuj uas yog thaj chaw cov tim tswv tuaj sib sau. Isaiah 14:12-14. Qhov Lucifer npau tawv vim nws xav tias nws yuav ua tau ib tug zoo li Tswv Ntuj, li no ib co tub txij ncaj nyob saum ntuj thiaj koom tes nrog nws tsis mloog li tswv Ntuj txoj kev cai lij choj. Nws xav tias nws yuav tsum tswj tau txhua yam qhov phem thiab qhov zoo, ces muaj ntau leej tub txib thiaj li nrog Lucifer ua rog nyob saum ntuj tua tim txwv Miskas thiab nws cov tub txib, thaum kawg Lucifer thiab nws cov tub txij txhua tus thiab tau poob los rau ntiaj teb.


    Tej yam zoo li no phim peb txhua leej yuav tau nkag siab kom zoo tias, tim li cas lub ntiaj teb thiaj li muaj kev kub ntxhov, neeg lub siab thiaj li ua kev phem hla Tswv Ntuj txoj cai. Vim Lucifer yog tus ntxub Tswv Ntuj txoj cai lij choj thiab nws yog tus ua hnub ua hmo los haub ntxias neeg kom hwm nws ua nws cov tub taw.

    Ces niaj hnub no peb tib neeg thiaj li tsis mloog Tswv Ntuj lus, peb thiaj li muaj sib ntaus sib tua tsis muaj hnub xaus. Thaum Santa los dag Adam thiab Eve nkawd nyob hauv lub vaj Eden, nws thiaj siv ib lub tswv yim dag li thaum nws nyob saum ntuj, " yog tias leej twg ntseeg nws thiab ua li nws qhia mas tus ntawv yuav zoo li Tswv Ntuj."

    Ces Adam thiab Eve nkawd thiaj ntseeg Santa ces neeg thiaj li poob rau kev txhaum zoo ib yam li cov tub txib saum ntuj ntseeg Lucifer ces lawv thiaj nrog Lucifer poob los rau ntiaj teb. Txij li ntawd los Tswv Ntuj thiaj ntiab Adam thiab Eve nkawd tawm hauv lub vaj Eden, mus ua li neeg lub siab ntshaw siab nyiam, ces dab Santa thiab nws cov tub taw thiaj li tau kev tuaj haub tuaj ntxias peb tib neeg txhua hnub txhua hmo kom mus ua nrog nws. Tswv ntuj thiaj tso ib raj ntaj hluav taws ob sab ntse thaiv lub rooj vag mus txog tsob ntoo pub txoj sia. Genesis 3:23.

    Tiam sis Huab Tais Ntuj yuav tsis tso neeg poob mus rau koj kev tuag mus li, nws yuav xa nws leej Tub los rau hauv lub ntiaj teb kom xwv neeg tseem muaj feem zaum ob yuav rov mus nyob hauv Tswv Ntuj lub Ceeb Tsheej, tiam sis neeg yuav tsum mloog thiaj coj raws li Tswv Ntuj txoj kev cai lij choj. Li ntawd Leej Ntshiab Paj Lug thiaj sau hais tias; " Muaj ib tug Huab Tais Ntshiab, nws yog tus ua tim khawv ncaj rau peb, thiab nws hais ntxiv tias: Kuv yuav cog lus rau hnub ntawd, kuv yuav muab kuv txoj cai cog rau hauv lawv nruab siab, thiab rau hauv lawv lub tswv yim. Ces lawv tej kev ua txhaum kuv yuav tsis nco txog." Hebrews 10:15-17.





    Sponsored content


    KAWM UA KOJ LUB NEEJ ZOO NYOB HAUV KEV NTSEEG Empty Re: KAWM UA KOJ LUB NEEJ ZOO NYOB HAUV KEV NTSEEG

    Post  Sponsored content


      Current date/time is 18th March 2024, 6:43 pm