HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Lus txhawb zog rau cov neeg ua xyem xyav Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Lus txhawb zog rau cov neeg ua xyem xyav

    avatar
    soua1950


    Messages : 21
    Date d'inscription : 2012-05-07

    Lus txhawb zog rau cov neeg ua xyem xyav Empty Lus txhawb zog rau cov neeg ua xyem xyav

    Post  soua1950 20th May 2012, 10:55 am

    Tsoom kwv tij neej tsa. peb hmoob yog ib hai neeg ntseeg ntuj thaum lub keeb.
    tab sis peb tsis muaj teb muaj chaw thiab tus coj, peb khiav ib qho dhau ib qho. peb txhiaj muab txoj kev ntseeg ntuj tso tseg. tab sis peb tseem nco thiab khaw tau tej yam yooj yim. xws li thaum peb nyob teb chaw ntuj qub qab:
    1. tej laus ib txwm qhia tias yog pom nab yuav tsum ntau kom tau thiab muab lub tob hau tsoo kom lwj lwj nws txhiaj tsis los tsob caub rau yus,
    2. yog yus yug tau ib tug me nyuam tshiab uas yuav tawm rooj mus ua qoob, los sis ua qhua yuav tsum kom tej laus muab hmoov qab yiag los ua ntoo cuam lub cim rau saum hauv pliaj txhiaj tso siab tawm rooj.
    3. yog peb muaj tej tus mob tsiv tsawv, uas yuav tsum ua neeg kho, txiv neeb yuav tsum kom xaws tus ntoo cuam rau nraum nrob raum.
    4. yus tus poj niam, tej laus qhia tias yog yus tus tav.
    tej no yog lub sij hawm uas peb tsis tau hnov txog txiv plig thiab xib hwb lawv tshaj ntuj lus txog li. tom qab no txiv plig thiab xib hwb lawv tuaj tshaj ntuj lus, tej uas hais los saum no raws kaus li tej laus qhia. yog li, txhiaj qhia tau tias peb hmoob yog ib haiv neeg ntseeg ntuj. vim nab yog hmoob thawj tus yeeb ncuab. yog nab nkag leej twg tsev lawm, yuav tsum ua neeb npau ntees, yuam dab thiab teeb neeb txog daim nyiaj mas lawv txhiaj ua.
    peb hmoob txoj kev ntseeg poob tas vim tsis muaj tus coj, txhiaj mus teev dab raws txoj kev cia siab, tso siab, peb txhiaj li mus teev: dab niam, dab txiv, nyuj dab, npua tai, dab pob zeb, poj ntoos, ntoo xeeb thiab ntau ntau yam uas suav tsis txheeb raws peb txoj kev cia siab lawm, uas lub hwj chim tseem qis tshaj leej tib neeg los teev lawm thiab. tsis nco txog ntuj. tab sis thaum tws kev tseem hu ntuj xwb. yog li no mas peb yuam kev lawm. thaum peb ua neej nyob mas peb hais tias peb yog ntuj me nyuam, hais txog dab mas peb ntxub thiab ntshai tshee na. tab sis thaum peb ib lo pa nqu tsis tuaj mas peb hais tias yog dab. peb hais tias koj nyob koj ciaj neeg, koj tuag koj ciaj dab, mas peb muab tus dua nra yuam qees kom mus lawm ntuj txiag, teb tsaus, ntuj tshaib, teb nqhuab, yog tsis mus mas tsis tau li. yog tsis mus mas tus nyuag txhib ntawg ntawd yuav nyiam ntau 10-20 lwm los yeej ntaus li, kom mus xwb.
    yog li, tus dua nra txhiaj mus rau lub teb chaw txom nyeem, tsis muaj noj, tsis muaj haus, tsis muaj lub chaw thawj thiab, txhiaj rov los nrhiav noj, nrhiav haus. ua mob, ua nkeeg rau tej tub ki, uas yuav tsum tau npws, laig lawv. mas peb tias peb hlub niam, hlub txiv, yuav npws, yuav laig lawv. tes hauj lwm zog lawm, tab sis txoj kev ntseeg yuam kev lawm. ua cas peb ho muab lawv xa mus lawm ntuj txiag, teb tsaus. ais ho tsis xa mus cuag tus tswv tsim nws los. peb txhua tus yeej muaj ib tug ntsuj plig, tus ntsuj plig ntawd, peb txhua tus tsis muaj tus teb tau tias dab muab. peb puav leej hais tias ntuj muab, cas ho tsis xa rov mus rau tswv ntuj raws li peb hais. sab nqaij tawv yus yuav hlub, hlub thaum tseem ua neej nyob, pub rau noj, rau hnav kom txhob quaj dhi vim kev tshaib, kev nqhis. ua lub neej luag ntxhi rau lawv. tsis taus nrhiav neeg tu, tsis muaj nrhiav los rau, tsis yog niam thiab txiv tsis taus los yuav cia lawv mus nrhiav, tsis muaj los yuav cia lawv mus ua. ntxiv ntxhua kom du lug rau, nws txhiaj yog txoj kev hlub. nws tsis yog li peb hmoob ua, peb li mas peb tos txog thaum lawv ib lo pa nqus tsis tuaj, mas ua tej lub ntees loj, tua nyuj, tua npuav txog 30 los 50 txhiab nyiaj rau hais tias hlub, qhov ntawd nws tsis tseeb lawm. nws yog ib lub koob xwb, nws tsis ua ib qho chaw kawm rau tej tub ki kom hlub niam, hlub txiv thaum ua neej rau hauv lub neej ntiaj teb.
    hais tso tseg li no, kuv hais rau peb xav, muaj tej lo tsis yog los thov zam txhaum.

    Tus sau: Txhiaj Sawm Tsab PP


    Last edited by soua1950 on 9th May 2013, 7:37 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Lus txhawb zog rau cov neeg ua xyem xyav Empty Re: Lus txhawb zog rau cov neeg ua xyem xyav

    Post  Maiv Tooj 20th May 2012, 6:30 pm



    Zoo siab txais tos tij laug Txhiaj Sawm Tsab,

    Tij laug, ua tsaug ntau rau koj cov lus nyiaj lus kub, lus thoob tsib qhia kom peb ras xeev txog tej yam uas peb ua yam peb tsis paub txog los sis peb tsis nco faj. Yeej yog li nws hais, Peb Hmoob yeej muaj keeb kwm nyob hauv Kev Ntseeg Ntuj, tab sis ntev thiab ntev ces peb cia li poob qab lawm, cia li mus yoog luag li, luag tug lawm thiaj li ua khab ua khuav ib qhov tsis cuag ib qho. Zoo siab nws tuaj txog peb lub zos Ncig ntuj sib fim Tswv Ntuj, vam tias nws yuav tuaj nthuav ntau yam rau peb sawv daws tau kawm lawm yav tom ntej.

    Ua tsaug ntau.

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Lus txhawb zog rau cov neeg ua xyem xyav Empty Re: Lus txhawb zog rau cov neeg ua xyem xyav

    Post  Maiv Paj Lug 21st May 2012, 3:30 am

    Ua tsaug ntau os Tijlaug Txhiaj Sawm Tsab,

    Koj sau tau ib co lus nyiaj lus kub zoo heev tseg rau lub Vas Sab Hmong Catholique ntawm nod, txhua yam koj sau yeej muaj tseeb, thiab yog peb tsis kawm tsis paub, koj twb login tau lawm peb txhua tus vam thiab cia siab tias koj tseem yuav npaj tuaj sau ntxiv, kom tus hlob tus yau tau khaws tseg txoj kev ntseeg ntuj thiab txhua yam zoo uas koj muaj los ntawm Huab Tais Yesxus thov tuaj qhia peb thiab nawb mog. J:
    Bao X Mary
    Bao X Mary
    Phooj Ywg
    Phooj Ywg


    Messages : 168
    Date d'inscription : 2011-07-09

    Lus txhawb zog rau cov neeg ua xyem xyav Empty Re: Lus txhawb zog rau cov neeg ua xyem xyav

    Post  Bao X Mary 21st May 2012, 6:32 am

    Nyob zoo Txhiaj Sawm,

    Ua koj tsaug uas koj tau tso ib cov lus txhawb siab rau peb.Kuv yeej ntseeg li koj hais.Peb Hmoob yeej ntseeg ntuj thaum pib los lawm.

    Hais txog tus ua ntoo cuam rau me nyuam hauv pliaj thiab xaws ntoo cuam rau nrab qaum tso mas kuv yeej pom lawm. Tab sis yus tsis to taub tias yog li cas tiag ho ua li ntawd. Tam sim no yus mam paub tseeb tias yog licas tiag.

    Thaum kuv tseem me kuv niam hais yog pom nab mas yus nto tias: Phib! dab phem aw... nyias mus nyias kev txhob los cuam tshuam kuv os." Ces thaum yus pom nab yus ua li ntawd, tab sis yus tsis paub tseeb tias ua cas nab ho yog dab phem no. Zaum no yus los nyeem ntawv Ntshiab yus thiaj paub tias yog licas tiag. Tej yam no yeej yuav tau muab los tham kom paub qhov tseeb tiag.

    Ua koj tsaub koj muab qhov no los hais tawm kom sawv daws paub qhov tseeb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Lus txhawb zog rau cov neeg ua xyem xyav Empty Re: Lus txhawb zog rau cov neeg ua xyem xyav

    Post  Maiv Tooj 24th May 2012, 10:39 am



    Nyob zoo tij laug Soua1950,

    Kuv pom nws Reply ntau qhov posts qub, kuv muab tshem lawm. Puas yog nws xav sau ib qho tshiab, yog nws xav sau kom txhob tshwm nws cov ntawv qub mas nws nqes mus nram qab kawg nkaus, nws mus nias ntawm qhov "POSTREPLY" nram qab kawg nkaus sab xis.

    YOG UA TSIS TAU QHOV TWG LOS TXHOB UA SIAB DEB? PEB TUAJ HAUV NOV YOG TUAJ SIB COJ KAWM XWB MOG.

    Sponsored content


    Lus txhawb zog rau cov neeg ua xyem xyav Empty Re: Lus txhawb zog rau cov neeg ua xyem xyav

    Post  Sponsored content


      Current date/time is 28th March 2024, 7:18 pm