Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Today at 11:57 am

» XH. Yaj Zoov Ntxheb lub Tsev THOOB TSIB
by Maiv Tooj Today at 8:40 am

» XH.Zoov Ntxheb Yaj Nthuav Ntawv Ntshiab.
by Maiv Tooj Today at 8:32 am

» SAJ YES XUS KEV TXOM NYEM
by Maiv Tooj Today at 8:30 am

» COV ZAJ NYEEM NRUAB LIS PIAM XYOO I 2016-2017
by Mim Today at 6:06 am

» MOO QAIJ QAUG
by Maiv Tooj 18th March 2017, 12:17 pm

» Thov Leej Ntshiab YOS XES
by Maiv Tooj 9th March 2017, 12:30 am

» Tshuaj NTSUAB
by Lajpovyaj 3rd March 2017, 4:48 am

» Hnub Txais Tshauv thiab Caij 40
by Mim 28th February 2017, 10:38 am

» TP.Txhiaj Foom lub TSEV Ntawv
by Maiv Tooj 21st February 2017, 8:04 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

Suav neeg tuaj saib, txij hnub 17/09/2010 los mus.


  • Post new topic

Cov neeg tsis nyiam kev ntseeg ntuj txoj kev xav / Atheïsme

Share
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Cov neeg tsis nyiam kev ntseeg ntuj txoj kev xav / Atheïsme

Post  Maiv Paj Lug on 8th March 2012, 9:08 am

ATHEISME



Nyob rau hauv lub neej txoj kev ntseeg ntuj , tej zaum ib txhia yeej hnov, pom , thiab ntsib cov neeg tsis ntseeg ntuj txoj kev xav thiab thuam ntau yam nyob hauv txoj kev ntseeg.

Yam tseem ceeb cov lus hauv qab no, yog cov peb niaj hnub hnov cov tsis ntseeg hais :

1- Nej pheej yuav ntseeg ntuj dab tsi? Ntuj ceeb tsheej ces kawg hauv ntiaj teb no.

2- Thaum nej tuag ces ham tsis kawg nyob tim roob toj ntxa xwb yeej tsis sawv tau mus qhov twg

3- Tuag lawm ces yeej kawg lwj ua av tas.

4- Nej pheej mus ntseeg mab dawb tus Huab Tais dab tsi? nej tsis yog Hmoob los?

5- Yesxus twb tsis yog Hmoob es nej pheej yuav muab los ua nej tus Huab Tais dab tsi?

6- Nej lawb dab nej twb tsis zoo qhov twg tshaj peb , nej twb tsis nplua nuj.

7- Sawv daws ham tsis ntseeg ntuj tib yam las as, tab sis peb tsis kam lees Yesxus.

ect.....tseem tshuav ntau ntau yam ntxiv ... xub nthuav cov saum no tso


Lus teb thiab nthuav rau cov tsis ntseeg:

1_ Peb ntseeg tuj, vim tib neeg muaj ntsuj plig li Tswv Ntuj, txawm ib txhia tsis ntseeg tias Yesxus yog Tswv Ntuj, los yeej yuav tau lees ib hnub xwb thiaj tag ( txhob tos kom txog hnub kawg mam li lees yuav lig lawm). Ntuj ceeb tsheej yeej pib hauv ntiaj teb no tib si, tsim nyog peb muaj txoj kev ntseeg hauv ntiaj teb no ua ntej lawm ces hnub peb lub cev qaug tseem yuav muaj lwm txoj kev rau peb taug ntxiv vim ntuj ceeb tsheej tsis tau kawg rau peb tus ntsuj plig.

2_ Thaum sawv daws tuag lub cev qaij qaug, txhua tus lub cev yeej yuav raug muab mus zwm cia hauv av, leej twg los yeej dhia tsis dhau. Tiam sis kuv muab tus kab npauj piv txwv rau nej, neeg lub cev yuav zoo li tus kab npauj, thaum laus lawm nws nplhis hle hlo nws daim tawv tseg, tawm plaws tus tshiab thiab tseem mos dawb dua tus qub. Peb tib neeg lub cev los tib yam, thaum peb xav tias tuag lawm ces tag, tiam sis tseem yuav yog peb lub caij nplhis tawv xwb, yog yus coj zoo ces yus yuav nphlis ua tus kab npauj zoo, yus coj phem ces yus yuav phlis ua tus kab npauj phem raws nraim yus daim tawv ntag. Yesxus yog tus xub phlis tawv tshaj peb, Yesxus lub cev tuag tau peb hnub, thaum Yesxus sawv tsees hauv qhov tuag los Yesxus lub cev hloov ua tus tshiab ci ntsa thiab muaj hwj huam. Cov thwj tim ua tim khawv 40 hnub nws yees tawm los rau lawv pom.

mam tuaj txuas ntxiv......yog nej leej twg khoom no tuaj teb los tau....




<3 <3 Pab kuv rov los cuag koj Huab Tais Yesxus <3 <3
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Cov neeg tsis nyiam kev ntseeg ntuj txoj kev xav / Atheïsme

Post  Maiv Tooj on 8th March 2012, 11:41 am



Nyob zoo Maiv Paj Lug,

Ua tsaug nws tuaj tham tej yam tseem ceeb kawg rau peb yuav tau khaws cia rau nruab siab.

Yog kawg, Hmoob hais tias ib cov neeg tsis qab tsis tsuag, Fab Kis hais tias ib cov neeg tsis kub tsis txias. Muaj ib cov neeg mas ua neeg ntseeg, tab sis tsis yog neeg ntseeg, ua neeg teev Tswv Ntuj tab sis tsis hwm Tswv Ntuj. Lawv ua neeg siab hlob thiab ua tsias tshiam tswv Ntuj, dab tsi los xav kom tau tab sis tsis pom txiaj ntsim. Li ntawd lawv thiaj pom tias ua Ntuj Kev Cai thiab tsis ua los tsis ntxiv dab tsi, tsis zoo tshaj.

Tab sis yog ua neeg ntseeg, ua hauv lub siab tuaj, mas yuav mus raws li kwv Ntxhuav Mom cov lus thiab ob peb tug tuaj tham hauv nov cov lus. Yog peb ua neeg ntseeg, peb coj li neeg ntseeg tiag tiag mas peb yeej muaj kev thaj yeeb nyab xeeb xwb xwb li. Vim thaum peb yog neeg ntseeg hauv nruab siab tuaj lawm tiag tiag, peb yuav tsis thuam luag, yuav tsis hais luag lub qe, yuav tsis tsa hwj chim, yuav tsis nias luag cai, tus hlob yuav hlub tus yau, tus ntse yuav txhawb tus ruam, tus ruam yuav hwm tus ntse, tus yau yuav pab tus hlob, tus me yuav pab tus loj, yog peb coj tau li no lawm, peb twb tsis thas yuav tos tuag mam mus pom Ntuj Ceeb Tsheej, tab nyob ntiaj teb no los twb yog ceeb tsheej txog tog lawm. Ces peb yeej tau txhua yam zoo thiab yeej zoo tshaj li lawm tiag.

Tab sis yog yuav piv los mas cov uas coj Ntuj Kev cai yeej tau zoo nyob thiab tsis muaj kev piam sij npaum li cov uas tseem tsawv neeb, saib saub ntev ntev mam mus kho ces ntau zaud twb lig dhau rau rau tus mob ces cia li piam sij rau qhov uas lawv laug ntev dhau ais tus mob huam loj lawm kho tsis tau. Thiab tsis tag li ntawd los tseem poob nyiaj txiag ntau heev thiab twb pab tsis tau.



avatar
Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Cov neeg tsis nyiam kev ntseeg ntuj txoj kev xav / Atheïsme

Post  Ntxhuav Mom Xyooj on 9th March 2012, 11:32 am


Maiv Paj Lug,

kuv tau ntsib dua cov neeg coob leej thuam peb cov ntseeg
Yesxus thiab thuam peb phau ntawv Moozoo. Lawv hais tias phau ntawv ntawd twb tsis yog ya puag saum ntuj los,yog neeg tsim xwb cas peb yuav ntseeg ua luaj thiab lawv hais tias yus twb tsis muaj txhaum qhov twg cas nim niaj hnub hais tias yog neeg txhaum. Tab sis lawv tsis paub qhov lawv ua li thiab lawv tsis paub lawv tus kheej li lawm. Yog lawv muaj ib tug tuag mas tus qhuab ke hais rau tuag tias noj tsis tag ces ua tiag nqa mus pub pog pub yawg noj lawm ntuj txiag teb tsaus,yog li ntawd lawv twb pom zem zuag tias nyob rau tom pog thiab yawg lawv teb chaws mas txom nyem heev tsis muaj noj muaj haus tseem tos cov tuag lawv qab nqa mus rau noj xwb.Yus muab ntsuam xyuas mas zoo nkaus li lawv tsuas xav txog lawv lub cev nqaij daim tawv tam sim no xwb,tab sis lawv ho xa cov tuag tsis tseg lawv qab. Ntawm kuv tus kheej mas yog kuv ntseeg li lawv ntseeg mas dab los kuv tsis ntseeg,ntuj los kuv tsis ntseeg nyob twj ywm ncaj ncaj thaum tuag ces cia li coj mus faus xwb tsis thas yuav ua kev cai rau li thiaj tsis qig nyiaj.

Hais txog ntawm peb txoj kev ntseeg Yesxus mas peb ntseeg tias thaum peb lub cev no tuag lawm yeej yuav mus ua av ib yam lawv hais ntawd tiag,tab sis peb tus ntsuj plig yeej mus ntuj ceeb tsheej tiag raws li peb kev vam thiab tso siab rau Yesxus tau hais tias kuv yog txoj kev,kuv yog qhov tseeb thiab kuv yog txoj sia. Kom peb to taub tias txoj sia yog ntsuj plig ntag nawv. Yesxus tseem tau hais rau nws cov thWj tim tias kuv mus ua ntej kuv mus npaj chaw tos nej,nyob pem leej txiv tsev muaj ntau chav,yog li ntawd peb tso siab plhua rau Yesxus ces peb yeej yog Yesxus thwj tim tseeb tiag. Lawv cov uas thuam peb vim lawv tsis lees tias lawv yog neeg txhaum, peb lees tias peb yog neeg txhaum. Ntuj lub ceeb tsheej Tswvntuj npaj rau cov neeg txhaum mus nyob xwb,hos ntuj txiag teb tsaus Tswvntuj npaj rau cov neeg tsis lees tias lawv yog neeg txhaum mus nyob.
Muaj ib lub church nyob tsis deb ntawm kuv no tsis paub tias yog hom church twg tabsis yeej pom muaj tus ntoo cuam lawv tiv ib daim paib liab ploog rau nram lub rooj vag nkag rau hauv church tias:NO PERFECT PEOPLE ALLOWED = Aucunes personnes parfaites permises = TXWV TSIS PUB TUS NEEG DAWB HUV TWG NKAG daim paib no ua rau kuv xav tswv yim tsis thoob.Kuv mam tig rov los xav txog Yesxus lo lus tias nws tuaj hauv lub ntiaj teb no nws yog tuaj cuag cov muaj txhaum xwb los yog nws tuaj nrhiav cov yaj poob zoo xwb. Yog li ntawd peb lees tias peb yog neeg txhaum peb xaiv tau qhov tseeb lawm.
Maiv Paj Lug txawm tias neeg nim yuav thuam peb cov ntseeg Yesxus li ub li no los txhob quav ntsej txog thiab txhob ntaus siab me,peb yuav tsum haj yam zoo siab hom khaj nyob tus yees. Yesxus tau hais tias nej cov uas raug luag hiam,raug luag ntxub vim kuv mas nej txoj hmoov zoo.
avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: Cov neeg tsis nyiam kev ntseeg ntuj txoj kev xav / Atheïsme

Post  Npuagtub on 9th March 2012, 12:54 pm


Maypaj thiab Ntxhuav Mon,

Neb hais tau ib cov lus tseem ceeb kawg rau peb txhua leej yuav tau khaws coj mus siv os nawv. Peb ua neej nyob ces nyias muaj nyias kev xav, nyias muaj nyias kev ntseeg, peb yuam tsis tau leej twg kom ntseeg li peb ntseeg, cia nyias mam li yuam nyias xwb mas thiaj li tsis nyuaj hais lus. Peb tsuas tshaj Tswv Ntuj lub Moo Zoo raws li peb txoj hauj lwm xwb, leej twg yuav thuam yuav hais li cas rau peb los tsis ua li cas, tej luag thuam ntawd yog lawv tsis paub lawv thiaj ua li ntawv xwb, peb yuav thov ntuj thiab zam ntxim rau lawv.Ntuj Ceeb Tsheej yeej muaj tiag, yog peb ua twb zoo xav mas tsim nyob peb yuav ntshai thiab txhawj heev tsam txog hnub peb txoj sia tu peb tus ntsuj plig tsis tau mus Ntuj Ceeb Tsheej.


Photobucket
Kev txiav txim rau cov neeg tuag. REV 20 : 11 - 15.

11 Kuv tseem pom ib lub theej kiab loj dawb paug, thiab pom tus zaum saum lub theej kiab. Lub ntuj lub teb khiav mus deb ntawm nws lub ntsej muag. Tsis muaj chaw rau lub ntuj lub teb nyob ntxiv lawm.
12 Ces kuv pom cov tuag, cov hlob, cov yau huv tib si, sawv daws sawv ntsug nyob ntawm lub theej kiab xub ntiag. Luag nthuav tej phau ntawv, luag tseem nthuav dua ib phau ntxiv thiab, yog phau ntawv txheeb txoj sia. Ces ib tsoom neeg tuag raug txiav txim raws li cov lus sau tseg rau hauv tej phau ntawv ntawd, raws nraim cov hauj lwm uas lawv tau ua.
13 Lub hiav txwv xa cov tuag, uas mus nyob hauv hiav txwv rov los. Txoj Kev Tuag thiab Tub Tuag Teb xa cov tuag rov los. Lawv nyias raug txiav txim raws li nyias cov hauj lwm.
14 Ntuj muab Txoj Kev Tuag thiab Tub Tuag lub Teb Chaws pov tseg rau hauv lub pas hluav taws : lub pas hluav taws no yog kev tuag zaum ob. 15 Tus twg lub npe tsis tshwm nyob hauv phau ntawv txheeb txoj sia, mas luag muab nws pov rau hauv lub pas hluav taws ntawd.



Photobucket
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Cov neeg tsis nyiam kev ntseeg ntuj txoj kev xav / Atheïsme

Post  Maiv Tooj on 9th March 2012, 7:45 pm



Nyob zoo phooj ywg sawv daws,

Kwv Ntxhuav Mom Xyooj hais txog cov neeg thuam cov neeg ntseeg, kuv xav mas cov neeg ntawd lawv lub txhaum twb loj lawm thaum lawv tsis ua neeg ntseeg zoo thiab ntseeg. Los lawv tseem khav tsa hwj chim ntxiv, tseem thuam Ntuj kom ua ib qho txhaum ntxiv thiab. Cov neeg coj zoo li no mas kuv nco txog HT.Yes Xus lo lus hais rau Pob Zeb tias: "Ua tij ywm txhob hais lus, khiav deb ntawm kuv, koj hais dab phem cov lus xwb." Lawv tsa hwj chim heev, lawv xav tias thaum dhau lub ntiaj teb no lawm ces lawv tseem yuav muaj kev ywj pheej li ntiaj teb no thiab tab sis lawv twb tsis paub tias lawv iaj hnub tsub pob zeb rau tom lawv tw ntxiab xwb. Peb lub cev nqaij tuag ces mus ua av, thaum peb ua neeg nyob peb mloog tau peb lub cev nqaij daim tawv, peb hnav khaub ncaws npog, tab sis thaum peb txoj sia tu kiag ces peb lub cev yog peb tus ntsuj plig, peb cev nqaij daim tawv ces zoo nkaus li cev khaub ncaws uas peb muab hloov cia xwb. Qhov nov tsis yog kuv lam tham, yeej muaj tseeb, thaum kuv me nyuam yaus, kuv mob nyhav, tsis nco qab lawm, kuv twb pom kuv lub cev nyob rau ib qho sab sab, hos kuv mas nim nyob piav yeev tav tog tog nrog kuv tus nus mus nrhiav tshuaj rau kuv lub cev...

Kwv tij sawv daws, txhob xav tias peb yog neeg zoo, peb tsis muaj txhaum li. Yog peb ua tau neeg zoo mas haj yam zoo siab xwb; vim lub caij nruab yeeb ntev tshaj lub caij saum yaj lawm txhiab pua npaug, yog leej twg txawj ua neeg ntshiab tiag los puab leej tib kom tsuav ho zoo tau.

Ntawm kuv tus kheej, kuv saib kuv twb sib zog kawg nkaus kom nyob tau rau hauv txoj kev zoo, tab sis yog muag xam ua ntu zus mas kuv yeej ua tsis tau li lub siab ntshaw li. Vim tej thaum, tos yus nco xwb yus lub siab twb ua neeg taug xaiv, hais luag plig lawm, tos nco xwb lub siab twb xav txog luag qhov phem ua rau yus tu siab lawm, tos nco xwb twb thuam luag hauv nruab siab lawm. Li ntawd thaum peb mus kawm Cov Tswj Kev tswj Hwm nyob Paris (Tim 17-19/2/2012) no kuv thiaj li txhob txwm nug cov Txiv Plig loj thiab tsoom Thawj Coj Pej Kum tias: "Nej ua li cas, nej lub tswv yim thiaj ntshiab, vim kuv lub siab kub lug, tab sis kuv lub tswv yim ntxhov nyho."

Thaum kuv pom cov neeg tsis hwm Ntuj tseem thuam Ntuj ua tseem luag ntsoog nqees thiab mas ua rau kuv ntsia zoo li yog kuv pom lawv qw nyob hauv dab phem teb los yog teb chaws Them Txim theem Xya, kuv pab lawv tu siab tij ywm tias lawv tsis paub qhov lawv ua, lawv tseem muaj siab luag heev.




avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Cov neeg tsis nyiam kev ntseeg ntuj txoj kev xav / Atheïsme

Post  Maiv Paj Lug on 9th March 2012, 9:07 pm

Ua nej txhua tus tsaug cov phoojywg ntseeg ntuj, peb ib leeg tuaj qhia ib leeg ces peb kawm tau ntau yam thiab pom qhov zoo.

Nej txhua tus tej lus hais tau zoo, txawm peb muab sau tseg hauv ntawv cab sab nod yuav muaj cov neeg xav tshawb fawb txoj kev ntseeg tuaj pom tuaj nyeem tuaj nrhiav, yuav muaj cov thuam tsis tseg tuaj saib, peb cia siab tias yuav qhib tau tus puav qhov muag los saib thiab pob ntseg los mloog. J:

Hnub no kuv mus npaj pluas mov khi tes rau peb tus tub yuav tawm mus txawv teb chaws mus sib xeem kom luj xeeb, rov los mam rov tuaj sau txuas ntxiv cov lus peb tham saum toj, nej leej twg muaj ntxiv tuaj sau tseg.Amen o)




<3 <3 Pab kuv rov los cuag koj Huab Tais Yesxus <3 <3
avatar
Mim
Tswv Cuab Hmong Catholique
Tswv Cuab Hmong Catholique

Messages : 1777
Date d'inscription : 2009-10-16

Re: Cov neeg tsis nyiam kev ntseeg ntuj txoj kev xav / Atheïsme

Post  Mim on 10th March 2012, 10:38 am

Nyob zoo nej txhua tus sawv daws,

Kuv tsis tuaj cuag ncua pes tsawg, tsis tau tuaj hu Ntxhuav Mom Xyooj. Tiam sis kuv pom Ntxhuav Mom Xyooj tuaj nrog peb tham nyob hauv vas sab Kas Tos Liv no, ua rau kuv zoo siab. Kuv pom tias nws hais tau tej yam meej pem txog kev ntseeg Yes Xus, thiab kuv pom zoo li nws muaj txoj kev ntseeg zoo. Ua koj tsaug uas koj tuaj txhawb peb zog thiab tuaj nthuav koj txoj kev ntseeg faib rau peb.

Ntawm no kuv yuav nrog nej tham txog cov neeg tsis ntseeg Ntuj los yog thuam txoj kev ntseeg ntuj. Raws li kuv xam pom mas muaj ob pab neeg. Ib pab yog cov neeg tsis paub thiab tsis to taub txog txoj kev ntseeg, ces lawv thiaj hais tej lo lus thuam txoj kev ntseeg ntuj. Cov no mas peb yuav tau zam txhaum rau lawv, vim lawv tsis paub thiab tsis to taub. Cov no mas peb yuav tau teb rau lawv raws li peb paub, tej zaum yuav ua rau lawv to taub txoj kev ntseeg ces lawv yuav tseg zuj zus tsis thuam txoj kev ntseeg lawm.

Hos muaj ib hom neeg mas lawv yeej paub txog txoj kev ntseeg, tiam sis lawv xwb tim tsis kam ntseeg ces lawv hais lus thuam. Lawv xav hais tias lawv yog cov ntse, lawv tsis kam yuav qaug quav mus ntseeg luag tej lus dag lus ntxias lawv. Cov neeg hais li no mas muaj ib txhia yog cov yeej ib txwm tsis nyiam kev ntseeg ntuj li, lawv lub tswv yim nyiam mloog raws li cov neeg thuam ntuj, ces lawv cia li coj li ntawd xyaum li ntawd. Hos muaj ib txhia mas yog cov neeg twb los ntseeg Ntuj ib ntus, tiam sis lawv cia li thim lawv txoj kev ntseeg, thiab lawv hais ib co lus thuam txoj kev ntseeg kom luag thiaj paub hais tias tos lawv tsis ntseeg ntuj lawm los yog vim muaj tej yam phem nyob hauv kev ntseeg thiaj ua rau lawv thim kev ntseeg. Zoo li yog lawv hais kom lawv tau cai xwb. Peb yuav tau maj mam nrog lawv piav qhov tseeb nyob hauv txoj kev ntseeg raws li peb paub thiab piav tau, thiab qhov tseem ceeb tshaj ces yog thov ntuj pab lawv xwb, kom tswv ntuj lub txiaj ntsim tuaj qhib lawv lub siab lub tswv yim kom muaj txoj kev ntseeg nyob hauv lawv.




avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Cov neeg tsis nyiam kev ntseeg ntuj txoj kev xav / Atheïsme

Post  Maiv Paj Lug on 13th March 2012, 5:57 am



Yam tseem ceeb cov lus hauv qab no, yog cov peb niaj hnub hnov cov tsis ntseeg hais :

1- Nej pheej yuav ntseeg ntuj dab tsi? Ntuj ceeb tsheej ces kawg hauv ntiaj teb no.

2- Thaum nej tuag ces ham tsis kawg nyob tim roob toj ntxa xwb yeej tsis sawv tau mus qhov twg

3- Tuag lawm ces yeej kawg lwj ua av tas.

4- Nej pheej mus ntseeg mab dawb tus Huab Tais dab tsi? nej tsis yog Hmoob los?

5- Yesxus twb tsis yog Hmoob es nej pheej yuav muab los ua nej tus Huab Tais dab tsi?

6- Nej lawb dab nej twb tsis zoo qhov twg tshaj peb , nej twb tsis nplua nuj.

7- Sawv daws ham tsis ntseeg ntuj tib yam las as, tab sis peb tsis kam lees Yesxus.

ect.....tseem tshuav ntau ntau yam ntxiv ... xub nthuav cov saum no tso




Lus teb thiab nthuav rau cov tsis ntseeg:

1_ Peb ntseeg tuj, vim tib neeg muaj ntsuj plig li Tswv Ntuj, txawm ib txhia tsis ntseeg tias Yesxus yog Tswv Ntuj, los yeej yuav tau lees ib hnub xwb thiaj tag ( txhob tos kom txog hnub kawg mam li lees yuav lig lawm). Ntuj ceeb tsheej yeej pib hauv ntiaj teb no tib si, tsim nyog peb muaj txoj kev ntseeg hauv ntiaj teb no ua ntej lawm ces hnub peb lub cev qaug tseem yuav muaj lwm txoj kev rau peb taug ntxiv vim ntuj ceeb tsheej tsis tau kawg rau peb tus ntsuj plig.

2_ Thaum sawv daws tuag lub cev qaij qaug, txhua tus lub cev yeej yuav raug muab mus zwm cia hauv av, leej twg los yeej dhia tsis dhau. Tiam sis kuv muab tus kab npauj piv txwv rau nej, neeg lub cev yuav zoo li tus kab npauj, thaum laus lawm nws nplhis hle hlo nws daim tawv tseg, tawm plaws tus tshiab thiab tseem mos dawb dua tus qub. Peb tib neeg lub cev los tib yam, thaum peb xav tias tuag lawm ces tag, tiam sis tseem yuav yog peb lub caij nplhis tawv xwb, yog yus coj zoo ces yus yuav nphlis ua tus kab npauj zoo, yus coj phem ces yus yuav phlis ua tus kab npauj phem raws nraim yus daim tawv ntag. Yesxus yog tus xub phlis tawv tshaj peb, Yesxus lub cev tuag tau peb hnub, thaum Yesxus sawv tsees hauv qhov tuag los Yesxus lub cev hloov ua tus tshiab ci ntsa thiab muaj hwj huam. Cov thwj tim ua tim khawv 40 hnub nws yees tawm los rau lawv pom.

3_ Peb ntseeg tias thaum tuag lawm, lub cev yuav ciaj rov los muaj ntuj txoj sia, thaum Yesxus tuag tom qab peb hnub, nws lub cev sawv rov los nrog nws lub hwj huam, Yesxus yog thawj tug xub sawv hauv cov tub tuag, mas li ntawv peb ntseeg Yesxus peb lub cev yuav sawv rov los tib yam. Hauv yaj ceeb no peb qhov muag pom tsis tau, li no thiaj muaj coob leej ntau tus thuam tas li, tiam sis yog thaum peb ntseeg lawm, peb yuav thuam tsis tau, vim Yesxus yeej sawv rov los nrog nws cov thwj tim nyob tau 40 hnub ntxiv, ua ntej nws lub cev yuav nce mus pem ntuj.

4_Yesxus yog Tswv Ntuj Leej tub twm zeej, yog tag nrho neeg ntiaj teb tus Huab Tais tsim lub ntuj tsim lub teb thiab tsim tag nrho noob neej, tsiaj txhu thiab qoob loo. Yesxus yuav tsum yug los hauv ib haiv neeg , nws thiaj xaiv haiv neeg Is Xas Lais. Thaum lub caij Yesxus tuag, sawv, thiab nce mus pem ntuj, Yesxus hais rau nws cov thwj tim kom mus tshaj Yesxus lub moo zoo rau tag txhua haiv neeg thiab txhua lub teb chaws. Li no peb Hmoob nyuam qhuav muaj 60 lub xyoo los Lees Yesxus xwb, yog li ib txhia thiaj tseem thuam.

5_ Peb tsis tas tos Yesxus yog Hmoob mam li ntseeg, niaj hnub nim no peb hnov Yesxus lub moo zoo yeej qhia tau tias Yesxus yog peb tus Huab Tais tiag tiag. Txawm peb yog Hmoob los peb yeej tsis txawv lwm tus neeg pej kum. Txawm peb ib leeg muaj ib haiv neeg los thaum tuag tus ntsuj plig yeej mus rau tib txoj ke mus cuag Tswv ntuj, thaum tuag lawm, tus dawb tsis txawv tus dub, tus Hmoob tsis txawv tus Suav. Txhua haiv neeg yuav los koom ib lub suab thiab ib Huab Tais nyob mus li.

6_ Tus neeg lawb dab mus coj ntuj kev cai, tsis txawv ntawm kev noj kev haus, kev mob kev nkeeg, kev nyiaj kev txiaj, tiam sis tus neeg mus lawb dab coj ntuj kev cai, nws txawv los ntawm sab ntsuj plig, tus neeg coj ntuj kev cai yuav tau txiaj ntsim tiv thiav nws tus ntsuj plig, yuav tau txiaj ntsim daws txhaum, txiaj ntsim thoob tsib thiab txiaj ntsim txuag nws txoj sia.

7_ Cov neeg tsis ntseeg ntuj thuam cov ntseeg ntuj, khav cuam tias ntseeg ntuj tib yam, tsis lees Yesxus, ces yog lam hais kom tas lus , qhov tseeb tiag lawv yeej tsis ntseeg ntuj ib qho me me lawv thiaj li thuam Yesxus. Tus neeg ntseeg ntuj paub Yesxus, yeej tsis kav tsa ncauj hais lo lus twv Yesxus. Thaum tus neeg ntseeg ntuj hnov luag thuam Yesxus lub npe, peb yuav hawm thiab hais twj ywm hauv nruab siab tias, Huab Tais koj zam txhaum rau lawv, vim lawv tsis paub koj lawv thiaj hais li ntawv, thiab peb yuav hais hauv siab twj ywm tias " Huab Tais koj lub npe Ntshiab nto moo lug".






<3 <3 Pab kuv rov los cuag koj Huab Tais Yesxus <3 <3

soua1950

Messages : 21
Date d'inscription : 2012-05-07

Re: Cov neeg tsis nyiam kev ntseeg ntuj txoj kev xav / Atheïsme

Post  soua1950 on 27th May 2012, 8:28 am

Maiv Paj Lug wrote:ATHEISME



Nyob rau hauv lub neej txoj kev ntseeg ntuj , tej zaum ib txhia yeej hnov, pom , thiab ntsib cov neeg tsis ntseeg ntuj txoj kev xav thiab thuam ntau yam nyob hauv txoj kev ntseeg.

Yam tseem ceeb cov lus hauv qab no, yog cov peb niaj hnub hnov cov tsis ntseeg hais :

1- Nej pheej yuav ntseeg ntuj dab tsi? Ntuj ceeb tsheej ces kawg hauv ntiaj teb no.

2- Thaum nej tuag ces ham tsis kawg nyob tim roob toj ntxa xwb yeej tsis sawv tau mus qhov twg

3- Tuag lawm ces yeej kawg lwj ua av tas.

4- Nej pheej mus ntseeg mab dawb tus Huab Tais dab tsi? nej tsis yog Hmoob los?

5- Yesxus twb tsis yog Hmoob es nej pheej yuav muab los ua nej tus Huab Tais dab tsi?

6- Nej lawb dab nej twb tsis zoo qhov twg tshaj peb , nej twb tsis nplua nuj.

7- Sawv daws ham tsis ntseeg ntuj tib yam las as, tab sis peb tsis kam lees Yesxus.

ect.....tseem tshuav ntau ntau yam ntxiv ... xub nthuav cov saum no tso


Lus teb thiab nthuav rau cov tsis ntseeg:

1_ Peb ntseeg tuj, vim tib neeg muaj ntsuj plig li Tswv Ntuj, txawm ib txhia tsis ntseeg tias Yesxus yog Tswv Ntuj, los yeej yuav tau lees ib hnub xwb thiaj tag ( txhob tos kom txog hnub kawg mam li lees yuav lig lawm). Ntuj ceeb tsheej yeej pib hauv ntiaj teb no tib si, tsim nyog peb muaj txoj kev ntseeg hauv ntiaj teb no ua ntej lawm ces hnub peb lub cev qaug tseem yuav muaj lwm txoj kev rau peb taug ntxiv vim ntuj ceeb tsheej tsis tau kawg rau peb tus ntsuj plig.

2_ Thaum sawv daws tuag lub cev qaij qaug, txhua tus lub cev yeej yuav raug muab mus zwm cia hauv av, leej twg los yeej dhia tsis dhau. Tiam sis kuv muab tus kab npauj piv txwv rau nej, neeg lub cev yuav zoo li tus kab npauj, thaum laus lawm nws nplhis hle hlo nws daim tawv tseg, tawm plaws tus tshiab thiab tseem mos dawb dua tus qub. Peb tib neeg lub cev los tib yam, thaum peb xav tias tuag lawm ces tag, tiam sis tseem yuav yog peb lub caij nplhis tawv xwb, yog yus coj zoo ces yus yuav nphlis ua tus kab npauj zoo, yus coj phem ces yus yuav phlis ua tus kab npauj phem raws nraim yus daim tawv ntag. Yesxus yog tus xub phlis tawv tshaj peb, Yesxus lub cev tuag tau peb hnub, thaum Yesxus sawv tsees hauv qhov tuag los Yesxus lub cev hloov ua tus tshiab ci ntsa thiab muaj hwj huam. Cov thwj tim ua tim khawv 40 hnub nws yees tawm los rau lawv pom.

mam tuaj txuas ntxiv......yog nej leej twg khoom no tuaj teb los tau....

lus teb 7 nqi lus saum toj no:
cov tsis ntseeg ntuj yog cov ua lub neej rau lub ntiaj teb xwb. yog li lawv txhiaj tias noj txhiv ua txhua txhiaj tsim nyog. txhiaj ua lub neej tsis muaj txoj kev hlub. lub ntiaj teb txhiaj muaj kev cov nyom li niaj hnub nim no. kom sawv daws yuav tau los xav tias, txheej ua ntej Has Npas Has txawm yog hais li saum no ntag, Tswv Ntuj txhiaj tso dej nyab ntiaj teb.
twb yog neeg txoj kev tsis to taub, Tswv Ntuj txhiaj tso Yes Xus los rau ntiaj teb. Yes Xus los theej txoj kev ua txhaum no rau cov neeg txhaum hauv lub ntiaj teb. nws tuag 3 hnub thiab sawv rov los, muaj 12 tug thwj tim thiab cov leej ntshiab ntau leej tau pom xyeem ntawm qhov muag. lub ntiaj teb neeg muaj tshaj 3 billion tawm los ntseeg qhov no. lub ntiaj teb neeg luag twb ya saum ntuj, luag twb tsis muaj qhov cam txog tej no. ais koj thiab kuv twb ua tsis tau tus pa dig niav ua cas peb pheej tias peb yog. ais peb tsis qhau hau los ntseeg Yes Xus. peb vwj nws txheej tab sis peb tseem niaj hnub nrog luag suav nws lub hnub nyoog thiab. qhov tseeb, peb puas muaj ib tug ntsuj plig?. tus ntsuj plig ntawd yog leej twg muab rau peb?. peb txhua tus hais tias yog ntuj muab. yog peb tsis muaj tus ntsuj plig ntawd, peb yuav cia sia tsis taus nyob ntiaj teb no. lub cev uas yog lub ntiaj teb tug, nws yeej yuav rov mus ua av, tab sis tus ntsuj plig uas ntuj muab nws yuav tsis tuag yog koj ntau ua zoo thiab raws nraim ntuj tej lus qhia. cov dab uas peb niaj hnub pom xyeem ntawm qhov muag yog cov ua lub neej rau lub ntiaj teb xwb, uas vwj ntuj txheej ntag.
qhov no yog qhov kuv ntseeg. tham tsis tag, thov tso tseg li no tso.
Thov Tswv Ntuj pub txoj kev noj tsuag nyob zoo rau peb txhua tus.

soua195: yog tus teb

avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Cov neeg tsis nyiam kev ntseeg ntuj txoj kev xav / Atheïsme

Post  Maiv Tooj on 27th May 2012, 12:12 pm



Nyob zoo Soua1950,

Koj hais yog kawg, cov neeg tsis muaj kev ntseeg, nws ua neej tag nrho rau ntiaj teb no. Qhov phem qhov zoo nws ua tag nrho kom nws siab nqeg, vim nws ntshai tsam tuag lawm ces nws tsis tau ua. Tus neeg ntseeg, nws npaj txiaj ntsim rau lub neej pem suab, nws tsis ua neeg siab hlob rau ntiaj teb no, nws npaj txiaj ntsim rau lub neej pem suab. Nyob ntiaj teb, nws tsis ntshaw yuav ua kom nws txaus siab, nws yuav maj mam ua neej raws li nws muaj thiab nws tau yam tsis nruam lub caij nyoog, nws tsis ntshai tuag.



avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Cov neeg tsis nyiam kev ntseeg ntuj txoj kev xav / Atheïsme

Post  Maiv Tooj on 27th May 2012, 10:52 pm



Nyob zoo Soua1950,

Yog koj xav teb ntawv los yog li cas?
Kuv pom koj Quote ntau qhov, tab sis tsis pom koj sau dab tsi ntxiv rau ces kuv muab tshem tag lawm.
Yog koj muaj lus xav nug kom koj siv tau Vas sab ywj siab los txhob ua siab deb nawb mog. Peb tuaj hauv cab sab ces yeej yog tuaj sib coj kawm xwb, ib leeg yeej paub lawm ib yam, yuav tsis paub tag nrho los peb sib coj kawm sib coj qhia nawb mog.




Sponsored content

Re: Cov neeg tsis nyiam kev ntseeg ntuj txoj kev xav / Atheïsme

Post  Sponsored content

  • Post new topic

Current date/time is 30th March 2017, 1:23 pm