Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Today at 11:57 am

» XH. Yaj Zoov Ntxheb lub Tsev THOOB TSIB
by Maiv Tooj Today at 8:40 am

» XH.Zoov Ntxheb Yaj Nthuav Ntawv Ntshiab.
by Maiv Tooj Today at 8:32 am

» SAJ YES XUS KEV TXOM NYEM
by Maiv Tooj Today at 8:30 am

» COV ZAJ NYEEM NRUAB LIS PIAM XYOO I 2016-2017
by Mim Today at 6:06 am

» MOO QAIJ QAUG
by Maiv Tooj 18th March 2017, 12:17 pm

» Thov Leej Ntshiab YOS XES
by Maiv Tooj 9th March 2017, 12:30 am

» Tshuaj NTSUAB
by Lajpovyaj 3rd March 2017, 4:48 am

» Hnub Txais Tshauv thiab Caij 40
by Mim 28th February 2017, 10:38 am

» TP.Txhiaj Foom lub TSEV Ntawv
by Maiv Tooj 21st February 2017, 8:04 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

Suav neeg tuaj saib, txij hnub 17/09/2010 los mus.


  • Post new topic

Welcome Ntxhuav Mom Xyooj

Share
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Welcome Ntxhuav Mom Xyooj

Post  Maiv Paj Lug on 2nd March 2012, 9:49 pm

Nyob zoo tus Tij Ntxhuav Mom Xyooj,

Koj twb tuaj tau ob peb hnub no hauv Vas Sab Hmoob Kas Tos Liv lawm, hauj lwm ntau kuv tseem xyeej tsis tau khoom tuaj txais tos koj, kuv tseem mus npaj T.P Nyiaj Pov Keeb Kwm yuav mus ua Exposition rau fab kis saib thiab paub peb kev ntseeg txhawv qhov twg los.

Hnub no kuv zoo siab ntau tsis muaj ib yam dab tsi pauv tau txoj kev Tswv Ntuj coj nej txhua tus cov laus cov hluas uas paub kev ntseeg zoo tuaj txhawb peb sawv daws.

Koj tuaj txog lawm, peb thov koj tuaj sau txhua yam kev ntseeg uas koj muaj tseg ua ib qho hmoov zoo rau lub ntiaj teb uas peb txhua tus tseem nyob nawb mog.

Tswv Ntuj twb hais tias, kuv pub txiaj ntsim rau nej txhua tus, nej coj mus tshaj kom tau peev rov qab los, yog li peb thov koj Ntxhuav Mom Xyooj, muaj yam txuj dab tsi zoo tuaj nthuav pub peb hauv Vas Sab Hmoob Catholique, Hnub ncaim ntiaj teb Tswv Ntuj yuav nco koj txiaj ntsim, koj hneev tes hneev taw thiab koj tej lus qhuab qhia zoo yuav nyob nraim tsis ploj. Thov kom Huab Tais Yesxus nrog koj nyob ua koj siab kaj lug J:




<3 <3 Pab kuv rov los cuag koj Huab Tais Yesxus <3 <3
avatar
Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Welcome Ntxhuav Mom Xyooj

Post  Ntxhuav Mom Xyooj on 3rd March 2012, 8:03 pm

Nyob zoo Maiv Paj Lug
Ua koj tsaug ntau ntau uas koj tseem zoo siab txais tos kuv tuaj nrog
tsoom ntseeg sib txhawb tswv yim hauv lub vas sab no. Kuv kuj tsis paub
kev ntseeg zoo,kuv tsuas nyeem thiab tshawb fawb hauv ntawv Moozoo xwb.
Kuv pom tau tias txoj kev peb tuaj sib ntxiv tswv yim txog kev ntseeg
ntuj hauv nov yog ib lub tswv yim zoo kawg. Peb sawv daws ntseeg Yesxus
tib yam,tab sis yias muaj nyias kev to taub txawv,thaum koj nyeem kuv zaj
kuv ho nyeem koj zaj tas mas thiaj li paub tias txoj kev ntseeg ntawm ib
tug nyias ntseeg tob thiab ruaj paum li cas puas yog? Yog li ntawd koj
paub tob npaum li cas,kuv ho paub tob npaum li cas peb coj tuaj sib ntxiv
rau hauv no kom peb txoj kev ntseeg loj hlob nrhau cag kom ruaj hauv peb
lub koom txoos Catholic qhov no yog peb sib ntxiv kev ntseeg kom cov tsis
paub kev ntseeg ntuj zoo los kom ho paub zoo tuaj,kom muaj kev tso siab
rau Tswvntuj tiag tiag es txhob ua xyeem xyav.

Ntxhuav Mom Xyooj
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Welcome Ntxhuav Mom Xyooj

Post  Maiv Tooj on 3rd March 2012, 9:00 pm



Ntxhuav Mom Xyooj wrote:
Peb tau txiav txim siab los cuag Yesxus lawm,
peb yuav tsum nquag nyeem phau ntawv Moozoo kom thoob lub hauv paus mus txog rau lub hauv ntsis.
Cim thiab nco cia,tshawb fawb kom mus pom txoj kev mus ntuj ceeb tsheej.
Tswvntuj cov lus qhia peb kom mus taug txoj kev tseeb.
Ntiaj teb neeg muaj ntau txoj kev hais tias yuav mus ntuj ceeb tsheej,
tab sis muaj ib txog xwb thiaj li mus txog ntuj ceeb tsheej,txoj ntawd yog Yesxus.
Yog li ntawd,thaum peb ntseeg Yesxus lawm,peb tsis txhob nkim peb lub caij lub nyoog.
Peb yuav tau pauv tus cwj pwm qub mus ua tus cuj pwm tshiab.
Txoj qub kev uas peb tau taug los peb tso plhuav tseg ua hmab tu hlua pluam
txhob nco txog thiab txhob siv ntxiv li lawm.
Qhov nov txhais tau tias peb tso plhuav tej qub kev cai tseg thiab tej kev lim hiam,kev ntxub ntxaug,kev plees kev yi,kev xyav luag moo tsis zoo thiab kev taug xaiv.
Txawm tias peb twb los ntseeg Yesxus lawm los peb tseem tso tsis taus tej
saum no tseg ces peb tseem ua dab toj dab qhev li qub.
Peb txoj kev ntseeg Yesxus yuav tsum yog 100% txhob pub 1% rau dab nkag los nyob li,
mas peb thiaj li yuav dawb huv tau mog cov kwv tij phooj ywg.
Peb yog neeg lo lub keeb txhaum lawm,peb txhob tsub txhaum ntxiv.
Yesxus hais tias,nej cov uas ris lub nra nyhav,txav los cuag kuv,kuv yuav txo kom
nej lub nra sib. Kuv tus kheej thiab tus plig zoo siab hom khaj tias kuv txoj kev cia siab tseem tsis tau tag.

Kuv tus kheej thaum kuv tshawb fawb pom qhov tseeb kuv mam li tig rov los xav tias yog kuv twb tuag ua ntej thaum kuv tseem tsis tau los cuag Yesxus, ntshai kuv tus ntsuj plig yuav tu siab heev thiab kuv tus kheej tsis tsim nyog yug los ua neeg ib zaug nyob rau lub ntiaj teb no.
Mam li ntsib nej dua mog cov phooj ywg.

Ntxhuav Mom Xyooj

Zoo siab txais tos kwv Ntxhuav Mom Xyooj,

Zoo siab uas koj tuaj txog lub Tsev Nrhiav Tswv Ntuj.
Ua tsaug rau koj cov lus zoo, lus qhuab ntuas kom peb lub siab tawg.
Yeej yog li koj hais, peb ib leeg pom lawm ib yam, paub lawm ib tsa, peb coj tuaj tso ua ke, peb yuav nrhiav tau lub ntsiab lus tseem ceeb los ua peb txoj hauv kev. Kuv nyiam koj sob lus saud no kawg li, koj sob lus no mas yeej niaj hnub hnov neeg nroo hauv lub neej, tab sis tsis nco xav tias kom yus tus kheej yuav NRAUJ kom tau. YUS PHEEJ NCO TXOG QHOV LUAG UA KHIB YUS XWB tsis nco txog qhov tias YUS YUAV NRAUJ KIAG ES HLA KOM DHAU TXHOB XAV TXOG.

Kuv zoo siab koj coj koj tus kheej tej kev tshawb nrhiav tau tuaj pub rau peb khaws xyeem siv. Ntshe koj muab ntev xyoo los tshawb nrhiav, peb cia li khaws tiav tiav los siv. Peb ua koj tsaug ntau. Kuv tus kheejxav tias koj SOB LUS NO YEEJ YUAV TSIS POOB DAWB POOB DO, TXAWM KHAWS TSIS TAU TAG LOS PEB YEEJ YUAV KHAWS LO PUAV MUS XYAUM HLOOV PEB LUB NEEJ LAWM YAV PEM SUAB.



avatar
Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Welcome Ntxhuav Mom Xyooj

Post  Ntxhuav Mom Xyooj on 5th March 2012, 6:05 am

Nyob zoo Maiv Tooj
Ua tsaug ntau uas koj tseem zoo siab txais kuv tuaj hauv lub vas sab no
thiab koj tseem txhawb kuv lub zog,qhuas thiab nyiam kuv sob lus li hais
ntawd kuv ua koj tsaug ntau. Koj hais tau ua rau kuv muaj siab npaj yuav
mus tshawb fawb nrhiav kev ntseeg ntuj kom ntau tuaj tso rau hauv no es
peb thiaj li muaj kev ntseeg ib hnub ntxiv ib los kom peb txawj ua lub siab ntev npaj rawv peb txoj kev ntseeg kom puv npo nyob tos huab tais
Yesxus ib hnub dhau ib hnub ib hmos dhau ib hmos zoo li 10 tus hluas nkaujtaws teeb mus tos tus nraug vauv. Peb yuav tsum zov hmo tas mus li txhaistias nyiam Tswvntuj tas mus li. Kuv muab 2 tug dej los ua piv txwv rau pebtxoj kev ntseeg xws li tus dej sab siv thiab tus dej cag. tus dej sab sivmas tsuas txhawv thaum lub caij ntuj nag xwb,lub caij ntuj qhua ces tu lawm,hos tus dej cag mas txhawv thawm niaj thawm xyoo,txawm yog lub caijntuj nag ntuj qhua los yeej tsis tu li. Ntawm peb txoj kev ntseeg Yesxuslos kuj zoo tib yam li 2 tug dej ntawd thiab. Yog vim cas kuv ho muab 2 tug dej no los ua piv txwv li ntawd.
avatar
Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Welcome Ntxhuav Mom Xyooj

Post  Ntxhuav Mom Xyooj on 5th March 2012, 6:30 am

Vim hais tias kuv tshawb fawb pom peb cov ntseeg ib txhia mas thaum noj qab nyob zoo thiaj nco txog Tswvntuj xwb,hos thaum muaj mob nkeeg nyhav
tuaj ces tsis nco qab Tswvntuj lawm. Ib txhia mas thaum noj qab nyob zoo
ho tsis nco Tswvntuj lawm,hos thaum ho muaj mob nkeeg ces mam ho rov tig
los nrhiav Tswvntuj. Kuv thiaj muab 2 tug dej no los ua piv txwv rau peb
txoj kev ntseeg ntuj es seb peb yuav xav li cas. Ntawm kuv tus kheej mas
kuv xaiv tus dej cag los nyob hauv kuv lub siab kom kuv txoj kev nyiam
Tswvntuj txhawv tas mus li tsis tu.

Ntxhuav Mom Xyooj
avatar
Tub Kawm
Phooj Ywg
Phooj Ywg

Messages : 406
Date d'inscription : 2011-10-13

Re: Welcome Ntxhuav Mom Xyooj

Post  Tub Kawm on 5th March 2012, 9:19 am

Nyob zoo tus tij laus Ntxhuav Mom zoo siab ntau uas koj tuaj tshawb fawb txog ntaum yam tuaj tso pub rau peb txhua tus paub og nawb. Thov kom Tswv Ntuj lub txiaj ntsim nrog nraim koj nyob kom koj rau siab nrhiav tej zaj tseem ceeb tuaj tso pub rau peb tau nyeem nawb.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Welcome Ntxhuav Mom Xyooj

Post  Maiv Tooj on 6th March 2012, 8:27 am

Ntxhuav Mom Xyooj wrote:March 6, 2012
Nyob zoo cov phooj ywg ntseeg Yesxus tuaj koom rau hauv lub vasab Hmoob
Catholique. Kuv yog Ntxhuav Mom Xyooj,kuv tshawb fawb pom lub vasab no
hauv internet Google, kuv thiaj li nkag tau tuaj nrog nej sib fim hauv no.
Tab sis kuv tsis txawj kov computer pes tsawg. Kuv nyob rau teb chaws USA.
Lub roog Oregon puab rau sab Pacific hiav txwv. Kuv thiab tsev neeg peb los ntseeg ntuj xyoo 1977 nyob rau yeej thoj nam,Namyao,Thaib teb. Thaum
ntawd tseem hluas ces yeej tsis paub tias kev ntseeg ntuj yog dab tsi li.
Pom muaj cov tub ntxhais niaj hmo tuaj mus teev ntuj tsheej pab lom zem
kawg ces lam caum lawv mus saib puas muaj tus puav hluas nkauj nyiam yus
xwb. Mus mus kuj tsis muaj tus nyiam yus,vim yus tsis zoo nraug pes tsawg.
Ces xyoo 1980 kuv mam li tuaj mus rau USA mam li tuaj yuav poj niam. Lub sij hawm tuaj txog USA los yeej tsis tshawb fawb nyeem ntawv Moozoo li ces
yeej tsis paub kev ntseeg ntuj zoo li. Tsis muaj ib tug XH. Hmoob qhia peb. Yus yuav tau nrhiav kev ntseeg yus tus kheej xwb nawb cov phooj ywg.

Nyob zoo tub Txawj Tuam thiab kwv Ntxhov Mom Xyooj,

Kwv Ntxhov Mom Xyooj,

Zoo siab uas nws ncig ncig ntuj es tseem tuaj nrhiav tau peb nrhiav Tswv Ntuj thiab. Yog ib lub txiaj ntsim zoo heev uas nws tuaj txog rau peb, tuaj txhawb peb siab, nqa peb zog.
Thaum nws mus caum cov hluas mus teev Ntuj seb hluas nkauj puas nyiam nws, tsis muaj hluas nkauj nyiam los twb yog Huab Tais Yes Xus twb nyiam nws lawm es thiaj li tsis muaj tus tab kaum nws lub caij ntawd.
Kwv Ntxhuav Mom, tsis muaj Xib Hwb Hmoob tuaj qhia nej los nej twb txawj nrhiav tau Tswv Ntuj lub ntsiab zoo heev lawm es txhob tu siab thiab mog. Kuv pom tau tias yog yus nrhiav yus mas yus yuav nrhiav tau tob dua uas muaj neeg qhia yus. Kuv tseem nco tau, yav thaum ub lawv qhia kev ntseeg rau kuv mas kuv tsis tshua rau siab kawm thiab nrhiav qhov tseem ceeb li; thaum tsis muaj neeg qhia kuv lawm es kuv mam rov nrhiav kuv no ces kuv ho ua hnub ua hmo mus tshawb, mus xawb qab roob qab ha txhua nrho.

Kwv Ntxhuav Mom, kuv xav tias nws twb tuaj sau ntau lawm thiab, seb nws puas xav tso nws ib daim duab rau ntawm nws lub npe, los seb nws puas xav tso ib tug duab hauv cab sab rau nws lub npe?

Yam li yog nws tsis xav tso nws tus kheej duab no seb nws puas xaiv ib daim duab tuaj kuv tso rau nws los yog nws puas nyiam ib daim ntawm nov?











avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Welcome Ntxhuav Mom Xyooj

Post  Maiv Paj Lug on 6th March 2012, 9:49 am

Ntxhuav Mom Xyooj wrote:Vim hais tias kuv tshawb fawb pom peb cov ntseeg ib txhia mas thaum noj qab nyob zoo thiaj nco txog Tswvntuj xwb,hos thaum muaj mob nkeeg nyhav
tuaj ces tsis nco qab Tswvntuj lawm. Ib txhia mas thaum noj qab nyob zoo
ho tsis nco Tswvntuj lawm,hos thaum ho muaj mob nkeeg ces mam ho rov tig
los nrhiav Tswvntuj. Kuv thiaj muab 2 tug dej no los ua piv txwv rau peb
txoj kev ntseeg ntuj es seb peb yuav xav li cas. Ntawm kuv tus kheej mas
kuv xaiv tus dej cag los nyob hauv kuv lub siab kom kuv txoj kev nyiam
Tswvntuj txhawv tas mus li tsis tu.

Ntxhuav Mom Xyooj

Nyob zoo tijlaug Ntxhuav Mom Xyooj,

Cov lus koj hais saum no ces yeej yog kiag peb ib txhia Hmoob niaj hnub nim no lub neej, kuv kuj pom tib yam li koj hais thiab , muaj coob leej ntau tus tsuas lam los ua kev ntseeg kom hnub qaij qaug thiaj tsis tau ua dab ua qhua, ib txhia yeej hais tias lawb dab los tseem ua xyem xyav mus nrhiav txiv neeb txiv yaig thaum mob loj tuaj, twb tsis pauv siab ntsws, twb tsis tso siab rau Tswv Ntuj,twb tsis kam coj lub neej tshiab nquag plias mus Teev Ntuj.





<3 <3 Pab kuv rov los cuag koj Huab Tais Yesxus <3 <3
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Welcome Ntxhuav Mom Xyooj

Post  Maiv Paj Lug on 6th March 2012, 10:05 am

Ntxhuav Mom Xyooj wrote:Nyob zoo Maiv Tooj
Kuv muab 2 tug dej los ua piv txwv rau pebtxoj kev ntseeg xws li tus dej sab siv thiab tus dej cag. tus dej sab sivmas tsuas txhawv thaum lub caij ntuj nag xwb,lub caij ntuj qhua ces tu lawm,hos tus dej cag mas txhawv thawm niaj thawm xyoo,txawm yog lub caijntuj nag ntuj qhua los yeej tsis tu li. Ntawm peb txoj kev ntseeg Yesxuslos kuj zoo tib yam li 2 tug dej ntawd thiab. Yog vim cas kuv ho muab 2 tug dej no los ua piv txwv li ntawd.

Ntxhuav Mom Xyooj, koj zaj lus piv txog ob tug dej no zoo heev, cia kuv ntxiv ib qho txhawb koj qhov thiab yuad J:

Peb txoj kev ntseeg zoo yam li tus dej txhawv, muaj ib txhia neeg tau dej haus txhua hnub hauv nws tsev, yeej tsis nco qab tias txhawv qhov twg los. Yog peb ua twb zoo taug qab tus dej peb haus hauv tsev, nws yuav qhia tau tias tuaj qhov twg tuaj, nyob lub hav twg thiab txhawv qhov twg los.

Peb txoj kev ntseeg Ntuj kuj zoo tib yam , tsuav tau los coj kev ntseeg lawm ces yeej tsis qhuav ntsej mus teev ntuj, peb puas nco tias txoj kev ntseeg no nws txhawv qhov twg tuaj ? Yog peb rau siab mloog thiab mus Teev Ntuj peb yuav ntsib Huab Tais Yesxus Pleev, uas yog Tswv Ntuj Leej Tub peb tus Tswv Ntuj lub txiaj ntsim.




<3 <3 Pab kuv rov los cuag koj Huab Tais Yesxus <3 <3
avatar
Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Welcome Ntxhuav Mom Xyooj

Post  Ntxhuav Mom Xyooj on 6th March 2012, 9:29 pm

Nyob zoo Maiv Tooj
Kuv yeej xav tso ib daim duab rau ntawm kuv lub npe kawg,tab sis kuv tsis
paub tso na. Koj hais tias koj mam pab kuv tso no,kuv yuav muab daim duab
xa by mail tuaj rua koj los yog ua cas? Yog li ntawd no thov koj qhia koj
chaw nyob rau kuv,kuv mam li mail tuaj rau koj pab muab tso rua hauv yom.
Los yog licas,thov koj qhia mus rau kuv paub os Maiv Tooj.
avatar
Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Welcome Ntxhuav Mom Xyooj

Post  Ntxhuav Mom Xyooj on 6th March 2012, 10:20 pm

Nyob zoo Maiv Paj Lug
Kuv ua koj tsaug ntau uas koj tseem pab kho thiab ntxiv ib sob lus rau kuv. Peb kev sib fim kev ntseeg ntuj ces yeej cia siab ntsoov xav kom koj
ntxiv ib lo,kuv ntxiv ib lo kom peb cov lus muaj kuab thiab muaj zog.
Hais txog kev mus teev ntuj txhua hnub chiv mas kuv pom tau tias yog ib
txog xeeb ceem zoo. Tab sis muaj ib txhia mus teev ntuj tsis sav txhua hnub chiv los nws tus cwj pwm qub yeej tsis hloov li. Kev hais lus los
tseem hais chob neeg,thuam neeg,saib tsis tau neeg,tej txhia zoo li ntawd
mas kuv xav hais tias nws lam mus kom tus txiv plig pom nws xwb. Yus ntes
tau nws lub siab los ntawm nws cov lus thiab tes hauj lwm nws ua. Mas tej
txhia neeg zoo li ntawd nyob hauv nws lub siab tseem khoob tej kem cia
dab nkag mus nyob hauv. nws tsis muaj Tswvntuj puv npo kom yog 100%. Yog
li ntawd Yesxus thiaj hais lus piv txwv rau peb tias cov me nyuam aw;;;
Ceeb laj mus tau saum Tswvntuj lub ceeb tsheej kawg. Ib tug ntxhuav yuav
nkag mus hauv lub qhov koob,tseem yooj yim dua ib tug neeg yuav nkag mus
Tswvntuj lub ceeb tsheej. Yog li ntawd kev ntseeg mas nyuaj kawg tiag.
avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: Welcome Ntxhuav Mom Xyooj

Post  Npuagtub on 7th March 2012, 5:07 am

Ntxhuav Mom Xyooj wrote:Nyob zoo Maiv Tooj
Kuv yeej xav tso ib daim duab rau ntawm kuv lub npe kawg,tab sis kuv tsis
paub tso na. Koj hais tias koj mam pab kuv tso no,kuv yuav muab daim duab
xa by mail tuaj rua koj los yog ua cas? Yog li ntawd no thov koj qhia koj
chaw nyob rau kuv,kuv mam li mail tuaj rau koj pab muab tso rua hauv yom.
Los yog licas,thov koj qhia mus rau kuv paub os Maiv Tooj.

Nyob zoo os Ntxhuav Mom,
Yog koj xav tso duab ces koj mus saib kem qhia tso duab rau hauv no xwb koj yuav paub lamw os nawv, tsis nyuaj li os. Peb zoo siab koj tuaj kooom peb os nawv.....Koj click qhov link hauv qab no ces koj yuav mus pom kev qhia tso duab os naw:


http://hmongcatholique.forumdediscussions.com/t246p15-qhia-tso-duab



Photobucket
avatar
Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Welcome Ntxhuav Mom Xyooj

Post  Ntxhuav Mom Xyooj on 7th March 2012, 11:36 am

Nyob zoo XH. Npuag Tub thiab Maiv Paj Lug;
Ua neb tsaug ntau uas neb tseem qhia kuv tso duab thiab,tab sis kuv tsis
muaj lub scan. Lub computer kuv siv no yog lub laptop xwb. Ces kuv twb
kom kuv ib tug phooj ywg pab tso rau kuv lawm os.
avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: Welcome Ntxhuav Mom Xyooj

Post  Npuagtub on 7th March 2012, 6:02 pm

Ntxhuav Mom Xyooj wrote:Nyob zoo XH. Npuag Tub thiab Maiv Paj Lug;
Ua neb tsaug ntau uas neb tseem qhia kuv tso duab thiab,tab sis kuv tsis
muaj lub scan. Lub computer kuv siv no yog lub laptop xwb. Ces kuv twb
kom kuv ib tug phooj ywg pab tso rau kuv lawm os.

DEJ NAMYAO CHAW TSHUA

1 zoo
Ntxhuav Mom,

Kev yuav tso duab rau hauv Forum no yeej tsis nyuaj os nawv, txawm koj siv hom computer dab tsi los yeej tso tau duab tas huv si rau hauv no os, tej zaum yog koj tsis tau swm ces koj thiaj li tsis paub xwb..Yog koj tsis nkag siab yam twg los txhob ua siab deb es ho nug ho nawv, peb txhua leej zoo siab qhia koj li peb paub..Zoo siab koj tuaj koom peb os nawv.




Photobucket
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Welcome Ntxhuav Mom Xyooj

Post  Maiv Tooj on 8th March 2012, 11:22 am


Nyob zoo XH.Npuag Tub thiab kwv Ntxhuav Mom Xyooj,

Kwv Ntxhuav Mom,

Zoo siab uas koj tso tau koj daim duab rau ntawm koj lub npe lawm.
Koj tuaj txog lawm, maj mam kawm, koj yeej yuav txawj tso duab thiab ua ntau yam ntxiv. Kuv twb kho koj lub npe kom thaum koj sau ntawv Send (xa) tag, koj xov rov mus kho koj cov ntawv los koj mus kho tau.
Yam li yog koj xav rov nkag mus kho los yog sau ntxiv hauv ib qho ntawv uas koj xub sau es koj twb Send lawm.

Ces koj saib ntawm koj sab xis, hauv qab koj qhov Post uas koj xav kho ntawd pom "Edit" ces koj nias ntawm Edit, ces koj rov nkag tau mus hauv koj qhov post qub lawm. Koj kho tag ces koj rov qab Send ces tau lawm.

XH.Npuag Tub,

Wow...! Ib pab nraug seev ntawd yog nyob rau qhov twg?
Puas muaj kwv Ntxhuav Mom nyob hauv thiab?
Ua tsaug nws daim duab zoo nkauj thiab tseem ceeb.



avatar
Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: Welcome Ntxhuav Mom Xyooj

Post  Npuagtub on 9th March 2012, 4:25 am

Maiv Tooj wrote:
Nyob zoo XH.Npuag Tub thiab kwv Ntxhuav Mom Xyooj,

Kwv Ntxhuav Mom,

Zoo siab uas koj tso tau koj daim duab rau ntawm koj lub npe lawm.
Koj tuaj txog lawm, maj mam kawm, koj yeej yuav txawj tso duab thiab ua ntau yam ntxiv. Kuv twb kho koj lub npe kom thaum koj sau ntawv Send (xa) tag, koj xov rov mus kho koj cov ntawv los koj mus kho tau.
Yam li yog koj xav rov nkag mus kho los yog sau ntxiv hauv ib qho ntawv uas koj xub sau es koj twb Send lawm.

Ces koj saib ntawm koj sab xis, hauv qab koj qhov Post uas koj xav kho ntawd pom "Edit" ces koj nias ntawm Edit, ces koj rov nkag tau mus hauv koj qhov post qub lawm. Koj kho tag ces koj rov qab Send ces tau lawm.

XH.Npuag Tub,

Wow...! Ib pab nraug seev ntawd yog nyob rau qhov twg?
Puas muaj kwv Ntxhuav Mom nyob hauv thiab?
Ua tsaug nws daim duab zoo nkauj thiab tseem ceeb.

Hahahaaaa....Yus mam ntsia saib puas muaj tus neeg yus paub xwb mas los....Pab nraug seem no nyob Yeej Thoj Nam Namyao os...



Photobucket
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Welcome Ntxhuav Mom Xyooj

Post  Maiv Tooj on 26th March 2012, 10:05 am


Nyob zoo kwv Ntxhuav Mom Xyooj,

Kuv thov hais rau koj tias zoo li muaj neeg muab peb ib cov Posts hauv nov tshem, zoo li tshem ib cov Topics thiab ib cov Posts thaj tsam li 200-300 lub Posts ploj lawm.

Kuv nrhiav tsis pom koj ib cov Posts uas sau tau zoo heev, xws li zaj uas koj tham txog cov yij ya nram koj qab teb thiab qhov koj hais txog nyeem Ntawv Ntshiab yuav teev Ntuj ua ntej dab phem thiaj tsis laum yus tsaug zog.

Khuv xim heev tab sis muab tsis tau rov qab los lawm, yog nws muaj caij thiab nco tau no ho rov sau dua rau peb khaws cia mog.

Cas hauj lwm ntau li ntau, twb ua tsis tag los tej ua tau tseem ploj lawm thiab.

Txij no mus, mam xov laj kab thaiv kom txhob muaj chaw to qhov, kom txhua yam peb sau tau nyob tsis muaj caij kawg.



avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Welcome Ntxhuav Mom Xyooj

Post  Maiv Tooj on 26th March 2012, 10:14 am



Kwv Ntxhuav Mom Xyooj,

Kuv sim sau ib qho Message Private rau koj lawm, koj saib qhov kuv qhia hauv qab nov seb koj txais puas tau. Yog tsis to taub qhov twg no ho hais, mam sib qhia dua.



SAU ntawv rau ib tug tswv cuab hauv nws lub tsev ntawv PM(message Private, MESSAGE PRIVE), sau li cas?


PM(message Private), yog rau cov Member hauv ib lub Forum sib sau ntawv Private.

- Yog koj xav sau ntawv rau ib tug member uas koj tsis tau sau dua rau nws thiab nws kuj tsis tau sau dua tuaj rau koj.

1- Koj Log in tau koj lub npe.

Ces koj mus nias:

2-ntawm tus Member uas koj xav sau PM rau lub npe
a/ Pom ib qho tableau tawm los, kab saum toj ntawm sab lauj koj pom ua kab tav toj:
*
Visitor messages *Profile *Statistic * Friend * Contact


b/ koj nias ntawm Contact
c/ Koj nias ntawm PM

Ces koj sau tau PM rau tus neeg ntawd lawm.

Yog ib tug sau PM tuaj rau koj, koj yuav pom ====>


Yog thaum koj Login koj lub npe tag, koj saib ntawm sab lauj "Log out" koj pom qhov sau tias: ­ You have no new messagesYou have (no)or (x) new messages yog koj pom ib tug lej x* thiab ib lub ===> ci laim laim, ces txhais hais tias koj muaj ib qho Private Message , koj nias mus hauv, ces koj nyeem tau qhov Message.

Yog muaj neeg sau tuaj, koj xav teb ces koj teb li koj sau ntawv hauv Forum public xwb. Yog koj xav sau dua ib qho tshiab rau tus neeg twb sau tuaj rau koj lawm ces koj nias Reply ces koj sau tau PM rau. Yog koj xav sau rau ib tug tshiab, koj cia li nias NewPM nyob ntawm koj sab xis saum hau ces koj mam li sau tus neeg uas koj xav sau ntawd lub npe rau saum hau kawm nkaus xwb ces koj sau tau rau nws lawm.



avatar
Maivxis
Phooj Ywg
Phooj Ywg

Messages : 265
Date d'inscription : 2009-11-05

Re: Welcome Ntxhuav Mom Xyooj

Post  Maivxis on 2nd April 2012, 7:06 am



Nyob zoo os Ntxhuav Mom xyooj .

Hnub no zoo siab uas tau tuaj pom koj hauv Vas sab Hmoob kas tos liv no os mog , Thov txim nawb ua tsis tau tuaj txais tos koj os mog , Kuv tuaj lig me ntsis lawm es koj txhob xav li cas os lod , Zoo siab hais tias peb yuav muaj zoo ib tug neeg tuaj fim peb thiab peb tos rawv nej sawv daws tuaj pab peb Nrhiav Huab Tais Ntuj lub moo zoo os Thov kom koj tuaj txog hauv no lawm ces Huab tais Ntuj yuav nrog koj nyob ua koj lub siab kaj lug nawb mog , Mam sib ntsib dua os .



Maivxis .
avatar
Ntxhuav Mom Xyooj
Tuaj Tshiab
Tuaj Tshiab

Messages : 98
Date d'inscription : 2012-02-23

Re: Welcome Ntxhuav Mom Xyooj

Post  Ntxhuav Mom Xyooj on 4th April 2012, 4:51 am

Nyob zoo Maivxis

Kuv zoo siab ntau uas koj tseem txais tos kuv tuaj rau hauv vas sab no
thiab ua koj tsaug ntau. Koj tuaj lig me ntsis lawm los kuv tsis xav li
cas li os. Kuv yeej paub tias peb txhua tus khwv khwv kawg, tsuas qee lub
sij hawm tuaj hauv vas sab no xwb, nyias yeej muaj nyias hauj lwm sab nraud. Peb cov uas tuaj heev dua hauv vas sab no, kuv ntseeg tias yeej yog muaj Tswvntuj LEEJ TSWV YIM NTSHIAB nyob puv hauv peb txhua tus es peb
thiaj li kub siab lug tuaj tshaj Tswvtuj lub MOO ZOO hauv nov. Kuv leej
nkawm thiaj hais rau kuv tias txij thaum kuv los nkag rau Hmong Catholique
lub vas sab no ua rau kuv cia li quav computor lawm. Kuv thiaj li hais rau
kuv leej nkawm tias yeej yog Tswvntuj tuaj hlawv kom kuv lub siab kub xwb.

Sib ntsib dua os Maivxis
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5204
Date d'inscription : 2009-08-18

Re: Welcome Ntxhuav Mom Xyooj

Post  Maiv Tooj on 4th April 2012, 8:16 am



Nyob zoo Maiv Xis thiab kwv Ntxhuav Mom Xyooj,

Hahahah...! Kwv Ntxhuav Mom Xyooj, cas nws yuav txawj hais ua luaj li...Kuv los tib yam thiab, ib txwm yeej tsis nyiam kov cab sab li, luag tej yuav tham txij tog txij peg los kuv tsis xib li...Tab sis hnub ua tuaj sau txog Tswv Ntuj lub Moo Zoo rau cab sab ces cia li quav kiag li lawm. Twb quav cab sab lawm los twb xav tsis txog li nws hais, ntshe yog Tswv Ntuj cov hluav taws, Leej Tswv Yim Ntshiab tus nplaim taws tuaj hlawv kuv lub siab tiag thiab...Vim sau tsis tau li siab xav, sau sau tsaug zog kus los tseem sau qees...sau sau quaj kiag los yeej tsis tsum li...Hahahah...! Hais txaus luag tab sis yeej muaj tiag qhov kuv hais no. Nws txawj hais tej los lus txhawb kuv lub siab ntxiv, vim kuv xav tias cas kuv tsis zoo li luag tej ais kuv thiaj pheej yuav nyiam sau ntawv Ntshia ua luaj li ntshe tsam kuv tsis normale lawm no. Tab sis ntshe twb yog Leej Tswv Yim Ntshiab cov hluav taws kub kuv lub siab es kuv thiaj coj txawv ib txhia neeg.




avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Welcome Ntxhuav Mom Xyooj

Post  Maiv Paj Lug on 4th April 2012, 9:02 am

Ntxhuav Mom thiab Maiv Tooj,

neb tham tau yog kawg li lawm. Kev tuaj cab sab Hmong Kas Taus Liv tsis yog ib yam liam moj rau yus. Tuaj sau Tswv Ntuj tej txiaj ntsim, nws yog ib yam tseem ceeb tshaj plaws uas peb pauj txiaj ntsim rov qab rau Yesxus.

Yog txawj tuaj cab sab, tuaj pauj txiaj ntsim rov qab rau Tswv ntuj xwb, yuav tseem ceeb tshaj rau yus li uas niaj hnub mus nrog Hmoob sib txeeb ua plees ua yig rau hauv tej nyuag xov tooj cua los sis lwm qhov cab sab uas sib tham tas hnub yog tham kev plees kev yig, kev sib cav sib ceg, kev sib thuam thiab kev liam txwv.

Hmong Catholique yog thawj lub cab sab thoob ntuj uas peb Hmoob muaj peev xwm tsis zais peb tus kheej, peb tsis ntshai luag ntiaj teb pom peb thiab paub peb, vim peb sau yam zoo, yam tseem ceeb thiab qhov yog xwb.

Txij thaum kuv tuaj ntsib nej txhua tus nyob hauv lub vas sab nod, ua rau kuv txoj kev ntseeg thiab txoj kev nrhiav Tswv ntuj pom deb tshaj qub tuaj, ua rau kuv thoob tsib dua qub , kuv ua nej txhua tus tsaug ntau nawd mog.

Yeej yog li Ntxhuav Mom hais lawm, cov neeg niaj hnub tuaj hauv nod vim Leej Tswv yim Ntshiab txhawb nws siab thiab nrog nraim nws ua ke. J:





<3 <3 Pab kuv rov los cuag koj Huab Tais Yesxus <3 <3

Sponsored content

Re: Welcome Ntxhuav Mom Xyooj

Post  Sponsored content

  • Post new topic

Current date/time is 30th March 2017, 1:31 pm