Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XH.Zoov Ntxheb Yaj Nthuav Ntawv Ntshiab.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 8th November 2013, 10:57 am



    NRUAB XYOO CHIV 32 C. Tim 10-2013.




    Ntawv Mas Kas Npe hais tias: (7:1-2+9-14.)
    -Cov tuaj yeem pab luag tej uas lawv tsis khuv xim lawv lub zog, mas lawv ntseeg tias, yav tom ntej peb yuav sawv rov los muaj txoj sia nyob mus li.
    -Thaum tus Vaj Hes Las Xis Lias kav teb chaws. Nws tau yuam xya leej kwv tij Mas Kas Npes, yog ib pab kwv tij Yus Das. Nws muab Leeg nyuj los nplawm lawv, kom lawv ua txhaum hla Mais Xes txoj cai, saib Ntuj puas yuav ua li cas rau lawv!
    -Ces lawv hais rau tus Vaj tias:
    Koj xav paub dab tsi ntawm peb? –Peb yeem tuag zoo dua ua txhaum hla peb cov poj koob yawm koob txoj cai.
    -Tus ob hais tias, Neeg tsiv tsaim, koj tsis pub peb ua neeg nyob. Tiam sis tus Vaj kav lub ntuj lub teb yuav tsa peb sawv rov los muaj txoj sia nyob mus li. Vim peb tsis tau hla poj koob yawm koob txoj cai.
    -Tus Peb kuj hais tias, Ntuj pub tes taw rau kuv, kuv nyiam Ntuj tshaj kuv cov tes taw, ces nws cev nws ob txhais tes rau tus vaj txiav.
    - Tus plaub hais tias, neeg txhais tes tua kuv mas kuv tsis khuv xim. Vim kuv tso siab lug tias Tswv Ntuj yuav tsa kuv sawv rov los. Hos Vaj! Koj mas ntshais koj yuav tsis rov muaj txoj sia. Ces tas nrho xya leej kwv tij Mas Kas Npes lawv tuag zoo li no.
    Peb cov neeg ntseeg, yog peb yuav ua txhaum hla Tswv Ntuj txoj cai, thiab lo lus, mas peb kuj yuav yeem tuag dua ua txhaum kom peb tsis muaj txoj sia sawv rov los nyob mus li.

    Ces ntawv Tes Xas Los Nis kuj hais tias: (2:16-17+3:5.)
    -Peb yuav nyob ruaj nreb hauv txoj kev ntseeg thiab kev ua hauj lwm zoo. Ces Tswv Ntuj lo lus thiaj yuav loj hlob ri mus ncha txog zeej tsoom tau.
    -Paj Lug thiaj hais tias, kuv xav kom Tswv Ntuj nrog peb tus Huab Tais Yes Xus Pleev nres nej lub siab nres nej tej hauj lwm zoo, thiab cov lus zoo tawm ntawm nej cov lo lus los tib si kom Tswv Ntuj muaj koob meej mus li.
    -Kwv tij sawv daws, peb yuav thov kom Huab Tais lo lus nto koob meej no taug nws txoj kev mus ntxiv. Kom peb dim ntawm txoj kev ua phem. Uas yog kev yuam kev. Vim muaj tseem tshuav ib cov neeg tsis xav ntsib txoj kev ntseeg, tsam lawv ho tau ntseeg, ces lawv yuav tsis tau ua kev phem tus qhev ntxiv lawm.
    -Ntawm peb mas peb thov kom Tswv Ntuj coj peb lub siab mus taug Tswv Ntuj kev nyiam nyob ruaj nreb hauv Leej Pleev.

    Vim Lus Kas ntawv Moo Zoo hais ntxiv tias:
    (20: 27-38.)

    -Tos peb ntseeg tias, peb yuav sawv rov los, vim Tswv Ntuj yog cov neeg muaj txoj sia tus Tswv Ntuj.
    -Yog tias peb yeej yuav tuag mus li xwb, Ua cas Tswv Ntuj ho nyiam peb?
    Ces Yes Xus thiaj hais tias, Cov neeg nyob ntiaj teb no lawv sib txis ua txij ua nkawm, kom tau kev sib pab mloog Ntuj lo lus, thiab sib ua luag kom txhob muaj kev kho siab xwb.
    -Hos cov uas Ntuj txiav tias lawv yuav tsim nyog mus pom lwm tiam, thiab sawv hauv cov tub tuag rov los, mas lawv tsis muaj kev sib txis ua txij ua nkawm lawm. Vim tias lawv yuav tsis rov tuag dua lawm.
    -Lawv yuav zoo puav tam li Ntuj cov Tshiab. Vim tias Tswv Ntuj yog cov neeg ciaj tus tswv, Sawv daws muaj txoj sia kom tau muab cev rau Tswv Ntuj.


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 15th November 2013, 9:30 am


    NUAB XYOO CHIV 33 C.tim 17-11-2013.




    Ntawv Mas Las Kias hais tias: (3:19-20.)
    -Thaum Yes Xus rov tuaj, mas nws yuav zoo li lub hnub hlawv cov neeg siab nkaus, thiab kaj rau cov neeg siab ncaj.
    -Tswv Ntuj hais tias,thaum lub hnub tawm tuaj nws yuav kub ntaiv cuag li lub cub tawg loj.
    -Cov neeg ncauj ncab siab phem, yuav zoo li cov quav nyab npleg lub hnub yuav hlawv lawv kub hnyiab tas, tsis tshuav kav, tsis tshuav cag li. Lub hnub yuav tshoj cov neeg hwm Tswv Ntuj lub npe kom tau nyob tiaj tus nrog kev kaj siab lug.
    -Nws yuav coj txoj kev kho mob tuaj rau cov neeg ncaj, ces lub sim ceeb yuav tsis muaj cov kab mob aws kis rau leej tib neeg kom muaj kev lwj siab ntxhov plawv ntxiv lawm.

    Ntawv ob Tes Xas Los Nis kuj hais ntxiv tias:
    (7: 7- 12.)

    -Sawv daws yuav muab siab rau ua nyias txoj hauj lwm kom txhob noj luag zog dawb.
    -Peb cov neeg ntseeg yuav txhob ua ib lub nra hnyav rau leej twg ris. Peb txhob xyaum mus taug txoj kev nyob dag tsis ua hauj lwm.  Thiab xav kov tas txhua yam, Peb yuav xyaum ua li yus muaj lub peev xwm uas yus txawj ua.
    -Txoj kev nquag yog kev ua neeg thoob tsib nyob hauv kev hwm Ntuj hwm neeg kom yus tsis txhob dag rau leej twg.

    Lus Kas ntawv Moo Zoo hais tias:( 12: 5-19.)
    -Peb cov neeg ntseeg yuav paub tias, Lub Koom Txoos tsis yog Tawj pab neeg muaj tsim rau luag hwm nyob tas qhov txhia chaw. Peb muaj tsim nyob hauv Tswv Ntuj lub hwj chim xwb.
    -Cov neeg ntseeg yuav nco ntsoov tias, peb yuav coj tus cuj pwm ua neeg me.
    -Yes Xus hais tias txhua yam zoo nkauj zoo saib uas neeg qhuas txog.  Muaj ib lub caij yuav tsis tshuav ob lub pob zeb sib tshooj nyob ua ke li.
    - Npoj neeg nug Y.X. tias, yog thaum twg tej xwm ntawd mam tshwm sim tuaj.
    -Yes Xus hais tias,yuav muaj neeg nyiag yuav kuv lub npe, ces lawv hais tias lub caij twb tuaj txog ze lawm.  Nej txhob raws lawv, lub caij kawg tsis tuaj sai li ntawd.
    -Neeg ntiaj teb, tej txij nkawm, tsoom kwv tij sib  txheeb ze, tej phooj ywg lawv yuav sib tiv sib ceg.  Cov teb chaws loj yuav ua tsov rog loj. Tej lub cim loj yuav tawm tuaj nyob saum ntuj, ntiaj teb yuav qeeg. Txaus txawj,neeg yuav rau tuag tshaib tuag nqhis, los lub caij ntawd tseem tsis tau muaj tuaj.
    - Yuav muaj neeg ntxhub nej, hiam nej, muab nej ntse mus cuab rau tim tsev loj cuj, yuav muab nej tua pov tseg vim kuv lub npe nkaus xwb.
    -Kuv hais tseeb rau nej, yog nej ua tiag nyiaj mas nej ib txoj plaub hau yuav tsis zeeg los ploj mus li. Nej yuav cawm tau nej txoj sia nyob.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 22nd November 2013, 9:57 am

    NRUAB XYOO YES  XUS UA VAJ CHIV 34 C.24-11-2013


    Ntawv 2 Xas Muas hais tias: ( 5:1-3.)
    -Thaum cov txwj laus tuaj thov kom Das Vis ua lawv tus Vaj. Lawv tsuas paub tias,Das Vis txawj coj lawv mus ntaus rog xwb.  Tab sis Das Vis yuav ua kom lawv paub Tswv Ntuj zoo.
    -Kuj muaj ntau leej uas lawv xaiv Yes Xus ua lawv tus Vaj, mas lawv kuj tsis paub tias, Yes Xus yuav coj lawv mus taug txoj kev twg li thiab.
    -Tsoom His Xas Lais hais rau Das Vis tias:
    -Koj yuav yog tus ntaus thawj coj cov His Xas Lais mus nog zaub. Lawv muab piv li tus zoo Tswv zov yaj, yuav saib nws pab yaj zoo.
    -Yeej yog, Tswv Ntuj tshoj DasVis kom coj lawv los paub Tswv Ntuj zoo.
    -Tas nrho cov nkauj paj nruag, zoo li cov zaj cav txog Tswv Ntuj siab zoo, Ntuj txawj hlub txawj zam rau cov neeg txhaum uas lub Koom Txoos niaj hnub hais mas twb yog Das Vis ua tus sau tawm los 80% los tshaj thiab.
    -Thaum peb xaiv Yes Xus ua peb tus Vaj mas peb kuj tsis paub tias Yes Xus yuav coj peb mus taug txoj kev twg li thiab.
    -Yes Xus yog tus zoo Tswv zov yaj, nws tuaj cawm nws cov yaj, kom dim ntawm ncauj zag tsov lo, kom txhob raug tsov hma tom.

    Paj Lug hais rau cov Kos Los Xais tias: (1: 12-20.)
    -Yes Xus yog tus tuam Vaj loj tshaj, coj lub Koom Txoos thiab lub ntiaj teb neeg mus taug txoj kev ntshiab. Paj Lug hais ntxiv tias, peb yuav zoo siab ua Leej Txiv tsaug. Vim nws hu peb los nrog cov neeg ntshiab,kom tau txais txoj hmoov nyob hauv lub teb chaws pom kev.
    -Leej Txiv twb thau peb los nyob hauv nws Leej tub zoo nyiam lub ceeb tsheej pom kev lam lug lawm.
    -Nyob hauv nws Leej Tub mas peb tau txoj hmoov cawm thiab daws peb cov txhaum. Yog peb ua twb zoo tsom mas peb tau pom Leej Txiv tus duab, nyob hauv Leej tub lub hwj chim.
    -Tswv Ntuj Leej Tub, nws yog tus xub yug ua ntej dua tas txhua yam nyob saum ntuj los nyob ntiaj teb no.
    -Leej Tub yog lub taub hau txawb rau saum txhua lub cev zwm rau lub Koom Txoos. Kom tas txhua yam nyob saum ntuj, nyob ntiaj teb los nyob nruab yeeb tau tsob hwb Leej Tub tib leeg xwb.

    Mas Lus Kas ntawv Moo Zoo thiaj hais tis: (23:35-43.)
    -Yes Xus yog tus Vaj tuaj yeem tuag kom tau pab nws haiv neeg.  Nws yog tus Vaj coj cov neeg txhaum nce mus rau Ntuj ceeb tsheej ntshiab.
    -Thaum Yes Xus dai nyob saum ntoo cuam, lub ntiaj teb neeg, cov tub rog, cov nom tswv lawv thuam hnyos Yes Xus tias, koj yog His Xas Lais tus Vaj, koj rov cawm koj mas!  Ib tug tuv sab kuj tsawm Yes Xus li ntawd thiab. Lwm tus tub sab dai saum ntoo cuam hais tias:
    -Koj tsis hwm Ntuj lod!  Ntawm wb mas yog txoj kev ncaj, wb raug txim, phim li wb tau ua. Hos nws tsis tau ua ib yam phem li! Tus tub sab ntawd hais rau Yes Xus tias:
    -Yes Xus thaum koj mus txog koj lub ceeb tsheej, koj nco txog kuv mog. Ces Yes Xus hais tias:
    -Kuv hais teeb rau koj, hnub no koj yuav nrog kuv nyob pem lub nras lom zem.
    -Cov kwv tij, hnub no peb paub tseeb tias peb yog cov neeg muaj txhaum tiag. Peb tus Vaj yuav coj peb nce mus rau Ntuj ceeb tsheej, yog nws lub nras lom zem.
    -Peb kav tsij hloov siab xws li tus tub sab no. Peb tau raug txim phim peb kev ua txhaum rau Ntuj thiab rau neeg lawm. Hos cov hais tias lawv tsis muaj txhaum los txhob thuam Tswv Ntuj, tsam peb tau hnyos peb tus Huab Tais li phaj txiv phaj yawg thaud.

    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 29th November 2013, 11:48 am


    TOS HUAB TAIS CHIV  I  xyoo A. tim 01-12-2013.





    His Xai ( 2: 1-5.)
    -Cov lus nyob hauv ntawv His Xais hais tais:
    Huab Tais Tswv Ntuj sau tas txhua Haiv neeg los nyob hauv nws txoj kev thaj yeeb. Nyob hauv Tswv Ntuj lub Ceeb Tsheej.
    -His Xais ntawv hais tseg tias:
    Yav tom ntej, tas txhua Haiv neeg yuav mus saum Tswv Ntuj lub tuam tsev uas nyob saum lub roob siab dua cov hauv toj hauv pes tib si.
    -Nws yuav caw peb sawv daws tias, nej tuaj mus pem Huab Tais lub roob. Vim cov kev cai  tseem ceeb tawm ntawm Xis  Yoos tuaj, thiab Huab Tais lo lus tawm ntawm Yes LusXas Les tuaj.
    -Xis Yoos thiab Yes Lus Xas Les,Yog zoo li lub Koom Txoos, Lub Koom Txoos, yuav tswj kav ntau lub teb chaws.  Nws yuav tshaj thiab cheem kom txhob muaj tsov rog. Sawv daws yuav tau zoo kev mus taug  Tswv Ntuj kev Kaj siab lug.

    Paj Lug thiaj hais rau Cov Los Mas tias: (13:11-14.)
    -Txoj kev cawm neeg nyob ze lawm. Peb kav tsij mus raws txoj kev cawm neeg mas!
    - Nyiam no txog lub caij uas peb yuav tsim kom meej lawm! Tus cawm peb tuaj txog  ze peb dua hnub peb ntseeg txog Tswv Ntuj lawm!
    Nej paub tias nyiam no twb yuav kaj ntug, peb yuav tso cov hauj lwm tsaus ntuj pov tseg. Peb yuav coj tus yam ntxwv ua neeg muaj tsim, kom phim cov neeg mus nruab hnub.  Txhob mloog lub cev ntshaw ua ub ua no.

    Nyob hauv Mas Tais ntawv Moo Zoo thiaj hais ntxiv tias:  (24: 37-44.)

    -Peb niaj hnub yuav npaj siab tos Huab Tais:
    Lub caij Leej Tub tuaj nyob yuav zoo li lub caij Yawg Nom Hes nyob, thaum dej nyab ntiaj teb.
    -Thaum ua ntej dej nyab, mas sawv daws sib txis ua txij ua nkawm, sawv daws noj mov haus dej haus cawv, mus txog hnub Nom Hes chaws mus hauv lub nkoj. Sawv daws tsis nco qab ceev faj ces dej nyab tuaj tshoob  tas sawv daws.
    -Lub caij Leej neeg tus tub tuaj nyob mas kuj yuav zoo li ntawd thiab.
    -Thaum ntawd ob tug txiv neej  laij liag ua ke, xwv txheej yuav raug ib tug tseg lawm tus. Ob tug poj niam tab tom zom zeb xwv txheej yuav raug ib tug tseg lwm tus nyob.
    -Qho tseeb, nej yuav to taub zoo tias, yog tus tswv tsev, nws xub paub tias, tav li cas tub sab yuav tuaj mas nws yuav zov, tsis pub kom tub sab tho qhov tsev tau.
    -Yog lub caij nej tsis xav txog mas Leej neeg tus thiaj li yuav tuaj.       Yaj Zoov Ntxheb Xib Hwb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 6th December 2013, 8:39 am

    TOS HUAB TAIS CHIV 2 xyoo A.
    Tim 08-12-2013



    Ntawv His Xais hais tias: (11: 1- 10.)

    -Tus Huab Tais tuaj nrog neeg nyob nws txiav txim ncaj rau cov neeg pluag, nws nyiam pub kev thaj yeeb rau sawv daws.
    -Ntawv  His Xais hais tias,  Tus ntsuag ncau ntawm Yes Xes cov ceg mus, nws yuav tawg ib lub paj.
    -Tswv Ntuj lub Tswv Yim yuav roos tus kaus ntawd. Yog lub Tswv Yim thoob tsib ntse, txawj xav tom ntej tom qab,  paub txuj ci ua ncaj rau cov neeg txom nyem, nws pab cov neeg pluag.
    -Tus Huab Tais ntawd, nws cov lus zoo li rab nplawm  npaj nplawm cov neeg siab heev. Nws lo lus kuj zoo li tshuab pa tua cov neeg phem tau.
    -Nws kuj zoo li tus tub rog muaj ib rab ntaj, yog nws txoj keb ntshiab. Lub tsho txuag nws lub cev yog txoj kev ncaj.
    - Thaum txhua yam yam nyob rau saum lub roob ntshiab txhij lawm, mas  tsis muaj leej twg yuav rhuav tau dab tsi ntxiv lawm, mas txoj kev paub Tswv Ntuj yuav nyob puv lub teb chaws.
    -Yes Xes lub hauv paus yuav sawv zoo li tus chij hu tas txhua haiv neeg. Hnub ntawd Huab Tais yuav rov tsa nws txhais tes los cawm cov  seem nyob hauv nws haiv neeg. Tswv Ntuj lub hwj huam yuav nyob saum sawv daws:
    -Ces tus hma yuav nrog tus me nyuam yaj nyob ua ke. Tus me nyuam mos nws ua si nyob ze tus nab ntsuab lub zes. Tus me nyuam mos cev tes xuas tus nab liab tsaig lub zes, yuav tsis muaj  tus ua phem ntxiv lawm.

    Paj Lug hais rau cov Los Mas tias: (15: 4-9.)
    - Yes Xus tau ua siab ntev, vim nws xav cawm sawv daws. Peb sawv daws kuj yuav ua siab ntev raws Yes Xus tus piv txwv.
    Cov ntawv ntshiab tau sau txhua yam kom tau qhia peb paub txog Tswv Ntuj lub siab ntev, thiab paub Tswv Ntuj kev nplij neeg.
    -Peb yuav thov Tus Tswv Ntuj siab ntev  txawj nplij neeg zoo li ntawd coj peb lub neej, kom peb txawj ntshaw txog Yes Xus Pleev txoj kev nyiam kev hlub.
    -Vim Yes Xus  xav kom Tswv Ntuj nto moo tias. Tswv Ntuj siab ncaj txawj khuv leej  neeg nws nyob nruab nrab txhua haiv neeg.
    -Tsim nyog peb yuav hu nkauj cav txog Tswv Ntuj nto moo thiab siab ncaj nyob mus li tiam dhau tiam ua li.

    Mas Tais ntawv Moo Zoo hais tias: (3: 1- 12.)
    -Nej kav tsij hloov siab vim Tswv Ntuj lub Ceeb Tsheej tuaj txog ze lawm.
    -Zam ntxuav Plig tawm tuaj ntuas tsoom sid tias, nej kav tsij hloov siab! Nej kho Huab Tais txoj xub ke.  Nej tshav ncaws kom tiaj tus.
    -Caj ces nab liab tsaig, nej kav tsij txi lub txiv phim tus neeg hloov siab tiag.
    Nej txhob xav tias peb txiv yog Has Nplas! Tswv Ntuj yuav ua kom Has Nplas tej tub ki tawm los ntawm tej pob zeb no los kuj tau.
    -Ntawm kuv mas kuv tsuas ntxuav nej nyob hauv dej xwb.
    -Tus lawv kuv qab nws muaj hwj chim dua kuv. Kuv twb tsis tsim nyog hle nws nkawm khau,
    -Nws yuav ntxuav nej nyob hauv Leej Tswv Yim Ntshiab thiab nyob hauv hluav taws.
    -Cov noob qoos nws yuav muab sau tseg rau hauv txhab.  Hos cov npluag nws yuav sau mus pov rau hauv lub cub tawg tsis txawj tuag uas cig mus li.
    -Zam hais tias, Caj ces nab liab tsaig no yog cov neeg  ncauj ncab peb yuav hloov siab kom phim li tus hloov siab, txhob lam hais ntawm lub ncauj xwb uas tsis kam hloov siab. Peb txhob xav tias tsuav yog peb muaj lub npe ntseeg lawm ces yog zoo.
    -Tswv Ntuj yuav ua kom tej pob zeb peb pom nyob ntawm tej txia ua cov neeg ntseeg los tau.
    Peb tsis yog tus neeg ntseeg tseeb raws li Tswv Ntuj nyiam thiab tos.

    Yaj Zoov NtxhebXib Hwb





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 13th December 2013, 7:44 am

    TOS HUAB TAIS CHIV 3 xyoo A tim 15-12-2013.


    Ntawv His Xais hais tias:  (35:1-6+10.)
    -Nej ntsia tus  Huab Tais tuaj cawm nej.
    Thaum Zam Ntxuav Plig tso nws cov thwj tim tuaj nug Yes Xus tias, Koj puas yog tus yuav tuaj? Los peb tseem yuav tos dua lwm tus?
    -Yes Xus hais  tias ,  Cov dig muag rov pom kev tuaj. Cov lag ntseg rov hnov lus. Cov nplaig txav qw suab zoo siab. Cov uas Tswv Ntuj pab kom dim lawv rov los txog Xis Yoos. Cov pluag txais lub Moo Zoo.

    -Hnub no thawj tsab ntawv thiab ntawv Moo Zoo hais tib co lus sib xws:
    -Kom peb to tau tias, peb txhob ua neeg dig muag los lag ntseg tsis pom tsis paub  tsis hnov txog Ntuj txoj kev zoo.
    - peb yuav tsis txhob pw twj ywm hauv tus mob tsis huv cia lug ntxub yus zoo li tus neeg mob ruas.
    - Peb txhob ua li tus neeg ceg tawv ib sim neej mus tsis taus qhov twg li. Peb yuav xyaum mus kev khov kho li tus Mus lwj dhia nrawm nroos kom mus txog chaw sai
    Peb txhob nyob li cov neeg lawv hais tias lawv nplua nuj lawm tsis tas yuav mloog Ntuj cov lus. Yes Xus thiaj hais tias, Cov pluag txais lub Moo Zoo. Kev pluag yog yus pluag kev ua zoo, pluag tsis muaj kev ncaj ncees. Pluag tsis muaj kev nyiam , kev hlub,kev zam thiaj yog neeg pluag tseeb. Hais txog tus nyiaj txiag koj txawm muaj puv tsev ntim tsis tas los koj tsis muaj kev ncaj ncees ces koj yog tus pluag tshaj luag lawm. Vim koj ceev tsis muaj puav pheej tseg.
    -Yog peb lam tuaj yuav lub npe ua neeg ntseeg xwb mas peb tab tom tuaj thuam Tswv Ntuj thiab nws lub Moo Zoo uas yog Ntuj lo lus thoob tsib uas Ntuj muab rau peb kom peb pom kev thiab hnov lus tseeb tias yog lus muaj  nuj nqis nplua nuj tiag.

    Tus hauv paus xa lus Yas Kos thiaj hais ntxiv tias: (5:7-10.)
    -Nej ua neeg muaj lub siab nyob ruaj nreb. Vim lub caij Huab Tais yuav tawm tuaj txog ze lawm.
    Nej yuav ua siab ntev li tus tub ua qoob tos nws cov qoob yuav tawm hauv av tuaj.
    Yog cov qoob zoo mas tus Tswv yuav zoo siab, sau qoob mus cia  Yog qoob tuaj tsis zoo ces nws yuav tso pov tseg rau tsiaj noj los nroj laum mus.

    Tswv Ntuj kev txiav txim yuav zoo li ntawd. Yes Xus thiaj hais tias tus kuv tsis ua nws chaw ntog mas nws txoj hmoov zoo.
    Cov yuav tau dawm Yes Xus kom tau ntog yog cov nyob ua neeg dig muag, nws lag ntseg muaj lus zoo los nws tsis hnov tias,  ntuj cov lus zoo, muaj lus zoo los nws tsis hais nws txhob txwm ua neeg nplaig txhav hais tsis tau cov lus zoo.  Lus tseeb muaj nuj nqes.
    Cov lus ntsawv siab ua tub qaug rau Ntuj tejme nyuam, tab yog koj txawj hais nkag zws, nrov cuag nruas npuaj cha los tej lus ntawd yog lus pluag nyob qis qis xyaw plua av luaj. Tsis zoo ris mus khaws tseg rau  Ntuj ceeb tsheej.

                Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 20th December 2013, 1:15 pm



    TOS HUAB TAIS CHIV 4 A. Tim 22-12-2013


    His Xais Twb Tshaj Tswv Ntuj lo lus 700 xyoo ua ntej Yes Xus yuav yug los tias: ( 7: 10-14.)
    -Ib tug hluas Nkauh tsim txiaj yuav ua Leej Peev niam.
    -Paj Lug tsab ntawv, ( L.M. (1: 1-7.) thiab Mas Tais ntawv Moo Zoo (1: 18-24.)kuj hais sib xws tias:
    -Tswv Ntuj Leej Tub tuaj yuav lub cev neeg, Nws yog Das Vis Xeeb ntxwv.
    -Yog ib caj ces zoo los ntawm ntawm tus Vaj Das Vis uas Tswv Ntuj xaiv los ua tus zoo Tswv zov yaj coj Tswv Ntuj hais neeg His Xas Lais.

    Tas nrho cov zaj lus hnub no peb nyeem yauv txhais tias:
    -Tswv Ntuj muaj hwj huam loj. Nws yuav ua yam twg kuj tau tas tib si.
    -Peb yuav txhob sim Tswv Ntuj, tias Yes Xus tsis yog Tswv Ntuj Leej tub. Tswv Ntuj tuaj yuav lub cev neeg kom coj tau lo lus tuaj rau lub ntiaj teb neeg hnov tau thiab paub.
    -Tswv Ntuj thiaj xaiv lub npe hu ua Yes Xus Pleev, thiab ua Es Mas Nws Es; Yog tusVaj tuaj nrog Neeg nyob.
    -Peb yuav ntseeg thiab tso siab lug tias, Leej Pleev yog Tswv Ntuj lo lus tseeb. Thiab ncaj ncees rau txhua leej neeg tias, Ntuj tsis fav xeeb rau neeg ntiaj teb neeg no. Nws tau cog lus tias, neeg ntiaj teb leej twg ntseeg ces yuav tau txais kev cawm, los ua Tswv Ntuj cov tub ki.
    -Peb yuav nco ntsoov tias, peb sawv daws yog cov neeg dig muag. Neeg lag ntseg. Neeg ceg tawv. Thiab neeg muaj tus mob tsis huv.
    -Peb thiaj yog cov neeg lees tias, Es Mas Nws Es, uas yog, tawm hauv Leej txiv, Leej Tub lub hwj Huam tuaj nrog neeg nyob, Nws tuaj tsa tsev nyob hauv peb nruab siab.
    -Es Mas Nws Es zoo li Leej Nplij neeg qhia qhov tseeb, coj peb los zwm ua Ntuj cov tub ki.
    -Peb txhob xav tias Yes Xus Pleev yog neeg tsis muaj caj ces, xws li leej puav me nyuam neeg, uas lawv yog me nyuam nruab zoov nruab tsuag ntawd.
    -Txij li xyoo 2000 los mas, Ib nrab neeg ntawm lub ntiaj teb no lawv yog cov ntseeg txog Yes Xus lub Moo Zoo.
    Tshuav peb haiv Hmoob thiaj yog Feem tsawg los zeem txog Tswv Ntuj lo lus, Es Mas Nws Es los Leej Tswv Yim Ntshiab, tus tuaj tsa tsev nyob hauv peb nruab siab.
    Ua li mas, Peb yuav muab peb zaj xav, lub tswv yim, peb los lus hais, peb tes taw tej hauj lwm los ua ib co zaj teev Ntuj ntshiab huv cev rau Tswv Ntuj, kom Ntuj hu peb Haiv Hmoob los ua nws cov tub ki.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 23rd December 2013, 2:26 am



    TIM 25 KAJ NTUG Xyoo ABC. Tim 25-12-2013



    Ntawv His Xais hais tias: (62:11-12.)
    -Tus cawm nej tuaj txog. Nej yog nws haiv neeg. Nej tso siab.
    -Tswv Ntuj lub suab nrov puag tim npoo ntuj tuaj tias:
    -Nej ntsia tus cawm nej tuaj txog, Cov Haiv neeg Nws txeeb tau mus ua Nws ntej. Yog Ntuj Hais neeg ntshiab uas Nws txhiv tau.
    -Yog lub tsheej nej nrhiav, yog lub tsheej uas Tswv Ntuj yuav tsis muab tso pov tseg.
    -Qhov Yes Xus yug los no, yog lub cim uas Tswv Ntuj tuaj txhiv peb. Nws yuav tsis tso peb pov tseg mus li lawm.
    Ua li mas tsim nyog peb yuav tso siab rauTswv Ntuj lo lus uas nag hmoo, Ntuj cov tshiab tawm tuaj hais tias:
    -Nyob hauv Das Vis lub tsheej,tus cawm nej yug los lawm.yog tus Huab Tais Pleev. Neeg ntiaj teb yuav nyob kaj lug, vim Tswv Ntuj nyiam lawv.
    -Ua li mas peb yog cov neeg uas raug Tswv Ntuj nyiam lawm tiag. Peb yuav tso txoj kev tsaus ntuj pov tseg, peb kav tsij txav los nyob hauv txoj kev kaj, uas yog txoj kev ncaj ncees.

    Saib Paj Lug hais rau Tis Tos tias: ( 3 : 4-7.)
    -Tswv Ntuj txoj kev nyiam tawm tuaj rau pom xyeem tseeb lawm. Yam li Yes Xus yug los kom tau cawm peb.
    - Hnub Yes Xus yug los yog hnubTswv Ntuj cawm peb, mas nws lub siab zoo, thiab txoj kev nyiam tawm tuaj rau peb tau pom xyeem.
    -Tswv Ntuj tsis tau tshuaj tias, peb puas tau ua ncaj los tsis ncaj. Nws tsuas mloog Nws lub siab hlub neeg, ces Tswv Ntuj cawm peb nyob hauv Nws kev hlub ntawd.
    -Tswv Ntuj ntxuav peb nyob hauv dej, kom peb tau yug los dua tshiab nyob hauv Leej Pleev lub npe. Kom tau cawm peb nyob hauv Leej Tswv Yim Ntshiab, kom peb rov tshiab tuaj.
    -Tswv Ntuj vam txog tus cawm peb Yes Xus Pleev, kom xa Leej Tswv Yim Ntshiab tuaj, li ntawd mas lub txiaj ntsim ua kom peb ncaj tuaj no qhia tau tias, peb tso siab tau:
    Peb tau txais txoj sia tshiab los ntawm Leej Pleev los, ua peb lub cuab tam nyob mus li.

    Lus Kas ntawv Moo Zoo hais tias: ( 2: 15-20.)
    -Cov neeg zov yaj tuaj xyuas Mab Liab Yos Xes thiab tus me nyuam.
    -Cov zov yaj piav cov lus Ntuj cov tshiab hais, mas Mab Liab khaws tseg tib si cia rau nruab siab. Cov zov yaj cav txoh Ntuj cov lus qhia tshaj tawm los.
    -Peb txoj hmoov zoo, Hnub no peb tau hnov Tswv Ntuj tso Nws cov tshiab thiab Nws leej tub tuaj cev Nws cov lus rau peb hnov.
    -Txheej thaud mas tsuas yog Ntuj txib cov Yaj Saub tuaj tshaj Ntuj lo lus xwb. Hos hnub no peb tau hnov kiag Tswv Ntuj lo lus nrov tawm ntawm Nws Leej tub Yes Xus Pleev los tias nws tuaj yuav lub cev neeg, kom tau nrog peb nyob.
    -Leej lo lus yeej nyob txawm thaum lub hauv paus los lawm.
    -Leej lo lus yog tus ua kom tas txhua yam muaj txoj sia tuaj. Ces Leej lo lus yog tas puas tsav yam txoj sia.
    -Leej lo lus yog qhov pom kev tsom neeg txoj kev kaj. Hos kev tsaus tsis txais kev kaj.
    -Leej lo lus yog txoj kev kaj tseem ceeb, Nws kaj txhua leej txhua tus tuaj ua neej nyob rau hauv lub sim ceeb no.
    -Leej Lo Lus tuaj poob hauv nws vaj tse, tiam sis nws cov neeg tsis kam txais nws.- Cov txais Nws mas Nws yuav pub kom lawv muaj peev xwm ua Ntuj me nyuam tau.
    -Leej Lo Lus tsis yog neeg roj ntsha, neeg lub siab xeeb Nws los. Yog Leej Txiv lub siab nyiam thiab hlub neeg xeeb Nws los yuav lub cev neeg. Nrog peb nyob.
    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 28th December 2013, 1:18 am



    YES XUS YUG LOS CHIV 1 A B C.
    Hwm Yim Neeg Ntshiab.



    Ntawv Npes Xisb Las hais tias: (3:37+14-17.)
    -Kuv Leej Tub Koj ua yam twg, Koj muab lub siab zoo los ua mog.
    -Tus hwm nws niam nws txiv ces yog mloog Ntuj lus.
    -Tus hwm nws niam nws txiv, nws tau them nws cov txim txhaum lawm. Thiab nws zoo li tus neeg sau tau ib txhab nyiaj txhab kub tseg.
    - Tus ua zoo rau nws niam nws txiv, mas nws thov dab tsi los Ntuj yuav mloog nws lo lus thov.
    -Tus ua zoo rau nws niam nws txiv, Ntuj yuav ntxuav nws cov txhaum pov tseg.
    -Tus hais lus ntxhib rau nws niam, los thuam nws txiv, ces nws yog neeg thuam Ntuj lawm.

    Paj Lug ntuas cov neeg Kos Los Xais tias: (3:12-21.)
    -Nyob hauv ib tsev neeg yuav muaj kev sib nyiam sib hlub nyob ua ke.
    Paj Lug cov lus hais tias:
    -Nej yog cov neeg uas Ntuj xaiv, yog Ntuj haiv neeg ntshiab uas Nws nyiam kawg. Xav kom Leej Pleev lo lus nyob txawm hauv nej ntau ntau, ces nej yuav rov sib ntuas, sib qhia.
    -Nej ua yam twg, nej yuav tuav txog Huab Tais lub npe ua ntej.
    -Cov poj niam, nej yuav mloog cov txiv lo lus, tsim nyog yuav ua li ntawd. Nyob hauv Huab Tais yim neeg.
    -Cov txiv neej yuav nyiam thiab hlub lawv cov poj niam, txhob npau taws sai rau lawv.
    -Cov me nyuam yuav mloog cov niam txiv lus, kom txhob tau qhuab qhia ntau dlau, tsam lawv tsis qab siab ua dab tsi.

    Mas Tais ntawv Moo Zoo hais tias: (2:13-15+19-23.)
    -Yos Xes coj Mab Liab thiab tus me nyuam khiav mus Hais Nkws Tos teb.
    -Tswv Ntuj xav qhia tias cov txiv tsev muaj lub luag hauj lwm coj nws tsev neeg zam kev kom txhob raug xwv txheej. Kom tau txuag yim neeg Ntuj cia Nws ua tus coj, kom tau nyob thaj yeeb. Mus txog lub caij lawv ua taus niam taus txiv. Muaj peev xwm tiv thaiv nws tus kheej. Thaum yau hlob mus tiav neeg.
    -Nyob hauv sab kev ntseeg yog txuag Tswv Ntuj los lus kom txog lub caij zoo qhib los qhia rau ntiaj teb neeg paub.
    -Li ntawd Tswv Ntuj thiaj cia kom Leej lo lus muaj hnub nyoog peb caug xyoo. Li ib tug neeg muaj peev xwm sawv ua Vaj tswj kav nws lub teb chaws.
    - Hnub no Tswv Ntuj xav qhia peb tias nyias muaj nyias lub luag hauj lwm nyob ua ke hauv ib yim neeg:
    -Cov poj niam, yuav mloog cov txiv lus, hwm lawv ua tus thawj neeg.
    -Cov txiv neej yuav hlub thiab nyiam lawv cov poj niam li nws yog tus tswv.
    - Cov me nyuam yuav hwm thiab mloog lawv niam lawv txiv lus xws lis Lawv hloov Tswv Ntuj chaw saib pov hwm lawv ua me tub me nyuam.
    -Ces tas nrho sawv daws, niam, txiv, me nyuam, yog ib tse neeg sib sau los nyob ua ke hauv Tswv Ntuj kev nyiam kev hlub. Sawv daws sib pov hwm mus raws li Tswv Ntuj kev sib haum xeeb. Nyob ua ib yim neeg ntshiab.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 3rd January 2014, 11:05 am



    YES XUS YUG LOS TIM 5 LUB 1 HLIS ABC.
    H.T.Yes Xus tawm tuaj.



    Ntawv His Xais, hais tias: ( 60: 1-6.)
    -Yes Xus yug los nyob ntiaj teb no, Nws yog lub hnub tawm tuaj ziab rau peb.
    -Ntawv hais tias, Yes Lus Xas Les tshav ziab koj tas lawm. Koj lub hnub tawm tuaj. Huab Tais lub hwj chim sawv los nyob hauv koj.
    -Qhov tsaus ntuj cov huab dub vov lub ntiaj teb, thiab lub hiav txwv. Tiam sis Huab Tais lub hwj Chim tawm tuaj rau koj pom Yes Lus Xas Les.
    -Koj tsa muag ntsia saib, ntiaj teb cov Vaj raws nraim koj lub hnub qub. Sawv daws cav txog Huab Tais.
    -Ua li mas peb paub tseeb tias Yes Xus yog lub hnub tawm tuaj kaj peb, peb txhob nyob twj ywm hauv qhov tsaus ntuj, peb yuav tawm los cav txog Huab Tais, yam li:
    -Peb Haiv Hmoob yog ib hais neeg txom nyem ua niaj xyoo lub caij Yes Xus yug los ntawd peb tsis tau kev sib txoos los cav txog peb lub hnub tawm tuaj kaj qhov tsaus ntuj. Vim peb cov Leej Choj hais lus Hmoob muaj tsawg. Peb mus koom nrog Mab sua kuj zoo tshuav ib nrab ntawm cov laus Tswv Ntuj lo lus nkag tsis tas rau peb cov pob ntseg.
    -Niaj xyoo peb pom tsob ntoo ua Hmoov tsuj xeeb Yes Xus yug los peb paub tias , tsob ntoo no muaj nqi npaum li cas!
    -Tsis yog cov paj tsab pub rau cov me nyuam yaus xwb. Nyob hauv cov laus yog Ntuj ib co lus zoo tuaj ua paj tshab rau peb nruab siab qhib lug los txais lub hnub kev kaj coj peb lub neej.
    - Tseem tshuav tej yam zoo li no ntxiv:
    Cov uas lawv nyob tsaus ntuj nti zoo li lub tsev los tog zos ntawd, los sis sab ntuj ntawd tsaus ntuj nti ces zoo li tsis muaj neeg nyob lawm. Sab ntuj kaj ces xws li muaj neeg nyob ces Tswv Ntuj yuav tuaj xyuas lawv. -Sab ntuj tsaus zoo yog tsis muaj neeg nyob ces Tswv Ntuj kuj yuav ncig los tsis txog. Vim tsaus ntuj nti xws li tsis muaj neeg nyob.

    Paj Luag zaj lus ntuas cov Es Fes Xos, (3:2-3+5-6.) thiab Mas Tais Ntawv Moo Zoo, (2:1-12.)
    -Cov zaj lus no zoo sib xws:
    Cov Kws Hnub Qub tuaj hawm Yes Xus, lawv sawv pej kum Haiv neeg tib si tuaj hawm Yes Xus.
    Peb cov poj koob yawg koob los nrog peb Hais Hmoob yeej nyob hauv lawm.
    -Muaj cov cim tawm nyob hauv peb haiv Hmoob zoo li no:
    -A –Lub cim qhia txog yav tom ntej los yav tom qab tib si, yam li:
    Hmoob rab hneev yog ib tug ntoo khaub lis tua dab tsi mas tua kom raug daim phiaj uas yus xav tua.
    -B-Hmoob tus mus phua hom teb:
    Yog leej twg tau rhais tus mus phua khaub lig no rau lawm yog ib lo lus cog tias lwm tus txhob tuaj txeeb ntxiv, Nws cog lus tias, hais rau Ntuj tias yog Kuv li lawm.
    -C-Thaum Hmoob tej poj niam daws ces lawv pw saum ob lub yis nqeeb kuj txhais tau tias Hmoob cov me nyuam yug los txom nyem xws li Tswv Ntuj Leej Lo Lus uas nws pw saum lub dab nyuj nog zaub.
    -D-Thaum Hmoob tej laus neeg muaj txiab nkeeg uas yuav sib huam xeem los pov Hmoob xaws tus khaub lig los rau saum lub tsho hnav ris kom ntuag tas.
    -E- Lub cim tub qab yiag los ua tus khaub lig rau me nyuam mos hauv pliaj kom ris mus tawm rooj los kom poj dab pog txhob kov tej me nyuam mos no.
    -Puav leej yog vam txog Leej Pleev lub cim los thaiv dab phem kev haub kev ntxias.

    Ua li mas hnub no peb tau hnov tias Leej Pleev uas yog Tswv Ntuj lo lus tuaj yuav lub cev neeg yog lub hnub tuaj kaj peb mas peb haj yam yuav tso siab lug tias, peb Haiv Hmoob yog ib haiv neeg uas Twb raug los nyob hauv txoj kev kaj lawm. Peb yuav thov kom txoj kev kaj uas yog Tswv Ntuj Ntuj los lus tuaj nyob hauv peb cov kwv tuj tseem tsis tau txiav siab los ntseeg sawv daws tib si.
    -Thiab kom peb los tsis txhob ncaim txoj kev kaj mus.


    Yaj Zoov NtxhebXib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 10th January 2014, 12:01 pm



    YES XUS YUG LOS YES XUS TXAIS LUB CIM NTXUAV CHIV A B C. tim 12-01-2014



    Ntawv His Xais hais tias: (4:1-4+6-7.)
    -Yes Xus yog Tswv Ntuj tus tub txib, Tswv Ntuj xaiv Nws, thiab nres Nws.
    -Tswv Ntuj hais tias, Kuv tso Kuv lub Tswv Yim tuaj roos Nws, Kuv xaiv Nws, kom coj txoj kev cai tuaj rau cov haiv neeg.
    -Nws tsuas muaj tib lub siab xwb:
    Nws coj txoj kev ncaj tuaj. Tus nplaim teeb cig qauj les lawm los Nws tsis muab tshuab.
    -Tswv Ntuj lo lus,Kuv hwj koj, Kuv txhais tes tuav koj, ua tus coj luag tej los cog lus.
    -Koj ua tus rua cov neeg dig muag,qhov muag kom lawv tau los nyob hauv txoj kev kaj, pom kev lam lug.
    -Tswv Ntuj cov lus no, yog hais ncaj qha rau peb sawv daws. Tus uas nws lub siab qhib hlo los txais Ntuj lo lus.
    -Tswv Ntuj tej lus no mas Nws xa tuaj pub dawb rau peb. Tswv Ntuj los lus yuav xub hla ntawm peb, yog peb tsis kam txais lawm mas Ntuj yuav qhib kom mus txog lwm tus neeg nyob deb. Yog lawv txais tau lawv yuav ua Ntuj cov Yaj Saub tshaj Ntuj lo lus mus rau yav tom ntej.

    Nyob hauv ntawv hauj lwm Pob Zeb hais tias:
    ( H L.10:34-38.)
    -Tswv Ntuj pleev Yes Xus, yam li Nws pub hwj huam rau Yes Xus.
    -Ces Pob Zeb hais tias:
    Nyiam no, kuv paub tseeb tias, Tswv Ntuj tsis kws leej twg cai,leej twg hwm Ntuj mas tus ntawd ua ntximTswv Ntuj siab,Tswv Ntuj twb xa Nws lo lus tuaj rau His Xas Lais lawm. Yog Tswv Ntuj Leej tub.
    -Yes Xus Pleev txoj kev thaj yeeb yuav coj neeg ntiaj teb los ntseeg lub Moo Zoo. Tswv Ntuj yuav saib lawv yog Yes Xus tas huv si.
    Tswv Ntuj tau pub Yes Xus muaj hwj huam, Nws kuj yuav pub kom cov ntseeg txais lub cim ntxuav hauv lub Moo Zoo muaj tib lub hwj huam li Yes Xus tus peev xwm.
    -Kom tus ntseeg muaj hwj huam ntiab tau cov dab phem uas xav ntxias neeg ncaim mus deb ntawm
    Tswv Ntuj.
    -Lub caij peb ncaim ntawm Tswv Ntuj yog lub caij peb ua neeg tsiv siab, muaj kev txhawj xeeb:
    -Zoo li yog lub caij peb muaj txiab xeeb uas peb nyob ze tus mob sab foob khaub thuas ntawd. Los muaj kev nau taws rau luag.
    -Uas peb ua neeg ywj fab ywj fwj peb mus saib yaig, saib saub, mus saib dab ntub npau suav phem...

    Mas Tais ntawv Moo Zoo thiaj hais ntxiv tias:
    ( 1:5-11.)
    -Yes Xus yog tus siab ntshiab uas Tswv Ntuj nyiam kawg.
    -Zam Ntxuav Plig hais tias, Tus lawv kuv qab nws muaj zog dua kuv. Vim Nws muab Leej Tswv Yim Ntshiab los ntxuav nej.
    -Ces Zam pom lub ntuj qhib plho, Leej Tswv Yim Ntshiab tawm tuaj nyob saum Yes Xus xws li ib tug Nquab.
    -Lub sij hawm ntawd, muaj ib lub suab nrov saum ntuj tuaj tias:
    -Tus no yog Kuv Leej Tub uas Kuv nyiam kawg. Kuv lub siab nrog nws nyob.
    -Kwv tij, peb tau hnov Ntuj los lus tias, Yog kuv Leej tub uas kuv nyiam kawg. Kuv lub siab nrog nws nyob Peb cov neeg ntseeg txog Lub Moo zoo.
    Y.X yog Tswv Ntuj lo lus,
    -Yog peb ua raws nraim lub Moo Zoo peb kuj yog Tswv Ntuj lo lus. Tswv Ntuj yuav nyiam peb thiab Nws lub siab yuav nrog peb nyob. Peb yuav zoo li Tswv Ntuj Leej tub, los Leej Ntxhais, Peb sawv daws yog Ntuj lo lus.
    -Ua li mas peb muaj kev tso siab lug, Vim yog Tswv Ntuj hais li ntawd.
    -Tsis yog ib lub suab nrov los ntawm ib tug Xib Hwb los ib tug Leej Choj xwb. Yog Tswv Ntuj lub suab hais lawm.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 17th January 2014, 1:11 pm



    NRUAB XYOO CHIV 2 XYOO A.Tim 19-01-2014



    Ntawv His Xais hais tias: (49:3+5-6.)
    -Vim Yes Xus zoo siab ua Tswv Ntuj tus tub txib, mas Tswv Ntuj tsa Nws ua tus sau tas ntiaj teb neeg los ua Ntuj haiv neeg.
    -His Xis hais tias, Tswv Ntuj qhia kuv tias:
    Nws yog tus puab kuv nyob hauv kuv niam xub ntiag. Kom kuv tau ua nws tus tub txib. Kuv yuav sau tsoom His Xas Lais rov los nyob ncig Nws.
    -Nws hais tias, Kuv tseem yuav tsa koj, ua lub Teeb pom kev rau cov Haiv neeg. Ces Kuv los lus thiaj mus txog npoo ntiaj teb.
    -Tus Yaj Saub His Xais, Nws hais txog Yes Xus. Peb ntseeg txog Yes Xus siab zoo, uas yog Tswv Ntuj tus tub txib. Peb muaj ib feem zoo li Yes Xus lawm.
    Peb yuav ib txhij ua Tswv Ntuj tus tub txib, ntxhais txib. Vim hnub peb ntseeg Tswv Ntuj tau tsa peb ua Ntuj cov tub txib,Tswv Ntuj xav kom Nws lo lus mus txog npoo ntiaj teb.

    -Muaj li ntawd, Tus Hauv paus xa lus Paj Lug thiaj hais rau cov neeg Kos Lis Nthos tias: (1: 1-3.)
    -Cov uas Tswv Ntuj Xaiv lawv los ua neeg ntseeg, mas Tswv Ntuj xav kom lawv ua ib cov neeg siab ntshiab. Tuav txog Leej Pleev lub npe nyob thoob txhia teb chaws.
    -Kom Tswv Ntuj kev kaj lug tuaj ntawm nws Leej Tub Yes Xus Pleev mus nyob thoob plaws sawv daws nruab siab.

    *Li ntawd Zam ntawv Moo Zoo thiaj hais tias: (3:3-10+19)
    -Yes Xus yog tus ntxuav peb nyob hauv Leej Tswv Yim Ntshiab, vim ib txwm Leej Tswv Yim Ntshiab nyob txawm hauv Yes Xus.
    Ces Zam Ntxuav Plig hais tias:
    -Nej ntsia Tswv Ntuj tus Yaj! Nws yog tus thau lub sim ceeb qhov txhaum. Nws yog tus kuv xub hais ua ntej tias, muaj ib tug neeg lawv kuv qab tuaj! Nws huas kuv ntej lawm. Vim Nws ib txwm nyob.
    -Tswv Ntuj qhia tias, tus koj yuav pom Leej Tswv Yim Ntshiab nyob saum Nws, mas Nws ua cov kab ke nyob hauv Leej Tswv Yim Ntshiab.
    -Zam thiaj zeem tseeb tias, Tus no yog Tswv Ntuj Leej tub.
    -Kwv tij hnub no peb kuj hnov Zam hais tib lo lus zoo li no rau peb thiab. Tus kuv pom Leej Tswv Yim Ntshiab nyob saum nws mas, Nws ua cov kab ke nyob hauv Leej Tswv Yim Ntshiab, Peb kuj yuav zeem tseeb tias, Yog Tswv Ntuj Leej tub, tuaj ua cov kab ke nyob hauv Leej Tswv Yim Ntshiab rau peb.
    -Peb sawv daws muaj txoj hmoov zoo tiag, peb tau hnov ntawm peb ob lub pob ntseg. Hos peb kuj tau pom hauv peb lub tswv yim.
    -Ua li mas peb kuj yog zoo li Yes Xus cov Thwj Tim lawm thiab. Peb yuav txaus siab qee peb los ua Yes Xus thwj tim xa Tswv Ntuj los lus mus txog puag tim npoo ntiaj teb.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 23rd January 2014, 7:58 am



    NRUAB XYOO CHIV 3 XYOO A. 27-01-2014


    His Xais Hais tias: ( 8:23+ 9:1-3.)
    -Ntuj yav thaum ub cov uas lawv tsis paub Tswv Ntuj, mas lawv raug xwv txheej ntau. Nyob hauv txoj kev ntxhov siab. Txij thaum lawv tau paub Tswv Ntuj lawm mas lawv lub siab tau nyob kaj lug tuaj.
    -Vim tias tas neeg ntiaj teb sawv daws tsuas mloog lawv lub siab npau taws, thiab xia lawv lub zog loj, ces muaj teeb meem ntau rau sab kev sib ntxub. Sawv daws nyiam kev ua tsov rog los sib txeeb ntiaj teb lub cuab tam, xws li tej nyiaj txiag. Qoob loo, los ntaub xov.
    -nyiam no muaj ib teg tsau cig lam lug rau cov haiv neeg, yog Tswv Ntuj lo lus. Nws cheem cov ua Nom ua Tswv kom lawv txawj zam rau cov neeg me ntau leej, uas yog cov neeg txom nyem, kom tau nyob tiaj tus.
    -Ntawm peb mas peb kuj yuav tsim kom meej, los mus taug txoj kev pom kev, kom lub sim ceeb xws li peb tej kwv tij los phooj ywg txhua tus tau nyob hauv txoj kev kaj.

    *Ces Paj Lug thiaj hais rau cov Kos Lis Nthos tias:
    ( 1-K.L.Nth 1:10-13+ 17.)
    -Tas nrho cov neeg ntseeg txog Yes Xus, tab yog nej tsis to taub Yes Xus cov lus zoo ib yam, los nej yuav tsis txhob sib cav sib ceg, sib ncaim nyia mus nyias.
    -Nej yuav saib tias Yes Xus tib leeg yog nej tus Xib Hwb uas tau cawm nej los.
    -Peb sawv daws yuav hais tib lo lus tias:
    -Kwv tij peb tuav txog Yes Xus Pleev lub npe,thov kom peb sib haum xeeb, kom peb sawv daws sib koom siab mog, peb yuav koom ua ib pab neeg, ib lub siab xwb.
    - Peb tus Huab Tais Pleev nrog Leej Txiv thiab Leej Tswv Yim Ntshiab tsis tau cais leej twg rau sab nraud li. Nws tos tas zog kom peb tig los yuav lub siab tshiab xwb.
    --Yog thaum twg peb leej twg ua siab me peb yuav nrog Leej Tswv Yim Ntshiab uas yog tus qhia qhov tseeb sib sab laj tuav xam kom peb pom peb txoj kev kaj uas peb taug mus nyob hauv Leej Pleev lub hwj huam hwj chim ntawd.

    *Mas Tais ntawv Moo Zoo hais tias: (4: 12-23.)
    -Saib Yes Xus nyuam qhuav tshaj Tswv Ntuj lub Moo Zoo xwb Nws twb xaiv ib co neeg nrog Nws pab Nws tshaj kev cawm neeg.
    -Yes Xus tau hais cov lus uas Tswv Ntuj tau xub kom tus Yaj Saub His Xais tshaj tawm ntxo ntxov tias:
    -Cov teb chaws uas muaj cov pej kum neeg teev dab nyob hauv! Nej mloog mog!
    -Tsoom pej xeem nyob hauv qhov tsaus ntuj yuav pom ib qho pom kev ci ntsa iab.
    -Cov neeg nyob teb chaws tsus ntuj zwm rau kev tuag yuav pom ib qho pom kev tuaj txog lawv.
    -Ces Yes Xus thiaj pib qhia tias, Nej hloov siab mog Ntuj lub ceeb tsheej twb los txog ze lawm.
    -Yes Xus hu Nws cov Thwj tim 12 leej mas tsis yog xaiv lawv nkaus xwb, 12leeg sawv tas nrho cov haiv neeg hauv lub sim ceeb no chaw tas nrho txhua haiv neeg tib si lawm. Peb cov neeg ntseeg thiab txais lub cim ntxuav lawv peb puav leej raug Yes Xus hu los ua Nws thwj tim, tej tus ua thwj tim tshaj kev cawm neeg loj tej tus tshaj qhov me, los sawv daws yog thwj tim tas tib si.


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 14th February 2014, 12:44 pm



    NRUAB XYOO HNUB CHIV 6 XYOO A. 16-02-2014



    Ntawv Npes xis Las hais tias: (15: 15-20.)
    -Tswv Ntuj pub Nws lub txiaj ntsim pab peb mus taug txoj kev zoo. Mas peb yuav txiav siab xaiv txoj kev ntshiab uas peb yuav taug mus tom ntej.
    -Ces ntawv Npes Xis Las hais ntxiv tias:
    Yog koj xav zoo, mas koj yeej coj tau Tswv Ntuj cov lus qhia. Koj muaj rab peev xwm ua kom koj nyob ruaj nreb hauv Ntuj cov lus qhia.
    -Tswv Ntuj tso dej tso hluav taws rau ntawm neeg xub ntiag, ces neeg yuav muaj peev xwm ua raws li neeg lub siab xav ua tau. Txoj kev tuag thiab txoj sia nyob ntawm neeg hauv ntej, cia rau neeg xaiv raws li neeg nyiam.
    -Huab Tais kev thoob tsib nrog Nws lub hwj huam loj thiab tob tas nrho, Nws pom thiab paub tas ib puas tsav yam.
    - Ntuj tsuas tig los ntsia cov neeg hwm Ntuj, Ntuj tsis tau tso lus rau leej twg kom tsis txhob hwm Ntuj, los tso lus rau neeg mus ua kev txhaum.

    -Tus hauv paus xa lus Paj Lug thiaj hais rau cov neeg Kos Lis Nthos tias: (2:6-10.)
    -Txoj kev peb qhia rau nej yog kev thoob tsib nqes saum ntuj los tiag! Nws tsis yog cov nom tswv los cov Vaj kev thoob tsib!
    -Ntuj txoj kev thoob tsib uas nqes saum ntuj los nws tseem nyob zais ntshis txog niaj hnub no.
    -Tswv Ntuj Nws tshwj zias rau cov neeg ntseeg kom tau muaj hwj chim. Yog cov kev thoob tsib uas tsis muaj ib tug Vaj los ib tug nom tswv tau paub.
    -Yog lawv paub mas lawv yuav tsis muaj tus vaj muaj hwj chim tua dai rau saum ntoo cuam.
    -Yog Tswv Ntuj tau kom Leej Tswv Yim qhia rau peb paub txog tej yam nyob hauv Ntuj kev thoob tsib. Yog ib feem loj nyob hauv Ntuj lub cuab tam uas peb yuav txais los ua peb tug.

    Mas Tais ntawv Moo Zoo kuj hais tias: (5:17-37.)
    Yes Xus xav kom peb mus taug txoj kev nyiam Tswv Ntuj. Vim tus nyiam Tswv Ntuj mas nws zoo dua tus saib txoj cai.
    -Yes Xus hais tias:
    -Nej txhob xav tias, kuv tuaj rhuav txoj cai, los rhuav cov Yaj saub lawv tej qub lus pov tseg. Kuv tsuas tuaj qhia kom thoob xwb.
    -Kuv hais qhia rau nej tias, lub ntuj lub ntiaj teb yuav ploj mus, Hos txoj cai mas tsis muaj ib lo lus me me yuav ploj mus li.
    -Ib tug neeg twg tau hla txoj cai thiab qhia kom luag ua raws nws, mas yog nws tau mus pem ntuj los nws yuav yog ib tug neeg me tshaj sawv daws.
    -Hos tus ua raws li txoj cai tsis ntxiv dab tsi rau thiab nws hais li qhov muaj tseeb mas nyob pem ntuj nws yuav yog tus loj.
    Yes Xus kuj hais tias nyob hauv neeg tej kev ua txhaum mas nej txhob hu txog Ntuj los nrog nej cog lus. Muaj ces hais tias muaj, yog tsis muaj ces hais tias tsis muaj no xwb.
    Lo lus uas nej hais ntxiv rau mas yog tuaj ntawm tus phem tuaj, pab nej kom tau txav mus deb ntawm Tswv Ntuj tus qhia qhov tseeb lawd.
    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 22nd February 2014, 6:52 am



    NRUAB XYOO HNUB CHIV 7 A.Tim 23-02-2014




    * Ntawv Les Vis hais tias: (19:1-2+17-18.)
    -Tswv Ntuj yog tus ntshiab tiag, peb yuav xyaum ua ib co neeg ntshiab, kom tau pab zeej tsoom ua ib co neeg siab ntshiab.
    -Tswv Ntuj lo lus hais li no:
    Koj yuav tsis txhob ntxub koj cov kwv tij nyob hauv koj nruab siab! –Leej twg yog tus txheeb ze koj mas koj yuav yuav qhuab qhia nws, koj thiaj yuav tsis nrog nws ris kev ua txhaum!
    -Koj yuav tsis txhob cia kev ua caub chim rau cov neeg nrog koj koom ua ib haiv!
    -Kuv yog nej tus Tswv Ntuj, kuv xav kom nej nyiam luag tej li uas nej rov nyiam nej.
    Yog nej saib tias kuv yog nej tus Tswv Ntuj mas kuv cov lus nrov txog nej pob ntseg lawm, mas kuv xav kom nej muab cog ruaj rau hauv nej nruab siab, nej thiaj faib tau kuv cov lus pub rau zeej tsoom los xyaum ua ib co neeg siab ntsiab.

    *Tus hauv paus xa lus Paj Lug kuj hais rau cov Kos Lis Nthos tias: (3:16-23.)
    - Tswv Ntuj kheev kom Leej Tswv Yim Ntshiab tuaj nyob txawm hauv peb nruab siab.
    -Peb yuav saib tias yog ib yam loj thiab muaj nuj nqes tshaj: -Nws yog txoj kev thoob tsib uas Tswv Ntuj muab pub rau peb tiag.
    -Yam li peb cov neeg ntseeg txog Yes Xus lub Moo Zoo, Mas peb yog Tswv Ntuj lub tuam tsev, peb lub cev yog Leej Tswv Yim Ntshiab lub tsev nyob ntiaj teb no.
    -Yog leej twg rhuav Tswv Ntuj lub tuam tsev ntawd mas Tswv Ntuj kuj yuav rhuav tus neeg ntawd thiab.
    _Tswv Ntuj Nws tsis rhuav li neeg rhuav. Tswv Ntuj tawm mus cia lub tsev ntawd lub qhov rooj qhib lug cia, Ces Dab phem yuav pom tias tsis muaj leej twg nyob hauv ces dab phem yuav coj ib co dab los nyob rau hauv!
    -Cov dab ntawd yog ib cov dab thoob tsib thiab ntse rau sab txawj xam khib, los paub kev ua tub qaug rau neeg kom neeg muaj kev npau taws, thiab txawj xyav luag lub moo kom kev sib tu siab nrog ntau yam....
    -Hos nyob hauv Tswv Ntuj sab mas Ntuj saib tias tus zoo li ntawd, yog neeg vwm.
    -Leej Tswv Yim Ntshiab Khuv xim hom neeg zoo li ntawd kawg. Vim Leej Tswv Yim txhawj tias, nws txoj kev ntse thiab thoob tsib raws li neeg qhuas txog, mas yuav rov ua ib rooj ntxhiab los tais nws tes. Thaum nws hnov mob tes ces nws lub meej mom koob meej puas tas lawm.
    -Muaj ob yam loj nyob ua ke xws li:
    Qhov phem thiab qhov zoo. Yam twg los yog neeg tug tas tib si. –Neeg muaj cai xaiv qhov pem los ua neeg tug, los xaiv qhov zoo. Yog leej twg xaiv tas lawm ces nws yuav tau txais li ntawd.


    *Mas Tais ntawv Moo Zoo thiaj hais ntxiv tias: (5: 38-48.)
    -Tswv Ntuj ua zoo rau cov neeg phem ib yam li ua rau cov neeg zoo.
    -Peb ntseeg txog Yes Xus lub Moo Zoo lawm, peb yuav ua tib yam li Tswv Ntuj ua rau lub qab ntuj neeg.
    -Yes Xus hais rau Nws cov thwj Tim tias:
    Nej tau hnov tej laus hais tias, muag pauv muag. Hniav pauv hniav!
    -Hos kuv li mas kuv hais rau nej tias, nej txhob tiv tus phem heev li ntawd. –Yog leej twg xav ib ncuav pias rau nej sab plhu xis mas nej tseem yuav tig sab laug rau thiab.
    -Nej yuav nyiam nej cov yeeb ncuab, nej yuav thov Ntuj rau lawv. Vim nej Txiv nyob saum ntuj Nws tso lub hnub tuaj ziab rau cov neeg phem ib yam li cov neeg zoo.
    -Yog tias nej hais cov lus mos lus muag rau cov nej nyiam xwb mas nej yuav tau txais dab tsi?- Nej kawg rov tau txais nej cov kwv tij tej lus mos lus muag xwb.
    - Qaum Ntuj cov txiaj ntsim koob hmoov poob saum ntuj los mas yuav tsis ncaj nej li.
    - Lub caij peb tseem ua neeg nyob ntiaj teb no, yog peb xaiv tau qhov phem, peb tsis nyiam mas Peb tseem muaj cai xaiv qhov zoo. –Vim lub hnub tseem ziab rau sawv daws. -Txhob tos txog lub zim txwv kawg. Lub caij kawg ces peb xaiv tas lawm mas peb tsis paub yuav coj mus thim rau txoj kab twg li cas lawm.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 28th February 2014, 7:45 am



    NRUAB XY00 HNUB CHIV 8 A.Tim 02-03-2014.



    *Ntawv His Xais hais tias: (49: 14-15.)
    -Tswv Ntuj nyiam Nws haiv neeg xws li ib leej niam nyiam nws cov me nyuam.
    -Neeg ntiaj teb, muaj tej hais tias, Tswv Ntuj tsis nco txog kuv lawm. Nws tso kuv pov tseg lawm.
    -Tswv Ntuj teb rau cov neeg xav li ntawd tias:
    -Ib tug leej niam nws tsis nco txog nws cov me nyuam li ntawd puas yuav muaj tau?
    -Tab txawm muaj ib tug poj niam nws tsis nco txog nws tus me nyuam nws tu nyob hauv nws xub ntiag, mas kuv yuav nco txog nej mus li.
    -Vim tias Tswv Ntuj yeej xav zoo txaus lawm, Nws mam cia neeg xeeb los. –Vim txoj kev nyiam no mas txhua tus neeg xeeb tau los, mas puav leej muaj Ntuj txoj kev nyiam kev hlub nyob rau hauv Ntuj nruab siab.
    -Tsuas yog Leej tib neeg thiaj txiav tau Ntuj kev nyiam kev hlub.- Hos Ntuj mas Nws txiav tsis tau txoj kev nyiam kev hlub uas Ntuj tau cog lus rau neeg lawd.

    * Paj Luag thiaj hais rau pab neeg nyob Kos Lis Nthos tias:
    ( 4:1-5.)
    -Tas sawv daws xav txiav txim rau cov neeg ua Yes Xus cov tim khawv.
    -Peb txhob ntshai neeg txiav txim rau peb.- Peb tsuas saib tias, peb yuav muab siab rau ua Tswv Ntuj cov hauj lwm.
    - Peb yuav saib tias, tsuas yog tib tug xwb thiaj li txiav txim ncaj!- Yog Tswv Ntuj.- Peb txhob maj txiav txim rau neeg. Peb yuav tos Huab Tais tuaj tso, vim nws yog tus kaj txhua yam hauv qhov tsaus, kom pom kev tuaj. Ces nyias yuav txais lo lus cav txog nyias.
    -Peb yuav nco ntsoov tias cov xub txais lub Moo Zoo yog cov tuav Ntuj cov paj tshab uas yuav muab faib rau luag.
    -Koj tuav tus Tswv cov hauj lwm, koj yuav coj luag tuaj nrog koj tus tswv sib haum xeeb.
    -Peb tsuas paub tias peb txawj ua txhaum rau Ntuj thiab rau neeg. –Neeg yuav txiav txim rau peb los xij. Peb yuav tos hnub kawg Ntuj mam ua tus txiav txim thiaj yog txoj kev ncaj.

    * Mas Tais ntawv Moo Zoo thiaj hais tias: ( 6:24-34.)
    -Peb txhob cia nyiaj ua peb tus Tswv. Peb yuav saib txoj sia nyob hauv Tswv Nyuj yog qhov muaj nqes loj dua.
    - Tos Yes Xus hais li mas, tus uas nws tsob hwb nyiaj nws yuav tau mus taug txoj kev no:
    -Tus neeg tsob hwb nyiaj mas nws tau nplua nuj nyob ntiaj teb no xwb. Dua li mas nws yog neeg pluag thiab txom nyem, yam li:
    -Nyiaj ua nws tus huab tais, ces nws tsob hwb nyiaj, nws tawm rooj tsis tau,nws yuav tau zov nws pob nyiaj. –Nws ntshai noj qab, ntshai hnav zoo, tsan luag paub tias nws muaj nyiam ntau.- Nws ntshais tawm rooj tsam muaj tub sab tuaj thov qhov tsev. – Ces nws ua nyiaj qhev kom tau tsob hwb nyiaj. – Nws txawm muaj nyiaj ntau puv nkaus ib kem tsev los nws yog neeg pluag.- nws noj tsis tau hnav tsis tau,-cuag li nws twb raug txim lawm, cov nyiaj uas nws muaj, zoo li yog ntiaj teb tug nws tsis muaj cai siv, thaum tas nws txoj yawg lawd mam li yog lwm tus neeg muab los siv tau.
    -Tus neeg ntawd, nws poob tsis muaj Tswv Ntuj, Poob tsis muaj phooj ywg kuj poob tsis muaj kwv muaj tig thiab.
    Mas nwv yog tus pluag tiag.
    -Yog peb Tsob hwb Tswv Ntuj mas, peb muaj Tswv Ntuj, peb muaj phooj ywg, muaj kwv tij, peb txawm tsis muaj nyiaj los Tswv Ntuj yog tus nplua nuj. Peb tsoom phooj ywg kuj yog cov nplua nuj. Ces peb tsis pluag.
    -Ib tug neeg pluag, hnub kawg nws muas saum ntuj los tsis muaj neeg xav raws nws mus. –Hos nws ho mus rau dab teb los kuj tsis muaj neeg xav ua nws luag lawv qab mus thiab. Ces thiaj hais tias nws txom nyem.
    -Cov muaj phooj ywg mas lawv mus saum ntuj los muaj neeg raws lawv mus tsheej pab.- Hos lawv mus dab teb los kuj muaj neeg ua lawv luag mus tsheej npoj thiab.
    -Peb yuav tso siab rau Ntuj li Yes Xus hais:
    -Kom peb tig rov los mus saib tej me nas me noog, thiab tej me nroj tsuag. Cov me nas noog lawv tsis tseb nplej, tsis sau qoob loo los ua tej txhab, tsis kav peb tsis pom ib tug nas los noog yuav tuag tshaib li.
    Hos tej me nroj tsuag los peb tsis pom lawv tooj xov ntos ntaub,cov vaj muaj koob meej, lawv twb hnav zoo tsis cuag li tej paj ntawd.

    Yaj Zoov Ntxheb Xib hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 5th March 2014, 9:24 am



    HNUB PLAUB TXAIS TSHAUV A B C. tim 05-03-2014



    *-Ntawv Yos Es hais tias: (2:12-17.)
    -Tswv Ntuj xav kom peb tig los yuav lub siab tshiab.  Txhob nyob hauv kev tsuas ntuj mus li.
    -Peb yuav quaj rau peb cov txhaum xws li peb yog xyom cuab.-Peb yuav ua kom peb lub siab nyiam kev ua txhaum ntuag rhe, thiaj yog.
    -Peb yuav thov kom Tswv Ntuj rov los nrog peb nyob. Kom Nws rov foom lus zoo rau peb.
    -Cov thawj neeg xws li cov txwj laus, cov Xib hwb, los cov Leej choj yuav tshaj kom sawv daws ua kev them txim txhaum.
    -Cov ua niam ua txiv, yuav nqua lawv tsev neeg tuaj hawm Tswv Ntuj. Cov uas yog nkauj nyab thiab nraug vauv, yuav tso lawv lub txaj pw tseg, nej tuaj koom nrog tsoom sid thov kom Tswv Ntuj hlub Nws haiv neeg.
    -Kom lub Koom Txoos txhob muaj leej twg raug kev txaj muag. –Txhob cia neeg thuam tau tias nej tus Huab Tais dua qhov twg lawm.
    -Yam hais no yog lub ntsiab. –Qhov yuav txiav txim yuav lub siab tshiab, mas peb xaiv raws li xyoo tas los no yam peb tau ua tsis haum  Tswv Ntuj lawd, peb yuav tso pov tseg, tig los ua tej yam kom ntxim rau Ntuj nyiam thiab phim Ntuj kev hlub.
    * Paj Lug kuj hais rau cov Kos Lis Nthos tias:
    ( 2 K L N 5: 20-21+6:1-2.)
    -Nyem no yog lub caij zoo rov los nrog Tswv Ntuj sib haum xeeb,Vim Yes Xus  them peb cov txim txhaum. Peb txhua tus neeg ntseeg txog Leej Pleev mas Tswv Ntuj hu peb los ua Leej Pleev cov tiam lis.
    -Ces Tswv Ntuj qiv peb lub ncauj los hais Nws cov lus ntuas, thiab tuav txog Leej Pleev lub npe los thov kev sib haum xeeb nrog Tswv Ntuj. Vim Tswv Ntuj siab zoo, Nws tso tus tsis paub kev ua txhaum tuaj ris tas lub qab ntuj neeg cov txhaum, kom tau pab peb ua ib co neeg dawb huv tuaj.
    - Ua li mas  tas tsoom neeg ntseeg nyias yuav paub nyias tias, peb nrog Leej Pleev ua tib txog hauj lwm, kom tau rov cawm peb.
    -Peb txhob lam thov txais Ntuj cov txiaj ntsim dag, los cia tsis muaj  nqes dab tsi li.
    -Peb yuav tso siab lug tias lub sij hawm no, yog lub sij hawm Leej Pleev tuaj cawm peb tiag.
    *-Mas Tais ntawv Moo Zoo hais tias: (6:1-6+16-18.)
    -Thaum peb ua tej yam zoo mas peb txhob xav tias peb nrhiav koob meej. Tas sawv daws peb tsuas xav tias, peb nyiam Tswv Ntuj no xwb.
    -Yes Xus thiaj hais rau peb tias, nej ua  tib zoo, txhob ua neeg ncaj neeg zoo ntawm sawv daws xub ntiag kom luag qhuas xwb.
    - Cov xav li no mas lawv twb txais lawv txoj kev qhuas los ntawm neeg los tas lawm. Ces tsis muaj chaw  rau Ntuj cov txiaj ntsim yuav  nqes saum ntuj los nyob hauv  tus zoo li ntawd.
    -Yes Xus hais tias, Nej txoj kev thov Ntuj, thiab cov kab ke them txim txhaum Nej yuav ua nyob hauv qhov chaw nraim nkoos cia rau nej txiv nyob saum ntuj tib leeg paub xwb’... Nws mas pauj rau nej.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 7th March 2014, 9:45 am



    CAIJ PLAUB CAUG CHIV 1 A. Tim 09-03-2014.



    * Ntawv hauv paus hais tias: (2:7-9+1-7.)
    -Tas txhua leej neeg nyob ntiaj teb no, yuav taug txoj kev zoo, los kev phem kuj tau!
    Tab sis cov uas lawv nyiam Tswv Ntuj, mas lawv xaiv txoj kev mloog Ntuj lus.
    -Ob tug niam txiv hauv paus, As Das thiab Es Vas nkawd tsis xaiv txoj kev mloog Tswv Ntuj lus.
    -Nkawd xaiv qhov kom nkaws muaj hwj chim loj xws li Tswv Ntuj, thiab paub ib puas tsav yam npaum li Tswv Ntuj.
    -Thaum nkawd lub tswv yim thiab lub qhov muag qhib plho los raws li Tswv Ntuj xub qhia, ces nkawd pom tias nkaws tau txaj muag.
    -Tswv Ntuj tej lus yog lus tseem ceeb, lus loj, yog lus paj lug ntau xwb. Tswv Ntuj kuj niaj hnub hais rau peb tias, yog nej tsis mloog hais, Thaum thaum nej lub qhov muag thiab lub tswv yim qhib los lawm ces peb yuav pom tias peb yog neeg ruam. Ces peb yuav rov txaj muag rau peb.
    -Vim yog peb hla Tswv Ntuj tej lus qhuab qhia lawm, peb thiaj tau ntsib tej yam ua rau peb tau txaj muag, coj peb mus zwm rau kev ruam. Ces peb thiaj tau txais kev tu siab nrog kev txom nyem thiab kev lwj siab yam uas peb tsis nyiam li


    *-Paj Lug thiaj hais rau cov Los Mas tias: (5:12-15+17-19.)

    - Vim peb tus yawg koob As Das ua txhaum ces peb sawv daws thiaj pheej xav ua txhaum.
    -Nyiam no nyob hauv Yes Xus, peb tau Tswv Ntuj lub txiaj ntsim npo peb kev ua txhaum.
    Vim thawj tus neeg nws txoj kev ua txhaum no coj kev ua txhaum thiab kev tuag tuaj zwm rau tas lub qab ntuj neeg
    -Hos nyiam no Tswv Ntuj lub txiaj ntsim nyob hauv Yes Xus Pleev ntws los nyab neeg ntiaj teb neeg cuag li dej ntws los.
    A- Peb txhob xaiv txoj kev ua txhaum mus ntxiv lawm, vim nws coj txoj kev tuag tuaj ua tus tuam Vaj tswj neeg nyob hauv kev ua txhaum kom tau tuag mus, sawv tsis tau rov los
    B-Peb yuav xaiv lub hwj chim uas Yes Xus Pleev tib leeg muaj ntawd xwb, yog txoj kev ncaj los ua tus tuam Vaj, pub txoj sia nyob mus li rau peb.
    -Vim tias:
    a- Kev ua txhaum pus tas zeej tsoom mus zwm rau kev tuag thiab kev raug txim.
    b-Hos kev ncaj yog kev cawm thiab pub txoj sia rau zeej tsoom.
    c- Vim ob tug neeg, thawj tug tsis kam mloog Tswv Ntuj lus, ntiaj teb thiaj mus zwm rau kev tuag.
    -Hos tus lawv qab tuaj nws tau mloog Tswv Ntuj lus. Ntiaj teb neeg thiaj rov ncaj tuaj muaj txoj sia nyob mus li.


    * Mas Tais ntawv Moo Zoo thiaj hais ntxiv tias:(4: 1-11.)
    -Yes Xus tsis kam ua hwj huam yees ntxwv raws li Dab Phem tau nrog Yes Xus tham nyob teb chaws suab puam. Thaum Yes Xus yoo mov tas plaub caug hnub ntawd.
    Yes Xus tau xaiv txoj kev mloog Tswv Ntuj lus. Niaj hnub no Dab Phem nws kuj tseem siv tib co lus zoo li cov lus ntxias Yes Xus nyob teb chaws suab puam los ntxias peb.
    _ Ntawm kuv mas kuv niaj hnub hnov dab phem hais rau kuv tias: Xib Hwb koj twb yog tus loj thiab paub paub tshaj sawv daws ua cas koj tsis txiav tooj kom yog tooj, txiav hlau kom yog hlau, txiav kom tu nrho. Koj tseem cia muaj neeg thuam koj li koj yog me nyuam yaus xwb.
    -Thaum koj swb cov neeg ncauj ntau ntawd lawm koj tsis tshai koj poob hwj chim poob los!
    - Yogtias,koj yog ib tug neeg mloog Ntuj lus mas koj yuav teb rau Dab cov lus tias:
    -Cov neeg uas lawv muaj peev xwm tua tau lub cev xwb mas cia lawv ua lawv txoj hauj lwm. Tsuav kom lawv txhob tua tau tus Ntsuj plig muab nrog lub cev mus raug txin rau hauv Dab phem lub qhov hluav taws.
    -Nyob hauv Tswv Ntuj lub siab muaj ib lo lus zoo li no:
    Yog leej twg saib tsis taus cov poj ntsuam los cov tub ntsuag, mas kuv yuav nrog nws ua plaub kom mus txog lub tsev txiav txim. Cov poj ntsuam thiab tub ntsuag yog cov neeg uas lawv ntshaw thiab tos ntshis Ntuj cov txiaj ntsim paj tshab kom tau txoj sia los ua lwav tug..

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 21st March 2014, 7:56 am



    CAIJ PLAUB CAUG CHIV 2 A. Tim 23-03-2014



    -Ntawv Hauv Paus hais tias: (12: 1-5.)
    =Has Nplas tau mloog Tswv Ntuj lus, ces Tswv Ntuj pub kom nws cov xeeb ntxwv ua ib Haiv neeg tshiab. Yog Haiv neeg tso txoj kev mloog Dab Phem pov tseg.
    -Tswv Ntuj yuav ua kom muaj ntau leej neeg txais kev ntseeg los ntawm Has Nplas thiab Nws cov Xeeb Ntxwv:
    -Suav txij li Yas Kos uas Tswv Ntuj muab tis npe hua ua HIS XAS LAIS, los rau YOS XES, MAIS XES, COV YAJ SAUB, thiab cov Ntuj xaiv los ua Ntuj cov tub txib los rau Leej Pleev uas yog Tswv Ntuj Leej Tub thiab cov thwj tim.
    Txuas los mus rau cov tswj kav Tswv Ntuj lub KoomTxoos thiab tas nrho cov neeg ntseeg tib si.
    -Cov tuaj yeem mloog Tswv Ntuj lus hloov siab lawv yog ib pab Has Nplas tshiab, Lawv yuav yog cov thawj neeg coj zeej tsoom los mloog Tswv Ntuj.
    -Thiab ua Tswv Ntuj Haiv neeg tshiab tso txoj kev teev cov dab uas neeg tsis paub pov tseg. Ces Lawv tau pab lub qab Ntuj neeg los ntseeg txog Leej Pleev lub Moo Zoo. Thiaj tsim nyog muab Leej Pleev lub npe los sib foom hmoov zoo, rau kev yuav lub siab tshiab, thiab sib foom kev noj qab nyob zoo rau cov neeg muaj txiab xeeb mob nkeeg
    Thiab txhua yam kev txhawj xeeb.
    PAJ LUG THIAJ HAIS RAU TIS MOS TES TIAS: (1:9-10.)
    -Tswv Ntuj pub Nws cov txiaj ntsim rau peb, mas Nws pub dawb. Lub caij plaub caug no, peb yuav ua twb zoo, mloog Leej Nplij neeg lub suab. Peb thiaj paub tias:
    -Tswv Ntuj hu kom peb hloov siab, yuav ib lub siab tshiab mloog Ntuj lus. Ces Tswv Ntuj yuav muab cov txiaj ntsim nyob hauv Leej Pleev rau peb:
    -Yam li Leej Pleev tuaj rhuav txoj kev tuag, Nws lub npe muaj peev xwm cawm tau cov neeg hloov siab los ntseeg txog Nws lub Moo Zoo, kom tau muaj txoj sia nyob mus li.
    MAS TAIS NTAWV MOO ZOO HAIS TIAS: (17: 1-9.)
    -Yes Xus muab Nws lub Hwj Chim rau nws cov Thwj Tim pom. Nws pab lawv ntseeg tias tus tuag nyob saum ntoo cuam, yog TSwv Ntuj Leej tub tiag.
    -Hnub ntawd, Yes Xus yuav Pob Zeb, thiab Yas Kos nkawd ob kwv tij, Yes Xus coj mus saum ib lub roob, ces Nws txia kiag ua ib tug tshiab nyob ntawm lawv xub ntiag.
    -Muaj Tswv Ntuj ob tug Yaj saub yees tawm tuaj nrog Yes Xus tham. Ces ib lub suab nrov saum ntuj tuaj tias:
    -Tus no, yog kuv Leej Tub uas kuv nyiam kawg. Nej mloog Nws lus mog!
    *-Kwv tij lub zim txwv no peb nyob ntawm Tswv Ntuj xub ntiag! Peb yog Pob Zeb, Yas Kos thiab Zam lawv. Tswv Ntuj tab tom hais kom peb mloog Yes Xus lub Moo Zoo.
    - Tus kam mloog Yes Xus lub Moo Zoo, ces Nws tau mloog Ntuj lus zoo li Tus yawg koob Has Nplas. Ua li mas Lawv kuj yuav yog ib pab Has Nplas tshiab coj zeej tsoom los hwm Tswv Ntuj. Thiab pab kom tsoom sid tso kev teev dab tseg. Nyob hauv cov dab ua Hmoob teev mas yog tib co dab uas tsis muaj neeg paub txog li?
    *-Cov dab zoo yog 80% ...
    *-Cov dab tsis paub npe yog 29% ....
    *-Tus dab phem yog 1% xwb.....piav txiv...

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 21st March 2014, 8:32 am



    CAIJ PLAUB CAUG CHIV 3 A. Tim 23-03-2014




    Ntawv kev tsiv hais tias: (17: 3-7.)

    -Tswv Ntuj ua kom dej txhawv ntawm phab tsua los cawm Nws Haiv neeg kev nqhis dej.
    -Yes Xus yog tus pub cov dej muaj txoj sia rau peb.
    Nyob Des Fis Dis yog lub teb chaws suab puam qhuav qhawv. Tas tsoom His Xas Lais raug kev tshaib nqhis dej heev. Ces lawv yws yws thiab thuam Tswv Ntuj thiab Tswv Ntuj tus tub txib Mais Xes.
    -Ces Tswv Ntuj hais rau Mais Xes tias:
    -Koj coj cov txwj laus mus rau ntawm lub tsua Hos Les, Kuv yuav nyob ntawm koj hauv ntej, koj yuav xuas tus pas uas koj tau tsa rau saum lub hiav txwv los nkaug phab tsua, ces dej yuav tawm ntawm phab tsua los rau cov His Xas Lais thab plaub ntawd haus. Kom lawv paub tias yuav txhob sim Tswv Ntuj, thiab paub tias, Tswv Ntuj yeej nrog neeg nyob tiag.

    PAJ LUG THIAJ HAIS RAU COV LOS MAS TIAS; ( 5:1-2+5-8.)

    -Thaum peb tseem ua neeg txhaum, Yes Xus zoo siab tuag kom tau cawm peb. Vim nws xav kom peb tau txais txoj kev ncaj tuaj ntawm Y.X. lub Moo Zoo tuaj.
    - Peb thiaj tau nrog Tswv Ntuj nyob kaj lug. Hauv Leej Pleev cov Txiaj ntsim. Uas Leej Nplij neeg zoo siab hliv Leej Txiv lub txiaj ntsim kev nyiam los ntawm Lub Moo Zoo uas yog Leej Pleev tug tshwj rau peb:
    -Yog Ntuj kev nyiam kev hlub kev zam, nrog Nws lub hwj chim, txoj sia tag nrho.

    ZAM NTAWV MOO ZOO HAIAS TIAS: ( 4: 5-42.)

    -Yes Xus yog tus pub cov dej muaj txoj sia rau cov neeg ntseeg txog Nws haus. Ces lub qab ntuj neeg cov ntseeg thiaj tau muaj txoj kev daws nqhis.
    -Nyob Xas Mas Lias teb, lub qhov dej uas Yas Kos tau tsim tseg los tau ntau pua xyoo lawm. Yas Kos tsim los kom muajdej txaus rau Nws cov tsiaj txhu tau haus.
    -Yas Kos yog tus uas Tswv Ntuj tau Foom lus zoo rau nws kom hu ua His Xas Lais.
    Hnub no Yes Xus Nyob ntawm lub qhov dej no, kom tau hais txog cov dej muaj txoj sia rau tus poj Xas Mas Lias no thiab peb sawv daws tau paub tias, Phim peb yuav thov cov dej muaj txoj sia Ntawm Leej Pleev los haus.
    -Cov Dej uas Leej Pleev muab mas tus twg tau haus lawm nws yuav tsis nqhis ntxiv:
    -Yam li cov Dej ntawd yog COV DEJ pub txoj sia Txhawv hauv Nws nruab siab los.
    -Yes Xus hais ntxiv tias. Nej ntseeg kuv mog, nyiam no txog lub caij lawm. Cov xav teev Ntuj mas yuav teev nyob hauv lub tswv Yim thiab nyob hauv txoj kev tseem ceeb.
    -Yes Xus xav hais meej tias:
    Cov Dej muaj txoj sia, thiab cov txhiam xws peb yuav noj mas yog ua raws li LeejTxiv tus tau tsim peb los Nws lub siab thiab Nws cov hauj lwm.
    -Yes Xus hais tias kom peb teev nyob hauv lub tswv yim thiab hauv txoj kev tseem ceeb. Yam li peb yuav teev tus peb paub tias Nws yog Leej Txiv tiag. Txhob mus teev tus peb tsis tsis paub, uas yuav muas teev nyob saum lub roob los nyob hauv ib lub nroog loj.

    Yaj Zoov Ntxheb Xib Hwb..





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 28th March 2014, 11:12 am



    CAIJ PLAUB CAUG CHIV 4 A.Tim 30-03-2014

    Ntawv I Xas Mus hais tias: (16 1+6-13.)
    =Tswv Ntuj xaiv Das Vis los ua Nws tus pleev, los ua Vaj kav Haiv His Xas Lais.
    -Txij hnub ntawd los ces Tswv Ntuj txeeb tau Das Vis:
    Muab los txhais hais tias, Peb yuav muaj kev tso siab, thiab kev nyiam Tswv Ntuj.
    -Txij hnub peb txais kev ntseeg, txais lub cim ntxuav. Tswv Ntuj tau xaiv peb, los ua Tswv Ntuj cov Pleev. Yam li peb ua ib cov me nyuam Vaj xws li Yes Xus. Yus saib luag, luag ho saib yus, peb yuav sib hwm nyob hauv Tswv Ntuj zoo li ntawd.
    Lo lus hais tias Tswv Ntuj txeeb tau Das Vis, Vim Das Vis zoo siab mloog Tswv Ntuj.
    -Yam li Das Vis yog Twv Ntuj tus Pleev. Tsis kav Das Vis tau ua txhaum ntau zaus hla Tswv Ntuj lus, los Das Vis zoo siab thiab lees txhaum mus li.
    -Vim li ntawd, Cov zaj Das Vis tsim los thov txhaum muaj ntau zaj kawg:
    Koj lub siab zoo Huab Tais koj zam rau kuv th...
    _ thiab Das Vis nws tsis nyiam kev ua txhaum. Nws ua txhaum vim nws swb kev ua txhaum lawm. Nws thiaj yog daim phiaj ua Tswv Ntuj tus Pleev nyob hauv txoj kev pom kev los thov kom Tswv Ntuj zam txim txhaum.

    =Paj Lug thiaj hais ib zaj lus rau cov Es Fes Xois tias:
    ( 5:8-14.)

    -Txij thaum peb ntseeg txog Yes Xus mas peb lub Tswv Yim pom kev tuaj.
    - Yav thaud peb nyob hauv txoj kev tsaus ntuj. Nyiam no Tswv Ntuj txoj kev pom kev tawm tuaj nyob hauv Yes Xus Pleev lub hwj chim.
    -Peb yuav ua ib co neeg phim Ntuj cov tub mus taug txoj kev pom kev. Tus Taug txoj kev pom kev mas Nws yuav txi ib co txiv zoo li no:
    -Txi Lub siab zoo, lub siab ncaj, thiab lub siab thoob tsib tseem ceeb. Ces peb thiaj nrhiav tau qhov ua kom xis li Tswv Ntuj lub siab.
    - Peb txhob cev tes mus kov kev ua txhaum nyob hauv kev tsaus ntuj. Kev ua txhaum nyob hauv kev tsaus ntuj, yog tej yam tej yam phem tiag. Nws tsiv mloog los tsiv saib, kuj yog tej yam rhiab pob ntseg los rhiab qhov muag nrog ua ke.

    = Ces Zam ntawv Moo Zoo thiaj hais ntxiv tias: (9: 1+6-9+13-17=34-38.)
    -Thaum peb tsis tau ntsib txoj kev ntseeg, mas zoo li yog peb dig muag. Yes Xus yog tus muaj peev xwm, muaj hwj chim ua kom peb pom kev kev tuaj.
    -Cov av nkos thiab lub pas dej Xis Laus Es ntawd, yam li yog Yes Xus lub hwj chim thiab lub peev xwm ntag. Av kuj yog ib yam av, hos dej kuj yog ib hom dej li lwm cov. Nws tsuas yog txoj kev mloog lus xwb.
    -Hais qhov tseeb, tus neeg dig muag no, tsis yog nws dig muag vim nws muaj kev txhaum.
    =Nws tau dig muag kom muaj ntau leej rov pom kev tuaj:
    -Saib, tsuas muaj Yes Xus cov thwj tim thiaj nrog tus neeg dig muag no tau pom kev. Hos cov Fas Lis Xais cov thoob xwm ntawv thiab cov Txwj laus lawv sawv daws rov dig muag tas, lawv zeem tsis tau tus dig muag, lawv hais tias yog lwm tus zoo li nws xwb. Lawv tau thuam tus dig muag tias koj yeej muaj txhaum nyob nruab thiab los lawm koj tseem muaj plhus ntuas peb thiab.
    =Nyob hauv Yes Xus lub Moo Zoo yog peb tsis ntseeg mas peb txawm lawb dab los peb yeej tseem yog neeg dig muag li qub.
    =Ib tug neeg ntseeg txog Neeg Leej tub mas nws yuav tau pe hawm Neeg leej tub. Tus ntawd yig ib tug Yaj Saub niaj Hnub tshaj txoj kev pom kev rau peb. Peb yuav lees paub tias Neeg Leej tub yog tus twg, kuv xav paub kom kuv tau pe hawm nws.
    = Nws thiaj yuav txi tau lub txiv. Siab zoo, Siab ncaj. Lub siab tseem ceeb, txawj nrhiav kev ua xis Tswv Ntuj siab, tsis kam raus tes mus ua kev txhaum nyob hauv kev tsaus ntuj. Thiab coj lub ntiaj teb neeg mus taug txoj kev dig muag.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 5th April 2014, 5:35 am



    CAIJ PLAUB CAUG CHIV 5 A.tim 06-04-2014.



    Ntawv Es Xes Kias hais tias: {37: 1-14.}
    -Lub caij cov His Xas Lais nyob txim nyob Npas Npis Los teb, zoo li lawv poob hauv ib lub teb chaws tsaus ntuj nti tsis muaj txoj sia. Yog peb tsis muaj kev nyiam Yes Xus, Peb kuj xws li nyob teb chaws tsaus ntuj tsis muaj txoj sia.
    Tus Yaj Saub Es Xes Kias hais tias:
    Lub caij uas Tswv Ntuj txhais tes roos kuv mas Ntuj coj kuv mus xyuas lub hav pob txha. Lub hav pob txha no yog ntiaj teb neeg sawv daws lub chaw sib txoos ua neej nyob, yog lub sim ceeb no.
    -Yes Xus yog tus pub txoj sia rau cov neeg txais lub cim ntxuav. Thaum cov neeg txais lub cim ntxuav lawm mas lawv hnov ib co lus zoo li tus Yaj Saub Es Xes Kias hnov Tswv Ntuj lo lus hais tias:
    -Kuv tshuab pa rau nej ces nej yuav rov muaj txoj sia tuaj! Nej yuav paub tias kuv yog Tswv Ntuj! Thaum nej txais tau kuv txoj pa, nej yuav muaj zog xws li pab tub rog uas lawv coob thiab muaj ib lub zog loj tas nrho. Tus nws muaj tso siab yuav tau txais Tswv Ntuj txoj sia li hais ntawd.

    - Tus Hauv paus xa lus Paj Lug hais rau cov Los Mas tias: ( 8: 8-11..)
    -Yog peb zoo siab mloog Yes Xus mas peb yuav tsis mloog lub cev kev sab kev nkees thiab kev ntshaw ub ntshaw no. Peb tsuas xav mloog Leej Tswv Yim Ntshiab coj peb nrog Leej Pleev taum kom tau hauv txoj kev tsis muaj txoj sia, uas zwm nrog kev ua txhaum nyob mus li.
    -Yes Xus sawv rov los muaj txoj siav nyob mus li vim txoj kev ncaj ua tus Tswv tsa Yus Xus sawv rov qab los! Tus ntseeg thiab tso siab rau kev ncaj ncees, mas nws yuav raug kev ncaj ncees tsa nws sawv rov los muaj txoj sia xws li Leej Pleev tib yam.

    Zam ntawv Moo Zoo kuj hais tias: (11: 1-7+20-28+32-45.)
    Yes Xus pub txoj sia rau cov neeg ntseeg thiab txais lub cim ntxuav, ib yam li Nws pub txoj sia rau Las Ntxas Los tuag sawv rov los.
    -Yes Xus hais tias kuv yog txoj kev sawv rov los, kuv yog txoj sia. Tus twg ntseeg txog kuv nws yuav muaj txoj sia, nws yuav tsis tuag.
    - Ua li mas,Kwv tij peb tau hnov Yes Xus hais tseeb kawg lawm, peb tsis muaj lus yuav piav ntxiv.
    -Tsuav peb ntseeg thiab tso siab luag tias Tus tsa Leej tib neeg sawv rov muaj txoj sia yog txoj kev ncaj. Nws hais qhov tseeb lawm.
    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 2nd May 2014, 8:39 am



    LUB CAIJ HLA CHIV 3 A TM. tim 04-05-2014



    Ntawv hauj lwm thiab Pob Zeb tsab ntawv hais tias{ HL2:14-28.}
    {1PZ 1:18-21.}

    =Tswv Ntuj tsa Yes Xus sawv rov los, vim nws tsis xav cia tus siab ntshiab raug kev tuag. Thiab Nws tau muab Nws roj ntsha los txhiv lub ntiaj teb neeg cov txhaum. Peb thiaj tso siab tau rau Tswv Ntuj mus li, tsis muaj kev ua xyem xyav.
    =Leej Pleev txhiv peb Nws tsis muab nyiaj los muab kub los ua tus nqi txhiv peb. Nws siv nws lub cev, nws cov roj ntsha los ua tus nqi txhiv peb. Zoo li ib tug Yaj dawb huv tsis muaj chaw xyeej los ua cov txim txi rau Leej Txiv Tswv Ntuj, nyob saum ib tug ncej, uas muaj ib ya ntoo khuam los cuam rau saum tus ntsis ncej ntawd. Kom tau muab nrhab ua daj teg. Ces luag muab ntsia hlau  ntsia ob sab tes rau saum yav ntoo, thiab muv ib tug ntsias hlau ntev los ntsia Nws ob txhais taw npuab rau tus ncej.
    =Yog vim Leej Pleev kev txom nyem mas peb thiaj zoo siab ntseeg txog Tswv Ntuj,Thiab tso siab rau Ntuj tau Vim Nws txoj kev txom nyem ua kom peb hloov siab
    =Tswv Ntuj nws yeej ib txwm yog tus zoo, tsis tas yuav khuv xim peb los yeej tau. Nws muaj hwj huam muaj peev xwm nws xav tsim dua ib co neeg tshiab mas tsis muaj ib yam dab tsi yuav thaiv tau Ntuj txoj kev. Thiab Ntuj tsis ceeb laj li. Ntuj xav tias kom muaj no ces cia li muaj tuaj xwb.
    Vim Tswv Ntuj khuv leej peb Nws thiaj ua ib siab yuav lub cev neeg tuaj nrog neeg nyob kom tau muab txoj sia ntawd los ua tus nqi txhiv peb.
    =Yog ib yam nyuaj kawg los Ntuj ua ib siab ua kom tau!
    Saib Tas lub ntuj lub teb, cov hnub qub lub hnub thiab lub hli puas tsav yam nyob hauv Tswv Ntuj Leej Pleev txhais tes mus tas ib txhiab ib txhis twb tsis hnyav, twb tsis ua rau Nws tshaus raws li.
    Hos tus ntoo ua daj npab dai tag ntiaj teb cov txhaum rau saum yav ntoo ntawd Yes Xus kwv nws kam ua rau Yes Xus  tau ntog kaum plaub teeg diam nej saib hnyav npaum li cas tiag!
    Txoj kev uas Leej Pleev cawm lub ntiaj teb neeg no, lub hauv paus mus nto lub ntsis, yog thaj TXIV NTUJ  nyob saum tus noo cuam no.
    =Nyob hauv Lus Kas ntawb Moo Zoo, { 24:13-35.} hais tias:
    =Cov Thwj Tim sib sau ua lub txoos txi Ntuj lawv thiaj to taub tias, Leej Pleev tuaj yeem raug txom nyem, thiab tuag.Kom tau txais txoj sia tshiab yuav nyob mus li.
    =Hmo Yes Xus yuav raug txom nyem Nws nrog Nws cov Thwj Tim ua thaj txi Ntuj. Nws muab Nws lub cev thiab Nws cov ntshav rau cov Thwj Tim noj thiab haus.
    Kom cov neeg ntseeg txog Leej Pleev tau rov niaj hnub ua mus li.
    =Thawj zaug ua Yes Xus rov ua thaj cav txiaj ntsim tom qab Nws sawv rov los lawd, yog hmo Nws nrog ob tug Thwj Tim mus kev txog lub zos Es Mas Ws. Yes Xus tau qhia lawv ua li uas peb niaj hnub ua no:
    Ua Ntej Yes Xus yuav rov ua thaj cav txiaj ntsim nyob ntawm kev Nws tau qhib ntawv ntshiab piav txog Mais Xes thiab cov Yaj Saub tej lus zoo li peb niaj hnub nyeem cov tsab ntawv ua ntej ces peb ua thaj cav txiaj ntsim ces txais Yes Xus lub cev.

    { Yaj Zoov Ntxheb Xib Hwb.}





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 2nd May 2014, 8:52 am


    LUB CAIJ HLA CHIV 3 A m. Tim 04-05-2014.

    { Muaj teeb meem pob caus kuv mam hais zaj zoo li no.}

    Hnub no peb nyob hauv lub caij hla hnub chiv peb.
    -Hnub no kuv yuav hais Yes Xus ib lo lus nyob hauv Mas Kos ntawv Moo Zoo zaj 3: 28-29: Yes Xus hais tias:
    =Leej Txiv Tswv Ntuj yuav zam neeg tej tub ki cov txhaum kom tas.
    -Tab sis tus tsawm Leej Tswv Yim Ntshiab, mas Ntuj yuav tsis zam rau nws. Tus ntawd nws ua ib qho txhaum nyob mus li. Nws oo li nws tau hais tias Yes Xus yog ib tug dab tsis huv.
    =Nej yeej paub tias nej yuav tsis txhob txwm thuam Leej Ntuj Plig.
    Tsam nej tsis paub ces nej tau thuam Leej Ntuj Plig nyob hauv ib tug neeg uas Ntuj tau xaiv nws los nrog Yes Xus Pleev ua nws li teej qav teej num. Cov neeg Ntuj xaiv no mas Tswv Ntuj tsos Leej Ntuj plig tuaj tsa tsev nyob hauv cov neeg ntawd. Cov lus lawv hais los cov hauj lwm lawv ua yog Leej Ntuj Plig coj thiab qhia lawv hais. Tus tsis hais Leej Ntij plig cov lus mas yog nws txua nws ib co lus tsis yog Ntuj cov, yog nws cov kiag lawm xwb.
    =Yog leej twg tsis nyiam Tswv Ntuj tus neeg lawm ces nws txhob nrog Ntuj tus neeg nyob, nws tshais chaw mus nyob lwm lub tsev teev Ntuj.
    =Yus mam mus ua member rau tod txuas mus. ces yus yuav tau mus vam txog pab tod pab yus txuas mus xwb. Koj txhob los ua plaub nrog tswv Ntuj tus neeg. Thaum koj muaj teeb meem kev txhwj xeeb twb yog Tswv Ntuj tus neeg niaj hnub ua tus txhais koj cov zaj teev Ntuj cev rau Tswv Ntuj. Hos koj niaj hnub thov Ntuj foom lus phem kom nws tuag mus. Tswv Ntuj yuav xub txiav txim rau Leej twg, koj puas paub. Kawg Ntuj yuav fee plhu tsis mloog leej twg lus.
    =Muaj ib co nej tsis paub nej muab nej lub taub hau mus cog lus rau Ntuj tias nej paub tseeb Ntuj tus neeg yog neeg txhaum!
    +Saib Yes Xus, Neeg hais tias muab nws tua nyob saum ntoo cuam vim nws tau thuam Ntuj, nws hais tias nws yog Tswv Ntuj Leej tub no! Tej no mas yog cov lus tsis zoo mloog rhiab neeg pob ntseg.
    =Lo lus zoo nkauj mas nej yuav hais tias Tswv Ntuj kuv tsis paub kuv niaj hnub ua txhaum rau koj thov koj zam rau kuv yog luag ho tsis paub los koj zaum rau luag thiab. Mas thiaj yog los lus uas Ntuj nyiam.
    Kuv yog nej tus Xib Hwb xwb Kuv yog lub Moo Zoo lub lub suab xub nrov tuaj txog nej pog nej yawg los nej tej phooj ywg xub tuaj nyob hauv lub Koom Txoos dua nej sawv dawv.Yes Xus Lub Moo zoo Tej zaj teev Ntuj hu nkauj xub txhais ua lus hmoob tuaj ntawm tus hais lus rau nej hnub no tuaj 70 % cov txhais ua lus Hmoob. Thiab nws tseem nyob nrog cov lus no, Nws twb nyob nrog nrog cov lus ntawd tau 60 xyoo txwm nkaus txog xyoo 2014 no.
    =Thaum peb ua lub caij hla mas peb hais kam lo lus tias, lub pob zeb uas cov tub txim tsev muab pov tseg, yog lub pob zeb txheem tsev.
    =Nej tsis yog tus neeg dub nej txhob mus cia neeg muab nej zas kom dub. Tsam tus neeg dub yuav hais tias nws twb tsis xav dub vim nej hais kom nws mus ua neeg dub ces nej ceeb laj mus ntxhuav kom nej dawb tuaj rau luag saib.
    Kuv nyiam nej vim nej yog cov zoo nyiam li uas tus hauv paus xa lus Paj Lug hais tias Cov zoo nyiam. Vim Tswv Ntuj nyiam nej. Nej txhob thim Tswv Ntuj lub npe. Tus thim Tswv Ntuj lub npe mas nws yuav hais li cas rau Tswv Ntuj! Koj yuav hais tias,lawv Kom kuv thim los yog kuv thim kuv.
    Lub lis piam tas los peb tau hais txog tus hu ua npoj no, yog tus dab tsis huv,vim peb coob kawg. Tsam luag hu peb ua cov npoj tsis huv ces peb yuav tau mus nkag rau cov tsiaj tsis huv, ces peb rov pom peb tias, peb tsis tsim nyog nyob ua neej lawm ces peb yuav mus nrhia tsag dej dhia mus kom tuag mus zoo li cov npua uas raug tus dab tsis huv nkag mus ua kom cov npua ntawd dhia mus poob tsag tuag tas.
    =Nyob hauv Xas Los Moos ntawv Paj Lug muaj 7 yam uas tswv Ntuj tsis nyiaj tshaj plaws:
    1-Tus neeg coj lub ntsej muag nrog tus yam ntxwv muab hlob.
    2-Tus neeg muaj lub siab thiab tus ntsuj plig dag.
    3-Tus neeg ua nws muaj lub sib thiab txhais tes pheej xav muab luag roj ntsha hliv.
    4-Tus ua nws lub siab npaj rawv mus ua kev txhaum
    5-Tus ua nws txhais taw maj nroos mus ua kev txhaum.
    6-Tus neeg nyiam mus tim khawv cuav npaj cov lus dag.
    7-Tus nyiam mus cob kom tej kwv tij phooj yawg txheeb ze nyiam kev ua plaub ntug.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 9th May 2014, 9:18 am


    LUB CAIJ LHA CHIV 4 A tim 11-05-2014,


    Ntawv hauj lwm 2: 14+36-41, hais tias:
    Nyob txheej ntuj saud, Tswv Ntuj tsa Yes Xus ua Huab Tais, los ua ntiaj teb Leej Pleev.
    Hos  ntiaj teb no, neeg muab Yes Xus tua nyob saum ntoo cuam.
    Hnub Leej Ntuj Plig nqes los.
    Pob Zeb nrog pab 11 leeg sawv ntsug hais rau cov His Xas Lais tias:
    Tus Yes Xus uas nej muab Nws tua nyob saum ntoo cuam. Mas Tswv Ntuj tsa Nws ua Huab Tais  thiab ua Vaj, Yog tus Tswv Ntuj Pleev Nws los ua  ntiaj teb tus Tuam Vaj.
    Lo lus Tuam Vaj no, YOG HAIS TIAS TSIS MUAJ LEEJ TWG LOJ TSHAJ LAWM.
    Tus Tuam Vaj no Nws muaj cai puag nruab ntuj los.
    Nws tau muab Nws roj ntsha los  ua tus nqi txhiv peb,  Mas Leej Txiv thiaj tau ua kom Nws cov ntshav  yog txoj kev cog lus pub Leej Tswv Yim Ntshiab rau peb thiab peb cov tub ki los ua tau Tswv Ntuj cov me nyuam tau.
    Lo lus no muaj qab hau loj kawg.  Peb yuav hwm lo lus no:
    =Yes Xus hais tias:
    YOG KUV LUB CEV RAUG PUAS KOM TAU PAB NEJ
    Thiab,YOG COV NTSHAV COG LUS TSHIAB NTWS LOS DAWS NEJ THIAB TSOOM SID COV TXHAUM.
    Tsis yog cawm ib zaug xwb  ces dawb huv mus li . Peb nco ntsoov Yes Xus hais tias. COG LUS TSHIAB.  Peb ua txhaum tas rov tuaj cog lus tshiab dua!
    Ua mus li.
    Yam li Peb sawv daws, tsis yog peb txais lub cim ntxuav tas ces txaus peb siab lawm. Peb yuav  Uav ua lub neej sib puag nrog lub CIM DAWS TXTHAUM  thiab LUB CIM YUG thiab nco ntsoov txog peb tej tub ki thiab.
    Thaum muaj mob peb tshai tsam lawv tuag! Peb thov Ntuj pab lawv. Thaum lawv zoo lawm peb kuj yuav coj lawv tuaj fim  Ntuj kom lawv paub txog Ntuj lub siab Hlub neeg tau hlub lawv.
    Peb yuav qhia lawv kom lawv paub thiab tuaj ua ntuj tsaug. Yog peb cev rau saum rooj mov xwb mas yog peb cev xwb lawv tsis tau cev dab tsi li.
    Peb yuav coj li Pob Zeb hais nyob hauv nws lo lus:
    Thaum peb tau ua ib txoj hauj lwm zoo rau neeg mas peb tau nrog Yes Xus cawm lub ntiaj teb neeg. Txoj kev cawm lub ntiab teb neeg no, peb txhob xav tias yog cawm luag tej qhua vaj tsav xeem lis los Mab Sua thiaj li yog. Nco ntsoov  Peb yuav nrog Yes Xus cawm peb cov tub ki thiab. Txob muab lawv tso pov tseg.
    Peb txhob txhawj thiab cia peb txoj kev tub nkeeg thiab neeg tej lus thuam peb, los thaiv kom peb nyob nrug deb ntawm Yes Xus uas yog tus cawm Seej Nws tos peb txhua lub sij hawm kom peb tig los ntsia  Nws kev cog lus tshiab. Los hloov peb siab kom nrug deb kev ua txhaum. Kom txoj kev cawm neeg poob los ncaj peb ua peb tug tiag  kom muaj kev tso siab lug tias peb tau lawm.
    Peb txhob ua li tus thwj tim Yus Das, tas kev cia siab lawm ces mus dai caj dab tuag.
    Peb yoog raws li 11 leeg hauv paus xa lus:
    Thaum Lawv ntes Yes Xus mas lawv ploj tas. Thaum Yes Xus sawv rov los mas lawv rov tuaj cog lus tshiab nyob hauv Yes Xus cov ntshav. Lawv sib koom  nyob ua ke ua cov kab ke lov mov.
    Ces lawv sawv daws tau ua hauj lwm zoo nyob hauv kev cog lus tshiab, ces lawv tau nrog Yes Xus cawm lub ntiaj teb tib si.


    Yaj Zoov Ntxheb Xib Hwb.





    Sponsored content

    Re: XH.Zoov Ntxheb Yaj Nthuav Ntawv Ntshiab.

    Post  Sponsored content Today at 3:41 am


      Current date/time is 10th December 2016, 3:41 am