Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XH.Zoov Ntxheb Yaj Nthuav Ntawv Ntshiab.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 26th May 2016, 7:20 am



    NRUAB XYOO HNUB CHIV HWM LUB CIM YUG.
    Tim29/5/2016.




    Hnub Chiv no, peb hwm lub Cim Yug,cov zaj nyeem muaj: Ntawv Hauv Paus,{14: 17-20.} 1 Kos Lis Nthos,{11:23-26.} Thiab Lus Kas,{9:11-17.} Hais tias:
    Lub Cim Yug, yog cov Mov ua kom tsoom ntseeg txaus siab tias,Tswv Ntuj yog tus yug leej tib Neeg txoj sia mus tsis muaj chaw kawg.
    Niaj hnub Chiv peb cov neeg ntseeg nrog cov Leej Choj koom ua thaj txi Ntuj, mas tas nrho lub txoos cov ntseeg. Koom nrog tus Leej Choj, sawv Yes Xus chaw, thov kom Tswv Ntuj tso lus tso cai rau lub Txoos swv daws rub Yes Xus los nyob hauv Mov thiab Cawv.
    Kom peb tau ntsib Tswv Ntuj lub Hwj Chim nyob hauv lub Cim Yug. Uas yog Tswv Ntuj lo lus tuaj yuav lub cev neeg, kom tau txhiv lub ntiaj teb neeg kev tuag los ntawm kev ua txhaum.
    Kom rov tau nrog Leej Pleev,muaj txoj sia uas Nws rov muab Nws txi rau Ntuj kom tau hloov neeg cov Ntsuj Plig, yug los dua tshiab nyob hauv lub paj lub Txiv, txi tshiab kom muaj txoj sia nyob mus tsis muaj chaw kawg.
    Muaj li ntawd, mas Yes Xus thiaj hais rau Nws cov Thwj Tim tias:
    Yog nej yuav muab Mov rau lawv noj! Yes Xus tsa muag ntsia saum ntuj. Nws foom hmoov zoo rau Mov, Yes Xus kom lawv muab faib rau Tsoom sid noj.
    Cov Mov nqes saum ntuj los, tsis yog tsib lub mov ci ntawd. Zoo li Yes Xus kom lawv muab Nws Faib rau Tsoom sid noj!
    Thaum kawg Yes Xus kom cov Thwj Tim mus sau, 12 leeg mus sau cov seem noj tsis tas ntawd, tau 12 tawb los ntawm 5000 leej neeg noj ntawd los.
    Tswv Ntuj cov Mov yug tas lub ntiaj teb no los yeej tsis tas ib zaug li. Yes Xus lub Moo Zoo ri mus txog twg, mas Mov Huaj Vam mus puv tas tej chaw ntawd.
    Tib neeg yuav muaj zog li Cov txhab mov tsis txawj nqig no. Yog Tswv Ntuj lub zog nqes saum ntuj los nyob hauv neeg lub cev, nres neeg txoj sia li muaj Mov yug siav.
    Kom muaj yeej kev tshaib kev nqhis,thiab txhua yam tsis tseem ceeb niaj hnub rub neeg mus zwm rau kev tuag.
    Lub tswv yim tuaj ntawm Xas Tas tuaj,yog cov mov coj neeg mus zwm rau kev tuag nkaus xwb:
    Yam li yog cov lus iab lus daw, uas tawm ntawm Xas Tas los,nkag mus txog neeg lub siab. Yog cov lus tsis tseem ceeb, lus dag xeeb nyob rau neeg nruab siab, tawm los nto ntawm neeg lub ncauj.
    Nws tawg lub paj txi lub txiv, coj neeg mus zwm kev tuag!
    Nws yog lub zog qhia kom neeg tsis sib haum xeeb, muaj kev sib ntxub, sib cav sib ceg. Sib npau taws, sib ntaus sib tua tuag nyob hauv kev ua txhaum.
    ces coj tus ntsuj plig mus ciaj ua dab, ces sau tas sawv daws mus ua Dab li Thwj Tim.
    Lub paj lub txiv coj neeg mus zwm rau kev tuag yog zoo li ntawd.
    Kwv Tij hnub no Lub Cim Yug yog lub Paj lub txiv txi tshiab saum tus ntoo Ciaj Ceeb Tshiab, hu ua Ntoo Khaub Lig.
    Yes Xus uas yog lub Txiv txi ntawm Mab Liab los, tau hais tseeb kawg rau peb,sawv daws lawm. Peb kav tsij khaub zig tus Ntoo Ciaj Ceeb Khaub lig no.
    Yog Tsob Ntoo nqa txoj sia tshiab tuaj rau lub ntiaj teb. Kom txhua tus Ceg txuas rau Tus Kav,kom txhua tus muaj txoj sia nyob mus ib txhiab ib txhis. Amen.

    ZAJ THOV NTUJ.
    1. Peb thov Ntuj rau lub Koom Txoos Ka Tau Kiv,Yog Pab Neeg muaj hmoo.Tswv NTuj thov koj coj lub Koom Txoos mus raws txoj kev tseem ceeb, Kom dab phem cov rooj loog tsis yeej lub Pob Zeb txheem tsev ruaj khov no. Ntuj awb...

    2. Peb thov Ntuj rau cov Nom Tswb kav teb chaws, Kom lawv txawj tso siab rau tus Ntoo txi lub txiv tshiab no. Lub ntiaj teb thia muaj kev thaj yeeb taug. Ntuj awb...

    3. Peb thov Ntuj rau cov neeg txom nyem, Tswv Ntuj tos muaj neeg txom nyem, vim leej tib neeg nyiam nyob nrog kev tsis tseem ceeb ntau dua kev tseeb lawm.Thov koj qhib sawv daws tej qhov muag kom pom txoj kev tseem ceeb. Ntuj awb...
    4. Peb thov Ntuj rau cov neeg tsis paub tab, niaj hnub tsim kev kub ntxhov, kom muaj neeg ploj tuag tsis tu ncua. Tswv Ntuj Koj paub cov neeg phem no zoo, Thov koj quas Xas Tas lub Tswv yim no kom ploj mus,thiab nrug deb ntawm lawv. Ntuj awb...

    5. Peb thov Ntuj rau peb cov tuaj hnub no, Tswv Ntuj thov koj muab kev thaj yeej los ntawm tus Ntoo pub txoj sia tshiab no rau peb. Kom peb tau nyob kaj lug. Ntuj awb...


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 3rd June 2016, 4:42 am



    NRUAB XYOO HWM YES XUS LUB SIAB.
    Chiv C Tim 5/6/2016.




    Cov Zaj Nyeem hnub no, ntawv Es Xis Kias,{34:11-16.} Los Mas,{5:5-11.} thiab Kus Kas,{15:3-7.} Hais tias:
    Yes Xus yog tus Huab Tais siab zoo, txawj zam rau neeg ntiaj teb mus li. Tab yog neeg ua txhaum mas, Nws tsis tso pov tseg. Nws tseem nyiam neeg li qub.
    Li ntawd, mas peb paub tias, Yes Xus nyiam peb. Tab peb txawm yog ib co neeg tsis dawb huv, los Yes Xus zoo siab tuag kom tau cawm peb.
    Yes Xus yog tus zoo Tswv zov yaj siab zoo, Nws sau tas ntiaj teb neeg los noj, Nws cov txhiam xws ntxiv zog. Nws pub rau tas nrho rau txhua Haiv neeg.
    Tswv Ntuj thiaj hais Nws cov lus tias:
    Zaum no, Kuv yuav saib Kuv cov Yaj, Kuv yuav tshuaj xyuas kuv cov yaj. Tab yog lawv tawg mus qhov twg lawm, los kuv yuav sau lawv rov los nog kuv lub tshav zaub mos.
    Tus ncaim npoj lawd los, kuv yuav coj nws rov los poo npoj. Tus rau mob los Kuv yuav qhwv nws cov qhov txhab kom zoo. Kuv yuav coj lawv mus nog zaub raws txoj kev ncaj.
    Kuv Tij, ua li mas Tswv Ntuj tus Zoo Tswv Zov yaj no Nws hlub peb tiag! Nws tuaj yeem tuag kom tau cawm peb ntawm peb kev ua txhaum los.
    Peb muaj Puav Pheej tias, Tswv Ntuj nyiam peb tiag. Peb tau rov Ncaj tuaj nyob hauv Leej Pleev cov Roj Ntsha. Vim Leej Pleev tau Cawm Peb ntawm Tswv Ntuj kev Npau Taws.
    Txij no mus mas peb yuav qhuas thiab Cav tias, peb muaj Hwj Chim nyob hauv Tswv Ntuj. Vim Leej Pleev tau thov Kom Leej Tswv Yim Ntshiab tuaj nres peb nyob hauv Leej Pleev kev nyiam kev hlub.
    Kom peb niaj hnub rov tig los nrog Tswv Ntuj sib haum xeeb, nyob hauv Leej Pleev cov Roj Ntsha, los ntawm Nws kev hlub peb tsis tu ncua.
    Vim Leej Pleev tau hais tseeb tawm ntawm Nws txoj kev ua tus Zoo Tswv Zo Yaj los tias:
    Yog leej twg muaj 100 tus Yaj, muaj ib tug ploj lawm, mas nws yuav tso 99 tug rau tom hav quav poj. Nws yuav mus rhiav kom tau tus Yaj ploj ntawd, rov los poo npoj mas nws thiaj zoo siab.
    Tus Zoo Tswv Zov Yaj Nws hlub peb npaum no,tsim nyog peb yuav seev yees txog Nws lub tshav zaub mos no mus li.

    ZAJ THOV NTUJ.
    1. Peb thov Ntuj rau lub Koom Txoos,Kom tsoom ntseeg, ncawg Tus Zoo Tswv Zov Yaj lub tsav zaub mos thiab taug Nws txoj kev ncaj. Ntuj awb...

    2. Peb thov Ntuj rau cov Nom Tswv kav teb chaws,kom lawv mus raws Tswv Ntuj txoj kev ncaj. Kom lub qab ntuj neeg sib haum xeeb xws li Pab Yaj koom tib tug Tswv zov xwb. Ntuj awb...

    3. peb thov Ntuj rau cov neeg txom nyem,Kom Tus Zoo Tswv Zov Yaj. Qhwv lawv tej qhov txhab mob, thiab coj lawv los poo npoj ua ib pab neeg tau nyob tiaj tus. Ntuj....
    4. Peb thov Ntuj rau cov neeg tsis tau ntseeg txog Tswv Ntuj kom Leej Pleev kev Cawm Seej mus txog lawv. Ntuj awb....

    5. Peb thov Ntuj rau peb cov tuaj hnub no. Kom peb txawj pom Leej Pleev kev nyiam kev hlub uas Nws thov kom Tswv Ntuj txhob npau taws rau lub qab Ntuj neeg. Ntuj awb...


    Yaj Zoo Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 9th June 2016, 9:48 am



    NRUAB XYOO CHIV 11 C Tim 12/6/2016.


    Lub lis piam no, peb muaj cov zaj nyeem, 2 Xas Muas, {12:1-14.) Nkas Las Tias,{ 2:16+19-21.} Thiab Lus Kas, {7:36-50.} Hais tias:
    Vim Yes Xus yog tus Siab Ntshiab, mas cov neeg txhaum thiaj tuaj cuag Yes Xus. Ces lawv pom lawv cov txhaum, lawv thiaj xav tig los yuav lub siab tshiab.
    Peb pom tias Tswv Ntuj siab zoo rau peb,mas tsis yog peb los coj tej txoj cai thiab tej lub cim nyob hauv kev ntseeg! Qhov tseeb mas peb yuav tso siab rau Yes Xus yog Tswv Ntuj Leej Tub siab zoo.
    Peb twb hnov Tswv Ntuj tej lus nyob hauv ntawv ntshiab cog lus qub tias: Tswv Ntuj zam rau tus Vaj Das Vis,vim tias Das Vis lees nws cov txhaum,rau Tswv Ntuj tas nws sim neej.
    Thiab Das Vis pom tias,yog nws ua txhaum rau ib tug neeg txom nyem, mas phim nws yuav them plaub npaug rov rau nws. Vim Das Vis ua li ntawd, mas Tswv thiaj zam rau Das Vis.
    Tswv Ntuj zam rau Das Vis tsis cia xwv txheej raug Das Vis. Ntuj tsuas kheev kom xwv txheej,nyob ze ntawm Das Vis cov txheeb ze, kom zeem tau tias nws kev txhaum ua txhaum poob los rau nws tej txheeb ze.
    Ua li mas peb kev ua neeg siab ntshiab, mas yog peb kev ntseeg thiab kev tso siab rau Yes Xus, tsis yog tej kev cai peb coj nyob ntiaj teb no.
    Vim yog kev ntseeg txog Leej Pleev,yog qhov peb muaj txoj sia. Vim peb txoj sia tuaj ntawm Leej Pleev tuaj,zoo li yog Leej Pleev txoj sia nyob hauv peb.
    Li ntawd Tswv Ntuj thiaj txib tej tus tib neeg nyob ntiaj teb no,tshaj txoj kev ntseeg txog Tswv Ntuj Leej Tub. Peb yuav nyiam raws li Tswv Ntuj, kom muaj txoj kev nyiam tuaj saum ntuj tuaj. Txoj kev nyiam kev hlub neeg txhawv puag nruab siab tawm los.
    Thiaj yogTswv Ntuj Tus Pleev txoj kev nyiam kev hlub nyob nrog txoj sia nyob hauv Leej Pleev. Li ntawd, mas Tswv Ntuj hlub tas sawv daws, tsis hais tus neeg loj los neeg me, kuj tsis hais tus muaj thiab tus pluag li. Ntuj hlub sawv daws sib npaug.
    Yes Xus thiaj hais ib zaj txhais rau Tus Fas Lis Xais txhais saib puas raug! Yes Xus hais tias:
    Muaj ib tug Tswv Npua nuj, txais nyiaj rau ob tug neeg, nkawd, puav leej tsis muaj nyiaj them rov qab. Tus Tswv zam rau kawd ob leeg tib si,ua li mas yog Leej twg yuav zoo siab dua?
    Tus Fas Lis Xais teb tias, yog tus tau txais nyiaj ntau dua rau nws. Yes Xus hais rau tus Fas Lis Xais tias, koj teb tau zoo zoo lawm.
    Neeg tej kev txhaum kuj zoo li ntawd,tus luag hu nws ua neeg muaj txhaum, nws tau nyiaj Tswv Ntuj ntau dua, ces nws cov txhaum kuj tau daws tas.
    Hos tus hais tis nws tsis muaj txhaum, thiab nws nyiam Ntuj tsawg Ntuj kuj zam tsawg rau nws li tau qhia los. Cov tsis tau qhia kuj nyob ruaj li qub tsis muaj leej twg zam rau.
    Tej lus no, peb yuav tsom xyuas sab ntsuj plig thiab hauv nruab siab. Peb yuav ntseeg Tswv Ntuj tej lus! Kev ntshais mas muaj ob yam ntshai:
    a. Ntseeg tias tsam ho muaj ne! yog muaj tiag koj yuav khuv xim, vim koj tau hnov lawm, koj tsis ntseeg.
    b. Ntseeg tsias ntshai tsis muaj li! yog tsis muaj ces kuj zoo, tsis tau nkim zog muab muab los ntseeg cia.

    ZAJTHOV NTUJ.

    1. Peb thov Ntuj rau Lub Koom Txoos,kom txhua tus neeg ntseeg txawj hloov los yuav lub siab Ntshiab raws li Leej Pleev, uas yog tus siab ntshiab txawj hlub txhua tus uas yog cov neeg muaj txhaum. Ntuj awb...
    2. Peb thov Ntuj rau cov Nom Tswv kav teb chaws thiab cov tuav kab xwm. Kom lawv txawj hlub cov neeg nrog lawv nyob Koom teb chaws, kom Tswv Ntuj kev nyiam kev hlub nyob nrog txua tus tib neeg. Ntuj awb...
    3. Peb thov Ntuj rau cov neeg txom nyem, kom lawv paub tias, Tswv Ntuj yog tus siab ntshiab, sawv daws txawj muab kev txom nyem cev rau Tswv Ntuj ua tus pab daws. Ntuj awb...
    4. Peb thov ntuaj rau txhua tus neeg muaj teeb meem, thiab cov tau sau npe qhia rau Ntuj. Tswv Ntuj koj daws cov neeg muaj teeb meem uas peb cev rau koj no. Ntuj awb...
    5. peb thov Ntuj rau peb cov tuaj hnub no, kom Tswv Ntuj lub txiaj ntsim los nrog peb nyob. Ua kom peb txawj tso siab rau Tswv Ntuj. Ntuj awb...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 16th June 2016, 7:49 am


    NRUAB XYOO CHIV 12 C Tim 19/6/2016.


    Cov Zaj Nyeem hnub chiv 12 no,
    peb siv Nkas Las Tias, {12: 10-11.}
    thiab N.L.T, {3:26-29} thiab Lus Kas, {9:18-24.} Hais tias:


    Yes Xus yog Tswv Ntuj tus Pleev,Nws thiaj tuaj yeem raug tuag,kom tau cawm lub ntiaj teb Neeg. Yes Xus txoj kev ua Tswv Ntuj Leej Tub,yog txoj kev kwv ntoo cuam. {Kwv ntoo cuam=txhais tias txom nyem.}
    Vim tswv Ntuj xav sau tas sawv daws los ntseeg txog Yes Xus. Peb tus ntsuj duab, mas pom tau tias, nyias txawv nyias... Tab sis tus Ntsuj Plig mas, peb sawv daws yog Tswv Ntuj cov tub ki.
    Tswv Ntuj tus Yaj Saub Ntxas Kas Lias, thiaj xub yees pom, Yes Xus txoj kev tuag nyob saum ntoo cuam. Vim Yes Xus tuaj yeem raug kev txom nyem tuag,mas Tswv Ntuj thiaj pub lub siab zoo rau Neeg ntiaj teb kom txawj nyiam Ntuj rau Neeg sawv daws.
    Ces Tswv Ntuj thiaj tshaj Nws los lus tias:
    Thaum txog hnub ntawd, kuv yuav hliv kuv lub tswv yim rau saum Das Vis tsev Neeg! Yog txhais hais tias, Tswv Ntuj yuav hliv Nws lub tswv yim rau saum tus Vaj tsev neeg...
    {Tus Vaj yog tus Pleev. Tus Pleev kuj yog Yes Xus, vim Tswv Ntuj tau Pleev Yes Xus. Pleev thiab Vaj, yog ib lo lus xwb.}...
    Cov ntseeg sawv daws yog Tswv Ntuj cov tub ki, Vim Yes Xus yog Tswv Ntuj Leej Tub. Lawv yog cov tau ntseeg Yes Xus, vim lawv sawv daws txais tib lub Cim Ntxuav nyob hauv Yes Xus Pleev lub npe.
    Kuj zoo li lawv nrog Yes Xus Pleev kom niam koom Txiv ua ke. Ces peb tsis muaj tus twj lij los tus qhev, yog peb to taub zoo, mas tus qhev yog tus mus tsob hwb luag tej ntau dua.
    Zoo li tus qhev nws tau cai mus tsob hwb tus Vaj thiab mus tsob hwb zeej tsoom. Ces Nws hnov tus Vaj hais lus tseeb dua tus ua neeg twj lij, nws nyob deb ntawm tus vaj dua. Nws tseem tos kom tus tub qhev los tsob hwb nws....
    Peb cov neeg ntseeg mas peb yuav txeeb ua tus tub txib, peb thiaj yuav hnov Tus Pleev txib peb. Nyob hauv Yes Xus lub Moo Zoo, mas Yes Xus niaj hnub hais txog cov ua tub txib xwb.
    Cov ua neeg twj lij, ua Nom ua Tswv Yes Xus tsis tau hais txog lawv ib zaug li. Zoo li Yes Xus cov Thwj Tim lawv ua tub Txib tas nrho xwb.
    Yes Xus thiaj hais rau cov Thwj Tim tias, Nej saib kuv yog Leej twg? Pob Zeb teb tias:
    Koj yog Tswv Ntuj tus Pleev, ces Yes Xus hais ntau yam rau lawv tas! Ces Nws hais tias:
    Leej Neeg tus Tub yuav raug txom nyem loj! Cov Txwj laus,cov Leej Choj,thiab cov Thoob Xwm ntawv. yuav muab Nws pov tseg.
    Ces Nws yuav raug tuag, hnub peb Nws yuav sawv rov los.Ces Yes Xus hais tseeb rau Nws cov Thwj Tim tias,tus xav lawv kuv qab mas nws yuav ua tus rov tsis paub nws.
    Nws yuav kwv nws tus ntoo cuam,yam li nws yuav zoo siab txais kev txom nyem, yam li tus nws xav cawm nws txoj sia, mas nws yuav ua nws txoj sia ploj.
    Yus siv yus txoj sia, los yus lub zog mus pab luag. Koj lub cev tuag los koj tus Ntsuj Plig tsis tuag.Koj txuag koj txoj sia kom txhob tuag,thaum koj lub cev thiab koj tus Ntsuj plig tuag, ces koj tuag tu siav kiag tsis sawv rov los.
    Peb yuav ntseeg li Yes Xus hais! Kev ntseeg muaj ob yam txaus ntshai sib npaug:
    1. Txaus ntshais! Ntshais tsis muaj li hais, mas zoo rau koj, vim koj tsis tau tab kaum los ntseeg.
    2. Kuj txaus ntshai! Ntshais tsam muaj li ntawd tiag ne! koj twb hnov lawm koj tsis ntseeg, ces koj yuav khuv xim tias, ua cas kuv ho tsis ntseeg ne! Tas kev cia siab lawm ua cas tsis paub li. Lo lus paub li yog lus lig.

    ZAJ THOV NTUJ.
    1. Peb thov Ntuj rau lub Koom Txoos,kom lub Koom Txoos nyiam ua Tswv Ntuj cov tub txib kom muaj ntau leej raug Tswv Ntuj Txib, los tsob hwb Tswv Ntuj tsoom tub ki. Ntuj awb...
    2.Peb thov Ntuj rau cov Nom Tswv kav teb chaws, kom lawv paub tias,txhua hom neeg yog Qaum Ntuj me nyuam,Ntuj hlub sawv daws. Kom lawv xyaum tso kev ua tsov rog tseg, cog kev ua phooj ywg zoo. Ntuj awb...
    3. Peb thov Ntuj rau cov neeg txom nyem,cov muaj mob nkeeg, cov nyob tsev loj faj,cov raug kev tshaib nqhis. Kom Tswv Ntuj nplij txhua pab neeg cov muaj cov pluag sawv daws kom nyob thaj yeeb. Ntuj awb...
    4. Peb thov Ntuj rau cov pab neeg nyob sib xyaws, kom lawv to taub tias, txhua pab yog Ntuj me nyuam loj hlob ua ke, kom lawv txawj sib haum nrog kev sib hlub. Ntuj awb...
    5. Peb thov Ntuj rau peb cov tuaj sib sau hnub no, uas peb hnov Yes Xus yog Tswv Ntuj tus Pleev, kom peb txawj sib yoog kev nyiam kev hlub nyob hauv Yes Xus lub npe. Ntuj awb...

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 24th June 2016, 4:49 am



    NRUAB XYOO CHIV 13 C Tim 26/6/2016.

    Hnub Chiv no, peb siv cov zaj nyob hauv ntawv Ntshiab, 1Vaj {19:16+19-21.} Nkas Las tias,{ 5:1+13-18}. thiab Lus Kas,{9:51-62.} Hais tias:
    Cov neeg ntseeg txog Yes Xus, lawv yuav ua neeg txawj tso ntau yam pov tseg,thiab txawj yeej ntau yam tsis zoo:
    Vim lawv tus Huab Tais tsis ntshai,Nws tuaj yeem txom nyem tuag nyob saum Ntoo Cuam. Kom tau cawm peb los ua neeg Twj Lij,txoj kev twj lij, yog cia Leej Tswv Yim Ntshiab ua tus coj.
    Ib yam li cov neeg uas Ntuj xaiv lawv ua Yaj Saub lawv yuav tau tso ntau yam tseg! Zoo li Tswv Ntuj hais rau tus Yaj Saub Es Lis, kom nws rov mus muab roj pleev Es Lis Xais ua Yaj Saub hloov Nws.
    Thaum Es Lis tab tom hla nyob ze Es Lis Xais, Es Lis Xais tab tom laij nyug. Es Lis tau muab nws lub tsho pov rau saum Es Lis Xais xub pwg,mas Es Lis Xais tso plhuav nws tus nyuj thiab rab Voom tseg.
    Es Lis Xais thiaj muab nws tus nyuaj tua,muab rab voom los ua taws rauv, ua ib tsum mov ua nws txiv tsaug. Ces Es Lis Xais raws tus Yaj Saub Es Lis mus ua nws tub txib.
    Thaum peb txais kev ntseeg lawd, kuj zoo li Leej Pleev tau Cawm peb dim los ua neeg Twj Lij. Peb yuav nyob ruaj nreb thiab ua Leej Pleev tub txib.
    Peb txoj kev ua neeg Twj lij txhob hloov, los ua peb lub cev tus txib nyiam kev tub nkeeg, coj peb zoo li ib tug neeg ruam uas tsis paub dab tsi.
    Peb txhob ua neeg noj sib tog haus sib ceg,peb yuav ceev faj kom peb txhob rov rhuav peb ua neeg tsis muaj nqis. Yog peb cia Leej Tswv Yim coj peb mas peb yuav tsis ntshaw dab tsi ntxiv lawm.
    Peb lub cev thiab lub tswv yim yuav tsis sib ua yeeb ncuab nyob ntiaj teb no. Peb thiaj yuav tsis tau nrug deb ntawm Huab Tais.
    Ces peb thiaj li yuav taug tau Leej Pleeb txoj kev tsis ntshaw dab tsi, li Yes Xus hais rau Nws cov Thwj Tim tias:
    Cov Nas lawv muaj lawv lub qhov nkaum, cov noog lawv kuj muaj lawv lub zes nyob. Hos Leej Neeg tus tub,mas Nws tsis muaj lub tog rau ncoo.
    Yes Xus hais tias,Kev txhawj xeeb, cia rau cov neeg tuag lawv faus lawv cov neeg tuag. Cov neeg sib ntxub sib tua cia rau lawv sib tua lawv, peb txhob raus tes nrog lawv ua txhua yam tsis zoo ntawd.
    Yog peb raws peb tus Huab Tais lawm, peb txhob nco txog kev tau zoo nyob ntiaj teb no. Zoo li Yes Xus hais tias.
    Yog koj tuav rab voom lawm, koj tig ntsia tom qab, mas tsis tsim nyog ua cov kab xwm nyob hauv Tswv Ntuj lub Ceeb tsheej.

    ZAJ THOV NTUJ.
    1. Peb thov Ntuj rau lub Koom Txoos,kom cov neeg ntseeg txawj tso ntau yam pov tseg. txhob txhawj txog kev tau zoo nyob ntiaj teb no. Ntuj awb...

    2. Peb thov Ntuj rau cov Nom Tswv kav teb chaws,kom lawv nyiam kev twj lij, txawj hlub pej xeem huab hwm, nyob rau txhua lub teb chaws thiaj muaj kev thaj yeeb. Ntuj awb...

    3. Peb thov Ntuj rau cov neeg muaj txiab nkeeg uas peb tau paub lawv. Thiab cov sau npe hnub no qhia rau Tswv Ntuj,kom lawv tau nyob kaj siab lug. Ntuj Awb...
    4. Peb thov Ntuj rau cov neeg nyob ua txij nkawm kom lawv muaj Tswv Ntuj kev nyiam kev hlub nyob nrog hauvLeej Tswv Yim Ntshiab,tej tub ki thiab niam txiv thiaj muaj kev hwm ua niam tub txiv tub. Ntuj awb...

    5. Peb thov Ntuj rau cov neeg tuaj teev Ntuj hnub no, peb tau hnov Leej Pleev kev nyiam lub txiaj ntsim tuaj nrog peb nyob. Kom sawv daws tau nyob nrog, Nws kev nyiam kev hlub. Ntuj awb...


    Yaj Zoov Ntxheb Xib Hwb.
    .




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 1st July 2016, 8:30 am



    NRUAB XYOO CHIV 14 C Tim 3/7/2016.



    hnub chiv no, peb yuav tau hnov Tswv Ntuj cov lus nyob hauv His Xais, {66:10-14.} Nkas Las Tias,{6: 14-18.} thiab Lus Kas,{10: I-12+17-20.} Hais tias:
    Tswv Ntuj thiab Nws cov tub txib,uas Tswv Ntuj txib lawv, mus tshaj Tswv Ntuj cov lus, rau lub ntiaj teb neeg hais tias:
    Cov neeg ntseeg thiab nyiam ua tub tshaj Ntuj lus, mas yuav tsis txhob cia muaj dab tsi los khuam tes khuam taw. Nws thiaj li xyeej siab mus pab sawv daws.
    Yog ib tug neeg txawj ntseeg zoo tiag,mas hnub nws ntseeg ntawd, nws npuab Yes Xus Pleev,zaj kev cawm neeg nyob saum ntoo cuam.
    Ces nws zoo li, yog ib tug neeg plhis tshiab, nws tsis zwm rau lub sim Ceeb no. Nws yuav yuav muaj kev paub los rov nco txog yav thaud zoo li cov His Xas Lais tau mus nyob txim tau 50 xyoo nyob Npas Npis Los teb.
    Tswv Ntuj yuav txib tej tus neeg xws li tus Yaj Saub His Xais, mus qhia lawv tias: Tswv Ntuj yuav rov pub kev kaj siab lug rau lawv, kom lawv rov tau mus nyob Yes Lus Xas Les dua li thaud Ntuj tau muab rau lawv.
    Vim Tswv Ntuj xav nplij cov neeg nyiam Tswv Ntuj, li ib leej niam xav nplij nws leej tub nyob saum nws lub hauv caug. Ntuj tsuas saib tias, kom neeg rov nrog Tswv ntuj muaj koob meej dua xwb.
    Tswv Ntuj tsis saib tej qub kev cai tias yog ib yam dab tsi li. Ntuj tsuas saib qhov tseem ceeb tias, neeg tau yuav lub siab tshiab los ua tus neeg tshiab, kom tau nyob kaj siab lug rau rau Tswv Ntuj nyiam thiab hlub lawv xwb.
    Vim tias, cov neeg nyiam Tswv Ntuj,mas lawv coj Yes Xus cov Cim, los ua kwv tij. Kom Yes Xus lub txiaj ntsim nrog neeg nyob tau tsis muaj xai muaj lus.
    Vim nyob thoob lub qab ntuj no, cov neeg txom nyem, mas lawv tau txob, kom Tswv Ntuj khuv leej lawv sawv daws tas zog.
    Li ntawd, mas Yes Xus thiaj xav kom muaj ib co neeg,mus tshaj Tswv Ntuj tej lus, mus thoob qhov txhia chaw. Cov neeg uas Yes Xus tos ntawd yuav yog cov twg?
    Yes Xus tos ntsoov peb cov tub ntxhais hluas, los cov niam tsev, txiv tsev no. yog cov xub paub thiab hnov Yes Xus lub moo thiab Nws cov lus.
    Thaum muaj ib tug, los ib pab neeg tau hnov Ntuj lo lus tawm ntawm peb ib tug los lawm. Mas zoo li lawv tau ntsib ib tug tub tshaj Ntuj lus.
    Thaum lawvtau ntsib ib tug Xib Hwb, los ib tug Leej Choj, ces cuag li lawv tau ntsib Yes Xus, nyob hauv tus Xib Hwb, los hauv tus Leej Choj ntawd lawm.
    Cov xav ntsib Yes Xus, yog cov neeg uas lawv tsis khuv xim tej kev ua txhaum xws li kev ua plees ua yi, thiab kev ua tub sab tub nyiag. los kev khav theeb dag thiab muaj kev cib nyeej rau tej neeg txheeb ze.
    Cov ua li ntawd, lawv yog cov neeg muaj hmoo, uas lawv zam tej kev ua phem ua qias. Cov uas lawv nyiam pw hauv kev ua txhaum, mas lawv yog cov uas Yes Xus hais tias:
    Hnub kawg mas lub nroog Xos Dos Mas twb kub hnyiab tas lawm los tseem raug txim hnyav tsis npaum li cov tsis kam mloog Ntuj lus. Vim Tswv Ntuj twb pub hwj huam loj rau lawv, kom lawv tsuj tau cov nab muaj taug thiab cov laum kiav tshooj.

    ZAJ THOV NTUJ.
    1. Peb thov Ntuj rau lub Koom Txoos, vim nws hloov Tswv Ntuj chaw tshaj lus rau lub ntiaj teb neeg. kom cov neeg ntseeg nco ntsoov tias, lawv coj Yes Xus lub Cim khuv leej neeg ntiaj teb. Ntuj awb...
    2. Peb thov Ntuj rau cov Nom Tswv kav teb chaws,kom txhua phiaj neeg sib raug zoo, nyob hauv Yes Xus lub Cim. kom sawv daws tso kev ua tsov rog tseg. Ntuj awb...
    3. Peb thov Ntuj rau cov neeg txom nyem. Kom Tswv Ntuj tig lawv los rau sab ua neeg nyob kaj siab lug. Kom lawv txhob raug cov dab ncauj nplaig nkhaus tuaj ntxias neeg raug kev txom nyem raug lawv. Ntuj awb....
    4.Peb thov Ntuj rau cov neeg tsis paub qab hau uas raug luag yuam mus ua kev tub qaug Ntuj thiab neeg. Muab Leej cov ntsuj plig txoj sia txo rau lub caij ua kev txhaum nyob ntiaj teb no. Ntuj awb...
    5. Peb thov Ntuj rau cov tuaj teev Ntuj hnub no,kom Yes XusPleev pov hwm cov coj Leej Pleev lub Cim. kom lawv ua neeg thoob tsib zeem Ntuj ua lawv Leej txiv pub paj tshab zoo rau peb sawv daws. Ntuj awb...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 7th July 2016, 10:00 am


    NRUAB XYOO CHIV 15 C Tim 10/7/2016.

    Tswv Ntuj cov lus nyob hauv hnub Chiv no,Ntawv phau tsib,{30:9-14.} Kos Los Xais, {1:15-20.} thiab Lus Kas, {10:25-37.} hais tias:

    Peb yuav nyiam tsoom txheeb ze,tus txheeb ze btawd yog leej twg? Yes Xus hais tias, yog tus uas koj txiav siab tias, koj yuav hlub nws.
    Vim Yes Xus yog Tswv Ntuj Leej Tub,nrog Tswv Ntuj tsim lub ntuj lub teb. Nws yog tus thawj pub kom lub ntiaj teb tau nyob thaj yeeb.
    Tswv Ntuj tos kom peb zoo siab mloog Nws Lo Lus. Peb txhob hais tias, Tswv Ntuj Lo Lus nyob qhov twg, thiab nyob deb peb ua luaj li no!
    Tswv Ntuj twb txiav siab tso, Ntuj Lo Lus nyob hauv peb lub ncauj, los nyob hauv peb nruab siab lawm. Li ntawd mas leej tib neeg hais lus thiaj li muaj tshuaj.
    Tswv Ntuj hais tias,yog koj mloog koj tus Huab Tais Lo Lus,mas koj yuav coj txoj cai lij choj nyob hauv phau ntawv ntim txoj cai no!
    Koj yuav rov los cuag koj tus Huab Tais Tswv Ntuj,koj thiaj yuav tau nyob dawb nyob huv. Nws yuav ua kom koj txoj hauj lwm vam meej,thiab koj cov tub ki yuav huam vam mus nrog tas txhua yam.
    Nej txhob xav tias leej twg yuav mus nrhiav txoj cai nyob puag saum ntuj los rau nej mloog thiab coj. Tswv Ntuj Lo Lus nyob ze ze ntawm nej!
    Ntuj Lo Lus twb nyob ntawm nej di ncauj, los nyob hauv nej nruab siab, kom nej tau kev mloog thiab coj. Nej tsis pom Tswv Ntuj, tab sis Yes Xus yog Tswv Ntuj tus Duab.
    Nyob saum txhua yam uas Ntuj tau tsim los, Yes Xus yog thawj tug xub nyob dua txhua yam tib si. Yes Xus thiaj yog tus Pleev. { Vaj.}
    Tas txhua yam Ntuj tau tsim los, nyob saum ntuj los nyob ntiaj teb no. mas Ntuj tau tsim nyob hauv Leej pleev tas nrho.
    Leej Pleev yog tus zaum nyob saum lub theej kiab siab dua txhua tus ua vaj txheeb, thiab cov muaj hwj huam. Tas txhua phiaj neeg nyob hauv lub Koom Txoos yog Leej Pleev lub cev.
    Vim Leej Pleev yog tus xub nyob ua ntej dua,Leej Pleev yog lub hauv paus mus kawg saum lub ntsis.
    Tus thoob xwm ntawv xav sim Yes Xus, nws kuj hu Yes Xus ua Xib Hwb siab zoo. Nws nug tias:
    Kuv yuav ua li cas kuv thiaj muaj txoj sia nyob mus li los ua kuv tug? Yes Xus hais tias, nyob hauv phau ntawv ntim txoj cai sau li cas tseg?
    Nws teb tias,sau tias, koj yuav nyiam koj tus Huab Tais tas siab, tas ntsws, tas tswv yim. Thiab koj yuav nyiam tsoom txheeb ze ib yam li koj rov nyiam koj!
    Ua li mas cov uas koj tau txiav txim siab los nyiam lawv, ces cov ntawd,yog koj cov txheeb ze tib si lawm. Thiab koj tau nyiam koj tus Huab Tais lawm.

    ZAJ THOV NTUJ.
    1. Peb thov Ntuj rau lub Koom Txoos, kom txhua phiaj neeg to taub tias sawv daws yog Leej Pleev lub cev hlob nyob ntiaj teb no. Ntuj awb...
    2. Peb thov Ntuj rau cov Nom Tswv kav teb chaws, kom lawv paub tias tsoom txheeb ze yog Tswv Ntuj Lub cev hlob, kom lawv txawj hwm thiab saib taus ua Ntuj me nyuam. Ntuj awb.
    3. Peb thov Ntuj rau cov neeg txom nyem, cov muaj mob, cov raug luag hiam, cov nyob tsev loj faj, kom lawv tso siab tias Tswv Ntuj kev thaj yeeb muaj nyob ze lawv. Ntuaj awb...
    4. Peb thov Ntuj Mis kuj teb, kom huab cua dej nag muaj xwm yeem rau qhov txhia chaw, kom tsoom tub liaj tub teb tau kev zoo ua noj ua haus. Ntuj awb.
    5. Peb thov Ntuj rau peb cov tuaj teev Ntuj hnub no,kom peb paub tias Tswv Ntuj tus cai lij choj nyob hauv thiab Tswv Ntuj lo lus,nyoh haub peb nruab siab. Ntuj awb...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 11th July 2016, 9:37 am



    NRUAB XYOO CHIV 16 C Tim17/7/2016.

    Hnub Civ no, peb siv cov ntawv ntshiab,Hauv paus {18:1-10.} Kos Lis Nthos,{1:24-28.} Thiab Lus Kas,10:38-42.}
    Muaj cov ntsiab lus hais tias:
    Mas Tas xav ua ntau yam los txais Yes Xus,nws tsis khoom mloog Yes Xus tham. Nws yog zoo li tej tus neeg xav ua Yes Xus cov hauj lwm. Nws txob ntau yam dhau, ces nws tsis muaj lub caij los teev Ntuj.
    Kev teev Ntuj kuj yog kev nrog Yes Xus tham, nyob hauv yus zaj teev Ntuj. Kom yus tau nrog Yes Xus tham txhua yam nyob hauv yus lub neej, kev muaj teeb meem, los kev Ntuj foom koob hmoov rau yus.
    Peb yuav saib tias muaj qee lub caij peb txais qhua, mas yog zoo li peb txais Tswv Ntuj. Zoo li tus yawg Koob Has Nplas, uas nws txais Tswv Ntuj tuaj xyua nws.
    Ces Tswv Ntuj yuav pub txiaj ntsim los pauj, cov paj tshab uas peb tau ua lawd. Xws li tus Huav paus xa lus Paj Lug hais rau cov Kos Lis Nthos tias:
    Tab yog nws nyob hauv tsevLoj Faj, mas twb yog raug kev txhawj xeeb, los nws tseem tshaj tias,Yes Xus nyob nruab nrab peb. Yes Xus tseem nrog peb ua hauj lwm txog twg thiab, pab peb ua siab loj.
    Paj Lug cov lus hais tias: Tab yog kuv nyob tsev Loj Faj, mas kuv nyob kaj siab lug. Kuv nyob hauv kev txom nyem, mas kom ua tiag nyiaj los pab nej.
    Kuv xav kom peb kev txom nyem pab Leej Pleev kev txom nyem kom sib me ntsis ntxiv. Kom pab tau lub Koom txoos,thib tsoom ntseeg,ua neej nyob hauv Leej Pleev lub Cim ua neeg siab ntsiab nyob mus tsis txawj kawg.
    Kom cov neeg raug kev txom nyem, pom Tswv Ntuj yees tawm tuaj xyuas lawv. Thov kom Tswv Ntuj tuaj so nyob ze cov neeg txom nyem ntawd txhua tus. Thiab tau Foom Hmoov zoo rau lawv,kom nyob kaj siab lug.
    Peb sawv daws kuj yuav xyaum los nyob ze Yes Xus Pleev,xws li Mas Liab, uas nws tau xaiv txoj kev mloog Leej Pleev tham. Nws yog yam zoo uas tsis muaj leej twg yuav thau tau ntawm peb mus.
    Muab peb lub siab sau los npuab Leej Pleev,thaum peb muaj kev txom nyem, los kev zoo siab. Peb tau nyob kaj siab lug, thiab tso siab tias Leej Pleev nyob nruab nrab peb.
    Leej Pleev tos ntsis peb kev vam thiab khaub zig txog Leej Pleev. Lo lus tias Leej Pleev nyob nruab nrab peb mas tseem ceeb heev:
    Yog koj paub tias,Leej Pleev nyob nruab nrab peb, mas koj tsis zoo npau taws rau leej twg. Tsam koj ua rau Leej Pleev tau pom koj lub ntsej muag npau taws tawm tuaj.
    Thiab thaum koj zoo siab dhau lawd, koj kuj ua lub ntsej muag khav theeb qhia koj tus kheej tias,koj yog neeg phem rau Leej Pleev saib tib yam nkaus thiab.
    Peb yuav nyob lub meej mom coj Leej Pleev lub Cim, ua Ntuj ib tug me nyuam zoo raug Ntuj nyiam, los tsim nyog rau Ntuj hlub. Amen.

    ZAJ THOV NTUJ.

    1. Peb thob Ntuj rau lub Koom Txoos,kom txhua phiaj neeg tso siab tias, Leej Pleev nyob nruab nrab peb. Kom peb ua tau Ntuj ib pab me nyuam zoo nyob hauv Leej Pleeb lub Cim sis nyiam sis hlub. Ntuj awb....
    2. Peb thov Ntuj rau cov Nom Tswv kav teb chaws, kom lawv paub tias, Tswv Ntuj nyob nruab nrab ntawn lawv. kom lawv txhob tsim teeb meem kev txom nyem rau lub ntiaj neeg. Ntuj awb....
    3, Peb thov Ntuj rau cov neeg txom nyem, kom lawv tso siab tias Tswv Ntuj nyob nruab nrab lawv. Tos ntsoov lawv kev khaub zig thiab kev vam khom txhua yam. Kom lawv txawj vam thiab tso siab rau Ntuj. Ntuj awb...
    4, Peb thov Ntuj rau cov neeg peb paub lawv muaj teeb meem. Kom Leej Pleev uas yog Tswv Ntuj lo lus mus txog lawv nruab siab, kom muaj kev sib haum xeeb nyob hauv Tswv Ntuj thiab nrog neeg sib raug zoo. Ntuj awb.
    5. Peb thov Ntuj rau peb cov tuaj hnub no,kom peb ntseeg tias, Leej Pleev nrog peb nyob. Peb coj Leej Pleev lub Cim kom Tswv Ntuj nco ntsoov Foom Koob hmoov rau peb. Ntuj awb....


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 21st July 2016, 8:41 am



    NRUAB XYOO CHIV 17 C Tim 24/7/2016.



    Hnub no peb nyob hauv hnub Chiv 17 nruab xyoo. Cov ntawv Ntshiab uas peb siv. Ntawv Hauv Paus,{18:20+23-32.}Kos Lis Nthos,{2:12-14.} thiab Kus Kas,{11:1-13.} Cov Ntshiab lus hais tias:
    Peb yuav rau siab thov Ntuj,kom Tswv Ntuj pub Leej Tswv Yim Ntshiab rau peb. Kom peb ntseeg tau tias, Tswv Ntuj ua kom peb nrog Yes Xus muaj txoj sia.
    Vim muaj cov neeg siab ncaj, mas Tswv Ntuj thiaj zam rau ntau leej neeg muaj txhaum. Vim tias nyob ntiaj teb no, yeej muaj ib co neeg siab ncaj, thov Ntuj kom zam rau sawv daws.
    Thawj tug xub thov Ntuj zam txhaum rau neeg ntiaj teb, Yog Yes Xus Pleev. Thiab tsoom neeg siab ntshiab txawj khuv leej luag tej zoo li tus Yawg Koo Has Nplas.
    Lawv muaj kev tso siab lug tias,Tswv Ntuj yuav ua kom cov neeg muaj txhaum rov tau nyob kaj siab lug. Zoo li Tswv Ntuj tau mloog Has Nplas thov Ntuj.
    Thaum lub suab nthe nyob Xos Dos Mas thiab Nkos mos Las ntawd. Has Nplas sawv ntsug nyob ntawm Tswv Ntuj xub ntiag thov Ntuj tais:
    Tswv Ntuj koj yuav rhuav tus neeg siab ncaj nrog cov neeg txhaum thiab los!  Tswv Ntuj kom Has Nplas mus nrhiav saib tshuav pes tsawg leej neeg siab ncaj....
    Thaum Has Nplas nrhiav tsis tau ib tug li, ces tswv Ntuj mam tso hluav taws tuaj rau lub nroog.
    Thaum Paj Lug ua Leej Pleev ib tug Thwj Tim lawm, Mas Paj Lug thiaj hais rau cov Kos Lis Nthos tias: Cov txais lub Cim Ntxuav, mas lawv tau nrog Leej Pleeb nqes mus hauv txoj kev tuag. Thiab nrog Leej Pleev sawv rov los muaj txoj sia.
    Vim lawv ntseeg txog Tswv Ntuj lub zog.  Neeg twb tuag lawm, vim neeg cov txhaum. Yog Leej Pleev thov kom neeg rov tau nrog Leej Pleev muaj txoj sia tuaj.
    Vim Leej Pleev los lus thov nyob saum Ntoo Cuam,lub sim ceeb no neeg thiaj huam vam li peb tau pom niaj hnub no. Txij li Leej Pleev tau Thov Ntuj lawd.
    Mas Leej twg hla mus saum kev ua txhaum, ces yog nws tus kheej rov txiav txim rau nws, ua tus tuaj yeem mus taug txoj kev tsis muaj sia nyob. Kiam tsis tau tias Tswv Ntuj siab tsis zoo.
    Hos cov ntsuj plig raug xwv txheej nyob hauv kev ua txhaum tuag, mas Tswv Ntuj yuav ntsuam xyuas saib Leej twg tsim nyog npo hauv ntuj tawg kub ntaiv rov los.
    Yes Xus Pleev thiaj tau qhia nws Cov Thwj Tim kom paub Teev Ntuj. Nws hais tias: Thaum nej teev Ntuj, mas nej yuav hais tias:
    Txiv koj ua kom sawv daws zeem koj ua Tswv Ntuj.  Koj ua koj lub peev xwm tuaj txog peb.  Koj pub mov txwm hnub rau peb noj.  Koj zam peb cov txhaum, li peb zam rau cov tshuab peb nuj nqes. Koj txhob tso peb rau kev ntxias.
    Thaum nej nyob hauv zaj thov Ntuj, ces zoo li nej khob qhov rooj, ces yuav muaj tus qhib rau nej.  Nej nrhiav ces nej yuav tau ntsib.  Nej thov ces nej yuav tau txais.
    Nej twb yog ib co neeg phem kawg lawm, tsis kav nej tej me nyuam thov mov noj. Nej twb tsis muab ib lub pob zev rau lawv noj.
    Nej tej me nyuam thov yuav noj ib lub qe, nej tsis kav muab ib tug laum kiav tshooj los ib tug nab rau lawv noj. Nej txiv nyob saum ntuj Nws haj yam yuav pub Leej Tswv Yim rau nej, cov thov Leej Txiv no. Amen.

    ZAJ THOV NTUJ.
    1.  Peb thov Ntuj rau lub Koom Txoos, kom sawv daws nco ntsoov tias neeg ntiaj teb rov muaj txoj sia nyon haus Leej Pleev tus tswj lub Koom Txoos nyob ntiaj teb no. Ntuj awb...
    2Peb thov Ntuj rau cov Nom tswv kav teb chaws,kom lawv paub tias muaj ib co neeg siab ncaj thov kom Ntuj zam lawv cov txhaum. Txob ua teeb meem rau nyiaj teb neeg.   Ntuj awb...
    3. Peb thov Ntuj rau cov neeg txom nyem,Leej nyob nrog lawv, kom tau khuv leej txhua tus,cov muaj mob nkeeg, cov tshaib plab cov nyob tsev loj faj, kom lawv thov ntuj daws lawv li teeb meem.   Ntuj awb...
    4. Peb thov Ntuj nyob nruab siab rau tej yam muaj nyob ib ncig ntawm peb.      Ntuj awb....
    5. Peb thov Ntuj rau peb cov tuaj hnub no, peb tau hnov yam zoo tas nrho, tias peb rov muaj txoj sia nyob hauv Leej Pleev. Thob kom nyob nrog peb s d mus li. Ntuj awb...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 28th July 2016, 2:01 am



    NRUAB XYOO CHIV 18 C Tim 31/7/2016.

    Hnub no peb nyob hauv hnub chiv 18,Tswv Ntuj cov lus nyob hauv ntawv Kos Es Les,{ 1:2-3+2:21-23.} Kos Los Xais,{3:1-6+9-11.} Thiab Lus Kas,12:13-21.} Hais tias:
    Tus saib tej yam nyob ntiaj teb no loj,thiab nws tso siab rau tej yam ntawd. Mas nws yuam kev.
    Cov neeg txais lub Cim Ntxuav,nyob hauv Yes Xus Pleev lub npe. Lawv yog cov tau txoj sia tshiab,lawv yuav txawj pom tas txhua yam, nyob hauv Yes Xus Pleev.
    Vim tias, tas txhua yam nyob ntiaj teb no, zoo li yog yaj ntshis.
    Nyob hauv Tswv Ntuj, mas txhua yam muaj nqes mus tsis txawj kawg li. Ntawv Kos Es Les hias tias,ua cas yuav khwv tas npaum no nyob ntiaj teb. Yuav tau dab tsi zoo?
    Tus neeg txawj ntse,nws ua tau tej hauj lwm zoo kawg. Tab sis cov hauj lwm nws ua ntawd,nws yuav tso tseg rau lwm tus khaws xyeem yuav. Ua li mas tab yog nws cov hauj lwm zoo,los kuj yog Yaj ntshis.
    Qhov kawg, lub txiv ua nws txi tau ntawd,tseem hloov tau los ua xwv txheej loj. Nws txoj kev khwv ntawd tsis muaj qab hau dab tsi.
    Tsis tsim nyog rau nws kev khwv, uas muaj kev ntxhov siab, pw tsis tsaug zog. Qhov kawg kuj yog yaj ntshis.
    Nej pom xeeb nrog Leej Pleev sawv rov los,nej yuav nrhiav tej yam nyob saum ntuj. Uas nrog Leej Pleev nyob ntawd.
    Nej yuav muaj lub siab dai dhuam rau tej yam nyob txheej ntuj saud. Txob tso nej lub siab dai rau tej yam nyob ntiaj teb no.
    Nej txoj sia thiaj yuav tau mus tsiv nraim nyob hauv Leej Pleev. Leej Pleev yog nej txoj sia, thiab nej lub hwj chim.
    Tej yam uas tib neeg nyiam nyob ntiaj teb no,yog tej yam uas,ua rau Tswv Ntuj npau taws! Nws yog kev khav theeb,kev ua plees ua yi, kev ua tub sab tub nyiag thiab kev dag ua tim khawv cuav.
    Uas coj nej cov Ntsuj Plig mus zwm rau kev tsaus ntuj. Nej txhob saib Tswv Ntuj cov lus,zoo li ib co lus dag lus cuav, tsis muaj qab hau.
    Nej yuav tau hle tus qub neeg nrog cov hawm phem pov tseg. Nej txais lub Cim Ntxuav lawm, hnav dua lub lub meej mom, hwj chim tshiab.
    Tus ua Nom los tus ua qhev, yuav zaum tib lub rooj sib xws. Yes Xus Pleev nyob txawm hauv txhua lub rooj.
    Thaum Yes Xus nyob,muaj ib tug neeg sawv los hais rau Yes Xus tias, Xib Hwb. Thov Koj pab hais kuv tus kwv kom nws nrog kuv faib peb tej qub txeeg qub teg.
    Yes Xus tu siab nrho Nws hais tias: Npawg, Leej twg tau tsa kuv los ua Nom faib nej tej qub txeeg qub teg rau nej!
    Yes Xus tseem hais ntxiv tias,Nej ceev faj, txhob ntshaw dab tsi nyob ntiaj teb no! Yog koj ua neeg nplua Nuj, mas tab yog koj txoj sia tsis nyob hauv ua koj tug. Nws yuav ploj thiab yaj ntshis mus raws txoj kev koj tsis ceev faj ntawd.
    ZAJ THOV NTUJ.
    1. Peb thov Ntuj rau lub Koom Txoos, kom cov neeg ntseeg txog Yes Xus Pleev lub npe, muaj lub siab dai dhuam rau tej yam nyob txheej ntuj saud. Ntuj awb...
    2. Peb thov Ntuj rau cov Nom Tswv kav teb chaws, kom lawv to taub tej hauj lwm nyob ntiaj teb no. tsis yog cov hauj lwm kav tus ntsuj plig nplua nuj. kom lawv muaj kev sib zam. Ntuj awb...
    3. Peb thov Ntuj rau cov neeg txom nyem,cov muaj txiab nkeeg txhua tus. Kom lawv kev txom nyem txawj hloov los ua kev nplua nuj nyob saum ntuj. Ntuj awb...
    4. Peb thov Ntuj rauTsoom txheb ze peb txhua tus,kom lawv nrhiav txoj kev los nyob ze Tswv Ntuj. Lwv thiaj yuav ntsib kev nplua nuj nyob saum Ntuj. Ntuj awb....
    5. peb thov Ntuj rau cov tuaj teev Ntuj hnub no, kom nyias txawj xaiv nyias lub hwj chim los nyob ze Leej Pleev. Ntuj awb...


    Yaj Zoov Ntxheb Xib hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 2nd August 2016, 10:20 am


    NRUAB XYOO CHIV 19 C Tim 7/8/2016.

    Hnub Chiv 19 no peb siv cov ntawv Ntshiab nyob hauv. Ntawv Thoob Tsib, {18:6-9.}Tsab ntawv Hes Nplaws, {11:1-2+8-19.} Thiab Lus Kas, {12:32-48.} hais tias:
    Niaj hnub Tswv Ntuj tuaj cuag peb, peb yuav zoo siab tos Tswv Ntuj. Thiab rau siab ua tej yam uas Tswv Ntuj tos ntawm peb.
    Yog peb txawj tso siab rau Tswv Ntuj, mas peb yuav tsis yuam kev. Tswv Ntuj txaus siab yuav pub txhua yam uas Ntuj tau cog lus tias yuav pub.
    Xws li Ntuj cov lus Thoob Tsib tau hais los tias,thawj hmo hla. Tswv Ntuj tau hu Tsoom Hais Nkws Tos cov tub hlob. Kom lawv tso niam tso txiv tseg.
    Coj lawv cov Ntsuj Plig mus nyob rau Ntuj Ceeb Tsheej. Ntuj cawm cov tub His Xas Lais, kom lawv tau mus nyob rau lub teb chaws Ntuj tau cog lus rau lawv tus Yawg Koob Has Nplas nyob.
    Raws li kev cog lus tias, cov neeg siab ncaj yuav tau kev dim. Yog lub Cim tias cov ua yeeb ncuab, yuav raug ib lub txim.
    Tswv Ntuj tsis tso xwv txheej rau cov neeg laus, Ntuj tau khuv leej lawv cov Ntsuj Plig. Tsam lawv tau tuag nyob hauv kev tab tom ua txhaum.
    Ces tsam tau pus lawv cov Ntsuj Plig mus rau Ntuj tawg, cia lawv maj mam hloov siab, los nrog Tswv Ntuj sib haum xeeb ua neej nyob.
    Tswv Ntuj tau qhia kom cov neeg siab ntshiab, ua tej lub thaj txi Ntuj ntsiag to nyob hauv lawv tej tsev.
    Nyob hauv txoj kev ntseeg kuj tib yam li ntawd,kom peb paub tseeb tias. Peb yuav tau txais tej yam uas Ntuj tau cog lus tseg.
    Mas kom peb rau siab ua tej yam, kom tsim nyog Ntuj yuav muab pub rau peb. Cov Txiaj Ntsim uas Ntuj pub rau peb,mas tej yam peb tsis pom tam sim ntawd.
    Los peb pom thiab paub tsis tau,muaj qee yam mas peb thiaj pom tau. Yam peb pom tsis tau, zoo li thaum peb thov Ntuj, mas peb thov rau ib yam xwv txheej me me xwb.
    Yam xwv txheej loj peb tsis pom. Tswv Ntuj ncaj qha pub los hloov qhov loj uas peb pom tsis txog. Zoo li peb thov kom lub tsheb txhob poob qab ke. Ua cas lub tsheb kuj cia li poob lawm. Thaum lub tsheb poob qab ke lawm. Muaj neeg raug mob ib leeg txawj hlub ib leeg. Ces twb yog Tswv Ntuj pub los pauj kev sib hlub, ces Ntuj tau teb rau qhov ntawd lawm.
    Peb tsis nco qab thov kom peb muaj kev ncaj ncees los kev ua neeg thoob tsib kev sib raug zoo. Zaj lus no niaj hnub tawm rau peb pom:
    Thaum peb ib tug neeg tau raug xwv txheej dhau lawd, peb ua tej pluas mov loj los ua plig. Peb tau hu cov peb tau sib hlub tuaj ua kev zoo siab tib si.
    Yog tej txiaj ntsim koob hmoov uas Ntuj muab los pauj rau peb. Peb thiaj zoo siab. qhuas thiab cav tias, yog Ntuj hlub nws lawm kuj zoo li hlub peb.
    Peb cov Poj Yawm Txwv Koob lawv paub,Tswv Ntuj cov paj tshab no zoo. Vim lawv yog cov nyob ze Tswv Ntuj. Lawv kuj nrog peb zoo siab tias Tswv Ntuj hlub peb. Vim peb yog lawv li noob Ntsuj roj Ntsuj ntsha.
    Yog hais tawm los nyob hauv Yes Xus lo lus tias:
    Pab me Yaj, nej txhob txhawj, nej Txiv zoo siab pub Nws lub Ceeb Tsheej rau nej. Tus ua neeg nplua nuj lawm,koj yuav muag koj lub cuab tam.
    Koj muab pub rau cov pluag,nej npaj lub hnab los ntim cov nyiaj muaj nqes uas tsis txawj qub. Nej txais lub txhab nyiaj nyob saum ntuj tsis txawj tas los ua nej tug.
    Nyob qhov ntawd, cov tub sab tub nyiag yuav mus tsis txog,me kab me ntsaum yuav tsis noj, vim yog nej li. Amen.

    ZAJ THOV NTUJ.
    1. Peb thov Ntuj rau lub Koom Txoos, kom sawv daws paub tias, Tswv Ntuj niaj hnub tuaj cuag neeg ntiaj teb. Sawv daws npaj siab tos,thiab rau siab ua yam uas Tswv Ntuj tos ntawm peb. Ntuj awb...

    2.eb thov Ntuj rau cov Nom Tswv kav teb Chaus, Tswv Ntuj tos kom lub sim Ceeb muaj kev ncaj ncees thiab muaj kev sib raug zoo. Ntuj awb...

    3. Peb thov Ntuj rau cov neeg txom nyem, kom lawv paub tias Tswv Ntuj niaj hnub tuaj cuag lawv, kom lawv txawj ua siab loj thov raug yam yuav daws lawv tej teeb meem mus. Ntuj Awb...

    4. Peb thov Ntuj rau cov neeg tsis paub Tswv Ntuj. Kom Tswv Ntuj khuv leej lawv thiab. xa tej tus neeg thoob tsib mus cuag lawv. Ntuj Awb...

    5. Peb thov Ntuj rau peb cov tuaj hnub no. Tswv Ntuj niaj hnub tuaj cuag peb. Thov kom peb txawj txais Tswv Ntuj, cov paj tshab uas Nws niaj hnub muab los pauj rau peb. Ntuj Awb...
    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 2nd August 2016, 10:24 am



    NRUAB XYOO CHIV 20 C Tim 14/8/2016.

    Hnub no yog Chiv 20,lub Koom Txos siv cov Tsab Ntawv,Yes Les Mias,{38:4-6+8-10.} Hes Nplaws, {12:1-4.} Thiab Lus Kas,{12:49-53.} Hais tias:
    Tswv Ntuj tsis cia neeg pw nyob hauv kev ua txhaum mus li. Yes Xus yog tus tuaj diaj kom neeg tsim dheev los. Kom kev ua txhaum,txhob ntxias tau peb niaj hnub ua neeg qaug zog.
    Pw nrog kev ua txhaum mus li, Kev ua txhaum zoo li lub Vas zoj ncig peb. Peb yuav ntsia ntsoov Yes Xus, peb thiaj tsis ntaus siab me.
    Tus nyiamTswv Ntuj, mas Ntuj cov lus yog ib co lus xis neeg lub siab. Yog ib co lus tseem ceeb kawg,tab yog ib tug neeg pej kum teb.
    Los nws txawj nyiam thiab hlub lwm tus,uas tsis yog nws Haiv neeg. Nws txawj saib tias, sawv daws yog Ntuj me nyuam ib yam.
    Cov tsis nyiam kev hwm Ntuj, mas lawv ntxub Tswv Ntuj thiab Ntuj tus neeg, lawv xav muab nws tua. Vim nws ntuas kom ua neeg siab ncaj.
    Muaj ntau zaus, tseem yog tus pej kum neeg tau pab cawm Tswv Ntuj tus neeg. Ib yam li Hmoob hais kam los tias:
    Cov neeg tsis nyiam hwm tus tseem Yaj Saub nyob hauv lawv lub zos, lawv txaus siab mus hwm tus Yaj Saub sawv nyob tim roob tauj los.
    Peb cov neeg ntseeg txog Yes Xus lub Moo Zoo, mas muaj neeg coob kawg, ntsia ntsoov peb. Peb yuav ntiab tas txhua yam coj peb mus taug kev ua txhaum.
    Peb yuav ntsia ntsoov Yes Xus, txhob ua siab hnyav, Yes Xus twb qhib tau txoj kev ntseeg rau peb lawm. Yes Xus pub ib lub siab muaj zog rau peb.
    Yes Xus yeej ib txwm muaj zog, tsis kav Nws tsis xaiv txoj muaj zog, thiab kev tau zoo,los rau leej twg saib. Yog Yes Xus xav ua rau neeg saib, mas Nws hais ib lo lus xwb txhua yam muaj nyob hauv lub Sim Ceeb no yuav ploj mus tas tib si.
    Vim nws hwm Leej Txiv,thiab Nws rov hwm Nws, nrog Leej Txiv kev tsim ntuj tsim teb txhua yam.
    Yes Xus tau hais meej thiab tseeb kawg tias: Kuv tuaj mas cuag li, kuv tuaj pov ib cov hluav taws, rau saum lub ntiaj teb no. Kheev lam nws cig kom tas mas!
    Yes Xus tuaj qhia qhov zoo, ntiaj teb neeg muab tig mus ua qhov phem. Thiaj li muaj kev kub ntxhov mob cuag li hluav taws cig kub.
    Yes Xus paub tej teeb meem no zoo, Nws thiaj hais tias: Kuv yuav tau txais lub Cim Ntxuav. Nyob saum Ntoo Cuam Khaub Lig.
    Kom daws tau neeg ntiaj teb kev ua txhaum kom rov ua neeg siab ncaj tuaj. Kom neeg tsim dheev los,txhob tsaug zog nyob nrog kev ua txhaum. Amen.

    ZAJJ THOV NTUJ.
    1. Peb thov Ntuj rau lub Koom Txoos,kom sawv daws pom tias. Yes Xus niaj hnub tuaj diaj tsa peb sawv,txhob qaug zog pw nrog kev ua txhaum. Ntuj Awb...

    2. Peb thov Ntuj rau cov Nom Tswv kav teb chaws. Kom lawv tsim dheev los,thiab kom kev ua txhaum txhob ntxias tau lawv coj neeg ntiaj teb mus tsim kev kub ntxhov rau lwm pab pawg. Ntuj awb...
    3. Peb thov Ntuj rau cov neeg txom nyem,nyob hauv txhua pab... kom lawv txawj tig ntsia Yes Xus, txhob ntaus siab me. Tswv Ntuj muaj cov txiaj ntsim xis neeg lub siab. Tso siab rau Tswv Ntuj lub zog. Ntuj awb...

    4. Peb thov Ntuj rau Cov neeg muaj teeb meem uas peb paub lawv nyob qhov ub qhov no. Kom Tswv Ntuj khuv leej lawv thiab pab daws teeb meem mus. Ntuj Awb...

    5. Peb thov Ntuj rau peb cov tuaj hnub no, kom peb txawj mloog Tswv Ntuj cov lus xis neeg lub siab pub rau peb. Ntuj Awb...
    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 18th August 2016, 7:38 am



    NRUAB XYOO CHIV 21 C Tim 21/8/2016.

    Hnub chiv 21 no, Tswv Ntuj kev Ceeb Toom tshoj cov neeg mus tshaj Ntuj lus. Hauv kev cawm neeg ntiaj teb nyob rau cov tsab ntawv:
    His Xais,{66:18-21.} Hes Nplaws, {12:5-7+11-13.} thiab,
    Lus Kas, {13:22-30.] Hais tias:
    Neeg lub neej, mas Ceeb Laj Ris,Tswv Ntuj cov lus, mas kuj Ceeb Laj mloog kawg thiab. Tab sis Tswv Ntuj pub kom peb tau nyob kaj lug.
    Tab txawm peb ib txwm ntseeg Ntuj, mas niaj hnub peb kuj yuav ceev faj. Qee tsam peb tsis npuab Yes Xus,peb yuav nco thiab kawm Yes Xus mus li.
    Kom peb tau ua raws li Yes Xus lub siab nyiam, Tswv Ntuj tuaj tshoj peb lub siab tsis tseg. kom muaj neeg mus tshaj Tswv Ntuj kev cawm neeg,cov ntawd yog peb sawv daws.
    Yuav tshaj rau txhua Haiv txhua Xeem neeg paub,kom sawv daws tuaj hawm Tswv Ntuj.
    Tswv Ntuj hais tias:
    Kuv tuaj sau tas txhua Haiv neeg, txhua hom lus. Kom lawv pom kuv lub hwj Chim. nyob hauv ntiaj teb neeg cov txuj ci, uas Tswv Ntuj tau qhia rau txheej laus thaud los.
    Vim cov Pog Yawg thaud lawv tau nyob ze Tswv Ntuj dua,txheej tub ki tiam no. Cov lus uas Qaum Ntuj tau qhia los, puav leej yog Ntuj lub hwj Chim txiaj ntsim zoo tib si.
    Cov neeg kuv xa mus tshaj lus,lawv yuav coj nej cov kwv tij ncaim npoj, rov los ua nej cuab kwv tij dua. Nyob hauv Yes Xus pleev lub npe.
    Nej yuav muaj tej tus neeg mus ua Leej Choj,tuam rau Ntuj thiab neeg mus los sib cuag. kom cov nyiam kev ncaj tau nrog Tswv Ntuj sib haum xeeb.
    Nej puas tseem nco Tswv Ntuj lo lus hais tias:
    Me Tub Koj txhob thuam Huab Tais Ntuj lo lus qhia! Vim yog Huab Tais kho tus uas Huab Tais nyiam. Huab Tais kuj yuav nplua tus uas Huab Tais txais los ua Nws tus tub.
    Yog thaum nej raug luag ntxub los luag hiam, mas yog txoj kev qhuab qhia rau nej. Tswv Ntuj yuav ua rau nej, xws li Ntuj ua rau Nws Leej Tub.
    Nej puas tau pom dua ib tug tub uas Leej txiv tsis tau qhuab qhia nws li. Cov lus qhuab qhia,kom nej tus siab los zoo siab.
    Yog kev qhia kom nej rov tawg paj tshiab,los txi txiv zoo, yog kev nyob kaj lug thiab kev ncaj. Nej thiaj yuav rov ua neeg muaj zog tuaj.
    Yes Xus hais tias: Nej ua tiag mus rau lub qhov rooj nqaim mas! Kuv tsis hais tias, yuav tsis muaj neeg mus rau hauv.
    Muaj ntau tus thawj neeg thiab cov nplua nuj nrhiav mus rau hauv, tab sis lawv yuav mus tsis tau. Thaum tus Tswv kaw qhov rooj lawm ces lig rau lawv lawm.
    Tus Tswv yuav tsis lees paub cov nyob sab nraud li. As Men.

    ZAJ THOV NTUJ.
    1. Peb thov Ntuj rau lub Koom Txoos, kom txhua phiaj neeg txhob ceeb laj mloog Tswv Ntuj cov lus. Ntuj awb...
    2. Peb thov Ntuj rau cov Nom Tswv kav teb chaws, kom lawv to taub txog Neeg lub neej Ceeb Laj ris. Txhob tsim kom muaj tsov rog, pub kev thaj yeeb rau neeg... Ntuj...
    3. Peb txov Ntuj rau cov neeg txom,cov muj mob, cov nyob tsev loj faj, covtshaib plab. Kom Tswv Ntuj pub ib lub zos rau lawv daws kev txom nyem. Ntuj awb...
    4. Peb thov Ntuj rau txhua tus tub tshaj Ntuj lus,kom lawv txawj ua ib tug zoo choj rau neeg ntiaj teb tau taug mus cuag Tswv Ntuj. Ntuj awb...
    5. Peb thov Ntuj rau peb cov tuaj hnub no, kom peb muaj zog nyob hauv Yes Xus lub npe. Nrog Tswv Ntuj sib haum xeeb zoo. Ntuj awb...
    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 25th August 2016, 9:55 am



    NRUAB XYOO CHIV 22 C Tim 28/8/ 2016.

    Hnub no peb nyob hauv hnub chiv 22. Muaj Tswv Ntuj cov lus nyob hauv. Npes Xis Las,{3:17-18+28-29.} Hes Nplaws,{12:18-19+22-24.}Thiab Lus Kas,{1+7-14.} Hais tias:
    Cov neeg nyob ntawm Tswv Ntuj xub ntiag,cov loj tsis yog cov uas peb xav tias yog. Sawv daws yuav nyiam ua neeg me.
    Yes Xus hais tias, thaum muaj neeg caw, koj mus noj mov. Koj txhob mus zaum thawj lub rooj,tsam tus tswv caw ib tug muaj hwj Chim dua koj tuaj.
    Ces tus Tswv yuav hais rau koj tias,Koj tseg qhov Chaw no rau tus hu li no zaum. Ces koj yuav tau mus zaum lub rooj kawg. Ces tus Tswv caw nej tuaj yuav hais tias, Npawg,koj txav los zaum lub pem toj no mog. Ces koj yuav muaj lub meej mom ntawm cov neeg tuaj ntawd tib si.
    Yes Xus tseem hais ntxiv tias,thaum koj caw luag tuaj noj mov.Koj txhob caw koj cov txheeb ze xwb. Tsam lawv yuav rov caw koj mus ua kev sib pauj.
    Ces koj twb tau txais lub meej mom koob meej tuaj ntawm neeg caw koj lawm. Tus teeem ceeb yuav tsis caw koj ntxiv, vim koj twb txais koj lub koob meej lawm.
    Tus tseem Ceeb yuav pauj rau cov tsis tau muaj leej twg caw thiab pauj rau lawv. Cov ntawd yuav muaj meej mom, koob meej nyob mus li.
    Cov ntawd yuav tsis hnov lub suab cua,suab nplaim taws, nrov ncha hauv cov huab dub tuaj. Ua kom lub ntiaj teb deeg. Lawv yuav hnov cov suab paj nruag cav txog txoj sia nyob hauv lub nroog Xis Yoos.
    Ces lawv yuav tau nrog tus tsim ntuj tsim teb leej tub hlob,muaj lub npe sau tseg nyob saum ntuj tias:
    Nej txav los nyob ze tus txiav txim rau lub Sim Ceeb. Nej yog Tus Pleev nyob siab cov neeg siab ncaj thiab lub Tswv Yim Ntshiab.
    Uas tau muaj Nws cov Ntshav cog lus, ua neeg muaj zog. Nej tau txo nej lub hwj Cim ua tus nyob qis. Kuv yuav tsa nej ua tus nyob siab. Amen.

    ZAJ THOV NTUJ.
    1. Peb thov Ntuj rau lub Koom Txoos. Kom cov neeg tau nyob Tswv Ntuj xub ntiag, paub tias, yog Leej Tub tau xaiv lawv. Ntuj awb...
    2. Peb thov Ntuj rau cov Nom Tswv kav teb chaws,kom lawv txawj txo hwj chim. coj kev sib haum xeeb nrog Tswv Ntuj,thiaj tsis musj teeb meem tsim kev ua tsov rog. Ntuj awb...
    3. Peb thov Ntuj rau cov neeg txom nyem, Kom lawv zam dhau, kev mob kev nkeeg,thiab kev tshaib nqhis. Thiab kom muaj lub peev xwm daws txhua yam kev txom nyem. Ntuj awb...
    4. Peb thov Ntuj rau cov neeg nyob koom zej koom zos, koom teb koom chaw. Kom sawv daws muaj kev sib raug zoo. Ntuj awb...
    5. Peb thov Ntuj rau peb cov tuaj teev Ntuj hnub no, kom peb sawv daws muaj kev sib to taub thiab sib haum xeeb nyob hauv Leej Pleev lub npe. Ntuaj awb..


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 1st September 2016, 10:35 am


    NRUAB XYOO CHIV 23 C Tim 4/9/2016.
    Hnub no peb nyob hauv hnub Chiv 23, Muaj Tswv Ntuj cov lus nyob hauv cov zaj nyeem:
    Ntawv thoob tsib,{ 9:13-18.}Ntawv Fis Les Moos,{1:9-17.} Thiab Lus Kas,...{14:25-33.} Hais tias:
    Tus xav nrog Yes Xus mus, mas nws yuav txiav siab nyiam Yes Xus dua nyiam lwm yam. Tus txiav siab lawv Yes Xus qab, nws yuav paub thiab ntseeg tias, Yes Xus yuav thov ntau yam ntawm nws.
    Li Paj Lug saib Fis Les Moos tus tub qhev,yog Paj Lug tus tub txib. Paj Lug hlub thiab nyiam nws xws li Tswv Ntuj hu nws los ua Paj Lug tus kwv.
    Fis Les Moos tus qhev,Os Nes Xis Mos, Nws txais kev ntseeg ntawm Paj Lug,uas nyob hauv tsev loj faj los. Peb cov neeg ntseeg peb yuav thov kev thoob tsib ntawm Tswv Ntuj los rau peb.
    Vim neeg tsis paub kev ua neeg thoob tsib,thiab neeg zaj tswv yim tsis muaj zog. Qhov neeg xav, mas tsis ruaj thiab tsis khov.
    Vim neeg lub cev ua rau neeg tus Ntsuj Plig hnyav,lub cev tsuam lub tswv yim, kom hnyav, thiaj ua rau tus Ntsuj plig ntxhov siab.
    Peb lub cev siv zog, ces peb tsuas tau txais tej yam los ntawm peb txhais tes los xwb. Peb nrhiav tsis tau tej yam nyob saum ntuj.
    Yog Tswv Ntuj tsis pub kev thoob tsib,mas tsis muaj leej twg. Yuav paub tau Tswv Ntuj lub siab li,tos neeg ntiaj teb tsis muaj kev ncaj ncees.
    Vim neeg tsis muaj kev thoob tsib paub txog Tswv Ntuj lub siab. Cov neeg ntiaj teb uas lawv muaj lub siab ncaj, mas lawv vam txog tus siab ncaj nyob saum tus ntoo cuam khaub lig.
    Nrog nws tus duab, thiab Nws lub hwj Chim lub txiaj ntsim, thov kev thoob tsib ntawm Tswv Ntuj los. Mais Xes yog thawj tug tau Leej Pleev tus duab.
    Thaum Mais Xais thov kom Tswv Ntuj nco txog Has Nplas His Xas Has thiab Yas Kos uas yog Cov His Xas Lais lawv cov Yawg Koob.
    Uas Tswv Ntuj tau cog lus tias, Lawv cov xeeb ntxwv yuav coob npaum li cov hnub qub nyob saum ntuj... Tswv Ntuj yog tus tsis txawj npau taws.
    Thiab Nws siab zoo, Nws thiaj txawj zam rau cov neeg muaj txhaum.
    Cov Neeg sau se, cov Thoob Xwm ntwv, cov Fas Lis Xais. Lawv saib lawv yog cov neeg paub tab paub cai, lawv ua neej nyob nrog txoj kev nplua nuj.
    Lawv saib thiab pom tias, Cov neeg txom nyem yog cov neeg muaj txhaum. Lawv muaj txhaum,lawv thiaj raug khaum los ua neeg pluag, neeg txom nyem.
    Cov tsis hwm Ntuj mas lawv niaj hnub thuam Tswv Ntuj nyob hauv cov neeg txom nyem los cov Pluag. cov txom nyem pluag ntawd yog cov uas tau Tswv Ntuj tus duab tawm tuaj nyob hauv lawv.
    Yes Xus thiaj hais zaj txjiaj txhais txog tus yaj ploj. thiab lub txiaj nyiag poob lawd. Uas tus Tswv rov mus nrhiv tau, tus Tswv zoo siab.
    Nws los hais rau nws cov Phooj Ywg tias, Nej nrog kuv zoo siab mog. Kuv tus Yaj ploj lawd, thiab lub nyiaj poob lawm ntawd, kuv nrhia tau lawm.
    Cov neeg nyob saum ntuj, lawv pom ib tug neeg tig los yuav ib lub siab tshiab, mas lawv zoo siab kawg. Lawv zoo siab tshaj 99 tug neeg, tsis tas yuav hloov sib vim lawv twb zoo txaus lawm.
    Lub Txiaj nyiag poob ntawd, piv rau peb tej koob hmoov. Koj muaj 99 lub nyiaj xwb tseem nce tsis tau nto qhov koj muaj koob hmoov nce mus txog 100.
    Ces koj txoj hmoov tseem nce tsis tau mus nto qib ua neeg muaj koob hmoov. Cov neeg muaj koob hmoov, yuab tsum nce mus txog, 100. 1000,los 10,000. ...
    Tswv Ntuj yog tus zoo siab,tus Tswv thiaj hais tias,kom muab lub tsho zoo tshaj rau hnav, muaj nkawm khau zoo thiab lub nplhaib zoo tshaj los rau coj.
    Rau qhov nws tau hloov siab, tig rov los,ces cuag li nws tuag sawv rov los dua. Ces nws yuav muaj txoj sia nyob mus li txhua yam yuav tsum yog qhov zoo tshaj.
    ZAJ THOV NTUJ.
    1. Peb thov Ntuj rau Lub Koom Txoos, kom cov phiaj neeg ntseeg txawj txiav siab nyiaj Yes Xus tshaj txhua yam. Thiab S,S paub tias Yes Xus tos ntau yam kom pev yoog thiab coj. Ntuj awb...
    2. Peb thov Ntuj rau cov Nom Tswv kav teb chaws, kom lawv paub txog tej Yam Ntuj thov kom lawv pub kev thao yeeb rau cov pej xeem. Ntuj awb...
    3.Peb thov Ntuj rau cov neeg txom nyem, txhua fab... kom lawv txawj tso siab thiab vam txog Tswv Ntuj tej koob hmoov tuaj saum ntuj tuaj daws teeb meem ntawm sab cev nqaij daim tawv thiab sab ntsuj Plig tib si. Ntuaj awb...
    4. Peb thov Ntuj rau txhua pab neeg ntseeg nyob ntiaj teb no. Kom sawv daws txawj sib rau zoo, txhob npaj tsim kev ua yeeb ncuab. Ntuj Awb....
    5. Peb thov Ntuj rau peb cov tuaj hnub no. kom peb txawj xyaum txais Yes Xus lub Meej Mom. paub thob Ntuj kom zam rau cov neeg muaj txhaum. Ntuj awb. ...
    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 8th September 2016, 7:49 am



    NRUAB XYOO CHIV 24 C Tim 11/9/2016.

    Hnub chiv 24 no,Tswv Ntuj cov lus nyob hauv cov tsab ntawv. Kev tsiv, { 34:7-11+13-14} 1 Tis Mos Tes, {1:12-17.} Thiab Lus Kas,{ 15:1-32.} Hais tias:
    Tswv Ntuj siab zoo,Nws tsis npau taws rau cov neeg muaj txhaum. Tswv Ntuj zam rau lawv. Paj Lug thiaj qhia txog Tswv Ntuj lub siab zoo, txawj hlub neeg.
    Vim Paj Lug rov saib nws yog ib tug neeg txhaum, tsis kav Ntuj tau hlub Paj Lug. Ntuj tau pub txiaj ntsim ntau rau Paj Lug.
    Zoo nkaus li thaum cov His Xas Lais tau ntxeev siab rau Tswv Ntuj. Lwv mus pe tus mlom nyuj nyob teb chaws suab puam.
    Mais Xes tau thov kom Tswv Ntuj txhob rhuav lawv pov tseg. Thaum cov His Xas Lais tau ua tus mlom nyuaj tau los, lawv cav lus zoo txog tus mlom nyuaj tias:
    Yog tus Tswv Ntuj coj lawv tawm ntawm Hais Nkws Tos teb los. Lawv tau tso Tswv Ntuj pov tseg pov tseg li ntawd. Mais Xes tau thov Tswv Ntuj tias:
    Huab Tais Tswv Ntuj,Thov Koj nco txog Koj cov tub txib lub keeb. Xws li Has Nplas, His Xas Has, thiab Yas Kos lawv.
    Uas yog tsoom His Xas Lais lawv cov Yawg Koob. Uas koj tau cog lus tias: Koj yuav pub kom lawv muaj tub ki huam vam coob li cov hnub qub nyob saum ntuj...
    Ces Tswv Ntuj siab nqig, tsis tso xwv txheej los rau lawv. Tswv Ntuj tsuas saib tias tsuav yog muaj ib tug neeg siab ncaj. ces tswv Ntuj zam rau cov neeg muaj txhaum tib si.
    Tswv Ntuj tau saib Mais Xes zoo xws li Leej Pleev tus Duab sawv tsoom His Xas Lais chaw thov Ntuj. Ces Tswv Ntuj tso lawv kev ua txhaum pov tseg tas.
    Cov tau thov Ntuj li Mais Xes, twb muaj ob tug neeg thov ua ntej lawm. Yog Nom Hes, thiab Has Nplas nkawd. Nkawd nhiav tsis tau ib tug neeg siab ncaj li Tswv Ntuj thiaj tso dej los nyab ntiaj teb.
    Thiab tso hluav taws poob saum ntuj los rau lub Nroog Xos Dos Mas, thiab Nkos mo Las ntawd. Ob tug tom qab, yog Mais Xes, thiab Leej PLeev.
    Mais Xes thov kom Tswv Ntuj Zam rau Tsoom His Xais Lais thaum lawv ntxeev siab nyob teb chaws suab puam. Hos Leej Pleev thov Kom Leej Txiv zam rau lub ntiaj teb neeg sawv daws tib si nyob saum ntoo cuam.
    Yes Xus hais tias, Txiv vim lub ntiaj teb tsis paub tias lawv tau ua dab tsis li, Koj zam rau lawv. Nyob hauv cov neeg txaum, mas peb yog cov ua thawj xub paub kev ua txhaum.
    Tus Tswv Ntuj tsis txawj tuag, uas neeg pom tsis tau. Nws tib tug thiaj txawj hlub cov neeg muaj txhaum. Nws thiaj txawj zam txhaum rau neeg ntiaj teb txhua tus. Vim Nws tsis npau taws rau cov neeg muaj txhaum.
    Cov thawj neeg saib kev sau se thiab ua thawj neeg saib kev nplua nuj. Mas lawv saib cov neeg pluag los neeg txom nyem. Xws li ib cov neeg raug khaum, lawv thiaj poob nyob hauv kev pluag, los kev txom nyem.
    Cov uas lawv tsis hwm cov neeg pluag los neeg txom nyem, mas lawv zoo li yog cov neeg thuam Ntuj. Lawv saib tias cov pluag thiab txom nyem mas yog lawv raug khaum lawm.
    Yes Xus thiaj hais cov zaj txhiaj txhais txog, tus Yaj ploj los lub txiaj nyiag poob lawd. thiab tus tub ploj lawm rov los.
    Tus Tswv mus nrhiav tau tus Yaj ploj thiab lub nyiaj poob lawd. Nws hais rau cov Phooj ywg tias:
    Nej nrog kuv zoo siab mog,Kuv nrhiav tau lawm. Thiab tus Tswv hais tias, Nej muab lub tsho zoo nkauj tshaj los rau nws hnav. Muab ntiv nplhaib, thiab nkawm khau zoo tshaj los rau nws coj thiab rau.
    Tswv Ntuj thiab cov neeg nyob saum ntuj pom ib tug neeg txhaum hloov siab tig los yuav ib lub siab tshiab ua neeg zoo. mas lawv zoo siab tshaj pom 99 tus neeg siab zoo tsis tas yuav tig los yuav lub siab tshiab.
    Vim tus neeg ntawd yuav tsis muaj kev tuag, kev txom nyem mus ntxiv lawm. Nws muaj hmoo, xws li tus nws nrhiav tau nws lub nyiaj poob lawd.
    Nws muaj 99 lub xwb, nws cov Koob Hmoov tseem tsis tau txwm 100. Yuav tsum txwm 100. 1000. los 10,000. Thiaj li muaj txwm rau txoj hmoov zoo.
    Cov zaj lus Yes Xus hais Yuav yog Leej Tswv Yim pab qhia thiaj txawj txhais thiab to tau zoo.
    ZAJ THOV NTUJ.
    1. Tswv Ntuj yog Leej txiv siab zoo, tus tsis npau taws rau cov neeg muaj txhaum. peb thov kom Tswv Ntuj khuv leej Nws lub Koom Txoos coj cov neeg ntseeg kom txawj hlub tas tsoom sid. Ntuj awb...
    2. Peb thov Ntuj rau cov Nom Tswv kav teb chaws. kom lawv paub tswv Ntuj lub siab zoo. kom lawv pub kev thaj yeeb rau cov neeg txom nyem. Ntuj awb...
    3. Peb thob Ntuj rau cov neeg txom nyem, Kom lawv tso siab tias Tswv Ntuj txawj zam rau sawv daws cov neeg txom nyem txhua fab. kom lawv muaj ib lub siab tso siab rau Ntuj kev zam. Ntuj awb...
    4. Peb thov Ntuj rau cov neeg tseem teev dab qhua li peb tsoom Hmoob. Kom Tswv Ntuj pub txiaj ntsim rau lawv tig los yuav ib lub siab tshiab. Zeem Tswv Ntuj los ua lawv Leej txiv txawj hlub neeg. Ntuj awb...
    5. Peb thoav Ntuj rau peb cov tuaj hnub no. Peb yog thawj pab neeg paub tias neeg muaj txhaum. Kom Tswv Ntuj pub Nws cov txiaj ntsim los rau peb ua neeg sib nyiam sib hlub... Ntuj awb...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 16th September 2016, 6:37 am


    NRUAB XYOO CHIV 25 C Tim 18/9/2016.

    Hnub Chiv 25 no. Tswv Ntuj cov lus nyob hauv ntawv As Mos,{8:4-8.} 1 Tis Tos,{2:1-8.} Thiab Lus Kas,{16:1-13.} Hias tias:
    Peb cov neeg ntseeg yuav muab siab ua raws li lub Moo Zoo qhia,ib yam li cov neeg nrhiav nyiaj. Uas lawv muab siab rau ua lawv txoj hauj lwm.
    Niaj hnub peb tuaj sib sau teev Ntuj,peb yuav nco txog peb tsoom txheeb ze. Xws li peb cov neeg nyob hauv peb teb chaws.
    Peb txhob xav tias, tsuav yog peb tuaj teev Ntuj xwb, mas Tswv Ntuj zoo siab rau peb lawm. Ntawm Tswv Ntuj, mas Nws ntsia saib peb puas ua ncaj rau luag tej.
    Tswv Ntuj lo lus hais tias, nej yuav ceev faj! Txhob tsuj cov neeg pluag, thiab xav kom lawv ploj ntawm lub ntiaj teb no mus.
    Nej mas nej hom kheev hais tias, Thaum twg lub hli mas xiab, thiab hnub chiv mas dhau mus. Peb yuav rawm muag peb tej toob xib.
    Peb yuav nyom kom rab tsi, ntxo cov toob xib. Kom luag tau them kim, thiab kom tau cov neeg txom nyem tuaj ua peb qhev.
    Tab yog cov tsig txhuav xwb los peb yuav sau ib tug nqi, rau lawv them. Tswv Ntuj hais tias,nej zaj tswv yim phem uas nej xav tau los hais no.
    Mas Tswv Ntuj yuav nco ntsoov, nej cov hauj lwm phem no tseg. Tswv Ntuj twb xub qhia, kom nej txawj thov Ntuj. Thiab hais tej lo lus ua tsaug rau cov neeg pluag neeg txom nyem lawm. Lawv zoo ib yam li tsoom sid.
    Tswv Ntuj hais dua tias,nej yuav thov Ntuj rau cov ua Vaj, thiab cov thawj neeg tswj luag tej. Kom tsoom neeg txom nyem tau coj ib lub neej ywj siab, tau nyob thaj yeeb.
    Hauv kev hwm Ntuj, raws txoj kev muaj tsim. Vim Tswv Ntuj xav kom tas tsoom sid,tau txais txoj kev cawm neeg los ntawm tus cawm seej los.
    Leej Pleev yog tus cawm Seej. nws yog tus cev lus, nyob kis nruab nrab ntawm neeg thiab Tswv Ntuj. Tus nyob nruab nrab ntawd, yog Leej Pleev.
    Tswv Ntuj thiaj tsis xav kom muaj kev npau taws, los muaj kev sib cav sib ceg.
    Yes Xus thiaj hais txog tus neeg nplua nuj tus tim xyoob xam txiaj, uas muab tus tswv cov nyiaj siv ua lwj liam. Tus Tim Xyoob tuav txiaj thiaj raug ntiab tawm.
    Nws yuav tau kev txaj muag rau lub Sim Ceeb. Ces nws thiaj ua tej yam rau cov tub tshuav nqes tias, muab lawv cov nuj nqes txo, kom nws tau kev vam khom ntawm cov tshuav nqes ntawd.
    Tus Tswv qhuas tus Tim Xyoob tuav txiaj no nws txoj kev ntse. Vim lub Sim Ceeb cov tub coj txoj kev nkhaus, mas lawv ntse dua txoj kev kaj cov tub.
    Vim nyiaj txiag yog ib yam phem tiag. Cov saib nyiaj txiag yog tej yam me li no, lawv twb ua tsis ncaj. Lawv yuav ua li cas saib Tus Tswv lub cuab tam tej yam loj....
    Yes Xus Pleev tau ntxiv lo lus notias:
    Tsis muaj ib tug tub txib yuav tsob hwb ob tug tswv tau li. Nws yuav ntxub ib tug, hos nyiam lwm tus. Ib tug neeg yuav tsob hwb nyiaj txiag thiab Tswv Ntuj mas tsis tau ib zaug li.
    ZAJ THOB NTUJ.
    1.Peb thov Ntuj rau lub Koom Txoos, kom cov phiaj neeg ntseeg. Muab siab rau coj raws nraim li Leej Pleev lub Moo Zoo. Ntuj awb....
    2. Peb thov Ntuj rau cov Nom Tswb kav teb chaws. kom lawv txhob xav tias tau ua Nom ces zoo lawm. Tswv Ntuj ntsia ntsoov saib lawv puas ua ncaj ncees rau cov neeg txom nyem, kom tau nyob thaj yeeb. Ntuj awb...
    3. Peb thov Ntuj rau cov neeg txom nyem, Leej Pleev xav kom lawv tau txais txoj kev cawm tuaj ntawm tus Cawm Seej tuaj, nplij lawv. Ntuj awb...
    4. Peb thov Ntuj rau co neeg muaj mob pw tsev tshuaj thiab cov nyob hauv lawv vaj tse,cov sau npe hnub no. Kom lawv tau ntsib Tswv Ntuj kev kaj siab lug. Ntuj awb....
    5. Peb thov Ntuj rau cov neeg tuj teev Ntuj hnub no, Kom Tswv Ntuj lub zog tuaj nyob hauv peb. Peb thiaj paub coj coj li Leej Pleev lub Moo Zoo, Ntuj Awb...

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 22nd September 2016, 9:57 pm



    NRUAB XYOO CHIV 26 C Tim 25/9/2016.


    Hnub Chiv 26 no, muaj Tswv Ntuj cov lus nyob hauv ntawv As Mos,{6:1+4-7.}1,Tis Tos,{6:11-16.} Thiab Lus Kas,{16:19-31.} hais tias:
    Cov neeg tso siab rau nyiaj, mas lwm tiam lawv txoj hmoov yuav phem. Yog lawv ntseeg txog Yes Xus, mas lawv yuav ua tim khawv zeem tseeb txog Tswv Ntuj.
    Txhob ua li cov neeg uas lawv tsuas nrhiav kev noj qab nyob zoo. Yuav txawj ntshais tsam Tswv Ntuj muab txim rau lawv.
    Raws li Ntuj cov lus nyob hauv ntawv As Mos hais tias:
    cov neeg tau nyob dawb nyob huv. Thiab nyob tiaj tus saum lub Roob Xas Mas Lias, thiab nyob hauv lub Nroog Xis Yoos.
    Lawv yuav raug txoj Hmoov Phem,vim lawv pw saum cov txaj muab kaus ntxhw los ua. Lawv noj cov tsiaj nqaij mos, lawv ua si, haus tej khob cawv puv ntim,thiab pleev tshuaj tsw qab.
    Lawv tsis quav ntsej zeej tsoom did nyob hauv lub teb chaws. Cov ua Tswv Ntuj tus neeg, mas yuav txav mus deb ntawm kev nrhiav nyiaj txiag,thiab ua tej yam tsis dawb huv.
    Nej yuav xyaum mus taug txoj kev ncaj thiab hwm Ntuj, hwm neeg.
    Nyob hauv kev ntseeg, yog kev nyiam, kev hlub thiab kev ua hauj lwm tij lim.
    Tej yam hais no, yog tej kob rog ntaus tsam, kom txeeb tau txoj sia nyob mus li. Thiab tau zeem txog kev Ntseeg zoo tas nrho nyob ntawm Tswv Ntuj xub ntiag.
    Thiab ua tim khawv txog txoj kev ncaj nyob hauv Leej Pleev lub npe. Nws yog tus Huab Tais dawb huv,thov kom nej txhob muaj chaw xyeej, thiab chaw thuam.
    Thaum txog hnub Leej Pleev yuav tawm tuaj rau S.D. pom xyeem ntawm qhov muag. Nws yog tus Vaj kav tas tsoom Vaj. Nws kuj yog tus Huab Tais kav tas tsoom Huab Tais nyob ntiaj teb no.
    Nws nyob pem lub teb chaws tsis tau muaj neeg mus txog dua li. Nws muaj lub hwj Chim thiab lub Koob Meej ua Nws tusg nyob mus ib txhiab ib txhis tsis txawj kawg li.

    ZAJ THOV NTUJ.
    1. Peb thov Ntuj rau lub Koom Txoos, kom cov neeg ntseeg txawj ua tim khawv zeem tseeb txog Tswv Ntuj. Yog tus muaj hwj Chim Koob meej nyob mus li. Ntuj awb...
    2. Peb thov Ntuj rau cov Nom Tswv Tswj teb kav chaw, Kom lawv txhob nrhia kev noj qab nyob zoo rau lawv tus kheej xwb, nco txog zeej tsoom nyob hauv lub teb chaws, kom sawv daws tau nyob thaj yeeb thiab. Ntuj awb...
    3. Peb thov Ntuj rau cov neeg txom nyem, kom lawv txhob ua tej yam muaj chaw xyeej thiab chaw thuam hnub Leej Pleev rov los. Ntuj Awb...
    4. Peb thov Ntuj rau cov uas tau sau npe hnub no, kom Tswv Ntuj Pab lawv tau nyob thaj yeeb. Ntuj awb...
    5. Peb thov Ntuj rau peb cov tuaj hnub no, kom Tswv Ntuj pab peb yeej kev ntaus tsam kom txeeb tau txoj sia nyob mus li los ua peb tug. Ntuj awb...
    Yaj Zoov Ntxheb Xib Hwb.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 29th September 2016, 8:57 am



    NRUAB XYOO CHIV 27 C Tim 2/10/ 2016.

    Hnub chiv lis piam 27 nyob nrub xyoo no,Tswv Ntuj cov lus peb yuav hnov nyob hauv cov ntawv Ntshiab raws li Ntawv,Has Npas Kws.{1:2-3+2: 2-4.} Tis Mos Tes,{1:6-8+13-14.} thiab Lus Kas,{17:5-10.} hais tias:
    *-Peb ntseeg thiab mloog Tswv Ntuj lus,mas peb txhob xav tias,Tswv Ntuj tshuav peb nuj nqi. Peb ua ib tug ntseeg los ib tug tshaj Ntuj lus.
    Mas peb yuav ntsib kev nyuaj siab ntau yam! Peb yuav nco ntsoov tias, lub tswv yim peb tau txais ntawm Tswv Ntuj los, yog ib lub tswv yim muaj zog.
    *-Tab yog peb pom tas tsoom neeg nyob ntiaj teb no ua phem. Los peb yuav nco ntsoov tias,tsuas yog cov neeg siab ncaj, lawv thiaj yuav tau txoj hmoov zoo.
    *-Yuav muaj ntau leej neeg hais rau Tswv Ntuj tias:
    Tswv Ntuj, kuv yuav hu koj txog thaum twg? Koj mas yuav mloog kuv qw,thov koj! Vim li cas kuv qw hu koj npaum li cas, los cov neeg phem yuav muab kuv tua li.
    Tswv Ntuj, koj yuav tos kom txog qhov kawg lod,vim li cas koj nyob twj ywm ntsia luag ua phem yuav muab kuv tua. Nyob hauv lub sim ceeb no kuv tsuas pom kev ua tub sab tub nyiag, kev sib cav sib ceg xwb.
    *-Tswv Ntuj yuav teb tias, koj yuav cim cov lus nyob hauv ntawv Ntshiab hias tias. Tej koj pom no, tsuas muaj ib lub caij xwb.
    Lub Sim Ceeb niaj hnub yuav muaj tuaj, tsis yog lam hais. Koj yuav ua kom lub txiaj ntsim uas koj muaj nyob hauv kev txom nyem ntawd, rov tau muaj txoj sia nyob.
    Vim nej ua Yes Xus cov neeg, nej thiaj muaj kev txom nyem. Vim yog Yes Xus lub Moo Zoo,lub ntiaj teb yuav ntxub cov neeg ncaj. Mas Tswv Ntuj lub zog yuav nrog nej nyob nres nej.
    Txoj kev nej yuav taug yog txoj kev ncaj uas nej tau hnov los ntawm Yes Xus Pleev los uas nej ntseeg.
    *-Yes Xus hais li cas txog txoj kev ntseeg:
    Yes Xus lo lus hais tias, Yog nej ntseeg loj luaj li ib lub noob zaub. Mas nej yuav muaj lub peev xwm, hais rau tsob zaub ntawd tias:
    koj rov nrho koj mus cog nyob rau hauv lub hiav txwv los pem roob qhua, Ces tsob zaub ntawd yuav mloo nej lus,nws yuav txawj nrho nws mus cog rau qhov nej hais.
    Tsis muaj ib tug Tim Tswv nyob ntiaj teb no, yuav hais rau nws cov tub txib tias,koj so me ntsis, kuv mam ua mov rau koj noj li.
    Tsuas muaj cov Tim Tswv hais tias, Koj mus ua teb los lawm, Ces koj ua mov rau kuv noj tas. Koj mam noj tom qab, Koj yuav tsob hwb kuv ua ntej.
    Cov tub txib yuav mloog tus Tswv lus lus qhia ua ntej. Tswv Ntuj Cov tub txib, Tswv Ntuj tsuas cia lawv ua tej yam lawv xav ua xwb.
    Tswv Ntuj tsuas muab txoj kev ncaj kev thoob tsisb, los tso rau ntawd, nyias xaiv nyias raws li nyias nyiam ua.
    ZAJ THOV NTUJ.
    1. Peb thov Ntuj rau lub Koom Txoos, Kom lub Koom Txoos paub tias,Tswv Ntuj tsis tshuav Leej twg Nuj nqes. Kom txawj nco tias, lub Tswv Yim Ntuj muab nrog lub Moo Zoo, yog lub Tswv Yim muaj zog. Ntuj awb...
    2. Peb thov Ntuj rau cov Nom Tswv kav teb chaws, kom lawv txawj pom Tswv Ntuj lub zog nyob nrog tsoom pej xeem ua neeg me. Txhob quab yuam lawv nyob hauv kev txom nyem. Ntuj awb...
    3. Peb thov Ntuj rau cov neeg txom nyem,Kom lawv txawj tso siab rau Tswv Ntuj lub zog. Tuaj nres sawv daws kev iab kev khwv. Ntuj awb...
    4. Peb thov Ntuj rau cov neeg sau npe hnub no, thiab cov neeg muaj mob pw nyob tsev tshuaj los cov nyob hauv vaj tse.kom Tswv Ntuj mloog lub suab uas lawv niaj hnub thov txog Ntuj Ntuj. Ntuj awb...
    5. Peb thov Ntuj rau peb cov tuaj hnub no, kom peb txawj ua siab ntev mloog thiab nyiam raws peb tus Huab Tais Yes Xus Pleev qab. Ntuj awb...
    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 6th October 2016, 9:04 am



    NRUAB XYOO CHIV 28 C Tim 9/10/2016.

    Hnub Chiv 28 nruab xyoo no,Tswv Ntuj cov lus nyob hauv ntawv Vaj. Zaj,{5: 1-17.} 2 Tis Mos Tes zaj {2:8-13.} thiab Lus Kas,zaj {17:1-19.}hais tias:
    *-Cov tib neeg sawv daws txais Ntuj cov txiaj ntsim,tab sis muaj tsawg leej kawg, thiaj pom tias, Ntuj pub txiaj ntsim, thiab txawj ua Ntuj tsaug.
    *-Ua ib tug neeg ntseeg, los ua ib tug tshaj Ntuj lus, nyob hauv lawv tej hauj lwm, mas lawv yuav ntsib xwv txheej ntau:
    *-Vim lo lus uas Yes Xus hais tias, tus tuaj yeem nrog Yes Xus tuag. Mas nws kuj yuav nrog Yes Xus muaj txoj sia tshiab dua tuaj.
    *-Tswv Ntuj Leej Pleev, yuav pub paj tshab dawb rau tsoom neeg nyiam raws Yes Xus qab. Xws li tus Yaj Saub Es Lis Xais, kho tus thawj tub rog Nas Maas tus mob ruas zoo hlo. Nws tsis kam yuav tus nqi dab tsi li.
    Zaj lus no, yog los ntawm ib tug ntxhais tshaj Ntuj lus los! Thaum Tus Vaj As Las tso neeg tuaj lwg His xas Lais teb. Ces lawv tau coj tus ntxhais no, mus ua Nas Maas poj niam.
    Nas Maas yog ib tug neeg mob ruas, Tus Ntxhais no tau hais tias, Yog kuv tus Vaj, thov tus Yaj Saub nyob Xas Mas Lias teb.
    Mas nws yuav kho koj tus mob zoo tau,Nas Maas mus qhia rau tus vaj As Las. Ces tus Vaj tso Nas Maas mus Xas Mas Lias teb.
    Nas Maas nqa 10 choj nyiaj, 6000 lub txiaj kub, 10 cev ris tsho ua zam mus. Nrog tus Vaj ib tsab ntawv hais tias, Kuv xa kuv tus thawj tub rog tuaj rau koj kho kom zoo...
    Tus Yaj saub paub cov xwm tawm tuaj ntawd, ces nws tso neeg mus caw los kho kom nws paub Tswv Ntuj lub txiaj ntsim. Tus Yaj Saub hais rau Nas Maas tias:
    Koj yuav mus da tus dej Yos Las Das 7 zaus ces koj lub cev yuav rov huv tuaj lawm. Tus Tub rog xav tsis thoob, nws npau taws rau Es Lis Xais.
    Nas Maas cov tub txib tau cheem nws tias, Yog tus Yaj Saub qhia kom koj ua tej yam nyuaj dua no mas koj twb yuav ua thiaj yog.
    Nas Maas lam ua ib siab mus da txwm 7 zaus, ces nws lub cev huv tuaj tas tib si. Nas Maas thiaj ua Ntuj tsaug tias:
    Txij no mus kuv paub tias, tsis muaj lwm tus Tswv Ntuj loj dua nyob qhov twg li lawm. Tsuas muaj tus Tswv Ntuj nyob Xas Mas Lias teb no xwb.
    Ces Nas Maas muab cov paj tshab no rau Es Lis Xai. Es Lis Xais tsis kam yuav ib yam dab tsi li. Ces Nas Maas hais tias, Yog koj tsis txais cov paj tshab no.
    Mas thov koj muab ib co Av txaus ib tug Luj thauj rau kuv. Txij no mus kuv yuav tsis tsob hwb lwm tus Dab ntxiv li lawm.
    Thaum peb tuaj nyob hauv thaj Av hauv lub tsev teev Ntuj no. Peb kuj yuav xyaum cog lus li Nas Maas tias, txij no mus kuv yuav tsis tsob hwn lwm tus dab ntxiv lawm.
    Tsuas kawg muaj tib tug tswv Ntuj nyob hauv lub tsev teev Ntuj no xwb Thiaj yog tseem Tswv Ntuj.

    ZAJ THOV NTUJ.
    1. Peb thov Ntuj rau lub Koom Txoos,kom txawj ua Ntuj tsaug tias,muaj tib tug tseem Tswv Ntuj txawj pub txiaj ntsim rau neeg ntiaj teb no xwb. Ntuj awb...
    2. Peb thov Ntuj rau cov Nom Tswv kav teb chaws, kom lawv txawj ua Ntuj tsaug, lub caij lawv ua nom ua tswv kav teb chaws. Ntuj awb...
    3. Peb thov Ntuj rau cov neeg txom nyem, kom lawv txawj tso siab rau Tswv Ntuj kev khuv leej, thiab txawj hloov siab tig los ua Tswv Ntuj tsaug. Ntuj awb....
    4. Peb thov Ntuj rau cov tsis paub tswv Ntuj, kom Tswv Ntuj maj mam tshoj lawv los nrhiav tus tseem Tswv Ntuj, pub kev thaj yeeb rau ntiaj teb neeg. Ntuj awb....
    5. Peb thov Ntuj rau peb cov tuaj teev Ntuj hnub no. kom peb txawj cog lus rau Tswv Ntuj tias peb yuav tsis tsob hwb lwm cov dab ntxiv lawm. Ntuj awb...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 13th October 2016, 10:44 am



    NRUAB XYOO CHIV 29 C Tim 16/10/2016.


    Hnub no yog chiv 29,Tswv Ntuj cov lus qhia nyob hauv ntawv kev tsiv. Zaj{17: 8-13.}2, Tis Mos Tes zaj,{3:14-17.} thiab Lus Kas zaj,{18:1-8.} Hais tias:
    Thaum peb thov kom Tswv Ntuj pab peb,mas peb yuav ua siab ntev tos. Vim muaj ntau zaus, Tswv Ntuj tos kom peb tig los yuav lub siab tshiab thiab ntseeg zoo dua tso.
    Peb yuav muab lub siab tshiab los npuab Tswv Ntuj cov lus nyob hauv ntawv Ntshiab. Vim yog cov lus uas coj peb kev nrhiav Tswv Ntuj lub tswv Yim coj peb kev ua neej.
    Xws li thaud Mais Xes, nws muab siab rau thov Tswv Ntuj pab cov His Xas Lais. Uas mus ntaus kob tsov rog nrog cov As Mas Les.
    Thaum Mais Xes tsa tes rau saum ntuj, mas Tswv Ntuj muab lub zog thiab lub tswv yim zoo rau cov His Xas Lais. Kom lawv yeej, cov As Mas Les.
    Ntawm peb mas peb twb paub Tswv Ntuj cov lus nyob hauv ntawv Ntshiab tias,puas yog yog kev tseem ceeb. Cov ntawv Ntshiab no, yog Tswv Ntuj cov lus, uas Ntuj tau tshoj cov neeg Ntuj xaiv los sau tseg.
    Ntawv Ntshiab zoo qhia txuj rau neeg tiv thaiv txhua yam kev dag. Nws kuj pab qhia thiab kho tej zaj yuam kev. Nws zoo pab neeg xyaum mus taug kev ncaj ncees.
    Kom cov neeg xav muaj lub siab ncaj hlob tiav,thiab pab lawv tej hauj lwm kom zoo tuaj. Yes Xus thiaj hais rau nws pab Thwj tim tias:
    Nej yuav teev Ntuj tsis tseg,txhob ua siab me. Nej saib ib tug poj ntsuam,nws thov tus Nom txiav txim pab tsa nws cai, kom tau yeej cov yeeb ncuab.
    Tus Nom txiav plaub ntug ntawd, tsis hwm Ntuj thiab tsis saib neeg. Tus poj ntsuam ntawd niaj hnub tuaj txob nws ntau, ces nws kuj ua ib siab pab tsa tus poj ntsuam cai,kom nws tau nyob thaj yeeb.
    Tswv Ntuj twb yog Leej txiv siab zoo, Nws puas yuav tso cov me nyuam neeg niaj hnub thov Nws pov tseg. Yes Xus hais tias Tswv Ntuj yuav tsa lawv cai sai.
    Tab sis thaum Leej Neeg tus Tub rov los, Nws puas yuav ntsib tej tus neeg muaj lub siab ntseeg nyob ntiaj teb no.
    Leej Pleev tsuas ntshai tsam hnub Nws rov los, cov neeg yuav lub npe ntseeg txog Leej Pleev. Hloov siab mus pe ib co Tim Tswv ua neeg tsis paub lawv lub npe lawm xwb.

    ZAJ THOV NTUJ.
    1. Peb thov Ntuj rau lub Koom Txoos, cov phiaj neeg ntseeg. Kom sawv daws txawj ua siab ntev, mloog Tswv Ntuj thiab ntseeg zoo zuj zus tuaj. Kom Tswv Ntuj lub Koob mej tuaj txog sawv daws. Ntuj awb....
    2. Peb thov Ntuj rau cov Nom Tswv kav teb chaws, txawm lawv tsis hwm Tswv Ntuj los kom saib tau Ntuj tej me nyuam ua neej nyob ntiaj teb no. Ntuj awb...
    3. Peb thov Ntuj rau cov neeg txom nyem,kom lawv txawj tso siab thiab thov Ntuj daws lawv tej teeb meem nyob hauv kev txom nyem txhua yam. Ntuj awb...
    4. Peb thov Ntuj rau lub ntiaj teb neeg, kom muaj coob leej nrhiav txoj kev ncaj ncees, txawj sib hlub, sib zam nrog pab neeg nyob ua ke ntawd lawv cheeb tsam. Ntuj awb...
    5. Peb thov Ntuj rau peb sawv daws tuaj hnub no,kom Tswv Ntuj tshoj peb txhua tus ua neeg to tau Ntuj Zaj txuj ci ua neeg thoob tsib nyob hauv kev ncaj ncees. Ntuj awb...


    Yaj Zoov Ntxheb Xib Hwb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 20th October 2016, 9:21 pm



    NRUAB XYOO CHIV 30 C Tim 23/10/2016.


    Lub lis piam 30 no, peb rov ntsib Tswv Ntuj cov lus nyob hauv ntawv Npes Xis las zaj. {35:12-14+16-18.} 2 Tis Mos Tes,zaj {4:6-8+16-18.} thiab Lus Kas,zaj{18:9-14.} hais tias:
    *-Tswv Ntuj nyiam cov neeg me thiab lawv lees tias lawv muaj txhaum. Tswv Ntuj pab tsis tau cov uas lawv hais tias, lawv twb zoo txaus lawm.
    *-Zoo li thaum cov neeg Los Mas txiav txim rau Paj Lug, tas zeej tsoom tso nws pov tseg. lawv saib nws yog ib tug neeg muaj txhaum. Vim nws ntseeg txog yes Xus Pleev.
    Paj Lug tsis ntaus siab me, nws ua siab loj,vim Tswv Ntuj pub ib lub zog loj los nres Paj Lug.
    *-Tswv Ntuj yog tus txawj hlub cov neeg coj tus yam ntxwv me. Tswv Ntuj xav kom peb thov ntuj xws li cov neeg me. Uas lawv tos txhua yam txiaj ntsi tuaj saum ntuj tuaj.
    Tswv Ntuj thiaj yog tus txiav txim tsis kws leej twg cai. Tswv Ntuj tsis ua kom cov neeg pluag thiab cov neeg me, lawv muaj kev ntxhov siab.
    Tswv ntuj mloog cov neeg raug luag hiam lub suab thov Ntuj. Nws mloog cov me nyuam ntsuag thiab cov poj ntsuam,lub suab seev nyob hauv kev txom nyem.
    Xws li Paj Lug hais rau Tis Mos Tes tias,nyiam no txog lub caij uas kuv yuav hliv kuv roj ntsha los ua thaj txi Ntuj lawm, tas kuv sid, kuv tau ua ib ntsug zoo rog.
    Kuv khiav mus txog chaw lawm, kuv tau nyob hauv txoj kev ntseeg mus txog qhov kawg. Kuv tsis hloov siab mus pe ib tug tim tswv me me uas neeg tsis paub txog.
    ZAJ THOV NTUJ.
    1. Peb thov Ntuj rau lub Koom Txoos, kom cov phiaj neeg ntseeg txawj lees ua neeg me. Kom ntxim Tswv Ntuj nyiam. Ntuj awb...
    2. peb thov Ntuj rau cov Nom Tswv kav teb chaws, kom lawv txawj hlub cov neeg me uas lawv nyob hauv kev txom nyem txhua pab. Ntuj awb....
    3. peb thov Ntuj rau cov neeg txom nyem, kom lawv nco ntsoov tias muaj Tswv Ntuj ua tus hlub lawv txhua lub sij hawm. Ntuj awb...
    4. Peb thov Ntuj rau cov neeg sau npe hauv phau ntawv qhia rau Tswv Ntuj, thiab cov muaj mob los cov nyob tsev loj faj,cov muaj kev tu siab vim lawv muaj tsawg kwv tij los phooj ywg. Ntuaj awb...
    5. Peb thov Ntuj rau peb sawv daws tuaj hnub no. thaum peb ntsib kev txom nyem, peb txawj vam txog Tswv Ntuj lub zog los nres peb kev tus siab. Ntuj awb...


    Yaj Zoov Ntxheb Xib hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 28th October 2016, 6:38 am



    NRUAB XYOO CHIV 31 C Tim 30/10/2016.

    Hnub chiv lis piam 30 no. Tswv Ntuj cov lus rov nplij peb dua nyob hauv ntawv thoob tsib zaj,{11:23-26+12:1-2.} 2 2 Tes Xas Los Nis zaj. { 1:11-12+2: 1-3.} thiab Lus Kas zaj {19:1-10.} Hais tias:
    *-Tas zeej tsoom siab Ntxas Kais yog ib tug neeg muaj txhaum ntau. vim nws sau se, nws tau noj luag nyiaj ntau. Tab sis Yes Xus tsis ntshai mus ntsib Ntxas Kais. Ces Ntxas Kais tig los yuav lub siab tshiab.
    *- Nyob hauv peb mas peb yuav ua tej yam zoo, kom tsim nyog rau peb tus Huab tais lub meej mom. Vim muaj Nws nres ces peb thiaj yuav ua tau tej yam zoo li hais ntawd.
    *- Lub Sim Ceeb no yuav tsis dua mus sai, peb kav tsij xyaum ua tej yam zoo, kom neeg ntiaj teb tau nyob thhaj yeeb.
    Vim Tswv Ntuj nyiam txoj sia, Tswv Ntuj xav kom sawv daws tau txoj sia tseem ceeb nyob mus li. Tswv Ntuj khuv leej tas sawv daws, Ntuj qi muag kom tsis txhob pom neeg tej kev ua txhaum.
    Tswv Ntuj nyiam txhua tsav txhua yam kom muaj txoj sia nyob. Ntuj tsis thuam ib yam uas tau muaj txoj sia lawm. Tswv Ntuj xub qhuab qhia kom txuag txoj sia nyob hauv Ntuj co lus nrog ntawv Ntshiab. Kom cov uas lawv txawj nrhuav neeg txoj sia lawv tig los yuav lub siab tshiab. Hwm thiab txuag sawv daws txoj sia nyob.
    Rau Tswv Ntuj mam ua tus cawm kom dim, Peb cov ntseeg. Peb yuav thov Ntuj tsis tseg, Kom Tswv Ntuj hu sawv daws los txais txoj sia nyob mus li tiam tom ntej, uas Tswv Ntuj yuav pub dawb rau sawv daws ntawd.
    Peb yuav thov Ntuj rau peb, thiab rau lub ntiaj teb neeg. Kom sawv daws txawj xav thiab txawj ua lub siab ntev, kom Peb tus Huab Tais Yes Xus Pleev muaj koob meej nrog Nws txoj kev cawm seej.
    Yes Xus hais tias:
    Kwv tij nej yuav pom tej tus Yaj Saub tawm tuaj qhia ub qhia no rau nej! Luag yuav khaws tej lo lus los tej tsab ntawv los qhia tias.
    Yog Ntuj cov lus uas Ntuj txib neeg los qhia thiab sau tseg. Luag qhia txog tej tus Tim Tswv qis qis rau nej. Tej ntawd muaj lus dag nyob hauv tias. Lub ntuj lub teb yuav kawg yuav kawg sai sai.
    Nej txhob lam yuam kev mus raws, Nej yuav txiav txim siab kom meej li Ntxas Kais. tig los npuab leej Pleeb xwb. Kom Yes Xus tau kev tuaj so hauv nej tsev.
    Yes Xus thiaj foom lus zoo rau nej tias, Nej yog Has Nplas ib tug xeeb ntxwv tiag. Vim nej muaj txoj kev ntseeg li thawj Leej Txiv xub ntseeg txog Tswv Ntuj.
    Ntxas Kais tau cog lus meej nyob ntawm Huab Tais xub ntiag tias, Kuv tig los yuav lub siab tshiab. yog kuv ua tsis ncaj rau leej twg, mas kuv yuav xa plaub npaug rov rau nws.
    Peb kuj yuav ua li ntawd kom tau txais lo lus Leej Pleev foom los tias hnub no txoj kev cawm neeg tuaj txog lub tsev no. Vim nws yog Has Nplas ib tug xeeb ntxwb { Kuj Yog Tswb Ntuj me nyuam los Ntuj xeeb ntxwv.}

    ZAJ THOV NTUJ.
    1. Peb thov Ntuj rau lub Koom Txoos, kom Leej Pleev thiab peb txhob tshai mus ntsib cov neeg muaj txhaum. kom lub Koom Txoos tau foom hmoov zoo rau coob leej los ua Has Npas cov xeeb ntxwv. Ntuj awb...
    2. Peb thov Ntuj rau cov nom tswv kav teb chaws. Kom lawv txawj ua zoo rau tsoom pej xeem. Thiaj tsis muaj neeg raug kev tu siab thiab txawj xyaum ua neeg zoo tuaj, Ntuj awb...
    3.Peb thov Ntuj rau cov neeg txom nyem cov neeg muaj txiab nkeeg, cov raug kev tshaib pab, cov tus siab nyob ntiaj teb no. kom lawv txawj khaub yig txog Tswv Ntuj kev pab cuam. Ntuj awb....
    4. Peb thov Ntuj rau cov tub ntxhais hluas, kom Tswv Ntuj txib ntau leej mus ua leej Pleev cov tiam lis xa lub Moo Zoo rau ntiaj teb neeg paub. Ntuj awb...
    5. Peb thov Ntuj rau peb paug ntseeg nyob { N...} no, kom peb txawj zeem Leej Pleev, txais Nws los nyob hauv peb tej vaj tse. Ntuj awb...
    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 3rd November 2016, 10:37 am



    NRUAB XYOO CHIV 32 C Tim 6/11/2016.


    Hnub chiv 32 no, peb rov ntsib tswv Ntuj nyob hau cov tsab ntawv. Mas kas Npes zaj,{ 7:1-2+9-14.} 2Tes Xas Los Nis zaj,{2:16-17+3:1-15.}Thiab Lus Kas zaj,{20:27-38.} Hais tias:
    *-Tswv Ntuj yog cov neeg muaj txoj sia tus Tswv Ntuj,peb thiaj zoo siab ntseeg txog. Yog tias txoj kev tuag yeej yuav tuag mus li tiag, tsis sawv rov los. Vim li cas Tswv Ntuj ho nyiam peb tas npaud.
    *- Tswv Ntuj nyiam peb, mas Nws yuav nres peb kom muaj txoj sia nyob mus li. Peb yuav nyob ruaj nreb hauv txoj kev ntseeg,thiab xav tswv yim, ua hauj lwm kom zoo.
    Kom Tswv Ntuj lo lus hlob mus thoob lub qab ntuj khwb no. rau zeej tsoom sawv daws tau hnov thiab zeem txog Tswv Ntuj.
    *- Li ntawd mas cov tuaj yeem siv lawv lub zog los pab luag. mas tiam tom ntej lawv yuav sawv rov los muaj txoj sia xws li Tswv Ntuj uas Nws muaj txoj sia nyob.
    Raws li zaj keeb kwm los ntawm pab me nyuam Mas Kas Npes hais rau tus Vaj Hes Las Xis Lias tias:
    Peb tsis kam hla txoj cai uas Tswv Ntuj muab rau Mais Xes coj los qhia. Lawv hais rau tus Vaj tias,koj xav ua dab tsi rau peb? Peb tuaj yeem tuag zoo dua peb hla txoj cai Tswv Ntuj muab rau peb cov yawg koob.
    Tus Vaj yuam lawv ib tug zuj zus,tus ob hais rau tus Vaj tias, neeg tsiv tsaim. Koj tsis pub peb ua neej nyob, Tab sis tus Vaj kav lub Sim Ceeb, Nws yuav tsa peb sawv rov los.
    Ces peb yuav tau muaj txoj sia nyob mus li. Peb zoo siab tuag dua peb hla txoj cai.
    Thaum txog tus peb, nws cev nws ob txhais tes rau lawv txiav nws hais tias:
    Yog Tswv Ntuj pub tes taw rau kuv,Kuv nyiam Tswv Ntuj du kev ua txhaum. Kuv tso siab tias Ntuj yuav rov muab tes taw rau kuv.
    Lawv qhuas tias, Ua cas nws yuav saib kev txom nyem tseem ceeb tshaj. Zoo li kev txom nyem tsis ceeb laj ris li! Thaum lawv coj tus plaub los.
    Nws hais tias, neeg txhais tes tua kuv. Mas kuv tsis khuv xim,Kuv tso siab tias, Tswv Ntuj yuav tsa kuv sawv rov los. Hos koj mas yuav tsis rov muaj txoj sia.
    Tas rho 7 leej kwv tij tau tuag zoo tib yam li ntawd.
    Nyob hauv tsab ntawv ob, Paj lug kuj tau hais rau cov Tes Xas Los Nis tias,kuv xav kom peb tus Huab Tais nplij nej lub siab.
    Tswv Ntuj yog tus txawj hlub neeg ntiaj teb, Nws yuav nplij thiab nres, pub kev lom zem, rau peb thiab lub Sim Ceeb no ntau leej.
    Tswv Ntuj nres sawv daws tej hauj lwm kom zoo tib si. Nej yuav thov Ntuj pab nej taug Huab Tais txoj kev, mus ntxiv kom Tswv Ntuj thiab Leej Pleev muaj koob meej.
    Thiab thov kom Ntuj tso nej dim ntawm cov neeg phem txhais tes. kom nej tau nyob kaj siab lug hauv Ntuj kev nyiam kev hlub.
    Nyob hauv Lus Kas ntawv Moo Zoo, Yes Xus kuj hais ib qho tias:
    Cov Xas Dus Kais lawv tsis ntseeg tias, neeg yuav sawv rov los. Lawv hais rau Yes Xus tias, Xib Hwb! Yog ib tug hauv pab kwv tij ntawd.
    Tus tij laug yuav poj niam. nws tuag lawm, tsis tau muaj tub ki. Nws tus kwv qaws tus niam tij kom tau muaj caj ces keeb kwm nyob.
    Lawv 7 leej kuj tau yuav tus poj niam ntawd, ua li thaum neeg sawv rov los lawd. Tus poj niam ntawd yuav yog leej twg tus?
    Yes Xus teb rau pab Xas Dus Kais tias, nyob ntiaj teb no, neeg sib txis ua txij nkawm. Nyob kom tau sib sib pab sib ua luag, sib nres ua neeg dawb huv. Neeg thiaj tsib txis ua txij nkawm.
    Cov uas Tswv Ntuj txiav tias, lawv tsim nyog pom tiam tom ntej. Mas lawv yuav tsis txis txij nkawm lawm. Vim lawv yuav tsis rov tuag dua ntxiv.
    Tswv Ntuj cov Tshiab, thiab cov neeg sawv rov los, lawv yog Tswv Ntuj cov tub ki. Lawv yuav nyob zoo li Tswv Ntuj, tsis txawj tuag.
    Vim tias, Tswv Ntuj yog cov neeg muaj txoj sia tus Tswv. Tswv Ntuj tsis yog cov neeg tuag tus tswv Ntuj.

    ZAJ THOV NTUJ.
    1. Peb thov Ntuj rau lub Koom Txoos,kom tsoom neeg ntseeg, tso siab tias. Lub hnub yuav tawm tuaj kaj cov neeg siab ncaj xws li cov tshuaj khom neeg mob kom zoo hlo. Ntuaj awb...
    2. Peb thov Ntuj rau cov Nom Tswv kav teb chaws. pub kev thaj yeeb rau ntiaj teb cov neeg txom nyem. thiab cheem kev ua tsov rog tseg. Ntuj awb....
    3. Peb thov Ntuj rau cov neeg txom nyem uas yog haiv neeg hu ua Hmoob. Kom Tswv Ntuj khuv leej s,d. thiab nplij cov neeg raug xaiv lus, los cov tsis muaj noj haus ntawd. Ntuj awb...
    4. Peb thov Ntuj rau cov sau npe hnub no thiab cov muaj mob pw tsev tshuaj, los cov nyob hauv lawv vaj tse. Tswv Ntuj thov koj pub paj tshab rau lawv. Ntuj awb...
    5. Peb thov Ntuj rau cov tuaj teev Ntuj hnub no, uas lawv tau hnov Tswv Ntuj cov lus pub txoj sia nyob mus li. Kom lawv ntseeg khov ntseeg ruaj. Ntuj awb...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 10th November 2016, 10:51 am



    NRUAB XYOO CHIV 33 C Tim 13/11/2016.


    Hnub chiv 33 no, Tswv Ntuj cov lus rov ntuas pab nyob hauv cov tsab ntawv. Mas Las Kias zaj,{3: 19-20.} 2 Tes Xas Los Nis zaj.{3: 7-12.} Thiab Lus Kas zaj,{21:5-19 hais tias:
    *- Lub Koom Txoos pab neeg, tsis yog pab neeg muaj hwj chim rau laug hwm. Cov neeg ntseeg txog Yes Xus lub npe, yuav ntsib kev raug luag ntxub, thiab hiam, liam ntau yam rau lawv.
    *- Tas peb sid, peb yuav pom lub ntiaj teb muaj kev sib ntxub, sawv sawv daws yuav ua tsov rog, sib ntaus sib tua. Yuav muaj xwv txheej tshwm sim tuaj.
    Peb yuav nco ntsoov tias lub sim Ceeb uas peb pom tej kev txom nyem ntawd, mas yuav tsis nyob ntxiv. Lub Ceeb Tsheej yuav nyob mus li ntawd, tsuas yog Tswv Ntuj lub Ceeb Tsheej xwb.
    *- Tswv Ntuj lo lus hais tias:
    Thaum Yes Xus rov tuaj,mas sawv daws yuav pom zoo li lub hnub, yuav hlawv lub ntiaj teb cov neeg phem siab nkhaus, thiab lub hnub yuav kaj cov neeg siab ncaj.
    Thaum ntawd, lub hnub yuav tawm tuaj, nws ntaiv cuag li ib lub cub tawg loj tas nrho. Cov neeg ncauj ncab siab phem ntawd, lawv yuav txais taws sai li cov quav nyab npleg.
    Lawv yuav kub hnyiab sai, tsis tshuav cag los tshuav kav seem li. Cov sab hnub kub ntaiv ntawd, yuav nqa kev kho mob tuaj rau cov neeg siab ncaj.
    Kom lawv zoo hlo cuag li yog txawj plhis dua tshiab mus lawm. Luv caij ntawd, tas txhua yam muaj hwj huam nyob saum ntuj yuav ua zog koog,thiab poob los.
    Cov Xas Dus Kais lawv tsis ntseeg tias neeg yuav sawv rov los. Lawv thom Yes Xus tias:
    Xib Hwb yog ib pab neeg, tus tij laug yuav poj niam, nws tsis tau muaj tub ki. Nws tug lawm. Nws tus kwv qaws tus niam tij ntawd. kuj tuag mus thiab.
    Tas 7 leej kwv tij puav leej tau yuav tus poj niam ntawd. Ua li txog hnub sawv rov los ne! Tus poj niam ntawd yuav yog leej twg tus?
    Yes Xus teb rau pab Xas Dus Kais tias: Cov neeg nyob ntiaj teb no, lawv sib txis ua txij ua nkawm. sib txis kom tau kev sib pab, sib ua luag, kom tau ua neeg dawb huv.
    Tab sis cov uas Ntuj txiav tias lawv tsim nyog pom tiam tom ntej. mas lawv yuav tsis sib txis ua txij nkawm lawm. Vim lawv yuav tsis rov tuag dua ib zaug ntxiv.
    Ntuj cov Tshiab thiab cov neeg sawv rov los, lawv yog Tswv Ntuj cov tub ki, lawv yuav nyob zoo li Tswv Ntuj uas Nws tsis txawj tuag mus.
    Vim Tswv Ntuj Nws yog cov neeg muaj txoj sia tus Tswv Ntuj. Nws tsis yog cov neeg tuag tus Tswv Ntuj.
    ZAJ THOV NTUJ.
    1. Peb thov Ntuj rau lub Koom Txoos,kom Tswv Ntuj pub lub Tswv Yim rau txhua tus neeg ntseeg to taub tias, Tswv Ntuj yog cov neeg ciaj tus Tswv Ntuj. Ntuj awb...
    2. Peb thov Ntuj rau cov Nom Tswv kav twb chaws,kom lawv tso kev ua tsov rog tseg. Los sib cog kev thaj yeeb ua ke. Ntuj awb....
    3. peb thov Ntuj rau cov neeg txom nyem,uas lawv muaj mob nkeeg. thiab cov sau npe rau Tswv Ntuj. Kom Tswv Ntuj daws sawv daws tej yeeb meem ntxhov siab ntawd mus. Ntuj awb...
    4. Peb thov Ntuj rau tej phooj ywg uas peb paub nyob qhov ub qhov. kom Tswv Ntuj hlub txog cov neeg nyiam tso siab rau Ntuj. Ntuj awb...
    5. Peb thov Ntuj rau peb cov tuaj hnub no. Kom Ntuj xaiv peb los ua cov tsim nyog pom Tswv Ntuj nyob rau lwm tiam. Ntuj awb...
    Yaj Zoov Ntxheb Xib Hwb.





    Sponsored content

    Re: XH.Zoov Ntxheb Yaj Nthuav Ntawv Ntshiab.

    Post  Sponsored content Today at 3:41 am


      Current date/time is 10th December 2016, 3:41 am