Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XH.Zoov Ntxheb Yaj Nthuav Ntawv Ntshiab.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 4th December 2014, 9:03 am



    TOS HUAB TAIS CHIV 2 Xyoo B, tim 07-12-2014



    *-Tus Yaj Saub His Xais hais tias: {40:1-5+9-11.}
    Tswv Ntuj niaj hnub tuaj xyuas nws cov neeg xws li tus tswv zov Yaj tuaj saib nws pab Yaj.
    Mloog Tswv Ntuj lo lus mas zoo li Nws niaj hnub hais rau cov thawj neeg tias:
    Nej nplij kuv haiv neeg mas! Nej hais lus nrov rau lub ntiaj teb neeg mloog tias, nyiam no lub caij mus ua tub zog, ua qhev them txim txhaum  dua lawm.
    Txoj kev them txim txhaum cov paj tshab tuaj ntawm saum ntuj tuaj muaj nqes tshaj kev them txim txhaum li ob npaug lawm.
    Tswv Ntuj lub ncauj hais tias:
    Nej ntsia nej tus Tswv Ntuj tuaj xws li tus  muaj tsim, muaj hwj chim hwj huam loj tas nrho. Txhua Haiv neeg tuaj zwm rau Nws, cov Haiv neeg uas Nws txeeb tau tuaj ua nws ntej xws li cov Yaj  tuaj mus nog zaub.
    Zaum no, txhua Haiv neeg yuav pon Tswv Ntuj lub hwj huam, hwj chim, raws li lub suab qw nyob teb chaws Suab Puam tias:
    Nej npaj txoj kev rau Tswv Ntuj taug. Nej ncaus ib txoj kev ncaj rau Tswv Ntuj tuaj txog nej tej zos los nej lub tsev. Nej txhub cov kwj ha kom tiaj. Nej tshav cov hauv roob kom qis.
    Cov qhov ntuj thiab tej toj ntxhab, nej txhub kom tiaj zoo ua tshav rag nyuj rag neeg, thiab zoo ua tshav zaub rau Cov Yaj mus nog zaub.
    Ces Tswv Ntuj lub hwj chim yuav tawm tuaj rau sawv daws pom xyeem. Yog lub caij uas cov neeg muaj mob nkeeg thiab cov neeg ris nra hnyav yuav tau so los siav lawm.

    **-Li ntawd Pob Zeb thiaj hais qhia peb tias: { 3:8-14.}
    Huab Tais ua siab ntev tos kom peb tig los yuav lub siab tshiab. Mas peb txhob ncua ntev, vim peb tsis paub tias, Huab Tais yuav tuaj tos peb hnub twg!
    Pob Zeb qhia rau peb tias:
    Kwv tij, tshuav ib yam uas nej yuav tsum tau paub txog:
    Nyob hauv Huab Tais Ntuj mas, 1000, xyoo yog ntev zoo li ib hnub. Ib hnub thiab 1000 xyoo yog ntev tib yam xwb. Thaum Huab Tais  cog lus tias Nws yuav cia ib yam los Nws yuav rhuav ib yam mas Huab Tais tsis ncua ntev.
    Muaj neeg hais tias Huab Tais yuav ua dab tsi mas Huab Tais ua qeeb qeeb. Qhov ntawd yog vim Huab Tais ua siab ntev rau neeg ntiaj teb xwb. Nws xav txuag sawv daws kom txhob ploj mus sai.
    Huab Tais lub hnub nyoog yuav tuaj ntawd zoo li tus tub sab, nws tuaj thaum neeg tsis ceev faj. Thiab zoo li lub khauv zeeg cua, ib vuag xwb ces yaj ntshis tas lawm.
    Ua li mas peb txhob ncua ntev, coj lub siab tshiab, teev Ntuj tas zog, Kom Tswv Ntuj lub hnub nyoog tuaj sai Ces lub ntuj lub teb tshiab thiaj yuav tuaj nyob raws li  lo lus tau cog cia.
    Ua li mas lub caij peb tos ntawd, thov kom peb txhob muaj lub siab tsis huv rau Huab Tais pom nyob rau qhov chaw kaj.

    ***-Ces Mas Kos ntawv Moo Zoo hais ntxiv tias:{1:1-8.}
    Kom peb tig los yuav lub siab tshiab tos Yes Xus Pleev. Yog peb coj tus yam ntxwv ua neeg them txim txhaum, mas peb lub siab yuav kaj.
    Thaum Mas Kos pib qhib Yes Xus lub Moo Zoo hais txog Yes Xus Pleev yog Tswv Ntuj Leej tub.  Raws li Tus Yaj Saub His Xais hais tias, kuv xa kuv tus tiam li ua koj ntej kom tau npaj txoj kev rau koj taug.
    Kwv tij hnub no yog ib hnub tseem ceeb rau peb cov neegt ntseeg tias:
    Tswv Ntuj tau txib sawv daws ua Tswv Ntuj cov Yaj Saub, kom tau ua Leej Pleev cov tiam lis thoov kev rau Yes Xus Pleev taug.
    Yes Xus Pleev tuaj nyob hauv lub sim ceeb no lawm. Tshuav qhov uas Leej Pleev yuav tuaj nyob txawm hauv peb sawv daws nrub siab nruab cev.
    Peb yuav  ncaus cov toj roob siab hauv peb kom qis, yuav txhub cov hav tob ntawm peb kom tiaj, cov qhov ntuj thiab cov toj ntxhab peb yuav meem av rau kom tiaj, zoo ua tshav zaub rau Nws pab Yaj nog, los tiaj kom zoo rag nyuj rag nees rau neeg saib.
    Peb cov xub ntseeg lub Moo Zoo yog peb li hauj lwm. Peb yog lub suab qw nyob teb chaws suab puam tias, nej npaj Huab Tais txoj kev kom tiaj tus rau Huab Tais taug tuaj kom txog nej lub zos los nej lub tsev.
    Peb yuav tshaj rau peb lub siab tias:
    Nej txhob ncua ntev, txog lub caij lawm nej cia li tig los yuav lub siab tshiab. Rab taus nyob ze lub hauv paus ntoo lawm, Cov ntoo tsis txi txiv tus Tswv yuav muab ntov pov tseg. Cia chaws cog dua tsob ntoo tshiab, kom txi txiv ncw.

    -ZAJ THOV NTUJ.


    1. Peb thov Ntuj rau Tswv Ntuj lub Koom Txoos, Tswv Ntuj rov tuaj xyuas nws cov neeg, zoo li tus tswv zov Yaj nws tuaj xyuas nws paj Yaj mus li. Tswv Ntuj thov koj pov hwm thiab txuag koj lub Koom Txoos kom muaj zog tig los yuav lub siab.  Peb thov koj.
    2. Peb thov Ntuj rau cov Nom Tswv kav teb chaws, Huab Tais thov koj ua siab ntev tos kom neeg tig los yuav lub siab tshiab, kom cov nom Tswv txawj hlub tsoom pej xeem ces lub teb chaws yuav tau nyob kaj lug.
    Peb thov koj...
    3. Peb thov Ntuj rau cov neeg txom nyem. Cov nyob tsev loj faj, cov muaj mob nkeeg txhua tus, cov pw tsev tshuaj  cov tom vaj tsev, thiab cov tuaj ntawm no tib si.  Tswv Ntuj koj yog cov neeg txom nyem ntawd tus tswv Ntuj. Thaum lawv raug kev txom nyem no lawv tau them txim lawm thov koj khuv leej lawv.  Peb thov koj...
    4. Peb thov Ntuj rau cov neeg ntxhov siab, cov tu siab, cov tsis muaj kwv tij,  cov niam txiv tsis sib hlub,cov tsis muaj vaj tse nyob, cov neeg thoj nam. Tswv Ntuj koj paub lawv teeb meem zoo dua, Koj khuv leej lawv mog.
    5. Peb thov Ntuj rau cov tuaj teev Ntuj hnub no. Tswv Ntuj thov koj pub txiaj ntsim los ntawm lub thaj txi ntuj hub no rau peb kom muaj zoo dej tshuaj los kho peb tej mob nkeeg nyob hauv peb nruab siab.  Peb Thov koj...
    6.Peb cev peb zaj lus nyias muaj nyob nyias nruab siab rau Ntuj  Kom nTuj ntxhuav txhua yam tsis huv los paug rau peb nruab siab tawm mus.    Peb thov koj...


    Yaj Zoov Ntxheb, Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 11th December 2014, 10:58 am



    TOS HUAB TAIS CHIV 3 B.Tim 14-12-2014


    Source : lilia59.centerblog.net

    *- His Xais hais tias: {61:1-2+10-11.}
    Yes Xus yog tus ua kom cov neeg txom nyem rov zoo siab tuaj. Peb cov neeg ntseeg yuav koom nrog Yes Xus ua kom tsoom neeg txom nyem dim ntawm lawv tej kev ntxhov siab.
    Kwv tij Tswv Ntuj lo lus hais tias:
    Huab Tais lub Tswv yim yuj nyob saum peb, Tswv Ntuj tau Pleev peb, ua cov xa lub Moo Zoo rau cov neeg pluag. Huab Tais xa peb mus qhwv cov neeg muaj lub siab ntsoog, Huab Tais xav kom poeb mus tshaj tias, cov neeg nyob txim nyob tim tsev loj faj yuav tau dim.
    Qhov tseeb tiag, Cov muaj lub siab ntsoog nyob hauv tsev loj faj ntawd, mas twb yog peb lawm ntag.
    Peb txawm yog cov neeg muaj lub siab puas ntsoog. Vim peb tsis muaj kev tso siab rau Tswv Ntuj txaus, Tsis muaj tus pab peb qhib peb lub tswv yim, peb lub siab tsis lim laj nthuav ntxeev, peb ua txhua yam tsis paub siab tsis paub qis ua txhaum ntuj tub qaug neeg los peb tsis leem cai thiab tsis paub txog li. Peb tsis paub kev ua phooj ywg kom tau kev paub tau kev kawm  rau sab zoo.  Peb cia li pw nyob hauv kev tsaus ntuj, maub mus tsis tshwm sab twg li. Ua neej nyob tsaus ntuj nti qi muag cia xwb. Tsis pom tsis paub ntuj kag li. Muaj mob muaj nkeeg los npua mob npua ntsaj mus li xwb.

    **-Paj Lug thiaj qhia zaj lus no rau cov Tes Xas Los Nis thiab rau peb tias: { 5:16-24.}
    Cov neeg ntseeg mas yuav coj li ib co neeg ua lub neej kaj siab lug, luag nyav mus li, thiab yuav xyiv fab mloog Leej Ntuj plig coj peb txoj kev ua  Yes Xus tim khawv.
    Yog Leej Tswv Yim Ntshiab xav kom peb ua li ntawd. Peb txhob muab Leej Tswv Yim Ntshiab tua li tua teeb.  
    Cov ua li no mas lawv ua kom lub txiaj ntsim uas Leej Tswv Yim Ntshiab muab pub rau lawv poob qis qis. Nej yuav tsis txhob nrug ntawm Leej Tswv Yim Ntshiab li. Nej muab siab rau zam  kev kom deb ntawm tej kev haub kev ntxias kom lub cev thiab tus ntsuj plig tsis muaj chaw xyeej. Ces nej thiaj mus tos tau Leej Pleev rov tuaj hu peb ua cov neeg tsis fav xeeb.

    ***- Ces thiaj muaj raws li Zam hais hauv ntawv Ntshiab tias: { Zam 1: 6-8+19-28.}
    Cov ntseeg tshaj Yes Xus lub Moo Zoo, mas yuav nco ntsoov txog Yes Xus lub Koob Meej. Txhob txeeb los nyiag Yes Xus lub Koob Meej los ua yus lub.
    Yuav ua raws li Zam ntxuav Plig hais:
    Kuv tuaj ua Tim Khawv hais txog txoj kev Kaj xwb.
    Muaj ib tug nyob nruab nrab nej. Nej tsis paub Nws.  Nws lawv kuv qab tuaj. Kuv twb tsis tsim nyog daws nws txoj hlua khau.
    Kwv tij, cov uas lees paub tus nyob nruab nrab peb ntawd mas lawv yog cov neeg tau kho lawv tej xub ke kom ncaj tuaj, rau Tus Huab Tais tuaj mus txog lawv lub zos los lawv lub tsev.
    Hos cov tsis tau lees paub mas lawv yog cov Fas Lis Xais uas Tseem yuav tos tus Pleev uas yuav tuaj coj lawv mus ntaus rog, Nws yuav qhia cov txuj ci tshiab rau lawv kom ua neeg paub paub kev xam khib, thiab paub kev cib nyeej, paub kev npau taws zam tsis tau rau leej twg li.

    ****-ZAJ THOV NTUJ.
    1. Peb thov Ntuj rau lub Koom Txoos, Tswv Ntuj koj .lub tswv Yim yuj nyob saum nws lub Koom Txoos. Thov koj los ua tus coj thiab pov hwm lub Koom Txoos uas Leej Pleev tsa nyob saum lub Pob zeb, Vim Leej Pleev tau foom tias, Dab phem cov rooj loog yuav tsis yeej lub pob zeb ntawd. Peb thov koj
    2. Peb thov Ntuj rau cov Nom Tswv kav teb chaws. Tswv Ntuj xa kuv tuaj tshaj tias cov neeg nyob txim yuav dim. Tswv Ntuj thov koj pab cov nom tswv kom lawv txawj hlub tsoom pej xeem kom lub teb chaws tau nyob nyab xeeb.   Peb thov koj...
    3. Tswv Ntuj Koj xa lub Moo Zoo tuaj txog cov neeg pluag. Tswv Ntuj koj yog cov neeg txom tus Tswv Ntuj. Thov koj lub siab hlub neeg tuaj ua tshuaj kho cov neeg mob, pw nyob tsev thuaj, cov nyob hauv lawv vaj tse, cov tuaj ntawm no kom lawv nyob kaj siab lug.   Peb thov koj...
    4. Peb thov ntuj rau cov neeg tuaj teev  ntuj hnub no Tswv Ntuj koj qhib lub Moo Zoo nrog thaj txi ntuj hnub no  los ua kub tshuaj kho peb lub cev thiab tus ntsuj plig, kom  tau koob tau hmoov zoo.  Peb thov...
    Y.Z. N.X.H.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 18th December 2014, 10:51 am



    TOS HUAB TAIS CHIV 4 B. Tim 21-12-2014


    *-Ntawv Xas Muas ob hais tias: {7:1-5+8-11+16.}
    Tus Vaj Das Vis xav tias, nws yuav txhim ib lub Tuam tsev rau Tswv Ntuj nyob thiaj phim.
    Ces Tswv Ntuj hais rau Das Vis tias:
    Nws yuav muaj Koob Meej nyob hauv Nws tus xeeb ntxwv Yes Xus.
    Yog lub caij ua cov yeeb ncuab tuaj vij tas Das Vis lub teb chaw, ces Das Vis hais rau tus Yaj Saub Nas Taas tias:
    Koj sim ntsia saib, kuv nyob hauv ib lub tsev uas xuas ntoo vaj khaum loj los ua. Hos Tswv Ntuj lub nkoj cog lus muaj nqe tshaj kuv lawm ntau npaug, ho nyob hauv ib lub tsev tsam phooj xwb.
    Tom qab ntawd Tswv Ntuj lo lus thiaj nrov ntawm tus Yaj Saub Nas Taas tuaj tias:
    Thaum koj tseem ua tub zov Yaj mas kuv twb xaiv koj los ua tus ntaus thawj coj tsoom His Xas Lais lawm.
    Kuv tau muab ib lub Koob Meej loj tshaj cov neeg nyob ntiaj teb no rau koj. Lub Koob Meej no yuav nyob ntawm Tswv Ntuj xub ntiag mus li, ces koj lub theej kiab yuav nyob ruaj nreb mus tiam dhau tiam. Ua li mas Tswv Ntuj zoo siab tuaj nyob hauv lub tuam Tsev uas koj txhim.
    Kwv tij, Tswv Ntuj niaj hnub hu peb, Nws niaj zaus hais tias, Thaum nej ua tub kawm ntawv los ua tub qoob loo kuv twb xaiv nej  los ua cov ntaus thawj lawm. Nej yuav txhim ib lub Tuam tsev rau kuv tuaj nrog nej nyob. Kuv thiaj tau tuaj mus ntsib kuv tej zoo phooj ywg. Kuv yuav qhia kuv cov Phooj Ywg ntawd kom lawv qhib qhov rooj rau kuv leej tub uas kuv nyiam nws kawg ntawd kom tau nrog lawv nyob thiab.

    **-Paj Lug thiaj hais ib co lus tshooj ntxiv rau cov Los Mas thiab peb tias: { 16:25-27.}
    Txij thaum Yes Xus yug los nyob ntiaj teb no mas, ntiaj teb thiaj paub txoj hmoov zoo uas Tswv Ntuj npaj rau lub ntiaj teb neeg.
    Tswv Ntuj lub hwj Chim hwj huam no loj thiab tob heev.  Nws tau npog los txog lub zim txwv uas Yes Xus yug los, ntawm Das Vis caj ces.
    Tswv Ntuj mam pib qhib rau neeg ntiaj teb no tau paub.  Tswv Ntuj yeej ib txwm txiav tias, yuav ceeb toom tej yam npog thiab zais ntshis ntawd,  muab qhib rau neeg ntiaj teb paub txij lub hauv paus los.
    Kom neeg ntiaj teb pom xyeem tias, Tswv Ntuj tib leeg yog tus thoob tsib tuav lub hwj huam, thiab lub Koob Meej zoo nyob mus li.
    Ntuj xav kom lub Koob Meej nyob hauv Leej Pleev los roos cov neeg siab dawb, uas tsos siab rau Leej Pleev, kom sawv daws ib txhij muaj Koob Meej nyob mus tas txhiab niag tim puas xyoo.

    ***Ces Lus Kas ntawv Moo Zoo thiaj piav tias: {1:26-38.}
    Yog vim Mab Liab uas yog Das Vis ntxhais xeeb ntxwv, zoo siab ua Tswv Ntuj tus ntxhais txib.
    Ces Mab Liab tau qhib rooj ntug rau Yes Xus nqes los ua neeg, nyob ntiaj teb no.
    Lub zim txwv ntawd Ntuj tus  Tshiab Nkas Nplias tawm tuaj hais tias:
    Koj nyob zoo Mab Liab, tus muaj txiaj ntsim puv siab. Huab Tais Ntuj nrog koj nyob.
    Tswv Ntuj saib koj muaj lub siab ntshiab, ntxim Tswv Ntuj siab. Koj yuav xeeb ib tug tub, koj yuav tis nws lub npe hu ua Yes Xus.
    Kwv tij niaj hnub Nkas Nplias cov kwv luag tuaj xyuas peb sawv daws lawv hais tib hom lus li ntawd rau peb thiab:
    Leej  Tub, thiab Leej Ntxhais, zoo nyiam thiab ntxim hlub, Tswv Ntuj nyiam nej. Nej mloog kuv Leej tub uas kuv nyiam nws kawg  no cov lus. Nws yog kuv Leej tub thoob tsib, Nws muaj Koob Meej nto moo lug, Nej yuav muaj Koob Meej nyob hauv nws, mus tiam dhau tiam thiab.

    ****-ZAJ THOV NTUJ.
    1. Peb thov Ntuj rau lub Koom Txoos. Tswv Ntuj xub xaiv Das Vis thaum nws ua tub zov Yaj. Tswv Ntuj cov Tswv Qhia thiab Vaj Qhia yog koj xaiv lawv thov koj pab muab kev thoob tsib rau lawv kom lawv nyob hauv Leej Pleev lub Koob meej mus li.  Peb...
    2. Peb thov Ntuj rau cov Nom Tswv. Tswv Ntuj koj yog sawv daws tus thawj Nom muaj Koob Meej, koj pab cov nom Tswv no ua neeg thoob tsib kom raug pej xeem hwm. Lawv thiaj muaj koob meej coj teb chaws zoo.Peb..
    3. Peb thov Ntuj rau cov neeg txom nyem:
    Tswv Ntuj koj qhib tej yam zais ntsis ua neeg tsis paub rau cov neeg txom nyem  paub, thiaj tsis muaj neeg mus nyob tsev loj faj, tsis muaj neeg raug mob, tsis muaj neeg mus pw tsev tshuaj, tsis muaj cov ris tej tus mob tsheej xyoo. Peb...
    4. Peb thov Ntuj rau cov tub tshaj Ntuj lus.
    Tswv Ntuj koj hu ib co neeg tshiab tuaj ua koj tej teej qav teej num kom lub ntiaj teb paub txog Koj Leej tub zoo nyiam lub Koob meej.
    5. Peb thob ntuj rau tej yam muaj ua yus paub tsis tai hais qhia rau Tswv Ntuj.   Tswv Ntuj thov koj mloog cov lus peb tau cev rau koj no thiab.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 2nd January 2015, 7:19 pm



    YES XUS YUG LOS HMO 24-25.




    **-Ntawv His Xais thiab ntawv Tis Tos  Ceeb tom tias:
    { H.X. 9:1-6.= T.T.2:11-14.}
    -Ib tug me nyuam yug los nyob nruab nrab peb lawm.  Nws coj txoj kev ncaj tuaj rau lub ntiaj teb neeg.
    Cov Haiv neeg thaud lawv nyob tsaus ntuj nti. Hmo no lawv pom ib qho pom kev loj.
    Qhov pom kev ntawd yog ib tug neeg qhia tswv yim zoo tas nrho. Nws yog tus Tswv Ntuj muaj zog. Yog tus Vaj pub kev thaj yeeb.
    Yog Tswv Ntuj lub txiaj ntsim tuaj coj lub ntiaj teb neeg. Nws yuav cawm tas tsoom sid, nyob hauv Nws txoj kev hlub.
    Lub txiaj ntsim no yuav coj lub qab ntuj neeg mus taug kev hwm Ntuj.
    Kom txij no mus lub ntiaj teb neeg tso txoj kev ntshaw ntiaj teb lub cuab tam cuav, vam ua neeg khav theeb, txawj paub kev ua neeg xam khib cib nyeej thiab muab hlob nrauj mus xws li tej laus sib foom  rau Dab tias, coj mus txog rau Zaj zeg Zaj qho, kom ntsej tsis hnov muag tsis pom.
    Ces lub txiaj ntsim thiab lub him chim nqes saum ntuj los no yuav txhiv neeg Yaj ceeb  tej siab ntsws thiab tej ntsuj plig kom dawb huv tuaj.

    ***-Lus Kas ntawv Moo Zoo thiaj hais tias: {2: 1-14.}
    Hmo no tus cawm peb yug los lawm.
    Yav thaud tus cawm lub ntiaj teb yug los yog lub caij Xes Ntxas As Nkus kav ntuj. Nws ceeb toom kom tshuaj mej hwm saib, lub qab ntuj neeg muaj coob npaum li cas, nyob Los Mas teb.
    Hmo no Tswv Ntuj lub Koom Txoos ua Thaj cav txiaj ntsim txog tus me nyuam yug los nyob nruab nrab peb. Kuj zoo li Lub Koom Txoos tshuaj saib tsoom mej hwm tuaj hawm tus me nyuam yug los nyob nruab nrab peb muaj npaum li cas haiv neeg.
    Hmo no kuj yog ib Hmos zoo uas  Tswv Ntuj yuav saib tias muaj pes tsawg Haiv neeg koom siab tos tus me nyuam yug los nyob nruab nrab cov Haiv neeg. Uas yuav qhib qhov rooj tos Tus me nyuam yug los no tuaj nyob hauv cov leej neeg nruab siab.
    Peb yuav xyaum hais ib co lus thov Ntuj dua tshiab zoo li tus Vaj Hes Los zaj Thov Ntuj tias:
    Thaum nej mus tshuaj paub txogTus yug los tshiab no lawm mas nej tshaj rau kuv, kuv xav mus hawm nws thiab.
    Peb txhob yoog raws li tus Vaj Hes Los uas  nws tau muab tas nrho cov me nyuam tub nyob Npe Les Hes tua tuag tas huv si, tib hnub ntawd.
    Yog peb tshuaj paub lawm,peb yuav mus txi cov paj tshab muaj nuj nqes siab tshaj, cov tseem nyiaj tseem kub thiab tshuaj tsw qab uas cov Kws hnub qub coj mus cev rau tus yug los  tshiab ntawd nyob Npe Les Hes . Kom tsim, nrog Tswv Ntuj tsoom Tshiab koom suab cav txog Tswv Ntuj lub Koob meej nyob ntiaj teb no mus nto plaws rau Ntuj Ceeb Tsheej Kiab, qhuas thiab cav txog Tswv Ntuj yog tus siab ntshiab.

    ****-ZAJ THOVNTUJ.

    1. Peb thov Ntuj rau lub Koom Txoos.
    Hmo no tus cawm seej yug los nyob nruab Nruab nrab peb lawm. Thov kom Tswv Ntuj txuag Nws lub Koom Txoos nyob ruaj nreb rau txoj kev thoob tsib thiaj coj tau lub ntiaj teb no mus paub Leej pleev. Peb thov...
    2. Peb thov Ntuj rau cov Nom Tswv kav teb chaws.Thov kom Yes Xus yug los nyob hauv lawv teb kab xwm txhua nrho, kom coj lub ntiaj teb nyob hauv txoj kev sib haum xeeb. Peb thov koj...
    3. Peb thov Ntuj rau cov neeg txom nyem: Cov nyob tsev loj faj, cov muaj mob nkeeg, cov pw tsev tshuaj, cov nyob hauv vaj tse, cov tuaj ntawm no. Cov neeg thoj nam. Cov tsis muaj vaj tse nyob,cov raug kev tshiab nqhis. Tswv Ntuj koj khuv leej tej neeg zoo li peb hais  no. Peb thov...
    4.Peb thov Ntuj rau peb cov tuaj teev ntuj hnub no. Tswv Ntuj thov koj tuaj tshoj peb lub siab kom paub koj Leej tub li thaud koj tshoj cov Kws hnub qub mus paub txog tus me nyuam Yes Xus Kom peb tau cev peb lub siab rau Nws.   Peb thov Koj...
    5. Peb thov Ntuj rau tej yam...



    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 2nd January 2015, 7:31 pm



    YES XUS YUG LOS TIM 25. NRUAB HNUB.2014





    **His Xais tshaj Tswv Ntuj los lus , thiab Paj Lug hais rau cov Hes Nplaws tais: {H,X.52:7-10. H,Npl.1:1-6.}
    Tas npoo ntuj npoo ntiaj teb pom tus Tswv Ntuj cawm neeg tuaj. Nws tuaj yuav lub cev neeg kom tau cev Tswv Ntuj los lus rau peb.
    Tswv Ntuj tuaj tshaj nws txoj kev thaj yeeb. Nws qhia txoj kev noj qab nyob zoo rau tas txhua haiv neeg tias:
    Txij no mus cov neeg siab dawb yuav pom Nws txoj kev cawm neeg tuaj txog lawv. Cov neeg siab dawb zoo siab txais Nws txoj kev cawm yuav muaj cuab kav nrog Ntuj cov tshiab hu nkauj cav txogTswv Ntuj yog tus siab ntshiab, nyob ntiaj teb no mus nto plaws rau qaum ntuj txheej siab.
    ***-Ces muaj raws Zam Ntawv Moo Zoo hais tias. {1:1-14.}
    Tswv Ntuj Leej tub tuaj yuav lub cev neeg nrog peb nyob.
    Tswv Ntuj tau nyiam lub Yaj ceeb neeg tsis txawj tas, Nws thiaj rov qee Nws ib sab los yuav lub cev neeg, kom tau muab Ntuj lo lus rau neeg ntiaj teb no.
    Ua li mas txij thaum Ntuj tsim teb raug los txog lub zim txwv Yes Xus yug lus, nyob hauv Tswv Ntuj muaj Leej Txiv thiab Leej tub xwb. Zoo li sab tsim ntuj tsim teb nrog sab Qaum Ntuj tuaj yuav lub cev neeg.
    Yes Xus tsuas qhia peb tias Leej Txiv xa kuv tuaj ua Leej Txiv txoj hauj lwm nyob ntiaj teb no.
    Yog thaum Leej tub siv nws txoj sia los cawm lub ntiaj teb neeg tas, mas nws thiab qhia ntxiv tias:
    Kuv yuav thov kom Leej txiv xa dua ib ib leej nplij neeg tuaj nrog nej nyob.  Tus ntawd yog Leej Tswv Yim Ntshiab qhia qhov tseeb. Nws yuav pub ib lub zog loj rau nej kom nej muaj lub zog loj.
    Ces nyiam no mam muaj Leej Txiv,Leej Tub thiab Leej Tswv Ntim ntshiab.
    Leej Txiv tuaj ntawm lub hwj Chim tsim ntuj tsim teb tuaj.
    Leej Tub nws tuaj ntawm qhov Tswv Ntuj tuaj yuav lub cev neeg kom tau nrog peb nyob tuaj.
    Hos Leej ntuj Plig tuaj ntawm Tswv Ntuj lub Tswv Yim tuaj nyob txawm hauv neeg nruab siab coj qhia neeg kom paub ua qhov zoo thiab qhov phem.
    ****-ZAJ THOV NTUJ.
    1. Peb thov Ntuj rau lub Koom Txoos.
    Tswv Ntuj koj rov qee koj los ua neeg kom tau cev koj lo lus rau ntiaj teb neeg, thov koj pov hwm koj lub Koom Txoos kom txais tau los lus muaj nqes.     Peb thov....
    2.Peb thov Ntuj rau cov Nom Tswv. Thov koj lo lus ua hauj lwm nrog cov Nom Tswv no thiab kom lub ntiaj teb neeg sib haum xeeb nyob hauv Koj lus  dawb huv...
    3. Peb thov Ntuj rau cov neeg txom nyem.
    Tswv Ntuj koj khuv leej cov neeg mob,  cov pw tsev tshuaj, cov nyob hauv vaj hauv tsev, cov tuaj ntawm no, thiab cov neeg nyob tsev loj faj. Koj daws txhua yam khi lawv cov ntsuj plig no...
    4. peb thov ntuj rau peb cov tuaj teev ntuj no kom Tswv ntuj lo lus ua hauj lwm nyob hauv peb nruab siab kom peb txawj txais peb tus Yes Xus yug los, peb muaj Tswv Ntuj lo lus puv peb nruab siab.    Peb thov koj...
    5. Peb thov Ntuj rau tej yam peb muaj nyob...



    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 2nd January 2015, 7:41 pm



    HNUB CHIV HWM YIM NEEG NTSHIAB. Tim 28-12-2014



    Ntawv Moo Zoo thiab Zaj thov ntuj. Xyoo 2014.
    **-Lus Kas ntawv Moo Zoo Hais tias: {2: 20-40.
    -Mab Liab thiab Yos Xes coj tus me nyuam Yes Xus mus hauv lub Tuam Tsev Teev Ntuj. Lawv ntsib Xis Mes Oos, thiab As Nas nkawd.
    Thawj tug me nyuam tub yuav muab cev rau Tswv Ntuj, raws li Mais Xes txoj cai.
    Yes Xus yog Tswv Ntuj thawj leej Tub twm zeej tuaj yuav lub cev neeg. Nws xub yug los nyob saum ntuj dua Tswv Ntuj tsim As Das ua thawj tug txiv neej tuaj nyob ntiaj teb no.
    As Das tau coj tas lub qab ntuj neeg mus zwm rau txoj kev tuag, vim nws tau mloog Es Vas raug Ntxwj Nyoog muab toj taug lom neeg kom ntshaw txoj kev ua tus loj dua Tswv Ntuj.
    Ces zaum no Tswv Ntuj Nws thiaj rov qee Nws tuaj yuav lub cev neeg komTswv Ntuj tau xeeb nws los lus nyob hauv lub Sim Ceeb no. Kom Dab Phem cov rooj loog tsis yeej Nws lub Koom Tsoos uas Leej Lo Lus tau tsa nyob saum lub Pob Zeb.
    Thaum Leej Lo lus nws Yeej Xas Tas nyob saum lub Tuam ru Tsev Teev Ntuj lawd mas Leej Lo lus tau foom lus zoo rau saum Nws lub Koom Txoos tias:
    Kuv Tsa Koj ua tus Tswv zov kuv cov Yaj nyob saum lub Pob Zeb no mas, Dab Phem Cov Rooj Loog yuav tsis yeej lub Pob Zeb no. Xis Moos Koj khib yam twg nyob ntiaj teb,mas Ntuj saib yog khi nyob saum Ntuj. Hos koj daws yam twg nyob ntiaj teb no, los Ntuj kuj saib yog daws nyob saum ntuj.
    -Thaum peb hnov lo lus no mas peb tso siab lug rau Tswv Ntuj Leej lo lus, Nws muaj zog tas nrho. Peb txaus siab rau Nws tej lus. Uas Nws twb tsim thiab qhia tau zoo kawg nkaus lawm. Peb yuav muab siab rau qog kom zoo thiab qog raws nraim kom meej.
    Peb txhob hais tias Tswv Ntuj Leej Lo Lus tsis meej ces peb yuav txua rau kom meej tshaj. Tsam peb tsim tau ib cov Rooj Loog xws li Dab Phem cov ces peb coj Leej Pleev pab Yaj mus ncaim npoj. Yam peb khi thiab peb daws mas Tswv Ntuj tsis saib muaj nuj nqes.
    Lo lus kawg mas peb yuav qog tib hom lus ua Xis Mes Oos thiab As Nas nkawd qog:
    Tswv Ntuj zaum no koj tso koj tus tub txib mus nyob kaj lug, kuv qhov muag tau pom Leej Pleev lawm. Thiab li As Nas tshaj tias, Los lus tseem Ceeb tuaj ntawm Yes Lus Xas Les tuaj, ua Leej Lo lus tsa nyob saum lub Pob Zeb no.

    **-ZAJ THOV NTUJ.
    1. Peb thov Ntuj rau Tswv Ntuj lub Koom Txoos.
    Tswv Ntuj koj tau yuav lub cev neeg kom tau tuaj nrog peb nyob thov koj foom lus zoo rau peb tsoom Hmoob kom lawv txawj zeem tseeb txog koj lub Koom Txoos Khov nyob saum lub pob Zeb.
    Peb thov koj...

    2. Peb thov Ntuj rau cov Nom Tswv kav teb chaws.
    Tswv Ntuj, thov koj coj peb Haib Hmoob kom nyob haum xeeb ua, thiab hawum xeeb nrog Mab Sua li Nom Tswv kom peb Haiv Hmoob tau nyob thaj yeeb. Peb...

    3.Peb thov Ntuj rau cov neeg txom nyem.
    Tswv Ntuj nyob hauv tsoom neeg txom nyem peb Haiv Hmoob muaj ib feem nrog lawv thiab. Thaum koj nplij tsoom neeg txom nyem koj nctxog peb thiab. Peb....
    4. Peb thov Ntuj rau peb Haiv Hmoob ntseeg Ntuj nyob thoob qab ntuj khwb. Kom Peb cov ntseeg raws nraim Tswv Ntuj Leej lo lus txoj kev cawm neeg, thiab tso siab rau Leej Pleev, txhob ua neeg ywj fab ywj fwj raws tsis tau leej twg li.
    Peb thov koj....

    5eb thov Ntuj rau peb cov neeg tuaj qhov ub qhovno tuaj. Kom Tswv Ntujpov hwm sawv daws:
    Cov tuaj tsheb, cov caij nkoj mus nruab deg ya nruab ntug Koj pov hwm sawv daws kom tuaj dawb rov huv.
    Peb thov koj...
    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 9th January 2015, 8:22 pm



    YES XUS YUG LOS CHIV 3 Y X TXAIS CIM NTXUAV.Tim 11-01-2015

    Ntawv His Xais hais tias: {42:1-4+6-8.}
    Yes Xus yog Tswv Ntuj tus tub txib,Tswv Ntuj nres nws, thiab xaiv Nws. Tswv Ntuj hais tias, Nws yog tus Kuv lub siab nyiam dua cov, Kuv lub Tswv Yim roos Nws, Nws yog Kuv lo lus kom nrov mus txog txhua Hais txhua Xeem neeg.
    Kuv yog Tsw Ntuj,Kuv qee Koj los coj cov Hais neeg kom nrog Kuv cog lus nyob hauv txoj kev kaj, rau Leej tib neeg lub tswv yim.
    Cov tau nyiam Kuv Leej tub thiab mloog Nws lus tas nrho sawv daws yuav txia ua kuv ib leeg tub thiab ib leeg ntxhais li tus kuv xaiv no thiab. Nej kuj yuav zoo li Kuv ib co me nyuam yug los dua tshiab uas tsis muaj kev txhaum.
    Ua li mas tsis hais leej twg li,Cov uas muaj lub siab ntseeg thiab txais lub Cim Ntxuav yuav ua tau ib leej tub los ib leej Ntxhais uas raug Tswv Ntuj nyiam kawg, raws li Leej Pleev,uas Nws tau xaivua Nws Leej Tub.

    Cov lus nyob hauv ntawv hauj lwm kuj hais tias: { 10:34-38.}
    Tswv Ntuj tau Pleev Y.X. Yam li Nws pub Leej Tswv Yim lub Hwj Huam rau Y.X. Ces muaj raws li Pob Zeb hais tias:
    Nyiam no kuv paub lawm, Tswv Ntuj tsis kws leej twg cai. Leej twg hwm Ntuj thiab mloog Nws txoj cai, ces nws tau ua ntxim Tswv Ntuj siab lawm. Tswv Ntuj tau xub xa Nws lub Moo Zoo tuaj rau cov neeg xub ntseeg ua ntej Yes Xus yug los thiab lub caij Yes Xus nyob los txog ntua xyoo 2015 no. Kom paub Y,X Pleev txoj kev thaj yeeb tias, tus Huab Tais saib sawv daws yog Yes Xus Pleev.
    Thaum Zam tshaj lub Cim Ntxuav nyob saum tus dej Yos Las Das, Tswv Ntuj tau tsa Yes Xus ua tus Vaj Pleev, Ces Leej Tswv Yim Ntshiab yees tawm tuaj nyob saum Yes Xus, rau Zam pom xyeem.

    Mas Kos ntawv Moo Zoo kuj hais tias: {1:5-11.}
    Yes Xus yog tus siab ntshiab uas Tswv Ntuj nyiam kawg.
    Zam Ntxuav Plig tau tshaj tawm tias:
    Tus lawv kuv qab tuaj mas Nws muaj zog dua kuv...
    Kuv ua lub cim ntxuav rau nej nyob hauv dej xwb. Tus lawv kuv qab tuaj mas Nws yuav ntxuav nej nyob hauv Leej Tswv Yim Ntshiab. Thaum Zam ua lub Cim Ntxuav tas.
    Ces lub ntuj qhib plho, Leej Tswv Yim taum los nyob saum Yes Xus. Tswv Ntuj lo lus nrov tuaj tias:
    Koj yog kuv Leej Tub uas kuv nyiam kawg, Kuv lub siab nrog koj nyob.
    Ua li mas peb cov neeg ntseeg txais lub Cim Ntxuav nyob hauv Leej Tswv Yim, Peb xawv daws yog Yes Xus cov kwv cov muam, uas Leej Txiv nyiam kawg.
    Peb yuav tso siab tias Yes Xus ua peb ntej, peb yog cov raws Yes Xus, peb yuav coj ib tug yam ntxwv zoo rau cov txheeb ze lawv peb qab los kom sawv daws tau raug Tswv Ntuj nyiam sawv daws li Ntuj tau hais rau Nws tus Pleev Kuv nyiam koj, kuv lub siab nrog nraim koj.
    Peb yuav txhob ua kom Ntuj txoj kev nyiam txhob tu nrho li txoj hmab, uas hmab tu hlua pluam. Rov sib txuas ntau zaus, los txuas tsis ruaj.
    Peb yuav ua kom cov neeg dig muag tuav tau txoj hlua, lawv xuas mus xwb los lawv tsis poob zoo, kom lawv mus txog chaw.
    Zaj thov Ntuj rau lub txoos.
    1. Peb thov Ntuj rau lub Koom Txoos uas sawv daws tau txais lub Cim Ntxuav nyob hauv Leej Tswv Yim, Kom txhua tus muaj Leej Tswv Yim kev thoob tsib coj kom yeej kev haub kev ntxhias, txhob ncaim ntawm Leej Txiv kev hlub. Peb thov...
    2. Peb thov Ntuj rau cov nom Tswv tswj teb kav chaw,kom lawv txawj mloog Tswv Ntuj lus, thiab mloog tsoom pej xeem kev thov pab cuam mus raws kev sib haum xeeb. Peb thov...
    3. Peb thov Ntuj rau cov neeg txom nyem, xws li cov thoj nam, cov neeg raug txim, cov rau luag yuam, cov raug tub sab nyiag mus ua hauj lwm ua qhev, cov muaj mob nkeeg nyob tsev tshuaj nyob hau vaj tse, los cov tuaj ntawm no. Kom leej tswv Yim qhib nyias txoj kev rau nyias taug mus yav tom ntej. Peb thov...
    4. Peb thov ntuj rau Peb Haiv Hmoob, Kom Hmoob paub txoj kev tseeb uas tig los ntsib tus Tseem Tswv Ntuj, muaj kev nyiam kev hlub, daws sawv daws tej teeb meem ua neeg lwj siab nyob ntiaj teb no. Peb thob koj...
    5. Peb thov Ntuj rau peb cov neeg tuaj teev ntuj hnub no, kom Leej Twv Yim Ntsiab qhib peb lub siab lub tswv yim, kom peb txawj txais Qaum Ntuj cov paj tshab ua neeg siab dawb mog. Peb thov koj...

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 30th January 2015, 7:59 am


    NRUAB XYOO CHIV 4 B TIM 01-02-2015.


    *Yes Xus yog tus tseem Yaj Saub, uas Tswv Ntuj xa tuaj qhia, Tswv Ntuj cov lus rau lub ntiaj teb neeg. Peb yuav tau txais Yes Xus cov lus.
    *Ntawv phau tsib hais Tswv Ntuj cov lus hais tias: {18:15-16+18-20.}
    Tswv Ntuj yuav tsa ib tug Yaj saub nyob nruab nrab nej. Yog ib tug zoo li Mais Xes. Nej yuav tsum mloog Nws lus.
    Thaum nej ua lub txoos nyob saum lub roob hos les. Nej thov kom Huab Tais tsa Yaj Saub. Ces Nws yuav tsa ib tug Yaj Saub zoo li koj nyob nruab nrab nej sawv daws.
    Tswv Ntuj yuav muab Nws lo lus tso rau hauv tus yaj Saub ntawd nws lub ncauj. Ces tus Yaj Saub yuav cev Ntuj lo lus qhia rau nej mloog. {lo lus no yog hais txog peb ntag}
    Hos yog tus Yaj Saub uas muaj cuab kav tuav Huab Tais lub npe hais cov lus uas tsis yog Huab Tais cov mas tus yaj saub ntawd yuav tuag.
    Tswv Ntuj lo lus hnub no, peb hnov no, mas tob heev:
    Cov Leej Choj los cov Xib Hwb thiab cov neeg ntseeg, txhob txua tej yam uas tsis yog Tswv Ntuj lus qhia los tshaj rau luag tej hnov. Yam li:
    Muaj neeg hais tias Maiv Ntawm yog Mab Liab Yes Xus twb yug los dua lawm, nws twb yuav muaj 12 xyoos.Lo lus no twb nrov thoob cov Hmoob nyob As Mes Lis Kas teb lawm. Tab sis Mab Sua ho tsis tau paub txog thiab.
    Leej Ntshiab Mab Liab, yog ib tug tsis lo neeg lub keeb txhaum. Nws puas yuav yug los ua neeg muaj txhaum dua? Yes Xus Ib txhij yog Tswv Ntuj thiab yog neeg ntshiab huv. Nws puas yuav yug los dua ua neeg rov muaj txhaum rau Hmoob ua tus muab nws tua dua ib zaug ntxiv, Nws mam yog tus tseeb. Nyem no nyob hauv cov Koom Haum ntseeg Yes Xus, suav saib muaj pes tsawg tus Yes Xus lawm?
    Suav tus Yes Xus yug ntawm Maiv Ntxawm los thiab nrog rau cov Koom Haum ntseeg raws li phau ntawv Ntshiab. Yes Xus cov hauv paus xa lus sau tseg los, ntawm Mas Tais, Mas Kos, Lus Kas, Thiab Zam lawv los mas twb muaj 400 tus Yes Xus lawm.
    Saib ob peb xyoo dhau los no Muaj neeg mus tshaj lus tias,Yes Xus yog los nyob Cob Tsib teb yuav los pab cov Hmoob kom Hmoob muaj peev xwm hu Ntuj pab ces yuav yeej teb chaws. Kom tej nom Tswv saib taus yus.
    Tus Yes Xus ntawd kuj ploj lawm. Cov Hmoob ntawd tau ua neeg thoj nam mus nyob Thaib teb. Yog tsis muaj neeg lees paub lawv ces nyob nyob luag tshuaj tau, ces yuav tau rov qab mus nyob nyab Laj teb tos txog hnub yuav rov mus thawj thiab ua dua neeg tshiab lawm xwb. Txaus tu siab thiab khuv leej lawv kawg.
    *Nyob hauv ntawv Kos Lis Nthos hais tias: {7:32-35.}
    Peb cov neeg ntseeg, yuav paub tias; Tswv Ntuj yuav yuav xaiv leej puav los ua neeg nyob tab seeb. Kom tau pab Tswv Ntuj Haiv neeg, zoo dua thiab leg Tswv Ntuj tes hauj lawm.
    Peb cov neeg ntseeg peb yuav cev peb cov tub cov ntxhais thiab thov kom Tswv Ntuj hu lawv los ua Tswv Ntuj cov yaj Saub nrog Leej Pleev leg Leej Txiv tes hauj lwm.
    Paj Lug Hais tias:
    Kuv xav pom kom nej txhob muaj chaw xyeej, thiab txhob muaj kev txob txhawj.
    Muaj neeg tuaj yeem ua Tswv Ntuj cov Yaj Saub nrhiav cov lus zoo los hais kom ntxim Tswv Ntuj siab kom muaj paj tshab txhiv neeg ntiaj teb kom muaj txoj sia nyob nrog Tswv Ntuj ua ib npoj.
    Vim tias peb yog cov neeg uas Tswv Ntuj twb hom peb cia lawm. Thiab peb tau xaiv raug los ua Ntuj me nyuam.
    *Mas Kos Ntawv Moo Zoo hais tias: {1:21-28.}
    Yes Xus coj tus yam ntxwv ua Tswv Ntuj tus tub txib, Tab sis Yes Xus cov lus muaj Peev Xwm kawg.
    Nyob Kas Fas Naus. Yes Xus qhia tsoom sid xws li tus neeg muaj hwj chim.
    Muaj ib tug neeg raug dab hais tias:
    .-Yes Xus, Koj xav ua dab tsis rau wb?
    .-Koj koj puas yuav rhuav wb?
    Yes Xus hais tias, ua twj ywm tawm ntawm tus neeg no mus. Ces Dab Phem muab tus neeg diaj heev heev ces nws qw ib suab nrov nrov nws tawm mus.
    Tsoom sid hais tias: Yes Xus ua dab tsi?
    Yog ib co lus qhuab qhia muaj peev xwm kawg.
    Cov Neeg ntseeg peb sawv daws puav leej yog cov Yes Xus hu los ua nws tes dej num.
    Peb yuav ua neeg muaj peev xwm nyob hauv txhua fab kev ntseeg yes xus lub Moo Zoo:
    *- Muaj peev xwm hais cov Zaj tov Ntuj.
    *- Muaj peev xwm hais, los tshaj Tswv Ntuj tej zaj lus.
    *- Muaj peev xwm thov ntuj rau cov neeg mob.
    *-Cov ua Leej Choj muaj peev xwm rub Yes Xus los nyob hauv mov thiab cawv.
    *- Cov sau ntawv muaj peev xwm sau kom txaus neeg qhuas.
    *- Muaj peev xwm ua neeg siab tawv tsis swb rau dab phem ntxias.
    *-Muaj peev xwm thov Ntuj pab luag tej kom muaj neeg tuaj yeem txais Tswv Ntuj tes hauj lwm, th...
    ZAJ THOV NTUJ.
    1.Peb thov Ntuj rau Lub Koom Txoos kom cov neeg ntseeg rau siab mloog Leej Tswv Yim Ntshiab tshoj, txhob txua ntau yam tshiab tsis raws li Tswv Ntuj kev thoob tsib. Peb thov koj...
    2.Peb thov Ntuj rau cov Nom Tswv kav teb chaws. Kom tej nom Tswv tsim tej txoj cai tswj kav neeg haum Tswv Ntuj siab. tsoom pej xeem thiaj tau nyob kaj siab lug. Peb...
    3. Peb thov Ntuj rau cov neeg txom nyem. Cov raug nyob tsev loj Faj. Cov muaj mob nkeeg. Cov mob nyob tom vaj tse. Cov tuaj ntawm no, thiab cov ua neeg thoj nam. Tswv peb muab cov neeg no cob rau koj. Peb thov...
    4.Peb thov Ntuj rau peb cov tuaj teev Ntuj hnub no. Kom Leej Ntuj Plig qhia peb paub tseeb txoj kev ua Tswv Ntuj cov Yaj saub mus raws qhov tseeb. Peb thov koj...
    5. Peb thov Ntuj rau tej yam nyais muaj nyob nruab siab, uas nyias xav cev rau Tswv Ntuj....
    Tswv Ntuj peb tso siab lug tias koj yuav saib xyuas txhua yam peb tau taij thov ntawm koj. Peb thov koj...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 5th February 2015, 9:10 am



    NRUAB XYOO CHIV 5 B, TIM 8/2/ 2015.



    Ntawv Yob hais tias: {7: 1-4+7-8.}
    Neeg yuav nyob ntiaj teb no tsis ntev, thiab yuav ntsib xwv txheej ntau zaus. Tus ntseeg Ntuj mas nws muaj chaw tso siab tias, Tswv Ntuj yuav ntsia ntsoov nws mus li. Ntawv Yob sau tseg tias:
    Txhua tus neeg tuaj nyob ntiaj teb no, xws li ib co tub txib los ib co qhev. Nws xav txais nws tus nqe zog, ces nws yuav mus so nyob hauv qhov ntxoov.
    Kev ua lub neej nyob ntiaj teb no, zoo puav tam li nyob hauv txoj kev txom nyem, kaj ntug los laj tos txog tsaus ntuj, tsaus ntuj los laj pw tos txog kaj ntug. Ua rau neeg lub Tswv Yim ntxhov tas nrho,tej yam neeg ntsib kawg yog xwv txheej xwb. Qhov kawg tsuas tshuav Tswv Ntuj tib leeg xwb thiaj ntsia ntsoov peb cov leej tib neeg.

    *Paj Lug Hais rau Cov Kos Lis Nthos tias: {9:16-19+22-23.
    Cov ntseeg thaum lawv tshaj Yes Xus lub Moo Zoo, mas lawv yuav nco ntsoov, 3 yam no:
    1- Yog Tswv Ntuj tshoj kom neeg lub siab nyiam tshaj Ntuj lo lus.
    2- Cov tshaj Lub Moo Zoo mas Tswv Ntuj xav kom peb pub Dawb rau lawv.
    3-Tswv Ntuj xav kom peb ua S.D tus tub, txib.
    Ua li mas thaum peb tshaj Lub Moo Zoo, peb txhob xav
    tias, tshaj kom yus ua neeg nto koob meej.
    Kev tshaj lub Moo Zoo yog peb cov ntseeg li hauj lwm uas
    Tswv Ntuj kom ua, vim yog Tswv Ntuj tej Hauj lwm.
    Uas Ntuj qiv neeg lub ncauj los hais;
    Ua ib tug neeg ntseeg yog tsis tshaj lub Moo Zoo mas yus
    yuav xav tias tsam yus tau txoj hmoov phem.
    Peb yuav tshaj lub Moo Zoo, nyob hauv cov neeg tsis
    muaj zog, kom tau pus cov tsis muaj zog,Peb yuav npuab
    cov tsis muaj zog kom tau cawm lawv tus puav. Peb yuav
    ua puas tsav yam kom tau Tsob Hwb lub Moo zoo. Thiab
    kom lub Moo Zoo cov txiaj ntsim muaj ib feem tias Ntuj qee los ua peb tug.

    *-Mas Kos Ntawv Moo Zoo kuj hais tias: {1:29-39.}
    Yes Xus ua Tswv Ntuj tus tub txib, Nws tshaj tias:
    Nws tsis saib txoj kev iab kev khwv, Yes Xus hais rau cov
    thwj tim Tias, peb mus rau lwm qhov chaw kom tau tshaj
    lus rau Lawv lwm pab neeg thiab.
    Ces Yes Xus thiaj ncig teb chaws kom nws tshaj Ntuj lus
    Nyob hauv cov tsev Txoos los nyob tom tshav puas, hauv
    zej zog ntau qhov, ntawm tej thaj chaw muaj kev ua noj
    haus, uas muaj tshoob muaj kos los kev txais qhua.
    Niaj hnub no mas peb yuav muab faib li ntawd:
    *-Huv co Tsev Txoos mas yog Cov Leej Choj, Xib Hwb
    lawv ua qhov ntawd.

    *-Hos saum kev noj haus thiab tom tshav puam, los tej
    qhov muaj neeg coob. Xws li hauv tsev los tsev kho
    mob,qhov twg los xij tsuav muaj neeg mas yog peb
    sawv daws li cov ntseeg li hauj lwm tshaj lub Moo Zoo tas nrho.

    Kev tshaj Ntuj lus, yog tas txhua yam hais lus zoo
    uas yus hais qhia S.D. kom neeg ua neeg thoob tsib. Sib
    pab sib nres ua kev zoo txhua yam ces koj tau tshaj lub Moo Zoo.

    *- Lo lus nyob hauv ntawv Ntshiab hais tias Yes Xus ntiab ntau tus Dab Phem mas yog txhais hais tias:
    Tej kev tham hais txog kev tu siab, tsis muaj kev hlub, lus tham txog kev ua plees ua yi, los kev ua tub sab tub nyiag, kev xyav luag tej moo, los hais luag li dab plig,tej no tsis yog kev tshaj Ntuj lus, txhob hais tawm los rau neeg hnov. Yog cov neeg ntseeg peb tham txog tej hais saum no, ces yog cuag li peb tsis tau ntiab dab, peb cia dab nrog peb los nrog luag nyob, tswj neeb lub neej, kom tsis muaj kev kaj siab.

    ZAJ THOV NTUJ.
    1. Peb thov Ntuj rau lub Koom Txoos kom peb txawj ua Yes Cov tim khawv tshaj lub Moo Zoo nyob ncig peb tej neeg ntsuab ze kom S D ua neeg thoob tsib txawj cav txog Tswv Ntuj. Peb thov Koj...
    2.Peb thov Ntuj rau cov NomTswv, Kom lawv txawj nrog Ntuj sib haum xeeb ua ntej, thiaj haum xeeb tau nrog pej Xeem me nyuam neeg ua ke. Peb thov Koj...
    3. Peb thov Ntuj rau cov neeg raug kev txom nyem:
    Cov raug ua yeeb tshuaj tus phooj ywg. Cov tsis muaj hmoo, raug neeg ntxuab ntxaug. Cov tsis xyaum ua neeg zoo, zwm rau tsev loj faj, los mus zwm nyob rau qab choj. Cov muaj mob nkeeg, nyob tsev tshuaj, cov nyob hauv vaj tse, cov tuaj ntawm no tib si. Cov sau npe hauv phau ntawv,Tswv Ntuj peb cev cov neeg no rau koj saib xyuas lawv. Peb thov koj...
    4. Peb thov Kom Tswv Ntuj xaiv peb cov me nyuam tub Ntxhais tuaj yeem mus ua Xib Hwb los ua Leej Choj, ua Phauj los tshaj Tswv Ntuj lub Moo Zoo nyob saum lub sim ceeb no xws li zeej tsoom Mab Sua tub ntxhais, mus thoob qab ntuj khwb. Peb thov Koj...
    5. Peb thov Ntuj rau peb S.D. Cov tuaj ntawm no kom peb txawj ua Yes Xus Thwj Tim Tshaj Tswv Ntuj los lus Thaj Yeeb rau peb tej kwv tij Txheeb Ze. Peb thov....

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 13th February 2015, 12:48 pm



    NRUAB XYOO CHIV 6 B TIM 15/2/2015.



    *. Ntawv Les Vis hais tias: {13: 1-2+45-36.}
    Txheej thaud, cov neeg His Xas Lais tsis kheev kom cov neeg mob Ruas tuaj fim luag tej, xws li peb Haiv Hmoob, uas peb xa cov neeg mob ruas mus nyob rau qab tsuas.
    *- Nyiam no Tswv Ntuj zaj txuj ci no, xav kom peb saib tias, cov neeg muaj txhaum, thiab peb cov txhaum xws li tus mob Ruas, tsam kis rau peb lub siab. Peb yuav mus ua cov kab ke daws txhaum.
    *-Tswv Ntuj qhia rau Mais Xes thiab As Loos tias:
    Tus neeg mob Ruas mas nws yuav hnav ris tsho khaub hlab. Yog nws mus pom muaj neeg coob mas nws yuav qw tias, neeg tsis huv tuaj lawm! Nws mob ntev li cas mas nws yuav yog neeg tsis huv ntev li ntawd! Vim nws tsis huv mas nws yuav nyob nws ib leeg.
    *-Zaj lus no,muab los piv rau phaj neeg nyiam no:
    Yog yus ua neeg muaj txhaum es yus pheej nyob nrog yus txoj kev ua txhaum: Yus tsis ncaim ntawm yus txoj kev ua plees ua yi. Yus nrog cov neeg xam khib koom ua ke. Yus nrog cov neeg paub kev ua tub qaug tuaj ib tog.
    Ces yus yog tus mob ruas lawm. Hais los mas kev ua txhaum tseem phem dua tus mob ruas ntau.
    *- Yus yuav nyob yus ib leeg xwb tsam yus kis rau lwm tus uas yog yus ib tug txheeb ze. Los yus tej phooj ywg. Lawv tsis nco ceev faj. Yus mas yus txawj mob txawj zoo, tsam yus cov phooj ywg ntawd lawv tau mob lawm ces lawv tsis paub txawj zoo. Ces lawv yuav tau mob mus ib sim neej, lawv nyob nrog lawv tus mob mus li. Nyob nyob tsam yus yuav hnov yus tus phooj ywg qw tias neeg tsis huv tuaj lawm. Yus puas yuav xav tias,ua cas nws yuav nyob txom nyem ntev ua luaj no:....Y&us coj ib...

    *-Paj Lug thiaj hais rau cov Kos Lis Nthos tias: {10:31-33+11: 1.}
    Cov neeg ntseeg txog Yes Xus. Lawv lub neej yog ib lub neej tshaj lub Moo Zoo. Vim li ntawd peb nyias yuav ua nyias tej hauj lwm kom zoo, tsim nyog qhov peb ua Tim Khawv.
    Kev tshaj lub Moo Zoo tsis yog cov mus ua Xib Hwb los ua Leej Choj nyeem ntawv Ntshiab thuav qhia sawv daws.
    Kev tshaj lub Moo Zoo, yog kev ua Tim Khawv. Ua raws li Paj Lug hais tias:
    Tab yog nej noj mov, haus dej xwb los kuj yog. Nej yuav ua kom tas txhua yam uas nej tau ua zoo kom tau cav txog Tswv Ntuj lub koob Meej. Nej txhob ua tej yam uas Dawm Tswv Ntuj lub Koom Txoos tes taw thiab.
    Peb ua yam twg los xij ua kom xis ib zeej tsoom neeg siab, ces peb tau ua tej yam zoo xis Tswv Ntuj siab lawm...

    *-Mas Kos Ntawv Moo Zoo hais tias: {1:40-45.}
    Yes Xus cov hauj lwm zoo, yeej nto moo ncha ntws. Yog peb cov ntseeg sawv daws, ua hauj lwm zoo. Mas Yes Xus yuav nto moo lug vim cov neeg ntseeg.
    Nyob hauv Mas Kos ntawv Moo Zoo hnub no tus neeg mob Ruas hais rau Yes Xus tias:
    Yog koj xav, mas koj ua kom kuv huv tuaj yeej tau!
    Yes Xus hlub tus neeg ntawd, Yes Xus cev tes mus tuav, Yes Xus hais tias, Kuv xav, koj huv tuaj mas! Tam sim ntawd tus mob Ruas cia li huv tuaj.
    Ces Yes Xus hais tias, Koj mus cev cov txim ntxhuav txhaum. Ces neeg tuaj tas qhov txhia chaw tuaj ntsib Yes Xus.
    Zaj ntawv Ntshiab hnub no, xav qhia peb cov ntseeg tias, peb yuav rau siab ua cov kab ke ntxuav txhaum. Kom muaj neeg coob tau tuaj ntsib Yes Xus.
    *-Cov kab ke ntxuav txhaum yog ua dab tsi tiag!
    Peb yuav tshaj tias kev ua txhaum yog kev tsis huv, nyob hauv leej tib neeg lub neej. Cov neeg tso tau kev ua txhaum pov tseg mas leej twg los ua neej nyob kaj siab lug lawm. Ces nyias yuav mus daws txhaum raws li nyias muaj. Kom cov neeg ntseeg txhob muaj coob leej pheej pw puag niaj puag xyoo nyob hauv kev ua txhaum. Kom sawv daws tsim dheev los nplawg ntia khiav tawm ntawm kev ua txhaum mus.
    ZAJ THOV NTUJ.
    1. Peb thov Ntuj rau Lub Koom Txoos, Kom txhua phiaj neeg nteeg txawj ua Tim Khawv kom Leej Pleev nyob muaj Koob Meej nto moo lug mus tiam dhau tiam. Peb thov koj...
    2. Peb thov Ntuj rau cov Nom Tswv tswj teb kav chaw. Kom lawv txawj mloog Tswv Ntuj zaj tswv yim qhia lawv, kom cov nom tswv no txhob ua tsiv ua nruj rau pej xeem huab hwm, sawv daws thiaj tau nyob thaj yeeb. Peb thov...
    3. Peb thov Ntuj rau cov neeg txom nyem:
    Cov neeg raug luag hiam, cov raug luag cuab luag khi, cov muaj mob muaj nkeeg hnyav, pw tsev tshuaj, cov nyob tom vaj tse. Cov tuaj ntawm no tib si. Ntuj koj dauv muag los saib cov neeg peb cev rau koj no. Peb thov koj...
    4.Peb thov Ntuj pab cov Nom Tswv uas lawv muaj kev sab laj kho teb chaws kom sawv daws muab kev sib haum xeeb los hais thiab tuav tes ua ke, txhob tsim kev ua tsov rog loj. Peb thov koj...
    5. Peb thov Ntuj rau peb cov tuaj teev Ntuj ua ke hnub no, uas peb tau hnov Ntuj li lus Tswv Ntuj koj pab peb kom txawj hloov siab tso kev ua txhaum pov tseg. Peb thov koj...


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 18th February 2015, 10:08 am



    CAIJ PLAUB CAUG CHIV 1 B TIM 22/2/2015.






    Ntawv Hauv Paus hais tias: { 9:8-13+15.}

    *-Cov neeg txais cov dej ua lub cim ntxuav, lawv yuav tsis raug dej nyab kom tuag. Lawv zoo li cov neeg tau nrog Nom Hes mus nyob hauv lub nkoj.
    - Thaum Nom Hes tawm hauv lub nkoj los, Tswv Ntuj tau nrog Nom Hes thiab txhua yam nyob saum npoo ntiaj teb cog lus tias:
    -Kuv, Tswv Ntuj muab ib lub cim tias, txij no mus dej yuav tsis nyab ntiaj teb ntxiv lawm.
    Thaum dej nyab ntiaj teb yog Noob Neej kev ua txhaum ntau dhau lawm.Kev ua txhaum hnyav dhau lub ntuj nres tsis taus lawm, thiaj tso dej los tshoob mus.
    -Lub Cim ntxuav, yog ntxuav neeg lub keeb txhaum mus.
    Lub Keeb, yog cov txaum los ntawm thawj tus neeg ua kev txhaum thiab nrog rau yus cov txhaum txij hnub yus paub ua kev txhaum los mus kom tas nrho.
    -Thaum yus txais lub cim ntxuav tas, yus tsis pw hauv kev ua thaum ntxiv lawm ces  yus yuav muaj txoj sia nyob mus li.

    *-Pob Zeb qhia rau peb cov neeg ntseeg tias: {1P.Z 23:18+21-22.}
    -Lub cim ntxuav yog ib txoj kev nrog Tswv Ntuj cog lus tias,peb yuav muaj txoj sia nyob mus li thiab ua Ntuj cov me nyuam.
    -Li ntawd. Tswv Ntuj thiaj tso Yes Xus los tuag ib zaug. Kom tau rhuav tas nrho neeg Yaj Ceeb neeg cov txhaum. Kom cov xav muaj txoj sia muaj kev tso siab tias, Leej twg thiaj muab tau txoj sia rau neeg Yaj Ceeb.
    -Ua li mas Lub Cim Ntxuav yog txoj kev cog lus los npuab Leej Pleev, kom Leej Pleev pus tau peb zwm nrog txoj sia nyob mus li, thiab tau mus nyob saum ntuj.

    *-Mas Kos ntawv Moo Zoo thiaj hais tias: {1:12-15.}
    -Thaum Yes Xus yuav pib ua Leej txiv tes hauj lwm. Yes Xus xub mus sau siab nyob teb chaws suab puam. Yes Xus thiaj tshaj kom sawv daws tig los yuav lub siab tshiab tias:
    -Sij hawm los txog lawm, Tswv Ntuj lub Ceeb Tsheej nyob ze ze lawm. Nej tig los yuav lub siab tshiab mog.  Nej ntseeg txog lub Moo Zoo mog.
    -Kwv tij lub Moo Zoo, yog dab tsis?
    Yog Tswv Ntuj cov lus qhia.  Tswv Ntuj cov lus tsis yog  Yes Xus nyuam qhuav qhia lub caij Yes Xus los ntawd xwb.
    -Tswv Ntuj cov lus Ntuj qhia txij thaum Ntuj tau tsim ob tug niam txiv hauv paus, uas yog As Das thiav Es Vas los,uas Nkauj Iab  Nraug Oo nkawd nyob.Thaum dej nyab ntiaj teb,uas Hmoob hais tias tshuav Nkauj Muam thiab Nraug Nus nkawd ob tib tug los.  Thaum Tswv Ntuj hu tus yawg Koob Has Nplas Has. Thaum Tswv Ntuj tis npe rau Yas Kos tias, Koj yog His Xas Lais lub keeb. Thaum Tswv Ntuj hu Mais Xes, thiab  cov Yaj Saub sib txuas zws los txog Leej Pleev uas yog Tswv Ntuj tus cawm Seej, nrog rau Leej Tswv Yim uas yog tus ib txwm nyob txawm.
    - Yes Xus yog tus hais kom meej, ces Nws thiaj hias tshab plaws tias, kom peb sawv daws tig los yuav lub siab tshiab.
    -Tswv Ntuj cov qib lus uas Leej Plev tshaj kom meej uas tig los yuav lub siab tshiab  muaj ntau lo, yuav hais txog li 10 yam:
    1. Tus nyiam Tswv Ntuj, yuav txhob ntshaw ntiaj teb lub cuab tam.
    2. Tus xav nrog kuv,mas nws yuav txhob nco txog nws tus kheej.
    3. Tus xav lawv kuv qab, nws yuav kwv nws tus ntoo cuam, ces raws kuv mus.
    4-Tus nyiam kuv,mas nws yuav ua nws txoj sia ploj.
    5. Tus xav nrog kuv, mas nws yuav txhob ntshaw lub koob meej los ua chaw dawm kuv taw.
    6. Tus xav tsob hwb Tswv Ntuj, mas nws yuav txhob ntshaw nyiaj txiag.
    7. Tus mloog Yes Xus lus, mas nws yuav nyiam tsoom txheeb ze.
    8. Tus nyiam Tswv Ntuj tiag, mas nws yuav mloog Yas Ves 10 lo lus qhia uas Mais Xes sau los saum lub roob Hos Les los.
    9. Tus xav taug Leej Pleev txoj kev, mus cuag Leej Txiv,mas nws yuav txais Lub Koom Txoos 7 lub cim pub txiaj ntsim.
    10.Tus neeg xav tau Ntuj Ceeb Tsheej, mas nws yuav tsis txhob coj tus ntsuj plig dag thiab nyiam ua tim khawv cuav.


    ZAJ THOV NTUJ.
    1. Peb thov Ntuj rau Luv Koom Txoos, kom tsoom neeg ntseeg nyiam taug Leej Pleev txoj kev tseeb mus cuag Leej Txiv.  Peb thov koj.

    2. Peb thov Ntuj pab cov Nom Tswv kav teb chaws, kom lawv ua neeg thoob tsib txhob nyiam tsim kev ua tsov rog.  Peb thov Koj...

    3. Peb thob Ntuj rau cov neeg txom nyem, cov nyob tsev loj faj, cov raug neeg ntxub, cov muaj mob, uas pw tsev tshuaj. cov nyob hauv vaj tse, cov tuaj ntawm no, cov sau npe rau Tswv Ntuj paub tib si, Ntuj Koj lub lawv mog. Peb thov koj...

    4. Peb thov Ntuj rau cov neeg ntseeg raug luag hiam vim lub Moo Zoo,nyob txhua lub teb chaws. Tswv Ntuj tej teeb meem no yog koj daws thiaj tau. Peb tso siab rau koj lub siab khuv leej neeg.    Peb thov koj...

    5. Peb thov Ntuj rau peb cov neeg tuaj sib txoos teev Ntuj ua ke no.  Kom peb zeem tseeb tias,Leej Pleev yog tus xav coj peb mus cuag Leej Txiv, kom tau nyob kaj siab luag.  Peb thov koj...

    6. Peb nyias thov Ntuj rau tej yam nyias paub nyob nruab siab... Tswv Ntuj Thov koj mloog Peb Leej Niam Mab Liab pab cev peb sawv daws zaj thov kom nce tuaj txog koj.  Peb thov koj...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th February 2015, 1:08 am



    LUB CAIJ PLAUB CAUG CHIV 2 B TIM 1/3/2015.

    Ntawv Hauv Paus hais tias: {22:1-2+9-10+13-15.}
    *-Has Nplas Has, yog tsoom neeg ntseeg Txiv.Vim nws yog tus xub ntseeg thiab mloog Tswv Ntuj lus dua cov.
    *-Muaj ib hnub Tswv Ntuj xav sim Has Nplas Has siab, ces Tswv Ntuj hais rau nws tias:
    Has Npla Has, koj coj HisXas Has, tus tub twm zeej uas koj nyiam, mus rau Mob Liab teb, ces koj muab tua hlawv txi rau kuv nyob ntawd.
    *-Thaum Has Npas Has tau mloog Tswv Ntuj txhij txhua lawm, ces Tswv Ntuj cheem Has Nplas tias:
    Has Nplas kuv paub tias koj hwm Ntuj zoo lawm,Koj txhob ua ib yam phem rau tus me nyuam.
    *- Ces Tswv Ntuj lo lus nrov saum ntuj tuaj tais:
    Kuv yuav foom hmoov zoo rau koj, kom koj cov xeeb ntxwv coob ib yam li cov hnub qub nyob saum ntuj thiab cov suab puam nyob tom ntug hiav txwv, yog koj suav tau mas koj suav mas!
    *-Kom tas lub ntiaj teb no yuav tuav txog koj tsoom xeeb ntxwv los sib foom hmoov zoo, rau cov neeg xav tau Ntuj txiaj ntsim.
    *-Nyiam no Lub Koom Txoos cov ntseeg txog Yes Xus lub npe, peb thiaj tuav txog Yes Xus Pleev, thiab tsoom leej Ntshiab lawv cov npe lus sib foom hmoov zoo:
    Yam li thaum peb teev ntuj peb hu los tuav txog cov Leej Ntshiab xws li Pob Zeb , Paj Lug lawv tas ces peb xaus rau Huab Tais Pleev. Vim tias Yes Xus Pleev thiab cov Leej ntshiab puav leej Yog Has Nplas cov Xeeb ntxwv. Cov yug ntawm caj ces los yog. Cov uas yug los ntawm sab kev ntseeg los puav leej yog. Has Nplas yog thawj tug.
    *- Thiaj muaj raws li, Paj Lug hais rau cov Los Mas tias:
    { 8:31-38.}
    Cov nrog Yes Xus mas tsis muaj leej twg yuav yeej tau lawv!
    Tab sis Tswv Ntuj ho tso Nws Leej Tub raug kev tuag. Kom tau pab peb sawv muaj txoj sia, thiab tau nrog Tswv Ntuj nyob.
    *-Lo lus no Tswv Ntuj xav qhia peb cov ntseeg tias, yog peb tshaj Tswv Ntuj cov lus, mas peb yuav hais qhov tseeb thiab muaj xwb txhob txua thiab hais yam tsis tseeb, ua rau neeg vwm thiab siab nphau npog. Ces coj neeg zwm rau xwv txheej, vim tshaj lo lus yuam kev los tsis tseeb.
    *-Yam li ob xyoo dhau los ntawd, peb hnov cov xov nyob Cob Tsib teb tias, muaj neeg mus tshaj kev ntseeg txog Vaj Tswv, mas Ntuj yuav pab kom Hmoob muaj teb chaws nyob, ces Huab Tais Hmoob yuav nqes saum ntuj los. Ces Hmoob yuav muaj Huab Tais kav Hmoob xws li tej Mab sua. Ces qhov kawg Cov neeg hmoob txom nyem ntawd raug xwv txheej loj, Ces Vaj Tswv thiab cov Xib Hwb ploj tas lawm, tsis paub tias cua tshuab lawv ya mus dua qhov twg lawm cuag li tsis muaj Vaj Tswv, thiab Xib Hwb li. cia li muaj ib cov neeg txom nyem ua neeg thoj nam mus poob qhov ub qhov no.
    *-Tswv Ntuj Yog txoj kev ncaj, cov ntseeg txog Yes Xus Pleev, mas Tswv Ntuj ua kom lawv ncaj tuaj. Ces lawv yeej cov xwv txheej, vim Tswv Ntuj xav kom cov pej xeem hwm thiab nyiam mloog cov nom Tswv, thiab haum xeeb nrog cov Nom Tswv, ces sawv daws koom ua ib pab neeg nyob taus ua ib npoj.
    *-Cov ntseeg txog Yes Xus mas lawv yuav ua ncaj rau cov Nom Tswv, xws li cov Nom Tswv yog Tswv Ntuj ib sab tes muaj zog pab lub teb chaws. Tseem yuav ua ncaj rau txhua fab kev tswj kav los kev coj, ces yuav tsis muaj leej twg raug kev hiam, thiab muab txim rau tus ub tus no li.
    *-Txhua yam xwv txheej yog tuaj ntawm tus hais los tus qhia cov lus tsis meej ces mam muaj xwv txheej xwb.
    *-Peb yuav ceev faj rau cov neeg txom nyem nyob hauv kev pluag. Tab yog lawv muaj txoj kev ntseeg, tiam sis kev ntseeg tsis tau loj hlob nyob puv lawv siab,lawv tswv yim, mas lawv nyiam ntseeg txog hwj huam thiab peev xwm los sib rhuav. Tab sis yam no mas tsis zoo li. Hwj Huam thiab peev xwm mas nws tsuas los pab sab ntsuj plig kom muaj zog tiv thaiv kev iab kev khwv xwb. Nws tsis yog yuav tiv thaiv kev ploj tuag ntawm lub cev.
    *-Mas Kos ntawv Moo Zoo thiaj hais tias: {9:2-10.}
    Yes Xus yog Tswv Ntuj Leej Tub uas Tswv Ntuj nyiam kawg,peb yuav mloog Yes Xus lus Tswv Ntuj thiaj nyiam peb.
    *- Muaj ib zaug Yes Xus coj Pob Zeb Yas Kos thiab Zam, lawv mus ib qho xu kev saum ib lub roob. Ces Yes Xus cia li txia ntshis ua zoo li Ntuj tus tshiab nyob ntawm lawv xub ntiag. Ces muaj ob tug neeg txheej laus thaud tawm los nrog Yes Xus tham. Yog Es Lis thiab Mais Xes, nkawd.
    *- CesTswv Ntuj lub suab nrov saum ntuj tuaj tias, tus no yog kuv Leej Tub uas kuv nyiam kawg. Nej mloog nws lus mog. Tswv Ntuj lo lus yog ib lo lus muaj zog. Tab sis tsis yog lo lu tuaj khav theeb, tso hwj chim thiab siv lub peev xwm.Txwv Ntuj los lus muaj zog mas tsuas yog muaj zog tiv thaiv sab ntsij plig kom ua neeg dawb huv kom tau txoj sia nyob mus li yav tom ntej.
    *-Sab uas tus ntsuj Plig yeej mas zoo li nws lub cev swb mus lawm. Ua rau nws lub cev ploj tuag mus. Hos sab lub cev yeej mas yog nws tus ntsuj plig swb tseeb lawm. Vim tus ntsuj plig tsis muaj txoj sia nyob lawm. Swb thiab yeej yog qhov ntawd.

    ZAJ THOV NTUJ.
    1. Peb thov Ntuj pab lub Koom Txoos kom cov tub tshaj Ntuj lus to taub Leej Tswv Yim Ntshiab zaj txuj ci Muab Tswv Ntuj tej lus tseem ceeb los tshaj kom ntiaj teb hnov tseeb. Peb thov Koj...

    2. Peb thov Ntuj pab cov Nom Tswv kom cov Nom Tswv txawj pom tias lawv txoj kab xwm yog pab Tswv Ntuj xa kev thaj yeeb rau pej xeem huab hwm thiab tsoom phooj ywg sawv daws ua Nom Tswv ib yam, kom muaj kev thaj Yeeb. Peb thov koj....

    3. Peb thov Ntuj rau cov neeg txom nyem. Cov nyob txim, cov muaj kev ntxhov siab, cov Muaj mob, cov pw tsev tshuaj, cov tuaj ntawm no cov sau npe rau Tswv Ntuj paub. Tswv Ntuj cov teeb meem no Koj thiaj paub peb cev tas nrho rau koj. Peb Thov koj...

    4. Peb thov Ntuj kom tas nrho cov teb chaws loj teb chaw me kom muaj kev sib hlub sib zam los ntawm Yes Xus lub Moo Zoo uas nyob thoob lub qab ntuj no los tsa kev haum xeeb pub rau txhua lub teb chaws. Peb thov koj...

    5.Peb thov Ntuj rau peb cov neeg tuaj teev Ntuj ua ke no, kom peb muaj kev sib hlub, vim peb yuav Leej Tswv Yim Ntshiab tib leej ua tus coj peb txoj kev dawb huv. Peb thov koj...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 5th March 2015, 8:30 am



    LUB CAIJ PLAUB CAUG CHIV 3 B, TIM 8/3/2015.




    Zaj lus hnub chiv 3 lub caij 40 no, Lub Koom Txoos yuav hais txog Tswv Ntuj cov txuj ci thoob tsib nrog Nws lub Peev Xwm muaj zog.
    Hauv cov Ntawv Ntshiab: { kev tsiv 20:1-3+7-10 +12-17.} { Kos Lis Nthos:1-1:22-225. } {Thiab Zam: 2:13-25.}

    Tswv Ntuj Nws muaj 3 lo lus muaj zog thiab thoob tsib heev:

    1->Tswv Ntuj yog tus muaj txoj sia Ntshiab huv pub rau cov neeg nyiam mloog Nws cov lus.
    2->Cov neeg ua Tswv Ntuj kam hu lawv, mas lawv ntseeg tias, Yes Xus yog Tswv Ntuj kev thoob tsib Thiab lub zog.
    3->Yes Xus yog tus pub tau txoj sia nyob mus li, vim Nws txawj tuag thiab txawj sawv rov los.
    Tswv Ntuj yeej ib txhis yog tus txawj khuv leej neeg. Yav thaud, Tswv Ntuj tau hais rau Mais Xes tias, Tswv Ntuj tau coj koj tawm ntawm Hais Nkws Tos Teb los.
    Nyiam no thiab thaum ub, los Tswv Ntuj yeej tsis tau hloov siab thiab hloov lus li. Thaum muaj ib tug neeg ntseeg thiab tso siab rau Tswv Ntuj lawm, mas Nws yeej coj kom tus neeg ntawd, tawm ntawm nws kev muaj xwv txheej los,cov raug dab haub ntxias los cov raug neeg yuam kom mus raug kev puas tsuaj.
    Nyob hauv peb sawv daws lub neej mas peb yeej ntsib dua los lawm feem coob, yog peb tsis to taub thiab zeem tau tias Ntuj Twb tau coj peb dua tawm ntawm tej kev muaj xwv txheej los lawm.
    Hos cov tsis muaj los Ntuj yeej ib txwm pov hwm kom lawv nyob nrug deb ntawm kev yuav ntsib xwv txheej.
    Ua li mas peb yuav nco ntsoo hwm Ntuj, thiab txhob tuav txog nws lub npe los mus cog lus cuav. Nws yeej npaj kom tau pab peb daws tej teeb meem,txhua lub caij. Nws thiaj tau muab 10 lo lus qhia rau Mais Xes ua ntej ntxo ntxo los lawm.
    10 lo lus ntawd yog Tswv Ntuj txoj kev nrog peb neeg Yaj Ceeb no cog lus.

    ->Paj Lug hais tias. Cov Yus Das thiab cov Hes Las lawv ua ob Tog:
    Cov Yus Das lawv taij kom tau pom Yes Xus cov Hwj Huam Yees Ntxwv. Hos Cov Hes Las taij kom tau pom Yes Xus kev thoob tsib.
    Cov ua txawj pom tau tias Yes Xus yog Tswv Ntuj kev thoob tsib thiab yog Tswv Ntuj lub zog mas lawv yog cov to taub tias Tswv NTuj muaj txoj sia nyob mus li tsis txawj ploj los pub rau cov neeg nyiam kev ntsiab huv. Uas Yes Xus tau hai lub caij nws tshaj Tswv Ntuj cov lus thoob tsib tias:
    Kuv yog txoj sia, Kuv yog qhov tseem ceeb, kuv yog txoj kev.
    Xav kom neeg Yaj Ceeb to taub lo lus Leej Pleev tshaj no.

    ->Cov sau ntawv Moo Zoo tau sau tseg thiab qog Yes Xus lo lus saum no vim Yes Xus hais ntxiv tias:
    Tus nyiam Kuv Txiv mas yuav saib tias Tswv Ntuj lub chaw tsis yog Nyiaj kub thiab ntiaj teb lub cuab tam thiab chaw nplua nuj ua kev hom khaj thiab kev lom zem. Yuav muaj ob yam no rau neeg xaiv:
    a. Tus xaiv kev ywj siab yuav tuag mus li tsis saw rov los, yog nws kev tu siab tsis muaj hmoo tau txoj sia nyob mus li. Vim nws tsis vam txog Ntuj pab. Nws xaiv nws tus kheej.
    b. Tus muaj hmoo vim Ntuj pab nws xaiv, thiab nws zoo siab lees yuav. Xyov yog dab tsis hmoov nws thiaj tau muaj txoj sia nyob mus ib txhiab ib txhis, tsim nyog Ntuj tso nws tuaj xeeb ua neeg ib zaug rau lub sim ceeb no kawg nkaus.

    ZAJ THOV NTUJ.

    1. Peb thov Ntuj rau lub Koom Txoos, kom Leej Tswv Yim coj lub Koom Txoos mus raws nraim Lub uas Leej Pleev tau tsa Xis Moos ua lub Pob Zeb nyob khov kho, uas Dab Phem cov rooj loog yuav tsis yeej lub Pob Zeb no. Peb thov...
    2. Peb thov Ntuj rau cov Nom Tswv kav teb chaws. Uas lawv nyiam tsim tsov rog Kom Leej Ntuj Plig los coj thiab qhiav kev sib hlub sib zam, los sib koom siab sib raug zoo, ua phooj ywg kom txhob muaj kev ua tsov rog. Peb...
    3. Peb thov Ntuj rau cov neeg txom nyem. Tswv Ntuj, cov neeg txom nyem no muaj puv lub qab ntuj khwb, koj thiaj paub. Thov koj tshem txhua txoj kev txom nyem mus kom txhob muaj neeg mus zwm rau Tsev loj faj coob. Cais kom tej mob nkeeg txhob los zwm rau neeg nruab cev. Nplij cov neeg raug kev tshaib nqhis. Peb thov...
    4. Peb thov Ntuj rau cov muaj npe nyob hauv phau ntawv kom Tswv Ntuj los nplij txhua tus muaj kev txhawj xeeb no. Peb thov koj...
    5.Peb thov Ntuj rau peb sawv daws uas tuaj hnub no, kom Tswv Ntuj pub paj tshab rau peb, to taub Leej Pleev los lus thoob tsib thiab muaj zog, kom peb tau ua cov Ntuj xaiv, thiab peb txawj lees yuav. Peb thov...
    6. Peb cev yam ua peb muaj nyob nruab siab uas xav qhia rau Tswv Ntuj pab daws teeb meem mus... Tswv Ntuj peb tso siab lug rau koj lub siab thoob tsib muaj zog no. Peb thov koj...


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 11th March 2015, 8:15 pm



    LUB CAIJ PLAUB CAUG HNUB CHIV 4 B TIM 15/3/2015.



    Hnub no peb nyob hauv hnub chiv 4 lub caij 40. Cov ntawv Ntshiab hnub no peb nyeem, mas lub Koom Txoos xav qhia txog kev ua txhaum rau Tswv Ntuj.


    Peb zag nyeem hnub no, nyob hauv ntawv 2 Xwm 36: 14- 16+19-23. Es Fes Xos 2:4-10. thiab Zam... 3: 14-21.

    Thaum peb nyeem cov ntawv Ntshiab no, mas peb txhob txhais hais tias, Tswv Ntuj muab Txim rau cov neeg ua phem.
    Tswv Ntuj cia neeg xaiv raws li neeg nyiam. Neeg yuav xaiv kev zoo los xaiv kev ua txhaum ywj siab tau.
    Sawv daws yeej paub tias kev ua txhaum yog kev ua tub qaug rau Tswv Ntuj loj dua ua tub qaug rau neeg.

    Cov kev ua txhaum tub qaug rau Tswv Ntuj yog cov:
    -Koj tsis ntseeg tias muaj Tswv Ntuj.
    -Ntseeg ib lub npe dab uas koj tsis paub.
    -Ntseeg neeg ib zaj lus muaj hwj huam rhuav txoj sia.
    -Mus ntseeg pov haum pob zeb, ntseeg ib tug kub los ib tug kaus tsiaj txhu mus hwj huam txawj pab tiv thaiv tau tau leej tib neeg.
    Koj mus ntseeg tej yam no ces koj tau thuam Huab Tais Tswv Ntuj lawm, zoo li Tswv Ntuj muaj qab hau tsis cuag pob zeb los kub nyuj thiab kaus npua.


    Tswv Ntuj tsis muab txim rau leej twg Ntuj cia koj xaiv yam ywj siab. Yog kev ua txhaum mam coj koj mus raug Kev txom nyem, kev lwj siab, kev tu siab kev poob tsim txhua yam. Ces koj mam ua tus swb luag, lwm tus neeg mas muab txim rau koj.
    Peb yuav liam tsis tau tias Tswv Ntuj muab txim rau neeg.
    yog neeg xaiv neeg tus kheej.

    Muaj li no mas thawj tsab ntawv peb thiaj hnov tias cov His Xas Lais mus nyob txim nyob Npas Npis Los.
    Tswv Ntuj siab zoo mus li, cov neeg tau ua txhaum rau Tswv Ntuj lawm los Ntuj tos ib lub zoo caij yuav rov pab tus neeg ua txhaum ntawd.

    *-Paj Lug thiaj hais rau cov Es Fes Xos tias:
    Tswv Ntuj yeej xub nyiam neeg ua ntej. Nws siab dav,Nws thiaj muab tas nrho Nws lub siab dav los nyiam lub ntiaj teb neeg. Nws thiaj tshoj kom neeg paub Tswv Ntuj Leej tub Yes Xus Pleev, kom tau zam rau tus neeg xav hloov siab los ntawm, Nws leej Tub lub txiaj ntsim ua siab dav rau ntiaj teb neeg txhua tus.

    *- Zam thiaj hais Leej Pleev ib lo lus ntxiv tias:
    Yog muaj ib tug neeg ntseeg txog Yes Xus thiab mloog Nws lus lawm. Mas Tswv Ntuj tsis muab txim rau. Xws li Thaum ub Tswv Ntuj tus Yaj Saub Mais Xes tau tsa tus nab tooj nyob teb chaws saub puam. Kom cov neeg tau pom tus nab tooj nyob siab ces lawv tsis tuag.
    Leej neeg tus tub kuj yuav raug nyob siab li ntawd, kom tus ntseeg muaj txoj sia nyob mus li.
    Vim tias Tswv Ntuj tsis xa Leej neeg tus tub tuaj txiav txim. Hos Nws xa Nws Leej Tub tuaj cawm lub sim Ceeb, kom tus ntseeg tsis muaj kev raug txim.
    Cov neeg ntseeg Txog Leej Pleev mas yuav tsum paub tias, muaj 6 yam txhaum uas yog ua tub qaug rau Leej Tswv Yim Ntshiab:
    1. Koj tas kev cia siab rau Leej Tswv Yim.
    2. Koj tso siab rau ib txoj kev cawm tsis muaj txiaj ntsim:
    Ntseeg ib tug mlom uas neeg ua khawv koob rau, kom muaj hwj huam,ntseeg pov haum, ntseeg ib tug kub los ib tug kaus muaj peev xwm ua hwj huam los pab koj.
    3. Koj tsis ntseeg thiab lees yuav qhov tseeb.
    4. Koj ntshaw luag tug los ua toj tug.
    5. Koj twb ua txhaum tsis kav koj twv ntuj.
    6.Koj tsis kam daws txhaum thiab tsis kam txais lub cim Pleev thaum koj yuav tas sim neej. Koj tau tuag nrog kev ua txhaum.
    Thiab muaj 4 yam txhaum uas lub Tswv Ntuj lub siab tshaj:
    1-> Koj txo koj txoj sia.
    2-> Koj tsis ua neeg siab dawb huv rau Txhua yam Ntuj tau tsim los! Neeg thiab tsiaj, los lwm yam...
    3-> Koj saib tsis tau tus txom nyem los tus pluag.
    4->Koj ntiav neeg ua hauj lwm, tsis them nyiaj rau.

    ZAJ THOV NTUJ.
    1. Peb thov Ntuj rau lub Koom Txoos Kom Tswv Ntuj pov hwm peb tus Vaj Qhia kom nwv nyob nrog Nraim Leej Tswv Yim kev thoob Tsib. Peb thov koj...
    2. Peb thov Ntuj rau cov Nom Tswv tswj teb kav Chaw kom Tswv Ntuj kev nyiam kev hlub mus txog lawv. Kom lawv txawj hlub pej xeem huab hwm zoo. Peb....
    3. Peb thov Ntuj rau cov neeg txom nyem, co raug luag tsim txom, cov nyob tsev loj faj, cov muaj mob nkeeg, uas pw tsev tshuaj, cov nyob hauv vaj tse. Cov tuaj ntawm no. Tswv Ntuj koj yog tus paub koj dauv muag los ntsia lawv. Peb thov koj...
    4. Peb thov Ntuj rau cov neeg sau npe rau Tswv Ntuj thiab cov tuaj sib txoos hnub no Tswv Ntuj koj tshoj kom peb to tau cov txhaum ua koj tsis nyiam, kom peb ncaim tau mus deb ntawm cov txhaum ntawd. Peb thov...
    5. Peb thov Ntuj rau yam peb nyias muaj nyob nyias nruab siab uas peb xav cev rau Tswv Ntuj....Peb thov koj...


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 19th March 2015, 11:31 am



    LUB CAIJ PLAUB CAUG CHIV 5 B. Tim 22/3/2015.

    Ntawv Yes Les Miam hais tias: {31:31-34.}
    Tus zoo siab nrog Tswv Ntuj cog lus, mas Tswv Ntuj yuav sau Ntuj lo lus tseg nyob hauv rau hauv nws nruab siab:
    Tswv Ntuj hais tias.
    -Kuv yuav cog lus rau koj txawv cov pog cov yawg thaud, Kuv cog ib lo lus tshiab sau tseg rau koj nruab siab tias, koj yog kuv haiv neeg. Hnub no kuv sau tseg lawm ces yuav tsis tas sib qhai lawm. Koj yuav tsum paub tias, kuv yog Tswv Ntuj. Thiab kuv nco ntsoov zam koj tej txhaum poob los lo koj qhov ncauj thiab nplaum koj tes taw.
    *-Muaj tseeb li ntawv Hes Nplaus tias: {5:7-9.}
    Tos Yes Xus cawm tau peb mas Nws xub mloog Tswv Ntuj lo lus:
    Thaum Leej Pleev nyob Nws tau quaj thov kom Leej Txiv cawm Nws ntawm txoj kev tuag. Ces Leej Txiv tau mloog Leej Pleev lus thov. Vim Leej Pleev yog tus hwm hwm Leej Txiv zoo tshaj.
    Leej Pleev yog tus tau kawm txoj kev mloog lus kom tiav. Txij no mus leej twg mloog Leej Pleev mas Leej Pleev kuj ua tus cawm nws kom tiav log mus li.
    *-Zam Ntawv Moo Zoo hais tias: {12; 20-33.}
    Lub Caij uas Leej Pleev yuav raug kev tuag. yog lub caij uas Nws yuav muaj Koob Meej.
    Hnub ntawd muaj ib pab Hes Las. Yog cov neeg teev Ntuj. Lawv txav los hais rau Fis Lis Pos tias:
    Huab Tais, “Peb xav pom Yes Xus.”
    Tom qab ntawd Yes Xus hais cov lus no tias:
    Zaum no txog lub caij Leej Neeg tus tub yuav muaj Koob Meej lawm.
    Kuv hais qhov tseeb, yog lub Noob Nplej tsis poob hauv av mas nws yuav nyob nws ib leeg xwb. Hnub uas Nws poob hauv av lawm, mas Nws yuav tuag, Nws yuav lwj mus, tas ces Nws mam rov ua tus kaus zoo li tus qub, Nws yuav txi ntau lub noob tuaj.
    Hais txog Leej Tib neeg kuj tib yam, tus nws nyiam nws txoj sia mas nws yuav ua nws txoj sia ploj. Hos tus ntxub nws txoj sia nyob hauv lub sim ceeb no, mas nws yuav txuag tau nws txoj sia nyob mus li.
    Thaum Leej Pleev hais lo lus no, muaj ib sub suab nrov saum ntuj tuaj! Cov neeg ntawd hais tias yog xob quaj!
    Thaum ntawd, Yes Xus hais tias:
    Lub Suab ntawd nrov tuaj tsis yog nrov tuaj pab kuv. Yog nrov tuaj pab nej tias:
    Nyiam no txog lub caij txiav txim rau lub Sim Ceeb lawm.
    Yog thaum muaj neeg tsa kuv nyob saum lub ntiaj teb mas kuv yuav rub tau nej sawv sawv daws los cuag kuv. Yog lub caij uas Leej Pleeb nyob saum ntoo cuam mas nws thiaj rub tau lub sim Ceeb neeg los nyob ze nws.
    Hnub no Leej Pleev tau cog lus rau tus tub sab nyob ntawm nws ib sab tias:
    Kuv cog lus tias, Hnub no koj yuav tau nrog kuv nyob pem Tswv Ntuj lub Ceeb Tsheej.
    ZAJ THOV NTUJ
    1. Peb thov Ntuj rau lub Koom, Kom Leej Tswv Yim pov hwm Peb tus Vaj Qhia kom coj nraws nraim li Leej Tswv Ntshiab qhia, thiab muaj zog tiv thaib tej kev phem lub ntiaj teb quab yuam kom ua. Peb thov koj...
    2. Peb thov Ntuj rau cov Nom Tswv tswj teb kav chaw, Kom lawv to taub Tswv Ntuj kev nyiam kev hlub tsoom pej xeem huab hwm. Coj kom raug sawv daws siab txhua lub teb chaws thiaj muaj kev kaj siab. Peb...
    3. Peb thov Ntuj rau cov neeg txom nyem, zoo li cov neeg raug luag hiam, cov raug kaw tsev loj faj, cov muaj mob nkeeg, uas nyob tsev tshuaj, cov nyob tom lawv Vaj tse, cov tuaj ntawm no. Tswv Ntuj koj dauv muag los saib txog cov neeg no... Peb thov koj...
    4. Peb thov Ntuj zam Txhaum rau txhua tus xav hloov siab los taug txoj kev zoo, Tswv Ntuj thov Koj saib cov neeg hloov siab kom muaj nqes, vim lawv tso siab raws Leej Pleev qab. Peb thov koj.
    5. Peb thov Ntuj rau cov neeg sau lawv lub npe rau Phau ntawv, thiab cov neeg tuaj hnub no. uas peb tau hnov koj lo lus, thov kom cov lus no tawg paj tau nyob hauv peb nruab siab ua kom Leej Pleev rub tau peb nyob Ntuj Ceeb tsheej.

    Yaj Zoov Ntxheb.X H.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 10th April 2015, 7:48 am



    HNUB CHIV HLA ABC tim5/4/2015.



    Ntawv Hauj Lwm hais tias: {10: 37- 43.}
    Tswv Ntuj tau tsa Yes Xus sawv rov los lawm. Leej twg xav txais Tswv Ntuj lub txiaj ntsim muaj txoj sia, nws yuav vam txog Yes Xus.
    Vim tias Tswv Ntuj tau Pleev Yes Xus, thiab pub Leej Tswv Yim Ntshiab lub peev xwm rau Yes Xus. Kom kho tau cov neeg mob poob hauv dab phem txhais tes kom zoo hlo.
    Vim Tswv Ntuj nrog Yes Xus nyob, ces luag thiaj tau hiam Yes Xus, thiab muab Nws dai rau saum ib tug ncej kom tuag.
    Hnub peb Tswv Ntuj tau tsa Yes Xus sawv rov los, Tswv Ntuj tau pub kom cov Thwj Tim pom. Lawv yog cov tim khawv uas Ntuj ib txwm xub xaiv.
    Tos ho muaj li ntawd, Vim Tswv Ntuj tsa Yes Xus sawv rov los kom tau txiv txim rau cov neeg ciaj thiab neeg tuag. Ces Yes Xus thiaj li yuav tau mus lwm ib vuag rau tub tuag teb.
    Paj Lug hais rau cov Kos Lis Nthos tias: {3:1-4.}
    Cov ntseeg txog Yes Xus, mas lawv nrog Yes Xus txais lub cim ntxuav.
    Lub Cim Ntxuav, pab tus neeg ntseeg zeem tias, nws tau nrog Yes Xus tuag thiab sawv rov los muaj txoj sia.
    Ua li mas peb pom xeeb nrog Leej Pleev sawv rov los, peb yuav nrhiav tej yam nyob txheej ntuj saud.
    Peb lub siab txhob dai dhuam rau tej yam nyob ntiaj teb no. Tej yam nyob ntiaj teb no puav leej coj neeg mus zwm rau txoj kev tuag. Peb twb nrog Leej Pleev nqes mus tub tuag teb rov los lawm, mas peb yuav tso tej yam nyob ntiaj teb no tseg. Yam li kev muab hlob, kev khav theeb, kev ntshaw ntiaj teb lub cuab tam loj nrog kev muaj hwj chim koob meej tuaj ntawm lub ntiaj teb tuaj.
    Tej yam no puav leej coj neeg rov mus zwm rau kev tuag tas nrho xwb.
    +Zam ntawv Moo Zoo thiaj hais ntxiv tias: {20:1-9.}
    Peb ntseeg tias Yes Xus sawv tau rov los. Peb thiaj tso siab tias, Yes Xus pub tau txoj sia rau peb.
    Thaum Tus Thwj Tim uas Yes Xus nyiam thiab Xis Moos Pob Zeb nkawd khiav mus txog Yes Xus lub ntxa, ces nkawd ntseeg. Tab sis nkawd tsis to taub tias Yes Xus yuav sawv hauv cov tub tuag rov los raws li ntawv qhia. Yog hnub uas Leej Tswv Yim Ntshiab nqes los nyob,mas lawv thiaj paub tseeb, los ntawm Leej Tswv Yim Ntshiab kev tshoj neeg lub siab kom paub los.
    Ntawm peb mas lub hnub nyug Leej Tswv Yim Ntshiab nqes los mas Nws kuj yuav qhia peb kom to taub li Cov Thwj Tim tib yam thiab.
    Hnub peb to taub lawm mas peb kuj yuav zoo siab los txhim lub KoomTxoos li thawj pab thwj Tim 3000 leej ntawd. Uas Dab Phem lub rooj loog yuav tsis muaj cai yeej lub Koom txoos ntawd los txog tav no.
    Thaum ntawd peb yuav muaj Leej Pleev lub hwj chim thiab muaj Leej Tswv Yim Ntshiab lub peev xwm los tiv thaiv peb, ces cov neeg raug mob uas poob rau ntawm Dab Phem txhais tes, peb yauv pab kom lawv zoo hlo tau.
    ZAJ THOV NTUJ.
    1. Peb thov Ntuj rau Tswv Ntuj lub Koom Txoos, kom txhua phiaj neeg ntseeg to taub txog qhov Tswv Ntuj tau Pleev Yes Xus, thiab pub Leej Tswv Yim lub peev xwm rau Yes Xus kom dab phem cov rooj loog tsis yeej Y.X.....
    2. Peb thov Ntuj rau cov Nom Tswv tswj teb kab chaw, Lub ntiaj teb no yog tas nrho pej xeem huab hwm sawv daws li ntiag tug, kom cov nom Tswv saib taus tsoom pej xeem pab pawg coob thiab pab pawg tsawg ib yam...
    3. Peb thov Ntuj rau cov neeg txom nyem.Cov raug luag hiam, cov raug poob ua neeg thoj nam,cov muaj mob nkeeg, pw tsev tshuaj, cov tuaj ntawm no thiab cov nyob tom vaj tse. Tswv Ntuj thov koj hlub txog lawv mog...
    4. Peb thov Ntuj rau txhua pab neeg ntseeg sib txawv. Nyob ntiaj teb no,kom peb Leej Nplij neeg tshoj kom sawv daws to taub txog tus Tswv Ntuj muaj zog thiab muaj peev xwm pub tau txoj sia rau leej tib neeg. Txhob mus ntseeg dab ntseeg mloom los cov lus cuav...
    5. Peb thov Ntuj rau peb txhua tus tuaj teev ntuj, kom Leej Pleev thiab Leej Tswv Yim Ntsiab pub peb muaj peev xwm tiv thaiv dab phem cov rooj loog tuaj haub ntxias peb niaj hnub...

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 10th April 2015, 7:53 am



    CAIJ HLA CHIV 2 B Tim 12 /4/2015.



    +Ntawv Hauj Lwm hais tias: {4:32-35.}
    Cov ntseeg txog Yes Xus lawv muaj peev xwm sib pab, lawv saib tias lawv yog ib cuab ib yim neeg xwb. Lawv koom ua ib lub siab. Tus muaj cuab tam ntau nws txaus siab qee los pub rau tus tsis muaj.
    Tus uas nws muaj kev ntseeg tuaj ntawm Yes Xus lub Moo Zoo tuaj tiag, mas nws yuav saib tias sawv daws muaj hwj chim ib yam. Yuav sib hwm nyob hauv Tswv Ntuj lub koob meej, nyias yuav nyob nyias chaw, txhob sib dawm roob hlaub, kom muaj neeg ceg tawv, los laj muam tsis pom kev tseeb saib mus yav tom ntej.
    Sawv daws yuav hwm Huab Tais Pleev txoj kev sawv hauv cov tub tuag teb rov los. Nws muaj zog tas nrho, uas nws yuav muab faib rau txhua tus neeg ntseeg kom muaj sia nyob mus li.

    +Tus Thwj Tim Zam kuj hais tias: {1Z,5:1-5.}
    Tus ntseeg thiab nyiam Yes Xus mas nws zoo li tus neeg rov yug los dua tshiab. Nws lub siab xis rau Tswv Ntuj nyiam, thiab nws nyiam mloog Tswv Ntuj lus.
    Leej Pleev Nws yug ntawm Tswv Ntuj los, tus ntseeg txog Leej PLeev, nws kuj zoo li tau yug dua ntawm Tswv Ntuj los.
    Vim tias, Tswv Ntuj yog tus xeeb Leej Tub, Cov uas tau nyiam tus xeeb Leej Tub ces lawv puav leej yug ntawm Tswv Ntuj los.
    Cov coj thiab mloog Tswv Ntuj lo lus qhia, mas lawv saib lo lus qhia ntawd tsis hnyav lawv.
    Vim lawv yug ntawm tus qhia lo lus los. Mas lawv yuav yeej lub ntiaj teb.
    Vim tias, lub zog loj muaj peev xwm yeej lub ntiaj teb, yog txoj kev ntseeg. Txoj kev ntseeg, yog lo lus hu ua Tswv Ntuj Leej tub.

    +Zam ntawv Moo Zoo hais ntxiv tias: {Zam 20:19-31.}
    Tus leej neeg ntseeg tias,Yes Xus sawv hauv cov tub tuag rov los, mas Yes Xus pub nws nyob kaj lug.
    Thaum Yes Xus sawv rov los lawd, nws rov los ntsib cov thwj tim, Nws hais rau lawv tias:
    Nej nyob kaj lug, kuv xa nej mus zoo li Leej Txiv xa kuv tuaj. Nej txais Leej Tswv Yim Ntshiab. Yog nej daws txhaum rau leej twg mas nws cov txhaum yuav daws mus.
    Nej cia txhaum rau leej twg mas nws cov txhaum yuav nyob lo nrog nws.
    Ua li mas kwv tij, yog txoj kev daws txhaum thiab kev zam txim, mas thiaj ncav tau Yes Xus lo lus hais tias, koj los nej nyob kaj lug.
    Tus neeg tsis mus daws txhaum thiab tsis zam txim rau leej twg, mas zoo li nws tsis paub los tsis hnov tiasYes Xus muaj lo lus hais tias, nej nyob kaj lug no.
    Thiab zoo li nws khaws kiag Yes Xus lo lus hais tias, cia cov txhaum nyob.
    Niaj hnub chiv peb tuaj sib txoos teev Ntuj,thawj zaj peb hais yog zaj KUV LEES TXHAUM, yog peb tsis daws txhaum thiab peb tsis zam txim rau luag li mas peb yog cov neeg uas hais tias,cia txhaum nyob. Peb txhob tos ntev, Hmoob lo lus hais tias, paub li yog lus lig.
    Nyob saum rab teev los rab tsi thaum haum pheej mas tus tim tseeb nyob ncaj ncaj, los tiaj lias tsis rov tog twg li.

    ZAJ THOV NTUJ.
    1. Peb thov Ntuj rau lub Koom Txoos, Tswv Ntuj thov Koj Leej Tswv Yim kev thoob tsib los coj txhua tus neeg ntseeg kom S,D to taub thiab yoog tau koj zaj lus coj ntiaj tev neeg nyob hauv Koj kev sib nyiam sib hlub...
    2. Peb thov Ntuj rau cov Nom Tswv tswj teb kav chaw, Kom txhua lub teb chaws, cov Nom Txoov Tswv Tim hais lus sib haum txhob tsim kev ua tsov rog loj....
    3. Peb thov Ntuj rau cov neeg txom nyem,Tswv Ntuj koj pab cov neeg pluag neeg me kom muaj lub siab tiaj tus, txhob npaj mus tho luag qhov vaj qhov tsev. Txhob sib dag mus puv zej puv zos neeg thiaj tau nyob nyab xeeb...
    4. Peb thov Ntuj rau cov neeg tsis ntseeg Y.X. lub Moo Zoo, kom lawv tsim dheev los cov dab cov mlom cov lus cuav pab tsis tau lawv tus ntsuj plig kom muaj txoj sia nyob mus rau tiam tom ntej...
    5. Peb thov Ntuj rau cov tuaj teev Ntuj hnub no, Kom Leej Pleev los lus nyob kaj lug tuaj duav peb lub siab kom peb to taub zoo...


    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 16th April 2015, 8:37 am



    CAIJ HLA CHIV 3 B Tim 19/4/2015.



    *Ntawv Hauj lwm hais tias: {3:13-15+17-19.}

    Tus Yes Xus uas cov Yus Das muab Nws dai saum ntoo cuam tuag. Mas hnub peb Tswv Ntuj tau tsa Nws sawv rov los lawm. Ua li mas, tsim nyog peb yuav tig los mloog Tswv Ntuj.
    Saib, thaum Leej Tswv Yim Ntshiab lub peev xwm los pab Pob Zeb thiab Zam nkawd kho tus ceg nyob Yes Lus Xas Les kom zoo hlo. Mas Pob Zeb hais rau tsoom sid paub tias:
    Tus Yes Xus tuag nyob saum ntoo cuam ntawd,yog peb cov yawg koob tus Tswv Ntuj Leej Tub. Lub qab ntuj neeg uas Tswv Ntuj tsim tau lawv los ua neeg nyob, mas lawv tsis kam zeem Yes Xus nyob ntawn Pis Las Tos xub ntiag. Lub qab ntuj neeg tau liam, Tswv Ntuj Leej tub siab ncaj ua neeg thuam Ntuj. Lawv thiaj tau muab ntiaj teb tus Vaj Txheeb pub txoj sia tua rau saum ntoo cuam.
    Tab sis Tswv Ntuj tau nco txog tas txhua yam uas, Nws tau hais kom cov Yaj Saub xub hais ntxov los tias:
    Leej Pleev yuav raug txom nyem tas, mas nws mam sawv rov los, kom tau zam txhaum rau lub Sim Ceeb.
    Ua li mas peb kav tsij tig los yuav lub siab tshiab, kom tau daws txhaum.

    * Tus Thwj Tim Zam kuj hais tias: { 1 Zam 2:1-5.}

    Lub qab ntuj neeg sawv daws yog neeg txhaum,tab sis tus ntseeg txog lub Moo Zoo, mas nws muaj Yes Xus ua tus pab cev nws lo lus thov kom Leej Txiv zam txhaum rau nws.
    Zam hais rau Tsoom ntseeg tias:
    Cov me nyuam, nej txhob ua txhaum ntxiv lawm, Leej Pleev siab ncaj tas nrho,Nws los nyob ze Leej Txiv kom tau cev peb cov lus thov rau Leej Txiv Tswv Ntuj.
    Peb cov neeg paub Leej Txiv, yog peb tsis mloog Leej Txiv cov lus, ces peb yog neeg dag. Txoj kev tseem ceeb tsis muaj nyob hauv peb.

    *Lus Kas ntawv Moo Zoo hais tias: {24: 36-48.}

    Cov Thwj Tim ntseeg tias Yes Xus sawv rov los, mas Yes Xus thiaj qhib lawv lub tswv yim kom lawv to taub txhua yam uas Tswv Ntuj qhia.
    Txij li thaum ntuj tsim teb raug, los txog tav no, tsis tau muaj dua ib tug neeg sawv hauv cov tub tuag teb los li. Yes Xus sawv rov los lawm, Yes Xus qhia ob tug Thwj Tim taug kev thiab cov hauv paus xa lus. Kom lawv paub tias Yes Xus sawv rov los lawm tiag. Ces Yes Xus tawm tuaj rau lawv pom, Nws hais rau lawv tias, nej nyob kaj lug, kom lawv zeem tau tias, Yes Xus tsis yog ib tug dab.
    Ces Yes Xus qhib lawv lub Tswv Yim kom lawv paub ntau yam nyob hauv Mais Xes txoj cai, thiab cov ntawv nkauj paj nruag. Thiab cov zaj uas cov Yaj Saub tau sau tseg. Qhia txog Leej Pleev kev sawv rov los.
    Thiab kev tig los yuav lub siab tshiab kom tau daws txhaum nyob hauv Leej pleev lub npe.

    ZAJ THOV NTUJ.
    1. Peb thov Ntuj rau lub Koom Txoos kom Leej Nplij Neeg qhia kev thoob tsib rau cov phiaj neeg ntseeg. Txhob mus ntseeg dab, ntseeg mlom pob zeb los mlom xyoob ntoo thiab neeg tej lus cuav pub tsis tau txoj sia rau neeg.
    2. Peb thov Ntuj rau cov nom tswv tswj tej kav chaw, kom lawv nco ntsoo nrog pej xeem sib haum xeeb, lub teb chaws thiaj muaj kev thaj yeeb....
    3. Peb thov Ntuj rau cov neeg txom nyem, cov raug kev tshaib kev nqhis, cov muaj mob nkeeg, nyob tsev tshuaj cov nyob tom lawv vaj tse, cov tuaj ntawm no thiab cov sau npe hauv phau ntawv. Kom Tswv Ntuj nco txog txhua leej txhua tus muaj kev txom nyem...
    4. peb thov Ntuj rau peb cov tuaj hnub no, thov kom Leej Nplij neeg tuaj nyob hauv peb,coj peb to taub txoj kev daws txhaum, thiab kev sib zam txim txhaum rau luag tej....
    5. Peb thov Ntuj rau tej yam nyias muaj nyob nyias nruab siab uas peb xav kom Ntuj pab... Tswv Ntuj peb tso siab lug tias koj paub tej teeb meem peb muaj thov koj hlub thiab tshem txhua yam peb tau cev rau koj no...

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 23rd April 2015, 8:23 am



    CAIJ HLA CHIV 4 B Tim 26/4/2015.


    *Ntawv Hauj lwm hais tias: {4: 8-12.}
    Yes Xus lub npe cawm tau tus neeg tuag ceg, tsis tas rau qhovn ntawv xwb. Yes Xus lub npe tseem cawm tau peb ntawm peb cov txhaum thiab.
    Tus neeg twg nws ntseeg tias, Yes Xus yog tus uas Tswv Ntuj nyiam, mas Yes Xus lub npe yeej cawm tau nws ntawm nws cov txhaum.
    Hnub uas cov nom tswv coj Pob Zeb thiab Zam nkawd mus hais lus nyob hauv lub tsev txiav txim. Mas Leej Tswv Yim Ntshiab tuaj nyob puv hauv Pob Zeb, ces Pob Zeb, tab meeg hais tias:
    Tus neeg mob nyob ntawm nej xub ntiag no zoo tas lawm. Vim Yes Xus lub npe, yog tus uas nej muab tua nyob saum ntoo cuam.
    Tus Yes Xus ntawd yog thawj lub pob zeb txhim tsev, uas cov tub txhim tsev muab pov tseg.
    Dua tus Yes Xus no lawm, nyob hauv lub qab ntuj khwb no tsis muaj dua lwm lub npe yuav cawm tau neeg Yaj ceeb lawm.

    *Nyob hauv Zam tsab ntawv Ib kuj hais tias: { 3: 1-2.}
    Tswv Ntuj yog Leej Txiv, Nws nyiam peb. Nws yuav peb los ua Nws cov me nyuam.
    Muaj ib hnub los ib lub caij twg, tus ntseeg, mas nws yuav zoo li Leej Txiv. Zam hais tias,nej ntsia saib:
    Leej Txiv nyiam peb tas npaum no, Nws cia li muab peb hu ua Nws cov me nyuam. Ua li mas peb yog Leej Txiv cov me nyuam tiag.
    Lub ntiaj teb neeg yuav zeem tsis tau peb tias, peb yog Ntuj cov me nyuam. Vim lub ntiaj teb tsis tau zeem Leej Txiv. Yav tom ntej ib hnub twg peb yuav zoo li Leej Txiv, hnub ntawd peb yuav pom tas txhua yam uas nws yeej ib txwm nyob uas yog Leej Txiv tug...

    *Zam ntawv Moo Zoo rov hai tias: { 10:11-18.}
    Yes Xus yog tus zoo Tswv zov Yaj, Nws thiaj siv nws txoj sia los cawm Nws pab Yaj. Tsim nyog lub qab ntuj neeg yuav los ua Nws pab Yaj.
    Tus neeg ntiav zog, tsis yog tus Tswv ntawm pab yaj. Pab yaj tsis tog nws li.
    Thaum muaj tsov los hma tuaj mas nws tso tes khiav. Ces pab yaj yuav tawg tas, thiab yuav muaj cov yaj Poob zoo.
    Yes Xus zaj lus no twb tshwm sim nyob ntau qhov chaw lawm. Sab As Xis teb ntuj qub qab twb muaj cov los ntawm cov qhov laj kab los ua tus zov yaj. Thaum hma tuaj cov tswv ntawd ploj tas lawm.
    Los lus no Yes Xus tsis tau hais rau ib pab twg li. Tas nrho cov tub tshaj ntuj lus tus uas nws txua ntau yam tsis haum lub Moo Zoo uas pub tau txoj sia li Leej Pleev. Uas yog tus Leej Txiv nyiam ntawd, ces puav leej yog txam qhov laj kab los tas nrho. Luag hais tias cov ntawd yog cov phab ntsa zas hmoov zeb sib dawb.
    ZAJ THOV NTUJ.
    1. Peb thov Ntuj rau lub Koom Txoos, Leej Tswv Yim Ntshiab, thov koj lub txiaj ntsim tuaj nyob hauv koj cov tub tshaj lub Moo Zoo kom to taub Koj lo lus tseeb, thiab yoog kom tau haum lub Moo Zoo...
    2. Peb thov Ntuj rau tsoom Nom Tswv kav teb chaws, kom lawv paub muab Tswv Ntuj kev thoob tsib los coj lub teb chaws kom muaj kev haum xeeb nrog pej xeem thiab cov teb chaw phooj ywg sib ze....
    3. Peb thov Ntuj rau cov neeg ris kev iab kev khwv txom nyem, kom cov neeg nyob txim. Cov neeg muaj txiab nkeeg. Cov raug kev tshaib nqhis nyias muaj nyias kev tawm tau....
    4. Peb thov Ntuj pab cov Kws tshuaj kho neeg mob, kom Leej Tswv Yim Ntshiab qhib txhua sab kev thoob tsib los nrhiav tshuaj thaiv tau txhua hom kab mob....
    5. Peb thov Ntuj rau cov xwv txheej uas nyias paub muaj los ntawm lub ntiaj teb uas nyias paub tias muaj ntawd... Tswv Ntuj koj thiaj paub cov teeb meem muaj nyob ntiaj teb no, ua rau leej tib neeg txom nyem thov koj pab lawv.


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 1st May 2015, 8:17 am



    CAIJ HLA CHIV 5 B Tim 3/5/2015.



    *Ntawv Hauj Lwm hais tias: {9:26-31.}

    Xauv yog Paj Lug thawj lub npe,txij thaum nws ntseeg txog Yes Xus, mas nws kub siab tshaj kev ntseeg rau luag. Xauv yog thawj tus neeg tau xa Yes Xus lub Moo Zoo mus txog cov neeg teev Dab.
    Xauv xav kom nws ncau ntawm lub hauv paus mus, ces Npas Nas Npes thiaj coj Xauv mus ntsib cov Hauv Paus Xas Lus. Vim Xauv tau hiam Huab Tais lub npe ua ntej los lawm.
    Npas Nas Npes ua tim khawv txog Xauv tau pom Huab Tais nyob ntawm kev. Huab Tais tau hais ib lo lus rau Xauv lawm, ces Xauv ua siab loj tig los qhia Huab Tais lub npe nyob Das Mas.
    Txij hnub ntawd los Xauv nrog cov Hauv Paus Xas Lus nyob Yes Lus Xas Les ua kev, ces Xauv Paj Lug thiaj yog Yes Xus ib tug Thwj tim los, Vim Leej Ntuj Plig qhia tas puas tsav yam rau Xauv kom Xauv ua tau Yes Xus Ib tug thwj Tim. Xauv kub siab qhia kev ntseeg rau cov Yus Das, thiab cov Hes Las, Nws nrog lawv sib cav ntau zaus txog Yes Xus lub Moo Zoo, Luag xav muab Xauv tua. Ces cov kwv tij thiaj xa Xauv mus nyob Xes Ntxas Les, thiab Tas Xis. Ces lub Koom Txoos tau nyob thaj yeeb ib ntus, muaj Leej Ntuj Plig nplij sawv daws, ces lub Koom Txoos maj mam hlob tuaj.

    *Ces Zam hais rau cov ntseeg tias: { 1,Z. 3:18-24.}

    Yog peb ntseeg txog Yes Xus tiag mas peb yuav mloog Nws lus,peb ua Nws cov hauj lwm pab luag tej.
    Zam lo lus hais rau cov ntseeg tias:
    Peb txhob nyiam neeg ntawm lo lus, los ntawm tus nplaig xwb. Peb ua kiag tej hauj lwm nyiam mas!
    Luag thiaj paub tias peb yog txoj kev nyiam cov neeg. Peb lub siab nyob tiaj tus ntawm Tswv Ntuj xub ntiag. Yog peb lub siab tseem xav muab txim rau peb, mas Tswv Ntuj siab dav yuav ua kom peb lub siab tau nyob tiaj tus. Yog peb lub siab xav ua tus txiav txim rau peb mas, peb thov yam twg, ntawm Huab Tais mas,peb yuav tau txais yam peb thov. Vim tias peb tau ua xis Tswv Ntuj siab lawm.
    Tswv Ntuj tseem muaj ib lo lus nrov tuaj txog peb nruab siab tias, peb ntseeg txog Nws Leej Tub lub npe, mas peb yuav sib nyiam sib hlub li nws qhia rau peb ua:
    Koj yuav nyiam luag tej ib yam li koj nyiam koj, Vim tias Tswv Ntuj nyob txawm hauv peb, thiab peb nyob txawm hauv Tswv Ntuj.

    *Ces Zam ntawv Moo Zoo, hais ntxiv tias: {Z 15: 1-8.}

    Peb txais txoj sia ntawm Yes Xus los, mas peb yuav khaub zig Yes Xus mus li.
    Lo lus khaub zig Yes Xus yog Nws lo lus tias:
    Kuv yog tsob tseem txiv cawv, kuv txiv yog tus tswv vaj txiv caw. Nyob hauv kuv tus ceg twg tsis txi txiv,yuav muab txiav pov tseg.
    Tus ceg txi txiv, mas kuv txiv yuav tav nws kom txi zoo dua. Lo lus hais no, vim tias nej nyob hauv kuv, ib yam li kuv nyob hauv nej.
    Yog nej tsis nyob hauv kuv mas nej yuav txi txiv tsis tau, vim nej tsis txuas ntawm kuv mus. Yog nej ncaim ntawm kuv mus lawm mas nej ua dab tsis tsis tau.
    Tus tsis nyob hauv kuv mas kawg yuav muab txiav pov tseg xwb, thaum nws raug txiav lawm mas yuav sw teb, ces luag yuav sau coj mus pov hlawv kom kub hnyiab tas.
    Tus nws nyob txawm hauv kuv, thiab kuv nyob txawm hauv nws mas nws thov dab tsi nws yuav tau txais li nws tau thov. Ces kuv txiv yuav muaj koob meej vim nws tau hlub nws cov me nyuam.

    ZAJ THOV NTUJ.

    1. Peb thov Ntuj rau Tswv Ntuj lub Koom Txoos kom cov neeg ntseeg tau nyob thaj yeeb, kom Leej Ntuj Plig nplij sawv daws kom maj mam hlob tuaj, tij yim yog tsoom Hmoob ntseeg Ntuj nyob Mis Kuj teb no. ...

    2. Peb thov Ntuj rau cov Nom Tswv kav teb chaws, zoo li Tsoom Hmoob cov xav ua luag tus thawj neeg kom lawv txhob nrhiav kev sib cav sib ceg kom txhob muaj kev sib ncaim...

    3. Peb thov Ntuj rau cov neeg txom nyem Peb haiv Hmoob puav leej yog cov neeg txom nyem ntau. Muaj cov raug luag hiam. Muaj cov raug mob nkeeg coob,muaj cov raug kev tshaib nqhis ntau. Tswv Ntuj thov koj dauv muag los saib peb thiab....
    4.Peb thov Ntuj rau cov neeg tuaj teev ntuj hnub no, thiab cov sau lawv lub npe uas muaj kev txhawj xeeb. Tswv Ntuj koj tig los mloog zaj lus peb cev rau koj no. thov koj pub kom peb tau nyob tiaj tus...

    5.Peb thov Ntuj rau tej yam peb muaj tsis tau sau qhia rau Tswv Ntuj uas nyob hauv peb nruab siab....
    Tswv Ntuj koj paub txhua yam peb taij thiab thov, peb tso siab lug tias koj yuav mloog peb zaj thov...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 8th May 2015, 9:24 am



    CAIJ HLA CHIV 6 B Tim10/5/2015.



    *Ntawv Hauj Lwm hais tias: {10:23-26+34-35+44-48.}
    Yes Xus tuaj tshoj tas txhua Haiv neeg kom ntseeg txog Nws.Nws pub Leej Tswv Yim Ntshiab rau txhua Haiv neeg.
    Thaum Pob Zeb nrog cov neeg tuaj tos nws mus rau Xes Ntxas Les.
    Kos Nes Lias, thiab nws cov swm neeg tos Pob Zeb. Thaum Pob Zeb chaws los hauv tsev, Kos Nes Lias pe Pob Zeb, Pob Zeb tsa Kos Nes Lis tias, sawv lauj mog, kuv yog neeg xwb. Ces Pob Zeb hais ntxiv tias:
    Nyiam no kuv paub tseeb lawm. Peb tus Tswv Ntuj tsis kws leej twg cai. Tsis hais Haiv neeg twg li, Tus mloog Tswv Ntuj thiab hwm Nws txoj cai, mas nws tau ua ntxim Tswv Ntuj siab lawm.
    Yes Xus Pleev tuaj pub kev thaj yeeb rau neeg, tus Huab Tais saib sawv daws yog Yes Xus.
    Thaum Pb Zeb qhib Yes Xus cov lus pub txoj sia rau cov pej kum Haiv neeg, Ces Leej Tswv Yim Ntshiab poob los rau saum pab neeg tuaj mloog Yes Xus lub Moo Zoo.
    Ces Pob Zeb ua lub cim ntxuav rau pab pej kum neeg ntawd, yog thawj zaug, nyob hauv Yes Xus lub npe.

    *Zam hais rau Tsoom neeg ntseeg tias: {1Z, 4: 7-10.}
    Tswv Ntuj yog txoj kev nyiam, vim nws nyiam peb, Nws thiaj tso Nws Leej Tub tuaj txhiv peb.
    Tswv Ntuj hu peb ua cov zoo nyiam, peb yuav rov sib nyiam peb mog. Kev nyiam tuaj ntawm Tswv Ntuj tuaj, tus neeg paub kev hlub thiab kev nyiam mas nws yug ntawmTswv Ntuj los. Nws thiaj paub Tswv Ntuj. Tus tsi txawj hlub luag tej mas nws tsis tau paub Tswv Ntuj zoo.
    Vim tias Tswv Ntuj yog kev nyiam kev hlub tus tswv. Tswv Ntuj kev nyiam hais los saum qhov tseeb mas yog li no:
    Tsis yog peb nyiam Tswv Ntuj, Yog Tswv Ntuj nyiam peb, ces nws muab Nws Leej Tub tuaj ua tus nqi txhiv peb.

    *Zam ntawv Moo Zoo hais ntxiv tias:{ Zam 15: 9-17.}
    Yes Xus xav kom peb sib nyiam sib hlub,Nws xav kom peb mloog Nws lus xws li Nws tau mloog Leej Txiv lus.
    Thaum Yes Xus nrog Nws cov Thwj Tim noj pluas mov kawg, Nws hais rau law tias:
    Kuv nyiam nej ib yam li Leej Txiv nyiam kuv, Yog nej nyiam kuv mas nej yuav coj kuv cov lus qhia. Kuv cov lus qhia lub ntsiab yog:
    Nej yuav sib nyiam sib hlub li kuv nyiam thiab kuv hlub nej. Tsis muaj lwm txoj kev hlub loj cuag li siv yus txoj sia los pab yus cov phooj ywg. Tus ua tau li kuv qhia mas nws yog kuv tus phooj ywg. Tas txhua yam uas kuv hnov ntawm Leej Txiv los mas kuv tau qhia nej tas lawm. Tsis yog nej xaiv kuv, yog kuv xaiv nej. Qhov kuv qhia, yog kom nej sib nyiam sib hlub mus mus li.
    Peb yuav nco ntsoov tias cov neeg nrog peb taug ib txoj kev mus ua ib npoj ntawd, yog Huab Tais xaiv los rau rau peb, Peb yuav tau hlub lawv, Lawv yog cov Yes Xus kom peb sib zeem lawv ua peb cov txheeb ze.
    ZAJ THOV NTUJ.
    1. Peb thov Ntuj rau lub Koom Txoos, kom peb txawj sib hlub tsam peb cem raug rau Yes Xus ua peb tus yeeb ncuab,Tswv Ntuj yog peb tsis ceev faj ces peb muab koj leej tub hloov ua peb tus yeeb ncuab, koj pab peb txhua lub caij kom peb txhob yuan kev...
    2. Peb thov Ntuj rau cov Nom Tswv kav teb chaws.
    Tswv Ntuj koj qhia kom cov thawj neeg to taub tias kev sib haum xeeb yog kev nyob tiaj tus, kom txhua phiaj neeg sib hlub kev haum xeeb thiaj duav tau sawv daws...
    3. Peb thov Ntuj rau cov neeg txom nyem, cov rau luag hiam, cov raug kev tshaib nqhis, cov muaj mob kom sawv daws txawj ua siab loj. Tim luag los vim tim yuis thiab tswv ntuj koj cob qhia ob tog kom nyias paub nyias yam...
    4. Peb thov Ntuj rau cov tub ntxhais hluas, kom muaj coob leej nyiam los ua Yes Xus cov phooj ywg siv lawv lub neej los khiav Leej Ntuj Plig lub Business... Tshaj lub Moo Zoo txuas mus ntxiv...
    5.Peb thov Ntuj rau peb cov neeg tuaj teev Ntuj kom cov lus peb hnov txawj hlob nyob hauv peb nruab siab, kom Tswv Ntuj muaj koob meej...
    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 15th May 2015, 5:30 am



    CAIJ HLA CHIV 7 ABC{ Mas Kos B} Tim 17/5/ 2015.

    Yes xus mus saum ntuj.


    Ntawv Hauj Lwm hais tias: {1:1-11.}
    Yes Xus rov mus nyob saum ntuj, tab sis Nws xa Nws lub Tswv Yim tuaj nrog peb nyob. Yog Leej Tswv Yim Ntshiab.
    Ntawv piav cov Hauv Paus Xas lus tej hauj lwm txhua yam Yes Xus qhia rau lawv, nws hais cov lus kawg txij lub hauv paus los txog Yes Xus nce mus lawm saum ntuj.
    Thaum Yes Xus tuag tas, Nws sawv rov los Nws ua kom lawv pom Nws ntev li 40 hnub. Nws tawm tuaj xyuas lawv, thiab nrog lawv tham txog Tswv Ntuj lub Ceeb Tsheej.
    Muaj ib zaug Yes Xus nrog lawv noj mov. Nws qhia kom lawv txhob tawm ntawm Yes Lus Xas Les mus. Kom lawv tos yam uas Leej Txiv cog lus yuav pub rau lawv.
    Yes Xus qhia tias, muaj ib yam uas nej yuav paub ntawm kuv los!
    Yav thaud, Zam tau ua lub cin ntxuav nyob hauv dej. Nej li mas tshuav hnub puav xwb nej yuav txais lub cim ntxuav nyob hauv Leej Tswv Yim Ntshiab.
    Ces Cov Hauv Paus Xa lus nug hais tias, Puas tau txog lub caij koj yuav tsa tus Vaj His Xas Lais?
    Yes Xus hais tias, qhov ntawd, nej tsis muaj cai paub lub caij leej Txiv teem. Tiam sis nej yuav txais ib lub zog, ces nej yuav muaj peev xwm ua kuv cov Tim Khawv nyob tas qhov txhia chaw, mus txog puag tim npoo ntuj.
    Thaum Yes Xus hais txog tej ntawd ces Nws pib nce mus lawm saum ntuj zuj zus. Tib vuag xwb ces muaj ib twv huab los thaiv ces lawv tsis pom Yes Xus lawm. Thaum ntawd muaj ob tug neeg hnav tsho dawb los lais rau cov Huav paus xa lus tias:
    Cov Nkas Lis Lais, tim li cas nej nyob ntsia li no! Tus Yes Xus nej pom nws mus lawd mas Nws kuj yuav rov los li no thiab.

    *Ces Paj Lug hais rau cov Es Fes Xos tias: {1: 17-23.}
    Peb pom Tswv Ntuj lub zog, vim Nws tsa Yes Xus sawv rov los, thiab tsa Yes Xus ua tus Vaj Txheeb loj tshaj puas tsav yam nyob ntiaj teb no thiab nyob saum ntuj.
    Paj Lug hais ntxiv rau cov Es Fes Xos tias:
    Kuv thov kom peb tus Huab Tais Yes Xus Pleev tus Tswv Ntuj pub ib lub tswv yim thoob tsib txawj pom Tswv Ntuj zaj txuj ci tawm tuaj, ces nej yuav paub tus Tswv Ntuj tseem ceeb tiag.
    Kuv kuj yuav thov Ntuj ua kom nej lub siab pom kev, ces nej thiaj yuav txais tau Tswv Ntuj kev tso siab, kom nej nrog tau tsoom Leej Nthiab tuaj mus txais lub cuab tam muaj nqes, thiab muaj hwj chim,tsim txiaj tas nrho. Lub cuab tam ntawd,yog Leej Pleev lub Koom Txoos, uas muaj Leej Tswv Yim Ntshiab nyob txawm hauv tsis nrug ntawm Nws mus li.

    *Mas Kos ntawv Moo Zoo hais tias: {16: 15-20.}
    Hnub Yes Xus sawv rov los Nws qhia kom cov Thwj Tim mus tshaj lub Moo Zoo rau txhua Haiv neeg.
    Yes Xus tau hais tseg tias, Nej mus thoob lub qab ntuj khwb, nej tshaj lub Moo Zoo rau txhua Haiv neeg mus txog puag tim npoo ntuj.
    Kom tus ntseeg thiab txais lub cim ntxuav tau txais kev cawm. Hos tus tau hnov lawm nws tsis ntseeg nws yuav raug txim.
    Cov ntseeg, lawv yuav muaj peev xwm ua tau tej yam no:
    Lawv yuav tuav kuv lub npe ntiab tau cov dab phem. Lawv yuav txawj hais tej xeem lus thsiab,lawv yuav tsis raug xwv txheej, thaum lawv haus tshuaj lom neeg, thiab tuav tau cov nab muaj taug.
    Thaum lawv tsa tes rau saum cov neeg mob mas lawv tus mob yuav zoo hlo tau.
    Niaj hnub no, cov ua Yes Xus thwj Tim mas Huab Tais tseem niaj hnub nres, lawv tej hauj lwm ntiab dab thiab, pab cov neeg mob.

    ZAJ THOV NTUJ.

    1. Peb thov Ntuj rau lub Koom Txoos,Leej Tswv Yim Ntshiab, thov koj hwj lub Koom Txoos tshoj kom txhua tus ntseeg nyob ua Yes Xus Lub cev hlob zoo siab tshaj Yes Xus lub Moo Zoo kom mus txog tim npoo ntuj,...
    2.Peb thov Ntuj rau cov nomTswv tswj teb kav chaw, Tswv Ntuj peb ntseeg tias koj nyiam cov Nom tswv koj thiaj pab lawv ua Nom tau. Thov koj tshoj kom lawv paub koj txoj kev hlub neeg, kom lawv txo hwj chim los hlub pej xeem zoo li lawv cuab kwv tij...
    3. Peb thov Ntuj pab cov neeg txog nyem. Tswv Ntuj koj hlub lub ntiaj teb neeg txhua tus. Thov koj qhia kom dawv daws txawj sib hlub kev txom nyem thiaj tsis huam vam ntau thiab coob tuaj...
    4. Peb thov Ntuj rau cov sau npe rau hauv phau ntawv ceeb toom rau Tswv Ntuj, thiab cov neeg tuaj teev ntuj hnub no. Kom Tswv Ntuj txais peb kev txom nyem uas hnub no peb cev rau Ntuj, Koj tshem kom yaj mus tas...
    5. Peb thov ntuj rau tej yam peb nyuam qhuav nco txog, los tej teeb meem peb tsis tau hais rau Ntuj paub...
    Tswv Ntuj peb ntseeg thiab tso siab tias txhua yam peb cev rau kom mas koj yuav pom zoo rho tawm mus...


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 22nd May 2015, 11:20 am



    CAIJ HLA CHIV 8 ABC Tim 24/5/2015.
    HNUB NYUG LEEJ NTUJ PLIG NQES LOS


    Ntawv Hauj Lwm hais tias: { 2:1-11.}
    Leej Tswv Yim Ntshiab, Nws zoo li cua ua kom neeg lub siab muaj zog li cua hlob. Nws kuj zoo li hluav taws, ua kom neeg pom kev thiab kub siab tuaj.
    Hnub cov Yus Das ua lub hnub nyug tsib caug. Yes Xus cov thwj Yim sib sau nyob hauv ib lub tsev, nyob Yes Lus Xas Les. Ib sij huam lawv hnov ib lub suab nrov nroo ntws li ib nthwv cua hlob tuaj, tuaj saum ntuj tuaj. Ua ncha tas lub tsev uas lawv nyob.
    Cov Thwj Tim lawv pom ib cov Nplaim, zoo li Nplaim taws. Cov Nplaim ntawd poob tuaj txhua saum lawv tau hau, Ces Leej Ntuj Plig tuaj nyob puv lawv nruab siab. Ces sawv daws pib hais tej xeem lus tshiab. Lub hnub nyug ntawd,cov neeg teev Ntuj nyob thoob qab ntuj khwb Tuaj teev Ntuj nyob Yes Lus Xas Les. Sawv daws khiav tuaj vij lub tsev cov Thwj Tim nyob.
    Cov neeg tuaj ntawd lawv hnov cov Thwj Tim hais lawv xeem lus los cav txog Tswv Ntuj cov hwj huam, lawv sawv daws sib nug tias: Vim li cas cov Nkas Lis Lais ntawd, hais tau peb xeem lus los cav txog Tswv Ntuj.
    Peb yog ntau Haiv neeg:
    Peb yog cov Pas Tos, Mes Dia, Es Las Mis, Mes Xos pos Tas Mias, Yus Das, Kas Pas Dos, Poos Tus, As Xas, Fis Zia, Pas Fis Lias, Hais Nkws Tos, Lis Npias, thiab Xis Les Nas.
    Lawv hnov lawv xeem lus cav txog Tswv Ntuj ua Hwj Huam.
    Ces Muaj coob leej ntau tus tig los yuav lub siab tshiab lawv txais Yes Xus lub Moo Zoo. Lawv thov kom Pob Zeb ua lub cim ntxuav nyob hauv Yes Xus lub npe rau lawv.
    Yog hnub ntawd Tswv Ntuj lub Koom Txoos uas Yes Xus tau tsa rau sau lub Pob zeb uas Dab phem cov rooj loog yuav tsis yeej lub pob zeb ntawd. Yog hnub uas Cov Hauv Paus Xa lus txhim Tswv Ntuj lub Koom Txoos thawj hnub. Yog lub tuam tsev ntshiab uas Leej Pleev hais tias, nej muab rhuav pov tseg kuv tsuas muab peb hnub los txhim rov tsa tau li qub. Tsis thuam Leej twg li, cov ncaim ntawm lub Koom txoos mus lawv muaj qee pab yog cov tuaj ua lag luam pauv nyiaj thiab muag tsiaj muag txhuv hauv Tswv Ntuj lub Tuam tsev ntag. Cov no yog cov uas yus rov tsa yus ua Xib Hwb, yam tsis tau mus kawm ntawm ib tug Hauv paus xa lus tawm los.

    *Paj Lug hais rau cov Kos Lis Nthos tias: { 12: 3-13.}
    Leej Tswv Yim Ntshiab pab sawv daws kom nyias txwj ua nyias txoj kab xwm nyob hauv lub Koom Txoos.
    Thawj yam: Leej Tswv Yim Ntshiab tsis qhib ib tug neeg twg qhov ncauj kom hais tias Yes Xus yog neeg Phem. Thiab tsuas kom hais tias Yes Xus yog Huab Tais no xwb.
    Saum cov Kab xwm mas Leej Tswv Yim pab kom nyias ua nyias txoj los mus sib dhos kom sib haum.
    Ib txhia Leej Tswb Yim Ntshiab pab kom lawv ua neeg thoob tsib...
    ->Pab kom lawv txawj kho mob
    ->Pab kom lawv txawj hais ntau xeem lus...
    -> Pab kom lawv txawj ua Yaj Saub...

    *Zam ntawv Moo Zoo hais tias: {7:37-39.}
    Thaum Leej Tswv Yim Ntshiab tuaj nyob hauv ib tug neeg mas Leej Tswv Yim Ntshiab lub txiaj ntsim ntws los tsis paub tas li.
    Zam ntawv Moo Zoo hais tias, Hnub lawv ua lub hnub nyug tsib caug, yog ib lub hnub nyug loj. Neeg tuaj nqaum paj nqaum nruas coob. Yes Xus sawv ntsug Nws tab meeg tsa ncauj hais nrov tias:
    Leej twg nqhis dej mas kom nws tuaj cuag kuv.
    Tus ntseeg txog kuv kom nws haus mas!
    Yuav muaj li ntawv sau tseg tias, Tus dej muaj txoj sia yuav ntws ntawm nws xub ntiag los.
    Tus dej ntawd Yes Xus hais txog Leej Tswv Yim Ntshiab, Lub caij tom ntej cov neeg ntseeg txog Yes Xus yuav tau txais. Lub zim txwv Yes Xus hais mas Leej Tswv Yim Ntshiab tsis tau tuaj nyob.
    Hnub Leej Tswv Yim Ntshiab tuaj nyob lawm mas yuav muaj tus dej txhawv nyob ntawm Nws xub ntiag los ntws tsis tu.
    ZAJ THOV NTUJ.
    1. Peb thov Ntuj rau Lub Koom Txoos, Huab Tais thov koj nco Txog peb Haiv Hmoob kom muaj Hmoob los mloog Yes Xus lub Moo Zoo pab txim Lub Koom Txoos loj hlob nyob hauv Leej Pleev...
    2. Peb thov Ntuj rau cov Nom tswv, txhua phiaj neeg kom sawv daws sib hwm nyob hauv Leej Pleev lub Moo Zoo kom cov hlob cov yau los tau nyob taj yeeb los ntawm Leej Tswv Yim lub siab hlub S.D....
    3. Peb thov Ntuj rau cov neeg txom nyem. Tswv Ntuj neeg txom nyem muaj puv lub qab ntuj no koj saib txhua phiaj neeg, kom cov muaj mob tau nyob kaj, cov neeg txhov siab tau nyob tus...
    4. Peb thov Ntuj rau neeg muaj txij nkawm, kom lawv sib hwm ua niam tub txiv tub ib leeg saib ib leeg muaj txiaj ntsim vim kev hlub thiaj cheem tau kom muaj txiab xeeb tsawg dua tuaj...
    5. Peb thov Ntuj rau tej teeb meem uas nyias paub, peb tsis tau kom Leej Tswv Yim Ntshiab cev rau Leej txiv tus siab zoo no... Thiab cov sau lawv lub npe tseg ntawm phau ntawv. Tswv Ntuj peb tso siab tias koj yuav txaus siab mloog tej teeb mem peb cev rau koj....
    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 30th May 2015, 9:58 am



    NRUAB XYOO HNUB HWM HUAB TAIS PEB LEEG XYOO B Tim 31-05-2015

    Yog hnub chiv lawv Leej Ntuj Plig nqes los qab.
    -Ntawv kev tsiv hais tias: { 34: 4-6+8-9.}
    Tswv Ntuj qhia rau Mais Xes tias Tswv Ntuj, yog tus Huab Tais Tais hlub neeg. Nws tsis yog tus Huab Tais qhia txoj cai nruj nruj rau neeg.
    -Thaum Mais Xes nyob saum lub roob Xis Nais, Tswv Ntuj ua zoo li ib twv huab nqes los nrog Mais Xes nyob. Mais Xes hu Tswv Ntuj lub npe. Ces Tswv hla los ntawm Mais Xes xub ntiag. Tsw Ntuj qw rau Mais Xes tias:
    -Kuv yog Tswv Ntuj, yog tus Tswv Ntuj khuv leej neeg. Kuv yog tus Tswv Ntuj faib txiaj ntsim rau txhiab, txhiab vam leej neeg.
    -Kuv yog tus tsis fav xeeb, thiab npau taws qeeb rau txhua leej neeg.
    Ces Mais Xes hais rau Tswv Ntuj tias:
    -Yog koj pom kuv zoo tiag mas Koj zam peb cov txhaum, thiab Koj nyob nrog peb nraim.
    -Kwv tij qhov Huab Tais Tswv Ntuj nqes los nrog Mais Xes tham no, yog ib yam tseem ceeb rau peb kawg nkaus yam li:
    -Tswv Ntuj yeej nyiam peb, Peb yuav niaj hnub nrog Tswv Ntuj tham li Mais Xes. Tswv Ntuj Nws ua zoo li cua txav los nrog peb nyob. Peb yuav hais rau Tswv Ntuj tias:
    -Tswv Ntuj yog Koj tseem pom kuv zoo thiab, mas thov koj zam kuv cov txhaum thiab kuv cov txheeb ze cov txhaum. Thov koj nrog peb nraim, kom peb txhob pw nyob hauv txoj kev ua txhaum rau koj, thiaj haum raws li Paj Lug hais rau co Kos Lis Nthos tias: { K.L.N.13: 11-13.}
    -Peb niaj hnub tau nyob kaj lug hauv peb leeg Huab Tais. Mas peb yeej meem ua zoo kom tiav tas nyob hauv Tswv Ntuj kev thaj yeeb.
    -Peb yuav sib foom hmoov zoo raws li kev ua neeg ntshiab, ces Huab Tais Yes Xus Pleev lub txiaj ntsim yuav nrog peb nyob. Tswv Ntuj kev nyiam, thiab Leej Tswv Yim Ntshiab kev sib haum xeeb kuj nrog peb nyob.
    Vim Yes Xus tau hais tseg nyob hauv Zam ntawv Moo Zoo tias: {Z,3:16-18.}
    -Peb tus Huab Tais yog tus Huab Tais hlub lub ntiaj teb neeg tiag Nws thiaj tau xa Nws Leej Tub tuaj pab lub Sim Ceeb no, kom tus ntseeg txog Tswv Ntuj sab ntsuj plig tsis txhob tuag.
    -Huab Tais muaj lub siab lub npe nyiam lub Sim Ceeb neeg tiag, Nws thiaj mloog Leej Tub thov kom xa dua ib Leej Nplij neeg tuaj coj qhia txhua yam tshiab uas Nws xav hloov kom haum Leej Txiv Tswv Ntuj Lub Tswv Yim.
    -Ua ntej Yes Xus yuav mus saum ntuj mas Yes Xus tau hais tseeb kawg rau Nws cov Thwj Tim tias:
    Nej ntseeg txog kuv mog, nej ua raws li kuv tau hais qhia rau nej. Nej coj kuv cov lus qhia, ces kuv yuav nrog nej nyob mus li xws li Leej Txiv nyob hauv kuv thiab kuv nyob hauv Leej Txiv. Yog nej ntseeg ces kuv yuav nrog nej nyob mus li.
    KUV YOG TXOJ KEV, KUV YOG LUB QHOV ROOJ, KUV YOG QHOV TSEEM CEEB, THIAB KUV YOG TXOJ SIA.
    Muab ob yam piv txw los hais los sis ob daim duab li no los piav:
    1.Raw li Hmoob zai taw kev los qhuab ke. Tus taw kev hais koj tias kojh mus rau lub zos ib tas ces mus rau lub zos ob, koj yuav mus nce toj tuag tshaib dawm tuag no. mus hla dej liab dej ntsuab mus hla niam nej dag tas, ces koj yuav txog pem ceeb tsheej, Koj pog koj yawg nyob hauv.
    Yog koj tso qaib qua yog lawv qaib teb mas thiaj yog koj pog koj yawg. Koj qaib qua lawv qaib tsis teb ces tsis yog thiab.
    2,Muab ib tug neeg yaj ceeb los hais:
    -Kuv qhia kev rau ib tug Hmoob uas yog koj tuaj saib kuv. Kuv kom koj tuaj 99, tuaj, ncaim rau Calvin. Pom Franklin, taug mus yuav txog Laguna Blv ces lem xab xis, rov lem sab laug, txog ib txoj kev tshuam lem nkag los kuv nyob lub tsev tim peb tus tsiaj xam phaj 111999.
    Koj ke tuaj ke hu xov tooj nug, yog kuv qhia zoo koj to taub tuaj txog, kuv qhia tsis zoo, koj tseem nrhiav tsis tau thiab.
    -Yog koj tuaj txog mas peb tseem sib tham txog kev poob zoo ntev loo thiab, Yog muaj nqaij ces luag sib faib tas, muaj mov ces lus twb noj tas lawm. Seem los yog cov qub nqaij qub mov xwb, koj tsis tau ua tus xub mus xaiv thawj hauv nqaij los thawj hau qav nyob ntawm luag lub hauv rooj.
    Yog koj ntseeg thiab tso siab rau Yes Xus Pleev ces tsis tas tos thaum lub caij tuag mam li hu tus Xib Hwb txawj txawj taw kev tuaj qhia txoj kev mus rau pem qaum ntuj rau koj. Koj twb nrog Leej Pleev nyob, Leej Pleev yog qhov tseem ceeb, Nws yog lub qhov rooj, Nws yog txoj sia tas txhua yam, yog koj lub cuab tam tas nrho ua koj tug lawm. Koj tsis muaj kev ceeb laj li.

    Yaj Zoov Ntsheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 4th June 2015, 8:07 pm



    NRUAB XYOO HNUB CHIV B HWM LUB CIM YUG.

    Hnub tim 7 lub rau hli xyoo 2015.



    Ntawv kev tsiv hais tias: {24: 3-8.}
    Thaud, Tswv Ntuj nrog cov His Xas Lais cog lus thawj zaug, Mais Xes muab ntshav nyuj los cog lus.
    Mais Xes tau hais rau Tsoom His Xas Lais tias:
    Hnub no Tswv Ntuj nrog peb cog lus,mas peb yuav coj txhua txoj cai lij choj uas Tswv Ntuj tau tsa los rau peb coj:
    Peb yuav teem ib lub caij los mloog Tswv Ntuj cov lus qhia. Nyob saum lub Roob uas peb yuav tsa  12 tug pej thuam hais txog 12 lub xeem His Xas Lais.
    Lub Thaj txi Ntuj  yog lub Roob uas  txhua Haiv neeg coj lawv lub xeem ntawm Haiv tuiajnrog Tswv Ntuj thiab Leej Pleev cog lus.
    Yog cog lus dab tsi? Thiab Hais li cas?
    Yog Peb txhua lub Xeem thiab Haiv tuaj cog lus tias:
    Tswv Ntuj Xaiv thiab hu peb los ua Ntuj me nyuam lawm, peb yuav ua neeg ncaj ncees thiab coj kev dawb huv  kom txawj nrog Tswv Ntuj hlub Tswv Ntuj cov haiv thiab xeem neeg.
    Yav thaud lawv muab tsiaj los hlawv txi rau Ntuj, thiab muab ntshav tsiaj los cog lus, sib koom siab nrog Tswv Ntuj.
    Nyiam no peb keb sib koom siab nrog Tswv Ntuj yog cog lus tiqaspeb yuav mloog txhua yam uas Tswv Ntuj  qhia los ntawd:
    Yam li Tswv Ntuj 10 lo lus qhia, thiab Ntuj tej kev nyiam kev hlub, kom txawj hlub raws li Ntuj nyiam, txhob hlub li pev xaiv neeg nyiam thiab hlub xwb.
    Thaud Mais Xes tau muab ntshav nyuj los cog lus. Hos nyiam no Leej Pleev tau siv nws cov ntshav los cog lus rau Tswv Ntuj lawm, Peb mas peb yuav cog lus tias peb tuaj yeem mloog Tswv Ntuj lus. Ces Leej Pleev txaus siab lawm tias peb zoo siab coj raws li Tswv Ntuj lub txhooj.

    Tsab ntawv Hes Nplaws hais tias: {9: 11-15.}
    Thaum Leej Pleev cev  cov lus thiab cov Ntsuj plig raqu Tswv Ntuj. Nws tau muab nws cov ntshav los ntxuav peb, kom tau ua tus nqe txhiv peb los nrog Tswv Ntuj cog lus.
    Ua li mas peb txoj kev cog lus ces cia li yog Leej Pleev ua tus tuam thawj Leej Choj






    Sponsored content

    Re: XH.Zoov Ntxheb Yaj Nthuav Ntawv Ntshiab.

    Post  Sponsored content Today at 3:40 am


      Current date/time is 10th December 2016, 3:40 am