Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    XH.Zoov Ntxheb Yaj Nthuav Ntawv Ntshiab.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 16th May 2014, 10:13 am



    LUB CAIJ HLA CHIV 5 A tim 18-05-2014.




    Ntawv hawj lwm hais tias; {6: 1-7.}
    Nyob hauv ib lub zos los ib lub nroog twg, yog muaj ib pab neeg ntseeg. Mas sawv daws yuav sib pab nres ua ob yam hauj lwm no:
    a- Ua txoj hauj lwm tshaj Ntuj lus.
    b-Ua cov hauj lwm tsob hwb luag tej.
    -Cov Hauv paus Xa Lus lawv Nrog Yes Xus tau peb xyoos, mas lawv paub lub Moo Zoo ntau, lawv saib txoj kev tshaj Ntuj lus ua qhov loj.
    -Kev tshaj Ntuj lus muaj ntau yam:
    * Cov paub lub Moo Zoo mas lawv tshaj Yes Xus cov lus.
    *Lwm cov, yuav ua siab zoo rau luag tej, ua twb zoo mloog tej lus luag hais, yus teb zoo kom phim li tus tus yam ntxwv sib hwm sib hlub thiab saib taus nrog kev sib nyiam. Sawv daws coj li yog ib tse neeg, yus pom luag tsis txawj los tsis paub pab coj thiab pab qhia hais lus ua lub siab qhib lug, txhob ua neeg zais siab.Luag yuav nug koj tias koj ua zoo npaum li no vim dab tsis? Koj thiaj muaj lus teb tias vim Peb tus Huab Tais Yes Xus nyob nruab nrab hauv peb,Tej no puav leej yog kev tshaj Ntuj lus tib si.
    -Kev tsob hwb luag tej, Yuav Tsob hwb li cas?
    *Yuav xyaum li peb yog ib cuab ib yig, sawv daws sib pab sib nres kom txhua leej nyob kaj sib lug.
    Txhob tsim teeb meem ua kev tu siab rau leej twg. Vim peb sawv daws koom tib tug Leej Tswv Yim coj thiab nplij peb txhua tus ua ke. Kev thoob tsib, kev txawj kev ntse los yog Nws faib los rau peb, peb txhob ua neeg sib khav theeb.
    *-Li ntawd Cov Hauv paus xa lus thiaj tsa 7 leej los ua tub Tsob Hwb kom tau kev tsob hwb cov poj ntsuam tub ntxhais ntsuag, uas tsam luag saib tsis taus thiab tsis muaj kev tso siab.
    *Cov tub Tsob Hwb no yog thawj cov neeg uas yog cov Huav Puas Xa lus xub tsim muaj ua ntej nyob hauv thawj pab neeg ntseeg. Ua Tub tsob Hwb tas ces mam nce ua ua Leej Choj. Cov tub Tsob Hwb lawv ua cov kab ke teev Ntuj xws li cov Leej Choj tau. Lawv uatsis tau cov kab ke lov Mov tshuav ib theem mam li nce mus txog theem ua cov kab ke lov Mov.

    Pob Zeb tsab ntawv Ib { 2:4-9.} hais tias:
    *-Yes Xus yog lub pob zeb txheem Lub Koom Txoos. Yog Yes Xus nres cov neeg ntseeg.
    *-Cov neeg ntseeg yuav ib rau Yes Xus, lawv thiaj yog Tswv Ntuj Haiv neeg ntshiab.
    *Peb yog cov neeg ntseeg peb yuav txav los pheeb rau Yes Xus. Vim Y X yog lub Pob zeb muaj txoj sia.
    -*Tsoom sid muab xyeeb pov tseg. Tab sis Tswv Ntuj tau xaiv Nws los ua lub Pob Zeb Txheem Tsev muaj nqes tshaj. Yog Peb npuab rau Yes Xus , peb thiaj yog ib co pob Zeb muaj txoj sia, peb yuav los sib sau ua ib cov pob zeb zoo txhim lub Tuam tsev Ntshiab muaj txoj sia.
    Peb kuj yuav mus taug tib txoj kev ua Leej Choj nyob hawv Yes Xus Pleev.
    *-Yam li Peb muab peb lub siab, peb tej hauj lwm sib nyiam sib hlub, thiab lub caij nyoog peb qee los pab luag tej nrog rau lo lus mos lus muag, zoo mloog zoo hwm, los ua cov txim zoo cev rau Tswv Ntuj. Thiaj haum raws li Yes Xus zaj lus nyob hauv Zam ntawv Moo Zoo, {14: 1-12.}
    *Hais tias, peb tsis pom Tswv Ntuj mas peb kuj ua xyem xyav txog Yes Xus uas Tus yog Tswv Ntuj nrog peb nyob.
    Lo lus no Yes Xus hais meej kawg rau Cov Thwj Tim hnov: Yam li Nws hais tias, nej txhob txhawj,nej ntseeg txog kuv mog. Nyob hauv Leej Txiv tsev muaj ntau chav. Kuv yuav mus npaj ib qho chaws rau nej. Kuv npaj tau ces kuv yuav los tos nej mus nrog kuv nyob. Kom xwv kuv nyob qhov twg nej nrog kuv nyob qhov ntawd.
    Ua li mas nyob hauv leej txiv tsev muaj ntau chav tiag.
    *-Cov neeg ntseeg thiab tso siab rau Yes Xus npaum li cas mas lawv tau nyob ze Tswv Ntuj thiab Yes Xus npaum li ntawd.
    *-Peb nco ntsoov Yes Xus hais tias, muaj ntau chav:
    Zoo li hom neeg nyob ntiaj teb no, tus txua cuab los cuab neeg, lwm hnub nws kuj yuav coj rab cuab no mus nyob rau chav uas muaj cov cuab los cuab neeg.
    *-Cov ua lawv nyiam ua plaub lwm hnub nws yuav mus nyob kem tsev hais plaub.
    *-Tus nyiam cem neeg lwm hnub nws yuav mus nyob chav neeg sib ceg.
    *-Yog yus ntaus neeg xuas ncuav pias los xuas pas nplawm mas lwm hnub yus pom tias lub ncauv pias, los tus pas ntawd yog kuv li.
    *-Nyob hauv leej txiv lub tsev muaj ntau chav mas yog zoo li no, nyias muaj nyias chav. Yes Xus tus uas Yog Tswv Ntuj, Nws yuav nyob tas qhov txhia chaw. Cov ua zoo thiab cov ua phem sawv daws yuav pom thiab nrog Yes Xus nyob ua ke li Nws xub hais los lawm.
    *-Tus ua zoo nws yuav nyob kaj siab lug, ntawm nws xub ntiag,yuav pom nws tes hauj lwm nyob ntiaj teb no tawg paj txi txiv zoo txaus nws siab.*-Hos tus ua phem nws kuj yuav pom nws zaj xav thiab nws tes hauj lwm, tawg paj txaij nraug zees li ntawd thiab.

    Yaj Zoov Ntxheb Xib Hwb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 31st May 2014, 11:43 am



    LUB CAIJ HLA CHIV 6 xyoo A, tim 25-05-2014.



    Ntawv Huaj lwm {8:5-8+14-17.} hais tias:
    Lub Koom Txoos Ka Tau Liv ib txwm lawv sib fim nyob hauv Yes Xus lub Moo Zoo.
    Cov tsis kam fim leej twg, thiab tsis xav txais luag tej, mas lawv paub Yes Xus lub Moo zoo tsis tas.
    Cov paub lub Moo Zoo lawm mas lawv txaus siab kom Leej Tswv Yim Ntshiab tuaj nyob hauv sawv daws, kom Yes Xus cov thwj Tim coob tuaj.
    Lawv vam thiab tso siab rau Leej Pleev ntiab cov dab tsis huv kom tawm mus, Kom neeg txhob nyob twj ywm rau qhov ua neeg ceg tawv, mus tsis tau kev, kom tsis pom Leej Pleev txoj kev coj ntiaj teb neeg hla ntawm txoj kev tsaus ntuj mus tshwm txoj kev pom kev. Kom nrhiav tau txoj kev tseem ceeb mus txog chaw tso siab.

    + Pob zeb hais ib lo lus nyob hauv Nws thawj tsab ntawv tias: {3: 15-18.]
    Peb cov neeg ntseeg tab yog peb raug luag thuam mas peb yuav tsum ua qhov zoo mus li xwb. Yam peb yuav ceev faj mas yog peb cov kwv tij ntseeg.
    Muaj tej tus yuav Yes Xus Pleev lub npe, tab sis lawv tsis ntseeg, lawv yuav nug nej tias, Vim li cas nej thiaj tso siab rau Ntuj, Mas nej thiaj txawj teb kom raug. Cov neeg ntawd Dab yuav qhia tej lub tswv yim kom tob dua nej lub, kom lawv muaj peev xwm los thom nej. Ces nej yuav rov ua xyem xyav txog txoj kev ntseeg ua nej muaj yog qhov tseem ceeb ua nej nrhiav tau los.
    Lo lus tseem ceeb mas nej yuav xub hwm, Huab Tais Pleev nyob hauv nej nruab siab ua ntej;
    Thaum nej yuav teb cob lus luag hais,mas nej ib txhij hwm tus neeg nej yuav teb ntawd nyob haub txoj kev ncaj, Vim tias lub caij nej yuav hais lus ntawd tsis yog nej ib leeg xwb hais lus. Tswv Ntuj Nws paub qhov ncaj thiab qhov txom nyem nyob hauv neeg nruab siab tas tib si lawm. Leej Pleev tuag twb yog vim neeg kev ua txhaum.
    Peb yuav tso siab vim lub tswv Yim yog txoj sia, uas nws txuas tau rau Leej Tswv Yim Ntshiab kom tau txoj sia tshiab tseem ceeb nyob mus li.

    Zam Ntawb Moo Zoo hais tias: {14: 15-21.}
    - Yes Xus nyob ze peb mus li, Nws xa Leej Nplij neeg tuaj ua tus nplij, tus pov hwm peb mus li. Ua li mas nyob hauv txoj kev txhawj xeeb peb muaj Yes Xus Pleev thiab Leej Tswv Yim Ntshiab ua tus nres peb txhua lub sij hawm.
    Yes Xus tau hais tseeb kawg rau cov thwj Tim hmo uas nws nrog lawv noj plua mov kawg:
    Nws hais tias, yog nej ntseeg txog kuv mas nej yuav coj kuv cov lus qhia. Ces kuv yuav thov kom Leej Txiv xa dua ib Leej Nplij neeg los nrog nej nyob. Tus ntawd yog Leej Tswv Yim Ntshiab qhia qhov tseem ceeb.
    Kwv tij Tas txhua yam nyob hauv qhov tseem ceeb uas nrog Leej Tswv Yim Ntsiab:
    1.Yog kev ntseeg kev tso siab. Nyob hauv.
    2.Kev sib nyiam sib hlub sib pab sib nres, nyob hauv.
    3.Kev sib zam, txhob sib cav sib ceg, nyob hauv.
    4.Kev ua tim khawv, kev txom nyem kev tus siab kev lom zem ib puas tsav yam nyob hauv.
    5.Txhua yam teeb meem pob caus tshwm tuaj tav peb txoj ncauj ke tib si nyob hauv
    =Yog peb tsis vam txog Leej Nplij neeg coj peb kev mas tus phem txav loo los thaiv peb txoj xub ke lawm mas peb tsuas pom cov dab npoj los sib koom coj peb ncaim mus deb Leej Tswv Yim ces peb yuav maub mus poob qhov ntuj.
    Peb txhob lam siv Yes Xus lub npe qhuav xwb, peb yuav ua ib lub neej ceeb laj. Siv Lub npe dawb no ntiab tsis tau cov dab tsis huv.
    Peb yuav nco ntsoov Yes Xus lo lus hais tias:
    Nej ntseeg txog kuv, ces kuv yuav thov Leej Txiv xa dua ib leej Nplij, neeg los nrog nej nyob mus li.
    Nyob hauv tus coj Lub Koom Txoos Ka Tau Liv ntsuam tawm. Muaj 4 yam kev ua txhaum yuav ua tim kawv rob caub rau peb tus kheej nyob ntawm Tswv Ntuj xub ntiag:
    1.Yus txo yus txoj sia.
    2.Yus ua kev txhaum yam tsis dawb huv rau txhua yam Ntuj tau tsim los tseg.
    3.Saib tsis tau ib tug neeg pluag.
    4.Ntiav neeg ua hauj lwm tsis them nqi zog rau.

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 31st May 2014, 11:47 am


    LUB CAIJ HLA HNUB CHIV 7 A tim 01-06-2014.

    Hnub nyoog Xes Xus mus saum ntuj.



    Hauj lwm 10:23-26+34-35+44-48.

    *-Yes Xus hais ib lo lus zoo li no:
    5- Muaj ib yam uas nej yuav paub ntawm kuv los. Yam li thaud Zam ntxuav neeg nyob hauv dej. Tiam sis nej mas tshuav hnub puv xwb, nej yuav txais lub cim ntxuav nyob hauv Leej Tswv Yim ntshiab. Nej yuav txais ib lub zog, yog Leej Tswv Yim ntshiab lub zog. Leej Tswv Yim ntshiab yuav nqes los saum nej. Ces nej yuav ua kuv cov tim khawv nyob ( His Xas Lais teb) mus txog puag tim npoo ntuj.

    Yes Xus, rov mus nyob saum ntuj, tab sis nws xa nws lub tswv yim tuaj nyob.hauv peb. Leej Tswv Yim ntshiab yog Yes Xus lub tswv yim.
    Ua li mas Yes Xus twb nyob hauv peb lawm, peb thiaj li yuav ua Yes Xus cov tim khawv.
    Peb yuav tsis txhob nyob ua tej tus neeg ruam raum, tsis paub cai. Peb yuav xyaum ua neeg thoob tsib xyaum hais Ntuj cov lus muaj txoj sia rau luag. Luag yog tas nrho sawv daws. Yus nrog luag huv si. Tsam muaj tej tus neeg lawv lam txais lub cim ntxuav, tab sis lawv tsis tau ntseeg kuj muaj thiab. Lawv los ntseeg raws kev txom nyem los raws lawv kev pluag xwb. Thaum lawv noj qab nyob zoo lawv tsis ntseeg lawm. Li no mas tsis paub tias yog kuv los yog koj los yog nws li, Tus nws paub tias nws yog Yes Xus ib tug tim khawv lawd, nws yuav nco ntsoov tshaj lub Moo Zoo rau luag, kom mus txog tim npoo ntuj.


    Es Fes Xos1:17- 23.
    Paj Lug hais tias:
    Kuv thov kom peb tus Huab Tais Yes Xus Pleev nws tus Tswv Nut, pub ib lub tswv yim thoob tsib, thiab txawj pom Tswv Ntuj zaj txuj ci tawm tuaj, ces nej yuav paub Tswv Ntuj zoo tiag. Thov kom Tswv Ntuj ua nej lub siab pom kev….23Tswv Ntuj tsa Yes Xus Pleev ua lub Koom Txoos lub taub hau. Lub Koom Txoos yog nws lub cev. Lub Koom vas tas txhua yam uas Leej Pleev puag, vim Leej Pleev muaj tas txhua yam nyob hauv nws. Peb pom Tswv Ntuj lub zog, vim nws tsa Yes Xus ua tus loj tshaj tas txhua yam nyob saum ntuj los nyob ntiaj teb no.
    Txij lub hauv paus los txog tav no, cov Thawj neeg, xws li, cov hauv paus xa lus, cov Vaj qhia, cov tswv qhia, cov leej choj, cov xib hwb lawv rau siab thov Ntuj kom peb pom Tswv Ntuj lub zog muaj hwj chim loj nyob hauv peb sawv daws mus li. Yog peb txawj pom Tswv Ntuj zaj txuj ci thoob tsib mas peb yuav zoo siab tshaj:
    Peb yuav zoo siab vim Tswv Ntuj pub kom peb zoo xws li Leej Pleev. Thaum ntawd peb yuav tsis ntshai, txhua yam kev txhawj xeeb nrog kev mob nkeeg nyob ntiaj teb no.
    Peb yuav thov Ntuj kom peb pom thiab paub Tswv Ntuj zaj txuj ci thoob tsib no, zoo dua peb niaj hnub thov kom peb tsis txhob muaj mob muaj nkeeg. Thaum peb paub Tswv Ntuj lawm peb kuj paub tias kev mob kev nkeeg nws nyob qhov twg thiab, peb yuav zam nws kev yooj yim dua.

    Mas Kos 16:15-20
    15- Yes Xus hais tias:
    Nej mus thoob qab ntuj khwb,nej tshaj lub Moo Zoo rau tas txhua haiv neeg Ntuj tsim los. 16Tus ntseeg thiab txais lub cim ntxuav nws yuav txais kev cawm. Hos tus tsis ntseeg yuav raug txim.
    Hnub Yes Xus mus saum ntuj, nws qhia kom peb tshaj lub Moo Zoo rau tas txhua haiv neeg. Vim lo lus no mas peb thiaj yuav tshaj tas zog.
    Yuav tshaj li cas? Tshaj rau peb sawv daws thiab rau luag cov tsis tau paub Yes Xus lub Moo Zoo. Nyob hauv peb muaj ntau hom neeg xws li muaj cov paubYes Xus tab sis lawv tsis ntseeg. Kuj muaj cov ntseeg paub Yes Xus tsis zoo.
    Kuj muaj tej tus txais lub ntxhuav yuam kev, lam txais kom tas txoj cai ntawm tej phooj ywg, vim yus tsis muaj kev mus lawm. Los yus ua rau neeg yog phooj ywg kom lawv zoo siab xwb. Yus tus kheej tsis tau ntseeg kuj muaj.
    Cov muaj li no, lawv tsis tau los nyob hauv txoj kev cawn, uas Yes Xus hais tias, tus ntseeg yuav txais kev cawm. Xav kom txhob muaj tej tus neeg txais lub cim ntxuav lawd txhob mus raug txim. Yam uas peb sawv daws tsis tau xav txog ntawd.

    Yaj Xib Hwb Zoov Ntxheb.









    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 6th June 2014, 10:17 am



    LUB CAIJ HLA CHIV 8 ABC. tim 08-06-2014.
    Nhub nyug Leej Ntuj Plig nqes los.


    Ntawv Hauj Lwm zaj, [ 2: 1-11.} hais tias:
    *-Leej Tswv Yim Ntshiab zoo li Cua, nws ua kom neeg lub siab muaj zog li cua hlob. Nws kuj zoo li hlauv taws, ua kom neeg lub siab kom kev thiab ua kom neeg lub siab kub tuaj.
    *-Hnub ntawd yog hnub cov Yus Das ua lub hnub nyug 50. Ib sij huam, Cov Hauv Paus Xa lus txawm hnov ib lub suab nrov nroo ntws tuaj xws li ib nthwv cua ua ncha tas lub tsev lawv nyob. Ces cov thwj tim txawm txawm pom ib co nplaim taws tawm tuaj,faib ua ntau tus poob los txhua rau saum cov Thwj Tim taub hau txhua nrho..
    *-Tam sim ntawd Leej Tswv Yim Ntshiab tuaj nyob puv hauv lawv siab. Ces lawv pib hais tej xeem lus tshiab raws li Leej Ntuj Plig qhia lawv hais.
    *- Cov xeem lus tshiab ntawd, yog Leej Tswv Yim xeem lus! Cov Hauv Paus Xa Lus lawv yog neeg His Xas Lais lawv hais lawv xeem lus His Xas Lais. Tab sis Leej Ntuj Plig qhib cov neeg tuaj mloog ntawd lawv tej pob ntseg kom hnov tau ua Nyias Xeem Lus.
    *- Hnub ntawd tas lub qab ntuj khwb muaj tsawg haiv neeg tuaj nyob ntawd mas Leej Tswv Yim qhib lawv cov xeem lus kom tas. Cov Xeem lus ntawd muaj:
    *- Lus Pas Tos,Mes Dias, Es Las Mis, Mes Xas Pos Tas Mias, Yus Das. Kas Pas Dos,As Xias, Fis Zias, Hais Nkws Tos, Lis Npias, Xis Lias Los Mas, khe Tas, thiab As Las Npias.
    *-Lawv hais, tias ua cas Cov Hauv paus xa lus no, lawv yog Neeg Yus Das, ua cas peb hnov lawv hais peb cov lus, los cav txog Huab Tais Tswv Ntuj cov hwj huam li no! Cov hauj lwm no yog Leej Ntuj Plig tib leeg txhais lawv nyias xeem lus nyob ntawm nyias haiv neeg cov pob ntseg.
    *Hnub no muaj 3000 leej txais lub Cim Ntxuav. Yog thawj hnub uas Lub Koom Txoos pib txhim ua Tswv Ntuj Haiv neeg Ntshiab.
    =-Tom qab Leej Tswv Yim Ntshiab nqes los nyob ntiaj teb no lawm. Mas Paj Lug thiaj hais rau cov Kos Lis Nthos tias: { K.L.N.12:3-13.}
    *- Leej Tswv Yim NTshiab tsis qhib ib tug neeg qhov ncauj kom hais tau tias, Yes Xus yog ib tug phem neeg! Sawv daws hais tias Yes Xus yog Huab Tais mas yog Leej Tswv Yim Ntshiab qhia kom hais li ntawd.
    *-Niaj hnub no yog Leej Tswv Yim qhia sawv daws kom nyias txawj ua nyias txoj hauj lwm nyob hauv lub Koom Txoos. Leej Tswv Yim pub kom ib leeg txawj ua ib yam, kom peb txawj sib pab sib nres nyob ua ib npoj neeg koom qhau taub hau rau tib tug Huab Tais.
    *-Tas txhua yam Leej Pleev yog lub taub hau. Leej Tswv Yim Ntshiab tawm hauv los, Nws yog tus faib txhua yam xws li neeg lub cev:
    1.Lub Tswv yim xav tau, nws qhia lub qhov mus mus saib, kom tes ua tau...
    2.Lub pob ntseg hnov tas, nws qhia rau qhov muag mus saib kom tes mus xuas tau...
    3.Lub qhov muag pom tas,nws qhia lub hlwb mus tsom saib zoo li cas. ...
    4.Lub qhov ncauj hais tawm los , nws qhia lub pob ntseg nrog cim tseg....
    5.Txhais tes ua tiav log lawm, nws qhia rau qhov muag, lub siab nrog nyiam...
    6. Ob txhais taw mus txog, qhia rau lub cev nrog zoo siab so kom los siav...
    Ces lub cev tas huv si rau txhua yam uas nyias paub ua nyias txoj hauj lwm muaj qab hau zoo li no.
    = Ces mam sau lo ua ke raws li Zam ntrawv Moo Zoo hais tias: {20: 19-23.}
    *-Tas txhua yam yog Leej Tswv Yim Ntshiab tshoj kom neeg lub siab paub tseeb tias yam twg yog zoo, thiab yam twg yog phem, nyob nrog kev ua txhaum.*-Thaum Yes Xus sawv rov los lawd, cov qhov rooj kaw tas. Yes Xus nyob nruab nrab cov Thwj Tim, Nws hais tias, Nej nyob kaj luag. Kuv xa nej mus zoo li Leej txiv xa kuv tuaj!
    *-Nej txais Leej Tswv Yim Ntshiab. Yog nej daws txhaum rau Leej twg mas nws cov txhaum yuav daws mus. Hos nej cia txhaum rau leej twg mas nws cov txhaum yuav nyob!
    *-Yes Xus lo lus no peb txhob zoo siab tias peb cia luag cov txhaum nyob!
    Yog kev ua txhaum tim rau neeg rov nrog neeg mas cia luag cov los yeej cia yus cov tib yam; Ob tug neeg no, cov txhaum sib nplaum ua ib qho lawm yuav daws ob tog los ob sab thiaj pluam tas Daws tau. Yog daws ib xwb sab mas tsis yog neeg yuav daws tau.
    *-qhov txhaum no zoo li Hmoob hais zaj kwv txhiaj:
    Koj sia kuv hlab, cia kuv pus koj ntab, kuv kuv sia koj siv ces koj pus pus kuv tsiv nkawd yeej yuav ua ke kom mus xaus rau ntuj ceeb tsheej. Nyob Ntuj ceeb tsheej txawm muaj ntau chav, nyias nyob nyias chav los ob leeg yeej sib txuas hlab dim tsis tau, vim koj twb txuas kuv hlab los kuv twb sia koj siv lawm.Yuav nyob mus li tsis sib nrug tau.

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 12th June 2014, 9:27 am


    NRUAB XYOO  HNUB HWM PEB LEEG HUAB TAIS
    XYOO A, tim 15-06-2014.



    Yog hnub chiv lawv Leej Ntuj Plig nqes los qab.
    -Ntawv kev tsiv hais tias: { 34: 4-6+8-9.}
    Tswv Ntuj qhia rau Mais Xes  tias  Tswv Ntuj, yog tus  Huab Tais Tais hlub neeg. Nws tsis yog tus Huab Tais qhia txoj cai nruj nruj rau neeg.
    -Thaum Mais Xes nyob saum lub roob Xis Nais, Tswv Ntuj ua zoo li ib twv huab nqes los nrog Mais Xes nyob. Mais Xes  hu Tswv Ntuj lub npe. Ces Tswv hla los ntawm  Mais Xes xub ntiag. Tsw Ntuj qw rau Mais Xes tias:
    -Kuv yog Tswv Ntuj, yog tus Tswv Ntuj khuv leej neeg. Kuv yog tus Tswv Ntuj faib txiaj ntsim rau txhiab, txhiab vam leej neeg.
    -Kuv yog tus tsis fav xeeb, thiab npau taws qeeb rau txhua leej neeg.
    Ces Mais Xes hais rau Tswv Ntuj tias:
    -Yog koj pom kuv zoo tiag mas Koj zam peb cov txhaum, thiab Koj nyob nrog peb nraim.
    -Kwv tij qhov Huab Tais Tswv Ntuj nqes los nrog Mais Xes tham no, yog ib yam tseem ceeb rau peb kawg nkaus yam li:
    -Tswv Ntuj yeej nyiam peb, Peb yuav niaj hnub nrog Tswv Ntuj tham li Mais Xes. Tswv Ntuj  Nws ua zoo li cua txav los nrog peb nyob. Peb yuav hais rau Tswv Ntuj tias:
    -Tswv Ntuj yog Koj tseem pom kuv zoo thiab, mas thov koj zam kuv cov txhaum thiab kuv cov txheeb ze cov txhaum. Thov koj nrog peb nraim, kom peb txhob pw nyob hauv txoj kev ua txhaum rau koj, thiaj haum raws li Paj Lug hais rau co Kos Lis Nthos tias: { K.L.N.13: 11-13.}
    -Peb niaj hnub tau nyob kaj lug hauv peb leeg Huab Tais. Mas peb yeej meem ua zoo kom tiav tas nyob hauv Tswv Ntuj kev thaj yeeb.
    -Peb yuav sib foom hmoov zoo raws li kev ua neeg ntshiab, ces Huab Tais Yes Xus Pleev lub txiaj ntsim nrog peb nyob. Tswv Ntuj kev nyiam, thiab Leej Tswv Yim Ntshiab kev sib haum xeeb kuj nrog peb nyob.
    Vim Yes Xus tau hais tseg nyob hauv Zam ntawv Moo Zoo tias: {Z,3:16-18.}
    -Peb tus Huab Tais yog tus Huab Tais hlub lub ntiaj teb neeg tiag Nws thiaj tau xa Nws Leej Tub tuaj pab lub Sim Ceeb no, kom tus ntseeg txog Tswv Ntuj tsis txhob tuag.
    -Huab Tais muaj lub siab lub npe nyiam lub Sim Ceeb neeg tiag, Nws thiaj mloog Leej Tub thov kom xa dua ib Leej Nplij neeg tuaj coj qhia txhua yam tshiab uas Nws xav hloov kom haum Leej Txiv Tswv Ntuj Lub Tswv Yim.
    -Ua  ntej Yes Xus yuav mus saum ntuj mas Yes Xus tau hais tseeb kawg rau Nws cov Thwj Tim tias:
    Nej ntseeg txog kuv mog nej ua raws li kuv tau hais qhia rau nej.  Nej coj kuv cov lus qhia, ces kuv yuav nrog nej nyob mus li xws li Leej Txiv nyob hauv kuv thiab kuv nyob hauv Leej Txiv. Yog nej ntseeg ces kuv yuav nrog nej nyob mus li.
    KUV YOG TXOJ KEV, KUV YOG LUB QHOV ROOJ, KUV  YOG QHOV TSEEM CEEB, THIAB KUV YOG TXOJ SIA.
    Muab ob yam piv txw los hais los sis ob daim duab li no los piav:
    1.Raw li Hmoob zai taw kev los qhuab ke. Tus taw kev hais koj tias kojh mus rau lub zos ib tas ces mus rau lub zos ob, koj yuav mus nce toj tuag tshaib dawm tuag no.  mus hla dej liab dej ntsuab  mus hla niam nej dag tas, ces koj yuav txog pem ceeb tsheej, Koj pog koj yawg nyob hauv.
    Yog koj tso qaib qua yog lawv qaib teb mas thiaj yog koj pog koj yawg. Koj qaib qua lawv qaib tsis teb ces tsis yog thiab.
    2,Muab ib tug neeg yaj ceeb los hais:
    -Kuv qhia kev rau ib tug Hmoob uas yog koj tuaj saib kuv. Kuv kom koj tuaj 99, tuaj, ncaim rau Calvin. Pom Franklin, taug mus yuav txog Laguna Blv ces lem xab xis, rov lem sab laug, txog ib txoj kev tshuam lem nkag los kuv nyob lub tsev tim peb tus tsiaj xam phaj 111999.  
    Koj ke tuaj ke hu xov tooj nug, yog kuv qhia zoo koj to taub tuaj txog, kuv qhia tsis zoo, koj tseem nrhiav tsis tau thiab.
    -Yog koj tuaj txog mas peb tseem sib tham txog kev poob zoo ntev loo thiab, Yog muaj nqaij ces luag sib faib tas, muaj mov ces lus twb noj tas lawm. Seem los yog cov qub nqaij qub mov xwb, koj tsis tau ua tus xub mus xaiv thawj hauv nqaij los thawj hau qav nyob ntawm luag lub hauv rooj.
    Yog koj ntseeg thiab tso siab rau Yes Xus Pleev ces tsis tas tos thaum lub caij tuag mam li hu tus Xib Hwb txawj txawj taw kev tuaj qhia txoj kev mus rau pem qaum ntuj rau koj. Koj twb nrog Leej Pleev nyob, Leej Pleev  yog qhov tseem ceeb, Nws yog lub qhov rooj, Nws yog txoj sia tas txhua yam, yog koj lub cuab tam tas nrho ua koj tug lawm. Koj tsis muaj kev ceeb laj li.

    Yaj Zoov Ntsheb Xib Hwb.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 20th June 2014, 11:41 am


    NRUAB XYOO HWM LUB CIM YUG CHIV A tim 22-06-2014.




    Hnub chiv ob lawv Leej Ntuj Plig nqes los qab.
    -Ntawv phau tsib { 8:2-3+14-15.} Thiab 1 Kos Lis Nthos hais tias: {10:16-17.}
    -Lub Cim yug yog cov mov pab hla lub ntiaj teb. Thiab pab tiv thaiv puas tsav yam xwv txheej.
    - Lub caij Tswv Ntuj txib Mas Xes coj Haiv His Xas Lais hla teb chaws suab puam. Yog ib lub teb chaw dav, tsi muaj neeg nyob tsis muaj dej tsis muaj qoob loo. Kuj muaj nab, muaj laum kiav tshooj ua xwv txheej rau neeg ntau. Tswv Ntuj pub cov mov Mas Nas poob saum ntuj los thiab pub kom dej txhaw ntawm phab tsua los rau lawv noj thiab lawv haus, ib lub caij ntev li plaub caug xyoo. Dhau ntawm cov Hais nkaws tos lawm, tsis muaj leej twg los tiv thaiv tsoom His Xas Lais mus txog lub caij lawv tuaj txog His Xas Lais teb.
    Tas txhua yam ua Tswv Ntuj pab Ntuj tsis suav ua nuj nqis rau lawv. Tswv Ntuj tsuas xam tias lawv puas ua ncaj rau Tswv Ntuj xwb.
    Ces Paj Lug thiaj hais rau cov Kos Lis Nthos tias, Lub Cim yug yog txoj kev ua niaj hnub tshaj tawm tias: sawv daws koom siab koom ntsws, nyob hauv Yes Xus Pleev tib leeg lawm. Yam li lub ntim foom hmoov zoo lub ncuav mov dawb ua kom peb npuab Yes Xus Pleev los sib koom ua tib lub cev nyob hauv Leej Txiv lub hwj chim kev nyiam kev hlub.
    Zam ntawv Moo Zoo kuj hais tias: {Z,6:51-58.}
    Lub Cim Yug pub txoj sia rau peb. Vim peb niaj hnub txais lub cim yug,ces peb thiaj nyob ruaj nreb hauv txoj kev ntseeg txog lub moo zoo, uas yog Tswv Ntuj lo lus ua kom peb thooj siab koom cev nyob hauv Tswv Ntuj lub hwj Chim, thiaj muaj raws li Nws zaj xav tias:
    Nej Nej noj Leej neeg tus tub lub cev thiab haus Nws cov ntshav, mas nej yuav muaj txoj sia nyob hauv nej.
    Lo lus no tsis yog ib tug neeg lub suab lam nrov nrog ib ntwv cua tshuab tuaj.
    Yog Leej Tswv Yim Ntshiab lo lus nrov tuaj ntawm qhov tseeb tiag.
    Lub Cim yug Nws yog Huab Tais tiag, tsim nyog peb yuav hwm lub Cim Yug no kom siab li Tus tseem tiag. Txhob saib zoo li ib hom tshuaj zoo kho neeg lub cev ib vuag dua xwb. Qhov tseeb yog tau txoj sia nyob mus li.
    Li no thiaj rov hais dua kom txhob ua txhaum rau Leej Tswv Yim thiab Yus txoj sia.
    Cov lus no yog Ib tug Vaj qhia tau tshaj tawm hauv lub Koom Txoos Ka Tau Liv tuaj.
    Muaj 4 yam kev txhaum rau yus txoj sia nyob ntawm Tswv Ntuj xub ntiag.
    1. Yus rov txo yus txoj sia...
    2. Yus ua txhaum yam tsis dawb huv rau Txhua yam uas Ntuj tsim los...
    3.Saib tsis tau cov neeg pluag...
    4. Ntiav neeg ua hauj lwm them nqi zog tsis tas rau.

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th June 2014, 12:05 pm


    TIM 29 /6/ 2014 HWM POB ZEB PAJ LUG.


    NTAWV HAUJ LWM, THIAB NTAWV TIS MOS TES:
    { hauj lwm 12:1-11.} { Tis Mos Tes 4: 6-8 +17-18.}
    -Hnub no peb hwm Yes Xus ob tug Thwj Tim uas Yes Xus vam txog nkawd los pab Yes Xus tsa thiab tuav Tswv Ntuj lub Koom Txoos nyob ntiaj teb no.
    Pob Zeb yog tus tuav thiab hwj Tswv Ntuj lub Koom Txoos nyob ntiaj teb no. Hos Paj Lug yog tus coj cov neeg teev pej kum dab kom hloov siab los txhim Tswv Ntuj lub Koom Txoos kom loj hlob nyob ntiaj teb no.
    Pob Zeb tau ntsib Yes Xus lub zim txwv Tswv Ntuj tau hu Yes Xus ua Leej neeg tus tub.
    Hos Paj Lug nws tau ntsib Yes Xus lub caij uas Leej Tswv Yim Ntshiab tuaj nyob lawm. Paj Lug tau ntsib Leej Pleev nyob hauv txoj kev tseem ceeb uas yog Leej Nplij neeg ua tus qhia.
    Yog Ob Tug Hauv Paus Xa lus uas tau txhim kom Tswv Ntuj lub Koom Txoos loj hlob thiab ri mus thoob lub qab ntuj khwb no.
    Mas Lub Koom Txoos thiaj li muab ob tug hauv paus Xa lus no los koom ua tib hnub thiab tib lub caij hwm thiab nco txog.
    Pob Zeb thiab Paj Lug nkawd muaj kev ntseeg loj kawg.
    Paj Lug Nws tau muab nws txoj kev txom nyem kev tuag los tshaj tias:
    Kuv tau ua ib ntsug zoo rog lawm.Kuv khiav mus txog chaw lawm. Paj Lug Zoo Siab rau luag muab ntaj txiav caj dab. Kom tau muaj txoj sia nyob. Paj Lug hais tias,Kuv tau cev ib co txim zoo los txi Ntuj kom Tswv Ntuj muaj koob meej mus ib txhis.
    Hos Pob Zeb Nws zoo siab txais txoj kev txom nyem kev tuag raws li Leej Pleev. Pob Zeb Hais tias, kuv zoo siab tuag nyob saum ntoo khaub lig. Kuv tus Tswv tau tuag saum ntoo cuam ntsia ua daj teg taub hau tig rau saum ntuj. Hos kuv li mas kuv txaus siab nyob saum ntoo khaub lig taub hau tig rau hauv av.
    Yes Xus tus ntoo cuam zoo li tus tsiaj ntawv T... Hos Pob Zeb tus ntoo khaub li zoo li tus X...
    -Zaum no thiaj paub hais tau tias txoj kev tuag yog txoj kev ntseeg, Los txoj kev ntseeg yog txoj kev tuag.
    _ Yes Xus tuaj cawm lub ntiaj teb neeg Nws thiaj yuav tsum tuag. Yes Xus tuag tas tau peb hnub nws rov tau Nws txoj sia. Txoj sia tshiab no muaj zog dua. Tsis muaj qhov rooj los nws mus tau, Qhov rooj kaw tas lawm los kuj mus los tau.
    Kwv tij peb ntseeg vim yog muaj kev tuag, kev ntseeg thiab kev tuag yuav txi ob lub txiv:
    Thawj lub txiv, ntseeg kom thaum tuag tus ntsuj plig rov muaj txoj sia nyob. Los tsis ntseeg,kom tuag txoj sia ploj mus.
    Mas Tais ntawv Moo Zoo hais tias: {16: 13-19.}
    Yes Xus, vam txog neeg kom lawv nrog Yes Xus ua Nws txoj hauj lwm cawm lub ntiaj teb neeg. Ces Yes Xus tsa ib tug los pab tsoom sid coj kev sib haum xeeb nyob ntiaj teb no kom haum raws li lub Moo Zoo uas Yes Xus tau qhia. Pob Zeb yog thawj tug uas Yes Xus tsa los pab:
    Thaum Yes Xus nrog nws cov thwj Tim mus txog Xes Ntxas Les Fis Lis Pos teb. Nws nug cov thwj tim tias: Leej Neeg tus Tub yog Leej twg? Pob Zeb txais nkaus hais tias:
    -Leej neeg tus Tub yog Leej Pleev, Leej Pleev yog koj! Yog tus muaj txoj sia nyob mus li nws Leej Tub.
    Ces Yes Xus hais rau Pob Zeb tias:
    Xis Moos lo lus koj hais no mas tsis yog roj ntsha qhia koj. Yog Kuv Txiv qhia koj.
    -Kuv hais rau koj, Koj yog Pob Zeb dab phem cov rooj loog yuav tsis yeej lub pob Zeb no. Koj daws yam twg nyob ntiaj teb mas Ntuj saib yog dws nyob saum ntuj. Hos koj khi yam twg nyob ntiaj teb no mas Ntuj saib yog khi nyob saum ntuj.
    Yes Xus lo lus no yog ib lo lus loj thiab dav heev. Lo lus no tsis yog poob los rau saum Pob Zeb tib leeg xwb. Poob los rau saum txhua tus neeg ntseeg uas tau txais lub cim ntxuav lawd tib si. Yav thaud mas txij li Pob zeb los txog cov neeg txais lub cim ntxuav thoob plaws. Nyem no kuj tsis hloov, Txij txiv Vaj Qhia los txog tus uas tau txais lub cim ntxuav lawm tib si thiab.
    Yog hais kom du me ntsis ntxiv mas yog tas nrho peb sawv daws. Koj thiab koj tus kwv, los koj thiab koj tus txij nkawm uas neb sib ua kev txhaum kev khaum ua sib tub qaug lawm los, koj yuav daws kuv li, kuv kuj yuav daws koj cov ces Ntuj saib yog daws nyob saum ntuj tib yam, Koj cia nws cov txhaum nyob mas koj cov los nyob tib si.
    Lo lus no yog kiag li Ob tug nkauj nraug tau hais kwv txhiaj tias, koj sia kuv hlab cia kuv mam pus koj ntab. Kuv sia koj siv ces cia koj pus kuv tsiv. Txog twg los wb yeej yuav nyob ua ke mus li, vim koj hlab txuas rau kuv hlab lawm hos kuv siv twb txuas rau koj siv lawm thiab koj tog plam tsis tau los kuv tog yeej plam tsis taus thiab.

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 17th July 2014, 9:15 am

    NRUAB XYOO CHIV 14 A. Tim 06-07-2014

    Tsab ntawv Ntxas Kas Lias hais tias: { 9:9-10.}
    -Yes Xus yog tus tuaj ua kom lub ntiaj teb no, neeg tau nyob thaj yeeb. Peb cov neeg ntseeg peb kuj yuav tshaj txoj kev thaj yeeb no kom mus thoob lub qab ntuj khwb. Xws lawv yog peb tej kwv tij los tsoom txheeb ze peb.
    -Kom sawv daws zoo siab cav txog tus Vaj Txheeb tab tom tuaj kav lub sim ceeb no. Nws txoj kev thaj yeeb yuav rhuav ntiaj teb neeg tej cuab yeej ua rog pov tseg:
    A- Xws li cov lus nrov ntawm neeg tus nplaig tuaj ua tus kab mob txo tau neeg txoj sia kom ploj mus.
    B-Cov hneev thiab cov xub vos yuav muab pov hlawv. Cov ntaj yuav muab los nchuav ua khais laij teb.
    - Tus Vaj uas sawv daws hu Nws ua tus Pleev, xav kom tas txhua haiv neeg saib tias tsoom neeg uas Ntuj tsim los nyob ntiaj teb no, yog Qaum Ntuj cov me nyuam dawb huv.
    -Yuav tsis txhob saib tias neeg yog ib hom tsiaj tsiv tsaim, xws li cov me nyuam hma,me nyuam tsov los me nyuam nab thiab me nyuam zaj. Uas tos nrhw muab cov tsis muaj zog tom noj.
    Nyob hauv tsab ntawv Los Mas kuj hais tias: {8:9+11-13.}
    Leej twg yog tseem ib tug neeg ntseeg tiag mas, yuav ua siab loj, thiab txaus siab mloog Leej Tswv Yim Ntshiab coj qhia. Thiaj tiv tau txhua yam yuam lub siab kom coj lub cev mus ua kev phem.
    -Yog peb mloog Leej Tswv Yim mas peb yuav tsis txhob zwm rau lub cev.
    -Peb yuav zwm rau lub Tswv Yim, vim tias lub tswv Yim yog ib feem ncau ntawm Leej Tswv Yim Ntshiab los. Xws li Leej Pleev tawm ntawm Leej Txiv los.
    Txij li thaum Leej Pleev sawv hauv cov tub tuag rov los lawm, mas Leej Pleev yog tseem Tswv Yim tas txhua yam.
    Leej Pleev ib txwm tsis zwm rau kev ua txhaum. Mas Leej pleev thiaj muaj zog dua tuaj:
    Qhov rooj kaw tas los Leej Pleev los tau. Tsis muaj qhov rooj los Leej Pleev mus tau. Tsim nyog peb yuav vam txog Lub Tswv Yim tuaj ntawm Leej Pleev tuaj, kom muab peb lub cev cov hauj lwm phem cais tawm mus, txhob cia cov hauj lwm phem los tiv ua tej kob tsam rog rhuav thiab thaiv lub tswv yim kom txoj sia nyob txawm ntawd ploj mus.
    -Ces Mas Kos ntawv Moo Zoo hais ntxiv tias: {6: 1-6.}
    Qhov kawg tab yog peb niaj hnub hnov Yes Xus cov lus, mas peb yuav yuav qhuas txog cov lus no yog ib co tseem lus nyiaj lus kub.
    -Cov neeg ntseeg nyob ntiaj teb no, tus muaj kev ntseeg paub tab, nws yuav poob siab tias Yes Xus cov lus no, yog tawm qhov twg los!
    -Nws cov lus thoob tsib thiab tej hauj lwm muaj hwj huam no yog leej twg pub rau Nws. Kom Nws muaj peev xwm ua tau thiab hais tawm.
    -Yes Xus tseem hais tej lus uas Haiv Hmoob tej laus ib txwm hais kam tias:
    -Ib tug Yaj Saub tseem ceeb,mas tsuas yog nws cov kwv tij,cov neeg nyob hauv nws lub zos los cov neeg nyob hauv nws lub teb chaws thiaj tsis ntseeg txog nws xwb.
    -Tab sis sawv daws zoo siab mus mloog tus saub sawv nyob tim roob tauj uas tsis muaj zaj lus tseeb nqes saum ntuj los. Tab sis neeg nyiam them nyiaj mus nug lo lus tsis tseem ceeb thiab ntseeg ua lus tseeb.
    -Peb txhob tos txog thaum lub sij hawm kawg uas zeej tsoom neeg yuav nce mus zaum saum lub theej kiab muaj hwj chim mam li mus cuag leej niam leej txi tias, kuv cev ris tsho khaub hlab tas lawm neb puas tshuav ib ce rau kuv hnav kom tsim nyog.
    -Cev ris tsho khaub hlab ntawd, yog tej kev ua txhaum los ntawm neeg tus nplaig thiab neeg tes hauj lawm phem uas niaj hnub yuam kom lub siab ntshaw ua los pab lub cev ua ntag.
    -Lub zim txwv no ti dhau lawm cev khaub ncaws tshiab mas tseem yuav tau mus ntsuas tas mam txiav kom haum cev, mas kawg tsis yog thawj thiab dua ces muab tsis tau.
    -Cov khaub hlab yuav tsum raug ua ib pab. Cov mloog Leej Tswv Yim coj ces lawv yuav mus ua lawv npoj.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 17th July 2014, 9:17 am



    NRUAB XYOO CHIV 15 XY00 A. Tim 13-07-2014


    Nyob hauv ntawv His Xais hais tias: {55:10-11.}
    -Tswv Ntuj lo lus ua hauj lwm nyob hauv neeg nruab siab. Yog vim peb ntseeg li ntawd peb thiaj zoo siab tshaj Tswv Ntuj lo lus rau neeg ntiaj teb paub.
    -Tswv Ntuj xa Nws co lus tuaj rau tsoom neeg nyob ntiaj teb no tas, Mas Ntuj cov lus txeem mus kom txog neeg nruab siab qhia Ntuj txoj cai kev nyiam kev hlub rau txhua tus neeg ua ntej tas.
    -Cov zoo siab txais los siv los coj, cov tsis txais los Ntuj cov lus hla hauv nws lub siab tas tso, mam rov qab mus txog Tswv Ntuj tias, txi txiv los tsis txi.
    -Cov zoo siab txais, mas kuj muaj ob hom neeg:
    a. Cov uas lawv tau txais los ua ib co paj tshab los yug lawv txoj sia kom tau nyob mus li.
    b. Cov ua lawv lam txais los ua ntsej muag, nws muaj Ntuj li lus kom neeg hwm nws los muaj thiab.
    -Cov ntawd mas lawv tsis kam kom Ntuj lo lus txi txiv nyob hauv nws. Nws ntseeg ib co lus nrog cua tshuab tuaj txi txiv nyob hauv nws nruab siab raws li nws nyiam. Ces Ntuj cov lus yuav rov mus cuag Tswv Ntuj dua.
    Ntawv Los Mas hais tia { 8: 10-11.}
    Peb pom lub ntiaj tej no muaj kev txom nyem kev tuag nyob qhov txhia chaws puv ntia.
    Peb yuav tso siab tias, kev txom nyem kev tuag, yuav hloov lub ntiaj teb kom yug dua tshiab.
    -Vim li cas twb yog kev txom nyem kev tuag, ho hais rov qab qees tias yuav hloov kom lub ntiaj teb yug dua tshiab!
    -Yog tiag. Vim tias Tswv Ntuj tau xa Nws tej lus tuaj ua Paj tshab pub rau txhua tus leej neeg nyob ntiaj teb no. Kom txhua tus muaj Ntuj txoj sia raws li Ntuj faib tuaj.
    Tab sis muaj cov thawj neeg los ib co tsis ua thawj neeg muaj zog, nyiag lwm tus tsis muaj zog txoj hmoo los teej tug los siv ua nws tug.
    -Cov ntawd yog cov uas tsis pub kom cov neeg pluag sawv tau ua neeg muaj kom cov txom nyem nyob hauv txoj kev txom nyem nyob hauv txoj kev ua qhev mus li rau luag txib ces lawv txoj kev txom nyem yuav rub kom lawv txoj sia luv mus los lawv tsis muaj kev thaj yeeb vaj huam sib luag, Lawv txoj hmoo tsis tsim nyog tuaj ua neej rau ntiaj teb no.
    Ces Ntuj yuav tsim dua ib lub neej tshiab rau sab ntsuj plig rau cov txom nyem no nyob. Thiaj hais tau tias kev txom nyem kev tuag yuav yug dua lub ntiaj teb tshiab.
    Mas Tais ntawv Moo Zoo hais tias: {13: 1-23.}
    Ntuj lo lus uas cov tub tshaj Ntuj lus cev rau tsoom ntseeg, yog zoo li cov noob nplej uas luag tseb rau hauv daim teb, qee zaus txi txiv, qee zaus kuj tsis txi.
    -Li ntawd, thiaj hais tias Tswv Ntuj lo lus zoo li cov noob nplej uas luag tseb rau tom teb. Qee zaus txi txiv, qeeb zaus kuj tsis txi los muaj.
    - Co txi txiv yog cov neeg uas lawv txais Tswv ntuj lo lus lawv coj raws li Ntuj qhia.
    - Cov tsis txi txiv mas lawv txais los ua ntsej muag xwb lawv tsis coj los tsis ntseeg, Lawv ntseeg ib co lus tshuab nrog cua tuaj lawv nyiam kom hom lus lawv hnov ntawd txi txiv nyob hauv lawv nruab siab. lawv cov txiv yuav tsis zoo siv.
    Hais txog Tswv Ntuj lo lus mas tsis yooj yim. Tab twb yog tej tusbXib Hwb los tej pab nee ntseeg ntau xyoo lawm los kuj tsis txi txiv. Hos tej tus ntseeg tau xyoo puav, hnub puav xwb mas lawv twb txi txiv lawm los muaj.
    Tswv Ntuj cov lus rov mus cuag Ntuj mas cov nqa cov noob tsis qoos los muaj. Cov lo lus rov qhuav los muaj. Hos cov nqa cov noob tshiab txi ntawm tus neeg ntseeg los muaj.

    Y. Z. N. X. H.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 17th July 2014, 9:19 am


    NRUAB XYOO CHIV 16 A. Tim 20-07-2014


    Ntawv thoob tsib hais tias: {12:13+ 16-19.}
    -Tswv Ntuj lub Peev Xwm Loj kawg.
    -Tswv Ntuj siab zoo Nws tsis xav yuam leej twg.
    -Tswv Ntuj nyiam zam rau sawv daws.
    -Nws nyiam pab sawv daws tig los yuav lub siab tshiab.
    Tswv Ntuj yog tus vaj tsim thiab kav tas txhua yam, Nws hlub sawv daws. Tas txhua yam uas Nws tau tsim los, Nws saib tias yog zoo lawm tas txhua yam, Nws tsis xav muab rhuav pov tseg. Tswv Ntuj xav ntuas thiab qhia kom neeg hloov siab tig los yuav lub siab tshiab. Tswv Ntuj hlub neeg txog qhov tias, tus hloov siab tig los yuav lub siab tshiab, mas Tswv Ntuj zam tas nrho cov txhaum uas nws ua txij hnub nws yug los ua neeg, ti nkaus lub caij nws tau hloov siab los nrog Tswv Ntuj sib haum xeeb ntawd pov tseg tib si.
    Txij hnub nws taug kev ncaj ncees lawm yog nws rov ua txhaum yog nws nyob hauv txoj kev tu siab, mas Tswv Ntuj kuj yuav niaj hnub zam rau nws mus li thiab.
    Tsab ntawv Los Mas hais tias: {8: 26-27.}
    Yog peb saib lub ntiaj teb no tej teeb meem ntawm kev phem thiab kev zoo muaj sib npaug zos li no.
    Mas peb tsis to taub tias,  Tswv Ntuj yuav coj lub ntiaj teb no mus zoo li cas!
    -Peb yuav tso siab tias, Leej Tswv Yim ntshiab pab thov tej yam kom haum Tswv Ntuj lub siab. Ces Tswv Ntuj yuav khuv leej neeg ntiaj teb sawv daws.
    Tswv Ntuj yeej paub tias, peb neeg ntiaj teb lub siab kub, tab sis peb lub siab tsis muaj zog,peb swb rau txoj kev ua txhaum ntau.
    -Leej Tswv Yim Ntshiab Nws paub zoo, vim Nws tau tuaj yuav lub cev neeg ib zaug lawm. Nws paub txog leej neeg sab uas tsis muaj  zog thiab Tswv Ntuj lub hwj chim tsim tau los yog yam muaj nuj nqes loj, cia ua lub sim ceeb no tug.
    Mas Tais Ntawv Moo Zoo hais tias: {13:24-43.}
    Niaj hnub peb pom muaj kev phem kev zoo nyob ncig peb sib npaug zos.
    -Peb yuav tso siab tias qhov kawg yog Tswv Ntuj lo lus thiaj yuav yeej tau xwb.
    Tswv Ntuj lo lus zoo li lub noov ntoo Vaj Khaum. Hom noob no yog ib hom noob me tshaj lwm hom ntoo tib si.
    -Thaum Nws hlob tiav lawm nws loj dua  lwm tsob tib si. Nyob hauv nws cov ceg muaj chaw rau txhua hom noog los nkaum tshav, nkaum nag.
    -Yes Xus kuj hais tias, Ntuj lub Ceeb tsheej zoo li cov poov xab, uas tus niam Tsev muab do xyaw cov hmoov nplej. Ib txaum poov xab ua kom peb kawg hmoov nplej su tau kom tas.
    Tswv Ntuj lo lus mas nws muaj zog zoo li cov Poov Xab ntawd. Cov neeg mus nyob hauv Ntuj lub ceej tsheej yuav yog cov mov muaj poov xab, kom yog ib co mov siav sib xws, Nws yuav tsis muaj mov nyoos xyaw mov siav.
    -Yes Xus xaus Nws cov lus li no:  Cov hloov siab tig los yuav lub siab ncaj yuav ci ntsa iab li lub hnub, nyob hauv Leej Txiv lub Ceeb Tsheej.
    Tus muaj pob ntseg kom nws yeej meem hnov.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 29th August 2014, 7:48 am



    NRUAB XYOO CHIV 21 A. tim 24-08-2014


    Ntawv Hes Nplaws hais tias: { 12: 1-4. }
    Cov ua Vaj, los ua Nom ua tswv, los sis ua thawj neeg sawv daws yeej muaj ib feem ntawm lub hwj chim, mas yog nqes saum ntuj los.
    Tus raug ua Vaj txheeb, raug ua Nom ua Tswv, los raug ua thawj neeg. Yog Nws tsis xyiv fab pab tsoom pej xeem los tsoom txheeb ze, mas Tswv Ntuj yuav thau nws lub hwj Chim rov mus.
    Lo lus no nws zoo rau peb cov ntseeg sawv daws mloog.
    Muab piv rau peb txoj kev ntseeg, yog yus tuaj ntseeg kom tau ua neeg khav theeb xwb, yus lam ntseeg kom luag qhuas yus dawb xwb yus tsis muaj pluaj siab nyiam lub Moo Zoo ces dab phem yuav coj yus kom ua tej yam los kom Tswv Ntuj thau nws txoj kev ntseeg mus.
    _Tswv Ntuj yuav thau mus zoo li cas?
    Ntuj yuav tsis txwv dab phem kom txhob tuaj ntxias yus, ces Dab phem yuav hais rau yus tias, Koj mus rau pab tod mas lawv hais lus zoo dua, ntshai yuav yog zaj tseeb ces yus lub siab yuav qaug lias mus raws lawv. Ces yus twb tuaj yeem rau Tswv Ntuj thau yus hwj chim mus lawm ntag.
    *- Nyob hauv tsab ntawv Los Mas hais tias: {5: 21-32.}
    Tswv Ntuj yog tus loj Nws lub Tswv Yim dav kawg. Peb ntsuas thiab twv tsis tau.
    Peb tsuas muaj kev tso siab rau Tswv Ntuj Coj peb lub neej kom zoo mus raws li lub ntuj lub teb xwb.
    -Peb yuav saib tias txij li thaum ntuj tsim teb raug los txog niaj hnub no Tswv Ntuj tuav lub ntuj lub teb txog tav no. Lub hnub lub hli thiab co hnub qub nws nyob nws qhov qub tsis tau yuam kev ib zaug li.
    Hos ntawm peb mas peb tsis tau muaj 60 xyoo, peb twb ua ruam kev ntau lawm:
    Peb nrog peb niam los peb txiv, yus tej viv ncaus, tej niam laus, niam hluas. Yus cov kwv tij, los yus tus txij nkawm sib phoom ua rau sawv daws muaj lus sib cav sib ceg lub cuab lub yig yuav luag plam mus. vim peb tsis tau tso siab zoo cia Tswv Ntuj coj peb lub neej. Peb txiav siab cia nyias coj nyias ces peb thiaj tau sib phoom ua rau peb muaj kev nyuaj siab li hais no.
    Tos peb sawv daws tau ua li no Vim Tswv Ntuj cov lus tob dhau, peb neeg tsom los tsis pom, thiab tsis to taub.
    *-Ntawv Ntshiab raws li Mas Tais sau hais tias: {16: 13-20.}
    -Xis Moos zeem tseeb tias Yes Xus yog Tswv Ntuj Leej Pleev, Ces Yes Xus tsa Xis Moos ua Pob zeb. Nres lub Koom Txoos kom pab sawvdaws sib haum xeeb nyob ua ke. Kom Dab Phem lub rooj loog tsis yeej lub Pob Zeb no.
    -Yes Xus lo lus no, nws tsis yog hais rau Xis Moos tib leeg xwb, Yes Xus Hais rau Tsoom neeg ntseeg li peb sawv daws.
    Ib tug txiv tsev los ib tug niam tsev, los ib tug tub los ib tug ntxhais txais lub Cim ntxuav tas paub tab lawm. Nws lees thiab zeem tseeb txog Yes Xus yog Tswv Ntuj Leej Pleev, Mas Yes Xus kuj tsa tus ntawd, ua ib lub pob zeb pab nres thiab thaiv Lub Koom Txoos xws li Pob zeb. Dab peb lub rooj loog kuj yuav tsis yeej tus neeg ntseeg ntawd thiab.
    Vim li cas Yes Xus muab piv rau dab phem lub rooj loog.
    Vim dab phem xav sau kom muaj neeg coob coob mus nyob hau nws lub loog.
    -Yog tias peb tsis kam zeem tseeb tias Yes Xus yog Tswv Ntuj leej Tub yog leej Pleev tuaj txhiv lub ntiaj teb neeg, ces peb lam tuaj teev ntuj xwb peb twb nyob hauv dab phem lub rooj loos lawm, tshuav qhov dab phem muab peb xauv rau hauv xwb.


    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 29th August 2014, 7:56 am



    NRUAB XYOO CHIV 22 A. Tim 30-08-2014.


    *-Tsab ntawv Yes Les Mias hais tias: {20: 7-9.}
    -Ib tug neeg ntseeg txog Tswv Ntuj tiag, mas Tswv Ntuj lo lus zoo li cov hluav taws nyob hauv nws nruab siab. Ces nws yuav nyob tsis taus twj ywm. Nws yuav tsum tshaj Tswv Ntuj lo lus.
    -Tus neeg uas lam tuaj yuav lub npe ntseeg xwb, nws tsis ntseeg, mas nws txaj muag ua Yes Xus ib tug thwj Tim.
    -Nws kuj txaj muag rau Tswv Ntuj lo lus, Nws ntshai tsam nws tshaj Ntuj cov lus ces tsis muaj neeg mloog.
    -Los nws txaj muag tias luag tsis ntseeg thiab tsis nyiam, ua cas kuv pheej yuav mus hais txog.
    -Peb ntseeg Yes Xus Lub Moo Zoo peb txhob txaj muag , vim peb yog Yes Xus li thwj tim lawm.
    -Cov neeg Txaj muag tab yog nws tuaj church xwb los nws twb txaj muag lawm. Kev txaj muag rau ib tug, los rau ib pab, kuj yog txaj muag rau Tswv Ntuj ib yam nkaus.
    -Yog yus twb txaj muag rau Ntuj lawm yus ho yuav thov dab tsi ntawm Ntuj thiab.

    *-Tsab ntawv Los Mas hais tias: {12: 1-2.}
    -Cov ua neeg ntseeg txhua tus peb txi Ntuj tau nyob hauv txhua hnub chiv peb tuaj koom nrog lub Koom Txoos.
    -Thaj txi Ntuj peb niaj hnub ua yog peb tuaj koom Yes Xus thaj txi Ntuj uas Yes Xus muab Nws lub cev los txi Ntuj saum ntoo cuam.
    -Peb tuaj koom peb muab peb lub siab los txi Ntuj, vim peb xav kom peb ua ib co neeg ntxim Tswv Ntuj lub siab.
    -Thaum Leej Choj cev lub ncuav mov thiab lub ntim cawv. Yog kuv ua neeg siab phem, mas kuv yuav hais tias, kuv muab kuv lub siab phem phem no los cev rau koj. Tswv Ntuj koj pab kho kom ntxim koj lub siab mog.
    Hos yog kuv ua neeg siab zoo lawm, mas kuv hais li no:
    -Kuv ua koj tsaug, koj twb niaj hnub kho kuv lub siab los tseem twb tsis tsim nyog coj tuaj cev rau koj thiab, thov Koj kho mus ntxiv thiab. Peb thov koj...
    -Peb yuav txaus siab ntawm peb tus kheej tuaj.
    -Peb txhob xav tias peb tuaj mas yog tuaj ua mamber rau Xib Hwb xwb. Peb txaus siab tuaj yog tuaj ua Tswv Ntuj tus mamber mas thiaj li yog qhov tseeb thiab meej.

    *- Ces Mas Tais ntawv Ntshiab thiaj hais ntxiv tias: {16: 21-27.}Tus xav ua Yes Xus thwj Tim mas nws yuav zoo siab ua kom txog qhov nws ua nws txoj sia ploj. Mas nws thiaj tau txoj sia nyob mus li.
    -Ua ntej Yes Xus yuav rov tau txoj sia nyob mus li nws tau hais rau cov thwj tim tias:
    -Kuv yuav raug txom nyem loj, vim co thawj neeg yuav muab kuv tua. Hnub peb kuv yuav sawv rov los, Ces Yes Xus hais ntxiv tias, yog leej twg xav lawv kuv qab mas nws yuav tsis txhob nco txog nws.
    Vim tias tus xav tau nws txoj sia mas nws yuav ua nws txoj sia ploj, vim kuv, mas nws yuav rov tau nws txoj sia.
    -Yes Xus hais ntxiv tias, yog ib tug neeg tau tas lub ntiaj teb no los ua nws tug. Yog nws tsis muaj txoj sia yuav muaj qab hau dab tsi rau nws. Tus tau txoj sia nyob mus li mas yuav nrog Ntuj cov tshiab muaj hwj chim nyob ntaw2m leej txiv lubhwj chim nyob saum ntuj thiab nyob hauv lub sim ceeb no
    ...
    Yaj Zoov Ntxheb Xib Hwb.



    ZAJ THOV NTUJ RAU HNUB CHIV 22 A.

    1*-Tswv Ntuj lo lus muaj zog li hluav taws Peb thov Ntuj rau Yes Xus lub Koom Txoos nyob thoob ntiaj teb. Kom txhua pab neeg koom siab nrog Vaj qhia tshaj Tswv Ntuj cov lus thoob tsib pab ntiaj teb neeg sib haum xeeb nyob hauv Yes Xus lub Moo Zoo,=.Peb...
    2*-Muaj ntau zaus cov Nom Tswv tswj teb kav chaw tsis nco txog Ntuj, Lub teb chaws lawv kav thiaj muaj teeb meem ntau. Peb thov Ntuj rau cov Nom Tswv ntawd, kom lawv los mloog Tswv Ntuj kev nyiam kev hlub, Pej xeem thiaj tau nyob thaj yeeb. Peb thov...
    3*-Cov neeg ntseeg muaj cai tuaj nrog Yes Xus txi Ntuj.
    -Peb thov kom Tswv Ntuj kheev cov neeg txom nyem cev lawv zaj lus rau Tswv Ntuj:
    -Xws li cov raug luag hiam, Cov nyob tsev Loj Faj, cov pw hauv tsev tshuaj,cov mob nyob tom tsev, thiab cov tuaj ntawm no. Thov kom Tswv Ntuj mloog lawv cov lus thov...
    4*-Peb thov Ntuj rau cov neeg hnub no tuaj tshawj kom peb paub ua Yes Xus cov Thwj Tim zoo thiab nrhiav tau txoj sia nyob mus li los ua peb tug. Peb ...

    5*- Yes Xus Hais tias, Leej twg xav lawv kuv qab, nws yuav txhob nco txog nws.
    Peb thov Ntuj tig los saib xyuas cov tub ntxhais hluas, tseeg Yes Xus lub Moo Zoo. Lub ntiaj teb tshiab yog lawv yuav los ua cov coj thiab kav mus . Kom lawv tau txais kev thoob tsib nqes saum ntuj los coj lawv kev. Peb...
    6.*-Peb nyias cev zaj nyias mus nyob nruab siab rau Tswv Ntuj { nres me ntsis} -Peb thov koj.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 5th September 2014, 10:05 am



    NRUAB XYOO CHIV 23 A.Tim 07-09-2014


    Ntawv Es Xes Kias hais tias: {33: 7-9.}
    Peb yuav sib pab mloog Tswv Ntuj lo lus.
    -Yog peb pom ib tug neeg yuam kev, Peb tsis pab nws, mas zoo li peb nrog nws ua txhaum rau Tswv Ntuj tib yam nkaus ntag.
    -Es Xes Kias cev Tswv Ntuj lo lus rau peb tias:
    Neeg Leej tub kuv tus Yaj Saub, Kuv tsa koj ua tus zov His Xas Lais. Yam li hais rau peb tias,kuv tsa koj ua tus saib cov txheeb ze, ntawm koj.
    -Tswv Ntuj hais meej kawg rau peb, yog peb tsawm ib tug neeg siab phem mas peb kuj yuav raug tuag, Vim tias peb cia tus siab phem ntawd mus mag txoj kev tuag. nyob hauv nws txoj kev ua txhaum.
    Hos yog koj tau qhia nws ua ntej lawm mas nws tuag vim nws ua txhaum, ces koj tau cawm koj txoj sia.

    -Ces ntawv Los Mas tau hais ntxiv tias: {13: 8-10.}
    Txoj Cai yog lub laj Kab uas peb yuav tsis txhob hla.
    -Txoj kev peb yuav taug mas tsis yog lub Laj Kab. Txoj kev peb yuav taug yog txoj kev sis nyiam sis hlub.
    -Yam li koj yuav txhob ua neeg luab nuj nqes, tus nuaj nqes nws yuav ua rau luag tsis tso siab thiab muaj chaw nyiam yus tsis tas.
    -Txoj cai, cov lus qhia lub ntsiab, yog zoo li no:
    -Koj txhob ntshaw ua kev phem,txhob ua tub sab tub nyiag, txhob zes luag poj luag sev, los zes luag tub luag roog.
    -Tus hwm tsoom txheeb ze tsis ua phem rau lawv, ces nws tau coj txoj cai tiav lawm.

    Yes Xus lub Moo Zoo raws li Mas Tais piav tias: [18: 15-20.}
    -Peb ua ke nyob hauv Lub Koom Txoos, peb kuj ua ke sib pab kom dim ntawm kev ua txhaum.
    Yam li yog koj ib tug kwv tij ua txhaum, koj mus ntuas nws, nws mloog koj, ces koj tau cawm nws.
    -Yog tias, nws tsis mloog koj, mas koj coj ob peb leeg nrog koj mus, kom muaj tim khawv txiav ua ke tas puas tsav yam. Yog nws tsis mloog mas koj yuav coj mus rau lub Koom Txoos. Yog nws tsis mloog lub Koom Txoos lawm, ces koj yuav saib nws zoo li ib tug neeg teev pej kum dab...
    -Tswv Ntuj lo lus yuav nrov rau peb hnov zoo li no:
    -Kuv hais rau nej tiag, Yog nej ob peb leeg nyob ua ke, nej thov dab tsis ntawm Tswv Ntuj mas kuv nyob nruab nrab hauv nej.
    -Yog nej khi yam twg,mas Ntuj saib yog khi nyob saum ntuj.
    -Yog nej daws yam twg mas Ntuj kuj saib yog daws nyob sawm ntuj.
    Yaj Zoov Ntxheb Xib Hwb.





    Zaj thov Ntuj hnub chiv nruab xyoo 23 A.

    1.Yes Xus hais tias, yog nej ob peb leeg nyob ua ke koom thov dab tsis ntawm Leej Txiv mas kuv nyob nruab nrab hauv nej. Peb thov Ntuj rau Tswv Ntuj lub Koom Txoos kom S,D.to tau Tswv Ntuj lo lus zoo, cov ntseeg S,D. txhob ua neeg ywj fab ywj fwj ntseeg tsis ruaj khov thiab tsis muaj kev tso siab txaus. Peb thov...

    2.Txwv Ntuj txoj cai yog kev nyiam kev hlub, Peb thov Ntuj pub kev thoob tsib rau cov Nom Tswv kom lawv txawj coj lub teb chaws, Tsoom pej xeem thiaj muaj kev nyob nyab xeeb. Peb Thov...

    3. Peb yuav sib pab mloog Tswv Ntuj lo lus. Kom Tswv Ntuj thiaj muaj siab khuv leej cov neeg txom nyem:
    Xws li, cov ntxhov siab, raug luag hiam. Cov nyob tsev loj cuj, cov muaj mob nyob tsev tshuaj, los tom vaj tom tsev, thiab cov peb sau npe cev rau Tswv Ntuj. Peb...
    4. Yes Xus hais tias, yog nej ob peb leeg nyob ua kev thov dab tsis mas kuv nyob nruab nrab hauv nej. Peb Thov Ntuj rau cov tuaj teev ntuj hnub no:
    kom Tswv Ntuj foom hmoov zoo rau peb hliv Leej Pleev kev nyiam kev hlub los rau peb kom peb txawj ua tej yam ntxim Tswv Ntuj siab. Peb...

    5.Yes Xus hais tias, yog nej ua ke sib daws yam twg mas Ntuj saib yog daws nyob saum ntuj. Hos nej khi yam twg mas Ntuj kuj saib yog khi nyob saum ntuj. Peb thov Ntuj tig ntsia txog cov niam tsev nrog cov txiv tsev, kom peb sib raug zoo nyob hauv vaj hauv tsev Peb thiaj yog qhov chaw ntshiab pub rau Leej Tswv Yim nyob. Peb thov koj.

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 12th September 2014, 9:04 am



    NRUAB XYOO CHIV 24 A. Tim 14-01-2014




    *Ntawv Npes xis las hais tias: {27,30+28:1-7.}
    -Tus tsis zam rau luag, mas nws yuav nco ntsoov tias, Tswv Ntuj kuj yuav tsis zam rau nws thiab.
    -Vim Tswv ntuj saib tias, kev CIB NYEEJ thiab kev NPAU TAWS yog ib yam phem uas zwm rau neeg nruab siab, tsis haum nrog Tswv Ntuj kev nyiam kev hlub.
    -Tus neeg cog cov kev ua txhaum los ntawm kev Cib Nyeej thiab kev npau taws los. Mas Tswv Ntuj suav ntsoov tsis nruam ib qho li, nyob hauv nws cov txhaum.
    -Tsis hais tus ua thawj neeg los ua me nyuam neeg, Cov uas tsis txawj zam rau luag, lub caij nws tuaj hauv Tswv Ntuj lub tsev ntshiab, nws yuav muab dab tsi los cev ua paj tshab nrog Leej Pleev cov Txim txi rau leej Txiv. Vim Leej Pleev cov Txim ntawd yog Leej Pleev lub Cev thiab nws cov Ntshav Ntshiab.
    -Peb yuav nco ntsoov Tus Cawm Seej lo lus hais tias, Nej daws yam twg nyob ntiaj teb no, mas Ntuj saib yog daws nyob saum ntuj.
    Hos nej khi yam twg nyob ntiaj teb no, Ntuj kuj saib yog khi nyob saum ntuj.
    -Nco ntsoo Txhob Cib Nyeej thiab npau taws rau luag. Hla plaws tej yam luag ua tub qaug rau yus mus tsis nco txog.

    *Peb mus saib tsab ntawv Los Mas hais tias: {14: 7-9.}
    -Peb ua yam twg mas peb yuav ua nyob hauv Tswv Ntuj. Vim Yes Xus hais tias,Nws yog peb tus Tswv.
    -Tas ib tsoom neeg tuaj ua lub neej nyob ntiaj teb no. Uas nws ua nws lub neej, thiab thaum nws tuag es nws rov ua tswv rau nws.
    -Tas txhua tus neeg nws ua nws lub neej, thiab nws tuag, mas nws ua neej nyob ntawm Tswv Ntuj, thiab nws tuag mus los tuag nyob ntawm Tswv Ntuj xwb.
    -Tas txhua yam Yog Huab Tais tug xwb. Vim li ntawd Yes Xus Pleev thiaj tuaj kom tau tuag, rau neeg kev ua txhaum kom tau muab txoj sia rov rau neeg.
    -Muaj li ntawv mas peb kuj hais tau tias, txoj kev ntseeg yog txoj kev tuag. ntseeg kom tuag thiaj rov tau txoj sia nyob mus li. Kuj hais tau tias tsis muaj txoj kev tuag ces Tsis muaj txoj kev ntseeg thiab.
    -Tus yuav to taub lo lus no mas nws yuav tau thov nrog Leej Tswv Yim Ntshiab tham mas nws mam li to taub tau.
    *Mas Tais Ntawv Moo Zoo hais tias: { 28: 21-35.}
    -Peb yuav tsum zam rau luag mus li. vim Tswv Ntuj twb zam rau peb mus li thiab.
    -Thaum Yes Xus nrog nws cov thwj Tim nyob mas Yes Xus tau hais tej lus no meej kawg.
    -Yes Xus hais txog txoj kev Zam mas nws hais rau Pob Zeb tias, Kuv tsis hais rau koj tias yuav zam txog 7 zaus. Kuv hias rau koj tias, Koj yuav tsum zam txog 77 zaus.
    -Yes Xus txhais rau peb tias, Peb muaj 7 xyoo, peb mam paub tias peb ua txhaum rau luag. Thij thaum ntawd mus peb yuav zam rau luag mus txog thaum peb muaj 77 xyoo. Txog hnub peb rov tsis paub tias peb hais lus puas tseem muaj kev tub qaug rau neeg los tsis muaj ntawd.
    -Lo lus yooj yim ces hais tias, peb yuav zam tas ib sim neej rau luag.
    -Ua li yog zam ntev npaum li no yuav ua li cas thiaj zam tau?
    _Yog peb ua peb xwb mas peb yuav ua tsis tom thawj li.
    -Peb ua ob peb hnub xwb ces peb twb sib phoom ua muaj kev sib npau taws lawm.
    peb yuav ua nyob hauv Tswv Ntuj mas peb thiaj li yuav ua tau.
    -Peb ua nyob hauv Tswv Ntuj ces yog peb vam txog Leej Tswv Yim pab peb ua, peb thiaj li zam dhau.

    *Txuas Zaj thov Ntuj nruab xyoo chiv 24 ntxiv mus.
    1. Peb yua ua yam twg mas peb ua nyob hauv Huab Tais peb thiaj ua tom thawj.
    Peb thov Ntuj rau lub Koom Txoos kom sawv daws to taub Yes Xus lo lus uas peb hais no. Kom txhua pab neeg ntseeg ua tau ib tug qauv zoo rau neeg ntiaj teb tig los hwm Txwv Ntuj. Peb thov koj...
    2. Tus tsis kom zam rau luag mas Ntuj kuj yuav tsis zam rau nws thiab. Peb thov Ntuj rau cov Nom Tswv tswj teb kav chaw, thiab cov thawj neeg nrog Tsoom pej xeem kom sawv daws sib haum xeeb nyob hauv Tswv Ntuj kev nyiam kev hlub. Peb thov...

    3. Lub ntiaj teb neeg sawv daws txoj kev ua neej ciaj thiab tuag nyob hauv Tswv Ntuj txhais tes tas nrho, Peb thov Ntuj rau Txhua phiaj neeg txom nyem, Cov muaj mob nkeeg, cov raug neeg ntxub ntxaug, cov nyob tsev loj faj, cov muaj mob, pw tsev tshuaj, cov nyob tom vaj tom tsev, thiab cov tuaj ntawm no tib si. Peb...
    4.Peb thov Ntuj rau cov teb chaws xeeb muaj tsov rog.
    Kom ob tog nco ntsoov tias lawv ua dab tsi los yuav ua nyob hauv Tswv ntuj kev nyiam kev hlub teb chaws thiaj nyob trhaj yeeb sai. Peb..
    5. Y.X. hais tias peb yuav tsum zam rau luag, vim Tswv Ntuj Zam rau peb mus li. Peb thov ntuj rau peb cov tuaj teev ntuj hnub no,kom peb sib haum xeeb nyob hauv lub Moo Zoo uas peb ntseeg. Peb ...

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 19th September 2014, 10:05 am



    NRUA XYOO CHIV 26 A, tim 21-09-2014




    L'abbé Pierre mus pem Hmoob 1954

    1*-Es Xes Kias hais tias: { 18: 25-28.}
    -Thaum peb pom muaj xwv Txheej, mas peb txhob xav tias yog Tswv Ntuj tsis pov hwm peb lawm.
    Peb yuav xav, thiab nco tias, lub ntiaj teb no neeg zoo tsis tas. Ces cov xwv txheej no tawm ntawm cov neeg tsis zoo tuaj, thiab kuj muaj  cov xwv txheej tawm los ntawm tej tus neeg tau ua yaum kev tuaj.
    -Tswv Ntuj lo lus uas Nws tau kom Es Xes Kias qog rau peb hnov hais tias:
    Nej sim txiav txim saib, puas yog Tswv Ntuj ua tsis ncaj, los yog tej tus neeg nyob ntiaj teb no  zoo tsis tas. Vim tus neeg siab ncaj yog thaum nws ncaim ntawm kev  ncaj, ces nws mus ua kev txhaum, ces nws mam raug xwv txheej tuag nyob hauv ua txhaum.
    Nyob hauv sab kev ua txhaum kuj muaj qhov no:
    -Muaj tej tus  S,D saib nyog neeg phem. Yog nws tso txoj kev ua phem pov tseg, mas nws tsim nyog muaj txoj sia nyob, vim nws ntxhub txoj kev ua txahum.

    1*-Fis Lis Pos kuj hais tias: {2:1-11.}
    Peb cov neeg ntseeg, peb yuav tsis txhob sib ncaim.
    Peb yuav saib qhov tias, Leej Pleev Nws twb yog Tswv Ntuj Leej Tub tsis kav Nws hu peb tsis tseg, kom peb los nyob ua ke hauv Leej Txiv Tswv Ntuj kev nyiam kev hlub.
    -Leej Pleev nws tseem ua kom Nws me dua neeg, vim Leej Pleev xav kom peb S.D.  muaj tib txoj kev sis nyiam sis hlub raws li Leej Tswv Yim  Ntshiab qhia thiab coj.
    -Tej yam uas peb cov neeg ntseeg yuav sib txeeb tau nyob hauv lub cuab tam ua Tswv Ntuj npaj rau peb. Mas yog sib txeeb ua tus me dua cov. Thaum koj txeeb tau ua tus me dua cov lawm mas luag thiaj xav txib koj ua lawv tus tub txib los ntxhais txib.
    -Yeej muaj tseeb li Leej Pleev qhia tias, Kuv zoo siab ua nej tus tub txib. Yog nej muaj ob los peb leeg nyob ua ke lawm ces  kuv yuav nyob nruab nrab hauv nej, nej thov dab tsis mas kuv yuav coj nej lo lus thiab kuv ua tus thov qhov nej xav thov ntawm Leej Txiv rau nej.Yes Xus Pleev zoo siab ua li ntawd mas, thaum kawg nws thiaj li tuag nyob saum ntoo cuam kom tau mloog lus.  Thiab kom Leej Txiv tau muaj koob meej.  Ces Leej Pleev muaj koob meej thiab muaj hwj chim nyob hauv Leej Txiv.
    -Ua li mas peb kuj yuav mloog lus kom Leej Pleev lub Koob meej nyob nrog nraim Leej Txiv lub hwj chim mus tas ib txhiab ib txhis.


    3*-Ces Mas Tais hais ntxiv tias: {21:28-32.}
    -Cov neeg xub ntseeg yog peb pom ib tug neeg los ib pab ntseeg tshiab, mas peb yuav nco tias, Peb puas tau mloog thiab coj Yes Xus lub Moo Zoo raws li cov tub tshaj Ntuj lus, uas cov Xib Hwb, cov Tsob Hwb, cov Leej Choj uas lawv tau qog los rau peb hnov.{ Tos kuv hais lo lus tias qog, mas yog vim tias Yes Xus twb yeej hais los ntxov ntxov lawm. Tsis yog peb hais hos yog peb qog xwb. Ces thiaj yuav muab siav rau qog kom zoo, thiab qog kom yog thiab raug.}
    -Kom peb coj raws li Tswv Ntuj siab nyiam. Ces Yes Xus thiaj nug peb sawv daws li no:
    -Ib Leej Txiv muaj ob leeg tub, Leej txiv hais rau tus tub hlob tias,hnub no koj mus ua hauj lwm tom teb.  Nws teb tias kuv tsis mus, ib me ntsis nws xav txog nws tu siab ces nws mus ua hauj lwm ib hnub tsaus ntuj.
    - Leej Txiv kuj hais tib yam li rau tus tub yau thiab, nws teb tias kuv mas mus, Tab sis nws tsis mus vim nws muab lwm yam saib hlob dua lawm.
    Leej Txiv ob tug tub no Leej twg tau rau raws li  leej Txiv lub siab.
    -Tus neeg ntseeg hais tias niaj hnub nws nyob hauv txoj kev ncaj,lawv tsuas yuav lub npe rau neeg paub tias yus ntseeg thiab yus nyob hauv txoj kev ncaj. Tab sis yus tsis hloov siab.
    -Hos ib tug neeg txhaum nws tsis nyob nrog txoj kev ncaj, nws hnub  nws ntseeg ces nws hloov siab.
    Yes Xus lo lus txhais hais tias;
    -Yus tus ntseeg tsis ceev Faj, tsam yog cov  poj ntiav, thiab cov nraug fav uas luag saib tias lawv yog cov neeg txhaum  tseem yuav xub tau mus txog Ntuj Ceeb tsheej dua.  Cov uas niaj hnub qw tom kev tshuam tias, kuv paub txoj kev mus rau Ntuj ceeb tsheej nej los raws kuv kuv mam coj nej kev  peb ua ke mus, tab sis nws tsis hloov siab.

    4*-ZAJ THOV NTUJ RAU HNUB CHIB 26 A.
    1. Peb cov neeg ntseeg yuav tsis txhob sib ncaim, thiab ntshaw mus ua ob peb tog.
    Peb yuav thov Ntuj pov hwm lub Koom Txoos, kom txhua haiv txhua xeem txaus siab mloog Vaj Qhia ua tus coj thiab kom sawv daws sib haum xeeb nrog Leej Tswv Yim  Ntshiab coj qhia.Kom Tswv Ntuj lub npe muaj koob meej nyob hauv lub Koom Txoos. Peb thov...
    2.*-Peb  yuav saib tias Y,X  lub Moo Zoo muaj zog heev cov mloog lus ua neeg khav theeb thiab muab hlob tsis tau. Peb thov Ntuj rau cov Nom Tswv kav teb chaws kom lawv paub txog Ntuj kev nyiam kev hlub ntiaj teb thiaj tau nyob tiaj tus. ...
    3.*-Kev raug xwv txheej lub noob tawm ntawm ntiaj teb neeg kev ua zoo tsis tas los thiaj muaj teeb meem. Peb thov Ntuj rau txhua pab neeg raug kev tom nyem:
    -cov raug lus hiam- Cov  nyob tsev loj Faj._ Cov tsis muaj vaj tse nyob.- Cov muaj mob nkeeg, pwv tsev tshuaj. –Cov nyob tom vaj tom tsev.- Cov tuaj ntawm no thiab cov sau npe rau Tswv Ntuj phau ntawv. Kom Tswv Ntuj dauv muag los ntsia txog cov neeg txom nyem no, thiab nplij lawv...
    4*-Thaum neeg raug xwv txheej los muaj teeb meem, txhob xav tias yog Ntuj tsis pov hwm peb.Peb yuav thov Ntuj rau peb pab ntseeg nyob Sacramento no kom peb txawj sib daws teeb meem hauv cov txij nkawm, thiab tas tsoom txheeb ze sawv daws tib si. Peb...
    5.*-Yes Xus lub Moo Zoo yog qhov Tseeb. Peb thov kom Leej Nplij neeg Ntshiab tshoj kom muaj  ua ib co tub hluas Hmoob nyiam ua leej Tsob Hwb los nyiam ua leej Choj los txhawb Tswv Ntuj lub Hwj Chim Koob meej kom tsim nyog. Peb...

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 25th September 2014, 8:27 pm



    NRUA XYOO CHIV 26 A, tim 28-09-2014



    1*-Es Xes Kias hais tias: { 18: 25-28.}
    -Thaum peb pom muaj xwv Txheej, mas peb txhob xav tias yog Tswv Ntuj tsis pov hwm peb lawm.
    Peb yuav xav, thiab nco tias, lub ntiaj teb no neeg zoo tsis tas. Ces cov xwv txheej no tawm ntawm cov neeg tsis zoo tuaj, thiab kuj muaj cov xwv txheej tawm los ntawm tej tus neeg tau ua yaum kev tuaj.
    -Tswv Ntuj lo lus uas Nws tau kom Es Xes Kias qog rau peb hnov hais tias:
    Nej sim txiav txim saib, puas yog Tswv Ntuj ua tsis ncaj, los yog tej tus neeg nyob ntiaj teb no zoo tsis tas. Vim tus neeg siab ncaj yog thaum nws ncaim ntawm kev ncaj, ces nws mus ua kev txhaum, ces nws mam raug xwv txheej tuag nyob hauv ua txhaum.
    Nyob hauv sab kev ua txhaum kuj muaj qhov no:
    -Muaj tej tus S,D saib nyog neeg phem. Yog nws tso txoj kev ua phem pov tseg, mas nws tsim nyog muaj txoj sia nyob, vim nws ntxhub txoj kev ua txahum.

    1*-Fis Lis Pos kuj hais tias: {2:1-11.}
    Peb cov neeg ntseeg, peb yuav tsis txhob sib ncaim.
    Peb yuav saib qhov tias, Leej Pleev Nws twb yog Tswv Ntuj Leej Tub tsis kav Nws hu peb tsis tseg, kom peb los nyob ua ke hauv Leej Txiv Tswv Ntuj kev nyiam kev hlub.
    -Leej Pleev nws tseem ua kom Nws me dua neeg, vim Leej Pleev xav kom peb S.D. muaj tib txoj kev sis nyiam sis hlub raws li Leej Tswv Yim Ntshiab qhia thiab coj.
    -Tej yam uas peb cov neeg ntseeg yuav sib txeeb tau nyob hauv lub cuab tam ua Tswv Ntuj npaj rau peb. Mas yog sib txeeb ua tus me dua cov. Thaum koj txeeb tau ua tus me dua cov lawm mas luag thiaj xav txib koj ua lawv tus tub txib los ntxhais txib.
    -Yeej muaj tseeb li Leej Pleev qhia tias, Kuv zoo siab ua nej tus tub txib. Yog nej muaj ob los peb leeg nyob ua ke lawm ces kuv yuav nyob nruab nrab hauv nej, nej thov dab tsis mas kuv yuav coj nej lo lus thiab kuv ua tus thov qhov nej xav thov ntawm Leej Txiv rau nej.Yes Xus Pleev zoo siab ua li ntawd mas, thaum kawg nws thiaj li tuag nyob saum ntoo cuam kom tau mloog lus. Thiab kom Leej Txiv tau muaj koob meej. Ces Leej Pleev muaj koob meej thiab muaj hwj chim nyob hauv Leej Txiv.
    -Ua li mas peb kuj yuav mloog lus kom Leej Pleev lub Koob meej nyob nrog nraim Leej Txiv lub hwj chim mus tas ib txhiab ib txhis.

    3*-Ces Mas Tais hais ntxiv tias: {21:28-32.}
    -Cov neeg xub ntseeg yog peb pom ib tug neeg los ib pab ntseeg tshiab, mas peb yuav nco tias, Peb puas tau mloog thiab coj Yes Xus lub Moo Zoo raws li cov tub tshaj Ntuj lus, uas cov Xib Hwb, cov Tsob Hwb, cov Leej Choj uas lawv tau qog los rau peb hnov.{ Tos kuv hais lo lus tias qog, mas yog vim tias Yes Xus twb yeej hais los ntxov ntxov lawm. Tsis yog peb hais hos yog peb qog xwb. Ces thiaj yuav muab siav rau qog kom zoo, thiab qog kom yog thiab raug.}

    -Kom peb coj raws li Tswv Ntuj siab nyiam. Ces Yes Xus thiaj nug peb sawv daws li no:
    -Ib Leej Txiv muaj ob leeg tub, Leej txiv hais rau tus tub hlob tias,hnub no koj mus ua hauj lwm tom teb. Nws teb tias kuv tsis mus, ib me ntsis nws xav txog nws tu siab ces nws mus ua hauj lwm ib hnub tsaus ntuj.
    - Leej Txiv kuj hais tib yam li rau tus tub yau thiab, nws teb tias kuv mas mus, Tab sis nws tsis mus vim nws muab lwm yam saib hlob dua lawm.
    Leej Txiv ob tug tub no Leej twg tau rau raws li leej Txiv lub siab.
    -Tus neeg ntseeg hais tias niaj hnub nws nyob hauv txoj kev ncaj, lawv tsuas yuav lub npe rau neeg paub tias yus ntseeg thiab yus nyob hauv txoj kev ncaj. Tab sis yus tsis hloov siab.
    -Hos ib tug neeg txhaum nws tsis nyob nrog txoj kev ncaj, nws hnub nws ntseeg ces nws hloov siab.
    Yes Xus lo lus txhais hais tias;
    -Yus tus ntseeg tsis ceev Faj, tsam yog cov poj ntiav, thiab cov nraug fav uas luag saib tias lawv yog cov neeg txhaum tseem yuav xub tau mus txog Ntuj Ceeb tsheej dua. Cov uas niaj hnub qw tom kev tshuam tias, kuv paub txoj kev mus rau Ntuj ceeb tsheej nej los raws kuv kuv mam coj nej kev peb ua ke mus, tab sis nws tsis hloov siab.

    4*-ZAJ THOV NTUJ RAU HNUB CHIB 26 A.
    1. Peb cov neeg ntseeg yuav tsis txhob sib ncaim, thiab ntshaw mus ua ob peb tog.
    Peb yuav thov Ntuj pov hwm lub Koom Txoos, kom txhua haiv txhua xeem txaus siab mloog Vaj Qhia ua tus coj thiab kom sawv daws sib haum xeeb nrog Leej Tswv Yim Ntshiab coj qhia.Kom Tswv Ntuj lub npe muaj koob meej nyob hauv lub Koom Txoos. Peb thov...
    2.*-Peb yuav saib tias Y,X lub Moo Zoo muaj zog heev cov mloog lus ua neeg khav theeb thiab muab hlob tsis tau. Peb thov Ntuj rau cov Nom Tswv kav teb chaws kom lawv paub txog Ntuj kev nyiam kev hlub ntiaj teb thiaj tau nyob tiaj tus. ...
    3.*-Kev raug xwv txheej lub noob tawm ntawm ntiaj teb neeg kev ua zoo tsis tas los thiaj muaj teeb meem. Peb thov Ntuj rau txhua pab neeg raug kev tom nyem:
    -cov raug lus hiam- Cov nyob tsev loj Faj._ Cov tsis muaj vaj tse nyob.- Cov muaj mob nkeeg, pwv tsev tshuaj. –Cov nyob tom vaj tom tsev.- Cov tuaj ntawm no thiab cov sau npe rau Tswv Ntuj phau ntawv. Kom Tswv Ntuj dauv muag los ntsia txog cov neeg txom nyem no, thiab nplij lawv...
    4*-Thaum neeg raug xwv txheej los muaj teeb meem, txhob xav tias yog Ntuj tsis pov hwm peb.Peb yuav thov Ntuj rau peb pab ntseeg nyob Sacramento no kom peb txawj sib daws teeb meem hauv cov txij nkawm, thiab tas tsoom txheeb ze sawv daws tib si. Peb...
    5.*-Yes Xus lub Moo Zoo yog qhov Tseeb. Peb thov kom Leej Nplij neeg Ntshiab tshoj kom muaj ua ib co tub hluas Hmoob nyiam ua leej Tsob Hwb los nyiam ua leej Choj los txhawb Tswv Ntuj lub Hwj Chim Koob meej kom tsim nyog. Peb...

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 2nd October 2014, 8:25 am



    NRUAB XYOO CHIV 27 A. Tim 05-10-2014



    *-Tus Yaj Saub His Xais zaj nkauj hais txog Tswv Ntuj lub Vaj Txiv cawv: {5: 1-7.}
    - Lub Vaj txiv cawv, yog lub ntiaj teb no, Cov neeg ntseeg yog cov txiv cawv. Tswv Ntuj xav tias Nws yuav tau ib co txiv cawv qab zib,tab sis Nws tsuas pom neeg muab ib co cawv qaub xwb.
    Tswv Ntuj yuav hais rau cov thawj neeg tias, nej sim txiav txim saib. Kuv yuav ua zoo li cas rau lub Vaj.
    -Kuv, Tswv Ntuj puas yuav rhuav lub ntsa laj kab. Cia cov tsiaj tuaj tsuj tuaj noj. Lo lus no yog xav txhais hais tias, cia cov dab phem tuaj ntxias tuaj kav. Tso kuv yuav tsis txib Ntuj cov tshiab tuaj xyuas lawm.
    -Tswv Ntuj tso Nws Leej tub tuaj qhia, Nws xav tias yuav pom ib co neeg siab dawb siab huv. Tiam sis nws tsuas pom tus dej liab uas yog ntshav txhawv ntws los ntawm ntawm cov neeg me neeg tsis muaj zog los.
    -Tsuas hnov lawv lub siab quaj qw txog kev tu siab, kev txom nyem cuag li Ntuj tsis muaj siab muaj ntsws, Nws tsis tso nag los ywg lub vaj txiv cawv li.
    *-Thiaj muaj txheej lus hais los txuas rau Fis Lis Pos tsab ntawv tias: {4:5-9.}
    -Cov neeg ntseeg txog Yes Xus lub Moo Zoo, mas niaj hnub yuav xav tswv yim, thiab txiav siab ua tej yam zoo kom phim txoj kev ncaj ncees tsim nyog, mus taug txoj kev muaj tsiam.
    -Fis Lis Pos thiaj hais rau peb sawv daws tias:
    -Peb txhob txhawj txog dab tsi! Yog peb xav tau yam twg mas mas peb ua Ntuj tsaug, thiab thov Ntuj, vam txog Ntuj. Hais rau Tswv Ntuj paub, Vim tias Ntuj kev thaj yeeb, kev hlub mas zoo tshaj tej peb xav tau ntau npaug. Yog peb ua twb zoo tsa muag ntsia Tswv Ntuj, mas Ntuj yuav txuag peb lub siab, lub tswv yim kom nyob hauv Yes Xus Pleev, kom peb tau yam uas peb ntshaw nyob hauv Leej Pleev, yog tej yam tseem ceeb thiab muaj tsim tas nrho ua tsim nyog yuav cav txog.
    -Tas txhua yam uas nej hnov cov Yaj Saub thiab Ntuj cov thawj neeg tau qog Ntuj cov lus rau nej mas nej ua twb zoo mloog kom meej,nej thiaj to taub ces nej coj txhua yam uas lawv tau qog rau nej hnov ntawd, ces tus Tswv Ntuj pub kev thaj yeeb yuav nrov nyob hauv nej.
    *-Ces nej yuav mus txog Ntuj lub ceeb tsheej raws li Mas Tais hais tias: {21:23-43.}
    -Tswv Ntuj yuav muab Ntuj lub ceeb tsheej rau ib co neeg saib. Nws yuav xaiv cov neeg uas lawv yuav tu kom zoo.
    Ntuj lub Ceeb Tsheej yog zoo li zaj paj lug hais txog lub Vaj txiv cawv. Nws ua tau tiav log tas txhua yam ces nws muab rau ib co neeg saib, Nws tawm rooj mus rau vaij kum teb.
    -Thaum txog lub caij txiv cawv txi thiab siav, nws xa cov tub txib tuaj cuag cov tub ncig saib lub vaj, kom tau nqa txiv cawv rau tus Tswv.
    -Ces cov tub zog saib lub vaj muab tus Tswv cov tub txib ntawd ntes, muab ib tug ntaus, muab ib tug tua, xuas pob zeb los tua tus peb.
    -Tus Tswv xa dua ib co tub txib mus ntxiv los cov tub saib lub vaj kuj ua phem tib yam rau.
    -Ces tus Tswv xav tias cia xa Nws leej tub kiag kom thaum cov tub zog no pom tias yog tus Tswv Nws leej tub lawm, ces lawv sib koom muab nws tua kiag ces lawv yuav tau lub cuab tam los ua lawv tug.
    -Ces lawv muab nws ntes coj mus tua rau sab vaj nraud.
    -Ces Yes Xus hais rau pab neeg mloog ntawd tias:
    -Lub pob zeb uas cov tub txhim tsev muab pov tseg, txawm yog lub pob zeb txheem tsev,
    -Kwv tij Tswv Ntuj cov lus nws yeej hais tas tib sis tseg lawm, cov Xib Hwb Cov Leej Choj lawv tsis txawj hais dua ib co lus tshiab li lawv tsuas rov qog Tswv Ntuj cov lus rau sawv daws mloog dua xwb. Tus txawj qog ces qog tau meej, hos tus tsis txawj qog ces nws kuj qog mus tsis meej xwb. Hos cov qog mus rau lwm yam mas lawv tsis paub Ntuj cov lus lawv txua me ntsis rau kom muaj kuab, ces tsis yog Ntuj lus lawm.yuav thov kom peb txawj qog, qog kom yog thiab meej xwb.
    *-COV LUS THOV NTUJ.
    1. Tswv Ntuj yuav xaiv cov neeg uas txawj tu Ntuj lub ceeb tsheej, peb thov Ntuj txuag nws lub KoomTxoos pab cov tub tshaj Ntuj lus kom txawj qog Leej Pleev lub Moo Zoo mus rau qhov tseeb thiab meej, kom lub qab ntuj neeg mloog tau zoo. Pebthov koj...
    2. Peb thov kom Tus Tswv tau txais ib co txiv cawv qab zib tawm hauv nws luj Vaj los. Tswv Ntuj koj tshoj coj Nom Tswv Tswj teb kav chaw kom lawv txhob tso tus dej liab ntws los xws li ntshav lub ntiaj teb cov teb chaws thiaj tau nyob thaj yeeb. Peb thov koj...
    3. Lub pob zeb txheem tsev txawm yog lub pob zeb uas cov tub txhim tsev muab pov tseg. Peb thov ntuj rau cov neeg txom nyem, kom S.D. txawj tso siab rau Tswv Ntuj, kom txawj tsa muag ntsia Tswv Ntuj kev nyiam kev hlub, thiaj daws tau S.d. tej teeb meem kev tu siab. Peb ...
    4. Tswv Ntuj tso siab rau cov noob txiv cawv qab zib uas Nws tau cog, peb thov Ntuj rau cov neeg mob neeg txom nyem txhua fab, kom sawv daws nco txog nyias txoj kev ua zoo thiab kom sawv daws zoo siab txais yam uas yus rub tau los lawd,yus thiaj tsis muaj kev tu siab loj. Peb...
    5. Tswv Ntuj yuav xaiv ib co neeg los saib Nws lub Vaj txiv ntoo tshiab, Peb thov Kom Tswv Ntuj Xaiv ib co tub hluas Hmoob tsis hais lub teb chaws twg li cov tub los ua Leej Choj pab mus qog Yes Xus Lub Moo Zoo rau lub Ntiaj teb neeg kom hnov meej. Peb...
    6. Peb nyias cev tej yam muaj nyob hauv nyias..

    Y.Z.N.X.H.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 9th October 2014, 7:43 am



    NRUAB XYOO CHIV 28 A.Tim 12-10-2014



    *-His Xais hais tias: {25: 6-10.}
    -Tswv Ntuj xav pub kev lom zem, kev kaj siab rau cov neeg tuaj cuag Nws. Tswv Ntuj yuav so S.D. cov kua muag.
    -His Xais tshaj Tswv Ntuj lo lus tias, Tswv Ntuj yog tus kav lub sim ceeb no. Tswv Ntuj yuav npaj ib rooj mov noj ua kev lom zem, muaj dej caw, nrog nqaij hno, puv rooj,rau
    Sawv daws yuav noj raws li tsis muaj kev txom nyem, tsis muaj kev ploj kev tuag. Kom tsis muaj neeg pw saum cov ntaub treem kiam, thiab cov neeg ntoo xyom, nyob saum rooj mov lom zem ntawd.
    -Cov neeg ua tau raug quaj ntsuag los lawm, thiab cov raug dua kev txaj muag, mas Tswv Ntuj yuav so lawv cov teev kua muag thiab npog lawv kev txaj muag.
    Yog tias lawv xyaum txais kev pluag, ib yam li lawv zoo siab txais kev nyob zoo. Muab hloov los ua kev txom nyem kom rov zoo pab lawv. Ces Tswv Ntuj yuav pauj rau lawv nyob hauv qhov lawv tig los ntsia Tswv Ntuj, thiab vam txog Ntuj kev cawm, thiab coj cov kab ke yoo.
    Coj thiab txais yuav txoj kev yoo, tsis yog yoo mov yoo nqaij xwb. Muaj ntau yam ua kom haum li kev yoo:
    -Tus nws ua neeg plab hlob xav noj ntau mas nws mam yoo me ntsis t5xhob noj ntau tshaj qhov xav noj ntawd. Tus nyiam haus cawv nws yuav ib nyuag caiv haus kom tsawg zog. –Tus nyiam cav ncauj ntau nws cheem kom txhob cav ncauj ntau dhau, -tus npau taws heev nws cheem kom txhob npau, tus tub nkeeg nws xyaum kom nquag zog. Muaj ntau yam ua cov kab ke yoo li no mus, sawv daws sib xyaum ua...
    *- Mas Tais ntawv Moo Zoo hais ntxiv tias: {22:1-14.}
    -Thaum Tswv Ntuj yuav hu peb mus nyob hauv Ntuj ceeb tsheej, mas Tswv Ntuj xav kom peb ua tej yam hauj lwm lom zem thiab loj. Yam li peb yuav tau hloov siab hloov tswv yim, kom tso tej hauj lwm me tseg.
    -Tus tswv lub rooj tshoob no ces yog hais txog peb tej hauj lwm niaj hnub muaj sib cuam tshuam ntawm peb lub neej.
    Nyob hauv peb tej hauj lwm mas muaj tej tus thiaj raug hauj lwm tuav tes kom mus tshawj tsis tau. Dua li mas yog tej hauj lwm rub kom yus ncaim mus ua lwm yam, kom txhob tau mus tshawj. Tej yam mas xwb tim coj yus ncaim vim yus ntshaw ua tej yam uas yus nyiam.
    Lo lus tseem ceeb, mas Tswv Ntuj paub txhua yam peb ua yog thiab tsis yog, Thiab Tswv Ntuj txawj pom yam uas neeg yuav ua tau los tsis tau, yam nyuaj rau neeg lub siab coj, Tswv Ntuj yuav yoog neeg Tswv Ntuj tsis yuam kom leej twg ua tau thiab tsis tau los yuav tau yoog Ntuj xwb.
    _Yus muab tsis tau 10% los tsuav yog yus txaus siab 0,5% los Tswv Ntuj zoo siab cim tseg ua Koob Hmoov rau yus lawm.

    COV LUS THOV NTUJ.
    1. Npawg cas koj tsis hnav tsoos tsho noj tshoob, koj nkag los hauv kem tsev noj tshoob no. Peb thov Ntuj rau cov neeg ntseeg kom Leej Tswv Yim Ntshiab tshoj s,d.txawj ua tej yam zoo kom ntxim Tswv Ntuj siab. Peb thov koj...
    2.Tswv Ntuj yuav npaj ib rooj mov rau S.D. nyob saum lub roob no.Peb thov Ntuj rau cov nom Tswv thiab tsoom pej xeem kom sib haum sib hlub ua neej nyob ua ke, kom lub teb chaws txhob muaj kev sib tiv ua tsov rog. Peb...
    3. Tswv Ntuj yuav so S.D. cov teev kua muag ntawm txhua lub ntsej muag,peb thov Ntuj rau cov neeg raug kev txom nyem; cov ua neeg thoj nam, cov nyob tsev loj faj, cov muaj mob, pw tsev tshuaj, cov nyob tom vaj tse, cov tuaj ntawm no, thiab cov sau npe hauv phau ntawv. Kom Leej Tswv Yim Ntshiab tuaj nrog lawv nyob kom tau plij lawv. Peb ...
    4. Tus tswv tso tub txib mus txhua txoj xub ke caws S.D. tuaj noj tshoob. Peb thov Ntuj kom Leej Tswv Yim Ntshiab tshoj cov tub Hmoob coob leej mus caw neeg tuaj noj tshoob hauv Tus Tswv chav tsev.Peb thov..
    5.Peb nyias cev zaj muaj nyob hauv nyias nruab siab... Tswv Ntuj ua koj tsaug koj tau mloog peb sawv daws zaj thov. Peb tso siab lug tias koj yeej txaus siab mloog. Peb thov koj...

    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 16th October 2014, 9:21 am



    NRUAB XYOO CHIV 29 A.Tim 19-10-2014


    Tswv Ntuj tus Yaj Saub His Xais tshaj tias: {45:1+4-6.}
    -Ntau zaus Tswv Ntuj vam txog cov neeg tseem tsis tau paub Tswv Ntuj, kom muaj tej tus neeg ua Tswv Ntuj cov hauj lwm.
    Xws lis tus Vaj Kws los uas nws tau tso cov His Xas Lais, nyob txim nyob Npas Npis Los. Kom tau rov mus nyob Yes Lus Xas Les.
    -Tswv Ntuj tau hu tus Vaj Pes Xis uas nws lub npe hu ua Kws Los tias, nws yog Tswv Ntuj tus pleev.
    Tswv Ntuj tau tuav nws sab tes xis, kom muaj zog thawb cov haiv neeg kom vau tas, nyob ntawm nws xub ntiag.
    -Tswv Ntuj muab lwm cov Vaj txo, thiab hle lawv tej siv sia los ua Vaj tseg. Tswv Ntuj pab tus Vaj Tws Los rhuav lwm cov Vaj tej ntsa zeb, thiab cov rooj loog xov thiab kaw ntom nti kom puas tsuaj tas. Vim Tswv Ntuj tus tub txib Yas Kos uas yog haiv neeg Ntuj xaiv los ua Tswv Ntuj Haiv neeg.
    - Tswv Ntuj hais rau tus Vaj Kws Los tias:
    Kws Los, koj tseem tsis tau paub kuv, los, kuv muab hwj chim rau koj. Kom lub ntiaj teb paub tias, kuv yog Tswv Ntuj, tsis muaj lwm tus tswv yuav loj tshaj kuv lawm. Ua li mas Koj tuav koj rab ntaj thiab rab hmuv, txij sab hnub tuaj mus txog sab hnub poob. Kom sawv daws paub tias, tas txhua yam tsis muaj qab hau dab tsi tas nrho. Uas dhau ntawm Tswv Ntuj ob txhais tes mus lawm. Thiab kom cov paub Tswv ntuj to taub tias leej neeg siab ncaj, nws nyob deb nyob ze, uas nws paub Tswv Ntuj los tsis paub los Tswv Ntuj Xav pub hwj Chim rau mas Tswv Ntuj tsis tuaj nug sawv daws tias,nej puas pom zoo.

    *-Tswv Ntuj xav pub Nws kev muaj hwj chim li no rau neeg, mas Paj lug thiaj hais rau cov Tes Xas Los Nis tias: {1:1-5.}
    -Kuv ua Tswv Ntuj tsaug, ntau ntau, vim nej cov neeg Tes Xas Los Nis muab siab rau txais Tswv Ntuj Leej Pleev lub Moo Zoo. Kom Tswv Ntuj lub Txiaj Ntsim thiab Nws kev Thaj Yeeb tuaj txog nej.
    -Thaum twg yog peb nco txog nej, mas nyob hauv peb cov zaj teev Ntuj mas peb ua Ntuj tsaug tsis tseg li. Vim nej thiab peb nyob ua kev hauv tib tug Leej Txiv Tswv Ntuj uas yog Leej Pleev Nws Leej txiv xub ntiag. Ntuj kev thaj yeeb coj peb sawv daws nyob haum Ntuj thiab haum neeg ua ke.

    *- Ces Mas Tais thiaj hais Yes Xus lo lus ntxiv tias: {22: 15-21.}
    - Cov neeg ntseeg txog Yes Xus Pleev lub Moo Zoo. Mas sawv daws yuav ib txhij zwm rau Tswv Ntuj thiab cov Nom Tswv, kav teb chaws.
    -Cov Nom Tswv kav teb chaws lawv kav sab lub cev nqaij daim tawv, kom noj qab nyob zoo. Hos Tswv Ntuj Nws kav sab Ntuj Plig kom txhob mus zwm rau kev ua txhaum nrog kev khaum.
    -Cov Fas Lis Xais xav tuaj sim Yes Xus, lawv hais rau Yes Xus tias:
    Xib Hwb, Koj yog ib tug neeg siab ncaj, koj tsis kws leej twg cai. Koj xav ne! Puas yuav them se rau Xes Ntxas. Tau los tsis tau?
    Yes Xus paub cov neeg nkhaus zaj Tswv yim. Ces Yes Xus hais tias:
    -Cov neeg zoo nraum daim me tawv! Nej xav sim kuv, muab lub nyiaj se rau kuv saib! Yes Xusn nug lawv tias, lub nyiaj se no muaj tus duab, tus duab no yog leej twg tus? Lawv teb tias yog Xes Ntxas tus duab. Ces Yes Xus hais rau lawv tias, yam twg yog Xes Ntxas li mas nej xa rov mus rau Xes Ntxas. Hos yam twg yog Ntuj li mas kuj yuav xa rov mus rau Ntuj thiab.
    Kwv tij ob yam no mas peb yuav to taub kom zoo:
    -Neeg li mas yog nyiaj thiab kub thiab dag zog, vim neeg xav tau,yog neeg xav yuav mas peb yuav muab rau neeg.
    -Hos Tswv Ntuj li mas yog kev nyiam, kev hlub thiab kev zam. Peb yuav tau ua tej yam no pub rau Tswv Ntuj.
    - Saum kev mloog lus mas peb yuav tau mloog lus. Peb tsis paub tab sis Tswv Ntuj yog tus paub Nws txawj cais Ntuj li cia rau Ntuj hos neeg li cia rau neeg. Kev mloog lus mas 80% raws li xav mas yog Tswv Ntuj li feem xyuam lawm. 20% no thiaj yog neeg li, neeg li mas yog tej yam uas cov neeg muaj zog lawv tau yuam cov tsis muaj zog kom ua dawb rau lawv, yog muaj li ntawd los Tswv Ntuj kuj yuav muab cais los lim qhov tau mloog lus ib nrab los tseg rau fab zoo thiab. –Y.Z.N. X. H.
    ZAJ THOV THOV NTUJ RAW LI HNUB CHIV 29 A.

    1. Tswv Ntuj vam txog cov neeg tsis tau paub Tswv Ntuj los ua Tswv Ntuj txoj hauj lwm.
    Peb thov Ntuj rau txhua phiaj neeg ntseeg txog Yes Xus lub Moo Zoo. Kom S. D. txawj sib haum xeeb nrog cov thawj neeg uas raug Ntuj xaiv los ua thawj, no kev sib cob qhia. Kom Tswv Ntuj kev thaj yeeb tuaj txog sawv daws.
    Peb thov koj...

    2.-Cov neeg ntseeg yuav ib txhij zwm rau Tswv Ntuj thiab cov Nom Tswv tswj teb kav chaw. Kom cov Nom Tswv thiab tsoom pej Xeem sib haum xeeb nyob hauv kev thaj yeeb.
    Peb thov koj...

    3. Tswv Ntuj hlub haiv neeg His Xas Lais uas yog Tswv Ntuj tus tuv txib Yas Kos uas Tswv Ntuj tau xaiv los ua Ntuj Haiv neeg. Peb thov Ntuj rau cov neeg ntseeg rau kev txom nyem: Cov nyob tsev loj faj, cov ua neeg thoj nam, cov muaj mob nkeeg, cov pw tsev tshuaj los cov nyob tom vaj tse, thiab cov tuaj ntawm no. Tswv Ntuj dauv muag los saib lawv thiab mog. Peb thov koj...

    4. Tswv Ntuj vam txog cov tsis paub Ntuj los ua Ntuj tej hauj lwm. Tswv Ntuj koj tshoj cov peb cov neeg tuaj ntawm no kom peb zoo siab ua koj tej haum lwm nyob hauv kev sib ntsib kom muaj kev sib haum xeeb loj nyob hauv peb...

    5. Peb nyias cev nyias zaj muaj nyob hauv nyias nruab siab.- Tswv Ntuj peb ua koj tsaug uas koj tau mloog peb cov zaj thov, peb tso siab lug rau koj. Peb thov koj...

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 30th October 2014, 10:54 am



    NRUAB XYOO CHIV 30 A.
    *-Tsab ntawv kev tsiv hais tias: { 22:20-26.}
    Tswv Ntuj pab peb ntau lawm peb yuav pab cov txom nyem cov Pluag, kom peb tsim nyog hu ua tus Tswv Ntuj siab zoo cov tub ki.
    Muaj ib hnub, Tswv Ntuj kom Mais Xes qog Tswv Ntuj cov lo lus rau Tsoom His Xas Lais tias:
    -Nej cov uas nej yog kuv haiv neeg, kuv tau xaiv nej los. Mas nej yuav tsis txhob mus nyiag pej Kum haiv neeg tej nyiaj txiag, Thiab txhob mus hiam lawv. Vim tias, yav thaud nej twb yog ib co pej kum neeg los lawm.
    - Cov yog poj ntsuam los tub ntxhais ntsuag, nej yuav tsis txhob ntaus lawv.
    -Yog leej twg ntaus cov hais no, mas yog lawv yws txog nej rau kuv paub, mas kuv yuav mloog lawv yws txog nej.
    -Tej neeg txom nyem no, yog tshuav nej nqi, Lawm muab lawv lub tsho tshaj sab los yuam nqe,mas tsaus ntuj nej yuav rov muab lawv lub tsho rov rau lawv hnav pw. Vim kuv khuv leej lawv.
    *-Paj Lug tsab ntawv Tes Xas Los Nis hais tias: {1:5-10}
    -Cov neeg ntseeg thiab cov tub tshaj Ntuj lus yuav ua Yes Xus Tim Kawv zoo Tsoom neeg thiaj xav los ntseeg txog Yes Xus lub Moo Zoo. Mas lub ntiaj teb thiaj li tau hnov Tswv Ntuj lub npe nchav ntws nyob hauv lub sim ceeb no. Ces sawv daws thiaj yuav tau los tsob hwb tus Tswv Ntuj muaj txoj sia tseem ceeb. Ua sawv daws Leej Txiv uas yog tus txawj hlub txawj zam rau cov neeg muaj txhaum.
    *-Mas Tais ntawv Moo Zoo hais ntxiv tias: {22:34-40.}
    -Peb cov neeg ntseeg thiab cov tub tshaj Ntuj lus. Yog peb tham txog kev ntseeg mas txhob tham txog tej yam me me. Peb sawv daws yuav nco ntsoov tias kev ntseeg lub ntsiab yog Tswv Ntuj kev nyiam kev hlub.
    -Thaum ib tug neeg ntseeg thiab txais lub cim ntxuav lawd, yog tsis muaj Tswv Ntuj txoj kev nyiam kev hlub nyob hauv nruab siab, Mas tus ntawd yog ib tug neeg tuaj yuav lub npe ntseeg, kom tau sawv daws hlub nws xwb.
    -Peb ntseeg mas yuav txais yuav tej yam Yes Xus hais tias, koj yuav ntseeg tas siab tas tswv yim thiab tas zog.
    Thiab koj yuav nyiam luag tej ib yam li koj nyiam koj. Cov Yaj Saub thiab cov neeg ua Leej Ntshiab lawv puav leej nyob hauv cov lus no. Tas.

    ZAJ THOV NTUJ NRUAB XYOO HNUB CHIV 30 A.

    1. Txoj kev ntseeg lub ntshiab uas peb ntseeg yog Tswv Ntuj kev nyiam.Peb yuav zoo siab nyob hauv Leej Tswv Yim Ntshiab kom Huab Tais lub npe ncha mus thoob qab ntuj khwb.Peb thov Ntuj pov hwm Nws lub Koom Txoos kom S.D. ua neeg tsim txiaj. Peb thov koj...

    2. Yes Xus lub Moo Zoo hais tias koj yuav nyiam tsoom txheeb ze, ib yam li koj nyiam koj. Peb Thov Ntuj rau cov Nom tswv kav teb chaws, Kom muaj Kev sib haum xeeb nrog tsoom pej xeem, kom lub teb chaws tau nyob thaj yeeb. Peb thov koj...
    3. Peb yuav ua Yes Xus tim khawv zoo, kom ntiaj teb paub tias Yes Xus yog Tswv Ntuj Leej tub tuaj cawm lub ntiaj teb neeg. Peb nco txog tsoom neeg txom nyem:
    Cov raug luag hiam, cov nyob tsev loj faj, cov muaj mob nyob tsev tshuaj, cov nyob tom vaj tse, cov tuaj ntawm no,Tswv Ntuj koj nco txog lawv mog. Peb thov koj...

    4. Koj yuav nyiam tsoom txheeb ze ib yam li koj nyiam koj. Peb thov Ntuj rau peb cov neeg tuaj sib sau teev ntuj hnub no. kom peb S.D. muaj kev sib hlub Tswv Ntuj thiaj txaus siab mloog txhua zaj lus peb thov. Peb thov koj.

    5. Peb thov Ntuj rau Peb Haiv Hmoob tsis hais pab pawg twg, cov coj kev ntseg dab tsis li Kom Sawv Saws paub tias muaj tib tug Tswv Ntuj thiaj yog tus tseem ceeb. Kom Haiv Hmoob tig los sib hlub Hmoob yeej yuav tso tsis tau Hmoob tseg li. Peb thov koj....

    Yaj Zoov Ntxheb Xib Hwb.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 3rd November 2014, 11:12 pm



    LUB TXOOS TEEV NTUJ RAU COV NEEG TUAG.
    Hnub tim 2 lub 11 hli xyoo 2014 xyoo,a.Piv txwv peb.



    *- Ntawv thoob tsib hais tias: {4:7-15.}
    - Tos neeg ntiaj teb no lub neej muaj nuj nqes, vim muaj tej tus neeg tau ua xis Tswv Ntuj siab. Tswv Ntuj thiaj tau txais neeg kom nrog Tswv Ntuj muaj txoj sia nyob mus li.
    -Tas tsoom neeg tuaj nyob ntiaj teb no, mas yeej muaj tej tus siab ncaj.
    Cov neeg siab ncaj no, mas muaj cov laus cov hluas sib npaug zos:
    -Cov tseem nyob nruab thiab, cov twb yug los lawd, uas lawv tau raug xwv txheej, los cov tau ua neej nyob laus nkoos los muaj.
    -Cov tau ua neeg siab ncaj no, lawv yuav tau ntsib Tswv Ntuj, kev so los siav. Nyob hauv peb tsoom txheeb ze:
    Xws li peb sawv daws cov pog cov yawg,cov niam txiv, thiab cov kwv tij uas tau ncaim peb mus lawd. Lawv yog neeg siab ncaj ces lawv yeej tau txais txoj sia nyob mus li.
    -Vim li no mas hnub no lub Koom Txoos thiaj npaj kom muaj ib lub thaj txi Ntuj rau peb sawv daws, tej niam txiv thiab pog yawg, kwv tij tub ki uas lawv tau ncaim peb mus lawd.
    -Cov uas tau ncaim peb mus lawd tsis hais cov laus cov hluas li. tsuav yog cov siab ncaj ces lawv yog Cov tau txoj hmoov zoo.
    -Muaj ib yam ntxiv kom peb paub tseeb tias,Muaj tej tus lawv yog neeg siab ncaj, tab sis lawv raug txoj kev ntxias lawv tsis tau mus nyob ntuj tawg. Lawv tseem nyob teb chaws them txim tos tej tub ki los tej kwv tij ua tej zaj kev zam txim mus pab lawv,daws txhaum txo txim kom tau mus rau ntuj ceeb tsheej sai.
    -Hnub no yog hnub uas peb muaj cov neeg dua nras lawd lawv tos peb tej yam paj tshab hais no ntag.
    ***-Tus neeg uas nws tau xa tej zaj them txim daws txhaum zam txim mus txog teb chaws them txim lawd yog nws tus neeg tau mus rau Ntuj Ceeb Tsheej lawd, los nws cov zaj zam txim ntawd tseem muaj nuj nqes thiab. Ntuj yuav muab pub rau tej tus neeg tsis muaj leej twg tau nco txog. Uas nws nyob hauv txoj kev ntseeg thiab txoj kev ncaj. Nws tau mag kev ntxias, ua kom nws tau mus khuam nyob teb chaws them txim ntawd txais tau.

    *-Paj Lug thiaj tau hais rau cov Tes Xas Los nis tias: {4:13-18.}
    -Cov neeg ntseeg txog Yes Xus lawv puav leej yuav tau rov sib ntsib nyob hauv Yes Xus lub hwj chim.
    -Ua li mas lub Koom Txoo tsis xav kom cov neeg ntseeg txog Yes Xus lub Moo Zoo, xws li peb sawv daws tsis txhob ua ib cov neeg tsis paub qab hau dab tsis txog cov neeg tau mus tsaug zog lawd.
    -Yog peb ntseeg txog Yes Xus lub Moo Zoo tiag mas peb kuj yuav tso siab tias peb cov neeg mus tsaug zog nyob hauv Yes Xus mas Tswv Ntuj yuav hu Lawv sawv rov los mus nrog Yes Xus nyob, uas thaum txog lub caij Huab Tais yuav tawm tuaj.
    Vim Huab Tais tau hais tias, thaum Huab Tais lub puab nrov, mas cov neeg tuag yuav sawv rov los. Ces peb sawv daws mam mus nrog Huab Tais nyob, kom nco ntsoov tias yuav muaj li ntawd.

    *-Mas Tais hais tias:{ 11:17+20-27.}
    - Peb yuav ntseeg li Mas Tas thiab Mab Liab lawv nteeg tias, Yes xus yog txoj kev sawv rov los, thiab Yes Xus yog txoj sia.
    -Cov neeg ntseeg txog Yes Xus lawv tsis nyob hauv txoj kev tuag. Lawv yuav nrog Yes Xus ciaj nyob mus li. Vim Leej Pleev yog Tswv Ntuj nLeej tub tuaj nyob hauv lub Sim Ceeb no nws hais tseeb li ntawd.
    LUB TXOOS TEEV NTUJ RAU COV NEEG TUAG.
    Hnub tim 2 lub 11 hli xyoo 2014 xyoo,a.Piv txwv peb.

    *- Ntawv thoob tsib hais tias: {4:7-15.}
    - Tos neeg ntiaj teb no lub neej muaj nuj nqes, vim muaj tej tus neeg tau ua xis Tswv Ntuj siab. Tswv Ntuj thiaj tau txais neeg kom nrog Tswv Ntuj muaj txoj sia nyob mus li.
    -Tas tsoom neeg tuaj nyob ntiaj teb no, mas yeej muaj tej tus siab ncaj.
    Cov neeg siab ncaj no, mas muaj cov laus cov hluas sib npaug zos:
    -Cov tseem nyob nruab thiab, cov twb yug los lawd, uas lawv tau raug xwv txheej, los cov tau ua neej nyob laus nkoos los muaj.
    -Cov tau ua neeg siab ncaj no, lawv yuav tau ntsib Tswv Ntuj, kev so los siav. Nyob hauv peb tsoom txheeb ze:
    Xws li peb sawv daws cov pog cov yawg,cov niam txiv, thiab cov kwv tij uas tau ncaim peb mus lawd. Lawv yog neeg siab ncaj ces lawv yeej tau txais txoj sia nyob mus li.
    -Vim li no mas hnub no lub Koom Txoos thiaj npaj kom muaj ib lub thaj txi Ntuj rau peb sawv daws, tej niam txiv thiab pog yawg, kwv tij tub ki uas lawv tau ncaim peb mus lawd.
    -Cov uas tau ncaim peb mus lawd tsis hais cov laus cov hluas li. tsuav yog cov siab ncaj ces lawv yog Cov tau txoj hmoov zoo.
    -Muaj ib yam ntxiv kom peb paub tseeb tias,Muaj tej tus lawv yog neeg siab ncaj, tab sis lawv raug txoj kev ntxias lawv tsis tau mus nyob ntuj tawg. Lawv tseem nyob teb chaws them txim tos tej tub ki los tej kwv tij ua tej zaj kev zam txim mus pab lawv,daws txhaum txo txim kom tau mus rau ntuj ceeb tsheej sai.
    -Hnub no yog hnub uas peb muaj cov neeg dua nras lawd lawv tos peb tej yam paj tshab hais no ntag.
    ***-Tus neeg uas nws tau xa tej zaj them txim daws txhaum zam txim mus txog teb chaws them txim lawd yog nws tus neeg tau mus rau Ntuj Ceeb Tsheej lawd, los nws cov zaj zam txim ntawd tseem muaj nuj nqes thiab. Ntuj yuav muab pub rau tej tus neeg tsis muaj leej twg tau nco txog. Uas nws nyob hauv txoj kev ntseeg thiab txoj kev ncaj. Nws tau mag kev ntxias, ua kom nws tau mus khuam nyob teb chaws them txim ntawd txais tau.

    *-Paj Lug thiaj tau hais rau cov Tes Xas Los nis tias: {4:13-18.}
    -Cov neeg ntseeg txog Yes Xus lawv puav leej yuav tau rov sib ntsib nyob hauv Yes Xus lub hwj chim.
    -Ua li mas lub Koom Txoo tsis xav kom cov neeg ntseeg txog Yes Xus lub Moo Zoo, xws li peb sawv daws tsis txhob ua ib cov neeg tsis paub qab hau dab tsis txog cov neeg tau mus tsaug zog lawd.
    -Yog peb ntseeg txog Yes Xus lub Moo Zoo tiag mas peb kuj yuav tso siab tias peb cov neeg mus tsaug zog nyob hauv Yes Xus mas Tswv Ntuj yuav hu Lawv sawv rov los mus nrog Yes Xus nyob, uas thaum txog lub caij Huab Tais yuav tawm tuaj.
    Vim Huab Tais tau hais tias, thaum Huab Tais lub puab nrov, mas cov neeg tuag yuav sawv rov los. Ces peb sawv daws mam mus nrog Huab Tais nyob, kom nco ntsoov tias yuav muaj li ntawd.

    *-Mas Tais hais tias:{ 11:17+20-27.}
    - Peb yuav ntseeg li Mas Tas thiab Mab Liab lawv nteeg tias, Yes xus yog txoj kev sawv rov los, thiab Yes Xus yog txoj sia.
    -Cov neeg ntseeg txog Yes Xus lawv tsis nyob hauv txoj kev tuag. Lawv yuav nrog Yes Xus ciaj nyob mus li. Vim Leej Pleev yog Tswv Ntuj nLeej tub tuaj nyob hauv lub Sim Ceeb no nws hais tseeb li ntawd.



    ZAJ THOV NTUJ HAUV LUB TXOOS.
    1.-Peb thov Ntuj rau lub Koom Txoos uas zwm rau Thawj tug Vaj qhia Yes tsa nyob saum Lub Pob Zeb kom Dab Phem lub rooj Loog tsis yeej lub Pob Zeb ntawd. Kom lub Koom Txoos no pov hwm Tau peb sawv daws cov ntsuj Plig mus rau Ntuj Ceeb Tsheej. Peb Thov Koj...
    2.-Peb thov Ntuj rau cov Nom Tswv tswj teb kav chaw, thiab cov thawj neeg coj tsoom peb xeem, cov tub rog, cov neeg sib ua yeeb ncuab. Kom lawv txhob xav txog txoj kev muab cov neeg tsis muaj zog tej ntsuj plig xa mus rau tub tuag teb sai. Peb thov...
    3.- Peb thov Ntuj rau peb cov neeg ntseeg nyob sacramento no sawv daws cov pog yawg, niam txiv los kwv tij txheeb ze uas tau ncaim ntawm lub ntiaj teb no mus lawd cov ntsuj plig tseem khuam nyob teb chaws them txim. Koj Tswv Ntuj hu cov tseem khuam nyob ntawd mus rau Ntuj ceeb tsheej. Peb thov Koj...
    4.-Peb thov Ntuj khuv leej cov neeg txom nyem lawv cov tsuj plig uas tas sim neej nyob hauv tsev loj faj, nyob tsev kho mob,nyob hauv lawv tej vaj tse, thiab cov raug xwv tsheej nyob yas kev yas ncua tib sis, Tswv Ntuj koj txais cov tsis tau kev vam khom no thiab. Peb...
    5.- Peb cev cov ntsuj plig uas nyias paub nyob hauv nyias nruab siab rau Tswv Ntuj paub kom Ntuj pab lawv thiab...
    -Tswv Ntuj thov koj mloog cov ntsuj plig uas peb tau vev rau koj no thiab mog. Peb thov koj...

    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 7th November 2014, 11:19 am



    HWM TSWV NTUJ LUB TUAM TSEV NTSHIAB.
    LOS LUB KOOM TXOOS.




    Hnub tim 9/11/2014.

    Peb Zaj nyeem nyob rau ntawm no tib si lawm:
    A*- Zaj nyeem 1  Es Xes Kias Zaj { 47: 1-12.}
    =Tus Dej txhawv hauv lub Tuam Tsev Teev Ntuj los.
    1 Tus neeg ntawd coj kuv rov los txog ntawm lub qhov
    rooj  lub Tuam Tsev Teev Ntuj. Ua cas muaj ib tug dej
    ntws ntawm lub taw rooj los rau sab hnub tuaj lawm, vim
    tias lub Tuam Tsev ntawd tig mus rau sab hnub tuaj.  Tus
    dej txhawv  ntawm lub qab tsua sab xis nram  lub thaj Txi
    Ntuj.  2  Tus neeg coj kuv nws tawm ntawm lub qhov rooj
    nyob sab pej los, nws coj kuv ncig sab Tuam Tsev nraud,
    los txog ntawm lub rooj vag uas tig rau sab hnub tuaj.  
    Nyob ntawd, dej ntws ntawm sab xis los.
    3 Tus neeg ntawd txav mus rau sab hnub tuaj lawm, nws
    nqa ib txoj hlua ntawm tes,nws ntsuas ntev li ib txhiab
    tshim, ces nws kom kuv hla dej. Dej vov kuv pob qij taw
    tas. 4 Nws rov ntsuas li ib txhiab tshim ntxiv thiab kom
    kuv hla. Ces dej nce txij kuv hauv caug. Nws rov ntsuas ib
    txhiab tshim.  Nws kom kuv hla.   Dej txij kuv duav lawm.
    5  Nws tseem rov ntsuas dua ib txhiab tshim ntxiv. Thaum
    Ntawd cia li yog ib tug dej loj kuv hla tsis tau lawm, vim
    Tus dej hlob thiab tob lawm. 6 Ces tus neeg hais rau kuv tias:
    “Neeg Leej Tub koj puas pom?” Nws thiaj coj kuv rov los
    rau tim ntug dej. 7 Thaum kuv rov los txog mas nyob
    ntawm ob sab ntug dej muaj ib co ntoo ntau ntau. 8  Tus
    neeg ntawd hais rau kuv tias:
    Cov dej no ntws mus rau toob fab mus rau nram lub hav
    As Las Npas, yuav mus tswm rau lub hiav txwv. Cov dej
    no mus ua rau kom lub hiav txwv cov dej rov huav tuaj.9
    Tus dej no ntws txog twg mas tas puas tsav yam muaj
    txoj sia mus mus, los los yuav ciaj nyob hauv cov dej
    no.11 Yuav muaj ntses ntau heev vim tus dej no ntws
    txog qhov twg mas yam twg kuj yuav huv tuaj thiab muaj
    txoj sia hlob taus. 12 Nyob ntawm ob sab ntug dej yuav
    muaj tas puas tsav yam txiv ntoo, lawv cov nplooj yuav
    tsis zeeg ib zaug li, thiab lawv cov txiv yuav txi mus li, niaj
    hli lawv yuav txi ib co txiv tshiab, vim cov dej ntws ntawm
    thaj chaw ntshiab los. “Cov txiv yuav yog ib co txhiam
    xws, hos cov nplooj kuj yuav yog ib co tshuaj.”
    =Yog Tswv Ntuj lo lus...  

    B*-Zsj nyeem 2, Kos Lis Nthos 1  {3: 9-11+16-17.}
    Tus neeg tshaj ntuj lus  nws txoj hauj lwm.
    9  Peb yog cov nrog Tswv Ntuj ua hauj lwm; nej yog Tswv
    Ntuj daim teb los yog Tswv Ntuj lub tuam tsev. 10 Kuv ua
    raws li lub txiaj ntsim uas Tswv Ntuj pub rau kuv. Kuv zoo
    li tus neeg txhim tsev. Kuv pib txhim lub taw ntsa, lwm
    tus mam txhim ntxiv rau saud. Tab sis nyias yuav muab
    siab rau saib nyias txoj kev txhim tsev. 11  Vim tias tsis
    muaj leej twg yuav txhim ib tug taw ntsa txawv tus uas ib
    txwm nyob: Tus taw ntsa ntawd yog Yes Xus Pleev. 16
    Nej puas paub tias nej yog Tswv Ntuj lub Tuam Tsev?  Nej
    puas paub tias Tswv Ntuj Leej Ntuj Plig nyob txawm hauv
    nej?17 Yog muaj ib tug rhuav Tswv Ntuj lub Tuam Tsev
    mas Tswv Ntuj yuav rhuav tus ntawd. Vim tias Tswv Ntuj
    lub Tuam Tsev yog ib yam Ntshiab, Lub Tuam Tsev ntawd yog nej.
    =Yog Tswv Ntuj lo lus....

    C*-Zam Ntawv Moo Zoo. {2: 13-22.}
    -Yes Xus ntiab cov tub luam hauv lub Tuam Tsev Teev Ntuj.
    13Yuav txog cov Yus Das lub ntsees hla, ces Yes Xus mus
    pem Yes Lus Xas Les. 14 Nyob hauv lub Tuam Tsev Teev
    Ntuj, Yes Xus pom cov tub luam  muag nyuj muag tshis,
    muag nquab thiab cov neeg pauv nyiaj zaum ntawm lawv
    cov rooj. 15  Nws muab cov hlua ua ib rab nplawm, nws
    ntiab sawv daws huv tib sis taum hauv lub Tuam tsev
    Teev Ntuj mus ,nws caum cov yaj thiab cov nyuj. Nws
    Nchuav cov pauv nyiaj tej nyiaj, Nws ntxeev lawv cov
    rooj. 16 Nws hais rau cov muag nquab tias: Nej tshem tej
    ntawd tawm hauv no mus.  “Nej txhob muab kuv txiv lub
    tsev los ua luam ntxiv” 17 Yes Xus cov Thwj Tim nco
    txog lo lus uas ntawv sau tseg tias:  Kev mob siab rau koj
    lub tsev ua rau kuv lub siab kub lug. 18 Cov Yus Das thiaj
    qhib ncauj hais rau nws tias:
    “Koj ua li no koj yuav muab lub ci dab tsis rau peb pom?
    Yes Xus teb rau lawv, Nws hais tias: “Nej rhuav lub Tsev
    Ntshiab no, mas peb hnub tom qab, mas kuv rov txhim
    tau,”Cov Yus Das thiaj hais tias: Lawv ua hauj lwm plaub
    caug xyoo thiaj txhim tau lub tsev ntshiab no. “Hos koj ua
    peb hnub koj rov txhim tau!”21  Tab sis Yes Xus hais txog
    Nws lub cev yog lub tsev Ntshiab.22  Thaum Yes Xus sawv
    hauv cov tub tug rov los, mas nws cov thwj Tim rov nco
    txog, Nws twb tau hais li ntawd lawm. Ces lawv ntseeg
    txog phau ntawv thiab ntseeg cov lus hais.
    =Huab Tais Pleev.



    *-NTHUAV NTAWV NTSHIAB.
    Hnub no  Lub Koom Txoos ua thaaj txi Ntuj los nco txog Tswv Ntuj lub Tuam Tsev Ntshiab uas Ntuj tuaj nrog neeg ntiaj teb no nyob ua ke.
    Cov zaj lus uas hnub no Lub Koom Txoos hais txog, mas yog xav hais tias, Tswv Ntuj Nws muaj kev nyiam kev hlub loj tas nrho, Nws thiaj qhia txog tus dej txhawv ntawm lub qab thaj Txi Ntuj los.
    Tus dej no txawm yog Tswv Ntuj kev nyiam kev hlub tawm ntawm Leej Pleev txoj kev khuv leej neeg los. Leej Pleev yog yog tus dej muaj txoj sia rau tas tsoom ntseeg uas lawv tso siab rau Tswv Ntuj kev cawm.
    Cov neeg muaj txoj kev ntseeg kev tso siab, mas lawv yog txhua yam uas txawm nyob ze ntawm tus ntug dej muaj txoj sia. Muaj dej yug ces cov nplooj, cov ntoo yuav ua hauj lwm tas niaj tas xyoo tsis nruam ib lub hlis li.Thiaj hais tias:
    Lawv yuav txi trxiv tas niaj tas xyoo txhua lub hli. Cov txiv ntoo yuav ua ib co txhiam xws yug cov muaj kev ntseeg kev tso siab rau Ntuj, uas lawv zoo siab txais Tswv Ntuj tuaj nyob txawm hauv Ntuj  lub Tuam Tsev.
    Cov saib tias Tswv Ntuj lub Tuam Tsev muaj qab hau rau lawv mas lawv tau ua twb zoo txhim lub Tuam Tsev Teev Ntuj rau tus uas Nws ib txwm nyob. Tus ntawd yog Tswv Ntuj Leej Ntuj Plig, uas nws tuaj nyob nrog Neeg ntiaj teb no txhua tus.
    Ces lawv yog cov txhiam xws yug txhua yam nyob ntawm tus ntug dej muaj txoj sia no.
    Hos lo lus hais txog cov plooj yuav ua ib co tshuaj zoo kho  moob nkeeg txhua yam. Cov nplooj ntoos nyob ze tus ntug dej muaj txoj sia no, yog cov nplooj ua tshuaj kho, cov neeg raug dab ntxoog dab tso, dab ntxaug, dab xyw, ua rau neeg muaj kev kho siab, tu  siab, nco kwv nco tij, nco niam nco txiv.
    Yog lawv muaj kev tso siab thiab kev ntseeg, mas lawv yuav tau cov nplooj ntoos no los ua 12 yam tshuaj kho 12 yam mob ntawm lawv txoj sia.
    Ces lawv yuav  rov muaj lub  lub siab kaj lug, los yeej xaiv yeej lus, yeej tej kev raug neej raug dab ntawm kev haub kev ntxias, kom dim ntawm kev tsaus ntuj.  Txhob tau kev ncaim ntawm tus dej muaj txoj sia. Thiab lub Tuam Tsev Teev Ntuj uas muaj Tswv Ntuj Leej Ntuj Plig nyob txawm hauv.
    Peb sawv daws yuav nco ntsoov tias lub Tuam tsev ntawd, kom yog peb sawv  daws, cov tuaj churt hnub no.
    ZAJ THOV NTUJ.
    1. Peb thov Ntuj rau lub KoomTxoos, kom cov neeg ntseeg txhua phiaj Txawj los ua cov tub txhim Tswv Ntuj lub Tuam Tsev rau Leej Tswv Yim tuaj nyob txawm hauv nyias.  Peb thov koj...                                2. Peb thov Ntuj rau cov NomTswv tswj teb kav chaw. Kom lawv pab Txhim ib co Tuam Tsev Ntshiab zoo txais Leej Ntuj Plig tuaj nrog neeg ntiaj teb nyob.  Ntiaj teb no, S.D thiaj nyob thaj yeeb. Peb thov koj...
    3. Peb thov Ntuj rau cov neeg raug kev txom nyem. Vim sawv daws tsis saib tias txhua yam muaj Tswv Ntuj leej Tswv Yim tuaj nyob txawm.Leej Pleev yog tus dej muaj txoj sia zoo ua tshuaj kho neeg ntiaj teb, txhob coj neeg mus zwm rau kev ua txhaum ntau dhau no. Peb thov koj...
    4. Peb Thov Ntuj rau cov neeg siab ncaj, Kom Ntuj hu coob leej los ua tub tshaj Ntuj lus vim lawv muaj cov txiv ntoo zoo yug neeg txoj sia, thiab muaj zoo tshuaj los tiv thaiv dab phem.   Peb thov kom...
    5. Peb nyias yuav thov Ntuj rau tej yam nyias pom muaj nyob nyias nruab siab.  Uas tsis tau sau qhia rau Tswv Ntuj...Peb thov koj...
    6. Peb thob Ntuj rau peb cov neeg tuaj Churt hnub no,  cov sau npe  qhia rau Ntuj lawd,thiab cov muaj mob kom peb txais tau cov dej tshuaj yug peb txoj sia....


    Yaj Zoov Ntxheb Xib Hwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 13th November 2014, 10:38 am



    NRUAB XYOO CHIV 33 A. TIM 16/11/2014.


    *-Ntawv Paj lug hais tias: {31: 10-31.}
    Tus poj niam zoo, yog tus nrhiav kev kaj siab lug nyob hauv nws tej hauj lwm ua niam tsev,ces nws yog tus zoo niam tsev rau nws tsev neeg.
    Tus poj niam zoo uas luag tau cav txog tias, nws yog tus zoo niam tsev, mas nws muaj nqes dua tej pov haum. Vim nws tus txiv tso siab lug rau nws. Nws tsev neeg tsis raug kev tshaib kev nqhis nqhis.
    Tus zoo niam tsev , mas nws tsis ua kom nws tus txiv muaj kev tu siab ib zaug li. Nws lub teeb cig lam lug tas hmo. Nws ob txhais tes nquag, tooj xov ntos ntaub, plaub yaj rau nws tsev neeg hnav.
    Ntuj tsis tau kaj nws twb sawv los faib mov rau nws tsev neeg noj. Nws muaj zoo ib lub nkoj txeeg nkoj lum ua lag luam hla lub hiav txwv, hla nruab ntug mus txog pej kum teb. Tus zoo niam tsev no nws hlub nws tsev neeg, nws xaws tsho txooj thiab pam cuam rwb rau nws tsev neeg vov.
    Nws tsob hwb nws tus txiv zoo, nws tus txiv tau cav tias: Muaj ntau tus poj niam tau ua zoo, tiam sis koj tseem tau ua zoo tshaj sawv daws thiab.
    Koj tsis zoo li cov poj niam zoo nkauj uas muaj lub xom lees ntxias luag. Cov poj niam zoo nkauj muaj lub zoo meej mom ntawd, lawv tsis muaj dab tsi zoo nyob hauv lawv nruab siab li.

    *-Paj Lug thiaj hais rau cov Tes Xas Los Nis tias: {5:1-6.}
    Ib sim neej mas tsis ntev, Peb txhob tsaug zog thiab txhob hais tias,tos ob peb hnub tso, los tos ob peb xyoos laus tso, mam tig los yuav lub siab tshiab.
    Kwv tij sawv daws tsis tas yuav sau ib zaj los piav txog lub caij, thiab lub hnub nyug tias, Huab Tais yuav tuaj xws li tus tub sab, uas tuaj thaum ib tag hmo.
    Yog thaum lub ntiaj teb tab tom hais thiab cav zom zaws tias, xyoo no peb nyob kaj lug lawm. Xyoo no peb tau ua neej nplua nuj, thiab muaj kev lom zem dua txhia xyoo. Peb yuav tsim ib co kev lom zem kom tsim nyog li peb kev ntshaw.
    Ces ib sij huam kev ploj kev tuag ya ntxiag tuaj raug lawv xws li kev qaug cawv, qaug yeeb nrog cua khauv zeeg tuaj raug lawv ces kev ploj kev tuag nrog cua khauv zeeg ntswj ib vuag xwb neeg tuag tas nrho lawm.
    Peb yuav nco ntsoov tias neeg ntiaj teb yog Qaum Ntuj cov me nyuam taug kev mus nruab hnub. Peb tsis yog cov neeg maub mus taug kev hmo ntuj no mog.

    *-Ces Mas Tais ntawv Moo Zoo hais ntxiv tias: {25:14-30.}
    Peb cov neeg ntseeg muaj ib lub cuab tam loj muaj nqes kawg. Yog YES XUS lub MOO ZOO. Yog peb muab lub Moo Zoo no faus rau hauv peb lub cim xeeb xwb mas peb ua txhaum loj.
    Peb yuav muab lub Moo Zoo no los ntxeev ua lag luam kom tau ib nras ntxiv. Li thawj ob tug tub txib siab ncaj ntawd.
    Yog peb muab faus cia xwb. Saib peb ua neej 30 xyoo, ua neej 60 xyoo, los ua neej 120 xyoo. Peb tsis tau tsim kom tawg paj txi txiv. Peb muab faus rau hauv peb lub cim xeeb, kom peb nco tias peb muaj lub Moo Zoo xwb, peb tsis tau coj ib tug los paub Tswv Ntuj li, ces Ntuj yuav rho lub Moo Zoo uas koj muaj ntawd los pub rau cov xav tau lub Moo Zoo kom lawv muaj ntxiv. Ces nws yuav ua neeg pluag mus. tsis muaj dab tsi li.
    Cov lus no yog hais rau peb sawv daws, kom coj lub Moo Zoo mus qhia, coj mus tshaj rau luag paub. Coj mus ua lag ua luam kom tau paj tau peev, mus coj neeg los ntseeg.
    Tus thuam ib tug neeg ntseeg thiab xyav lub Moo Zoo, los thim kev ntseeg ces nws yog zoo li tus muab lub Moo Zoo faus rau hauv nws lub cim xeeb nws tsis tshaj tawm tias, Lub Moo Zoo Yog sawv daws lub cuab tam nplua nuj li.

    *-* ZAJ THOV NTUJ:
    1.Peb thov Ntuj rau lub Koom Tsoos, Kom cov neeg ntseeh txawj ua ib pab zoo niam tsev thiab zoo txiv tsev hwm lub Moo Zoo yog thawj lub cuab tam los rau cov neeg ntseeg sawv daws ua neeg nplua nuj. Peb thov...
    2. Peb thov Ntuj rau cov Nom Tswv tswj teb kav chaw. Cov neeg tuav kab xwm S.D. Txawj nrhiav kev sib haum xeeb kev kaj siab koom nrog Tswb Ntuj kom lub ntiaj teb muaj kev sib hlub zoo. Peb thov...
    3. Peb thov Ntuj rau cov neeg txom nyem kom sawv daws paub txog Yes Xus lub Moo Zoo yog lub cuab tam loj Ntuj npaj tos neeg ntiaj teb los ua neeg nplua nuj. Kom txhua tus neeg muaj kev txom nyem tiv taus lawv kev iab kev khwv. Peb thov koj...
    4. Peb thov Ntuj rau ob pab neeg sib txawv no! Kom cov muaj tswv yim txav los nres cov tsis muaj, sib haum xeeb nyob hauv Yes Xus lub Moo Zoo. Kom cov neeg txom nyem muaj noj muaj haus sib xws li zeej tsood. Peb...
    5. Peb thov Ntuj rau cov neeg muaj txiab nkeeg, pw nyob tsev tshuaj, cov nyob hauv vaj hauv tsev, thiab cov tuaj ntawm no tib si. Tswv Ntuj thov koj khuv leej cov neeg muaj txiab nkeeg no txhua tus. Peb thov....
    6. Peb thov Ntuj rau cov tuaj teev Ntuj hnub no. Tswv Ntuj Koj pab kom peb txawj ceev lub Moo Zoo no los ua peb lub cuab tam nplua nuj rau peb txhua tus.
    Peb thov...


    Yaj Zoov Ntxheb Xib Hwb.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 20th November 2014, 9:58 am


    HWM YES XUS UA VAJ.


    NRUAB XYOO CHIV 34 A. tim 23-11-2014




    *-Ntawv Es Xes Kias hais tias: {34: 11-16.}
    Yes Xus yog tus Vaj hlub tas ntiaj teb, xws li tus zoo Tswv zov yaj hlub nws pab yaj.
    Ntawm no, yog Tswv Ntuj lo lus Nws hais li no tias:
    Zaum no kuv yuav tsob hwb kuv pab yaj. Zoo li tus zoo tswv zov yaj, uas nws tsis pub nws cov yaj tawg ua sab ua sua.
    Tus twg poob zoo lawm mas nws yuav mus nrhiav kom tau. Nws yuav txheeb ib tug zuj zus. Tej mus poob rau Mab Sua teb los Tswv Ntuj yuav mus raws kom rov los txog chaw.Tswv Ntuj yuav cia lawv nog zaub nyob hauv Nws thaj av zoo muaj zaub mos. Ntuj yuav ua tus coj kom cov Yaj tau so los siav.
    Tus Yaj twg muaj qhov txhab Tswv Ntuj yuav qhwv kom zoo hlo tas. Tswv Ntuj yuav pub txoj kev ncaj rau txhua tus Yaj taug.
    Cov lus nyob hauv zaj no, Yes Xus xav muab los hais tseeb rau peb tias, Peb yog Nws pab neeg ntseeg nyob hauv lub Koom Txoos.
    *-Ces Paj Lug thiaj hais rau cov Kos Lis Nthos tias: {15:20-26+ 28.}
    Tswv Ntuj muab txhua yam tso rau Yes Xus Pleev. Ces Yes Xus mam coj tas txhua yam rov tuaj zwm rau Tswv Ntuj.
    Ces Paj Lug thiaj hais tias:
    Yes Xus Pleev sawv hauv cov tub tuag rov los lawm. Nyob hauv tsoom neeg mus tsaug zog, Nws yog thawj tug sawv ua ntej.
    Vim tias txoj kev tuag tuaj, mas yog ib tug neeg coj tuaj.
    Hos txoj kev sawv hauv cov tub tuag rov los, kuj yog ib tug neeg coj tuaj thiab.
    Tas tsoom neeg tuag, sawv daws tuag nyob hauv As Das. Hos zaum no, sawv daws yuav sawv hauv cov tub tuag rov los, kuj yog ib tug neeg coj tuaj thiab.
    Tus ua hau ntaus thawj sawv rov los yog Leej Pleev. Cov sawv rov los tom qab, yog Leej Pleev npoj neeg.
    Lub caij uas Leej Pleev tawm tuaj nyob saum cov Huab. Mas Leej Pleev npoj neeg yuav sawv rov los, yog zaum kawg. Leej Pleev ua zeeg 1 sawv rov los. Leej Pleev npoj neeg yog zeeg 2 sawv rov los los.
    Ces yuav yog zaum kawg uas Leej Pleev rhuav tus yeeb ncuab nyob hauv txoj kev tuag. Kom tsis muaj ib tug neeg rov tuag dua lawm.
    Yog hnub uas tus yeeb ncuab nyob hauv txoj kev tuag swb rau Leej Pleev. Txij hnub ntawd mus txhua yam nyob hauv Leej Pleev qab xib taws zwm tas rau Leej Pleev tib si lawm.
    *-Ces Mas Tais ntawv Moo Zoo thiaj hais ntxiv tias:
    { 25:31-46.}
    Yes Xus yog tus Vaj txiav txim rau tsoom pej xeem, nws tsuas saib tias lawv puas tau ua cov hauj lwm sib nyiam sib hlub xwb.
    Lub caij uas Leej Pleev tuaj mas Ntuj cov tshiab yuav nrog Nws tuaj. Ces Nws yuav muaj hwj chim los zaum saum lub theej kiab.
    Tas txhua haiv neeg yuav nyob ntawm nws xub ntiag li cov txiv Yaj thiab cov Maum Yaj. Uas tus tswv tau muab cais ib pab nyob rau sab xis hos lwm pab nyob rau sab laug.
    Nws hais rau pab zoo tias, nej tuaj mog, nej yog cov kuv txiv tau muab txoj hmoov zoo rau nej.
    Vim tias, thaum kuv tshaib plab, nej pub rau kuv noj. Kuv ua qhua los kuv nqhis dej nej txais kuv. Kuv liab qab, kuv mob, kuv nyob hauv tsev loj faj nej tuj xyuas kuv.
    Nws kuj hais tib yam li rau cov siab phem tias:
    Nej khiav mus deb ntawm kuv! Ntuj tsawm nej! Nej mus zwm rau cov hluav taws uas Ntuj npaj rau Dab phem thiab nws cov tub ncig nyob.
    Vim tias thaum kuv tshaib plab, nej tsis pub rau kuv noj. Kuv ua qhua los kuv nqhis dej nej tsis txais kuv. Kuv liab qab los kuv mob thiab kuv nyob hauv tsev loj faj nej tsis tuaj xyuas kuv.
    Ces cov siab phem yuav mus raug txim mus li. Hos cov siab ncaj yuav tau muaj txoj sia nyob mus li thiab.
    **ZAJ THOV NTUJ.
    1. Peb thov Ntuj rau lub Koom Txoos, Yes Xus yog tus Vaj hlub tas sawv daws. Kom cov phiaj neeg ntseeg txawj saib tias, Yes Xus yog tus nyob siab dua S.D peb yuav sib mloog sib yoog nyob hauv Leej Pleev kev nyiam kev hlub. Peb thov...
    2.Peb thov Ntuj rau cov Nom Tswv, txhua fab tub kav xwm, kom sawv daws paub tias Leej Pleev yog sawv daws tus thawj nom txawj hlub neeg. Kom lub ntiaj teb sib haum xeeb nyob hauv Leej Pleev kev tswj hwm. Peb...
    3. Peb thov Ntuj rau cov neeg txom nyem txhua pab txhua pawg, cov raug luag yuam los raug luag ntxub, cov ua neeg thoj nam los cov nyob tsev loj faj. Cov muaj mob los cov ua neeg kho siab. Tswv Ntuj thov koj tuaj nplij lawv. Peb thov...
    4.Peb thov Ntuj rau cov neeg siab ncaj, kom Leej Tswv Yim tuaj tshoj kom lawv muaj peev xwm tshaj tej lus thoob tsib nqes saum ntuj los pub rau ntiaj teb neeg yuav raws kev ncaj ncees. Peb thov koj...
    5. Peb thov ntuj rau cov neeg tuaj teev ntuj hnub no, kom lawv txoj kev nquag pub paj tshab coj kev ntseeg kev tso siab tuaj rau lawv. Peb thov koj...

    Yaj Z.N X.H.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: XH.Zoov Ntxheb Yaj Nthuav Ntawv Ntshiab.

    Post  Maiv Tooj on 27th November 2014, 10:37 am



    TOS HUAB TAIS CHIV 1 B. Tim 30-11-2014



    *-His Xais hais tias: { 63:16-17+19. 64:1-3+8.}
    Peb thov kom Tswv Ntuj zam txhaum rau peb, xws li Nws tau xub zam ntau zaus rau cov His Xas Lais thaud. Peb tso siab, vim tiasTswv Ntuj tau nqes los nrog neeg nyob.
    His Xais thiaj hais tias:
    Tswv Ntuj yog peb txiv,Koj yog tus cawm peb, Koj lub npe yeej yog li no puag thaum ub los lawm.
    Tswv Ntuj peb thov kom koj tuaj nyob ze peb, Koj cia peb nyob ntawm koj txoj kev.
    Tswv Ntuj vim peb yog koj lub xeem thiab yog koj lub
    cuab tam, koj thiaj txuag peb nraim.
    Tswv Ntuj dua koj lawm tsis muaj lwm tus tswv yuav zoo lo koj ntxiv. Tswv Ntuj koj niaj hnub sawv tuaj xyuas cov neeg koj paub tias lawv yog neeg siab ncaj, koj nco ntsoov tias muaj lawv. Koj ua npaum li no los twb tseem tsis muaj neeg tsob zeem txog koj lub npe.
    Neeg ntiaj teb tsuas hais txog kev ua txhaum xwb. Tsis kav koj yog peb txiv, thov koj txhob nco txog peb cov txhaum. Koj tsuas nco tias peb yog koj haiv neeg xwb.

    **-Paj Lug thiaj rau cov Tes Xas Los Nis tias:{1:3-9.}
    Thaum nej ntsib kev ntseeg thawj zaug, Nej txais Yes Xus lub txiaj ntsim, tas nej sid. Mas nej ua kom kev paub Yes Xus, thiab kev nyiam Yes Xus hlob tuaj, kom mus txog hnub nej tau rov pom Yes Xus dua hauv qhov tseeb.
    Ces Paj Lug hais ib los ntxiv tias, Kuv xav kom nej tau lub txiaj ntsim, thiab txoj kev kaj lug, tuaj ntawm peb txiv Tswv Ntuj thiab ntawm peb tus Huab Tais Pleev tuaj.
    Niaj hnub kuv ua Ntuj tsaug tsis tseg, vim lub txiaj ntsim uas Tswv Ntuj tau pub rau nej nyob hauv peb tus Huab Tais Pleev. Nws muaj nqes dua cov nyiaj cov kub nyob ntiaj teb no ntau npaug.
    Tshuav ib lub txiaj ntsim uas nej yuav tau txais hnub kawg! Thaum Leej Pleev yuav tawm tuaj mas xav kom nej tsis txhob muaj chaw xyeej.
    Lub Txiaj ntsim ntawd yog lub txiaj ntsim ua Leej Txiv yeej npaj rau nej lawd: Yog txoj sia nyob mus li tsis txawj ploj ib zaug li.

    ***-Mas Kos ntawv Moo Zoo rov hais ntxiv tias: {33:14-16.}
    Peb yuav ceev faj xws li cov neeg zov hmo:
    Vim tias Yes Xus niaj hnub tuaj xyuas peb. Yog peb txawj pom Yes Xus tuaj nyob hauv cov xwm niaj hnub tshwm sim, mas hnub kawg peb yuav tsis ntshai Yes Xus.
    Yes Xus tau hais cov lus no tseg tias:
    Nej yuav ceev faj! Nej yuav zov hmo mus li, vim nej tsis paub lub caij, yog zoo li tus neeg tawm rooj mus kev deb rov los. Nws qhia nws cov tub txib kom nyias muaj nyias hauj lwm ua. Ces nws qhia tus zov qhov rooj, kom zov hmo. Vim nej tsis paub tias tus Tswv yuav rov los thaum twg. Los lus no yog hais rau cov neeg ntseeg sawv daws tib si.
    Zaj lus hnub no Yes Xus ua Paj Lug hais ntau, tab sis yog peb txawj txhais mas raug rau peb kawg lawm. Raug nyob hauv peb lub neej tas nrho li lawm.

    -ZAJ THOV NTUJ.
    1. Peb thov Ntuj rau Lub Koom Txoos ntseeg, Tswv Ntuj koj yog peb txiv, Koj zam txhaum rau peb S.D.thiab pov hwm cov neeg ntseeg kom txawj tso siab rau koj kev zam txhaum. Peb thov Koj...
    2. Peb thov Ntuj rau cov Nom Tswv tswj teb kav chaw. Tswv Ntuj ntiaj teb neeg yog koj lub cuav tam, koj pub txiaj ntsim pab cov nom tswv kom txawj txuag lub cuab tam no rau Koj. Peb thov....
    3. Peb thov Ntuj rau cov neeg txom nyem, cov ua neeg thoj nam, cov tsis muaj vaj tse nyob, cov nyob tsev loj faj cov raug kev tshaib kev nqhis Tswv Ntuj thov koj tuaj nplij lawv. Peb thov koj...
    4.eb thov ntuj ra cov muaj mob nkeeg, cov pw tsev tshuaj, cov nyob tom vaj tom tsev. Cov tuaj ntawm no thiab cov nyob deb uas peb paub nrog cov sau npe hauv phau ntawv. Ntuj thob koj hlub lawb thiab mog.
    Peb thov koj....
    5. Peb thov Ntuj rau cov neeg tuaj teev ntuj hnub no. kom Yes Xus lub Moo Zoo cawm txhua tus kom muaj kev ntseeg kev tso siab nyiam no mus txog hnub uas peb tau rov ntsib Yes Xus uas Nws tawm tuaj.
    Peb thov koj...
    6. Peb nyias cev nyias zaj lus uas peb muaj nyob nruab siab.
    Tswv Ntuj thov koj mloog cov zaj lus peb sawv daws cev rau koj paub no. Peb Thov koj....

    Yaj Zoov Ntxheb Xib Hwb.






    Sponsored content

    Re: XH.Zoov Ntxheb Yaj Nthuav Ntawv Ntshiab.

    Post  Sponsored content Today at 3:42 am


      Current date/time is 10th December 2016, 3:42 am