Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim 24th February 2017, 7:54 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 23rd February 2017, 8:50 am

» XH.Zoov Ntxheb Yaj Nthuav Ntawv Ntshiab.
by Maiv Tooj 23rd February 2017, 8:42 am

» TP.Txhiaj Foom lub TSEV Ntawv
by Maiv Tooj 21st February 2017, 8:04 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» Tshuaj NTSUAB
by Lajpovyaj 12th February 2017, 8:54 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

» Hmoob Guyane
by Yaj Suav Nus 21st January 2017, 6:59 am

» XH. Yaj Zoov Ntxheb lub Tsev THOOB TSIB
by Maiv Tooj 19th January 2017, 10:10 am

» Tswv Ntuj txoj kev HLUB. Cob Tsib teb.
by NrhiavTswvNtuj 17th January 2017, 11:45 pm

» HMOOB CATHOLIC NYOB COB TSIB TEB (Hmong Catholic Vietnam)
by Maiv Tooj 17th January 2017, 11:19 pm

» Nos Hes lub nkoj = L'Arche de Noé = Noah's Ark
by NrhiavTswvNtuj 13th January 2017, 9:53 am

Suav neeg tuaj saib, txij hnub 17/09/2010 los mus.


    Asia Bibi lub txim tuag

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Asia Bibi lub txim tuag

    Post  Maiv Paj Lug on 15th February 2012, 6:03 am

    Asia Bibi, Chrétienne Catholique nyob Pakistan, raug lub txim tuag vim nws tawm tsam.




    Asia Bibi yog ib tug niam tsev zoo li sawv daws, nws muaj txiv thiab muaj 5 leej ntxhais tseem yau nrog luag mus kawm ntawv.

    Muaj ib hnub, yog hnub tim 14 lub 6 hli ntuj 2009, Asia bibi mus ua hauj lwm nrog ib pab pojniam Pakistan , lawv mus de txiv ntoo nyob hauv lub zos d'Ittan Vali.

    Lub teb chaws Pakistan txoj cai nruj heev, yog tias koj tsis yog Islam Muslism uas ntseeg Coran Mohamet mas koj yuav tsum tsis txhob tsa tob hau kom siab tshaj txhua tus. Asia Bibi thiab nws tsev neeg tau los coj kev cai Catholique ntev xyoo los lawm, vim li ntawv cov pojniam hauv lub zos d'Ittan Vali twb tsis nyiam Asia Bibi.

    Thaum lawv so noj su, Asia Bibi nqhis dej, nws mus cug dej hauv lub qhov khawb uas cov Pakistan khawb tseg rau cov pojniam Musulism haus.

    Cov pojniam Pakistan txawm cem Asia Bibi tias : " pog tsis huv, koj los ce dej hauv peb lub qhov dej haus, koj ua li no txhaum txoj cai Islam , koj ua qias lub qhov dej lawm, peb yuav ua cas haus dej ? ."

    Asia Bibi txawm teb : " Kuv tsis tau ua qias nej lub qhov dej, haus dej xwb tsis txhaum."

    Cov pojniam Pakistan cem ntxiv : " Koj kawg tuag, ib tug dev twb tsis qias npaum koj, koj puas paub tias koj niag Yesxus yog dev txuam txoov ?.

    Asia Bibi teb tias : " Kuv ntseeg kuv txoj kev cai, kuv yuav tsis thim los ntseeg nej txoj, yog vim li cas nej pheej yuav yuam kom kuv los ntseeg Islam ? uas li cas nej ho tsis yog cov hloov siab los Ntseeg Yesxus?"

    Asia Bibi tsis yeem swb lawv li, lawv sib ceg pov khawv nkaus los Asia bibi tsis thim nws txoj kev ntseeg Yesxus. Cov Pojniam Pakistan mob siab heev, los tsev lawv los qhia rau tag nrho pej xeem hauv zos , cov neeg hauv zos txawm nrhiav kev phem rau Asia Bibi thiab nws tsev neeg, pab niam txiv tub twb tsis tau luag tawm mus nrhiav noj, tsis tau luag tawm mus kawm ntawv, lawv khiav nkaum rau ub rau no.

    Thaum lawv nrhiav tau Asia Bibi thiab nws tsev neeg nkaum hauv ib co txheeb ze, lawv cia li nte Asia Bibi mus kaw txog ntua Xyoo 2010.



    Thaum xyoo 2010 lawv coj Asia Bibi los txiav txim nyob hauv lub Court Nankana, Cov Tswj Txiav txim rau nws raws li ntawm no : Tus pojniam muaj txim loj, lub txim ntawv yog lub txim tuag uas yuav raug dai caj dab.



    Vim tias Asia Bibi tau tawm tsam ib pab pojniam mulism, tseem qhuas tias txoj kev cai ntseeg Yesxus muaj nqis dua Mohamet txoj kev cai Coran , li no Asia bibi muab nws piv rau ib tug saub thiab tseem tau ua qias lub qhov dej, yuav tsum muab lub txim tuag no rau nws kom txhua tus uas tawm tsam txoj cai mulism yuav tsum paub tseeb tias lawv kawg tuag li tus pojniam no.





    Muaj ob tug txiv neej ua hauj lwm hauv teb chaws txoj kev ncaj ncees tuaj Asia Bibi tog , nkawv hais tias haus dej li ntawv xwb tsis tau txaus lub txim tuag. Ob tug txiv neej puav leej raug neeg tua tuag tsis ntev hnub tom qab ( Assassina ).

    Thaum tej xwm zoo li no , Asia Bibi lub moo nrov mus thoob teb chaws Pakistan , txhua tus nsthai cia li tsis kam pab Asia Bibi, sawv daws tawm tsam taug kev qw tsheej suab tias yuav tsum coj tus pojniam Asia Bibi los dai caj dab rau teb chaws pom kom paub.

    Asia Bibi tus txiv nyob tsis tau teb chaws Pakistan, nws thiaj li ua thoj nam tuaj txog Fab Kis Teb, nws tuaj thov kev pab ntawm nom tswv FabKis. Muaj ib tug poj niam Jounaliste yog Anne-Isabelle tau tsim phau ntawv xov xwm tawm kom sawv daws yuav tsum koom tes mus pab coj kom tau tus pojniam ntawv tawm hauv lub teb chaws Pakistan.



    Asia Bibi tus txiv thov kom ib tsoom Ntseeg Catholique thov ntuj kom nws tus pojniam txhob raug tua. Muaj neeg ntiav nyiaj txog 500000£ yog tias tus twg tua tau Asia Bibi, tam sim no lawv cov txwj laus txiav kev ncaj ncees tsis pub Asia Bibi tawm, Asia bibi tsuas nyob ua hnub ua hmo, tso quav tso zis hauv ib lub qhov av lawv khawb rau nws ,noj tej zaub mov nyoos nyoos, nws mam ua kom siav tsam ho muaj neeg tso tshuaj lom, Asia Bibi raug kaw hauv ib lub qhov avtsaus ntuj nti tsis muaj cua txias nkag mus txog nws, nyob hauv lub qhov av sov txog 45°.



    Tam sim no Asia Bibi lub zog ntaug zuj zus yog tias teb chaws txawv tsis tsa tes mus rub nws.



    Ua ntej Asia Bibi tus txiv ua thoj nam tuaj teb chaws Fab Kis, Asia Bibi lo lus kawg rau nws tus txiv : " Koj txhob tso tseg txoj kev cai ntseeg Yesxus, koj rau siab mus pab txhawb kom Anne-Isabelle phau ntawv txog kuv tswm thoob ntiaj teb ". Zaum no Asia Bibi phau ntawv twb muaj ua ntau hom lus xws li Germany, Français, Anglais...thiaj lwm teb chaws...

    Niaj hnub no Asia Bibi tseem nyob txim , teb chaws international tsis pub lawv tua Asia Bibi, teb chaws Pakistan kuj tsis tau tso Asia Bibi tawm los rau sab Fab Kis Teb li thiab......zoo li no kuj tsis paub tseeb tias tam sim no Asia Bibi nyob qhov twg ...





    ( thov txim kuv tau txhais lo lus chien Bâtard thaum cov pojniam Pakistan cem Yesxus rau Asia Bibi yog dev txuam txoov, kuv txoj hauj lwm kom kuv txhais xwb tiam sis kuv tsis xav li ntawv kuv hais : Béni ton nom trés Saint Seigneur. Amen

    Maiv Paj Lug )




    <3 <3 Pab kuv rov los cuag koj Huab Tais Yesxus <3 <3

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Asia Bibi lub txim tuag

    Post  Maiv Paj Lug on 15th February 2012, 7:12 am







    <3 <3 Pab kuv rov los cuag koj Huab Tais Yesxus <3 <3

      Current date/time is 26th February 2017, 12:46 pm