Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Thov Leej Ntshiab YOS XES
by Maiv Tooj Today at 10:36 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 2:09 pm

» COV ZAJ NYEEM NRUAB LIS PIAM XYOO II, 2015-2016
by Mim Yesterday at 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

» COV ZAJ NYEEM HNUB CHIV XYOO C 2015-2016
by NrhiavTswvNtuj 19th November 2016, 4:57 am

Suav neeg tuaj saib, txij hnub 17/09/2010 los mus.


    Cov neeg sib nrauj yuav dua tus tshiab thiab lub ci yug ( Eucharistie )

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Cov neeg sib nrauj yuav dua tus tshiab thiab lub ci yug ( Eucharistie )

    Post  Maiv Paj Lug on 25th January 2012, 5:03 am

    Cov neeg sib nrauj yuav dua tus tshiab thiab lub ci yug ( Eucharistie )




    1. Cov neeg sib nrauj puas txais tau lub Cim Yug?

    Coob leej ntau tus neeg xav tias txoj kev sib nrauj txwv nyob hauv Koos Txoos Kas Tos Liv. Tiam sis tsis yog txoj kev sib nrauj txwv, yog txoj kev rov yuav dua tus tshiab nyob hauv Koos Txoos Kas Tos Liv txwv tsis pub ua dua tshiab. Txoj kev sib nrauj nyob hauv ntaub ntawv (Mairie) yeej tshem tsis tau txoj kev sib yuav nyob hauv Koos Txoos Kas Tos Liv. Thaum koj cog lus sib yuav nyob hauv Koos Txoos Kas Tos Liv lawm ces koj yuav tsis muab tshem tau mus cog dua lus rau lwm tus tshiab. Txawm koj nrauj koj tus leej nkawm, leej tab , leej zag nyob hauv ntaub ntawv civil tas lawm los hauv koos txoos Kas Tos Liv tshem tsis tau, txwv tsis pub koj coj dua tus tshiab tuaj cog lus.

    Li ntawv lub ntsiab teb cov lus nug sau toj qhia tias , cov neeg sib nrauj tseem muaj cai mus txais lub cim yug yog tias nws nrauj xwb nws tsis txhob mus yuav dua tus tshiab los tsis txhob coj ib tug neeg los nrog yus nyob. Yuav tsum nyob dawb huv thaum sib nrauj thiaj muaj cai mus txais lub Cim Yug ( Eucharistie).

    2. Vim li cas cov neeg sib nrauj yuav dua tus tshiab ho txais tsis tau lub Cim Yug?

    Cov neeg sib nrauj mus yuav dua txij nkawm tshiab thiab cov neeg coj ib tug poj niam los txiv neej tshiab los nyob nrog nws nyob dua thaum sib nrauj tas , txais tsis tau lub Ci Yug, vim hais tias txoj kev sib nrauj rhuav tshem txoj kev cog lus dawb huv ntawm Tswv ntuj, ( sacrement de l'alliance nouvelle ).

    Txawm hais tias cov neeg sib nrauj mus yuav dua txij nkawm tshiab txais tsis tau lub Cim Yug los txoj kev Teev Ntuj yeej tseem muaj nqis li qub, nquag mus Teev Ntuj tsis yog ib yam uas tawg paj tsis txi txiv, txhua txoj kev teev ntuj txawm tsis txais lub cim yug los yeej tawg paj txi txiv.

    Cov neeg sib nrauj yuav dua tshiab txoj kev Teev Ntuj yog ib yam nco tias nws muaj lub Cim Ntxuav, nws yuav hnov Tswv Ntuj lo lus.


    3. Vim li cas Koos Txoos Kas Tos Liv ho txwv tsis pub ib tug neeg tsis tau muaj dua txij nkawm mus yuav ib tug yawg nrauj poj nrauj tsis pub txais lub Cim Yug?

    Coob leej ntau tus neeg yuav yawg nrauj poj nrauj tsis to taub hais tias vim li cas lawv ho tsis muaj cai mus txais lub Cim Yug , uas lawv tsis tau muaj dua txij nkawm dhau los, lawv mloog zoo li muab lub txim rau lawv ris.

    Txoj cai tiag yog vim nws mus yuav ib tug yawg nrauj poj nrauj twb tau cog lus dua ntawm Tswv Ntuj lawm, txoj kev no yeej ua rau tus neeg tsis tau muaj dua txij nkawm yav dhau los mob kawg nkaus los vim nws rhuav tshem tsis tau tus yawg nrauj poj nrauj txoj kev cog lus thawj zog nrog Tswv Ntuj ces nws yuav tsum txais tsis tau lub Cim Yug li nws tus txiv los sis pojniam uas cog dua lus los .

    4. Vim li cas cov neeg mus nrog ib tug yawg nrauj poj nrauj nyob uas tsis tau sib yuav ho txais tsis tau lub Cim Yug thiab?

    Lus nug uas coob leej ntau tus neeg xav paub tias vim li cas lawv tsis tau yuav kiag tus yawg nrauj poj nrauj uas lawv nrog nyob ntawd es ho txwv tsis pub lawv txais lub Cim Yug.

    Lub ntsiab thaum neeg mus txais lub Cim Ntxuav, cog lus ua Tswv Ntuj me nyuam, yuav tsis pub nws lub cev ua plees ua yig pw nrog lwm tus yog tsis muaj kev cog lus.

    Li no cov neeg tsis tau muaj dua txwj nkawm mus nrog yawg nrauj poj nrauj ua neej yam tsis muaj kev cog lus ua txhaum nyob hauv txoj cai lub Cim Ntxuav.

    Cov neeg nrog poj nrauj yawg nrauj ua neej kuj txhaum txoj cai nyob hauv Tswv ntuj 10 lo lus qhia : "Koj tsis txob tso koj lub siab ntshaw mus zes luag poj luag sev "

    Cov neeg mus nrog yawg nrauj poj nrauj nyob txhaum cai ntawm nws tus kheej mus ntshaw luag poj luag sev ,luag leej luag txiv, txawm tias tus neeg nws mus nrog nyob ntawv twb ua ntaub ntawv civil sib nrauj tas lawm los hauv Koos Txoos Kas Tos Liv tus neeg sib nrauj ntawv tseem muaj kev cog lus ntawm nws thawj tug txij nkawm, ( Nouvelle Aliance) rhuav tshem tsis tau, vim hais tias kev cog lus nrog Tswv Ntuj tsis yog ib yam ua si cog lus mus mus los los.





    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5044
    Date d'inscription : 2009-08-18

    Re: Cov neeg sib nrauj yuav dua tus tshiab thiab lub ci yug ( Eucharistie )

    Post  Maiv Tooj on 25th January 2012, 9:50 am



    Nyob zoo Maiv Paj Lug,

    Ua tsaug uas nws tuaj tso ib zaj lus tseem ceeb heev.

    Txoj kev sib yuav, tsis pub kom sib nrauj thiab rov sib yuav ywj siab, vim yog ib lub Cim ntawm Tswv Ntuj 7 lub Cim lawm. Yam twg Tswv Ntuj muaj los ua ke mas yuav tsis txhob muab txhem. Li ntawd, yuav tsum muab lub Cim Txwj Nkawm no saib hlob tib yam nkaus li lwm cov Cim, yuav hwm thiab txhob rhuav.




      Current date/time is 3rd December 2016, 12:53 pm