Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim 24th February 2017, 7:54 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 23rd February 2017, 8:50 am

» XH.Zoov Ntxheb Yaj Nthuav Ntawv Ntshiab.
by Maiv Tooj 23rd February 2017, 8:42 am

» TP.Txhiaj Foom lub TSEV Ntawv
by Maiv Tooj 21st February 2017, 8:04 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» Tshuaj NTSUAB
by Lajpovyaj 12th February 2017, 8:54 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

» Hmoob Guyane
by Yaj Suav Nus 21st January 2017, 6:59 am

» XH. Yaj Zoov Ntxheb lub Tsev THOOB TSIB
by Maiv Tooj 19th January 2017, 10:10 am

» Tswv Ntuj txoj kev HLUB. Cob Tsib teb.
by NrhiavTswvNtuj 17th January 2017, 11:45 pm

» HMOOB CATHOLIC NYOB COB TSIB TEB (Hmong Catholic Vietnam)
by Maiv Tooj 17th January 2017, 11:19 pm

» Nos Hes lub nkoj = L'Arche de Noé = Noah's Ark
by NrhiavTswvNtuj 13th January 2017, 9:53 am

Suav neeg tuaj saib, txij hnub 17/09/2010 los mus.


    Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5190
    Date d'inscription : 2009-08-18

    Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Maiv Tooj on 3rd January 2012, 8:22 am

    Hais ua lus Aas Kiv

    Mass Animal Deaths Since The Start of 2011



    Birds died while flying in the air in Arkansas! 2011



    Birds and fish dying all over the world!!! 2011



    Hais ua lus Fab Kis

    Noog poob saum ntuj los Arkansor USA



    Oiseaux et poissons morts dans le monde ; c'est l'hécatombe !



    Thaum lub qab xyoo lub 12 hlis 2011 rau lub 1 hlis xiab 2012 no xwb muaj nog tuag poob saum ntuj los rau ntau lub teb chaws xws li: Mes Kas teb, Chili, Brasil, Suav teb, Italy, Germäny thiab Aas Kiv teb. Tsis yog noog nyob saum ntuj thiaj tuag xwb, kuj muaj ntses tuag ntau qhov thiab. Nyob Italy, ntses tuag ntawm ib ntus ntug hiav txwv ntev li 5km.


    Last edited by Maiv Tooj on 28th March 2012, 6:27 pm; edited 1 time in total




    Tub Kawm
    Phooj Ywg
    Phooj Ywg

    Messages : 406
    Date d'inscription : 2011-10-13

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Tub Kawm on 3rd January 2012, 12:15 pm

    Nyob Zoo N HL uas tsaug uas koj coj cov xov xwm no tuaj qhia peb og. Yog ib yam txawv kawg li, niaj hnub no yeej muaj kev tshwm sim ntau yam kawg li lawm, yog leej twg ua tau zoo ces thiaj li yuav dhia dhau txoj kev nyuaj xwb. Yog ua phem ces ntshai yuav rau teeb meem ntau xwb. Kuv ntsia mas ib xyoo nws yeej muaj ib yam xwm txawv zuj zus. neeg yeej tsi txawj sib hlub, neeg niaj hnub sib ntxub tas mus li xwb. Ntshaij Tswv Ntuj muab tej xwm ntawd lo qhia neeg kom neeg hloov siab, tiam sis neeg yeej tsi paub xwb og.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1745
    Date d'inscription : 2009-10-16

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Mim on 3rd January 2012, 12:38 pm

    Tais Tooj,

    Koj cov video saud yog hais txog tej xwm txawv txav uas tshwm tuaj xyoo 2011. Hauv thawj daim muaj ib qho hais txog tsaib no thaum hmo 12 hlis tim 31, 2010, uas yog hmos xaus xyoo laus, tos xyoo tshiab, noog cia li poob saum ntuj los nyob Arkansas. Xyoo no los hmo tim 31 lub 12 hlis 2011 no, rov qab ua yog nkaus li qub ntawd dua nyob Arkansas thiab. Xyov yog lub ntuj yuav ntxeev lub teb yuav nphau zoo li cas, tiam sis lub ntuj lub teb yeej txawv heev zuj zus li lawm. Txawm li cas peb yeej pauv tsis tau dab tsi li, tiam sis peb yuav tsum nco tsoov HT Yes Xus lo lus hais tias kom peb ceev faj nraim thiab "zov hmo nraim" vim peb tsis paub tias hnub twg hmo twg nws yuav rov los.

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Bao X Mary on 4th January 2012, 4:28 am

    Wow!

    Cas yuav txawv ua luaj... kawg yog Tswv Ntuj tib leeg thiaj paub xwb. Zoo li thaum lub sij hawm Mais Xes ntag. Tej yam txawv tshwm sim zoo li mas neeg paub tsis tau li. Txawm yuav tshwm sim txawv li cas los peb yog neeg peb tsis paub thiab ua tsis tau dab tsis. Tab sis peb npaj peb lub siab lub sij hawm zov hmo tos siab lub sij hawm twg tus nraug vauv yuav los xwb lauj.


    Teev Ntuj tas mus li, thiab mus txais lub Cim Yug tas mus li xwb...

    Mim
    Tswv Cuab Hmong Catholique
    Tswv Cuab Hmong Catholique

    Messages : 1745
    Date d'inscription : 2009-10-16

    Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Mim on 28th March 2012, 5:49 pm

    Kuv lam tso daim video no rau peb tau saib hais tias xyoo no yog ib xyoos uas txawv tshaj txhia xyoo. Nyob hauv no, lawv hais txog noog tuag poob saum ntuj los ib yam li tsaib no thiab, ntau hom tsiaj thiab ntses loj ntses me tuag coob coob. muaj av qeeg, muaj roob hluav taws, muaj dej nyab. muaj tej lub suab nrov puag hauv plawv ntiaj teb tuaj tsis paub tias yog vim li cas, muaj tej yam pom kev txawv txawv nyob saum ntuj, huab cua los txawv tshaj txhia xyoo. Muaj tej lub teb chaws ib txwm tsis muaj daus loj, xyoo no muaj daus siab txij tsev, tej lub teb chaws ho sov tshaj txhia xyoo lawm, thiab hais txog lwm yam ntxiv. Lub xyoo 2012 no nyuam qhuav pib tau peb lub hlis xwb twb muaj xwm ntau npaum li ntawd tshwm sim lawm...


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5190
    Date d'inscription : 2009-08-18

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Maiv Tooj on 28th March 2012, 6:49 pm


    Nyob zoo Mim,

    Kuv muab koj lub Topic no txuas rau lub "Noog tuag poob saum ntuj los", kom nyob ua ib ke thaum nrhiav thiaj nrhiav tsis nyuaj.

    Ua tsaug rau koj kev tshaj lij, coj ntau yam tuaj qhia peb.

    Mim, yog koj xav copy daim video ces koj nias raws li nram no, ntawm kuv tshwm ua lus Fab Kis xwb, tab sis lus Aas Kiv los nyaj qhov chaw yuav yog tib qho nkaus xwb.



    1- Koj nias lo lus "PARTAGER" hauv qab daim video N°1



    2- Koj nias ntawm qhov "INTEGRER" N°2



    3-Koj xav yuav daim video loj me ces koj nias ntawm N°3

    4- Koj selection thiab copy cov tables ntawm N°4 coj los tso rau hauv Forum ces tau lawm.


    2012-Signs in the Sun, Moon, and Stars-Just The First 3 Months






    Mim
    Tswv Cuab Hmong Catholique
    Tswv Cuab Hmong Catholique

    Messages : 1745
    Date d'inscription : 2009-10-16

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Mim on 29th March 2012, 4:04 am

    Tais Tooj,

    Ua tsaug uas koj tuaj qhia rau kuv kom paub muab tau tej zaj video li no los tso rau hauv no. Nyaj yav tom ntej kuv yuav pom qab ua tau lawm.

    Thiab koj ho muab tshais los tso rau lub topic no los haj yam zoo, vim kuv tsis nco tias nws nyob rau qhov twg lawm ces kuv thiaj ua dua ib lub topic tshiab os...

    Tub Ntxaws
    Tuaj Tshiab
    Tuaj Tshiab

    Messages : 33
    Date d'inscription : 2012-02-21
    Localisation : Tub Ntxaws

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Tub Ntxaws on 29th March 2012, 9:40 pm



    Nyob zoo os nws tseem tso tej zaj txawv txawv zoo li no tshwm sim tuaj yeej txaug ntshai kaws li tsi tsi pom qab hais li cas li lub teb chawg twg los kuj tshwm sim ib li tsi pom qab yuav ua li ca kaws tsuas kom tswv ntuj ua tug saib tag nro yug th. Ib puag yam tsav xwb yuav tsum ceev faj yug tug kheej xwb lawm mos. Ua tsaus nws tseem qhia peb os

    Tub Ntxaws
    Tuaj Tshiab
    Tuaj Tshiab

    Messages : 33
    Date d'inscription : 2012-02-21
    Localisation : Tub Ntxaws

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Tub Ntxaws on 12th April 2012, 1:56 am

    Kuv xav noos rau sawv dawg hais txos txoj kev ua txij nkawm lawv lub neej tias. Nej sab ho zoo li cas peb sab tim no mas muaj coob tus poj niam thiab txiv neej lawv tsi xav yuav me nyuam mas lawv cia li mus kom cov kws tshuaj muab cov poj niam muab noj tshuaj los sis coj tej qhov tooj tso rau hauv poj niam lub cev kô txhob muaj me nyuam.hais txos zaj no ntawm kuv tug kheej mas ntshai nkawm niam txiv ntaw yuav tsi txais lub cim yug mas thiaj zoo dua los tseem txais tau thiab os tim peb no muaj ntau mus txais lawm thov mloog nej sawv daws saib ua li cas. Nyob zoo.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5190
    Date d'inscription : 2009-08-18

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Maiv Tooj on 12th April 2012, 2:37 am



    Nyob zoo XH.Xyu Tub,

    Hais txog kev txwj nkawm, ua niam txiv, kev yug tub tu kiv ntawm ob niam txiv mas nws kuj ua ob peb yam hais. Yog ob tug niam txiv tsis xav yuav me nyuam lawm, raws txoj kev ntseeg ua Ntuj Me Nyuam tiag mas yuav tsum yog nkaws paub caiv nkawd lub cev thiab tswj tus kheej kom txhob muaj nyuag xwb mas yog qhov zoo thiab yog dua. Tab sis yog ob tug niam txiv ntawd tsis paub ntsuam tus niam lub cev, nkawd caiv nyuaj los qhov noj tshuaj, txhaj tshuaj thiab khi nyhuv me nyuam mas raws li kuv paub, lub Koom Txoos kuj yeej tsis tshua nyiam kom ua tab sis tsis tau txiav tu nrho. Tab sis qhov uas xeeb me nyuam lawm es ho muab ntau poob thiab mus nrho me nyuam mas qhov nov, Koom Txoos yeej txiav npawv tsis pub ua. Dua li hais txog kev tso tooj liab rau hauv tsev me nyuam mas lub Koom Txoos yeej tsis pub kom tso yeej txiav tib yam li rho me nyuam. Vim kev tso tus tooj liab rau hauv tsev me nyuam, tsis txhais tau tias tus poj niam ntawd yuav tsis muaj me nyuam. Qhov tseeb tiag, nws yeej niaj hli muaj me nyuam, tab sis los txog rau hauv tsev me nyuam, uas muaj tus tooj liab nyob ces tus me nyuam uas xeeb tau ntawd nyob tsis taus, cia li yaj lawm xwb. Li ntawd kev tso tus tooj liab (stérilet) mas haj yam ua rau neeg muaj me nyuam ntau tshaj, tab sis yog tsis nyob, tsis hlob es niaj hli nchuav lawm xwb.

    Qhov nov mas kuv yuav hais tsis tau ib qhgo meej rau koj, kuv seb cia koj mus nug TP.Cwj Vuam Chiv uas yog Leej Choj nws thiaj li yuav hais tau qhov tseeb rau koj.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1745
    Date d'inscription : 2009-10-16

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Mim on 12th April 2012, 3:50 pm

    XH. Xyu Tub wrote:Kuv xav noos rau sawv dawg hais txos txoj kev ua txij nkawm lawv lub neej tias. Nej sab ho zoo li cas peb sab tim no mas muaj coob tus poj niam thiab txiv neej lawv tsi xav yuav me nyuam mas lawv cia li mus kom cov kws tshuaj muab cov poj niam muab noj tshuaj los sis coj tej qhov tooj tso rau hauv poj niam lub cev kô txhob muaj me nyuam.hais txos zaj no ntawm kuv tug kheej mas ntshai nkawm niam txiv ntaw yuav tsi txais lub cim yug mas thiaj zoo dua los tseem txais tau thiab os tim peb no muaj ntau mus txais lawm thov mloog nej sawv daws saib ua li cas. Nyob zoo.

    Nyob zoo XH Xyu Tub,

    Ntawm no kuv yuav piav me ntsis raws kuv to taub thiab xwb. Raws li kuv paub mas lub Koom Txoos yeej tsis pom zoo kom ib tug neeg ntseeg noj tshuaj los siv tooj rau hauv nrog cev thiab kuj tsis pom zoo kom khi hnyuv tej li. Lub Koom Txoos qhia kom cov niam txiv yuav tsum caiv xwb mas thiaj yog dua thiab zoo dua. Kuv paub hais tias yog ib qho nyuaj kawg rau ob niam txiv, vim tib neeg mas nyias muaj nyias siab, ntau zaus tus niam kam caiv los tus txiv tsis kam. Yog nkawm niam txiv uas tus txiv paub kev ntseeg zoo thiab nws xav coj raws li kev ntseeg qhia, ces nws ua thawj hlo ua tus caiv, mas thiaj li yuav tau. Yog tias tus txiv tsis kam yuav raws li kev ntseeg li, nws yuam qhi ua raws li nws lub siab thiab nws lub cev ntshaw xwb mas yeej caiv nyuaj kawg nkaus. Thaum zoo li no lawm mas yus tus uas xav coj raws li kev ntseeg qhia yuav tau nrog ib tug TP tham saib nws pom zoo kom yus ua li cas, ces yus ua raws li ntawd.

    Tiam sis muab saib zoo zoo mas txoj kev caiv yog qhov zoo tshaj, yog qhov qhia tau tias ob niam txiv puas sib hlub tiag. Muaj ib txhia neeg yuav hais tias yog pheej yuav tsum caiv npaum li ntawd ces tsis tas sib yuav li, thiab cia nyias mus nrhiav nyias sab nraud tej lub caij pheej yuav caiv. Qhov ntawd ntag yog qhov kev sim siab saib yus puas hlub yus poj niam los yus tus txiv tiag. Yog yus muaj kev hlub tiag, yus yuav tsis kam mus nrhiav sab nraud, yus yuav hwm yus tus poj niam los tus txiv zoo, thiab yuav ua lub siab ntev caiv raws caij raws nyoog kom ob niam txiv lub neej nyob kaj siab lug. Txoj kev ua niam txiv raws kev ntseeg tsis yog kom xav pw ua ke thaum twg los tau tas, yuav tsum muaj kev ua neeg tsim txiaj muaj kev caiv nrog thiab. Tiam sis tib neeg lub tswv yim tsis nyiam ua li ntawd, tib neeg xav kom yus ua tau raws lub siab thiab lub cev ntshaw txhua lub sij hawm. Koom Txoos Kas Tos Liv qhia ua neej raws txoj kev tsim txiaj kev dawb huv ces neeg tsis nyiam, vim ua lub neej dawb huv mas muaj kev yuav tsum tswj yus tus kheej thiab kev nyuaj nrog nraim.

    Hais txog qhov kom nkawm niam txiv uas siv tshuaj siv tooj txhob mus txais lub Cim Yug mas kuv tsis paub hais tias yus puas muaj cai txwv nkawd. Qhov ntawd mas yog nkawd paub tias nkawd siv tej ntawd ces nkawd nyob rau hauv kev txhaum lawm es nkawd txiav siab tsis mus txais lub Cim Yug mas yuav yog dua, tiam sis ntshai peb cov ntseeg twb tsis paub tias yog kev txhaum los muaj. Yog li mas tej zaum cov XH los TP yuav tsum tau los qhuab qhia txog tej kev siv tshuaj siv tooj ntawd rau peb cov ntseeg ces lawv thiaj paub txiav txim siab. Thiab thaum qhuab qhia ntawd, tus XH los TP yuav tsum tau hais ib los txog kev siv tshuaj siv tooj thiab kev txais lub Cim Yug rau lawv , ces lawv thiaj li paub hais tias txhob mus txais lub Cim Yug. Tiam sis qhov no mas yog qhov kuv xav xwb, qhov zoo mas yog nej yuav tau mus nug kiag ib tug TP mas yuav zoo dua.



    Sponsored content

    Re: Noog tuag poob saum ntuj los & Tej yam txawv txawv uas tshwm thaum lub ib hlis 2012 los txog lub 3 hlis 2012 no

    Post  Sponsored content


      Current date/time is 26th February 2017, 12:46 pm