Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 10:00 am

» Zaj Thov Ntuj hu ua "Memorare"
by Mim 15th August 2017, 11:34 am

» SAJ YES XUS KEV TXOM NYEM
by Mim 15th August 2017, 10:11 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 3rd August 2017, 9:16 am

» XH. Yaj Zoov Ntxheb lub Tsev THOOB TSIB
by Maiv Tooj 3rd August 2017, 8:44 am

» XH.Zoov Ntxheb Yaj Nthuav Ntawv Ntshiab.
by Maiv Tooj 3rd August 2017, 8:26 am

» Saib duab txawv txawv
by Maiv Tooj 24th July 2017, 1:26 pm

» TP.Txhiaj Foom lub TSEV Ntawv
by Maiv Tooj 19th July 2017, 9:25 am

» Txiv Plig Neej Vaj
by Maiv Tooj 18th July 2017, 4:31 pm

» Xib Hwb Thoj Xyooj lub neej
by Maiv Tooj 3rd July 2017, 2:58 pm

» Sib pab txuag tswv ntuj pab yaj
by Maiv Tooj 3rd July 2017, 7:08 am

» MOO QAIJ QAUG
by Tub Kawm 2nd July 2017, 6:06 pm

Suav neeg tuaj saib, txij hnub 17/09/2010 los mus.


    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 4th January 2010, 9:18 pm


    Nyob zoo Mim thiab XH. Npuag Tub,

    Hahahah...! Pheej sau ib leeg xwb tsis muaj neeg los nrog txuas lus ces txhob txwm sau yuam kev seb puas muaj tus pom...Ua tsaug neb tseem tuaj saib kuv tej num ib nqe zuj zus...



    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 52
    Localisation : Fresno, California, USA.

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Npuagtub on 5th January 2010, 7:15 am

    Sister Mt,

    Kuv paub thiab tiam sis ntshai tsam yuam kev li nws thiab vim kuv tsis tau pom lawv kiag thiab tsis tau nyob ua ke, rau qhov lub caij ntawd kuv tseem nrog huab sib tw ya ces cia Sister Mim mam li qhia vim nws yog tus nyob hauv lub zos ntawd nws thiaj li paub tseeb.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1919
    Date d'inscription : 2009-10-16

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Mim on 5th January 2010, 12:20 pm

    Tais Tooj aw...

    Txawm tsis nrog koj tham los yeej tuaj saib ntsoov los mas!....

    Hos cov neeg ntawm daim duab mas zoo li kuv kuj paub tsem tsawv thiab... Kuv xav mas koj yeej paub lawv thiab... koj lam xav kom peb nrog koj tham xwb...

    Tus txiv neej puag me nyuam uas pom me me ntawd mas zoo li yog hlob Nkias Keem (Yaj Txhim txiv), tus tub mas tsis paub tias puas yog yaj Txhim los yog leej twg, tiam sis tus me ntxhais yog See, Yaj Txhim tus muam. Nws tus txiv nyuam qhuav tso nws tseg tsis ntev no lawm.... Peb tug poj niam nyob ntawm hauv ntej ntawd koj yeej paub lawv kawg li.... Tus puab See yog ntxawm Txoov Yeeb Yaj, tus nrab yog phauj Yi Thoj (Tswv Qhia Choo tus muam), tus peb yog phauj Mos Xyooj. Tus nyob ib nyuag nram qab tom kawg tod uas puag me nyuam mas pom tsis meej, xyov puas yog ntxawm Soob Tooj Yaj, tiam sis tsis meej li nawb.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 6th January 2010, 4:14 am


    Nyob zoo Mim thiab XH. Npuag Tub,

    Ua tsaug os Mim, yog koj hais ces kuv paub lawv, yog koj tsis hais ces kuv mem tsis tau lawv li...Tus me nyuam uas yaj Nkias Keem puag yog Npis.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 6th January 2010, 4:42 am

    Cov kws txuj tsim tej phau ntawv ua ob xeem lus Hmoob lawv siv cov ntawv RPA.

    Nram no tsuas hais txog tej phau ntawv loj dua cov.
    Tej zaud tshuav tej phau tshuav tej phau ntawv uas kuv tsis tau hnov hais txog.

    1- Xyoo 1964
    - Ntawv Txheeb lus Hmoob Dawb-Fuaj Kuj ( Fab Kis)
    ( Dictionnaire Hmong Blanc Françcais- 540 phab, 40.000 kab ntawv)
    TP. Nyiaj Pov, Yves Bertrais

    2- Xyoo 1968
    - Le Chamanisme des Hmong ( Hmoob kev ua neeb ua yaig)
    240 phab 21X27 cm. Guy Moreschamp.
    Chez Maisonneuve, 11 Rue St. Sulpice, Paris6. France.

    3- Xyoo 1969
    - Ntawv Txheeb lus Hmoob Dawb- Aas Kiv.
    - White Hmong-English Dictionary.
    490 phab 24.000 kab ntawv.
    Ernest E.Heimbach.
    Cornell University, Ithca, New York. USA.

    4-Xyoo 1972
    - Un village Hmong Vert du Haut Laos.
    - Ib lub zos Hmoob Ntsuab nyob Los Tsuas Qaum teb 1972.
    220 phab 21X27 cm.
    Jacques Lemoine.
    Editions du Centre National de recherches Scientifiques.
    15 Quai Anatole-France. 75700 Paris France.


    5- Xyoo 1974
    -L'Initiation du mort chez les Hmong. Zaj Qhuab Ke Hmoob.1972- Jacques Lemoine. Saib Nqes 4.

    6- Xyoo 1976
    -La music des Hmong- Hmoob cov txuj ua paj nruag
    270 phab 21X27. Eric Marechal. Paris.

    7- Xyoo 1978
    - Le Mariage traditionnel chez les Hmong du Laos. Kab Tshoob Kev Kos nyob Los Tsuas teb.
    395 phab, 21X35cm. Yves Bertrais.

    8-Xyoo 1979
    -Fêtes du Nouvel An chez les Hmong Blanc de Thailande.
    Cov Hmoob Dawb nyob Thaib teb noj Peb Caug.
    372 phab 21X27
    Jean Motin 254 Silom Road, Bankok 5. Thailand.

    9- Xyoo 1980
    - Element de Grammaire de la langue Hmong Blanc.
    Qhia xeem lus Hmoob Dawb cov txuj
    150 phab, 1980 Jean Motin.

    10- Xyoo 1980
    -Contes et Légendes Hmong Blanc.
    Hmoob Dawb cov dab neeg
    170 phab 21X27cm. Jean Motin.

    11-Xyoo 1980
    - 55 Chants de cour d'Amour chez les Hmong Blancs.
    55 zaj kwv txhiaj Hmoob Dawb.
    172 phab 21X27cm. Jean Motin.

    12- Xyoo 1981
    -Allons faire le tour du Ciel et de la Terre.
    Kav tsij nrog txiv neeb mus ncig ntuj ncig teb.
    560 phab 21X27. Jean Motin.

    13 - Xyoo 1982
    -White Hmong Language Lessons.
    Xyaum kawm lus Hmoob
    Doris Whitelock C.U.R.A University of Minessota.
    330 Hubert Humphrey center
    301 19th.AV. South. Minneapolis, MN 55455 USA.

    14- Xyoo 1985
    -Myths,legends&folk tales from the Hmong of Laos.
    Dab neeg Hmoob
    514 phab 21X27cm.
    Charles Johnson, Macalester College
    1600 Grand Avenue. St. Paul. MN 55105. USA

    15-Xyoo 1986
    -White Hmong Dialogues
    20 zaj sib tham lus Hmoob.
    David Strecker. CU.R.A.( saib 12)

    16- Xyoo 1990
    Keeb kwm Soob Lwj Yaj: Hmoob Niam Ntawv
    -The life of Shong Lue Yang: Hmong'Mother of Whriting'.
    192 phab 21X27cm.
    William Smalley. C.U.R.A. ( saib 12)

    Tus sau:

    TP. Nyiaj Pov
    Javouhey, Guyane. 1991.




    Last edited by Maiv Tooj on 6th January 2010, 6:54 pm; edited 1 time in total



    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1919
    Date d'inscription : 2009-10-16

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Mim on 6th January 2010, 5:08 pm

    Tais Tooj,

    Kuv lam hais ob peb los txog tus David Strecker uas sau phau ntawv "White Hmong Dialogues," ntawd. Nws tau tuaj pib kawm ntawv Hmoob ntawm kuv puag thaum peb tseem nyob Omaha, Nebraska, ntshai yog ze ntawm xyoo 1982-83 los 84 ntawd. Thaum ntawd zoo li yog nws tab tom kawm txog Linguistics sub. Ces nws xav paub txog ntawv Hmoob thiab Hmoob cov lus. Kuv kuj tsis paub yog leej twg qhia rau nws, tiam sis nws hu tuaj rau kuv tias nws xav tuaj kawm ntawv Hmoob thiab lus Hmoob ntawm kuv no ces. Kuv thiaj tias nws xav tuaj los tau kawg. Nws tuaj tau ib ntus, ces ntshai nws kawm tas nyob Omaha lawm, ces nws tsiv mus nyob txawv state, nws mam li ua ib phau ntawv, kuv tsis nco puas yog phau koj hais ntawd xwb los yog lwm phau thiab. Tom qab no kuv cia li taug tsis tau nws qab thiab tsis paub xyov nws ua li cas lawm.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 6th January 2010, 6:58 pm



    Nyob zoo Mim,

    Oh! Lov! Lawv cov kws txuj no mas, lawv nrawm heev. Lawv xeem tuaj kawm lus ntawm yus, tab sis tib pliag xwb mas lawv sau tau tej phaum ntawv zoo kawg tuaj. Kuv paub ib tug Fab Kis hu ua Jean-pierre Hasun nws kuj ua zoo li David Strecker thiab. Kuv tsis tau saib nws phau ntawv, kuv tsis tau teev nws. Cia kuv mam mus saib, mam sau ntxiv rau.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 9th January 2010, 9:11 am






    Phauj Rhia


    Kuv yog Phauj Rhia, kuv yug hnub tim 14 lub 6 hli xyoo 1949.


    Xyoo 1959 lub 9 hli, kuv pib mus kawm ntawv nyob tom Xeev, yog Txiv Plig Nyiaj Pov muaj lub tswv yim hais tias yuav tsum xa cov ntxhais hmoob mus kawm ntawv thiab, qhov no yog ib qho txiaj ntsim loj rau peb cov ntxhais hmoob, yog ib yam tshiab nyob hauv peb cov hmoob lub sij hawm ntawd.
    Xyoo 1961 Tx. Pl. Nyiaj Pov tau coj peb los rau vees cas, nrhiav tsev rau peb nyob, thiab tau nrhiav cov X.H. qhia ntawv nplog, ntawv fab kis rau peb, qhia ntawv ntshiab rau peb, Lub sij hawm ntawd cov ntxhais hmoob pib tuaj nrog peb nyob rau Vees Cam, kawm ntawv. xyoo 1963 kuv nkag tau rau hauv lub koom haum Oblate.
    Xyoo 1972, Kuv lub koom haum thiaj tau xa kuv mus kawm rau thaib teb 1 xyoos, kom kuv paub txuj dua qhov qub.
    Xyoo 1975 peb tawg teb chaws, kuv tau mus ua kuv lub neej. Lub sij hawm no kuv muaj peb tug tub ib tug ntxhais: yog ob txwm tub nyab, thiab ib txwg ntxhais vauv, kuv noj nyiaj laus lawm,

    Lub txiaj ntsim ntawm Tx. Pl. Nyiaj Pov yog qhov yuav pab ib tsoom ntxhais hmoob kom paub txuj, muaj txoj hmoov yuav khiav raws tau luag lwm haiv neeg nyob ntiaj teb no txoj kev vam meej.

    Tus sau: Yaj tshuas Rwg
    Tim 17 lub 4 hlis 2007








    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 11th January 2010, 6:41 am




    Yaj Diav,


    Phauj Diav


    Phauj Diav niam Inthamanivon (Tx.Pl. Nyiaj Pov tus ntxhais tuav ntaub ntawv)


    (c'est la secrétaire du Père Yves Bertrais, Yaj Diav qui pourtant restée au Laos, avait eu l'intélligente audace de sauver tous ses ouvrages en faisant passer clandestinement, par le Mékong, près de 700 kg de livres et documents)


    Kev Sib ncaim mus tas ib sid!

    -Aib! Txiv Plig Nyiaj Pov ncaim peb mus tau 5 lub hlis lawm. Cov neeg quaj quaj, nco nco nws, kuj pib tsuag zuj zus.

    Tsoom Phooj ywg, peb tej hauj lwm, peb lub neej yog tsis sau cia ces kuj yuav tsuag zuj zus thiaj yuav ploj mus tsis muaj neeg paub txog peb tias peb tawm qhov twg tuaj.

    Vim li ntawd, kuv thiaj sau ib zaj lus, hais lub ntsiab xwb, kom tej me nyuam yav tom qab tau paub.

    Kuv yug los nyob lub zos hu ua " Roob Nruab Qaum Npua " ( phus lam mum), kuv niam lawv coj kuv tsiv los nyob lub zos roob Nyuj Qus, yog lub zos muaj T.P. Nyiaj Pov nyob. lub sij hawm ntawd, kuv muaj 14 xyoos, yog xyoo 1958 lub 12 hlis, T.P. Nyiaj Pov thiaj muab peb 4 tug ntxhais hmoob xa mus kawm ntawv nyob Paksane, peb mus nyob ib xyoos, txog caij so peb mam rov los xyuas niam thiab txiv lawv nyob Roob Nyuj Qus. Xyoo 1959 T.P. Nyiaj Pov ho xa peb mus kawm nyob rau Xeev teb, peb kawm tau peb lub xyoo nyob rau lub nroog Xeev. Vim lub teb lub chaw ua tsov ua rog ces peb nyob tsis taus rau lub nroog Xeev, peb thiaj tau los nyob rau lub Tuam Ceeb Vees Cas los txog rau xyoo 1975-76 uas sawv daws tau tso lub teb chaws los tsuas tseg.

    Txij li khiav Xeev teb los rau Vees cam, mas kuv tau los ua hauj lwm nyob hauv lub tsev hauv paus nrog T.P. Nyiaj Pov, kuv txoj hauj lwm lub sij hawm ntawd yog : ntaus tas puas tsav yam ntawv ua T.P. Nyiaj Pov tau txhais ua lus hmoob, luam cov ntawv thiab muab los ua tej phau, ua txoj hauj lwm no los txog rau xyoo 1975. yog lub tsib hlis ntuj, muaj ib hnub Tx.Pl. Nyiaj Pov thiaj tau nug kub hais tias: "Diav, kuv npaj tau ntau lub Phij xab ntawv, yog kuv cov hauj lwm uas kuv tau ua los tau 15 lus xyoos no, kuv xav xa mus rau Thaib teb, koj puas paub ib tug neeg twg yuav pab tau kuv?" kuv teb rau Tx.Pl hais tias " tag kis tso kuv mam li teb rau koj"

    kuv tus txiv yog ib tug los tsuas, nws ua hauj lwm nyob hauv qhov chaw kev lag luam toob xib hla tuaj rau los tsuas teb thiab mus thaib teb. kuv nrog kuv tus txiv tham tas, nws zoo siab pab T.P.

    hnub xa cov ntawv hla dej, tsis yog kuv ib leeg xwb, muaj Xib Hwb Yaj Txoov Yeeb yog tus tsav tsheb, muaj tsib tug tub, ib tug ntxhais hmoob thaib tuaj kawm nyob hauv tsev hauv paus, (vim lub teb chaws ntxhov, yuav tsum xa lawv rov qab), thaum xa cov ntawv nrog rau cov me nyuam hla dej tas, wb ob niam txiv thiab X.H Yaj Txoov Yeeb, peb peb leeg rov qab los tsev lawm. Hnub ntawd cov ntawv peb xa hla dej, yog muaj ze ntawm 700 kg, tom qab uas dhau qhov ntawd los, kuv tseem xa cov ntawv ntau lwm hla dej ntxiv thiab, nco tsis tau lawm xyov yog tsawg lwm ntxiv, tab sis muaj ib yam ua kuv nco ntsoov yog : Huab Tais Ntuj pov hwm yus, tsis pub yus ntsib kev nyuaj ntxhov, tsis ntsib yam phem, vim lub sij hawm ntawd, kuv nyiag hla dej thiab nqa tej yam nyhav heev, muaj zaum puav ua kuv yuav tsum hla dej ntawm tej qhov chaw txaus ntshai kawg nkaus li, kuv ib leeg (yus yog ib tug poj niam, tsis piav tas). zaum no rov qab xav txog, yus thiaj pom Ntuj lub txiaj ntsim pab yus, tsuav yog yus thov txog nws xwb.

    dhau qhov ntawd los, kuv kuj hla dej ib yam li sawv daws, khiav tuaj mus ua lub neej nyob rau Fab kis av loj. hnub tim 19 lub xya hli ntuj xyoo 1978 thaum 9 teev sawv ntxov, kuv tau tsuj cov av Paris, ces pib los ua lub neej tshiab nyob rau lub teb chaws no, rov pib tsim yus lub neej tau peb caug xyoo los no lawm. kuv muaj plaub tug me nyuam, yam zoo, yam phem hauv yus lub neej, yus puav leej hla los txhua, kev pluag, kev muaj yus puav leej ntsib tag tib si, nyem no kuv kuj nrog luag muaj ib lub nyuag tsev nyob thiab, vim li no, kuv lub neej thiaj ploj nyob hauv haiv hmoob los tau 30 xyoo no, muaj ntau leej tsis paub hais tias kuv nyob qhov twg.

    Nyem no, kuv laus heev lawmm, tab sis kuj npaj tias xav rov qab los fim tej me nyuamm yug los tom qab uas lawv tsis paub yus.

    peb rov sib ntsib dua lwm lub caij lub nyoog mog.
    Yaj Diav

    Tus sau: Yaj Tshuas Rwg
    Tim 13 lub 11 hlis 2007









    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 11th January 2010, 7:18 am




    Mos Xyooj,


    Phauj Mos


    Phauj Mos Xyooj

    100-8490.JPG Kuv yog Phauj Mos xeem Xyooj ;

    Xyoo 1957, kuv kawm ntawv hmoob nyob lub zos Roob Nyuj Qus ;yog peb tej niam tej txiv lub zos

    Xyoo1958, muaj ib tug Phauj Fab Kis tuaj tos peb mus kawm ntawv nram Pav Xas.Yog Diav Yaj,NtsumThoj,Yi Thoj thiab kuv uas yog Mos xyooj ; Peb mus nrog lawv nyob ib xyoos.

    Xyoo 1959,peb ho mus pemxeev Khuam.Ce muaj Rhia Lauj Tsuam Thoj227711ç

    Xyoo 1959,Peb ho mus kawm pem Xeev Khuam.Ces muaj Rhia Lauj thiab Ntshuab Thoj nrog peb ,ces peb muaj muaj 6 leejmusXeev teb ;peb mus nrog cov Phauj hnav dawb nyobob xyos

    Xyoo ,1960 Peb rov los xyuas niam thiab txiv ces Ntsum thiab tsis nrog peb rov Xeev lawm ces Tshuav peb plaub leej xwb.

    Xyoo 1961, ces Diav ho los lawm thiab,Tshuav Yi, Rhia thiab kuv uas yog Mos peb peb leeg xwb, lub sij hawm ntawm nyob xeev, ua rog heev, peb nyob ib ntus ntxiv tiam sis nyuaj zuj zus

    1961 lub 4 hli Rhia Yi thiab kuv yog Mos peb thiaj lo rau Vees Cas, Peb los txog, Txiv Plig Nyiaj Pov nrhiav tau tsev rau peb nyob lawm.Yog nyob lub zos Phoo Xai, peb nyob tau ob peb hnub xwb, ce Yi cia li mus nrog cov phauj hnav dawb nyob lawmRhia wb nyob tau ib ntus, ces Diav ho los nrog wb nyob, peb saib lub tsev me me tsis txaus peb nyob, peb hloov dua tsev kom loj.Peb thiaj khiav mus nyob lub zos Noom Npuam nyob ze ntawm Txiv Tswv Qhia Lub tsev

    Peb los nyob Noom Npuam mas peb tseem niaj hnub kawm ntawv fab kis, kawm ntuj kev cai, :peb npaj yuav mus qhia hmoob.Yog Txiv Plig Nyiaj Pov thiab txiv Plig Neej Vaj nkawm tuaj qhia peb.

    Xyoo 1961, lub 7 hli los lub yim hli, cov ntxhais nyob pem Moos Loob tuaj nrog peb nyob, peb qhia ntawv thiab qhia Ntuj kev cai rau lawv, tsis ntev ntxiv ces muaj cov ntxhais hmoob tuaj nrog peb nyob coob lawm, lub sij hawm ntawd peb muaj li 30 leej, ces Diav, Rhia, thiab kuv, peb sib hloo qhia lawv, tsis tas li ntawd, peb kuj nyias muaj nyias hauj lwm ntxiv thiab, yam li : Diav ntaus ntawv rau Txiv Plig Nyiaj Pov, Rhia yog tus saib cov ntxhais, kuv yog tus tuav cov nyiaj rau peb lub tsev.

    Xyoo 1962, kuv mus kawm txiav khaub ncaws thiab xaws khaub ncaws ob peb lub hlis, dhau qhov ntawd los ces ho kawm kho mo thiab txhaj tshuaj nyob lub zos Noom Pees, tus Xib Hwb qhia peb yog ib tug Phauj Docteur. Tib lub sij hawm no, cov ntxhais tuaj nrog peb nyob coob heev lawm, tuaj Looj Ceeb tuaj, tuaj Roob Kub Twm tuaj, Tuaj Huab Xais tuaj, uaj rau peb muaj tshaj 40 leej ntxhais lawm.

    Xyoo 1962 ib nrab ntawd, Phauj Xis thiaj tuaj nrog peb nyob, pab qhia peb thiab cov ntxhais

    Xyoo 1963, Diav, Rhia thiab kuv peb peb leeg thiaj cog lus ua Phauj, Xyoo 1963 tas Txiv Tswv Qhia thiaj tsa peb ua cov ntxhais tshaj Ntuj lus.
    Xyoo 1964, Phauj Rhia wb mus qhia ntuj kev cai rau cov hmoob nyob Roob Kub Twm lub zos Thooj Phees. Wb mus txog cov neeg nruab zog thiab tus txiv zos sab laj tias yuav tsum ua ib lub tsev rau wb nyob, lawv thiaj ua wb lub tsev nyob ze tsev teev ntuj, koom xov kiag ib tug laj kab thoob plaws, txiv zos xav kom wb qhia ntawv rau cov me nyuam nruab zog nruab hnub, hos hmo ntuj los tseem xav kom qhia rau cov laus vim cov lau tsis muaj caij tuaj kawm nruab hnub. Lawv ua lub tsev kawm ntawv nyob tom ntug zos, lub tsev wb nyob loj muab ib kem los rau tshuaj thiab cov mob tuaj, thiaj tau kev zaum tau kev txhaj tshuaj. Muaj peb lub zos nyob tsis deb thawj lub mus peb caug naj thi kev taw, lub ob mus ib xua moo peb caug, lub peb yuav mus li ob xuaj moo thiaj txog, nyob hauv ib lub hlis yuav tsum mus xyuas cov neeg mob kom thoob cov zos no ib lwm.

    Xyoo1967,Kuv tau mob heev kuv thiaj tso kuv txoj hauj lauj tseg rau phauj Rhia ib leeg ua .

    Xyoo 1968, kuv pib ua hauj lwm nyob hauv vientiane mus txog ntua xyoo 1974 lub 4hli ntuj kuv los nrog kuv niam nyob rau SAYABOURY. kuv niam laus laus heev los pab nws ib ntus.

    1974 lub xya hli ntuj Tsab Tsawv Lauj poj niam ho tso nws tseg tuag lawm nkawd ho muaj 5 tug me nyuam. Cov me nyuam tseem me me, tus hlob nyuam qhuav muaj 9 xoos hos tus tub mos muaj 3 hli xwb, Nws ib leeg tu cov me nyuam ntawd tau ob peb hlis, nws kuj txom nyem heev; tim 5lub 11 hli 1974 Tsawv Lauj thiaj li tuaj yuav kuv los nrog nws tu nws cov me nyuam, kuv los yuav nws, wb ho muaj 4 tug me nyuam ntxiv rau niam tuag lawm cov, tam sim no wb muaj 5 tug tub 4 tug ntxhais

    Xyoo 1975,lub 5 hlis peb khiav teb chaws los tsuas los rau thaib teb, peb nyob tau 3 xyoos rau Thaib teb

    Xyoo 1979, hnub tim 4 lub ib hli s ntuj, peb sawv kev tuaj rau Fab kis teb no, txog Paris, lawv muab peb xa mus nyob hauv Foyer tau peb lub hlis.Tswv Lauj tau hauj lwm ua nyob lub zos Orléans. Peb thiaj los nyob Orléans txog tav li no. Kuv zov wb cov me nyuam nyob hauv tsev ua txhia yam li ib tug niam tsev ua, kuv mus nqa nkhaub ncaws tom Fab kis los xaws thiab, thaum cov me nyuam loj zog txawj mus kawm ntawv tsis yuav xa, kuv ho mus nrog lawv cog paj yog ua hauj lwm pépinère.

    Xyoo 1996 wb tau nyiaj laus noj lawm, tub ntxhais nyias muaj nyias neej muaj vaj tsev tas tshuav tus tub ntxawg tseem nrog wb nyob nws muaj poj niam lawm tseem tsis tau muaj me nyuam xwb.Wb cov tub cov ntxhais puav leej kawm tau ntawv zoo, wb ob tug laus nrog cov me nyuam zoo siab ntau ntau.Cov me nyuam nyias muaj nyias ib lub tsev uas yog lawv tug lawm tiag


    Xyoo 2007,hnub tim ib lub 6 hli kuv sau tsab ntawv no.

    Tus sau: Yaj Tshuas Rwg
    Tim 26 lub 6 hlis 2007









    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 20th January 2010, 7:00 am




    1957


    Xyooj Tsuj Rwg


    Ntawm no kuv yog tus hu ua: Xyooj Tsuj Rwg. Kuv yug hnub tim 11 lub 5 hlis xyoo1929 nyob rau lub lub zos Roob Nyuj Qus, teb chaws Los Tsuas

    Xyoo 1950, Txiv Plig Bertrais tuaj rau peb lub zos Roob Nyuj Qus. Xyoo ntawm kiag muaj peb cov tub hmoob 5 leeg thiaj tau mus nrog txiv plig nyob kawm ntawv .

    Txiv Plig Baitrais tuaj nrog peb nyob tau 2 lub xyoo, Ces peb cov niam cov txiv thiaj muab txiv plig daws npe laus, cov laus pom zoo hu ua Nyiaj Pov, lub npe Txiv Plig Nyiaj Pov thiaj nyob los txog niaj hnub no.

    Txiv Plig lub luag hauj lwm tuaj nyob rau teb chaws Los Tsuas muaj ob qho, xws li no qhov i1 yog tuaj qhia txog yes xus lub moo zoo, los yog hais txog kev ntseeg txog ntuj .

    Qhov 2 yog tuaj tsim kom muaj peb cov ntawv hmoob no los rau peb hmoob sawv daws tau siv los txog niaj hnub no. Hais txog ntawm peb cov ntawv hmoob uas niaj hnub no peb tsoom hmoob tseem niaj hnub siv no mas yog kuv thiab Phub Thees Tswb Tsab wb nrog Txiv Plig muab coj los sib dhos hais ua lus hmoob, koom tes ua cov lus thiab ntawv hmoob coj los siv.

    Ces xyoo 1963, Txiv Plig thiab peb cov hmoob thiaj mus kom Phas Nyas Tub Npis lis Foom pab mus thov Huab Tais Los Tsuas saib nws puas tso cai rau peb hmoob siv tau, ces thaum kawg Huab Tais Los Tsuas zoo siab thiab tso cai rau peb tsoom hmoob siv los txog rau niaj hnub niam no .

    Kuv mus nrog txiv plig nyob tau rau lub xyoo, xyoo 1956 kuv thiaj tawm los yuav poj niam lawm kuv los ua lub neej txog niaj hnub no. kuv muaj 11 leeg me nyuam, 4 leeg tub, 7 leej ntxhais

    Peb nco Txiv Plig tej txiaj ntsim los txog rau hnub uas Txiv Plig Nyiaj Pov tau tso peb sawv daws tseg no


    Sau Npe : Xyooj Tsuj Rwg.

    Tus sau: Yaj Tshuas Rwg
    Tim 26 lub 6 hlis 2007





    Last edited by Maiv Tooj on 22nd January 2010, 8:34 am; edited 1 time in total



    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 52
    Localisation : Fresno, California, USA.

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Npuagtub on 21st January 2010, 1:05 pm

    Sister Mt,

    Nws daim duab saum toj no nrog tus poj niam tis yog lawm. tus txiv neej nws tso yog Yawm txiv Vam Khwb Thoj ( TP. Choo Thoj txiv ). Tswj Rwg Xyoo yog tus nyob ntawm Zam Muas hauv ntej, nws khuam rab phom ntawm xub pwg.
    Ntshai zoo siab dhau lawm es nws qhov muag txaij zoo li kuv lawm thiab lau...!
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 21st January 2010, 5:57 pm

    Npuag Tub wrote:Sister Mt,

    Nws daim duab saum toj no nrog tus poj niam tis yog lawm. tus txiv neej nws tso yog Yawm txiv Vam Khwb Thoj ( TP. Choo Thoj txiv ). Tswj Rwg Xyoo yog tus nyob ntawm Zam Muas hauv ntej, nws khuam rab phom ntawm xub pwg.
    Ntshai zoo siab dhau lawm es nws qhov muag txaij zoo li kuv lawm thiab lau...!

    Hahhaah...! Neeg coob dhau thiab duab me thiab ces thiaj to tau yuam kev lawm...Yog tus kwv rab pom yaj lov?



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 22nd January 2010, 8:57 pm




    Txiv Plig Nyiaj Pov ua lub Thaj Txi Ntuj








    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1919
    Date d'inscription : 2009-10-16

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Mim on 23rd January 2010, 3:13 am

    Tais Tooj aw...
    Cas nws yuav txawj nrhiav ua luaj li!... Nws tseem tso tau TP Nyiaj Pov lub suab no rau peb tau mloog tiag tiag li os!...Hnov mas zoo li TP tseem nrog peb nyob, tseem pom nws ua Thaj Txi Ntuj os... Zoo heev li, ua tsaug nawb...
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 24th January 2010, 8:55 am

    Mim wrote:Tais Tooj aw...
    Cas nws yuav txawj nrhiav ua luaj li!... Nws tseem tso tau TP Nyiaj Pov lub suab no rau peb tau mloog tiag tiag li os!...Hnov mas zoo li TP tseem nrog peb nyob, tseem pom nws ua Thaj Txi Ntuj os... Zoo heev li, ua tsaug nawb...


    Nyob zoo Mim,

    Thaum TP. Tseem muaj txoj sia nyob, xav tias niaj hnub sib pom, tsis nco kaw nws tej lus cia. Nws tus kheej kiag los nws tsis kaw cia li, nws tej txuj nws yeej tsis kaw, khaws tseg li. Yam li nws cov txwm ntawv Suav, thaum kuv ntsib nws, nws twb kawm tau 10.000 txwm lawm. Nws tseem kawm ntxiv tau tshaj 20 xyoo ntxiv tom qab, ntshe nws kawm tau ntau heev ntxiv. Tab sis nws tsis kaw tseg li...Zaum no nws tsis nrog peb nyob lawm ces nws cov txuj yuav yaj nrog nws mus lawm thiab. Khuv xim heev li.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 26th January 2010, 4:45 am










    Thoj Tub Xab Roob Nyuj Qus 1954


    Paj Vaj, Nong Bone Vientiane 1963


    Yaj Vwj, Lycée Vientiane 1967



    Thoj Qua Xab 2007


    Paj, niam Txhiaj Vwj, lub 6 hli 2007


    Txhiaj Vwj Yaj, lub 6 hli 2007


    Txiv plig Nyiaj Pov lub npe Fab Kis hu ua Yves, Xeem(tsev neeg) BERTRAIS


    Tus sau : Thoj Qhua Xab, France
    Paj V. Yaj, USA
    Txhiaj Vwj Yaj USA








    Tus sau : Thoj Qhua Xab, France
    Paj V. Yaj, USA
    Txhiaj Vwj Yaj USA


    -Txiv Plig Nyiaj Pov yug los lub 7 hli 30, xyoo 1921, hauv lub zos Prinquiau, ze Nantes, Fab Kis teb. Thaum ntawd lub zos Prinquiau muaj txog 1200 leej neeg.

    Txiv Plig txiv hu ua Louis Bertrais. Nws niam hu ua Lucie Cochard. Louis Bertrais tau mus ua rog ntiaj teb zaum ib xyoo 1914-1918, thiab raug luag ntes mus nyob txim. Nkawd sib yuav xyoo 1920. Nkawd yug tau 4 leeg tub 4 leeg ntxhais. Ib tug ntxhais tas sim neej lawm. Txiv Plig yog tus hlob ntawm lawv 8 leej me nyuam ntawd.

    Thaum Txiv Plig muaj 12 xyoos, Yes Xus tshoj nws siab kom nws xav ua Leej Choj. Txiv Plig piav li no :


    « Thaum lub xyoo kawm ntawv yuav xaus, muaj ib hnub, kuv tau hnov Tswv Ntuj lub suab Tshoj kuv siab kom kuv ua Leej Choj… Tab yog zaum no, mas kuv tseem nco ntsoov qhov chaw uas kuv sawv ntsug, thiab kuv hnov Tswv Ntuj lub suab. Yog nyob hauv nruab nrab txoj kev ncaim mus tom tsev teev Ntuj thiab tom tsev kawm ntawv. »


    « Kuv thiaj mus kawm ntawv 9 xyoos nyob Guerande, Bouguenais, Chantenay thiab Nantes, mus txog lub caij ua tsov rog ntiaj teb zaum ob, yog xyoo 1939. Yes Xus tshoj kuv tas zog kom npaj siab mus tshaj Ntuj lus rau pej kum teb. Kuv thov mus ua Txiv Plig nyob hauv lub koom haum Oblat de Marie Immaculée. Kuv tau mus kawm txuj nyob Pontmain, La Brosse –Montceau thiab Solignac.»


    Lub 10 hli xiab 6, xyoo 1946,
    Yves Bertrais txais lub Cim Tiag Tes ua Leej Choj.
    Nws muaj 25 xyoos.




    -Tsov rog ntiaj teb nyuam qhuav dua tas nrho, tus thawj tswj lub Koom Haum Oblat txib kom Txiv Plig mus tshaj Ntuj lus nyob Los Tsuas teb. Thaum lub 12 hlis tim 23 xyoo 1947, nws thiaj caij nkoj ntawm Marseille mus rau Saigon. Nyob hauv lub nkoj, muaj 23 tus txiv plig hluas mus tshaj Tswv Ntuj Lo Lus rau cov teb chaws As Xias. Lub nkoj mus 28 hnub ces mus txog Xais Nkoos (Nyab Laj teb).
    -Plaub leeg Txiv Plig nrog Txiv Plig Nyiaj Pov mus rau Los Tsuas teb. Lawv caij ib lub tsheb thauj toob xib ua luam mus rau Xas Vas Nas Khej. Lub caij ntawd, cov Cob Tsib thiab cov Fab Kis tab tom sis ntaus rog.
    -Txiv Plig Nyiaj Pov lawv mus txog Xas Vas Nas Khej, nws nrog ob tug Txiv Plig hluas thiab ob tug Txiv Plig laus caij ib lub nkoj ua luam nce tus dej Naj Khoom. Lub 2 hlis tim 16, 1948 lawv mus txog Paj Xas (Paksane). Hnub tim 18, lawv mus txog tuam ceeb Vees Cas.
    -Tus Tswv Qhia nyob Vees Cas xa lawv 3 leeg Txiv Plig hluas mus nyob Paksane, kom lawv tau kev kawm lus Los Tsuas thiab tau pab qhia txuj rau ib pab me nyuam npaj kawm ua leej choj. Lub 11 hlis, 1949, cov Txiv Plig uas nyob cheeb Vees Cas tuaj mus sau siab nyob Paksane.


    -Tswv Qhia Mazoyer hais rau Txiv Plig Nyiaj Pov tias:

    “Koj mus tshaj Ntuj lus nyob Moos Loob.”
    -Lub 12 hlis, xyoo 1949, Txiv Plig mus txog Moos Loob. Muaj ib tug tub Los Tsuas kawm ntawv nyob Paksane, nws tsis xav kawm ntxiv, nws nrog Txiv Plig mus nyob pem Moos Loob. Nws hu ua Theung. Lub caij ntawd, nyob Moos Loob muaj ib lub tsev teev Ntuj thiab ib pab ntseeg Cob Tsib nyob ze lub tsev teev Ntuj. Txiv Plig Rouziere thiab Txiv Plig Xis Yoos nkawd nyob Moos Loob. Txiv Plig Xis Yoos nquag mus xyuas cov tub rog Fab Kis nyob Los Tsuas qaum teb. Tib lub zim txwv ntawd, Txiv Plig Soob Leej (Rancoeur) mus tshaj Ntuj lus nyob Xeev Khuam, hauv lub zos Pham Poom.

    1


    -Thaum Tswv Qhia xa Txiv Plig Nyiaj Pov mus Moos Loob, mas Tswv Qhia tsis tau hais tias kom nws mus tshaj Ntuj lus rau haiv neeg twg thiab mus nyob rau qhov twg. Ces lub 12 hlis xyoo 1949, nws mam caij nees zab mus xyuas cov zej zog nyob ib ncig ntawm Moos Loob. Txiv Plig Rouziere qhia nws tias nyob ntawm txoj kev Moos Loob rau Vees Cas mas muaj tej lub zos Hmoob. Txiv Plig Nyiaj Pov kom Theung ua nws luag mus xyuas cov zos ntawd. Muaj ib hnub nkawd thiaj ua tiag mus ib txoj kev me thiab nce toj heev. Txoj kev me me no nce mus rau saum roob thiab lem nkhaus lem nkhaus. Nkawd thawb ob lub tsheb kauj vab nce toj. Tej tsam nkawd muab ob lub tsheb kauj vab kwv saum xub pwg mus thiaj hla dhau tej ntu kev phem phem. Nkawd mus pw ntawm ib lub zos Los Tsuas. Tag kis rov mus dua, thawb ob lub tsheb kauj vab nce toj mus ntxiv. Mus 5 teev, txog ib lub zos Pub Thawj, tseem rov mus ib chim ntxiv mam txog lub zos Hmoob uas yog Roob Nyuj Qus.

    -Mus nyob Roob Nyuj Qus.

    Txiv Plig Nyiaj Pov piav li no:
    “Ua lub Hnub Nyoog Hla tas, kuv sawv kev yuav mus nyob pem zos Hmoob. Yog lub 4 hlis tim 17 xyoo 1950, kuv thov tau ib tug suav los pav pab thauj kuv 4 lub phij xab ntoo, vim nws yuav mus Vees Cas. Thaum nws mus txog ntawm chaw uas yuav nce mus rau Roob Nyuj Qus,

    mas kuv kom nws muab kuv cov phij xab thau rau ntawm ntug kev. Kuv mam nce ko taw mus txog Roob Nyuj Qus, mus hauv Yaj Txawj Tswb tsev, nws twb npaj txaj qhuas tib si tos kuv. Nws kom kuv nyob hauv nws tsev ntev li cas los tau. Cov Hmoob hais tias lawv yuav pab kuv ua ib lub tsev rau kuv nyob, tab sis ob peb hnub tso. Kuv tos tau peb hnub, tsis pom lawv ua dab tsi, kuv rov nug lawv, lawv rov hais tias ob peb hnub tso... ntev li peb hlis tej, cov Hmoob thiaj tuaj pab ua tsev rau kuv nyob

    2


    sab lauj rau xis:
    Yaj Txawj Tswb, nws leej nkawm (Yaj Zam Nob niam thiab txiv)
    Yaj Mas= Nkaj Mas, Yaj Zam Nob.
    Roob Nyuj Qus, Nplog teb.


    -Thaum kuv ua tau tsev lawm, mas cov Hmoob Thoj thiab cov Hmoob Yaj thiaj tso 3 tug me nyuam : Hwj Thoj, Yeeb Yaj thiab Huas Tsab tuaj nrog kuv nyob. Peb tug me nyuam tub no ua zaub rau peb noj, thiab ua kuv luag nyob. Peb sib tham ntau.


    3


    Kuv muab siab rau kawm lus Hmoob ntawm nkawd. Tau tsev nyob lawm, mas kuv zoo siab.
    -Tus tub hluas Los Tsuas hu ua Theung kuj nrog kuv nyob thiab, nws yuav qhia ntawv Los Tsuas rau cov me nyuam.”

    -Xyoo 1951 npaj ua Hmoob

    Xyoo 1951, mas Zam Nob Yaj, Xaiv Vaj Tsab, thiab Tsav Ntxaij Thoj lawv hais tias lawv xav tis ib lub npe Hmoob rau kuv. Ces lawv tua ib tug npua, hu sawv daws tib si tuaj tis lub npe : ‘Nyiaj Pov” rau kuv.”

    -Tsim ntawv Hmoob RPA xyoo 1953

    Xyoo 1953, Txiv Plig ntsib cov Protestants (As Cas), lawv tuaj qhia kev ntseeg, lawv tsim ib hom ntawv Hmoob. Txiv Plig


    4


    nrog lawv tham sib haum, ces nws teem ib lub rooj sab laj nyob Moos Loob, yog lub 3 hlis, 1953. Nws coj Yaj Yeeb, Thoj Hwj, nrog nws mus sab laj. Tus xib hwb Protestant Berney, thiab tus kws txuj Dr. Smalley tuaj nrog Txiv Plig lawv sab laj tau 3 hnub. Lawv kho cov ntawv Hmoob raws li ob tog nyiam, lawv sib cog lus tias yuav siv tib hom ntawv Hmoob xwb, tsis hloov. Xyoo 1953 ntawd, Txiv Plig pib qhia Ntawv Hmoob nyob Roob Nyuj Qus. Nws xuas tes sau rau sawv daws kawm.

    5


    Lauj rau xis:
    1- Thoj Hwj= Tshuv Hwj
    2- Tsab Huas
    3- Xyooj Rwg= Tsuj Rwg
    4- Yaj Yeeb= Txoov Yeeb
    5- Yaj Mos, nyob Tiaj Mos Hlub tuaj kawm ntawv Roob Nyuj Qus.


    -Txiv Plig nyob tau 3 xyoos, tsis muaj neeg ntseeg li. Nws tsuas niaj hnub kho mob, qhia ntawv, thiab kawm lus Hmoob xwb.
    -Xyoo ntawd mas teb chaws ua tsov ua rog muaj ceem nyob Cob Tsib qaum teb. Ntau yam xwm tshwm tuaj, sawv daws pib ntshai me ntsis, ces tsoom Hmoob thiaj kom Txiv Plig hnav ris tsho Hmoob, coj xauv, ntoo kaus mom hmoob ib yam li ib tug Hmoob kiag.

    -Xyoo 1954 thawj pab neeg ntseeg

    Pib Xyoo 1954, mas Zam Nob xav kawm kev ntseeg thiab xav kawm ntawv Hmoob. Txiv Plig thiaj xuas tes sau phau ntawv « A.E.T. »
    -Lub 8 hli tim 15, yog lub hnub nyoog hawm Niam Mab Liab mus saum ntuj, Txiv Plig Nyiaj Pov ua lub cim ntxuav rau Yaj Zam Nob, Yaj Txawj Tswb, Yaj Yeeb thiab Thoj Hwj.

    -Xyoo 1955 rov mus Fab Kis

    Xyoo 1955 lub caij Hmoob noj peb caug mas Txiv Plig Nyiaj Pov rov mus Fab Kis teb. Txiv Plig coj Yaj Yeeb mus xyuas Fab Kis teb, thiab xyuas Vaj Qhia Pis Yus 12 nyob Los Mas. Ze cim ntuj so 1956, Txiv Plig thiab Yeeb nkawd mam rov los, nkawd yuav tau ib lub tshuab kaw ntoo coj los siv nyob Roob Nyuj Qus.

    -Lub Tsev Teev Ntuj nyob Roob Nyuj

    Txiv plig nqa lub tshuab kaw ntoo los, nws kaw tej daim txiag dav zoo nkauj. Lub 12 hlis 1956, lawv txhim lub tsev teev Ntuj pua txiag, xov av thiab vov vuas hlau. Thaum Tswv Qhia tuaj xyuas cov ntseeg qhib lub tsev teev Ntuj, nws pub ib lub tshuab ntaus ntawv rau Txiv Plig. Txiv Plig thiaj ntaus thawj phau hauv paus Ntawv Hmoob A.E.T. luam ua ntau phau faib rau tsoom Hmoob.

    6


    -Txij li ntawd los, cov tub ntxhais, cov hluas thiab cov laus nquag tuaj kawm, kom tau xyaum tej nkauj teev Ntuj thiab nyeem His Xais Lais Kwv Huam.

    7


    Thoj Xab=Qhua Xab, thaum muaj 7-8 Xyoo,
    Saib thawj thawj phau ntawv Hmoob qhia Kev Ntseeg.


    -Tsis tas li ntawd, txiv plig tau xav tias peb tsoom Hmoob yav tom ntej mus, puas yuav yog txiv plig pab nraim xwb, los yog peb cov Hmoob nws yuav tsum muaj nws lub peev xwm pab taus nws haiv neeg Hmoob txog txoj kev ntseeg Ntuj, lawv lub neej thiab txoj kev txawj sib hlub sib pab tiag tiag. Txiv plig thiaj tau txiav siab nws tus kheej, pab cov tub ntxhais Hmoob thawj pab muaj 6 leej tub hluas nyob rau zos Roob Nyuj Qus, npaj kawm ua xib hwb pab txiv plig. Pab 2 thiab pab 3 ua ke huv si yog 9 leeg tub, 6 leej ntxhais hauv lub zos, tau mus kawm rau nram nroog. Nyob rau Paksane thiab Vientiane hauv Los Tsuas teb. Saib lawv puas muaj txoj hmoo los taug tau txoj kev ua leej choj thiab leej phauj.


    -Dua li ntawd, txiv plig tseem txais tos cov tub Hmoob ntxiv, uas yog tuaj lwm lub xeev tuaj kawm npaj ua xib hwb, xws li :

    -Xeev Xas Niam 6 leej.
    -Xeev Huab Xais 6 leej.
    -Zos Phuaj Thoos 4 leeg
    ( xeev Moos Loob ).

    -1958 Mus nyob Xas Niam

    Lub 12 hlis, xyoo 1958, Txiv Plig mus pib txoj kev tshaj Ntuj lus nyob xeev Xas Niam. Txiv Plig nyob tau 9 xyoos hauv lub zos Roob Nyuj Qus, tsuas muaj kaum tawm yim neeg ntseeg xwb. Txiv Plig mus txog Xas Niam teb, nyob tau ib xyoos, cov hmoob ib txhij ntseeg coob kawg, muaj 200 tawm leej neeg tuaj teev Ntuj, thiab 120 leej txais lub cim ntxuav, tsis xam cov me nyuam yaus nrog.

    -Tswv Qhia hais tias:

    “Pom ob puas tawm leej Hmoob teev Ntuj ua ke, mas poob siab thiab sov siab tas nrho, tsis tau pom dua ib zaug kiag li.”

    -Xyoo 1959, yog xyoo cov txiv plig Is Tas Lis tuaj nyob Moos Loob, muaj ob peb leeg lawv kuj kawm cov ntawv hmoob thiab lus hmoob kom muaj kev yooj yim sib txuas lus nrog cov Hmoob txog txoj kev ntseeg Ntuj.




    -1960 teb chaws Xas Niam poob

    1960, cov Nyab Laj rov qab ntaus tau teb chaws Los Tsuas ntau qhov chaw. Tseem fwv Vees Cas xa 5000 leej tub rog tuaj nyob puv nroog Xas Niam. Lub 8 hli phom nrov tsis tu ncig nroog Xas Niam.
    -Cov txiv plig nrog cov tub Puab Yib thiab Pub Thawj kawm ua xib hwb, lawv sawv daws khiav tas.
    -Txiv Plig Nyiaj Pov thiab cov tub Hmoob kawm ua xib hwb tsis khiav. Lawv nyob kawm thiab teev Ntuj niaj hnub chiv rau tsoom Hmoob. Muaj ib hnub, ib pab ntseeg Hmoob uas yog tub rog tuaj hais tias: “Txiv Plig, ntshai nej yuav tsum tsiv nraim, vim peb pib ua rog nyob tom Pham Thiv tiv cov Nyab Laj. Yog cov Nyab Laj paub tias peb yog neeg ntseeg, thiab peb ua rog tiv lawv, mas lawv yuav ntes nej xwb.” Tus tuaj qhia li ntawd yog Colonel Lis Lauj. Thaum ntawd mas nws tseem hluas, tsis tau ua nom, tsuas yog tub rog xwb.
    -Thaum ob peb tug Txiv Plig uas nrog Txiv Plig Nyiaj Pov nyob, hnov tej lus no, lawv txiav siab yuav khiav, tso tas ib puas tsav yam tseg rau hauv tsev. Cov tub kawm ua xib hwb nyias rov mus nyias tsev, tus twg xav nrog Txiv Plig khiav mas nws khiav. Thaum Txiv Plig lawv khiav mas muaj ib co Hmoob pab faus lawv hneev taw, kom Nyab Laj txhob pom txoj kev lawv mus.

    -Lis Nkaj Teev coj txiv plig lawv kev mus txog Pham Thiv.

    Thaum ntawd cov Nyab Laj tshaj paj taub hauv nroog Xas Niam tias, cov Fab Kis khiav lawm, tab sis yuav ntes kom tau coj los ua nqaij liab faib rau cov pej xeem noj txhua txhua yim. Vim muaj Hmoob tuaj qhia rau lawv tias Nyab Laj nyob qhov twg tos cov Fab Kis kev. Lis Nkaj Teev thiaj coj Txiv Plig lawv nkag hauv hav zoov mus xwb. Lawv tsoo hav zoo mus txog Pham Thiv. Nyob Pham Thiv tau 3 hlis, muaj Hmoob kuj tuaj ntsib Txiv Plig lawv, cov Hmoob thiaj coj lawv khiav mus rau Moos Loob. Thaum cov txiv Plig khiav Pham Thiv mus rau Moos Loob mas lawv hnav ris tsho Hmoob. Lawv khiav tau 24 hnub ntawm Pham Thiv thiaj mus txog Moos Loob.

    Cov khiav ua ke ntawd muaj tag nrho 13 leeg:

    TP. Nyiaj Pov
    TP. Du Mont
    TP.Lauzon
    Lis Nkaj Teev
    Lauj Vam Thaiv
    Yaj Txoov Yeeb
    Niam Yaj Txoov Yeeb
    Nais khu Vaj Leej
    Nais Koo Tooj Pov Vaj
    Los Xyooj
    Nais khuv Nplog
    ...? tshuav ib tug tsis nco qab yog leej twg.

    Dhau Pham Thiv los ces Yaj Txoov Yeeb tsis khiav ntxiv lawm, nws los nyob ib lub zos Hmoob, tshuav lawv 11 leeg khiav ntxiv mus txog Moos Loob xwb...



    -Lus Hmoob uas kuv tau khaws xyoo 1950 txog xyoo 1961, mas pov tseg tag nrho rau Xas Niam, dim cev qhuav xwb.


    -Nyob Moos Loob, muaj 2 tug laus thiab 4 tug hluas nrog txiv plig Nyiaj Pov ua phau Ntawv Txheeb Lus Hmoob Fab Kis ( Dictionnaire Hmong - Français ) tau 7 lub hli tsis so, tsis hais nruab hnub hmo ntuj tib si, thiaj sau tiav phau ntawv. Mam tsiv los nyob rau Vees Cas thiab luam tiav phau ntawv ntawd rau xyoo 1964.

    -1960 - 1961 nyob Luang Prabang-Vientiane

    -Xyoo 1961 Txiv Plig Nyiaj Pov thiaj qhib ib lub tsev txais cov tub tuaj kawm ua xib hwb, ib lub txais cov ntxhais tuaj kawm ntawv. Ob lub tsev no puav leej npaj qhib nyob Nong Bone, hauv nroog Vees Cas.
    -Tsis ntev, mas neeg tuaj coob, chaw tsis txaus nyob, ces Tswv Qhia zoo siab pab ntiav ib lub tsev loj rau cov kawm ua xib hwb. Txiv Plig lawv thiaj tsiv mus nyob Nas Xais, tsis deb ntawm Nong Bone.
    -Lub caij ntawd, cov tub kawm ntawv hauv Vees Cas coob leej tuaj thov chaw pw hauv Txiv Plig tsev, ces lub tsev Nas Xais tsis txaus rau sawv daws nyob.
    -Cov txiv plig muaj ib lub tsev seem nyob Simuong. Thaum ub yog ib tug Fab Kis li, thaum nws yuav tuag, nws muab pub rau cov txiv plig. Lub tsev ntawd mas yog ib lub qub tsev kho tsheb dav heev. Tswv Qhia thiaj li pub lub tsev ntawd rau Txiv Plig Nyiaj Pov thiab cov xib hwb Hmoob.
    -Lub caij so ntawv, cov tub kawm ntawv nrog pab kho tau 3 hlis. Sawv daws thiaj tau ob peb lub tsev ntawd txaus l00 leej neeg los


    nyob. Txiv plig muab lub tsev nyob Simuang ua “Tsev Hauv Paus Tshaj Ntuj Lus”. Cov xib hwb tau kawm txuj hauv lub Tsev Hauv Paus mus txog xyoo 1975, yam li :
    - Lub tsev rau cov ntxhais muaj txog li 50 tawm leej.
    - Lub tsev rau cov tub xib hwb
    muaj txog 30 tawm leej.
    - Lub tsev rau cov tub tuaj
    kawm txuj hauv Vees Cas
    muaj li 70 tawm leej.

    -Kuj muaj cov tub ntxhais txog 3, 4 leeg zoo siab los pab txiv plig ntaus ntawv thiab luam huv si. Tus tau ua hauj lwm pab txiv plig ntev thiab ntau heev yog tus ntxhais Yaj Diav uas ua tau 15 lub xyoo txwm nkaus, txog ntawm txiv plig Nyiaj Pov kev khaws hmoob tej lus, tej txuj thiab kab lis kev cai txhua yam tag nrho 13 yam. Kom xwv muaj leej twg xav paub los thiaj muaj ntawv kawm li teev khaws tseg.

    -Nyob hauv Tsev Hauv Paus Simuong mas tau muaj cov hauj lwm tshaj kev ntseeg rau pem roob ntau kawg, tau muaj kev kawm, kev qhia, kev yug tsiaj, thiab cog qoob loo kom tau nrhiav nyiaj los pab yug kev noj haus rau cov xib hwb.

    -Xyoo 1961 – 1968, txiv plig tau pab txhawb ib pab tub ntxhais tuaj mus kawm ntawv rau Fab Kis teb.

    -Tswv Qhia tau pab nyiaj ntau kom tau them nqi kho tsev, nqi dej taws, tsheb khiav dej num rau lub tsev nyob Simuong. Txiv Plig Nyiaj Pov tus muam Therese ua tus nrhiav nyiaj, thov nyiaj ntawm cov Fab Kis xa mus pab cov xib hwb. Lub Koom Haum Tshaj Ntuj Lus Yes Las Mas kuj tau pub nyiaj ua ob lub tsev pob zeb loj nyob Simuong.

    -Xyoo 1973, lub teb chaws sib cog lus tsis ua rog ntxiv. Txiv Plig Nyiaj Pov thiab cov xib hwb npaj yuav muab lub tsev Hauv Paus nyob Vees Cas tshais chaw mus rau lub zos Hav Dej Txhawv, ntawm qaum Moos Kas Xim. Twb mus npaj tsev, npaj teb, kom tau pib tshais chaw ib ob xyoos tom ntej.

    -Xyoo 1975, lub 4 hlis, phom nrov ntawm phou Khoun tuaj, suab phom nrov mus txog lub 5 hlis, 1975, lub teb chaws hloov tas nrho.
    -Lub 5 hlis tim 20, 1975, cov txiv plig thiab cov xib hwb sib sau sab laj nyob Simuong, lawv sib faib cuab tam, sawv daws thiaj khiav tawm lub teb chaws Los Tsuas.

    -Txiv Plig Nyiaj Pov hla dej Naj Khoos mus rau Thaib teb, nws thov ntawv nyob Thaib teb ob xyoos. Xyoo 1979, Tseem Fwv Fab Kis thov nws pab coj ib pab Hmoob mus tsim lub zos Javouhey nyob Guyane. Nws tau nyob Guyane 17 xyoo.
    - Niaj xyoo, txiv plig Nyiaj pov yeej mus xyuas cov Hmoob thoj nam nyob Thaib teb thiab cov Hmoob nyob Suav qab teb.

    -Xyoo 1978, tus kws txuj Koos Dos tau pom zoo thiab zoo siab, thov qhuas txog txiv plig Nyiaj Pov tej hauj lwm ntawm haiv Hmoob. Nws tau tawm ib daim ntawv cob zeem rau txiv plig Nyiaj Pov « Daim Ntawv Tim Khawv Rheeb Txuj Txheej Siab txog Haiv Neeg » (Diplôme des Hautes Etudes en Sciences Sociales)

    -Xyoo 1984, tau muaj plaub tsib leeg Hmoob nyob rau Nkws Yas nrog txiv plig tsa tau lub Koom Haum Khaws Txuj Hmoob.

    -Txiv plig Nyiaj Pov ke ua hauj lwm pab khaws Hmoob tej txuj, ke mob siab nraim qhia Ntuj kev cai rau sawv daws, rau cov tub ntxhais hluas, kom muaj kev xyaum kawm ua tus coj, los pab qhia kev ntseeg rau cov Hmoob. Tsis ntev xyoo, txog rau xyoo 1993 thaum lub 3 hlis ntuj tim 7 thiab 21, Tswv Qhia François Morvan tau pub lub cim tiag tes tsa 2 tug tsob hwb Hmoob nyob rau Nkws Yas, yog Yaj Zoov Ntxheb thiab Hawj Nyiaj Nkaub. Nkawd ob leeg muaj cai los nres
    ib txheej hauj lwm lis kev ntseeg pab cov leej choj rau tsoom ntseeg nyob rau zos Cacao thiab Javouhey.

    8


    - Xyoo 1994 yuav xaus, Txiv Plig Nyiaj Pov thiab Yaj Chiv nkawd pib kaw lus rau cov roj hmab, xa mus tshaj kev ntseeg hauv xov tooj cua Radio Veritas, nyob Philippine teb. Lub tshaj xov xa Yes Xus lub Moo Zoo mus rau cov Hmoob nyob Suav teb, Cob Tsib teb, Los Tsuas teb thiab Thaib teb. Yaj Chiv thiab Txiv Plig nkawd kaw roj hmab tshaj Ntuj lus tau 3 xyoos, ces nkawd muab tshais chaw mus nyob kiag rau Philippines teb, kom tau kev ua hauj lwm yooj yim. Peb xyoos tom qab, kuj tsis tau raws li siab xav, vim nyob Philippine tsis muaj ib tug Hmoob nyob li. Thaum xyoo 2000, Txiv Plig thiaj li tshais tsev hauv paus xov tooj cua los nyob Lomsak, Thaib teb. Lub tsev hauv paus xov tooj cua txoj hauj lwm yog npaj cov zaj kom txaus tshaj xo 7 hnub, ib hnub twg tshaj txog 30 fiab, rau tsoom Hmoob uas paub lus Hmoob Dawb thiab lus Hmoob Ntsuab.

    - Thoj Txwj Choo tau lees txais leg Tswv Qhia lub luag hauj lwm rau thaum lub 5 hlis xyoo 1999 nyob rau Moos Loob, Los Tsuas teb.

    9


    -Txiv plig Nyiaj Pov xav paub txog Hmoob keeb kwm, nws thiaj thiab ua phau ntawv « Haiv Hmoob Liv Xwm », yog hais txog haiv Hmoob lub neej nyob rau Suav teb, yav ntuj qub qab thaum ub. Txiv Plig tau ua siv zog nroos nrog rau tus kws txuj Hmoob Suav, Vwj Zoov Tsheej, Yaj Ntxoov Yias thiab 6 leej Hmoob ua ke tau 6 lub xyoo tsis so thiaj tiav phau ntawv rau xyoo 1997.

    -Lus nug


    Txiv plig Nyiaj Pov yog ib tug neeg Fab Kis uas tau yug los nyob rau Fab Kis teb, yog nws lub teb chaws, uas lawv yog ib haiv neeg muaj kev vam meej los lawm ntev ntev xyoo. Cas nws tuaj yeem muab nws lub meej mom, txoj kev tau zoo nrog nws lub teb chaws tso tseg, tuaj mus nrog tsoom Hmoob nyob ua neej tsis muaj tug ntaub tug ntawv siv, tsuas nrog liaj nrog teb thiab tej tsiaj txhu nyob txom nyem rau tej toj roob hauv pes....

    -Kev xav

    Lub sij hawm uas txiv plig tuaj cog lub neej nrog Hmoob nyob, yuav ua rau ib txhia neeg pom thiab muaj lo lus xav tias : « Puas yog txiv plig Nyiaj Pov tsis muaj txoj hmoo zoo los ua cas, yuav tuaj mus nrog Hmoob nyob li no… » .


    -Muaj ib zaug nws tau hais rau Txhiaj Vwj Yaj tias :
    « Kuv xav ua ib tug Hmoob, tab sis mas xyov Hmoob puas kam txais kuv los ua ib tug Hmoob.»

    -Tsis muaj leej twg yuav txiav txim meej tau rau tib neeg lub hom phiaj txoj kev xav, kev ntshaw thiab txoj kev hlub. Vim qee zaus, txoj ke ntxeem txom nyem kuj txawj rais tshwm sim tau los ua ib txoj kev zoo rau lwm leej lwm tus, los yog rau ib haiv neeg.

    -Txiv plig Nyiaj Pov, nws tau ua raws nraim li Huab Tais Yes Xus tau hais tseg, thiab nws nco ntsoov lo lus nrov hauv nws nruab siab thaum nws muaj 12 xyoos uas tseem niaj hnub kawm ntawv.

    -Txiv Plig Nyiaj Pov tau nthuav Huab Tais Yes Xus lo lus rau ib txhia Hmoob tau hnov :

    -Txog txoj ke Thoob Tsib
    -Txog txoj Kev Hlub Neeg
    -Txog Kev Zam Txim rau luag.


    -Txiv plig Nyiaj Pov tau muab nws lub neej los pab Hmoob yam tsis ntshai nkim nws lub zog dawb tag do, nws tsis khuv xim nkim nws lub neej, tsis hais saum kev nrhiav nyiaj txiag pab, kev khwv nruab hnub hmo ntuj nrog nyiaj tshaib yoo nqhis, yoo dab ntub zias, nrog xav tswv yim txhua fab thiab mob siab ua tas siab ntsws nws txoj hauj lwm kom tau los pab rau tsoom Hmoob.

    -Thov kom peb tsoom Hmoob nco ntsoov tias, txiv plig Nyiaj Pov tau ua txhua yam raws nraim Huab Tais Yes Xus txoj ke, ntawm nws lub siab xav yog tsoom Hmoob.



    -Xyoo 2006

    Cov Hmoob tuaj yuav luag txhua txhia lub xeev hauv Fab Kis teb tuaj sib txoos khi nws tes nyob rau lub nroog Orléans, thaum lub 4 hlis ntuj tim 23, xyoo 2006. Pom nws lub ntsej muag nrog lub cev sab heev, nws lub zog

    ntaug lawm ntau, tab sis nws lub siab nrog lub tswv yim tseem liab khiav hais txog nws txoj hauj lwm uas nyob rau tim Thaib teb. Nws tau hais lus ntau yam, tab sis muaj ib lo lus tseem ceeb dua ntais hais tias :

    « Nej tsoom Hmoob yuav tsum sib hlub tiag tiag, mas zoo xwb… » .

    - Tsim nyog peb tsoom Hmoob yuav zoo siab nco txog yav ntuj qub qab, uas tau nrog Txiv Plig Nyiaj Pov nyob ua ke 50 xyoo dhau los.


    -Txiv plig Nyiaj Pov tau tas sim neej rau Fab Kis teb, hnub tim
    27-05-2007 thaum 8 teev sawv ntxov. Nws tus phooj ywg THOJ Tsav Ntxaij, tau ncaim nws mus ua ntej 8 hnub xwb, nyob rau Castres.


    10


    (Sab laug rau xis)

    Thoj Tsav Ntxaij, Yaj Zam Nob, Thoj Nom Neeb, T. P. (P. Jean DROUART)
    Thoj Qhua Xab, T.P. Nyiaj Pov, Yaj Txoov Yeeb thiab Thoj Tshu Hwj.
    Roob Nyuj Qus, xyoo 1954.


    Last edited by Maiv Tooj on 2nd December 2010, 10:30 am; edited 2 times in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 1st February 2010, 8:32 am



    Tx.Pl. Nyiaj Pov ib qho hauj lwm


    Lub sij hawm Tx.Pl. Nyiaj pov los rau Vees CAm, los tsa tau muaj lub tsev hauv paus kawm ua Xib Hwb nyob rau sim moos, nyob Vees Cam, tib lub caij ntawd nws kuj tsa tau ib lub tsev rau rau cov ntxhais tuaj mus kawm ntawv thiab, uas yog cia rau cov Phauj ua cov saib.

    Lub tsev hauv paus kawm ua Xib Hwb, tsis yog cov Xib Hwb nyob xwb, nws kuj muaj cov me nyuam kawm ntawv tuaj mus nyob, kawm ntawv nyob tom tsev kawm ntawv tseem hwv. vim yog nyob hauv lub tuam ceev los tsua, tas txhia yam kim heev, thiab peb hmoob feem coob tseem ua neej txom nyem, yuav ntiav tsis tau tsev rau cov me nyuam tuaj mus nyob kawm ntawv, thiab muas rau noj rau haus.
    Thaum tuaj nyob hauv lub tsev hauv paus lawm, muaj neeg ua zaub mov noj, muaj txaj chaw pw, muaj tas txhia yam ua ib tug tub hluas kawm ntawv yuav tsum muaj coj los nyob kom tau kev kawm ntawv zoo xwb.

    Muaj coob leej cov hmoob ua tau kawm ntawv siab, lub sij hawm teb chaws Los Tsuas tsis tau tawg ntawd, tau tuaj nyob hauv lub tsev hauv paus kom tau zoo mus kawm ntawv. lawv thiaj kawm tau mus siab, vim tsis muaj kev txhawj xeeb txog kev noj kev haus, tsis muaj kev txhawj xeeb txog chaw nyob chaw pw, dej taws, los yog kev noj kev haus, tsuas muaj tib yam xwb uas lawv yuav tsum txhawj xeeb txog : yog rau sib kawm ntawv, thiab hwm txoj cai kav lawv kom nyob tau ua pab ua pawg. yog hais tias tus twg tsis rau siab kawm ntawv los yog tsis hwm txoj cai nyob hauv lub tsev ntawd, kuj yuav rau ntiab tawm, thiab tsis pub nyob.

    Cov tub kawm ntawv uas tuaj nyob hauv lub tsev hauv paus no, feem coob yog cov neeg txom nyem, ces tuaj nyob dawb, tiam sis kuj muaj cov neeg nplua nuj tuaj nyob thiab, cov ua Tx.Pl. pom hais tias lawv niam thiab txiv muaj nyiaj txiag, Tx.Pl. kuj kom lawv pab nqe noj nqe haus thiab. raws li tus muaj ntau kuj kom nws pab ntau, tus niam thiab txiv txom nyem me ntsis kuj kom pab tsawg dua, tus ua kawm ntawv zoo tab si niam txiv pluag, kuj cia tuaj nyob noj haus dawb xwb. tsuav nws kawm tau ntawv xwb.

    Kuj tib yam nkaus, nyob tom lub tsev noom npuas rau cov ntxhais nyob, cov ntxhais feem coob tsis yog tuaj mus kawm ua phauj, yog tuaj mus nyob kom muaj chaw nyob, tau kev mus kawm nyob tom tsev kawm ntawv tseem hwv. cov phauj saib lawv, kom lawv tuaj ua neeg tsim txiaj, txhob ua plees ua yi, tuaj kawm ntawv tiag tiag.

    Lub tsev hauv paus rau cov Xib Hwb, feem coob, yog cov tuaj kawm ua Xib Hwb, lawv tuaj kawm plaub xyoos ua Tim Hwb, nyob hauv plaub xyoos ntawd, kawm ntuj kev cai, kawm phau ntawv faj lem, ntawc cog qub lus thiab ntawv cog lus tshiab, kawm neeg lub cev, kawm kho mob, kawm muab tshuaj, kawm lus thaib lus nplog, lus as mes lis kas, lus fab kis, , kawm ntiaj teb, kawm txog keeb kwm neeg, thaum lub hauv paus los. kuj kawm lwm hom kev cai thiab, dua li ntawd kuj kawm kev cai hmoob thiab. lub sij hawm plaub xyoos no, tus tim hwb, dhau ntawm txoj kev kawm lawm, nws yuav tsum coj tus yam ntxwv zoo, ua neeg mloog lus, tsis ua neeg tsuab luab, tsis ua plees ua yi, tsis luag nrov, tsis hais lus nrov, txawj ua lub siab loj, txawj pab lwm tus, haum nrog sawv daws, nws thiaj yuav ua tau tus Xib Hib.

    thaum kawm plaub lub xyoos tas lawm, Tx. Pl. pom hais tias tus neeg yog phim ua Xib Hwb tiag, thiaj mam xa mus nrog hmoob nyob pem roob, nyob xyaum ua neeg pluag, pab zej zos, tsis hais tus coj qub kev cai, los cov los ua Ntuj kev cai lawm. yuav tsum pab lawv sib npaug zos, thiab qhia Ntuj kev cai rau cov neeg xav paub Ntuj kev cai, qhia ntawv rau cov tuaj kawm ntawv. kuj muab tshuaj pab cov neeg mob, txhaj tshuaj tib si, vim lub sij hawm plaub xyoos ua lawv tau kawm nyob hauv tsev hauv paus, lawv kuj tau kawm txhaj tshuaj tib si thiab.thaum tus Xib Hwb no pom hais tias cov neeg tuaj kawm Ntuj kev cai no, paub Ntuj kev cai txaus lawm, nws kuj muaj cai ua lub cim ntxuav rau lawm, Vim tus yuav mus qhia Ntuj kev cai nyob rau pem roob, tsuas muaj nws ib leeg xwb, thuam yuav mus Txiv Tswv Qhia thiaj tsa lawv, thiab muab lawv hnav dawb.

    Tus Txiv Tswv Qhia yog tus tso cai rau lawv kom lawv muaj cai hnav dawb thiab ua lub txoos, faib lub cim yug, ua lub cim ntxuav rau cov ntseeg tshiab, los lwm yam ntxiv nyob hauv txoj kev ntseeg.


    Espérance nyob simouang , Vintiane, Loas.


    Txiv Tswv qhia tsa pab ntxhais no nrog rau ib co Xib Hwb.
    Yuav xa lawv mus qhia Ntuj kev cai nyob pem roob.
    peb tug no yog peb tug Phauj hmoob rau lub sij hawm ntawd
    Thaum Txiv Tswv Qhia muab ntawv tso cai rau lawv tas,
    lawv tawm los thau duab nyob nraum zoov ua chaw nco cia.





    Thaum tus Xib Hwb no nyob tau ob xyoos pem roob nrog hmoob lawm, tsis muaj teeb meem dab tsi, ces rov qab los kawm ntuj kev cai ntxiv kawm txuj ntxiv thiab. kawm ob xyoos nyob hauv tsev hauv paus.
    Tas nrho tib si twb yog yim lub xyoo dhau los lawm, Txiv Tswv Qhia thiaj tuaj mus tsa nws ua Xib Hwb tiag. tus no yog tus tseem Xib Hwb lawm. nws muaj cai ua tas txhia yam yuav lug cuag li ib tug Txiv Plig, tib qho nws tsis muaj cai ua, yog ua lub cim yug, thiab hais cov lus ua Yes Xus Hmo kawg noj rooj mov nrog nws cov thwj tim, thiab lov mov mog los faib rau lawv ntawd xwb.

    Thaum ib tug ua nws kawm tsis tau dhau Yim lub xyoo li no, nws tsis yog Xib Hwb, vim nws yeej tseem paub tsis tau txaus ua ib tug xib Hwb, txawm yuav paub txuj npaum li cas los, yeej tseem tsis tau yog ib tug Xib Hwb, nws tsis tau kawm, tus yeeb yam, tus cwj pwm, hais lus, thiab lwm hom Txuj ua tus tseem Xib Hwb tau kawm tawm los. thiab Txiv Tswv qhia tsis tau tsa nws ua tus Xib Hwb, ces nws yeej tsis yog ib tug Xib Hwb li.


    Phauj Rhia mus nyob Roob Kub Twm


    Lub sij hawm no,
    yog Phauj Rhia mus nyob roob kub twm,
    mus hloov Xib Hwb Yaj Nom Rwg.
    Tus nias daim duab no yog TP.Txhiaj Foom.
    Cov Phauj hmoob,thiab cov Xib Hwb,
    yog tib tug cai los kav sawv daws.







    Thawj thawj pab Xib Hwb thiab Phauj kawm tiav hauv TP. Nyiaj Pov, xyoo 1963 lub 8 hli.

    Sab lauj rau xis:

    1- Txoov Yeeb Yaj
    2- Nyiaj Lwm Vaj
    3-Fav Tswb Lauj
    4- Vam Thaiv Lauj
    5- Txiv Tswv Qhia Vees cam
    6- Nkaj Teev Lis
    7-Zoov Ntxheb Yaj
    8- Txiv Plig Nyiaj Pov
    9- Tsab Xov Tshaj
    10-Nom Rwg Yaj
    11- Rhia Lauj
    12- Diav Yaj
    13- Txiv Plig Soob Leej;
    14- Mos Xyooj


    Yaj Tshuas Rwg, Fab Kis teb.
    Blog: Txiaj Ntsim
    Lundi 11 janvier 2010



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 5th February 2010, 10:04 am









    Lub 1 hlis ntuj 1950:

    Txiv Plig Nyiaj Pov tuaj xyuas Hmoob thawj zaug nyob Roob Nyuj Qus. Tsis tau pom dua Hmoob li, hnov lawv tham xwb. Nws tsis npaj nyiaj, tsis ntim mov li. Nws thiab ib tug Xib Hwb Nplog npe hu ua Theung cia li caij tsheb kauj vab nram Moos Loob mus rau Roob Nyuj Qus. Thaum nce toj ces tsis zoo caij tsheb kauj vab, thiaj thawj nce toj 4h, tshav kub kub, tsis tau dej haus, tsis tau noj tshais noj hmo li. Vim pw tog kev xwb tsis npaj nyiaj thiab ntim su taug kev.

    Txiv Plig Nyiaj Pov hlob luaj li ( 26xyoo), tsis tau taug kev ib zaug nce toj npaum li zaum no nws nce Rooj Nyuj Qus.



    Niam Neej Tub Thoj,
    XH. Thoj Xyooj niam,
    Txoov Neeb, Caiv Vas thiab Thaj Npis lawv pog.
    Kuv hais cov xeeb ntxwv nyob Fab Kis teb xwb, tshua cov nyob USA kuv tsis paub npe, thov zam lub txheej.

    Txiv Plig thawj pluag mov Hmoob yog noj hauv Niam Neej Tub Thoj tsev. Cov neeg zos mus teb tag lawm, tshuav niam Neej Tub laus laus nyob hauv tsev xwb. Thiaj mus thov nws ua mov rau lawv noj. Nws tsis hais ib los lus li, tab sis rau siab ntso ua zaub ua mov. Nws muab ib lub zaub pob txhoov kib hauv lub yias. Nws muab tsaws txawb hauv av, nws daus ib choo mov txawb hauv av thiab. Nws muab 3 rab diav ntoo tso rau saum lub choo, nws hais rau tus Mab Daum, Theung thiab Txiv Plig Nyiaj Pov tias: "Cees Khob"==> lus Nplog=Noj mov. Ces Txiv Plig lawv zaum ib cov tog siab li ib dos noj mov hauv av. TP. pom lub yias dub dub li tab sis nws kuj zoo siab heev, vim tsis tau noj tshais noj hmo li thiab tseem nce toj thawb tshe tau ib tav su los lawm thiab.

    Txiv Plig pom Hmoob thawj thawj zaug:

    Hnov luag tej tham xwb, xav tias Hmoob zoo li cas, ntshe phem phem dab tuag. Pom lawv muaj xya yim leej txiv neej hluas ntxhias los teb los, tham nrov tse thiab xyiv fab cus plaws los. "Txiv Plig ntsia ua cas Hmoob yuav zoo nraug ua luaj li!" Thawj tug Hmoob tuav TP. tes yog Thoj Tswv Ntxaij. Nws tuav thiab hais tias: "Xab npais dis Thanh"= Bonjour Monsieur= Goob Morning Sir, yam hwm TP. heev.



    Thoj Tsav Ntxaij





    Yawg Txawj Tswv tua ib tug qaib sis thiab muab ncej puab rau TP. noj thawj zaug.


    Tim 17/5/1950:

    Txiv Plig Nyiaj Pov phaj nra mus nyob Roob Nyuj Qus.

    Luv 5 hli 1950, Tsa Txiv Plig thawj lub tsev nrog Hmoob nyob.
    Muab ib chav ua tsev kawm ntawv, ib chav ua tsev teev Ntuj, ib chav rau TP. pw, ib chav rau Yeeb thiab Hwj pw, ib chav ua mov.







    Duab nov tsis yog Roob Nyuj Qus tsev kawm ntawv, lam tso duab phim xwb.



    Luv 7 hli 1950,
    Pib qhia ntawv rau 20 leej me nyuam Hmoob.


    lub 2-3 hlis ntuj 1951,

    Qhia kev Ntseeg thawj thawj zaug rau Hmoob. TP. Thov Leej Tswv Yim Ntshiab tib sis los pab nws kom nws txhob hais lus yuam kev. Nws tau mus hu cov txiv tsev tuaj, nws tham HT Yes Xus lub neej thiab kev ntseeg rau lawv. TP. paub lus Hmoob tsis zoo pes tsawg, thaum nws txog Vees Cam, nws mus Phas Nyas Tub Npis tham. Tub Npis hais rau nws tias Yes Xus mas yog Ntxwg Nyug, vim hais zoo ib yam. Ces Txiv Plig xav tias los lus Ntxwg Nyug= Huab Tais. Ces TP. tau hais kom Hmoob tso dab tseg es mus teev Ntxwg Nyug...Ces Hmoob hais rau TP. Tias: " Aub! Ntxwg Nyug mas peb ntxub heev, yog koj tseem teev Ntxwg Nyug htiab mas peb yuav tsis kam ua Ntuj Kev Cai li!"

    Tis npe:

    Tib lub caij ntawd 2-3 Hlis Ntuj 1951, Yaj zam Nob, Tsab Xaiv Vas thiab Tsav Ntxaij Thoj thiaj tau tua ib tug npua, tis npe rau TP. hu ua Nyiaj Pov no.



    Thoj Qhua Xab tab tom saib:
    Thawj thawj phau ntawv Hmoob.
    Yog piav txog Yes Xus lub neej.
    Muaj 12 nploog, duab thiab sau ntawv lo rau.


    Lub 3 hlis 1953 tau mus xaiv Ntawv Hmoob Thoob Teb nrog Mole thiab Done nyob Moos Loob nrog rau Thoj Hwj thiab Yaj Yeeb.



    Yaj Yeeb&Thoj Hwj.


    Christmas 1953:
    Yaj zam Nob txiav txim siab los ua Ntuj Kev Cai.

    Tim 15 lub 8 hli 1954:

    Yaj Zam Nob tsev neeg, Yaj txawj Tswb tsev neeg, Yaj Yeeb thiab Thoj Hwj txais lub Cim Ntxuav. Yog thawj thawj pâb Hmoob Nplog teb txais lub Cim Ntxua ua Ntuj Kev Cai Kas Tos Liv. Lub noob faj khaum me me tab sis nws loj hlob los ua ib tsob ntoo loj heev.

    Qab xyoo 1954:

    Thawj zaj nkauj Hmoob seev suab yog zaj "Poj Huab Tais".



    Thawj lub tsev Teev Ntuj Hmoob Nplog teb.

    Xyoo 1955 xab thawj pab Xib Hwb mus kawm nyob Pak Sane.


    Last edited by Maiv Tooj on 1st December 2010, 4:22 am; edited 4 times in total



    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1919
    Date d'inscription : 2009-10-16

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Mim on 6th February 2010, 10:33 am

    Tais Tooj,

    Saum daim duab saud, koj tso "Thoj Hwj thiab Yaj Yeeb" tiam sis tsis yog Thoj Hwj os, tus hnav Hmoob ntawd yog Xyooj Tsuj Rwg os.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1919
    Date d'inscription : 2009-10-16

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Mim on 10th February 2010, 3:37 pm

    Tais Tooj, ua cas yog koj hloov daim duab lawm los yog kuv qhov muag txaij lawm naj... Hnub i kuv pom zoo li txawv no na, cas hnub no ho yog Thoj Hwj tuaj lawm ne?... Ntshai yog kuv tsis saib zoo pob lod?!....
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 10th February 2010, 6:06 pm

    Mim wrote:Tais Tooj, ua cas yog koj hloov daim duab lawm los yog kuv qhov muag txaij lawm naj... Hnub i kuv pom zoo li txawv no na, cas hnub no ho yog Thoj Hwj tuaj lawm ne?... Ntshai yog kuv tsis saib zoo pob lod?!....

    Nyob zoo Mim,

    Hahahha...! Tsis yog koj qhov muag txaij os, koj hais tag ces kuv twb hloov duab lawm, tab sis tsis khoom rov los hais qhia koj xwb. Ua tsaug nawb mog. Nws khoom no maj mam npaj nws zaj thiab nawb, yog ib qho tseem ceeb heev rau lub Tsev nov.

    Ua tsaug.



    avatar
    Admin
    Admin

    Messages : 221
    Date d'inscription : 2009-08-05

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Admin on 16th February 2010, 9:23 am

    Maiv Tooj wrote:
    Mim wrote:Tais Tooj, ua cas yog koj hloov daim duab lawm los yog kuv qhov muag txaij lawm naj... Hnub i kuv pom zoo li txawv no na, cas hnub no ho yog Thoj Hwj tuaj lawm ne?... Ntshai yog kuv tsis saib zoo pob lod?!....

    Nyob zoo Mim,

    Hahahha...! Tsis yog koj qhov muag txaij os, koj hais tag ces kuv twb hloov duab lawm, tab sis tsis khoom rov los hais qhia koj xwb. Ua tsaug nawb mog. Nws khoom no maj mam npaj nws zaj thiab nawb, yog ib qho tseem ceeb heev rau lub Tsev nov.

    Ua tsaug.

    Hehehe, neb cas tham txaus luag ua luaj.

    Maiv Tooj , koj cov info txog Txiv Plig Nyiaj Pov mas tham tas los tseem xav tham, nyeem tas los tseem xav nyeem, zoo heev, peb yuav tau khaws tseg ua Hmoob Keeb Kwm ntawm txoj kev ntseeg. Txoj Nkauj " Poj Huab Tais" yog Hmoob thawj txoj nkauj, li no Niam Mab Liab thiaj ua rau Hmoob lub neej tsim txiaj thiab Hmoob lub siab tus lawm tiag.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 22nd February 2010, 5:02 am

    Admin wrote:
    Maiv Tooj wrote:
    Mim wrote:Tais Tooj, ua cas yog koj hloov daim duab lawm los yog kuv qhov muag txaij lawm naj... Hnub i kuv pom zoo li txawv no na, cas hnub no ho yog Thoj Hwj tuaj lawm ne?... Ntshai yog kuv tsis saib zoo pob lod?!....

    Nyob zoo Mim,

    Hahahha...! Tsis yog koj qhov muag txaij os, koj hais tag ces kuv twb hloov duab lawm, tab sis tsis khoom rov los hais qhia koj xwb. Ua tsaug nawb mog. Nws khoom no maj mam npaj nws zaj thiab nawb, yog ib qho tseem ceeb heev rau lub Tsev nov.

    Ua tsaug.

    Hehehe, neb cas tham txaus luag ua luaj.

    Maiv Tooj , koj cov info txog Txiv Plig Nyiaj Pov mas tham tas los tseem xav tham, nyeem tas los tseem xav nyeem, zoo heev, peb yuav tau khaws tseg ua Hmoob Keeb Kwm ntawm txoj kev ntseeg. Txoj Nkauj " Poj Huab Tais" yog Hmoob thawj txoj nkauj, li no Niam Mab Liab thiaj ua rau Hmoob lub neej tsim txiaj thiab Hmoob lub siab tus lawm tiag.

    Nyob zoo Admin,

    Yog kawg, Poj Huab Taius ua Hmoob lub neej tsim txiaj, ua Hmoob lub siab Tus, Hnub no peb thiaj tuaj xyuas NWS. Thov Niam Mab Liab peb Es Vas tej me nyuam, kom txhob khuam ntiaj teb no coob coob.


    Saib Video, TP. Nyiaj Pov mus pib txhim kho Hmoob lub neej nyob Los Tsuas teb.


    Txiv Plig Nyiaj Pov Roob Nyuj Qus. 1950 a



    Txiv Plig Nyiaj Pov Roob Nyuj Qus. 1950 b




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj on 3rd June 2010, 8:58 am



    Keeb Kwm Hmoob Kav Tos Liv (Catholic)


    Tus Chiv Keeb Kwm Txiv Plig Nyiaj Pov (Yves Bertrais)

    Leej twg yog tus chiv thiab yog vim li cas?

    Txiv Plig Nyiaj Pov (Fr. Yves Bertrais) yug hnub tim 30 lub 7 hli, xyoo 1921, nyob hauv ib tsev neeg ntseeg txog Yes Xus, nyob lub zos Prinquiau ze Nantes, Fuaj Kuj teb. Nws txiv hu ua Louis Bertrais, nws niam hu ua Lucie Cochard. Txiv Plig Nyiaj Pov yog tus tub hlob. Nws muaj Plaub tug kwv, Plaub tug muam.

    Thaum Txiv Plig Nyiaj Pov muaj 12 xyoo, muaj ib hnub lub xyoo kawg uas nws kawm ntawv nyob hauv lub zos nws yug los, Txiv Plig Nyiaj Pov tau hnov Tswv Ntuj lub suab tshoj nws lub siab kom nws npaj lub neej mus tshaj Yes Xus lub Moo Zoo rau pej kum teb, rau tej haiv neeg uas tseem tsis tau paub Yes Xus. Vim qhov ntawd, thiab vim nws tso siab tias yog txoj kev uas Ntuj npaj rau nws taug, nws thiaj tuaj txog Los Tsuas teb.

    Vim li cas Txiv Plig Nyiaj Pov thiaj tuaj nrog Hmoob nyob? Yog vim Txiv Plig Nyiaj Pov taug txoj kev uas nws tau hnov Tswv Ntuj npaj tseg rau nws. Txiv Plig Nyiaj Pov thiaj tau ncaim nws lub teb chaw tuaj mus rau pej kum teb. Txiv Plig Nyiaj Pov tuaj txog rau Paj Xas, Los Tsuas teb lub 2 hlis ntuj, tim 16, xyoo 1948. Hnub tim 21 lub 1 hlis, xyoo 1950, Txiv Plig Nyiaj Pov tuaj txog rau Moos Loob (Luam Phab Npas).

    Nyob ib ncig ntawm Luam Phab Npas, muaj ntau haiv neeg nyob xws li: cov Los Tsuas, cov Khab mub, cov Co ( Yao ), cov Hmoob (thaum ntawd nws tsuas paub Hmoob lub npe hu ua Miao no xwb). Muaj ntau haiv neeg, ces Txiv Plig Nyiaj Pov tus tswj yuav kom Txiv Plig Nyiaj Pov txiav txim siab saib nws yuav mus nrog haiv neeg twg nyob.

    Thaum Txiv Plig Nyiaj Pov mus xyuas txhua haiv neeg tas lawm, nws thiaj tau txiav txim siab tias nws yuav mus nrog Hmoob nyob pem ib lub zos hu ua Roob Nyuj Qus. Ces hnub tim 17 lub 4 hli xyoo 1950, Txiv Plig Nyiaj Pov thiaj tau tuaj nrog Hmoob nyob kiag los txog rau niaj hnub no.

    Mus nrog Hmoob nyob zoo li cas?

    Thaum Txiv Plig Nyiaj Pov mus txog rau pem Hmoob zos, mas thawj yim Hmoob uas txais Txiv Plig Nyiaj Pov los nyob rau hauv lawv tsev hu ua Yaj Txiaj Tswb uas yog Yaj Zam Nob txiv.

    Txiv Plig Nyiaj Pov nrog lawv nyob tau 3 lub hlis ces cov neeg hauv zos thiaj tuaj pab ua tau ib lub tsev rau Txiv Plig nyob. Lub sij hawm ntawd lub zos Hmoob tsis to taub hais tias yog vim li cas Txiv Plig Nyiaj Pov thiaj li xav nrog lawv nyob, vim yog Txiv Plig yog ib tug Txiv Plig, ho lawv yog ib cov Hmoob teev dab qhuas thiab lawv tsis xav txais kev ntseeg. Tsis tas li ntawd, Yaj Txiaj Tswb thiab Yaj Zam Nob (uas yog yim neeg Hmoob uas xub txais Txiv Plig Nyiaj Pov mus nrog lawv nyob) puav leej yog ob tug txiv neeb txiv yaig nyob hauv zos.

    Txiv Plig Nyiaj Pov yeej paub tias Hmoob tsis kam txais kev ntseeg sai tab sis nws tuaj yeem ua siab ntev nrog Hmoob nyob.

    Txiv Plig pib kawm lus Hmoob, kawm Hmoob tej kev coj noj coj ua, kev lis kev cai thiab tej dab neeg. Nws pom hais tias kawm lus Hmoob mas tsis yooj yim vim Hmoob tsis muaj ntawv. Ces Txiv Plig Nyiaj Pov thiaj pib tsim ib cov ntawv los pab nws, kom nws khaws tau tej lus Hmoob uas nws kawm tseg. Nws nrog Hmoob nyob, nws xyaum coj lub neej thiab tus yam ntxwv zoo li Hmoob. Ces los txog rau xyoo 1951 cov laus neeg hauv lub zos uas nws nyob thiaj li tua ib tug npua, ua ib roog mov los tis ib lub npe Hmoob rau Txiv Plig Bertrais hu ua NYIAJ POV. Txij hnub ntawd los, Hmoob sawv daws thiaj hu Txiv Plig ua " Txiv Plig Nyiaj Pov ".

    Tsim Ntawv Hmoob RPA (Romanized Popular Alphabet)?

    Tib lub sij hawm uas Txiv Plig Nyiaj Pov tuaj nrog Hmoob nyob pem Roob Nyuj Qus, mas kuj muaj lwm cov neeg pej kum teb tuaj qhia txog kev ntseeg Yes Xus (Plos Tes Tas - Prostestant) rau cov Hmoob nyob rau lwm lub zos thiab.

    Txiv Plig Nyiaj Pov hnov hais tias muaj ib tug Xib Hwb Mem Kuj (American - Protestant) tuaj tshaj Yes Xus lus Moo Zoo nyob hauv cov zos Hmoob nyob xeev Khuam thiab tus Xib Hwb ntawd nws kuj muaj nws cov ntawv Hmoob thiab.

    Txij hnub Txiv Plig Nyiaj Pov hnov cov xwm zoo ntawd los, nws niaj hnub nrhiav kom tau txoj kev mus cuag cov Xib Hwb Plos Tes Tas thiab xav nrog lawv tham txog ib cov ntawv Hmoob. Ces Xyoo 1953, lub 4 hli ntuj Txiv Plig Nyiaj Pov thiaj teem tau ib lub caij mus ntsib lawv.

    Cov tau tuaj nrog Txiv Plig sib tham yog muaj yawg Dr. Linwood Barney , uas yog ib tug Xib Hwb Plos Tes Tas (Protestant), yawg Dr. William Smalley , uas yog tus kws txuj paub tsim tib neeg cov lus thiab cov txuj qog lo lus, thiab ob tug tub hluas Hmoob, YAJ Yeeb thiab THOJ Hwj, nrog Txiv Plig Nyiaj Pov nyob pem Roob Nyuj Qus.

    Ua ntej lub rooj sab laj, nyias kuj muaj nyias cov ntawv, tiam sis, dhau lub rooj sab laj, sawv daws pom zoo thiab sib cog lus yuav los siv ib hom ntawv xwb, yog cov ntawv Hmoob R.P.A (Romanized Popular Alphabet).

    Yog vim tsis siv ib hom xwb mas, yuav muaj ntau yam ntawv ces kev siv ntawv Hmoob mus los yuav tsis yooj yim. Los txog rau xyoo 1997, Txiv Plig Nyiaj Pov lawv sawv daws thiaj rov muab ib lub npe tshiab rau cov ntawv Hmoob hu ua "Ntawv Hmoob Thoob Teb", Vim lawv pom tias hom ntawv Hmoob no ri mus deb zuj zus thiab tsoom Hmoob siv nyob tas ntiaj teb lawm.

    Txij xyoo 1953 los, Txiv Plig Nyiaj Pov thiaj li pib tsim ib cov phau ntawv qhia xyaum nyeem thiab sau lus Hmoob. Txiv Plig Nyiaj Pov mam li pib qhia ntawv rau cov Hmoob nyob Roob Nyuj Qus thiab ib thaj tsam nyob tsis deb tsis ze ntawm lus zos ntawd.

    Coj kev ntseeg mus rau Hmoob zoo li cas? Txij xyoo 1954 los rau xyoo 1959 tsuas muaj li 5 los 6 yim Hmoob txais kev ntseeg Yes Xus xwb. Txiv Plig Nyiaj Pov kuj pib txhais Yes Xus lub Moo Zoo ntau zaj los ua lus Hmoob. Txij li xyoo 1959, cov Hmoob nyob rau lwm lub xeev hnov txog Yes Xus lub Moo Zoo thiab pib kawm cov ntawv Hmoob, mas ntau yim thiaj zoo siab los txais kev ntseeg txog Yes Xus thiab xav kawm ntawv Hmoob.

    Los txog rau xyoo 1958, ib cov Txiv Plig Is Tas Lias tuaj nyob rau Moos Loob, lawv rau siab kawm lus Hmoob kawg nkaus thiab lawv tsim tau ib cov tsev kawm ntawv qhia cov tub cov ntxhais Hmoob kawm ntawv Hmoob.

    Tib lub sij hawm ntawd, ntau lub zos Hmoob tau txais kev ntseeg txog Yes Xus. Txij thaum ntawd los thiaj li muaj cov tub hluas uas tuaj nrog cov Txiv Plig nyob thiab kawm ua Xib Hwb, kom xwv lawv thiaj tau tshaj Yes Xus lub Moo Zoo rau Hmoob. Ces Yes Xus lub Moo Zoo thiaj li nthuav mus deb zuj zus rau ntau lub zos Hmoob nyob Los Tsuas teb.

    Vim Li cas ib cov neeg tshaj Ntuj lus, thiaj ho yuav qhia ntawv Hmoob zoo li ntawd?

    Paub ntaub paub ntawv, mas yog txoj kev sib fim thiab sib sau ntawv mus los sib cuag. Tsis tas li, nyob hauv tej hauj lwm qhia kev ntseeg los kuj yuav tau siv ntawv Hmoob vim yuav qhia ua lus Hmoob. Nyob rau Los Tsuas teb ntau zaus, cov ntseeg txog Yes Xus yog cov paub ntawv Hmoob, ces lawv yog cov qhia ntawv Hmoob rau cov tseem teev dab qhua.

    Peb tsoom Hmoob txhua leej txhua tus yuav tau nco ntsoov Txiv Plig Nyiaj Pov (Fr. Yves Bertrais) cov txiaj ntsim. Txiv Plig Nyiaj Pov tau siv tas nrho nws lub neej los pab peb cov Hmoob. Nws pab tsim tau cov ntawv Hmoob rau peb sawv daws siv, kom xwv peb tau xa xov mus los sib cuag, vim peb Hmoob tsis tau muaj ntawv uas yog peb tug.

    Niaj hnub no, peb Hmoob siv Txiv Plig Nyiaj Pov cov ntawv Hmoob Thoob Teb (Hmong RPA) mus puv qab ntuj. Tsis hais nyob Tuam Tshoj teb, Thaib Teb, Los Tsuas teb, Cob Tsib teb, los yog nyob rau cov teb chaw vam meej, kwv tij neej tsa Hmoob sawv daws puav leej siv cov Ntawv Hmoob Thoob Teb no.

    Cov tsev qhia ntawv theem qis mus txog theem siab los puav leej siv cov ntawv Hmoob Thoob teb no. Peb ris Txiv Plig tej txiaj ntsim, peb ua Txiv Plig tsaug. Peb muaj hmoo, cov ntawv Hmoob Thoob Teb no tau pab peb tsoom Hmoob raws tau kev vam meej yooj yim, peb thiaj tsis tau tsim dua cov tshuab hlwb hlau tshiab, peb cia li siv luag neeg vam meej cov tshuab los sau peb Hmoob tus ntawv tau raws peb siab nyiam.

    Written by Kou Ly
    Reviewed and Edited by Xia Vue Yang and Paj V. Yang
    Source: "Tsim Ntawv Hmoob Thoob Teb Zoo Li Cas?" by Fr. Yves Bertrais (Txiv Plig Nyiaj Pov) 1991




    Sponsored content

    Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Sponsored content


      Current date/time is 23rd August 2017, 4:10 pm