Tsov tsis kam tom Leej Ntshiab Blandine

Leej Ntshiab Blandine yog ib tug ntxhais nyob Lyon txheej 177 tom qab Yes Xus Yug. Nws tau poob cev qhev rau cov Los Mas lub sawm fem caij tsuj cov neeg ntseeg Catholic. Thaum lub 7 hli xyoo 177, cov Los Mas ntes 47 leej neeg ntseeg coj mus tsim txom thiab tua. Muaj Tswv Qhia Lyon, Leej Ntshiab Potin, tus tsim thawj lub tsev teev Ntuj nyob Fab Kis teb, uas tam sim nov yog lub Tuam tsev teev Ntuj Primatial Saint Jean Baptiste.

Lawv ntes cov neeg mus kaw thiab tsim txom, tag nrho 47 leej ntawd ces lawv muab pos pa taws tuag thiab ntau tuag rau tim Fouvière. Leej Ntshiab Blandine tsis kam tso nws txoj kev ntseeg tseg, nws yeem tuag yog yuav thim, nws tsis kam tom nws cov phooj ywg ces nws thiaj li raug ntes thiab tsim txom. Nws seem tuag ntawm txoj kev tsim txom, lawv muab nws khi cuam qha hluav taws los nws tssi tuag, lawv ua li cas los nws tsis tuag ces lawv thiaj li coj nws los rau sab tim Croix Rousses, coj los pov rau hauv lub loog tsov ntxhuav, rau tsov noj no tab sis thaum lawv tso cov tsov los, ces tsov cia li los pw ntawm nws ib sab li cov dev mloog lus xwb, tsis tom nws. Ces lawv saib nws tsis tuag, lawv thiaj li muab nws khi ntim rau hauv ib lub vas, muab rau cov heev nyuj qus nrau thiab cuam kub tab sis Leej Ntshiab Blandine kuj tsis tuag thiab. Lawv thiaj li muab ntaj txais thaum nyuj pov nws los hno nws, nws thiaj tuag lawm.

Hnub no kuv tau mus ncig thaj chaw ntawm uas lawv muab Leej Ntshiab Bladine pov rau tsov noj mas tu siab kawg nkaus. Tej chaw tseem nyob li qub, pom txoj kab uas tsov los tib si, pom lub nkuaj uas lawv kaw tso tib si los rau tej chaw uas tsov los nrog nws nyob mas tu siab kawg nkaus.

wow.....Maiv Tooj, cas koj yuav piav tau Leej Ntshiab Blandine zaj keeb kwm txaus nsthai ua luaj li thiab ,.....Vuag es nim muaj tej zaj keeb kwm zoo tag npaum no, ua li cas neeg mas tsim txom lwm tus neeg npaum cas los tsis txaus txog ntua qhov xuas hmuv nkaug huav siab kiag kom tas xwb, phem tshaj qhov phem li uas hais tau li lawm, txaus nsthai kawg li os, sim neej no yus es twb tsis tau raug tsim txom npaum ntawv yus twb uv tsis taus lawm, thov Tswv Ntuj txhawb peb neeg me ntiaj teb kom muaj lub peev xwm uv neeg phem kev lim hiam ib yam Leej Tshiab Blandine .

Nyob zoo Maiv Paj Lug,

Neeg ntshaw hwj chim, neeg tsim txom neeg nyob ntiaj teb, tab sis thaum dhau ntiaj teb lawm, yuav tsis muaj ib tug lub hwj chim yuav loj tshaj ib tug, peb txhua leej yuav zoo tib yam nkaus lawm xwb. Tu siab kawg uas neeg los qev lub ntiaj teb nyob ib vuag xwb los nyias nim yuav khav nyias loj, nyias zoo es twb tsis nrhiav kev thaj yeeb kom tsim nyog s hla ntyiaj teb ib lw.

Kuv tso cov duab uas kuv mus txog kiag ntawm chaw, tseem pom tus ncej uas lawv muab Leej Ntshiab Bandine los com rau tsov ntxhuav noj thiab pom cov qhov rooj uas lawv tso tsov los tib si.

Xa tsis tau duab, ib tsam mam rov tuaj tso dua.

Ua tsaug mt uas koj tseem qhia txog leej ntshiab Blandine rau peb paub tau kawm os aws nawb peb ces tsuas tau pom cov duab lawv ua video lawm xwb tiam sis tsi paub meej .nej yog cov nyob rau lub teb chaw ntawd mas nej tau pom tej me kab lw mas txaus tu siab kaws os nawb.ua li ntaw los vim txoj kev ntseeg xwb .rhawv rau peb tau paub tau kawm nws yog ib yam muaj nuj nqi heev rau yug .nyob peb sab teb chaw lawv kuj hais txog qhov ib yam li cov tp xh thaum ntej txoj kev ntseeg nyuam qhuav pib tuaj nws kuj muaj ntau tug raug kev tsim txom ntau heev .lawv muab tej pob zeb tsoo kom ua kub ua kaus .mas kom sawv daws los mus txhos caug ntaw.nws kuj muaj tej tug tau raug txiav ciaj dab tug lawm kuj muaj.ntawm txoj kev ntseeg nws yog ib kev uas txom nyem heev kawg .tiam sib nws yuav tau txais paj tshiab nyob saum ntuj.

Maiv Tooj wrote:

Nyob zoo XH.NTxoov Tsab,

Thaum nyob deb li nej mas mloog luag tham txog cov Leej Ntshiab lub neej tej chaw mas zoo li mloog dab neeg xwb, tab sis zaum no peb tuaj txog lub teb chaws Niam Koom Txoos lawm mas peb tau mus tsuj, mus ncig cov Leej Ntshiab tej qub hneev taw kiag tias.
Yog kawg, lub Koom Txoos yeej muaj kev caij tsuj thiab tsim txom txheej dhau txheej, tiam dhau tiam; tsis hais nyob qhov twg los puav leej muaj kev cov nyom. Tab sis muaj Tswv Ntuj lub yeej koob yeej huam roos nws haiv neeg ces txawm yuav rhuav tshem npaum li cas los txog hnub kawg ces yeej yuav yeej tas li xwb. Thiab thaum muaj Tswv Ntuj nrog yus lawm mas tej kev tsim txom cia li tsis ua rau yus mob lawm, txom nyem npaum li cas los yeej nyiaj taus li.



Lawv muab xov lawm, tsis pub neeg nkag mus hauv ces kuv lam nyob ntawm ib sab thaij duab.



Tus ncej uas com Leej Ntshiab Blandine, yog tus nyob hauv plawv loog.



Lawv qheb tsov pem lub qhov rooj xov ntxaij ped los tom neeg rau lawv ntsia. Cov neeg tuaj zaum saum cov theem ntaiv zeb saib tsov tom cov neeg raug txim, dua cov neeg raug txim noj ua kev lom zem.

.nyob zoo os niam hlob ua tsaus uas koj tseem thaij tau tej chaw ntawd rau peb tau saib nawb eg neb nyob puag ze rau lub nroog yeslusxasles. Nav lov thiab nej puas muaj cov video hais txog cov leej ntshiab ntawd lub neej ua lug hmoob nav lov .

Nyob zoo XH.Ntxoov Tsab,

Peb nyob deb ntawm Yes Lus Xas Les heev thiab, yog yuav piv rau Cob Tsib teb mas peb ho nyob ze dua. Hais txog cov Leej Ntshiab nyob Yes Lus Xas Les mas kuv tseem trsis tau muaj caij nrhiav, tab sis mam ho nug Mim los XH. Npuag Tub nkawd seb nkawd puas muaj tej zaj coj tuaj tso rau peb nyeem.

Txoj kev ntseeg, yuav peem tsheej ib txoj kev ntseeg tseem ceeb mas yuav tsum yog muaj Huab tais Ntuj nrog. Vim neeg lub siab tsis xav ib yam thiab ntshaw hwj chim, siv hwj chim.

XH.Txawj Tuam, yog raws li siab xav, peb muaj coob leej tuaj sib koom tes nrhiav Tswv Ntuj txoj kev hlub mas peb yuav tshawb tau ntau yam zoo heev los qhia rau sawv daws. Tab sis qoob loo ntau, tub zog tsawg ces ua dab tsi los ua tsis tau li siab xav, thiaj li ua ib qho tsis cuag ib qho, ib qho tsis ncav ib qho. Li cas los peb yeej tssi tag kev cia siab, cia peb mam ua ntsaum kwv pleb seb ntev mus peb mus tshawb puas txhij puas txhua tuaj qhia rau Peb Tsoom Hmoob.

Maiv Tooj wrote:

Nyob zoo XH.Ntxoov Tsab,

Peb nyob deb ntawm Yes Lus Xas Les heev thiab, yog yuav piv rau Cob Tsib teb mas peb ho nyob ze dua. Hais txog cov Leej Ntshiab nyob Yes Lus Xas Les mas kuv tseem trsis tau muaj caij nrhiav, tab sis mam ho nug Mim los XH. Npuag Tub nkawd seb nkawd puas muaj tej zaj coj tuaj tso rau peb nyeem.

Txoj kev ntseeg, yuav peem tsheej ib txoj kev ntseeg tseem ceeb mas yuav tsum yog muaj Huab tais Ntuj nrog. Vim neeg lub siab tsis xav ib yam thiab ntshaw hwj chim, siv hwj chim.

XH.Txawj Tuam, yog raws li siab xav, peb muaj coob leej tuaj sib koom tes nrhiav Tswv Ntuj txoj kev hlub mas peb yuav tshawb tau ntau yam zoo heev los qhia rau sawv daws. Tab sis qoob loo ntau, tub zog tsawg ces ua dab tsi los ua tsis tau li siab xav, thiaj li ua ib qho tsis cuag ib qho, ib qho tsis ncav ib qho. Li cas los peb yeej tssi tag kev cia siab, cia peb mam ua ntsaum kwv pleb seb ntev mus peb mus tshawb puas txhij puas txhua tuaj qhia rau Peb Tsoom Hmoob.

. Ua tsaug os nawb yog muaj caij no ho nrhiav tuaj tso rau peb tau nyeem os nawb .peb txoj kev yeej yog li koj hais lawm os peb tuab neeg ntseeg muaj ntau tiam sis cov nyiam tshawb nrhiav tswv ntuj txoj kev mas muaj tsawg .los mas tiam sis kuv vam tias yeej ua tau ntau yam os nawb maj mam ua ntsaum kwv plev os nawb txoj kev uas tau txoj sia tseg neeg nrhiav tsaws yam uas tau kev lom tau nyiaj txog yam sab qaij tawv mas nws muaj coob.