Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


  • Post new topic

Kev nug thiab sib qhia txhiaj li txawj "SIB COJ NOJ SIB QHIA HAUS"

Share
avatar
Tub ntsuag
Phooj Ywg
Phooj Ywg

Messages : 136
Date d'inscription : 2011-10-06

Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Tub ntsuag on 22nd December 2011, 4:37 am


SIB COJ NOJ SIB QHIA HAUS

Nyob zoo ib peb tsoom phooj yws hmov tshua,

Kuv thov nus tias piv xam li muaj ib pluag noj tuab neeg coob dhau lawm tiam sis piv xam li yog kev sib noj koom siab koom ntsws; tiam sis neeg coob dhau muab cov poj niam tshem tsis yuav nyob nrog cov txiv neej mam li sib qee ntawm cov zaub noj ntawd rau hauv vaj hauv tsev eg cov poj niam me nyuam noj hauv vaj hauv tsev xwb tses yog koom siab lawm los. Yog txawm ntau thiab tsaws los qhov ntawd yog kev koom siab koom ntsws lawm tses sawv daws noj nyob ua ke qab los sawv daws noj tsuag los sawv daws haus mas lov. nov yog los nus .
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5252
Date d'inscription : 2009-08-18

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Maiv Tooj on 22nd December 2011, 5:06 am



Nyob zoo XH.Ntxoov Tsab,

Koj cov lus nug nov yog ib qho zoo kawg nkaus rau Peb Hmoob lub neej.

Kuv yuav teb koj li kuv pom, kuv ua, thiab kuv paub. Yog qhov twg tsis txog, tsis txaus los lwm tus mam ho tuaj tham ntxiv.

Ib txwm Peb Hmoob ua neej, kev neej kev tsav hlob, tsev dab tsev qhua loj, Peb Hmoob noj haus nchuav nthwv.

Thaum ub:

Peb Hmoob yog ib haiv neeg uas muaj hmoo tshaj ntau haiv neeg hauv ntiaj teb no, vim cov poj niam Hmoob muab lawv cov txiv, muab cov txiv neej saib hlob. Thaum khwv mas qhov ntau yog cov poj niam khwv dua (tab sis zoo li Hmoob Cob Tsib thiab Hmoob Suav tsis zoo li ntawd), cov poj niam yog cov tuaj txoj hauj lwm nyhav thiab tsau tsuv txoj hauj lwm txhua lub sij hawm. Tab sis thaum noj mas lawv muab cov txiv neej rub rau lub sam xeeb, qhov zoo qhov qab muab rau cov txiv neej noj ua ntej, seem li cas cov poj niam me nyuam mam li noj tom qab. Tej thaum nqaij hno tsawg mas cov poj niam twb tsis tau ib daig noj li, lawv haus cov qub kua uas cov txiv neej noj seem xwb.

Zaum no:

Peb cov nyob Fab Kis teb, tuaj tau tshaj 30 tawm xyoo rau Fab Kis teb, kuv pom tias peb kuj hloov lawm hais txog kev noj haus, txawm yog noj mov sib koom siab, noj mov tshwj xeeb rau ib lub koob tsheej, tshopoob kos, Noj Tsiab, mov Khi Hlua, neeg txawm coob tsawg los peb yeej rau rau txiv neej poj niam, me nyuam noj ua ib ke. Tsuas yog qhov ntau ces nyias muaj nyias cov phooj ywg yuav nrog tham ces cov txiv neej ho pheej tau txav ua ke, cov poj niam ho txav mus ua ke, los yog cov txiv neej ho noj ib lub rooj, cov poj niam ho noj ib lub rooj, cov me nyuam ho noj ib lub rooj lawm xwb. Txawm yuav muaj ntau muaj tsawg los sib faib noj.

Muaj ib qho, yog chaw tsis txaus zaum mas peb tsis rau saum rooj, rau ntawm sawv daws xub ntiag zaum noj. Peb muab cov zaub mov tso tag nrho rau ib lub rooj loj, es nyias mam muab tais mus daus li nyias xav noj coj mus zaum nopj ib qho. Ua li nov mas zaub mov huv dua thiab tsis sem zaub mov, cov neeg noj los nws nqa nws tais mov ces nws xav nrog leej twg tham no nws nqa mus brog tus ntawd tham ib pliag ho hloov mus nrog lwm tus tham. Peb teb chaws Fab Kis, peb khwv khwv thiab peb tsis nyob ua zej ua zos, peb sib ntsib tsawg heev. Ces thaum muaj ib pluag noj, peb nyiam mus nrog tus ub tus no sib txuas lus, sib nug xov. Li ntawd kev rau mov ua ib rooj loj es nyias mam mus daus nyias mas yog ib qho zoo heev rau peb.

Tab sis nyob rau nej lub teb chaws, tej zaud yuav txawv peb lub neej ces nej yuav tau ua raws li nej lub neej kev coj noj coj ua thiab kab lis kev cai thiaj li yuav mus nyog yuav tau.

Piv rau luag pej kum neeg, cov uas lawv noj cais cov poj niam me nyuam mas lub neej yeej swv cov haiv neeg uas lawv tsa poj nuiam me nyuam siab ib yam li txiv neej.




avatar
Tub Kawm
Phooj Ywg
Phooj Ywg

Messages : 406
Date d'inscription : 2011-10-13

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Tub Kawm on 9th February 2012, 6:56 am



Nyob zoo tsoo phooj ywg txhua leej,

Hauv txoj kev ntseeg Tswv Ntuj uas nej nyob ze TP thiab LTH. Kuv nyob deb. Kuv thov nug txog ob peb nqai lus thov sawv daws pab teb rau kuv, vim kuv nyob deb Txiv Plig heev, thiab vim tias peb nyob sab sab no cov TP lawv yog cob tsib xwb peb tsi paub lus cob tsib txhij ces peb nrog TP cob tsib tham txhij tham txhua, kuv thiaj tau tuaj nug hauv cab sab no, kom yog nej leej twg paub no ho tuaj qhia peb cov nyob deb TP kom peb to taub.

(NTAWM NO YOG LUS NUG)

Nqai 1, piv xam li muaj ib tus neeg ntseeg ntuj, tiam si thaum ua neej nyob nws tseem tsi tau txais lub Cim Ntxuav es Nws cia li tso lub ntiaj teb no tseg lawm, lub Koom Txoos puag muaj cai rov ua lub Cim Ntxuav thaum nws txoj pa tu lawm?

Nqai 2, tus neeg tas sim neej ntawd nws tsis tau txais Lub Cim Ntxuav lub Koom Txoos puas muaj cai ua cov kab ke xa pli, los sis Teev Ntuj pab tus tuag ntawd?

Nqai 3, tus neeg ntawd tsis tau Txais Lub Cim Ntxuav tiam si yog nws cia li noj yeeb noj tshuaj tuag, LKT puas muaj cai Teev Ntuj pab, thiab ua cov kab ke xa plig?

Nqai 4, yog tias tus neeg tuag ntawd, nws tsev neeg ntseeg tas huv si. Tsuas yog Tshuav nws ib lees tsis tau los ntseeg, yuav ua li cas puas ua cov kab ke thiab Teej Ntuj pab?

Nqai 5, tus tuag ntawd nws txais Lub Cim Ntxuav lawm tiam sis yog nws civ txo nws txoj sia, puas muaj cai ua cov kab ke thiab Teev Ntuj pab?

Nqai 6, piv xam tus tuas ntawd tuag vim muaj kev tsi sib haum xeeb, es Nws li noj tshuaj tuag, puas muaj cai ua kab ke, Teev Ntuj rau?

Nqai 7, tus neeg ntawd yog nws hau dej hau cawv tuag puas ua cov kab ke rau? Li no xwb vam hais tias nej yuav tsis xav li cas rau tug nug. Thov kom sawv daws nyob kaj lug.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5252
Date d'inscription : 2009-08-18

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Maiv Tooj on 9th February 2012, 9:36 am

Txawj Tuam wrote:

Nyob zoo tsoo phooj ywg txhua leej,

Hauv txoj kev ntseeg Tswv Ntuj uas nej nyob ze TP thiab LTH. Kuv nyob deb. Kuv thov nug txog ob peb nqai lus thov sawv daws pab teb rau kuv, vim kuv nyob deb Txiv Plig heev, thiab vim tias peb nyob sab sab no cov TP lawv yog cob tsib xwb peb tsi paub lus cob tsib txhij ces peb nrog TP cob tsib tham txhij tham txhua, kuv thiaj tau tuaj nug hauv cab sab no, kom yog nej leej twg paub no ho tuaj qhia peb cov nyob deb TP kom peb to taub.

(NTAWM NO YOG LUS NUG)

Nqai 1, piv xam li muaj ib tus neeg ntseeg ntuj, tiam si thaum ua neej nyob nws tseem tsi tau txais lub Cim Ntxuav es Nws cia li tso lub ntiaj teb no tseg lawm, lub Koom Txoos puag muaj cai rov ua lub Cim Ntxuav thaum nws txoj pa tu lawm?

Lus teb:

-Raws li txoj cai mas tus neeg yuav tsum txais lub Cim Ntxuav ua ntej nws txoj sia tu. Li ntawd yog ib tug neeg ua Ntuj Kev Cai lawm, nws txiav Dab lawm, tab sis nws tseem tsis tau txais lub Cim Ntxuav mas yog cov ib ncig paub tseeb mas yog nws muaj mob nyhav mas qhov yuav ua ua ntej tshaj yog nco ntsoov muab kiag ib qho dej, txawm tsis yog dej Foom Hmoov Zoo los tsis ua cas li, coj los tuav txog Leej txiv, Leej Tub thiab Leej Ntuj Plig luv npe ces ntxuav Plig rau nws. Muab ib qho dej, ces nej hais li no:

"Kuv hu txog Leej txiv, Leej Tub thiab Leej Ntuj Plig Lub Npe, kuv ntxuav koj, ces hliv ib qho dej me me rau sau tus neeg lub hauv pliaj."

Tab txawm koj tsis yog Txiv Plig, tsis yog Xib hwb los tsuav koj tau txais lub Cim Ntxuav lawm ces thaum maj tuaj, koj yeej muaj cai Ntxuav Plig rau ib tug neeg.

Thaum ib tug neeg tas txoj sia lub neej lawm mas peb yuav tsis ua lub Cim Ntxuav rau nws lawm, vim nws tus ntsuj plig twb tawm hauv nws lub cev lawm, ntxuav los tsi ntxiv dab tsi lawm.
. Li ntawd thiaj muaj los lus uas HT.Yes Xus hais tseg tias: Nej yuav ceev faj, zov hmo vim tssi paub tus tswv yuav rov los thaum twg. Yog kom peb npaj kom zoo, vim tsis paub lub neej yuav mus txog qhov twg xwb.


Nqai 2, tus neeg tas sim neej ntawd nws tsis tau txais Lub Cim Ntxuav lub Koom Txoos puas muaj cai ua cov kab ke xa plig, los sis Teev Ntuj pab tus tuag ntawd?

-Txawm nws tsis tau txais lub Cim Ntxuav los Tsoom Ntseeg thiab TP. yeej muaj cai mus teev Ntuj, ua lub Txoos Xav plig rau nws.

Nqai 3, tus neeg ntawd tsis tau Txais Lub Cim Ntxuav tiam si yog nws cia li noj yeeb noj tshuaj tuag, LKT puas muaj cai Teev Ntuj pab, thiab ua cov kab ke xa plig?

-Ib tug neeg nws tsis muaj cai yuav txo nws txoj sia, vim nws txoj sia yog Tswv Ntuj li, tsis yog nws li. Txo txoj sia mas yog txiav nws thiab Tswv Ntuj txoj kev lawm. Txo nws txoj sia, yog ib qho ua Txhaum Loj, yog ib qho txhaum nyhav heev.

Tab sis Yog nws txo nws txoj sia vim luag caij tsuj, quab yuam, nws xav muab nws txi rau ib qho laj thawj mas qhov nov yuav tsis yog ib qhov txhaum rau txoj kev ntseeg. Nyob hauv lub Koom Txoos Kas Tos Liv, lawv kuj zam rau tub neeg txo nws txoj sia, yog nws yog neeg vwm los yog nws muaj kev nyuaj siab dhau lawm. Raws li Thawj Rooj Ncauj Lus nyob Braga, xyoo 561 mas lawv kuj muab txoj cai nruj ua kom xoob dua tuaj, lawv kuj hais tias tus neeg txawm rov txo nws txoj sia los tej zaud nws twb Lees txhaum ua ntej nws txoj sia yuav tu ces twb Daws tau nws qhoc kev ua txhaum Loj lawm.

Txheej thaum ub, txoj kev ntseeg nruj heev, cov noj yeeb noj tshuaj tuag, lawv tsis ua cov kab ke ntseeg rau tus qauv, thiab lawv tsis pub muab faus rau thaj chaw ntshiab, lub toj ntxas cov ntseeg, lawv muab nws faus rau sab nraud. Tab sis txioj li Rooj Ncauj Lus Braga, xyoo 561 los ces lawv ua txoj cai xoob dua lawm. Thiaj muaj Thov Ntuj pab rau tus qauv.


Nqai 4, yog tias tus neeg tuag ntawd, nws tsev neeg ntseeg tas huv si. Tsuas yog Tshuav nws ib lees tsis tau los ntseeg, yuav ua li cas puas ua cov kab ke thiab Teej Ntuj pab?

- Kev teev Ntuj, kuv xav tias yuav tsum teev tib yam nkaus li uas ib tug twb tau Txais Lub Cim Ntxuav lawm thiab xwb. Yuav ua cov kab ke Xav plig kom tiav log rau nws.


Nqai 5, tus tuag ntawd nws txais Lub Cim Ntxuav lawm tiam sis yog nws civ txo nws txoj sia, puas muaj cai ua cov kab ke thiab Teev Ntuj pab?

- Nqe no, kuv twb teb nrog nqe 3 saud lawm.

Nqai 6, piv xam tus tuas ntawd tuag vim muaj kev tsi sib haum xeeb, es Nws li noj tshuaj tuag, puas muaj cai ua kab ke, Teev Ntuj rau?

- Kev tsis sib haum xeeb, los ntawm kev nyuaj siab, npau taws. Yog yuav hais los mas yus yuav tsum txuag yus txoj sia uas Tswv Ntuj muab rau yus, yus yuav tsum thev, nyiaj tej kev txom nyem, yus yuav tsum tu thiab nplij yus tus ntsuj plig kom dawb huv, yus yuav tsum hlub yus li yus hlub luag.


Nqai 7, tus neeg ntawd yog nws hau dej hau cawv tuag puas ua cov kab ke rau? Li no xwb vam hais tias nej yuav tsis xav li cas rau tug nug. Thov kom sawv daws nyob kaj lug.

- Ntawm lub Koom Txoos Kas Tos Liv mas tsis ciav cais cov neeg seem. Lawv tseem yuav tsum hlub cov neeg seem ntau dua cov neeg zoo. Li ntawd txawm tus neeg yuav quav yeeb quav cawv los peb yuav tsum hwm thiab nyiam nws li ib tug neeg zoo zoo thiab neeg nplua nuj. Vim Huab tais Ntuj twb hais tias: "tus twg zam ntau mas nws tau txais ntau, tus twg zam tsawg mas tau txais tsawg.

Kubv lam teb li kuv txawj teb xwb, cia seb leej twg ho tuaj teb ntxiv tej qhov uas kuv hais tau tsis ntxaws.



avatar
Tub Kawm
Phooj Ywg
Phooj Ywg

Messages : 406
Date d'inscription : 2011-10-13

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Tub Kawm on 11th February 2012, 2:01 am

Nyob og Niam hlob ua tsaug Nws tau tuaj teb cov lus no og. Vim tias nyob rau cov ua deb TP thiab leej Phauj mas, yog thaum muaj tej xwm li saum toj kuv hais no mas tsi pom qab yuav ua cas. Yog li kuv thiaj tau nug txog ob peb nqai li ntawd vam hais tias sawv daws yuav tsis to taub kuv yuam kev. Niam hlob Nws twb tuaj qhia kuv lawm kuv to taub lawm og, txij no mus tom ntej peb mam li coj raws li cov lus qhia no og. Mam sib ntsib dua.
avatar
Mim
Tswv Cuab Hmong Catholique
Tswv Cuab Hmong Catholique

Messages : 1810
Date d'inscription : 2009-10-16

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Mim on 11th February 2012, 8:16 am

Nyob zoo Txawj Tuam thiab tais Tooj,

Kuv tau tuaj nyeem Txawj Tuam cov lus nug thiab tais Tooj cov lus teb no lawm. Kuv xav tias tais Tooj teb tau zoo lawm. Ntawm no kuv tsuas yog tuaj ntxiv me ntsis rau raws li kuv to taub thiab xwb, tiam sis muaj qee yam mas ntshai peb yuav tsum tau nug cov txiv plig thiaj yuav paub tseeb dua. Kuv cov lus teb nrad yog cov ua tsos ntsuab.

Nqai 1, piv xam li muaj ib tus neeg ntseeg ntuj, tiam si thaum ua neej nyob nws tseem tsi tau txais lub Cim Ntxuav es Nws cia li tso lub ntiaj teb no tseg lawm, lub Koom Txoos puag muaj cai rov ua lub Cim Ntxuav thaum nws txoj pa tu lawm?
Lus teb:
-Raws li txoj cai mas tus neeg yuav tsum txais lub Cim Ntxuav ua ntej nws txoj sia tu. Li ntawd yog ib tug neeg ua Ntuj Kev Cai lawm, nws txiav Dab lawm, tab sis nws tseem tsis tau txais lub Cim Ntxuav mas yog cov ib ncig paub tseeb mas yog nws muaj mob nyhav mas qhov yuav ua ua ntej tshaj yog nco ntsoov muab kiag ib qho dej, txawm tsis yog dej Foom Hmoov Zoo los tsis ua cas li, coj los tuav txog Leej txiv, Leej Tub thiab Leej Ntuj Plig luv npe ces ntxuav Plig rau nws. Muab ib qho dej, ces nej hais li no:
"Kuv hu txog Leej txiv, Leej Tub thiab Leej Ntuj Plig Lub Npe, kuv ntxuav koj, ces hliv ib qho dej me me rau sau tus neeg lub hauv pliaj."

Tab txawm koj tsis yog Txiv Plig, tsis yog Xib hwb los tsuav koj tau txais lub Cim Ntxuav lawm ces thaum maj tuaj, koj yeej muaj cai Ntxuav Plig rau ib tug neeg.

Thaum ib tug neeg tas txoj sia lub neej lawm mas peb yuav tsis ua lub Cim Ntxuav rau nws lawm, vim nws tus ntsuj plig twb tawm hauv nws lub cev lawm, ntxuav los tsi ntxiv dab tsi lawm.. Li ntawd thiaj muaj los lus uas HT.Yes Xus hais tseg tias: Nej yuav ceev faj, zov hmo vim tssi paub tus tswv yuav rov los thaum twg. Yog kom peb npaj kom zoo, vim tsis paub lub neej yuav mus txog qhov twg xwb.


Nqai 2, tus neeg tas sim neej ntawd nws tsis tau txais Lub Cim Ntxuav lub Koom Txoos puas muaj cai ua cov kab ke xa plig, los sis Teev Ntuj pab tus tuag ntawd?
-Txawm nws tsis tau txais lub Cim Ntxuav los Tsoom Ntseeg thiab TP. yeej muaj cai mus teev Ntuj, ua lub Txoos Xav plig rau nws.
Yog li tais Tooj hais lawm. Yog nej twb paub tias tus neeg tab tom npaj txais lub Cim Ntxuav ntawd mob heev heev lawm, es yeej caum tsis tau xib hwb los txiv plig tuaj sai li ces nej ib tug uas paub cia li siv dej thiab hais cov lus tseem ceeb ua lub Cim Ntxuav rau nws xwb. Yog tus neeg tas txoj sia los lub Koom Txoos yeej saib tias nws yog neeg txais lub cim Ntxuav lawm. Nej yeej ua tau tas puas tsav yam kab ke xa plig, thaj txi ntuj raws Kas Tos Liv rau nws. Yog tias nws ho cia li rov zoo los, mas nej yuav tau qhia qhov ntawd rau txiv plig paub, es txaus txiv plig yuav ua li cas ntxiv los txiv plig mam ua rau. Tiam sis yog nej ho tsis muaj tus paub nyob ze li es tus neeg twb ho tas txoj sia lawm no los lub Koom Txoos txoj cai qhia hais tias nws tau txais lub Cim Ntxuav nyob hauv lub siab txoj kev xav (the Baptism of Desire/le baptême de désir) lawm. Ces nws yeej yog ib tug neeg ntseeg Kas Tos Liv lawm. Ces nej yeej ua tau tas cov kab ke xa plig, thaj txi ntuj rau nws.

Nqai 3, tus neeg ntawd tsis tau Txais Lub Cim Ntxuav tiam si yog nws cia li noj yeeb noj tshuaj tuag, LKT puas muaj cai Teev Ntuj pab, thiab ua cov kab ke xa plig?
-Ib tug neeg nws tsis muaj cai yuav txo nws txoj sia, vim nws txoj sia yog Tswv Ntuj li, tsis yog nws li. Txo txoj sia mas yog txiav nws thiab Tswv Ntuj txoj kev lawm. Txo nws txoj sia, yog ib qho ua Txhaum Loj, yog ib qho txhaum nyhav heev.

Tab sis Yog nws txo nws txoj sia vim luag caij tsuj, quab yuam, nws xav muab nws txi rau ib qho laj thawj mas qhov nov yuav tsis yog ib qhov txhaum rau txoj kev ntseeg. Nyob hauv lub Koom Txoos Kas Tos Liv, lawv kuj zam rau tub neeg txo nws txoj sia, yog nws yog neeg vwm los yog nws muaj kev nyuaj siab dhau lawm. Raws li Thawj Rooj Ncauj Lus nyob Braga, xyoo 561 mas lawv kuj muab txoj cai nruj ua kom xoob dua tuaj, lawv kuj hais tias tus neeg txawm rov txo nws txoj sia los tej zaud nws twb Lees txhaum ua ntej nws txoj sia yuav tu ces twb Daws tau nws qhoc kev ua txhaum Loj lawm.

Txheej thaum ub, txoj kev ntseeg nruj heev, cov noj yeeb noj tshuaj tuag, lawv tsis ua cov kab ke ntseeg rau tus qauv, thiab lawv tsis pub muab faus rau thaj chaw ntshiab, lub toj ntxas cov ntseeg, lawv muab nws faus rau sab nraud. Tab sis txioj li Rooj Ncauj Lus Braga, xyoo 561 los ces lawv ua txoj cai xoob dua lawm. Thiaj muaj Thov Ntuj pab rau tus qauv.
Qhov tais Tooj hais no mas yeej phim rau nqe 5, nqe 6, nqe 7 nrad tib si. Ib tug neeg uas nws txo nws txoj sia mas raws Tswv ntuj txoj cai, yuav yog ib qho txhaum nyhav dua tus neeg haus dej haus cawv tuag. Tus haus dej haus cawv tuag mas nws tsis xwb tim tua nws li tus noj yeeb noj tshuaj. Tiam sis txawm li cas los yog tus tuag yog ib tug quav dej quav cawv loj ces nws txoj kev quav dej quav cawv twb yog ib qho txhaum loj lawm thiab.

Yog tias tus tuag yeej tsis yog neeg quav dej quav cawv li, tiam sis zaum ntawd nws haus tau ntau zog lawm, los yog muaj neeg txhaus nws haus tau ntau zog lawm, los puas yog vim nws lub cev tsis muaj zog tiv cov cawv li niaj zaus es thiaj ua li ntawd, mas tej zaum nws lub txim txhaum kuj yuav tsis loj, los tej zaum nws kuj yuav tsis tau ua txhaum dab tsi los muaj. Thaum zoo li no ces tus neeg ntawd tsuas tuag li ib tug neeg mob tuag thiab xwb.
Qhov tseem ceeb yog qhov tias lub Koom Txoos txoj cai yeej pub kom peb ua kab ke xa plig, thov ntuj pab rau cov neeg uas lawv txo lawv txoj sia. Lawv haj yam yog cov uas peb yuav tsum thov ntuj heev rau. Cov lus no mas yog hais rau nqe 5, nqe 6, thiab nqe 7.

Nyob hauv nqe 3 no, Txawj Tuam nug tias tus uas tsis tau txais lub Cim Ntxuav, cia li noj yeeb noj tshuaj tuag. Qhov no mas nyob ntawm saib nws puas yog ib tug neeg uas npaj xav txais lub Cim Ntxuav xwb. Yog nws yog ces cov ntseeg yuav tsum tau ua nws lub ntees rau nws. Yog nws tsis npaj txais lub Cim Ntxuav li ces yuav tsum saib raws nqe 4 nrad lawm.


Nqai 4, yog tias tus neeg tuag ntawd, nws tsev neeg ntseeg tas huv si. Tsuas yog Tshuav nws ib lees tsis tau los ntseeg, yuav ua li cas puas ua cov kab ke thiab Teej Ntuj pab?
- Kev teev Ntuj, kuv xav tias yuav tsum teev tib yam nkaus li uas ib tug twb tau Txais Lub Cim Ntxuav lawm thiab xwb. Yuav ua cov kab ke Xav plig kom tiav log rau nws.
Ntawm ib tug neeg uas nws tsev neeg ntseeg tas tib si lawm tiam sis nws ho tsis ntseeg, mas kuv xav tias yuav muaj ob yam peb yam ua. Saib tus neeg ntawd ho tsis los ntseeg yog vim li cas? Puas yog nws yeej tsis nyiam kev ntseeg nws thiaj tsis kam los ntseeg li? Yog nws twb tsis nyiam li ntawd mas kuv xav hais tias tsev neeg tsis tas ua cov kab ke teev ntuj rau nws li, lawv mus thov kwv tij neej tsa tuaj ua qub kev cai rau nws xwb. Yog tias tsev neeg xav tias cia li tsis thov ntuj li lawv tsis zoo siab no los lawv ua ib nyuag qhov kev thov ntuj me me rau ib lub sij hawm thaum ua nws lub ntees Hmoob xwb. Yog tsev neeg tias kav liam los tsis teev ntuj li los tau.
Yog tias tus neeg ntawd nws tsis tau los ntseeg vim nws nyob deb nws tsev neeg, nws thiaj tsis paub txog Tswv Ntuj, tsis yog nws tsis yeem ntseeg , no mas kuv xav tias nyob ntawm tsev neeg txiav saib lawv xav ua li cas rau lawv tus neeg. Yog lawv xav kom pawg ntseeg pab ua kev thov ntuj rau no los pawg ntseeg muaj cai ua kev thov ntuj pab rau. Tiam sis hais txog yuav ua lub txoos xa plig tas nrho thiab thaj txi ntuj rau no mas kuv tseem tsis tau paub txog li thiab. Yuav tsum nug cov txiv plig saib lawv hais li cas xwb.


Nqai 5, tus tuag ntawd nws txais Lub Cim Ntxuav lawm tiam sis yog nws civ txo nws txoj sia, puas muaj cai ua cov kab ke thiab Teev Ntuj pab?
- Nqe no, kuv twb teb nrog nqe 3 saud lawm. [/color]

Nqai 6, piv xam tus tuas ntawd tuag vim muaj kev tsi sib haum xeeb, es Nws li noj tshuaj tuag, puas muaj cai ua kab ke, Teev Ntuj rau?
- Kev tsis sib haum xeeb, los ntawm kev nyuaj siab, npau taws. Yog yuav hais los mas yus yuav tsum txuag yus txoj sia uas Tswv Ntuj muab rau yus, yus yuav tsum thev, nyiaj tej kev txom nyem, yus yuav tsum tu thiab nplij yus tus ntsuj plig kom dawb huv, yus yuav tsum hlub yus li yus hlub luag.

Nqai 7, tus neeg ntawd yog nws hau dej hau cawv tuag puas ua cov kab ke rau? Li no xwb vam hais tias nej yuav tsis xav li cas rau tug nug. Thov kom sawv daws nyob kaj lug.
- Ntawm lub Koom Txoos Kas Tos Liv mas tsis ciav cais cov neeg seem. Lawv tseem yuav tsum hlub cov neeg seem ntau dua cov neeg zoo. Li ntawd txawm tus neeg yuav quav yeeb quav cawv los peb yuav tsum hwm thiab nyiam nws li ib tug neeg zoo zoo thiab neeg nplua nuj. Vim Huab tais Ntuj twb hais tias: "tus twg zam ntau mas nws tau txais ntau, tus twg zam tsawg mas tau txais tsawg.

avatar
Tub Kawm
Phooj Ywg
Phooj Ywg

Messages : 406
Date d'inscription : 2011-10-13

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Tub Kawm on 12th February 2012, 2:01 am

Nyob zoo Niam hlob thiab Mim. Thov ua tsaug rau neb lub sij hawm tau tuaj teb thiab qhia kom sawv daws to taub txog cov lus nug ntawd og. Thov koj HT Ntuj lub txiaj ntsim nrog nraim neb. (Ntawm no thov hais rau peb Ib tsoom kwv tij neej tsa uas ntseeg Ntuj uas nyob deb TP thiab deb Leej Phauj tias: yog thaum peb ntsib tej xwm no lawm, ais peb tsi paub xyov yuav ua li cas, mas peb yuav tsum coj raws li cov lus saum toj no, peb thiaj tsis yuam kev.) Kwv tij Huab Tais Tswv Ntuj mas tsis tau xav li neeg xav. Tswv ntuj yeej hlub sawv daws sib npaug zog, Tswv Ntuj tso nag los ywg rau cov neeg ncaj thiab cov neeg nkaus tej qoob loo kom hlob. Tswv Ntuj ua tshav tuaj ziab tas sawv daws tej qoob loo kom siav. Yog li ntawd peb twb los ntseeg lawm tsim nyog peb yuav teev ntuj pab rau cov neeg tau yuam kev ua txhaum loj xws li sau toj hais tas los no. Vim peb ntsia tsi pom lawv txoj kev txhau, yog li peb txhob muab txim rau lawv, thiaj yuav tsi muaj tus muab txim rau peb. Pe yuav tsum teev ntuj pab lawv kom lawv tus ntsuj plig tau saj Tswv Ntuj lub txiaj ntsim me ntsis. Cov txhaum uas lawv ua cia lwm hnub Tswv Ntuj mam ua tus txiav txim. Vim peb tsis paub tau.
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5252
Date d'inscription : 2009-08-18

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Maiv Tooj on 12th February 2012, 11:08 am



Nyob zoo Mim thiab tub Txawj Tuam,

Mim,

Yog kawg, tej yam xwm txheej no mas yuav tsum yog lub Koom Txoos teb cov lus mas thiaj li meej. Vim muaj tej yam mas zoo li kuj nyhav kawg, yus yuav teb tsis tau. Hais txog kev ua lub Txoos rau cov neeg txo nws txoj sia, mas kuv tsis tau nug qhov tseeb txog. Tab sis teev Ntuj rau mas kuv xav tias yog leej twg muaj pluaj siab dawb, yim teev Ntuj ntau rau cov neeg muaj kev ntxhov siab mas yim zoo xwb. Cia khoom tso mam maj mam txhais tej NQE LUS zoo li no kom ntxaws thiaj li paub meej. Kom peb ua dab tsi los peb thiaj li ua tso siab lug, tsis muaj qhov ua xyem xyav, tsis muaj qhov yuam kev.



avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5252
Date d'inscription : 2009-08-18

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Maiv Tooj on 15th February 2012, 7:33 am



Nyob zoo tub Txawj Tuam,

Kuv hais rau koj paub tias kuv muab koj lub Topic:

Kev nug thiab sib qhia txhiaj li txawj "SIB COJ NOJ SIB QHIA HAUS"


Tshais chaw mus rau hauv Chav Tham txhua Yam lawm. Nws tssi nyob hauv Chav Nthuav Ntawv Ntshiab lawm.

http://hmongcatholique.forumdediscussions.com/f8-tham-txhua-yam-ntseeg-ntuj-sib-fim-txuj



avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5252
Date d'inscription : 2009-08-18

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Maiv Tooj on 15th February 2012, 8:25 am



TSIS XAV UA NEEG LAWM.


Koj hais tias nyob rau lub ntiaj teb no,
koj xav mus xav los yeej kawg kev lawm,
yeej tsis muaj ib txoj hauv kev rau koj taug lawm,
koj txo koj txoj sia thiaj yog ib qho zoo rau koj,
coj koj mus rau ib qho chaw zoo.
Tiam sis kuv hais rau koj tias koj yuam kev lawm ntau
uas koj yuav tsis pom Tswv Ntuj ib sim neej.
Koj yuav tsis tau qhov chaw uas tau so kaj siab lug.
Yog koj txo koj txoj sia lawm, koj yeej tsis mus txog saum Ntuj;
vim koj tua koj txoj sia, yog lub txhaum loj tshaj plaws,
qhov txiav txim raug dhau lawm ces koj yuav tsis muaj lus hais rau
Tswv Ntuj tus uas muab txoj sia rau koj los nyob ntiaj teb.
Koj tus ntsuj plig cia li poob li nthav mus tiaj lias dab phem cov chaw nyob,
tsaus ntuj nti, quaj tag koj sim neej.
Vim cov dab phem qias neeg yuav tsim txom koj tsis tseg mus tsis muaj lub caij kawg.
Koj yeej hnob mob tshaj plaws hauv koj lub cev tsis tseg
vim koj tus ntsuj plig nws muaj lub siab lub ntsws,
lub tswv yim ib yam li thaum koj nyob ntiaj teb.

Tus sau: MD






avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5252
Date d'inscription : 2009-08-18

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Maiv Tooj on 15th February 2012, 8:41 am



THAUM KOJ NYUAJ SIAB.


Nyob ntiaj teb, thaum koj lub siab quaj
Ces nco txog Huab tais Yes Xus
Yog koj nco txog nws lawm,
Nws yeej yuav pov hwm koj xwb
Huab tais Yes Xus yeej yuav tssi tso koj tseg
Nws yeej yuav xav kev kaj lug tuaj nyob hauv koj lub siab.

Tus sau: MD






Sponsored content

Re: Kev nug thiab sib qhia txhiaj li txawj "SIB COJ NOJ SIB QHIA HAUS"

Post  Sponsored content

  • Post new topic

Current date/time is 30th May 2017, 2:09 am